மும்பை: பாலியல் துன்புறுத்தலுக் குள்ளான சிறுமி, வாக்குமூலத்தைத் தடுத்த தாய்... கண்டித்த நீதிமன்றம்!

மும்பை புறநகர் பகுதியில் உள்ள அடுக்குமாடி குடியிருப்பு ஒன்றில் வசித்து வரும் 65 வயது நபர், அக்கட்டடத்தின் சங்கத் தலைவராகவும் இருந்து வந்தார். அதே கட்டடத்தில் வசிக்கும் 5 வயதுச் சிறுமி, அந்த 65 வயது முதியவரின் பேத்தியுடன் சேர்ந்து விளையாடுவது வழக்கம். அப்படித்தான், 2014-ம் ஆண்டு ஜனவரி 26-ம் தேதி சிறுமி முதியவர் வீட்டுக்கு வந்தாள். அரை மணி நேரம் கழித்து, தன் குழந்தையை அழைத்துச் செல்வதற்காக அச்சிறுமியின் அப்பா வந்தார். ஆனால் சிறுமி, 'நான் வர மாட்டேன், இப்போதுதான் என் தோழி உறக்கத்தில் இருந்து எழுந்திருக்கிறாள்' என்று கூறினாள். அப்படி என்றால், இவ்வளவு நேரமும் என்ன செய்தாய் என்று அச்சிறுமியிடம் அவரின் அப்பா கேட்டதற்கு, அவ்வீட்டிலிருந்த அந்த 65 வயது முதியவர், தன்னை 'பேட் டச்' செய்ததாகச் சிறுமி தெரிவித்தாள். அவளை உடனடியாக அவள் அப்பா அங்கிருந்து அழைத்துச் சென்றுவிட்டார். Child Abuse (Representational Image) மறுநாள், 65 வயது முதியவரின் செயல்பாடு குறித்து சிறுமியின் அம்மா போலீஸில் புகார் செய்தார். போலீஸார் போக்ஸோ சட்டத்தின் கீழ் வழக்குப் பதிவு செய்து முதியவரை கைது செய்தனர். இச்சம்பவம் நடந்த சில நாள்களில் சிறுமியின் பெற்றோர் வீட்டையே காலி செய்துவிட்டனர். மூன்று மாதங்கள் சிறையில் இருந்த முதியவர் பின்னர் ஜாமீனில் விடுவிக்கப்பட்டார். இது தொடர்பான வழக்கு மும்பை அமர்வு நீதிமன்றத்தில் விசாரணைக்கு வந்தபோது, சிறுமியை அவளின் அம்மா வாக்குமூலம் கொடுக்க அனுமதிக்க மறுத்துவிட்டார். மேலும், முதியவர் குடும்பத்துக்கும், சிறுமியின் குடும்பத்துக்கும் காரை நிறுத்துவது தொடர்பாகத் தகராறு இருந்து வந்ததும் விசாரணையில் தெரிய வந்தது. அதோடு கோர்ட்டில் சிறுமியின் அம்மா, தன் வீட்டு உண்மையான முகவரியைக் கொடுக்காமல் போலி முகவரியைக் கொடுத்திருந்ததும் தெரியவந்தது. கோர்ட் விசாரணையின்போது சாட்சியாக ஆஜரான முதியவரின் மகன், 'சம்பவம் நடந்ததாகக் கூறப்பட்ட அந்த நாளில், மாலை 5.30 முதல் 6.30 வரை வீட்டின் முன் அறையில் அனைவரும் அமர்ந்து பலகாரம் சாப்பிட்டுக்கொண்டிருந்தோம். அந்நேரம் சிறுமியின் அப்பா வந்து, மேலிருந்து தனது காரில் குப்பையைக் கொட்டிவிட்டதாக வாக்குவாதத்தில் ஈடுபட்டார்' என்று தெரிவித்தார். இதையடுத்து இவ்வழக்கிலிருந்து முதியவரை விடுவித்த கோர்ட், பாதிக்கப்பட்ட சிறுமியை வாக்குமூலம் கொடுக்க அனுமதிக்காததற்கு அவள் குடும்பத்துக்குத் தனது கண்டனத்தை தெரிவித்தது. 'பாதிக்கப்பட்ட சிறுமி நேரில் ஆஜராகி வாக்குமூலம் கொடுக்க அனுமதிப்பது அம்மாவின் கடமையாகும்.Child crime குற்றவாளிக்கு எதிராக நேரடி சாட்சியம் எதுவும் இல்லை. குற்றச்சாட்டில் உண்மை இருக்கும்பட்சத்தில் பாதிக்கப்பட்ட சிறுமி வாக்குமூலம் கொடுப்பதிலிருந்து பெற்றோர் தடுத்திருக்கக் கூடாது' என்று நீதிமன்றம் தெரிவித்தது. இச்சம்பவத்தைத் தங்கள் மகள் மறந்துவிட்டதாகச் சிறுமியின் பெற்றோர் தெரிவித்தனர். ஆனால், 'இச்சம்பவம் குறித்து சிறுமி மறந்திருக்க மாட்டாள். சிறார் வதை செய்யும் செயல்களை சிறுமியால் மறந்திருக்க முடியாது. சட்டத்தின் மீதும் உண்மையின் மீதும் நம்பிக்கை வைத்த படித்த குடும்பத்தினர், இதுபோன்ற சம்பவங்களில் நீதி கிடைப்பதை உறுதிப்படுத்த வேண்டும். சிறுமி வாக்குமூலம் கொடுப்பதைத் தடுத்திருக்கக் கூடாது. அப்போதுதான் தவறு செய்தவர் தண்டிக்கப்பட வாய்ப்பு உண்டாகும்' என்று தெரிவித்தார் நீதிபதி. தொடர்ந்து, குற்றம் சாட்டப்பட்ட முதியவரை இவ்வழக்கில் இருந்து கோர்ட் விடுவித்தது.
http://dlvr.it/Rwy0hg

