"நான் எப்போதும் விவசாயிகள் பக்கம்தான்" உச்சநீதிமன்றம் அமைத்த குழுவில் ஒருவர் விலகல்

“நான் எப்போதும் விவசாயிகளின் பக்கம்தான் நிற்பேன்” - வேளாண் சட்டங்கள் தொடர்பாக உச்சநீதிமன்றம் அமைத்த 4 பேர் குழுவிலிருந்து விலகிய பூபேந்தர் சிங் மான்! மத்திய அரசு அமல்படுத்திய புதிய வேளாண் சட்டங்களை எதிர்த்து தலைநகர் டெல்லியின் எல்லையில் நாடு முழுவதும் இருந்தும் திரண்ட விவசாயிகள் சுமார் 45 நாட்களுக்கு மேலாக போராடி வருகின்றனர். இந்நிலையில், வேளாண் சட்டங்களுக்கு எதிரான, விவசாயிகள் போராட்டம் தொடர்பான வழக்கை விசாரித்த உச்சநீதிமன்றம் மத்திய அரசு கொண்டு வந்த புதிய வேளாண் சட்டங்களுக்கு இடைக்காலத் தடை விதித்தது. அதே நேரத்தில் விவசாயிகளுடன் பேசி சுமூக தீர்வு காண்பதற்காக 4 பேர் கொண்ட குழுவையும் உச்சநீதிமன்றம் அண்மையில் அமைத்தது. இந்நிலையில் அந்த குழுவில் இடம் பெற்றிருந்த பாரதிய விவசாயிகள் சங்கத்தின் தேசிய தலைவரும், முன்னாள் எம்.பியுமான பூபேந்தர் சிங் மான் அந்த குழுவிலிருந்து விலகியுள்ளதாக தெரிவிக்கப்பட்டுள்ளது. இந்த முடிவை அவரே எடுத்துள்ளதாகவும் தெரிவிக்கப்பட்டுள்ளது. Bhupinder Mann, a member of the SC-formed committee over #FarmLaws, recuses himself from it."In view of prevailing sentiments & apprehensions amongst farm unions & public, I'm ready to sacrifice any position so as not to compromise Punjab & farmers' interests," his letter reads — ANI (@ANI) January 14, 2021 “மத்திய அரசு கொண்டு வந்த 3 வேளாண் சட்டங்கள் தொடர்பாக விவசாய சங்க பிரதிநிதிகளுடன் பேசி சுமூக தீர்வு காண்பதற்கான 4 பேர் கொண்ட குழுவில் என்னை நியமித்தமைக்கு உச்சநீதிமன்றத்திற்கு நன்றி. S. Bhupinder Singh Mann Ex MP and National President of BKU and Chairman of All India Kisan Coordination Committee has recused himself from the 4 member committee constituted by Hon'ble Supreme Court pic.twitter.com/pHZhKXcVdT — Bhartiya Kisan Union (@BKU_KisanUnion) January 14, 2021 விவசாயக சங்கங்கள் மற்றும் பொதுமக்களிடையே நிலவும் உணர்வுகளைக் கருத்தில் கொண்டு விவசாயிகளின் நலன்களை சமரசம் செய்யாமல் இருக்க எந்தவொரு பதவியையும் தியாகம் செய்ய நான் தயாராக இருக்கிறேன். ஏனெனில் நான் எப்போதும் விவசாயிகளின் பக்கம்” என அந்த கடிதத்தில் அவர் தெரிவித்துள்ளார்.
http://dlvr.it/Rqc9z7

Read More

பல லட்சம் ஏக்கரில் நெற்பயிர்கள் பாதிப்பு: அறுவடை நாளை கொண்டாட முடியாமல் விவசாயிகள் வேதனை

