கமல் இயக்கத்தில் நடித்த காட்சிகள் 'கட்' - வேதனையை நினைவுகூர்ந்த நவாஸுதீன்!

பாலிவுட் நடிகர் நவாஸுதீன் சித்திக். ரஜினியின் 'பேட்ட' படத்தின் மூலம் தமிழில் பரிச்சயாமன நவாஸுதீன், இந்தியாவின் நல்ல நடிகர் என்ற பெயர் பெற்றவர்களில் ஒருவர். சினிமாவில் பெரிய வாய்ப்புகள் கிடைப்பதற்கு முன்பு சின்னச் சின்ன ரோல்களில் நடித்து வந்தார். அப்போது நடந்த அனுபவங்களை பகிர்ந்துகொண்ட நவாஸுதீன், 20 ஆண்டுகளுக்கு முன்பே தமிழ் சினிமாவில் அறிமுகமாக இருந்ததை நினைவுகூர்ந்துள்ளார். நவாஸுதீன், நடிகர் கமல்ஹாசனின் தீவிர ரசிகர். இதனை பல மேடைகளில் உதிர்த்துள்ளார். கமல்ஹாசன் படங்கள் ஒவ்வொன்றையும் விடாமல் பார்த்துவிடும் நவாஸுதீனுக்கு, 20 ஆண்டுகளுக்கு முன்பே கமல் உடன் நடிக்க வாய்ப்பு வந்திருக்கிறது. 'ஹே ராம்' படத்தில்தான் கமல் உடன் நடிக்கும் வாய்ப்பு கிடைத்துள்ளது. சிறிய வேடம்தான் என்றாலும் கரும்பு தின்ன கூலி வேண்டுமா என்பது போல, தனது ஆஸ்தான நாயகனின் படத்தில் நடிக்க வாய்ப்பு வந்ததும் உடனே அதனை ஒப்புக்கொண்டு நடித்துக்கொடுத்துள்ளார். சொல்லப்போனால் நவாஸுதீனுக்கு இது முதல் படமும் கூட. ஆனால் காலம் நவாஸுதீனுக்கு சோதனையாக இருந்துள்ளது. நடித்து முடித்துகொடுத்து விட்டு படம் வெளியாகும் முன் பிரீமியர் ஷோவை பார்க்க தனது நண்பர்களை அழைத்துக்கொண்டு சென்றுள்ளார். பிரீமியர் ஷோ தொடங்குவதற்கு சற்று முன்பு, படத்தின் நீளம் கருதி நவாஸுதீன் பாகம் நீக்கப்பட்டுவிட்டதாக கமல்ஹாசனே நேரில் கூறியுள்ளார். எனினும் துவண்டு விடாத அவர், தொடர்ந்து போராடியதால் பாலிவுட்டில் தற்போது தனக்கென தனி இடம் பிடித்துள்ளார். மேலும் அன்று, கமல் சொன்ன அட்வைஸ்தான் தன்னை இவ்வளவு தூரம் கொண்டுவந்துள்ளது என்றும் மனம் திறந்துள்ளார் நவாஸ். மேலும், தனக்கு பிடித்த நடிகர் கமல்ஹாசனுடன் பணிபுரிவது குறித்து 'Pinkvilla'-வுக்கு அளித்த பேட்டியில் பேசிய நவாஸ், ``கமல் ஜியின் நடிப்பில் இன்றும்கூட ஈர்க்கப்படுகிறேன். அவர் ஒரு சிறந்த நடிகர். என்னைப் பொறுத்தவரை அவர் ஆன்டணி ஹாப்கின்ஸ்க்கு சமமானவர், நல்லவர். எந்த மட்டத்திலும் கமல்ஹாசன் எனக்கு ஹாப்கின்ஸை விட குறைவாக இல்லை. மேலும் கமல்ஹாசன், நசீருதீன் ஷா மற்றும் திலீப் குமார் போன்ற மூன்று நடிகர்களின் படங்கள் ஒருபோதும் தவறவிடக்கூடாதவை" என்று கூறியிருக்கிறார். அத்துடன், தான் துணை நடிகராக இருந்த காலகட்டத்தை விட தற்போது துணை நடிகர்களுக்கான பார்வை மாறியிருக்கிறது என்று மகிழ்ச்சி தெரிவிக்கிக்கிறார் நவாஸ். அதில், ``இது ஒரு பெரிய மாற்றம் மற்றும் வரவேற்கத்தக்க மாற்றம். இந்த திறமையான நடிகர்களின் மதிப்பை மக்கள் புரிந்து கொண்டுள்ளனர். இது அற்புதம். இந்த மாற்றம் தொடர்ந்து நடந்து கொண்டே இருக்கும் என்று நம்புகிறேன்" என்று நம்பிக்கை வார்த்தைகளை உதிர்த்துள்ளார்.
http://dlvr.it/RlMRkg

