வெள்ளக்காடான குற்றாலம்... 28 ஆண்டுகளில் இல்லாத அளவு கடும் வெள்ளப்பெருக்கு

மேற்குத்தொடர்ச்சி மலையின் நீர்ப்பிடிப்பு பகுதிகளில் தொடர்ந்து பெய்து வரும் மழையால் 28 ஆண்டுகளில் இல்லாத அளவு குற்றாலம் மெயின் அருவியில் கடும் வெள்ளம் பெருக்கெடுத்து கொட்டுகிறது. தென்காசி மாவட்டம் குற்றாலத்தில் கடந்த 3 நாட்களாக  பலத்த மழை பெய்து வருகிறது. நேற்று முன்தினம் மெயின் அருவியில் வெள்ளப்பெருக்கு ஏற்பட்ட நிலையில் நேற்று காலையில் வெள்ளம் சற்று கட்டுக்குள் வந்தது. மதியம் மீண்டும் பலத்த மழை பெய்ததால் அருவிகளில் தண்ணீர் வரத்து அதிகரித்தது. மாலையில் மேற்கு தொடர்ச்சி மலையில் நீர்பிடிப்பு பகுதிகளில் பெய்த பலத்த மழையால் அனைத்து அருவிகளிலும் கடும் வெள்ளப்பெருக்கு ஏற்பட்டது. மெயின் அருவியில் தண்ணீர் செம்மண் நிறத்தில் பாதுகாப்பு வளைவு மற்றும் தடாகத்தை தாண்டி பாலத்தின் மீது கொட்டியது. மேலும் நேரம் செல்ல செல்ல நீர்வரத்து மேலும் அதிகரித்தது. இரவு 8 மணி அளவில் தடாகம், பாலத்தை தாண்டி ஆற்றின் மீது தண்ணீர் விழுந்தது. இதன் காரணமாக குற்றாலம் மெயின் அருவியில் இருந்து குற்றாலநாதர் கோயில் சன்னதி பஜாருக்கு செல்லும் பாலத்தின் மீது வெள்ள நீர் கரைபுரண்டு ஓடியது. இது கடந்த 28 ஆண்டுகளில் இல்லாத நிகழ்வாகும். சன்னதி பஜார் வழியாக வெளியேறி தண்ணீர் அண்ணா சிலை அருகே உள்ள பாலத்தின் வழியே மீண்டும் ஆற்றில் கலந்தது. இதனால் குற்றாலத்தில் இருந்து செங்கோட்டை செல்லும் ஆற்று பாலத்தில் நேற்றிரவு போக்குவரத்து தடைபட்டது. பழைய குற்றால அருவியில் அருவியை நெருங்க முடியாத அளவிற்கு வெள்ளம் சீறிப்பாய்ந்தது. மெயினருவியில் ஏற்படும் வெள்ளப்பெருக்கை தொடர்ந்து கலெக்டர் இரவோடு இரவாக கொட்டும் மழையிலும் அருவி பகுதியை பார்வையிட்டார். உரிய பாதுகாப்பு ஏற்பாடுகளை மேற்கொள்ளுமாறு காவல்துறையினர் மற்றும் வருவாய் துறையினரை அறிவுறுத்தினார். அருவிப் பகுதியில் யாரையும் அனுமதிக்க வேண்டாம் என கேட்டுக் கொண்டார்.
http://dlvr.it/RlwL9G

