ரஜினிக்கு தாதா சாகேப் பால்கே விருது: பிரதமர் மோடி, முதல்வர் பழனிசாமி, கமல் வாழ்த்து

தாதா சாகேப் பால்கே விருது அறிவிக்கப்பட்டுள்ள ரஜினிகாந்துக்கு பிரதமர் மோடி, முதலமைச்சர் பழனிசாமி, கமல்ஹாசன், ஆகியோர் வாழ்த்து தெரிவித்துள்ளனர். தமிழ் திரைத்துறையில் உச்ச நட்சத்திரமான ரஜினிகாந்த் இந்தி, தெலுங்கு, கன்னடம் என பல மொழிகளில் பல படங்களில் சிறப்பான பங்களிப்பை அளித்துள்ளார். இதற்காக 51வது தாதா சாகேப் பால்கே விருது நடிகர் ரஜினிகாந்துக்கு வழங்கப்படும் என மத்திய அமைச்சர் பிரகாஷ் ஜவடேகர் தெரிவித்துள்ளார். இந்நிலையில், ரஜினிக்கு பிரதமர் மோடி ட்விட்டரில் வாழ்த்து தெரிவித்துள்ளார். அதேபோல், முதலமைச்சர் எடப்பாடி பழனிசாமி நடிகர் ரஜினிகாந்துக்கு தொலைபேசியில் வாழ்த்து தெரிவித்துள்ளார். மேலும் பல விருதுகள் பெற வேண்டும் எனவும் அவர் வாழ்த்து தெரிவித்தார். உயரிய விருதான தாதா சாகேப் பால்கே விருது உச்ச நட்சத்திரமும் என் மனதிற்கு இனிய நண்பருமான ரஜினிகாந்திற்கு அறிவிக்கப்பட்டிருப்பது பெரும் மகிழ்வளிக்கிறது. திரையில் தோன்றுவதன் மூலமே ரசிகர்களை வென்றெடுத்துவிட முடியும் என்பதை நிரூபித்த ரஜினிக்கு இந்த விருது 100% பொருத்தம். — Kamal Haasan (@ikamalhaasan) April 1, 2021 அதேபோல் நடிகர் கமல்ஹாசன் ரஜினிகாந்துக்கு வாழ்த்து தெரிவித்துள்ளார். இதுகுறித்து அவர் தனது ட்விட்டர் பக்கத்தில், “உயரிய விருதான தாதா சாகேப் பால்கே விருது உச்ச நட்சத்திரமும் என் மனதிற்கு இனிய நண்பருமான ரஜினிகாந்திற்கு அறிவிக்கப்பட்டிருப்பது பெரும் மகிழ்வளிக்கிறது. திரையில் தோன்றுவதன் மூலமே ரசிகர்களை வென்றெடுத்துவிட முடியும் என்பதை நிரூபித்த ரஜினிக்கு இந்த விருது 100% பொருத்தம்” எனத் தெரிவித்துள்ளார்.
http://dlvr.it/RwnqbG

Read More

கேரளா: தனது துப்பட்டாவைக் கொடுத்து உதவிய பிரியங்கா காந்தி - நெகிழ்ந்த வேட்பாளர்!

