தமிழக முதலமைச்சராக பதவியேற்றார் திமுக தலைவர் மு.க.ஸ்டாலின்!

தமிழக முதலமைச்சராக திமுக தலைவர் மு.க.ஸ்டாலின் பதவியேற்றார். கொரோனா பரவல் காரணமாக சென்னை கிண்டி ராஜ்பவனில் இதற்கான பதவியேற்பு விழா எளிமையான முறையில் நடைபெற்றது. காலை 9 மணியளவில் ஆளுநர் பன்வாரிலால் புரோஹித் ஆளுநர் மாளிகை வருகை தந்தார். பின்னர் பதவியேற்க உள்ள அமைச்சர்களை ஆளுநருக்கு மு.க.ஸ்டாலின் அறிமுகம் செய்து வைத்தார். பின்னர், மு.க.ஸ்டாலினுக்கு தமிழக முதலமைச்சராக பதவி பிரமாணம் செய்து வைத்தார் ஆளுநர் பன்வாரிலால் புரோஹித். அத்துடன் ரகசிய காப்பு பிரமாணமும் செய்து வைத்தார் ஆளுநர். 'முத்துவேல் கருணாநிதி ஸ்டாலின் எனும்..’ என்று கூறி பதவியேற்றுக் கொண்டார் ஸ்டாலின். அவரை தொடர்ந்து 33 அமைச்சர்கள் ஒவ்வொருவராக பதவி பிரமாணம் ஏற்று வருகின்றனர். இந்த விழாவில் திமுக எம்.எல்.ஏக்கள், திமுக கூட்டணி கட்சி தலைவர்கள், அதிமுக உள்ளிட்ட எதிர்க்கட்சிகளின் தலைவர்கள் பங்கேற்றனர். முதலமைச்சராக பதவியேற்ற மு.க.ஸ்டாலின் பெரியார், அண்ணா, கலைஞர் நினைவிடங்களில் மு.க.ஸ்டாலின் மரியாதை செய்ய இருக்கிறார். மறைந்த திமுக நிர்வாகி சிட்டி பாபுவின் இல்லத்திற்கு சென்று அவரின் உருவ படத்திற்கும் மரியாதை செய்ய உள்ளார். தொடர்ச்சியாக கோபாலபுரத்தில் உள்ள தனது இல்லத்திற்கு சென்று தனது தாயார் தயாளு அம்மாளை சந்தித்து வாழ்த்து பெற இருக்கிறார் மு.க.ஸ்டாலின். 'முத்துவேல் கருணாநிதி ஸ்டாலின் எனும்...’  > கருணாநிதி - தயாளு அம்மாள் தம்பதியினருக்கு 1953-ல் பிறந்தார். > சோவியத் கம்யூனிஸ்ட் தலைவர் ஜோசப் ஸ்டாலின் நினைவாக தந்தை கருணாநிதியால் சூட்டப்பட்ட பெயர்தான் 'ஸ்டாலின்'. > 14 வயதிலேயே அரசியல் ஆர்வம் தென்படத் தொடங்கியது. சென்னை - கோபாலபுரம் பகுதியில் திமுக பிரதிநிதியாக செயல்பட்டார். > சென்னை மாநிலக் கல்லூரியில் இளங்கலை வரலாறு பட்டம் பெற்றார். > மேடை நாடகங்கள், சில திரைப்படங்கள் மற்றும் நெடுந்தொடரிலும் நடிகராக வலம் வந்தவர். > 1968-ல் நடந்த