நிழலுலக ராஜாக்கள்: ஹாஜி மஸ்தானின் எழுச்சி! - மும்பையை ஆண்ட தமிழன் - பகுதி-2

ஒவ்வொரு நாளும் மஸ்தான் துறைமுகத்துக்குள் செல்லும்போதும், ஷெர்கான் பதானின் அட்டூழியத்தை கவனித்தார். துறைமுகத் தொழிலாளியாக இல்லாத ஒருவர் உள்ளே வந்து தொழிலாள்ர்களை மிரட்டிப் பணம் வசூலிப்பதை முடிவுக்கு கொண்டுவர, மஸ்தான் திட்டம் தீட்டினார். எந்தவித வம்பு தும்புக்கும் போகாதவராக இருந்த நிலையில், தொழிலாளர்களுக்காக இந்தக் காரியத்தில் இறங்க மஸ்தான் முடிவு செய்தார். தொழிலாளர்களில் நல்ல வாட்டசாட்டமாக இருக்கும் சிலரைத் தேர்வு செய்தார். ஷெர்கானும் நம்மைப் போன்ற ஒரு மனிதன்தான் என்றும், நாம் அனைவரும் ஒன்று சேர்ந்தால் ஷெர்கானை ஒழிக்க முடியும் என்றும் சொன்னார். தொழிலாளர்கள் அவர் பக்கம் நின்றனர். மும்பை ஷெர்கான் Vs ஹாஜி மஸ்தான் வழக்கம்போல் வெள்ளிக்கிழமை ஷெர்கான் தொழிலாளர்களிடம் பணம் வசூலிக்க வந்தான். அவனுடன் நான்கு அடியாட்களும் வந்திருந்தனர். ஷெர் கான் வந்ததுதான் தாமதம், மஸ்தான் களத்தில் இறங்கினார். தான் சேர்த்திருந்த பத்து தொழிலாளர்களுடன் சேர்ந்து ஷெர்கானையும் அவனது அடியாட்களையும் அடித்து உதைக்க ஆரம்பித்தார். இந்தத் தாக்குதலை சற்றும் எதிர்பார்க்கவில்லை ஷெர்கான். அவனிடம் கத்தி இருந்தது. ஆனால், அவனுடன் நான்கு பேர் மட்டுமே இருந்தனர். மஸ்தானோ பத்துப் பேருடன் இருந்தார். லத்தி மற்றும் இரும்பு செயின் போன்றவையும் இருந்தன. ஷெர் கானும் அவனுடைய அடியாட்களும் எதிர்த்துப் போராடினர். ஆனால் முடியாது என்ற ஒரு நிலை வந்தபோது உயிரைக் காப்பாற்றிக்கொள்ள முயன்றனர். ஷெர் கான் காயத்துடன் தப்பிச் சென்றுவிட்டான். மீண்டும் திரும்பவே இல்லை. துறைமுகத்தில் அவனது தொந்தரவு இல்லாமல் போனது. முதன்முறையாக அடிதடியில் இறங்கிய மஸ்தானின் இந்தச் செயலால் தொழிலாளர்கள் மத்தியில் அவரது மதிப்பு பல மடங்கு அதிகரித்தது. ஷேக்கும் மஸ்தானைத் தனது தொழில் பங்குதாரராக சேர்த்துக்கொண்டார். தங்கத்தை வெளிநாட்டிலிருந்து இறக்குமதி செய்து இந்தியாவில் எப்படி விற்பனை செய்து பணமாக்குவது என்ற தொழில் ரகசியத்தைக் கற்றுக்கொடுத்தார். அதைப் பயன்படுத்திக்கொண்ட மஸ்தான், தங்கக் கடத்தலிலும் வாழ்க்கையிலும் மளமளவென்று முன்னேறிக்கொண்டிருந்தார். 1952-ம் ஆண்டு மும்பை மாகாணத்தின் முதல்வராக இருந்த மொரார்ஜி தேசாய் திடீரென மது விற்பனைக்குத் தடைவிதித்தார். இந்தத் தடை அற்புதமான ஒரு வணிக வாய்ப்பைத் திறந்துவிட்டது. மதுக் கடத்தல்கார்ர்கள் கணிசமாக வருமானம் ஈட்டுவதற்கான வாய்ப்பு உருவானது. அந்த வாய்ப்பைப் பயன்படுத்திக் கொண்டவர்களில் மஸ்தானும் ஒருவர்.மஸ்தான் கள்ளச் சாராயம், தங்கக் கடத்தல்: ஷேக்குடன் சேர்ந்துகொண்டு மஸ்தான் கள்ளச் சாராயம் மூலம் பணமழையில் நனைந்தார். இருசக்கர வாகனம் மற்றும் சொந்த வீடு வாங்கி, தான் எதிர்பார்த்திருந்த வாழ்க்கையை நோக்கி வேகமாகச் சென்றுகொண்டிருந்தார் மஸ்தான். ஆனால், எதிர்பாராத விஷயம் ஒன்று நடந்தது. மஸ்தானின் வளர்ச்சியில் முக்கியப் பங்குவகித்த ஷேக் கைதுசெய்யப்பட்டார். வரி ஏய்ப்பு மற்றும் தங்கக் கடத்தல் தொடர்பாக ஷேக்கை போலீஸார் கைதுசெய்தனர். மஸ்தானுக்கு பேரதிர்ச்சி. எனினும், மஸ்தானுக்கு இன்னுமொரு பிரகாசமான வாய்ப்பை ஷேக்கின் கைது உருவாக்கிக் கொடுத்தது. ஷேக் கைது செய்யப்பட்டதன் மூலம் அந்த