தமிழக முதலமைச்சராக வரும் 7-ஆம் தேதி பதவியேற்கிறார் மு.க.ஸ்டாலின்

தமிழக முதலமைச்சராக வரும் 7-ஆம் தேதி பதவியேற்கிறார் திமுக தலைவர் மு.க.ஸ்டாலின். தமிழக சட்டசபை தேர்தலுக்கான வாக்குப்பதிவு கடந்த ஏப்ரல் 6-ம் தேதி நடைபெற்ற நிலையில், இந்த தேர்தலில் பதிவான வாக்குகள் நேற்று எண்ணப்பட்டன. மொத்தமுள்ள 234 தொகுதிகளில் 118 தொகுதிகளில் வெற்றி பெற்றால் ஆட்சி அமைக்கலாம் என்ற நிலையில், திமுக கூட்டணி கட்சி 159 தொகுதிகளில் வெற்றி பெற்று, அறுதிப் பெரும்பான்மையுடன் 10 ஆண்டுகளுக்குப் பின் தமிழகத்தில் திமுக ஆட்சி அமைய உள்ளது. மு.க.ஸ்டாலின் தலைமையில் அமையவுள்ள ஆட்சிக்குப் பல்வேறு அரசியல் கட்சித் தலைவர்கள் வாழ்த்து தெரிவித்து வருகின்றனர். இந்த நிலையில் தமிழக முதலமைச்சராக வரும் 7-ஆம் தேதி திமுக தலைவர் மு.க.ஸ்டாலின் பதவியேற்க உள்ளார். அவருக்கு ஆளுநர் பன்வாரிலால் புரோகித் பதவிப்பிரமாணம் செய்துவைப்பார்.
http://dlvr.it/RyxNfL

Read More

கூரைவீடு டூ சட்டமன்றம் -திருத்துறைப்பூண்டியில் வென்ற சிபிஐ-ன் மாரிமுத்து கடந்து வந்த பாதை!

திருத்துறைப்பூண்டியில் அதிமுக வேட்பாளர் சுரேஷ்குமாரை 30,058 வாக்குகள் வித்தியாசத்தில் இந்திய கம்யூனிஸ்ட் வேட்பாளர் மாரிமுத்து வெற்றி பெற்றுள்ளார். சட்டமன்றத் தேர்தலில் போட்டியிடும் வேட்பாளர்களில் பெரும்பான்மையானவர்கள் கோடீஸ்வரர்கள். நடமாடும் நகைக்கடையாக நடமாடிக் கொண்டிருப்பவர்கள். அவர்களுக்கு மத்தியில் இப்படியும் அரசியல்வாதிகள் இருக்கிறார்களா என்று வியக்க வைப்பவர்கள் ஒரு சிலரே. அப்படி ஒருவர்தான் திருத்துறைப்பூண்டி சட்டமன்றத் தொகுதியில் இந்திய கம்யூனிஸ்ட் கட்சி வேட்பாளராக போட்டியிடும் க.மாரிமுத்து. திருத்துறைப்பூண்டி சட்டமன்றத் தொகுதியில் இந்திய கம்யூனிஸ்ட் கட்சி வேட்பாளராக போட்டியிடும் க.மாரிமுத்துவின் வீடு பெரிய வசதிகளற்ற கூரை வீடு. திருத்துறைப்பூண்டியில் இருந்து 15 கிலோமீட்டர் தொலைவில் உள்ள காடுவாகுடி கிராமத்தில் உள்ளது இந்த வீடு. சிமெண்ட் பூச்சு காணாத எளிமையான வீடு. இதுதான் நடப்பு சட்டமன்றத் தேர்தலில் போட்டியிட்டு வெற்றி பெற்ற வேட்பாளர் ஒருவரின் இல்லம் என்பது காண்போரை ஒரு நிமிடம் அதிர்ச்சியடைய வைக்கும். மாரிமுத்துவின் மனைவி ஜெயசுதா, தனது கணவர் மக்களுக்காக போராடும் நிலையில், தானும், மாமியாருமாக கூலி வேலை செய்து குடும்பத்தை நடத்தி வருதாக கூறினார்.49 வயதாகும் மாரிமுத்து, 25 ஆண்டுகளாக இந்திய கம்யூனிஸ்ட் கட்சியில் இயங்கி வருபவர். சாதாரண, அடித்தட்டு மக்களுக்கான போராட்டங்களை முன்னெடுத்து வந்ததே இவரை வேட்பாளராகவும் அறிவிக்க வைத்தது. மாரிமுத்து தனது வேட்பு மனுவில், 3 ஆயிரம் ரூபாய் பணம் கையிருப்பு, வங்கிக்கணக்கில் 58 ஆயிரம் ரூபாய் பணம், மனைவியின் கையில் ஆயிரம் ரூபாய் பணம், மனைவியின் 3 பவுன் நகைகளை சொத்து மதிப்பாக குறிப்பிட்டு இருந்தது அனைவரிடமும் பெரும் கவனத்தை பெற்றது. பூர்வீக வீடும் மனைவி பெயரிலான சொத்தாக குறிப்பிடப்பட்டிருந்தது. அதே தொகுதியில் அதிமுக சார்பில் போட்டியிட்ட தோல்வியடைந்த சுரேஷ்குமார் தனது சொத்து மதிப்பு 20 கோடிக்கு மேல் என்று பிரமாணப் பத்திரத்தில் குறிப்பிட்டு இருந்தார். அமமுக சார்பில் சென்னையைச் சேர்ந்த ரஜினிகாந்த் என்பவரும், நாம் தமிழர் கட்சி சார்பில் ஆர்த்தி என்பவரும் போட்டியிட்டார்கள். இவர்களுடன் போட்டியிடும் மாரிமுத்து, மக்களின் குரலாக ஒலிப்பதற்காகவும், மக்களுக்கான திட்டங்களை பெற்றுத்தரவும் சட்டமன்றம் செல்ல களத்தில் நிற்பதாகவும், போராட்டங்களே வாழ்க்கையானபின், தேர்தலும் ஒரு போராட்ட களம்தான் என்று அவர் கூறியிருந்தது குறிப்பிடத்தக்கது.
http://dlvr.it/Ryvr8c