Read More

நடிகர் தவசிக்கு ரூ.1 லட்சம் நிதியுதவி அளித்த விஜய் சேதுபதி

சிவகார்த்திகேயன் நடிப்பில் வெளியான வருத்தப்படாத வாலிபர் சங்கம் படத்தின் சூரியின் அப்பாவாக தவசியின் 'கருப்பன் குசும்புக்காரன்' காமெடி ரசிகர்கள் மத்தியில் பிரபலம். 'கருப்பன் குசும்புக்காரன்' மீம்கள் மூலம் வைரலான அவரது முகம் தற்போது அனைவரையும் சோகத்தில் ஆழ்த்தியுள்ளது. சமீப காலமாக உணவுக்குழாய் புற்றுநோயால் பாதிக்கப்பட்டு உடல் மெலிந்து காணப்பட்ட தவசி, உதவி வேண்டி வேண்டுகோள் விடுத்தார். இந்நிலையில் திருப்பரங்குன்றம் தொகுதி திமுக எம்.எல்.ஏ சரவணனின் ’சரவணா’ மருத்துவமனையில் சிகிச்சைப் பெற்று வரும் அவருக்கு இலவச சிகிச்சை அளிக்கப்படும் என திமுக எம்.எல்.ஏ சரவணன் தெரிவித்திருந்தார். இந்நிலையில் நடிகர் விஜய் சேதுபதி ரூ. 1 லட்சம் நிதியுதவி அளித்துள்ளார். நடிகர் சவுந்தரராஜா ரூ. 10ஆயிரமும் நிதியுதவி செய்துள்ளார். ஏற்கெனவே நடிகர் தவசிக்கு சிவகார்த்திகேயன் ரூ25 ஆயிரம், நடிகர் சூரி ரூ.20 ஆயிரமும் நிதியுதவி கொடுத்துள்ளது குறிப்பிடத்தக்கது.
http://dlvr.it/RlsbKV

Read More

கொரோனா மூன்றாவது அலையின் உச்சத்தைக் கடந்த டெல்லி!

இந்தியாவில் கொரோனா தொற்று பரவ ஆரம்பித்த நாள் முதல் பெரும் பாதிப்புக்கு உள்ளான மாநிலங்களில் முக்கியமானது, யூனியன் பிரதேசமான தலைநகர் டெல்லிதான். அதேபோல இந்தியாவில் கொரோனா இரண்டாம் அலை ஏற்பட்டிருக்கிறது என்பதை அறிவித்ததும் டெல்லிதான். தற்போது, கொரோனா தொற்று பரவல் மூன்றாவது அலையின் உச்சத்தில் இருப்பதாக டெல்லி அரசு அறிவித்திருந்தது. மூன்றாவது அலை உச்சத்தில் இருக்கும் நிலையில், டெல்லியில் ஊரடங்கு உத்தரவு பிறப்பிக்க வாய்ப்பில்லை என்று டெல்லி சுகாதாரத்துறை அமைச்சர் தெரிவித்திருக்கிறார்.கொரோனா பரிசோதனை பத்திரிகையாளர்களைச் சந்தித்த சுகாதாரத்துறை அமைச்சர் சத்யேந்தர் ஜெயின்,``தற்போது கொரோனா மூன்றாவது அலையின் தாக்கம் உச்சக்கட்டத்திலிருந்து குறைந்திருப்பதை என்னால் உங்களுக்குக் கூற முடியும். ஊரடங்கு என்பது ஒரு கற்றல் பயிற்சி. Also Read: ஆந்திரா: பள்ளிகள் திறப்பு... 575 மாணவர்கள், 829 ஆசிரியர்களுக்கு கொரோனா தொற்று உறுதி! இந்த ஊரடங்குகளிலிருந்து நாங்கள் கற்றுக்கொண்டது என்னவென்றால். ஊரடங்கில் கிடைக்கும் லாபங்கள் என்பது, நாம் முகக்கவசம் அணியும்போது கிடைக்கும் பலன் போன்றது. பொதுமக்கள் அனைவரும் மிகுந்த எச்சரிக்கையுடன் இருக்க வேண்டும். தற்போதைய நிலையில் முகக்கவசம் அணிவது மட்டுமே ஒரே தீர்வாக அமையும். முகக்கவசம் அணியாதவர்கள் மீது கடுமையான நடவடிக்கை எடுக்கப்படும்" என்று கூறியிருக்கிறார்.கொரோனா டெல்லியில் நாளொன்றுக்கு 7,000-க்கும் அதிகமான புதிய தொற்று உறுதி செய்யப்பட்டுவந்த நிலையில், கடந்த ஞாயிற்றுக்கிழமை 3,235 தொற்றுகள் மட்டுமே உறுதி செய்யப்பட்டிருக்கின்றன. கொரோனா தொற்றிலிருந்து குணமடைந்து 7,000-க்கும் அதிகமானோர் வீடு திரும்பியிருக்கிறார்கள். கடந்த வாரத்தை ஒப்பிடும்போது தற்போது புதிய தொற்றின் எண்ணிக்கை பாதிக்குப் பாதியாகக் குறைந்திருப்பது குறிப்பிடத்தக்கது.
http://dlvr.it/RlsbDx

