உ.பி: பெண்ணிடம் அத்துமீறல்; ஆசிட்டை ஊற்றிக் கத்திக் குத்து! பக்கத்து வீட்டுக்காரரின் கொடூரச் செயல்

உத்தரப்பிரதேசத்தின் பதான் (Badaun) மாவட்டத்திலுள்ள சிக்ரி (Sikri) கிராமத்தில் பெண் ஒருவர். தன் குழந்தைகளுடன் வசித்துவருகிறார். அந்தப் பெண்ணின் வீட்டுக்குள் நுழைந்த பக்கத்து வீட்டுக்காரர், அவரிடம் பாலியல் அத்துமீறலில் ஈடுபட்டிருக்கிறார். தனது ஆசைக்கு இணங்குமாறு கட்டாயப்படுத்தியிருக்கிறார். எதிர்ப்பு தெரிவித்ததும், அந்தப் பெண்ணின் வாயில் சிறிது ஆசிட்டை ஊற்றியிருக்கிறார். அந்தப் பெண் சத்தம்போட முயன்றிருக்கிறார். உடனே அவரைக் கத்தியால் குத்திவிட்டு அண்டை வீட்டுக்காரர் அங்கிருந்து தப்பியோடிவிட்டார்.பாலியல் அத்துமீறல் பெண்ணின் அலறல் சத்தம் கேட்டு வந்த அக்கம் பக்கத்தினர், காவல்துறைக்குத் தகவல் தெரிவித்திருக்கிறார்கள். காவல்துறையினர் முப்பது வயதான அந்தப் பெண்ணை அருகிலுள்ள மாவட்ட மருத்துவமனைக்கு அனுப்பிவைத்தனர். அவர் உயிருக்கு ஆபத்தான நிலையில் இருந்ததால், மாவட்ட மருத்துவமனையிலிருந்து சிகிச்சைக்காக பரேலியிலுள்ள மருத்துவமனைக்கு அனுப்பிவைக்கப்பட்டிருக்கிறார். Also Read: 105 முறை பாலியல் வன்கொடுமை... 1,050 ஆண்டுகள் தண்டனை... மலேசியாவில் அதிர்ச்சி சம்பவம்! அவர் தன்னுடைய மூன்று குழந்தைகளுடன் சிக்ரி கிராமத்தில் வசித்துவந்திருக்கிறார். இவரின் கணவர் டெல்லியில் தங்கி பணிபுரிகிறார். இந்தக் கொடூரச் செயலைச் செய்தவர், அந்தப் பெண்ணின் பக்கத்துவீட்டுக்காரரான சதேந்திரா (Satendara) என்பது தெரியவந்திருக்கிறது. முதலில் இந்த வழக்கைப் பெரிதாக எடுத்துக்கொள்ளாத காவல்துறையினர், உள்ளூர் மக்களின் போராட்டத்துக்குப் பிறகே வழக்கு பதிந்து விசாரித்துவருவதாகத் தகவல் வெளியாகியிருக்கிறது.பாலியல் குற்றம் சம்பவ இடத்துக்கு விரைந்த வட்ட அலுவலர் உஜானி சஞ்சய் குமார் ரெட்டி (Ujhani Sanjay Kumar Reddy) அங்கு நடந்த விவரங்களைச் சேகரித்தார். இந்தச் சம்பவம் தொடர்பாக சதேந்திரா மீது கொலை முயற்சி உள்ளிட்ட வழக்கு பதியப்பட்டிருக்கிறது. இது குறித்துப் பேசிய எஸ்.பி பிரவீன் சிங் சௌகான் (Pravin Singh Chauhan), ``குற்றவாளி கைதுசெய்யப்பட்டிருக்கிறார். அந்தப் பெண் அளித்த தகவலின்பேரில் வழக்கு பதிவு செய்யப்பட்டிருக்கிறது. விசாரணை நடைபெற்றுவருகிறது, குற்றவாளிமீது தகுந்த நடவடிக்கை எடுக்கப்படும்" என்று கூறினார்.
http://dlvr.it/Rrwgbf