சென்னை மாநகராட்சித் தேர்தலில் திமுகவுக்காக பரப்புரையில் ஈடுபட்டார். > 1973-ல் திமுகவின் பொதுக்குழு உறுப்பினராக தேர்வானார். > 1976-ல் அவரச நிலை பிரகடனத்தின்போது கைது செய்யப்பட்டு, ஓராண்டு கடும் சித்ரவதைக்கு ஆளானார். அதன்பின் திமுகவினர், மக்கள் மத்தியில் அறிமுகமும் மதிப்பும் கூடியது. > திமுகவில் தொடங்கப்பட்ட இளைஞரணியில் ஓர் அமைப்பாளராக 1982-ல் நியமிக்கப்பட்டார். பின்னர், அந்த அமைப்பின் மாநிலச் செயலாளர் ஆனார். > 1984-ல் நடந்த சட்டப்பேரவைத் தேர்தலில் ஆயிரம் விளக்கு தொகுதியில் முதன்முறையாக களம்கண்டார். ஆனால், வெற்றி வாய்ப்பை இழந்தார். எனினும் 1989, 1996, 2001, 2006-ல் அதே தொகுதியில் வெற்றிகண்டார். இடையே 1991-ல் மட்டும் தோல்வி கண்டார். > 1996, 2001-ல் சென்னை மாநகராட்சி மேயராக மக்களால் தேர்ந்தெடுக்கப்பட்டார். பல மேம்பாலங்களை கட்டி, நகரின் உள்கட்டமைப்பை பலப்படுத்தினார். > 2003-ல் திமுக துணைப் பொதுச் செயலாளரார் ஆனார். > 2008-ல் கட்சியின் பொருளாளராக தேர்வானார். > 2009-ல் துணை முதல்வராக பொறுப்பேற்றார். இதன்மூலம் 'தமிழகத்தின் முதல் துணை முதல்வர்' எனும் சிறப்பு பெற்றார். > 2011, 2016-ம் ஆண்டுகளில் நடந்த தேர்தலில் கொளத்தூர் தொகுதியில் போட்டியிட்டு வெற்றி பெற்றார். > 2017-ல் திமுக செயல்தலைவர் ஆனார். > தலைவரும் தந்தையுமான கருணாநிதியின் மறைவுக்குப் பிறகு, 2018-ல் திமுகவின் தலைவராக பொறுப்பேற்றார். > இவர் தலைமையில் 2019-ல் நடந்த நாடாளுமன்ற தேர்தலில் தமிழ்நாடு - புதுச்சேரியில் உள்ள 40 தொகுதிகளில், 39-ல் திமுக வெற்றிபெற்றது. > 2019-ல் இருந்து திமுக தலைவராகவும், எதிர்க்கட்சித் தலைவராகவும் செயல்பட்டு வந்தார். > இவர் தலைமையில், நடந்து முடிந்த 2021 தேர்தலில் திமுக மகத்தான வெற்றி பெற்று, 10 ஆண்டுகளுக்குப் பிறகு மீண்டும் ஆட்சியைக் கைப்பற்றியது. மூன்றாவது முறையாக கொளத்தூர் தொகுதியில் வெற்றி பெற்றார். > மே 7, 2021-ல் தமிழக முதல்வராக பதவியேற்றார்.
http://dlvr.it/RzFWmQ

