அண்ணா பல்கலை.,க்கு சிறப்பு அந்தஸ்து தேவையில்லை - தமிழக அரசு கடிதம்

அண்ணா பல்கலைக்கழகத்திற்கு உயர் சிறப்பு அந்தஸ்து தேவையில்லை என தமிழக அரசு மத்திய அரசுக்கு கடிதம் எழுதியுள்ளது. தருமபுரியில் உயர்க் கல்வித்துறை அமைச்சர் கே.பி.அன்பழகன் செய்தியாளர்களை சந்தித்தார். அப்போது பேசிய அவர், “அண்ணா பல்கலைக்கழகத்திற்கு உயர் சிறப்பு அந்தஸ்து கிடைத்தால் 69 சதவீத இடஒதுக்கீடு பாதிக்கப்படும். அத்துடன் கல்விக்கட்டணம் அதிகரித்து மாணவர்கள் பாதிக்கப்படும் நிலை உருவாகும். சிறப்பு அந்தஸ்திற்காக தமிழக அரசு எதையும் பறிகொடுக்க தேவையில்லை. எனவே அண்ணா பல்கலைக்கழகத்திற்கு உயர் சிறப்பு தகுதி தேவையில்லை என தமிழக அரசு முடிவெடுத்துள்ளது” எனத் தெரிவித்திருந்தார். இந்நிலையில் அண்ணா பல்கலைக்கழகத்திற்கு உயர் சிறப்பு அந்தஸ்து தேவையில்லை என தமிழக அரசு மத்திய அரசுக்கு கடிதம் எழுதியுள்ளது. கே.பி.அன்பழகன், செங்கோட்டையன், சி.வி.சண்முகம், ஜெயக்குமார், தங்கமணியை கொண்ட தமிழ அரசு அமைத்த குழு மத்திய அரசுக்கு அதிகாரப்பூர்வமாக இந்த பதிலை அளித்துள்ளது.
http://dlvr.it/RktqbG

Read More

குழந்தைகள் போல் சறுக்கி விளையாடும் நீர் நாய்கள்: வைரல் வீடியோ

குழந்தைகள்போல் நீரில் சறுக்கி விளையாடும் நீர் நாய்களின் வீடியோ ஒன்று சமூக வலைதளங்களில் வைரல் ஆகியுள்ளது.  Otters enjoying water slide pic.twitter.com/F7Fk3Y0tzK — The Feel Good Page ❤️ (@akkitwts) November 2, 2020 மேலிருந்து கீழே வழுக்கிக்கொண்டே வந்து விழும் சறுக்கல் விளையாட்டு குழந்தைகளுக்கு மட்டுமல்ல. பெரியவர்களையும் குழந்தைகளாக்கும் விளையாட்டு. அதனாலேயே, பெரிய பெரிய தீம் பார்க்குகளில் நீரில் சறுக்கும் விளையாட்டுகள் உள்ளன. பூங்காக்களில் கூட குழந்தைகள் விளையாட சறுக்கும் விளையாட்டு சாதனங்கள் போட்டப்பட்டிருக்கும். கிராமங்களில்கூட மழைக்காலங்களில் பெரிய பெரிய மேடுகளிலிருந்து சிறுவர்கள் சறுக்கி விழுந்து விளையாடுவார்கள். எல்லா தரப்பினரையும் ஈர்த்த இந்த விளையாட்டு விலங்குகளை மட்டும் ஈர்க்காமல் போய்விடுமா என்ன?   The Feel Good Page  என்ற ட்விட்டர் பக்கத்தில் பகிரப்பட்டுள்ள அந்த வீடியோவில், நீர் வழியும் சறுக்கான வாய்க்காலில் வழுவழுப்புடன் இருக்கும் நான்கைந்து நீர்நாய்கள் வரிசையாக குதூகலத்துடன் சறுக்கிக்கொண்டு வந்து விழுகின்றன. அதேபோல், கீழே நீரில் விழுந்ததும் மீண்டும் சறுக்கி விழ மேலே ஆசையுடன் செல்கின்றன. இந்த வீடியோவைப் பார்க்கும் நம்மையும் சறுக்கிச் சென்று குதூகலிக்க மனம் குத்தாட்டம் போடுகிறது.
http://dlvr.it/RksvYf

