கன்னியாகுமரி மலையாள எழுத்தாளர் ரமேஷன் நாயர் கொரோனாவால் மரணம்... அவரின் வாழ்வும் இலக்கியப் பணியும்!

கன்னியாகுமரி மாவட்டம் தக்கலையை அடுத்த குமாரபுரத்தைச் சேர்ந்தவர் எழுத்தாளர் எஸ்.ரமேஷன் நாயர். எழுத்தாளர் மட்டுமல்லாமல் கவிஞராகவும் இருந்தார். 650-க்கும் மேற்பட்ட மலையாள திரைப்பட பாடல்கள் எழுதியுள்ளார். இரண்டாயிரத்துக்கும் அதிகமான பக்தி பாடல்களை எழுதியுள்ளார். ஷடானனன் தம்பி, பார்வதி தம்பதிக்கு 1948-ம் ஆண்டு மே 3-ம் தேதி பிறந்தார் ரமேஷன் நாயர். பொருளாதாரத்தில் இளங்கலை பட்டமும், மலையாள இலக்கியத்தில் முதுகலைப் பட்டமும் பெற்றவர். இவருக்கு ரெமா என்ற மனைவியும், மனு ரமேஷன் என்ற மகனும் உள்ளனர். ரெமா-வும் எழுத்தாளர், மகன் மனு, இசை அமைப்பாளர். ரமேஷன் நாயர் ஆரம்பத்தில் அகில இந்திய வானொலியில் பணியாற்றினார். பின்னர் விருப்ப ஓய்வு பெற்று தீவிரமாக இலக்கிய பணியில் இறங்கினார். மலையாள இலக்கியத்திற்கு ஏறத்தாழ 50 புத்தகங்களை படைத்துத் தந்துள்ளார். 1985-ல் 'பத்தாமுதயம்' படத்தின் பாடல்களை எழுதியதன் மூலம் மலையாளிகளின் இதயத்தில் இடம் பிடித்தார்.கருணாநிதி தமிழ் இலக்கியமான சிலப்பதிகாரம், திருக்குறள், பாரதியார் பாடல்களை மலையாளத்தில் மொழி பெயர்த்தார். அதை பாராட்டும் விதமாக தமிழக முதல்வராக இருந்த கருணாநிதி, கன்னியாகுமரியில் 1.1.2000 அன்று 133 அடி உயர திருவள்ளுவர் சிலை திறப்பு விழாவில் ரமேஷன் நாயரை அழைத்து பாராட்டி பரிசு வழங்கினார். கருணாநிதி வேண்டுகோளுக்கு இணங்க அவர் எழுதிய 'தென்பாண்டி சிங்கம்' நூலை மலையாளத்தில் மொழி பெயர்த்தார் ரமேஷன் நாயர். Also Read: மில்கா சிங்: இந்தியாவுக்காக ரோம் ஒலிம்பிக்கில் கனவுகளோடு ஓடிய கால்கள்... ஓட்டத்தை முடித்தது! ரமேஷன் நாயர் எழுதிய குரு பெளர்ணிமா என்ற மலையாள கவிதை நூலுக்கு 2018-ம் ஆண்டு சாகித்ய அகாடமி விருது வழங்கப்பட்டது. இந்த நூலில் ஸ்ரீ நாராயணகுருவின் வாழ்க்கை வரலாற்றை கூறியிருந்தார். 2010-ம் ஆண்டு கேரள சாகித்ய அகாடமி விருது மற்றும் ஆசான் விருது ஆகியவை ரமேஷன் நாயருக்கு வழங்கப்பட்டது. அதுமட்டுமல்லாது சிறந்த திரைப்படப் பாடலுக்காக விருது என பத்துக்கும் மேற்பட்ட இலக்கிய விருதுகளையும் பெற்றவர் ரமேஷன் நாயர். விவேகானந்தர் குறித்த காவியம் மற்றும் கம்பராமாயணம் மலையாள மொழி பெயர்ப்பு பணியையும் தொடங்கியிருந்தார். அது நிறைவடைவதற்கு முன்னரே மரணம் அடைந்துவிட்டார்.ரமேஷன் நாயர் பல ஆண்டுகளாக அவர் கொச்சியில் வசித்துவந்தார். இந்த நிலையில் கொரோனா பாதித்து கொச்சியில் உள்ள தனியார் மருத்துவமனையில் அனுமதிக்கப்பட்டார். ஏற்கனவே அவருக்கு கேன்சர் பாதிப்பு இருந்தது. இரண்டு நாளுக்கு முன்பு கொரோனா நெகட்டிவ் ஆன நிலையில் நேற்று அவர் மரணமடைந்தார். அவருக்கு 73 வயது. அவரது இறுதிச்சடங்கு, இன்று காலை 11 மணிக்கு நடைபெற்றது. ஐம்பது ஆண்டுகளுக்கும் மேலாக படைப்புகளை வழங்கிவந்த ரமேஷன் நாயரின் மரணம் மலையாள இலக்கிய உலகிற்கு பெரும் இழப்பாகும். ரமேஷன் நாயர் சாகித்ய அகடமி விருது பெற்ற சமயத்தில், "கன்னியாகுமரி மாவட்டத்தின் இதய துடிப்பான மலையாளமாக்கும் எனது மலையாளம். அந்த மலையாளம் அங்கீகரிக்கப்பட்டது என்பதுதான் எனக்கு கூடுதல் பெருமை" என்று கூறினார்.
http://dlvr.it/S22KCd

