கொரோனா பரவல் அச்சம்: இந்தியாவிலிருந்து ஆஸ்திரேலியா சென்றால் 5 ஆண்டுகள் சிறை

கொரோனா பரவல் காரணமாக இந்தியாவிலிருந்து திரும்பும் ஆஸ்திரேலியர்களுக்கு 5 ஆண்டுகள் சிறைத்தண்டனை அல்லது கடுமையான அபராதம் விதிக்கப்படும் என அந்நாட்டு அரசு எச்சரிக்கை விடுத்துள்ளது. கொரோனா பரவலால், பல்வேறு நாடுகள் இந்தியாவுடனான விமான சேவையை ரத்து செய்துள்ள நிலையில், ஆஸ்திரேலியாவும் இந்தியவுக்கு நேரடி விமான சேவையை ரத்து செய்துள்ளது. இருப்பினும் இந்தியாவிலிருந்து நேரடியாக அல்லாமல், வேறு நாடுகளின் வழியாக பலரும் ஆஸ்திரேலியாவுக்கு செல்வது தெரிய வந்துள்ளது. அண்மையில், ஐ.பி.எல் போட்டியில் விளையாட வந்த ஆஸ்திரேலிய வீரர்கள் ஆடம் ஜப்மா, கனே ரிச்சர்ட்சன் ஆகியோர் இந்தியாவிலிருந்து நேரடியாக செல்லாமல், வேறு நாடுகளின் வழியாக ஆஸ்திரேலியாவிற்கு திரும்பியதாக தெரிய வந்துள்ளது. இந்நிலையில், கொரோனா பரவல் காரணமாக, இந்தியாவிலிருந்து தங்களது சொந்த நாட்டு மக்களே ஆஸ்திரேலியா திரும்ப அந்நாட்டு அரசு தடை விதித்துள்ளது. ஆஸ்திரேலிய குடிமக்கள் இந்தியாவிலிருந்து வந்தால் ஐந்து ஆண்டுகள் சிறைத் தண்டனை அல்லது 66ஆயிரம் டாலர் அபராதம் விதிக்கப்படும் என எச்சரிக்கை விடுக்கப்பட்டுள்ளது. வருகிற மே 3ஆம் தேதி முதல் இந்த நடைமுறை அமலுக்கு வருவதாக அந்நாட்டு சுகாதாரத்துறை அமைச்சர் தெரிவித்துள்ளார். ஆஸ்திரேலிய மக்களின் நலனை கருத்தில் கொண்டு இந்த முடிவை எடுத்துள்ளதாக ஆஸ்திரேலியா தெரிவித்துள்ளது.
http://dlvr.it/RyqTzw

Read More

வாக்கு எண்ணிக்கை நடைபெறும் விதம் - வாக்கு எண்ணிக்கையில் பின்பற்றப்படும் வழிமுறைகள் என்ன?

