உய்குர் முஸ்லீம்; காஷ்மீர் விவகாரம்: பிபிசி, தொடர்ந்து சீன-இந்திய அரசின் எதிர்ப்பை சந்திப்பது ஏன்?

கொரோனா வைரஸ் தொற்று சீனாவிலிருந்து பரவியதாக உலக நாடுகள் அனைத்தும் குற்றம் சாட்டிய நிலையில், கொரோனா வைரஸ் பரவலைச் சீனா கையாண்ட விதம் குறித்தும், சீன அதிபர் ஜின்பிங் குறித்தும் ஆட்சேபனைக்குரிய விதத்தில் செய்தி வெளியிட்டதாகக் கூறி பிபிசி வேர்ல்டு நியூஸ் (BBC WORLD NEWS) எனப்படும் பிபிசி'யின் தொலைக்காட்சி ஒளிபரப்புக்குச் சீனா தடை விதித்துள்ளது. சீனாவின் தொலைத்தொடர்பு மற்றும் ஒளிபரப்பு ஆணையமான என்.ஆர்.டி.ஏ (NRTA - National Radio and Television Administration) பிபிசி வேர்ல்டு நியூஸ்'க்கு தடை விதித்து அறிக்கை ஒன்றை வெளியிட்டுள்ளது, அதில், பிபிசி வேர்ல்டு நியூஸ் சேனலில் ஒளிபரப்பு செய்த சீனா தொடர்பான செய்திகள் உண்மைக்குப் புறம்பாக, உகந்த முறையில் இல்லை என்றும் செய்திகள் அனைத்தும் விதிமுறைகளைத் தீவிரமாக மீறப்பட்டுள்ளது என்றும், இத்தகைய செயல் சீனாவின் தேசிய எண்ணங்களைக் காயப்படுத்தியதுடன், தேசிய ஒற்றுமையை குறை மதிப்பிற்குத் தள்ளியுள்ளது. எனவே, சீனாவில் ஒளிபரப்பு செய்யும் வெளிநாட்டு சேனல்களின் தேவையை பிபிசி இழந்துவிட்டது. இனி ஒரு வருடத்திற்கு அதன் விண்ணப்பத்தையும் சீனா ஏற்காது" எனத் தெரிவிக்கப்பட்டுள்ளது. கடந்த பிப்ரவரி 4-ம் தேதியன்று பிரிட்டன் தொலைத்தொடர்பு மற்றும் ஒளிபரப்பு அமைச்சகம் சீனாவின் அரசு தொலைக்காட்சியான CGTN-ன் உரிமத்தை ரத்து செய்தனர். இந்த சேனலுக்கான உரிமத்தை ஸ்டார் சீனா மீடியா லிமிடட் (Star China Media Ltd) நிறுவனம் முறையற்ற வகையில் பெற்றதாகக் கூறப்பட்டது. அச்செயலுக்கு பதிலடி கொடுக்கும் வகையில் சீனா இந்த நடவடிக்கையை எடுத்ததாகச் சொல்லப்படுகிறது. பிபிசி மீதான குற்றச்சாட்டுகள்: சீனா பிபிசி மீது அடுக்கடுக்கான குற்றச்சாட்டுகளை முன்வைக்கிறது. சீனா அரசுக்குச் சொந்தமான CGTN இணையதளத்தில் “BBC World News is Ousted! Why?” என்ற தலைப்பில் ஒரு கட்டுரை வந்துள்ளது. அதில் சீனாவின் ஷின்ஜியாங் பகுதி குறித்து தவறான கட்டுரைகளை வெளியிட்டதாகவும், அதுமட்டுமல்லாமல் கொரோனா வைரஸ் பரவலில் சீனாவைத் தவறாக பிபிசி சித்தரித்ததாகவும் குறிப்பிடப்பட்டுள்ளது. சீனா விவகாரங்களை எப்போதும் ஒருபக்கச் சார்புடன் பிபிசி அணுகி உள்ளதாகவும் அந்த கட்டுரையில் குறிப்பிடப்பட்டுள்ளது. தவறான செய்திகளைப் பரப்பியதற்காகச் சீனா வெளியுறவுத் துறை பிபிசியை மன்னிப்பு கேட்கக் கோரியது. ஆனால், பிபிசி மறுத்துவிட்டது. நாங்கள் எந்தப் பக்கச் சார்பும் இல்லாமல் நடுநிலையுடன் செய்திகளை வழங்குவதாக பிபிசி கூறி இருக்கிறது. இதனை மேற்கோள் காட்டி, “பிபிசி பிரித்தானிய மனோபாவத்துடன், அதாவது ஏகாதிபத்திய மனோபாவத்துடன் இயங்குகிறது. அதற்கு சீனாவின் கலாசார மதிப்பீடுகள், விழுமியங்கள் குறித்து எந்த புரிதலும் இல்லை” எனக் குறிப்பிடப்பட்டுள்ளது. உய்குர் முஸ்லீம் பிரச்னையும்,பிபிசியும்...! சீனாவின் ஷின்ஜியாங் பகுதியில் உள்ள உய்குர் முஸ்லிம்களை அந்நாடு நடத்தும் விதம் குறித்து சர்வதேச அளவில் பல கண்டனங்கள் எழுந்துவந்த நிலையில் தற்போது உய்குர் முஸ்லிம்கள் நடத்தப்படும் விதம் குறித்து பிபிசி ஒளிபரப்பிய செய்தி ஒன்றால் அந்த ஊடகம் சீனாவில் தடை செய்யப்பட்டுள்ளது. அதன்பிறகு பிபிசி குறிப்பிட்ட அந்த செய்தி விதிகளை மீறியுள்ளதாகச் சீனா தெரிவித்துள்ளது. மேலும் சீனாவின் தேசிய நலனையும், ஒற்றுமையையும் அது குலைப்பதாகவும் உள்ளது எனவும் சீனா தரப்பில் தெரிவிக்கப்பட்டுள்ளது. மேலும் வெளிநாட்டு ஊடகங்களுக்கான நடைமுறைகளில் பிபிசி பொருந்தவில்லை என்றும், அடுத்த ஒரு வருடத்திற்கும் அதற்கான அனுமதி ரத்து செய்யப்படுவதாகவும் சீனா தரப்பில் தெரிவிக்கப்பட்டுள்ளது. இதுகுறித்து பிபிசியும் தனது நிலைப்பாட்டைத் தெரிவித்துள்ளது. ``பிபிசி, ஒரு