Read More

போரிஸ் காதலியால் பனிப்போர்... இங்கிலாந்து பிரதமர் அலுவலகத்தில் அடுத்தடுத்து ராஜினாமா?!

இங்கிலாந்து பிரதமர் போரிஸ் ஜான்சனின் காதலியால், அந்நாட்டு பிரதமரின் அலுவலக பிரமுகர்கள் அதிகாரப் போரில் ஈடுபட்டுள்ளதாக தகவல்கள் தெரிவிக்கின்றன. இங்கிலாந்து பிரதமர் போரிஸ் ஜான்சனின் நீண்ட கால உதவியாளர் டொமினிக் கம்மிங்ஸிவர். இவர் தனது உதவியாளர் பணியை ராஜினாமா செய்ய இருப்பதாக செய்திகள் வெளியாகியுள்ளது. முன்பாக, இவருக்குக் கீழ் நிலையில் பணிபுரிந்த லீ கெயின் என்பவர் பிரதமர் அலுவலகப் பொறுப்பில் இருந்து திடீர் ராஜினாமா செய்தார். இந்த வாரம் லீ கெயினுக்கு போரிஸ் பதவி உயர்வு கொடுக்க இருப்பதாக கூறப்பட்ட நிலையில், திடீர் ராஜினாமா செய்தார். இது இங்கிலாந்து அரசியல் வட்டாரத்தில் சர்ச்சைகளுக்கு வித்திட்டது. பிரதமரின் உதவியாளர்கள் ராஜினாமா குறித்து தற்போது அங்கு காரசாரமாக விவாதிக்கப்பட்டு வருகிறது. இதற்கெல்லாம் காரணமாக இங்கிலாந்து ஊடகங்கள் கை காட்டுவது போரிஸ் ஜான்சனின் காதலி கேரி சைமண்ட்ஸைதான். இந்த கேரிக்கும் டொமினிக்கிற்க்கும் இடையேயான பனிப்போரை இத்தனை பிரச்னைக்கும் ஆரம்பப் புள்ளி. போரிஸ் ஜான்சனின் இல்லத்தில் இவர்களுக்கான அலுவலகம் இருந்து வருகிறது. இவர்களின் பனிப்போரால் கேரி அணி - டொமினிக் கம்மிங்ஸ் அணி என இரு பிரிவாக அவர்கள் இல்லத்தில் செயல்பட்டு வருகிறார்கள். போரிஸின் காதலி கேரிக்கும் ராஜினாமா செய்த லீ-க்கும் கருத்து மோதல் மிகுதியாக இருந்த நிலையில், லீயை கேரியின் எதிர்ப்பை மீறி பிரதமர் அலுவலக பதவியில் அமர்த்தியிருக்கிறார் டொமினிக். கொரோனா தடுப்பூசி 94 சதவீதம் வெற்றி: அமெரிக்க மருந்து நிறுவனம் மாடர்னா அறிவிப்பு  கேரி அணியை சேர்ந்தச் ஊடக செயலரான அலெக்ரா ஸ்ட்ராட்டன் என்பவருக்கும் மூத்த உதவியாளரான முனிரா மிர்ஸா என்பவருக்கும் லீ இருப்பது பிடிக்கவில்லை எனக் கூறப்படுகிறது. இதற்கு முன்பு இவர்கள் இருவரும், லீயுடன் சண்டையிட்டுள்ளனர். அதிலும், அலெக்ரா லீயுடன் நேரடியாக சண்டையிட்டு, "லீக்கு கீழ் வேலை பார்க்க முடியாது, எதுவானாலும் பிரதமர் போரிஸ் ஜான்சனிடம் தான் நேரடியாக தெரிவிப்பேன்" என்று போர்க்கொடி தூக்கிய சம்பவங்கள் எல்லாம் நிகழ்ந்துள்ளது. இதற்கு கேரி அனுமதி கொடுத்தும் பகையை வளர்த்திருக்கிறார். இப்படி போரிஸ் அலுவலகத்தில் மோதல்கள் வெளிப்படையாகவே நடந்து வந்துள்ளன. இதற்கிடையே, பிரதமரின் ஆலோசகர்களால் பிரதமருக்கு சரியான ஆலோசனை கொடுக்கப்படவில்லை என்று சமீபத்தில் லீயை குறிவைத்து புகார் கூறினார் கேரி. அவரின் இந்தப் புகார் தன்னை அவமதிப்பது போல் இருந்ததாக கருதிய லீ, தொடர் சண்டைகளுக்கு முற்றுப்புள்ளி கொடுக்க வேண்டும் என எண்ணியே பதவியை ராஜினாமா செய்தார் என இங்கிலாந்து ஊடகங்கள் கூறுகின்றன. மேலும், லீயை போலவே தற்போது டொமினிக்கும் பதவியை விரைவில் ராஜினாமா செய்வார் எனவும் அதில் கூறப்பட்டுள்ளது. எனினும், தனது நீண்டகால உதவியாளரான டொமினிக்கை அப்படி ஒரு முடிவை எடுக்க போரிஸ் விட மாட்டார் என்றும் தகவல்கள் வெளியாகியுள்ளன. என்ன நடக்கிறது என்பதை பொறுத்திருந்து பார்ப்போம்.
http://dlvr.it/RlrS2P