Read More

“சக அணி வீரர்கள் புறப்பட்ட பிறகே நான் வீட்டுக்கு திரும்புவேன்!”- பண்பால் வியக்கவைத்த தோனி

தலைமை பண்பு என்பது சிலருக்கு அனுபவத்தின் மூலம் கிடைக்கும். அப்படியான அனுபவத்தைத் தான் இந்திய கிரிக்கெட் அணியின் முன்னாள் கேப்டன் மகேந்திர சிங் தோனி தற்போது வெளிப்படுத்தியுள்ளார். சென்னை சூப்பர் கிங்ஸ் அணியின் கேப்டன் மகேந்திர சிங் தோனி சக அணி வீரர்கள்  புறப்பட்ட பிறகே நான் வீட்டுக்கு திரும்புவேன் என திட்டவட்டமாக சொல்லி விட்டாராம். அதனால் இப்போது அவர் தலைநகர் டெல்லியில் உள்ள விடுதியில் தங்கியுள்ளார்.  பயோ பபுளில் உள்ள வீரர்களுக்கு கொரோனா தொற்று ஏற்பட்டதால் ஐபிஎல் தொடர் ஒத்திவைக்கப்பட்டுள்ளது. அதனால் 8 அணியின் வீரர்களும் அவரவர் வீடு திரும்பி வருகின்றனர். இந்தியாவில் இருந்து வரும் விமானங்களுக்கு பல்வேறு நாடுகளில் தடை விதிக்கப்பட்டுள்ளது. அதனால், ஐபிஎல் தொடரில் விளையாடி வரும் வெளிநாட்டு வீரர்கள் தங்களது தாயகம் திரும்புவதில் சிக்கல் ஏற்பட்டுள்ளது. அவர்களை பத்திரமாக அனுப்பி வைப்பதற்கான ஏற்பாடுகளை ஐபிஎல் நிர்வாகமும், பிசிசிஐயும் மேற்கொண்டு வருகின்றன.  இந்நிலையில்தான் தோனி எடுத்துள்ள முடிவு அனைவரையும் வியக்க வைத்துள்ளது. வெளிநாட்டு வீரர்கள் அனைவரும் பத்திரமாக கிளம்பிய பிறகே தாங்கள் தங்கியிருக்கும் ஹோட்டல் அறையில் இருந்து கிளம்புவேன் என காத்திருக்கிறார் தோனி.  “நாங்கள் தங்கியிருந்த விடுதியில் இருந்து கேப்டன் தோனி கடைசியாக வெளியேறும் சென்னை அணியின் உறுப்பினராக இருப்பார் என எங்களிடம் அவரே தெரிவித்துள்ளார். ஐபிஎல் தொடர் இந்தியாவில் நடந்ததால் முதலில் அணியில் இடம் பெற்றிருந்த வெளிநாட்டு வீரர்கள், பயிற்சியாளர்கள் மற்றும் நிர்வாகிகள் முதலில் செல்வார்கள் என சொல்லி உள்ளார். அதன் பின்னர் இந்தியாவை சேர்ந்த வீரர்களும். பின்னர் நாங்கள் எல்லோரும் பத்திரமாக வீட்டுக்கு திரும்பினோம் என்ற செய்தியை அறிந்துக் கொண்டதும் தோனி ஹோட்டலில் இருந்து புறப்படுவார் என தெரிவிக்கப்பட்டுள்ளது” என சென்னை அணியின் உறுப்பினர் ஒருவர் தெரிவித்துள்ளார்.  டைட்டானிக் படத்தில் கப்பல் மூழ்க போகிறது என தெரிந்ததும் பயணிகள் மற்றும் சக ஊழியர்களுக்கு முக்கியத்துவம் கொடுத்து அவர்களை பத்திரமாக வெளியேற்றும் கப்பல் கேப்டன் போல தோனி நிஜ வாழ்க்கையில் செயல்பட்டுள்ளார். 
http://dlvr.it/RzCmXC

Read More

'கள்ளச்சந்தையை தடுக்க நடவடிக்கை எடுங்கள்' - இந்திய அரசுக்கு கோரிக்கை வைத்த டி.ஐ.ஐ. அமைப்பு

