ஆந்திரா: விவசாய நிலத்தில் கண்டெடுக்கப்பட்ட தென்னிந்தியாவின் மிக பழைமையான விநாயகர் சிலை!

ஆந்திர மாநிலம் அனந்தபூர் மாவட்டம் பொதுகுண்டு தின்னே கிராமத்தில் ஆந்திரா மாநில முன்னாள் வருவாய்த்துறை அமைச்சர் ரகுவீர ரெட்டிக்குச் சொந்தமாகப் பல ஏக்கர் விவசாய நிலங்கள் இருக்கின்றன. அரசியலிலிருந்து ஓய்வு பெற்றிருக்கும் ரகுவீர ரெட்டி, பொதுகுண்டு தின்னேவில் உள்ள தன் விளை நிலத்தில் விவசாயம் செய்து வருகிறார். இந்நிலையில், கடந்த வியாழக்கிழமை அன்று அமைச்சரின் வேலையாட்கள் நிலத்தைச் சீரமைப்பதற்காகத் தோண்டியிருக்கின்றனர். அப்போது சுடுமண்ணால் செய்யப்பட்ட பொருள் ஒன்று அவர்களின் கண்களுக்குத் தட்டுப் பட்டுள்ளது. அந்தப் பொருளை வெளியில் எடுத்துப் பார்த்தபோது விநாயகர் உருவம் தெரிந்ததால் வேலையாட்கள் உடனடியாக அமைச்சருக்குத் தெரிவித்தனர்.ஆந்திர முன்னாள் அமைச்சர் ரகுவீர ரெட்டி அதனை அடுத்து அங்கு விரைந்த ரகுவீர ரெட்டி, சுடுமண்ணால் ஆன வித்தியாசமான பொருள் ஒன்று கண்டெடுக்கப்பட்டுள்ளதாக, தொல்லியல்துறையினுக்குத் தகவல் கொடுத்தார். சம்பவ இடத்துக்கு விரைந்த தொல்லியல் துறையினர் விநாயகர் உருவம் பொருந்திய அந்த வித்தியாசமான பொருளை ஆய்வுக்கு உட்புகுத்தினர். ஆய்வகத்தில் வைத்து தொல்லியல் துறையினர் நடத்திய பல மணி நேரச் சோதனையில் கண்டெடுக்கப்பட்டுள்ள சிலை 2-ம் நூற்றாண்டைச் சேர்ந்தது என்பதும், சதவாகன காலப் பேரரசர்களால் சுடுமண் மூலமாகச் செய்யப்பட்டது என்பதும் தெரியவந்துள்ளது. மேலும், தென்னிந்தியாவில் கிடைக்கப்பெற்றுள்ள விநாயகர் சிலைகளிலேயே தற்போது பொதுகுண்டு பகுதியில் கண்டெடுக்கப்பட்டுள்ள இந்தச் சிலைதான் மிகவும் பழைமையான சிலை என்றும் ஆய்வாளர்கள் குறிப்பிட்டுள்ளனர். இது தொடர்பாக ஊடகங்களுக்கு விஜயவாடா கலாச்சார மையத்தின் தலைமை செயல் அதிகாரி சிவநாகி பேட்டி அளித்தார். அப்போது அவர், "யானை உருவத்தைக் கொண்டு இந்தப் பழைமையான சிலை வடிவமைக்கப்பட்டிருக்கிறது. இந்த சிலையானது, 2-ம் நூற்றாண்டில் சதவாகன அரசர்களால் செய்யப்பட்டிருக்க வேண்டும் என்று தொல்லியல் துறையினர் உறுதி செய்திருக்கின்றனர். பொதுவாக சதவாகன சிற்பங்கள் பெரும்பாலும் களிமண்ணாலேயே உருவாக்கப்பட்டிருக்கும். அது அவர்களின் தனிச் சிறப்பு. அந்த வகையில் கண்டெடுக்கப்பட்டுள்ள இந்தத் தொன்மையான விநாயகர் சிலையும் களிமண்ணால் உருவாக்கப்பட்டு பின் வேகவைத்து நெருப்பில் வாட்டித் தயாரிக்கப்பட்டுள்ளது. பல்லாயிரம் ஆண்டுகள் பழைமை வாய்ந்தது என்பதால் சிலையின் காது, கை மற்றும் கால் பகுதிகள் சேதமடைந்துள்ளன" என்றார்.சிவாநாகி ஆந்திராவில் முன்னதாக கர்னூல் மாவட்டத்தில் கடந்த 1980-ம் ஆண்டு தற்போது கண்டெடுக்கப்பட்டுள்ளதைப் போன்றே உருவ அம்சம் கொண்ட களிமண்ணால் ஆன விநாயகர் சிலை ஒன்று கண்டெடுக்கப்பட்டது குறிப்பிடத்தக்கது.
http://dlvr.it/RxX4CJ

Read More

சபரிமலை: இருமுடிகட்டுடன் ஐயப்ப தரிசனம் செய்த கேரள கவர்னர் ஆரிஃப் முகமது கான்!

