ஒன்றிரெண்டு பாஜக எம்.எல்.ஏ.க்கள் கூட சட்டப்பேரவையில் நுழைந்துவிடக் கூடாது: மார்க்சிஸ்ட்

”234 தொகுதிகளிலும் திமுக தலைமையிலான கூட்டணி மகத்தான வெற்றி பெறுவதற்கு நாங்கள் பாடுபடுவோம்” என்று மார்க்சிஸ்ட் கம்யூனிஸ்ட் கட்சியின் மாநிலச் செயலாளர் கே.பாலகிருஷ்ணன் கூறியுள்ளார். திமுக கூட்டணியில் மார்க்சிஸ்ட் கம்யூனிஸ்ட் கட்சிக்கு 6 தொகுதிகள் ஒதுக்கீடு செய்யப்பட்டு, அதற்கான ஒப்பந்தம் கையெழுத்தாகியுள்ள நிலையில், மார்க்சிஸ்ட் கம்யூனிஸ்ட் கட்சியின் மாநிலச் செயலாளர் கே.பாலகிருஷ்ணன் செய்தியாளர்களை சந்தித்துப் பேசினார். அப்போது அவர் கூறுகையில், ‘’ தமிழகத்தில் மாற்று ஆட்சி அமைய வேண்டும். அதிமுக – பாஜக கூட்டணியை முறியடிக்க வேண்டும் என்பதே எங்களது பிரதானமான நோக்கம். தெரிந்தோ தெரியாமாலோ தமிழகத்தில் பாஜக காலூன்ற அனுமதித்து விடக்கூடாது என்பதில் உறுதியுடன் இருக்கிறோம்.  அதிமுக ஆட்சியை படுதோல்வியை அடையச் செய்ய வேண்டும்; சட்டப்பேரவையில் கம்யூனிஸ்ட் கட்சியின் பிரதிநிதிகளின் பங்களிப்பு இருக்க வேண்டும் என்கிற கடமைகளை நிறைவேற்ற வேண்டிய சூழலில், 6 தொகுதிகளில் போட்டியிடுவது என்பதை ஏற்றுக்கொண்டு உடன்பாட்டில் கையெழுத்திட்டு இருக்கிறோம். புதுச்சேரியில் நியமன எம்.எல்.ஏ.க்களை கொண்டு பாஜக அரசு, மக்களால் தேர்ந்தெடுக்கப்பட்ட அரசை கலைத்தது. அப்படியொரு சூழலில் தமிழக சட்டப்பேரவையில் ஒன்றிரெண்டு பாஜக எம்.எல்.ஏ.க்கள் நுழைந்தால் கூட அது ஜனநாயகத்திற்கு ஆபத்தாக முடியும். எனவே, கூடுதல் தொகுதிகள் எதிர்பார்க்கப்பட்ட நிலையில் நம்முடைய அரசியல் கடமைகளை நிறைவேற்ற வேண்டும் என்கிற காரணத்திற்காக இந்த உடன்பாட்டுக்கு சம்மதித்துள்ளோம். 234 தொகுதிகளிலும் திமுக தலைமையிலான கூட்டணி மகத்தான வெற்றி பெறுவதற்கு நாங்கள் பாடுபடுவோம். போட்டியிடும் உத்தேசப் பட்டியலை இன்னும் அளிக்கவில்லை. இனிதான் அளிக்கப் போகிறோம்'' என்றார்.
http://dlvr.it/RvCNJW

Read More

மார்க்சிஸ்ட் கம்யூனிஸ்ட் கட்சிக்கு 6 தொகுதிகள் ஒதுக்கீடு; கையெழுத்தானது ஒப்பந்தம்!

