தமிழகத்தில் தியேட்டர், புறநகர் மின்சார ரயில் சேவைகளுக்கு அனுமதி

தமிழகத்தில்  நவம்பர் 10-ஆம் தேதி முதல் 50 சதவீத இருக்கைகளுடன் திரையரங்குகளை திறக்க தமிழக அரசு அனுமதி அளித்துள்ளது. அத்துடன் பொதுமக்களுக்கான புறநகர் மின்சார ரயில் போக்குவரத்து சேவை, மத்திய அரசின் முடிவுக்கு ஏற்ப நிலையான வழிகாட்டு நெறிமுறைகளை பின்பற்றி இயங்க தமிழக அரசு அனுமதி அளித்துள்ளது.
http://dlvr.it/RklQ6y

Read More

இயக்குநரான நடிகர் மனோஜ்: படத்தின் அறிவிப்பு வெளியீடு!

பாரதிராஜாவின் மகனும் நடிகருமான மனோஜ் முதன்முதலாக இயக்கவிருக்கும் புதிய படத்தின் அறிவிப்பு இன்று வெளியாகி இருக்கிறது! கடந்த 1977 ஆம் ஆண்டு வெளியான ‘பதினாறு வயதினிலே” படத்தின் மூலம் இயக்குநராக அறிமுகமானார் பாரதிராஜா. முதல் மரியாதை, கடலோர கவிதைகள்,  வேதம் புதிது, கிழக்கு சீமையிலே, கருத்தம்மா உள்ளிட்ட  தமிழக மக்களால் எப்போதும் போற்றப்படும் சிறந்த படங்களை இயக்கியுள்ளார். இவரது படங்கள் ஆறு முறை தேசிய விருதை வென்றுள்ளது. ’இயக்குநர் இமயம்’ என்று பாராட்டப்படும் பாரதிராஜா தனது மகன் மனோஜை தன்னைப்போலவே இயக்குநராக்காமல் கடந்த 1999 ஆம் ஆண்டு வெளியான ‘தாஜ்மஹால்’ படத்தின் மூலம் நடிகராக்கினார்.   சமுத்திரம், கடல் பூக்கள், அல்லி அர்ஜுனா, வருஷமெல்லாம் வசந்தம், அன்னக்கொடி உள்ளிட்ட படங்களில் நடித்த மனோஜால் எதிர்பார்த்தப்படி முன்னனி நடிகராக முடியாததால், மீண்டும் அப்பாவின் பாதைக்கு திரும்பினார். நடிக்க வருவதற்கு முன்பே ’பம்பாய்’ படத்தில் மணிரத்னத்திடம் உதவி இயக்குநராக பணிபுரிந்தார் மனோஜ். நடிகரான பின் ஷங்கரின் ‘எந்திரன்’ படத்திலும் உதவி இயக்குநராக பணியாற்றினார்.   எப்போது படம் இயக்குவார் என்று அனைவரும் எதிர்பார்த்திருந்த நிலையில், இன்று மனோஜின் படத்தை தயாரிக்கவிருக்கும் LIBRA Production இன்று தனது ட்விட்டர் பக்கத்தில், Happy to share @LIBRAProduc Set to launch the #ProductionNo7 Directorial Debut of @manojkumarb_76 with blessings of @offBharathirajaInteresting & Impressive details of Cast & Crew revealing soonShoot Starts & Release on 2021 @onlynikil @lightson_media pic.twitter.com/Cthqdkd7UG — LIBRA Production (@LIBRAProduc) October 31, 2020 ‘பாரதிராஜாவின் ஆசீர்வாதங்களுடன் அறிமுக இயக்குநர் மனோஜ் இயக்கும் புதிய படம் துவங்கவிருக்கிறது. இப்படத்தின், நடிகர் நடிகைகளின் விவரங்கள் விரைவில் வெளியிடப்படும். படம் அடுத்த ஆண்டு வெளியாகும்’ என்று அறிவித்திருக்கிறது.  
http://dlvr.it/RklQ5X

Read More

கண்டு ரசிக்க தயாராக இருங்கள்...! இன்று வானில் தெரியும் ‘ப்ளூ மூன்’..!

