`2018-ல் பாலியல் தொல்லை; 2021-ல் தந்தை கொலை' - ``நீதி வேண்டும்'' எனக் கதறும் பெண்... நடந்தது என்ன?

``தயவு செய்து எனக்கு நீதி வேண்டும்... தயவு செய்து'' என்று தொடங்கி பெண் ஒருவர் அழுது கொண்டே பேசியிருக்கும் வீடியோ இந்திய அளவில் கவனம் பெற்று வருகிறது. இந்த வீடியோவில் இருக்கும் பெண் உத்தரப் பிரதேச மாநிலம் ஹத்ராஸ் மாவட்டத்தைச் சேர்ந்தவர் என்பது தெரிய வந்திருக்கிறது.கதறும் பெண், கைது செய்யப்பட்ட கெளரவ் ஷர்மாவின் உறவினர் Also Read: உ.பி: வெட்டுப்பட்ட நாக்கு; செயலிழந்த கால்கள்; பாலியல் வன்கொடுமையால் உயிரிழந்த பெண் - நடந்தது என்ன?அந்த வீடியோவில், ``தயவு செய்து எனக்கு நீதி வேண்டும்... முதலில் எனக்கு பாலியல் தொல்லை கொடுத்தான். இப்போது என்னுடைய அப்பாவைச் சுட்டுக் கொன்றுவிட்டான்'' என்று சொல்லி அழுகிறார். `அவன் பெயர் என்ன?' என்று அங்கிருந்தவர்கள் கேட்கையில், ``கெளரவ் ஷர்மா.. கெளரவ் ஷர்மா'' எனச் சொல்லி கதறுகிறார். இந்த வீடியோ வெளியானதை அடுத்து இது குறித்து உத்தரப் பிரதேச காவல்துறையினர் சில தகவல்களை வெளியிட்டிருக்கின்றனர். ``தற்போது சுட்டுக் கொல்லப்பட்டிருக்கும் அந்தப் பெண்ணின் தந்தை, 2018 ஜூலையில் கெளரவ் ஷர்மாவுக்கு எதிராக புகார் அளித்தார். அந்தப் புகாரில் தன் மகளுக்கு கெளரவ் ஷர்மா பாலியல் தொல்லை தந்ததாகக் குறிப்பிட்டிருந்தார். அந்த வழக்கில் ஒரு மாத காலம் சிறையிலிருந்தார் கெளரவ் ஷர்மா. பிறகு ஜாமீன் பெற்று வெளியே வந்துவிட்டார் அவர். தற்போது நேற்றைய தினம் (மார்ச் 1) கெளரவ் ஷர்மாவின் மனைவியும், சொந்தக்கார பெண் ஒருவரும் கோயிலுக்குச் சென்றிருக்கின்றனர். அங்கு 2018-ல் கெளரவ் ஷர்மாவால் பாதிக்கப்பட்ட பெண்ணும் வந்திருக்கிறார். அந்தப் பெண்ணை கெளரவ் ஷர்மாவின் சொந்தக்கார பெண் வம்புக்கிழுத்ததாகத் தெரிகிறது. பின்னர் இருவருக்குமிடையே வாக்குவாதம் ஏற்பட்டிருக்கிறது.உ.பி காவல்துறை Also Read: போக்சோ: `பாதிக்கப்பட்ட பெண்ணை மணந்து கொள்கிறீர்களா?' - உச்ச நீதிமன்றத்தின் கேள்வியும் எதிர்வினையும்! இது குறித்துத் தெரிந்து கொண்ட கெளரவ் ஷர்மா தனது உறவினர்களுடன் அந்தப் பெண்ணின் வயலுக்குச் சென்றிருக்கிறார். அங்கு அந்தப் பெண்ணிடமும் அவரது தந்தையிடமும் வாக்குவாதம் செய்திருக்கிறார். ஒரு கட்டத்தில் அந்தப் பெண்ணின் தந்தைக்கும் கெளரவ் ஷர்மாவுக்குமிடையே