Read More

வழிபாடு நடத்தும்போது மாரடைப்பு: சுருண்டு விழுந்து உயிரிழந்த முன்னாள் எம்எல்ஏ

மத்திய பிரதேசத்தைச் சேர்ந்த முன்னாள் காங்கிரஸ் எம்.எல்.ஏ வினோத் டாகா கோயிலில் வழிபாடு நடத்தும்போது மாரடைப்பால் காலமானார். இக்காட்சிகள் கோயில் சிசிடிவியில் பதிவாகியுள்ளது. நவம்பர் 12ஆம் தேதி காலை, வினோத் டாகா தனது அன்றாட வழக்கத்தை பின்பற்றி பெதுலில் உள்ள ஜெயின் தாதாவாடி (சமண கோயில்) வழிபாட்டிற்கு சென்றார். கோயில் சிலைக்கு முன்னால் பிரார்த்தனை செய்யும் போது டாகா  திடீரென்று சரிந்து விழுந்து மரணமடைந்ததை சிசிடிவி காட்சிகள் காட்டின. அண்மையில் நடந்த மத்தியப் பிரதேச சட்டசபை இடைத்தேர்தலில் டாகா, மெஹ்கான் தொகுதிக்கு பொறுப்பாளராக இருந்தார். சம்பவம் நடந்த அன்று காலையில், எம்.எல்.ஏ.போபாலில் நடந்த கூட்டத்தில் கலந்துகொண்டு பெதுலுக்கு திரும்பியிருந்தார். காங்கிரஸின் மாநில பொருளாளர் மற்றும் மத்திய கூட்டுறவு வங்கியின் தலைவர் உட்பட பல முக்கியமான பதவிகளை டாகா வகித்துள்ளார். அவரது மரணம் காங்கிரஸ் கட்சிக்கு பெரும் இழப்பு என்று அக்கட்சியினர் கூறியுள்ளனர். Ex Congress MLA Vinod daga dies of Cardiac Arrest while worshipping..incident caught on CCTV..May his soul rest in peace..@pankajbajpai22 @i_m_dollar @INCIndia @betul_talks @INCMP pic.twitter.com/fCFpfIRNQ2 — Gagan Sharma (@gagansharma2586) November 16, 2020
http://dlvr.it/RlnjGg