இரண்டு அல்லது மூன்று ஆண்டுகளுக்கு ஒருமுறை வரும் ‘ப்ளூ மூன்’ நிகழ்வு இன்று நிகழ இருக்கிறது. இரண்டு அல்லது மூன்று ஆண்டுகளுக்கு ஒருமுறை வரும் (நீல நிலா) ‘‘ப்ளூ மூன்’’ நிகழ்வு இன்று ஏற்பட உள்ளது. இதை தவறவிட்டால் 2023-ம் ஆண்டு ஆகஸ்ட் மாதம்தான் மறுபடியும் இதனை பார்க்க முடியும். ‘ப்ளூ மூன்’ என்று கூறுவதால் நிலவின் நிறத்தில் பெரிய மாறுபாடு எதுவும் இருக்காது. இது முழுக்க முழுக்க பவுர்ணமியின் கால நேரத்தை பொறுத்தது என்று நாசா விளக்கி உள்ளது. ஒரே மாதத்தில் வரும் இரண்டு பவுர்ணமியில் இரண்டாவதாக வரும் பவுர்ணமியே ‘ப்ளூ மூன்’ ஆகும். மாதத்தில் ஒரு முறை மட்டுமே பவுர்ணமி வரும். எப்போதாவது சில சமயங்களில் இரண்டு பவுர்ணமி வந்துவிடும். 29 நாட்களுக்கு ஒரு முறை வரும் பவுர்ணமி, மாதத்தில் 30 அல்லது 31 நாட்கள் இருப்பதால், சராசரியாக 2½ ஆண்டுகளுக்கு ஒரு முறை ஒரே மாதத்தில் இரண்டு பவுர்ணமிகள் வந்துவிடுகிறது. இந்த ‘ப்ளூ மூன்’ வடக்கு மற்றும் தென் அமெரிக்கா, ஆப்ரிக்கா, ஐரோப்பா மற்றும் ஆசியாவின் பல பகுதிகளில் தெரியும். இதை புகைப்படம் எடுப்பது அவ்வளவு சுலபமில்லை என்கிறார் வானியல் கல்வியாளர் ஜெப்பரி ஹண்ட் என்பவர்.‘ப்ளூ மூனை ஸ்மார்ட் போனில் புகைப்படம் எடுத்தால் ஏமாற்றமே மிஞ்சும். டெலிபோட்டோ உதவியுடன் எடுத்தால் நிலவை சற்று பெரிதாக காட்டும் என அவர் கூறியுள்ளார். இந்த புளூ மூனை தவறவிட்டால் அடுத்து வரும் 2023 ஆகஸ்ட் 31-ம் தேதியும், 2026 மே 31-ம் தேதியும், 2028 டிசம்பர் 31-ம் தேதியும் இது மீண்டும் தோன்ற உள்ளது குறிப்பிடத்தக்கது.
http://dlvr.it/RkjK0R

Read More

பியூச்சர், ரிலையன்ஸ் இடையில் ஒப்பந்தம் கூடாது - எதிர்க்கும் அமேசான்!

