"டாஸ்மாக்... மக்களை மீட்க 3 உடனடி வழிகள்!" - ஐ.ஆர்.எஸ் மருத்துவர் வெங்கடேஷ் பாபு பகிர்வு

"குடிக்கு அடிமையானவர்களை, அதற்கான சிகிச்சைக்கு அழைத்துவருவது மிகவும் சிரமமான காரியம். ஆகவே, அனைத்து ஆரம்ப சுகாதார நிலையத்திலும், இதற்கென பணியாளர்களை நியமித்தால், அவர்கள் மூலம் தங்கள் வீட்டிலுள்ள குடிக்கு அடிமையான நபர்களை குடும்பத்தினர் அழைத்து வருவார்கள்." கொரோனா பரவல் அதிகமிருக்கும் இந்த நேரத்தில், டாஸ்மாக் கடைகளை திறக்க வேண்டுமா என்ற விவாதம் கடந்த சில நாட்களாக ஊடகங்களை ஆக்கிரமித்திருந்தன. ‘இந்த நேரத்தில் ஏன் இந்தக் கடைகள்’ என்ற கேள்விக்கு, டாஸ்மாக் திறக்க ஆதரித்தவர்கள் முன்வைக்கும் விளக்கங்கள்... அரசின் பொருளாதார தேவை சீராகும் மதுக்கு அடிமையானவர்கள், மது கிடைக்காமல் இருந்தபோது மோசமாக நடந்துக்கொண்டனர். ஒருசிலர், கள்ளச்சாராயம் குடித்து இறந்தார்கள். அதனாலேயே அரசு அதை நெறிபடுத்த நினைக்கிறது. இதன்மூலம், மனரீதியான பாதிப்பிலிருந்து மது குடிப்போர் ஓரளவு மீளமுடியும். “இவை இரண்டுமே பக்குவமான அணுகுமுறை அல்ல” என்கின்றனர் சமூக ஆர்வலர்கள். அதற்கு அவர்கள் சொல்லும் விளக்கமாக “அரசு, தன்னுடைய  வருவாய்க்கு பிரச்னை எனும்போது, அதை அதிகரித்துக்கொள்ள வேறு நல்ல வழிகளை தான் தேடவேண்டுமே தவிர, மக்களின் உயிரைக் கெடுக்கும் கடையை திறந்து அதன்மூலம் ஆதாயம் தேடக்கூடாது. மதுக்கு அடிமையானவர்களை மீட்பதற்கான வழி, போதை மறுவாழ்வு மையங்களை அதிகப்படுத்துவதுதான்; டாஸ்மாக் திறப்பு அல்ல. மட்டுமன்றி, மதுக்கடையில் வரிசையில் கூட்த்தில் நின்று கொரோனா பெற்று, மதுவினால் உடலில் நோய் எதிர்ப்புதிறன் குறைந்து இறப்பவர்களின் எண்ணிக்கையையும் கருத்தில் கொள்ள வேண்டும்” என்பவையாக இருக்கின்றன. சமூக ஆர்வலர்களின் கருத்துகளை ஆராய்ந்துபார்த்தால், மறுவாழ்வு மையங்களை அதிகப்படுத்துதல் என்ற விஷயத்தை ஏன் அரசு ஆர்வம் காட்டவில்லை என்ற எண்ணம் நமக்கு எழாமல் இல்லை. ஒருவேளை அரசும் டாஸ்மாக்கை வருவாய்க்கான கூடாரமாகத்தான் பார்க்கிறதா என சந்தேகிக்க வேண்டியுள்ளது. போதைப்பொருள் தடுப்பு அதிகாரியான ஐ.ஆர்.எஸ். மரு.வெங்கடேஷ் பாபு இதுபற்றி நம்மிடையே பேசியபோது, “அரசை இந்த விஷயத்தில் நம்மால் பெரியளவில் குறை சொல்ல முடியாது. ஏனெனில், அனைத்து ஆரம்ப சுகாதார நிலையமும், அப்பகுதிக்கான மறுவாழ்வு மையங்களாக செயல்பட வேண்டுமென்பது, சட்டம். ஆனால் அப்படியா நம் மக்கள் ஆரம்ப சுகாதார நிலையங்களை செயல்படுத்துகின்றனர்? இங்கு பல பேருக்கு, தடுப்பூசி போடவேண்டும் என சொன்ன பிறகுதான், எங்கே ஆரம்ப சுகாதார நிலையம் என தேட மனம் வந்துள்ளது. மக்களிடையே இதுபற்றிய விழிப்புணர்வு அதிகம் தேவைப்படுகிறது. அதை ஏற்படுத்துவதில், அரசின் பங்கும் இருக்கிறது என்பதால், அரசிடம் சில கோரிக்கைகள் வைக்க விரும்புகிறேன். ஆரம்ப சுகாதார நிலையங்கள் அனைத்திலும், மனநல மருத்துவர்கள் நியமிக்கப்பட வேண்டும். அரசு மருத்துவமனைகளில் ஏற்கெனவே மனநல மருத்துவர்கள் இருக்கிறார்கள். எனினும், ஆரம்ப சுகாதார நிலையத்திலும் அவர்களை நியமித்தால், இன்னும் கூடுதலாக – நேரடியாக நம்மால் மக்களை சென்றடைய முடியும். அதன்மூலம் பலரை மீட்கமுடியும். குடிக்கு அடிமையானவர்களை, அதற்கான சிகிச்சைக்கு அழைத்துவருவது மிகவும் சிரமமான காரியம். ஆகவே, அனைத்து ஆரம்ப சுகாதார நிலையத்திலும், இதற்கென பணியாளர்களை நியமித்தால், அவர்கள் மூலம் தங்கள் வீட்டிலுள்ள குடிக்கு அடிமையான நபர்களை குடும்பத்தினர் அழைத்து வருவார்கள். மக்கள் தரப்பில், குடிக்கு அடிமையானவர்களை மீட்பது பற்றிய அடிப்படை புரிந்துணர்வு தேவை. அதை அரசு காணொலி வாயிலாகவோ, விளம்பரங்கள் வாயிலாகவோ மக்களுக்கு தெரியப்படுத்தவேண்டும். இதை குறிப்பிட்டு சொல்லக் காரணம், இங்கு பல வீடுகளில், மனநல மருத்துவர்தான் குடிக்கு அடிமையாகும் நபரை மீட்க சிகிச்சை அளிப்பார் என தெரியவில்லை. அப்படித் தெரிந்தால், தொடக்க நாட்களிலேயே அவர்கள் மனநல மருத்துவரிடம் அந்நபரை அழைத்து சென்றிருப்பார்கள். விழிப்புணர்வை காரணமாக, அந்நபர் போதைக்கு மிகவும் அடிமையாகும் சூழல் வந்து - அதன்பிறகு ‘மறுவாழ்வு மையங்களுக்குத்தான் செல்ல வேண்டும், நம் ஊரில் அது இல்லை. வேறு ஊருக்கு ஊரடங்கு நேரத்தில் செல்ல முடியவில்லை’ என்று கூறுகிறார்கள். இப்படியானவர்களுக்கு, ‘மது அடிமையாளர்களை, மனநல மருத்துவரிடம் அழைத்துச்சென்று ஆலோசனையும் உரிய மருந்தும் சரியாக கொடுத்தால், அவரை அதிலிருந்து மீட்க முடியும்’ என்ற புரிதலை கொடுக்க வேண்டும். இவை மூன்றும் நடைமுறையில் எந்தளவுக்கு சாத்தியமோ, அந்தளவுக்கு செய்தால்கூட மிகவும் உதவியாக இருக்கும். இவை அனைத்தையும்விட முக்கியமானது, டாஸ்மாக் கடைகளை மூடுவது. வருமானம் பார்க்கும் துறை, இது இல்லை என்பதை அரசு புரிந்துக்கொள்ள வேண்டும். ஒவ்வொரு நாளும் கொரோனாவால் தமிழ்நாட்டில் நூற்றுக்கணக்கானோர் இறக்கிறார்கள். அவர்களின் எண்ணிக்கையை, மது அதிகரிக்கும். ஒருபக்கம், தடுப்பூசி போடுங்கள் என சொல்லிவிட்டு, இன்னொருபக்கம் மனிதர்களை கொல்லும் ஆயுதத்தை அரசே அனுமதிக்கலாமா? ஒருசிலர், ‘டாஸ்மாக் திறந்தால் என்ன? மறுவாழ்வு மையங்களை அதிகப்படுத்துங்கள். அதன்மூலம் அவரை மீட்டெடுக்க, குடும்பங்கள் முயலவேண்டும். குறிப்பிட்ட நபருக்கு சுயக்கட்டுப்பாடு முக்கியம். குடும்பத்தினருக்கு கூடுதல் பொறுப்புணர்வு வேண்டும்’ என்றெல்லாம் சொல்கிறார்கள். இப்படியான்வர்களிடம் நான் கேட்க விரும்புவது ஒன்றுதான். அது, ‘உங்களுக்கு பிடித்த, நீங்கள் பார்த்தவுடன் சாப்பிடத்தூண்டும் ஓர் உணவை ஒருபக்கம் வைத்துவிட்டு, அதை சாப்பிடாதே என இன்னொருபக்கம் உங்களை அழைத்தால், நீங்கள் செல்வீர்களா?’ உணவுக்கே நாம் யோசிப்போம்… இதுவோ, மது. குறிப்பிட்ட நபர், அதற்கு அடிமையாக இருக்கிறார். அவரிடம் போய், ‘இந்தக் கடை இருக்கும். இங்கு விற்பனையும் நடக்கும். நீ நினைத்தால், இதை வாங்கி அருந்தலாம். ஆனால் நீ வாங்காதே. மதுவை குடிக்காதே, வா மருத்துவமனைக்கு போகலாம். இதிலிருந்து மீளலாம்’ எனக்கூறினால், அவரிடமிருந்து எப்படி உங்களால் ஒத்துழைப்பை எதிர்ப்பார்க்க முடியும்? ஒருவர் போதைக்கு அடிமையாகிறார் என்றால், அவரை அதிலிருந்து மீட்க, மருந்து மாத்திரை தரப்பட வேண்டும். கூடவே, அவருக்கு மது தரப்படாமல் இருக்க வேண்டும். இவை இரண்டும் நடந்தால்தான், அவரை மீட்க முடியும். அதைவிட்டுவிட்டு, ‘நான் டாஸ்மாக்கை திறப்பேன். நீ மருத்துவமனைக்கு செல்’ என்றால், அது மக்களின் மேல் பழிபோட்டுவிட்டு, நாம் ஒதுங்கிக்கொள்வதென்று ஆகிவிடாதா? அரசு இதை புரிந்துக்கொள்ள வேண்டும். அந்த புரிந்துணர்வோடு, டாஸ்மாக்கை மூடிவிட்டு, மறுவாழ்வு மையத்துக்கான பரிந்துரைகளை செயல்படுத்த வேண்டும். அதுவே தீர்வு. இவை அனைத்துக்கும் முதன்மையாக, தன் வருவாய்க்கு வேறு வழியை அரசு தேட வேண்டும்” என்றார் அவர். - ஜெ.நிவேதா
http://dlvr.it/S1td81