கேரள மாநிலம் காயங்குளம் தொகுதியில் திறந்த வாகனத்தில் பிரியங்கா காந்தி பிரசாரம் மேற்கொண்டார். காயங்குளம் தொகுதி காங்கிரஸ் வேட்பாளர் அரிதாவும், பிரியங்கா காந்தியுடன் வாகன பிரசாரத்தில் கலந்துகொண்டார். பிரியங்கா காந்தி பிரசாரம் தொடங்கும் முன் அரிதாவின் குடும்பம், பெற்றோர் குறித்து கேட்டு தெரிந்துகொண்டார். காயங்குளம் கமலாலயம் ஜங்சன் பகுதிக்கு வாகனம் சென்றபோது, இங்கிருந்து இரண்டு கிலோ மீட்டர் தூரத்தில் தனது வீடு இருப்பதாக அரிதா கூறினார். உடனே வாகனத்தை அரிதாவின் வீட்டுக்கு விடும்படி கூறினார் பிரியங்கா. புதுப்பள்ளி பகுதியில் உள்ள அரிதாவின் வீட்டுக்குச் சென்றபோது வீடு பூட்டிக்கிடந்தது. அவரது தாயும், தந்தையும் பிரியங்கா காந்தியை பார்க்க கிருஷ்ணாபுரம் தேசிய நெடுஞ்சாலையில் காத்திருந்தனர். உடனே அரிதா பெற்றோருக்கு போனில் தகவல் கூறினார். உடனடியாக காரில் புறப்பட்டு வந்தனர் அரிதாவின் பெற்றோர். அவர்கள் வந்து சேரும் வரை பத்து நிமிடம் காத்திருந்தார் பிரியங்கா.வேட்பாளர் வீட்டில் பிரியங்கா காந்தி அரிதாவின் பெற்றோர் வந்ததும் கதவை திறந்தனர். பிரியங்கா காந்தி சிறிது நேரம் அவர்களுடன் பேசிக்கொண்டிருந்தார். பின்னர் அரிதா-வின் குடும்பத்துடன் செல்ஃபி எடுத்துக்கொண்டார் பிரியங்கா. அரிதாவின் தந்தை துளசிதரன் சிறு வயது முதல் காங்கிரஸ் கட்சியில் இருக்கிறார். பிரியங்கா காந்தி வீட்டுக்கு திடீரென விசிட் அடித்ததால் ஏக மகிழ்ச்சியில் இருக்கிறார் துளசிதாஸ். காங்கிரஸ் தொண்டர்களும் குதூகலமாகிவிட்டனர். பின்னர் திருவனந்தபுரம் ஆற்றுக்கால் பகவதி அம்மன் கோயிலுக்கு நேற்று மாலை நடை சாத்தும் வேளையில் பிரியங்கா காந்தி சென்றார். அப்போது ஏற்பட்ட நெரிசலில் விளக்கின் அருகில் நின்றுகொண்டிருந்த வட்டியூர்காவு தொகுதி காங்கிரஸ் வேட்பாளர் வீணா எஸ்.நாயரின் ஆடையில் திடீரென தீ பிடித்தது. பிரியங்கா காந்தியின் பாதுகாவலர்கள் உடனடியாக தீயை அணைத்தனர். இதை பார்த்து ஒருகணம் திகைத்த பிரியங்கா காந்தி, உடனே வீணாவை அணைத்து ஆறுதல் கூறினார். இதுகுறித்து வீணா எஸ்.நாயர் கூறுகையில்,``ஆற்றுக்கால் கோயிலில் பிரியங்கா காந்தி எலுமிச்சை விளக்கு ஏற்றும்போது ஏற்பட்ட நெரிசலில் எனது ஆடையில் தீ பிடித்தது. பாதுகாவலர்கள் தீயை அணைத்தாலும் நான் அந்த அதிர்ச்சியில் இருந்து மீளவில்லை. அப்போது பிரியங்கா காந்தி என்னை சேர்த்து பிடித்து ஒரு சகோதரியைப் போல தைரியம் கொடுத்தார். பின்னர் காரின் அருகில் சென்றபோது நான் அவரிடம் சில விஷயங்கள் சொல்லவேண்டும் என கூறினேன். உடனே அவரது காரில் என்னையும் அழைத்துச் சென்றார். காரில் செல்லும்போது சண்புரூப் கிளாஸ் வழியாக எழுந்து நின்று ரோட்ஷோவில் மக்களை பார்க்கும்படி என்னை அழைத்தார். தீ பிடித்ததில் எனது ட்ரெஸ் மோசமாக இருப்பது குறித்து சொன்னேன். உடனே அவரது சுடிதாரில் உள்ள துப்பட்டாவை எனக்கு தந்து போர்த்திக்கொள்ளும்படி கூறினார். ஒரு மூத்த சகோதரியாக இருந்து, ஒரு குழந்தையைப் போல என்னை பாவித்தார்" என நெகிழ்ச்சியாக தெரிவித்தார்.
http://dlvr.it/RwmHjx

