நீலகிரி: பறவைக் காய்ச்சல் தாக்கிய பகுதிகளில் இருந்து வரும் வனப் பறவைகள்! -எச்சரிக்கும் ஆட்சியர்

கேரளாவின் ஆலப்புழா மற்றும் கோட்டயம் ஆகிய மாவட்டங்களில் பறவைக் காய்ச்சல் பரவி வருவதைத் தொடர்ந்து, முன்னெச்சரிக்கை நடவடிக்கையாக, நீலகிரி மாவட்டத்திற்கு கேரளா மற்றும் கேரள எல்லையை ஒட்டியுள்ள கர்நாடகா மாநில பகுதிகளிலிருந்து கோழிகள், மற்றும் அதன் தொடர்புடைய பொருள்களை வாகனங்களில் ஏற்றிவர தற்காலிக தடை விதிக்கப்பட்டுள்ளது.bird flue monitroing கக்கனல்லா, நம்பியார் குன்னு, சோலாடி, நாடுகாணி உள்ளிட்ட எட்டு சோதனைச் சாவடிகளில் ஒரு குழு அமைக்கப்பட்டுள்ளது. கால்நடை உதவி மருத்துவர் தலைமையில், கால்நடை ஆய்வாளர் மற்றும் கால்நடை பராமரிப்பு உதவியாளர்கள் கொண்ட குழு காவல்துறை, வனத்துறை மற்றும் வருவாய்துறையுடன் இணைந்து பறவைக்காய்ச்சல் தடுப்பு நடவடிக்கை மேற்கொள்ளப்பட்டு வருகிறது. பறவை காய்ச்சல் முன்னெச்சரிக்கை மற்றும் தடுப்பு நடவடிக்கைகள் குறித்து நீலகிரி மாவட்ட ஆட்சியர் இன்னசென்ட் திவ்யா, ``பறவை காய்ச்சல் நோய் தாக்கிய நாடுகளில் இருந்து இங்குவரும் வனப்பறவைகள் மூலம் இந்நோய் நமது நாட்டில் பரவ வாய்ப்பு உள்ளது. கோழி, வாத்து, வான்கோழி மற்றும் வனப்பறவைகளைத் தாக்கும். மனிதர்களையும் தாக்கவல்லது.nilgiris collector innocent divya வனப்பறவைகள் பண்ணைக்குள் நுழையாமல் பார்த்துக் கொள்ள வேண்டும். கோழி, வாத்து, வான்கோழி போன்ற பல்வேறு பறவைகளை ஒரே பண்ணையில் வைத்து வளர்க்கக்கூடாது. வெளியாட்கள், வாகனங்கள், விலங்குகள் பண்ணைக்குள் நுழையவிடக்கூடாது. இதர பண்ணை உபகரணங்கள் பகிர்ந்து கொள்ளல் கூடாது. கோழி பண்ணையில் அசாதாரண இறப்புகள் இருந்தால் உடனடியாக அருகில் உள்ள கால்நடை மருத்துவருக்கு தகவல் தெரிவிக்க வேண்டும். நன்கு சமைத்த கோழிக்கறி மற்றும் முட்டைகளை உண்பதால் இந்நோய் பரவாது. பறவைக்காய்ச்சல் நோய்க்கு சிகிச்கை அல்லது தடுப்பு மருந்து தற்போது இல்லை. சுகாதார முன்னெச்சரிக்கை நடவடிக்கை மூலம் மட்டுமே நோய் வராமல் தடுக்க முடியும்" என்றார்.bird flue monitroing கால்நடை மருத்துவர் பாலாஜி நம்மிடம் பேசுகையில், "கேரளாவில் பாதிக்கப்பட்ட பறவைகளுக்கு சோதனை செய்ததில் H5N8 என்ற வைரஸ் இருப்பது உறுதி செய்யப்பட்டுள்ளது. தொற்று பாதிக்கப்பட்ட பறவைகளின் எச்சம் போன்றவற்றில் இருந்து அதிகம் பரவ வாய்ப்பு உள்ளது. 15 டிகிரி செல்சியசுக்கும் குறைவான வெப்பநிலை என்றால் பறவைகளின் எச்சத்தில் 10 நாள்களை வரை இந்த வைரஸ் இருக்கும். மக்கள் பயப்பட தேவை இல்லை.உரிய விழிப்புணர்வுடன் இருக்க வேண்டும்" என்றார்.
http://dlvr.it/Rq41D1