Read More

`யோகிக்கு செக் வைக்கும் மோடி' - உத்தரப்பிரதேச தேர்தல் களத்தில் மோடியின் தளபதி!

“மோடியின் பார்வை இப்போது உத்தரப்பிரதேசம் பக்கம் திரும்பியுள்ளது. அடுத்த ஆண்டு நடைபெற உள்ள சட்டமன்றத் தேர்தலுக்காக இப்போதே தனது அரசியல் ஆட்டத்தை தொடங்கிவிட்டார் மோடி” என்கிறார்கள் பா.ஜ.க- வின் தேசிய அரசியலை நன்கு அறிந்தவர்கள்.யோகி ஆதித்யநாத் இந்தியாவின் மிகப்பெரிய மாநிலமான உத்தரப்பிரதேசத்தில் தற்போது யோகி ஆதித்யநாத் தலைமையிலான பா.ஜ.க அரசு ஆட்சியில் உள்ளது. அந்த மாநிலத்திற்கான சட்டமன்றத் தேர்தல் அடுத்த ஆண்டு நடைபெற உள்ளது. கடந்த மே மாதம் நடந்து முடிந்த ஐந்து மாநில சட்டமன்ற தேர்லில் பாஜக பெரும் சரிவை சந்தித்துள்ளது. குறிப்பாக மேற்குவங்கத்தில் பா.ஜ.க ஆட்சியைப் பிடிக்கும் என்று பா.ஜ.க-வினர் பெரிதும் நம்பியிருந்த நிலையில் இரட்டை இலக்கத்திலான தொகுதியில் மட்டுமே கைப்பற்றி படுதோல்வியை சந்தித்தது பா.ஜ.க. இந்நிலையில் தற்போது பா.ஜ.க டெல்லி மேலிடத்தின் பார்வை உத்தரப்பிரதேசத்தை நோக்கித் திரும்பியுள்ளது. 2022-ம் ஆண்டு உத்தரப்பிரதேச தேர்தல் நடக்கவுள்ள நிலையில், அந்தத் தேர்தல் வெற்றியை வைத்தே பா.ஜ.க-வின் அகில இந்திய செல்வாக்கும் மதிப்பிடப்படும் என்பதை பா.ஜ.க உணர்ந்துள்ளது. இதனால், உ.பி தேர்தலுக்கு அடுத்த மாதம் முதலே பா.ஜ.க பணிகளைத் தொடங்க உள்ளது. சமீபத்தில் டெல்லி சென்ற உத்தரப்பிரதேசத்தின் தற்போதைய முதல்வர் யோகி ஆதித்யநாத், உள்துறை அமைச்சர் மற்றும் பிரதமர் ஆகியோரைச் சந்தித்தார். அப்போது தேர்தல் முன்னேற்பாடுகள் பற்றியும், பா.ஜ.க-வின் தேர்தல் வியூகங்கள் பற்றியும் விவாதிக்கப்பட்டதாகத் தெரிகிறது.அமித் ஷா- யோகி - மோடி இந்நிலையில் உத்தரப்பிரதேச தேர்தலை வைத்து பா.ஜ.க-வுக்குள்ளும் அதிகார போட்டி அதிகமாகிவிட்டது என்கிற புதுத் தகவலும் டெல்லி பா.ஜ.க-வுக்குள் பலமாக ஒலிக்கிறது. இதுகுறித்து டெல்லி பா.ஜ.க தலைமைக்கு நெருக்கமானவர்களிடம் நாம் பேசியபோது சில தகவல்களைப் பகிர்ந்துக்கொண்டார்கள். “சமீபத்தில் பிரதமர் மோடிக்கு நெருக்கமான ஐ.ஏ.எஸ் அதிகாரி ஏ.கே. சர்மா என்பவர், ஐ.ஏ.எஸ் பதவியை ராஜினாமா செய்துவிட்டு உத்தரப்பிரதேச பா.ஜ.கவுக்குள் கால் பதித்துள்ளார். இவரின் வருகையே இப்போது யோகிக்கு புதிய அச்சுறுத்தலை ஏற்படுத்தியுள்ளது. சர்மாவின் சொந்த மாநிலம் உத்தரப்பிரதேசமாக இருந்தாலும், அவர் குஜராத் கேடர் ஐ.ஏ.எஸ் அதிகாரியாக பணியாற்றினார். குஜராத் மாநில முதல்வராக மோடி இருந்தபோது, மோடிக்கு நம்பிக்கைகுரியவராக சர்மா இருந்துள்ளார். இதனால் பிரதமராக மோடி பதவியேற்றதும், பிரதமர் அலுவலகத்திலும் முக்கிய பொறுப்பில் சர்மாவை அமர வைத்தார் . இப்போது அதே சர்மாவை தனது தளபதியாக உத்தரப்பிரதேச பா.ஜ.க-வுக்குள் நுழைத்திருக்கிறார் மோடி. இது தனக்கு செக் வைக்கும் அரசியல் என்பதை யோகியும் புரிந்து வைத்துள்ளார். சர்மா சமீபத்தில் பா.ஜ.கவின் எம்.எல்.சி-யாகவும் தேர்வு செய்யப்பட்டுள்ளார்.ஏ.கே. சர்மா பா.ஜ.க -வில் மோடிக்கு அடுத்த பிரதமர் ரேசில் இப்போது இருப்பவர் யோகிதான். ஆனால், மோடி தனக்குப் பிறகு அமித்ஷாவை முன்மொழியும் நிலையில் இருக்கிறார். வரும் உத்தரப்பிரதேச தேர்தலில் மீண்டும் யோகி வெற்றிபெற்று முதல்வராகப் பொறுப்பேற்றால் அகில இந்திய அளவில் யோகி முக்கியத் தலைவராக மாறிவிடுவார் என்கிற அச்சம் மோடி, அமித்ஷா உள்ளிட்ட மூத்த தலைவர்களுக்கு உள்ளது. குறிப்பாக சமீபத்தில் நடந்த ஆர்.