கொரோனாவால் பாதிக்கப்பட்டவர்களுக்கு வழங்கப்படும் மாத்திரைகளுக்கான கள்ளச்சந்தை ஆபத்து, ஒவ்வொரு நாளும் அதிகரித்துக் கொண்டே போகிறது. இதைத்தொடர்ந்து, இந்திய அரசு சார்பில் கள்ளச்சந்தையில் மருந்து விற்பனையை தடுக்கும்விதமாக மாநிலங்கள் அனைத்தும் குழுவை நியமிக்க வேண்டுமென்ற கோரிக்கையை ஊழலுக்கு எதிரான, இந்தியாவுக்கான சர்வதேச வெளிப்படைத்தன்மைக்கான அமைப்பு (Transparency International India - டி.ஐ.ஐ.) எழுப்பியுள்ளது. இந்தக் கள்ளச்சந்தை ஆபத்தை, கொரோனாவுக்கு அடுத்தபடியான பெருந்தொற்று (எ) இரண்டாவது பெருந்தொற்று என டி.ஐ.ஐ கூறுகிறது. இந்த கொரோனா இரண்டாவது அலையில், இந்தியாவில் இப்போதைக்கு ஆக்சிஜன், மருந்து தட்டுப்பாடு, ஆம்புலன்ஸ், படுக்கை வசதிகள், வெண்டிலேட்டர் வசதிகள் என அனைத்துமே நாடு முழுவதும் பல இடங்களில் தட்டுப்பாடான நிலையில்தான் இருக்கின்றன. இவை ஒவ்வொன்றுக்கும் தட்டுப்பாடு அதிகரிக்க அதிகரிக்க, அதற்கான கள்ளச்சந்தையும் அதிகரித்துக் கொண்டே போவதாக அவர்கள் குறிப்பிட்டுள்ளனர். கள்ளச்சந்தை அதிகரிப்பதால், கோவிட் 19 சிகிச்சைக்கான மருத்துவ தேவைகள் அதிகமாவதாகவும், இதனால் அரசாங்கத்தோடும் தன்னார்வ அமைப்புகள் மற்றும் அறக்கட்டளைகளோடும் இணைந்து முழு வீச்சில் பயணிப்பது சிரமமாக இருப்பதாகவும் அவர்கள் தெரிவித்துள்ளனர். இதுகுறித்து டி.ஐ.ஐ. இயக்குநர் ராம நாத் ஜா பேசுகையில், "கொரோனா பேரிடரில் நிகழும் சிகிச்சைக்கு தேவையான பொருள்கள் விநியோகம் மற்றும் தட்டுப்பாட்டுக்கு இடையிலான இடைவெளியை குறைக்க, அரசாங்கம் கள்ளச்சந்தையில் ஈடுபடும் நபர்களின் மீது உடனடியாக கடும் நடவடிக்கை எடுக்க வேண்டும். இதற்காக, நாடு முழுவதும் செயல்பாட்டிலிருக்கும் கள்ளச்சந்தைகள் பற்றிய விவரங்கள் உடனடியாக வெளிச்சத்துக்கு வரவேண்டும். அரசு அதை நோக்கி செயல்பட வேண்டும்" எனக்கூறியுள்ளார். இதற்காக நாடு முழுவதும் தொலைப்பேசி வழியாகவோ இணையம் வழியாகவோ கள்ளச்சந்தை தொடர்பான புகார்களை பொதுமக்களும் அமைக்க ஏற்பாடு செய்யுமாறு ஆலோசனை கூறியுள்ளார்கள் அவர்கள்.
http://dlvr.it/RzCmVH

Read More

கேரளா: மே 8 முதல் 16ஆம் தேதி வரை முழு ஊரடங்கு

கேரளாவில் வரும் 8 ஆம் தேதி முதல் 16 ஆம் தேதி வரை முழு ஊரடங்கு அமல்படுத்தப்படுவதாக அம்மாநில முதல்வர் பினராயி விஜயன் அறிவித்துள்ளார். கேரளாவில் கொரோனா பாதிப்பு நாளுக்கு நாள் அதிகரித்து வருகிறது. இரண்டாம் அலை வேகமாக பரவி வருவதால் அங்கு பல்வேறு கட்டுப்பாடுகள் விதிக்கப்பட்டுள்ளன. As directed by the CM, the entire State of Kerala will be under lockdown from 6am on 8 May to 16 May. This is in the background of a strong 2nd wave of #COVID19.— CMO Kerala (@CMOKerala) May 6, 2021 இந்நிலையில் கேரளாவில் வரும் 8 ஆம் தேதி முதல் 16 ஆம் தேதி வரை முழு ஊரடங்கு அமல்படுத்தப்படுவதாக அம்மாநில முதல்வர் பினராயி விஜயன் அறிவித்துள்ளார்.
http://dlvr.it/Rz9QRQ

Read More

உ.பி உள்ளாட்சித் தேர்தல்: பிரதமர் மோடியின் வாரணாசி, அயோத்தி தொகுதிகளில் பாஜக பின்னடைவு!