கேரள மாநிலத்தின் பிரசித்தி பெற்ற சபரிமலை ஐயப்ப சுவாமி கோயிலில் மலையாள வருடப்பிறப்பான விஷூ பூஜைக்காக கடந்த 10-ம் தேதி மாலை நடை திறக்கப்பட்டது. கடந்த 11-ம் தேதி (நேற்று) அதிகாலை முதல் பக்தர்கள் தரிசனத்துக்கு அனுமதிக்கப்பட்டனர். ஆன்லைனில் புக் செய்து 48 மணி நேரத்துக்குள் கொரோனா பரிசோதனை செய்து சான்றிதழுடன் செல்லும் பக்தர்கள் மட்டுமே தரிசனத்துக்கு அனுமதிக்கப்படுகின்றனர். தினமும் பத்தாயிரம் பக்தர்கள் மட்டுமே அனுமதிக்கப்படுகின்றனர். வரும் 14-ம் தேதி சித்திரை விஷூ சிறப்பு பூஜைகள் நடக்கின்றன. வரும் 18-ம் தேதி வரை பக்தர்கள் தரிசனத்துக்கு அனுமதிக்கப்படுகின்றனர்.பதினெட்டாம் படி ஏறும் கவர்னர் ஆரிஃப் முகமதுகான் இந்த நிலையில் நேற்று மாலை கேரள கவர்னர் ஆரிஃப் முகமது கான் தனது மகனுடன் சபரிமலை ஐயப்ப சுவாமி கோயிலில் சாமி தரிசனம் செய்தார். நேற்று மாலை 4.15 மணியளவில் பம்பைக்கு வந்த கவர்னர் ஆரிஃப் முகமதுகான் மற்றும் அவரது இளைய மகன் கபீர் ஆரிஃப் ஆகியோர் பம்பைக்குச் சென்றனர். பம்பா கணபதி கோயிலில் இருந்து இருமுடி கட்டிய கவர்னர் மற்றும் அவரது மகன் ஆகியோர் சுவாமி ஐயப்பன் மலை பாதை வழியாக சபரிமலைக்கு நடந்து சென்றனர். சபரிமலையில் சாமி தரிசனம் செய்துவிட்டு கீழே இறங்கி வந்த பக்தர்களிடம் கவர்னர் ஆரிஃப் முகமதுகான் நலம் விசாரித்தார். மேலும் சில பக்தர்கள் கவர்னருடன் செல்ஃபி எடுத்துக்கொண்டனர். நடந்து மலை ஏறிச்சென்ற கவர்னர் இருமுடி கட்டுடன் பதினெட்டாம் படி ஏறிச்சென்றார். அப்போது சற்று தடுமாறிய கவர்னருக்கு போலீஸார் உதவிசெய்ய முன்றனர். ஆனால் அவர் உதவி வேண்டாம் எனக்கூறி பதினெட்டாம் படி ஏறினார்.இருமுடிக்கட்டுடன் கவர்னர் ஆரிஃப் முகமதுகான் வலியநடைப்பந்தலில் தேவசம்போர்டு சேர்மன் வாசு கவர்னரை வரவேற்றார். பின்னர் ஐயப்ப சுவாமி சன்னிதானத்தில் தரிசனம் செய்த கவர்னர், நேற்று இரவு சபரிமலையில் தங்கினார். இன்று காலையிலும் ஐயப்பசுவாமி சன்னதியில் சுவாமி தரிசனம் செய்த கவர்னர் பின்னர் மாளிகைப்புரம் சன்னிதானத்துக்குச் சென்றார். அங்கு சந்தன மரம் நட்டபிறகு கவர்னர் ஆரிஃப் முகமதுகான் அங்கிருந்து புறப்பட்டார். இஸ்லாமியரான கேரள கவர்னர் ஆரிஃப் முகமதுகான் மகனுடன் இருமுடிக்கட்டு சுமந்து சபரிமலை சென்று சுவாமி தரிசனம் நடத்தியது அனைவரையும் ஆச்சர்யத்தில் ஆழ்த்தியது.
http://dlvr.it/RxX49h

Read More

ஆந்திராவை அலறவிட்ட `ஐ.டி புரூஃப்’ திருடன்; ஸ்கெட்ச் போட்டு தூக்கிய சைபராபாத் போலீஸ்! -நடந்தது என்ன?

