விருதுநகர்: பஞ்சாலை ஊழியர்களுடன் வந்த தனியார் பேருந்து கவிழ்ந்து விபத்து-இருவர் உயிரிழப்பு

விருதுநகர் அருகே பஞ்சாலை ஊழியர்களை ஏற்றி வந்த பேருந்து நிலை தடுமாறி கவிழ்ந்து விபத்திற்குள்ளானதில் இருவர் உயிரிழந்தனர். விருதுநகர் மாவட்டம் நரிக்குடி அருகே பனையூர், திருச்சுழி சுற்றுவட்டாரப்பகுதியில் இருந்து தனியார் பஞ்சாலைக்கு மினி பேருந்து மூலமாக ஊழியர்கள் ஏற்றி செல்லப்படுவது வழக்கம். அந்த வகையில் இன்று 22 ஊழியர்களை ஏற்றிக்கொண்டு மினி பேருந்து சென்றுகொண்டிருந்தது. அப்போது பனையூர் திருச்சுழிக்கு இடையே வந்துகொண்டிருந்தபோது நிலைதடுமாறு பேருந்து கட்டுப்பாட்டை இழந்து கவிழ்ந்து விபத்துக்குள்ளானது. இதில் சம்பவ இடத்திலேயே இரண்டு பேர் பரிதாபமாக உயிரிழந்தனர். மேலும் 10க்கும் மேற்பட்டோர் படுகாயமடைந்தனர். தகவலறிந்து வந்த போலீசார் சம்பவ இடத்திற்கு விரைந்து வந்து இறந்தவர்களின் உடல்களை மீட்டு பிரேத பரிசோதனைக்காக அனுப்பி வைத்தனர். மேலும், படுகாயமடைந்தவர்களை மீட்டு திருச்சுழி அரசு மருத்துவமனைக்கு சிகிச்சைக்காக அனுப்பி வைத்தனர். விசாரணையில் உயிரிழந்தவர்கள் பூசையா, ஸ்ரீகாந்த் ஆகியோர் என்பது தெரியவந்தது.
http://dlvr.it/RpPvm7

Read More

'2028-ல் அமெரிக்காவை முந்தும் சீனா; 2030-ல் இந்தியா 3-வது மிகப் பெரிய பொருளாதார நாடு!'

2028-ல் சீனா அமெரிக்காவை பின்னுக்குத் தள்ளி உலகின் மிகப்பெரிய பொருளாதார நாடாக உருவெடுக்கும் எனக் கணிக்கப்பட்டுள்ளது. இங்கிலாந்தில் செயல்படும் பொருளாதார ஆய்வு அமைப்பான Centre for Economics and Business Research (CBER), தனது வருடாந்திர ஆய்வறிக்கையை சமீபத்தில் வெளியிட்டது. அதில் உலகின் மிகப்பெரிய பொருளாதார நாடாக இருக்கும் அமெரிக்காவின் இடத்தை அடுத்த 8 வருடத்தில் சீனா பிடித்துவிடும் எனத் தெரிவிக்கப்பட்டுள்ளது.  மேலும் கொரோனா வைரஸ் பாதிப்பில் இருந்து இரு பெரும் பொருளாதாரங்கள் மீண்டு வருவதில் இருக்கும் கால வேறுபாட்டால், இதற்கு முன் கணித்திருந்ததைவிட, சீனா ஐந்து ஆண்டுகள் முன் கூட்டியே உலகின் பெரிய பொருளாதாரமாக உருவாகப் போகிறது எனவும் சி.இ.பி.ஆர் அமைப்பு கூறியிருக்கிறது. 2021 முதல் 2025 வரையிலான ஆண்டுகளில் சீனாவின் சராசரி பொருளாதார வளர்ச்சி 5.7 சதவீதமாகவும், 2026 - 2030 வரை சராசரியாக 4.5 சதவீதமாக இருக்கலாம் என்கிறது சி.இ.பி.ஆர். டாலர் மதிப்பில் பார்க்கும் போது ஜப்பான் நாட்டின் பொருளாதாரம் தொடர்ந்து 2030-ம் ஆண்டு வரை உலகின் மூன்றாவது பெரிய பொருளாதாரமாக இருக்கும் எனவும், அதற்குப் பிறகு இந்தியா மூன்றாவது இடத்தைப் பிடிக்கலாம் எனவும் குறிப்பிட்டிருக்கிறது. அப்படி இந்தியா 2030-ம் ஆண்டில் உலகின் மூன்றாவது பெரிய பொருளாதாரமாக இடம் பிடித்தால், ஜப்பான் நான்காவது இடத்தையும், ஜெர்மனி ஐந்தாவது இடத்தையும் பிடிக்கும். சி.இ.பி.ஆர் கணக்குப்படி, பிரிட்டன் தற்போது உலகின் ஐந்தாவது பெரிய பொருளாதாரமாக இருக்கிறது. 2024-ம் ஆண்டில் பிரிட்டன் பொருளாதாரம் ஆறாவது இடத்துக்குப் போகலாம் எனக் குறிப்பிட்டிருக்கிறது.
http://dlvr.it/RpNSrb