வாக்குவாதம் முற்றியிருக்கிறது. பின்னர் அங்கிருந்து கெளரவ் ஷர்மா சென்றிருக்கிறார். இரண்டு மணி நேரம் கழித்து 4 - 5 நபர்களுடன் அங்கே வந்த கெளரவ் ஷர்மா அந்தப் பெண்ணின் தந்தையைச் சுட்டுக் கொன்றுவிட்டார்'' என்று காவல்துறையினர் தெரிவித்திருக்கின்றனர். கெளரவ் ஷர்மா தனது ஃபேஸ்புக் பக்கத்தில், தன்னை சமாஜ்வாதி கட்சியின் உறுப்பினராக அடையாளப்படுத்தியிருக்கிறார். இதையடுத்து அக்கட்சியின் செய்தித் தொடர்பாளர் ஜூகி சிங், ``கெளரவ் ஷர்மா எங்கள் கட்சியின் நிர்வாகி அல்ல. அவர் பாலியல் தொல்லையும் கொலையும் செய்த குற்றவாளி. தற்போதுள்ள ஆட்சியில் இதுபோன்ற கிரிமினல்கள் அதிகரித்துக் கொண்ட இருக்கின்றனர். இந்த சம்பவத்தை வைத்துப் பார்க்கும்போது, மாநிலத்தில் பெண்களுக்குப் பாதுகாப்பு எந்த அளவுக்கு இருக்கிறது என்ற கேள்வி எழுகிறது'' என்று கூறியிருக்கிறார். अलीगढ़ के भाजपा सांसद के साथ हाथरस में बेटी के पिता की निर्मम हत्यारोपी गौरव शर्मा की तस्वीर प्रमाण है कि दुर्दांत हत्यारे को सत्ता का संरक्षण प्राप्त है। कब तक गुनहगारों को बचाने के लिए विपक्ष पर आरोप लगाकर ध्यान भटकाएगी भाजपा? हो कठोरतम कार्रवाई। pic.twitter.com/lom6LBWkTr— Aashish Yadav (@aashishsy) March 2, 2021 சமாஜ்வாதி கட்சியைச் சேர்ந்த ஆஷிஷ் யாதவ் என்பவர் இரண்டு புகைப்படங்களை தனது ட்விட்டர் பக்கத்தில் பகிர்ந்து, ``அலிகார்க் பா.ஜ.க எம்.பியோடு கெளரவ் ஷர்மா எடுத்துக் கொண்ட புகைப்படம். அதிகாரத்தின் மூலம் கொலைகாரர்கள் எப்படிப் பாதுகாப்பு பெறுகிறார்கள் என்பதற்கான சான்று இது'' என்று பதிவிட்டிருக்கிறார். இந்த வழக்கில் கெளரவ் ஷர்மாவின் குடும்ப உறுப்பினர் ஒருவரைக் கைது செய்திருக்கிறது உ.பி காவல்துறை. மற்றவர்களைத் தேடி வருவதாக காவல்துறையினர் தெரிவித்திருக்கின்றனர். இந்த வழக்கில் தொடர்புடைய அனைவரையும் விரைவில் கைது செய்து கடுமையான சட்டப் பிரிவுகளில் வழக்கு பதிவு செய்து நடவடிக்கை எடுக்குமாறு உத்தரப் பிரதேச முதல்வர் யோகி ஆதித்யநாத் உத்தரவிட்டிருக்கிறார்.உ.பி முதல்வர் யோகி ஆதித்யநாத் ஹத்ராஸ் மாவட்டத்தைச் சேர்ந்த பெண் `நீதி வேண்டும்' என்று கதறி அழுத வீடியோ உத்தரப் பிரதேச மாநிலம் முழுவதும் பெரும் பரபரப்பை ஏற்படுத்தியிருக்கிறது.
http://dlvr.it/RtpP5M

