பொங்கல் பரிசாக ரூ.2500... தமிழக அரசு நிதிச்சுமையில் சிக்குமா? சமாளிக்குமா?

தமிழகத்தில் பொங்கல் பரிசாக 2,500 ரூபாய் வழங்கப்படும் என்று அறிவிக்கப்பட்டுள்ள நிலையில், ஏற்கெனவே கடனில் தவிக்கும் தமிழக அரசால் இதை சமாளிக்க முடியுமா என்ற கேள்வி எழுந்துள்ளது. 100 ரூபாயில் தொடங்கிய பொங்கல் பரிசு பணம் தற்போது 2 ஆயிரத்து 500 ரூபாயாக அதிகரிக்கப்பட்டுள்ளது. இது மக்களுக்கு மகிழ்ச்சி அளிக்கும் அறிவிப்புதான் என்றாலும்கூட கொரோனா, புயல் போன்றவற்றால் பாதிக்கப்பட்டுள்ள தமிழகத்தின் நிதி நிலைமையையும் பார்க்க வேண்டியது அவசியம். தமிழகத்தின் ஒட்டுமொத்த கடன் சுமை 4.5 லட்சம் கோடி ரூபாயாக இருக்கிறது. இந்நிலையில், கொரோனா காலத்துக்கான செலவினங்கள், புயலால் பாதிக்கப்பட்ட மாவட்டங்களில் பராமரிப்பு பணிகள் என்று அடுத்தடுத்து நிதிச்சுமை ஏறிக்கொண்டே போகிறது. கடந்த ஆண்டு பொங்கலுக்கு 1000 ரூபாய் பரிசு பணம் வழங்கப்பட்டபோது தமிழக அரசின் மொத்த செலவினம் 2 ஆயிரம் கோடி ரூபாய். ஆனால் இந்த ஆண்டு பரிசு பணம் 2 ஆயிரத்து 500 ரூபாயாக வழங்கப்படுகிறது. கூடுதலாக அரிசி, வெல்லம், முழு கரும்பு வழங்கப்பட இருப்பதால் அரசுக்கு 6 ஆயிரம் கோடி ரூபாய் செலவாகும். இதனால் செலவினங்களை சமாளிக்க முடியுமா என்ற கேள்வி எழுந்துள்ளது. ஆனால், இரண்டு மாதங்களாக தமிழகத்தில் பல்வேறு தொழில் நிறுவனங்களின் தொடக்கம், ஜிஎஸ்டி வருவாய் உயர்ந்திருப்பது, டாஸ்மாக் மூலம் வருவாய் அதிகரிப்பு ஆகியவற்றை வைத்து பொங்கல் செலவினத்தை சமாளிக்க முடியும் என்று சொல்லப்படுகிறது. மேலும் இதன்மூலம் பணப்புழக்கம் அதிகரிக்கும் என்றும் கூறப்படுகிறது. நடப்பு நிதி ஆண்டில் 4.5 லட்சம் கோடி நிதி சுமை இருக்கும் போது தற்போது 6 ஆயிரம் கோடி ரூபாய் செலவு என்பது, கொரோனா காலகட்டத்தில் அரசுக்கு கூடுதல் செலவுதான். ஆனாலும் இது மக்கள் நலன் சார்ந்தது என்பதால் அரசு இதை சமாளிக்க போதுமான நிதி நிலையுடன் இருப்பதாகவே தெரிகிறது.
http://dlvr.it/Rp39wf

Read More

நேரடி பரப்புரை.. கிராம சபை கூட்டங்கள்... பரப்புரை அறிவிப்புகளை வெளியிட்ட திமுக

ஜனவரி முதல் வாரத்தில் இருந்து மு.க.ஸ்டாலின் நேரடி தேர்தல் பரப்புரையில் ஈடுபடவுள்ளார் சென்னை அண்ணா அறிவாலயத்தில் திமுக மாவட்டச் செயலாளர்கள் கூட்டம் தொடங்கி நடைபெற்று வருகிறது. இந்தக் கூட்டத்தில் திமுகவின் ஒன்றிய, நகர, பேரூர் கழக செயலாளர்கள் கலந்துகொண்டுள்ளனர். இதில் மு.க.ஸ்டாலின் முக்கிய அறிவிப்பு ஒன்றை வெளியிட உள்ளதாக கூறப்பட்டது. கூட்டத்தில் பேசிய துரைமுருகன், ''கூட்டத்தின் முடிவில் ஸ்டாலின் ஒரு போர்க்குரலை அறிவிக்கவுள்ளார்'' என்று தெரிவித்தார். மேலும்,ஜனவரி முதல் வாரத்தில் இருந்து ஸ்டாலின் நேரடி தேர்தல் பரப்புரையில் ஈடுபடவுள்ளார் . 16ஆயிரம் கிராமசபைக் கூட்டங்களையும் ஸ்டாலின் நடத்த விரும்புகிறார் என பேசினார். 'அதிமுகவை நிராகரிக்கிறோம்' என்ற பெயரில் பரப்புரை நடைபெறும் என்றும், அதே பெயரில் கிராமசபைக் கூட்டங்களில் தீர்மானம் நிறைவேற்ற வேண்டுமென்றும் திமுக குறிப்பிட்டுள்ளது. மேலும் இந்தக் கூட்டத்தின் போது 'அதிமுகவை நிராகரிக்கிறோம்' என்ற வீடியோவும் வெளியிடப்பட்டது.
http://dlvr.it/Rp1XKc