Read More

ஒரு விடுதி அறையில் ஒரு மாணவர்தான்... யுஜிசி கடும் கட்டுப்பாடு

கல்லூரிகள் திறக்கப்பட்டால் விடுதிகளில் ஒரு அறையில் ஒரு மாணவர் மட்டுமே தங்க வைக்கப்பட வேண்டும் என யுஜிசி கட்டுப்பாடு விடுத்துள்ளது. கல்லூரிகளை திறப்பது தொடர்பாக பல்கலைக்கழக மானியக் குழு அறிவித்தல்களை வெளியிட்டுள்ளது. அதில் மாணவர்கள் தொற்றுக்கு ஆளாக நேரிடும் என்பதால் விடுதிகளில் கடும் கட்டுப்பாடுகளை பின்பற்ற அறிவுறுத்தப்பட்டுள்ளது. அதாவது, "கல்லூரிகள் திறக்கப்பட்டால் விடுதிகளில் ஒரு அறையில் ஒரு மாணவர் மட்டுமே தங்க வைக்கப்பட வேண்டும். கல்லூரிகள் திறக்கப்பட்ட பின் வரும் விடுதி மாணவர்கள் 14 நாட்கள் தனிமைப்படுத்தப்பட வேண்டும். கொரோனா இல்லை என சான்றிதழ்கள் கொண்டு வந்தாலும் மாணவர்கள் 14 நாட்கள் தனிமைப்படுத்தப்பட வேண்டும்" எனத் தெரிவித்துள்ளது.
http://dlvr.it/RlM2VS