திமுக கூட்டணியில் மார்க்சிஸ்ட் கம்யூனிஸ்ட் கட்சிக்கு 6 தொகுதிகள் ஒதுக்கீடு செய்யப்பட்டுள்ளது. இதற்கான ஒப்பந்தம் கையெழுத்தாகியுள்ளது. திமுக கூட்டணியில் இதுவரை காங்கிரஸ், இந்திய கம்யூனிஸ்ட் கட்சி, விடுதலைச் சிறுத்தைகள் கட்சி, மனிதநேய மக்கள் கட்சி மற்றும் முஸ்லிம் லீக் ஆகிய கட்சிகளுக்கு தொகுதிப் பங்கீடு முடிந்துள்ளது. திமுக - மார்க்சிஸ்ட் கம்யூனிஸ்ட் கட்சிகள் இடையேயான தொகுதிப் பங்கீட்டு பேச்சுவார்த்தை இழுபறியில் இருந்துவந்த நிலையில் தற்போது உடன்பாடு எட்டியுள்ளது.  இதையடுத்து தமிழக சட்டப்பேரவை தேர்தல் கூட்டணியில் மார்க்சிஸ்ட் கம்யூனிஸ்ட் கட்சிக்கு 6 இடங்கள் தொகுதிகளை ஒதுக்கீடு செய்துள்ளது திமுக. சென்னை அண்ணா அறிவாலயத்தில் தொகுதிப் பங்கீடு ஒப்பந்தத்தில் திமுக தலைவர் மு.க.ஸ்டாலின் மற்றும் மார்க்சிஸ்ட் கம்யூனிஸ்ட் கட்சியின் மாநிலச் செயலாளர் கே.பாலகிருஷ்ணன் கையெழுத்திட்டனர். விடுதலைச் சிறுத்தைகள், மதிமுக, இந்திய கம்யூனிஸ்ட் கட்சிக்கும் தலா 6 தொகுதிகளை ஏற்கனவே திமுக ஒதுக்கியிருந்தது குறிப்பிடத்தக்கது.
http://dlvr.it/RvBDtv

Read More

டிவி நடிகைக்கு பாலியல் வன்கொடுமை; ரூ.15 லட்சம் கேட்டு மிரட்டல்! -தொழிலதிபர் காதலனால் நேர்ந்த கொடூரம்