Read More

மக்களை வதைத்து விட்டு மீனாட்சியை கும்பிட்டால் போதுமா? - நடிகை ரோகிணி கேள்வி

நாட்டு மக்களை எல்லாம் வதைக்கும் வகையிலான திட்டங்களை செயல்படுத்திவிட்டு, மீனாட்சி அம்மனை வணங்கினால் எல்லாம் சரியாகி விடுமா என நடிகை ரோகிணி கேள்வி எழுப்பியுள்ளார். மதுரை திருப்பரங்குன்றம் தொகுதியில் அதிமுக வேட்பாளராக முன்னாள் மேயர் ராஜன் செல்லப்பாவை எதிர்த்து திமுக கூட்டணியில் மார்க்சிஸ்ட் கம்யூனிஸ்ட் சார்பில் பொன்னுத்தாய் போட்டியிடுகிறார். பொன்னுத்தாய்க்கு ஆதரவாக வாக்கு கேட்டு நடிகை ரோகிணி திருப்பரங்குன்றம் தொகுதிக்கு உட்பட்ட பல்வேறு பகுதிகளில் பிரச்சாரம் செய்தார். அப்போது பேசிய அவர்... பாஜக அரசு குடியுரிமை திருத்தச் சட்டம் கொண்டு வந்து மக்களை கொடுமைபடுத்தினார்கள். இதுபோல மக்களை வதைக்கும் பல திட்டங்களை எல்லாம் செய்து விட்டு இப்போது மதுரைக்கு வந்து மீனாட்சி அம்மனை கும்பிட்டால் மட்டும் போதுமா? பாஜகவின் அனைத்து திட்டங்களும் மக்களுக்கு எதிராக உள்ளது. அது நமது அடுத்த தலைமுறையினருக்கும் எதிரானது. கேஸ் விலை ஏறிவிட்டது. அதிமுக ஆட்சியில் இருந்தபோது அதையெல்லாம் கட்டுப்படுத்தி இருக்கலாம். ஆனால் இப்போது வந்து 6 சிலிண்டர் தர போவதாக சொல்கிறார்கள். அந்த சிலிண்டரில் கேஸ் இருக்குமோ இருக்காதோ தெரியாது. விவசாய நிலங்களை கார்பரேட் கம்பெனிகளுக்கு தாரைவார்த்து கொடுப்பதற்காக அமல்படுத்தப்பட்ட திட்டங்கள்தான் வேளாண் சட்டங்கள். அதையெல்லாம் அப்போது ஆதரித்து விட்டு இப்போது, அதை தடுக்க போவதாக சொல்கிறார்கள். உபி-யில் கொலை செய்யப்பட்ட பட்டியலின பெண் குழந்தை கொலைக்கு பதிலில்லை. பொள்ளாச்சி பாலியல் வன்கொடுமைக்கு நடவடிக்கை எடுக்கவில்லை. தூத்துக்குடியில் சுத்தமான காற்றுக்காக ஸ்டெர்லைட்க்கு எதிராக போராடிய மக்களை சுட்டுக் கொன்றார்கள். மருத்துவ படிப்புகளில் நம் குழந்தைகள் தேர்ச்சி பெற்று விடக்கூடாது என்பதற்காக, பல நுழைவு தேர்வுகளை புகுத்தி உள்ளார்கள். அப்படியே படித்து வந்தாலும் நம் குழந்தைகளுக்கு வேலை இல்லை. வடமாநில மக்களுக்குதான் வேலையில் முன்னுரிமை.இப்படி பல மக்கள் விரோத செயல்களில் ஈடுபட்ட அரசுக்கு முடிவு கட்ட வேண்டும் என பேசினார்.
http://dlvr.it/RwwX4T