Read More

உ.பி: `போலீஸுக்கு புலிஷ்...’ வார்த்தை பிழை எஸ்.எம்.எஸ்! - சிக்க வைத்த காவல்துறை

உத்தரபிரதேச மாநிலம் ஹர்டோய் மாவட்டத்தில் எட்டு வயது சிறுவனைக் கடத்திக் கொலை செய்த வழக்கில், குழந்தையை கடத்தி வைத்திருந்த நபர், அக்குழந்தையின் தந்தைக்கு ரூபாய் 2 லட்சம் கேட்டு குறுஞ்செய்தி (SMS) அனுப்பியுள்ளார். அந்த எஸ்.எம்.எஸ். யில் போலீஸ் என்ற வார்த்தையை ‘புலிஷ்’ என்றும், சீதாப்பூர் என்ற வார்த்தையை ‘சிதா-புர்’ என்றும் பிழையோடு அனுப்பியுள்ளார். குறுஞ்செய்தியை அடிப்படையாகக் கொண்டு பத்து நபர்களை வாக்கியம் ஒன்றை எழுதச்சொன்ன காவல்துறை அதிகாரிகள் கொலையாளியை கண்டுபிடித்து சிறையிலடைத்தனர். எட்டு வயது சிறுவன் கடத்தி கொலைசெய்யப்பட்ட வழக்கு குறித்து தெரிவித்த ஹர்டோய் மாவட்ட காவல்துறை கண்காணிப்பாளர் அனுராக் வட்ஸ் (Anurag Vats), "கடந்த நவம்பர் 4 ம் தேதி பெனிகஞ்ச் (Beniganj) காவல் நிலையத்தில், எட்டு வயது சிறுவன் தனது பாட்டியின் வீட்டிற்குச் சென்றபோது காணவில்லை, அக்டோபர் 26 முதல் இன்று வரை அச்சிறுவனைக் கண்டுபிடிக்க முடியவில்லை என்று சிறுவனின் பெற்றோர்கள் புகாரளித்தனர். நவம்பர் 4 -ம் தேதி இரவு 11.30 மணியளவில், சிறுவனின் தந்தைக்கு ஒரு குறுஞ்செய்தி (SMS) வந்தது. அந்த குறுஞ்செய்தியில், "குழந்தையை உயிருடன் மீட்டு அழைத்து செல்ல ரூபாய் 2 லட்சம் பணத்துடன் சீதாப்பூருக்கு வாருங்கள். போலீசாருக்கு தெரிவிக்க வேண்டாம் தெரியப்படுத்தினால் உங்கள் மகன் கொல்லப்படுவான்" (Do lakh rupay Seeta-Pur lekar pahuchiye. Pulish ko nahi batana nahi to haatya kar denge) என்று வந்த எஸ்.எம்.எஸ். யில் போலீஸ் (Police) என்ற வார்த்தை புலிஷ் (Pulish) என்றும், சீதாப்பூர் என்ற வார்த்தை சிதா-புர் (Seeta-pur) என்றும் தவறாக வார்த்தை பிழையோடு இருந்ததை கவனித்தோம். உடனடியாக, கடத்தப்பட்ட சிறுவனைக் கண்டுபிடிக்க குழுக்களை உருவாக்கியதோடு, குறுஞ்செய்தி வந்த எண்ணிற்கு அழைத்தோம், ஆனால் அந்த எண் உபயோகத்தில் இல்லை. சைபர் கண்காணிப்பு குழுவின் உதவியோடு, மேற்கொண்ட விசாரணையில் குற்றவாளி, கல்வியறிவற்றவராகவும் எஸ்.எம்.எஸ். எழுத தெரியாத நபர் என்பதும் தெரியவந்தது. பின்னர், சி.சி.டி.வி காட்சிகளை ஆராய்ந்து, அப்பகுதியைச் சேர்ந்த 10 பேரை சந்தேகித்து அவர்களை அழைத்து வந்தோம்" என்றார் ஹர்டோய் எஸ்.பி அனுராக்.சிறை சந்தேகத்தின் பெயரில் அழைத்து வரப்பட்ட பத்து நபர்களையும், "எனக்கு போலீஸ் வேலை வேண்டும். என்னால் ஹர்டோயிலிருந்து சீதாப்பூர் வரை ஓட முடியும் (Main police main bharti hona chahta hun” and “Main Hardoi se Sitapur daud kar ja sakta hun) என்ற வாக்கியத்தை எழுத சொல்லியுள்ளனர் காவல்துறை அதிகாரிகள். அப்போது, குழந்தையின் தூரத்து உறவினரான சாண்டிலாவை சேர்ந்த ராம் பிரதாப் சிங், குழந்தையின் தந்தை பெறப்பட்ட குறுஞ்செய்தி (SMS) யில் பிழையோடு இருந்த இரண்டு தவறான வார்த்தைகளை மீண்டும் ‘புலிஷ்’ என்றும் சிதா-புர் என்றும் எழுதியுள்ளார். இதன் அடிப்படையில், அந்த எஸ்.எம்.எஸ். அனுப்பியது ராம் பிரதாப் சிங் என ஊர்ஜிதப்படுத்திய காவல்துறையினர் அவரை கைது செய்து சிறையிலடைத்தனர்.
http://dlvr.it/RlJjJn

Read More

"இந்த ’ஆப்’ டவுன்லோட் பண்ணுங்க..."- ரூ.9 லட்சத்தை மோசடி செய்த கும்பல்..!

