மும்பை: குணமடைந்தவர்களிடம் மீதமிருக்கும் மருந்து.. கொரோனா நோயாளிகளுக்கு கொடுக்கும் டாக்டர் தம்பதி!

நாட்டிலேயே அதிக கொரோனா தொற்றை கொண்டிருந்த மகாராஷ்டிரா இப்போது படிப்படியாக அதிலிருந்து விடுபட்டு வருகிறது. மும்பை ஓரளவுக்கு கொரோனாவில் இருந்து விடுபட்டுள்ளது. கொரோனாவால் பாதிக்கப்படும் பலர் மருந்து கிடைக்காமல் திண்டாடி வருகின்றனர். அவர்களுக்கு மும்பையை சேர்ந்த டாக்டர் தம்பதி ஒன்று உதவி செய்து வருகிறது. டாக்டர் மார்கஸ் ரேன்னியும், அவரது மனைவி டாக்டர் ரெய்னாவும் சேர்ந்து கொரோனாவால் பாதிக்கப்பட்டு சிகிச்சை முடிந்தவர்களை கண்டுபிடித்து அவர்கள் பயன்படுத்தாமல் வைத்திருக்கும் மருந்தை வாங்கி தேவைப்படும் ஏழை கொரோனா நோயாளிகளுக்கு வழங்கி வருகின்றனர். டாக்டர் தம்பதி இது குறித்து டாக்டர் மார்கஸ் கூறுகையில், ``கொரோனா பாதித்து சிகிச்சை முடிந்தவர்களிடம் பயன்படுத்தப்படாமல் இருக்கும் மருந்தை வாங்கி தேவைப்படுபவர்களுக்கு கொடுக்கும் திட்டத்தை கடந்த ஒன்றாம் தேதியில் இருந்துதான் தொடங்கினோம். குடியிருப்பு கட்டடங்களில் பயன்படுத்தப்படாமல் இருக்கும் கொரோனா மருந்தை சேகரித்து அதனை தேவைப்படுபவர்களுக்கு கொடுத்து வருகிறோம்” என்றார். இது குறித்து டாக்டர் ரெய்னா கூறுகையில், ``என்னிடம் பணியாற்றும் ஊழியர் ஒருவரின் உறவினருக்கு கொரோனா தொற்று ஏற்பட்டது. அவர்களுக்கு மருந்து தேவைப்பட்டது. ஆனால் கொரோனா சிகிச்சை மருந்துகள் அதிக கட்டணத்தில் விற்கப்படுகிறது. அந்நேரம் கொரோனாவில் இருந்து சிலர் குணமடைந்தனர். உடனே அவர்களிடம் பயன்படுத்தப்படாமல் இருக்கும் மருந்தை வாங்கி கொடுக்க முடிவு செய்தோம். அதன் பிறகு பக்கத்து கட்டடங்களில் வசிக்கும் 8 பேரின் உதவியுடன் தனி கமிட்டி ஒன்றை அமைத்து வெளியில் மருந்து வாங்க முடியாத கொரோனா நோயாளிகளுக்கு இம்மருந்தை வழங்கி வருகிறோம்” என்று தெரிவித்தார். இத்தம்பதி கடந்த 10 நாட்களில் இதுவரை 20 கிலோவுக்கும் அதிகமான மருந்தை சேகரித்துள்ளனர். இம்மருந்துகள் அனைத்தும் கிராமங்களில் இருக்கும் ஆரம்ப சுகாதார மையத்திற்கு வழங்கப்படும். தற்போது 100 குடியிருப்பு கட்டடங்களுடன் டாக்டர் தம்பதி ஒப்பந்தம் செய்து கொண்டுள்ளனர். இக்கட்டடங்களில் யாருக்காவது கொரோனா ஏற்பட்டு குணமடைந்திருந்தால் அவர்கள் பயன்படுத்தாமல் இருக்கும் மருந்தை நேரடியாக டாக்டர் தம்பதிக்கு அனுப்பி விடுகின்றனர். இதுவரை சேகரித்த மருந்தை பேக்கிங் செய்து தொண்டு நிறுவனங்களுக்கு கொடுத்துள்ளனர். இந்த சேவை திட்டத்திற்கு மெட்ஸ் பார் மோர் என்று பெயரிட்டுள்ளனர். மருந்து மட்டுமல்லாது கொரோனா சிகிச்சைக்கான மருத்துவ உபகரணங்களையும் சேகரித்து வருகின்றனர். இதே போன்று மகாராஷ்டிரா மாநிலம் கோலாப்பூரில் ஆட்டோ டிரைவர் ஒருவர் கொரோனா பாதித்தவர்களை தனது ஆட்டோவில் இலவசமாக அழைத்து செல்கிறார். கொரோனா ஆரம்பித்ததில் இருந்து இது வரை 15 ஆயிரம் பேரை தனது ஆட்டோவில் இலவசமாக மருத்துவமனைக்கு அழைத்து சென்றுள்ளதாக ஜிதேந்திர ஷிண்டே தெரிவித்துள்ளார். அதில் ஆயிரம் பேர் கொரோனா அறிகுறியுள்ளவர் என்றும் அவர் குறிப்பிட்டார். ``கொரோனா நோயாளிகளுக்கு ஆட்டோ ஓட்டுவதால் என்னிடம் யாரும் வரவே பயப்படுவார்கள். எந்த நோயாக இருந்தாலும் அவர்களை இலவசமாக மருத்துவமனைக்கு அழைத்து செல்கிறேன். இதற்கான தினமும் எனக்கு போனில் அழைப்பு வந்துகொண்டேதான் இருக்கிறது. ஆட்டோ டிரைவர் ஷிண்டே நாட்டில் முதல் முறையாக பொதுமுடக்கம் அறிவிக்கப்பட்ட 2020 மார்ச் 24ம் தேதியில் இருந்து இப்பணியை செய்து வருகிறேன். மருத்துவமனைக்கு செல்லவேண்டும் என்று சொல்பவர்களிடம் முதலில் என்ன பிரச்னை என்று கேட்டு தெரிந்து கொண்டு அதற்கு தக்கபடி அருகில் உள்ள மருத்துவமனைக்கு அழைத்து செல்வேன். 70 கர்ப்பிணி பெண்களை ஒரு ஆண்டில் இலவசமாக மருத்துவமனைக்கு அழைத்து சென்றுள்ளேன்” என்று தெரிவித்தார். இலவமாக ஆட்டோ ஓட்டுவதோடு மட்டுமல்லாமல் தேவைப்படும் நோயாளிகளுக்காக இதுவரை தனது சொந்த பணம் 1.50 லட்சத்தையும் செலவு செய்து இருப்பதாக குறிப்பிட்டார். யாரும் எனக்கு உதவி செய்வதில்லை. நானும் எதிர்பார்ப்பதில்லை என்றும் அவர் குறிப்பிட்டார்.
http://dlvr.it/RzVXph