எஸ்.எஸ் அமைப்பின் அகில இந்திய கூட்டத்திலும் இந்துத்துவா அஜெண்டாக்களை தொடர்ந்து அமல்படுத்த மோடிக்கு அடுத்த சாய்ஸாக யோகியைப் பார்ப்பதாக அந்த அமைப்பு புகழ்பாடியுள்ளது. இந்நிலையில்தான் உத்தரப்பிரதேச மாநில பா.ஜ.க-வுக்கு சமீபத்தில் ஒரு உத்தரவு சென்றுள்ளது. வரும் சட்டமன்றத் தேர்தல் பிரசாரத்தில் மோடியை முன்னிறுத்தியே பா.ஜ.கவின் பிரசார வியூகம் இருக்கவேண்டும் என்று சொல்லியுள்ளார்கள். இது யோகியை அதிர்சியடையச் செய்துள்ளது. ’தனது மாநிலத்தில் தன்னைத் தவிர வேறு யாரும் முன்னிலையில் இருக்கக்கூடாது. ஒரு மாநிலத்தின் முதல்வர் வேட்பாளரை வைத்தே பிரசாரம் மேற்கொள்ளவேண்டும். அதை எதற்காகத் தலைமை மாற்றுகிறது?’ என்கிற கடுப்பில் இருந்தார். அதைத் தொடர்ந்து யோகிக்கு அடுத்த அதிர்சியை கொடுத்தது டெல்லி தலைமை. அதாவது மோடியின் நம்பிக்கைக்குரிய நபரான சர்மாவிற்கு துணை முதல்வர் பதவியை வழங்கவேண்டும் என்கிற கோரிக்கைதான் அது.அமித்ஷா - நரேந்திர மோடி இதனால், எதிர்காலத்தில் தனது அரசியல் வளர்ச்சிக்கு சர்மா மூலம் மோடி தரப்பு செக் வைக்கப் பார்க்கிறது என்கிற அச்சம் யோகிக்கு உருவானது. இதனால் “எனது மாநிலத்தில் நடக்கும் அரசியல் முடிவுகளை நான் பார்த்துக்கொள்கிறேன்” என்று தடாலடியாக தலைமைக்கு பதில் அளித்திருக்கிறார் யோகி. இதன்பிறகு டெல்லி தலைமையும் அடுத்தடுத்த காய்களை நகர்த்த ஆரம்பித்ததுள்ளதாகத் தெரிகிறது. தொடர்ந்து டெல்லி தலைமை, உத்தரப்பிரதேசத்தில் மேற்கொள்ள வேண்டிய பணிகள் குறித்து தொடர் ஆலோசனையில் இறங்கியது. மற்றொருபுறம் யோகியைப் பணியவைக்கும் வேலையிலும் இறங்கினார்கள். இதன் தொடர்ச்சியாகவே டெல்லிக்கு வந்த யோகி, உள்துறை அமைச்சர் மற்றும் பிரதமரை சந்தித்துப் பேசினார். இந்தச் சந்திப்புக்குப் பிறகு யோகியின் சீற்றம் குறைந்துள்ளது என்கிறார்கள். அதேபோல் ஆர்.எஸ்.எஸ் அமைப்பும் யோகியை முதல்வர் வேட்பாளராக முன்னிறுத்துவதாக அறிவித்தது. இதனால் யோகி சமாதானம் அடைந்துள்ளார்.யோகி ஆதித்யநாத் இந்நிலையில் உ.பி-யில் பா.ஜ.கவுக்கு அச்சுறுத்தலாக சமாஜ்வாடி கட்சி இருக்கும் என்பதையும் கவனத்தில் கொள்ளவேண்டியுள்ளது. குறிப்பாக, இந்தமுறை எப்படியும் ஆட்சியைப் பிடித்துவிடவேண்டும் என்கிற உறுதியில் உள்ள அகிலேஷ் யாதவ், தேர்தல் வியூக நிபுணர் பிரசாந்த் கிஷோர் உதவியை நாடியிருக்கிறார். நேரடியாக அரசியல் கட்சிகளுக்கு பணியாற்றப்போவதில்லை என கிஷோர் சொல்லியிருந்தாலும், அகிலேஷ் யாதவிற்கு மறைமுகமாகக்கூட கிஷோர் உதவினால் அது தங்களுக்கு பெரிய அளவில் பாதிப்பை ஏற்படுத்தும் என்று பா.ஜ.க தலைமையும் அஞ்சுகிறது. இதனால் முன்கூட்டியே தேர்தல் வேலைகளை ஆரம்பிக்க அந்த மாநில பா.ஜ.கவுக்கு டெல்லி மேலிடம் உத்தரவிட்டுள்ளது. தனிப் பெரும்பான்மையுடன் ஆட்சியைப் பிடிக்கும் நிலையே வரும் தேர்தலில் பா.ஜ.கவுக்கு வந்தாலும், யோகி முதல்வராகத் தேர்வு செய்யப்படுவதில் பல சிக்கல்கள் எழும் என்கிறார்கள் டெல்லி தலைமையின் மனநிலையை அறிந்தவர்கள். குறிப்பாக யோகி மீது கடந்த காலத்தில் எழுந்த புகார்களை வைத்தே அவருக்கு நெருக்கடி கொடுக்க மோடி தரப்பு மும்முரமாக இருக்கிறது என்கிற கருத்தும் முன்வைக்கப்படுகிறது.
http://dlvr.it/S1rL22