Read More

கேரளா: மன் கி பாத் உரை; தைவான் நாட்டு விருது! - வேம்பநாடு ராஜப்பனிடம் பண மோசடி?

கேரள மாநிலம் கோட்டயம் மாவட்டம் வேம்பநாடு காயலுக்குச் சென்றால் தினமும் வள்ளத்தில் சென்று பிளாஸ்டிக் பாட்டில் போன்ற மக்காத குப்பைகளை சேகரித்து வரும் ராஜப்பனை காணலாம். வேம்பநாடு காயலிலும், காயலை ஒட்டியுள்ள கால்வாய்களிலும் ராஜப்பனின் வள்ளம் வருவதைக் கண்டால் கரையோரம் நிற்பவர்கள் காலி பிளாஸ்டிக் பாட்டில்கள் இருந்தால், அவரை நோக்கி வீசுவார்கள். அதை குச்சி மூலம் சேகரித்து படகில் சேர்ப்பார் ராஜப்பன். வயிற்றுப்பிழைப்பு ஒருபுறம் இருந்தாலும், வேம்பநாடு காயலை சுத்தப்படுத்தும் நோக்கில் இதை செய்து வருகிறார் ராஜப்பன். இரண்டு கால்களும் செயல் இழந்த நிலையில் சகோதரியின் உதவியோடு வாழ்ந்து வருகிறார் ராஜப்பன். ராஜப்பனை குறித்து பிரதமர் நரேந்திரமோடி மன் கீ பாத் நிகழ்ச்சியிலும் பேசியிருக்கிறார். வேம்பநாடு காயலை அடுத்த மஞ்சாடிகிரியில் உள்ளது ராஜப்பனின் வீடு. குமாரகம், கங்கணம் பகுதிகளில் மாலை 4 மணிக்கு தொடங்கும் பிளாஸ்டிக் பாட்டில்களை சேகரிக்கும் பணி முடித்து வீட்டுக்கு செல்லும்போது இரவு 9 மணி ஆகிவிடும்.வேம்பநாடு காயலை சுத்தப்படுத்தும் ராஜப்பன் இந்த நிலையில் அவருக்கு `இண்டர்நேஷனல் ஷைனிங் வேல்ட் எர்த் புரடெக்‌ஷன்’ அவார்டை தைவான் அரசு வழங்கியுள்ளது. பாராட்டு பத்திரம், விருது மற்றும் பத்தாயிரம் அமெரிக்க டாலர் ஆகியவை அவருக்கு வழங்கப்பட்டது. அந்த பரிசுத்தொகையின் இந்திய மதிப்பு ரூ. 7,30,081 (ஏழு லட்சத்து முப்பதாயிரத்து எண்பத்தி ஒரு ரூபாய்) ஆகும். மேலும் ராஜப்பனின் சேவையை பற்றி அறிந்தவர்கள் அவருக்கு பணம் அனுப்புவது வழக்கம். நன்கொடைகள் பெறுவதற்காக ராஜப்பன் வங்கி கணக்கு ஆரம்பித்தார். அவரால் நடந்து வங்கிக்கு செல்ல முடியாது என்பதால் அவரது