Read More

உலகளவில் அதிக மக்களை பாதிக்கும் மார்பக புற்றுநோய் - WHO

உலகளவில் அதிக மக்களை பாதிக்கும் புற்றுநோயாக மார்பக புற்றுநோய் உருவெடுத்துள்ளதாக உலக சுகாதார அமைப்பு தெரிவித்துள்ளது. சர்வதேச புற்றுநோய் தினம் பிப்ரவரி 4-ம் தேதி கடைப்பிடிக்கப்பட உள்ளது. இந்நிலையில் பேசிய உலக சுகாதார அமைப்பின் புற்றுநோய் மருத்துவ நிபுணர் ஆந்த்ரே இல்பாவி, கடந்த 20 ஆண்டுகளாக மக்களை அதிகம் பாதிக்கும் புற்றுநோயாக நுரையீரல் புற்றுநோய் இருந்தது எனக் குறிப்பிட்டார். ஆனால் தற்போது நுரையீரல் புற்றுநோயை விட மார்பக புற்றுநோய்தான் அதிகம் பேரை பாதிப்பதாக அவர் தெரிவித்தார். மார்பக புற்றுநோய், நுரையீரல் புற்றுநோயை தொடர்ந்து மலக்குடல் புற்றுநோயால் அதிகம் பேர் பாதிக்கப்பட்டிருப்பதாகவும் ஆந்த்ரே இல்பாவி கூறினார். பெண்களிடையே உடல் பருமன் பிரச்னை அதிகரிப்பதே மார்பக புற்றுநோய் வேகமாக பரவ காரணம் என்றும் மருத்துவர் இல்பாவி எச்சரித்தார். மேலும் மது அருந்துதல், புகையிலை பயன்பாடு, உடற்பயிற்சி இல்லாமை, காய்கறி, பழங்கள் உண்பதை தவிர்ப்பது போன்ற காரணங்களும் புற்றுநோய்க்கு முக்கிய காரணங்களாக இருப்பதாக இல்பாவி தெரிவித்தார். தற்போது ஆண்டுக்கு ஒரு கோடியே 93 லட்சம் புற்றுநோயாளிகள் உருவாவதாகவும் 2040ஆம் ஆண்டு இது 3 கோடியாக உயரும் என்றும் ஆந்த்ரே இல்பாவி கூறினார். கொரோனா காரணமாக உலகெங்கும் புற்றுநோயாளிகளுக்கான சிகிச்சை வெகுவாக பாதிக்கப்பட்டிருப்பதாகவும் ஆந்த்ரே இல்பாவி குறிப்பிட்டார்.
http://dlvr.it/RrvZz8

Read More

புதிய ஸ்டூடியோவில் வெற்றிமாறன் படத்திற்கு பாடல் ஒலிப்பதிவு செய்யும் இளையராஜா

சென்னையில் புதிய ஸ்டூடியோவில் தனது முதல் பாடலை இசையமைப்பாளர் இளையராஜா ஒலிப்பதிவு செய்கிறார். பல ஆண்டுகளாக பிரசாத் ஸ்டூடியோவில் இசையமைத்து வந்த இளையராஜா சமீபத்தில் அங்கிருந்து வெளியேற்றப்பட்டார். இதை எதிர்த்து வழக்கு தொடர்ந்தார் இளையராஜா. இதையடுத்து நீதிமன்றத்தில் சமரசம் ஏற்பட்டு ஸ்டூடியோவில் இருந்த இளையராஜாவுக்கு சொந்தமான உடைமைகள் அவரிடம் ஒப்படைக்கப்பட்டன. இந்தநிலையில், சென்னையில் புதிய ஸ்டூடியோவில் தனது முதல் பாடலை இசையமைப்பாளர் இளையராஜா ஒலிப்பதிவு செய்கிறார். கோடம்பாக்கத்தில் உள்ள பழைய எம்.எம்.தியேட்டரில் இளையராஜாவின் புதிய ஸ்டூடியோ இன்று திறக்கப்படுகிறது. இந்த ஸ்டூடியோவில் முதல் முறையாக வெற்றி மாறன் இயக்கத்தில் சூரி கதாநாயகனாக நடிக்கும் படத்துக்கான பாடல் பதிவை இளையராஜா இன்று தொடங்குகிறார். இந்த படத்தில் சூரி ஜோடியாக ஜி.வி.பிரகாஷின் தங்கை பவானி ஶ்ரீ நடிக்கிறார். வெற்றிமாறன் படத்துக்கு முதல் தடவையாக இளையராஜா இசையமைக்கிறார் என்பது குறிப்பிடத்தக்கது.
http://dlvr.it/RrvZvc