Read More

ஜனநாயகம் குறித்து பாடம்; புதுச்சேரி ரெஃபரன்ஸ்!’ - காங்கிரஸை விமர்சித்த மோடி

ஜம்மு-காஷ்மீர் மக்களுக்கு இலவச மருத்துவ காப்பீட்டுத் திட்டமான ஆயுஷ்மான் பாரத் திட்டத்தைப் பிரதமர் மோடி காணொலி வாயிலாகத் தொடங்கி வைத்தார். இந்த திட்டத்தின் மூலம் ஒரு குடும்பத்துக்கு ஐந்து லட்சம் வரை காப்பீடு கிடைக்கிறது. திட்டத்தைத் தொடங்கி வைத்துப் பேசிய பிரதமர் மோடி, ஜம்மு-காஷ்மீர் யூனியன் பிரதேசமாக மாற்றப்பட்ட ஒரு ஆண்டில் உள்ளாட்சித் தேர்தல் நடத்தப்பட்டுள்ளது. மாவட்ட வளர்ச்சித் தேர்தலின் மூலம் ஜம்மு-காஷ்மீரில் ஒரு புதிய அத்தியாயம் எழுதப்பட்டுள்ளது. Ensuring top quality healthcare for the people of Jammu and Kashmir. https://t.co/RdKKRo33lh— Narendra Modi (@narendramodi) December 26, 2020 டெல்லியில் சிலர் ஜனநாயகம் குறித்து நாளுக்கு நாள் எனக்குப் பாடம் எடுக்கிறார்கள். ஜனநாயக வழியில் நடக்கவில்லை என்று எங்களைக் குற்றம் சாட்டுகிறார்கள். ஆனால், காங்கிரஸ் ஆட்சி செய்யும் புதுச்சேரி யூனியன் பிரதேசத்தில் இன்னும் தேர்தல் நடத்தப்படவில்லை’’ என்றார். Also Read: ஜம்மு-காஷ்மீர் உள்ளாட்சித் தேர்தல்: 75 இடங்களில் வெற்றி - பா.ஜ.க-வுக்கு வளர்ச்சியா, பின்னடைவா? காங்கிரஸின் குற்றச்சாட்டுக்குப் பதிலளிக்கும் விதமாகப் பேசிய பிரதமர் மோடி, ``உச்ச நீதிமன்றம் உத்தரவு பிறப்பித்த பின்னரும் புதுச்சேரியில் தேர்தலை நடத்தாமல் இருப்பது ஜனநாயகத்தைப் பின்பற்றும் செயல் அல்ல.நிகழ்ச்சியில் பிரதமர் மோடி முந்தைய பத்து ஆண்டுக்காலமாக ஆட்சியிலிருந்தவர்கள் எல்லையோரப் பகுதிகளின் வளர்ச்சிப் பணியில் கவனம் செலுத்தவில்லை. ஜம்மு-காஷ்மீரில் படிப்படியாக அனைத்து வகையான வளர்ச்சி பணிகளையும் மத்திய அரசு செய்து வருகிறது" என்று கூறினார்.
http://dlvr.it/RpNSpk