Read More

குணமடைந்தோரிடம் மீதமிருக்கும் மருந்தை ஏழை, எளிய நோயாளிகளுக்கு அளிக்கும் மருத்துவ இணையர்

மும்பையை சேர்ந்த ஒரு மருத்துவ இணையர், கொரோனாவிலிருந்து குணமடைந்த நோயாளிகளிடம் மீதமிருக்கும் மருந்துகளை பெற்றுக்கொண்டு, அவற்றின் உடனடி தேவையிருக்கும் கொரோனா நோயாளிகளுக்கு அதை தானமாக வழங்கி வருகின்றனர். இந்த முயற்சியை, மருத்துவர் மார்கஸ் ரானே மற்றும் அவர் மனைவி மருத்துவர் ரெய்னா இணையர் கடந்த மே 1 ம் தேதி முதல் செய்துவருகின்றனர். இதுபற்றி இணையரில் ஒருவரான மருத்துவர் ரெய்னா கூறும்போது, "எங்களுடன் பணியாற்றிய மருத்துவ பணியாளர்களின் குடும்பத்தை சேர்ந்தவர்கள், கொரோனாவால் சமீபத்தில் பாதிக்கப்பட்டனர். மருந்துகளின் தட்டுப்பாடு, அதீத விலை காரணமாக அவர்களால் உரிய நேரத்தில் அம்மருந்துகளை பெற முடியவில்லை. அப்போது எனக்கு தெரிந்த கொரோனாவிலிருந்து குணமடைந்த ஒருவரிடம் விசாரித்த போது, அவருக்கு வாங்கப்பட்ட அதே மருந்து, மீதமிருப்பதாக கூறினார். உடனடியாக அதை வாங்கி, எங்களுடன் வேலைப்பார்த்தவரின் குடும்பத்தை சேர்ந்தவருக்கு கொடுத்தோம். அப்போதுதான் இந்த ஐடியா தோன்றியது" எனக்கூறியுள்ளார். மேலும், “எங்களுடைய வீட்டின் அருகில் குடியிருக்கும் கட்டிடங்களில் வசிக்கும் 7 - 8 தன்னார்வலர்கள் உதவியுடன், இதை அனைவரும் சேர்ந்து செய்ய தொடங்கிவிட்டோம். மருந்து வாங்குவதற்கு நேரடியாக செல்ல முடியாமல் சிரமப்படும் நபர்களுக்கும் இவர்கள் உதவி வருகின்றோம். கடந்த வாரத்தில் மட்டும், ஏறத்தாழ 20 கிலோகிராம் உபயோகப்படுத்தப்படாத கொரோனா மருந்துகளை, குணமடைந்தோரிடமிருந்து நாங்கள் பெற்றிருக்கிறோம். கிடைத்த மருந்துகளை, ஆரம்ப சுகாதார மருந்துகளில் அளித்துவிட்டு, அதன்மூலம் ஏழை எளியோருக்கு இதை விநியோகிக்க திட்டமிட்டுள்ளோம்” என அவர் கூறியுள்ளார். தொடர்ந்து இவர்களுக்கு உதவிபுரிய முன்வந்தோர் எண்ணிக்கை அதிகரித்ததன் காரணமாக, அருகிலிருக்கும் நூற்றுக்கும் மேற்பட்ட குடியிருக்கும் கட்டிடங்களிலுள்ள குடும்பத்தினர், அவர்கள் குணமானவுடன் மீதமிருக்கும் மருந்தை தருவதாக உறுதியளித்துள்ளனராம். குணமடைந்தோரிடமிருந்து பெறப்படும் மருந்துகளில் ஆன்டிபயாடிக் மருந்துகள், வலி நிவாரணிகள், ஸ்டீராய்டுகள், ஆன்டாசிட்ஸ், வைட்டமின் மாத்திரைகள் உட்பட பல மாத்திரைகள் கிடைப்பதாக இவர்கள் குறிப்பிடுகின்றனர். ஒருசிலர் மருந்து மாத்திரைகள் மட்டுமன்றி, பல்ஸ் ஆக்சிமீட்டர் - தெர்மாமீட்டர் போன்றவற்றைகூட கொடுக்கின்றார்களாம். இவர்களின் இந்த சேவைக்கு பலரும் பாராட்டு தெரிவித்து வருகின்றனர்.
http://dlvr.it/RzVXm3

Read More

”ஜெ. ராதாகிருஷ்ணனை புதிய அரசு மாற்றாதது திருப்தி” - சென்னை உயர் நீதிமன்றம் கருத்து