சகோதரியையும் இணைத்து ஜாயிண்ட் அக்கவுண்டாக தொடங்கியிருந்தார். இந்த நிலையில் தைவான் அரசு வழங்கியிருந்த விருதுக்கான தொகை வங்கிக்கணக்கில் வந்துவிட்டது என்பதை உறுதி செய்ய பேங்க் ஸ்டேட்மெண்டை எடுத்து அவர்களுக்கு அனுப்ப வேண்டும். இதற்காக அவர் வங்கிக்குச் சென்றுள்ளார். அந்த ஸ்டேட்மெண்டை பார்த்தபோது அதில் இருந்து சுமார் ஐந்து லட்சம் ரூபாயை அவரது சகோதரி எடுத்திருப்பது தெரியவந்தது. இதனால் அதிர்ச்சி அடைந்த ராஜப்பன் இதுகுறித்து கோட்டயம் எஸ்.பி அலுவலகத்தில் புகார் அளித்திருக்கிறார்.வள்ளத்தில் பிளாஸ்டிக் குப்பைகளை சேகரிக்கும் ராஜப்பன் இதுபற்றி பேசிய ராஜப்பன், "ஒரு கிலோ பிளாஸ்டிக் பாட்டில்களுக்கு 12 ரூபாய்தான் கிடைக்கும். வள்ளம் நிறைய பாட்டில்கள் சேகரித்தாலும் இரண்டு மூண்று கிலோதான் தேறும். சிறு வயது முதலே கால் நடக்கமுடியாமல் இப்படித்தான் இருக்கிறது. படகில் ஊர்ந்துதான் ஏறிச் செல்வேன். ஒரு வெள்ளப்பெருக்கில் எனது வீட்டுக்குள் தண்ணீர் புகுந்துவிட்டது. தண்ணீர் வடியும் வரை பாலத்துக்கு அடியில் நின்ற படகில் வசித்தேன். அப்போது எனது வீட்டுக்கு அருகில் நான் சாக்குப்பையில் சேகரித்து வைத்திருந்த பிளாஸ்டிக் பாட்டில்களை தண்ணீர் அடித்துவிட்டு போய் விட்டது. நல்ல ஒரு வீடு கட்டி மரணிப்பது வரை அதில் சந்தோஷமாக வாழ வேண்டும் என்பதே என் ஆசை. அதற்காகத்தான் வங்கியில் பணம் வைத்திருந்தேன். அந்த பணத்தை என் சகோதரி எடுத்துள்ளார். எனக்கு சிலர் வழங்கிய இரண்டு வள்ளத்தையும் உறவினர்கள் எடுத்துவிட்டனர். இப்போது அவர்கள் மிரட்டல் விடுக்கிறார்கள்" என்றார். இந்த புகார் குறித்து போலீஸார் விசாரணை நடத்தி வருகின்றனர்.
http://dlvr.it/S21zlb

Read More

மும்பை: வீட்டு வேலை, திருட்டு, எஸ்கேப்! - 18 ஆண்டுகளில் 50 வீடுகளில் கைவரிசை காட்டிய பெண் கைது