Read More

பாலியல் வன்கொடுமை; சுயமரியாதைப் பெண்! - கேரள காங்கிரஸ் தலைவரின் சர்ச்சை பேச்சு

இந்தியாவில் கம்யூனிஸ்ட் ஆளும் ஒரே மாநிலமான, கேரளாவில் இடதுசாரி ஜனநாயக முன்னணிக் கூட்டணி (Left Democratic Front - LDF), மார்க்சிஸ்ட் கம்யூனிஸ்ட் கட்சியை முக்கியத் தலைமையாக வைத்துச் செயல்படுகிறது. எல்.டி.எஃப் கூட்டணியே தற்போது ஆட்சியிலும் இருக்கிறது. காங்கிரஸ் தலைமையிலான ஐக்கிய ஜனநாயக முன்னணி (United Democratic Front - UDF) கூட்டணி எதிர்க்கட்சி அந்தஸ்தில் இயங்கிவருகிறது. கடந்த முறை ஆட்சி செய்த காங்கிரஸ் கட்சி, கடைசி நேரத்தில் சோலார் பேனல் மோசடி உள்ளிட்ட சர்ச்சைகளால் ஆட்சியை இழந்தது. கடந்த 2013-ம் ஆண்டு முதலமைச்சர் உம்மன் சாண்டி தலைமையிலான யு.டி.எஃப் அரசாங்கத்தின் ஆட்சியின்போது சோலார் பேனல் வழக்கு வெடித்தது. இந்த வழக்கில் குற்றம்சாட்டப்பட்ட முக்கியப் பெண் மூலம், ஆளும் கூட்டணியின் பல அரசியல் புள்ளிகள் சிக்கினர்.ஸ்வப்னா சுரேஷ் இந்தநிலையில், கேரள மாநிலம் தேர்தலைச் சந்திக்க இன்னும் ஆறு மாதங்களே இருக்கும் நிலையில் ஸ்வப்னா சுரேஷ் தங்கக் கடத்தல் விவகாரம், மார்க்சிஸ்ட் கம்யூனிஸ்ட் கட்சியின் மாநிலச் செயலாளா் கொடியேறி பாலகிருஷ்ணனின் இளைய மகன் பினீஷ் கொடியேறி போதைப்பொருள் கடத்தல் விவகாரம் உள்ளிட்ட பிரச்னைகளால் தற்போதைய கம்யூனிஸ்ட் ஆட்சிக்கு அடுத்த முறை ஆட்சி அமைப்பது சவாலாகிவருகிறது. இதையடுத்து, நேற்று மாநிலத் தலைநகர் திருவனந்தபுரத்தில் அரசுக்கு எதிரான ஆர்ப்பாட்டத்தில் கலந்துகொண்டு பேசிய கேரளா பிரதேச காங்கிரஸ் கமிட்டி தலைவர் முல்லப்பள்ளி ராமச்சந்திரன், சோலார் பேனல் வழக்கில் புகார்தாரரான பெண் குறித்து விமர்சித்துப் பேசினார். இது குறித்து முல்லப்பள்ளி ராமச்சந்திரன், ``ஒவ்வொரு நாள் காலை எழுந்திருக்கும்போதும், இந்தப் பெண் தன்னை யாரோ பாலியல் வன்கொடுமை செய்ததாகக் கூறிக்கொண்டே எழுந்திருக்கிறார். எல்.டி.எஃப் தீவிர முயற்சியாக ஒரு பாலியல் தொழிலாளியை யு.டி.