Read More

பொங்கல் பரிசுக்கு இன்று முதல் டோக்கன்

பொங்கல் தொகுப்பு மற்றும் 2,500 ரூபாய் பரிசுத் தொகையை பெறுவதற்கான டோக்கன் இன்று முதல் வரும் 30ஆம் தேதி வரை விநியோகிக்கப்படுகிறது. பொங்கல் திருநாளை கொண்டாடும் விதமாக, அனைத்து அரிசி குடும்ப அட்டைதாரர்களுக்கும், பச்சரிசி, சர்க்கரை, கரும்பு உள்ளிட்ட பொருட்கள் அடங்கிய பொங்கல் தொகுப்புடன், 2500 ரூபாய் பரிசுத் தொகை வழங்கப்படுகிறது. இதுதொடர்பாக உணவுப்பொருள் வழங்கல் துறை வெளியிட்டுள்ள சுற்றறிக்கையில், பொங்கல் தொகுப்பு மற்றும் ரூ.2,500 பரிசுத் தொகையைப் பெற இன்று முதல் வரும் 30ஆம் தேதி வரை டோக்கன் விநியோகிக்கப்படும் என தெரிவிக்கப்பட்டது. வீடுதோறும் சென்று நியாயவிலைக் கடை பணியாளர்கள் மூலம் டோக்கன் வழங்கப்பட வேண்டும் என்றும், ஒரு கடையில் முற்பகலில் 100 பேருக்கும் பிற்பகலில் 100 பேருக்கும் பொங்கல் தொகுப்பு, பரிசுத் தொகை விநியோகிக்க அறிவுறுத்தப்பட்டுள்ளது. குறிப்பிட்ட நாளில் வாங்க இயலாத குடும்ப அட்டைதாரர்களுக்கு ஜனவரி 13ஆம் தேதிக்குள் பொங்கல் தொகுப்பு, பரிசுத் தொகை வழங்கப்படும் என்றும், இவை இரண்டும் ஒரே நேரத்தில் வழங்கப்பட வேண்டும் என்றும் உத்தரவிடப்பட்டுள்ளது.
http://dlvr.it/RpMTvL

Read More

இந்தியாவில் வெளியாகவுள்ள Realme X7 சீரிஸ்: மாடல்களின் விவரமும், தகவல்களும்!