நம்பகத்தன்மை வாய்ந்து சர்வதேச செய்தி ஊடகம். சீன அதிகாரிகளின் இந்த முடிவு ஏமாற்றம் அளிப்பதாக உள்ளது. உலகமுழுவதும் பிபிசி தரும் செய்திகள், எந்த சார்பும் அற்று, எதற்கும் அஞ்சாமல் பிரசுரிக்கப்படும் செய்திகள்” எனத் தெரிவித்துள்ளது. சீனாவில் நடைபெறும் இந்த உய்குர் முஸ்லிம்கள் பிரச்னை என்பது நீண்டகாலமாக நடந்து கொண்டிருக்கும் ஒன்று. சீனா தனது நிலப்பரப்பிலிருந்து இந்த உய்குர் இன மக்களை ஒழித்துக் கட்ட வேண்டும் எனப் பல மோசமான நடவடிக்கைகளை மேற்கொண்டு வருகிறது எனச் சர்வதேச அளவில் தொடர் கண்டனங்கள் எழுந்த நிலையில் உள்ளன. ஆனால் சீனா இதைப் பயங்கரவாத தடுப்பு நடவடிக்கை என்று கூறி வருகிறது.முதலில் இந்த உய்குர் முஸ்லிம்கள் யார் என்று பார்ப்போம்! சீனாவின் ஷின்ஜியாங் உய்குர் தன்னிலை பிராந்தியத்தில் சுமார் ஒரு கோடிக்கும் அதிகமான உய்குர் முஸ்லிம்கள் வாழ்ந்து வருகிறார்கள். இவர்களுக்கென்று தனி மொழி உள்ளது. இவர்களின் கலாசாரம் மற்றும் இன ரீதியான பழக்கங்கள் மத்திய ஆசிய நாடுகளை ஒத்ததாக இருக்கும். சீனா, கிரீஸ், பெர்சியா மற்றும் அரேபியாவின் சாரம்சங்களைக் கொண்ட இவர்களின் உணவு பழக்கம் ஒரு சுவைமிக்கது என்கிறார்கல். மொத்தத்தில் இவர்களின் கலாசாரம் மற்றும் பழக்கவழக்கங்கள் என்பது சுற்றுலாப் பயணிகளை ஈர்க்கும் வசீகரமான ஒன்றாக உள்ளது. ஷின்ஜியாங் பகுதியில் பாதியளவில் இந்த உய்குர் முஸ்லிம்கள் வாழ்கின்றனர். கடந்த சில வருடங்களுக்காகச் சீனாவின் பெரும்பான்மை இனமான ஹான் இனத்து மக்கள் ஷின்ஜியாங்கிற்கு இடம் பெயர்ந்து செல்வதால், உய்குர் முஸ்லிம்கள் தங்களின் கலாசாரமும், வாழ்வாதாரமும், அச்சுறுத்தலுக்கு உள்ளாகுவதாக உணர்கின்றனர். இனத்தை அழிக்கும் முயற்சியில் சீனா? சீனா இந்த உய்குர் முஸ்லிம் இனத்தை அழிப்பதற்கான பல முயற்சிகளை மேற்கொண்டு வருகிறது. அந்த மக்களைத் தீவிரமாகக் கண்காணிப்பது, சித்ரவதை செய்வது, காரணமின்றி முகாம்களில் அடைப்பது போன்ற பல்வேறு நடவடிக்கைகளின் மூலம் சீனா உய்குர் முஸ்லிம் மக்களை அழிக்கும் முயற்சியில் ஈடுபட்டு வருகிறது. உய்குர் இன மக்கள் நெடுங்காலமாகச் சீனாவிடமிருந்து விடுதலை கோருகின்றனர். ஆனால் சீனா இதைப் பல ஆண்டுகளாக மறுக்கிறது. திபெத்தை போல ஷின்ஜியாங்கும் ஒரு தன்னாட்சி பெற்ற பிராந்தியம். ஆனால் நடைமுறையில் அது நிகழ்வதில்லை. சீன அரசுதான் ஷின்ஜியானை கட்டுப்படுத்தி வருகிறது. இது அதிகமாகப் பருத்தி விளையக்கூடிய ஒரு இடம். மேலும் எண்ணெய் வளம் மிகுந்த ஒரு பகுதியாகவும் உள்ளது. உய்குர் முஸ்லிம்கள் தங்களின் பகுதியை விடுதலை பெற்ற பகுதியாக அறிவித்திருந்தனர். ஆனால் 1949-ம் ஆண்டு மாவோ தலைமையில் சீனாவில் ஏற்பட்ட புதிய கம்யூனிஸ்ட் அரசு அதன் கட்டுப்பாட்டை முழுவதுமாக தனக்குள் கொண்டுவந்தது. சீன முகாம்களில் அடைக்கப்பட்டுள்ள முஸ்லிம்கள் சீன முகாம்களில் உய்குர் முஸ்லிம் பெண்கள் பாலியல் ரீதியாக துன்புறுத்தப்படுத்தவதாகவும், உய்குர் பெண்களுக்குக் கட்டாயமாகக் குழந்தை பெறும் தன்மையை நீக்கும் நடைமுறைகளை மேற்கொள்வதாகவும் சில தினங்களுக்கு முன் பிபிசி செய்தி ஒன்றை வெளியிட்டது. கம்யூனிச கோட்பாடுகளுடன் மத நம்பிக்கை ஒத்துப் போகாத காரணத்தால் மத நம்பிக்கைகளை அழித்தொழிக்கும் முயற்சிகள் மேற்கொள்ளப்பட்டன. சீன அரசின் உதவியோடு சீனாவின் பெரும்பான்மை இனமான ஹான் குழுவினர் 1950களில் உய்குர் மக்கள் வாழும் பகுதிகளுக்குக் குடிபெயரத் தொடங்கினர். ஹான் மக்கள் அவர்களுக்கென கட்டமைப்புகளையும், வர்த்தகங்களையும் உருவாக்கினர். தற்போது அங்கு 40 சதவீத அளவில் ஹான் மக்கள் உள்ளனர். படிப்படியாக தங்கள் இடங்களை ஹான் இனத்தவர்கள் ஆக்கிரமிப்பதைக் கண்டு உய்குர் மக்கள் அஞ்சுகின்றனர். மேலும் அவர்களை அழித்தொழிக்கும் முயற்சியாகவே இதைப் பார்க்கின்றனர். Also Read: பிபிசி வேர்ல்டு நியூஸ் சேனலுக்கு தடை விதித்த