20 ஆண்டுகளுக்குப் பிறகு தமிழக சட்டசபையில் அடியெடுத்து வைக்கவிருக்கிறார்கள் பா.ஜ.க எம்.எல்.ஏ-க்கள். தமிழ்நாட்டில் நான்கு தொகுதிகளில் பா.ஜ.க வெற்றிபெற்றதை அடுத்து `தமிழகத்தில் தாமரை மலர்ந்துவிட்டது' என பா.ஜ.க-வினர் கொண்டாடிக் கொண்டிருக்கிறார்கள். இந்தக் கொண்டாட்டங்கள் அடங்குவதற்குள்ளாகவே பா.ஜ.க-வின் கோட்டைகளான வாரணாசி, அயோத்தியா ஆகிய இடங்களில் நடைபெற்ற உள்ளாட்சித் தேர்தலில் பின்னடைவைச் சந்தித்திருக்கிறது அந்தக் கட்சி.பாஜக உத்தரப் பிரதேச மாநிலத்தில் கடந்த மாதம் 16-ம் தேதி தொடங்கி 29-ம் தேதி வரை நான்கு கட்டங்களாக உள்ளாட்சித் தேர்தல்கள் நடைபெற்றன. அந்தத் தேர்தலுக்கான வாக்கு எண்ணும் பணிகள் நேற்று (மே 4) நடைபெற்றன. உத்தரப் பிரதேசத்தில் மொத்தம் 3,050 பஞ்சாயத்து வார்டுகள் இருக்கின்றன. அந்த வார்டுகளில், 790 இடங்களைக் கைப்பற்றியிருக்கிறது அகிலேஷ் யாதவ் தலைமையிலான சமாஜ்வாதி கட்சி. பா.ஜ.க 719 இடங்களையும், பகுஜன் சமாஜ் 381 இடங்களையும் கைப்பற்றியிருக்கின்றன. காங்கிரஸ் கட்சி 76 இடங்களிலும், சிறிய கட்சிகள், சுயேட்சை வேட்பாளர்கள் உள்பட மற்றவர்கள் 1,114 இடங்களிலும் வெற்றிபெற்றிருக்கின்றனர். ​ Also Read: அ.தி.மு.க-வின் தோல்விக்கு பா.ஜ.க உடனான கூட்டணிதான் காரணமா? குறிப்பாகப் பிரதமர் மோடி வெற்றி பெற்ற நாடாளுமன்றத் தொகுதியான வாரணாசி பகுதிக்கு உட்பட்ட 40 பஞ்சாயத்து வார்டுகளில் எட்டு வார்டுகளில் மட்டுமே பா.ஜ.க வெற்றிபெற்றிருக்கிறது. வாரணாசியில் சமாஜ்வாதி கட்சி 14 இடங்களிலும், பகுஜன் சமாஜ் 5 இடங்களிலும் வெற்றிபெற்றிருக்கின்றன.உ.பி முதல்வர் யோகி ஆதித்யநாத் அயோத்தி பகுதிக்கு உட்பட்ட 40 வார்டுகளில் 24 வார்டுகளை கைப்பற்றியிருக்கிறது சமாஜ்வாதி. அங்கு பா.ஜ.க 6 வார்டுகளிலும், பகுஜன் சமாஜ் 5 வார்டுகளிலும் வெற்றிபெற்றிருக்கின்றன. உத்தரப் பிரதேச தலைநகர் லக்னோவில் உள்ள 25 வார்டுகளில் பா.ஜ.க வெறும் 6 வார்டுகளில் மட்டுமே வெற்றி கண்டிருக்கிறது. அதே நேரத்தில் 10 வார்டுகளை கைப்பற்றியிருக்கிறது சமாஜ்வாதி. உத்தரப் பிரதேச முதல்வர் யோகி ஆதித்யநாத்தின் சொந்த ஊரான கோரக்பூரிலுள்ள 68 வார்டுகளில் 20 வார்டுகளை பா.ஜ.க வென்றிருக்கிறது. அங்கு 19 வார்டுகளைக் கைப்பற்றி இரண்டாவது இடம் பெற்றிருக்கிறது சமாஜ்வாதி. உத்தரப் பிரதேச மாநில உள்ளாட்சித் தேர்தலில் பா.ஜ.க வாரணாசி, அயோத்தி, கோரக்பூர் உள்ளிட்ட இடங்களில் பின்னடைவைச் சந்தித்திருப்பது அந்த கட்சியினருக்கு அதிர்ச்சியை ஏற்படுத்தியிருப்பதாகச் சொல்லப்படுகிறது. மேலும், எதிர்க்கட்சியான சமாஜ்வாதி கட்சிக்கு உள்ளாட்சித் தேர்தல் முடிவுகள் சாதகமாக அமைந்திருப்பது அந்தக் கட்சியினரை உற்சாகத்தில் ஆழ்த்தியிருக்கிறது. ``பா.ஜ.க ஆட்சிக்கு எதிரான மக்களின் மனநிலை, வேளாண் சட்டங்களுக்கு எதிரான விவசாயிகள் போராட்டம் கண்டு கொள்ளப்படாதது, கொரோனா பரவலை மோசமாக கையாண்டது உள்ளிட்டவற்றின் விளைவாகத்தான் உள்ளாட்சித் தேர்தலில் சறுக்கலைச் சந்தித்திருக்கிறது பா.ஜ.க'' என்கின்றனர் அரசியல் விமர்சகர்கள்.அகிலேஷ் யாதவ் இது குறித்துப் பேசிய சமாஜ்வாதி கட்சித் தலைவர் அகிலேஷ் யாதவ், ``மூழ்கிக் கொண்டிருக்கும் கப்பலைப் போல இருக்கிறது பா.ஜ.க. 2022 சட்டமன்றத் தேர்தலில் பா.ஜ.க தோல்வியைத் தழுவும் என்பதை உள்ளாட்சித் தேர்தல் முடிவுகள் தெளிவாகக் காட்டுகின்றன'' என்று கூறியிருக்கிறார்.
http://dlvr.it/Rz7fPr