எஃப்-க்கு எதிராகக் கொண்டு வந்து கதைகளைச் சொல்ல வைத்திருக்கிறது. முதல்வர் பினராயி விஜயன் அவர்களே, இந்த விளையாட்டு எங்களிடம் வேலை செய்யாது, இந்த பிளாக்மெயில் எங்களிடம் செல்லாது. ஒரு பெண் ஒரு முறை பாலியல் வன்கொடுமை செய்யப்படும்போது அதைப் புரிந்துகொள்ள முடியும். ஆனால் அவர் பலமுறை வன்கொடுமை செய்யப்படுவதாகக் கூறுகிறார். ஒரு முறை பாலியல் வன்கொடுமை செய்யப்பட்டாலே சுய மரியாதையுடனுள்ள ஒரு பெண் இறந்துவிடுவார் அல்லது மீண்டும் பாலியல் வன்கொடுமைக்கு ஆளாகாமல் தற்காத்துக்கொள்வார்" என்று முல்லப்பள்ளி ராமச்சந்திரன் கூறினார்.முல்லப்பள்ளி ராமச்சந்திரன் தொடர்ந்து அதே மேடையில், `எனது கருத்து யாரையும் புண்படுத்தியிருந்தால், நான் நிபந்தனையற்ற மன்னிப்புக் கேட்கிறேன். இதைப் பெண்கள் விரோதமாக சித்திரிக்கச் சில பகுதிகளில் பிரசாரங்கள் செய்யப்படுகின்றன. அது உண்மையல்ல, என்னுடைய கருத்து பெண் விரோதமாக இருந்தால் வருந்துவதாகவும்’ கூறினார். இந்தச் சம்பவம் குறித்து தன் முகநூல் பக்கத்தில் லைவ் வீடியோ மூலம் கண்டனம் தெரிவித்த பெண்கள் மற்றும் குழந்தைகள் மேம்பாட்டுத்துறை அமைச்சர் கே.கே.ஷைலஜா, ``பாலியல் வன்கொடுமை என்பது மிகவும் மோசமான குற்றம் என்பதை நாங்கள் அறிவோம்.பெண்கள் மற்றும் சிறுமிகளின் அனுமதியின்றி அவர்களின் மனதைத் தாக்குவது ஒரு கொடூரமான குற்றம். கே.பி.சி.சி தலைவர் முல்லப்பள்ளி ராமச்சந்திரன் கூறிய கருத்து சமூகத்துக்கு அவமானகரமானது. நம்மில் பெரும்பாலோர் சிறுமிகளையும் பெண்களையும் காப்பாற்றி, தாக்குபவரை தண்டிக்க விரும்புகிறவர்கள். வழிநடத்த வேண்டிய ஓர் அரசியல் தலைமை இப்படி இழிவான கருத்துகளை வெளியிட்டிருப்பது கண்டிக்கத்தக்கது” என்று கூறினார். கடந்த ஜூன் மாதம், அமைச்சர் ஷைலாஜாவுக்கு எதிராக அவதூறான கருத்துகளை வெளியிட்ட முல்லப்பள்ளி ராமச்சந்திரன், அவரை `கோவிட் ராணி', `நிபா இளவரசி' என்று அழைத்தார். COVID-19-ஐ கையாண்டதற்காக ஷைலாஜாவை ஒரு `ராக் ஸ்டார்’ என்றும் அழைத்து அவர் சர்ச்சையில் சிக்கியது குறிப்பிடத்தக்கது.
http://dlvr.it/RksvSX