Read More

ஐஏஎஸ் அதிகாரி சகாயம் அரசு பணியில் இருந்து விடுவிப்பு

ஐஏஎஸ் அதிகாரி சகாயம் அரசு பணியில் இருந்து விடுவிக்கப்பட்டுள்ளார். மதுரை மாவட்ட ஆட்சியராக இருந்தபோது கிரானைட் ஊழலை வெளியே கொண்டு வந்தவர் ஐ.ஏ.எஸ் சகாயம். இதையடுத்து தமிழ்நாடு அறிவியல் நகர துணைத்தலைவராக 7 வருடமாக பதவி வகித்து வந்தார். அரசு பதவியிலிருந்து ஓய்வு பெற 3 ஆண்டுகள் உள்ள நிலையில் 57 வயதிலேயே விஆர்.எஸ் கேட்டு கடந்த அக்டோபர் மாதம் விண்ணப்பித்திருந்தார். வி.ஆர்.எஸ் கேட்டு 3 மாதங்கள் நிறைவடைந்ததையடுத்து அரசு பதவிவியிலிருந்து சகாயம் ஐ.ஏ.எஸ் விடுவிக்கப்பட்டுள்ளார்.
http://dlvr.it/Rq1rWl

Read More

மராத்தி மொழி பிரச்னை; ராஜ் தாக்கரேவுக்கு எதிரான வழக்கு வாபஸ்! இறங்கிவந்த அமேஸான்

அமேஸான் நிறுவனத்தின் மொபைல் ஆப்பில் விருப்ப மொழியாக இந்தி, தமிழ், மலையாளம் போன்ற இந்திய மொழிகள் இடம்பெற்றிருக்கின்றன. ஆனால், அதில் மராத்தி இடம் பெறவில்லை. எனவே, அமேஸான் மொபைல் ஆப்பில் மராத்தி இடம் பெற வேண்டும் என்று கூறி மகாராஷ்டிரா நவநிர்மாண் சேனா நிர்வாகி அகில் சித்ரே, அமேஸான் நிறுவனத்துக்குக் கடிதம் எழுதினார். ராஜ்தாக்கரே அமேஸான் நிறுவனமும் இது குறித்து மும்பையிலுள்ள தங்களது அலுவலகத்தில்வைத்து பேச்சுவார்த்தை நடத்தலாம் என்று கடந்த அக்டோபர் மாதம் பதில் கடிதம் அனுப்பியது. ஆனால், அதன் பிறகு இது குறித்து அமேஸான் கண்டுகொள்ளவே இல்லை. ராஜ்தாக்கரே கட்சியும் இது தொடர்பாக பலமுறை கடிதம் எழுதி, பேச்சுவார்த்தைக்கு அழைத்தது. ஆனால், அமேஸான் நிறுவனம் வேறு சட்ட வழிகளில் இறங்கியது. நவநிர்மாண் நிர்வாகிகளோ, கட்சித் தொண்டர்களோ மும்பையிலுள்ள தங்களது அலுவலகத்துக்குள் நுழையத் தடை விதிக்க வேண்டும் என்று கூறி ராஜ்தாக்கரே, அகில் ஆகியோர் மீது கோர்ட்டில் வழக்கு தொடர்ந்தது. ராஜ்தாக்கரே ஜனவரி 5-ம் தேதி கோர்ட்டில் ஆஜராக சம்மன் அனுப்பப்பட்டது. இதனால், `ராஜ்தாக்கரேவுக்கு அனுப்பப்பட்ட சம்மனைத் திரும்பப் பெற வேண்டும்’ என்றும், `மராத்தி மொழியை அமேஸான் ஆப்பில் சேர்க்க வேண்டும்’ என்றும் `இல்லையென்றால் மகாராஷ்டிராவில் அமேஸான் தொழில் செய்ய முடியாது’ என்றும் நவநிர்மாண் சேனா எச்சரிக்கை செய்தது. மேலும், நவநிர்மாண் சேனாவினர் மும்பை, புனே உட்பட மகாராஷ்டிரா முழுவதுமுள்ள அமேசான் குடோன்களில் புகுந்து டெலிவரி செய்வதற்காக வைக்கப்பட்டிருந்த பொருள்களை அடித்து உடைத்தனர். Also Read: `ரீடெயில் ராஜாவாகுமா ரிலையன்ஸ்?' ஃப்யூச்சர் டீலும், அமேசான் முட்டுக்கட்டையும்! இதனால் இப்போது அமேஸான் இறங்கிவந்திருக்கிறது. ராஜ்தாக்கரே மீது போடப்பட்ட வழக்கைத் திரும்பப் பெறப்போவதாக மும்பை சிவில் கோர்ட்டில் அந்நிறுவனம் தெரிவித்திருக்கிறாது. இது குறித்து கருத்து தெரிவித்த ராஜ்தாக்கரே கட்சி வழக்கறிஞர் விஜய் தாக்குர், அமேஸான் நிறுவனத்தின் முடிவை ஏற்பது குறித்து வரும் 12-ம் தேதி முடிவு செய்யப்படும் என்று தெரிவித்தார். வழக்கைத் திரும்பப் பெற்றதோடு மட்டுமல்லாமல், மொபைல் ஆப்பில் மராத்தி மொழியைச் சேர்த்து ராஜ்தாக்கரே கட்சியின் கோரிக்கையையும் நிறைவேற்றியிருக்கிறது அமேஸான். 2022-ம் ஆண்டு மும்பை மாநகராட்சிக்குத் தேர்தல் நடக்கவிருக்கும் நிலையில் ராஜ்தாக்கரே, மண்ணின் மைந்தர்கள் கோரிக்கையை கையில் எடுத்திருக்கிறார். தொடர்ச்சியாகத் தோல்வியைச் சந்தித்துவரும் நவநிர்மாண் சேனா கட்சிக்குப் புத்துயிர் ஊட்டும் வகையில் மராத்தி என்ற ஆயுதத்தைக் அக்கட்சி கையில் எடுத்திருக்கிறது.
http://dlvr.it/Rq1rTz