Read More

சூரரைப் போற்று: '1997 சென்னை சம்பவம்' - விமானப்படை ஓடுதளத்தில் சவுதி விமானம்..?

'சூரரைப் போற்று' படம் வெளியானதில் இருந்து கலவையாக நேர்மறை - எதிர்மறை விமர்சனங்களைக் காண முடிகிறது. 'வர்க்க ரீதியான பிரச்னைகளை கவனத்தில் கொள்ளவில்லை', 'படத்தின் முற்போக்கு வசனங்களின் வாயிலாக மேல்தட்டு வர்க்கத்தின் சார்பு நிலையை மாற்றிவிட முடியாது' போன்ற விமர்சனங்கள் முக்கியமானதாக தோன்றுகிறது. ஆனால், படத்தில் தொழில்நுட்ப ரீதியாகவும், இயங்கும் தளம் சார்ந்த கள வேலைகளையும் நிறைய செய்திருக்கிறார்கள் என்பதை மறுக்கவியலாது. எடுத்துக்காட்டாக, படத்தின் முதற்காட்சியில் விமான ஓட்டி இந்திய விமானப்படைக்கு சொந்தமான ஓடுதளத்தில் விமானத்தை இறக்க முயற்சிக்கும்போது, விமானப்படை வீரர் ஒருவர் சிவப்பு நிற ஒளி உமிழும் பட்டொளி துப்பாக்கியால் மேலே சுட்டு எச்சரிக்கை விடுவார். உண்மையில், இந்த நடைமுறை இந்திய விமானப் படையில் உண்டு.   எந்த ஒரு விமானமும் அனுமதி இல்லாமல், தரைக்கட்டுப்பாட்டு மையத்தின் எச்சரிக்கையை மீறியும் தரையிறங்க முயற்சிக்கும்போது, சிவப்பு நிற பட்டொளி துப்பாக்கி கொண்டு நான்கு முறை சுடுவர். அதைக் கண்ட விமானி, அதை எச்சரிக்கையாக எடுத்துக்கொண்டு அங்கு தரையிறங்க கூடாது. துறை சார்ந்து இப்படி சின்னச் சின்ன விஷயங்களில் கவனம் செலுத்தியது பாராட்டுக்குரியதாக உள்ளது. மேலும் ஒரு நிகழ்வாக, இந்திய விமானப்படை அதிகாரி ஒருவர், விமான ஓட்டியான சைத்தன்யாவை (கிருஷ்ணகுமார்) பார்த்து, 'சவுதியா விமானம் இங்க தரையிறங்கியபோது என்ன செய்தோம்?' என்று கேட்பார். அதற்கு பதிலாக, அந்த விமானம் தீவிரவாத தொடர்பு கொண்டிருந்ததா என தீர விசாரித்து, அபராதம் வசூலித்ததாக சொல்வார். இந்த நிகழ்வு உண்மையில் நடந்த சம்பவம்தான். இந்த மாதிரியான நிகழ்வுகள் நிறைய நிகழ்ந்துள்ளன. எனினும், இது பெரிதாகக் கவனிக்கப்பட்ட நிகழ்வாகிப்போனது. ஜூன் 2, 1997-ல் சவுதி அரேபியாவிலிருந்து 