நிழலுலக ராஜாக்கள்: `டோங்கிரி டூ துபாய்..’ தாவூத் பாட்ஷா சர்வதேச டான் ஆனது எப்படி? - பகுதி 8

தனது நண்பர்களுடன் சேர்ந்து மிரட்டி பணம் பறித்தல், கட்டப்பஞ்சாயத்து செய்வது போன்ற காரியங்களில் ஈடுபட்டு வந்தான் தாவூத். டோங்கிரியில் தனக்கென தனி சாம்ராஜ்யத்தை உருவாக்கினான். ஒருமுறை தங்கக்கடத்தல் மன்னன் ஹாஜி மஸ்தான், தாவூத்தின் ஆட்கள் இரண்டு பேரை பத்தான் கும்பலை கொண்டு அடித்து உதைத்தார். ஹாஜி மஸ்தான் என்ன காரணத்திற்காக தன் ஆட்களை அடித்தார் என்பது தாவூத்துக்கு தெரியவில்லை. தன் பகுதிக்குள் நுழைந்திருக்கும் ஹாஜி மஸ்தானுக்கு சரியான பாடம் புகட்ட வேண்டும் என்று தாவூத் நினைத்தான். 1972-ம் ஆண்டு டிசம்பர் 4-ம் தேதி தனது நண்பர்களை அழைத்து தாவூத் ஆலோசனையில் ஈடுபட்டான். அடுத்த சில நாட்களில் ஹாஜி மஸ்தானின் கருப்பு பணம் காரில் கொண்டு செல்லப்படுவதாக தாவூத்திற்கு தகவல் கிடைத்தது. அந்த பணத்தை கொள்ளையடித்து மஸ்தானுக்கு தக்க பாடம் புகட்ட தாவூத் முடிவு செய்தான். தாவூத் உள்ளிட்ட எட்டு பேர்கொண்ட ஓர் அணி உருவாக்கப்பட்டது. பெரிய அளவில் திருடப்போகும் முதல் திருட்டாக இருந்ததால் தாவூத் கவனமாக திட்டம் தீட்டினான். பணம் கொண்டு வரப்படும் சாலையில் போலீஸார் இல்லாத இடத்தில் காரை மறித்து கொள்ளையடிப்பது என்று முடிவு செய்யப்ப்பட்டது. பணத்துடன் வரும் கார் செல்லும் கர்னாக் பந்தர் பகுதி எப்போதும் சுறுசுறுப்பாக இயங்கிக்கொண்டிருக்கும் பகுதி. மொத்த வியாபாரக் கடைகள் ஆயிரக்கணக்கில் இருந்தன. எப்போதும் லாரிகள் வருவதும் போவதுமாக இருக்கும். எனவே கர்னாக் பந்தரில் கைவிட்டுவிட்டு கர்னாக் பந்தர் மேம்பாலத்தில் தங்களது வேலையை செய்ய முடிவு செய்தான் தாவூத். பாலத்தின் இரு முனையிலும் தேவையான ஆட்களை தாவூத் நிறுத்தினான். அனைவரும் எப்படி கொள்ளையடிக்க வேண்டும் என சினிமாக்களை பார்த்து தெரிந்துகொண்டு தொழிலில் இறங்கினர். 1974-ம் ஆண்டு டிசம்பர் 4-ம் தேதி பிற்பகல் 2 மணிக்கு கார் பணத்துடன் மேம்பாலத்தில் வந்தது. தாவூத்தும் அவனது ஆட்களும் காரை வழிமறித்தனர். துப்பாக்கி மற்றும் கத்தியை காட்டி மிரட்டி 4.75 லட்சம் பணத்தை கொள்ளையடித்து சென்றனர். தாவூத்தின் முதல் கொள்ளை வெற்றி பெற்றது. இதில் வேடிக்கை என்னவென்றால் அந்த பணம் ஹாஜி மஸ்தானுக்கு சொந்தமானது இல்லை. வங்கி ஒன்றுக்கு சொந்தமான பணம் அது. மும்பையில் நடந்த மிகப்பெரிய கொள்ளையாக அது கருதப்பட்டது. கொள்ளையர்கள் யார் என்ற விபரத்தோடு மறுநாள் நியூஸ் பேப்பரில் செய்தி வந்தது. அதை பார்த்த இப்ராகிம் மனம் உடைந்து போனார். இப்ராகிம் மிகவும் நேர்மையான போலீஸ் அதிகாரி என்று அவர் வசித்த பகுதியில் அனைவருக்கும் தெரியும். அப்படிப்பட்ட ஒருவரின் மகன் கொள்ளையில் ஈடுபட்டு இருப்பதாக பத்திரிக்கையில் செய்தி வந்ததும், இப்ராகிம் என்ன செய்வது என்று தெரியாமல் அதிர்ச்சியில் உறைந்து போனார். நண்பர்களை பார்க்கவே வெட்கப்பட்டார். கொள்ளையில் ஈடுபட்ட அனைவரும் பிடிபட்ட நிலையில் தாவூத்தும் அவனது சகோதரனையும் கண்டுபிடிக்க முடியவில்லை. உள்ளூர் போலீஸ் அதிகாரி இப்ராகிமை அழைத்து பேசினார். ‘சட்டப்படி என்ன செய்ய வேண்டுமோ அதை செய்யுங்கள்’ என்று இப்ராகிம் சொன்னார். தனக்கு தெரிந்தவர்கள் மூலம் அவர்கள் இருவரும் எங்கு இருக்கின்றனர் என விசாரித்தார். பைகுலாவில் உள்ள ஒரு வீட்டில் அவர்கள் பதுங்கி இருப்பதாக தெரிய