ஐதராபாத் காவல்துறையினருக்கு, கடந்த ஆண்டு, அக்டோபர் மாதம் புகார் ஒன்று வந்திருக்கிறது. அந்தப் புகாரை அளித்தது வாகனங்களை வாடகைக்குவிடும் `ஜூம் நிறுவனம்.’ சதீஷ் என்ற நபர் தங்களிடம் வோல்க்ஸ்வாகன் வகை கார் ஒன்றை வாடகைக்கு எடுத்துக்கொண்டு திருடிச் சென்றுவிட்டார் என்று அந்த நிறுவனம் தனது புகார் மனுவில் தெரிவித்திருந்தது. வாடகைக்கு எடுத்தவர் நிறுவனத்திடம் அளித்த டாக்குமென்ட்டுகளில் குறிப்பிடப்பட்டிருந்த நபரைத் தேடி விசாரித்ததில் போலீஸாருக்கு அதிர்ச்சிதான் மிஞ்சியிருக்கிறது. காரணம், ஆவணத்தில் குறிப்பிடப்பட்டிருந்த சதீஷ் என்பவர் அப்பாவி. புகாரை விசாரிக்கச் சென்ற போலீஸாரிடம் பதிலுக்கு சதீஷ் தனது ஆதார் மற்றும் ஓட்டுநர் உரிமம் ஆகியவற்றை மகேஷ் என்பவர் திருடிச் சென்றுவிட்டதாகப் புகார் அளித்திருக்கிறார்.சைபராபாத் போலீஸ் அதைத் தொடர்ந்து கார் திருட்டு விவகாரத்தில் தீவிர விசாரணையை முடுக்கிவிட்ட சைபராபாத் போலீஸ், கார் மற்றும் இருசக்கர வாகனங்களை வாடகைக்குவிடும் பிரபல நிறுவனங்கள் தெலங்கானாவில் மற்ற காவல் நிலையங்களில் ஏதாவது புகார்கள் பதிவு செய்திருக்கின்றனவா என்று ஆராய்ந்திருக்கின்றனர். விசாரித்ததில் , ஜூம் கார், டிரைவ்ஸி, ரெவ், ராயல் பிரதர்ஸ் என ஹைதராபாத்தில் மட்டுமன்றி ஆந்திராவிலும் ஏராளமான வழக்குகள் பதிவாகி நிலுவையில் இருப்பது தெரியவந்துள்ளது. அதேபோல், ஆந்திராவில் 2016-லிருந்து தற்போது வரை பதிவாகியுள்ள அடையாள அட்டைகள் திருட்டு வழக்குகளின் கோப்புகளை ஆய்வு செய்ததில் சில வழக்குகளில் ஒற்றுமை காணப்பட்டிருக்கிறது. அதாவது, ஷேரிங் ரூமில் தங்கியிருந்த நபர் ஒருவர் அடையாள அட்டைகள் மற்றும் பணத்தைத் திருடிவிட்டதாகப் பல இடங்களில் புகார்கள் பதிவாகியிருந்தது. அதைத் தொடர்ந்து, இந்தப் புள்ளிகளை இணைத்த சைபராபாத் போலீஸார் பேச்சிலர் ஆசாமி ஒருவர்தான் திட்டமிட்டு வாலிபர்களுடன் ஒன்றாக ரூமில் தங்கி, பழகி அவர்களுடைய அடையாள அட்டைகள் மற்றும் பணத்தைத் திருடி, அதைவைத்து வாகனங்களை வாடகைக்கு எடுத்துக்கொண்டு திருடுவதை உறுதி செய்தனர். கிடைத்த தகவல்கள் மற்றும் ஆதாரங்களின் அடிப்படையில் சைதராபாத் போலீஸார் விசாரணையை முடுக்கிவிட்டபோதிலும், மர்ம ஆசாமி போலீஸாரின் ஸ்கெட்ச்சுக்குச் சிக்காமல் சைபராபாத் போலீஸ் மற்றுமன்றி ஒட்டுமொத்த ஆந்திர போலீஸுக்கும் தண்ணிகாட்டி வந்திருக்கிறான். இந்தநிலையில், கடந்த மாதம் மீண்டும் ஜூம் நிறுவனத்தில் வாடகைக்கு ஸ்விப்ஃட் வகை கார் எடுத்துச் செல்லப்பட்டு வாடிக்கையாளர் ஒருவரால் திருடப்பட்டுவிட்டதாகப் புகார் எழுந்திருக்கிறது. அதையடுத்து, வாகனத்தில் பொருத்தப்பட்டிருந்த ஜி.பி.எஸ் கருவியை போலீஸார் டிராக் செய்து பார்த்ததில் வாகனத்தில் ஜி.பி.எஸ் கருவி அகற்றப்பட்டிருந்தது தெரியவந்தது. ஜூம் கார்ஸ் தொடர்ந்து, நிறுவனத்தின் சிசிடிவி காட்சிகளை ஆராய்ந்து, அதனடிப்படையில் குற்றவாளியை முழுவீச்சில் தேடினர். நகரம் முழுவதும் வாகன சோதனையைத் தீவிரப்படுத்தியதில் ஹைதராபாத்தில் வாகன சோதனையின்போது பிடிபட்ட டிப் டாப் ஆசாமி ஒருவர் தக்க ஆவணங்கள் இன்றி முன்னுக்குப் பின் முரணாகப் பேசியிருக்கிறார். அவரை காவல் நிலையத்துக்கு அழைத்துச் சென்று விசாரித்ததில் பிடிபட்ட நபர்தான் இத்தனை மாதங்களாக போலீஸார் கண்ணில் மண்ணைத்தூவிவிட்டு வேடிக்கை காட்டிவந்த 'பலே ஐ.டி புரூஃப் திருடன்' என்பது உறுதியானது. அதையடுத்து, பிடிபட்ட ஆசாமியை சைதராபாத் போலீஸார் தங்கள் ஸ்டைலில் விசாரித்ததில் பல திடுக்கிடும் தகவல்கள் வெளியாகியுள்ளன. பிடிபட்ட நபர் விசாரணையில் கூறியவற்றைக் கேட்டு சைபராபாத் போலீஸுக்கே தலைசுற்றிப் போயிருக்கிறது. கைதுசெய்யப்பட்ட 27 வயது இளைஞர் மகேஷ் மீது 2016-ல் தொடங்கி தற்போது வரையில் மொத்தம் 24 வழக்குகள் பதிவு செய்யப்பட்டிருக்கின்றன. அவற்றில் ஒன்பது வழக்குகள் இந்த ஆண்டில் பதியப்பட்டவை. ஆந்திராவைச் சேர்ந்த பொறியியல் பட்டதாரியான மகேஷின் கேஸ் ஹிஸ்ட்ரி, செல்போன் திருட்டு வழக்கிலிருந்து தொடங்குகிறது. 