Read More

கடவுளின் தேசத்தைக் காக்க மீண்டும் சட்டமன்றம் நுழைகிறார் 'சைலஜா' டீச்சர்

கேரளாவில் நடந்து முடிந்த சட்டமன்றத் தேர்தலின் வாக்கு எண்ணிக்கையானது இன்று காலை தொடங்கியது. வாக்கு எண்ணிக்கையின் முதல் சுற்றுலிருந்தே இடதுசாரி கூட்டணி முன்னிலை வகித்து வந்தது. தற்போதைய நிலவரப்படி கேரளாவில் மொத்தமுள்ள 140 தொகுதிகளில் மெஜாரிட்டிக்கு தேவையான 71 இடங்களைத் தாண்டி இடதுசாரி கூட்டணி 95 இடங்களுக்கும் மேலாக முன்னிலை வகித்து வருகிறது. பெரும்பலான தொகுதிகளில் இன்னும் சில சுற்றுகளே மீதமுள்ள நிலையில் தனிப்பெரும்பான்மையுடன் பினராயி விஜயன் தலைமையிலான கம்யூனிஸ்ட் கட்சி மீண்டும் வரலாற்று சாதனை நிகழ்த்தியிருக்கிறது. இடது முன்னணி கூட்டணி 97 இடங்களிலும், காங்கிரஸ் கட்சி 44 இடங்களிலும் முன்னிலை வகித்து வருகின்றன. பா.ஜ.க ஒரு தொகுதியில் கூட முன்னிலையில் இல்லை என்பது குறிப்பிடத்தக்கது. பினராயி விஜயன் தலைமையிலான கம்யூனிஸ்ட் அரசு கடந்த ஐந்தாண்டுகளில் செய்த மக்கள் நல செயல்களே அக்கட்சிக்கு தேர்தலில் வாக்குக்களாக கூடுதல் பலம் சேர்ந்திருக்கின்றன. குறிப்பாக, கொரோனா நோய்த்தொற்றை மாநில அரசு எதிர்கொண்ட விதம் பாராட்டுக்குரியது.கேரள முதல்வர் பினராயி விஜயன் நிலச்சரிவு, நிஃபா வைரஸ், கேரள பெருவெள்ளம் என முன்னதாக பல பேரிடர்களையும், அசாதாரண சூழல்களையும் திறம்பட எதிர்கொண்ட கேரளா கொரோனா வைரஸை எதிர்கொள்ள தயாராகவே இருந்தது. அதற்கு காரணம், சூழலை கணித்து முன்னெச்சரிக்கையாக செயல்பட்ட மாநில சுகாதாரத்துறை அமைச்சர் சைலஜா. 64 வயதான சைலஜா டீச்சர் பினராயி விஜயன் தலைமையிலான மார்க்சிஸ்ட் கம்யூனிஸ்ட் அரசின் அமைச்சரவையில் இரண்டு முக்கிய பதவிகளை கவனித்து வந்தார். 