தமிழகத்தில் நடந்து முடிந்த சட்டப்பேரவை தேர்தலுக்கான வாக்கு எண்ணிக்கை, கன்னியாகுமரி இடைத்தேர்தலை சேர்த்து 76 மையங்களில் நடைபெறுகிறது. இந்நிலையில், வாக்கு எண்ணிக்கை எவ்வாறு நடைபெறும்? வாக்கு எண்ணிக்கை மையங்களில் பின்பற்றப்படும் வழிமுறைகள் என்னென்ன? என்பதை விரிவாகப் பார்க்கலாம். 1. வாக்கு எண்ணிக்கை தொடங்குவதற்கான ஏற்பாடுகள் அனைத்தும் காலை 8 மணிக்கு தயார் நிலையில் இருக்கும். 2. தமிழகத்தில் தற்போது நிலவும் கொரனா பரவல் காரணமாக, சமூக இடைவெளியுடன் மேஜைகள் அமைக்கப்பட்டிருக்கும். 3. முதல் கட்ட நடவடிக்கையாக, 8 மணிக்கு தபால் வாக்கு எண்ணிக்கை தொடங்கும். 4. காலை 8.30 மணிக்கு, தேர்தல் அதிகாரி மற்றும் வேட்பாளர்கள் முன்னிலையில், வாக்கு இயந்திரத்தில் பதிவான வாக்குகள் எண்ணிக்கை தொடங்கும். 5. ஒவ்வொரு வாக்கு எண்ணிக்கை மையத்திலும் 14 மேஜைகள் போடப்பட்டு, அதில் தனித்தனி அதிகாரிகள் அமர்ந்திருப்பார்கள். 6. வாக்கு எண்ணிக்கையை கண்காணிப்பதற்காக, ஒவ்வொரு மேஜையிலும் கண்காணிப்பு கேமரா வைக்கப்பட்டிருக்கும். 7. 14 மேஜைகளில், ஒரு கட்சிக்கு தலா ஒரு முகவர் மற்றும் தலைமை முகவர் என, ஒரு வேட்பாளருக்கு 15 முகவர்கள் இருப்பார்கள். 8. வாக்குப்பதிவு இயந்திரங்கள் வைக்கப்பட்டிருக்கும் பெட்டியில் வைக்கப்பட்ட சீல், சரியாக இருக்கிறதா என்பது முகவர்கள் முன்னிலையில் ஒவ்வொரு சுற்றின் போதும் உறுதி செய்யப்படும். 9. தொகுதி, வாக்குச்சாவடி, வார்டு வாரியாக பதிவான வாக்குகள் அரசியல் கட்சி முகவர்களின் முன்னிலையில் எண்ணப்படும். 10. வாக்குப்பதிவு தினத்தன்று பதிவான வாக்குகளும் , எண்ணிக்கை தினத்தன்று எண்ணப்படும் வாக்குகளும் ஒரே எண்ணிக்கையில் இருக்கிறதா என்பது உறுதி செய்யப்படும். 11. வாக்குப்பதிவு இயந்திரங்களில் பதிவான வாக்குகள் சுற்றுகளின் அடிப்படையில் கணக்கிடப்படும். 12. குறைந்தபட்சமாக 15 சுற்றுகளும் அதிகபட்சமாக 30 சுற்றுகள் வரையும் நடைபெற வாய்ப்புகள் உண்டு. 13. ஒவ்வொரு சுற்றின் முடிவிலும், முடிவுகள் வெளியிடும் முன்பாக, அரசியல் கட்சி முகவர்களின் கையொப்பம் பெறப்படும். 14. ஒவ்வொரு சுற்றுகளின் முடிவுகளும் வாக்கு எண்ணிக்கை நடைபெறும் அறையிலுள்ள அறிவிப்பு பலகையிலும், தேர்தல் ஆணையத்தின் இணையதளத்திலும் அதிகாரப்பூர்வமாக பதிவேற்றம் செய்யப்படும். 15. பிற்பகலுக்குள்ளாக முன்னிலையில் இருக்கும் வேட்பாளர் யார்?, வெற்றி பெறப்போகும் வேட்பாளர் யார்?, என்பது ஏறக்குறைய தெரிந்துவிடும். 16. வாக்கு எண்ணிக்கை முடிந்த பின்பு வெற்றி பெற்ற வேட்பாளருக்கு அதற்கான சான்றிதழை தேர்தல் நடத்தும் அதிகாரி வழங்குவார். 17. அந்த சான்றிதழை வேட்பாளர் அல்லது அவரது தலைமை முகவர் பெற்றுக்கொள்ளலாம்.
http://dlvr.it/Ryp7vW

Read More

ம.பி: மனைவியின் நகைகளை விற்று ஆட்டோவை ஆம்புலன்ஸாக மாற்றிய ஓட்டுநர்

ஆம்புலன்ஸ் பற்றாக்குறையால் நோயாளிகளை இலவசமாக அழைத்துசெல்ல, மனைவியின் நகைகளை விற்று தனது ஆட்டோவை ஆம்புலன்ஸாக மாற்றியிருக்கிறார் மத்திய பிரதேசத்தை சேர்ந்த ஆட்டோ ஓட்டுநர் ஜாவத் கான். மத்தியபிரதேச மாநிலம் போபாலை சேர்ந்த  ஆட்டோ ஓட்டுநரான ஜாவத் கான், தனது ஆட்டோவை ஆம்புலன்சாக மாற்றி நோயாளிகளை இலவசமாக மருத்துவமனைகளுக்கு அழைத்துச் செல்கிறார். இதற்காக தனது மனைவியின் நகைகளை விற்றதாக ஜாவேத் கூறினார், இதுவரை ஜாவத் ஒன்பதுக்கும் மேற்பட்ட நோயாளிகளை மருத்துவமனைக்கு அழைத்துச் சென்றுள்ளார். இதுபற்றி கூறும் ஜாவத், "ஆம்புலன்ஸ் பற்றாக்குறையால் மருத்துவமனைகளுக்கு செல்ல மக்கள் எவ்வளவு சிரமப்படுகிறார்கள் என்பதை நான் சமூக ஊடகங்களிலும், செய்தி சேனல்களிலும் பார்த்தேன். அதனால்தான் இந்த செயலை செய்ய நினைத்தேன், இதற்காக எனது மனைவியின் நகைகளை விற்றேன். எனது ஆட்டோ ஆம்புலன்ஸ் ஆக்சிஜன் வசதியுடன் உள்ளது, என் தொடர்பு எண் சமூக ஊடகங்களில் கிடைக்கிறது. ஆம்புலன்ஸ் இல்லாவிட்டால் மக்கள் என்னை அழைக்கலாம்” என தெரிவித்தார்
http://dlvr.it/Ryp7rb