2016-ல் நிறுவனம் ஒன்றில் வேலை பார்த்துவந்த மகேஷ் அங்கிருந்து செல்போனை திருடிக்கொண்டு எஸ்கேப் ஆகியிருக்கிறார். அந்த வழக்கில் மலக்பேட்டை போலீஸாரால் கைதுசெய்யப்பட்டு சில மாதங்கள் சிறையிலிருந்திருக்கிறார்.பிடிபட்ட மகேஷ் அதன் பிறகு, வெளியில் வந்த மகேஷ் மீண்டும் 2018-ல் ஆந்திராவில் கேமரா திருடிய குற்றத்துக்காகக் கைதுசெய்யப்பட்டிருக்கிறார். அதைத் தொடர்ந்து 2019-ம் ஆண்டு மூன்று திருட்டு வழக்குகளில் கைதாகியிருக்கிறார். அதுவரையில், சிறு சிறு திருட்டுச் சம்பவங்களில் ஈடுபட்டுவந்த மகேஷ், 2020-ம் ஆண்டின் தொடக்கத்திலிருந்து திருடுவதில் தனது பாணியை மாற்றியிருக்கிறார். கடந்த ஆண்டு ஜூன் மாதம் மகேஷ் பஞ்சகுட்டா பகுதியில் வாடகைக்கு அறை எடுத்துத் தங்கியிருந்த நாகேந்திர பிரசாத் என்ற இளைஞரிடம் பழகி, அவருடன் `ரூம் ஷேரிங்' முறையில் தங்கியிருந்திருக்கிறார். மகேஷ் குறித்த உண்மை அறியாத பிரசாத் அவரிடம் நன்கு பழகியிருக்கிறார். அதைப் பயன்படுத்திக்கொண்ட மகேஷ் நேரம் பார்த்து பிரசாத்தின் ஆதார் அட்டை, ஓட்டுநர் உரிமம் மற்றும் 1,60,000 ரூபாய் பணத்தையும் திருடிச் சென்றிருக்கிறார். அங்கிருந்து சென்ற மகேஷ், தான் திருடிய பிரசாத்தின் அடையாள அட்டைகளில் தன்னுடைய புகைப்படத்தை ஒட்டி தன் பெயரை மாற்றி அதைவைத்து ஜூன் மாதம் பெங்களூரிலுள்ள பிரபல ராயல் பிரதர்ஸ் நிறுவனத்திடமிருந்து ராயல் என்ஃபீல்டு பைக்கை வாடகைக்கு எடுத்திருக்கிறார். அங்கிருந்து பைக்கை திருடிக்கொண்டு விசாகப்பட்டினம் சென்ற மகேஷ் அங்கு சைதன்யா மற்றும் அஜய் என மீண்டும் இரு இளைஞர்களுடன் சில மாதங்கள் ரூம் ஷேரிங்கில் தங்கி இருந்திருக்கிறார். மகேஷ் தன்னுடன் தங்கியிருந்த சைதன்யா என்ற இளைஞரிடமிருந்து அவரது ஆதார் அட்டை மற்றும் 30,000 ரூபாய் பணத்தைத் திருடிக்கொண்டு அங்கிருந்து தப்பியிருக்கிறார். பெங்களூரில் திருடிய இருசக்கர வாகனத்துடன் புனேவுக்கு புறப்பட்டுச் சென்றிருக்கிறார். அங்கு சதீஷ் என்ற இளைஞரின் அறையில் இரண்டு மாதங்கள் தங்கியிருந்த மகேஷ், அவரிடமிருந்து 1,80,000 ரூபாய் மற்றும் அவரது அடையாள அட்டைகளைத் திருடிவிட்டு அங்கிருந்து கிளம்பியிருக்கிறார். பின்னர் புனேவில் ஜூம் கார் நிறுவனத்தில் வோக்ஸ்வாகன் போலோ கார் ஒன்றை வாடகைக்கு எடுத்துக்கொண்டு கேரளாவுக்குப் புறப்பட்டுச் சென்றிருக்கிறார்.ரூம் ஷேரிங் முறை கேரளாவில் திருடிய பணத்தை வைத்து சில மாதங்கள் சுகபோகமாக இருந்துவிட்டு, மீண்டும் ஆந்திரா திருப்பியிருக்கிறார். இந்த முறை மகேஷ் ரூம் ஷேரிங் மூலமாகக் கைவரிசையைக் காட்டாமல் நூதன முறையில் திருடினார். ஆந்திரா திரும்பியதும், தான் திருடிய கார்களுக்கு ஓட்டுநர்கள் தேவை என்று ஓ.எல்.எக்ஸ் வலைதளத்தில் விளம்பரம் பதிவிட்டிருக்கிறார். அதைப் பார்த்துவிட்டு ஏராளமானோர் தங்கள் ஓட்டுநர் உரிமம் மற்றும் அடையாளச் சான்றுகளை மகேஷுக்கு அனுப்பிவைத்திருக்கின்றனர். அவற்றைச் சேகரித்து வைத்துக்கொண்ட மகேஷ், ஜூம் கார், டிரைவ்ஸி, ரெவ் என ஏராளமான நிறுவனங்களில் வழக்கம்போல் மற்றவர்கள் சான்றுகளைவைத்து வாகனங்களை வாடகைக்கு எடுத்துக்கொண்டு கம்பி நீட்டியிருக்கிறார். மகேஷ் கடைசியாக ஐதராபாத்தில் கடந்த மாதம் ஜூம் கார் நிறுவனத்தில் ஸ்விஃப்ட் கார் ஒன்றை வாடகைக்கு எடுத்து, திருடிச் சென்றிருக்கிறார். அப்போது அந்த நிறுவனம் காவல் நிலையத்தில் அளித்த புகாரின் பேரில் மேற்கொள்ளப்பட்ட நடவடிக்கையில்தான் தற்போது `சீரியல் திருடன்' மகேஷ் வசமாகச் சிக்கியிருக்கிறார். மகேஷிடமிருந்து பறிமுதல் செய்யப்பட்ட கார்கள் கைதுசெய்யப்பட்ட மகேஷிடமிருந்து சைதராபாத் போலீஸார், 6 கார்கள் மற்றும் ஒரு இருசக்கர வாகனத்தைக் கைப்பற்றியுள்ளனர். மேலும், மகேஷ் வாடைக்கு எடுத்து ஏமாற்றி இதுவரையில் விற்பனை செய்த வாகனங்களின் மதிப்பு 70 லட்சம் ரூபாய் என்றும் போலீஸார் தெரிவித்துள்ளனர். மகேஷின் கைவரிசையால் ஆந்திரா மற்றும் தெலங்கானாவில் வாடகைக்கு வாகனங்கள் அளிக்கும் பிரபல கார் நிறுவனங்களை போலீஸார் உஷார்படுத்தியிருக்கின்றனர்.
http://dlvr.it/RxTq8p