மும்பையின் மேற்கு பகுதியில் வீட்டு வேலை செய்யும் பெண்கள் அதிக அளவில் வசிக்கின்றனர். கொரோனா நேரத்தில் அதிகமான வீட்டுவேலைக்கார பெண்கள் ஊரை காலி செய்துவிட்டு சொந்த ஊருக்கு சென்றுவிட்டனர். இதனால் அதிகமானோர் வீட்டு வேலைக்கு ஆள் கிடைக்காமல் கிடைத்த வேலைக்காரர்களைப் பற்றி சரியாக விசாரிக்காமல் வேலைக்கு அமர்த்துகின்றனர். அவர்கள் வேலைக்கு சேர்ந்த சில நாட்களில் வீட்டு உரிமையாளரின் நம்பிக்கையை பெற்று உடனே கிடைக்கும் பொருட்களை திருடிவிட்டு தப்பிச்சென்றுவிடும் சம்பவங்கள் அதிக அளவில் நடக்கிறது. வனிதா மும்பையில் அது போன்ற ஒரு வீட்டு வேலைக்கார பெண் கைது செய்யப்பட்டுள்ளார். வனிதா கெய்க்வாட் என்ற பெண் மேற்கு மும்பையில் மிகவும் பணக்காரர்கள் வசிக்கும் ஜுகு பகுதியில் உள்ள அடுக்கு மாடி குடியிருப்பு ஒன்றில் வசிக்கும் தீபிகா கங்குலி என்பவரின் வீட்டில் வேலைக்கு சேர்ந்தார். அவர் பணிக்கு சேர்ந்த சில நாட்களிலேயே அங்கு இருந்த 10 ஆயிரம் பணம் மற்றும் 2,500 அமெரிக்க டாலர்களை எடுத்துக்கொண்டு தலைமறைவாகிவிட்டார். இதையடுத்து வீட்டு உரிமையாளர் போலீஸில் புகார் செய்தார். போலீஸார் வழக்குப் பதிவு செய்து விசாரித்து வந்தனர். அப்பெண் வேலை செய்த வீடு இருந்த கட்டடத்தில் கண்காணிப்பு கேமரா பொருத்தப்பட்டு இருந்தது. இதனால் திருடிய பெண்ணின் புகைப்படம் எளிதில் சிக்கியது. ஆரம்பத்தில் அப்பெண் கொடுத்திருந்த முகவரியில் சென்று பார்த்த போது அந்த வீட்டை காலி செய்திருந்தார். இது குறித்து ஜுகு போலீஸ் அதிகாரி சசிகாந்த் பவார் கூறுகையில், ``வனிதா பொதுவாக அடுக்கு மாடிகுடியிருப்புக்களில் சென்று அங்கு பணியாற்றும் வாட்ச்மென்களை பார்த்து யாருக்காவது வீட்டுவேலைக்கு ஆட்கள் தேவைப்பட்டால் சொல்லும் படி கூறிவிட்டு தனது போன் நம்பரையும் கொடுத்துவிட்டு வருவார். அப்படி யாராவது வாட்ச்மென் மூலம் வனிதாவை வேலைக்கு அழைத்தால், உடனே வேலையில் சேர்ந்துவிடுவார். ஆனால் முகவரி ஆவணங்களை கொடுக்கும்படி கேட்டால் சமீபத்தில் தனது வீட்டை மாநகராட்சி அதிகாரிகள் இடித்துவிட்டனர். அதில் ஆவணங்கள் எல்லாம் வீணாகிவிட்டது. சில நாட்களில் ஏற்பாடு செய்து கொடுப்பதாக கூறுவார். வீட்டு உரிமையாளரும் விரைவில் ஆவணங்களை கொண்டு வந்து கொடுக்கும்படி கூறுவதுண்டு. கைது வீட்டு உரிமையாளர் கொடுக்கும் நேரத்திற்குள் அவரின் நம்பிக்கையை பெற்று அங்கு இருக்கும் பொருட்களை திருடிச்சென்றுவிடுவது வழக்கம். அதோடு அடிக்கடி தனது வீட்டை மாற்றிக்கொண்டே இருப்பார். இதனால் அவரை கண்டுபிடிப்பதில் சிக்கல் இருந்து வந்தது. இறுதியில் விக்ரோலியில் உள்ள வீட்டில் வைத்து கைது செய்யப்பட்டார்” என்று தெரிவித்தார். 2003-ம் ஆண்டிலிருந்து இது வரை 50-க்கும் மேற்பட்ட வீடுகளில் வேலை செய்து அங்கு திருடி பிடிபட்டும் இருக்கிறார். அதிகமான வழக்குகளில் குறுகிய கால சிறைதண்டனையே வழக்கப்படுவது வழக்கம். நீதிபதியிடம் வனிதா தனது குற்றத்தை ஒப்புக்கொண்டு வயிற்று பிழைப்புக்காக இதனை செய்துவிட்டதாக கூறி நாடகமாடிவிடுவது வழக்கம். இதனால் நீதிபதியும் அவரது நிலையை பார்த்து குறுகிய கால சிறை தண்டனை கொடுப்பது வழக்கம். போலீஸார் வனிதாவின் வீட்டை சோதனை செய்து பார்த்த போதுதான் வீடு முழுக்க கோர்ட் ஆவணங்களாக கிடந்தது. அடிக்கடி வனிதா தனது பெயரையும் மாற்றிக்கொண்டு இது போன்ற திருட்டு காரியங்களில் ஈடுபடுவதுண்டு. சூரத்திலும் இரண்டு வீடுகளில் திருடி இருப்பது விசாரணையில் தெரிய வந்ததுள்ளது.
http://dlvr.it/S1zsFS

