``பெண்களுக்கு ஒரு ரகசியம் சொல்கிறேன்..!" - வைரலாகும் ராகுல் காந்தியின் பேச்சு

சட்டமன்றத் தேர்தலையொட்டி சுற்றுப்பயணம் மேற்கொண்டு வரும் ராகுல் காந்தி, கிராமத்தில் யூடியூப் சமையல் கலைஞர்களுடன் சாப்பிட்டது, ஜல்லிக்கட்டுப் போட்டியில் கலந்துகொண்டது, ஒற்றை கையில் புஷ் அப்ஸ் போட்டி எனத் தமிழ்நாட்டை கலக்கிவிட்டு கேரளா சென்றுள்ளார். கொச்சியில் உள்ள புனித தெரசா பெண்கள் கல்லூரியில் மாணவிகளுடன் கலந்துரையாடிய ராகுல் காந்தி, ஆண்களும் பெண்களும் சமூகத்தில் சமமானவர்கள் எனக் கூறிய மாணவியின் கருத்தை மறுத்து, ''பெண்கள் ஆண்களைவிட சக்தி வாய்ந்தவர்கள். அவர்களுக்குத் தங்கள் சக்தியை பயன்படுத்துவது எப்படி எனப் புரியவில்லை" எனக் கூறினார்.Rahul Gandhi இந்தியச் சமூகத்தில் பெண்கள் மறைமுகமாக ஒடுக்கப்படுவது பற்றியும், பெண்களுக்கு எதிராக சமூகத்தின் சூழ்ச்சிகளையும் மாணவிகளிடையே உரையாடிய ராகுல் காந்தி, "ஆண்கள் எப்போதும் பெண்களுக்குச் சொல்லாத ஒரு ரகசியத்தை நான் உங்களுக்குச் சொல்கிறேன். ஆண்களைவிட பெண்கள் மிகவும் சக்திவாய்ந்தவர்கள். ஆனால், ஆண்கள் பெண்களை முட்டாள் ஆக்குகின்றனர். பெண்களுக்கு அவர்களின் சக்தி எவ்வாறு இயங்குகிறது, எங்கிருந்து வருகிறது என்று புரியவில்லை என்பதுதான் பிரச்னை. இந்தப் புரிந்துணர்வுதான் உங்களுக்கு அதிகாரம் அளிக்கும்" என்றார். இதோடு ஒரு மாணவி, தற்காப்புக்காக ஏதாவது கற்றுத் தருமாறு கேட்டதற்கு, ராகுல் காந்தி ஒரு தற்காப்புக் கலை செய்கையை செய்துகாட்டினார். பின்னர், இதுபோல சமூகத்தால் அழுத்தப்படும்போது எதிர்ப்பதற்கு பெண்கள் மன வலிமையை உருவாக்கி வைத்துக்கொள்ள வேண்டியது அவசியம் என்று கூறினார். "சமூகம் எதிர்காலத்தில் உங்களை ஒடுக்கப்போகிறது. நான் வெளிப்படையாகக் கூறுகிறேன், இந்தியச் சமூகம் பெண்களை மிகவும் மோசமாக நடத்துகிறது. ஒவ்வொரு நாளும் பெண்கள் அறிவிலிகள்போல அவமதிக்கப்படுகிறார்கள். நீங்கள் விரும்பியதைச் செய்ய சமூகம் அனுமதிக்காது. தொடர்ந்து பெண்கள் மீதான தாக்குதல் அதிகரித்துக்கொண்டே இருக்கிறது. அதிலிருந்து மீள நீங்கள் மன உறுதி உள்ளவர்களாக உள்ளிருந்து உங்கள் சக்தியை உருவாக்க வேண்டும். அதற்கு, நீங்கள் எந்த விதங்களில், எதனை காரணமாகச் சொல்லி கட்டிவைக்கப்படுகிறீர்கள் எனப் புரிந்துகொள்ள வேண்டும். பின்னர், அதிலிருந்து மீண்டு உங்களை நிலைநிறுத்த வேண்டும்" என ராகுல் காந்தி கூறினார். ராகுல் காந்தி ``சமூகம் நீங்கள் பலமற்றவர்கள் என உங்களை நம்பவைக்க முயலும். அதனை ஏற்றுக்கொள்ளக் கூடாது. அதேபோல நீங்கள் சக்தி வாய்ந்தவர்கள் என உணரும்போது அதனை தவறாக உபயோகப்படுத்தாமல் இருக்க வேண்டும்" என அவர் கல்லூரிப் பெண்களுக்கு அறிவுரை வழங்கினார். நாட்டில் பெண்களின் நிலை குறித்து வெளிப்படையாகவும், பெண்களுக்கு எதிராக சமூகத்தில் நடக்கும் இழிவுகளையும் சமூகம் நடத்தும் நாடகங்களையும் சுட்டிக்காட்டியும் ராகுல் காந்தி பேசியுள்ளது சமூக வலைதளங்களில் பரவலாகப் பேசப்பட்டு வருகிறது.
http://dlvr.it/RwCb2J