Read More

`அது இந்தியாவின் பகுதி... உங்களுக்கு உரிமை இல்லை!’ - பாகிஸ்தானை எச்சரிக்கும் இந்தியா

காஷ்மீரின் ஒரு பகுதியாக இருந்துவந்த கில்கித்-பல்திஸ்தான் (Gilgit-Baltistan) பகுதிகள், 1947-ம் ஆண்டுக்கு பின்னர் பாகிஸ்தான் கட்டுப்பாட்டுக்குச் சென்றன. அதிலிருந்து பாகிஸ்தான் ஆக்கிரமிப்புப் பகுதிகளாக அறியப்படும் இந்தப் பகுதிகளில் பாகிஸ்தான் அரசு வரும் நவம்பர் 15-ம் தேதி சட்டப்பேரவை தேர்தல் நடத்தி, அதை பாகிஸ்தானின் 5-வது மாகாணமாக மாறறுவதற்குத் திட்டமிட்டிருப்பதாக அந்நாட்டுப் பிரதமர் இம்ரான் கான் சமீபத்தில் அறிவித்தார். இம்ரான் கான் இதற்கு பதிலளித்த இந்தியாவின் மத்திய வெளியுறவுத்துறை அமைச்சகம், `கில்கித்-பல்திஸ்தான் உட்பட ஜம்மு காஷ்மீர், லடாக்கின் ஒட்டுமொத்த பகுதிகளும் 1947-ம் ஆண்டு இணைப்பின்படி, இந்திய நாட்டுக்கு உட்பட்ட பகுதிகள். கடந்த 70 ஆண்டுகளாக பாகிஸ்தான் இந்தப் பகுதிகளைச் சட்டவிரோதமாக ஆக்கிரமித்து, அங்கிருக்கும் மக்களுக்கு அச்சுறுத்தல் கொடுத்துவருகிறது. இதனால் உடனடியாக அந்தப் பகுதிகளிலிருந்து பாகிஸ்தான் வெளியேற வேண்டும்’ என்று கூறியது. இந்தநிலையில், சவுதி அரேபியாவில் இந்த ஆண்டு நவம்பர் 21 மற்றும் 22-ம் தேதிகளில் நடக்கவிருக்கும் ஜி-20 உச்சி மாநாட்டை நினைவுகூரும்விதமாக 20-ரியால் (சவுதி நாட்டின் செலவாணி) நோட்டைக் கடந்த அக்டோபர் மாதம் 25-ம் தேதி வெளியிட்டது. இதன் பின்புறத்தில் அச்சிடப்பட்டிருந்த வரைபடத்தில் காஷ்மீரின் பாகிஸ்தான் ஆக்கிரமிப்புப் பகுதிகளாகக் கூறப்படும் கில்கித்- பல்திஸ்தான் பகுதிகளை பாகிஸ்தான் வரைபடத்திலிருந்து நீக்கி, புதிய வரைபடம் ஒன்றை வெளியிட்டிருக்கிறது. சவுதி அரேபியாவின் இந்த நகர்வு பாகிஸ்தானுக்கு அதிர்ச்சியை அளித்தது. Also Read: காஷ்மீர்: PoK பகுதிகளை பாகிஸ்தான் வரைபடத்திலிருந்து நீக்கிய சவுதி அரேபியா! - என்ன நடந்தது?இந்தியா, பாகிஸ்தான் இந்த விவகாரம் தொடர்பாக பேசிய மத்திய வெளியுறவுத்துறை செயலாளர் அனுராக் ஸ்ரீவாஸ்தவா, ``பாகிஸ்தானால் ஆக்கிரமிக்கப்பட்ட பகுதிகளில், அந்த நாட்டு அரசுக்கு எந்த உரிமையும் இல்லை. இந்தியாவின் ஒரு பகுதியில் மாற்றங்களைக் கொண்டுவருவதற்கான பாகிஸ்தானின் முயற்சியை இந்திய அரசு உறுதியாக நிராகரிக்கிறது. கில்கித்-பல்திஸ்தான் ஜம்மு காஷ்மீர் மற்றும் லடாக் யூனியன் பிரதேசங்கள் இந்தியாவின் ஒருங்கிணைந்த பகுதிகள். 70 ஆண்டுகளாக பாகிஸ்தானின் ஆக்கிரமிப்புப் பகுதியிலிருக்கும் மக்களுக்கும் சுதந்திரம் வழங்கப்பட வேண்டும். அதை எவராலையும் மறுக்க முடியது” என்றார்.
http://dlvr.it/Rkq3SL