Read More

'கொரோனா மூன்றாவது அலை குழந்தைகளை அதிகம் பாதிக்காது' - உலக சுகாதார அமைப்பு, எய்ம்ஸ்

கொரோனா மூன்றாவது அலையால் குழந்தைகளுக்கு பாதிப்பு ஏற்படாது என, டெல்லி எய்ம்ஸ் மருத்துவமனை நடத்திய ஆய்வில் தெரியவந்துள்ளது. கொரோனா இரண்டாவது அலை பாதிப்பு பற்றி ஐந்து மாநிலங்களின் சில பகுதிகளில் உலக சுகாதார அமைப்புடன் இணைந்து எய்ம்ஸ் ஆய்வு நடத்தியது. இதில் 18 வயதுக்கு மேற்பட்டவர்களைவிட, 18 வயதுக்குட்பட்டவர்களிடம் நோய் எதிர்ப்பு சக்தி அதிகம் உள்ளது தெரியவந்துள்ளது. கொரோனா இரண்டாவது அலையில் அதிகம் பாதிக்கப்பட்ட டெல்லி, ஹரியானா, உத்தரப்பிரதேசம், திரிபுரா மாநிலங்களின் சில பகுதிகளில் மேற்கொள்ளப்பட்ட ஆய்வுகளிலும் குழந்தைகளிடம் நோய் எதிர்ப்பு சக்தி அதிகம் உள்ளது ஆய்வில் தெரியவந்துள்ளது. எனவே, மூன்றாவது அலையால் குழந்தைகள் பாதிக்கப்பட்டாலும், அது அறிகுறியில்லாத பாதிப்பாகவே இருக்கும் என்றும் எய்ம்ஸ் தெரிவித்துள்ளது.
http://dlvr.it/S1yr6V

Read More

'போட்டியாளர் டூ நண்பேன்டா' இது விராட் கோலி - வில்லியம்சன் கதை !