புதிய அரசு பல்வேறு உயர் அதிகாரிகளை இடமாற்றம் செய்தாலும், சுகாதாரத்துறை செயலர் ராதாகிருஷ்ணனை மாற்றாதது திருப்தி அளிக்கிறது என சென்னை உயர் நீதிமன்றம் தெரிவித்துள்ளது. தமிழகம் மற்றும் புதுச்சேரியில் கொரோனா தடுப்பு நடவடிக்கைகள் மற்றும் சிகிச்சைகள் தொடர்பான வழக்குகளை உயர் நீதிமன்றம் தாமாக முன்வந்து விசாரித்து வருகிறது. இந்தவழக்கு இன்று விசாரணைக்கு வந்தபோது, தமிழக அரசு எடுத்துவரும் நடவடிக்கைகள் தொடர்பாக விளக்கம் அளிக்கப்பட்டது. அதுமட்டுமல்லாமல், உச்ச நீதிமன்றம் பரிந்துரை அளிக்கும்வரை மத்திய அரசு தேவையான உதவிகளை வழங்கவேண்டும் எனவும் அறிவுறுத்தப்பட்டது. இதுகுறித்து நீதிபதி பேசியபோது, புதிதாக ஆட்சியமைத்துள்ள தமிழக அரசு பல்வேறு துறை அதிகாரிகளை மாற்றம் செய்துவருகிறது. ஆனால் தற்போதுள்ள சூழ்நிலையைக் கருத்தில்கொண்டு சுகாதாரத்துறை செயலாளரை மாற்றாமல் கொரோனா தடுப்புப்பணிகளை அரசு மேற்கொண்டு வருவது திருப்தி அளிக்கிறது என தலைமை நீதிபதி சஞ்சீவ் பானர்ஜி அமர்வு திருப்தி தெரிவித்திருக்கிறது.
http://dlvr.it/RzTgnd

Read More

வாட்ஸ்அப் புதிய அறிவிப்பு சொல்வது என்ன?

புதிய பிரைவசி நெறிமுறைகளை பயனாளிகள் வரும் 15 ம் தேதிக்குள் ஏற்றுக்கொள்ள வேண்டும் என அறிவித்திருந்த நிபந்தனையை வாட்ஸ்அப் தள்ளிவைத்துள்ளது. புதிய நெறிமுறைகளை ஏற்காவிட்டாலும், பயனாளிகள் கணக்கு டெலிட் செய்யப்படாது என்றும் வாட்ஸ்அப் அறிவித்துள்ளது. வாட்ஸ்அப்பின் புதிய அறிவிப்பு, பிரைவசி கொள்கையை ஏற்பதில் தயக்கம் கொண்டவர்களுக்கு ஆசுவாசம் அளிப்பதாக அமைந்தாலும், வாட்ஸ்அப் பிரைவசி கொள்கை தொடர்பான பிரச்னையோ, சர்ச்சையோ முடிவுக்கு வந்திருப்பதாக சொல்வதற்கில்லை. ஏனெனில், வாட்ஸ்அப், சர்ச்சைக்குரிய தனது பிரைவசி கொள்கையை ரத்து செய்வதாக அறிவிக்கவில்லை. இந்த கொள்கையை நடைமுறைப்படுத்தும் விதத்தை மட்டுமே மாற்றியிருக்கிறது. இந்த வில்லங்கத்தை கொஞ்சம் விரிவாக பார்க்கலாம். சில மாதங்களுக்கு முன்னர், வாட்ஸ்அப் தனது பிரைவசி கொள்கையை மாற்றி அமைத்ததும், அதனால் பெரும் சர்ச்சை உண்டானதும் நினைவில் இருக்கலாம். பயனாளிகளின் தரவுகள் சேகரிக்கப்படும் விதம், அந்த தகவல்கள் வாட்ஸ்அப்பின் தாய் நிறுவனமான பேஸ்புக்குடன் பகிர்ந்து கொள்ளப்படும் அம்சம் உள்ளிட்ட பல விஷயங்களை கொண்டிருந்த இந்த பிரைவசி கொள்கையை குறிப்பிட்ட காலத்திற்குள் ஏற்கவிட்டால் வாட்ஸ்அப் சேவையை தொடர்ந்து பயன்படுத்த முடியாது என கெடு விதிக்கப்பட்டதால் பெரும் சர்ச்சை எழுந்தது. இதனால் வாட்ஸ்அப் கடும் விமர்சனத்திற்கு உள்ளானதோடு, சிக்னல், டெலிகிராம் உள்ளிட்ட மெசேஜிங் சேவைகள் வாட்ஸ்அப்பிற்கு மாற்றாக பிரபலமாயின. இந்த எதிர்ப்பு அலையை சமாளிக்கும் வகையில், வாட்ஸ்அப் தனது பிரைவசி கொள்கைக்கு விளக்கம் அளித்ததோடு, புதிய நிபந்தனைகளை ஏற்பதற்கான காலக்கெடுவை மே 15 ம் தேதி வரை நீட்டித்தது. இந்த கெடு நெருங்கிய நிலையில் வாட்ஸ்அப், புதிய நெறிமுறைகளை பயனாளிகள் ஏற்றுக்கொள்ளாவிட்டாலும் பாதிப்பு ஏற்படாது என அறிவித்துள்ளது. இது தொடர்பாக வாட்ஸ்அப் வெளியிட்டுள்ள புதிய அறிவிப்பு, பிரைவசி நெறிமுறை கெடு தள்ளிவைக்கப்படுவதை உணர்த்தினாலும், நெறிமுறைகளை ஏற்க பயனாளிகளை மறைமுகமாக வாட்ஸ்அப் நிர்பந்திக்கிறது. அதாவதும் நிபந்தனைகளை ஏற்காவிட்டால், வாட்ஸ்அப் சேவையை முழுமையாக பயன்படுத்த முடியாது எனும் நெருக்கடியை ஏற்படுத்தியுள்ளது. ஏற்கனவே அறிவிக்கப்பட்டபடி, புதிய நெறிமுறைகளை ஏற்காதவர்கள் கணக்கு டெலிட் செய்யப்படாது. அதற்கு மாறாக வாட்ஸ்அப் இத்தகைய பயனாளிகளுக்கு பிரைவசி நிபந்தனையை தொடர்ந்து நினைவூட்டிக்கொண்டே இருக்கும் என தெரிவித்துள்ளது. குறிப்பிட்ட காலம் வரை இவ்வாறு பயனாளிகளுக்கு நினைவூட்டல் அளிக்கப்பட்ட பிறகு, இது நிரந்தர நினைவூட்டலாக மாற்றப்படும். அதன்பிறகு பயனாளிகள் வாட்ஸ்அப் சேவையை முழுவதும் பயன்படுத்த முடியாது. வாட்ஸ்அப் அழைப்புகளை மேற்கொள்ளலாம் மற்றும் செய்திகளுக்கு பதில் அளிக்கலாம். மற்றபடி, வாட்ஸ்அப் சாட் வசதியை எல்லாம் அணுக முடியாது. இப்படி செயலிழக்கும் கணக்குகள் 120 நாட்களுக்கு பிறகு நீக்கப்படும். இதனிடையே, வாட்ஸ்அப் புதிய நெறிமுறைகளை ஏற்றுக்கொண்டவர்களுக்கு அவை அமலுக்கு வரும். புதிய பயனாளிகளுக்கும் இது பொருந்தும். ஆக, வாட்ஸ்அப், சுற்றி வளைத்து பயனாளிகள் தனது சர்ச்சைக்குரிய பிரைவசி நிபந்தனைகளை ஏற்றுக்கொள்ள வாட்ஸ்அப் வழி செய்துள்ளது. வாட்ஸ்அப்பின் புதிய நெறிமுறைகளுக்கு பயனாளிகள் மற்றும் பிரைவசி வல்லுநர்கள் தரப்பில் எதிர்ப்பு தெரிவிக்கப்பட்டதோடு, இந்திய அரசு தரப்பிலும் எதிர்ப்பு தெரிவிக்கப்பட்டது. வாட்ஸ்அப் புதிய பிரைவசி நெறிமுறைகள் அமல் செய்யக்கூடாது என தெரிவிக்கப்பட்டது. ஆனால், விதவிதமான விளக்கங்களால் இந்த விமர்சனங்களை எதிர்கொண்டு வரும் வாட்ஸ்அப் தனது பிரைவசி கொள்கையை எப்படியேனும் அமல் செய்வதில் தீவிரமாக இருப்பதை உணர்த்தியிருக்கிறது. > இணைப்பு: வாட்ஸ்அப் புதிய அறிவிப்பு தொடர்பான வலைப்பதிவு - சைபர்சிம்மன்
http://dlvr.it/RzTgkv