Read More

இந்தியாவில் நிறைவடையும் நிலையில் அமெரிக்காவின் நோவாவாக்ஸ் தடுப்பூசி பரிசோதனை: அரசு

இந்தியாவில் அமெரிக்காவின் நோவாவாக்ஸ் தடுப்பூசியின் மருத்துவ பரிசோதனைகள் நிறைவடையும் நிலையில் உள்ளது என்று மத்திய அரசு தெரிவித்திருக்கிறது. இந்தியாவில் அமெரிக்காவின் நோவாவாக்ஸ் தடுப்பூசியை தயாரிப்பதற்கு புனேவின் சீரம் இன்ஸ்டிட்யூட் ஆப் இந்தியாவுடன் (எஸ்ஐஐ)  ஒப்பந்தம் செய்யப்பட்டுள்ளது. இது இந்தியாவை உள்ளடக்கிய குறைந்த மற்றும் நடுத்தர வருமானம் கொண்ட நாடுகளுக்கு குறைந்தது ஒரு பில்லியன் தடுப்பூசிகளை உற்பத்தி செய்யும் திறன் கொண்டது. நோவாவாக்ஸ் தடுப்பூசியை மத்திய அரசு  பாராட்டியதுடன், அதன் செயல்திறன் தரவுகள் நம்பிக்கை மற்றும் ஊக்கமளிக்கிறது எனத் தெரிவித்துள்ளது. இந்த தடுப்பூசியின் மருத்துவ பரிசோதனைகள் இந்தியாவில் நிறைவடையும் நிலையில் உள்ளன எனவும் தெரிவிக்கப்பட்டுள்ளது. "கிடைக்கக்கூடிய தரவுகளிலிருந்து நாம் தெரிந்துக் கொள்வது என்னவென்றால், இந்த தடுப்பூசி மிகவும் பாதுகாப்பானதாகவும், மிகவும் பயனுள்ளதாகவும் இருக்கிறது. குழந்தைகள் மீதான நோவாவாக்ஸ் தடுப்பூசி சோதனைகளையும் தொடங்கும் என்று நான் நம்புகிறேன் " என்று நிதி ஆயோக் உறுப்பினர் வி.கே. பால் தெரிவித்தார். சீரம் நிறுவனம் இந்தியாவில் கிடைக்கும்  கோவிட் -19 தடுப்பூசிகளில் ஒன்றான கோவிஷீல்டையும் உற்பத்தி செய்கிறது. ""நோவாவாக்ஸ் தடுப்பூசி 'என்விஎக்ஸ்-கோவி 2373' மிதமான மற்றும் கடுமையான நோய்களுக்கு எதிராக 100 சதவிகித பாதுகாப்பை நிரூபித்தது, ஒட்டுமொத்தமாக 90% செயல்திறன் கொண்டது" என நோவாவாக்ஸின் அறிக்கை கூறுகிறது.
http://dlvr.it/S1qG71

Read More

’மக்கள் கூடுவதை தடுக்க அரசு தவறுவது ஏன்?’ - திட்டமிடலின் சறுக்கல்களும், கொரோனா பரவலும்!