Read More

`20 ஆண்டுகளுக்குப் பிறகு..!' - முல்லைப் பெரியாறு அணைக்கு மீண்டும் கொடுக்கப்பட்ட மின்சாரம்

தென் தமிழகத்தின் ஐந்து மாவட்ட மக்களின் குடிநீர் மற்றும் பாசன ஆதாரமாக விளங்குவது முல்லைப் பெரியாறு அணை. கேரளாவின் வனப்பகுதிக்குள் அணை அமைந்திருந்தாலும், அதைப் பராமரிப்பது முதல் அனைத்து விவகாரங்களையும் தமிழக பொதுப்பணித்துறைதான் கவனித்து வருகிறது. கடந்த 2000-மாவது ஆண்டு முதல், இடுக்கி மாவட்டம் வல்லக்கடவு பகுதியில் இருந்து முல்லைப் பெரியாறு அணைக்கு மின்சாரம் சென்றுகொண்டிருந்தது. இந்நிலையில், ஜூன் 19, 2000-ம் ஆண்டு, அணைக்குச் செல்லும் மின் கம்பியில் உரசி, காட்டு யானை ஒன்று பரிதாபமாகப் பலியானது. அதையடுத்து, அணைக்குச் செல்லும் மின்சாரத்தை நிறுத்தியது கேரள மின்சாரத்துறை. வனப்பகுதியில் மின் கம்பிகள் செல்ல தடை விதித்தது கேரள வனத்துறை. மின்சார இணைப்பு கொடுக்கும் நிகழ்வில் கேரள அமைச்சர். Also Read: முல்லைப்பெரியாறு அணையில் பருவமழை பராமரிப்பு என்ன ஆனது? - சந்தேகம் எழுப்பும் விவசாயிகள் மீண்டும் அணைக்கு மின்சாரம் கொடுக்க வேண்டும் எனப் பல முறை தமிழக அரசு சார்பில் தெரிவிக்கப்பட்டது. தமிழக அரசின் கோரிக்கையை கேரள மின்சாரத்துறை பரிசீலித்தாலும், கேரள வனத்துறை அனுமதி கொடுக்க மறுத்துவந்தது. அணையின் பராமரிப்புப் பணியில் இருக்கும் தமிழக பொதுப்பணித்துறை அதிகாரிகளும் ஊழியர்களும், கடந்த 20 ஆண்டுகளாக, மின்சாரம் இன்றி, வன விலங்குகள் நடமாட்டம் அதிகம் உள்ள அணைப்பகுதியில் உயிரைக் கையில் பிடித்துக்கொண்டு இருந்தனர். இந்நிலையில் சமீபத்தில், கேரள வனத்துறை, வன விலங்குகளுக்கு இடையூறு இன்றி, மின்சார கம்பிகளை நிலத்தில் புதைத்து கொண்டு செல்ல இசைவு தெரிவித்தது. அதையடுத்து கடந்த சில மாதங்கள் முன்னர், நிலத்தில் மின் கம்பிகள் பதிக்கும் பணிகள் தொடங்கப்பட்டன. பணிகள் முடிக்கப்பட்டு, இன்று முல்லைப்பெரியாறு அணைக்கு மின் இணைப்பு கொடுக்கப்பட்டது. மின்சார இணைப்பு கொடுக்கும் நிகழ்வில் கேரள அமைச்சர். Also Read: `முல்லைப்பெரியாறு அணை பராமரிப்பு விதிகள் பழைமையானவை!’ - உச்ச நீதிமன்றத்தில் கேரளா புதிய மனு இது தொடர்பாகத் தேனி மாவட்ட நிர்வாகம் சார்பில் வெளியிடப் பட்டுள்ள செய்திக் குறிப்பில், ``மின் இணைப்பு வழங்கு வதற்காக, தமிழக அரசு, கேரள மின்சாரத்துறைக்கு 2005, 2007, 2016 ஆகிய ஆண்டுகள் முறையே மொத்தம் 1.65 கோடி ரூபாய் செலுத்தியுள்ளது. 5.5 கிலோமீட்டர் தூரத்துக்கு வன நிலத்தின் வழியே மின் கம்பிகள் கொண்டு செல்ல, கேரள வனத்துறைக்கு 13,47,035 ரூபாய் செலுத்தப்பட்டுள்ளது. 20 ஆண்டுகளுக்குப் பிறகு, வன விலங்குகளுக்கு பாதுகாப்பான முறையில், கேரள வனத்துறை அனுமதி பெற்று மின்சாரம் இணைப்பு கொடுக்கப்பட்டது. இதற்கென அணைப் பகுதியில் டிரான்ஸ்பார்மர் ஒன்றும் அமைக்கப்பட்டுள்ளது” எனத் தெரிவிக்கப்பட்டுள்ளது. முல்லைப்பெரியாறு அணை Also Read: பெருமைமிகு முல்லைப்பெரியாறு அணை - 125 வது ஆண்டு சிறப்புப் பகிர்வு மின் இணைப்பு வழங்கும் நிகழ்வில், கேரள மின்சாரத்துறை அமைச்சர் எம்.எம்.மணி, பீர்மேடு எம்.எல்.ஏ பிஜிமோள், இடுக்கி எம்.பி டீன் குரியாகோஸ், தேனி மாவட்ட கலெக்டர் மரியம் பல்லவி பல்தேவ், தமிழக பொதுப்பணித்துறை தலைமைப் பொறியாளர் கிருஷ்ணன், கண்காணிப்புப் பொறியாளர் சுகுமார், செயற்பொறியாளர் சாம் இர்வின் மற்றும் கேரள மின்சாரத்துறை, தமிழக பொதுப்பணித்துறை அதிகாரிகள் கலந்துகொண்டனர். 20 ஆண்டுகளுக்குப் பின்னர் முல்லைப்பெரியாறு அணைக்கு மின்சார இணைப்பு கொடுக்கப்பட்டது, தேனி மாவட்ட விவசாயிகளையும் மக்களையும் மகிழ்ச்சியில் ஆழ்த்தியுள்ளது.
http://dlvr.it/RrrmBF

