கந்த சஷ்டி கவசம் பாடல் விவகாரம்: கறுப்பர் கூட்டத்தின் மீதான குண்டர் சட்டம் ரத்து

கறுப்பர் கூட்டம் யூடியூப் சேனலை சேர்ந்த சுரேந்திரன், செந்தில்வாசன் ஆகியோர் மீதான குண்டர் சட்டத்தை ரத்து செய்து சென்னை உயர்நீதிமன்றம் உத்தரவிட்டுள்ளது. கந்தசஷ்டி கவசம் பாடலை ஆபாசமாக சித்தரித்து கருத்து தெரிவித்ததாக கறுப்பர் கூட்டம் யூடியூப் சேனலின் சுரேந்திரன், செந்தில்வாசன், சோமசுந்திரம், குகன் ஆகியோரை போலீசார் கைது செய்தனர். இதில் சுரேந்திரன், செந்தில்வாசன் ஆகியோர் மீது குண்டர் சட்டம் போடப்பட்டது. இதை எதிர்த்து சென்னை உயர்நீதிமன்றத்தில் வழக்கு தொடரப்பட்டது. ஒரே ஒரு வழக்குதான் எங்கள் மீது பதியப்பட்டுள்ள நிலையில் குண்டர் சட்டம் சட்டவிரோதமானது எனவும் மூடநம்பிக்கைகளை ஒழிக்கவும் கல்வியறிவின்மையை ஒழிப்பதற்காகவும்தான் தங்களது பதிவுகளை இட்டதாகவும் மனுவில் தெரிவிக்கப்பட்டிருந்தது. ஆனால் ஒருவழக்கிற்காக குண்டர் சட்டம் போடக்கூடாது என்று எந்த விதிகளும் இல்லை எனவும் கறுப்பர் கூட்டம் பதிவால் இந்து மதத்தில் சலசலப்பு ஏற்பட்டதாகவும் காவல்துறை தரப்பில் தெரிவிக்கப்பட்டது. இருதரப்பு வாதங்களையும் கேட்ட நீதிபதிகள், குண்டர் சட்டம் பிறப்பித்த உத்தரவில் காலதாமதம் ஏற்பட்டுள்ளதாகவும் அதேபோன்று ஒரு வழக்கிற்காக குண்டர் சட்டம் பதிவு செய்வதை ரத்து செய்ய வேண்டும் என உள்துறை அமைச்சகம் கொடுத்த மனு சரியாக பரிசீலிக்கப்படாமல் காலதாமதம் செய்திருப்பதை காரணம் காட்டி இருவரின் மீதான குண்டர் சட்டத்தை ரத்து செய்து உத்தரவிட்டனர்.
http://dlvr.it/Rs4XQt