பல லட்சம் ஏக்கரில் நெற்பயிர்கள் பாதிக்கப்பட்டதால் அறுவடை நாளை கொண்டாட முடியாமல் விவசாயிகள் வேதனையில் உள்ளனர். டெல்டா மாவட்டங்களில் பல லட்சம் ஏக்கர் நெற்பயிர்கள் தண்ணீரில் மூழ்கியதால், அறுவடைத் திருநாளை கொண்டாடத் தயாராக வேண்டிய நேரத்தில் கண்ணீர் விட்டுக்கொண்டிருக்கிறார்கள் விவசாயிகள். விருத்தாசலத்தில் 2,500 ஏக்கர் நெற்பயிர்கள் சேதமடைந்துள்ளன. கடலூரில் 50,000 ஏக்கர் நெர்பயிர்கள் மழைநீரில் மூழ்கின. தஞ்சையில் 80,000 ஏக்கர் நெற்பயிர்கள் தண்ணீரில் மூழ்கின. புதுக்கோட்டையில் 30 ஆயிரம் ஏக்கர் நெற்பயிர்கள் நீரில் மூழ்கி குளம்போல் மாறியுள்ளன விவசாய நிலங்கள். மயிலாடுதுறையில் 5,200 ஏக்கர் நெற்பயிர்கள் மழைநீரில் மூழ்கின. தா.பழூர், அரியலூர் திருவாரூர் மாவட்டத்தில் 3 லட்சம் ஏக்கர் விளைநிலத்தில் நெற்பயிர் சாகுபடி செய்யப்பட்டது. ஏற்கனவே நிவர், புரெவி புயல் காரணமாக நெற்பயிர்கள் பாதிக்கப்பட்ட நிலையில், மீதி பயிர்களை விவசாயிகள் காப்பாற்றி வந்தனர். இந்த நிலையில் பருவம் தவறிபெய்த மழையால் ஒட்டுமொத்தமாக நிலைகுலைந்துள்ளனர் விவசாயிகள். மழையால் ஒரு லட்சத்து 20 ஆயிரம் ஏக்கரிலான நெற்பயிர்கள் தண்ணீரில் மூழ்கி சேதமாயின. கடலூர் மாவட்டத்தில் தொடர் மழையால் அறுவடைக்குத் தயாராக இருந்த நெற்பயிர்கள் மழை நீரில் மூழ்கியதால் விவசாயிகள் கலக்கமடைந்துள்ளனர். விருத்தாசலத்தில் 500 ஏக்கரிலும், கம்மாபுரத்தில் 2 ஆயிரம் ஏக்கரிலும் நெற்பயிர்கள் நீரில் மூழ்கியதால் விவசாயிகள் வேதனையடைந்துள்ளனர். இதேபோல் மாவட்டத்தின் பல்வேறு