இப்போதெல்லாம் வீட்டுக்குள் புகுந்து கொள்ளையடிக்கும் கும்பலை விட ஆன்லைனில் கொள்ளையடிக்கும் கும்பல் அதிகமாகிவிட்டது. பணபரிவர்த்தனைகள் ஆன்லைன் உலகுக்குள் வந்தபின்னர் பல நன்மைகள் ஏற்பட்டுள்ளன. நேரம் மிச்சம் ஆகியுள்ளது. அதேவேளையில் ஆன்லைன் ஏமாற்றுக்காரர்களின் கைகளிலும் சிக்கியுள்ளது. பயனாளர்கள் மிகக்கவனமாக இருந்தால் மட்டுமே அவர்களிடம் இருந்து நம் பணத்தை பாதுகாக்க முடியும் என்ற நிலைதான் தற்போது உள்ளது. நாக்பூரில் ஒரே போன்கால் மூலம் ரூ.9 லட்சத்தை இழந்துள்ளார் ஒருவர். கோரடி பகுதியில் வசித்து வரும் அசோக் மேன்வட் என்பவரின் செல்போனுக்கு மர்மநபர் ஒருவர் அழைப்பு விடுத்துள்ளார். அப்போது அசோக்கின் செல்போனை அவரது 15வயது மகன் பயன்படுத்தியுள்ளார். எதிர்முனையில் பேசிய மர்மநபர் டிஜிட்டர் பரிவர்த்தனை நிறுவனத்தில் இருந்து பேசுகிறேன். உங்கள் அப்பாவின் செல்போனில் நான் சொல்லும் செயலியை பதிவிறக்கம் செய்யுங்கள் எனக் கூறியுள்ளனர். அவர்கள் கூறிய செயலியானது வேறொரு இடத்தில் இருந்து செல்போனை இயக்கும் ரிமோட் செயலி. செல்போனில் செயலியை பதிவிறக்கம் செய்தவுடனேயே செல்போனுடன் இணைக்கப்பட்டிருந்த வங்கிக் கணக்கில் இருந்து ரூ.9 லட்சத்தை கொள்ளையடித்துள்ளனர் அந்த மர்மகும்பல். இது குறித்து அசோக் காவல்நிலையத்தில் புகார் அளித்துள்ளார். ஆன்லைன் மோசடி தொடர்பாக புகாரை பதிவுசெய்துள்ள போலீசார் மோசடி கும்பலை தீவிரமாக தேடு வருகிறது
http://dlvr.it/RlHY7H

Read More

பெண் குழந்தை மீது ஆசை... 14 ஆண் குழந்தைகளுக்கு பின் வீட்டுக்கு வந்த தேவதை.!

அமெரிக்காவின் மெக்சிகனில் உள்ள ஒரு தம்பதி 14 ஆண் குழந்தைகளுக்குப் பிறகு பெண் குழந்தையை பெற்றெடுத்திருப்பது அனைவரின் கவனத்தையும் ஈர்த்துள்ளது. அமெரிக்காவிலுள்ள மெக்சிகனில் வசித்து வரும் தம்பதி கட்டேரி மற்றும் ஜே ஸ்வாண்ட். பெண் குழந்தையின் மீது பேரன்பு கொண்ட இந்தத்தம்பதி, தங்களுக்கு பெண் குழந்தை வேண்டுமென்பதற்காக 14 ஆண் குழந்தைகளுக்குப் பிறகு தற்போது பெண் குழந்தையை பெற்றெடுத்துள்ளனர். 45 வயதான பெண்மணி கடந்த வியாழக்கிழமை பெண் குழந்தையை பெற்றெடுத்தார். 3 கிலோ 40 கிராம் எடை இருந்த இந்தப் பெண் குழந்தைக்கு மேகி ஜெய்னே என்று பெயர் வைத்துள்ளனர். இது குறித்து மேகியின் பெற்றோர் கூறும் போது “ நிறைய வழிகளில், நிறைய காரணங்களுக்காக இந்த வருடம் மறக்கமுடியாத ஆண்டாக மாறியிருக்கிறது. ஆனால் மேகி எங்களுக்கு நினைத்துப் பார்க்க முடியாத பரிசு. என்றனர்.
http://dlvr.it/RlH987

Read More

காங்கிரஸ் கட்சியில் இணைகிறாரா முன்னாள் ஐஏஎஸ் சசிகாந்த் செந்தில்?