இடத்துக்கு மஸ்தான் வரக்கூடிய வாய்ப்பு உருவானது. ஷேக் சிறையிலிருந்த காலத்தில் மஸ்தான் தங்கக் கடத்தலில் தனக்கென தனிப் பாதையை ஏற்படுத்திக்கொண்டார். கடத்தல் என்றாலே மஸ்தான்தான் எனச் சொல்லுமளவுக்கு மும்பையில் செல்வாக்குடன் இருந்தார். பொதுமக்களுக்கு நன்மைகள் செய்யவும் மஸ்தான் தவறவில்லை. மூன்று ஆண்டுகள் சிறைவாசம் முடிந்து வெளியில் வந்த ஷேக், மிகவும் கஷ்டத்தில் இருந்தார். இருந்த பணமெல்லாம் வழக்குகளுக்குப் போய்விட்டது. இருந்த சொத்துகளை விற்றுவிட்டு சொந்த ஊரான துபாய் செல்வதா அல்லது குதிரைப் பந்தயத்தில் பணம் கட்டுவதா என்ற குழப்பத்திலிருந்தார். அந்தச் சமயத்தில் ஷேக்குக்கு வேறு வழியிருக்கவில்லை. மஸ்தானைச் சந்தித்துப் பேசினார். அப்போது மஸ்தான் அவருடைய தந்தை கற்பித்திருந்த நேர்மைக்கு உதாரணமான ஒரு விஷயத்தைச் செய்தார்.தங்கம் தெற்கு மும்பையிலுள்ள மதன்புரா என்ற இடத்திலிருந்த பாழடைந்த ஒரு குடிசைக்கு ஷேக்கை அழைத்துச் சென்றார் மஸ்தான். அங்கு கிடந்த பழைய துணிகளையெல்லாம் அகற்றிவிட்டு, உள்ளே இருந்த ஒரு பெட்டியை மஸ்தான் ஷேக்குக்குக் காட்டினார். அதைத் திறந்தார் ஷேக். உள்ளே கண்ணைப் பறிக்கும் தங்க பிஸ்கட்கள்! ஷேக் கைதுசெய்யப்பட்டபோது தங்கக்கட்டிகள் அடங்கிய பெட்டி ஒன்றை ஷேக்கிடம் கொடுப்பதற்காக துறைமுகத்திலிருந்து மஸ்தான் வாங்கியிருந்தார். மஸ்தான் நினைத்திருந்தால் அந்த தங்க பிஸ்கட்கள் இருந்த பெட்டியைத் தானே வைத்துக்கொண்டு பணம் சம்பாதித்திருக்க முடியும். ஆனால், தனது தந்தை சொன்னபடி தொழிலில் நாணயம் வேண்டும் என்பதை மனதில்கொண்டு ஷேக்கின் தங்க பிஸ்கட்கள் இருந்த பெட்டியைத் திறக்காமல் அப்படியே வைத்திருந்தார். ஷேக்குக்கு என்ன சொல்வது என்று தெரியவில்லை. மஸ்தானைக் கட்டிப்பிடித்துக்கொண்டு கண்ணீர்மல்கினார். `எப்படி போலீஸாரிடமிருந்து தங்கத்தைக் காப்பாற்றினாய்?’ என்று ஷேக் கேட்டார். பழைய துணிகள் போடப்பட்டிருந்த அறையை யாரும் கவனிக்க மாட்டார்கள் என்ற நம்பிக்கையில் அங்கு மறைத்துவைத்ததாக மஸ்தான் தெரிவித்தார். மொத்த வாழ்க்கையும் முடிந்துபோனதாக நினைத்த ஷேக்குக்கு என்ன சொல்வதெனத் தெரியவில்லை. தன்னுடன் தொழில் பார்ட்னராக மஸ்தானும் சேர வேண்டுமென்று கேட்டுக்கொண்டார் ஷேக். மஸ்தானும் அவரது அன்பு வேண்டுகோளைத் தட்ட முடியாமல் ஏற்றுக்கொண்டார். 1955-ம் ஆண்டு மஸ்தானுக்குக் கிடைத்த 50 சதவிகித தங்கத்தின் மூலம் 5 லட்சம் ரூபாய் கிடைத்தது. தனது துறைமுகத் தொழிலாளர் வேலையை விட்டுவிட்டு முழுநேர கடத்தல்காரராக மாறினார் மஸ்தான். துபாய் மற்றும் ஆப்பிரிக்க நாடுகளுக்குச் சென்ற ஷேக் தங்கத்தை அனுப்பிக்கொண்டிருந்தார். மும்பையில் வரி கட்டாமல் துறைமுகத்திலிருந்து வெளியில் எடுத்து வந்து அந்தத் தங்கத்தை விற்பனை செய்தார் மஸ்தான்.மஸ்தானின் 8 வயது கனவு வாழ்க்கை கைக்கெட்டியது. ஆடம்பர காரில் வலம்வந்த மஸ்தான் எப்போதும் சிகரெட்களை புகைத்துக்கொண்டே இருப்பார். கடத்தல் தொழிலிலும் நேர்மை செய்வது கடத்தல் தொழிலாக இருந்தாலும், அதில் நேர்மை இருக்க வேண்டும் என்று மஸ்தான் விரும்பக்கூடியவர். கடத்தலுக்காக யாருக்கும் அவர் துரோகம் செய்தது கிடையாது. இதனாலேயே கடத்தல்காரர்கள் மத்தியில் மஸ்தானுக்கு நல்ல பெயர் கிடைத்தது. பணமும் கொட்ட ஆரம்பித்தது. சிறிய அளவில் தங்கம் கடத்திக்கொண்டிருந்த மஸ்தான், ஷேக் வெளிநாட்டிலிருந்து தங்கம் அனுப்ப ஆரம்பித்த பிறகு இந்தியா முழுக்கத் தொழிலை விரிவாக்கினார். மும்பையிலிருந்து இந்தியா முழுக்க தங்கத்தை அனுப்ப ஆரம்பித்தார். குஜராத் அருகிலுள்ள தாமன் துறைமுகம் வழியாகவும் தங்கம் கடத்தப்பட்டுக்கொண்டிருந்தது. 