பகுதிகளில் நெற்பயிர்கள் நீரில் மூழ்கி அழுகியுள்ளன. தஞ்சை மாவட்டத்தில் ஒரத்தநாடு, பட்டுக்கோட்டை, பேராவூரணி, கள்ளத்தூர் உள்ளிட்ட இடங்களில் 50 ஆயிரம் ஏக்கர் நெற்பயிர்கள் தண்ணீரில் மூழ்கியுள்ளன. வடிகால் வெட்டியும் தண்ணீர் வடியவில்லை பயிர்களை மூழ்கடித்து குளம்போல் மாறியுள்ளது. ஏற்கனவே கடன்பெற்று சாகுபடி செய்த நிலையில் தற்போது பெரியளவில் பாதிப்பு ஏற்பட்டுள்ளதாக விவசாயிகள் கூறுகின்றனர். புதுக்கோட்டை, அறந்தாங்கி, மணமேல்குடி, அன்னவாசல் உள்பட மாவட்டம் முழுவதும் 80 ஆயிரம் ஏக்கரில் நெற்பயிர்கள் மழைநீரில் மூழ்கியுள்ளன. நெற்பயிர்கள் அழுகிய நிலையில் இனி மழை நின்றாலும் அதனை காப்பாற்ற முடியாத நிலை ஏற்பட்டுள்ளதாக கூறும் விவசாயிகள் உரிய இழப்பீடு வழங்க கோரிக்கை விடுக்கின்றனர். மயிலாடுதுறை மாவட்டம் சீர்காழி மற்றும் அதன் சுற்றுவட்டார பகுதிகளில் 30 ஆயிரம் ஏக்கர் பயிர்கள் மூழ்கியுள்ளன. கதிர்கள் அனைத்தும் சாய்ந்து முளைக்கத் தொடங்கியுள்ளதால் அதனை காப்பாற்றுவது கடினம் என அவர்கள் கவலையுடன் கூறுகின்றனர். தொடர் மழையால், அரியலூர் மாவட்டம் தா.பழூர் பகுதியில் சுமார் 5 ஆயிரத்து 200 ஏக்கர் பரப்பளவில் சாகுபடி செய்யப்பட்ட நெற்பயிர்கள் நீரில் மூழ்கியுள்ளன. விளைநிலங்களில் ஏற்பட்டுள்ள பாதிப்புகள் குறித்து கழுகுப்பார்வையில் பார்க்கும்போது பாதிப்புகளின் உச்சம் தெளிவாக தெரியவருகிறது. இத்தனை நாள் பாடுபட்டு விளைவித்து பலன் காணும் நேரத்தில் பயிர்கள் நீரில் மூழ்கி காட்சியளிக்கின்றன.
http://dlvr.it/RqYBtl