Read More

கேரளா: மந்திரி சபையில் அனைத்தும் புதுமுகங்கள் - சைலாஜா டீச்சருக்கு மட்டும் மீண்டும் வாய்ப்பு?

கேரள மாநிலத்தில் மீண்டும் ஆட்சியைப் பிடித்துள்ளது சி.பி.எம் தலைமையிலான எல்.டி.எஃப் கூட்டணி. பினராயி விஜயன் 2.0 அமைச்சரவையில் அனைவரும் புதுமுகங்களாகவே இடம்பெற வாய்ப்பு உள்ளதாக தகவல்கள் வெளியாகியிருக்கிறது. கட்சி கட்டுப்பாடுகள் காரணமாக ஏற்கெனவே இருந்த நிதி அமைச்சர் தாமஸ் ஐசக் உள்ளிட்ட ஐந்துபேருக்கு போட்டியிட வாய்ப்பு வழங்கப்படவில்லை. தேர்தலில் போட்டியிட்ட மீன்வளத்துறை அமைச்சர் மேழ்சிக்குட்டி அம்மா தோல்வியைத் தழுவினர். இந்த நிலையில் புதிய அமைச்சரவையில் யார் யார் இடம்பெற வேண்டும் என்பது குறித்த சி.பி.எம் கட்சியின் செயற்குழு கூட்டம் நேற்று நடந்தது. அதில் கூட்டணி கட்சியில் யாருக்கு எவ்வளவு சீட் வழங்க வேண்டும் என்பது குறித்தும், சி.பி.எம் கட்சியில் யார் யாருக்கு சீட் வழங்க வேண்டும் என்பது குறித்தும் முக்கிய முடிவுகள் எடுக்கப்பட்டதாக கூறப்படுகிறது.பினராயி விஜயன் அதன்படி பழைய அமைச்சர்களுக்கு கல்தா கொடுத்துவிட்டு புது முகங்களை அமைச்சராக்க வாய்ப்பு உள்ளதாகக் கூறப்படுகிறது. வரும் 9-ம் தேதி ஞாயிற்றுக்கிழமை பினராயி விஜயன் முதல்வராக பொறுப்பேற்கும் சமயத்தில் குறைந்த அளவு அமைச்சர்கள் பொறுப்பு ஏற்றக உள்ளதாகவும், அதன்பிறகு அமைச்சரவையை விரிவாக்கம் செய்யவும் வாய்ப்பு உள்ளதாகவும் கூறப்படுகிறது. புதிய அமைச்சரவையில் சி.பி.எம் மாநில செயற்குழு உறுப்பினர்களான பி.ராஜூ, பால கோபாலன் ஆகியோர் கண்டிப்பாக இடம்பெற வாய்ப்பு உள்ளதாக கூறப்படுகிறது. இவர்களில் ஒருவருக்கு நிதி அமைச்சர் பதவி வழங்க வாய்ப்பு உள்ளதாக தகவல் வெளியாகியுள்ளது. எம்.பி.ராஜேஷ், வீணா ஜார்ஜ் அகியோருக்கு கல்வித்துறை வழங்கப்பட உள்ளதாகவும். கடகம்பள்ளி சுரேந்திரன் வகித்த தேவசம்போர்டு அமைச்சர் பதவி சிவன் குட்டிக்கு வழங்க வாய்ப்பு உள்ளதாகவும் கூறப்படுகிறது.கே.கே.சைலஜா அமைச்சரவையின் அனைவரும் புதுமுகமாக இருந்தாலும், ஏற்கனவே சுகாதாரத்துறை அமைச்சராக இருந்த கே.கே.சைலஜா டீச்சருக்கு மட்டும் மீண்டும் அமைச்சர் பதவி வழங்கப்பட வாய்பு உள்ளதாகவும் தகவல் வெளியாகியுள்ளது. மழை வெள்ள பிரளயத்தின்போதும், நிஃபா வைரஸ், கொரோனா வைரஸ் பரவல்களின்போதும் திறம்பட செயல்பட்டு பினராயி விஜயன் அரசுக்கு உலக அரங்கில் நல்ல பெயரை ஈட்டித்தந்தவர் கே.கே.சைலஜா. எனவே மீண்டும் அவருக்கு சுகாதாரத்துறை அமைச்சர் பதவி வழங்கப்பட உள்ளதாக தகவல் வெளியாகியுள்ளது. அதனுடன் கூடுதலாக சில துறைகள் கே.கே.சைலஜாவுக்கு வழங்கவும் வாய்ப்பு உள்ளதாக கூறப்படுகிறது.
http://dlvr.it/Rz7fMn