Read More

பள்ளிகளை திறக்கலாமா? பெற்றோர்களிடம் கருத்து கேட்கும் அரசு.. அடுத்தக்கட்ட நடவடிக்கை என்ன?

பள்ளி திறப்பு தொடர்பாக 10 மற்றும் 12ஆம் வகுப்பு மாணவர்களின் பெற்றோர்களிடம் கருத்து கேட்கும் கூட்டம் 2ஆவது முறையாக நடைபெற உள்ளது கொரோனா பொதுமுடக்கத்தால் 2019ஆம் ஆண்டு மார்ச் மாதம் மூடப்பட்ட பள்ளிகள், 9 மாதங்கள் ஆகியும் இன்னும் திறக்கப்படாமலே உள்ளன. அதனால், கல்வித் தொலைக்காட்சி, ஆன்லைன் கல்வி என புதிய முறைகளைக் கொண்டு வந்த பள்ளி கல்வித்துறை, இதர நடவடிக்கைககளையும் மேற்கொண்டது. பள்ளிகளைத் திறக்கலாமா? வேண்டாமா? என்பது குறித்து, கடந்த நவம்பர் 9ஆம் தேதி பெற்றோரிடம் கருத்து கேட்கப்பட்டது. அதில் எதிர்ப்பு எழுந்ததன் காரணமாக பள்ளி திறப்பு ஒத்தி வைக்கப்பட்டது. பொதுத்தேர்வு நெருங்கி வருவதால்,10,11,12 ஆம் வகுப்பு மாணவர்களுக்கு, பொங்கல் பண்டிகைக்குப்பின் பள்ளிகளைத் திறக்கலாம் என்ற பேச்சு எழுந்துள்ளது. அதனால், இதுகுறித்து பெற்றோரிடம் கருத்து கேட்கும் பணியைத் தொடங்க உத்தரவிட்டிருக்கிறது தமிழக அரசு. அதற்காக, சென்னை எம்.ஜி.ஆர்.நகரில் உள்ள அரசு மேல்நிலைப் பள்ளியில், பள்ளிக்கல்வித்துறை இயக்குநர் கண்ணப்பன் ஆய்வு மேற்கொண்டார். பெற்றோர் தெரிவிக்கும் கருத்துகளின் அடிப்படையிலேயே, பள்ளிகள் திறப்பு குறித்து முடிவு செய்யப்படும் என்றார் பெற்றோரின் கருத்தை கேட்க தமிழகம் முழுவதும் அரசு, தனியார் சிபிஎஸ்இ என, சுமார் 12 ஆயிரம் பள்ளிகளில் பிரத்யேக ஏற்பாடுகள் செய்யப்பட்டுள்ளன. இன்று முதல் 8ஆம் தேதி வரை நடைபெறும் கூட்டத்தில், நாள் ஒன்றுக்கு 100 பெற்றோர்களுக்கு மட்டுமே அனுமதி அளிக்கப்படும். பெருந்தொற்று காலத்தில் மாணவர்களால் சமூகப் பரவல் ஏற்பட்டுவிடாமல் இருக்க, அரசு கவனமாக முடிவெடுக்க வேண்டும் என்கின்றனர், ஆசிரியர் சங்கத்தினர். இந்த ஆண்டு பூஜ்ஜியம் கல்வியாண்டாக அறிவிக்கப்படாது என பள்ளிக்கல்வித்துறை அமைச்சர் செங்கோட்டையன் ஏற்கனவே அறித்திருந்தார். பெற்றோர் மீண்டும் எதிர்ப்பு தெரிவித்தால் பள்ளிகள் திறக்கமுடியாத சூழல் ஏற்பட்டால் கல்வி விவகாரத்தில் அரசின் நடவடிக்கை என்னவாக இருக்கும் என்ற எதிர்பார்ப்பு எழுந்துள்ளது.
http://dlvr.it/Rq0Ld2