ரெம்டெசிவர் மருந்து விற்பனை, தடுப்பூசி செலுத்துதல், ஊரடங்குக்கு முந்தைய நாள் போக்குவரத்து நெரிசல், டாஸ்மாக் திறப்பு என அரசின் சில முடிவுகளால் மக்கள் கூட்டம் முண்டியடித்து, தனிமனித இடைவெளி காற்றில் பறந்தது. அரசு இன்னமும் விழிப்போடு இருந்திருந்தால் இந்த ‘கொரோனா ’ஹாட் ஸ்பாட்’ சம்பவங்களை தவிர்த்திருக்கலாம். ரெம்டெசிவர் மருந்து விற்பனை: கொரோனா இரண்டாம் அலை தொடங்கிய நேரத்தில், இந்த நோய்க்கு ரெம்டெசிவர் மருந்து நல்ல பலனளிப்பதாக சொல்லப்பட்டது. அதன் காரணமாக ரெம்டெசிவர் மருந்து விற்பனை செய்யப்பட்ட சென்னை கீழ்ப்பாக்கம் மருத்துக்கல்லூரி மருத்துவமனை, திருச்சி அரசு மருத்துவமனை உள்ளிட்ட இடங்களில் மக்கள் கூட்டம் அலைமோதியது. ஒரு பக்கம் தீயென கொரோனா பரவல் அதிகரித்துக்கொண்டிருந்த நேரத்தில், மற்றொருபக்கம் போதிய தனிமனித இடைவெளியை பின்பற்றாமல் ஆயிரக்கணக்கான மக்கள் முட்டிமோதி மருந்து வாங்க நின்றுகொண்டிருந்தனர். பின்னர்தான் விழிப்படைந்த அரசு ரெம்டெசிவர் விற்பனையை நேரு மைதானத்திற்கு மாற்றியது, அதன்பின்னர் அனைத்து மருத்துவமனைகளுக்கும் அரசே ரெம்டெசிவரை வழங்கும் என சொன்னதால் மக்கள் கூட்டம்கூடி அலைமோதுவது நின்றது. பின்னர் உலக சுகாதார நிறுவனமே கொரோனா சிகிச்சைகள் மருந்துகள் பட்டியலில் இருந்து ரெம்டெசிவரை நீக்கியது. ஊரடங்குக்கு முந்தைய போக்குவரத்து மற்றும் சந்தை நெரிசல்கள்: அரசு முழுமையான தளர்வுகளற்ற ஊரடங்கை அறிவிக்கும் முன்பு இரண்டு நாட்கள் மக்கள் சொந்த ஊருக்கு திரும்பலாம் என்றும், அனைத்து கடைகளிலும் பொருட்கள் வாங்கலாம் என்றும் அறிவித்தது. திடீரென வந்த இந்த அறிவிப்பால் போக்குவரத்து துறையும், காவல்துறையும் சற்று திணறியது. சென்னையிலிருந்து  தமிழகத்தின் மற்ற ஊர்களுக்கு ஆயிரக்கணக்கான மக்கள் கூட்டம் கூட்டமாக  கோயம்பேடு, பெங்களத்தூர் பேருந்து நிலையங்களை முற்றுகையிட்டனர், இதன் காரணமாக பெரும் கூட்டநெரிசல் ஏற்பட்டது. அதுபோலவே இரு நாட்கள் அனைத்துக்கடைகளையும் திறக்கலாம் என்ற அறிவிப்பும் கடைவீதிகளில் மக்கள்திரளை அதிகரிக்கவே செய்தது. இந்த விசயத்தில் அரசு இன்னும் கூடுதல் திட்டமிடுதலுடன் இருந்திருக்கலாம் என்றே சமூக செயற்பாட்டாளர்கள் தெரிவித்தனர். தடுப்பூசிக்கான கூட்டம்: அனைவரும் தடுப்பூசி செலுத்திக்கொள்ள வேண்டும் என எல்லா இடங்களிலும் சொல்லப்பட்டாலும்கூட, கடந்த சில வாரங்களாகவே தமிழகத்தின் பெரும்பாலான மருத்துவமனைகளில் தடுப்பூசி கையிருப்பில் இல்லை. இதன்காரணமாக பல மருத்துவமனைகளுக்கும், தடுப்பூசி செலுத்தும் மையங்களுக்கும் மக்கள் சென்று திரும்பிக்கொண்டிருந்தனர். ஒவ்வொரு தடுப்பூசி மையத்திலும் உள்ள தடுப்பூசி கையிருப்பு குறித்த வெளிப்படையான தகவல்கள் பகிரப்படுவதில்லை எனவும் பொதுமக்கள் குற்றம் சாட்டினார்கள். எந்தெந்த தடுப்பூசி மையங்களில் தடுப்பூசிகள் இல்லை அல்லது கையிருப்பு உள்ளது என்ற தகவல்கள் வெளிப்படையாக அறிவிக்கப்பட்டால் மக்களின் அலைச்சல் மிச்சமாகும் என்ற கோரிக்கையும் எழுந்துள்ளது டாஸ்மாக் கடைகள் கூட்டம்: தமிழகத்தில் படிப்படியாக கொரோனா தொற்று குறைய தொடங்கியுள்ளதால் தொற்று குறைவாக உள்ள 27 மாவட்டங்களில் டாஸ்மாக் மதுபானக்கடைகள் திறக்கப்படும் என அரசால் அறிவிக்கப்பட்டது. ஆனால் டாஸ்மாக் கடைகள் திறக்கப்பட்டவுடன் ஒவ்வொரு கடையிலும் நூற்றுக்கணக்கான மதுகுடிப்போர் வரிசைகட்டி தனிமனித இடைவெளியின்றி நிற்கின்றனர்.  டாஸ்மாக் கடைகள் திறப்பு காரணமாக மீண்டும் கொரோனா தொற்றுப்பரவல் அதிகரிக்குமோ என்ற அச்சமும் மக்களிடம் எழ ஆரம்பித்திருக்கிறது. தொற்று அதிகமுள்ள 11 மாவட்டங்களில் உள்ளவர்கள் தொற்று குறைவாக உள்ள மாவட்டங்களுக்கு செல்வதால் அனைத்து தரப்புமே பீதியில்தான் உள்ளனர். டாஸ்மாக் திறப்பு விசயத்தில் அரசு அவசரம் காட்டியிருக்க தேவையில்லை என்பதே பலரின் கருத்தாகவும் உள்ளது. கொரோனா வார்டுக்குள் உறவினர்கள் அனுமதிக்கப்படும் புகார்: முதல் அலையின்போது கொரொனா வார்டுகள் ராணுவ முகாம் போன்ற கட்டுப்பாட்டுடன் இருந்தது. ஆனால் இரண்டாம் அலையின் போது கொஞ்சம் தளர்வாக இருந்ததால், கொரோனா வார்டிற்குள் நோயாளிகளின் உறவினர்கள் சாதாரணமாக சென்றுவரும் சூழல் நிலவுவதாக சமூக செயற்பாட்டாளர்கள் புகார் தெரிவிக்கின்றனர். இதன் காரணமாக கொரோனா நோய்த்தொற்று சங்கிலித்தொடராக பரவும் சூழல்தான் நிலவுகிறது என்று சொல்லப்படுகிறது. கொரோனா வார்டுகள் பழையபடி முழுக்கட்டுப்பாட்டுடன் இருக்கும்படி சுகாதாரத்துறை கவனிக்கவேண்டும் என்பதே மக்களின் எதிர்பார்ப்பு. வரும்முன் காப்பதே சிறந்தது: கொரோனா பரவலுக்கு மிக முக்கியமான காரணங்களில் ஒன்றாக கருதப்படுவது கூட்டம் சேருவதுதான். 6 அடி இடைவெளி நிச்சயம் இருக்க வேண்டும் என்று மருத்துவர்கள் தரப்பில் அறிவுறுத்தப்பட்டு வருகிறது. அப்படியிருக்கையில் மக்கள் ஒன்று கூடுவதற்கு சாத்தியமுள்ள எந்தவொரு அறிவிப்பையும், திட்டத்தையும் பலமுறை யோசித்து நன்கு திட்டமிட்டு செயல்படுத்த வேண்டும். தளர்வுகள் கொடுப்பது இங்கு பிரச்னை அல்ல. ஒரு தளர்வு கொடுத்தால் என்னென்ன நடக்கும் அதனை எப்படி எதிர்கொள்வது என்ற திட்டமிட வேண்டும். நூற்றுக்கு நூறு சதவிதம் அதனை செயல்படுத்த வேண்டும். கொரோனா தொற்றின் பாதிப்பு வெகுவாக குறைந்து வந்தாலும் தினசரி மரணங்களின் எண்ணிக்கை அந்த வேகத்தில் குறையவில்லை. நான் ஒன்றிற்கு 250க்கும் அதிகமானோர் உயிரிழந்து வருகின்றனர். அதனால், புதிய தொற்று ஏற்பட அரசு தரப்பில் எவ்விதத்திலும் காரணம் ஆகிவிடாமல் ‘வருமுன் காப்பதே சிறந்தது’ என்பதற்கு இணங்க அரசு செயல்படவேண்டும். மக்களும் கூடுமான வரை தனிமனித இடைவெளியை கடுமையாக கடைபிடித்து பரவலுக்கு சிறிதும் இடம் அளிக்காமல் பார்த்துக் கொள்ள வேண்டும். -வீரமணி சுந்தரசோழன்
http://dlvr.it/S1prQR