முன்னாள் ஐஏஎஸ் அதிகாரி சசிகாந்த் செந்தில் நாளை காங்கிரஸ் கட்சியில் இணையவுள்ளதாக தகவல் வெளியாகி உள்ளது. சமீப காலமாக ஐஏஎஸ், ஐபிஎஸ் பதவியில் இருப்பவர்கள், பதவியிலிருந்து ராஜினாமா செய்துவிட்டு அரசியலில் இணையும் பழக்கம் உள்ளது. அந்த வகையில் ஐபிஎஸ் பதவியை ராஜினாமா செய்த அண்ணாமலை, சமீபத்தில் தன்னை பாஜகவில் இணைத்துக் கொண்டார். இந்நிலையில முன்னாள் ஐஏஎஸ் அதிகாரியான சசிகாந்த் செந்தில் நாளை காங்கிரஸ் கட்சியில் இணைய உள்ளதாக தகவல் வெளியாகி உள்ளது. சென்னையைச் சேர்ந்த சசிகாந்த் செந்தில், கடந்த 2009-ம் ஆண்டு யுபிஎஸ்சி தேர்வில் வெற்றி பெற்றார். அப்போது இந்திய அளவில் 9-வது மாணவராகவும், தமிழக அளவில் முதல் மாணவராகவும் அவர் தேர்வாகி இருந்தார். அதன்பின்னர் கர்நாடகாவில் துணை ஆட்சியர், ஆட்சியர் என பலப்பொறுப்புகளில் பணியாற்றி மக்களின் நன்மதிப்பை பெற்றார். அவர் மாவட்ட ஆட்சியராக பணியாற்றியபோது, அவரை அரசாங்கம் பணியிட மாற்றம் செய்ய முயற்சி செய்தது. ஆனால் அதனை எதிர்த்து மக்கள் போராட்டம் நடத்தினர். இத சசிகாந்த் செந்தில் மீது மக்கள் வைத்திருந்த பாசத்தை வெளிஉலகிற்கு காட்டும் விதத்தில் இருந்தது. 2017-ஆம் ஆண்டு தட்சின கன்னட மாவட்டத்தில் தொடர்சியாக இருதரப்பு மோதல் இருந்து வந்தது. அப்போது அதனை தடுக்க சசிகாந்த் செந்தில் அங்கு ஆட்சியராக நியமிக்கப்பட்டார். இதனையடுத்து சமூக நல்லிணக்க கூட்டம் நடத்தி இருதரப்பு மோதலை அவர் கச்சிதமாக தடுத்தார். இதனிடையே 2019-ஆம் ஆண்டு செப்டம்பர் மாதம் தனது ஆட்சியர் பதவியை ராஜினாமா செய்தார். நாட்டில் நடக்கும் சில சம்பவங்களை தன்னால் சகித்துக் கொள்ள முடியவில்லை எனக் கூறி அவர் தனது ராஜினாமா கடிதத்தை அளித்தார். அதன்பின் மத்திய பாஜக அரசை தொடர்ச்சியாக விமர்சித்தும் வந்தார். இந்நிலையில் சசிகாந்த் செந்தில் நாளை காங்கிரஸ் கட்சியில் இணையவுள்ளதாக தகவல் வெளியாகி உள்ளது. டெல்லியில் நாளை காங்கிரஸ் முன்னாள் தலைவர் ராகுல்காந்தி முன்னிலையில் அக்கட்சியில் இணைய இருக்கிறார் எனத் தகவல் வெளியாகி உள்ளது.
http://dlvr.it/RlFQTZ