Read More

புதுச்சேரி தேர்தல்; திடீரென வேட்பு மனுக்களை வாபஸ் வாங்கிய பாமக; காரணம் என்ன?

புதுச்சேரி பேரவைத் தேர்தலில் தனித்துப் போட்டியிடுவதாக அறிவித்த பாமக, திடீரென வேட்பு மனுக்களை வாபஸ் பெற்றுள்ளது. பாஜக, என்ஆர் காங்கிரஸ், அதிமுக ஆகிய கட்சிகள் இடம்பெற்றுள்ள தேசிய ஜனநாயக கூட்டணியில் பாமகவும் இடம்பெற்றிருந்தது. அதில் என்.ஆர். காங்கிரசுக்கு 16 தொகுதிகள் ஒதுக்கப்பட்டு, பாஜகவுக்கு 9 இடங்களும் அதிமுகவுக்கு 5 இடங்களும் பகிரப்பட்டது. கூட்டணி மற்றும் தொகுதிப் பங்கீட்டின்போது உடன்பாடு ஏற்படாததால் கூட்டணியில் இருந்து பாமக விலகியது. அதனைத்தொடர்ந்து புதுச்சேரியில் 10 தொகுதிகளில் தனித்துப் போட்டியிடுவதாக கூறி வேட்பாளர்களை அறிவித்து வேட்புமனுக்களும் தாக்கல் செய்யப்பட்டன. இவற்றை வாபஸ் பெற கடைசி நாளான நேற்று பாமக வேட்பாளர்கள் 10 பேரும் தங்கள் வேட்புமனுக்களை திரும்பப் பெற்றனர். இது குறித்து பாமக மாநில அமைப்பாளர் தன்ராஜ் கூறும் போது, “ கூட்டணியில் உரிய மரியாதை அளிக்கப்படுமென பாஜக தரப்பில் உத்தரவாதம் அளிக்கப்பட்டதால் வேட்புமனுக்களை வாபஸ் பெற்றோம்” என்றார். முன்னதாக, புதுச்சேரியில் தாக்கல் செய்யப்பட்டிருந்த 485 வேட்புமனுக்களில், 450 மனுக்கள் ஏற்கப்பட்டன. அவற்றில் பாமகவினர் உள்ளிட்ட 126 பேரின் மனுக்கள் வாபஸ் பெறப்பட்டதை அடுத்து, 324 வேட்பாளர்கள் இறுதி செய்யப்பட்டு களத்தில் உள்ளனர்.
http://dlvr.it/RwBN97