Read More

பைக் பேரணி, வெறுக்கத்தக்க கோஷம், கல்வீச்சு - யோகி ஆதித்யநாத் கோவை வருகை ரிப்போர்ட்!

தேர்தல் பரப்புரைக்காக உத்தரப்பிரதேச மாநில முதல்வர் யோகி ஆதித்யநாத் இன்று கோவை வந்திருந்தார். இதற்காகத் தனி விமானம் மூலம் லக்னோவிலிருந்து கோவை விமான நிலையம் வந்த யோகி, புலியகுளம் பகுதியில் பா.ஜ.க இருசக்கர வாகனப் பேரணியைத் தொடங்கிவைக்க வந்தார். அப்போது, புலியகுளம் விநாயகர் கோயிலில் யோகி ஆதித்யநாத் சாமி தரிசனம் செய்தார்.யோகி ஆதித்யநாத் இதையடுத்து பேரணியைத் தொடங்கிவைத்து யோகியும் வானதியும் அங்கிருந்து ராஜவீதி வரை செல்ல ஒரு வாகனத்தைப் பிரத்யேகமாகத் தயார் செய்திருந்தனர். ஆனால், யோகி ஆதித்யநாத் அந்த வாகனத்தில் ஏற மறுத்துவிட்டார். Also Read: உ.பி : `கடந்த 6 ஆண்டுகளாக மோடி விவசாயிகளுக்காகப் பாடுபட்டுவருகிறார்’ - யோகி ஆதித்யநாத் ``வாகனத்தில் ஏறி கை மட்டுமாவது அசையுங்கள்” என வானதி கேட்டுக்கொண்டார். சற்று யோசித்துவிட்டு யோகி வாகனத்தில் ஏறி கையசைத்துவிட்டு, காரில் ஏறி பொதுக்கூட்டம் நடைபெற்ற இடத்துக்குச் சென்றுவிட்டார். ஆனால், யோகி மேடை ஏறியபோது அங்கு பெரிய அளவுக்குக் கூட்டம் சேரவில்லை.பேரணியோகி ஆதித்யநாத் வெயிலும் கடுமையாக வாட்டிக்கொண்டிருந்ததால் அங்கிருந்த சிலரும் நிழலில்தான் நின்றுகொண்டிருந்தனர். இதனால் மேடையில் இருந்தவர்கள், ``நிறைய இடம் காலியா இருக்கு. தயவு செஞ்சு முன்னாடி வந்து உட்க்காருங்க. வெயிலையெல்லாம் பார்க்காதீங்க. அப்புறம் நாம ஜெயிக்கவே முடியாது” என்று கெஞ்சாத குறையாகக் கூறினர். சிறிது நேரம் கழித்து பேரணியில் இருந்தவர்கள் வந்த பிறகுதான் ஓரளவுக்குக் கூட்டம் கூடியது. அதிலும் வட இந்தியர்களின் எண்ணிக்கை சற்று அதிகமாக இருந்தது. மேடை ஏறிய பிறகு, வானதி சீனிவாசன், யோகி ஆதித்யநாத்தின் காலில் விழுந்து ஆசீர்வாதம் வாங்கினார். மேடையின் முன் பகுதியிலிருந்த ஆர்ச்சில் மறைந்த முதல்வர் ஜெயலலிதா, அமைச்சர் எஸ்.பி.