சர்வதேச கிரிக்கெட் தளத்தில் தலைச்சிறந்த பேட்ஸ்மேன்கள் வரிசையில் இருப்பவர்கள் விராட் கோலியும், நியூசிலாந்தின் கேன் வில்லியம்சனும். இப்போது இவர்கள் தலைச் சிறந்த பேட்ஸ்மேன் என்ற அங்கீகாரத்தை தாண்டி யார் இப்போது டெஸ்ட் கிரிக்கெட்டின் தலைச்சிறந்த கேப்டன் என நிர்ணயிக்கும் நிலைக்கு உயர்ந்துவிட்டனர். ஆம், விராட் கோலியின் தலைமையிலான இந்திய அணியும், கேன் வில்லியம்சன் தலைமையிலான நியூசிலாந்து அணியும் நாளை தொடங்கவிருக்கும் உலக டெஸ்ட் சாம்பியன்ஷிப் இறுதியாட்டத்தில் களம் காண்கின்றனர். இரண்டு ஆண்டுகளாக கடுமையாக போராடி இரு அணிகளும் இறுதி ஆட்டத்துக்கு தகுதிப்பெற்றுள்ளனர். இந்த இறுதிப் போட்டியில் ஒரு சுவாரஸ்யம் இருக்கிறது. அதாவது கடந்த 2008-ஆம் ஆண்டு முதல் கோலியின் தலைமையிலான இந்திய அணியும், வில்லியம்சன் தலைமையிலான நியூசிலாந்து அணியும் மோதி வருகின்றனர். இந்தப் போட்டி இருவரும் 19 வயதுக்குட்பட்டோருக்கான உலகக் கோப்பை போட்டி நடைபெற்றபோதே தொடங்கிவிட்டதாக கூற வேண்டும். 2008 ஆம் ஆண்டு ICC U-19 உலகக் கோப்பை தொடரில் இருவரும் தத்தமது அணிகளுக்கு கேப்டனாக இருந்தனர். அப்போது நடைபெற்ற அரையிறுதி ஆட்டத்தில் கோலி தலைமையிலான இந்திய அணி நியூசிலாந்தை வென்றது. பின்பு, இந்திய அணி இறுதிப் போட்டிக்கு தகுதிப்பெற்று U-19 உலகக் கோப்பையையும் வென்று கோலி சாதித்தார். அதன் பின்புதான் கோலி, ஐபிஎல்லில் உயர்ந்து பின்பு இந்திய அணிக்கு தேர்வானார். ஏறக்குறைய அதேபோல வில்லியம்சனும் 2010 ஆம் ஆண்டு இந்திய அணிக்கு எதிரான டெஸ்ட் தொடரில் நியூசிலாந்து அணிக்காக அறிமுகமானார். ஆனால் வில்லியம்சனைவிட கோலி சர்வதேச போட்டிகளில் இரண்டு ஆண்டுக்கு முன்பாகவே அறிமுகமாகிவிட்டார். அதனால் கோலி சீனியர். பின்பு இருவரின் தலைமையிலான கிரிக்கெட் அணிகள் 2019 உலகக் கோப்பை போட்டி அரையிறுதியில் மோதியது. ஆனால் அதில் வில்லியம்சன் தலைமையிலான நியூசிலாந்து வெற்றிப் பெற்றது. கோலி - வில்லியம்சன் எனும் "நண்பேன்டா" எதிரெதிர் அணிக்கு தலைமை தாங்கினாலும் கோலி - வில்லியம்சன் இடையே மைதானத்தின் உள்ளேயும் வெளியேவும் நல்ல நட்பு இருக்கிறது. இந்த உறவு 2008 ஆம் ஆண்டு U-19 உலகக் கோப்பையில் இருந்து தொடர்வதாகதான் இதற்கு காரணம் என சொல்ல வேண்டும். இது குறித்து ஒரு முறை வெளிப்படையாக பேசிய வில்லியம்சன் "நாங்கள் ஒருவருக்கொருவர் எதிர் அணிகளில் விளையாடினோம். இளம் வயதிலேயே நாங்கள் சந்தித்துக் கொண்டது சிறப்பானது. அந்தப் பயணம் தற்போது வரையிலும் நன்றாகத் தொடர்கிறது. எங்களுக்குள் நட்பு ஏற்பட்டது மிகவும் சுவாரஸ்யமானது.  