Read More

மும்பை: ஆண் நண்பர்களுடன் செல்ஃபி; கணவன் சந்தேகத்தால் மனைவி ரயில் முன்பாய்ந்து தற்கொலை

மும்பை கிழக்கு புறநகர் பகுதியில் உள்ள விக்ரோலியில் வசித்து வந்தார் நிஷா தேஷ்முக்(27). இவர் தனியார் நிறுவனம் ஒன்றில் மனித வள மேம்பாட்டுப் பிரிவில் பணியாற்றி வந்தார். திருமணமாகி சில ஆண்டுகள் ஆகிவிட்ட நிலையில் குழந்தை இல்லாமல் இருந்தது. இதனால் கணவன் வீட்டில் மாமியார் குழந்தை இல்லாததை சுட்டிக்காட்டி மனரீதியாக சித்ரவதை செய்து வந்திருக்கிறார். Also Read: மஹாராஷ்டிரா: மராத்தா சமூகத்துக்கு வழங்கப்பட்ட இட ஒதுக்கீட்டை ரத்து செய்தது உச்ச நீதிமன்றம்! அவரது கணவரும் மது அருந்திவிட்டு அடிக்கடி தனது மனைவியுடன் சண்டையிட்டு அடித்து உதைத்து வந்தார். இந்நிலையில் நிஷாவின் மொபைல் போனை அவரது கணவன் சோதனை செய்து பார்த்துள்ளார். அதில் நிஷா தனது அலுவலக நண்பர்கள் சிலருடன் சேர்ந்து செல்ஃபி எடுத்திருந்த புகைப்படம் இருந்தது. உடனே இது குறித்து நிஷாவிடம் கேட்டு கணவன் தகராறு செய்துள்ளார். அதோடு விடாமல் நிஷாவின் தந்தைக்கு போன் செய்து வீட்டிற்கு வரவழைத்திருக்கிறார். நிஷாவின் தந்தையிடம் மொபைலில் இருந்த செல்ஃபி படங்கள் குறித்து கேட்டு தகராறு செய்துள்ளனர். இதில் இரு தரப்பினருக்கும் இடையே கடுமையான வாய்த்தகராறு ஏற்பட்டுள்ளது. உடனே இரு தரப்பினரும் விக்ரோலி போலீஸ் நிலையத்திற்கு சென்றனர். போலீஸார் தம்பதி இடையே சமரசம் செய்ய பேச்சுவார்த்தை நடத்தினர். அதோடு நிஷாவை இரண்டு நாட்கள் அவளது தந்தையின் வீட்டில் இருந்துவிட்டு வரும்படி கேட்டுக்கொண்டனர். இதையடுத்து நிஷாவை அவளது தந்தை தன்னுடன் அழைத்துச் சென்றார். அங்கிருந்து மறுநாள் காலையில் நிஷா அலுவலகத்திற்கு செல்வதாக கூறிவிட்டு புறப்பட்டுச் சென்றார். ஆனால் அதன் பிறகு வீட்டுக்கு வரவில்லை. அவரை பெற்றோர் தேட ஆரம்பித்த போது நிஷாவின் தந்தை மற்றும் சகோதரனுக்கு நிஷாவின் தற்கொலைக் குறிப்பு கிடைத்திருக்கிறது. உடனே அவரை தொடர்பு கொள்ள முயன்றனர். ஆனால் பலனில்லை. Also Read: சென்னை: பிரிந்துபோன காதல் கணவர்; ஆண் நண்பரின் சந்தேகம்! - கொலை செய்யப்பட்ட பெண்!நடந்தது என்ன? இறுதியில் நிஷா விக்ரோலி ரயில் தண்டவாளத்தில் படுத்து தனது உயிரை மாய்த்துக்கொண்டது தெரிய வந்தது. இது குறித்து நிஷாவின் தந்தை, நிஷாவின் கணவன் மற்றும் மாமியார் வீட்டில் உள்ளவர்கள் மீது போலீசில் புகார் செய்திருக்கிறார். போலீஸார் வழக்குப் பதிவு செய்து விசாரித்து வருகின்றனர். தேவையில்லாத சந்தேகம் ஒரு பெண்ணின் உயிரைப் பறித்திருக்கிறது.
http://dlvr.it/RzRQLl

Read More

மக்களிடம் மிகவும் கனிவுடன் நடக்க வேண்டும் - காவல்துறையினருக்கு டிஜிபி திரிபாதி அறிவுரை