Read More

`மதமாற்றத் திருமணங்களைக் கட்டுப்படுத்தத் தனிச் சட்டம்!’ - உ.பி அரசு திட்டம்

பிறப்பால் இஸ்லாமிய மதத்தைச் சேர்ந்த இளம்பெண் ஒருவர் இந்து மதத்தைச் சேர்ந்த ஒருவரை திருமணம் செய்து கொள்வதற்காக இந்து மதத்திற்கு மாறினார். திருமணமான மூன்று மாதங்களுக்கு பின்னர், உறவினர்களால் தங்கள் உயிருக்கு அச்சுறுத்தல் இருப்பதாகக் கூறி போலீஸ் பாதுகாப்புக்காக உத்தரப்பிரதேச மாநிலம் அலகாபாத் உயர்நீதிமன்றத்தில் மனுத் தாக்கல் செய்தார். இவ்வழக்கை எடுத்து விசாரித்த அலகாபாத் உயர்நீதிமன்ற நீதிபதி மகேஷ் சந்திர திரிபாதி, `திருமண நோக்கத்துக்காக மட்டும் மதம் மாறுவது ஏற்கத்தக்கதல்ல’ என்று உத்தரவிட்டு, வழக்கை தள்ளுபடி செய்தார்.திருமணம் இந்நிலையில், இவ்வழக்கினை மேற்கோள்காட்டி பேசிய உத்தரப்பிரதேச முதல்வர் யோகி ஆதித்யநாத், ``இந்தியாவின் பல மாநிலங்களில் இதுபோன்ற சம்பவங்கள் நிகழ்ந்து வருவது, தற்போது வெளிச்சத்துக்கு வந்துள்ளது. தங்களின் சுய அடையாளங்களை மறைத்துக்கொண்டு அப்பாவிப் பெண்களை ஏமாற்றி திருமணம் செய்துகொண்டு, பெண்களின் வாழ்க்கையை அழிப்பவர்களுக்கு எச்சரிக்கை விடுக்கிறேன். இதுபோன்ற மதமாற்றங்கள் ஏற்புடையதல்ல என்று நீதிமன்றமே கூறியிருக்கிறது. சமூகத்தில் பெண்களின் பாதுகாப்பிற்காகவும், லவ் ஜிஹாத்துக்கு எதிராகவும் விரைவில் தனிச் சட்டம் அமல்படுத்தப்படும்” என்று தெரிவித்தார். Also Read: ஹத்ராஸ் சம்பவம்: `அவப்பெயர்... சகோதரியாகச் சொல்கிறேன்!' - யோகி ஆதித்யநாத்துக்கு உமா பாரதி அட்வைஸ் `லவ் ஜிஹாத்’ என்பது இந்து மதத்தில் கலப்புத் திருமணம் செய்துகொள்ளும் இஸ்லாமியர்களைக் குறிக்க வலதுசாரிகளால் பயன்படுத்தப்படும் சொல். திருமணம் என்பது திருமணத்திற்கான வயது வரம்பை எட்டிய ஆண் பெண் இருவரின் முடிவைச் சார்ந்தது என சமூக ஆர்வலர்களால் பல்வேறு விதமான கருத்துக்கள் முன்வைக்கப்பட்டு வருகிறது. யோகி ஆதித்யநாத்தின் முன்வைத்த கருத்திற்கு சமாஜ்வாதி கட்சியின் செய்தித்தொடர்பாளரும், முன்னாள் அமைச்சருமான ராஜேந்திர சவுத்திரி கடும் கண்டனம் தெரிவித்துள்ளார்.
http://dlvr.it/Rkp8pq

Read More

ஆந்திரா அதிர்ச்சி: காதலை ஏற்காத 17 வயது சிறுமி! - நடுரோட்டில் கழுத்தை அறுத்த இளைஞர்

ஆந்திரா மாநிலம், விசாகப்பட்டினத்தில் வசித்து வரும் அனில் என்ற இளைஞர், அதே பகுதியை சேர்ந்த 17 வயது சிறுமியை ஒரு தலையாக காதலித்து வந்துள்ளார். அந்தச் சிறுமி கஜுவாக்கா பகுதியில் உள்ள சாய்பாபா கோவில் அருகே கூட்ட நெரிசலான சாலையில் சென்று கொண்டிருந்தார். அப்போது, சிறுமியை வழிமறித்த அனில், தன் காதலை தெரியப்படுத்தியுள்ளார். அனிலின் காதலை அவர் ஏற்க மறுத்துள்ளார். இதையடுத்து அனில், அந்தச் சிறுமியிடம் தன் காதலை ஏற்றுக்கொள்ளுமாறு கட்டாயப்படுத்தவே, இருவருக்கும் இடையே வாக்குவாதம் ஏற்பட்டுள்ளது.கொலை. இருவருக்கும் இடையே ஏற்பட்ட வாக்குவாதம், மோதலாக மாறியுள்ளது, இதனால், கடும் ஆத்திரம் அடைந்த அனில், தான் மறைத்து வைத்திருந்த கத்தி போன்ற கூர்மையான ஆயுதத்தால் சிறுமி கழுத்துப் பகுதியை அறுத்துள்ளார். தொண்டையில் வெட்டுப்பட்ட வரலட்சுமி, சம்பவ இடத்திலேயே சரிந்து விழுந்தார். பட்டப்பகலில் மக்கள் நடமாட்டம் மிகுந்த சாலையில் நடந்த இந்த சம்பவத்தை அடுத்து, அப்பகுதியில் மக்கள் குவிந்தனர். அவர்கள், சிறுமியைக் காப்பாற்ற முயற்சித்தனர். ஆனால், அதிகப்படியான ரத்தம் வெளியேறிய நிலையில், சம்பவ இடத்திலேயே அந்தச் சிறுமி உயிரிழந்தார். இதையடுத்து, அனிலைக் கைது செய்த போலீஸார் அவர் மீது கொலை வழக்கு பதிந்துள்ளனர். ஆந்திர முதல்வர் ஜெகன்மோகன் ரெட்டி, அந்தச் சிறுமியின் குடும்பத்துக்கு ரூ.10 லட்சம் நிதி உதவி அறிவித்திருக்கிறார். Also Read: சென்னை: அண்ணனுக்கு பதில் தம்பி? - திருமண நிகழ்ச்சியில் கல்லூரி மாணவர் கொலை
http://dlvr.it/Rkp8ny

Read More

ஆட்சி நிர்வாகத்தில் கேரளா, தமிழகம்தான் பெஸ்ட் - இஸ்ரோ முன்னாள் தலைவரின் அமைப்பு சொல்வது ஏன்?