Read More

பள்ளி மாணவர்களுக்கான இலவச சைக்கிள்களில் சாதிவாரி டோக்கன்... மயிலாடுதுறையில் அதிர்ச்சி

மயிலாடுதுறை மாவட்டத்தில் அரசுப் பள்ளி மாணவிகளுக்கு வழங்கப்பட்ட இலவச சைக்கிள்களில் சாதிவாரியாக டோக்கன்கள் வைக்கப்பட்டிருந்தது சர்ச்சையை ஏற்படுத்தியுள்ளது. செம்பனார்கோவிலில் அரசினர் மகளிர் மேல்நிலைப் பள்ளியில் பயிலும் 11ம் வகுப்பு மாணவிகளுக்கு தமிழக அரசின் இலவச சைக்கிள் வழங்கும் நிகழ்ச்சி நடைபெற்றது. பூம்புகார் அதிமுக எம்எல்ஏ பவுன்ராஜ் இலவச மிதிவண்டிகளை வழங்கினார். இந்த சைக்கிள்களில் மாணவிகளின் பெயருடன் அவர்களது சாதிப்பிரிவும் குறிப்பிடப்பட்டு டோக்கன் வைக்கப்பட்டிருந்தது. இதைப் பார்த்த மாணவிகளும் பெற்றோரும் கடும் அதிர்ச்சிக்குள்ளாகினர். சாதிப்பிரிவைக் குறிப்பிட்டு டோக்கன் வைத்திருந்தது மாணவிகளிடையே பாகுபாட்டை ஏற்படுத்தும்விதமாக இருப்பதாக குற்றச்சாட்டு எழுந்துள்ளது. பள்ளியின் தலைமை ஆசிரியர் உள்ளிட்ட சம்பந்தப்பட்டோரின் மீது உரிய நடவடிக்கை எடுக்க வேண்டுமென இந்திய மாணவர் சங்கத்தினர் வலியுறுத்தினர். டோக்கன் சர்ச்சை குறித்து மாவட்ட கல்வித்துறை அதிகாரி புகழேந்தியிடம் கேட்டபோது, உரிய விசாரணை நடத்தப்படுமென பதிலளித்தார்.
http://dlvr.it/Rrqfxc