வேலுமணி, வானதி சீனிவாசன் படங்கள் மட்டுமே இடம்பெற்றிருந்தன.பொதுக்கூட்ட மேடைவானதி, யோகி ஆதித்யநாத் பிரதமர் மோடியின் படம் மிஸ்ஸிங். மேடையில் ஒரு ஓரமாகத்தான் மோடி படம் இடம்பெற்றிருந்தது. ஏ.பி.முருகானந்தம் மொழிபெயர்க்க, கடைசியாக மைக் பிடித்தார் யோகி ஆதித்யநாத். வழக்கம் போல், ``தி.மு.க - காங்கிரஸ் கட்சியினர் பெண்களுக்கு எதிரானவர்கள். அயோத்தி ராமர் கோயிலுக்கு தமிழகத்திலிருந்து ரூ.120 கோடி நிதி வந்திருக்கிறது. மோடியின் பார்வை தமிழகத்தில்தான் இருக்கிறது. இந்தியாவில் கொரோனா நோய் முறியடிக்கப்பட்டு, அதன் தாக்கம் குறைக்கப்பட்டுள்ளது.யோகி ஆதித்யநாத் கூட்டம் வானதி சீனிவாசனை தமிழகத்திலேயே அதிக வாக்குகள் வித்தியாசத்தில் வெற்றிபெற வைக்க வேண்டும்” என்று பேசினார். தனது பேச்சில் இரண்டு இடங்களில் வேலுமணியின் பெயரைக் குறிப்பிட்டு அவருக்காகவும் யோகி பிரசாரம் செய்தார். யோகி ஆதித்யநாத் வருகைக்காக கோவை மாநகரின் பல முக்கியச் சாலைகளில் போக்குவரத்து மாற்றம் செய்யப்பட்டிருந்தது. இதனால், பொதுமக்கள் சிரமப்பட்டனர். பா.ஜ.க இருசக்கர வாகன பேரணியின்போது, டவுன்ஹால் பகுதியில் சில அசம்பாவிதங்கள் நடைபெற்றதாகவும் புகார் எழுந்துள்ளது. அதன்படி, சிலர் அங்குள்ள மசூதி அருகே வெறுக்கத்தக்க வகையில் கோஷங்கள் எழுப்பியதாகவும், பேரணி தகராறு அங்கிருந்த கடைகளை மூடச்சொல்லி தகராறு செய்ததாகவும் புகார்கள் எழுந்துள்ளன. இது தொடர்பாக, நாம் தமிழர் கட்சியின் கோவை தெற்குத் தொகுதி வேட்பாளர் வஹாப், வானதி சீனிவாசன் மீது நடவடிக்கை எடுக்க வலியுறுத்தி கோவை மாவட்ட தேர்தல் அலுவலரிடம் புகாரளித்துள்ளார்நாம் தமிழர் புகார்நாம் தமிழர் புகார் இந்தநிலையில், அனுமதியின்றி இரு சக்கரப் பேரணியில் ஈடுபட்டதற்கும், அங்கிருந்த கடை மீது கல்வீசியவர்கள் மீதும் வழக்கு பதிவு செய்து கைதுசெய்ய நடவடிக்கை எடுப்போம் என அதிகாரிகள் கூறியுள்ளனர்.
http://dlvr.it/RwmHfy

Read More

இன்றே கடைசி நாள்! ஆதார் - பான் இணைப்பது எப்படி?