Read More

தீவிர வலதுசாரிகளுக்கு எதிராக கேரள மாணவர்களின் Rasputin நடன போராட்டம்

http://dlvr.it/RxSMBL

Read More

தெலங்கானாவில் புதிய கட்சி - ஜெகன்மோகன் ரெட்டியின் தங்கை ஷர்மிளா அதிரடி அறிவிப்பு!

ஆந்திரப் பிரதேசத்தில் ஜெகன்மோகன் ரெட்டி தலைமையிலான ஒய்.எஸ்.ஆர் காங்கிரஸ் கட்சியின் ஆட்சி நடந்துகொண்டிருக்கிறது. ஆந்திர முன்னாள் முதல்வர் ராஜசேகர ரெட்டியின் மறைவுக்குப் பிறகு அவரது மகன் ஜெகன்மோகன் ரெட்டி ஒய்.எஸ்.ஆர் காங்கிரஸ் என்ற தனிக்கட்சியைத் தொடங்கினார். ஜெகன்மோகன் ரெட்டியின் பிரசார வியூகங்கள், தந்தை ராஜசேகரின் செல்வாக்கு ஆகியவை நடந்து முடிந்த 2019 ஆந்திர சட்டசபைத் தேர்தலில் அவருக்குப் பலமாகக் கைகொடுத்ததால் சந்திரபாபு நாயுடு தலைமையிலான தெலுங்கு தேசம் கட்சியை ஆட்சிக் கட்டிலிலிருந்து அகற்றிவிட்டு அரியணை ஏறினார். ஜெகன்மோகன் ரெட்டி ஆந்திராவில் தனிக்கட்சி தொடங்கிய நேரத்தில் அக்கட்சி மாநிலம் முழுவதும் சென்றடைய முக்கிய காரணமாக இருந்தவர் அவரது இளைய சகோதரி சர்மிளா. கடந்த தேர்தலில் ஆளும்கட்சியாக இருந்த தெலுங்கு தேசம் கட்சியின் செயல்பாடுகள் குறித்து மாநிலம் முழுவதும் பயணித்து எளிமையாகப் பிரச்சாரம் செய்து ஷர்மிளா மக்கள் மனதில் மாற்றத்தின் விதையைத் தூவினார். குறிப்பாக, கடந்த தேர்தலில் தனது சகோதரர் ஜெகன்மோகன் ரெட்டியை ஆதரித்து ஷர்மிளா மேற்கொண்ட மாபெரும் பாதயாத்திரை ஆந்திரத்தில் 'ஒய்.எஸ்.ஆர் காங்கிரஸ்' என்ற கட்சியை மக்களிடம் முழுமையாகக் கொண்டு சேர்த்தது.ஜெகன்மோகன் ரெட்டி முன்னாள் முதல்வர் ராஜசேகர ரெட்டியின் ஆட்சிக்காலத்தில் ஆந்திரப் பிரதேசம் என்ற ஒற்றைக் குடையின் கீழ் இருந்த மாநிலம், 2014-ல் ஆந்திரா - தெலங்கானா என்று இரண்டாகப் பிரிக்கப்பட்டது. ஆனால், 2011-ம் ஆண்டு தொடங்கப்பட்ட ஒய்.எஸ்.ஆர் காங்கிரஸ், ஆந்திர மாநிலத்தில் மட்டுமே கவனம் செலுத்தியது. அதன் காரணமாக, அக்கட்சிக்குத் தெலங்கானாவில் சொல்லிக்கொள்ளும் அளவுக்குச் செல்வாக்கு இல்லாமல் போனது. தன் தந்தையின் காலத்தில் தெலுங்கானாவில் அவருக்கு இருந்த செல்வாக்கு தற்போது ஜெகன்மோகன் ரெட்டி தலைமையிலான ஒய்.எஸ்.ஆர் காங்கிரசுக்கு இல்லை என்பதை மிகத்தெளிவாகப் புரிந்துகொண்ட ஷர்மிளா, தற்போது தனது அரசியல் பயணத்தைத் தெலுங்கானாவின் பக்கம் திருப்பி இருக்கிறார். 2019-ம் ஆண்டு சட்டமன்றத் தேர்தலில் அனல் பறக்க ஒய்.எஸ்.ஆர் காங்கிரசுக்காகப் பிரசாரம் மேற்கொண்ட ஷர்மிளா அதன்பிறகு பெரியளவில் கட்சி வேலைகளிலும், அரசியல் கூட்டங்களிலும் கலந்துகொள்ளவில்லை. ஷர்மிளாவின் இந்த விலகல் அவரது அண்ணன் ஜெகன்மோகன் ரெட்டி மீதான அதிருப்தியின் காரணமாகத் தான் என்று ஆந்திர அரசியல் வட்டாரத்தில் பரவலாகப் பேசப்பட்டது. ஆனால், ஷர்மிளா கடந்த பிப்ரவரி மாதம் தெலங்கானா மாநிலம் நல்கொண்டா மாவட்டத்தில் திடீரென ஒய்.எஸ்.ஆர் கட்சி நிர்வாகிகளுடன் ஆலோசனை நடத்தினார். அப்போது செய்தியாளர்களைச் சந்தித்துப் பேசிய ஷர்மிளா , தெலங்கானா அரசியலில் ஒய்.எஸ்.ஆர் காங்கிரஸ் கட்சியின் ஆதிக்கம் மிகவும் குறைவாக இருப்பதால், களப்பணிகளின் மூலமாக மக்களைச் சந்தித்து தெலங்கானாவில் ஒய்.எஸ் .ஆர் காங்கிரஸ் ஆட்சியைக் கொண்டுவர விரும்புவதாகக் கூறினார். ஷர்மிளாவின் இந்த பேச்சு தெலங்கானா அரசியலில் சலசலப்பை ஏற்படுத்தியது. தெலங்கானாவில் தற்போது சந்திரசேகர ராவின் தலைமையிலான தெலங்கானா ராஷ்டிர சமிதி கட்சியின் ஆட்சி நடைபெற்றுவருவது குறிப்பிடத்தக்கது. ஆந்திர முதல்வர் ஜெகன்மோகன் ரெட்டியைப் பொறுத்தவரையில், ஒய்.எஸ்.ஆர் காங்கிரஸ் கட்சியைத் தெலுங்கானாவில் விரிவுபடுத்தி அங்கு ஆட்சியைப் பிடிக்க விருப்பம் காட்டவில்லை. இரு மாநிலங்களுக்கு இடையில் நதிநீர் பங்கீடு பிரச்னை பல ஆண்டு காலமாக நீடித்து வருவதால் ஜெகன்மோகன் ரெட்டி தெலுங்கானாவில் தனது கட்சியை விரிவுபடுத்த விரும்பவில்லை. 