Read More

60 வயதை கடந்த 1.25 லட்சம் பேருக்கு கொரோனா தடுப்பூசி

நாடு முழுவதும் 60 வயதுக்கு மேற்பட்டோருக்கு கொரோனா தடுப்பூசி போடும் பணி தொடங்கியுள்ள நிலையில் முதல் நாளில் மட்டும் 1.25 லட்சம் பேர் ஊசி போட்டுக்கொண்டுள்ளனர். மத்திய சுகாதாரத் துறை அமைச்சகம் வெளியிட்ட புள்ளிவிவரப்படி முதல் நாளில் 60 வயதுக்கு மேற்பட்ட ஒரு லட்சத்து 28 ஆயிரத்து 630 பேருக்கும் 45 வயதுக்கு மேற்பட்டு இணை நோயுள்ள 18 ஆயிரத்து 850 பேருக்கும் தடுப்பூசி போடப்பட்டதாக தெரிவிக்கப்பட்டுள்ளது. இதோடு சேர்த்து நாட்டில் மருத்துவர்கள் உள்ளிட்ட முன் களப்பணியாளர்களுடன் சேர்த்து ஒட்டுமொத்தமாக கொரோனா தடுப்பூசி போட்டுக்கொண்டவர்கள் எண்ணிக்கை ஒரு கோடியே 47 லட்சத்தை கடந்துள்ளது. 2-வது கட்ட தடுப்பூசி திட்டத்தின் முதல் நாளில் டெல்லி எய்ம்ஸ் மருத்துவமனையில் பிரதமர் மோடி ஊசி போட்டுக்கொண்டார். உள்துறை அமைச்சர் அமித் ஷா, வெளியுறவுத் துறை அமைச்சர் ஜெய் சங்கர், ஒடிஷா முதல்வர் நவீன் பட்நாயக், பீகார் முதல்வர் நிதிஷ் குமார், தேசியவாத காங்கிரஸ் கட்சி தலைவர் சரத் பவார் உள்ளிட்டோரும் முதல் நாளில் தடுப்பூசி போட்டுக்கொண்ட பிரபலங்களில் குறிப்பிடத்தக்கவர்கள் ஆவர். தடுப்பூசி போட்டுக்கொள்ள விரும்புவோர் அரசின் WWW.COWIN.ORG என்ற தளத்திலோ அல்லது ஆரோக்ய சேது போன்ற அரசு செயலிகளிலோ முன்பதிவு செய்து கொள்ளலாம். அல்லது தடுப்பூசி போடும் மருத்துவமனைகளிலும் நேரில் முன் பதிவு செய்யலாம் என கூறப்பட்டுள்ளது.
http://dlvr.it/RtnC7x

Read More

சூடுபிடிக்கும் தொகுதி பங்கீடு.. இலங்கைத் தமிழர்கள் போராட்டம்.. முக்கியச் செய்திகள்!

பிரதமர் நரேந்திர மோடி, உள்துறை அமைச்சர் அமித் ஷா உள்ளிட்டோர் கொரோனா தடுப்பூசி போட்டுக்கொண்டனர். 2ஆவது கட்டத்தில் முதல் நாளில் 60 வயதுக்கு மேற்பட்ட 1,28,630 பேருக்கு தடுப்பூசி. திமுக கூட்டணியில் இந்திய யூனியன் முஸ்லீம் லீக் கட்சிக்கு 3 தொகுதிகள், மனித நேய மக்கள் கட்சிக்கு 2 இடங்கள் ஒதுக்கீடு. காங்கிரஸ் கட்சிக்கு வழங்கப்படும் இடங்கள் நாளை முடிவாகும் எனத் தகவல். அதிமுக கூட்டணியில் தொகுதிப்பங்கீடு குறித்து அமைச்சர்களுடன் பாஜக மாநில தலைவர் முருகன் உள்ளிட்டோர் ஆலோசனை.தொகுதிகள் எண்ணிக்கை உள்ளிட்ட விவரங்கள் குறித்து நாளை அதிகாரபூர்வ அறிவிப்பு வெளியாக வாய்ப்பு. 'நமது முதல்வர் விஜயகாந்த், நமது சின்னம் முரசு' என ஃபேஸ்புக்கில் தேமுதிக துணை செயலாளர் எல்.கே.சுதீஷ் பதிவு.அதிமுகவுடன் தொகுதிப்பங்கீட்டில் சிக்கல் நீடிக்கும் நிலையில் கருத்து. தமிழ்நாடு சட்டப்பேரவைத் தேர்தலில் ஏ.ஐ.எம்.ஐ.எம் கட்சி போட்டி. அசாதுதின் ஒவைஸி அறிவிப்பு. புதுச்சேரியில் நாளை முதல் பள்ளிகள் வழக்கமான நேரத்தில் இயங்கும் என அறிவிப்பு.9,10,11ஆம் வகுப்பு மாணவர்களுக்கு தேர்வு நடத்துவது தொடர்பாக ஆலோசித்து வருவதாக துணை நிலை ஆளுநர் தமிழிசை சவுந்தரராஜன் தகவல். மேற்கு வங்காளத்தில் தீவிர மதச் சார்புள்ள கட்சியுடன் கூட்டு வைத்ததற்கு காங்கிரஸ் மூத்த தலைவர் ஆனந்த் சர்மா விமர்சனம்.கட்சியின் அடிப்படை கொள்கைகளுக்கு எதிரான முடிவு என ட்விட்டரில் கருத்து. இலங்கை இனப்படுகொலை விவகாரத்தில் நீதி வழங்க வேண்டும்.ஐநா சபை முன் புலம்பெயர் இலங்கைத் தமிழர்கள் போராட்டம். நாட்டின் ஜிஎஸ்டி வரி வசூல் பிப்ரவரியில் 7% உயர்ந்து 1 லட்சத்து 13 ஆயிரத்து 143 கோடியை தொட்டது.தமிழகத்தில் வசூல் 9% அதிகரித்து 7 ஆயிரத்து 8 கோடி ரூபாயை தொட்டதாக மத்திய நிதியமைச்சகம் தகவல்.
http://dlvr.it/RtnC4X