ஆதார் பான் எண்ணை இணைப்பதற்கான இன்றே கடைசி நாள் என ஏற்கெனவே வருமான வரித்துறை தெரிவித்திருந்தது. மத்திய அரசின் அறிவிப்பின் படி மார்ச் 31ஆம் தேதிக்குள் பான் கார்டு வைத்துள்ள அனைவரும் தங்களது ஆதார் எண் உடன் இணைக்கவேண்டும், இல்லையெனில் உங்களது பான் எண் அல்லது பான் கார்டு செல்லாதது. பான் கார்டு இல்லையெனில் வருமான வரி செலுத்தவும் முடியாது, செலுத்தப்பட்ட வரியை திரும்பவும் பெற முடியாது. எனவே ஆதார் மற்றும் பான் எண் இணைக்க வேண்டியது கட்டாயம். மார்ச் 31, 2021க்குள் ஆதார் மற்றும் பான் எண்-ஐ இணைக்காதவர்களுக்குத் தாமதம் கட்டணமாக 1000 ரூபாயை அபராதமாக விதிக்க மத்திய அரசு நிதியியல் கொள்கை 2021 அறிக்கையில் முக்கிய அறிவிப்பாக வெளியிட்டுள்ளது. இந்த அபராத விதிப்பிற்கு நாடாளுமன்றத்தில் ஒப்புதலும் கிடைத்தது. முன்னதாக ஒருவரே பல பான் கார்டுகளை வைத்துக்கொண்டு மோசடியில் ஈடுபடுவதாகவும், வருமான வரி ஏய்ப்பு, கடன் ஏய்ப்பு உள்ளிட்ட செயல்களில் ஈடுவதாகவும் புகார்கள் எழுந்தன. இதையடுத்து பான் கார்டுடன் ஆதார் எண்ணை இணைப்பது கட்டாயம் என்று மத்திய அரசு கடந்த 2017ம் ஆண்டு சட்டம் கொண்டு வந்தது. இந்த சட்டப்படி பான் எண்ணுடன் ஆதாரை இணைக்காவிட்டால் அவர்களின் பான் கார்டு செயல்பாட்டில் இருக்காது, அதாவது பயனற்றதாகிவிடும் என எச்சரித்து இருந்தது. இதற்காக கால அவகாசம் வழங்கி, பல முறை கால நீட்டிப்பும் செய்தது. கடைசியாக பான் எண்ணுடன், ஆதார் எண்ணை இணைப்பதற்கான கால அவகாசம் மார்ச் 31, 2021 வரை நீட்டிப்பு செய்யப்பட்டு இருந்தது. ஆதார் - பான் இணைப்பது எப்படி? 1. வருமான வரித் தளத்திற்குச் செல்லுங்கள் https://www.incometaxindiaefiling.gov.in/home 2. இடது புறம் இருக்கும் Quick Links பட்டியலில் Link Aadhaar என்பதைக் கிளிக் செய்யுங்கள் 3. குறித்த இணையப் பக்கத்தில் உங்கள் பான் எண், ஆதார் எண், ஆதார் அட்டையில் இருக்கும் பெயர் ஆகியவற்றை நிரப்புங்கள் 4. உங்கள் ஆதார் அட்டையில் பிறந்த வருடம் மட்டும் இருந்தால் செக் பாக்ஸ்-ஐ டிக் செய்யவும். 5. UIDAI அமைப்பிடம் உங்களது ஆதார் தகவல்களைச் சரிபார்க்க ஒப்புதல் அளிக்கச் செக் பாக்ஸ்-ஐ டிக் செய்யவும். 6. Captcha Code-ஐ பதிவு செய்து Link Aadhaar என்பதைக் கிளிக் செய்யவும். ஆதார் - பான் இணைந்ததா சோதிப்பது எப்படி ? 1. முதலில் வருமான வரித் தளத்திற்குச் செல்லுங்கள் https://www.incometaxindiaefiling.gov.in/home 2. லாக்இன் செய்த பின்பு டேஷ்போர்டில் Profile Settings என்பதைக் கிளிக் செய்யுங்கள். 3. Profile Settings-ல் கடைசி ஆப்ஷனாக இருக்கும் Link Aadhaar என்பதைக் கிளிக் செய்யுங்கள் 4. ஏற்கனவே உங்கள் பான் மற்றும் ஆதார் இணைக்கப்பட்டு இருந்தால் Your Pan is Linked to Aadhaar Number XXXX XXXX 1234 என்ற செய்தி கிடைக்கும். 5. இல்லையெனில் ஆதார் பான் இணைப்பதற்கான ஆப்ஷன் வரும்.
http://dlvr.it/Rwk346