'போயிங் 747' வகை விமானம் சென்னையில் தரையிறங்க அனுமதி கேட்டு வந்து கொண்டிருந்தது. அன்றைக்கு ரேடார் சரியாக வேலை செய்யவில்லை என்று தெரிகிறது. அதனால், விமானக் கட்டுப்பாட்டு அறை விமானத்தை சற்று காலம் தாழ்த்தி நீள் வட்டத்தில் சுற்றி வந்து பல்லாவரத்திலிருந்து தாம்பரம் மார்கமாக இறங்க அனுமதி அளித்தது. விமான ஓட்டி, அந்தக் கட்டளைக்கு பணிந்து அவ்வாறே முயற்சித்துள்ளார். நேவிகேஷன் பழுதாகிப்போனதன் காரணமாக பார்வையை மட்டுமே நம்பி விமானத்தை தரையிறக்கும் நிலைக்கு விமான ஓட்டி தள்ளப்பட்டிருந்தார். அப்போது ஒரு ஓடுதளம் கண்ணுக்கு தெரியவும் விமானத்தை இறக்க ஆயத்தமானார். விமானத்தை தரையிறக்குவதற்கான முன்செயல்பாடுகளை முடித்தவுடன் தோராயமாக 350 பயணிகள் மற்றும் ஊழியர்களுடன் விமானத்தை தரையிறக்கியுள்ளார். ஓடுதளத்தில் விமானம் ஓடிக்கொண்டிருக்கும்போதுதான் விமானம் தவறான ஓடுபாதையில் இறங்கியுள்ளதை விமான ஓட்டி உணர்கிறார். காரணம், போயிங் ரக விமானம் அளவில் பெரிது. ஆகையால், அதற்கு நீளமான ஓடுதளமும் தேவை. விமான ஓட்டி இறக்கியிருப்பதோ 4,700 அடி நீளமுள்ள ஓடுபாதை. 'போயிங் 747' ரக விமானம் தரையிறங்க குறைந்தபட்சம் 8,000 அடி தேவைப்படுமாம். இனி தாமதிக்கும் ஒவ்வொரு நொடியும் விபத்தில்தான் முடியும் என்பதை உணர்ந்த விமான ஓட்டி, தடுப்புக்கருவியை நெருக்கி, உருளிப்பட்டையை வெடிக்கவைத்து விமானத்தை நிறுத்தியுள்ளார். முன்பு சொல்லியிருந்ததுபோல் விமானப்படை அதிகாரிகள் இந்த விமானம் தரையிறங்க அனுமதிக்கவில்லை. அதனால், பட்டொளி துப்பாக்கியை கொண்டு சுட்டு அனுமதி மறுத்துள்ளனர்.  விடியற்காலை நேரம் என்பதால் விமான ஓட்டி கவனிக்கவில்லைபோலும். ஆனாலும் நாட்டின் பாதுகாப்பு பிரச்சனை அல்லவா இது?! எனவே, விமானப்படை தளம் ஒரு போருக்கான தயார் நிலையை மிக துரிதமாக அமைத்தது. உடனடியாக விமானம் பாதுகாப்பு வளையத்திற்கு கொண்டு வரப்பட்டு, தீர விசாரிக்கப்பட்டது. இந்திய விமான அமைச்சகம் தலையிட்டு