சீனா! - என்ன காரணம்? ஒரு கட்டத்தில் ஷின்ஜியங்கில் ஹான் இனத்தவருக்கு எதிரான நிலைப்பாடுகள் அதிகரித்தன. இதனால் அவ்வப்போது ஷின் ஜியாங்கில் வன்முறைகளும் நிகழ்ந்துள்ளன. 2009ஆம் ஆண்டு நடைபெற்ற மோதலில் 200 பேர் கொல்லப்பட்டனர். ஆனால் இதற்கு உய்குர் முஸ்லிம்கள்தான் காரணம் எனச் சீனா தெரிவித்தது. அப்போதிலிருந்து சீனா உய்குர் முஸ்லிம்களுக்கு எதிராகக் கடுமையான நடவடிக்கைகளை மேற்கொண்டு வருகிறது. உய்குர் முஸ்லிம்களைச் சீனா அதீநவின தொழில்நுட்பம் கொண்டு கண்காணித்து வருகிறது. சீனா லட்சக்கணக்கான உய்குர் முஸ்லிம்களை முகாம்களில் அடைத்து வைத்துள்ளதாக ஐநா தெரிவித்தபோது, தீவிரவாதத்தைத் தடுக்கும் நடவடிக்கை அது எனச் சீனா கூறியது. மேலும் உய்குர் முஸ்லிம் மக்களுக்குத் திறன்களை வளர்த்துக் கொள்ளும் பயிற்சிகளை வழங்கும் பயிற்சி மையம் அது எனச் சீனா கூறுகிறது. ஆனால் இந்த சிறைகளில் உய்குர் முஸ்லிம்களை மூளைச் சலவை செய்து வருகிறது சீனா என்ற குற்றச்சாட்டுகள் எழுந்தன. முஸ்லிம் மக்கள் வெள்ளிக்கிழமை போன்ற நாட்களில் பன்றிக்கறியை உண்ண வேண்டும் என்ற விதிமுறைகள் அந்த சிறைகளில் கடைப்பிடிக்கப்பட்டு வருவதாக சில ஊடக செய்திகள் தெரிவிக்கின்றன. மேலும் `மூன்று தீய சக்திகள்; எனச் சீனாவால் குறிப்பிடப்படும் பிரிவினைவாதம், பயங்கரவாதம், மதரீதியான தீவிரவாதம் ஆகியவற்றை அழிக்கும் நடவடிக்கை என உய்குர் முஸ்லிம்கள் மீது அவிழ்த்துவிடும் கொடுமைகளுக்குச் சீனா பெயர் சூட்டியுள்ளது. அங்கு உய்குர் பெண்கள் ஹிஜாப் அணியக்கூடாது, ஆண்கள் தாடி வளர்க்கக் கூடாது, நோன்பு இருக்கக்கூடாது போன்ற கட்டுப்பாடுகளையும் சீனா விதித்துள்ளதாகக் கூறப்படுகிறது. தொடர்ந்து பல்வேறு மனித உரிமை அமைப்புகள் அங்கு உய்குர் முஸ்லிம் மக்கள் பல்வேறு விதமான கொடுமைகளுக்கு ஆளாக்கப்படுகின்றனர் என்றும், அவர்கள் மதம் சார்ந்த நம்பிக்கைகள் அங்கு அழித்தொழிக்கப்படுகிறது என்றும் குற்றஞ்சாட்டியுள்ளனர். சீனா உய்குர் முஸ்லிம்களை எந்த காரணமுமின்றி முகாம்களில் வைத்து சித்ரவதை செய்வதாக பல்வேறு கண்டனங்கள் எழுந்த நிலையில் அமெரிக்கா போன்ற நாடுகள், சீனா உய்குர் முஸ்லிம்களைக் கட்டாயமாக வேலை வாங்குவதால் ஷின்ஜியாங் பிராந்தியத்திலிருந்து வரக்கூடிய பருத்தி மற்றும் தக்காளிக்குத் தடை விதித்திருந்தது. அதேபோல பிரிட்டனும், சீனா உய்குர் முஸ்லிம்களைக் கட்டாயப்படுத்தி வேலை வாங்குவதாலும், மனிதத் தன்மை அற்று நடந்து கொள்வதாலும், சீனாவிலிருந்து இறக்குமதி செய்யப்படும் சில சரக்குகளுக்குத் தடை விதித்திருந்தது குறிப்பிடத்தக்கது. பிபிசி கூறுவது என்ன? இந்த விவகாரம் தொடர்பாக , "சீன அரசுத்துறையின் நடவடிக்கை தொடர்பான முடிவு எங்களுக்கு ஏமாற்றம் அளிக்கிறது. சர்வதேச அளவில் உலக செய்திகளை வெளிப்படையாகவும் பக்க சார்பற்று அச்சமின்றியும் வெளியிடுவதில் உலகின் நம்பகமான சர்வதேச ஊடக ஒளிபரப்பாளராக பிபிசி உள்ளது," என்று தனது செய்திக் குறிப்பில் தெரிவித்துள்ளது. இந்திய விவகாரங்களில் பிபிசி: இந்திய விவகாரங்கள் குறித்து செய்தி வெளியிட்டது தொடர்பாகவும் பிபிசி எதிர்ப்புகளைச் சந்தித்துள்ளது. காஷ்மீர் பிரிக்கப்பட்டபோதும், சிஏஏ விவகாரங்களிலும் பிபிசி ஒருதலைபட்சமாக நடந்து கொண்டதாகக் கூறப்பட்டது. இதன் காரணமாக பிபிசி நிகழ்ச்சி ஒன்றுக்காக விடுக்கப்பட்ட அழைப்பை பிரசார் பாரதியின் தலைவர் நிராகரித்து இருந்தார். குறிப்பாகக் காஷ்மீர் விவகாரத்தில் பிபிசி செய்திகளைத் திரித்து வழங்குவதாகக் குற்றஞ்சாட்டப்பட்டது. அந்த சமயத்தில் பிபிசி ஓர் அறிக்கையை வெளியிட்டது. அதில், “காஷ்மீர் விவகாரத்தில் பிபிசி துல்லியமாகவும், பாரபட்சமின்றியும் செய்தி வழங்குகிறது” எனக் குறிப்பிடப்பட்டிருந்தது. Also Read: `உய்குர் மக்களை அழிக்க சீனா திட்டம்; இனப்படுகொலை!’- மைக் பாம்பியோ விமர்சனம்
http://dlvr.it/RsYwg1