Read More

இந்தியா-இங்கிலாந்து இடையிலான முதல் டெஸ்ட் இன்று சென்னையில் தொடக்கம்

இந்தியா மற்றும் இங்கிலாந்து அணிகள் இடையிலான முதல் டெஸ்ட் கிரிக்கெட் போட்டி இன்று காலையில் தொடங்குகிறது. சென்னை சேப்பாக்கம் மைதானத்தில் இந்திய நேரப்படி காலை 9.30 மணிக்கு போட்டி தொடங்குகிறது. ஆஸ்திரேலிய தொடரின் கடைசி மூன்று போட்டிகளில் விளையாடாத கேப்டன் விராட் கோலி அணிக்கு திரும்புகிறார். ஆல்ரவுண்டர் ஹர்திக் பாண்ட்யாவும், காயத்திலிருந்து மீண்டுள்ள இஷாந்த் சர்மாவும் ஆடும் லெவனில் இடம் பெறுவார் என எதிர்பார்க்கப்படுகிறது. ஜோ ரூட் தலைமையிலான இங்கிலாந்து அணியை பொறுத்தவரையில் முன்னணி வீரர்களான பென் ஸ்டோக்ஸ், பட்லர், ஆர்ச்சர், ஸ்டூவர்ட் பிராட் உள்ளிட்டோர் களமிறங்குவார்கள் எனத் தெரிகிறது. சேப்பாக்கம் மைதானம் சுழற்பந்துக்கு சாதகமாக இருக்கும் என கணிக்கப்பட்டுள்ளது. கொரோனா அச்சுறுத்தல் காரணமாக போட்டியில் ரசிகர்களுக்கு அனுமதி வழங்கப்படவில்லை. இந்நிலையில், போட்டியில் ரிஷப் பந்த் விளையாடுவார் என செய்தியாளர்களிடம் பேசிய விராட் கோலி தெரிவித்தார். மேலும், ”நாட்டில் நடைபெறும் எந்த ஒரு பிரச்னைக்கும் அனைத்து தரப்பினருமே தங்களது கருத்துகளை வெளிப்படுத்துவர். விவசாயிகள் போராட்டம் குறித்த கருத்தை ஒவ்வொருவரும் வெளிப்படுத்தி வருகின்றனர். இது குறித்து அணியின் கூட்டத்திலும் விரிவாக பேசினோம். ஆஸ்திரேலியாவுக்கு எதிரான டெஸ்ட் தொடரின்போது டெஸ்ட் சாம்பியன்ஷிப் குறித்து பெரிதாக பேசிக் கொள்ளவில்லை. அதேபோல் தற்போதும் சில மாதங்களுக்குப் பிறகு நடைபெறவுள்ள டெஸ்ட் சாம்பியன்ஷிப்பிற்காக அழுத்தத்தை ஏற்படுத்திக் கொள்ளவில்லை. இங்கிலாந்துக்கு எதிரான டெஸ்ட் தொடரை வெல்வதில் மட்டுமே கவனம் செலுத்தி வருகிறோம்” என்றார்.
http://dlvr.it/Rs3PWF

Read More

கேரளா:`ஒருவருக்கு தங்கம் மீது பிரியம்; மற்றொருவருக்கு சோலார் மூலம் ஆற்றல்! - ஜே.பி.நட்டா கிண்டல்