மும்பையை சேர்ந்த மாடல் அழகியும், டிவி நடிகையுமான 27 வயது பெண், ஐதராபாத் தொழிலதிபர் ஒருவர் மீது புகார் அளித்திருக்கிறார். இந்த புகார் தொடர்பாக போலீஸார் கூறுகையில், அப்பெண் அடிக்கடி படப்பிடிப்புக்காக ஐதராபாத் செல்வது வழக்கம். அப்படி செல்லும் போது ஐதராபாத்தை சேர்ந்த தொழிலதிபர் விஜய் நாயுடு என்பவரை சந்தித்தார். இருவரும் அடிக்கடி போனில் பேசிக்கொண்டனர். அவர்களின் நட்பு 2018ம் ஆண்டில் இருந்து தொடர்ந்து வந்ததாக கூறப்படுகிறது. விஜய் அடிக்கடி மும்பைக்கு வந்து அந்த நடிகையை சந்தித்ததாகவுய்ம் கூறப்படுகிறது. அப்படி சந்தித்த போது நிச்சயதார்த்த மோதிரம் என்று கூறி அப்பெண்ணிற்கு ஒரு மோதிரத்தை அணிவித்து திருமணம் செய்து கொள்வதாக தெரிவித்தார். நடிகை குற்றம்சாட்டிய விஜய் அதை அப்பெண்ணும் நம்பியுள்ளார். ஐதராபாத்தில் இருந்து மும்பை வந்து ஒரு லாட்ஜில் தங்கிக்கொண்டு அங்கு வரும்படி நடிகையிடம் விஜய் கேட்டுக்கொண்டார். அங்கு கட்டாயப்படுத்தி நடிகையை பாலியல் வன்கொடுமை செய்திருக்கிறார். அதன் பிறகு 2018ம் ஆண்டு நவம்பர் 28ம் தேதி விஜய், மும்பை அந்தேரி மேற்கு பகுதியில் உள்ள நடிகையின் வீட்டிற்கு சென்றார். அங்கு `எப்போது திருமணம் செய்து கொள்ளப்போகிறீர்கள்?’ என்று நடிகை கேட்டதற்கு, `தனது தங்கைக்கு திருமணம் முடிவானதும் திருமணம் செய்து கொள்கிறேன்’ என்று போலியாக உறுதியளித்தார். அதனை அவரும் நம்பியிருக்கிறார். தொடர்ந்து அவரிடம் நெருக்கமாக இருந்திருக்கிறார் விஜய். பின்னர், அப்பெண்ணிடம் நடிக்க செல்லவேண்டாம் என்று கேட்டுக்கொண்டார். பின்னர் அடிக்கடி மும்பையின் பல்வேறு ஓட்டல்களில் அறை எடுத்து விஜய் அந்த நடிகையுடன் ஒன்றாக இருந்திருக்கிறார். Also Read: மும்பை: 73 வயதில் திருமண ஆசை; ரூ.1.3 கோடியை இழந்த முதியவர்! - பணத்தைக்கொண்டு வேறு ஒருவரை மணந்த பெண் எனினும் அப்பெண் தொடர்ந்து நடித்துக்கொண்டிருந்தார். இதனால் பல நேரங்களில் பொது இடங்களில் நடிகையை விஜய் அவமானப்படுத்தியதாக சொல்லப்படுகிறது. கடந்த 2019ம் ஆண்டு நவம்பர் 22ம் தேதி நடிகை வர்சோவாவில் இருந்த போது போன் செய்து தன்னை வந்து சந்திக்கும்படி கேட்டுக்கொண்டார். ஆனால் அவரை சந்திக்கசெல்லவில்லை. இதனால் அப்பெண்ணை மிரட்டியுள்ளார் விஜய். வேறு வழியில்லாமல் அவரை சென்று சந்தித்தார் அந்த பெண். நவம்பர் 22ம் தேதியில் இருந்து 24ம் தேதி வரை நடிகையை கோரேகாவ் ஓட்டலில் வைத்திருந்ததோடு, அவரை ஓரினச்சேர்க்கையில் ஈடுபடுத்தி, பாலியல் ரீதியாக கடுமையாக கொடுமைப்படுத்தியுள்ளார். இந்த கொடுமைகளை பொறுத்துக்கொண்டு தன்னை திருமணம் செய்து கொள்ளும்படி விஜயிடம் கேட்டார். ஆனால் விஜய், நடிகையை மிரட்டி 15 லட்சம் கொடுக்கவில்லையெனில் தன்னிடம் இருக்கும் ஆபாச படங்கள், வீடியோக்களை சமூக வலைத்தளங்களில் வெளியிடுவேன் என்று மிரட்டியிருக்கிறார். அதன் பிறகு நடிகை அவருடன் பேசுவதை நிறுத்திவிட்டார். பாலியல் தொல்லை ஆனால் விஜய் விடுவதாக இல்லை. கடந்த ஆண்டு மார்ச் 29ம் தேதி நடிகை மத்திய பிரதேசத்தில் படப்பிடிப்புக்காக சென்ற போது வீடியோ கால் செய்து மனரீதியாக துன்புறுத்தினார் . நடிகை மத்திய பிரதேசத்தில் இருந்து படப்பிடிப்பை முடித்துக்கொண்டு மும்பை திரும்பியதும் மீண்டும் பணம் கேட்டு துன்புறுத்த ஆரம்பித்தார். இதை தொடர்ந்தே நடிகை மும்பை டி.என்.நகர் போலீஸ் நிலையத்தில் விஜயிக்கு எதிராக தற்போது புகார் செய்துள்ளார். பாலியல் வன்கொடுமை நடந்ததாக கூறப்படும் ஓட்டல்களின் பெயர்களையும் நடிகை குறிப்பிட்டுள்ளார். அந்த ஓட்டல்களில் சென்று சோதனை நடத்தி நடந்த சம்பவம் உண்மையா என்பதை உறுதி செய்து கொண்டு அடுத்த கட்ட நடவடிக்கை எடுக்கப்படும் என்று போலீஸார் தெரிவித்தனர். விஜயை அழைத்து விசாரிக்கவும் திட்டமிட்டுள்ளனர். காதல் என்ற பெயரில் டி.வி நடிகை பாலியல் ரீதியாக கொடுமைபடுத்தப்பட்டதாக எழுந்திருக்கும் புகார், பரபரப்பை ஏற்படுத்தியுள்ளது.
http://dlvr.it/RvBDrT