Read More

ஸ்ரீநகர் என்கவுன்டர்: `மூவரையும் சரணடையச் சொன்னோம்!’ - வீடியோ வெளியிட்ட ராணுவம்

ஜம்மு காஷ்மீரில் ஊடுருவும் பயங்கரவாதிகளை அழிப்பதற்கு, இந்திய ராணுவம் மற்றும் காவல்துறை அடங்கிய கூட்டுக்குழுவினர் தீவிரம் காட்டி வருகின்றனர். தேடுதல் வேட்டையின்போது சரணடைய மறுக்கும் பயங்கரவாதிகள் சுட்டுக் கொல்லப்பட்டும் வருகின்றனர். கடந்த டிசம்பர் 29-ம் தேதி, ஸ்ரீநகரின் புறநகர்ப் பகுதியான உம்பராபாத் லாயாபோரா பகுதியில் ஸ்ரீநகர்- பாராமுல்லா தேசிய நெடுஞ்சாலை அருகே உள்ள ஒரு வீட்டில் பயங்கரவாதிகள் பதுங்கியிருப்பதாகப் பாதுகாப்புப் படையினருக்கு ரகசியத் தகவல் கிடைத்தது. இதையடுத்து, அன்று மாலை பாதுகாப்புப் படையினர் மற்றும் கா‌‌ஷ்மீர் சிறப்பு போலீஸ் படை, மத்திய ரிசர்வ் போலீஸ் படையினர் அங்குச் சென்று பயங்கரவாதிகள் பதுங்கி இருந்த வீட்டைச் சுற்றி வளைத்துள்ளனர்.ராணுவம் வீட்டுக்குள் பதுங்கியிருந்த பயங்கரவாதிகளைச் சரணடையும்படி பாதுகாப்புப் படையினர் எச்சரித்துள்ளனர். ஆனால், பயங்கரவாதிகள் பாதுகாப்புப் படையினரை நோக்கி துப்பாக்கியால் சுட்டும், கையெறி குண்டுகளை வீசியும் பயங்கரத் தாக்குதலில் ஈடுபட்டதால், பாதுகாப்புப் படையினரும் பதில் தாக்குதல் நடத்தியதாகக் கூறப்படுகிறது. இரவு நேரத்தில் தாக்குதல் நிறுத்தப்பட்டு பயங்கரவாதிகள் பதுங்கி இருந்த வீட்டைச் சுற்றி மின்விளக்குகள் அமைத்து தீவிரமாக போலீஸார் கண்காணித்து வந்தனர். டிசம்பர் 30-ம் தேதி காலை மீண்டும் பாதுகாப்புப் படையினருடன் இணைந்து பயங்கரவாதிகளுடன் துப்பாக்கிச் சண்டையில் ஈடுபட்டனர். அப்போது, பாதுகாப்புப் படையினர் நடத்திய பதில் தாக்குதலில், வீட்டிலிருந்த 3 பயங்கரவாதிகளும் சுட்டுக் கொல்லப்பட்டனர். இச்சம்பவம் குறித்து அறிக்கை வெளியிட்ட ராணுவ அதிகாரி ஹெச்.எஸ்.சாஹி (H.S.Shahi), ``பயங்கரவாதிகள் ஸ்ரீநகர் - பாரமுல்லா நெடுஞ்சாலையில் பெரிய அளவில் தாக்குதல் நடத்தத் திட்டமிட்டிருந்தது தெரியவந்தது. பயங்கரவாதிகளைச் சரணடையச் சொன்னபோது, ​​அவர்கள் துப்பாக்கிச் சூடு நடத்தினர். ராணுவம் பின்னர், காவல்துறை மற்றும் சி.ஆர்.பி.