மக்களிடம் காவல்துறை கனிவுடன் நடந்துகொள்ள வேண்டும் என தமிழக டிஜிபி திரிபாதி காவல்துறையினருக்கு அறிவுரை வழங்கினார். கொரோனா முழு ஊரடங்கு நாளை அமல்படுத்தப்படுவதையொட்டி காவல்துறையினரின் கடமைகள் மற்றும் பொறுப்புகள் குறித்த காவல்துறை, தலைமை இயக்குனரும் சட்டம்- ஒழுங்கு டிஜிபி திரிபாதி அறிவுரைகள் வழங்கி சுற்றறிக்கை ஒன்றை காவல்துறையினருக்கு அனுப்பி உள்ளார். அதில் அவர் குறிப்பிட்டதாவது:-  காவல்துறையினருக்கு ஒதுக்கப்பட வேண்டிய பணிகள் காவல் துணை கண்காணிப்பாளர்கள் அனைவரும் தங்களுக்கு கீழ் பணிபுரியும் காவலர்கள் ஒவ்வொருவரிடமும் ஊரடங்கு கால கட்டத்தில் அவர்களின் கடமைகள் மற்றும் பொறுப்புகள் குறித்து தெளிவாக எடுத்துரைக்க வேண்டும். ஆயுதப்படை காவலர்கள் அனைவருக்கும் சம்பந்தப்பட்ட ஆயுதப்படை காவல் துணை கண்காணிப்பாளர் ஊரடங்கு காலகட்டத்தில் பணியின் போது கடைப்பிடிக்க வேண்டிய நடைமுறைகள் குறித்து தெளிவாக எடுத்துரைக்க வேண்டும்.  50 வயதைக் கடந்த காவலர்களுக்கும் மற்றும் நோய்களால் அவதிப்படும் காவவர்களுக்கும் ஊரடங்கு காலகட்டத்தில் இலகுவான பணி மட்டுமே ஒதுக்கப்பட வேண்டும். அவர்களை வாகன சோதனை மற்றும் பிக்கெட்டிங் பணி போன்றவற்றில் ஈடுபடுத்தக்கூடாது.  பெண் காவலர்களை வாகன சோதனை பணிக்கும் மற்றும் பிக்கெட்டிங் பணி போன்றவற்றில் ஈடுபடுத்தக் கூடாது. காவலர்களை சுழற்சி முறையில் பணியில் அமர்த்தி ஒவ்வொருவரும் 5 மணி நேர ஷிப்ட் முறையில் பணியாற்றுவதற்கான நடவடிக்கை எடுக்க வேண்டும். கொரோனா நோய் தடுப்பூசிகளை முழுமையாக எடுத்துக் கொண்டுள்ள காவலர்களை மட்டுமே கூட்டம் கூடும் இடங்களான மார்க்கெட் போன்றவற்றில் பணி அமர்த்த வேண்டும். அனைத்து காவலர்களும் தவறாமல் பாதுகாப்பு பணியில் நாளை காலை 6 மணி முதல் ஈடுபடுத்தப்படுவதை உறுதி செய்ய வேண்டும். காவல்துறையினர் பின்பற்ற வேண்டிய பாதுகாப்பு விதிமுறைகள் ஊரடங்கு காலகட்டத்தில் பாதுகாப்பு பணியில் ஈடுபட்டு ஒவ்வொரு காவலரும் தங்கள் உடலின் பாதுகாப்புக்கு மிகுந்து முக்கியத்துவம் அளித்து தகுந்த முன்னெச்சரிக்கை உணர்வுடன் பணியாற்ற வேண்டும். அனைவரும் கண்டிப்பாக முகக்கவசம் மற்றும் கையுறை அணிந்து பணியில் ஈடுபட வேண்டும். கிருமி நாசினி கொண்டு தங்கள் கைகளை அடிக்கடி சுத்தம் செய்து கொள்வதுடன், குறிப்பிட்ட இடைவெளியில் சோப்பு போட்டு கைகளை கழுவிக்கொள்ள வேண்டும். பாதுகாப்பு பணியில் ஈடுபட்டுள்ள இடத்தில் காவல்துறையினர் ஒரே இடத்தில் கூட்டமாக நிற்பதை தவிர்க்க வேண்டும். சமூக இடைவெளியை பின்பற்றி பாதுகாப்பு பணியினை மேற்கொள்ள வேண்டும். மருத்துவமனை போன்ற இடங்களில் பாதுகாப்பு பணியில் ஈடுபடும் காவல்துறையினர் கோவிட்-19 தொடர்பாக அறிவுறுத்தப்பட்டுள்ள அனைத்து முன்னெச்சரிக்கை நடவடிக்கைகள் அனைத்தையும் கண்டிப்பாக பின்பற்றி தகுந்த பாதுகாப்புடன் பணியாற்ற வேண்டும்.  பிக்கெட்டிங் பணியில் உள்ள காவலர்கள் முகக்கவசம் அணிய வேண்டும். அங்கே தேவையான நிழற்குடை, குடிநீர், கிருமிநாசினி போன்ற தேவையான உபகரணங்கள் இருக்க வேண்டும். அனைத்து காவலர்களும் தவறாமல் தடுப்பூசி எடுத்துக் கொள்ள வேண்டும். மாவட்ட கொரோனா கட்டுப்பாட்டு அறை மூலம் பாதுகாப்பு பணியில் ஈடுபட்டுள்ள காவல்துறையினருக்கு தேவையான அனைத்து உபகரணங்களும் வழங்கப்பட வேண்டும். பொதுமக்கள் மற்றும் பிற அரசு துறை அதிகாரிகளிடம் பின்பற்ற வேண்டிய வழிமுறைகள் பொதுமக்களிடம் காவல்துறையினர் மிகுந்த கனிவுடன் நடந்து கொள்ள வேண்டும். எந்த சூழ்நிலையிலும் கோபமாகவோ, மரியாதை குறைவாகவோ பொதுமக்களிடம் நடந்து கொள்ளக் கூடாது. பிற அரசுத் துறைகளில் பணிபுரியும் மருத்துவர்கள், சுகாதார பணியாளர்கள், வருவாய்துறையினர், உள்ளாட்சி மற்றும் நகராட்சி துறையினர், துாய்மை