Read More

தமிழகத்தில் திமுக கூட்டணி ஆட்சி: புதிய தலைமுறை கருத்துக்கணிப்பு முடிவுகள்

தமிழகத்தில் திமுக கூட்டணி ஆட்சி அமையும் என புதிய தலைமுறை கருத்துக்கணிப்பு முடிவில் தெரியவந்துள்ளது. தமிழகம் முழுவதும் மக்களின் மனநிலை என்ன என்ற தலைப்பில் புதிய தலைமுறை, தேர்தலுக்கு முந்தைய கருத்துக்கணிப்பு நடத்தியது. அதில் பல்வேறு கேள்விகள் இடம்பெற்றிருந்தன. அதன் முடிவில், வரும் சட்டப்பேரவைத் தேர்தலில் தமிழகத்தில் திமுக தலைமையிலான கூட்டணி ஆட்சி அமையும் என்பது தெரியவந்துள்ளது. இந்தக் கருத்துக்கணிப்பில் கேட்கப்பட்ட கேள்விகளும் மக்களின் பதில்களில் வெளியான முடிவுகளும் பின்வருமாறு: தமிழகத்தில் யாருக்கு எத்தனை இடங்கள் கிடைக்கும்? திமுக கூட்டணி : 151 - 158அதிமுக கூட்டணி : 76-83 வரும் சட்டப்பேரவை தேர்தலில் எந்த கட்சிக்கு வாக்களிப்பீர்கள்? அதிமுக கூட்டணி:28.48%திமுக கூட்டணி: 38.20%மநீம கூட்டணி: 6.30%சசிகலா ஆதரவு: 1.09%நாம் தமிழர் கட்சி: 4.84%மற்றவை: 9.53%தெரியாது: 11.56% உங்கள் தொகுதியில் பலமுனைப்போட்டி ஏற்பட்டால் யாருக்கு வாக்களிப்பீர்கள்? அதிமுக கூட்டணி:28.39%திமுக கூட்டணி: 38.51%மநீம கூட்டணி: 6.28%சசிகலா ஆதரவு: 1.11%நாம் தமிழர் கட்சி: 4.84%மற்றவை: 9.97%தெரியாது: 10.90% எந்த கட்சிக்கு வாக்களிப்பு : மண்டல வாரியாக அதிமுக கூட்டணி - தெற்கு தொகுதிகள் 24.58% ; மேற்கு தொகுதிகள் 36.54% ; மத்திய தொகுதிகள் 30.53% ; வடக்கு தொகுதிகள் 32.61% ; சென்னை 20.81%திமுக கூட்டணி - தெற்கு தொகுதிகள் 35.90% ; மேற்கு தொகுதிகள் 28.50% ; மத்திய தொகுதிகள் 34.33% ; வடக்கு தொகுதிகள் 42.93% ; சென்னை 47.27%மநீம கூட்டணி - தெற்கு தொகுதிகள் 6.40% ; மேற்கு தொகுதிகள் 9.26% ; மத்திய தொகுதிகள்4.61% ; வடக்கு தொகுதிகள் 2.50% ; சென்னை 8.42%சசிகலா ஆதரவு - தெற்கு தொகுதிகள் 1.67% ; மேற்கு தொகுதிகள் 0.59% ; மத்திய தொகுதிகள் 2.17% ; வடக்கு தொகுதிகள் 0.54% ; சென்னை 0.59%நாம் தமிழர் கட்சி - தெற்கு தொகுதிகள் 7.61% ; மேற்கு தொகுதிகள் 3.44% ; மத்திய தொகுதிகள் 5.29% ; வடக்கு தொகுதிகள் 2.93% ; சென்னை 4.46%மற்றவை - தெற்கு தொகுதிகள் 13.91% ; மேற்கு தொகுதிகள் 9.86% ; மத்திய தொகுதிகள் 10.85% ; வடக்கு தொகுதிகள் 6.41% ; சென்னை 6.44%தெரியாது - தெற்கு தொகுதிகள் 9.93% ; மேற்கு தொகுதிகள் 12.00% ; மத்திய தொகுதிகள் 12.21% ; வடக்கு தொகுதிகள் 12.07% ; சென்னை 11.99% தமிழ்நாட்டின் அடுத்த முதல்வராக யார் வரவேண்டும்?  37.51% பேர் ஸ்டாலினே முதல்வராக வரவேண்டும் என தெரிவித்துள்ளனர். மேலும், எடப்பாடி பழனிசாமி - 28.33%, கமல்ஹாசன் - 6.45%, சீமான் - 4.93%, சசிகலா - 1.33% பேர் என தெரிவித்துள்ளனர். அரசியலில் இருந்து ஒதுங்குவதாக சசிகலா அறிவித்ததற்கு முன்பே இந்தக் கருத்துக் கணிப்பு மக்களிடம் நடத்தப்பட்டதால், அவரது பெயரும் இந்தக் கருத்துக் கணிப்பு முடிவுகளில் இடம்பெற்றிருப்பது கவனிக்கத்தக்கது. சசிகலா மீண்டும் அதிமுக பொதுச்செயலாளர் ஆக வேண்டும் என்பதை ஆதரிக்கிறீர்களா?  