பியூச்சர் ரீடெயில் மற்றும் ரிலையன்ஸ் இந்தியா நிறுவனங்களுக்கு இடையேயான 3.4 பில்லியன் அமெரிக்க டாலருக்கான ஒப்பந்தத்திற்கு மும்பை பங்குச் சந்தை ஒப்புதல் அளிப்பதற்கு மறுப்பு தெரிவித்துள்ளது அமேசான் நிறுவனம்.  இந்த ஒப்பந்தத்தில் விதிமுறைகள் மீறப்பட்டுள்ளதாக சொல்லி சிங்கப்பூர் நீதிமன்றத்தில் வழக்கு தொடுக்க பட்டிருந்தது. அதனையடுத்து அந்த வழக்கை விசாரித்த நடுவர் ஒப்பந்தத்தை நிறுத்தி வைக்குமாறு உத்தரவிட்டார்.  இதனையடுத்து இரண்டு இந்திய நிறுவனங்களும் எந்தவித தாமதமும் இல்லாமல் இந்த ஒப்பந்தத்தை விரைவில் முடிக்க உள்ளதாக அறிவிப்பு வெளியிட்டது.  இதனையடுத்து SEBI, தேசிய பங்குச் சந்தை மற்றும் மும்பை பங்குச் சந்தை என மூன்றிற்கும் நீதிமன்ற உத்தரவை சுட்டிக்காட்டி இந்த ஒப்பந்தத்திற்கு ஒப்புதல் அளிக்க வேண்டாம் என எழுத்துப்பூர்வமாக வலியுறுத்தியுள்ளது.  இதனையடுத்து இந்த விவகாரத்தில் மும்பை பங்குச் சந்தை, SEBI-யின் கருத்தை கேட்டுள்ளதாகவும் தெரிகிறது.  இருப்பினும் இந்த வழக்கை பொறுத்தவரை சிங்கப்பூர் நீதிமன்றம் கொடுத்த உத்தரவை இந்தியாவில் அமல்படுத்த முடியாது என்றும் தெரிவித்துள்ளனர். அதனால் அமேசான் இந்திய நீதிமன்றத்தில் இந்த உத்தரவை பெற வேண்டும் எனவும் தெரிவித்துள்ளனர்.    
http://dlvr.it/RkhbwL

Read More

கேரளா: `சிவசங்கரனை காரணம் காட்டி அரசுக்கு எதிராக யுத்தம்!’ - பினராயி விஜயன் ஆவேசம்