கேரள மாநிலத்தில் நடக்க உள்ள சட்டசபை தேர்தல் பிரசாரத்துக்காக பா.ஜ.க தேசிய தலைவர் ஜே.பி. நட்டா கடந்த 3-ம் தேதி கேரளா சென்றார். கேரளத்தில் பல்வேறு பகுதிகளில் தேர்தல் பிரசாரம் மேற்கொண்டதுடன், நிர்வாகிகள் கூட்டம், கட்சியில் வி.ஐ.பி-களை உறுப்பினராக சேர்த்தல் என பல்வேறு நடவடிக்கைகளில் ஈடுபட்டார். அதன் ஒரு பாகமாக திருவனந்தபுரத்தில் நடந்த நிகழ்ச்சியில் சினிமா நடிகர் கிருஷ்ணகுமார் தன்னை பா.ஜ.க-வில் இணைத்துக்கொண்டார். திருச்சூரில் நடந்த பா.ஜ.க பொதுக்கூட்டத்தில் ஜே.பி.நட்டா முன்னிலையில் முன்னாள் டி.ஜி.பி ஜேக்கப் தாமஸ் தன்னை பா.ஜ.க-வில் இணைத்துக்கொண்டார். வரும் சட்டசபை தேர்தலில் போட்டியிடபோவதாக முன்னாள் டி.ஜி.பி ஜேக்கப் தாமஸ் ஏற்கனவே கூறியிருந்தார். மேலும் எந்த தொகுதியில் போட்டியிடப்போவது என முடிவு செய்யவில்லை என்றும் அறிவித்திருந்தார். கடந்த சட்டசபை தேர்தலில் ஒரே ஒரு எம்.எல்.ஏ மட்டுமே கேரள பா.ஜ.க-விற்கு கிடைத்தது. இந்த முறை கூடுதல் சீட்டுகளை பிடிக்கும் எண்ணத்தில் பா.ஜ.க முக்கிய பிரபலங்களை களத்தில் இறக்க தயாராகி வருகிறது. கேரளத்தில் தேர்தல் பிரசாரத்தில் ஈடுபட்ட ஜே.பி. நட்டா நேற்று திருச்சூரில் நடந்த பொதுக்கூட்டத்தில் பேசினார்.ஜே.பி.நட்டா முன்னிலையில் பா.ஜ.க-வில் இணைந்த முன்னாள் டி.ஜி.பி ஜேக்கப் தாமஸ் அப்போது கேரளத்தை ஆளும் சி.பி.எம் முதல்வர் பினராயி விஜயனை, ஸ்வப்னா சுரேஷின் தங்கம் கடத்தல் வழக்கிலும், காங்கிரஸ் கட்சியைச் சேர்ந்த முன்னாள் முதல்வர் உம்மன் சாண்டியை சோலார் பேனல் மோசடி வழக்கிலும் தொடர்பு படுத்தி கிண்டலாக பேசினார் ஜே.பி.நட்டா. பொதுக்கூட்டத்தில் ஜே.பி.நட்டா பேசுகையில், "கேரளத்தின் அரசு அமைப்புகள் முழுவதும் ஊழல் நிறைந்ததாக உள்ளது. ஒரு மாநிலம் என்ற நிலையில் ஊழலும், மோசடியும் கேரளத்திற்கு கெட்டப்பெயரை ஏற்படுத்தியிருக்கிறது. ஊழல் வழக்குகளில் பெண்களின் நிழல் உண்டு. இந்த அரசு செய்தது பணம் மோசடி மட்டும் அல்ல, அதற்கும் மேலானது. பினராயி விஜயனின் அரசு தவறான நிர்வாகமும், செயலற்ற தன்மையும் கொண்டது. Also Read: தங்கம் கடத்தல் வழக்கு: 98 நாள்கள் சிறை... 3 வழக்கிலும் ஜாமீன்! புத்தகத்துடன் வெளியேறிய சிவசங்கரன்! பெண்கள் மற்றும் பட்டியலின மக்களுக்கு எதிரான வன்முறைகள் இந்த ஆட்சியில் அதிகரித்துள்ளன. சட்டம் ஒழுங்கு மோசமடைந்துள்ளது. கொரோனா வைரஸ் தொற்றை கட்டுப்படுத்த மாநிலங்களுக்கு கொடுக்கப்பட்ட அதிகாரத்தை துஷ்பிரயோகம் செய்தது கேரள அரசு. கேரளத்தில் ஒரு முதலமைச்சர் தங்கத்தின் மீது மிகவும் பிரியமாக இருக்கிறார். மற்றொரு முதலமைச்சர் சோலாரில் இருந்து ஆற்றல் பெறுகிறார்.பா.ஜ.க பொதுக்கூட்டத்தில் பிரதமர் நரேந்திர மோடி செய்யும் நல்ல திட்டங்களை கடவுளின் சொந்த தேசத்திற்கும் விரிவுபடுத்த நாங்கள் விரும்புகிறோம். பிரதமரின் கரிசனமான நல்ல நடவடிக்கைகள் குறித்து நாம் அறிந்திருக்க வேண்டியது அவசியம். ஏமன் நாட்டில் இருந்தும், ஆப்கானிஸ்தானத்தில் இருந்தும் மக்களை எப்படி திரும்ப அழைத்து வந்தோம் என்பதை நாம் நினைத்துப் பார்க்க வேண்டும்" என்றார்.
http://dlvr.it/Rs3PSq

Read More

நீலகிரி: திரும்பி வந்துட்டேன்னு சொல்லு; ரீஎன்ட்ரி கொடுத்த உடைந்த கொம்பன் - பதற்றத்தில் வனத்துறை