Read More

“பச்சமலையில் சைனிக் பள்ளி அமைக்க வேண்டும்”-பெரம்பலூர் எம்.பி பாரிவேந்தர் கோரிக்கை

பெரம்பலூர் மக்களவை தொகுதிக்குட்பட்ட துறையூர் அருகிலுள்ள பச்சமலையில் சைனிக் பள்ளி அமைக்க அத்தொகுதி எம்பி பாரிவேந்தர் பாதுகாப்புத்துறை அமைச்சர் ராஜ்நாத் சிங்குக்கு கோரிக்கை விடுத்துள்ளார். டெல்லியில் ராஜ்நாத் சிங்கை நேரில் சந்தித்து இக்கோரிக்கையை பாரிவேந்தர் முன்வைத்தார். நாடெங்கும் 100 சைனிக் பள்ளிகள் அமைக்கப்படும் என மத்திய பட்ஜெட்டில் வெளியான அறிவிப்பை ஒரு கல்வியாளராக வரவேற்பதாக அமைச்சரிடம் அளித்த கோரிக்கை கடிதத்தில் டி.ஆர்.பாரிவேந்தர் தெரிவித்துள்ளார். சைனிக் பள்ளிகளில் நியாயமான கட்டணத்தில் சிறந்த கல்வி வழங்கப்படுவதாக தெரிவித்துள்ள பாரிவேந்தர், இப்பள்ளிகள் மாணவர்களை கல்வி, உடல் திறன், மன நல ரீதியாக வலிமையானவர்களாக உருவாக்குவதாகவும் தெரிவித்துள்ளார். புதிதாக அமைக்கப்படவுள்ள 100 சைனிக் பள்ளிகளில் ஒன்றை தமிழகத்தில் மிகவும் பின் தங்கிய பகுதிகளில் ஒன்றான பச்சமலையில் அமைப்பது குறித்து பரிசீலிக்க வேண்டும் எனவும் பாரிவேந்தர் கேட்டுக்கொண்டுள்ளார்
http://dlvr.it/RsXr28

Read More

கேரளா: சரிதா நாயரின் ஜாமீன் ரத்து; பிடிவாரன்ட்! -சோலார் மோசடி வழக்கில் மீண்டும் பரபரப்பு