Read More

பரீட்சையில் திரைப்பட பாடல் எழுதியதால் கிண்டல், வெளியேற்றம்: மாணவர் எடுத்த சோக முடிவு

பரீட்சையில் சினிமா பாடல் எழுதியதை கிண்டல் செய்து பள்ளியை விட்டு வெளியேற்றியதால் மனமுடைந்த 12ம் வகுப்பு மாணவன் தற்கொலை செய்துகொண்டார். போச்சம்பள்ளி அடுத்த ஒட்டத்தெரு கிராமத்தை சேர்ந்த சாந்தகுமார் என்பவரின் இளைய மகன் கார்த்திக் (17). இவர் போச்சம்பள்ளி அரசு ஆண்கள் மேல்நிலைப்பள்ளியில் 12-ஆம் வகுப்பு படித்து வருகிறார். இந்நிலையில் நேற்று தாவரவியல் ஆசிரியர் சகாதேவன் 12-ஆம் வகுப்பிற்கு தேர்வு வைத்துள்ளார். இதில் கார்த்திக், தெரிந்த கேள்விகளுக்கு பதில் எழுதிவிட்டு, தெரியாத கேள்விகளுக்கு சினிமா பாடலை பதிலாக எழுதியுள்ளார். தேர்வு முடிந்து விடைத்தாளை திருத்தும்போது மாணவர் எழுதிய பாடலை அனைத்து மாணவர்கள் முன்பும் படித்துக் காட்டி கிண்டல் செய்துள்ளார் ஆசிரியர். மேலும் அவ்வழியே வந்த வேதியியல் ஆசிரியர் மயில்வாகனனிடம் காட்டி கிண்டல் செய்துள்ளார். பின்னர் அனைத்து ஆசிரியர்களிடமும் இச்சம்பவத்தை தெரிவித்து கார்த்திக்கின் மதிப்பெண்ணை குறைப்பதாக இரு ஆசிரியர்களும் பேசியுள்ளனர். அப்போது கார்த்திக் இரு ஆசிரியரிடமும் இனிமேல் இதுபோன்ற தவறு செய்யமாட்டேன் என மன்னிப்பு கோரியுள்ளார். ஆனால் இரு ஆசிரியர்களும் கார்த்திக்கை பள்ளியை விட்டு வெளியேறுமாறும் பெற்றோர்களை அழைத்துக்கொண்டுதான் பள்ளிக்கு வரவேண்டுமென கூறி அப்போதே பள்ளியை விட்டு வெளியேற்றியுள்ளனர். இதையடுத்து அழுது கொண்டே பள்ளியை விட்டு வெளியேறிய மாணவன் ஒட்டத்தெருவில் உள்ள அவனது வீட்டிற்கு சென்று தனது உறவினர்களிடம் நடந்த சம்பவத்தை கூறியுள்ளார். தந்தை வந்ததும் பள்ளிக்கு சென்று பேசிக்கொள்ளலாம் என தாயார் சமாதானப்படுத்தியுள்ளார்ர். ஆனால் நேற்று இரவு அனைவரும் தூங்கிய பிறகு மாணவர் தூக்கு போட்டு தற்கொலை செய்துக்கொண்டார். இதுகுறித்து போச்சம்பள்ளி போலீசார் விசாரணை மேற்கொண்டுள்ளனர். ஆசிரியர் கிண்டல் செய்து பள்ளியை விட்டு வெளியேற்றியதால் மனமுடைந்த மாணவர் தற்கொலை செய்து கொண்ட சம்பவம் பெரும் அதிர்வலையை ஏற்படுத்தியுள்ளது.
http://dlvr.it/Rv89Xd