எஃப் படைகள் இணைந்து நடத்திய பதில் தாக்குதலில், சுட்டுக் கொல்லப்பட்ட மூவரும் பயங்கரவாதிகள் என்பது தெரியவந்தது. பயங்கரவாதிகளின் பட்டியலில் அவர்களின் பெயர் இல்லை என்றாலும், அவர்களுக்கு மீண்டும் மீண்டும் சரணடைய வாய்ப்பு வழங்கப்பட்டது. ஆனால், அவர்கள் துப்பாக்கிச் சூடு நடத்தினார்கள். அதனால் பதில் தாக்குதல் நடத்தப்பட்டது. அவர்கள் பயங்கரவாதிகள் என்பதால் அவர்களின் உடலைத் தர முடியாது. மூவரின் உடல்களும் ஒன்றாக அடக்கம் செய்யப்பட்டது" என்று தெரிவிக்கப்பட்டது. சுட்டுக் கொல்லப்பட்ட மூன்று இளைஞர்களில், ஒருவர் தலைமைக் காவலரின் மகன், மற்ற இரண்டு இளைஞர்கள் காவல்துறை அதிகாரிகளின் சகோதரர்கள். அவர்கள் அப்பாவிகள். அவர்கள் தவறுதலாக போலீஸ் துப்பாக்கிச் சூட்டில் கொல்லப்பட்டதாக அவர்களின் குடும்பத்தினர் குற்றம்சாட்டத் தொடங்கினர். இதுகுறித்து காவல்துறை தரப்பில்,``அதர் (Athar), தலைமைக் காவலரின் மகன் அஜாஸ் அஹ்மத் (Ajaz Ahamed) இருவரும் புல்வாமாவைச் சேர்ந்தவர்கள். ஒருவருக்கொருவர் முன் அறிமுகம் இருப்பவர்கள். மூன்றாவது இளைஞரான ஷோபியனைச் சேர்ந்த சுபைர் அகமதுவுக்கும் (Zubair Ahmad) அவர்களுக்கும் பழக்கம் இருந்ததா என்று தெரியவில்லை" என்று தெரிவித்துள்ளது. இந்நிலையில், அஜாஸின் தந்தை முகமது மக்பூல், ``பாதுகாப்புப் படைகள் கூறுவதை நம்ப முடியாது” என்று கூறியுள்ளார். அதரின் தந்தை முஸ்தாக் அகமது (Mushtaq Ahmad), தன் மகனின் உடலை தன் ஊரில் அடக்கம் செய்ய உடலைக் கேட்டதற்கு, ராணுவம் மறுத்தது. இதுகுறித்து பேசிய அகமது,``நான் ஏற்கனவே இறந்துவிட்டேன். என் குழந்தையை எனக்குக் கொடுங்கள் அல்லது என்னையும் அவனுடன் அடக்கம் செய்யுங்கள்" என்று கதறி அழுதுள்ளார். தங்கள் பிள்ளைகளைப் பயங்கரவாதிகள் என்று ஒப்புக்கொள்ள மறுத்த பெற்றோர்களும், அவர்களது குடும்பத்தினரும், நேற்று ஸ்ரீநகரில் ஆர்ப்பாட்டத்தில் ஈடுபட்டனர். அப்போது, கொலைகள் குறித்து விசாரணை நடத்தக் கோரினர். அதரின் தந்தை முஸ்தாக், ``எனது மகனின் மரணத்துக்கு நீதி வேண்டும். எனக்குப் பணம் தேவையில்லை. எனது மகனின் உடல் மட்டுமே எனக்கு வேண்டும். நான் என் உணர்வுகளை வெளிப்படுத்துகிறேன். இந்திய மக்களுக்குக் கேட்கவில்லையா? எனக்கு என் மகன் வேண்டும். அவனுக்கு 16 வயதுதான் ஆகிறது" என்றார்.
http://dlvr.it/Rpy9vm