1956-ம் ஆண்டு குஜராத்தில் மிகப்பெரிய தங்கக் கடத்தல்காரராக இருந்த சுகுர் நாராயண் என்பவரின் அறிமுகம் கிடைத்தது. இருவரும் கடத்தலில் ஒருவருக்கு ஒருவர் உதவி செய்துகொள்வது என்று முடிவு செய்துகொண்டனர். மும்பை துறைமுகத்துக்கு வந்து இறங்கும் சுகுரின் கடத்தல் பொருள்களை மஸ்தான் பாதுகாப்பாக வெளியில் கொண்டு வருவார். தாமன் துறைமுகத்தில் வந்து இறங்கும் மஸ்தானின் பொருள்களை சுகுர் பத்திரமாக வெளியில் கொண்டு வந்தார். இருவரும் கடத்தல் தொழிலை தங்களுக்குள் பகிர்ந்துகொண்டு செயல்பட்டனர். மஸ்தானுக்கு போதுமான அளவுக்குப் பணம் வந்தது. ஆனால் மும்பையில் பெரிய ஆளாக இருக்க, பணம் மட்டும் போதுமானது இல்லை. மும்பையில் கிரிமினல் நடவடிக்கைகளில் ஈடுபட்டு வந்த கரீம் லாலா மற்றும் வரதராஜ முதலியார் ஆகியோரிடம் நெருங்கிய நட்பை ஏற்படுத்திக்கொண்டார். ஒருபோதும் யாரையும் கொலை செய்யும் அளவுக்கு மஸ்தான் சென்றது இல்லை. கத்தியையோ அல்லது துப்பாக்கியையோ கையில் எடுத்தது கிடையாது. அதேசமயம், மும்பையில் நடந்த அனைத்துக் கடத்தல்களுக்கும் மூல காரணமாக மஸ்தான் இருந்தார். மாஃபியாக்கள் மட்டுமல்லாமல் அரசியல்வாதிகளிடமும் நல்ல தொடர்பில் இருந்தார் மஸ்தான்.பால் தாக்கரே சஞ்சய் காந்தி அடிக்கடி மஸ்தானை வந்து பார்ப்பார். சிவசேனா தலைவர் பால் தாக்கரேவிடமும் மஸ்தானுக்கு நல்ல தொடர்பு இருந்தது. இதை அவருடைய வளர்ப்பு மகனான சுந்தர் சேகர் ஒருமுறை உறுதிபடுத்தினார். பால் தாக்கரே மட்டுமல்லாமல் அனைத்து அரசியல் கட்சித் தலைவர்களிடமும் நல்ல தொடர்பு இருந்தது என்றும் குறிப்பிட்டுள்ளார். மஸ்தான் ஏதாவது வேலையாக மும்பையிலுள்ள தலைமைச் செயலகமான மந்த்ராலயா சென்றால், அனைத்து ஊழியர்களும் தங்களது வேலையைப் போட்டுவிட்டு அவரைப் பார்க்கக் கீழே இறங்கி வந்துவிடுவார்கள். போலீஸ் அதிகாரிகள் அனைவருக்கும் மஸ்தான் கடத்தல் தொழில் செய்கிறார் என்று தெரிந்தாலும் அவரை ஒருபோதும் கைதுசெய்ததில்லை. ஏழைகளின் நாயகன் ஹாஜி மஸ்தானுக்குப் பணம் மழையாகக் கொட்ட ஆரம்பித்த பிறகு ஏழைகளுக்கு அதிக அளவில் தானம் செய்தார். தினமும் அவரது வீட்டில் ஏராளமானோர் தங்கள் குறைகளை நிவர்த்தி செய்யக் கேட்டு காத்து நிற்பார்கள். மஸ்தான், ஒரு ராபின் ஹுட் போல் செயல்பட்டு வந்தார். மும்பையில் மஸ்தான் கடத்தல், கள்ளச் சாராயம் போன்றவற்றில் அசைக்க முடியாத சக்தியாக உருவெடுத்திருந்தார். அவரின் வழியில் மற்ற மாஃபியாக்களான வரதாபாய், கரீம் லாலா ஆகியோர் குறுக்கிடவில்லை. அதோடு மஸ்தான் எதையும் அன்பால் சாதிக்கக்கூடியவராகவே இருந்தார். எந்த ஒரு சமாதானப் பேச்சுவார்த்தையாக இருந்தாலும் மஸ்தான்தான் முன்னின்று நடத்திவந்தார். Also Read: நிழலுலக ராஜாக்கள்: ஹாஜி மஸ்தான் - மும்பையை ஆண்ட ஒரு தமிழன் | பகுதி 1 சமாதானத்தை முன்னிறுத்திய மஸ்தான், வன்முறைக்குத் துணை போக வேண்டிய நேரம் வெகு விரைவிலேயே வரவிருந்தது. அதற்கு முக்கியமான ஒரு நபரின் அறிமுகமும் கிடைக்கவிருந்தது. (தொடரும்) - மும்பையிலிருந்து நமது நிருபர்
http://dlvr.it/Rxjm6Q