Read More

ஒருசில பந்துகள் தாக்குப்பிடிக்க முடியாதா? - டெயில் எண்டர்களை விமர்சித்த வாஷிங்டன் தந்தை

வாஷிங்டன் சுந்தர் துரதிர்ஷ்டவசமாக சத வாய்ப்பை இழந்ததைக் குறித்து அவரது தந்தை சுந்தர் டெயில் எண்டர்களை விமர்சித்துள்ளார். இங்கிலாந்து அணிக்கு எதிரான 4வது டெஸ்ட் போட்டியில் இந்திய அணி ஒரு இன்னிங்ஸ் மற்றும் 25 ரன்கள் வித்தியாசத்தில் அசத்தலான வெற்றியை பதிவு செய்தது. இதன் மூலம் இந்த டெஸ்ட் தொடரைக் கைப்பற்றி கெத்து காட்டியுள்ளது இந்திய அணி. இந்த நான்காவது டெஸ்ட் போட்டியில் இந்திய கிரிக்கெட் அணியின் ஆல்ரவுண்டர் வாஷிங்டன் சுந்தர் இந்திய அணி பேட்டிங் செய்தபோது 96 ரன்கள் எடுத்து கடைசி வரை ஆட்டமிழக்காமல் இருந்தார். இதில் இவர் தனது முதல் சதத்தைப் பதிவு செய்தார் என்று ரசிகர்கள் அதிக ஆர்வமுடன் காத்திருந்த போது, எதிர்முனையில் இருந்த இஷாந்த் ஷர்மா மற்றும் சிராஜ் ஆகியோரை அவுட்டாக்கி இவரை சதத்தை பூர்த்தி செய்ய விடாமல் தடுத்து விட்டார் இங்கிலாந்து ஆல் ரவுண்டர் பென் ஸ்டோக்ஸ். ஆனால் போட்டிக்குப் பின் பேசிய வாஷிங்டன் சுந்தர் சர்வதேச கிரிக்கெட்டில் தனது முதல் சதத்தைப் பதிவு செய்யாதது வருத்தம் அளிக்கவில்லை என்று குறிப்பிட்டார்.   இந்நிலையில், வாஷிங்டன் சுந்தர் துரதிர்ஷ்டவசமாக சத வாய்ப்பை இழந்ததைக் குறித்து அவரது தந்தை சுந்தர் கருத்து தெரிவித்துள்ளார். அவர் கூறுகையில், ''டெய்ல் எண்டர்களால் நான் மிகவும் ஏமாற்றமடைந்தேன். அவர்களால் சிறிது நேரம் கூட தாக்குப்பிடித்து இருக்க முடியாதா? வெற்றிபெற 10 ரன்கள் தேவை எனும் சூழல் இருந்திருந்தால்கூட இது பெரிய தவறு அல்ல. லட்சக்கணக்கான இளைஞர்கள் பார்த்துக் கொண்டிருக்கிறார்கள். டெய்ல் எண்டர்கள் என்ன செய்தார்கள் என்பதை அவர்கள் கற்றுக்கொள்ளக்கூடாது’’ என்று விமர்சித்தார்.  
http://dlvr.it/Rv7PzV

Read More

உயரதிகாரிக்கு புரியவைக்க கைக்குழந்தையுடன் பணியில் ஈடுபட்ட பெண் காவலர்: வைரல் வீடியோ