Read More

எந்த வழக்கு வேணும்னாலும் போட்டுக்கோங்க...முடிஞ்சா கைது பண்ணுங்க... - உதயநிதி சவால்

சென்னையில் நடைபெற்ற திமுக செயல் வீரர்கள் கூட்டத்தில் பேசிய உதயநிதி ஸ்டாலின், தன் மீது எந்த வழக்கு வேண்டுமென்றாலும் போட்டுக் கொள்ளுங்கள். முடிந்தால் கைது பண்ணுங்க என்று கூறினார்.
http://dlvr.it/RqXHFp

Read More

சிறுவர்கள், கர்ப்பிணிகளுக்கு கோவிட் தடுப்பூசி கிடையாது! - மகாராஷ்டிரா அரசு முடிவு

கொரோனா தடுப்புக்காகக் கண்டுபிடிக்கப்பட்டிருக்கும் கோவிஷீல்டு தடுப்பூசி புனேயிலுள்ள சீரம் இன்ஸ்டிட்யூட் ஆஃப் இந்தியாவில் தயாரிக்கப்பட்டு, நாடு முழுவதும் விநியோகம் செய்யப்பட்டுவருகிறது. வரும் 16-ம் தேதியிலிருந்து இந்தத் தடுப்பூசி போடப்படவிருக்கிறது. மகாராஷ்டிராவுக்கு மொத்தம் 9,63,000 டோஸ் வழக்கப்பட்டிருக்கிறது. அமைச்சர் ராஜேஷ் தோபே இதில் மும்பைக்கு 1,39,500 டோஸ் ஒதுக்கப்பட்டிருக்கிறது. அவை நேற்று அதிகாலை சிறப்பு வாகனத்தில் புனேயிலிருந்து வந்து சேர்ந்தன. பரேலிலுள்ள எப்-தெற்கு வார்டு அலுவலகக் கட்டடத்தில் அவை சேமிக்கப்பட்டிருக்கின்றன. காஞ்சூர்மார்க்கிலும் தடுப்பூசியைச் சேமித்துவைக்க பிரத்தியேகக் குளிர்சாதன வசதிகொண்ட சேமிப்புக் கிடங்கு வசதி செய்யப்பட்டிருக்கிறது. இதில் 1.2 கோடி டோஸ் சேமித்துவைக்க முடியும். அடுத்த இரண்டு நாள்களில் தடுப்பூசி மும்பையிலுள்ள 72 மையங்களுக்கு அனுப்பிவைக்கப்படும். ஒவ்வொரு மையத்திலும் ஒரு நாளைக்கு 100 பேருக்கு தடுப்பூசி போடப்படும். மும்பை தவிர தானே, புனே, கோலாப்பூர், நாசிக், அகோலா, நாக்பூர் உட்பட முக்கிய நகரங்களுக்கும் நேற்று இரவே தடுப்பூசிகள் அனுப்பிவைக்கப்பட்டுள்ளன. இரண்டுகட்டமாக இந்தத் தடுப்பூசி போடப்படும். முதல் தடுப்பூசி போட்டதிலிருந்து நான்கு முதல் ஆறு வாரங்கள் கழித்து இரண்டாவது தடுப்பூசி போடப்படும். சுகாதாரப் பணியாளர்களுக்கு மட்டும் முதற்கட்டமாகப் போடப்படும். இது குறித்து மாநில சுகாதாரத்துறை அமைச்சர் ராஜேஷ் தோபே கூறுகையில், ``தடுப்பூசி 18 வயதுக்குக் குறைவானவர்களுக்கும், கர்ப்பிணிகளுக்கும், அலர்ஜி பிரச்னை இருப்பவர்களுக்கும் போடப்படாது. குறிப்பிட்ட சிலருக்கு மட்டுமே முதற்கட்டமாக தடுப்பூசி போடத் திட்டமிட்டிருக்கிறோம். மகாராஷ்டிராவில் மொத்தம் 511 இடங்களில் தடுப்பூசி போடப்படவிருக்கிறது. மும்பையில் தடுப்பூசியைப் போட்டுக்கொள்ள இதுவரை 1.3 லட்சம் பேர் தங்களைப் பதிவு செய்துகொண்டிருக்கிறார்கள்’’ என்று தெரிவித்தார். கோவிஷீல்டு தடுப்பூசி தடுப்பூசி போட்டுக்கொள்ள வருபவர்கள் கட்டாயம் ஆதார் கார்டு, வாக்காளர் அடையாள அட்டை, பான்கார்டு அல்லது புகைப்படம் ஒட்டப்பட்ட வங்கிக் கணக்கு புத்தகம் கொண்டு வர வேண்டும். முன்னதாக CoWIN மொபைல் ஆப்பிலும் பதிவு செய்துகொள்ள வேண்டும். இதற்கிடையே மகாராஷ்டிராவில் கொரோனா பாதிப்பு காரணமாக உயிரிழந்தவர்களின் எண்ணிக்கை 50,000-த்தைத் தாண்டியிருக்கிறது. இதில் மும்பையில் மட்டும் 11,000-க்கும் அதிகமானோர் உயிரிழந்திருப்பதோடு, மூன்று லட்சம் பேர் கொரோனாவால் பாதிக்கப்பட்டிருக்கிறார்கள்.
http://dlvr.it/RqVQfG

Read More

கேரளா: ஊருக்குள் நுழைந்த புலி... ரேஞ்சர் முதுகில் பாய்ந்த பயங்கரம்... திக் திக் நிமிடங்கள்!