கேரள முதல்வர் பினராயி விஜயன் கொரோனா சம்பந்தமாக செய்தியாளர்கள் சந்திப்பை தினமும் நடத்தி வருகிறார். அதில் தங்கம் கடத்தல் வழக்கில் சிவசங்கரன் ஐ.ஏ.எஸ் கைது செய்யப்பட்டது குறித்தும், போதைபொருள் கடத்தல் கும்பலுடன் தொடர்பில் இருந்ததாக சி.பி.எம் கேரள மாநில செயலாளர் கொடியேரி பாலகிருஷ்ணனின் மகன் பினீஸ் கொடியேரி கைது செய்யப்பட்டது குறித்தும் செய்தியாளர்கள் கேள்வி எழுப்பினர். இது சமந்தமான அனைத்து கேள்விகளையும் கேட்குமாறு கூறிய பினராயி விஜயன் பின்னர் செய்தியாளர்களிடம், ``ஒரு அதிகாரியின் செயல்களை அரசின் தலையில் கட்டிவைத்து, அரசின் மீது ஊழல் குற்றச்சாட்டை கூறிக்கொண்டிருக்கிறார்கள். அதை தீவிரமாக்கவும் முயல்கிறார்கள். இந்த அரசு எந்த ஊழலையும் பார்த்துக்கொண்டிருக்காது. நாட்டை புதிய தரத்தில் உயர்த்தும் விதமாக அரசு செயல்படுகிறது. தவறான பிரசாரங்கள் மூலம் அதை மறைக்கப்பார்க்கிறார்கள்” என்றார். கைது செய்யப்பட்ட ஐ.ஏ.எஸ் அதிகாரி சிவசங்கரன் தொடர்ந்து, ``யு.ஏ.இ தூதரக பார்சலில் வந்த 14 கிலோ தங்கம், விமான நிலைய சோதனையில் கண்டெடுக்கப்பட்டது. சுங்கத்துறையினர் அவரது பணி சம்பந்தமாக செய்த சோதனையில் டியூட்டி செலுத்தாமல் கொண்டுவரப்பட்ட தங்கத்தை கண்டுபிடித்தனர். இதில் யு.ஏ.இ தூதரகத்தைச் சேர்ந்த சிலர் மீது வழக்குபதிவு செய்ததுடன், கைதும் செய்துள்ளனர். இதில் கேரள கேடரில் ஐ.ஏ.எஸ் அதிகாரியான சிவசங்கரனுக்கு தொடர்பு உண்டு என்ற விபரம் கிடைத்ததும் மாநில அரசு தலையிட்டு அவரை பதவியில் இருந்து மாற்றியது. மேலும் தலைமைச் செயலாளர் தலைமையில் விசாரணை நடத்தப்பட்டது. அதன்படி சிவசங்கரை சஸ்பெண்ட் செய்ததுடன் அதுதொடர்பாக துறை ரீதியாக விசாரணையும் நடத்தி வருகிறோம். இந்த சம்பவத்தில் மாநில அரசை குற்றம் சொல்ல ஒன்றும் இல்லை. ஸ்வப்னா சுரேஷ் ஸ்பேஸ் பார்க்கில் ஒப்பந்த அடிப்படையில் பணி செய்திருந்தார். அவர்மீது குற்றச்சாட்டு வெளியானதும் அவரை பணியில் இருந்து நீக்கியதுடன், அவர் குறித்து விசாரணைக்கும் உத்தரவிட்டது அரசு. மத்திய அரசின் சுங்கத்துறை விதியை மீறிய சம்பவம் வெளியில் வந்ததால், சுங்கத்துறை நடவடிக்கை எடுத்த கேசை திசை மாற்றி மாநில அரசு மீதும், முதல்வர் அலுவலகத்தின் தலையிலும் கட்டி வைக்க எதிர்கட்சியும் மற்றும் சிலரும் முயல்கிறார்கள்” என்றும் குற்றம் சாட்டினார். மேலும், ``இந்த அரசு அமைவதற்கு முன் சிவசங்கரை எனக்கு தெரியாது. அரசு வந்ததும் தலைமைக்கு உத்யோகஸ்தர்கள் குறித்து விசாரித்தோம். பதவி உயர்வில்தான் முதன்மை செயலாளராக சிவசங்கரன் நியமிக்கப்பட்டார். கட்சி நிர்பந்தத்தால் சிவசங்கரனை நியமித்ததாக கூறுவது தவறு. அப்படி கட்சி நிர்பந்திக்கவும் செய்யாது. சிவசங்கரின் செயல்பாடுகளுக்கு அரசு பொறுப்பு ஏற்க முடியாது. கேரளத்தில் 9 சதவீதம் மக்கள் வெளிநாடுகளில் பணிக்காக சென்றுள்ளார்கள். அதில் 22 லட்சம் மக்கள் வளைகுடா நாடுகளில் உள்ளனர். 2016 யு.ஏ.இ தூதரகம் தொடங்கப்பட்டது. அதனால் அவர்கள் நடத்தும் நிகழ்வுகளில் கலந்துகொள்வது வழக்கம்.பினராயி விஜயன் அகில இந்திய சர்வீசில் உள்ள அந்த அதிகாரியின் தொடர்புகளுக்கும், தனிப்பட நடவடிக்கைகளும் மாநில அரசு பொறுப்பு ஏற்கமுடியாது. அவரது செயல்பாடுகள் அரசை பாதிக்கும் என கண்டறியப்பட்டதும் நடவடிக்கை எடுக்கப்பட்டுள்ளது. எனவே சிவசங்கரனை காரணம் காட்டி அரசுக்கு எதிராக யுத்தம் நடத்துவது அவசியமற்றது" என்றார். ஆனால் சி.பி.எம் மாநில செயலாளர் கொடியேரி பாலகிருஷ்ணனின் மகன் பினீஸ் கொடியேரி கைது செய்யப்பட்டது குறித்து எந்த பதிலும் கூறாமல் பேட்டி நிறைநிறைவு செய்துவிட்டார் பினராயி விஜயன்.
http://dlvr.it/Rkhbs7

Read More

'ஓட்டுன்னு போட்டா ரஜினிக்குதான்' - நேற்று ட்ரெண்டிங்.. இன்று போஸ்டர்..!