முழுமையாக ஆதரிக்கிறேன் - 2.25%ஆதரிக்கிறேன் - 7.20 %ஆதரிக்கவில்லை - 45.64%எதிர்க்கிறேன் - 27.45%வேறு கருத்து - 4.32%தெரியாது / சொல்ல இயலாது - 13.15%  திமுக வெற்றி பெற எது உதவும் என கேள்வி எழுப்பப்பட்டது. அதன் முடிவுகள்: ஸ்டாலின் தலைமை - 37.96%மத சார்பின்மை - 8.35%இபிஎஸ் ஆட்சிக்கு எதிரான மனநிலை - 6.72%அதிமுக - பாஜக கூட்டணி - 9.16%அதிமுக அரசின் மீதான மத்திய அரசின் கட்டுப்பாடு - 6.48%வேறு கருத்து - 11.93%தெரியாது / சொல்ல இயலாது - 19.41% அதிமுகவுக்கும் பாஜகவுக்கும் இடையேயான கூட்டணி பற்றி நீங்கள் கருதுவது என்ன? சந்தர்ப்பவாத கூட்டணி - 36.87%தமிழகத்துக்கு நல்லது - 16.66%அதிமுக ஆதாயமடையும் - 8.44%அதிமுகவுக்கு பாதிப்பு ஏற்படும் - 7.02%பாஜக ஆதாயமடையும் - 5.91%வேறு கருத்து - 7.61%தெரியாது/ சொல்ல இயலாது - 17.49% மத்தியில் ஆட்சியில் இருந்தபோது முந்தைய காங்கிரஸ் ஆட்சியை விட தற்போதைய பாஜக அரசு தமிழகத்துக்கு கூடுதல் நன்மைகளை செய்திருப்பதாக நினைக்கிறீர்களா? என்ற கேள்விக்கு 22.87% பேர் ஆம் எனவும், 60.03% பேர் இல்லை எனவும், 7.09% பேர் வேறு கருத்துகளையும், 10.01% தெரியாது/ சொல்ல இயலாது எனவும் தெரிவித்துள்ளனர். வேளாண் சட்டங்களுக்கு எதிராக நடந்த விவசாயிகள் போராட்டத்தை 81.20% பேர் ஆதரிப்பதாகவும், 8.24% பேர் வேளாண் சட்டங்களை ஆதரிப்பதாகவும் தெரிவித்துள்ளனர். 3.95% வேறு கருக்களையும் தெரியாது/ சொல்ல இயலாது என 6.61% பேரும் தெரிவித்துள்ளனர். முதல்வர் எடப்பாடி பழனிசாமி ஆட்சிக்கு பத்துக்கு எத்தனை மதிப்பெண்கள் தருவீர்கள்? 13.06% பேர் 5 மதிப்பெண்களும், 10.01% பேர் 1 மதிப்பெண்ணும், 9.59% பேர் 8 மதிப்பெண்களும், 8.92% பேர் 7 மதிப்பெண்களும், 7.50 % பேர் 4 மதிப்பெண்களும், 7.39 பேர் 10 மதிப்பெண்களும், 6.74% பேர் 2 மதிப்பெண்களும், 6.13% பேர் 6 மதிப்பெண்களும் 4.91% பேர் 0 மதிப்பெண்களும், 4.84% பேர் 9 மதிப்பெண்களும் 13.85% பேர் சொல்ல இயலாது என தெரிவித்துள்ளனர். கொரோனா பொதுமுடக்கத்தால் பொருளாதார ரீதியில் எந்த அளவுக்கு மக்கள் பாதிக்கப்பட்டீர்கள் என்ற கேள்விக்கு 41.39% மிகக்கடுமையாக எனவும், 30.35% கடுமையாக எனவும், 8.85% மிதமாக எனவும் 8.46% குறைவாக எனவும், 9.75% பேர் பாதிப்பு இல்லை எனவும் தெரிவித்துள்ளனர். 0.31% பேர் வேறு கருத்தையும், 0.89% பேர் தெரியாது / சொல்ல இயலாது எனவும் தெரிவித்தனர். தற்போது உங்களது பொருளாதார நிலைமை சீராகிவிட்டதா? ஆம் - 16.22 %சீராகி வருகிறது - 45.53%இல்லை - 34.41%வேறு கருத்து - 1.50%தெரியாது /சொல்ல இயலாது - 2.33%
http://dlvr.it/RwBN2K