சண்டிகரை சேர்ந்த ஒரு பெண் காவலர் தனது கைக்குழந்தையுடன் பணியில் ஈடுபடும் வீடியோ சமூக வலைத்தளங்களில் வைரலாகியுள்ளது. சண்டிகர் நகர் போக்குவரத்து காவல்பிரிவில் பணிபுரிபவர் பிரியங்கா.  இவருக்கு ஒரு கைக்குழந்தை உள்ளது. இவரது உயரதிகாரிகள் காலை 8 மணி முதல் சாலையில் போக்குவரத்தை ஒழுங்குப்படுத்தும் பணியை ஒதுக்கியுள்ளனர். ஆனால் இவர் கைக்குழந்தையைக் கவனிக்க வேண்டி உள்ளதால் காலை நேரத்தில் பணிக்கு வரமுடியாது என்றும் நேரத்தை மாற்றிக் கொடுக்குமாறும் கேட்டுள்ளார். ஆனால் அவரை அவசியம் பணிக்கு வருமாறு வலியுறுத்தியதாகவும் இதனால் அவருக்கும் மேலதிகாரிகளுக்கும் இடையில் கடும் வாக்குவாதம் நிகழ்ந்ததாகவும் தெரிய வந்துள்ளது. எனவே பிரியங்கா தனது கைக்குழந்தையை எடுத்துச் சென்று குழந்தையுடன் பணியில் ஈடுபட்டார். இந்த நிகழ்வு, வீடியோவாக ஒருவரால் எடுக்கப்பட்டுள்ளது. தற்போது இந்த வீடியோவை சமூக வலைத்தளங்களில் பலரும் ஷேர் செய்ய அது வைரலாகி உள்ளது. இந்த வீடியோவை கண்ட சில நெட்டிசனகள் அந்த பெண்ணின் கடமை உணர்வைப் பாராட்டி உள்ளனர்.  அதே வேளையில் பலர் குழந்தையை இடுப்பில் சுமந்தபடி ஒரு பெண் காவலரைப் பணிபுரிய வைத்த உயரதிகாரிகளுக்கு கண்டனம் தெரிவித்து வருகின்றனர்.  
http://dlvr.it/Rv7PxD

Read More

பெண்கள் தினம்: `காவல்துறையில் பணியாற்றும் பெண்களுக்கு விடுமுறை!' - அறிவித்த ஜெகன்