Read More

நெல்லை செல்போன் கடை திறப்பு விழாவில் பங்கேற்ற புகழ்; கூட்டம் கூடியதால் கடைக்கு சீல்!

நெல்லையில் செல்போன் கடை திறப்பு விழாவுக்குச் சென்ற ‘குக் வித் கோமாளி’ புகழைக் காண கொரோனா சூழலில் கூட்டம் கூடியதால், அந்தக் கடை சுகாதாரத்துறை அதிகாரிகளால் மூடப்பட்ட சம்பவம் பரபரப்பை ஏற்படுத்தியிருக்கிறது. நெல்லை மாவட்டம் வண்ணாரபேட்டை பகுதியில் தனியாருக்கு சொந்தமான செல்போன் சர்வீஸ் சென்டர் திறப்பு விழாவுக்கு இன்று விஜய் டிவியின் குத்வித் கோமாளி நிகழ்ச்சியில் நடிக்கும் புகழ் வருகை தந்திருந்தார். அவரைக் காண்பதற்காக ஏராளமான ரசிகர்கள் கடை முன்பு அதிகமாக கூடியிருந்தனர். தற்போது, கொரானா தொற்றின் இரண்டாவது அலை வேகமாக பரவி வருகிறது. நெல்லை மாவட்டத்திலும் கொரானா வேகமாக பரவி வருகிறது. இன்று மட்டும் நெல்லை மாவட்டத்தில் 200 க்கும் மேற்பட்டோர் கொரானாவால் பாதிக்கப்பட்டுள்ளனர். இந்த நிலையில், புகழைக் காண  செல்போன் கடைக்கு  வந்திருந்த ரசிகர்கள் சமூக இடைவெளியை பின்பற்றாமலும் மாஸ்க் அணியாமலும் கூடியதால் நோய் தொற்று பரவும் அபாயம் ஏற்பட்டது. இதனைத் தொடர்ந்து மாநகராட்சி சுகாதாரத்துறை அதிகாரிகள் கடையை வந்து பார்வையிட்டு கொரோனா விதிகளை மீறியதாக கூறி கடைக்கு சீல் வைத்தனர்.
http://dlvr.it/Rxh24m