Realme X7 சீரிஸ் இந்தியாவில் 2021ம் ஆண்டு வெளியிடப்படும் என அந்நிறுவனம் தெரிவித்துள்ளது. இது Realme X7 Pro மற்றும் Realme 7 5G ஆகிய மாடல்களாக இருக்கலாம் என எதிர்பார்க்கப்படுகிறது பட்ஜெட் போன்கள் மூலம் இந்திய ரசிகர்களிடையே வரவேற்பைப் பெற்ற ரியல்மி, தொடர்பான தகவல்கள் வெளியாகியுள்ளன. Realme X7 Pro மற்றும் Realme 7 5G ஆகிய மாடல்களை ரியல்மி அறிமுகம் செய்யவுள்ளதாக கூறப்படுகிறது. Realme X7 சீரிஸ் இந்தியாவில் 2021ம் ஆண்டு வெளியிடப்படும் என அந்நிறுவனம் தெரிவித்துள்ளது. ஆகவே, Realme X7 Pro மற்றும் Realme 7 5G மாடலாகவே இருக்குமென எதிர்பார்க்கப்படுகிறது. இந்த மாடல்கள் ஏற்கெனவே சீனா, தைவானில் வெளியாகிவிட்ட நிலையில் அது தொடர்பான தகவல்களை பார்க்கலாம். Realme 7 5G: Realme 7 5G மாடல் 6.50 இன்ஞ் டிஸ்பிளே கொண்டதாக இருக்கிறது. இது பெரிய டிஸ்பிளே என்பதால், கேமிங் போன்ற பயன்பாட்டுக்கு சிறப்பானதாக இருக்குமென தெரிகிறது. ஆனால் கைகளில் எளிதாக பயன்படுத்த முடியாது என்ற சிக்கலும் உள்ளது. செல்ஃபிக்கு ஏதுவாக 16MP முன்பக்க கேமராவும், பின்பக்கத்தில் 48mp+8mp+2mp+2mp என்ற 4 வகை கேமராக்களும் உள்ளன. MediaTek Dimensity 800U என்ற பிராசஸ்சர், Android 10 ஓஎஸ், 1080x2400 pixels ரெசொலேசன், 5000mAh பேட்டரி ஆகிய வசதிகளையும் பெற்றுள்ளது. 6GB ரேம், 128GB ஸ்டோரேஜ் கொண்ட மாடலாக இது இருக்கும். இது இந்திய ரூபாய் மதிப்பில், கிட்டத்தட்ட ரூ.26ஆயிரம் இருக்கலாம் என கணிக்கப்படுகிறது. Realme X7 Pro: இந்த மாடலில் 6.55-inch டிஸ்பிளே உள்ளது. 32 மெகாபிக்சல் முன்பக்க கேமரா, 64mp+8mp+2mp+2mp என்ற 4 வகை பின்பக்க கேமராக்களும் உள்ளன. 6GB ரேம், 128GB ஸ்டோரேஜ் கொண்ட மாடலாக இது இருக்கும். பேட்டரி கெபாசிட்டி 4500mAhஆகவும், Android 10 ஓஎஸ், 1080x2400 pixelsரெசோலேஷன் ஆகிய வசதிகளை கொண்டுள்ளது Realme X7 Pro. இதன் விலை, இந்திய மதிப்பில் ரூ.39ஆயிரமாக இருக்கலாம் என கணிக்கப்படுகிறது Realme 7 5G மற்றும் Realme X7 Pro ஆகிய மாடல்கள் வழக்கமான பட்ஜெட் விலையில் இல்லை என்றாலும் விலைக்கேற்ற வசதிகள் இருக்கும் என்கிறது ரியல்மி. வசதிகளும், விலையும் இந்திய வாடிக்கையாளர்களை கவருமா என்பதை பொறுத்திருந்துதான் பார்க்க வேண்டும்
http://dlvr.it/RpL5bw

Read More

`நாட்டின் இளம்வயது மேயர்!’ - திருவனந்தபுரம் மாநகராட்சியில் பதவியேற்கும் 21 வயதுக் கல்லூரி மாணவி