நீலகிரி மாவட்டத்தில் கடந்த டிசம்பர் மாதத்தில் 10 நாள்களில் 5 நபர்கள் காட்டு யானை தாக்கி உயிரிழந்தனர். பந்தலூர் சுற்றுவட்டாரப் பகுதிகளில் உயிரிழந்த மூன்று நபர்களையுமே‌ குறிப்பிட்ட ஒரு யானை‌ தாக்கியிருந்ததை வனத்துறையினர் உறுதி செய்தனர்.ஆபரேஷன் புரோக்கன்‌ டஸ்கர் பொதுமக்களின் பாதுகாப்பை உறுதி செய்யும் வகையில், `ஆபரேஷன் புரோக்கன்‌ டஸ்கர்' என்ற பெயரில் குறிப்பிட்ட ஷங்கர் என அழைக்கப்படும் உடைந்த கொம்பன் காட்டு யானையைப் பிடிக்கத் திட்டமிடப்பட்டது. இந்தப் பணியில், 4 கும்கிகள்,வ்3 ட்ரோன் கேமிராக்கள், 35 கண்காணிப்பு கேமிராக்கள், நூற்றுக்கும் அதிகமான வனத்துறை ஊழியர்கள் என 5 நாள்களாக பந்தலூர் சுற்றுவட்டாரப் பகுதிகளில் இரவு பகலாகத் தேடி வந்தனர். ஒரு வழியாக அந்த யானையை கண்டறிந்து கால்நடை மருத்துவர்கள், யானையின் உடலில் துப்பாக்கி மூலம் மயக்க ஊசி செலுத்தினர். உடலில் பாய்ந்த மயக்க ஊசியோடு, அரை மயக்கத்தில் தப்பித்த காட்டு யானையை பல இடங்களில் தேடியும் வனத்துறையினரால் கண்டுபிடிக்க முடியவில்லை.ஆபரேஷன் புரோக்கன்‌ டஸ்கர் இந்த நிலையில், கேரள மாநிலம் நிலம்பூர் வழிக்கடவு இருட்டுக்குத்தி பழங்குடியினர் கிராமத்தின் அருகில் இந்த யானை‌ இருப்பதைக்‌ கண்டு தமிழக வனத்துறையினருக்கு தகவல் தெரிவித்தனர். கேரளாவின் அடர் வனத்துக்குள் சென்றுவிட்டதால், யானையை பிடிப்பது இயலாத காரியம் என திட்டத்தைக் கைவிட்டனர். Also Read: 3 கும்கிகளுடன் `ஆபரேஷன் புரோக்கன் டஸ்கர்'... ஒற்றை யானையைத் தேடும் நீலகிரி வனத்துறை! 2 மாதங்களுக்கு பின்னர் இந்த யானை மீண்டும் தமிழகத்துக்குள் வந்துள்ளது. செப்பந்தோடு பகுதியில் உள்ள குடியிருப்புகள் மற்றும் தேயிலைத் தோட்டங்களில் உலவி வரும் இந்த யானையைக் கண்காணித்து வருகின்றனர். மேலும், இந்த யானையைப் பிடிக்கும் முயற்சியிலும் இறங்கியுள்ளனர்.ஆபரேஷன் புரோக்கன்‌ டஸ்கர் உடைந்த கொம்பன் குறித்து நம்மிடம் பேசிய வனத்துறை அதிகாரி ஒருவர்,``உடைந்த கொம்பன் என்ற காட்டு யானை பல ஆண்டுகளாக தமிழக - கேரள எல்லை வனப்பகுதிகளை பயன்படுத்தி வருகிறது. இரண்டு மாதங்களாக கேரள வனத்தில் இருந்த இந்த யானை, தற்போது நமது எல்லைக்குள் மீண்டும் நுழைந்துள்ளது. செப்பந்தோடு சுற்றுவட்டாரப் பகுதிகளில் உள்ள மக்களை எச்சரிக்கையுடன் இருக்க அறிவுறுத்தியுள்ளோம். 40 வனத்துறை பணியாளர்கள் மற்றும் சுஜய் என்ற கும்கி யானையும் களத்தில் உள்ளது. மக்கள் அச்சப்படத் தேவையில்லை" என்றார்.
http://dlvr.it/Rs0cvW

Read More

சென்னையில் நாளை இந்தியா - இங்கிலாந்து டெஸ்ட்: அணியில் இருக்கப்போவது யார்?