சமூக ஊடகங்களில் நடிகர் ரஜினிகாந்த் பெயரில் ஒரு கடிதம் பரவியது. அதில் ரஜினியின் உடல்நலம் குறித்தும், தற்போதைய கொரோனா காலத்தில் ரஜினி மக்களை சந்தித்து அரசியல் பணிகளில் ஈடுபடுவதை தவிர்க்க வேண்டும் என மருத்துவர்கள் வலியுறுத்தியதாகவும் தெரிவிக்கப்பட்டு இருந்தது. அதனால், அரசியல் கட்சி தொடங்கும் முன்பே ரஜினி அதனை கைவிட திட்டமிட்டுள்ளது போன்ற கருத்து பரவியது. இது ரஜினி ரசிகர்கள் மத்தியில் அதிர்ச்சியை ஏற்படுத்தியது. இந்த நிலையில் ரஜினிகாந்த் தனது ட்விட்டர் பக்கத்தில் விளக்கம் அளித்தார். அதாவது, “என் அறிக்கை போல ஒரு கடிதம் சமூக வலைத்தளங்களிலும் ஊடகங்களிலும் தீவிரமாகப் பரவிக் கொண்டு வருகிறது. அது என்னுடைய அறிக்கை அல்ல என்பது அனைவருக்கும் தெரியும். இருப்பினும் அதில் வந்திருக்கும் என் உடல்நிலை மற்றும் எனக்கு மருத்துவர்கள் அளித்த அறிவுரைகள் குறித்த தகவல்கள் அனைத்தும் உண்மை. இதைப்பற்றி தகுந்த நேரத்தில் மக்கள் மன்ற நிர்வாகிகளோடு கலந்தாலோசித்து எனது அரசியல் நிலைப்பாட்டை மக்களுக்குத் தெரிவிப்பேன்” என்று தெரிவித்திருந்தார். இதற்கு அரசியல் விமர்சகர்கள் கடும் விமர்சனங்களை முன் வைத்து வருகின்றனர். அரசியலுக்கு வருவதற்கு ரஜினிக்கு விருப்பம் இல்லை எனவும் அதிலிருந்து நழுவுவதற்கே முற்பட்டு வருகிறார் எனவும் கருத்துகளை முன்வைத்து வருகின்றனர். அதேவேளையில் ரஜினிக்கு ஆதரவாகவும் இணையத்தில் பலரும் கருத்து தெரிவித்தனர். 'ஓட்டுன்னு போட்டா ரஜினிக்குதான்' என்ற ஹேஷ்டேக் ட்விட்டரில் இந்திய அளவில் ட்ரெண்டானது. இந்நிலையில் அதேவாசகத்துடன் 'நீங்க வாங்க ரஜினி எங்கள் ஆதரவு உங்களுக்குத்தான்' என எழுதப்பட்ட போஸ்டர்கள் சென்னை நகரில் ஒட்டப்பட்டுள்ளன. இப்படிக்கு மாற்றத்தை விரும்பும் மக்கள் என போஸ்டரில் குறிப்பிடப்பட்டுள்ளது.
http://dlvr.it/RkdqBX