Read More

மார்ச் 7-ல் நாம் தமிழர் கட்சி வேட்பாளர்கள் அறிமுகம்: சீமான் அறிவிப்பு

வருகிற மார்ச் 7 ஆம் தேதி நாம் தமிழர் கட்சி சார்பில் போட்டியிடும் வேட்பாளர்கள் ஒரே மேடையில் அறிமுகம் செய்யப்படுவர் என அக்கட்சி தலைவர் சீமான் தெரிவித்துள்ளார்.  தமிழகத்தில் வருகிற ஏப்ரல் 6 ஆம் தேதி தேர்தல் நடைபெற உள்ளது. அதனை முன்னிட்டு கட்சிகளிடையே தொகுதி பங்கீடு குறித்த பேச்சு வார்த்தைகள் தீவிரமாக நடந்து வருகிறது. இந்நிலையில் நாம் தமிழர் கட்சி சார்பில் போட்டியிடும் 234 வேட்பாளர்களும் மார்ச் 7 ல் ஒரே மேடையில் அறிமுகம் செய்யப்படுவர் என நாம் தமிழர் கட்சி தலைவர் சீமான் தெரிவித்துள்ளார். 117 தொகுதிகளில் ஆண்கள், 117 தொகுதிகளில் பெண்கள் என 234 தொகுதி வேட்பாளர்களும் அறிமுகபடுத்தப்பட உள்ளனர். சென்னை ராயப்பேட்டை ஒய் எம்சிஏ மைதானத்தில் நடக்கும் பொதுக்கூட்டத்தில் வேட்பாளர்கள் அறிமுக நிகழ்ச்சி நடைபெற உள்ளது. 
http://dlvr.it/RtkTrw

Read More

கொரோனா தடுப்பூசியை செலுத்திக்கொண்டார் பிரதமர் மோடி!

டெல்லி எய்ம்ஸ் மருத்துவமனையில் கொரோனா தடுப்பூசியை செலுத்திக்கொண்டார் பிரதமர் மோடி  கொரோனா தடுப்பூசிக்கான முதல் டோஸ் தடுப்பூசியை பிரதமர் மோடி செலுத்திக்கொண்டார். இது குறித்து தெரிவித்துள்ள அவர், தகுதியான அனைவரும் கொரோனா தடுப்பூசியை செலுத்திக்கொள்ள வேண்டுமென கேட்டுக்கொண்டார். #WATCH: Prime Minister Narendra Modi took his first dose of the #COVID19 vaccine at AIIMS Delhi today. He was administered Bharat Biotech's COVAXIN. pic.twitter.com/VqqBYZDTFU— ANI (@ANI) March 1, 2021
http://dlvr.it/RtjJt0

Read More

மீண்டும் ரூ.25 உயர்வு.. ராக்கெட் வேகத்தில் உயரும் LPG விலை: மக்கள் அதிர்ச்சி!