Read More

''ஒரு போர்க்குரலை அறிவிக்கவுள்ளார் ஸ்டாலின்'' - துரைமுருகன்

மாவட்ட செயலாளர்கள் கூட்டத்தின் முடிவில் ஸ்டாலின் ஒரு போர்க்குரலை அறிவிக்கவுள்ளார் என துரைமுருகன் பேசியுள்ளார் சென்னை அண்ணா அறிவாலயத்தில் திமுக மாவட்டச் செயலாளர்கள் கூட்டம் தொடங்கி நடைபெற்று வருகிறது. இந்தக் கூட்டத்தில் திமுகவின் ஒன்றிய, நகர, பேரூர் கழக செயலாளர்கள் கலந்துகொண்டுள்ளனர். இதில் மு.க.ஸ்டாலின் முக்கிய அறிவிப்பு ஒன்றை வெளியிட உள்ளதாக கூறப்பட்டுள்ளது. அது, மு.க.ஸ்டாலின் மேற்கொள்ள இருக்கும் தேர்தல் பரப்புரை குறித்து அதிகாரப்பூர்வமான அறிவிப்பாக இருக்கும் என எதிர்பார்க்கப்படுகிறது. "ஸ்டாலின்தான் வாராரு விடியல் தரப்போறாரு" என்ற பெயரில் அந்தப் பரப்புரைப் பயணம் இருக்கும் என்று அறிவாலய வட்டாரங்கள் தெரிவிக்கின்றன. கூட்டத்தில் பேசிய துரைமுருகன், ''கூட்டத்தின் முடிவில் ஸ்டாலின் ஒரு போர்க்குரலை அறிவிக்கவுள்ளார்'' என்று தெரிவித்தார். இதனையடுத்து ஸ்டாலினின் அறிவிப்பு என்னவென்பது குறித்து எதிர்பார்ப்பு எகிறியுள்ளது
http://dlvr.it/Rp1XGP

Read More

பொங்கல் பரிசுத் தொகையை அதிகரித்தது ஏன்? - முதல்வர் பழனிசாமி விளக்கம்

பொங்கல் பரிசை உயர்த்துவது ஏன் என்பதற்கு முதல்வர் எடப்பாடி பழனிசாமி பதிலளித்துள்ளார்.  சட்டமன்ற தேர்தல் அடுத்தாண்டு நடைபெற உள்ள நிலையில், இன்று எடப்பாடி தொகுதியில் முதல்வர் பழனிசாமி பிரச்சாரத்தை தொடங்கினார். அதனைத் தொடர்ந்து நலத்திட்ட உதவிகள் வழங்கும் விழாவில் பேசிய முதல்வர், பொங்கல் பரிசாக குடும்ப அட்டைதாரர்களுக்கு 2500 ரூபாய் வழங்குவதாக அறிவித்தார். இதனை விமர்சனம் செய்த எதிகட்சித்தலைவர் ஸ்டாலின் தேர்தல் நெருங்கும் நேரத்தில் சுய நலத்துக்காக முதல்வர் பழனிசாமி பொங்கல் பரிசு அறிவித்துள்ளாரா? என்று கேள்வி எழுப்பினார். இந்நிலையில் இந்த விமர்சனத்திற்கு தற்போது முதல்வர் எடப்பாடி பதில் அளித்துள்ளார். சேலம் மாவட்டம் எடப்பாடி அருகே தேர்தல் பிரசார பொதுக்கூட்டத்தில் இது குறித்து அவர் கூறும் போது, “ கொரோனா, புயல் என மக்கள் பாதிக்கப்பட்டிருப்பதால் பொங்கல் பரிசை உயர்த்தி வழங்குகிறோம். பாதிக்கப்பட்ட மக்களுக்கு கொடுப்பது தவறா? மக்கள் குறிப்பறிந்து சூழலுக்கேற்ப வழங்குவதை சுயநலம் என சொல்வது நியாமில்லை. நடைமுறைப்படுத்த முடியாத கவர்ச்சிகரமான திட்டங்களை அறிவித்து திமுக ஏமாற்றுகிறது.” என பேசினார்.
http://dlvr.it/Rp0VG9

Read More

டெலிட் ஆப்ஷனை நீக்கிய பேஸ்புக்: இனி டெலிட் செய்ய என்ன செய்யணும்?