Read More

“20 பொறியியல் கல்லூரிகளில் ஒருஇடம் கூட நிரம்பவில்லை” - வெளியான அதிர்ச்சி தகவல்

தமிழகத்தில் 20 பொறியியல் கல்லூரிகளில் ஒரு இடம் கூட நிரம்பவில்லை என்ற அதிர்ச்சி தகவல் வெளியாகியுள்ளது. தமிழகத்தில் 461 பொறியியல் கல்லூரிகளில் உள்ள ஒரு லட்சத்து 63,154 இடங்களை நிரப்புவதற்கான இணைய வழி கலந்தாய்வு, கடந்த அக்டோபர் ஒன்றாம் தேதி முதல் நடைபெற்று வந்தது. நேற்று வரை இறுதி கட்ட கலந்தாய்வு நடைபெற்றது. மொத்த கலந்தாய்வுக்கான இடங்கள் - 1,63,154கலந்தாய்வு மூலம் ஒதுக்கீடு செய்யப்பட்ட இடங்கள் - 69,752 (62.9%)கலந்தாய்வை புறக்கணித்தவர்கள் - 41,084 (37.3%) பொது கலந்தாய்வில் பங்கேற்காதவர்களின் எண்ணிக்கை கடந்த வருடத்தை விட 12 சதவீதம் அதிகரித்துள்ளது. 12 அரசு பொறியியல் கல்லூரிகள், ஒரு அரசு உதவி பெறும் பொறியியல் கல்லூரி மற்றும் ஒரு தனியார் பொறியியல் கல்லூரியில் மட்டுமே 100 சதவீதம் இடங்கள் நிரம்பியுள்ளன. இதில், கிண்டி பொறியியல் கல்லூரி, அழகப்பா பொறியியல் கல்லூரி, குரோம்பேட்டை மெட்ராஸ் தொழில்நுட்ப நிறுவனம் உள்ளிட்டவை அடங்கும். தமிழகத்தில் 20 பொறியியல் கல்லூரிகளில் ஒரு இடம் கூட நிரம்பவில்லை என்ற அதிர்ச்சி தகவல் வெளியாகியுள்ளது. கடந்த வருடம் 16 பொறியியல் கல்லூரிகளில் ஒரு இடம் கூட நிரம்பவில்லை. பொதுக் கலந்தாய்விற்கு பிறகும் 461 பொறியியல் கல்லூரிகலில் உள்ள 56.4 சதவீதம் இடங்கள் காலியாகவே உள்ளன. பொதுக்கலந்தாய்வில் கலந்து கொள்ள 1,10,836 பேருக்கு அழைப்பு விடுக்கப்பட்டது. ஆனால், நான்கு கட்டங்களாக நடத்தப்பட்ட கலந்தாய்வில் 69,752 இடங்களுக்கு மட்டுமே மாணவர்கள் சேர்க்கப்பட்டுள்ளனர். ராணுவம், விளையாட்டு உள்ளிட்ட சிறப்பு பிரிவுகளில் 1,443 இடங்கள் ஒதுக்கீடு செய்யப்பட்டுள்ளன. ஒட்டுமொத்தமாக உள்ள 1,63,154 இடங்களில் 71,195 இடங்கள் மட்டுமே நிரம்பியுள்ளன. அதாவது, 43.6 சதவீதம் இடங்கள் மட்டும் நிரம்பியுள்ளன. மீதமுள்ள 56.4 சதவீதம் அதாவது 91,959 இடங்கள் காலியாக உள்ளன. கடந்த ஆண்டு 48.2 சதவீதம் இடங்கள் கலந்தாய்வு மூலம் நிரம்பியிருந்தன. இந்தாண்டு 4.6 சதவீதம் குறைந்துள்ளது. நிரம்பிய இடங்கள்: 13 கல்லூரிகளில் 100 சதவீதம்26 கல்லூரிகளில் 90-99 சதவீதம்100 கல்லூரிகளில் 50-89 சதவீதம்128 கல்லூரிகளில் 25-49 சதவீதம்91 கல்லூரிகளில் 10-24 சதவீதம்83 கல்லூரிகளில் 1-9 சதவீதம்20 கல்லூரிகளில் 0 சதவீதம் கொரோனா நோய் தொற்றின் தாக்கம் காரணமாக கடந்த ஆண்டினை காட்டிலும் 5 சதவீதம் அளவிற்கு மாணவர் சேர்க்கை குறைந்துள்ளன. இருப்பினும் முக்கியமான கல்லூரிகளில் பெருவாரியான இடங்களில் நிரம்பியுள்ளன. மோசமான, அடிப்படை வசதிகள் இல்லாத காரணத்தினாலேயே பல கல்லூரிகளை மாணவர்களும், பெற்றோர்களும் புறக்கணித்துள்ளதாகவும் கூறப்படுகிறது.
http://dlvr.it/RkcyMm

Read More