Read More

மஹாராஷ்டிரா: 'ஜூலையில் கொரோனா 3-வது அலை; எதிர்கொள்ளத் தயாராவோம்!'- முதல்வர் உத்தவ் தாக்கரே

நாட்டிலேயே கொரோனா தாக்கம் அதிகமுள்ள மாநிலமாக மகாராஷ்டிரா இருந்து வருகிறது. ஆக்சிஜன் பற்றாக்குறை, தடுப்பூசி பற்றாக்குறை என்ற நிலை இருந்து வருகிறது. இந்த இடைவெளியில் பாஜக உள்ளே புகுந்து அரசியல் செய்து கொண்டிருக்கிறது. கொரோனாவை கட்டுப்படுத்த மகாராஷ்டிராவில் ஏற்கனவே விதித்திருந்த கட்டுப்பாடுகளை வரும் மே 15ம் தேதி வரை அரசு நீட்டித்து இருக்கிறது. மும்பையில் மட்டும் ஓரளவுக்கு கொரோனா கட்டுக்குள் வந்திருக்கிறது. மாநில அளவில் தினத்தொற்று 60 ஆயிரத்தில் இருந்து 70 ஆயிரம் வரை இருந்து கொண்டிருக்கிறது.ராஜேஷ் தோபே கொரோனாவை கட்டுப்படுத்துவது குறித்து மகாராஷ்டிரா முதல்வர் உத்தவ்தாக்கரே மாவட்ட ஆட்சித்தலைவர்கள், மாநகராட்சி கமிஷனர்களுடன் முக்கிய ஆலோசனை நடத்தினார். இந்த ஆலோசனைக்கூட்டத்தில் பேசிய உத்தவ்தாக்கரே, மாவட்ட நிர்வாகம் ஆக்சிஜன் உற்பத்தி திட்டங்களை உடனே தொடங்கவேண்டும். கொரோனா சிகிச்சைக்கு தேவையான மருந்துகளை தேவையான அளவு கையிருப்பு வைக்கவேண்டும். கட்டுப்பாடுகள் மூலம் கொரோனா பரவல் ஓரளவு கட்டுப்படுத்தப்பட்டுள்ளது. ஆனால் கொரோனாவின் மூன்றாவது அலையை எதிர்கொள்ள மிகவும் கவனத்துடன் மாவட்ட நிர்வாகம் திட்டமிட வேண்டும் என்று கேட்டுக்கொண்டுள்ளார். பின்னர் முதல்வர் அலுவலகம் அனைத்து மாவட்ட ஆட்சி தலைவர்களுக்கு பிறப்பித்துள்ள உத்தரவில் முதல்வரின் உத்தரவை முழுமையாக அமல்படுத்தவேண்டும் என்று கேட்டுக்கொள்ளப்பட்டுள்ளது. மகாராஷ்டிராவில் கொரோனாவின் முன்றாவது அலை ஜூலை மற்றும் ஆகஸ்ட் மாதங்களில் இருக்கும் என்று மாநில சுகாதாரத்துறை அமைச்சர் ராஜேஷ் தோபே தெரிவித்துள்ளார். இது தொடர்பாக அவர் அளித்த பேட்டியில், "மருத்துவ வல்லுநர்கள் மகாராஷ்டிராவில் ஜூலை மற்றும் ஆகஸ்ட் மாதங்களில் கொரோனாவின் மூன்றாவது அலை இருக்கும் என்று கணித்துள்ளனர். எனவே அதற்குள் அதனை எதிர்கொள்ள மருத்துவ ஆக்சிஜனில் தன்னிரைவு அடைய முயன்று வருகிறோம். தற்போது இருக்கும் கொரோனா பாதிப்பு மே இறுதியில் குறையும். மாநிலம் முழுவதும் 125 ஆக்சிஜன் உற்பத்தி மையம் அமைக்க முதல்வர் உத்தரவிட்டிருக்கிறார். ஆக்சிஜன் பற்றாக்குறை என்ற புகார் வராமல் பார்த்துக்கொள்ளும்படி முதல்வர் மாவட்ட ஆட்சித் தலைவர்களிடம் கேட்டுக்கொண்டுள்ளார். ஆக்சிஜன் உற்பத்தி மையங்களை அமைக்க முயற்சித்துக்கொண்டிருக்கிறோம். அதோடு மாவட்ட மருத்துவமனைகளில் சிடி ஸ்கேன், எம்.ஆர்.ஐ.மெஷின் போன்றவை இருப்பதை உறுதி செய்து வருகிறோம். 18 வயது முதல் 44 வயது வரையிலானவர்களுக்கு கொரோனா தடுப்பூசி போடும் திட்டம் உடனடியாக தொடங்க வாய்ப்பு இல்லை. ஐந்து நாட்களுக்கு தேவையான 30 லட்சம் டோஸ் கையிருப்பு இருந்தால் மட்டுமே அதனை தொடங்க முடியும். தடுப்பூசிக்கு தேவையான பணத்தை அரசு கொடுக்க தயாராக இருக்கிறது. ஆனால் தடுப்பூசி தடையில்லாமல் கிடைக்கவேண்டும். போதுமான தடுப்பூசி கிடைத்தால் தினமும் 8 லட்சம் பேருக்கு தடுப்பூசி போட தேவையான கட்டமைப்பு வசதி மகாராஷ்டிராவில் இருக்கிறது என்று தெரிவித்தார். இதனால் மே மாத இறுதியில்தான் மகாராஷ்டிராவில் உள்ள 18 வயது நிரம்பியவர்களுக்கு தடுப்பூசி போடும் பணி தொடங்கும் என்று எதிர்பார்க்கப்படுகிறது.இதற்கிடையே மும்பையில் மே 2ம் தேதி வரை கொரோனா தடுப்பூசி போடப்படுவது நிறுத்தி வைக்கப்பட்டுள்ளது. போதிய அளவு தடுப்பூசி இல்லாத காரணத்தால் இம்முடிவு எடுக்கப்பட்டுள்ளதாக மாநகராட்சி நிர்வாகம் தெரிவித்துள்ளது. இதனால் மக்கள் தேவையில்லாமல் வரவேண்டாம் என்றும் கேட்டுக்கொண்டுள்ளது.
http://dlvr.it/Rylz2F