சமையல் எரிவாயு சிலிண்டரின் விலை தற்போது ரூ.25அதிகரிக்கப்பட்டுள்ளது. தற்போது சிலிண்டரின் விலை ரூ.835ஆக நிர்ணயம் செய்யப்பட்டுள்ளது. முன்னதாக, 2020 ஆண்டு ஜனவரி ஒன்றாம் தேதி வீட்டு உபயோக சிலிண்டர் ஒன்றின் விலை 734 ரூபாயாக இருந்தது. அதற்கு அடுத்த மாதத்திலேயே சிலிண்டரின் விலையானது 734 லிருந்து 881 ரூபாயாக உயர்ந்தது. அடுத்து வந்த மாதங்களில் சிலிண்டர் விலை இறங்குமுகத்தில் காணப்பட்ட நிலையில், மே மாதத்தில் அந்த ஆண்டின் குறைந்தபட்ச விலையாக ஒரு சிலிண்டரின் விலை 569 ரூபாய் 50 காசாக விற்கப்பட்டது. அடுத்து வந்த மாதங்களில் சிலிண்டர் விலை மாற்றமில்லாமல் காணப்பட்ட நிலையில், சென்ற செப்டம்பரில் சிலிண்டர் ஒன்றின் விலை 610 ரூபாயாகவும், டிசம்பர் ஒன்றாம் தேதி 660 ரூபாயாகவும் விற்பனை செய்யப்பட்டது. டிசம்பர் 15ஆம் தேதி சிலிண்டர் ஒன்றின் விலை 710 ரூபாயாக விலை நிர்ணயம் செய்யப்பட்டது. இந்த மாதம் 4ம் தேதி ரூ.25 அதிகரித்து ரூ.735ஆக நிர்ணயிக்கப்பட்டது. பின்னர் பிப்ரவரி 15ல் மேலும் ரூ.50 அதிகரித்து 785ஆக இருந்தது. பிப்ரவரி இறுதியில் ரூ.25 அதிகரிக்கப்பட்டு ரூ.810 ஆக நிர்ணயம் செய்யப்பட்டது. இந்நிலையில் தற்போது மேலும் ரூ.25அதிகரிக்கப்பட்டுள்ளது. அதன்படி தற்போதைய விலை ரூ.835ஆக உள்ளது. சிலிண்டரின் விலை தொடர்ந்து அதிகரிக்கப்படுவதால் பொதுமக்கள் அதிர்ச்சி அடைந்துள்ளனர்
http://dlvr.it/RtjJpk

Read More

மகாராஷ்டிரா: பொது இடங்களில் பெண்களிடம் அத்துமீறல்; யூடியூபில் ஆபாச வீடியோ! - சிக்கிய 3 பேர்