பணியாளர்கள் போன்றவர்களிடம் வாக்குவாதத்தில் ஈடுபடுவதை தவிர்க்கவேண்டும். பொது ஒலிபெருக்கியை பயன்படுத்தி மார்க்கெட் போன்ற இடங்களில் பொதுமக்கள் கூட்டமாக கூடுவதை தவிர்க்க அறிவுறுத்த வேண்டும். தடியடி நடத்தி அல்லது பலப்பிரயோகம் செய்து கூட்டத்தை கலைப்பது போன்ற காரியங்களில் எந்த சூழ்நிலையிலும் ஈடுபடக்கூடாது. பொது மக்களை கண்ணியமான முறையில் அறிவுறுத்தி அவர்கள் கூட்டமாக கூடுவதை தவிர்க்குமாறு வேண்டுகோள் விடுக்கவேண்டும். ட்ரோன் கேமிராக்களை பயன்படுத்தி பொதுமக்கள் கூட்டமாக கூடுகிறார்களா என்பதை கண்காணித்து முறைப்படுத்த வேண்டும். வணிகர்கள் மற்றும் சாலையோர வியாபாரிகளை கையாளுதல் வணிகர்கள், சிறு வியாபாரிகள், நடைபாதை வியாபாரிகள் ஆகியோரிகளிடம் கனிவான முறையில் நடந்து கொள்ள வேண்டும். அனுமதிக்கப்பட்ட நேரம் முடிந்த பின்பு அவர்களிடம் வியாபாரத்தை முடித்து கொள்ளுமாறு கண்ணியமான முறையில் வேண்டுகோள் விடுக்க வேண்டும். அனைத்து உட்கோட்ட காவல் துணை கண்காணிப்பாளர்களும் 09.05.2021 அன்று மாலை 4 மணிக்கு தங்கள் பகுதியில் வர்த்தக சங்க நிர்வாகிகளுடம் கூட்டம் நடத்தி ஊரடங்கு கால கட்டத்தில் அவர்கள் முழு ஒத்துழைப்பு நல்குவதை உறுதி செய்ய வேண்டும். சாலையோர வியாபாரிகளிடம் மிகுந்த மனிதாபிமனத்துடன் நடந்து கொள்ள வேண்டும். அவர்களை கடுமையான முறையில் நடத்துதல் கூடாது. மளிகை கடைகள், இறைச்சி கடைகள் மற்றும் காய்கறி கடைகள் போன்றவற்றில் பொதுமக்கள் கூட்டமாக கூடுவதை தவிர்க்க வேண்டும். அனைத்து வியாபாரிகளும் தங்கள் கடைகளின் முன்பு பொதுமக்கள் சமூக இடைவெளியை பின்பற்றும் வகையில் தேவையான வட்டங்களை வரைவதை உறுதி செய்ய வேண்டும். அத்தியாவசியப் பொருட்களின் தடையில்லா போக்குவரத்தை உறுதி செய்தல் ஊரடங்கு காலகட்டத்தில் பால், மளிகை பொருட்கள், காய்கறிகள் ஆகியவற்றை எடுத்து செல்லும் வாகனங்கள் தடையின்றி செல்வதை உறுதி செய்தல் வேண்டும். மருத்துவ பொருட்கள் மற்றும் மருந்துகள், இதர உபகரணங்கள் ஆகியவையும் தடையின்றி எடுத்து ஆக்ஸிஜின் சிலிண்டர் எடுத்துச் செல்லப்படும் வாகனங்கள் தடையின்றி செல்வதை உறுதி செய்தல் வேண்டும். தேவைப்படும் நேரங்களில் ஆக்சிஜன் சிலிண்டர் வாகனங்களுக்கு பாதுகாப்பு வாகனம் பின் தொடர அவை எடுத்து செல்லப்படுவதை உறுதி செய்தல் வேண்டும். மருத்துவ துறை, தொலை தொடர்பு துறையில் பணியாற்றும் ஊழியர்கள் தங்கள் அடையாள அட்டைகளுடன் இடையூறுகள் இன்றி பணிக்கு செல்வதை உறுதி செய்ய வேண்டும். மாவட்டங்களுக்கு உள்ளேயும், இரண்டு மாவட்டங்களுக்கு இடையேயும் ஆக்சிஜன் சிலிண்டர் வாகனங்கள் தடையின்றி எடுத்து செல்லப்படுவதை உறுதி செய்ய வேண்டும். அளவுக்கு அதிகமான வாகனங்கள் மார்க்கெட் போன்ற இடங்களில் ஒரே நேரத்தில் செல்வதை தடுத்தல் வேண்டும். அத்தயாவசிய பொருட்களை எடுத்து செல்லும் வாகனங்கள் முறையாக ஒழுங்குபடுத்தப்பட்டு மார்க்கெட் பகுதிகளுக்குள் அனுமதிக்கப்பட வேண்டும். பொதுமக்களுக்கு விழிப்புனார்வு ஏற்படுத்துதல் பொதுமக்கள் ஊரடங்கு காலகட்டத்தில் தங்கள் வீட்டிற்குள் பாதுகாப்பாக இருக்கும்படி அறிவுறுத்த வேண்டும். தேவையின்றி வெளியே வருவதை தவிர்க்குமாறு அறிவுரை கூற வேண்டும். கொரோனா விழிப்புணர்வு குறித்தும் நோய் தொற்றில் இருந்து பாதுகாத்துக் கொள்ள எடுக்க வேண்டிய நடவடிக்கைகள் குறித்த வீடியோ பதிவுகளை காணுமாறு பொதுமக்களுக்கு விழிப்புணர்வு ஏற்படுத்த வேண்டும். ஒவ்வொரு காவல் நிலைய எல்லையையும் பகுதிகளாக பிரித்து அனைத்து இடங்களிலும் பொது மக்கள் மத்தியில் விழிப்புணர்வு பரப்புரை மேற்கொள்ளப்பட வேண்டும். கிராமப்பகுதிகளில் தண்டோரா அடித்து பொதுமக்களிடம் கொரோனா நோய் தொற்றுகுறித்து விழிப்புணர்வு ஏற்படுத்தி அவர்களை எச்சரிக்கையுடன் பாதுகாப்பாக இருக்கும் படி அறிவுறுத்த வேண்டும். டாஸ்மாக் மதுபான