Read More

“ஜகி வாசுதேவ் மீது ஆதாரமின்றி அவதூறு பரப்புகிறார்கள்” - ஈஷா கண்டனம்

ஜகி வாசுதேவுக்கு எதிராக ஆதாரமின்றி அவதூறு பரப்பப்படுவதாக ஈஷா மையம் வெளியிட்டுள்ள அறிக்கையில் கண்டனம் தெரிவித்துள்ளது. ஈஷா மையம் வெளியிட்டுள்ள அறிக்கையில், “அழிந்து வரும் தமிழக கோவில்களை காக்கும் உன்னதமான பணியை முன்னெடுத்துள்ள ஜகி வாசுதேவுக்கு எதிராக ஆதாரமின்றி அவதூறு பரப்பும் நபர்களை ஈஷா வன்மையாக கண்டிக்கிறது. கோவில் அடிமை நிறுத்து இயக்கம் தமிழக மக்களிடம் நம் கோவில்களின் இன்றைய நிலை குறித்த மிகப்பெரிய விழிப்புணர்வை ஏற்படுத்தி இருக்கிறது. தமிழக கோவில்கள் தமிழ் கலாச்சாரத்தின் பெருமை, இக்கோவில்களின் இன்றைய நிலையைக் கண்டு தமிழ் மக்கள் மனம் பதைத்து கோவில்களை பக்தர்களே நிர்வகிக்க வேண்டும் என்ற உறுதியினை பல்வேறு வழிகளில் வெளிப்படுத்தி வருகின்றனர். இந்நிலையில் சென்னையில் சிலர் நேற்று (ஏப்ரல் 13) நடத்திய செய்தியாளர் சந்திப்பு, ஜகி வாசுதேவ் மற்றும் ஈஷா யோக மையம் மீது அடிப்படை ஆதாரமில்லாத குற்றச்சாட்டுகளை கூறுவதன் மூலம் இந்த இயக்கத்தையும் தமிழ் மக்களின் உணர்வுகளையும் இழிவுபடுத்த முனையும் அறிவீனமான முயற்சி. தமிழ் கலாச்சாரத்தின் உயிர்நாடியான கோவில்களை காப்பாற்றவே இந்த இயக்கம் இயங்கி வருகிறது. 11999 கோவில்கள் ஒருவேளை பூஜை கூட நடக்காமல் அழிந்து கொண்டிருக்கின்றன” எனவும் ஈஷா தெரிவித்துள்ளது.  முன்னதாக, தெய்வத் தமிழ்ப் பேரவையின் அவசர செயற்குழுக் கூட்டம் நேற்று காலை சென்னை சேப்பாக்கம் நிருபர்கள் சங்கத்தில் நடைபெற்றது. இதில் தீர்மானங்களை வலியுறுத்தி பேசிய அப்பேரவையின் ஒருங்கிணைப்பாளர் பெ. மணியரசன் “ ஜகி வாசுதேவும் வேறு சில ஆதிக்க சக்திகளும் தமிழ்நாட்டு இந்துக் கோயில்களைக் கைப்பற்றிக் கொள்ளும் உள்நோக்கத்துடன், இந்து சமய அறநிலையத்துறையைக் கலைக்கக் கோரி வருகின்றனர். கடந்த சில நாட்களுக்கு முன் கோயில் நிர்வாகங்களிடம் அனுமதி பெறாமல், அத்துமீறி (Trespass) திருக்கோயில்களின் சன்னிதானங்களுக்கு முன்பாக ஆண்கள் – பெண்களை ஆர்ப்பாட்டம் நடத்தச் செய்துள்ளார் ஜகி வாசுதேவ். இது சட்டவிரோதச் செயல். இதற்காக ஜகி வாசுதேவ் மீது இந்து சமய அறநிலைய ஆட்சித்துறை உடனடியாக நடவடிக்கை எடுக்க வேண்டும் என்று கேட்டுக் கொள்கிறோம். பல்வேறு தெய்வங்கள், பல்வேறு புனித நூல்கள் கொண்ட நம்முடைய மதத்தின் நிர்வாகத்தை ஏதோவொரு தனியார் குழுவிடம் ஒப்படைக்க முடியாது. திருக்கோயில்கள் பெரும்பாலும் பழங்காலத்தில் அரசர்களால் எழுப்பப்பட்டவை. எனவே, இக்கோயில்களை நிர்வாகம் செய்ய தமிழ்நாடு அரசின் இந்து அறநிலைய ஆட்சித்துறை மிகமிகத் தேவை. இந்து சமய அறநிலைய ஆட்சித்துறை நிர்வாகத்தில் குறைபாடுகள் இருந்தால், அவற்றை சரி செய்ய முயல வேண்டுமே தவிர, அறநிலையத் துறையையே கலைத்துவிட வேண்டும் என்பது சூழ்ச்சித் திட்டமாகும். மேலும் தமிழ்நாட்டுக் கோயில்கள் அனைத்திலும் அன்றாட பூசைகள் தமிழிலேயே நடத்தப்பட வேண்டும் ஜகி வாசுதேவ் மீது சட்டவிரோதமாக மலைகளை ஆக்கிரமித்துவிட்டார் என்ற புகார்கள் இருக்கின்றன. இந்திய அரசின் தலைமைத் தணிக்கை அதிகாரியின் அறிக்கை (Report of the Comptroller and Auditor General of India on Economic Sector for the year ended March 2017 (Government of Tamil Nadu - Report No. 7 of the year 2017) Page 32, Para 2.8.5.1), ஆதியோகி சிலையும், அதையொட்டி நிறுவப்பட்ட பல்வேறு கட்டடங்களும் சட்டத்திற்குப் புறம்பான கட்டுமானங்கள் என்பதை தமிழ்நாடு அரசே ஏற்றுக் கொண்டிருப்பதை சுட்டிக்காட்டி, அதன் மீது தமிழ்நாடு அரசு உரிய நடவடிக்கை எடுக்காததைக் கண்டித்தது. தமிழ்நாடு மாசுக் கட்டுப்பாட்டு வாரியம் ஈஷா மையத்தில் தொடர்ந்து சுற்றுச்சூழல் சட்டங்கள் மீறப்படுவதை சுட்டிக்காட்டி, அவற்றை நிறுத்திக் கொள்ளுமாறு வலியுறுத்தி மே 2017லேயே அறிவிப்பாணை அளித்திருக்கிறது. தமிழ்நாடு அரசு, ஈஷா மையத்தில் ஆதியோகி சிலையை ஒட்டியுள்ள 109 ஏக்கர் பரப்பளவில் சட்டவிரோதக் கட்டுமானங்கள் இருப்பதாகவும், அவற்றை இடித்துவிட்டு, அந்த நிலங்களை  உரிய மலைவாழ் பழங்குடி மக்களிடம் திரும்ப அளித்துவிட வேண்டும் எனவும் ஆணையிட்டது. அவற்றை ஜகி வாசுதேவின் ஈஷா நிறுவனம் கிஞ்சித்தும் மதிக்கவில்லை என்பதை சென்னை உயர் நீதிமன்றத்திலேயே தமிழ்நாடு அரசு கூறியிருக்கிறது. இவை தவிர, ஈஷா அறக்கட்டளை நிறுவனர் ஜக்கி வாசுதேவ் “காவிரி கூக்குரல்” (Cauvery Calling) என்ற பெயரால் நிதித் திரட்டியதில் மோசடி நடந்திருப்பதாக கர்நாடக உயர் நீதிமன்றத்தில் வழக்கு நடந்து வருகிறது (Writ Petition No 43414/2019 (GM-PIL)). இவ்வாறு பலவாறான சமய நெறி மீறல்களும், சட்டமீறல்களும் நடத்திவரும் ஈஷா மையம் அறக்கட்டளையை தமிழ்நாடு அரசு ஏற்று இந்து சமய அறநிலையத்துறை சட்ட விதி 3-இன் கீழ் இந்து சமய அறநிலைய ஆட்சித்துறையின் கட்டுப்பாட்டின் கீழ் கொண்டு வர வேண்டும். மேற்கண்ட கோரிக்கைகளை வலியுறுத்தி, தெய்வத் தமிழ்ப் பேரவை சார்பில் தஞ்சையில் வரும் 08.05.2021 அன்று காலை 8 மணியிலிருந்து மாலை 6 மணி வரை - கோவிட்-19 விதிமுறைகளைப் பின்பற்றி, ஒருநாள் வேண்டுகோள் உண்ணாப் போராட்டம் நடைபெறும்” என தெரிவித்தார்.
http://dlvr.it/Rxh21j