Read More

"வருமான வரித்துறையினரின் சோதனை திட்டமிட்டு பழிவாங்கும் அரசியல் செயல்" - திருமாவளவன்

திமுக தலைவர் மு.க.ஸ்டாலினின் மகள் வீட்டில் வருமான வரித்துறையினர் சோதனை நடத்தி வருவது திட்டமிட்டு பழிவாங்கும் அரசியல் செயல் என விடுதலை சிறுத்தைகள் கட்சித் தலைவர் தொல்.திருமாவளவன் தெரிவித்துள்ளார்.
http://dlvr.it/RwvKZV

Read More

செந்தில் பாலாஜியை மிரட்டிய புகாரில் அண்ணாமலை மீது 3 பிரிவுகளில் வழக்குப்பதிவு

திமுக வேட்பாளர் செந்தில் பாலாஜியை மிரட்டிய புகாரில் பாஜக வேட்பாளர் அண்ணாமலை மீது கொலைமிரட்டல் உள்ளிட்ட 3 பிரிவுகளில் அரவகுறிச்சி காவல் நிலையத்தில் வழக்குப்பதிவு செய்யப்பட்டுள்ளது. முன்னதாக, பரப்புரையொன்றில் பேசிய செந்தில்பாலாஜி, “திமுக ஆட்சிக்கு வந்த உடன் மாட்டு வண்டியை ஆற்றுக்கு ஓட்டலாம். எந்த அதிகாரியும் தடுக்க மாட்டார். ஒரு வேளை தடுத்தால் என்னை அழையுங்கள். அந்த அதிகாரி அங்கு இருக்க மாட்டார்.” என்றார். அதனைத்தொடர்ந்து அரவக்குறிச்சி தொகுதியில் பரப்புரை மேற்கொண்ட பாஜக வேட்பாளர் அண்ணாமலை, ”செந்தில் பாலாஜியை தூக்கிப் போட்டு மிதித்தால் பற்கள்லெல்லாம் வெளியே வந்து விடும். கர்நாடக முகத்தை காட்ட வேண்டாம் என நினைக்கிறேன் ” என்றார். இந்தநிலையில் போடிநாயக்கனுரில் போட்டியிடும் தங்க தமிழ் செல்வனை ஆதரித்து பரப்புரை மேற்கொண்ட திமுக எம்.பி கனிமொழி “ திமுகவினரை தொட்டு பார் தம்பி. தமிழகத்தில் பாஜகவின் வேலை எடுபடாது. திமுகவினரை மிரட்ட முடியாது, நாங்க எழுந்தா தாங்கமாட்டீங்க” என்றார்.
http://dlvr.it/RwvKYq

Read More

மு.க.ஸ்டாலின் மகள் வீட்டில் ஐ.டி ரெய்டு

திமுக தலைவர் மு.க.ஸ்டாலினின் மகள் செந்தாமரை வீட்டில் வருமான வரித்துறையினர் சோதனை மேற்கொண்டு வருகின்றனர். சென்னை நீலாங்கரையில் உள்ள திமுக தலைவர் மு.க.ஸ்டாலினின் மகள் செந்தாமரை- மருமகன் சபரீசன் இல்லத்தில் வருமான வரித்துறை அதிகாரிகள் சோதனை மேற்கொண்டு வருகின்றனர். ஏற்கெனவே திமுக வேட்பாளர் எ.வ. வேலுவுக்கு செந்தமான இடங்களில் வருமான வரித்துறை அதிகாரிகள் சோதனை நடத்தியிருந்தனர். சட்டப்பேரவைத் தேர்தல் விரைவில் நடக்கவுள்ள நிலையில், பணப்பட்டுவாடா நடப்பதை தடுக்க ஏதுவாக வருமான வரித்துறையினர் பல இடங்களில் அதிரடி சோதனை மேற்கொண்டு வருவது குறிப்பிடத்தக்கது.
http://dlvr.it/RwsQHr

Read More

பரப்புரை தடைக்கு எதிரான ஆ.ராசாவின் மனுவை அவசர வழக்கை விசாரிக்க நீதிமன்றம் மறுப்பு!