Read More

உத்தரப்பிரதேசம் - மனைவியின் நடத்தையில் சந்தேகம்; கணவன் செய்த கொடூரம்!

உத்தர பிரதேச மாநிலம் பரேலியில் 24 வயது இளம் பெண் ஒருவர் தன்னுடைய கணவரால் மிகக் கொடூரமாகத் தாக்கப்பட்டு, உடல்நிலை மிகவும் மோசமடைந்ததால் அரசு மருத்துவமனையில் அனுமதிக்கப்பட்டு சிகிச்சை பெற்று வருகிறார். மனைவியின் நடத்தையில் சந்தேகப்பட்ட அந்த நபர் மனைவியின் பிறப்புறுப்பை பகுதியை அலுமினிய நூலால் தைத்துள்ளார்.வன்கொடுமை உத்தரப்பிரதேச மாநிலம் ராம்பூர் மாவட்டத்தில் உள்ள கிராமத்தைச் சேர்ந்த 25 வயது இளைஞர் ஒருவர், தன் மனைவி திருமணத்துக்கு பிறகு வேறு ஒருவருடன் தொடர்பில் இருப்பதாக சந்தேகித்து, தகாத வார்த்தைகளில் பேசியும், அடித்தும் துன்புறுத்தி வந்துள்ளார். இந்நிலையில் சம்பவம் நடந்த அன்று, மனைவியின் இரு கை, கால்களையும் கயிற்றால் கட்டிவிட்டு அப்பெண்ணின் பிறப்புறுப்பை அலுமினிய நூலால் தைத்துள்ளார். இரத்த வெள்ளத்தில் மிதந்த அப்பெண்ணை அப்படியே விட்டுவிட்டுத் தப்பித்துச் சென்றார். பிறகு அப்பெண்ணின் தாய் அவரை மீட்டு அருகில் உள்ள அரசு மருத்துவமனையில் அனுமதித்தார். தற்போது அவருக்குத் தீவிர சிகிச்சை அளிக்கப்பட்டு வருகிறது. அப்பெண்ணின் தாயார் கொடுத்த புகாரின் அடிப்படையில் அவரது கணவர் சில மணி நேரங்களில் கைது செய்யப்பட்டார்.வன்கொடுமை இதுகுறித்து மிலாக் நகர வட்டார அலுவலர் ஸ்ரீகாந்த் பிரஜபதி தெரிவிக்கும்போது, `` அப்பெண்ணின் கணவர் மதுவுக்கு அடிமையானவர். அறுவடை வாகன ஓட்டுநரான இவர், அறுவடைக் காலங்களில் பணிக்குச் சென்று விடுவார். வீட்டிலிருந்த அவர் மனைவியின் நடத்தையில் சந்தேகப்பட்டு இது போன்ற செயலை செய்துள்ளார். அவர் இது குறித்து சிறிதும் குற்ற உணர்வு கொள்ளவில்லை.” என்றார். ராம்பூர் காவல்துறை கண்காணிப்பாளர் கூறும்போது,`` மருத்துவ அறிக்கையில், அந்த பெண்ணின் உடல் உறுப்புக்கள் மிக மோசமாகப் பாதிப்படைந்துள்ளதாக கூறியுள்ளனர். இதனைத் தொடர்ந்து கைது செய்யப்பட்ட பெண்ணின் கணவர் சிறையில் அடைக்கப்பட்டுள்ளார்” என்றார்.அந்த பெண்ணின் கணவர் குமாரின் மீது இந்தியத் தண்டனை சட்டம் 326, 323,498A,506 ஆகிய பிரிவுகளின் கீழ் வழக்குப் பதிவு செய்யப்பட்டுள்ளது. செய்தியாளர்களிடம் பேசிய அப்பெண், ``என்னுடைய கணவர் காரணமே இன்றி என்னை அடிப்பார். அவருக்கு நான் திருமணம் தாண்டிய உறவில் இருப்பேன் என்ற சந்தேகம். இதுபோன்று அவர் நடந்து கொள்வர் என்று ஒரு போதும் எதிர்பார்த்ததில்லை” என்றார்.
http://dlvr.it/Rw7r3b