Read More

`அப்பூப்பனை கண்டு..!' - பினராயி விஜயன் கொஞ்சிய குழந்தை... இது கேரள `வைரல்'

கொரோனா வேகமாகப் பரவிய ஊரடங்குக் காலத்தில் தினமும் மாலை 6 மணிக்கு கேரள முதல்வர் பினராயி விஜயன் செய்தியாளர்கள் சந்திப்பு நடத்துவது வழக்கம். என்றாவது நேரடியாக மீடியா பேட்டி அளிக்க வாய்ப்பு இல்லாமல் போனால், ஆன்லைன் வீடியோ கான்பரன்ஸ் மூலம் பேசுவதை வழக்கமாகக் கொண்டிருந்தார். அதற்கும் வாய்ப்பு இல்லாமல் இருந்தால், அன்றைய கொரொனா பரவல் குறித்து பிரஸ் ரிலீஸ் மட்டும் வெளியாகும். பினராயி விஜயனின் பேட்டியை கேரளத்தின் அனைத்து மீடியாவும் லைவ் செய்வது வழக்கம். தினமும் மாலை 6 மணியானால், பினராயி விஜயனின் செய்தியாளர் சந்திப்பை பார்ப்பதற்கென்றே டி.வி-யை ஆன் செய்பவர்கள் பலர் உண்டு. அதில், கொல்லம் மாவட்டம் டீசெண்ட் முக்கு பகுதியைச் சேர்ந்த ஆதர்ஷ் - டாக்டர் சுபி தம்பதியின் மூன்று வயது மகள் அவந்திகாவும் ஒருவர். தாயுடன் அவந்திகா மாலை 6-மணி பிரஸ் மீட்டுக்காக பினராயி விஜயன் வந்ததும், 'அப்பூப்பன்(தாத்தா) வந்துவிட்டார்' எனக் குஷி ஆகிவிடுவாராம் அவந்திகா. ஒருநாள் பினராயி விஜயன் டி.வி-யில் பிரஸ் மீட்டுக்காக வராமல் இருந்தாலும் அவந்திகா 'அப்பூப்பாவை காணணும்' என அடம்பிடிப்பாராம். லாக்டெளன் நேரத்தில் முதல்வர் பினராயி விஜயனை டி.வி-யில் பார்த்து தாத்தா என அழைத்து மனதில் இருத்திக்கொண்டார் அவந்திகா. ஒருகட்டத்தில் கொரோனா பரவல் குறைந்த பின்னர் முதல்வரின் தினசரி பிரஸ் மீட்களும் குறைய, பினராயி விஜயனை டி.வி-யில் பார்க்க முடியாமல் இருந்ததால் அவந்திகா அழுது ஊரைக் கூட்டியிருக்கிறாள். இதனால் அவளின் பெற்றோர் தலைமைச் செயலகத்துக்கு போன் செய்து விபரத்தைக் கூறி அவந்திகாவிடம் கொடுத்திருக்கிறார்கள். தொலைபேசியின் எதிர்முனையில், தலைமைச் செயலகத்திலிருந்து பேசிய பெண் ஊழியரிடம் அவந்திகா, 'பினராயி அப்பூப்பா எப்படி இருக்கிறார்' என நலம் விசாரித்திருக்கிறார். அவர்களும் நன்றாக இருப்பதாக பதில் கூறி சிறிது நேரம் கனிவுடன் பேசியிருக்கிறார். இதனால் அவந்திகா சற்று ஆறுதலாகியிருக்கிறார். இந்நிலையில் நிகழ்ச்சி ஒன்றுக்காக கொல்லம் அரசு விருந்தினர் மாளிகைக்கு முதல்வர் பினராயி விஜயன் வர உள்ளதாக அவந்திகாவின் பெற்றோருக்குத் தகவல் கிடைத்துள்ளது.