வந்தது. உடனே அங்கு சென்று இருவரையும் அழைத்து வந்தார் இப்ராகிம். பெல்ட்டால் தாவூத்தையும் சபீரையும் இரவு பகல் பாராமல் ரத்தம் வரும் வரை சரமாரியாக அடித்து உதைத்தார். அலறல் சத்தம் கேட்டுக்கொண்டே இருந்தது. யார் சொல்லியும் இப்ராகிம் நிறுத்தவே இல்லை. கடைசியாக இரண்டு பேரையும் குற்றப்பிரிவு போலீஸார் முன்பு கொண்டு நிறுத்தி தன்னை மன்னித்துவிடும்படி இப்ராகிம் கேட்டுக்கொண்டார். இப்ராகிமின் நேர்மைக்காக இரண்டு பேர் மீதும் போலீசார் நடவடிக்கை எடுக்காமல் விட்டனர். ஆனால் அவர்கள் மீது பதிவு செய்யப்பட்ட வழக்கு 15 ஆண்டுகளாக நிலுவையில் இருந்து வந்தது குறிப்பிடத்தக்கது. கொள்ளை சம்பவத்திற்கு பிறகு தாவூத் மேலும் பிரபலமானான். அவனுக்கு இக்பால் நாதிக் என்ற உள்ளூர் பத்திரிக்கையாளரின் அறிமுகம் கிடைத்தது. அப்பத்திரிக்கையாளர் தாவூத்திற்கு தேவையான வழிகாட்டியாக இருந்தார். போலீஸாரிடம் நல்ல அறிமுகம் இருந்தது. சொந்தமாக பத்திரிகை ஒன்றையும் நடத்தி வந்தார். ஒரு முறை பட்டப்பகலில் பத்தான் ஒருவரை தாவூத் நடுத்தெருவில் அடித்து உதைத்தான். சம்பவத்தை நேரில் பார்த்த அப்பகுதி போலீஸ் இன்ஸ்பெக்டர் தாவூத் மீது நடவடிக்கை எடுக்காமல் அவனை தனது காரில் ஏற்றிச்சென்று வீட்டில் விட்டார். இச்சம்பவத்தால் கோபம் அடைந்த அமிர்ஷதா என்ற பத்தான், 1977-ம் ஆண்டு ஆகஸ்ட் 17ம் தேதி தாவூத்தின் நண்பர் இக்பாலை இரவில் அழைத்து சென்று மாகிம் பகுதியில் அடித்துப்போட்டான். சில நாட்கள் சிகிச்சைக்கு பிறகு இக்பால் இறந்து போனார். இச்சம்பவம் தாவூத்திற்கு பத்தான்கள் மீதான கோபத்தை மேலும் அதிகரித்தது. மறுபுறம் போலீஸாரும் பத்தான்களை ஒழிக்க தீவிரம் காட்டி வந்தனர். அவர்கள் தாவூத்திற்கு இவ்விவகாரத்தில் மறைமுகமாக உதவ ஆரம்பித்தனர். இதனால் பத்தான்களின் ஆட்களும், தாவூத் ஆட்களும் அடிக்கடி மோதிக்கொள்ள ஆரம்பித்தனர். சட்டம் ஒழுங்கு பிரச்னை ஏற்பட்டது. இரண்டு கும்பலுக்கு இடையே நடந்த யுத்தத்தை முடிவுக்கு கொண்டு வர தங்கக் கடத்தல் மன்னன் ஹாஜி மஸ்தான் முடிவு செய்தார். பாட்ஷா படத்தில் வருவது போன்று 1980-ம் ஆண்டு ஜூலை மாதம் ரெளடிகள் அனைவரையும் பேச்சுவார்த்தைக்காக தனது வீட்டிற்கு அழைத்திருந்தார்..ஹாஜி மஸ்தான் தாவூத் தனது சகோதரர் சபீருடன் வந்திருந்தான். பத்தான்களின் தலைவனாக கருதப்படும் கரீம் லாலா தலைமையில் அவரது அணியினர் அனைவரும் வந்திருந்தனர். மஸ்தான் வழக்கமான தனது சிகரெட்டை புகைத்துக்கொண்டே தொடக்க உரை ஆற்றினார். ‘ஒரே மதத்தில் இருந்து கொண்டு அடிக்கடி தெருக்களில் சண்டை போட்டுக்கொள்வது நமக்கு நல்லதல்ல, ரத்தம் சிந்துவது நமது தொழிலுக்கு ஏற்றதல்ல, இதனால் அரசுக்குதான் லாபம், அதற்கு நாம் ஏன் வழிவிட வேண்டும்’ என்று பேசினார். அவர் பேசிக்கொண்டிருக்கும்போதே சபீர் எழுந்தான். ”அங்கிள்... நாங்கள் யாரையும் தாக்குவதில்லை. நாங்கள் எங்களது வழியில் சென்று கொண்டிருக்கிறோம். அதே சமயம் யாராவது எங்களை தாக்கினால் நாங்கள் பொறுத்துக்கொள்ள மாட்டோம்” என்று கர்ஜித்தான். ஆத்திரமடைந்த அமிர்ஷதா எழுந்து, ”எங்களின் வளர்ச்சியால் உங்களுக்கு பொறாமை. நாங்கள் பல ஆண்டுகளாக மும்பையை எங்களது கட்டுப்பாட்டில் வைத்திருக்கிறோம்” என்றான். ”எங்களுக்கும் என்ன செய்யவேண்டும் என்று தெரியும். ஆனால் கரீம் அங்கிள் மற்றும் அவரது குடும்பத்தினர் மீது மதிப்பு வைத்திருக்கிறோம். அதற்காக