டெலிட் ஆப்ஷனை நீக்கியுள்ள பேஸ்புக், அதற்கு பதிலாக ’Move to Trash’ என்ற ஆப்ஷனை கொண்டு வந்துள்ளது. பயனர்களுக்கு புதிது புதிதாக அடிக்கடி அப்டேட் கொண்டு வருகிறது பேஸ்புக். சில அப்டேட்கள் வரவேற்பை பெற்றாலும், சில அப்டேட்களை பயனர்களுக்கு பிடிக்காதவையாகவே உள்ளன. ஆனாலும் பயனர்களை மட்டுமே கருத்தில் கொள்ளாமல் பாதுகாப்பு அம்சங்களையும் கணக்கில்கொண்டு அப்டேட் கொண்டு வரப்படுகிறது. இந்நிலையில் புதிய அப்டேட்டாக டெலிட் ஆப்ஷனை நீக்கியுள்ளது பேஸ்புக். அதற்கு பதிலாக ’Move to Trash’ என்ற ஆப்ஷனை கொண்டு வந்துள்ளது. பேஸ்புக்கில் நாம் பதிவிட்ட போஸ்டை டெலிட் செய்யும் ஆப்ஷன் இருக்கும். ஆனால் தற்போது அதில் ஒரு மாற்றத்தை கொண்டு வந்துள்ளது பேஸ்புக். டெலிட்க்கு பதிலாக 'Move to Trash' என்ற ஆப்ஷனை கொண்டு வந்துள்ளது. உங்கள் பேஸ்புக் செயலியை அப்டேட் செய்தால் இந்த புதிய அப்டேட் கிடைக்கிறது. மேலும், 'Trash'ல் கொண்டு செல்லப்படும் போஸ்டுகள் 30நாட்களுக்கு பிறகு டெலிட் ஆகும் என தெரிவிக்கப்பட்டுள்ளது. அதற்கு முன்னதாகவே நாம் குறிப்பிட்ட போஸ்டை டெலிட் செய்ய வேண்டுமென்றால்,' Move to Trash'கொடுத்த பிறகு 'Settings' ஆப்ஷன் சென்று, 'Activity Log'ல் இருக்கும் குறிப்பிட்ட போஸ்டை டெலிட் செய்யலாம் என பேஸ்புக் தெரிவித்துள்ளது. இந்த ஆப்ஷன் கடினமான ஒன்று என பயனர்கள் தெரிவித்து வருகின்றனர். அதேவேளையில் தவறுதலாக டெலிட் ஆனாலும் நம் பதிவை மீட்க முடியும் என்பதால் இது பாதுகாப்பான ஒன்று எனவும் ஒருதரப்பினர் கருத்து பதிவிட்டுள்ளனர்.
http://dlvr.it/RnyvYQ

Read More

'மறக்க முடியாத' முதல் டெஸ்ட்... - இந்தியாவை எளிதாக வீழ்த்திய ஆஸ்திரேலியா!