கேரள மாநில உள்ளாட்சித் தேர்தல் கடந்த 8, 10 மற்றும் 14-ம் தேதிகளில் மூன்று கட்டங்களாக நடந்தது. வாக்குகள் கடந்த 16-ம் தேதி எண்ணப்பட்டன. அதில் ஆளும் சி.பி.எம் அதிக இடங்களில் வென்று எதிர்க்கட்சிகளுக்கு அதிர்ச்சி கொடுத்தது. கேரள தலைநகரான திருவனந்தபுரம் மாநகராட்சியில் மொத்தம் உள்ள 100 சீட்டுகளில், சி.பி.எம் 53 சீட்டுகளை வென்று தனிப் பெரும்பான்மை பெற்றது. பா.ஜ.க 35 சீட்டுகளையும், காங்கிரஸ் 10 சீட்டுகளையும் பிடித்தன. கேரள உள்ளாட்சித் தேர்தலில் இதுவரை இல்லாத அளவு இளம் வேட்பாளர்கள் களமிறக்கப்பட்டனர். முதலில் சி.பி.எம் கட்சி கல்லூரி மாணவிகள் உள்ளிட்டவர்களை களம் இறக்கியது. அதைத் தொடர்ந்து பா.ஜ.க, காங்கிரஸ் உள்ளிட்ட கட்சிகளும் இளம் வேட்பாளர்களை அதிக அளவில் களம் இறக்கின. நகராட்சி, மாநகராட்சி உள்ளிட்டவைகளில் பெரும்பான்மை பெற்ற கட்சிகள் சேர்மன் பதவிக்காக கவுன்சிலர்களைத் தேர்வு செய்து வருகின்றன.ஆர்யா ராஜேந்திரன் அதன்படி திருவனந்தபுரம் மாநகராட்சி சேர்மனாக 21 வயதான ஆர்யா ராஜேந்திரனை சி.பி.எம் மாவட்டக்குழு தேர்வு செய்துள்ளதாகத் தகவல் வெளியாகியுள்ளது. ஆல் செயிண்ட்ஸ் கல்லூரியில் பி.எஸ்.சி கணிதம் இரண்டாம் ஆண்டு படித்து வருகிறார் ஆர்யா ராஜேந்திரன். எஸ்.எஃப்.ஐ மாநிலகுழு உறுப்பினராகவும், சி.பி.எம் கட்சியின் சிறுவர்கள் அமைப்பான பாலசங்கத்தின் மாநிலத் தலைவராகவும் உள்ளார். முடவன்முகல் வார்டு கவுன்சிலரான இவரது தந்தை ராஜேந்திரன் எலக்ட்ரீசியனாக வேலை செய்து வருகிறார். தாய் ஸ்ரீலதா எல்.ஐ.சி ஏஜெண்டாகவும் உள்ளார். Also Read: கேரள உள்ளாட்சித் தேர்தல் : `தங்கக் கடத்தல்’ தகதகக்கவில்லை... எப்படி வென்றது இடது ஜனநாயக முன்னணி? இதுகுறித்து ஆர்யா ராஜேந்திரன் கூறுகையில்,``மேயர் பொறுப்பு குறித்து எனக்கு இன்னும் முறைப்படி அறிவிப்பு வரவில்லை. படிப்புடன் சேர்ந்து கவுன்சிலர் பணியையும் சிறப்பாகக் கொண்டுசெல்ல வேண்டும் என்பது எனது எனது ஆசை. எனக்கு நினைவு தெரிந்த நாளில் இருந்து எனது தந்தை கேசவரோடு சி.பி.எம் கிளை உறுப்பினராக இருக்கிறார். அதனால் நான் கட்சியில் பொறுப்பெடுத்து வேலை செய்வதற்கு தந்தை உறுதுணையாக இருந்தார்.திருவனந்தபுரம் மேயர் - ஆர்யா ராஜேந்திரன் கல்லூரியில் இப்போது ஆன்லைன் வகுப்புகள் நடந்து கொண்டிருக்கின்றன. தேர்தல் நேரத்தில் மூன்று தேர்வுகள் நடந்தன. அவற்றை எழுதியிருக்கிறேன். படிப்பைத் தொடர்வதுடன், மக்கள் பணியும் செய்வேன். திருவனந்தபுரம் மாநகராட்சியில் குப்பைகளைக் கையாளுவது, ஆரம்ப சுகாதார நிலையங்கள் கொண்டுவருவது போன்றவற்றுக்கு முக்கியத்துவம் கொடுப்பேன்" என்றார்.
http://dlvr.it/RpL5bD

Read More

ஜம்மு-காஷ்மீர் உள்ளாட்சித் தேர்தல்: 75 இடங்களில் வெற்றி - பா.ஜ.க-வுக்கு வளர்ச்சியா, பின்னடைவா?