2016 தேர்தலில் வெற்றிபெற்று சட்டமன்றத்திற்குள் நுழைந்த சைலஜா டீச்சர், கேரள அரசின் சுகாதாரத்துறை மற்றும் சமூகநலத்துறை என இரண்டு மிகமுக்கியமான இலாக்காக்களை கவனித்து வந்தார். சூழல் எவ்வளவு இக்கட்டானதாக இருந்தாலும் துணிந்து போராடும் மனதிடம் கொண்ட சைலஜா கேரளாவின் பல பேரிடர் நேரங்களில் திறம்பட செயல்பட்டிருக்கிறார். கொரோனா பாதிப்பு மற்ற மாநிலங்களுடன் ஒப்பிடுகையில் கேரளாவில் அதிகமாக இருந்த போதிலும், மாநிலத்தில் உயிரிழப்புகள் மிகவும் குறைவாகவே பதிவாகி இருக்கிறது. கொரோனா முதலாம் அலையில் சூழலை கச்சிதமாக கையாண்டு கேரளாவில் கொரோனா பரவலையும், தாக்கத்தையும் சுகாதாரத்துறை அமைச்சர் சைலஜா குறைத்தார். அதன் காரணமாக சைலஜா டீச்சர் மக்கள் மனங்களை வென்றார். சைலஜா கொரோனா நோய்த்தொற்று பாதிப்பை எதிர்கொண்ட விதம் இந்தியளவில் பெரிதாக பேசப்பட்டது, தற்போது வரையிலும் பேசப்பட்டு வருகிறது. சைலஜா கேரள சுகாதாரத்துறை அமைச்சர் என்ற முறையில் மிகச் சிறப்பாக செயல்பட்ட சைலஜாவிற்கு மக்கள் தங்கள் நன்றிக்கடனை இந்த தேர்தலில் வாக்குகளாக செலுத்தியிருக்கின்றனர். மட்டண்ணூர் தொகுதியில் மார்க்சிஸ்ட் கம்யூனிஸ்ட் கட்சியின் சார்பில் போட்டியிட்ட சைலஜா டீச்சரை அத்தொகுதி மக்கள் 58,872 வாக்குகள் வித்தியாசத்தில் மாபெரும் வெற்றி பெற செய்திருக்கின்றனர். கடவுளின் தேசத்தை காக்க மீண்டும் சட்டசபைக்குள் நுழையவிருக்கும் கம்யூனிச காம்ரேட் ஷைலாஜா டீச்சருக்கு வாழ்த்துகள் குவிந்து வருகின்றன.
http://dlvr.it/Ryvr7v

Read More

தமிழகத் தேர்தல்: 15 அமைச்சர்கள் முன்னிலை; 8 அமைச்சர்கள் பின்னடைவு

தமிழகத் தேர்தல் முடிவுகளில் முதலமைச்சர் எடப்பாடி பழனிசாமி உட்பட 15 அமைச்சர்கள் முன்னிலை வகித்து வருகின்றனர். எடப்பாடி பழனிசாமி, பன்னீர்செல்வம், திண்டுக்கல் சீனிவாசன், செங்கோட்டையன், செல்லூர் ராஜூ, தங்கமணி, வேலுமணி, கே.பி.அன்பழகன், ஓ.எஸ்.மணியன், கே.ராதாகிருஷ்ணன், கே.சி.கருப்பண்ணன், ஆர்.பி.உதயக்குமார், கடம்பூர் ராஜூ, சரோஜா, சி.விஜயபாஸ்கர், ஆகியோர் முன்னிலை பெற்று வருகின்றனர். அதேபோல், டி.ஜெயக்குமார், சி.வி.சண்முகம், எம்.சி.சம்பத், காமராஜ், பெஞ்சமின், எம்.ஆர்.விஜயபாஸ்கர், வி.எம்.ராஜலட்சுமி, ராஜேந்திர பாலாஜி ஆகியோர் பின்னடைவை சந்தித்துள்ளனர்.
http://dlvr.it/RytJLv