Read More

"யாருக்காவது ஓட்டு போடுங்கள், நோட்டோவுக்கு போடாதீர்கள்!" - சீமான்

"சமூக மாற்றத்தைக் கொண்டு வருகிறோம் என்று கூறி நோட்டாவுக்கு ஓட்டுப் போட்டு கேவலப்படுத்தக் கூடாது” என நாம் தமிழர் கட்சியின் தலைமை ஒருங்கிணைப்பாளர் சீமான் கூறியுள்ளார். ஆவடியில் தேர்தல் பரப்புரையில் பேசிய அவர், "அரசியல் என்பதனை மக்களுக்கு சேவையாற்றும் ஒரு தொண்டு என்பதனை, பணம் சம்பாதிக்கும் கம்பெனியாகவும் மாற்றிவிட்டார்கள். அனைவரும் ஓட்டுப்போட வேண்டும். ஒட்டு போடவில்லையென்றால் தேச துரோகம். யாருக்காவது ஓட்டு போடுங்கள். பெரிய புரட்சிக்கர சிந்தனையாளர் மாதிரி, நாங்க தான் சமூக மாற்றத்தை கொண்டு வருகிறோம் என்று கூறி நோட்டாவிற்கு ஓட்டுப்போட்டு கேவலப்படுத்தக்கூடாது. அதிமுக திமுகவினர் ஒரு கோடி, இரண்டு கோடி உறுப்பினர்கள் இருக்கிறார்கள் என்கிறார்கள். ஆனால் ஏன் அவர்கள் ஓட்டுக்கு பணம் கொடுக்க வேண்டும். பெரிய கட்சிக்காரர்கள் 56 கட்சியோடு கூட்டணி வைத்திருக்கிறார்கள். நான் காட்டுக்குள் திரியும் புலி போன்று சிங்கிளாக வருவேன். என்னை கூட்டணி வைக்க சொல்கிறார்கள். 10 சீட்டு, 20 சீட்டுகளுக்கான என் தம்பி தங்கைகளை அடமானம் வைக்க மாட்டேன். கொள்கைக்காக தன்மானம் காப்பேன். அதிமுக அல்லது திமுகவுடன் கூட்டணி வைத்தால் என்னை கரைத்து விடுவார்கள். வைகோ, திருமாவளவன், விஜயகாந்த் ஆகியோரை கரைத்தது போல் என்னையும் கரைத்து விடுவார்கள். நான் மெதுவாக வருவேன். ஆனால் பொதுவாக வருவேன்” என்று சீமான் பேசினார்.
http://dlvr.it/RwhWlH

Read More

பாஜக தேர்தல் விளம்பரத்தில் ப.சிதம்பரம் மருமகளின் படம்: தாமரை மலரவே மலராது என வைரல் பதில்