2019 தேர்தலில் ஆட்சியைப் பிடிக்கும் வரை ஓரளவுக்கு தெலுங்கானாவிலும் கவனம் செலுத்தி வந்த ஒய்.எஸ்.ஆர் காங்கிரஸ் ஆந்திர மாநில தேர்தலில் வெற்றி பெற்றதும் தெலுங்கானா அரசியலில் தனது ஆதிக்கத்தை முற்றிலுமாக குறைத்துக் கொண்டது. இந்நிலையில், ஷர்மிளா தனது அண்ணன் ஜெகன்மோகன் ரெட்டியின் ஒய்.எஸ்.ஆர் காங்கிரஸ் கட்சியிலிருந்து தற்போது மறைமுகமாக விலகி இருக்கிறார். அதை வெளிப்படையாகக் கூறாமல் தன் தந்தை ராஜசேகர ரெட்டியின் ஆட்சியைத் தெலங்கானாவில் அமைக்கப் போவதாகத் தெரிவித்திருக்கிறார். கடந்த சில மாதங்களாகவே தெலுங்கானாவில் ஒய்.எஸ்.ஆர் காங்கிரஸ் அல்லாத தனிக் கட்சி ஒன்றினை தொடங்குவதற்காக ஷர்மிளா மாநிலம் முழுவதும் பயணித்து தன் கட்சிக்கு நிர்வாகிகளைத் தேர்வு செய்து வந்தார். இந்நிலையில், ஷர்மிளா தனது தந்தை ராஜசேகர ரெட்டியின் பிறந்தநாளான ஜூலை 8-ம் தேதி தெலங்கானாவில் புது கட்சி தொடங்க இருப்பதாக அதிகாரப்பூர்வ அறிவிப்பை வெளியிட்டிருக்கிறார். ஷர்மிளா தெலங்கானாவில் 2023-ம் ஆண்டு சட்டமன்றத் தேர்தலுக்கு முன்பாக ஷர்மிளா தனிக்கட்சி தொடங்கி அரசியலில் இறங்குவார் என்று அனைவராலும் எதிர்பார்க்கப்பட்டு வந்த நிலையில், ஷர்மிளா கடந்த வெள்ளிக்கிழமை தெலுங்கானா மாநிலம் ஹைதராபாத்திலிருந்து மாவட்ட எல்லையான கம்மம் வரை பிரமாண்ட கார் பேரணி நடத்தினார். அதைத் தொடர்ந்து கம்மம் பகுதியில் ஏற்பாடு செய்யப்பட்டிருந்த பொதுக்கூட்டத்தில் கலந்துகொண்டு தனது அரசியல் நிலைப்பாடு குறித்தும் புதிய கட்சி தொடங்குவது குறித்தும் அறிவித்தார். திரளான தொண்டர்கள் கலந்துகொண்ட அந்த கூட்டத்தில் பேசிய ஷர்மிளா, ``தெலங்கானாவில் என் அப்பா ராஜசேகர ரெட்டியின் நல்லாட்சியைத் தர விரும்புகிறேன். அதனால், வருகிற ஜூலை 8-ம் தேதி அப்பாவின் பிறந்தநாளன்று அவரது நல்லாசியுடன் புதிய கட்சி ஒன்றினை தொடங்க இருக்கிறேன். கட்சியின் பெயர், கொடி உள்ளிட்ட அனைத்தும் அன்றைய தினமே அறிவிக்கப்படும். சிங்கம் சிங்கிளாக தான் வரும். நானும் தனியாகவே களமிறங்கியிருக்கிறேன். அரசியல் மாற்றம் தெலங்கானாவில் தற்போதைய தேவையாக இருக்கிறது என்பதை மக்கள் நன்றாகவே அறிவார்கள். என் அப்பா ராஜசேகர ரெட்டியின் நல்லாசியுடன் தெலங்கானா மக்களுக்குச் சேவை செய்ய வந்திருக்கிறேன். நான் ஆரம்பிக்கவிருக்கும் கட்சி தெலங்கானாவில் ஆதிக்கம் செலுத்தி வரும் தெலங்கானா ராஷ்டிர சமிதி, காங்கிரஸ் மற்றும் பாஜக ஆகிய 3 கட்சிகளைக் குறிவைக்கும் அம்பாக இருக்கும் என்பதை நான் இங்கு உங்களுக்குத் தெளிவுபடுத்த விரும்புகிறேன். நான் தெலுங்கானாவைச் சேர்ந்த பெண் இல்லை என்று சிலர் என் மீது காட்டமான விமர்சனங்களை முன்வைக்கின்றனர். நான் வளர்ந்தது, படித்தது, திருமணம் செய்து கொண்டது எல்லாமே தெலங்கானாவில் தான். நான் இந்த மண்ணின் பெண். தெலங்கானாவை நேசிக்கிறேன். இந்த மாநிலத்தின் நலனுக்கு எதிராக ஒருபோதும் செயல்படமாட்டேன். தெலங்கானாவிற்கு வர வேண்டிய ஒரு சொட்டு நீர் கூட வேறு மாநிலத்திற்குச் செல்ல அனுமதிக்க மாட்டேன். உங்களை நம்பியே அரசியல் பயணத்தைத் தொடங்கியிருக்கிறேன். நீங்கள் தான் ஆதரவளிக்க வேண்டும்" என்று தனது உரையை முடித்தார்.கூட்டத்தில் ஷர்மிளா ஷர்மிளாவின் திடீர் அரசியல் பிரவேசம் பிரதான அரசியல் கட்சிகளைக் கலக்கத்தில் ஆழ்த்தியிருக்கிறது. தெலங்கானாவில் 2023-ம் ஆண்டு தேர்தல் நடைபெறவுள்ள நிலையில், முன்கூட்டியே அரசியலில் கால்பதித்திருக்கும் ஷர்மிளா தன் தந்தையின் செல்வாக்கை மீட்டெடுத்து தனது கட்சியின் வாக்கு வங்கியைப் பலப்படுத்துவார் என்றும், தெலங்கானாவில் ஆதிக்கம் செலுத்தி வரும் தெலங்கானா ராஷ்டிர சமிதி கட்சிக்கு அடுத்தபடியாக சொல்லிக்கொள்ளும் அளவுக்குக் காங்கிரஸ் கட்சியும் பாரதிய ஜனதா கட்சியும் பலமாக இல்லை என்பதால் அங்குக் காலூன்ற ஷர்மிளாவின் கட்சிக்கு அதிக வாய்ப்புகள் உள்ளதாகவும் அரசியல் விமர்சகர்கள் கருத்து தெரிவிக்கின்றனர்.
http://dlvr.it/RxSM9q