எத்தனை நாட்களுக்கு பொறுமையாக செல்வது?” என்றான் சபீர் கோபத்துடன். அமிர்ஷதா, ”உங்களால் என்ன செய்ய முடியும்? அதை இப்போதே செய்யுங்கள்” என்று கூறி தாவூத்தை நோக்கி பார்த்தான். நிலைமை மோசமடைவதை உணர்ந்த சபீர், அதனை எதிர்கொள்ள தயாரானான். ஆனால் தாவூத் எதைப்பற்றியும் கவலைப்படாமல் தனது இருக்கையில் கால்மேல் கால் போட்டு அமர்ந்திருந்தான். சபீர் செய்வதறியாமல் தாவூத்தை பார்த்தான். திடீரென தாவூத் தனது இருக்கையில் இருந்து எழுந்தான். நேராக மஸ்தான் இருக்கும் இடத்தை நோக்கி சென்றான். மயான அமைதி நிலவியது. மஸ்தான் வழக்கமான 555 சிகரெட்டை புகைத்துக்கொண்டிருந்தார். சிகரெட்டை வாங்கி மேஜையின் மத்தியில் இருக்கும் சிகரெட் ஆஷ்ட்ரேவில் சிகரெட் முழுவதையும் போட்டான். பின்னர் தாவூத் பேச ஆரம்பித்தான்.தாவூத் இப்ராஹிம் “தீயை எப்படி கையாளவேண்டும் என்று எங்களுக்கு தெரியும். விரலால் தீயை அணைத்துவிடுவோம். நமக்குள் பகைமையோ அல்லது சவாலோ தேவையில்லை. எங்களை நாங்களே காயப்படுத்திக் கொள்வோம். ஆனால் கவுரவத்தை விட்டுக்கொடுக்கமாட்டோம்” என்றான். அவனது பேச்சு முதன்முறையாக அனுபவசாலியின் பேச்சை போலிருந்தது. தாவூத்தின் பேச்சை தொடர்ந்து இரு கும்பலுக்கும் இடையே அமைதி ஒப்பந்தம் ஏற்பட்டது. ஒருவரையொருவர் தாக்கிக்கொள்வதில்லை என்று ஒப்பந்தம் செய்து கொண்டனர். கரீம்லாலாவும் ஒப்பந்தத்தை ஏற்றுக்கொண்டார். முஸ்லிம்களின் புனித நூலான குரானில் கை வைத்து ‘ஒப்பந்தத்தை மீறமாட்டோம்’ என்று உறுதிமொழி எடுத்துக்கொண்டனர். இரு கும்பலுக்கும் இடையே ஏற்படவிருந்த யுத்தத்தை மஸ்தான் முடிவுக்கு கொண்டு வந்தார். ரெளடிகளுக்குள் சமரசம் ஏற்பட்டதால் தாவூத் தனது தொழிலில் தீவிர கவனம் செலுத்த ஆரம்பித்தான். மிரட்டி பணம் பறித்தல், கட்டப்பஞ்சாயத்து போன்றவற்றோடு கடத்தல் தொழிலிலும் ஈடுபட ஆரம்பித்தான். தாவூத்திற்கு கடத்தல் தொழில் புதிதாக இருந்தாலும் சரியாக செய்தான். பல வளைகுடா நாடுகளில் இருந்து கடத்தி வரப்படும் தங்கம் மற்றும் எலக்ட்ரானிக் பொருட்களை கொங்கன் பகுதியில் நடுக்கடலில் கப்பலை நிறுத்தி படகு மூலம் கரைக்கு கொண்டு வரச் செய்தான். அங்கிருந்து பின்னர் அவை மும்பை கொண்டு வரப்படும். கப்பல் மட்டுமல்லாது விமானங்களிலும் தங்கம் கடத்தப்பட்டது. துபாய் போன்ற வெளிநாடுகளில் இருந்து கடத்திக் கொண்டு வரப்படும் தங்கம், மிட்டாய் பெட்டியில் வைத்து பேக்கிங் செய்யப்படும். தங்கத்தை கடத்தி வருபவர் சுங்க அதிகாரிகள் சோதனையிடும் முன்பாக அந்த பெட்டியை அங்கு இருக்கும் குப்பை தொட்டியில் போட்டு விடுவார். அதனை துப்புரவுப்பணியில் ஈடுபட்டுள்ள நபர் குப்பை தொட்டியோடு வெளியில் கொண்டு வந்து அதில் இருக்கும் தங்கம் இருக்கும் பெட்டியை மட்டும் எடுத்து தாவூத் ஆட்களிடம் கொடுத்து தனக்கான கமிஷனை பெற்றுக்கொள்வார். இவ்வாறு தங்கம் கடத்தி கொண்டு வருவதற்காகவே ஏராளமானோர் தாவூத் கூட்டத்தில் சேர்ந்தனர். அவர்கள் ஒவ்வொரு முறையும் வெளிநாட்டில் இருந்து தங்கம் கடத்திக் கொண்டு வரும்போது கணிசமான அளவு பணம் கிடைத்தது. மும்பை நிழலுகில் முக்கியமான இடத்தை அடைந்த தாவூத் கடத்தலிலிருந்து கூடிய விரைவிலேயே அடுத்த கட்டத்துக்கு செல்லவிருந்தான். பகுதி 7க்கு செல்ல.... Also Read: நிழலுலக ராஜாக்கள் - மண்ணின் மைந்தனாக இருந்து மும்பையை நடுங்கவைத்த தாவூத் இப்ராஹிம் - பகுதி 7
http://dlvr.it/S16nsg