இந்தியா - இங்கிலாந்து அணிகள் இடையிலான முதல் டெஸ்ட் போட்டி சென்னை சேப்பாக்கம் மைதானத்தில் நாளை தொடங்குகிறது. இங்கிலாந்து அணி இந்தியாவுக்குச் சுற்றுப்பயணம் செய்து 4 டெஸ்டுகள், 5 டி20, 3 ஒருநாள் ஆட்டங்களில் விளையாடுகிறது. முதல் இரு டெஸ்டுகள் சென்னையில் பிப்ரவரி 5 முதல் 9ம் தேதி வரையும், பிப்ரவரி 13 முதல் 17ம் தேதி வரையும் நடைபெறுகின்றன. 3-ஆவது டெஸ்ட் பிப்ரவரி 24 முதல் 28ம் தேதி வரையும், கடைசி டெஸ்ட் மார்ச் 4 முதல் 8ம் தேதி வரை அகமதாபாத்தில் நடைபெறவுள்ளது. இதையடுத்து 5 ஆட்டங்கள் கொண்ட டி20 தொடர் அகமதாபாத்திலும் 3 ஆட்டங்கள் கொண்ட ஒருநாள் தொடர் புனேவிலும் நடைபெறவுள்ளன. இந்நிலையில் முதல் டெஸ்டில் இடம் பெற இருக்கும் இந்திய அணியின் 11 வீரர்கள் யார் யார் என்ற கேள்வி எழுந்துள்ளது. முதல் டெஸ்ட் போட்டியில் இடம்பெறுவதற்கு கடுமையான போட்டியே நிலவுகிறது என கூறலாம். ஆனால் முதல் டெஸ்ட்டில் ஹர்திக் பாண்ட்யா இடம்பெறமாட்டார் என்றே கணிக்கப்படுகிறது. தொடக்க வீரர்களாக ரோகித் சர்மா, சுப்மன் கில் ஆகியோர் களமிறக்கப்படுவார்கள். பின்பு 3 ஆவது இடத்துக்கு புஜாராவும், 4 ஆவதாக கேப்டன் விராட் கோலியும் இறங்குவார்கள். இதற்கடுத்து 5 ஆவது பேட்ஸ்மேனாக துணைக் கேப்டன் ரஹானே பேட் செய்வார். விக்கெட் கீப்பர் ரிஷப் பன்ட் 6 ஆம் இடத்திலும், 7 ஆவது இடத்தில் ஆல் ரவுண்டர் வாஷிங்டன் சுந்தர் களம் காண்பார். சேப்பாக்கம் மைதானம் சுழற்பந்துவீச்சுக்கு சாதகமானது என்பதால் ஹர்திக் பாண்ட்யாவைவிட வாஷிங்டன் சுந்தரையே தேர்வாளர்கள் விரும்புவார்கள். அதன் பின்பு சுழற்பந்து வீச்சாளர்கள் ரவிசந்திரன் அஸ்வினும், குல்தீப் யாதவும் அணியில் இருப்பார்கள். வேகப்பந்துவீச்சாளர்களாக பும்ராவும், இஷாந்த் சர்மாவும் சேர்கக்ப்படுவார்கள். சென்னை ஆடுகளத்தின் தன்மை காரணமாக டெஸ்ட் போட்டியில் 3 சுழற்பந்துவீச்சாளர்கள், 2 வேகப்பந்து வீச்சாளர்கள் என இந்தியா களமிறங்கும் என கூறப்படுகிறது. இந்தியா 11 பேர் கொண்ட உத்தேச அணி: சுப்மன் கில்ரோகித் சர்மாபுஜாராகோலிரஹானேரிஷப் பன்ட்வாஷிங்டன் சுந்தர்அஸ்வின்குல்தீப் யாதவ்பும்ராஇஷாந்த் சர்மா
http://dlvr.it/RrzVKQ

Read More

‘பசிக்கின்றதா.. எடுத்துக்கோங்க!’- ஆதரவற்றவர்களுக்கு இலவச ’குஸ்கா' கொடுக்கும் பெண்!

கோவையில் ஏழை மற்றும் ஆதரவற்றவர்களுக்கு பசியை போக்கும் வகையில் இலவசமாகவும், மற்றவர்களுக்கு 20 ரூபாய்க்கும் கறி இல்லாத பிரியாணியை இளம்பெண் ஒருவர் வழங்கி வருகிறார். புளியகுளம் பகுதியில் சப்ரினா என்ற பட்டதாரி சாலையோரம் உணவகம் ஒன்றை நடத்தி வருகிறார். இவரது கடை முன்பாக வைக்கப்பட்டுள்ள பெட்டி ஒன்றில் குஸ்கா பொட்டலங்களை வைத்து, "பசிக்கின்றதா. எடுத்துக்கோங்க" என்று எழுதி வைத்துள்ளார். பெட்டியில் வைக்கப்பட்டுள்ள பார்சல்களை ஆதரவற்ற ஏழைகள் இலவசமாக எடுத்துச் செல்கின்றனர். இது குறித்து சப்ரினாவிடம் கேட்டதற்கு, 20 ரூபாய்க்கு சாதாரண பிரியாணி விற்பனை செய்வதால் நட்டம் ஏதுமில்லை என்றும் ஆதரவற்றவர்களுக்கு இலவசமாக கறி இல்லாத பிரியாணி வழங்க, உதவும் மனம் இருந்தால் போதும் எனவும் தெரிவித்துள்ளார்.
http://dlvr.it/RrzVHT