Read More

மகாராஷ்டிராவில் இன்று முதல் 15 நாட்கள் மக்கள் ஊரடங்கு

மகாராஷ்டிராவில் தினசரி கொரோனா பாதிப்பு 60 ஆயிரத்தைக் கடந்துள்ள நிலையில் மாநிலம் முழுவதும் இன்று இரவு 8 மணி முதல் 15 நாட்களுக்கு மக்கள் ஊரடங்கு கடைப்பிடிக்கப்படும் என முதல்வர் உத்தவ் தாக்கரே அறிவித்துள்ளார். மகாராஷ்டிரா மக்களுக்கு உரை நிகழ்த்திய முதல்வர் உத்தவ் தாக்கரே, கொரோனா பரவலைத் தடுக்க மக்கள் தாங்களாகவே முன்வந்து முழு முடக்கத்தை கடைப்பிடிக்குமாறு கேட்டுக் கொண்டுள்ளார். முழுமுடக்க காலத்தில் 144 தடை உத்தரவு அமலில் இருக்கும் என்ற அவர், இந்த 15 நாட்களில் 7 கோடி ஏழைகளுக்கு இலவச உணவுப் பொருட்கள் வழங்கப்படும் என்றும் தெரிவித்துள்ளார். அனைத்து அலுவலகங்களும் மூடப்பட்டிருக்கும் என்ற முதல்வர் உத்தவ் தாக்கரே, பொதுமக்கள் தங்கள் வீடுகளில் இருந்து பணிகளை கவனிக்கும்படி கோரிக்கை விடுத்துள்ளார். முழு முடக்கத்தில் இருந்து அத்தியாவசிய சேவைகளுக்கு விலக்கு அளிக்கப்படுவதாகவும் ரயில் மற்றும் பேருந்து சேவைகள் தொடரும் என்றாலும் அவசியம் கருதி மட்டுமே பயன்படுத்த வேண்டும் என்றும் உத்தவ் தாக்கரே கூறியுள்ளார். பெட்ரோல் பம்ப்புகள் செயல்படும் என்றும் மருத்துவ சேவைகளுக்கு முழுமுடக்கத்தில் இருந்து விலக்கு அளிக்கப்படுவதாகவும் முதல்வர் கூறியுள்ளார். மக்கள் தாங்களாகவே முன்வந்து முழுமுடக்கத்துக்கு ஒத்துழைப்பு அளிக்கவும், அத்தியாவசிய தேவையன்றி யாரும் வெளியே வர வேண்டாம் என்றும் அவர் கேட்டுக் கொண்டுள்ளார். மகாராஷ்டிராவுக்கு அதிக அளவில் ஆக்சிஜன் சிலிண்டர்களை வழங்குமாறு மத்திய அரசுக்கும் உத்தவ் தாக்கரே கோரிக்கை விடுத்துள்ளார்.
http://dlvr.it/RxdhbK

Read More

மதுரை சித்திரை திருவிழா: திருக்கல்யாண நிகழ்விற்கு பின் பக்தர்களுக்கு அனுமதி!

மதுரை சித்திரை திருவிழாவில் திருக்கல்யாண நிகழ்விற்கு பின் பக்தர்களுக்கு அனுமதி வழங்கப்படும் என அறிவிக்கப்பட்டுள்ளது. மதுரை மீனாட்சி அம்மன் கோயில் சித்திரை திருவிழா வரும் 15ம் தேதி கொடியேற்றத்துடன் துவங்கி 26-ம் தேதி வரை நடைபெற உள்ளது. விழாவின் முக்கிய நிகழ்வான மீனாட்சி சுந்தரேஸ்வரர் திருக்கல்யாணம் வரும் 24-ம் தேதி நடைபெறவிருக்கும் நிலையில், திருக்கல்யாண நிகழ்வு நடைபெறும் அன்று பக்தர்கள் காலை 9.30 மணியிலிருந்து பிற்பகல் 2.30 மணி வரை பக்தர்கள் தரிசிக்க அனுமதிக்கப்படுகிறார்கள் என்று அறிவிக்கப்பட்டுள்ளது. முன்னதாக காலை 8.30 மணியளவில் நடைபெறும் திருக்கல்யாண நிகழ்வின்போது பக்தர்களுக்கு அனுமதி இல்லை. ஆன்லைன் மூலமாக திருக்கல்யாண நிகழ்வினை காண சிறப்பு ஏற்பாடு செய்யப்பட்டுள்ளது. கொடியேற்ற நடைபெறும் 15ம் தேதி காலை 6 மணி முதல் 9 மணி வரையும் பின்னர் 11.30 மணி முதல் 12.30 மணி வரை பக்தர்கள் தரிசனத்திற்கு அனுமதி வழங்கப்பட்டுள்ளது.
http://dlvr.it/Rxc2Ms

Read More

கேரளா: உறவினருக்கு அரசுப் பணி வழங்கிய விவகாரம்! - உயர்கல்வித்துறை அமைச்சர் திடீர் ராஜினாமா!