தமிழ்நாட்டின் முதுமலை புலிகள் காப்பகம், கர்நாடகாவின் பந்திப்பூர் புலிகள் காப்பகம், கேரளாவின் முத்தங்கா காட்டுயிர் சரணாலயம் ஆகிய பகுதிகளே உலகில் வங்கப்புலிகள் அதிக எண்ணிக்கையில் வாழும் பகுதியாக உள்ளது.tiger searching operation வெளி மண்டல பகுதிகளில் மக்கள் வாழ்ந்து வருகின்றனர். காட்டை விட்டு வெளியே வரும் புலிகள் அவ்வப்போது மனிதர்களையும் கால்நடைகளையும் தாக்குகின்றன. புலி- மனித எதிர்கொள்ளகள் தவிர்க்க முடியாத ஒன்றாக உள்ளது. இந்த நிலையில், கேரள மாநிலம் வயநாடு சீதாகுன்னு குடியிருப்பு பகுதியில் கடந்த ஒரு வாரமாக புலி நடமாட்டம் உள்ளது. கடந்த மூன்று நாள்களில் மட்டும் 4 வளர்ப்பு நாய்களை வேட்டையாடி கொண்டுச் சென்றுள்ளது. புலியின் நடமாட்டத்தை உறுதி செய்ய கேரள வனத்துறையினர் பொறுத்திய கேமிராக்களில் குறிப்பிட்ட புலியின் உருவம் பதிவாகியுள்ளது.tiger searching operation சீதாகுன்னு குடியிருப்பு பகுதியிலுள்ள ஒரு புதரில் புலி பதுங்கி இருப்பதை உறுதி செய்த வனத்துறையினர், காவல்துறை மற்றும் பொதுமக்கள் உதவியுடன் புலியை விரட்ட களமிறங்கினர். அதுவரை அமைதியாகப் பதுங்கியிருந்த புலி இவர்கள், புதர் அருகில் சென்றதும் பயங்கர உறுமலுடன் பாய்ச்சலில் வெளியேறியது. களத்தில் இருந்தவர்கள் சிதறியிடத்து ஓடினர். அப்போது விரட்டும் பணியில் ஈடுபட்டிருந்த வனச்சரகர் சசிகுமார் மீது புலி பாய்ந்தது. இதில் அவரது முதுகு பகுதியில் பலத்த காயம் ஏற்பட்டது. அருகில் இருந்தவர்கள் கூச்சலிட்டு புலியை விரட்டினர்.ranger sasikumar படுகாயமடைந்த வனச்சரகர் சசிகுமாரை மீட்டு மருத்துவமனைக்குக் கொண்டு சென்றனர். தற்போது அவருக்கு அங்கு தீவிர சிகிச்சை அளிக்கப்படு வருகிறது. மேலும் குறிப்பிட்ட அந்த புலியைப் பிடிக்க கூண்டு வைத்துள்ளனர்.
http://dlvr.it/RqTGD3

Read More

”தியேட்டர்களில் அதிக கட்டணம் வசூலித்தால் கடும் நடவடிக்கை எடுக்கப்படும்" - கடம்பூர் ராஜூ