Read More

மும்பை: குட்டித் தமிழ்நாடான தாராவி கொரோனாவில் இருந்து மீண்டது எப்படி?

மும்பையில் உள்ள தாராவியில் தமிழர்கள் அதிக அளவில் வசிக்கின்றனர். ஆசியாவிலேயே அதிக குடிசைகளைக் கொண்ட தாராவியில் கொரோனா முதல் அலையில் பொது மக்கள் அதிக அளவில் பாதிக்கப்பட்டனர். அதிகப்படியான குடிசைகள் இருப்பதால் கொரோனாவைக் கட்டுப்படுத்துவது மாநகராட்சி அதிகாரிகளுக்கு மிகவும் சவாலான ஒன்றாக இருந்தது. தற்போது கொரோனா இரண்டாவது அலையிலும் தாராவி கொரோனாவில் இருந்து தப்பவில்லை. கடைசியாக கடந்த பிப்ரவரி மாதம் 2ம் தேதி கொரோனா தொற்று இல்லாத நிலை இருந்தது. அதன் பிறகு இப்போதுதான் தாராவியில் 24 மணி நேரத்தில் கொரோனா தொற்று எதுவும் பதிவாகவில்லை. தாராவியில் கொரோனாவைக் கட்டுப்படுத்தியது எப்படி என்பது குறித்து தாராவியை உள்ளடக்கிய ஜி வடக்கு வார்டு மாநகராட்சி அதிகாரி கிரண் திகாவ்கர் கூறுகையில், "கொரோனா தொற்றின் தொடக்கத்தில் தாராவியில் கொரோனாவைக் கட்டுப்படுத்துவது மிகவும் சவாலாக இருந்தது. கிரண் குடிசையில் அதிகப்படியான மக்கள் வசிக்கின்றனர். அதோடு ஆயிரக்கணக்கான சிறு தொழில்களும் இருக்கிறது. குடிசை மக்கள் பொது கழிவறையைத்தான் பயன்படுத்துகின்றனர். கொரோனா இரண்டாவது அலையின் போது தாராவியில் தனிமைப்படுத்துதல் முகாம்களை அமைத்தோம். ஒவ்வொரு வீடாக சென்று சோதனைகளை செய்து கொரோனா நோயாளிகளுடன் தொடர்பில் இருந்தவர்களை தேடிக் கண்டுபிடித்தோம்" என்று தெரிவித்தார். தாராவியில் கொரோனா கட்டுப்படுத்தப்பட்டது குறித்து தாராவியில் சிறிய அளவில் பிரிண்டிங் பிரஸ் வைத்து நடத்தி வரும் மகேந்திரன் கூறுகையில், "கொரோனாவைக் கட்டுப்படுத்திய மாநகராட்சி மற்றும் உள்ளூர் கவுன்சிலருக்கு நன்றி சொல்ல கடமைப்பட்டு இருக்கிறோம். வீட்டிற்கே வந்து சோதனை செய்தனர். கொரோனா பொதுமுடக்கத்தின்போது எங்களுக்கு இலவச சாப்பாடு விநியோகித்ததோடு, ரேஷன் பொருட்களையும் வழங்கினர். இப்போது கொரோனா தாராவியில் இருந்து முற்றிலும் ஒழிக்கப்பட்டிருப்பது மிகவும் மகிழ்ச்சியளிக்கிறது என்று தெரிவித்தார். மாநில பேரிடர் மேலாண்மைத்துறை அமைச்சர் விஜய் வடேதிவார் தாராவியில் கொரோனா கட்டுப்படுத்தப்பட்டது குறித்து கூறுகையில், "ஆசியாவின் மிகப்பெரிய குடிசைப்பகுதியான தாராவியில் 24 மணி நேரத்தில் எந்தவித கொரோனா தொற்றும் இல்லாமல் இருப்பதன் மூலம் மும்பை கொரோனாவில் இருந்து மீண்டு வருவது தெளிவாகத் தெரிகிறது. இதற்கான பெருமை அனைத்தும் மாநகராட்சி நிர்வாகத்தையும், தாராவி மக்களையுமே சேரும். கொரோனாவை எதிர்த்து மும்பை கடுமையாக போராடுகிறது என்பது மட்டும் தெளிவாகத் தெரிகிறது என்று தெரிவித்தார். மும்பை மேயர் கிஷோரிடம் இது குறித்து கேட்டதற்கு, "இந்த வெற்றி மும்பை மாநகராட்சி மட்டுமல்லாது தாராவி மக்களுக்குமானதாகும். கடந்த இரண்டு ஆண்டில் 7-வது முறையாக தாராவியில் 24 மணி நேரத்தில் கொரோனா தொற்று இல்லாத நிலை ஏற்பட்டுள்ளது. மிகவும் மக்கள் நெருக்கடி மிகுந்த தாராவியில், கொரோனாவைக் கட்டுப்படுத்திய மாநகராட்சி அதிகாரி கிரணை பாராட்டவேண்டும். இது தொடர வேண்டும். அதற்கு அனைவரும் கட்டாயம் முகக்கவசம் அணியவேண்டும்" என்று கேட்டுக்கொண்டார்.
http://dlvr.it/S1mTjp

Read More

அயோத்தி: 2 கோடி மதிப்புள்ள நிலம் 10 நிமிடத்தில் 18.5 கோடிக்கு வாங்கப்பட்டதா?! - பின்னணி என்ன?