Read More

மும்பை: அரசு விருந்தினர் இல்லத்தில் விபத்து.. உயிர் தப்பிய ஆதித்ய தாக்கரே!

மும்பையின் தென் பகுதியில் அரசு விருந்தினர் இல்லமான சஹாரித்ரி கெஸ்ட் ஹவுஸ் இருக்கிறது. பொதுவாக முதல்வர் மற்றும் அமைச்சர்கள் இந்த இல்லத்தில் அரசு அதிகாரிகளுடன் ஆலோசனைக் கூட்டங்களை நடத்துவதுண்டு. வழக்கம் போல் முதல்வரின் மகனும் அமைச்சருமான ஆதித்ய தாக்கரே, சஹாத்ரி இல்லத்தில் உள்ள ஹால் ஒன்றில் அதிகாரிகளுடன் ஆலோசனை நடத்திக்கொண்டிருந்தார். அவர்கள் ஆலோசனை நடத்திக்கொண்டிருந்த போது திடீரென ஹாலுக்கு வெளியில் மிகப்பெரிய சத்தம் கேட்டது. ஸ்லாப் இடிந்த இடம் வெளியில் வந்து பார்த்த போது ஹாலுக்கு வெளியில் ஸ்லாப் இடிந்து விழுந்திருந்தது. அதிர்ஷ்டவசமாக இதில் யாருக்கும் பாதிப்பு ஏற்படவில்லை. இச்சம்பவம் சற்று நேரம் கழித்து வந்திருந்தால் ஆதித்ய தாக்கரே இதில் சிக்கியிருப்பார். இச்சம்பவத்தை தொடர்ந்து உடனே ஆதித்ய தாக்கரே நடத்திக்கொண்டிருந்த கூட்டம் ரத்து செய்யப்பட்டு அதிகாரிகள் பாதுகாப்பான இடத்திற்கு அனுப்பப்பட்டனர். பொதுப்பணித்துறை அதிகாரிகள் விரைந்து வந்து, மேற்கொண்டு இடியும் நிலையில் ஏதாவது பகுதி இருக்கிறதா என்று முழுமையாக ஆய்வு செய்தனர். கொரோனா பொதுமுடக்க கட்டுப்பாடுகள் காரணமாக பெரும்பாலான அமைச்சர்கள் அதிகாரிகளின் கூட்டத்தை சஹாத்ரி இல்லத்தில் தான் நடத்தி வருகின்றனர். அப்படி அடிக்கடி அதிகாரிகளின் கூட்டம் நடக்கும் இல்லத்தில் விபத்து நடந்திருப்பது அவர்களின் பாதுகாப்பை கேள்விக்குறியாக்கி இருக்கிறது. இடிந்து விழுந்த பகுதி 25 ஆண்டுகளுக்கு முன்பு கட்டப்பட்டது ஆகும். அ இச்சம்பவம் குறித்து பொதுப்பணித்துறை அதிகாரிகள் விசாரணை நடத்தி வருகின்றனர்.
http://dlvr.it/S166gs

Read More

மாநிலங்கள் VS மத்திய அரசு: பினராயியை அடுத்து ஜெகன்... - தீவிரமாகும் தடுப்பூசி விவகாரம்

கொரோனா தடுப்பூசி விநியோகம் தொடர்பாக ஆந்திர முதல்வர் ஜெகன்மோகன் ரெட்டி, கேரள முதல்வர் பினராயி விஜயன் உட்பட சில மாநில முதல்வர்களுக்கு நீண்ட நெடிய கடிதம் ஒன்றை எழுதியுள்ளார். சில நாட்களுக்கு முன் கேரள முதல்வர் பினராயி விஜயன் தமிழ்நாடு, ஆந்திரா, தெலங்கானா, ஒடிசா, மேற்கு வங்கம், பஞ்சாப், மகாராஷ்டிரா உள்ளிட்ட பாஜக அல்லாத 11 மாநில முதல்வர்களுக்கு கடிதம் எழுதினார். அந்தக் கடிதத்தில், "கொரோனா 2ஆம் அலை நிலவி வரும் இந்த நேரத்தில், மாநிலங்களுக்கு தேவையான தடுப்பூசிகளை வழங்கும் கடமையிலிருந்து மத்திய அரசு விலகிக்கொள்ள முயல்வது மிகவும் துரதிர்ஷ்டவசமான செயல். தற்போதைய நிலையில் தடுப்பூசிகளைக் கொள்முதல் செய்யும் சுமை முழுவதுமாக மாநில அரசுகளுக்கு வழங்கப்பட்டுள்ளது. ஆனால், மாநில அரசுகள் சொல்ல முடியாத அளவு நிதி நெருக்கடியில் உள்ளது. கொரோனா தடுப்பூசிகளை நாங்களே பெற்றுக்கொள்ளலாம் என நினைத்தால் வெளிநாட்டு மருந்து