ஜம்மு-காஷ்மீர் யூனியன் பிரதேசத்துக்கான மாவட்ட வளர்ச்சி கவுன்சில் தேர்தல் கடந்த வாரம் நடந்து முடிந்தது. அதற்கான முடிவுகள் தற்போது வெளியாகியுள்ளன. ஜம்மு-காஷ்மீரின் சிறப்பு அந்தஸ்தை ரத்து செய்த பின்னர், அந்தப் பகுதியில் நடைபெறும் முதல் தேர்தல் இது என்பதால், அனைத்துக் கட்சிகளும் பரபரப்பாக இந்தத் தேர்தலில் களமிறங்கிப் பணியாற்றின. இந்தத் தேர்தலில், ஃபரூக் அப்துல்லா தலைமையிலான குப்கர் கூட்டணி 110 இடங்களைக் கைப்பற்றி அமோக வெற்றி பெற்றிருக்கிறது. அதேநேரத்தில், பா.ஜ.க தனித்துப் போட்டியிட்டு 75 இடங்களைக் கைப்பற்றி `அதிக இடங்களை வென்ற கட்சி'யாக இருக்கிறது.ஃபரூக் அப்துல்லா மாவட்ட கவுன்சில் தேர்தல்! ஜம்மு-காஷ்மீரில் நடைபெறும் முதல் மாவட்ட கவுன்சில் தேர்தல் இதுதான். ஒவ்வொரு மாவட்டத்தின் மேம்பாட்டுக்காகவும், பொருளாதார முன்னேற்றத்துக்காகவும் இந்தத் தேர்தல் நடத்தப்படுகிறது. கடந்த மாதம் 28-ம் தேதி முதல் இந்த மாதம் 19-ம் தேதி வரை எட்டு கட்டங்களாக வாக்குப்பதிவு நடத்தப்பட்டது. ஜம்மு-காஷ்மீரில் மொத்தம் 20 மாவட்டங்கள் உள்ளன. மாவட்டத்துக்கு 14 தொகுதிகள் பிரிக்கப்பட்டு, மொத்தம் 280 தொகுதிகளில் மாவட்ட கவுன்சில் தேர்தல் நடைபெற்றது. வாக்குப்பதிவு இயந்திரத்தைத் தவிர்த்துவிட்டு, வாக்குச்சீட்டு முறைப்படி இந்தத் தேர்தல் நடைபெற்றது. தேர்தலில் பங்கேற்ற கட்சிகள்! கடந்த ஆகஸ்ட் 4-ம் தேதி, ஜம்மு-காஷ்மீர் தேசிய மாநாட்டுக் கட்சியின் தலைவர் ஃபரூக் அப்துல்லாவின் குப்கர் இல்லத்தில் நடந்த அனைத்துக் கட்சிக் கூட்டத்துக்குப் பின்னர், `குப்கர் பிரகடனம்' என்ற தீர்மானம் வெளியிடப்பட்டது. ஜம்மு-காஷ்மீரின் அடையாளம், சிறப்பு அந்தஸ்து, சுயாட்சி ஆகியவற்றைப் பாதுகாப்பதுதான் குப்கர் பிரகடனத்தின் நோக்கம் என்று கூறப்பட்டது. இதையடுத்து மாவட்ட கவுன்சில் தேர்தலுக்காக குப்கர் பிரகடனத்துக்கான மக்கள் கூட்டணி உருவானது. தேசிய மாநாட்டுக் கட்சி, மக்கள் ஜனநாயகக் கட்சி, கம்யூனிஸ்ட்டுகள் உட்பட ஏழு கட்சிகள் இணைந்து குப்கர் கூட்டணி அமைத்து மாவட்ட கவுன்சில் தேர்தலைச் சந்தித்தன. தேசியக் கட்சிகளான காங்கிரஸும் பா.ஜ.க-வும் தனித்துப் போட்டியிட்டன. பகுஜன் சமாஜ், புதிதாகத் தொடங்கப்பட்ட ஜம்மு-காஷ்மீர் அப்னி கட்சி, சுயேச்சைகள் என மொத்தம் 2,181 வேட்பாளர்கள் இந்தத் தேர்தலில் போட்டியிட்டனர்.