Read More

"கலப்படமில்லாத காங்கிரஸ்காரர்!" - மாதவராவ் மறைவுக்கு பீட்டர் அல்போன்ஸ் புகழஞ்சலி

ஸ்ரீவில்லிபுத்தூர் சட்டமன்றத் தொகுதி காங்கிரஸ் வேட்பாளர் மாதவராவ்  உடல் நலக்குறைவால் காலமானார். அவரை 'கலப்படமில்லாத காங்கிரஸ்காரர்' என்று கட்சியினர் புகழஞ்சலி செலுத்துகின்றனர். விருதுநகர் மாவட்டம் ஸ்ரீவில்லிபுத்தூர் சட்டமன்றத் தொகுதி காங்கிரஸ் வேட்பாளராக போட்டியிட்டவர் மாதவராவ். அவருக்கு வயது 63. இவர் வேட்பு மனுத்தாக்கல் செய்ததிலிருந்தே உடல் நலக்குறைவு காரணமாக மருத்துவமனையில் சிகிச்சை பெற்று வந்தார். இவருக்கு பதிலாக பரப்புரையில் கூட அவரது மகள்தான் பணியாற்றினார். நுரையீரல் தொற்று காரணமாக மதுரை கேகேநகர் அப்போலோ மருத்துவமனையில் அனுமதிக்கப்பட்டு சிகிச்சை பெற்று வந்தார். ஆனால் நேற்று இவரின் உடல் நிலை மிகவும் கவலைக்கிடமானது. ஐசியுவில் வெண்டிலேட்டரில் இருந்து சிகிச்சை பெற்று வந்த மாதவராவ் சிகிச்சைப் பலனின்றி இன்று காலை 8 மணியளவில் உயிரிழந்தார். மாதவராவ் மறைவு குறித்து காங்கிரஸ் கட்சியின் பீட்டர் அல்போன்ஸ் கூறுகையில், “35 ஆண்டுகால நண்பர். கலப்படமில்லாத காங்கிரஸ்காரர். பல தேர்தல்களில் அவர் வாய்ப்பு கேட்டபோதெல்லாம் அவருக்கு பல்வேறு சூழ்நிலை காரணமாக கிடைக்கவில்லை. இந்த முறை பல முயற்சிகளுக்கு பிறகு அந்த வாய்ப்பு அவருக்கு கொடுக்கப்பட்டது. தற்போது வெற்றிக்கனியை பறிக்க போகும் வேளையில் அவர் உயிரிழந்தார் என்பது பேரிடியாக உள்ளது. மரணத்திற்கு வார்த்தை இல்லை. எதிர்ப்பும் இல்லை. அவர்கள் குடும்பத்தினருக்கு ஆறுதல் சொல்கிறோம். அவரின் ஆன்மா சாந்தியடைய வேண்டும் என வேண்டுவதை தவிர வேறு வழியில்லை” என்றார். முன்னாள் தலைமை தேர்தல் ஆணையர் கோபாலசுவாமி கூறுகையில், “காங்கிரஸ் வேட்பாளர் மாதவராவ் தேர்தலில் வெற்றி பெற்றிருந்தால் ஸ்ரீவில்லிபுத்தூர் தொகுதியில் மீண்டும் தேர்தல் நடைபெறும். தேர்தல் எப்போது நடைபெறும் என்பதை தேர்தல் ஆணையமே முடிவு செய்யும்” எனத் தெரிவித்தார்.
http://dlvr.it/RxQptt

Read More

மேற்கு வங்க தேர்தல் 'கணிப்பு' - பாஜக கசியவிட்ட ஆடியோவுக்கு பிரசாந்த் கிஷோர் விளக்கம்