நிறுவனங்கள் மாநில அரசுகளுடன் நேரடியாக ஒப்பந்தங்களை மேற்கொள்ள மறுக்கின்றன. எனவே போதிய தடுப்பூசிகளை மத்திய அரசே கொள்முதல் செய்து அவற்றை மாநிலங்களுக்கு இலவசமாக வழங்க வலியுறுத்த வேண்டும். தடுப்பூசி விவகாரத்தில் அனைத்து மாநிலங்களும் ஒற்றுமையுடன் செயல்பட வேண்டும்" என்று வலியுறுத்தி இருந்தார். இந்தநிலையில் இதே கருத்தை வலியுறுத்தி கேரளா முதல்வர் பினராயி விஜயன் உட்பட பல மாநில முதல்வர்களுக்கு ஆந்திர முதல்வர் கடிதம் எழுதியிருக்கிறார். "கொரோனா இரண்டாம் அலையை எதிர்த்து போராடி கொண்டிருக்கும் இந்தியா தற்போது அதிலிருந்து மீள்வதற்கான அறிகுறிகள் தென்படுகின்றன. எனவே, தற்போது செய்து வரும் சுகாதார பாதுகாப்பு நடவடிக்கைகளைக் குறைத்துக்கொள்ளமால் மேலும் தொடர்ந்து பணியாற்ற வேண்டும். கொரோனாவுக்கு எதிரான போராட்டத்தில் அதனை எதிர்க்க தடுப்பூசி மட்டுமே நம்மிடம் இருக்கும் மிகப்பெரிய ஆயுதம். இந்தியாவில் தடுப்பூசி செலுத்தும் பணி சிறப்பாகவே நடைபெற்று வருகிறது. எனினும் இந்த வேகம் போதாது. இன்னும் வேகமாக சுகாதார பணிகளை, தடுப்பூசி போடும் பணிகளை செய்ய வேண்டும் என்று மருத்துவ நிபுணர்கள் பலரும் கூறுகின்றனர். இந்த கடிதத்தை நான் உங்களுக்கு எழுதுவதற்கு காரணம், மாநில அரசின் கீழ் நாம் தடுப்பூசி நிறுவனங்களின் ஒப்பந்தத்தின் படி தடுப்பூசிகளைப் பெற்று மக்களுக்கு விலையில்லாமல் செலுத்தி வருகிறோம். ஆனால், நாம் தனியாகத் தடுப்பூசிக்கு ஒப்பந்தம் கோரினால் எந்த நிறுவனமும் ஒப்பந்தம் கோர முன்வரவில்லை. மத்தியில் இருக்கும் அரசும் மாநிலங்களுக்கு வழங்க வேண்டிய தடுப்பூசிகளை முறையாக வழங்கவில்லை. இதனால் தடுப்பூசி விவகாரம் மாநிலங்கள் VS மத்திய அரசு என்று மாறியிருக்கிறது. தடுப்பூசிக்கு ஒப்புதல் அளிக்கும் அதிகாரத்தை மத்திய அரசு தான் வைத்துள்ளது. இதேபோல் தடுப்பூசி கொள்முதல் அதிகாரமும் நம்மிடம் இல்லை. எனவே இந்த விவகாரத்தில் நாம் ஒன்றாக கவனம் செலுத்தி ஆக வேண்டும். மாநில முதல்வர்கள் என்ற முறையில் இந்த விவகாரத்தில் நாம் ஒருமித்த குரலில் மத்திய அரசை வலியுறுத்தி முழு பொறுப்பேற்றுக் கொள்ளும்படி சொல்ல வேண்டும். தற்போதைய தேவையாக தடுப்பூசி இருப்பை உறுதி செய்வதே உள்ளது. தடுப்பூசி பற்றாக்குறையை போக்க மாநிலங்கள் ஒருங்கிணைந்து செயல்பட வேண்டிய நேரமிது. இதற்காக மீண்டும் ஒருமுறை உங்களின் ஆதரவை வேண்டுமென கேட்டுக்கொள்கிறேன். மாநில முதல்வர்கள் என்ற முறையில் நாம் ஒருமித்த குரலில் இந்த விவகாரத்தை வலியுறுத்துவோம். இந்தியா கொரோனா தொற்றிலிருந்து மீண்டு வருவதை உறுதி செய்வோம்" என்று குறிப்பிட்டு இருக்கிறார். முன்னதாக இதே கோரிக்கையை, ஜார்கண்ட் முதல்வர் ஹேமந்த் சோரன், மேற்குவங்க முதல்வர் மம்தா பானர்ஜி ஆகியோர் மற்ற மாநில முதல்வர்களை வலியுறுத்தி இருந்தது குறிப்பிடத்தக்கது.
http://dlvr.it/S153qY