முதல்வர் பழனிசாமி பதவிபெற்றது குறித்து அவதூறாக விமர்சித்த திமுக எம்.பி. ஆ.ராசா பிரச்சாரம் செய்ய தேர்தல் ஆணையம் தடை விதித்ததை எதிர்த்த மனுவை அவசர வழக்காக விசாரிக்க சென்னை உயர் நீதிமன்றம் மறுத்துவிட்டது. திமுக தேர்தல் பரப்புரையில் ஈடுபட்டுள்ள நட்சத்திர பேச்சாளரும், திமுக எம்பி-யுமான ஆ.ராசா சில தினங்களுக்கு முன்பு முதல்வர் பழனிசாமி பதவிபெற்றது மற்றும் தாயார் குறித்து அவதூறாக பேசியதாக குற்றச்சாட்டு எழுந்தது. ஆ.ராசாவின் பேச்சிற்கு கடும் எதிர்ப்பு கிளம்பியதை அடுத்து, இரண்டு நாட்கள் கழித்து தனது பேச்சு குறித்து மன்னிப்பு கோரியிருந்தார். ஆ.ராசாவின் பேச்சு குறித்து உரிய நடவடிக்கை எடுக்க வேண்டும் என அதிமுக அளித்த புகாரில், 3 பிரிவுகளின் கீழ் மத்திய குற்றப்பிரிவு போலீசார் வழக்குப்பதிவு செய்தனர். இதுகுறித்து விளக்கமளிக்க தேர்தல் ஆணையம் உத்தரவிட்டதை அடுத்து, ஆ.ராசா தேர்தல் ஆணையத்திற்கு விளக்கம் கடிதம் ஒன்றை அனுப்பி, வழக்கறிஞருடன் நேரில் ஆஜராகு விளக்கம் அளிக்க கோரிக்கை வைத்திருந்தார். ராசாவின் விளக்கத்தை பரிசீலித்த தேர்தல் ஆணையம், ஆ.ராசா 48 மணிநேரத்திற்கு பிரச்சாரம் செய்யக் கூடாது என இன்று தடை விதித்து உத்தரவிட்டது. அதேசமயம், திமுக-வின் நட்சத்திர பேச்சாளர் பட்டியலிலிருந்து ஆ.ராசாவை நீக்கியும் உத்தரவிட்டிருந்தது.
http://dlvr.it/Rwr1SH

Read More

“கோவையில் யாரும் பதற்றத்தை உருவாக்கவில்லை” - வானதி சீனிவாசன்

கோவையில் யாரும் பதற்றத்தை உருவாக்கவில்லை என கோவை தெற்கு தொகுதி பாஜக வேட்பாளர் வானதி சீனிவாசன் தெரிவித்துள்ளார். கோவையில் பாஜக சார்பில் நேற்று நடைபெற்ற இருசக்கர வாகன பேரணி மற்றும் பரப்புரை கூட்டத்தில் உத்தரப்பிரதேச மாநில முதல்வர் யோகி ஆதித்யநாத் பங்கேற்றார். அப்போது பாஜகவினர் டவுன்ஹால் பகுதியில் உள்ள கடைகளை அடைக்குமாறு கூறியதாக கூறப்படுகிறது. இதனை அடுத்து சம்பவம் தொடர்பாக நாம் தமிழர் கட்சி கோவை தெற்கு தொகுதி வேட்பாளர் வர்த்தகர்களுக்கு இடையூறு ஏற்படுத்தியவர்கள் மீது நடவடிக்கை எடுக்குமாறு புகார் அளித்திருந்தார். இதில் நாம் தமிழர் கட்சி வேட்பாளர் அப்துல் வகாப் மாவட்ட தேர்தல் அலுவலரிடம் அளித்த புகாரில், அமைதியாக உள்ள கோவையில் வீணான பிரச்னைகளை தூண்டுவதாகவும், சம்பந்தப்பட்ட வேட்பாளர் வானதி சீனிவாசனை தகுதி நீக்கம் செய்ய வேண்டும் எனவும் புகார் மனுவில் கோரியிருந்தனர். இந்த விவகாரம் தொடர்பாக விளக்கம் அளித்துள்ள கோவை தெற்கு தொகுதி பாஜக வேட்பாளர் வானதி சீனிவாசன், கோவையில் யாரும் பதற்றத்தை உருவாக்கவில்லை என கூறியுள்ளார். மேலும், உத்தரபிரதேச முதல்வர் யோகி ஆதித்யநாத் வருகையின்போது நடந்த பேரணியில் தவறு எங்கே நடந்தது என விசாரிக்க வேண்டும் என்று கூறிய அவர், கோவை மாநகரம் எத்தனையோ கலவரங்களை சந்தித்துள்ளது; நிறையபேர் சிறையில் உள்ளனர் எனவும் கூறியுள்ளார்.
http://dlvr.it/Rwr1NV

Read More