பாஜகவின் கனவுத் திட்டங்களில் ஒன்றான அயோத்தி ராமர் கோயிலுக்குக் கடந்த 2019-ல் உச்ச நீதிமன்றம் கிரீன் சிக்னல் காட்டியதைத் தொடர்ந்து உத்தரப்பிரதேசத்தில் முதல்வர் யோகி தலைமையிலான அரசு வரும் 2023-க்குள் முழுமையாகக் கட்டுமான பணிகளை முடிக்கத் தீவிரம் காட்டி வருகிறது. கடந்த சட்டசபைத் தேர்தலில் பாஜக முன்வைத்த மிகமுக்கிய தேர்தல் வாக்குறுதிகளில் அயோத்தி ராமர் கோயிலும் ஒன்றாகும். கோயில் கட்டுமான பணிகள் தொய்வின்றி நடைபெறுவதற்காக மாநில அரசு தனி கமிட்டி ஒன்றினையும் அமைத்தது. அதன் முழு பொறுப்பையும் 15 பேர் கொண்ட ராம ஜென்ம பூமி அறக்கட்டளையிடம் ஒப்படைத்தது. அந்த அறக்கட்டளையின் மேற்பார்வையின் கீழ் தான் கட்டுமான பணிகள் நடைபெற்றுக்கொண்டிருக்கின்றன. இந்நிலையில், ராமர் கோயில் கட்டுமான பணிக்காக நிலம் வாங்கப்பட்ட விவகாரத்தில் முறைகேடு நடந்துள்ளதாக காங்கிரஸ், சமாஜ்வாடி, ஆம் ஆத்மி உள்ளிட்ட எதிர்க்கட்சிகள் சாடியிருப்பது அரசியல் வட்டாரத்தில் சலசலப்பை ஏற்படுத்தியிருக்கிறது.அயோத்தி ராமர் கோயில் கட்டுமான பணிகள் இது தொடர்பாக, உ.பி சமாஜ்வாதி கட்சியைச் சேர்ந்த பவன் பாண்டே கூறுகையில், “உள்ளூர் பாஜக தலைவர்கள் மற்றும் சில அறக்கட்டளை உறுப்பினர்களின் ஒப்புதலுடன் இந்த நில மோசடி ஒப்பந்தம் நடந்துள்ளது. மார்ச் 18-ம் தேதி அந்த நிலம் 2 கோடி ரூபாய்க்கு விற்பனை செய்யப்பட்டதற்கான ஆவணங்கள் என்னிடம் உள்ளன. அதேநிலம் 10 நிமிட இடைவெளியில் 18.5 கோடிக்கு ஸ்ரீராம ஜென்மபூமி தீர்த்த ஷேத்ரா அறக்கட்டளையால் வாங்கப்பட்டதற்கான ஆவணங்களையும் நான் வைத்திருக்கிறேன். 10 நிமிடத்தில் 16.5 கோடி விலை உயரும் அளவுக்கு அந்த நிலத்தில் என்ன தங்கம் விளைந்துவிட்டதா என்று தெரியவில்லை. ஒப்பந்தம், பத்திரப்பதிவு ஆகிய இரண்டிற்குமே அறங்காவலர் அனில் மிஷ்ரா மற்றும் மேயர் ரிஷிகேஷ் ஆகியோர் சாட்சிகளாக இருந்திருக்கிறார்கள். அப்படியிருக்கும் போது முறைகேடு நடக்கவில்லை என்று மறுக்க முடியாது. 10 நிமிடத்தில் 16.5 கோடி ஊழல் செய்துள்ளனர். ராமர் கோயிலுக்கு நிலம் என்ற பெயரில் ராமரின் பக்தர்கள் ஏமாற்றப்படுகின்றனர். இந்த விவகாரத்தில் முறையான சிபிஐ விசாரணைக்கு உத்தரவிட வேண்டும். கோடிக்கணக்கான மக்கள் ராமர் கோவிலுக்காக நன்கொடை வழங்கி வருகின்றனர். தங்களுடைய சேமிப்புகளிலிருந்து நன்கொடை வழங்கி வருகின்றனர். அந்த மக்களின் பணத்தில் நீங்கள் இவ்வாறு செய்வது அவர்களை அவமதிப்பதாகும்" என்று கோயில் அறக்கட்டளை நிர்வாகத்தைச் சாடினார். அதே போல், ஆம் ஆத்மி கட்சியின் சஞ்சய் சிங் இது தொடர்பாகச் செய்தியாளர்களைச் சந்தித்துப் பேசுகையில், "பகவான் ராமரின் பெயரில் ஊழல் செய்வார்கள் என யாரும் நினைத்துக்கூடப் பார்த்திருக்க மாட்டார்கள். ஆனால் ஆவணங்கள் கோடிக்கணக்கில் மோசடி நடந்திருப்பதைக் காட்டுகின்றன. நிலத்தின் விலை, விநாடிக்கு சுமார் 5.5 லட்சம் ரூபாய் அதிகரித்துள்ளது. இந்தியாவில் மட்டுமல்ல உலகில் எந்த நிலமும் ஒரு நொடியில் இவ்வளவு விலை உயர்ந்திருக்க வாய்ப்பில்லை. இந்த விவகாரத்தில் சிபிஐ விசாரணை வேண்டும்” என்றார். எதிர்க்கட்சிகள் தொடர்ந்து கேள்வி எழுப்பி வரும் நிலையில், காங்கிரஸ் பொதுச்செயலாளர் பிரியங்கா காந்தியும் கடும் கண்டனம் தெரிவித்துள்ளார். இது குறித்து தனது ட்விட்டர் பக்கத்தில், "கோடிக்கணக்கான மக்கள் தங்கள் நம்பிக்கை மற்றும் பக்தியால் கடவுளின் காலடியில் தங்கள் காணிக்கைகளைச் செலுத்தியுள்ளனர். ஆனால் அந்த நன்கொடையைத் தவறாகப் பயன்படுத்துவது அநீதியானது. இது ஒரு பாவம் மற்றும் பக்தர்களின் நம்பிக்கையை அவமதிக்கும் செயலாகும்" என்று பதிவிட்டுள்ளார்.பிரியங்கா காந்தி எதிர்க்கட்சிகள் விவகாரம் தொடர்பாகத் தொடர்ந்து கேள்வி எழுப்பி அழுத்தம் கொடுத்து வரும் நிலையில், கோயில் அறக்கட்டளை நிர்வாகம் குற்றச்சாட்டினை மறுத்திருக்கிறது. இது தொடர்பாக விளக்க அறிக்கை வெளியிட்டுள்ள அறக்கட்டளை பொதுச்செயலாளரும், விசுவ இந்து பரிஷத்தை சேர்ந்தவருமான சம்பத் ராய், "அயோத்தியில் ஏற்கனவே உள்ள குழந்தை ராமர் கோவிலைச் சுற்றியுள்ள பகுதிகளை விரிவுபடுத்துவதற்காக அறக்கட்டளை சார்பில் நிலம் வாங்கி வருகிறோம். போக்குவரத்து எளிதாக இருப்பதற்காக, கோயில் வளாகத்தைச் சுற்றியுள்ள நிலம் தேவைப்பட்டது. அதற்காக வீடுகளும், சிறு கோவில்களுமாக இருந்த அந்த நிலத்தை வாங்கினோம். அங்கு வசித்தவர்களை வேறு இடத்தில் குடியமர்த்துவதற்காக, அயோத்தியில் பாக் பிஜைசி என்ற இடத்தில் உள்ள 12 ஆயிரத்து 80 சதுர மீட்டர் நிலத்தை அறக்கட்டளை வாங்கியது. அந்த நிலத்துக்கு ரூ.2 கோடியே 16 லட்சம் விலை என்ற அடிப்படையில், 2017-ம் ஆண்டு முதல்கட்ட ஒப்பந்தம் போடப்பட்டு இருந்தது. முன்பணமாக ரூ.92 லட்சம் கொடுக்கப்பட்டு இருந்தது. அது, 2017-ம் ஆண்டின் சந்தை விலை அடிப்படையில் மதிப்பிடப்பட்ட விலை என்பதால் குறைவாக இருந்தது. அப்போது, ராமர் கோயில் கட்ட அனுமதிப்பதற்கான உச்சநீதிமன்றத்தின் தீர்ப்பு வரவில்லை. அந்த தீர்ப்பு, 2019-ம் ஆண்டு நவம்பர் 9-ந் தேதி வெளியானது. அதன்பிறகு நிலத்தின் மதிப்பு ஏறக்குறைய 10 மடங்கு கூடிவிட்டது. அதனால்தான், கடந்த மார்ச் மாதம் அந்த நிலத்தை ராமர் கோயில் அறக்கட்டளை வாங்கியபோது, விலை 9 மடங்கு அதிகரித்து விட்டது. நிலத்தின் உரிமையாளர்கள் 2017-ம் ஆண்டே அதை வாங்கியவர்களுக்குக் கடந்த மார்ச் மாதம் தான் பத்திரப்பதிவு செய்து கொடுத்தனர். அடுத்த சிறிது நேரத்தில், ராமர் கோவில் அறக்கட்டளைக்கு நிலம் பதிவு செய்யப்பட்டது.ஆனால், சந்தை விலையை விடக் குறைவான விலையில் தான் அதை வாங்கி இருக்கிறோம். எனவே, நிலம் வாங்கியதில் எந்த முறைகேடும் நடக்கவில்லை. அடுத்த ஆண்டு உத்தரப்பிரதேச சட்டசபைத் தேர்தல் நடக்கிறது. அதற்காக ஆதாயம் தேடவே எதிர்க்கட்சியினர் இதுபோன்ற பொய் குற்றச்சாட்டுகளை முன்வைத்திருக்கின்றனர்" என்று அறிக்கையில் குறிப்பிட்டுள்ளார்.
http://dlvr.it/S1lPyD