கடைகளில் கூட்டத்தை ஒழுங்குபடுத்துதல் காவல்துறையினரை தேவையான அளவில் பாதுகாப்பு பணியில் ஈடுபடுத்தி டாஸ்மாக் கடைகளில் கூட்டம் கூடுவதை தவிர்க்க நடவடிக்கை எடுக்கப்பட வேண்டும். டாஸ்மாக் கடைகளில் மாலை 6 மணிக்குள் இன்றைய தினம் விற்பனை முடிக்கப்பட்டு கடைகள் அடைக்கப்படுவதை உறுதி செய்ய வேண்டும். டாஸ்மாக் கடைகளில் தடுப்பு அரண்கள் அமைக்கப்பட்டு கூட்டத்தினருக்கு டோக்கன் வழங்கப்பட்டு அவர்கள் கோவிட் 19 விதிமுறைகளை பின்பற்றி மது பாட்டில்களை வாங்கி செல்வதை உறுதி செய்ய வேண்டும். காவல் நிலையத்தின் செயல்பாடுகள் காவல் நிலையத்தில் குற்றவாளிகள் அடைத்து வைக்கப்படுவதை தவிர்க்க வேண்டும்.  காவல் நிலையத்தில் குற்றவாளிகள் வைக்க வேண்டிய பட்சத்தில் சம்பந்தப்பட்ட காவல் துணை கண்காணிப்பாளர் மாவட்ட காவல் கண்காணிப்பாளரின் முன் அனுமதியை பெற வேண்டும்.  மாவட்ட காவல் கண்காணிப்பாளர் அனுமதியுடன் காவல் நிலைய கட்டுப்பாட்டில் உள்ள குற்றவாளிகளுக்கு காவல் ஆய்வாளர் தலைமையிலான காவலர்கள் நிழல் பாதுகாப்பு பணியினை மேற்கொள்ள வேண்டும்.  காவல் நிலையத்தின் வெளியே சாமியானா பந்தல் போடப்பட்ட மனுதாரர்கள் மற்றும் பார்வையாளர்கள் அங்கே அமர வைக்கப்பட்டு விசாரிக்கப்பட வேண்டும். காவல் நிலையத்தில் உள்ளே பொதுமக்கள் வருவதை அனுமதித்தல் கூடாது. சாமியானா பந்தலில் கிருமி நாசினிகள் மற்றும் முகக்கவசங்கள் தேவையான அளவில் வைத்திருத்தல் வேண்டும். வாகன சோதனையின் பின்பற்ற வேண்டிய அறிவுரைகள் ஊரடங்கு விதிமுறைகளை மீறும் வாகனத்தை புகைப்படம் எடுத்து வழக்கு பதிவு செய்ய வேண்டும். ஊரடங்கு விதிமுறை மீறலுக்காக வாகனத்தை கைப்பற்றுதல் கூடாது. அப்படியே வாகனத்தினை கைப்பற்றினாலும் சில மணி நேரங்களில் அவற்றை விடுவித்தல் வேண்டும். இ பாஸ் வைத்து பயண அனுமதி பெற்றுள்ள வாகனங்களை அரசின் வழிகாட்டுதல் விதிமுறைகள் படி அனுமதித்தல் வேண்டும். சோதனை சாவடிகளில் வாகன பரிசோதனை மேற்கொள்ளும் போது அதற்கென தனியாக ஒதுக்கப்பட்டுள்ள வழிதடத்தில் வைத்து சோதனை மேற்கொள்ள வேண்டும். அத்தியாவசிய பொருட்கள் மற்றும் மருத்துவ பொருட்களை எடுத்து செல்லும் வாகனங்கள் தடையின்றி செல்வதற்கான வழியை ஏற்படுத்துதல் வேண்டும். கைப்பற்றப்படும் வாகனங்களை காவல்நிலையத்தில் வைத்திருத்தல் கூடாது. காவல் நிலையத்தில் அருகே உள்ள ஒரு மைதானத்தில் வைத்து பாதுகாக்க வேண்டும். சட்டம் மற்றும் ஒழுங்கை பராமரித்தல் ஊரடங்கு காலகட்டத்தில் சட்டம் மற்றும் ஒழுங்கை சிறப்பான முறையில் பராமரித்தல் வேண்டும். சட்டமன்ற கூட்டத் தொடர் மற்றும் ரம்ஜான் பண்டிகை ஆகியவை வருவதால் தேவையான பாதுகாப்பு நடவடிக்கை எடுக்கப்பட்டு அசம்பாவித சம்பவங்கள் நிகழாத வண்ணம் உறுதி செய்தல் வேண்டும். தனிப்பிரிவு காவலர்கள் தகுந்த முறையில் பணியாற்றி நுண்ணறிவு தகவல்களை சேகரிப்பதை உறுதி செய்து சட்டம் ஒழுங்கை சிறப்பாக பராமரிக்க தேவையான நடவடிக்கைள் எடுக்கப்பட வேண்டும், கண்காணிப்பு அதிகப்படுத்தப்பட வேண்டும். காவல்துறை கட்டுப்பாட்டு அறையில் பணிபுரியும் காவலர்கள் தங்கள் பணிகள் குறித்து முழுமையாக அறிந்து பணியாற்ற வேண்டும். காவல்துறைக்கு சம்பந்தம் இல்லா விஷயங்கள் குறித்து புகார் அளிக்கப்பட்டாலும் கூட அதனை முழுமையாக பதிவு செய்வதுடன் சம்பந்தப்பட்ட துறைக்கு தகவல் தெரிவிக்க நடவடிக்கை எடுக்க வேண்டும். ஊரடங்கு கால கட்டத்தில் ஒவ்வொரு காவல்துறையினரும் கண்டிப்பாக அனைத்து பாதுகாப்பு முன்னெச்சரிக்கை நடவடிக்கை எடுத்துக் கொண்டு, தங்கள் உடல் நலனில் மிகுந்த கவனம் கொண்டு, சிறப்பான முறையில் பணியாற்றுமாறு கேட்டுக் கொள்ளப்படுகிறார்கள் என்று டிஜிபி திரிபாதி அளித்துள்ள அறிவுரைகளில் தெரிவித்துள்ளார்.  செய்தியாளர் சுப்ரமணியன்.
http://dlvr.it/RzPkb7