படுமோசமான இரண்டாவது இன்னிங்ஸால் இந்திய அணிக்கும், இந்திய ரசிகர்களுக்கும் 'மறக்க முடியாத' போட்டியான முதல் டெஸ்டில், ஆஸ்திரேலிய அணி எளிதாக வென்றது. டெஸ்ட் கிரிக்கெட்டில் ஓர் இன்னிங்ஸில் ஓர் அணியின் அனைத்து பேட்ஸ்மேன்களும் ஒற்றை இலக்க எண்களில் மட்டுமே ரன்கள் எடுத்து அவுட்டாவது அரிதினும் அரிதான நிகழ்வு. இந்த மோசமான சாதனையை ஆஸ்திரேலியாவின் அடிலெய்ட் டெஸ்ட் போட்டியில் இந்திய அணி படைத்துள்ளது கிரிக்கெட் வரலாற்றில் மறக்க முடியாத ஒன்றாகிவிட்டது. > விரிவாக வாசிக்க - அனைத்து பேட்ஸ்மேன்களும் ஒற்றை இலக்கில் அவுட்: இந்திய அணி 'மோசமான' சாதனை! இந்திய கிரிக்கெட் அணி ஆஸ்திரேலியாவுடனான முதல் டெஸ்ட் போட்டியில் அடிலெய்ட் மைதானத்தில் விளையாடியது. பகல் இரவு ஆட்டமாக நடைபெற்ற இந்த போட்டியில் டாஸ் வென்ற இந்திய அணி முதல் பேட்டிங்கை தேர்வு செய்தது. முதல் இன்னிங்ஸில் இந்தியா 244 ரன்களும், ஆஸ்திரேலியா 191 ரன்களும் எடுத்தன.  SHOT! #AUSvIND pic.twitter.com/XBGzOsTo2C — cricket.com.au (@cricketcomau) December 19, 2020 இரண்டாவது இன்னிங்க்ஸை 53 ரன்கள் முன்னிலையில் தொடங்கியது இந்தியா. இருப்பினும் 21.2 ஓவர்களில் 36 ரன்களை மட்டுமே எடுத்து அனைத்து விக்கெட்டையும் இழந்தது இந்தியா. அதனால் 90 ரன்கள் எடுத்தால் வெற்றி என்ற சுலப இலக்கை ஆஸ்திரேலியா விரட்டியது.  Bizarre dismissal alert!What about that from Saha?! #AUSvIND pic.twitter.com/OqMLnSNgCE — cricket.com.au (@cricketcomau) December 19, 2020 அந்த அணிக்காக மேத்யூ வேட் மற்றும் ஜோ பேர்ன்ஸ் இன்னிங்க்ஸை ஓப்பன் செய்தனர். 2 விக்கெட் இழப்பிற்கு 21 ஓவர்களில் ஆஸ்திரேலியா இலக்கை எட்டியது. இதன் மூலம் ஆஸ்திரேலியா 8 விக்கெட் வித்தியாசத்தில் வெற்றி பெற்று 4 போட்டிகள் கொண்ட டெஸ்ட் தொடரில் 1 - 0 என முன்னிலை வகிக்கிறது. வேட் 33 ரன்களும், பேர்ன்ஸ் 51 ரன்களும், மார்னஸ் லபுஷேன் 6 ரன்களும், ஸ்மித் 1 ரன்னும் எடுத்திருந்தனர். ஆஸ்திரேலிய அணியின் அபாரமான பந்துவீச்சே இந்த வெற்றிக்கு முக்கிய காரணம். Six and fifty for Joe Burns!What a way to seal victory for Australia! #AUSvIND pic.twitter.com/9ZLfC3f41r — cricket.com.au (@cricketcomau) December 19, 2020
http://dlvr.it/RnyvXp

Read More

கிழிந்த ஷூவுடன் பந்து வீசிய முகமது ஷமி; காரணம் இதுதான்! - விளக்குகிறார் ஷேன் வார்ன்

இந்திய கிரிக்கெட் அணி அடிலெய்ட் மைதானத்தில் ஆஸ்திரேலியாவுடனான முதல் டெஸ்ட் போட்டியில் விளையாடி வருகிறது. பகலிரவு ஆட்டமாக நடைபெற்று வரும் இந்த போட்டியில் இந்தியா 244 ரன்களும், ஆஸ்திரேலியா 191 ரன்களும் முதல் இன்னிங்ஸில் குவித்துள்ளன. இந்திய அணி இந்த ஆட்டத்தில் 62 ரன்கள் முன்னிலையில் உள்ளது.  இந்நிலையில், இந்திய அணி பந்து வீசிய போது வேகப்பந்து வீச்சாளர் முகமது ஷமி இடது காலில் கிழிந்த ஷுவை அணிந்து கொண்டு விளையாடினார். அதை கவனித்த கிரிக்கெட் ரசிகர்கள் இணையத்தில் வைரலாக பகிர்ந்திருந்தனர். இதனிடையே, ஷமி ஏன் கிழிந்த ஷுவை அணிந்து கொண்டு பந்து வீசினார் என்பதற்கு ஆஸ்திரேலிய முன்னாள் வீரர் ஷேன் வார்னே விளக்கம் கொடுத்துள்ளார். “இது அவரது ஆட்டத்தின் வியூகம் என்று சொல்லலாம். பந்தை ரிலீஸ் செய்யும் போது சரியான லேண்டிங் கிடைக்க வேண்டும் என்பதற்காக ஷமி இதை செய்துள்ளார். HIGH ARM பவுலிங் ஆக்ஷனில் ஷமி பந்து வீசுகிறார். அப்படி அவர் பந்தை ரிலீஸ் செய்யும் போது எந்தவித இடம்பாடும் ஏற்படக் கூடாது என்பதற்காக ஷமி இதை செய்திருக்கலாம்” என வார்னே தெரிவித்துள்ளார்.  மொத்தமாக 17 ஓவர் வீசியுள்ள ஷமி 41 ரன்களை விட்டுக் கொடுத்துள்ளார். இதில் நான்கு மெய்டன் ஓவர்களும் அடங்கும். விக்கெட்  வீழ்த்த தவறி இருந்தாலும் ஆஸ்திரேலிய பேட்ஸ்மேன்களை அவர் கட்டுப்படுத்தி இருந்தார். அணிக்காக ஷமியின் அர்ப்பணிப்பை பார்த்து அவரை ரசிகர்கள் கொண்டாடி வருகின்றனர்.  
http://dlvr.it/RnxpwJ

Read More