Read More

ஸ்டாலின் அமைச்சரவையில் யாருக்கு எந்த துறை? - உத்தேசப் பட்டியல்

சட்டமன்ற தேர்தலில் திமுக வெற்றிபெற்றதையடுத்து, புதியதாக பொறுப்பேற்க உள்ள அமைச்சர்கள் மற்றும் அதிகாரிகள் குறித்த உத்தேசப் பட்டியல் வெளியாகியுள்ளது.  தமிழகத்தில் சட்டமன்ற தேர்தலில் திமுக, தனித்து 125 இடங்களை பிடித்து, தனிப்பெரும்பான்மையுடன் வெற்றி பெற்றது. அதன்படி நாளை மறுதினம் திமுக தலைவர் மு.க.ஸ்டாலின் பதவியேற்கிறார். இதற்காக இன்று காலை ஆளுநர் பன்வாரிலால் புரோகித்தை சந்தித்து ஆட்சியமைக்க உரிமை கோரினார் ஸ்டாலின். இந்த நிலையில் புதிய அமைச்சர்களாக, அதிகாரிகளாக யார் யார் பொறுப்பேற்பார்கள் என்பது குறித்து தகவல் வெளியாகியுள்ளது.  நெடுஞ்சாலைத்துறை- எ.வ.வேலு சுகாதாரத்துறை - மா.சுப்பிரமணியன் நீர்பாசனத்துறை - துரைமுருகன் உள்ளாட்சித்துறை - கே.என்.நேரு அதிகாரிகள் - உத்தேசப் பட்டியல் தலைமைச்செயலாளர் - இறையன்பு முதல்வரின் தனிச்செயலர் - உதயச்சந்திரன் முதல்வரின் தனிச்செயலர் - உமாநாத் முதல்வரின் தனிச்செயலர் - எஸ்.எஸ். சண்முகம்
http://dlvr.it/Rz5Jdj

Read More