Read More

கொரோனா பாதிப்புக்கு சிறப்பான சிகிச்சையளிக்கும் ஓமந்தூரார் அரசு மருத்துவமனையின் வரலாறு!

தமிழகத்தில் கொரோனா நோயாளிகளுக்கு சிகிச்சை அளிப்பதில் மிக முக்கியப் பங்காற்றிவருகிறது சென்னை ஓமந்தூரார் மருத்துவமனை. இந்த மருத்துவமனை அதிமுகவைச் சேர்ந்த ஜெ ஜெயலலிதா மற்றும் திமுகவைச் சேர்ந்த மு.கருணாநிதி ஆகியோரின் ஒன்றுபட்ட முயற்சியால் ஓமந்தூரார் மருத்துவமனை உருவானது. மு. கருணாநிதி புதிய தலைமை செயலமாக உருவாக்கிய கட்டடத்தை அடுத்து ஆட்சிக்கு வந்த ஜெ.ஜெயலலிதா மருத்துவமனையாக மாற்றியமைத்தார். காரணம் புதிய தலைமை செயலகத்தை ஜெயலலிதா ராணி மேரி கல்லூரிக்கு அருகில் வங்காள விரிகுடா கடலையொட்டி அமைக்கலாம் என்ற கருத்தை வெளியிட்டபோது அதற்கு திமுக அரசு எதிர்ப்பு தெரிவித்திருந்தது. எனவே அவர் அண்ணா பல்கலைக்கழகத்திடமிருந்து தலைமை செயலகம் அமைக்க கோட்டூர்புரத்தில் ஓர் இடத்தை வாங்கினார். ஆனால் 2006ஆம் ஆண்டு திமுக ஆட்சிக்கு வந்தபோது அந்த நிலத்தை திரும்ப ஒப்படைத்தது. அதன்பிறகு கருணாநிதி முதலமைச்சரானபோது ஓமந்தூரார் அரசு எஸ்டேட்டில் புதிய தலைமை செயலகத்தை கட்டியெழுப்பி, சட்டசபையை செயின்ட் ஜார்ஜ் கோட்டையிலிருந்து அங்கு மாற்றியது. ஆனால் 2011இல் ஜெயலலிதா மீண்டும் ஆட்சிக்கு வந்தபோது சட்டசபையை மீண்டும் செயின்ட் ஜார்ஜ் கோட்டைக்கே மாற்றினார். அதன்பிறகு ஓமந்தூரார் கட்டடத்தை பல்நோக்கு மருத்துவமனையாக மாற்றினார். இருபெரும் தலைவர்களும் மறைந்தபிறகு தற்போது கடுமையான கொரோனா காலகட்டத்தில் மு.க ஸ்டாலின் முதல்வராக பொறுப்பேற்றுள்ளார். நகரின் முக்கியப் பகுதியில் 550 கொரோனா படுக்கைவசதிகளுடன் கூடிய இந்த மருத்துவமனையை மேலும் மேம்படுத்துவதற்கு அவருக்கு ஒரு வாய்ப்பாக அமைந்திருக்கிறது. தற்போதைக்கு ஓமந்தூரார் மருத்துவனையை தலைமை செயலகமாக மாற்றுவது குறித்து எந்தவொரு ஆலோசனையும் நடைபெறவில்லை என்று திமுகவிடமிருந்து தகவல்கள் கிடைத்துள்ளன. மருத்துவ வல்லுநர்களும், அதிகாரிகளும் அங்கு மருத்துவமனை இருப்பதே சிறந்தது எனவும், இதுபோன்ற நோய்காலங்களை கருத்தில்கொண்டு மருத்துவமனையை விரிவுபடுத்தலாம் என்றும் கூறுகின்றனர். மேலும் கடந்த ஆட்சியில் இந்த கட்டடத்தை மருத்துவமனையாக மாற்ற ரூ. 100 கோடி செலவிடப்பட்டது எனவும், தற்போது அதை மீண்டும் தலைமை செயலகமாக மாற்றினால் நமது அரசாங்கத்திற்கு பெரிய இழப்பு ஏற்படும் என்றும் கூறுகின்றனர். மேலும் ஓமந்தூரார் மருத்துவமனை புற்றுநோய் சிகிச்சையில் சிறந்து விளங்குகிறது. இதில் சிகிச்சைக்கான பல உயரிய உபகரணங்கள் உள்ளன. இங்கு ஏழைகள் மட்டுமல்ல; அனைத்து தரப்பினரும் சிகிச்சைக்காக வருகின்றனர். இதுகுறித்து மருத்துவர் சங்கத்தின் பொதுச்செயலாளர் டாக்டர் ஜி.ஆர் ரவீந்தர்நாத் கூறுகையில், ’’இந்த கட்டடம் மருத்துவமனையாகக் கட்டப்படாவிட்டாலும், தற்போது சிறந்த மருத்துவமனையாக உள்ளது. பொதுமக்களின் பணத்தை வீணடிப்பதைத் தவிர்க்க மருத்துவமனையாகவே இயக்குவதே சிறந்தது’’ என்கிறார். இந்திய மருத்துவ சங்கத்தின் தலைவர் டாக்டர் ஜே.ஏ ஜெயலால் கூறுகையில், ‘’இந்த மருத்துவமனைஅனைத்து வசதிகளுடன் மேலும் விரிவுப்படுத்தப்பட வேண்டும். மேலும் நோய்க்கிருமிகள் குறித்த ஆராய்ச்சிக்கான வழிவகைகளும் உருவாக்கப்பட வேண்டும்’’ என்கிறார். Courtesy: டைம்ஸ் ஆஃப் இந்தியா
http://dlvr.it/RzPkYN

Read More