Read More

`கைலாசா மீது பயோ-வார்?; காவலிலிருந்தபோது கொலை முயற்சி' - நித்யானந்தா சீடர்கள் புகார்.. முழு விவரம்!

தமிழகத்தின் திருவண்ணாமலை மாவட்டத்தில் பிறந்து, கர்நாடகாவில் ஆசிரமம் அமைத்து, அதன் பிறகு இந்தியாவின் பல்வேறு இடங்களிலும் கிளை ஆசிரமங்களைத் தொடங்கியவர் நித்யானந்தா. 2010-ம் ஆண்டு முதல் பல சர்ச்சைகளையும் வழக்குகளையும் சந்தித்துவந்தவர், கடந்த ஆண்டு புதிய நாடு ஒன்றை உருவாக்கியிருப்பதாகக் கூறிவந்தார். அந்த நாட்டுக்கு `கைலாசா' என்று பெயரிட்டிருப்பதாகவும் கூறியிருந்தார் நித்யானந்தா. சத்சங்க உரை! பல குற்ற வழக்குகள் காரணமாக போலீஸாரால் தேடப்பட்டுவரும் நித்யானந்தா, `நான் தனி நாடு உருவாக்கிவிட்டேன்' என்று சொன்னது காவல்துறையினருக்கு மட்டுமன்றி பொதுமக்களுக்கும் அதிர்ச்சியை ஏற்படுத்தியது. இதையடுத்து, ``நித்யானந்தா தனி நாடெல்லாம் உருவாக்கவில்லை. நேபாளத்துக்கு அருகே எங்கேயோ ஒளிந்துகொண்டிருக்கிறார்'' என்றும் சொல்லப்பட்டது. இந்தநிலையில் `சத்சங்கம்' என்கிற பெயரில் தினசரி வீடியோ வெளியிட்டு, சொற்பொழிவுகளை நிகழ்த்திவந்தார் நித்யானந்தா. அந்த வீடியோக்கள் எங்கு எடுக்கப்படுகின்றன என்பதைக் கண்டறிய முடியவில்லை.நித்யானந்தா தனது சத்சங்க சொற்பொழிவுகள் மூலம் கைலாசா நாட்டின் கொடி, கரன்ஸி நோட்டுகள், ரிசர்வ் பேங் ஆஃப் கைலாசா, பாஸ்போர்ட் எனப் பல அதிரடி அறிவிப்புகளை வெளியிட்டுத் தொடர் அதிர்ச்சிகளைக் கொடுத்து வந்தார் நித்யானந்தா. தற்போது அவருடைய சீடர்கள் சிலர் நித்யானந்தா பற்றியும், கைலாசா பற்றியும் மேலும் சில அதிர்ச்சிகளைத் தந்திருக்கிறார்கள். பிரேக்கிங் நியூஸ்..! `KAILASA's SPH JGM Nithyananda Paramashivam' என்பது நித்யானந்தா குழுவின் அதிகாரப்பூர்வ ஃபேஸ்புக் பக்கம். இந்தப் பக்கத்தில் ஜூன் 1-ம் தேதி, அதிகாலை 3 மணியளவில், `பிரேக்கிங் நியூஸ்... நித்யானந்தா மற்றும் இந்து மதத்தின் மீது பயோ ஆயுதப் போர்' என்ற தலைப்பிட்டு, இந்திய நேரப்படி இன்று காலை 4:30 மணிக்கு இது குறித்த தகவல்கள் ஃபேஸ்புக் நேரலையில் வெளியாகும் எனப் பதிவிட்டிருந்தனர். மேலும் அந்தப் பதிவில், இதுகுறித்த விரிவான தகவல்கள் ஜூன் 1-ம் தேதி மாலை 4 மணிக்கு ஒளிபரப்பாகும் என்றும் கூறப்பட்டிருந்தது. கைலாசா, நித்யானந்தா Also Read: `சொத்துகள் குறித்து நித்யானந்தா எழுதிய `உயில்' '!- காஞ்சிபுரம் மடாதிபதி சொல்வது என்ன? பெண் சீடர்கள் சொல்வதென்ன? அதன்படி ஜூன் 1-ம் தேதி மாலை வேளையில் நித்யானந்தாவின் சீடர்கள் ஃபேஸ்புக் நேரலை செய்தனர். இரண்டு பெண் சீடர்கள் அதிரடியாக சில தகவல்களை நேரலையில் பதிவு செய்திருந்தனர். அதில், ``இந்து மதத்தின் கடைசி நம்பிக்கையாக விளங்கும் கைலாசாமீது பயங்கரவாதிகள் பயோ ஆயுதப் போர் செய்ய முயற்சிக்கிறார்கள். சனாதன இந்து தர்மத்தின் வேர்களை அழிக்கவும் முயற்சிகள் நடந்து வருகின்றன. வெளிநாட்டிலிருந்து விஷக்கொல்லி விதைகள் கொண்ட பார்சல்கள், இந்திய அஞ்சல்துறை மூலமாகப் பெங்களூரு ஆசிரமத்துக்கு அனுப்பி வைக்கப்பட்டிருக்கின்றன. ஆர்டர் செய்ததற்கான ஆதாரங்களைக் காட்டிவிட்டு, அந்தப் பார்சலை பெற்றுக்கொள்ளலாம் என்று இந்தியச் சுங்கத்துறை ஆதீனத்துக்குக் கடிதம் அனுப்பியிருக்கிறது. ஆனால், நாங்கள் அதனை ஆர்டர் செய்யவில்லை என்பதால், `நாங்கள் இந்த விதைகள் மட்டுமல்ல எந்தவொரு விதையையும் ஆர்டர் செய்யவில்லை' என்று ஆதீனத்திலிருந்து பதில் கடிதம் அனுப்பியிருக்கிறோம்.'' என்று சீடர்கள் கூறியிருக்கின்றனர். நித்யானந்தாவின் சீடர்கள்மக்கள்தொகையைக் கட்டுப்படுத்த உதவும் இந்த விஷக்கொல்லி விதைகள், தீவிரவாத குழுக்களால் அனுப்பப்பட்டிருக்கிறது. இந்த விதைகளால் இனப்படுகொலை நிகழலாம்!நித்யானந்தா பெண் சீடர்கள் நேரலைஇந்த விஷக்கொல்லி விதைகள் குறித்து நித்யானந்தா தனது சத்சங்க உரையில் கூறியிருப்பதாக, பெண் சீடர்களுள் ஒருவர் இந்தக் காணொலியில் கூறியிருக்கிறார். ஆனால் அப்படியான காணொலி எதுவும் நம் கண்ணில் படவில்லை. மேலும், அந்த வீடியோவில் நித்யானந்தா சந்தித்த சிக்கல்களைப் பட்டியலிட்டுப் பேசிய சீடர்கள், ``போலீஸ் காவலில் இருந்தபோது அவரை கொலை செய்வதற்கு முயற்சிகள் நடந்தன. தமிழ்நாடு, கர்நாடக உள்ளிட்ட மாநிலங்களில் பலமுறை அச்சுறுத்தல்களையும், துன்புறுத்தல்களையும் எதிர்கொண்டார் அவர். அதிகாரத்திலிருப்பவர்கள் மூலம் பலவிதமான ஒடுக்குமுறைகளை எதிர்கொண்டார்'' என்று பேசியிருக்கிறார்கள். அதோடு நித்யானந்தாவை நேரில் சந்தித்து ஆசி பெற்ற பிரபலங்களை புகைப்படங்களோடு பட்டியலிட்டனர். நித்யானந்த சீடர்கள் ஃபேஸ்புக் நேரலை Also Read: அடங்காத நித்தி! - கொரோனா லிங்கம்... ஹார்மோன் மாத்திரை... ‘கிறுகிறு’ ஹிப்னாட்டிசம்... சில கேள்விகள்..? பெங்களூரு ஆசிரம முகவரிக்கு அனுப்பப்பட்ட விதைகள் அடங்கிய பார்சலை, நித்யானந்தாவின் ஆதீனம் `நாங்கள் ஆர்டர் செய்யவில்லை' என்று வாங்க மறுத்துவிட்டதாகச் சீடர்கள் சொல்லியிருக்கின்றனர். ஆனால், பார்சலை பெறாமலேயே எப்படி அந்த விதைகள் விஷக்கொல்லி விதைகள்தான் என்று சீடர்கள் கூறுகிறார்கள் என்ற கேள்வி எழுகிறது. அதுமட்டுமல்லாமல், பெங்களூரு ஆசிரமத்துக்கு அனுப்பிய விதைகள் மூலம் கைலாசாவில் எப்படித் தாக்குதல் நடத்த முடியும் என்கிற கேள்வியும் எழுகிறது.இந்த கேள்விகளுக்கெல்லாம் மேலாக, ``கைலாசா என்கிற நாடு இருக்கிறதா... அப்படி இருந்தால் அது எங்கிருக்கிறது? இல்லை இதெல்லாமே நித்தியின் கட்டுக் கதைகளா?'' என்ற கேள்விகளும் நீண்ட நாள்களாக நம்மில் பலருக்கும் இருந்து வருகிறது!
http://dlvr.it/S13Hqp

Read More

தமிழ்நாட்டில் தொடர்ந்து குறைந்து வரும் கொரோனா: ஒரேநாளில் 24,405 பேருக்கு பாதிப்பு