பெங்களூருவைத் தலைமையிடமாகக் கொண்ட பப்ளிக் அஃபையர்ஸ் மையம் 2016-ம் ஆண்டு முதல் ஒவ்வொரு ஆண்டும், இந்தியாவின் சிறப்பாக ஆட்சி நடைபெறும் மாநிலங்களின் பட்டியலை வெளியிடும். இஸ்ரோ முன்னாள் தலைவர் கஸ்தூரிரங்கன் இந்த அமைப்பின் தலைமைப் பொறுப்பை வகிக்கிறார். இந்த அமைப்பு இந்த ஆண்டிற்கான பப்ளிக் அஃபையர்ஸ் குறியீடு-2020-ஐ (Public Affairs Index-2020) சமீபத்தில் வெளியிட்டது.இந்தப் பட்டியலில் இந்தியாவின் தென் மாநிலங்கள் முதல் நான்கு இடங்களைப் பிடித்திருக்கின்றன. மாநிலங்களின் வளர்ச்சி, சிறந்த நிர்வாகத் திறன், நிலைத்தன்மை போன்ற காரணிகளைக் கொண்டு எடுக்கப்பட்ட இந்த குறியீட்டின் அடிப்படையில், 1.388 புள்ளிகளுடன் கேரளா மாநிலம் முதலிடத்தில் இருக்கிறது. அதனைத் தொடர்ந்து தமிழகம் 0.912 புள்ளிகளுடன் இரண்டாம் இடத்திலும், 0.531 புள்ளிகளுடன் ஆந்திரா மூன்றாம் இடத்திலும், 0.468 புள்ளிகளைப் பெற்று கர்நாடகா நான்காவது இடத்திலும் இருக்கிறது. அதேபோலப் பட்டியலில் கடைசியாக -1.461 எதிர்மறை புள்ளிகளைப் பெற்று உத்தரப்பிரதேசம் கடைசி இடத்திலிருக்கிறது. சிறிய மாநிலங்கள் கோவாவுக்கு முதலிடம்: சிறிய மாநிலங்களின் வரிசையில், 1.745 புள்ளிகளுடன் கோவை முதலிடத்திலும், மேகாலயா 0.797 புள்ளிகளுடன் இரண்டாம் இடத்திலும், இமாச்சலப்பிரதேசம் 0.725 புள்ளிகளுடன் மூன்றாவது இடத்திலும் இருக்கிறது. அதேபோலச் சிறிய மாநிலங்களின் வரிசையில் குறைந்த புள்ளிகளைப் பெற்ற மாநிலங்களாக மணிப்பூர் (-0.363), டெல்லி (-0.289) மற்றும் உத்தரகாண்ட் (-0.277) ஆகியவை இருப்பதாக அந்த அறிக்கை கூறுகிறது.பிஏசி அமைப்பு யூனியன் பிரதேசங்கள்: யூனியன் பிரதேசங்கள் பட்டியலைப் பார்க்கும் போது, 1.05 புள்ளிகளைப் பெற்று சண்டிகர் முதலிடத்திலும், புதுச்சேரி 0.52 புள்ளிகளுடன் இரண்டாவது இடத்திலும், அதனைத் தொடர்ந்து லட்சத்தீவுகள் 0.003 புள்ளிகளுடன் மூன்றாவது இடத்திலும் இருக்கிறது. யூனியன் பிரதேசங்களின் வரிசையில், (-0.69), (-0.50), (-0.30) என்ற எதிர்மறை புள்ளிகளுடன் முறையே தாதர் மற்றும் நாகர் ஹவேலி, அந்தமான் & நிக்கோபார், ஜம்மு - காஷ்மீர் ஆகியவை இடம்பிடித்துள்ளன.
http://dlvr.it/Rkm2YZ

Read More