ஜம்மு-காஷ்மீர் தேர்தல் Also Read: 1846 முதல் 2019 வரை! - காஷ்மீர் பிரச்னையில் நடந்தது என்ன? #VikatanInfographics வெற்றி யாருக்கு? குப்கர் கூட்டணி 110 இடங்களைக் கைப்பற்றி அமோக வெற்றிபெற்றிருக்கிறது. இந்தக் கூட்டணியில் தலைமை வகித்த ஃபரூக் அப்துல்லாவின் தேசிய மாநாட்டுக் கட்சி, 66 இடங்களைக் கைப்பற்றியிருக்கிறது. குப்கர் கூட்டணியில் அங்கம்வகித்த மெகபூபா முஃப்தியின் மக்கள் ஜனநாயகக் கட்சி 27 இடங்களைக் கைப்பற்றியிருக்கிறது. தனித்துப் போட்டியிட்ட பா.ஜ.க 75 இடங்களில் வெற்றி கண்டிருக்கிறாது. சுயேச்சைகள் 49 இடங்களையும், காங்கிரஸ் 26 இடங்களையும் கைப்பற்றியுள்ளன.மோடி ``இது பா.ஜ.கவுக்குக் கிடைத்த வெற்றி. பிரதமர் மோடியின் மீதும் அவரது கொள்கைகள்மீதும் மக்கள் நம்பிக்கைவைத்துள்ளனர். காஷ்மீரில் தேசியவாத சிந்தனைகள் அதிகரித்துக் கொண்டிருப்பதற்கான சான்றுதான் இந்த வெற்றி. 4.8 லட்சம் வாக்குகளையும் 75 இடங்களையும் கைப்பற்றி, காஷ்மீரில் தனிப்பெரும் கட்சியாக பா.ஜ.க உருவெடுத்திருக்கிறது'' என்று கூறி பா.ஜ.க-வினர் இந்த வெற்றியை வெகுவாகக் கொண்டாடிவருகின்றனர்.உமர் அப்துல்லா அதேநேரத்தில் குப்கர் கூட்டணியைச் சேர்ந்த உமர் அப்துல்லா, ``ஜம்மு-காஷ்மீரின் சிறப்பு அந்தஸ்தை மத்திய அரசு ரத்து செய்ததை மக்கள் ஏற்றுக்கொள்ளவில்லை என்பது இந்தத் தேர்தல் முடிவுகள் மூலம் தெளிவாகிறது'' என்று கூறியுள்ளார். மேலும் பேசிய அவர், உமர் அப்துல்லா''மாவட்ட வளர்ச்சி கவுன்சிலுக்கான தேர்தல் முடிவு எங்களுக்கு ஊக்கமளிக்கிறது. காரணம், பல காலம் நாங்கள் சிறையில் வைக்கப்பட்டோம். எங்களுக்கு எதிராக அரசு இயந்திரங்கள், அதிகாரங்கள் உள்ளிட்டவற்றைப் பயன்படுத்தியபோதும் நாங்கள் வெற்றி கண்டுள்ளோம்.'' பா.ஜ.வு-க்கு எழுச்சியா... பின்னடைவா? இந்தத் தேர்தல் முடிவுகள் பா.ஜ.க-வுக்குச் சாதகமாக அமைந்துள்ளனவா... இல்லையா என்பது குறித்து அரசியல் நோக்கர்கள் சில கருத்துகளை முன்வைக்கின்றனர். ``ஜம்மு-காஷ்மீரில், பா.ஜ.க 75 இடங்களில் வெற்றிபெற்றிருப்பது சிலருக்கு அதிர்ச்சியளிக்கலாம். ஆனால், பா.ஜ.க வென்றிருக்கும் தொகுதிகளில் பெரும்பாலானவை இந்துக்கள் அதிகம் வாழும் தொகுதிகள்தான். ஜம்மு-காஷ்மீரின் ஜம்மு பகுதியில், இந்துக்கள் அதிகம் வாழும் மாவட்டங்களான ஜம்மு, கத்துவா, சம்பா, உதம்பூர் ஆகிய மாவட்டங்களிலுள்ள 56 இடங்களில் 49 இடங்களை பா.