கேரள மாநில உயர்கல்வித்துறை அமைச்சராக இருந்தவர் கே.டி.ஜலீல். திருவனந்தபுரம் யு.ஏ.இ தூதரகம் மூலம் தங்கம் கடத்திய வழக்கில் கைதுசெய்யப்பட்ட ஸ்வப்னா சுரேஷுடன் தொடர்பில் இருந்ததாக கே.டி.ஜலீல் மீது குற்றச்சாட்டு இருந்துவந்தது. அந்த விவகாரத்தில் மத்திய அரசு ஏஜென்சிகளின் விசாரணைக்கு ஜலீல் ஆஜரானார். மேலும், யு.ஏ.இ தூதரகத்திலிருந்து அரசு வாகனத்தில் சந்தேகத்துக்கு இடமான சில பார்சல்களை ஏற்றிச் சென்றதாகவும் கே.டி.ஜலீல் மீது குற்றச்சாட்டு கூறப்பட்டுவந்தது. இதற்கிடையே தனது அமைச்சர் பதவியை பயன்படுத்தி, சட்டவிரோதமாக உறவினருக்கு வேலை வாங்கிக் கொடுத்ததாகப் புகார் எழுந்தது. அந்தப் புகாரை விசாரித்த லோக் ஆயுக்தா தரப்பில், கடந்த சில நாள்களுக்கு முன்பு வழங்கிய தீர்ப்பில் ஜலீல் தவறு செய்தது கண்டறியப்பட்டதாகக் கூறப்பட்டிருந்தது. மேலும், அவர் அமைச்சர் பதவியில் தொடரும் தகுதியை இழந்துவிட்டதாகவும் தீர்ப்பில் கூறப்பட்டிருந்தது. 85 பக்கங்கள்கொண்ட அந்தத் தீர்ப்பின் நகல் கடந்த திங்கள்கிழமை முதல்வர் பினராயி விஜயனுக்கு அனுப்பிவைக்கப்பட்டது. லோக் ஆயுக்தா சட்டப்படி மூன்று மாதங்களில் நடவடிக்கை எடுக்க வேண்டும் என்ற நிலை ஏற்பட்டது. இதைத் தொடர்ந்து லோக் ஆயுக்தா தீர்ப்பை ரத்துசெய்ய வேண்டும் என கே.டி.ஜலீல் கேரள உயர் நீதிமன்றத்தில் மனுத்தாக்கல் செய்திருந்தார். அந்த மனு மீதான விசாரணை நிலுவையில் இருக்கும்போதே இன்று தனது அமைச்சர் பதவியை ராஜினாமா செய்திருக்கிறார் கே.டி.ஜலீல்.பினராயி விஜயன் 2016-ல் அமைச்சராக பொறுப்பேற்ற இரண்டு மாதங்களில் தனது தந்தையின் அண்ணன் மகனின் மகனான கே.டி.அதீப் என்பவரை சிறுபான்மை மேம்பாட்டு நிதி கழகத்தில் பணியில் நியமிக்கும் முயற்சியில் இறங்கியிருக்கிறார். பின்னர் அவருக்குப் பணி வாங்கிக் கொடுக்கத் தனது அதிகாரத்தைத் தவறாகப் பயன்படுத்தியதுடன், பதவி ஏற்பின்போது எடுத்த சத்தியப் பிரமாணத்துக்கு எதிராகவும் செயல்பட்டதாக லோக் ஆயுக்தா தீர்ப்பில் தெரிவித்திருந்தது. மக்கள் பிரதிநிதிகள் செய்யும் தவறுகளை விசாரணை செய்யும் லோக் ஆயுக்தா வழங்கிய தீர்ப்பு கேரள அரசியலில் அதிர்வலையை ஏற்படுத்தியிருந்தது. ஆனால், அமைச்சராக இருந்த ஜலீல், தனக்கு எதிரான இந்தப் புகார்களை உயர் நீதிமன்றம் ஏற்கெனவே விசாரணை நடத்தி தள்ளுபடி செய்துவிட்ட விவகாரம் கூறிவந்தார். அதேசமயம் சி.பி.எம் நிர்வாகிகளும், அமைச்சர் ஜலீல் ராஜினாமா செய்ய வேண்டியது இல்லை என்றும், நீதிமன்றம் தீர்ப்பைப் பொறுத்து அடுத்தகட்ட முடிவு எடுக்கப்படும் எனவும் கூறிவந்தனர். இந்தநிலையில், திடீரென தனது அமைச்சர் பதவியை ராஜினாமா செய்திருக்கிறார் கே.டி.ஜலீல்.கே.டி.ஜலீல் கே.டி.ஜலீல் கேரள முதல்வர் பினராயி விஜயனுக்கு அனுப்பியுள்ள ராஜினாமா கடிதத்தில், ``தார்மிக விஷயங்களை முன்வைத்து ராஜினாமா செய்கிறேன். லோக் ஆயுக்தாவில் இப்படி ஒரு தீர்ப்பு வந்ததால் நான் ராஜினாமா செய்கிறேன்" என அந்தக் கடிதத்தில் தெரிவித்திருக்கிறார். மேலும், தனது முகநூல் பக்கத்தில், ``என் ரத்தத்தை உறிஞ்சிக் குடிக்க விரும்புபவர்கள் தற்காலிகமாக ஆசுவாசப்பட்டுக்கொள்ளலாம். எனது ராஜினாமா கடிதத்தை முதல்வரிடம் ஒப்படைத்ததை சந்தோஷமாக அறிவிக்கிறேன்" என பதிவிட்டுள்ளார். உறவினரைச் சட்டவிரோதமாக அரசுப்பணியில் அமர்த்திய விவகாரத்தில் லோக் ஆயுக்தா வழங்கிய தீர்ப்பின் அடிப்படையில் கே.டி.ஜலீல் கேரள உயர்கல்வித்துறை அமைச்சர் பதவியை ராஜினாமா செய்த விவகாரம் அதிர்வலையை ஏற்படுத்தியிருக்கிறது.
http://dlvr.it/Rxc2G4

Read More

ஆந்திரா: `நந்தி சிலைக்குள் கோடி ரூபாய் வைரம்!’ -அருள்வாக்கு சாமியார் பேச்சைக் கேட்டு சிக்கிய கும்பல்