Read More

கேரளா: ரூ.150 கோடி தங்க நகை மோசடி! - மஞ்சேஸ்வரம் முஸ்லிம் லீக் எம்.எல்.ஏ கைது

கேரள மாநிலம், காசர்கோடு மாவட்டம், மஞ்சேஸ்வரம் தொகுதி முஸ்லிம் லீக் எம்.எல்.ஏ-வாக இருப்பவர் கமருதீன். காங்கிரஸ் கூட்டணியில் முஸ்லிம் லீக் இருக்கிறது. எனவே, காங்கிரஸ் கூட்டணியான யூ.டி.எஃப்-பின் காசர்கோடு மாவட்ட ஒருங்கிணைப்பாளராகவும் கமருதீன் இருக்கிறார். கமாருதீன் சேர்மனாக இருக்கும் ஃபேஷன் ஜுவல்லரி நிறுவனத்தில் தங்க நகைகளுக்கான முதலீடுத் திட்டம் தொடங்கப்பட்டிருக்கிறது. அதில் சுமார் 800 பேரிடமிருந்து 150 கோடி ரூபாய்வரை பெற்றிருப்பதாகக் கூறப்படுகிறது. ஆனால், பணம் வாங்கியவர்களுக்கு நகைகள் வழங்கப்படவில்லை. நகையோ அல்லது செலுத்திய பணமோ கிடைக்க வாய்ப்பு இல்லை எனத் தெரிந்ததை அடுத்து பணத்தை முதலீடு செய்தவர்கள், கமருதீன் நகை மோசடி செய்திருப்பதாக சந்தேரா காவல் நிலையத்தில் புகாரளித்தனர்.நகை புகாரின்பேரில் போலீஸார் வழக்கு பதிவு செய்தனர். இது குறித்து ஏ.எஸ்.பி விவேக் குமார் தலைமையிலான போலீஸார் விசாரணை நடத்திய நிலையில், நேற்று மாலை எம்.எல்.ஏ கமருதீன் கைதுசெய்யப்பட்டார். ஜுவல்லரி கோல்டு முதலீட்டுக்காகப் பணம் வாங்கி, மோசடி செய்யப்பட்டதாக இதுவரை 117 புகார்கள் வந்திருப்பதாகவும். அவற்றில் 77 வழக்குகள் பதிவு செய்யப்பட்டிருப்பதாகவும் கூறப்படுகிறது. Also Read: திருவாரூர்: `ரூ.20 லட்சம் பணம்; ரூ.12 லட்சம் நகை மாயம்!’ - அதிரவைத்த கூட்டுறவு வங்கி மோசடி! முதற்கட்ட விசாரணையில் கமருதீன் 13 கோடி ரூபாய் மோசடி செய்தது கண்டுபிடிக்கப்பட்டிருக்கிறது. கமருதீன் மீது இதுவரை நான்கு வழக்குகள் பதிவு செய்யப்பட்டுள்ளன. மேலும், ``புகார்தாரர்களின் எண்ணிக்கை அதிகரித்தால், மோசடித் தொகையும் அதிகரிக்கும்’’ என்கிறனர் போலீஸார். மேலும் ஃபேஷன் ஜுவல்லரி எம்.டி-யையும் கைதுசெய்ய போலீஸார் தீவிர நடவடிக்கை எடுத்துவருகின்றனர்.கைது செய்யப்பட்ட எம்.எல்.ஏ கமருதீன் இந்தநிலையில் மருத்துவப் பரிசோதனைக்காக அழைத்துச் செல்லப்பட்ட கமருதீன் செய்தியாளர்களிடம் கூறுகையில், ``என்னைக் கைதுசெய்திருப்பது அரசியல் உள்நோக்கம் கொண்டது. அரசு கூறியதால்தான் விசாரணைக்குழு இந்த நடவடிக்கையை எடுத்திருக்கிறது. நோட்டீஸ்கூட வழங்காமல் என்னை விசாரணைக்காக அழைத்து, கைதுசெய்திருக்கிறார்கள். நான் கோர்ட்டில் அளித்த மனு திங்கள்கிழமை விசாரணைக்கு வருகிறது. அதுவரை காத்திருக்காமல் என்னைக் கைதுசெய்துவிட்டார்கள். இதன் மூலம் என்னை அரசியல்ரீதியாக தகர்க்க முடியாது" என்றார்.
http://dlvr.it/RlDdvp

Read More