பிரச்னையை கையாண்டு எவ்வித பிரச்சனையும் இல்லாமல் விமான பயணிகளை மீண்டும் சென்னை விமான நிலையத்திற்கே பேருந்தில் அழைத்து வந்து குடியுரிமை பணிகளை மேற்கொண்டுள்ளனர். ஆனால், விமானம் இன்னும் அங்குதான் இருக்கிறது. இனிதான் பெரும் பிரச்னை காத்திருக்கின்றது. விமானத்தின் எடையின் காரணமாக அச்சிறிய விமான ஓடுதளத்தில் அதை கிளப்ப இயலாதல்லவா? இந்தச் சவாலான காரியத்தை செய்ய உலகம் முழுதும் விமான ஓட்டிகள் தேடப்பட்டனர். இருப்பினும் சவுதி அரேபியாவின் 'போயிங்' விமான பயிற்சி பெற்ற விமானியான ஜோம் ஜாம்பர் என்பவர் விமானத்தை கிளப்ப ஆயத்தமானார். விமானத்தை கிளப்புவது சாதாரண காரியமாக தோன்றவில்லை. ஆகையால், விமானத்தின் உட்கட்டமைப்புகளையும், குளிரூட்டும் அமைப்புகளை அகற்றிவிட்டு, மிகவும் குறைவான எரிபொருளை மட்டுமே வைத்து விமானத்தை கிளப்ப முடிவெடுத்தனர். காற்று சாதகமான சூழல் நிலவாத நிலையில் மூன்றரை மணி நேர காத்திருப்பிற்கு பின் விமானத்தை 3690 அடி ஓட்டி மேலே தூக்கி சாதனையை நிகழ்த்தினார். பிறகு விமானம் சென்னை விமான நிலையத்திற்கு கொண்டு வரப்பட்டு, பின்னர் சவுதிக்கு அனுப்பி வைக்கப்பட்டது. இந்த அவசர தரையிறக்கத்துக்கு அபராதமாக பெரும் தொகை வசூலிக்கப்பட்டது. பன்னிரெண்டு நாட்டிகல் மைல் தொலைவில் அமைந்துள்ள இரு விமான ஓடுபாதைகளும் விமான ஓட்டிகளுக்கு பெரும் சவாலாய் இருந்து வந்துள்ளது. விமானக்கட்டுப்பாட்டு மையம் புதிய கருவிகளை நிறுவி இம்மாதிரியான நிகழ்வுகள் நடக்காமல் இருக்க பெரும் முயற்சி எடுத்து வந்துள்ளனர். இந்த மாதிரியான நிஜ தகவல்களை திரட்டி, தேர்ந்த காட்சிகளை அமைத்தற்கு 'சூரரைப் போற்று' படக்குழுவினருக்கு பாராட்டுக்கள். காலக்கோட்டில் தவறு இருந்தாலும், விமான கண்காட்சி நடைபெற்ற இடம் மற்றும் விமானத் தளங்களான பேகம்பேட், ஹக்கிம் பேட் போன்ற இடங்களில் காட்சிகளை அமைத்துள்ளதும் கவனத்துக்குரியது.   கட்டுரையாளர்: ஜெகதீசன்
http://dlvr.it/RlnjFY