கேரள மாநிலத்தில் கடந்த காங்கிரஸ் ஆட்சியின்போது சோலார் பேனல் மோசடி நடந்தது. அதில் முக்கிய குற்றவாளியாக சரிதா நாயர் பெயர் பெரிய அளவில் பேசப்பட்டது. சரிதா நாயருக்கு அரசியல் தொடர்புகள் குறித்த தகவல்கள் வெளியாகி கேரளத்தில் பெரும் அதிர்வலையை ஏற்படுத்தியது. கேரளத்தில் காங்கிரஸ் கட்சியைச் சேர்ந்த முதல்வர் உம்மன் சாண்டிக்கு கடும் நெருக்கடியை ஏற்படுத்தியது இந்த சோலார் வழக்கு. கேரளத்தில் பெரும் பரபரப்பை ஏற்படுத்திய சோலார் வழக்கு தமிழ்நாட்டில் கோவை உள்ளிட்ட பல்வேறு பகுதிகளிலும் நடந்துள்ளதாக புகார் கிளம்பியது. இந்த நிலையில் ஆரம்ப காலத்தில் கொடுத்த புகாரில் ஒரு வழக்கில் வரும் 25-ம் தேதி தீர்ப்பு வழங்கப்பட உள்ளது. கோழிக்கோடு மாவட்டம் கஸபா காவல் நிலையத்தில் 2012-ல் வழக்குப்பதிவு செய்யப்பட்ட இந்த வழக்கில் சரிதா நாயரின் ஜாமீனை கோர்ட் ரத்தாக்கியதுடன், கைது செய்யவும் ஆணை பிறப்பித்திருப்பது அந்த வழக்கில் மீண்டும் பரபரப்பை கிளப்பியுள்ளது.பிஜூ ராதாகிருஷ்ணன் சோலார் கம்பெனியின் பெயரில் கேரள மாநிலம் கோழிக்கோடைச் சேர்ந்த அப்துல் மஜித் என்பவரிடம் 42.7 லட்சம் ரூபாய் மோசடி செய்யப்பட்டதாக 2012-ல் பதிவான வழக்கு நேற்று விசாரணைக்கு வந்தது. அந்த சமயத்தில் அப்துல் மஜித்தின் வீடு கம்பெனி ஆகிய இடங்களில் சோலார் பேனல் பொருத்துவதாக பிஜூ ராதாகிருஷ்ணன், சரிதா நாயர் ஆகியோர் தங்கள் பெயரை ஆர்.பி நாயர் மற்று லெட்சுமி நாயர் என மாற்றி கூறி இந்த மோசடியில் ஈடுபட்டதாக கூறப்படுகிறது. கோழிக்கோடு நீதிமன்றத்தில் நடக்கும் இந்த வழக்கில் முதல் குற்றவாளியான பிஜூ ராதாகிருஷ்ணனும், இரண்டாவது குற்றவாளியான சரிதா நாயரும் கோர்ட்டில் ஆஜராகவில்லை. கீமோ தெரபி சிகிச்சை காரணமாக சரிதா நாயர் கோர்ட்டில் ஆஜராக முடியவில்லை என அவரது வழக்கறிஞர் கோர்ட்டில் தெரிவித்தார். பிஜூ ராதாகிருஷ்ணனுக்கு ஆஞ்சியோ பிளாஸ்டி சிகிச்சை முடிந்து ஓய்வில் இருப்பதாக கூறப்பட்டது. ஆனால் சரிதா நாயர் கீமோ தெரபி எடுப்பதற்கான தெளிவான ஆவணங்கள் இல்லை என அரசு தரப்பு வழக்கறிஞர் தெரிவித்தார்.சரிதா நாயர் இதையடுத்து சரிதா நாயர் மற்றும் பிஜூ ராதாகிருஷ்ணன் ஆகியோருக்கு ஏற்கனவே வழங்கப்பட்டிருந்த ஜாமீன் ரத்து செய்யப்பட்டது. இந்த வழக்கில் சரிதா நாயரும், பிஜூ ராதாகிருஷ்ணனும் தாமாக முன்வந்து கோர்ட்டில் ஆஜராக வேண்டும் என்றும், அப்படி ஆஜராகாமல் இருந்தால் கைது செய்து ஆஜராக்க வேண்டும் எனவும் கோர்ட் தீர்ப்பளித்தது. மேலும் வரும் 25-ம் தேதி இந்த வழக்கில் தீர்ப்பு வழங்கப்படும் என கோர்ட் அறிவித்துள்ளது. ஆள்மாறாட்டம், போலி ஆவரணங்கள் தயாரித்தல் உள்ளிட்ட நான்கு பிரிவுகளில் வழக்குப்பதிவு செய்யப்பட்டுள்ளது. இதில் குற்றம் நிரூபிக்கப்படும் நிலையில் ஒரு பிரிவில் மூன்று ஆண்டுகள் வரை சிறைத்தண்டனை பெற வாய்ப்பு உள்ளதாக சட்ட வல்லுநர்கள் கருத்து தெரிவித்துள்ளனர்.
http://dlvr.it/RsXqzq

Read More

அரசு விமானத்தில் ஏற ஆளுநருக்கு அனுமதி மறுப்பு!- தகிக்கும் மகாராஷ்டிர அரசியல்

மகாராஷ்டிராவில் ஆளுநராக இருக்கும் பகத் சிங் கோஷியாரி மாநில அரசின் பல திட்டங்களுக்கு ஒப்புதல் கொடுக்காமல் இழுத்தடித்துவருவதாகக் குற்றம்சாட்டப்படுகிறது. குறிப்பாக, சட்டமேலவை நியமன உறுப்பினர்கள் 12 பேர் பட்டியலை மாநில அரசு பரிந்துரை செய்திருக்கிறது. ஆனால், ஆளுநர் அதன்மீது எந்த முடிவும் எடுக்காமல் தொடர்ந்து இழுத்தடித்துவருகிறார். உத்தவ் தாக்கரே எப்படியாவது சிவசேனா கூட்டணி அரசு கவிழ்ந்துவிடும் என்றும், அதன் பிறகு பா.ஜ.க ஆட்சி அமைத்தால் அவர்கள் நியமிக்கும் உறுப்பினர்களை, சட்டமேலவை நியமன உறுப்பினர்களாக்கலாம் என்றும் ஆளுநர் நினைத்துக்கொண்டிருப்பதாகச் சொல்கிறார்கள். கடந்த நவம்பர் மாதத்திலிருந்து ஆளுநர் இதில் முடிவுவெடுக்காமல் இருந்துவருகிறார். இந்த விவகாரத்தில் மாநில அரசு நீதிமன்றம் செல்லத் திட்டமிட்டிருக்கிறது. அதோடு மகாராஷ்டிராவின் பல்வேறு பகுதிகளிலிருந்து மும்பைக்கு வந்திருந்த விவசாயிகளைச் சந்திக்காமல் ஆளுநர் கோவாவுக்குச் சென்றுவிட்டார். இதனால், `ஆளுநருக்கு நடிகைகளைச் சந்திக்க நேரம் இருக்கிறது. ஆனால், விவசாயிகளைச் சந்திக்க நேரம் இல்லை’ என்று சரத்பவார் கடுமையாக விமர்சனம் செய்திருந்தார். இது போன்று பல பிரச்னைகளில் ஆளுநர், மாநில அரசுடன் முட்டி மோதிக்கொண்டிருக்கிறார். இந்தநிலையில் உத்தரகாண்ட் பெருவெள்ளத்தில் நூற்றுக்கணக்கானோர் காணாமல்போய்விட்டனர். உத்தரகாண்ட், ஆளுநர் பகத்சிங் கோஷியாரியின் சொந்த மாநிலம். எனவே அதைப் பார்வையிடுவதற்காக உத்தரகாண்ட் செல்ல பகத்சிங் முடிவு செய்தார். இதற்காக நேற்று முன்தினம் இரவு 9 மணிக்கு புறப்பட்டு விமான நிலையம் சென்றார். அங்கு அரசு விமானத்தின் பைலட்டிடம் விமானத்தைக் கிளப்பும்படி கேட்டுக்கொண்டார். ஆனால், விமானத்தைக் கிளப்ப தனக்கு இன்னும் அனுமதி கிடைக்கவில்லை என்று பைலட் தெரிவித்துவிட்டார். Also Read: தந்தையின் கனவை நிறைவேற்றத் துடிக்கும் உத்தவ் தாக்கரே! - கடிவாளம் போடும் காங்கிரஸ்... உடனே அங்கிருந்தே முதல்வர் உத்தவ் தாக்கரேவைத் தொடர்புகொள்ள ஆளுநர் முயன்றார். ஆனால், உத்தவ் தாக்கரே போனை எடுக்கவே இல்லை என்கிறார்கள். இதனால் வேறு வழியின்றி வேறு தனியார் விமானத்தில் செல்லலாம் என்று முடிவு செய்து திரும்ப வந்துவிட்டார். பின்னர், வேறு விமானத்தில் புறப்பட்டுச் சென்றார். இந்தச் சம்பவத்தால் அரசுக்கும் மாநில ஆளுநருக்கும் இடையே மோதல் மேலும் வெடித்திருக்கிறது.
http://dlvr.it/RsV12w