Read More

துளிர்க்கும் நம்பிக்கை: "மாற்றுத்திறனாளிக்கு உதவி வேண்டும்" - உதவிக்கரம் கோரும் குரல்

“நான் தனியார் பள்ளி ஆசிரியை. என் கணவர் கூலித் தொழிலாளி. எங்கள் வீட்டில், 5 பேர் உள்ளனர். எங்களுக்கு பொருளுதவி, வேலைவாய்ப்பு தேவை” – சுமதி, ராணிப்பேட்டை “எங்கள் வீட்டில் கொரோனா காலத்தில் யாருக்கும் வேலை இல்லை. இரண்டரை வயதில் குழந்தை உள்ளது. ஐ.டி படித்திருக்கிறேன். படிப்புக்கேற்ற வேலை கிடைத்தால் உதவியாக இருக்கும்” – ஐஸ்வர்யா, சிதம்பரம் “நான் ஆட்டோ ஓட்டுனர். வீட்டில், நான்கு பேர் உள்ளனர். அத்தியாவசிய பொருட்கள் தேவைப்படுகிறது” – வேலு, திருவள்ளூர் “எங்களுக்கு குடும்ப அட்டை இல்லை. வீட்டில் 5 பேர் இருக்கிறோம். மாமியார் மாற்றுத்திறனாளி. எங்களுக்கு, மளிகை சாமான்கள் தேவை” – இந்துமதி, சென்னை “அறக்கட்டளை மூலம் முடிந்த உதவிகளைச் செய்து வருகிறோம். மேலும் உதவி செய்ய பொருளுதவி தேவை” – கோபி, கள்ளக்குறிச்சி “என் தந்தை செருப்பு தைக்கும் தொழிலாளி. தாய் இல்லை, கால் உடைந்த நிலையில் வேலை இல்லை. வீட்டு வாடகை கட்ட முடியவில்லை. வாடகை தொகை, 5000 ரூபாய்” – கேசவராஜ், சென்னை - புதிய தலைமுறையின் 'துளிர்க்கும் நம்பிக்கை' உதவி மையத்துக்கு வந்துகொண்டிருக்கும் நூற்றுக்கணக்கான அழைப்புகளில் சமீபத்தில் வந்த கோரிக்கைகள் இவை. இந்த எளியவர்களை கரை சேர்க்க உதவும் வகையில் எங்களுடன் நீங்கள் இணைய விரும்பினால் 9150734555, 9150737555 என்ற எண்களைத் தொடர்புகொள்ளுங்கள். கொரோனா பேரிடரில் உதவி தேவைப்படுவோருக்கு நீங்கள் அளிக்கும் உதவிகளை சரியாக சென்று சேர்வதற்கு உறுதியான அத்தனை பணிகளையும் களத்தில் இருந்து நம் குழுவினர் செய்து வருகிறார்கள். உதவி நாடுவோருக்கு தங்களால் இயன்றதை தொடர்ந்து செய்துவரும் நல் உள்ளங்களுக்கு நன்றியும் அன்பும். இந்த முன்னெடுப்பு குறித்து விரிவாக அறிய > எளியவர்களின் இருள் நீங்க... 'புதிய தலைமுறை' முன்னெடுப்பில் 'துளிர்க்கும் நம்பிக்கை'
http://dlvr.it/S1l0BL

Read More