ஜ.க வென்றிருக்கிறது. பா.ஜ.க 280 இடங்களில் போட்டியிட்டு 4.8 லட்சம் வாக்குகளைப் பெற்றிருக்கிறது. இரண்டாவது பெரும் கட்சியாகத் திகழும் ஜம்மு-காஷ்மீர் தேசிய மாநாட்டுக் கட்சி 168 இடங்களில் போட்டியிட்டு 2.7 லட்சம் வாக்குகளைப் பெற்றிருக்கிறது. பா.ஜ.க அதிக அளவிலான வாக்குகளைப் பெற்றிருப்பதற்குக் காரணம், பா.ஜ.க வலுவாக இருக்கும் ஜம்மு பகுதியில் மொத்தமாக 70 சதவிகித வாக்குகள் பதிவாகியிருந்தன. அதே காஷ்மீர் பகுதியில் 35 சதவிகித வாக்குகள்தான் பதிவாகியிருந்தன. எனவே, ஜம்மு பகுதியில் வலுவாக இருக்கும் கட்சி அதிக வாக்குகளைப் பெற்றிருப்பது இயற்கையானது. 2014 சட்டமன்றத் தேர்தலில்கூட பா.ஜ.க-தான் அதிக வாக்குகளைப் பெற்றிருந்தது. ஆனால், மக்கள் ஜனநாயகக் கட்சி அதிக இடங்களை வென்றிருந்தது. தேர்தலில் வாக்குகளைவிட அதிக தொகுதிகளைக் கைப்பற்றுவதுதான் முக்கியம்.பா.ஜ.க கொடி Also Read: 2020 Rewind: வெளியேறிய இளவரசர்; கிம் ஜாங் உன் வதந்தி; அதிரடி புதின் - உலகை அதிரவைத்த சம்பவங்கள்! பா.ஜ.க வலுவாக இருக்கும் ஜம்மு பகுதியிலும் அந்தக் கட்சி சரிவைச் சந்தித்திருக்கிறது என்றுதான் சொல்ல வேண்டும். கடந்த 2014 சட்டமன்றத் தேர்தலில் ஜம்மு பகுதியிலுள்ள 37 சட்டமன்றத் தொகுதிகளில் போட்டியிட்டு 25 தொகுதிகளில் வெற்றிபெற்றிருந்தது பா.ஜ.க. அதாவது, போட்டியிட்ட தொகுதிகளில் 75 சதவிகித தொகுதிகளைக் கைப்பற்றியிருந்தது. ஆனால், இந்த மாவட்ட கவுன்சில் தேர்தலில் ஜம்மு பகுதியில் போட்டியிட்ட 140 தொகுதிகளில் 71 இடங்களில் மட்டுமே, அதாவது 50 சதவிகித இடங்களில் மட்டுமே வெற்றி கண்டிருக்கிறது. இது அந்தக் கட்சியின் சரிவு என்றுதான் சொல்ல வேண்டும்'' என்கிறார்கள்.மேலும், ``2014 ஜம்மு-காஷ்மீர் சட்டமன்றத் தேர்தலில், குறிப்பாக ஜம்முவிலுள்ள தோடா (Doda), ராம்பன் (Ramban), ரஜோரி (Rajauri) ஆகிய பகுதிகளில் கணிசமான இடங்களைக் கைப்பற்றியிருந்தது பா.ஜ.க. ஆனால், மாவட்ட கவுன்சில் தேர்தலில் இந்த மூன்று பகுதிகளிலுமுள்ள 42 மாவட்ட கவுன்சில் தொகுதிகளில் வெறும் 13 இடங்களை மட்டுமே கைப்பற்றியிருப்பது பா.ஜ.க-வுக்கு நிச்சயம் பின்னடைவுதான்'' என்கிறார்கள் அரசியல் நோக்கர்கள்.
http://dlvr.it/RpK4G4

Read More