Read More

கொரோனா பாதித்த ஏழை குடும்பங்களுக்கு இலவச ரேஷன் பொருட்கள் தொகுப்பு: பஞ்சாப் முதல்வர்

பஞ்சாப் மாநிலத்தில் கொரோனா பாதித்த ஏழை குடும்பங்களுக்கு இலவச ரேஷன் பொருட்கள் தொகுப்பு வழங்கப்படும் என்று பஞ்சாப் முதல்வர் அம்ரீந்தர் சிங் தெரிவித்தார் பஞ்சாபில் கொரோனா பாதித்த ஏழை குடும்பங்களுக்கு இலவச ரேஷன் பைகளை மாநில அரசு விநியோகிக்கத் தொடங்கியுள்ளது. இதுவரை ஒரு லட்சம் பைகள் தயாரிக்கப்பட்டுள்ளதாகவும், தேவைப்பட்டால் அரசு மேலும் தயார் செய்யும் என்றும் பஞ்சாப் மாநில முதல்வர் அம்ரீந்தர் சிங் கூறினார். "கொரோனா பாதித்த ஏழை குடும்பங்களுக்கு 10 கிலோ கோதுமை மாவு, இரண்டு கிலோ சர்க்கரை மற்றும் இரண்டு கிலோ கொண்டைகடலை அடங்கிய உணவு ரேஷன் பைகளை விநியோகிக்கத் தொடங்கியுள்ளோம். இப்போது ஒரு லட்சம் பைகள் தயாரிக்கப்பட்டுள்ளன. தேவைப்பட்டால் நாங்கள் இன்னும் தயார் செய்வோம். மக்கள் தங்களை கவனித்துக் கொண்டு வீட்டிலேயே இருக்கவேண்டும் "என்று முதல்வர் அமரீந்தர் சிங் ட்வீட் செய்துள்ளார். பஞ்சாபில் தற்போது  53,426 பேர் கொரோனாவால் பாதிக்கப்பட்டு சிகிச்சை பெற்று வருகிறார்கள். மாநிலத்தில் இதுவரை 8,772 இறப்புகள் பதிவாகியுள்ளன.
http://dlvr.it/RykJ3x

Read More

மே 1ல் ஊரடங்கு அவசியமில்லை; மே 2ல் வழக்கம்போல் ஊரடங்கு அமல்: ஐகோர்ட்டில் தமிழக அரசு தகவல்