Read More

உ.பி: பெண்ணிடம் அத்துமீறல்; ஆசிட்டை ஊற்றிக் கத்திக் குத்து! பக்கத்து வீட்டுக்காரரின் கொடூரச் செயல்

உத்தரப்பிரதேசத்தின் பதான் (Badaun) மாவட்டத்திலுள்ள சிக்ரி (Sikri) கிராமத்தில் பெண் ஒருவர். தன் குழந்தைகளுடன் வசித்துவருகிறார். அந்தப் பெண்ணின் வீட்டுக்குள் நுழைந்த பக்கத்து வீட்டுக்காரர், அவரிடம் பாலியல் அத்துமீறலில் ஈடுபட்டிருக்கிறார். தனது ஆசைக்கு இணங்குமாறு கட்டாயப்படுத்தியிருக்கிறார். எதிர்ப்பு தெரிவித்ததும், அந்தப் பெண்ணின் வாயில் சிறிது ஆசிட்டை ஊற்றியிருக்கிறார். அந்தப் பெண் சத்தம்போட முயன்றிருக்கிறார். உடனே அவரைக் கத்தியால் குத்திவிட்டு அண்டை வீட்டுக்காரர் அங்கிருந்து தப்பியோடிவிட்டார்.பாலியல் அத்துமீறல் பெண்ணின் அலறல் சத்தம் கேட்டு வந்த அக்கம் பக்கத்தினர், காவல்துறைக்குத் தகவல் தெரிவித்திருக்கிறார்கள். காவல்துறையினர் முப்பது வயதான அந்தப் பெண்ணை அருகிலுள்ள மாவட்ட மருத்துவமனைக்கு அனுப்பிவைத்தனர். அவர் உயிருக்கு ஆபத்தான நிலையில் இருந்ததால், மாவட்ட மருத்துவமனையிலிருந்து சிகிச்சைக்காக பரேலியிலுள்ள மருத்துவமனைக்கு அனுப்பிவைக்கப்பட்டிருக்கிறார். Also Read: 105 முறை பாலியல் வன்கொடுமை... 1,050 ஆண்டுகள் தண்டனை... மலேசியாவில் அதிர்ச்சி சம்பவம்! அவர் தன்னுடைய மூன்று குழந்தைகளுடன் சிக்ரி கிராமத்தில் வசித்துவந்திருக்கிறார். இவரின் கணவர் டெல்லியில் தங்கி பணிபுரிகிறார். இந்தக் கொடூரச் செயலைச் செய்தவர், அந்தப் பெண்ணின் பக்கத்துவீட்டுக்காரரான சதேந்திரா (Satendara) என்பது தெரியவந்திருக்கிறது. முதலில் இந்த வழக்கைப் பெரிதாக எடுத்துக்கொள்ளாத காவல்துறையினர், உள்ளூர் மக்களின் போராட்டத்துக்குப் பிறகே வழக்கு பதிந்து விசாரித்துவருவதாகத் தகவல் வெளியாகியிருக்கிறது.பாலியல் குற்றம் சம்பவ இடத்துக்கு விரைந்த வட்ட அலுவலர் உஜானி சஞ்சய் குமார் ரெட்டி (Ujhani Sanjay Kumar Reddy) அங்கு நடந்த விவரங்களைச் சேகரித்தார். இந்தச் சம்பவம் தொடர்பாக சதேந்திரா மீது கொலை முயற்சி உள்ளிட்ட வழக்கு பதியப்பட்டிருக்கிறது. இது குறித்துப் பேசிய எஸ்.பி பிரவீன் சிங் சௌகான் (Pravin Singh Chauhan), ``குற்றவாளி கைதுசெய்யப்பட்டிருக்கிறார். அந்தப் பெண் அளித்த தகவலின்பேரில் வழக்கு பதிவு செய்யப்பட்டிருக்கிறது. விசாரணை நடைபெற்றுவருகிறது, குற்றவாளிமீது தகுந்த நடவடிக்கை எடுக்கப்படும்" என்று கூறினார்.
http://dlvr.it/Rrwgbf

Read More