Read More

கொஞ்சமாக பேசுவார்...ஆனால் அதிக தந்திரம்: ராணுவத்தின் பிடியில் மியான்மர் சிக்கியது எப்படி?

ராணுவ உடையணிந்தவர்களே மியான்மரை நீண்ட காலமாக ஆட்சி செய்திருக்கிறார்கள். இப்போதும் புதிய ஆட்சியைத் தொடங்கியிருக்கிறார்கள். இன்றைய மியான்மரைப் பற்றிப் புரிந்து கொள்ள வேண்டுமானால் மியான்மர் ராணுவத்தின் தலைமைத் தளபதி மின் ஆங் லேங்கை பற்றி தெரிந்திருக்க வேண்டும். மணிரத்னம் படத்தில் வரும் பாத்திரங்களைப்போல கொஞ்சமாகப் பேசுபவர். பெரும்பாலும் ராணுவத்தின் பின்னணியில் இருந்து செயல்பட்டவர். 2011-ஆம் ஆண்டு ராணுவ ஆட்சியில் இருந்து மக்களாட்சி மாறும் பணிகளைச் செய்தவர் இவர்தான். 2015-ஆம் ஆண்டு தேர்தலில் வென்று ஆங் சான் சூச்சி நாட்டின் ஆட்சிப் பொறுப்புக்கு வந்தபோது, அவருக்கு இணையாக பிரபலமடையைத் தொடங்கினார் மின் ஆங் லேங். ஃபேஸ்புக் உள்ளிட்ட சமூக வலைத்தளங்கள் மூலமாக மக்களைக் கவரத் தொடங்கினார். இவரைப் பற்றித் தொடருவதற்கு முன்பாக மற்றொரு பின்னணியையும் தெரிந்து கொள்ளலாம். 1962-ஆம் ஆண்டில் இருந்து சுமார் 50 ஆண்டுகாலம் மியான்மரை ஆட்சி செய்திருக்கிறது ராணுவம். பத்தாண்டுகளுக்கு முன்பு ராணுவ ஆட்சி முடிவுக்கு வந்தபோதுகூட, ஜனநாயகத்தின் கையில் முழுமையாக அதிகாரங்கள் ஒப்படைக்கப்படவில்லை. ஜனநாயகம் கோரிப் போராடிய ஆங் சான் சூச்சி போன்றவர்கள், ஓரளவு அதிகாரம் கிடைக்கும் என்பதற்காக, எங்கும் கேள்விப்பட்டிராத ஒரு உடன்பாட்டுக்கு ஒப்புக் கொண்டார்கள். அந்த உடன்பாட்டின்படி நாடாளுமன்றத்தில் மூன்றில் ஒருபங்கு இடங்களை நிரப்பும் பொறுப்பு ராணுவத்துக்கு தரப்பட்டது. பாதுகாப்பு, உள்துறை, எல்லை விவகாரத்துறை உள்ளிட்ட முக்கிய துறைகளில் அமைச்சர்களாக ராணுவத்தினரே நியமிக்கப்பட்டு வந்தார்கள். அதனால் ஜனநாயக ஆட்சியின் பிடியை எப்போதும் ராணுவமே தந்திரமாக வைத்துக் கொண்டிருந்தது. இந்தப் பிடியை விட்டுத் தருவதற்கு ராணுவத் தளபதியான மின் ஆங் லேங் ஒருபோதும் சம்மதிக்கவில்லை. 2016-ஆம் ஆண்டில் யாரும் எதிர்பார்க்காத வகையில் தமக்குத்தாமே பதவி நீட்டிப்பை வழங்கிக் கொண்டார். கடந்த நவம்பரில் நடந்த தேர்தலில் ராணுவ ஆதரவுக் கட்சி தோற்றுப் போனதும், முடிவுகளை ஏற்க முடியாது என முழங்கினார். இவை எல்லாம் ஆட்சியைக் கைப்பற்றுவதற்கான படிப்படியான நடவடிக்கைதான் என்பது ஆங் சான் சூச்சியைக் கைது செய்தபோதுதான் வெளி உலகுக்குத் தெரியவந்தது.
http://dlvr.it/RrqfsL