தெலங்கானா மாநிலம்,ஹைதராபாத்தைச் சேர்ந்தவர் பாபா. ஆன்மிகத்தில் அதிக நாட்டம்கொண்ட இவர், அமாவாசை நள்ளிரவுகளில் நடுச்சாம பூஜைகளைச் செய்வதை வழக்கமாகக் கொண்டிருந்திருக்கிறார். ஹைதராபாத்தில் மாந்திரீக வேலைகளில் ஈடுபட்டுவரும் பாபா வெள்ளிக்கிழமைகளில் தனது வீட்டில் அருள்வாக்கு கூறிவந்திருக்கிறார். இவரிடம் சித்தூரை அடுத்த கத்தாடா பகுதியைச் சேர்ந்த ஹரி என்பவர் கடந்த சில வருடங்களாகச் சீடனாக இருந்துவந்திருக்கிறார். இந்தநிலையில், மாந்திரீக சாமியார் பாபாவுக்குக் கடந்த சில நாள்களுக்கு முன்பு சாமி அருள் வந்ததாகவும், அப்போது அவர் காளஹஸ்தியை அடுத்த தேவலம்பேட்டையிலுள்ள பழைமையான சிவன் கோயில் வளாகத்திலுள்ள நந்தி சிலைக்குள் கோடி ரூபாய் மதிப்புள்ள வைரக்கற்கள் இருப்பதாகவும் தனது சிஷ்யன் ஹரியிடம் கூறியதாகத் தெரிகிறது. அதையடுத்து, சாமியார் பாபாவும் ஹரியும் சேர்ந்து தங்களிடம் வழக்கமாக அருள்வாக்குக் கேட்க வரும் சிலரிடம் நந்தி சிலை குறித்துக் கூறியிருக்கின்றனர். 60 கோடி ரூபாய் மதிப்பு என்றதும், சிவன் கோயில் நந்தி சிலையைத் திருட 10 பேர்கொண்ட திருட்டுக் கும்பல் தயாராகியிருக்கிறது. கடந்த மாதம் 26-ம் தேதி பாபா, ஹரி, சித்தூர் மாவட்டம், வேலவேடு கிராமத்தைச் சேர்ந்த வெங்கடேஷ், வெங்கடாஜலபதி, ஸ்ரீதர் , ரங்க பாபு உள்ளிட்ட எட்டு பேர் தேவலம்பேட்டை சிவன் கோயிலுக்கு நள்ளிரவு நேரத்தில் சென்றிருக்கின்றனர். ஆள் நடமாட்டம் இல்லாத பகுதி என்பதால், கடத்தல் கும்பல் எளிதில் கடப்பாரைகளைக்கொண்டு நந்தி சிலையைப் பெயர்த்தெடுத்துக்கொண்டு அங்கிருந்து ஆட்டோவில் புறப்பட்டுச் சென்றிருக்கிறது. பின்னர், இரவு நேரம் என்பதால், கங்காபுரத்தைச் சேர்ந்த முனீந்திரா என்பவரின் விளைநிலத்தில் மறைத்து வைத்துவிட்டு அவரவர் வீடுகளுக்குச் சென்றிருக்கிறார்கள்.தேவலம்பேட்டை சிவன் கோயில் நந்தி மறுநாள் காலை சிலையை உடைத்து வைரக்கற்களை எடுப்பதற்காகக் குழுவாகச் சென்றிருக்கின்றனர். அப்போது, கடத்தலின்போது உடன் இருந்த ரங்க பாபு என்பவர் மட்டும் வரவில்லை. அதைத் தொடர்ந்து, சாமியார் பாபா தலைமையில் கடத்தல் கும்பல், சிலையை எடுக்கச் சென்றபோது, நந்தி சிலை மறைத்துவைக்கப்பட்டிருந்த இடத்தில் இல்லாமல் போனதைக் கண்டு அதிர்ச்சி அடைந்துள்ளனர். சாமியார் பாபாவுடன் இருந்த ரங்க பாபு முந்தைய நாள் இரவு அனைவரும் வீட்டுக்குச் சென்ற பிறகு, மற்றொரு கும்பலைத் தன் தலைமையில் அமைத்து சிலையை அங்கிருந்து கடத்தி சித்தூருக்கு எடுத்துச் சென்றிருக்கிறார். அங்கு தனது நண்பர் வீட்டில் சிலையை மறைத்துவைத்த ரங்க பாபு பூட்டைப் பூட்டி எடுத்துக்கொண்டு கிளம்பியிருக்கிறார். பின்னர், ஐந்து நாள்கள் கழித்து நந்தி சிலையை ஐந்து பேர்கொண்ட கும்பல் பல மணி நேரம் போராடி வைரம் இருக்கும் என்று ஆவலுடன் உடைத்துப் பார்த்ததில், அவர்களுக்கு ஏமாற்றம் மட்டுமே மிஞ்சியிருக்கிறது. சாமியார் பாபா பேச்சைக் கேட்டு சிலையை உடைத்து, சிக்கலில் மாட்டிக்கொண்ட கும்பல் புலம்பித் தீர்த்திருக்கிறது. சிலை உடைக்கும் சத்தம் கேட்டு அக்கம் பக்கத்தினர் வந்ததால், உடைக்கப்பட்ட நந்தி சிலையை மூட்டையில் அள்ளிச் சென்று ஸ்வர்ணமுகி ஆற்றில் வீசிவிட்டுச் சென்றிருக்கின்றனர்.உடைக்கப்பட்ட நந்தி சிலை இதற்கிடையில், சிவன் கோயிலில் நந்தி சிலை திருடுபோன சம்பவம் தொடர்பாகக் கோயில் சாமியார் காவல் நிலையத்தில் அளித்த புகாரின் பேரில் வழக்கு பதிவு செய்து சித்தூர் போலீஸார் விசாரணை மேற்கொண்டுவந்தனர். இந்தநிலையில், நேற்று முன்தினம் வெங்கடகிரி பகுதியில் ரங்க பாபு போலீஸார் சோதனையில் சிக்கினார். பின்னர் ரங்க பாபு அளித்த தகவலின் பேரில் ஹைதராபாத்தில் தலைமறைவாக இருந்த சாமியார் பாபு மற்றும் அவரது கூட்டாளிகள் உட்பட 14 பேரை சித்தூர் போலீஸார் கைதுசெய்தனர்.கைதுசெய்யப்பட்ட கடத்தல் கும்பல் ஏற்கனவே, ஆந்திராவில் தொடர்ச்சியாகக் கோயில்கள் மீது தாக்குதல்கள் நடந்துவரும் நிலையில், நந்தி சிலை கடத்தப்பட்ட சம்பவம் பெரும் பரபரப்பை ஏற்படுத்தியிருக்கிறது. Also Read: ஆந்திராவை அலறவிட்ட `ஐ.டி புரூஃப்’ திருடன்; ஸ்கெட்ச் போட்டு தூக்கிய சைபராபாத் போலீஸ்! -நடந்தது என்ன?
http://dlvr.it/RxYjVC

Read More