Read More

நீலகிரி: மயக்க ஊசி செலுத்தப்பட்ட யானையை பாதுகாத்து நின்று அழைத்துச் சென்ற யானைகள்

மயக்க ஊசி செலுத்தப்பட்ட சங்கர் யானைக்கு மயக்கம் தெளியும் வரை பாதுகாத்து நின்று யானைகள் அழைத்துச் சென்றது வியப்பை ஏற்படுத்தி உள்ளது. நீலகிரி மாவட்டம் சேரம்பாடியில் மூன்று பேரைக் கொன்ற சங்கர் யானையை மயக்க ஊசி செலுத்தி பிடிக்க கடந்த நான்கு நாட்களாக வனத்துறையினர் எடுத்த முயற்சிகள் அனைத்தும் வீணாகின. இந்நிலையில் 5-ஆவது நாளான நேற்று புஞ்சக் கொல்லி பகுதியில் அந்த யானை, கூட்டத்துடன் நிற்பதை வனத்துறையினர் கண்டறிந்தனர். நீண்ட முயற்சிக்கு பிறகு வன கால்நடை மருத்துவர்கள் அதற்கு மயக்க ஊசி செலுத்தினர். அதனைத்தொடர்ந்து 45 நிமிடத்தில் மீண்டும் மயக்க ஊசி செலுத்த முயன்றபோது, கூட்டத்தில் இருந்த 2 பெண் யானைகள் வனத்துறையினரை அருகில் நெருங்கவிடவில்லை. சங்கர் யானைக்கு மயக்கம் தெளியும் வரை பெண் யானைகள் பாதுகாத்து நின்றன. மயக்கம் தெளிந்த பின்னர் அதனை அழைத்துக்கொண்டு அடர்ந்த வனப்பகுதிக்குள் சென்றுவிட்டன. மயக்க ஊசி செலுத்தியும் யானையை பிடிக்க முடியாததால் வனத்துறையினர் ஏமாற்றம் அடைந்தனர்.
http://dlvr.it/RsStfX

Read More

''எண்ணமெல்லாம் வண்ணமம்மா'' - கவனம் பெறும் இந்திரா நகர் ரயில் நிலைய ஓவியங்கள்!

சென்னை இந்திரா நகர் ரயில் நிலையம் வண்ண வண்ண ஓவியங்களால் அழகுபெற்றுள்ளது. வெறும் அழகுமட்டுமல்லாமல் அழுத்தமான விழிப்புணர்வையும் அங்குள்ள ஓவியங்கள் பதியவைக்கின்றன சென்னை இந்திரா நகர் ரயில் நிலையத்தை கடந்து செல்பவர்கள் கண்களுக்கு விருந்தாக இருக்கும் அங்குள்ள ஓவியங்கள். ரயில் நிலைய கட்டடத்தின் வெளிப்புறம் முழுவதும் கோர்வையாக வரையப்பட்ட ஓவியம் தற்போது சென்னையின் அடையாளமாக பார்க்கப்படுகிறது. இணையங்களில் இந்திரா நகர் ஓவியத்தை பலரும் பகிர்ந்து வருகின்றனர். பல தரப்பட்ட மனித முகங்கள் ஆனால் ஒரு பாதி ஒருவரின் முகம், மறுபாதி மற்றொருவரின் முகம் என இந்திரா நகர் ஓவியம் சொல்லும் விழிப்புணர்வு அழுத்தமானது. எய்ட்ஸ் விழிப்புணர்வுக்காக வண்ணங்களால் நிறைந்திருக்கிறது இந்த கட்டடங்கள். எய்ட்ஸ் தொடர்பான கட்டுக்கதைகளை உடைத்து அதன் மூலம் எய்ட்ஸ் குறித்து மக்களுக்கு விழிப்புணர்வை ஏற்படுத்துவதே இந்த சுவர் ஓவியத்தின் நோக்கமாக உள்ளது. எய்ட்ஸ் பாதிக்கப்பட்டவர்களும், நம்முள் ஒருவர் தான். நம்மை போல மனிதர் தான். அவர்களை தனித்து ஒதுக்குவதை தவிர்க்க வேண்டும். நாம் அனைவரும் இங்கு மனிதகுலமாகவே இருக்கிறோம் என மனிதநேயத்தை உரக்கச் சொல்கின்றன அங்கு வரையப்பட்ட முகங்கள்.  ஸ்டார்ட் இந்தியா பவுண்டேசன், தமிழ்நாடு மாநில எய்ட்ஸ் கட்டுப்பாட்டு சங்கம், டைடல் பார்க், தெற்கு ரயில்வே இணைந்து இந்த ஓவியத்தை வரைந்துள்ளன. இந்த விழிப்புணர்வு சுவர் ஓவியத்துக்கு பல்வேறு தரப்பினர் பாராட்டுகளை தெரிவித்துள்ளனர். வெறும் அழகுமட்டுமல்லாமல் அழுத்தமான விழிப்புணர்வையும் அங்குள்ள ஓவியங்கள் பதியவைக்கின்றன Source: Asian Paints
http://dlvr.it/RsStdm

Read More

தெலங்கானாவில் ஜெகன் தங்கை ஷர்மிளாவின் புதிய கட்சி... ஸ்கெட்ச் கே.சி.ஆருக்கா பா.ஜ.க-வுக்கா?