பினராயி விஜயனை சந்திக்க கொல்லம் அரசு விருந்தினர் மாளிகைக்குச் சென்ற அவந்திகா இதையடுத்து கொல்லம் மாவட்ட சி.பி.எம் அலுவலகத்துக்குச் சென்ற அவந்திகாவின் பெற்றோர், பினராயி விஜயன் மீதான தங்கள் மகளின் பாசத்தை கூறி, அவரை சந்திக்க அப்பாயின்ட்மென்ட் கேட்டிருக்கிறார்கள். கொல்லம் மாவட்ட கமிட்டியும் அதற்கான ஏற்பாடுகளைச் செய்துள்ளது. இதையடுத்து கொல்லம் அரசு விருந்தினர் மாளிகைக்குச் சென்ற பினராயி விஜயனை சந்திக்க சிவப்பு நிற உடையுடன், சிவப்பு மாஸ்க், தலையில் சிவப்பு ரீத், பினராயி விஜயனுக்கு அணிவிக்க சிவப்பு ரிப்பன், அவருக்கு வழங்க கையில் சிவப்பு ரோஜா சகிதமாக 'குட்டி சகாவு' ரேஞ்சுக்கு வந்திருந்தார் அவந்திகா. அவந்திகாவை அவரின் அம்மா டாக்டர் சுபியும், பாட்டி சூர்யாவும் அழைத்து வந்திருந்தனர். அவந்திகாவுக்கு ஒதுக்கப்பட்ட நேரம் வந்ததும் அவள் ஷோபாவில் அமர்ந்திருந்த பினராயி விஜயனுக்கு பக்கத்தில் போய் அமர்ந்தாள். கையில் வைத்திருந்த சிவப்பு ரோஜாப் பூவையும், ரிப்பனையும் பினராயி விஜயனுக்குக் கொடுத்தார். ரோஜா பூவை வாங்கிய பினராயி விஜயன், "மோளா இந்த ரோஜாப்பூவை வாங்கின..." எனப் பாசமாகக் கேட்டவர், 'என்ன படிக்கிறாய்...' என்பதுபோன்ற கேள்விகளை கேட்டார். பிளே ஸ்கூலுக்கு போவதாகக் கூறிய அவந்திகா 'அப்பூப்பா' என அழைத்தபடி பினராயி விஜயனை தனது மழலைக்குரலால் வசப்படுத்தினார்.பினராயி விஜயனுடன் உரையாடும் அவந்திகா இதையடுத்து அவந்திகா கொண்டு சென்ற சிவப்பு ரிப்பனை அவளுக்கே அணிவித்து வழியனுப்பி வைத்தார் பினராயி விஜயன். பினராயி விஜயனை சந்தித்த அவந்திகா, "அப்பூப்பனை கண்டு..!" என வெளியில் நின்றவர்களிடம் உற்சாகமாகக் கூறினாள். கேரள முதல்வர் பினராயி விஜயன் மூன்று வயது சிறுமியிடம் பேத்திபோல கொஞ்சிப் பேசும் வீடியோ சமூக வலைதளங்களில் வைரலாகி வருகிறது.
http://dlvr.it/Rpy9nc

Read More

கேரளத்தை அச்சுறுத்தும் பறவைக் காய்ச்சல் - 48,000 வாத்துக்களை அழிக்க நடவடிக்கை!