பார்வையாளர்களை கவரும் விதமாக வீடியோக்களை தயாரித்து அதனை யூடியூபில் பதிவேற்றம் செய்து, அதன் மூலம் கிடைக்கும் விளம்பர வருவாயை யூடியூப் நிறுவனம், பதிவேற்றுபவர்களுடன் பகிர்ந்த் கொள்கிறது. வீடியோ ரீச் பொறுத்து பணம் கிடைக்கும். பெண்களும் அதிகளவில் யூடியூப் சேனல் ஆரம்பித்து தங்களின் திறமைகளை வீடியோவாக பதிவு செய்து, அதனை பதிவேற்றி சம்பாதிக்கின்றனர். சிலர் இந்த யூடியூப் சேனலை தவறான வழிகளில் பயன்படுத்துகின்றனர். கொரோனா காலத்தில் வருமானம் இழந்த பலர் என்னென்னவோ தொழில் செய்து சம்பாதித்தனர். இதில் 3 இளைஞர்கள் சேர்ந்து யூடியூப்பை தவறாக பயன்படுத்தி கோடிகளில் சம்பாதித்துள்ளனர். மும்பையை சேர்ந்த 3 பேர், பொது இடங்களில் தனியாக வரும் இளம்பெண்களிடம் ஆபாசமாக அத்துமீறுவதுடன், அதனை தங்களது மொபைல் போனில் வீடியோ எடுத்து, ஆபாசமாக பேசி யூடியூப்பில் பதிவேற்றம் செய்து சம்பாதித்து வந்துள்ளனர். கொரோனா காலத்தில் வேலை இல்லாத காரணத்தால் முகேஷ் குப்தா என்ற வாலிபர் தனது நண்பர்கள் ஜிதேந்திர குப்தா, குமார் ஆகியோரை சேர்த்துக்கொண்டு இக்காரியத்தில் ஈடுபட்டுள்ளார்.சித்தரிப்பு படம் பாந்த்ரா, ஜுகு, அக்‌ஷா பீச், மெரைன் லைன் மற்றும் முக்கிய கார்டன்களில் இந்த வீடியோக்கள் எடுக்கப்பட்டுள்ளது. தனியாக வரும் பெண்களிடம் திடீரென அத்துமீறுவர். அதனை ஒருவர் தனது மொபைல் போனில் வீடியோ எடுத்துக்கொண்டிருப்பார். அப்போது எதாவது பெண்கள் எதிர்ப்பு தெரிவித்தால், யூடியூப்பில் போடுவதற்காகவும் பொழுதுபோக்கு நோக்கத்தில் இந்த வீடியோ எடுக்கப்படுவதாக சொல்லி சமாளித்து விடுவர். அதோடு தனியாக வரும் பெண்களிடம் நயமாக பேசி யூடியூப் சேனலுக்கு நடித்துக் கொடுத்தால் எதிர்காலத்தில் படங்களில் நடிக்க வாய்ப்பு கிடைக்கும் என்று ஆசை வார்த்தைகளை தெரிவிப்பர். அவர்களின் வலையில் விழும் பெண்களிடம் அத்துமீறுவதுடன் ஆபாசமாக பேசி அதனை அப்படியே யூடியூப் சேனல் மற்றும் பேஸ்புக்கில் பதிவேற்றம் செய்துவிடுவர். 7 முதல் 8 நிமிடங்கள் ஓடக்கூடிய வீடியோக்களுக்கு பெண்களுக்கு ரூ. 1,000 முதல் ரூ. 1,500 வரை பணமும் கொடுத்துள்ளனர். இதன் மூலம் முகேஷ் குப்தா 2 கோடி வரை சம்பாதித்துள்ளார். மொத்தம் 300 வீடியோக்களை பதிவேற்றம் செய்து இருக்கிறார்கள். இந்த வீடியோக்களை பதிவேற்றம் செய்ய 17 யூடியூப் சேனல்கள் மற்றும் பேஸ்புக் பக்கங்களை உருவாக்கி இருக்கின்றனர். அவர்களின் யூடியூப் சேனல்களை 15 கோடி பேர் பார்த்துள்ளனர். அதோடு வீடியோ எடுப்பதாக ஆசை வார்த்தை கூறி மானபங்கம் செய்ததாக மைனர் பெண் ஒருவர் உட்பட 5 பெண்கள் மூன்று பேருக்கும் எதிராக போலீஸில் புகார் செய்தனர். ஆபாசம் மற்றும் ஆபாசமான வார்த்தைகள் கொண்டு வீடியோக்களை எடுத்து பதிவேற்றம் செய்துள்ளனர். யூடியூப் போலீஸாரின் சைபர் பிரிவு உடனே விசாரணையில் இறங்கினர். இதில் முகேஷ்குப்தாவும் அவரது இரண்டு கூட்டாளிகளும் பிடிபட்டுள்ளனர். குப்தா தானேயில் வசிக்கிறார். அவர்களின் கூட்டாள்கள் இரண்டு பேரும் கல்லூரியில் படித்துவிட்டு குராரில் தங்கி இருக்கின்றனர். குப்தா இது போன்ற காரியத்தில் ஈடுபட்டு இருப்பது அவரது வீட்டில் உள்ளவர்களுக்கே தெரியவில்லை. குப்தா சொந்தமாக டியூசன் சென்டர் ஒன்றை நடத்தி வந்தார். அதில் 300 பேர் படித்து வந்தனர். அவரது டியூசனில் படித்த மாணவிகளையும் வீடியோ எடுக்க பயன்படுத்தினாரா என்பது குறித்து விசாரித்து வருகின்றனர். கொரோனா காலத்தில் டியூசன் சென்டரை மூடவேண்டிய நிலை ஏற்பட்டது. யூடியூப் வருமானத்தின் அனைத்து பகுதியும் குப்தாவிற்கு சென்றுள்ளது. போலீஸார் முகேஷ் குப்தா மற்றும் அவரது கூட்டாளிகள் ஜிதேந்திர குப்தா மற்றும் குமார் ஆகியோரை கைது செய்து அவர்களிடமிருந்து 5 லேப்டாப், மொபைல் போன்கள் மற்றும் கேமரா போன்றவை பறிமுதல் செய்யப்பட்டுள்ளது. அவர்களின் யூடியூப் சேனல்களை முடக்க போலீஸார் தேவையான நடவடிக்கை எடுத்துள்ளனர். முகேஷ் குப்தா கடந்த சில ஆண்டுகளுக்கு முன்பு 10வது வகுப்பு பொதுத்தேர்வில் மாவட்ட அளவில் அதிக மதிப்பெண் எடுத்தார் என்பது குறிப்பிடத்தக்கது.
http://dlvr.it/Rtg9BB

Read More