மே 1ல் ஊரடங்கு அவசியமில்லை என்றும் மே 2ல் வழக்கம் போல் ஞாயிறு பொது ஊரடங்கு அமலில் இருக்கும் என்றும் சென்னை உயர்நீதிமன்றத்தில் தமிழக அரசு தெரிவித்துள்ளது.  சென்னை உயர்நீதிமன்றத்தில் இன்று தமிழக அரசு சார்பில் ஆஜரான வழக்கறிஞர், “மே 1 ஆம் தேதி தொழிலாளர் தினம் என்பதால், அன்றைய தினம் விடுமுறையாக அறிவிக்கப்பட்டுள்ளது. அதனால் பெரும்பான்மையான மக்கள் அன்றையதினம் வெளியே வரவாய்ப்பில்லை. இது மட்டுமன்றி அன்றைய தினம் 18 +க்கு மே 1 முதல் கொரோனா தடுப்பூசி போடுவதால் முழு ஊரடங்கு தேவையில்லை” என கூறினார். மே 2 ஆம் தேதி வாக்கு எண்ணிக்கை நடைபெறுவதால் அன்று வாக்குமையத்திற்கு வரும் நபர்களுக்கு மட்டும் தேர்தல் ஆணையம் அறிவுறுத்திய வழிகாட்டுதல்களின் படி அனுமதிக்கப்படுவர். ஆகையால் ஊரடங்கு குறித்த முடிவை கள நிலவரமே முடிவு செய்யும் என்றார். ஆகையால் இது குறித்த முடிவை இரண்டு மாநில அரசுகளும் நாளை நீதிமன்றத்தில் தெரிவிக்குமாறு கூறி வழக்கை நீதிபதிகள் ஒத்திவைத்தனர்.   மே 2 ஊரடங்கு நாளில் வேட்பாளர்கள் முகவர்களுக்கு எந்தக்கட்டுப்பாடும் இல்லை எனவும் அதன் பின்னர் ஊரடங்கு நீட்டிக்கப்படும் என்றும் தமிழக அரசு அறிவிப்பு வெளியிட்டுள்ளது.  முன்னதாக, கொரோனா பரவலை தடுக்க மே 1, 2 ஆகிய தேதிகளில் ஊரடங்கு விதிக்க முடியுமா என தமிழக மற்றும் புதுச்சேரி மாநில அரசுகளை சென்னை உயர்நீதிமன்றம் கேட்டிருந்தது குறிப்பிடத்தக்கது. 
http://dlvr.it/RykJ0L

Read More

இந்தியாவில் ஒரே நாளில் கொரோனாவுக்கு 3,645 பேர் பலி - உயிரிழப்பு விகிதம் 1.12% ஆக உயர்வு

இந்தியாவில் கொரோனா தொற்று பாதிப்பால் ஒரே நாளில் 3,645 பேர் உயிரிழந்துள்ளதாக மத்திய சுகாதாரத்துறை வெளியிட்டுள்ள தகவலில் தெரியவந்துள்ளது. இதனால், கொரோனாவுக்கு உயிரிழந்தோர் எண்ணிக்கை 2,04,000 ஆக உயர்ந்துள்ளது. கொரோனாவால் குணமடைந்தோர் விகிதம் 82.33% ஆகவும், உயிரிழப்பு விகிதம் 1.12% ஆகவும் உள்ளது. நாடு முழுவதும் கொரோனா பாதித்து சிகிச்சை பெறுவோர் எண்ணிக்கை 30,84,814 ஆக உயர்ந்துள்ளது. இந்தியாவில் குணமடைந்தோர் எண்ணிக்கை 1,48,17,371லிருந்து 1,50,86,878 ஆக உயர்ந்துள்ளது. கடந்த 24 மணி நேரத்தில் தொற்று எண்ணிக்கை முன் எப்போதும் இல்லாத அளவாக 3 லட்சத்து 79 ஆயிரத்தை தொட்டது. இதுவரை இல்லாத அளவாக ஒரே நாளில் 2.69 லட்சம் பேர் குணமடைந்தனர். India reports 3,79,257 new #COVID19 cases, 3645 deaths and 2,69,507 discharges in the last 24 hours, as per Union Health Ministry Total cases: 1,83,76,524 Total recoveries: 1,50,86,878 Death toll: 2,04,832 Active cases: 30,84,814 Total vaccination: 15,00,20,648 pic.twitter.com/ak1MKYUW7R— ANI (@ANI) April 29, 2021
http://dlvr.it/Ryh0td

Read More