கேரள மாநிலத்தில் கொரோனா நோய் தொற்று ஒருபக்கம் பரவி வரும் நிலையில், இப்போது பறவைக் காய்ச்சல் பரவி மிரட்டுகிறது. ஆலப்புழா மற்றும் கோட்டயம் மாவட்டங்களில் பறவைக் காய்ச்சல் கண்டறியப்பட்டுள்ளது. ஆலப்புழா மாவட்டம் குட்டநாடு பகுதியிலும், கோட்டயம் மாவட்டத்தில் உள்ள நிண்டூர் பகுதியிலும் பறவைக் காய்ச்சல் பரவுவது கண்டுபிடிக்கப்பட்டுள்ளது. இந்தப் பகுதிகளில் வாத்துக்கள் கூட்டம் கூட்டமாக இறந்து விழுந்தன. அதைத் தொடர்ந்து இறந்த வாத்துக்களின் சாம்பிள்கள் போபாலில் உள்ள ஆய்வுக்கூடத்துக்கு அனுப்பி சோதனை நடத்தப்பட்டது. எட்டு சாம்பிள்களில் ஐந்து சாம்பிள்களில் பறவைக் காய்ச்சல் இருப்பது கண்டறியப்பட்டுள்ளது. கோட்டயத்தில் ஒருவருக்கு சொந்தமான எட்டாயிரம் வாத்துக்களுக்கு பறவைக் காய்ச்சல் ஏற்பட்டுள்ளது. இந்த பறவைகள் அனைத்தையும் அழிப்பதற்கான நடவடிக்கை எடுக்கப்பட்டுள்ளதாகக் கால்நடைத்துறை அறிவித்துள்ளது.வாத்துகள் வாத்துக்களுக்கு பறவை காய்ச்சல் ஏற்பட்டுள்ளது என்றாலும் இதுவரை மனிதர்களுக்குத் தொற்றவில்லை என்று கூறப்படுகிறது. பறவைக் காய்ச்சல் பாதித்த பகுதிகளில் மத்திய அரசின் வழிகாட்டுதல்படி முன்னெச்சரிக்கை நடவடிக்கை எடுக்கப்பட்டுள்ளதாகவும், பிற பகுதிகளில் பரவாமல் இருக்க நடவடிக்கை எடுக்கப்பட்டுள்ளதாகவும் அதிகாரிகள் தெரிவித்துள்ளனர். பறவைக் காய்ச்சல் கண்டறியப்பட்ட ஆலப்புழா மற்றும் கோட்டயம் மாவட்ட கலெக்டர்கள் தலைமையில் தடுப்புப் பணிகள் நடைபெற்று வருகின்றன. இரண்டு மாவட்டங்களிலும் கட்டுப்பாட்டு அறைகள் திறக்கப்பட்டுளன. பறவைக் காய்ச்சல் கண்டறியப்பட்டுள்ள பகுதிகளில் இருந்து ஒரு கிலோமீட்டர் சுற்றளவில் உள்ள அனைத்து பறவைகளையும் அழிப்பதற்கான நடவடிக்கை எடுக்கப்பட்டுள்ளதாக அதிகாரிகள் தெரிவித்தனர். சுமார் 48,000 பறவைகளை அழிக்க உள்ளதாகக் கூறப்படுகிறது.பறவை காய்ச்சல் கேரளத்தில் கடந்த ஆண்டும் பறவைக் காய்ச்சல் ஏற்பட்டது. கோழிக்கோடு மற்றும் மலப்புறம் மாவட்டங்களில் கடந்த ஆண்டு பறவைக் காய்ச்சல் பரவியபோது கோழிகள் அழிக்கப்பட்டன. அதன் மூலம்தான் பறவை காய்ச்சல் கட்டுக்குள் கொண்டுவரப்பட்டது. அதுபோன்று இந்த ஆண்டும் பறவைக் காய்ச்சலை கட்டுப்படுத்த வாத்து மற்றும் கோழிகளை அழிக்க கேரள அரசு முடிவு செய்துள்ளது. கேரளத்தில் வேகமாக பரவிவரும் பறவைக் காய்ச்சலால் மக்கள் பீதி அடைந்துள்ளனர்.
http://dlvr.it/Rpwg0Y

Read More