Read More

முல்லைப்பெரியாறுக்கு வரும் மின்வசதி... வனத்தின் வழியே மின்சாரம் கொண்டு செல்ல திட்டம்!

கேரளாவின் இடுக்கி மாவட்டத்தில் அமைந்துள்ள முல்லைப்பெரியாறு அணை தண்ணீரால், தமிழகத்தின் மதுரை, தேனி, திண்டுக்கல், சிவகங்கை, ராமநாதபுரம் ஆகிய ஐந்து மாவட்டங்கள் குடிநீர் மற்றும் பாசன வசதி பெறுகின்றன. தமிழகத்திற்கு தண்ணீர் தரக்கூடாது என கேரள அரசும் கேரள அரசியல் கட்சிகளும் ஏற்படுத்திய சிக்கல்கள் ஏராளம். அதில் ஒன்று தான் அணைக்கு செல்லும் மின்சாரத்தைத் துண்டித்தது. மின்சாரம் இல்லாமல், தமிழக பொதுப்பணித்துறை அதிகாரிகளும் ஊழியர்களும், அடர் வனத்திற்கு நடுவே இருட்டில் வனவிலங்குகளுக்கு மத்தியில் இரவைக் கழித்துவந்தனர்.வல்லக்கடவு வனப்பகுதி கடந்த 2000ம் ஆண்டு வரை, தமிழக-கேரள எல்லையில் அமைந்துள்ள குமுளியில் இருந்து வல்லக்கடவு வனப்பகுதி வழியாக முல்லைப் பெரியாறு அணைக்கு மின்சாரம் சென்று கொண்டிருந்தது. 19.06.2000 அன்று, அணைக்குச் சென்றுகொண்டிருந்த மின்சார கம்பியில் காட்டு யானை ஒன்று உரசி மின்சாரம் பாய்ந்து பலியானது. இதையடுத்து, அணைக்குச் சென்றுகொண்டிருந்த மின்சாரம் நிறுத்தப்பட்டது. வனப்பகுதிக்குள் மின்சாரம் செல்வதால், வன விலங்குகளுக்கு அச்சுறுத்தலாக இருக்கிறது எனக் கூறி அணைக்கான மின்சார வசதியைத் தடை செய்தது கேரள வனத்துறை. அதையடுத்து தமிழக அரசும் தமிழக பொதுப்பணித்துறை அதிகாரிகளும் பல்வேறு முயற்சி எடுத்தும், கேரள வனத்துறை அனுமதி கொடுக்க மறுத்துவிட்டது. Also Read: முல்லைப்பெரியாறு அணையில் பருவமழை பராமரிப்பு என்ன ஆனது? - சந்தேகம் எழுப்பும் விவசாயிகள் இந்நிலையில், சுமார் 20 ஆண்டுகளுக்கு பின்னர், 10 நாட்களுக்கு முன்னர், முல்லைப்பெரியாறு அணைக்கு தரைவழியே மின்சாரம் கொண்டு செல்ல கேரள வனத்துறை அனுமதி கொடுத்தது. அதையடுத்து தமிழக, கேரள பொதுப்பணித்துறை மற்றும் மின்வாரிய உயர் அதிகாரிகள், மின்கம்பிகள் செல்லும் வல்லக்கடவு முதல் முல்லைப்பெரியாறு அணை வரையிலான வனப்பகுதியை ஆய்வு செய்தனர். தொடர்ந்து தற்போது வல்லக்கடவு முதல் அணை வரையில் வனப்பகுதியில் மின்வயர்கள் பதிக்கும் பணிகள் ஜே.சி.பி இயந்திரம் மூலம் நடந்துவருகிறது.வனத்திற்குள் மின்வயர் பதிக்கும் பணி இது தொடர்பாக தமிழகப் பொதுப்பணித்துறை அதிகாரிகள் தரப்பில் கேட்ட போது, “மின்வயர் பதிப்பதற்கான செலவுத்தொகை, ரூ1 கோடியே 66 லட்சம் கேரள மின்வாரியத்திற்கு தமிழக அரசு முன்னரே செலுத்திவிட்டது. ஆனால், வனத்துறை அனுமதி கிடைக்காததால், பணிகள் துவங்குவதில் தாமதம் ஏற்பட்டது. தற்போது அனுமதி கிடைத்து, பணிகளும் விரைவாக நடந்துவருகிறது. வனப்பகுதியில் சுமார் 5 கிலோமீட்டர் தொலைவிற்கு மின் வயர்கள் பதிக்கப்படும். ஜே.சி.பி இயந்திரம் மூலம், ஆழமாக தோண்டப்பட்டு மின்வயர்கள் பதிக்கப்படுவதால் வன விலங்குகளுக்கு எந்தப் பாதிப்பும் ஏற்படாது. பணிகளில் எந்த பிரச்னையும் இல்லை என்பதால், இம்மாத இறுதிக்குள் முல்லைப்பெரியாறு அணைக்கு மின்சாரம் கொடுத்துவிடலாம்” என்றனர்.
http://dlvr.it/Rlmbs8

Read More