Read More

பிரசாரத்திற்கு வராத அதிமுக தலைவர்கள்... கவலையில் ராமநாதபுரம் தொகுதி பாஜக வேட்பாளர்!

ராமநாதபுரம் சட்டப் பேரவைத் தொகுதியில் அதிமுகவினரை அரவணைத்து பிரச்சாரம் செய்வதில் பாஜகவினருக்கு தொடர்ந்து சிக்கல் நீடித்து வருவதாக கூறப்படுகிறது. ராமநாதபுரம் சட்டப் பேரவைத் தொகுதி அதிமுக கூட்டணியில் இடம்பெற்றுள்ள பாஜகவிற்கு ஒதுக்கப்பட்டுள்ளது. அதிமுக தலைவர்களின் ஒத்துழைப்பு இல்லாததால் பாஜக வேட்பாளரின் பிரச்சாரத்தில் தொடர்ந்து மந்தநிலை நீடித்து வருவதாக கூறப்படுகிறது. அதிமுக வசம் இருந்த ராமநாதபுரம் தொகுதியை பாஜகவிற்கு ஒதுக்கியுள்ளதால் அதிமுக-வினரிடையே அதிருப்தி நிலவுவதாக கூறப்படுகிறது. முன்னாள் அமைச்சர் மணிகண்டன் இந்தமுறை தனக்கு சீட் கிடைக்காத விரக்தியில் ராமநாதபுரம் மாவட்டத்திற்கு இன்னமும் வரவில்லை. அதனால் தான் மத்திய இணைஅமைச்சர் வி.கே.சிங் மணிகண்டன் வீட்டிற்கே சென்று அவரது தந்தையான அதிமுக மாவட்ட அவைத்தலைவர் முருகேசனை சந்தித்து பேசியது அரசியல் வட்டாராங்களில் பரவலாக பேசப்படுகிறது. இருந்த போதும், மணிகண்டன் இதுவரை களத்திற்கு வரவில்லை. முன்னாள் எம்.பி.யும், அதிமுக மூத்த தலைவருமான அன்வர் ராஜாவும் பிரச்சாரம் மேற்கொள்வதில் அவ்வளவாக ஆர்வம் காட்டவில்லை என்றே சொல்லப்படுகிறது. தொகுதியில் அ.தி.மு.கவினரின் ஆதரவு முழுமையாக கிடைக்காத நிலையில் பாஜக வேட்பாளர் குப்புராமு மற்றும் பாஜகவினர் திணறி வருவதாக கூறப்படுகிறது. இராமநாதபுரம் சட்டமன்ற தொகுதியில் அதிமுகவினரை பிரசாரத்தில் பங்கேற்க செய்யும் முயற்சிகளில் பாஜகவினர் ஈடுபட்டுள்ளனர். இதுஒருபுறம் இருக்க இராமநாதபுரம் தொகுதியில் திமுக வேட்பாளர் சத்தமில்லாமல் தீவிர பிரச்சாரம் செய்து வருகின்றார்.
http://dlvr.it/Rw6d72