பாஜகவின் தேர்தல் விளம்பரத்தில் சிவகங்கை நாடாளுமன்ற உறுப்பினர் கார்த்தி சிதம்பரத்தின் மனைவி ஸ்ரீநிதி கார்த்தி சிதம்பரத்தின் படத்தினை பயன்படுத்தியுள்ளது, சமூக வலைத்தளங்களில் வைரலாகி வருகிறது. இதற்கு ஸ்ரீநிதி கார்த்தி சிதம்பரம் காட்டமான பதிலை அளித்துள்ளார் பாஜகவின் தேர்தல் விளம்பரத்தில் முன்னாள் மத்திய நிதி அமைச்சர் ப.சிதம்பரத்தின் மருமகளும், சிவகங்கை நாடாளுமன்ற உறுப்பினர் கார்த்தி சிதம்பரத்தின் மனைவியுமான, ஸ்ரீநிதி கார்த்தி சிதம்பரத்தின் பாரதநாட்டியத்தின் ஒரு பகுதியை பயன்படுத்தியுள்ளனர். Faux pas by Tamil Nadu BJP! ?They have used a portion of Bharatanatyam performed by Srinidhi Karti Chidambaram in their election promo. She had performed this 10 years back for the "Semmozhi" song penned by M Karunanidhi and composed by AR Rahman. #TamilNaduElections pic.twitter.com/dlEsNFR8rx — Shilpa Nair (@NairShilpa1308) March 30, 2021 இந்த புகைப்படக்காட்சிகள், தமிழக முன்னாள் முதல்வர் கருணாநிதி எழுதி, ஏ.ஆர்.ரஹ்மான் இசையமைத்த "செம்மொழியான தமிழ்மொழியே" பாடலுக்காக 10 ஆண்டுகளுக்கு எடுக்கப்பட்ட வீடியோவில் ஸ்ரீநிதி கார்த்தி சிதம்பரம் தோன்றிய பரதநாட்டிய காட்சிகளில் இருந்து எடுக்கப்பட்டுள்ளது. இந்த தேர்தல் விளம்பரம் சமூக வலைத்தளங்களில் வைரலாக தொடங்கியதும், கடும் விமர்சனங்கள் எழ ஆரம்பித்தன. இதற்கு பதிலளித்துள்ள ஸ்ரீநிதி கார்த்தி சிதம்பரம் “ பாஜகவின் தேர்தல் விளம்பரத்துக்காக எனது புகைப்படத்தை பயன்படுத்தியது அபத்தம். தமிழகத்தில் தாமரை என்றும் மலராது” என தெரிவித்திருக்கிறார்
http://dlvr.it/RwhWkX