மேற்கு வங்கத் தேர்தல் 'கணிப்பு' தொடர்பாக பிரசாந்த் கிஷோர் பேசிய ஆடியோ தேசிய அளவில் சர்ச்சைகளை ஏற்படுத்தியுள்ளது. இதுகுறித்து பிரசாந்த் கிஷோரும் விளக்கம் அளித்துள்ளார். மேற்கு வங்க சட்டப்பேரவைத் தேர்தலுக்காக மம்தா பானர்ஜியின் திரிணாமுல் காங்கிரஸ் கட்சிக்காக அதிகாரபூர்வமாக வியூகம் வகுத்து வருகிறார் பிரசாந்த் கிஷோர். அவரின் ஆலோசனைப்படிதான் அங்கு மம்தாவின் அத்தனை செயல்பாடுகளும் இருந்து வருகின்றன. இந்நிலையில் `பாஜகதான் மேற்கு வங்கத்தில் வெற்றி பெறும்' என்று பிரசாந்த் கிஷோர் பேசிய ஆடியோ ஒன்று புதிய சர்ச்சைகளை ஏற்படுத்தியுள்ளது. இந்த ஆடியோவை வெளியிட்டுள்ளவர், பாஜக ஐ.டி விங் தலைவர் அமித் மால்வியா. பிரசாந்த் கிஷோர் பேசிய அந்த ஆடியோ 'க்ளப் ஹவுஸ்' (Clubhouse) என்ற சாட் செயலியில் பத்திரிகையாளர்கள் மத்தியில் பேசப்பட்டது. அப்போது பத்திரிகையாளர் ஒருவர் கேட்கும் கேள்விக்கு பதிலளித்து இருக்கும் பிரசாந்த் கிஷோர், "இந்த தேர்தலில் திரிணாமுல் காங்கிரஸ் தூக்கி எரியப்படும். திரிணாமுல் நடத்திய சர்வேயில் பாஜகவுக்கு ஆதரவு அலை இருப்பது தெரியவந்துள்ளது. ஆனால், பிரதமர் நரேந்திர மோடி மற்றும் முதல்வர் மம்தா பானர்ஜி ஆகியோர் சம அளவில் பிரபலமாக உள்ளனர். நாடு முழுவதும் மோடியைச் சுற்றி ஒரு வழிபாட்டு முறை உள்ளது. மோடியைக் கடவுளாகப் பார்க்கும் ஒரு குறிப்பிட்ட சதவீத மக்கள் உள்ளனர். இதுதான் மேற்கு வங்கத்தில் பிரதமர் மோடி பிரபலமாக இருக்க காரணம். இது ஒரு காரணி. கடந்த 30 ஆண்டுகளில் பார்த்திராத ஒன்றை பாஜக செய்யும் என்று மக்கள் நினைக்கிறார்கள். திரிணாமுல் காங்கிரஸ் மீது கோபம் இருக்கிறது. அது ஒரு காரணி. மம்தா பானர்ஜி மீது மேற்கு வங்க மக்கள் மத்தியில் கோபம் உள்ளது. இந்தக் கோபம் ஆளும் திரிணாமுல் காங்கிரஸ் கட்சி மீதான 10 ஆண்டு அதிருப்தி காரணமாக வந்தது. இதேபோல் மற்றொரு காரணி வெற்றியை தீர்மானிக்கும். அது, ஆளும் திரிணாமுல் காங்கிரஸின் இஸ்லாமிய ஆதரவு அரசியல். திரிணாமுலின் இஸ்லாமிய ஆதரவு காரணமாக பட்டியலின வாக்குகள் பாஜகவுக்கு ஆதரவாக செல்லும். மேற்கு வங்கத்தில் மோடியின் ஆதரவு தளத்தில், முக்கியமானது இந்தி பேசும் மக்கள்தொகை. இங்கு இந்தி பேசுவோர் ஒரு கோடி பேர். இவர்கள் பாஜகவுக்கு ஆதரவாக வாக்களிக்கலாம். இதேபோல் மாதுவா சிறுபான்மையினரில் 75% பேர் பாஜகவுக்கு வாக்களிக்கலாம். மேலும் மூன்றாவது கூட்டணியாக இடதுசாரி - காங்கிரஸ் கூட்டணிகளுக்கு வாக்களிப்பவர்களில் 10 - 15% பேர் பாஜகதான் ஆட்சி அமைக்கப்போகிறது என்று கருதி அக்கட்சிக்கு வாக்களிக்கலாம். மேற்கு வங்கத்தில் வாழும் 50 - 55% இந்துக்களின் ஆதரவு பாஜகவுக்குதான் உள்ளது. இதேபோல் திரிணாமுல் காங்கிரசில் இருந்து சுவேந்து ஆதிகாரி வெளியேறியது இந்தத் தேர்தலில் சிறிய அளவு தாக்கத்தை ஏற்படுத்தும்" என்று அவர் பேசிய அந்த ஆடியோ பதிவில் இருக்கிறது. பிரசாந்த் கிஷோர் பேசிய இந்த ஆடியோவை வெளியிட்ட அமித் மால்வியா, "பொதுவெளியில் பேசுகிறோம் என்பதை உணர்ந்து பிரசாந்த் உண்மையை ஒப்புக்கொண்டுள்ளார். மேலும், திரிணாமூல் காங்கிரஸ் கட்சியின் ஆய்வில் கூட பாஜக வெற்றி பெறுகிறது என்பதை வெளிப்படையாக கூறி ஒப்புக்கொண்டுள்ளார்" எனக் கூறியிருந்தார். பிரசாந்த் கிஷோரின் பதில் என்ன? பாஜகவின் கூற்றுகளுக்கு பதிலளித்த பிரசாந்த் கிஷோர், ``பாஜக தலைவர்கள் எனது பேச்சை தீவிரமாக எடுத்துக்கொள்வதில் மகிழ்ச்சி அடைகிறேன்! பாஜக தைரியத்துடன், நான் பேசிய முழுப் பகுதியின் ஆடியோவையும் வெளியிட வேண்டும். மாறாக, நான் பேசிய சிறிய பகுதிகளை மட்டுமே வெளிப்படுத்தி உற்சாகமடைய வேண்டாம். இதை நான் முன்பே சொல்லியிருக்கிறேன். மீண்டும் மீண்டும் சொல்கிறேன். மேற்கு வங்கத்தில் பாஜக 100 இடங்களை தாண்டாது" எனக் கூறியிருக்கிறார். தொடர்ந்து 'இந்தியா டுடே'-விடம் பேசிய பிரசாந்த் கிஷோர், முழு ஆடியோ பதிவையும் வெளியிடுமாறு பாஜகவுக்கு சவால் விடுத்தார். மேலும் "நான் சொன்னதில் தவறில்லை. அந்த உரையாடலில் பாஜக 100-ஐ தாண்டாது என்றும் நான் சொன்னேன், அவர்கள் ஏன் அதை வெளியிடவில்லை? எனக்கு முழு அறிவு இருந்தது, அது ஒரு பொதுத் தளம் என்று தெரிந்துதான் பேசினேன்" என்று விளக்கம் கொடுத்திருக்கிறார்.
http://dlvr.it/RxPdhB

Read More