Read More

`மோடியை விட்டு விலகியே இரு’ - பா.ஜ.க எம்.எல்.ஏ-வுக்கு பாகிஸ்தானிலிருந்து கொலை மிரட்டல்!

உத்தரப் பிரதேசம் மாநிலத்தில் உள்ள தாத்ரி தொகுதியின் சட்டமன்ற உறுப்பினராக பா.ஜ.க-வைச் சேர்ந்த தேஜ்பால் நகர் (Tejpal Nagar) இருந்து வருகிறார். இவர் கிரேட்டர் நொய்டாவில் குடும்பத்துடன் வசித்து வருகிறார். தேஜ்பாலின் குடும்பத்தினர் தாத்ரி காவல் நிலையில் புகார் மனு ஒன்றை அளித்திருக்கிறார்கள். அந்த மனுவில், தேஜ்பால் மற்றும் அவர்களின் குடும்பத்தினருக்குக் கொலை மிரட்டல் வந்துள்ளதாகத் தெரிவிக்கப்பட்டுள்ளது.பா.ஜ.க எம்.எல்.ஏ தேஜ்பால் நகர் பாஜக எம்.எல்.ஏ., தேஜ்பால் நகர், தனது வாட்ஸ்அப் எண்ணுக்கு ஒரு மிரட்டல் செய்தி வந்துள்ளது. தன்னையும் தனது குடும்பத்தையும் கொலை செய்வதாக வாட்ஸ்அப் கால் மூலம் மிரட்டல் வந்துள்ளது. மிரட்டல் செய்தியை விடுத்தவர், `பிரதமர் மோடியிடமிருந்து விலகி இருக்குமாறு’ கூறி கொலை மிரட்டல் விடுத்ததாக புகாரில் தெரிவிக்கப்பட்டுள்ளது. Also Read: விகாஸ் துபே வியாபித்த உத்தரப் பிரதேசம்… யோகி ராஜ்ஜியமா, கேங்ஸ்டர் ராஜ்ஜியமா? இந்த புகாரின் அடிப்படையில், தாத்ரி காவல் நிலையத்தில் வழக்கு பதிவு செய்யப்பட்டு விசாரணை மேற்கொண்டு வருகின்றனர். எம்.எல்.ஏ-வுக்கு வந்த மிரட்டல் பாகிஸ்தானிலிருந்து வந்தது முதற்கட்ட விசாரணையில் தெரியவந்துள்ளது.பா.ஜ.க எம்.எல்.ஏ தேஜ்பால் நகர் இதேபோன்று, சதர் எம்.எல்.ஏ-வும் உத்தரப்பிரதேச பெண்கள் மற்றும் குழந்தைகள் மேம்பாட்டுக் குழுவின் தலைவருமான சரிதா பதௌரியாவுக்கும் (Sarita Bhadauria) இரண்டு நாள்களுக்கு முன்னர் கொலைமிரட்டல் விடுக்கப்பட்டிருந்தது. அவருக்கு வந்த அழைப்பும் பாகிஸ்தானிலிருந்து வந்ததும், வாட்ஸ் அப் மூலமே மிரட்டலும் விடுக்கப்பட்டிருந்தது விசாரணையில் தெரியவந்தது. உத்தரப்பிரதேச எம்.எல்.ஏ-களுக்கு தொடர்ச்சியாகக் கொலை மிரட்டல் வருவதையடுத்து, இந்த விவகாரத்தில் காவல்துறையினர் விசாரணையை முடுக்கிவிட்டுள்ளனர்.
http://dlvr.it/Rrmw0D

Read More