வருகின்ற திங்கட்கிழமை கொண்டாடப்படவுள்ள சர்வதேச பெண்கள் தினத்தை ஒட்டி ஆந்திர முதலமைச்சர் ஜெகன் மோகன் ரெட்டி பள்ளி மாணவிகளுக்கான பல்வேறு நலத்திட்டங்களை அறிவித்திருக்கிறார். குறிப்பாக அரசுப் பள்ளிகளில் ஏழாம் வகுப்பு முதல் பன்னிரண்டாம் வகுப்பு வரை படிக்கின்ற மாணவிகளுக்கு சானிட்டரி நாப்கின்களை இலவசமாக வழங்கும் திட்டத்தை இவர் அறிமுகப்படுத்தவுள்ளார். ஆந்திர முதல்வரின் இந்த அறிவிப்பு பெண்களின் மத்தியில் பெரும் வரவேற்பைப் பெற்றிருக்கிறது. இந்தத் திட்டத்திற்காக ஒவ்வொரு வருடமும் 41.4 கோடி ரூபாய் ஒதுக்கப்படும் என்று அம்மாநில அரசு அறிவித்துள்ளது. அரசுப் பள்ளிகள், ஜூனியர் கல்லூரிகள், உறைவிடப் பள்ளிகள் போன்றவற்றில் வருகின்ற ஜூலை ஒன்றாம் தேதி முதல் இத்திட்டம் செயல்படுத்தப்படவுள்ளதாகவும் கூறப்பட்டுள்ளது. ஒவ்வொரு மாணவிக்கும் மாதம் 10 சானிட்டரி நாப்கின்கள் வீதம் ஆண்டுக்கு 120 நாப்கின்கள் வழங்கப்படவுள்ளன. இவை தவிர மாநிலம் முழுவதும் இருக்கின்ற, பெண்களால் மட்டுமே நடத்தப்படும் 'சேயுதா' என்கிற சில்லறை வணிகக் கடைகளில் சானிட்டரி நாப்கின்கள் மலிவுவிலையில் விற்கப்படும் என்றும் தெரிவிக்கப்பட்டுள்ளது.School Students இது ஒருபுறமிருக்க மாணவிகள் போட்டித் தேர்வுகளை சிறப்பாக எதிர்கொள்வதற்குத் தேவையான கோச்சிங்குகளையும் அரசே வழங்கவிருப்பதாகவும் அறிவிப்பு வெளியாகியுள்ளது. தொழில்நுட்ப வளர்ச்சியைப் பயன்படுத்திக் கல்வி கற்கவேண்டியதன் அவசியத்தை தங்கள் அரசு நன்கு உணர்ந்திருப்பதாகத் தெரிவித்திருக்கும் ஆந்திர முதல்வர், அப்படி போட்டித் தேர்வுகளுக்காக அரசு நடத்தும் பயிற்சியில் கலந்துகொள்ளும் மாணவிகளுக்கு ‘அம்மாவோடி திட்டத்தின்(AMMAVODI SCHEME)' கீழ் லேப்டாப்பும் வழங்கப்படும் என்று சொல்லி மாணவிகளை மகிழ்ச்சிக் கடலில் ஆழ்த்தியிருக்கிறார். “போட்டித் தேர்வுகளுக்கான பயிற்சிகளை கடமைக்குக் கொடுக்காமல் அந்தந்தத் துறை சார்ந்த வல்லுநர்களின் உதவியோடு மாணவிகளுக்கு சிறப்பான பயிற்சியை அளிக்க இருக்கிறோம். குறிப்பாக இதுபோன்ற பயிற்சிகளை அதிக அளவிலான மாணவிகள் பயன்படுத்திக்கொள்ளும்படி செய்வதே எங்களின் நோக்கம்” என்று ஜெகன் மோகன் ரெட்டி சொல்லியிருப்பது அம்மாநில மக்களின் கவனத்தை பெரிதும் ஈர்த்திருக்கிறது. இவை ஒருபுறமிருக்க, வருகிற மார்ச் 8-ம் தேதி சர்வதேச பெண்கள் தினத்தன்று ஆந்திர காவல்துறையில் பணியாற்றும் அனைத்துப் பெண்களுக்கும் அம்மாநில அரசு விடுமுறை அறிவித்துள்ளது குறிப்பிடத்தக்கது. அதேபோல சர்வதேச பெண்கள் தினக் கொண்டாட்டத்தின் ஒரு பகுதியாக அங்கன்வாடியில் பணிபுரியும் பெண்களுக்கு மருத்துவப் பரிசோதனையையும் அரசு நடத்தவுள்ளது.women's day பெண்களின் பாதுகாப்பிற்காக 'டிஷா' செயலியை(DISHA APP) அம்மாநில அரசு அறிமுகப்படுத்தியுள்ளது அனைவரும் அறிந்ததே. இந்நிலையில் புதிதாக ஸ்மார்ட் போன் வாங்கும் பெண்கள் தங்களது போனில் இந்த டிஷா செயலியைப் பதிவிறக்கம் செய்தால் ஸ்மார்ட் போனின் விலையில் 10% தள்ளுபடி கொடுக்கப்படும் என்கிற அறிவிப்பையும் வெளியிட்டு அசத்தியுள்ளார் ஆந்திர முதல்வர். நன்று!
http://dlvr.it/Rv5TFh

Read More