ஆந்திர முதல்வர் ஜெகன் மோகன் ரெட்டியின் தங்கை ஒய்.எஸ்.ஷர்மிளா தெலங்கானாவில் புதிய கட்சியை தொடங்கவிருப்பதாக நேற்று அறிவித்திருக்கிறார். மறைந்த ஆந்திர முதல்வர் ஒய்.எஸ்.ராஜசேகர ரெட்டி- விஜயலட்சுமி தம்பதியரின் ஐம்பதாவது திருமண நாளான நேற்று, தெலங்கானா மாநிலம் ஐதராபாத் லோட்டஸ் பாண்டிலுள்ள தனது இல்லத்தில் நல்கொண்டா மாவட்டக் கட்சி நிர்வாகிகளுடன் ஒய்.எஸ்.ஷர்மிளா ஆலோசனை நடத்தினார். தொடர்ந்து செய்தியாளர்களைச் சந்தித்த அவர்,ஒய்.எஸ்.ஷர்மிளா ``தெலங்கானா பிரிவினைக்கு முன்பு ஒருங்கிணைந்த ஆந்திராவில் எனது தந்தை ராஜண்ணாவின் (ராஜசேகர் ரெட்டி) ராஜ்ஜியம் இருந்தது. தற்போது தெலங்கானாவில் ராஜண்ணா ராஜ்ஜியம் இல்லை. அங்கும் ராஜண்ணாவின் ராஜ்ஜியத்தைக் கொண்டு வருவேன்...கட்சி தொடங்குவது குறித்து விரைவில் அறிவிப்பேன்'' என்றும் தெரிவித்திருக்கிறார். ஜெகனுடன் ஏற்பட்ட கருத்து வேறுபாட்டின் காரணமாகவே தற்போது ஷர்மிளா புதிய கட்சி தொடங்கவிருப்பதாகத் தகவல்கள் வெளியாகியுள்ளன. ஆனால், ஷர்மிளாவின் இந்தப் புதிய கட்சி அறிவிப்புக்குப் பின்னால் வேறு சில ரகசியத் திட்டங்கள் இருக்கின்றன என்கின்றனர் ஆந்திராவைச் சேர்ந்த அரசியல் விமர்சகர்கள். அதைப் பற்றி தெரிந்துகொள்வதற்கு முன்பாக, ஆந்திர அரசியலில் இதுவரை ஷர்மிளாவின் பங்கு என்னவாக இருந்தது என்பதைப் பற்றி விரிவாகக் காண்போம். இரண்டு முறை ஆந்திர முதல்வராக இருந்த ராஜசேகர் ரெட்டியின் மறைவுக்குப் பிறகு, தன்னைத்தான் காங்கிரஸ் தலைமை முதல்வராகத் தேர்ந்தெடுக்கும் என மிகுந்த எதிர்பார்ப்போடு இருந்தார், ராஜசேகர் ரெட்டியின் மகனும், 36 வயது இளைஞருமான ஜெகன் மோகன் ரெட்டி. ஆனால், ஏற்கெனவே, கட்சியைத் தாண்டி தனிப்பட்ட செல்வாக்குடன் வளர்ந்துவிட்ட ராஜசேகர் ரெட்டியை எதிர்கொள்ளச் சிரமப்பட்டதுபோல, அவர் மகனிடம் சிரமப்படக் கூடாது என முடிவெடுத்தது அகில இந்திய காங்கிரஸ் தலைமை. தொடர்ச்சியாக ஜெகனுக்கு முதல்வர் பதவியளிக்க மறுத்துவந்தது. காங்கிரஸ் கட்சியின் துரோகத்தை எதிர்த்து, ஒய்.எஸ்.ஆர்.காங்கிரஸ் எனும் கட்சியைத் தொடங்கினார் ஜெகன். அவர் செல்லும் இடங்களிலெல்லாம் மக்கள் அலை, அலையாகக் குவிய ஆந்திராவின் செல்வாக்குமிக்க தலைவராக மிக விரைவில் உருவெடுத்தார்.ஜெகன் மோகன் ரெட்டி தொடர்ச்சியாக, வருமானத்துக்கு அதிகமாகச் சொத்துச் சேர்த்த வழக்கில், 2012-ல், சி.பி.ஐ அவரைக் கைதுசெய்தது. அப்போது ஜெகனுக்காக நியாயம் கேட்டு, அவரின் இளைய சகோதரி ஷர்மிளாதான், 47 நாள்கள் ஆந்திரா முழுவதும் நடைப்பயணம் மேற்கொண்டார். ஜெகன் சிறையில் இருக்கும்போதே நடைபெற்ற இடைத்தேர்தல்களில் அந்தக் கட்சி வெல்ல ஷர்மிளாவும் முக்கியக் காரணமாக இருந்தார். தொடர்ந்து 2014-ம் ஆண்டில் நடைபெற்ற சட்டமன்றத் தேர்தலில் 67 இடங்களைப் பெற்று எதிர்க்கட்சித் தலைவரானார் ஜெகன். அப்போதும் அண்ணனுக்குப் பக்கபலமாக தேர்தல் பிரசாரங்களில் ஈடுபட்டார் ஷர்மிளா. தொடர்ந்து, 2019 தேர்தலில் பெரும்பான்மை இடங்களைப் பிடித்து ஆந்திராவின் முதல்வரானார் ஜெகன். இந்தத் தேர்தலிலும் ஷர்மிளாதான் ஒய்.எஸ்.ஆர்.காங்கிரஸ் கட்சியின் நட்சத்திரப் பேச்சாளர். ஆனால், ஜெகன் தலைமையில் ஆட்சி அமைந்த பிறகு, அரசியல் நடவடிக்கைகளிலிருந்து ஒதுங்கியே இருந்தார் ஷர்மிளா. இந்தநிலையில், ஜெகனுக்கும் அவருக்கும் இடையில் கருத்து வேறுபாடுகள் நிலவிவருவதாக அவ்வப்போது செய்திகள் வெளியாகிவந்தன. ஆனால், ``நான் எப்போதும் என் அண்ணனுடன்தான் இருப்பேன். ஜெகன் வேறு, நான் வேறல்ல'' என பதிலளித்துவந்தார் ஷர்மிளா. ஆனால், முதன்முறையாக, ``கட்சி தொடங்குவது குறித்து நான் ஜெகனுடன் எதுவும் பேசவில்லை. அண்ணன் - தங்கை உறவு இன்னும் தொடர்கிறது. ஆனால், அரசியலில் என்னுடைய வழி எனக்கானது'' என்று கருத்து தெரிவித்திருக்கிறார். இது தொடர்பாக, ஒய்.