Read More

டேபிள் டென்னிஸ் பிரிவில் தங்கம் வெல்வோம் - ஒலிம்பிக் போட்டியில் தகுதிபெற்ற தமிழக வீரர்கள்!

இந்தியாவிற்காக டேபிள் டென்னிஸ் பிரிவில் தங்கம் வெல்வோம் என, ஒலிம்பிக் போட்டியில் விளையாட தகுதிபெற்ற தமிழக வீரர்கள் தெரிவித்துள்ளனர். ஜப்பான் தலைநகர் டோக்கியோவில் வருகிற ஜூலை 23ஆம் தேதி நடைபெறவுள்ள ஒலிம்பிக் போட்டிக்கான தகுதிச்சுற்று போட்டி தோகாவில் நடைபெற்றது. இதில் வெற்றிபெற்ற தமிழக டேபிள் டென்னிஸ் வீரர்கள் சத்தியன் ஞானசேகரன், சரத் கமல் ஆகியோர் ஒலிம்பிக் போட்டியில் விளையாட தகுதி பெற்றனர். இந்நிலையில் தோகாவிலிருந்து சென்னை வந்த இவர்களை, தமிழக விளையாட்டு மேம்பாட்டு ஆணைய அதிகாரிகள் வரவேற்று, வாழ்த்து தெரிவித்தனர். "முதல்முறையாக ஒலிம்பிக் போட்டியில் விளையாட தகுதியடைந்துள்ளேன். சிறுவயது கனவு தற்போது நனவாகியுள்ளது. வெளிநாடுகளில் சென்று பயிற்சி மேற்கொள்ள திட்டமிட்டுள்ளோம்" என்று சத்தியன் ஞானசேகரன் கூறியுள்ளார். “4ஆவது முறையாக ஒலிம்பிக் போட்டியில் பங்கேற்கவுள்ளேன். ஒலிம்பில் போட்டியில் பதக்கம் வெல்ல வாய்ப்புள்ளது” என்று சரத் கமல் கூறியுள்ளார்.
http://dlvr.it/Rw6d6B

Read More

அனைத்து ரேஷன் அட்டைதாரர்களுக்கும் 6 சிலிண்டர்: முதல்வர் அறிவிப்பு

அனைத்து ரேஷன் அட்டைதாரர்களுக்கும் 6 சிலிண்டர் வழங்கப்படும் என முதலமைச்சர் பழனிசாமி அறிவித்துள்ளார். முதலமைச்சர் பழனிசாமி ஏற்கெனவே வெளியிடப்பட்ட தேர்தல் அறிக்கையில் அரசி அட்டைதாரர்களுக்கு ஒரு வருடத்திற்கு 6 சிலிண்டர் வழங்கப்படும் எனத் தெரிவித்திருந்தார். இந்நிலையில், தற்போது அரிசி, சர்க்கரை உள்ளிட்ட அனைத்து ரேஷன் அட்டைதார்களுக்கும் ஆண்டுக்கு 6 சிலிண்டர் வழங்கப்படும் எனத் தெரிவித்துள்ளார். மேலும், பேசிய முதல்வர் “நெசவாளர்களுக்கு வழங்கப்படும் இலவச மின்சாரம் 200 யூனிட்டிலிருந்து 1000 யூனிட்டாக உயர்த்தப்படும். செய்யாறு அருகே வட இலுப்பையில் பாலாற்றில் 27 கோடி ரூபாயில் தடுப்பனை கட்டியது அதிமுக அரசு” என்றார்.
http://dlvr.it/Rw4YvP

Read More