”தியேட்டர்களில் அதிக கட்டணம் வசூலித்தால் கண்டிப்பாக நடவடிக்கை எடுக்கப்படும். கேளிக்கை வரி சலுகை அளிப்பது தொடர்பாக முதல்வர் விரைவில் முடிவு அறிவிப்பார்” என்று அமைச்சர் கடம்பூர் ராஜூ தெரிவித்துள்ளார். இது தொடர்பாக கோவில்பட்டியில் செய்தியாளர்களிடம் அவர் பேசுகையில், ”தமிழகத்தில் தியேட்டர்களுக்கு கேளிக்கை வரியில் சலுகை அறிவிப்பது தொடர்பாக தியேட்டர் உரிமையாளர்கள் கோரிக்கை வைத்துள்ளனர். அவர்களின்  கோரிக்கை முதல்வரின் கவனத்திற்கு கொண்டு செல்லப்பட்டுள்ளது. விரைவில் முதல்வர் ஆலோசனை செய்து சலுகை அளிப்பது தொடர்பாக நல்ல முடிவினை அறிவிப்பார். அதிகமான காட்சிகளுக்கு மட்டும்தான் அரசு அனுமதி அளித்துள்ளது. முறைப்படுத்தப்பட்ட கட்டணத்தை மட்டுமே வசூலிக்க வேண்டும். அதிக கட்டணம் வசூலித்தால் கண்டிப்பாக நடவடிக்கை எடுக்கப்படும். தியேட்டர்களில் கட்டணம் உயர்வு தொடர்பாக ஏற்கெனவே 3 முறை பேச்சுவார்த்தை நடத்தப்பட்டுள்ளது. தக்கல் முறையில் டிக்கெட் விற்பனை செய்வது தொடர்பாக திரைப்பட தயாரிப்பாளர்கள், தியேட்டர் உரிமையாளர்களிடம் கருத்து கேட்கப்பட்டுள்ளது. கூடிய விரைவில் தக்கல் முறையில் டிக்கெட் கட்டணம் நடைமுறைப்படுத்த நடவடிக்கை எடுக்கப்படும்." என்றார். மேலும் பேசிய அவர் , “அரசியலுக்கு வந்ததற்கு ஏதாவது காரணம் சொல்ல வேண்டும் என்பதற்காக நடிகர் கமல்ஹாசன் தொடர்ந்து பேசி வருகிறார். அதிமுக நல்லாட்சி தந்த காரணத்தினால் 7  முறை மக்கள்  வெற்றி பெறச் செய்துள்ளனர். கமல்ஹாசன் வானத்தில் இருந்து குதித்தவர் போன்றும், புதியதாக கண்டுபிடித்தவர் போன்றும் பேசி வருகிறார். அதிமுகவிற்கு ஆட்சி புரிய வாய்ப்பு தந்த மக்களை  கமல்ஹாசன் பழிக்கிறாரா ?  கமல்ஹாசனை மக்கள் யார் கட்சி தொடங்க அழைத்தார்கள் ? கட்சி ஆரம்பித்ததற்காக சாக்கு போக்கு சொல்கிறார். அவரைவிட கட்சி ஆரம்பித்த ஜாம்பவான்களை காணவில்லை. அவருக்கு வரும் தேர்தல் முற்றுப்புள்ளி வைக்கும்” என்றார்.
http://dlvr.it/RqQTP6

Read More

''அரசியல்வாதிகளுக்கு முதலில் தடுப்பூசி போட வேண்டும்’’ - பிரதமருக்கு நாராயணசாமி கடிதம்

மக்களிடம் நம்பிக்கை ஏற்பட அரசியல்வாதிகளுக்கு முதலில் தடுப்பூசி போட வேண்டும் என பிரதமர் மோடிக்கு புதுச்சேரி முதல்வர் நாராயணசாமி கடிதம் எழுதியுள்ளார். இந்தியாவில் வருகின்ற 16 ஆம் தேதியில் கொரோனாத் தடுப்பூசியானது செலுத்தப்பட இருக்கிறது. முதற்கட்டமாக முன்களப்பணியாளர்களுக்கு முன்னுரிமை அளிக்கப்பட்டு, அதன் பின்னர் பிறருக்கு முன்னுரிமை அளிக்கப்படும் என மத்திய அரசு தெரிவித்தது. இந்நிலையில் நேற்று மாநில முதல்வர்கள் மற்றும் அமைச்சர்களுடன் உரையாடிய பிரதமர் மோடி, தடுப்பூசிகளுக்கு அமைச்சர்கள் முந்தக்கூடாது. தங்களுக்கான முறை வரும் போது அரசியல் வாதிகள் தடுப்பூசிகள் போட்டுக்கொள்ள வேண்டும் என அறிவுறுத்தியதாக தகவல் வெளியானது. இந்நிலையில் தற்போது புதுச்சேரி முதல்வர் நாரயணசாமி, மக்களிடம் நம்பிக்கை ஏற்பட அரசியல்வாதிகளுக்கு முதலில் தடுப்பூசி போட வேண்டும் கூறியுள்ளார் . மேலும் அமைச்சர்கள் , சட்டமன்ற உறுப்பினர்களுக்கு முதலில் தடுப்பூசி செலுத்தக் கோரி பிரதமர் மோடிக்கு கடிதமும் எழுதியுள்ளார்.
http://dlvr.it/RqQTKV

Read More