எஸ்.ஆர்.காங்கிரஸ் கட்சியின் தேசியச் செய்தித் தொடர்பாளர், ரவிச்சந்திர ரெட்டியிடம் பேசினோம்.ரவிச்சந்திர ரெட்டி ``ஷர்மிளா கட்சி தொடங்க வாய்ப்பிருக்கிறது. ஆனால், ஜெகனுக்கு இதில் துளியளவும் விருப்பமில்லை. சந்திரசேர ராவுடன் ஜெகன் மிகவும் இணக்கமாக இருக்கிறார். அவருக்குத் தொந்தரவு தரும் எந்த நடவடிக்கையையும் ஜெகன் விரும்பவில்லை. அதனால்தான், தெலங்கானாவில் கட்சி நடவடிக்கைகளை அவர் வேகப்படுத்தாமல் இருந்தார். இந்தநிலையில்தான், ஷர்மிளா தெலங்கானாவில் புதிய கட்சியைத் தொடங்கப்போவதாக அறிவித்திருக்கிறார். ஆனால் இதில், ஜெகனுக்கு துளியளவும் விருப்பமில்லை. இது முழுக்க முழுக்க ஷர்மிளாவின் தனிப்பட்ட முடிவு'' என்கிறார் அவர். ஆனால் ஷர்மிளாவின் இந்தப் புதிய அரசியல் பயணத்துக்குப் பின்னால், வேறு சில விஷயங்கள் இருக்கின்றன என்கிறார், ஆந்திராவின் முன்னணி அரசியல் விமர்சகர் மகேஷ் காத்தி. Also Read: நீதிபதியை எதிர்க்கும் ஜெகன்... சுற்றிவளைக்கும் வழக்குகள் காரணமா? ``ஜெகனுக்கும் ஷர்மிளாவுக்கும் கருத்து வேறுபாடு இருந்தால் அவர் ஆந்திராவில்தான் கட்சி தொடங்க வேண்டும். எதற்காக தெலங்கானாவில் தொடங்குகிறார்? இது முழுக்க ஜெகனின் ஒப்புதலுடன் நடைபெறும் ஒரு விஷயம்தான். ஆனால், இந்தத் திட்டத்துக்குப் பின்னால் இருப்பது, தெலங்கானா முதல்வர் சந்திரசேகர ராவ். காரணம், தெலங்கானாவில் வாழும் பெரும்பாலான ரெட்டி சமூகத்தினர் சந்திரசேகர ராவின் மீது அதிருப்தியில் இருக்கின்றனர். அதன் காரணமாக, பலர் பா.ஜ.க-வில் சேர்ந்துவருகின்றனர். ஷர்மிளா தெலங்கானாவில் கட்சி ஆரம்பித்தால் பா.ஜ.க-வில் இருக்கும் ரெட்டிகள்கூட ஷர்மிளாவின் பக்கம் வந்துவிடுவார்கள். தெலங்கானாவில் வளர்ந்துவரும் பா.ஜ.க-வை முடக்குவதற்காகவே இப்படியொரு திட்டத்தைக் கையிலெடுத்திருக்கிறார் சந்திரசேகர் ராவ்.மகேஷ் காத்தி ஷர்மிளாவுக்கு, ரெட்டி சமூகத்தவர்கள் மட்டுமல்லாமல் கே.சி.ஆரின் மீது அதிருப்தியில் இருக்கும் பட்டியலின மற்றும் கிறிஸ்தவ மைனாரிட்டிகளின் ஆதரவும் கிடைக்கும். ஆரம்பத்தில், கே.சி.ஆரை எதிர்ப்பதுபோல ஷர்மிளா அரசியல் செய்வார். காலப்போக்கில் கே.சி.ஆருடன் கூட்டணிவைக்கக்கூட வாய்ப்பிருக்கிறது. தெலங்கானாவில் பா.ஜ.க வலிமையடையக் கூடாது என்பது மட்டுமே மூவரின் திட்டம்'' என்கிறார் அவர். அதேவேளையில், ஷர்மிளாவின் புதிய கட்சி விவகாரத்துக்குப் பின்னால் இருப்பதே பா.ஜ.க-தான் என்கிற தகவல்களும் சொல்லப்படுகின்றன. ``பா.ஜ.க-வின் 'பி' டீமாகத்தான் தெலங்கானாவில், ஷர்மிளாவின் கட்சி செயல்படப்போகிறது. ஜெகனின் மீதுள்ள வழக்கு விசாரணையே, பா.ஜ.க-வுடனான அவரின் இந்த அனுசரனைக்குக் காரணம். அது போகப் போகத் தெரிந்துவிடும்'' என்கிறார்கள். தெலுங்கு திரைப்படங்களைக் காட்டிலும் வேகமும் விறுவிறுப்புமாகச் சென்றுகொண்டிருக்கிறது ஆந்திர- தெலங்கானா அரசியல். 2023 தெலங்கானாவில் சட்டப்பேரவைத் தேர்தல் நடைபெறவிருக்கிறது. அந்தத் தேர்தலின் முடிவுகள் வந்தால் யாருக்கு யார் பி டீம் என்பதெல்லாம் தெளிவாகத் தெரிந்துவிடும்.
http://dlvr.it/RsQ4PW

Read More