தமிழ்நாட்டில் கடந்த 24 மணி நேரத்தில் 24,405 பேர் புதிதாக கொரோனா நோய் தொற்றால் பாதிக்கப்பட்டுள்ளனர். 460 பேர் சிகிச்சை பலன் அளிக்காமல் உயிரிழந்துள்ளனர். 32,221 பேர் தொற்றிலிருந்து குணம் அடைந்துள்ளனர். தமிழகத்தில் இதுவரை  21,72,751 பேர் கொரோனா தொற்றால் பாதிக்கப்பட்டுள்ளனர்.  பாதிக்கப்பட்ட 24,405 பேரில் ஐந்து பேர் வேறு மாநிலங்களை சேர்ந்தவர்கள். ஆந்திராவிலிருந்து வந்த இருவர், கர்நாடகாவில் இருந்து வந்த இருவர் மற்றும் மேற்கு வங்கத்தை சேர்ந்த ஒருவர் இதில் அடங்கும்.  தலைநகர் சென்னையில் 2,062 பேர் இன்று நோய் தொற்றால் பாதிக்கப்பட்டுள்ளனர். கோவையில் இந்த எண்ணிக்கை 2980-ஆக உள்ளது. ஈரோடு, சேலம், தஞ்சாவூர், திருப்பூர் ஆகிய மாவட்டங்களில் இன்று மட்டும் ஆயிரத்திற்கும் மேற்பட்டவர்கள் பாதிக்கப்பட்டுள்ளனர்.  13,448 ஆண்களும், 10,957 பெண்களும் இன்று நோய் தொற்றால் பாதிக்கப்பட்டுள்ளனர்.  தமிழகத்தில் கொரோனா தொற்றால் பாதிக்கப்பட்டவர்களின் எண்ணிக்கை கடந்த சில நாட்களாக குறைந்து வருவது குறிப்பிடத்தக்கது.
http://dlvr.it/S12N8R

Read More

மஹாராஷ்டிரா: ட்விட்டரில் கேள்வி கேட்டவருக்கு அநாகரிகமாக பதிலளித்த மும்பை மேயர் - கடும் சர்ச்சை!

மும்பை மாநகராட்சி நிர்வாகம் கொரோனா தடுப்பூசியை வெளியில் இருந்து வாங்குவதற்கு டெண்டர் வெளியிட்டுள்ளது. இது குறித்து மும்பை மேயர் கிஷோரி பட்னேகரிடம் ட்விட்டர் பக்கத்தில் ஒருவர் `யாருக்கு கொரோனா தடுப்பூசி சப்ளை செய்யும் ஒப்பந்தம் வழங்கப்பட்டிருக்கிறது' என்று கேள்வி எழுப்பி இருந்தார். இதற்கு மேயர் கிஷோரி கோபமாக `உன் தந்தைக்கு' என்று கோபமாக பதிலளித்துவிட்டார். மேயரின் இந்த ட்வீட் சிறிது நேரத்தில் வைரலானது. கிஷோரி உடனே சுதாரித்துக்கொண்ட கிஷோரி தனது ட்விட்டர் பதிவை அதிலிருந்து நீக்கிவிட்டார். ஆனால் அவரது பதிவிற்கு பல்வேறு அரசியல் கட்சிகளும் கடும் கண்டனம் தெரிவித்துள்ளன. இது குறித்து, சமாஜ்வாடி கட்சி கவுன்சிலர் ரியாஷ் ஷேக் கூறுகையில், ``மேயர் அதற்குறிய கண்ணியத்தை காக்கவேண்டும் என்று தெரிவித்துள்ளார். மேயரின் இக்கருத்து அவரது பதவிக்கான கண்ணியத்தை குறைப்பதாக இருக்கிறது. இதனை மேயரின் மீடியா மேலாளர்கள் பதிவிட்டார்களா அல்லது மேயரே பதிவிட்டாரா என்பதை தெளிவுபடுத்தவேண்டும்" என்றும் அவர் குறிப்பிட்டார். இது குறித்து கிஷோரியிடம் கேட்டதற்கு, ``கூட்டம் ஒன்றில் கலந்து கொள்ள செல்லும் போது போனை கட்சி நிர்வாகி ஒருவரிடம் கொடுத்துவிட்டு சென்றேன். வந்து பார்த்தவுடன் அந்த ட்வீட்டை அகற்றிவிட்டேன்" என்று குறிப்பிட்டுள்ளார். Also Read: மும்பை: ஃபேஸ்புக் மூலம் அறிமுகம்.. பெண்ணிடம் ரூ.1.7 கோடியை பறிகொடுத்த 82 வயது முதியவர்! சிவசேனா சார்பாக மூன்றாவது முறையாக கவுன்சிலராக இருக்கும் கிஷோரி, மும்பை மாநகராட்சியின் 77வது மேயர் ஆவார். 2019-ம் ஆண்டு மேயராக பதவியேற்றார். மில் தொழிலாளியின் மகளான கிஷோரி தனது வாழ்க்கையை நர்ஸாக தொடங்கினார். முதல் முறையாக 2002ம் ஆண்டு மும்பை மாநகராட்சி கவுன்சிலராக தேர்வு செய்யப்பட்டார். இந்த விவகாரம் சர்ச்சையை ஏற்படுத்தியுள்ள நிலையில், மும்பையில் கொரோனா தடுப்பூசி சப்ளை செய்ய டெண்டர் கொடுத்துள்ள 10 நிறுவனங்களில் ஒன்று கூட நம்பகத்தன்மை கொண்டதாக இல்லை என்று மும்பை மாநகராட்சியின் கூடுதல் கமிஷனர் வல்லரசு தெரிவித்துள்ளார். மாநகராட்சி கூட்டத்தில் இது தொடர்பாக உறுப்பினர்கள் எழுப்பிய கேள்விக்கு இவ்வாறு அவர் தெரிவித்தார். ``டெண்டர் கொடுத்துள்ள நிறுவனங்களில் ஒன்று கூட தடுப்பூசி தயாரிக்கும் நிறுவனம் கிடையாது. அதோடு அந்நிறுவனங்கள் எதுவும் தடுப்பூசி தயாரிக்கும் நிறுவனத்தோடு ஒப்பந்தமும் செய்திருக்கவில்லை. அப்படி இருக்கும் போது எப்படி இந்நிறுவனங்கள் தடுப்பூசியை சப்ளை செய்யும்" என்று கேள்வி எழுப்பினார். டெண்டர் விவகாரத்தில் இரண்டு நாட்களில் முடிவு எடுக்கப்படும் என்று தெரிவித்தார். இதனால் 18 வயதுக்கு மேற்பட்டவர்களுக்கு தடுப்பூசி போடுவதில் தாமதம் ஏற்பட்டுள்ளது.
http://dlvr.it/S11Bqn

Read More

ஐ.சி.யு-விலிருந்து லைவ் ரிப்போர்ட்டிங் செய்த பர்கா தத்; குவியும் விமர்சனங்கள்!