Read More

ரெம்டெசிவிருக்கு காத்துக்கிடக்கும் மக்கள்: தண்ணீர் வழங்கி தாகம் தீர்க்கும் தன்னார்வலர்கள்

ரெம்டெசிவிர் மருந்து வாங்க பல மணி நேரம் கால் கடுக்க காத்திருக்கும் மக்களுக்கு கடந்த மூன்று நாட்களாக தன்னார்வ அமைப்பினர் தண்ணீர் பாட்டில் விநியோகம் செய்கின்றனர். ரெம்டெசிவிர் மருந்து கொரோனா சிகிச்சைக்கு நேரடியாக பயன்படுத்தப்படாவிட்டாலும், வைரஸ் தொற்றின் பெருக்கத்தை கட்டுப்படுத்துவது, மருத்துவமனையில் இருக்கும் அவகாசத்தை குறைப்பது போன்ற காரணங்களால் பெரும்பாலான தனியார் மருத்துவமனைகளால் இந்த மருந்து சிகிச்சைக்கு பரிந்துரைக்கப்படுகிறது. தங்களின் ரத்த உறவுகள், உயிர் நண்பர்களை தீவிர சிகிச்சை பிரிவில் சேர்த்து விட்டு, ரெம்டெசிவிர் எப்போது கிடைக்கும் என்கிற பதற்றத்தில் மணி கணக்கில் வரிசையில் மக்கள் காத்திருக்கின்றனர். சென்னையில் கீழ்ப்பாக்கம் அரசு மருத்துவ கல்லூரி ஒரு இடத்தில் மட்டுமே விநியோகிக்க படுவதால் சென்னையில் இருந்து மட்டுமின்றி தமிழகத்தில் பல மாவட்டங்களில் இருந்து மருந்து வாங்க வருகின்றனர். சுமார் 8 முதல் 10 மணி நேரம் வரிசையில் கால் கடுக்க காத்திருந்தால் தான் மருந்து கிடைக்கும் என்ற நிலை உள்ளது. இப்படி மணிக்கணிக்கில் கோடை வெயிலில் காத்திருக்கும் மக்களுக்கு தண்ணீர் உட்பட அடிப்படை வசதி கூட சுகாதார துறை சார்பில் செய்து தரப்படவில்லை என்கிற குற்றச்சாட்டு கடந்த சில தினங்களாக எழுந்தது. இந்நிலையில் புரசைவாக்கத்தை சேர்ந்த தவுஹித் ஜாமாத் அமைப்பை சேர்ந்த தன்னார்வளர்கள் கடந்த மூன்று நாட்களாக, நாள் ஒன்றுக்கு 500 பேருக்கு அரை லிட்டர் தண்ணீர் பாட்டில் விநியோகம் செய்கின்றனர். வரிசையில் நிற்கும் மக்களுக்கு மட்டுமின்றி, காவல்துறையினர், தூய்மை பணியாளர்களுக்கும் வழங்கி வருகின்றனர். 'மக்களுக்கு செய்யும் சேவையே கடவுளுக்கு செய்யும் சேவை என இஸ்லாம் மார்க்கம் கூறுகிறது' என்றும், இதை மனதில்கொண்டே தாங்கள் இந்த சேவையை செய்வதாக கூறுகிறார் தன்னார்வலர் சிந்தாமகர். மேலும், அடுத்த வாரத்தில் இருந்து உணவு வாங்க முடியாமல் காத்திருப்பவர்களுக்கும் உணவு வழங்க திட்டமிட்டுள்ளதாக கூறும் இவர்கள், ரமலான் மாதத்தில் மக்கள் சேவை செய்வதை பாக்கியமாக கருதுவதாக தெரிவிக்கின்றனர். இந்த சேவைக்கு மக்கள் பாராட்டு தெரிவிக்கின்றனர்.  - ந.பால வெற்றிவேல்
http://dlvr.it/Rys49D

Read More

#ElectionResults2021 மேற்கு வங்கம் | கேரளா | அஸ்ஸாம் | புதுச்சேரி | வெல்லப்போவது யார்? #LiveUpdates