Read More

"மதவாத சக்திகளுக்கு தமிழகத்தில் இடமில்லை. இது பெரியாரின் மண்!" - திருமாவளவன்

"தற்போது பாஜகவாக மாறிவிட்டது அதிமுக. மதவாத சக்திகளுக்கு தமிழகத்தில் இடமில்லை. இது பெரியாரின் மண்" என்றார் விடுதலைச் சிறுத்தைகள் கட்சித் தலைவர் திருமாவளவன். நாகப்பட்டினம் சட்டப்பேரவைத் தொகுதி விடுதலை சிறுத்தைகள் கட்சியின் வேட்பாளர் ஆளூர் ஷாநவாஸுக்கு ஆதரவாக அக்கட்சியின் தலைவர் திருமாவளவன் நாகை அவுரிதிடலில் நடந்த பொதுகூட்டத்தில் பரப்புரை மேற்கொண்டார். அப்போது அவர் பேசியதாவது:  "திமுக கூட்டணியில் 6 சட்டப்பேரவைத் தொகுதிகள், விடுதலைச் சிறுத்தைகள் கட்சிக்கு வழங்கப்பட்டது. அதில் 2 பொது தொகுதிகள் கேட்டோம். வெற்றி வாய்ப்பு உள்ள தொகுதி நாகை என தெரிவித்தே ஸ்டாலின் வழங்கினார். அந்த ஆறு தொகுதிகளில் வெற்றி வாய்ப்பு உள்ள வேட்பாளர்களை களம் இறங்கியுள்ளோம். கடந்த கால தேர்தல்போல் இல்லமால் இந்த சட்டப்பேரவைத் தேர்தல் கடினமான தேர்தல். எதிரில் இருப்பவர்கள் அதிமுக, பாமககாரர்கள் மட்டும் இல்லை, பாஜக கட்டுப்பாட்டில் உள்ளவர்கள். தற்போது திமுகவை எதிர்த்து நிற்கும் தகுதியை அதிமுக இழந்துவிட்டது. கடந்த நாடாளுமன்றத் தேர்தலில் மோடியை நேரடியாக எதிர்த்து பிரசாரம் செய்த ஜெயலலிதா, இனி எந்த காலத்திலும் பாஜகவுடன் எந்த உறவும், தொடர்பும் இருக்காது என்று தெரிவித்தார். ஆனால், அவரை குல தெய்வமாக வணங்குவதாக கூறும் எடப்பாடி பழனிசாமியும், ஓ.பன்னீர்செல்வமும் பாஜகவிடம் கூட்டணி வைத்தது, ஜெயலிதாவிற்கும் அதிமுக தொண்டர்களுக்கும் செய்தது தூரோகம் இல்லையா? தற்போது அதிமுக, அதிமுகவாக இல்லை; பாஜகவாக மாறிவிட்டது. நீங்கள் இரட்டை இலைக்கும், மாம்பழத்திற்கும் வாக்களித்தால், அது தாமரைக்கு வாக்களித்ததாகவே அர்த்தம். அதிமுக கூட்டணி கட்சியினரை உறுப்பினராக மக்கள் தேர்வு செய்தால், பாஜக உறுப்பினராகத்தான் வேலை பார்ப்பார்கள். திமுகவை எதிர்த்து அதிமுக, பாமக போட்டியிடவில்லை, பாஜகதான் 234 தொகுதிகளிலும் நிற்கிறது. தமிழகத்தில் அதிமுகவை வீழ்த்தி பாஜக வளர பார்க்கிறது. இந்தியா முழுவதும் பல்வேறு மாநிலங்களில் சொந்தக் கூட்டணி கட்சி உறுப்பினர்களை விலைக்கு வாங்குதுதான் பாஜகவின் கேவலமான வேலை. தமிழகத்தில் பெரிய அரசியலில் திமுகவா, பாஜகவா என்பதை கணக்குப் போட்டு காய் நகர்த்துகிறது பாஜக. சட்டமன்ற தேர்தலுக்கு பின் அதிமுக இருக்குமா என்பது கேள்விக்குறிதான். பாஜக இந்தியாவில் பல்வேறு சட்டங்களை மக்களுக்கு எதிராக கொண்டுவந்து சாதி, மத ரீதியான பிளவை ஏற்படுத்த நினைக்கிறது. இதை உணர்ந்துதான் எந்த நிபந்தனையும் இன்றி திமுகவுக்கு விடுதலைச் சிறுத்தைகள் ஆதரவு அளித்து வருகிறது. இது தெரிந்தே பதவிக்காக பழனிசாமியும், ராமதாஸும் கூட்டணி பாஜக உடன் அமைத்துள்ளனர். பாஜகவால் இந்தியாவில் வீழ்த்த முடியாத கட்சி, விடுதலைச் சிறுத்தைகள் கட்சி. பாஜகவின் சதி முயற்சியை ஒழித்து கட்டதான் திமுகவுடன் கூட்டணி வைத்தோம். 6 சீட்டு என்பது முக்கியம் இல்லை. பாஜகவுக்கு தமிழகத்தில் இடம் இல்லை என்பதுதான் முக்கியம் திமுகவுக்கு விடுதலைச் சிறுத்தையும், விடுதலைச் சிறுத்தைக்கு திமுகவும் உற்ற துணையாக இருக்கும். மதவாத சக்திகளுக்கு தமிழகத்தில் இடம் இல்லை. இது பெரியாரின் மண். தமிழகத்தில் மட்டுமல்ல, பாஜக இந்தியாவில் மீண்டும் ஆட்சியை பிடித்தால் டெல்டா விவசாயிகள் இடம் பெயரும் நிலை ஏற்படும். கொடிய ஆபத்தில் இருந்து தமிழகத்தை காப்பற்ற ஸ்டாலின் முதல்வராக வேண்டும்" என்று திருமாவளவன் பேசினார்.
http://dlvr.it/RwfHl5

Read More