கொரோனா வைரஸ் தொற்று நோயின் இரண்டாவது அலைக்கு மத்தியில், பெங்களூருவிலுள்ள ஒரு மருத்துவமனையின் ஐ.சி.யு-வுக்குள் இருந்து பர்கா தத் தனது தொலைக்காட்சிக்கு நேர்முக பேட்டியும் வர்ணனையும் அளித்தார். இது விமர்சனத்துக்குள்ளாகியுள்ளது. கோவிட் -19 தொற்றுள்ள நோயாளிகளைக் காண அவரவர் குடும்பத்தினர்கூட அனுமதிக்கப்படாத கடுமையான சூழலில், ஒரு பத்திரிகையாளரை ஐ.சி.யுவிலிருந்து `லைவ்' செய்ய அனுமதித்ததை சமூக ஊடகங்களில் கடுமையாக விமர்சிக்கின்றனர். பர்கா தத் இதற்கு முன்பே இதுபோன்றதொரு சர்ச்சையில் சிக்கியிருக்கிறார். அப்போது தன் தந்தையின் மரணத்தைக்கூட தனது பிரபலத்தை அதிகரிப்பதற்காகப் பயன்படுத்தினாரெனப் பரபரப்பாகக் குற்றம் சாட்டப்பட்டார். These first person accounts of Black Fungus survivors we have chronicled at HCG Hospital in Bengaluru are remarkable for their courage & optimism, despite some among them losing an eye, a part of the jaw, lung & brain infections, great spirit. Full report: https://t.co/iQcPt3eH9Z pic.twitter.com/bj8CmMXV6G— barkha dutt (@BDUTT) June 2, 2021 பர்காவின் தந்தை மருத்துவமனைக்கு அழைத்துவரப்பட்டபோது, ஆம்புலன்சில் இருந்த ஆக்சிஜன் தீர்ந்துவிட்டதாக தந்தையின் மரணத்துக்குப் பிறகு கூறியிருந்தார். ஆனால், ஆம்புலன்ஸ் டிரைவர் சோனு, ஆக்சிஜன் சிலிண்டர் நிரம்பியிருப்பதாகவும், பர்கா தத்தும் அதைச் சோதித்துப் பார்த்ததாகவும் கூறினார். ``பயணத்தின்போது அவர் குறுக்கிட்டு, ஆக்ஸிஜன் சப்ளையை சரிபார்க்க மீண்டும் மீண்டும் கூறினார். அது நன்றாக வேலை செய்கிறது என்று நான் அவருக்கு உறுதியளித்தேன். நாங்கள் எந்தப் பிரச்னையும் இல்லாமல் மருத்துவமனையை அடைந்தோம். அவருடைய இரண்டு வாகனங்களும் கூடவே வந்தன. நோயாளியின் பராமரிப்பாளரும் கூடவே இருந்தார். நோயாளியும் எந்தச் சிரமமும் இல்லாமல் ஆம்புலன்சில் இருந்து இறங்கினார். அதன் பிறகும் நான் அவசர சிகிச்சைப் பிரிவுக்கு வெளியே 15-20 நிமிடங்கள் நின்றிருந்தேன்” என்று ஆம்புலன்ஸ் டிரைவர் சோனு கூறியிருந்தார். இப்போது மருத்துவர்கள் அணிவது போன்ற பிபிஈ கிட் உடையும் மைக்குமாக ஐ.சி.யு-வின் உள்ளே சென்ற பர்காவைத் தொடர்ந்து அவரது கேமரா குழுவும் நுழைந்தது. அங்கு நோயாளிகளுக்கு சிகிச்சை அளித்துக்கொண்டிருந்த மருத்துவர் முன் மைக்கை நீட்டி ஒரு பேட்டியும் எடுத்தார் பர்கா. அதோடு, தான் ஐ.சி.யூ அறைக்குள் இருப்பதைப் பற்றி ஒரு ட்வீட்டும் செய்தார் அவர். இதைத்தான் நெட்டிசன்கள் விமர்சித்து வருகின்றனர். இதையடுத்து பர்காவின் பணியை #VultureJournalism எனவும் சிலர் விமர்சித்துள்ளனர். In Bengaluru’s HCG Hospital where an entire MucorMycosis ICU has been set up I meet frontline doctors treating it & 4 survivors, one who lost an eye, another who lost his jaw, third whose brain was infected and fourth whose lung was, still so brave. Full report @themojostory soon pic.twitter.com/oRFXLyEuWo— barkha dutt (@BDUTT) June 1, 2021 அதோடு, பர்காவுக்கு பேட்டி கொடுத்த மருத்துவர் மீதும், நோயாளிகளுக்கும் பிறருக்கும் ஆபத்து விளைவிக்கும் வகையில் ஐ.சி.யு-வுக்குள் நுழைந்த பர்கா குழுவினர் மீதும், இதைக் கண்டுகொள்ளாமல் விட்டதோடு, எந்தவிதப் பாதுகாப்பு ஏற்பாடுகளையும் பின்பற்றாமல் இருந்த மருத்துவமனை நிர்வாகம் மீதும் கர்நாடக அரசு கடும் நடவடிக்கை எடுக்க வேண்டும் என்கிற குரல்கள் இப்போது ஒலிக்கத் தொடங்கியிருக்கின்றன. - எஸ்.சங்கீதா
http://dlvr.it/S0zRxm

Read More