5 மாநில தேர்தல்... வெல்லப்போவது யார்...? தமிழகம், புதுச்சேரி, கேரளா, அஸ்ஸாம், மேற்கு வங்கம் ஆகிய 5 மாநில தேர்தல்கள் பல்வேறு கட்டங்களாக நடைபெற்றது. தமிழகம், புதுச்சேரி, கேரளா ஆக மாநிலங்களில் ஒரே கட்டமாக ஏப்ரல் மாதம் 6-ம் தேதி தேர்தல் நடைபெற்றது. அஸ்ஸாமில் 3 கட்டங்களாகவும், மேற்கு வங்கத்தில் 8 கட்டங்களாகவும் தேர்தல் நடைபெற்றது.மம்தா தமிழகம் மட்டுமல்லாது அனைத்து மாநில தேர்தல்களும் இந்த முறை அதிக கவனம் ஈர்த்தது. கேரளாவில் சபரிமலை விவகாரம், தங்கம் கடத்தல் விவகாரம் போன்ற சர்ச்சைகளுக்கு பிறகு நடைபெறும் தேர்தல். புதுச்சேரியில் கடந்த ஆட்சியின் இறுதி கட்டத்தில் பெரும்பான்மை இல்லாத காரணத்தால் ஆட்சி கவிழ்க்கப்பட்டது. மேற்கு வங்கத்தில், மம்தாவை எப்படியாவது வீழ்த்தி, ஆட்சிய பிடிக்க நினைக்கிறது பா.ஜ.க, அஸ்ஸாமில் ஆட்சியை தக்க வைக்குமா பா.ஜ.க... இப்படி அனைத்து மாநில தேர்தல்களும் மிகுந்த எதிர்பார்ப்பை ஏற்படுத்தி இருக்கிறது. தமிழக தேர்தல் நிலவரங்களை தெரிந்து கொள்ள... Also Read: தமிழக தேர்தல் முடிவுகள் 2021: அடுத்த முதல்வர் யார்... மக்கள் தீர்ப்பு என்ன?! #TNElections2021
http://dlvr.it/Rys45T

Read More

கொரோனா பரவல் அச்சம்: இந்தியாவிலிருந்து ஆஸ்திரேலியா சென்றால் 5 ஆண்டுகள் சிறை

கொரோனா பரவல் காரணமாக இந்தியாவிலிருந்து திரும்பும் ஆஸ்திரேலியர்களுக்கு 5 ஆண்டுகள் சிறைத்தண்டனை அல்லது கடுமையான அபராதம் விதிக்கப்படும் என அந்நாட்டு அரசு எச்சரிக்கை விடுத்துள்ளது. கொரோனா பரவலால், பல்வேறு நாடுகள் இந்தியாவுடனான விமான சேவையை ரத்து செய்துள்ள நிலையில், ஆஸ்திரேலியாவும் இந்தியவுக்கு நேரடி விமான சேவையை ரத்து செய்துள்ளது. இருப்பினும் இந்தியாவிலிருந்து நேரடியாக அல்லாமல், வேறு நாடுகளின் வழியாக பலரும் ஆஸ்திரேலியாவுக்கு செல்வது தெரிய வந்துள்ளது. அண்மையில், ஐ.பி.எல் போட்டியில் விளையாட வந்த ஆஸ்திரேலிய வீரர்கள் ஆடம் ஜப்மா, கனே ரிச்சர்ட்சன் ஆகியோர் இந்தியாவிலிருந்து நேரடியாக செல்லாமல், வேறு நாடுகளின் வழியாக ஆஸ்திரேலியாவிற்கு திரும்பியதாக தெரிய வந்துள்ளது. இந்நிலையில், கொரோனா பரவல் காரணமாக, இந்தியாவிலிருந்து தங்களது சொந்த நாட்டு மக்களே ஆஸ்திரேலியா திரும்ப அந்நாட்டு அரசு தடை விதித்துள்ளது. ஆஸ்திரேலிய குடிமக்கள் இந்தியாவிலிருந்து வந்தால் ஐந்து ஆண்டுகள் சிறைத் தண்டனை அல்லது 66ஆயிரம் டாலர் அபராதம் விதிக்கப்படும் என எச்சரிக்கை விடுக்கப்பட்டுள்ளது. வருகிற மே 3ஆம் தேதி முதல் இந்த நடைமுறை அமலுக்கு வருவதாக அந்நாட்டு சுகாதாரத்துறை அமைச்சர் தெரிவித்துள்ளார். ஆஸ்திரேலிய மக்களின் நலனை கருத்தில் கொண்டு இந்த முடிவை எடுத்துள்ளதாக ஆஸ்திரேலியா தெரிவித்துள்ளது.
http://dlvr.it/RyqTzw

Read More