கடந்த சில வருடங்களாக கிரிக்கெட் தொடர்பான தங்கள் புரிதல்களை ஒருவருக்கொருவர் பகிர்ந்துகொள்கிறோம்" என்றார். மேலும் நேர்மையான எண்ணங்கள் மற்றும் ஆட்டக்களம் தொடர்பான வியூகங்களையும் பரிமாற்றம் செய்துகொள்வதாகக் கூறினார். தாங்கள் இருவரும் விளையாடுவதில் சிறிய மாற்றங்கள் இருந்தாலும், அதுவே தங்கள் தனித்துவமாக இருக்கலாம் என்றார் வில்லியம்சன். அதேபோல வில்லியம்சன் குறித்து கோலி கூறும்போது "2008 உலகக் கோப்பை தொடர் மட்டுமல்ல, 2007-ஆம் நியூசிலாந்து சென்று விளையாடியதில் இருந்து வில்லியம்சனை நான் கவனித்து வருகிறேன். அவர் பேட்டிங் செய்யும் போது நான் ஸ்லீப்பில் நிற்பேன். அவர் பேட்டிங் விதத்தை பார்த்து அப்போதே வியந்தேன். அவ்வளவு நேர்த்தியாக விளையாடினார். தற்போது, உலகக் கோப்பை தொடரில் பல இக்கட்டான சமயங்களில் அணியை வழிநடத்தி வெற்றிக்கு கொண்டு செல்கிறார். அவர் வீரர் மட்டுமல்ல, நல்ல மனிதரும் கூட. நாங்கள் நல்ல நண்பர்கள். நாங்கள் உணர்வுகளால பேசிக்கொள்ள கூடியவர்கள்" என்றார் நெகிழ்ச்சியுடன். இதேபோல சொந்த வாழ்க்கையிலும் வில்லியம்சன் தம்பதியினருக்கு 2019 ஆம் ஆண்டு டிசம்பர் மாதம் குழந்தை பிறந்தது. அதேபோல விராட் கோலி தம்பதிக்கு 2020 ஜனவரி மாதம் குழந்தை பிறந்தது. ஒரு தலைவனாக இருவரின் ரெக்கார்டுகள் டெஸ்ட் போட்டிகளில் வெற்றிகளின் விகிதத்தில் பார்த்தால் விராட் கோலியே முன்னிலை வகிக்கிறார். இதுவரை கோலியின் தலைமையின் கீழ் இந்திய அணி 60 போட்டிகளில் விளையாடியுள்ளது. அதில் 36 போட்டிகளில் வெற்றிப்பெற்றள்ளது. இது ஒரு கேப்டனாக சவுரவ் கங்குலி பெற்ற வெற்றியை விட அதிகம். அதேவேளையில் கேன் வில்லியம்சன் தலைமையில் நியூசிலாந்து அணி 36 போட்டிகளில் விளையாடி 21 வெற்றிகளையும் 7 தோல்விகளையும் சந்தித்துள்ளது. இதில் கோலியின் வெற்றி சதவிதம் 60 %, வில்லியம்சனின் வெற்றி சதவவிதம் 58.33 % ஆகவும் இருக்கிறது. அதேபோல வெளிநாடுகளில் சென்று விளையாடிய கோலி தலைமையிலான இந்திய அணி 30 போட்டிகளில் விளையாடி 13 இல் வெற்றிப் பெற்று இருக்கிறது. கேன் வில்லியம்சன் தலைமையிலான அணி 11 போட்டிகளில் விளையாடி 3 இல் மட்டுமே வெற்றிப் பெற்றுள்ளது. ஒரு பேட்ஸ்மேனாக இருவரும் சம பலம் வாய்ந்தவர்களாக இருக்கிறார்கள். கோலி 91 டெஸ்ட்களில் 27 சதம் உள்பட தன்னுடைய ஆவரேஜ் 52.37 ஆக வைத்திருக்கிறார். கேன் வில்லியம்சன் 84 டெஸ்ட் போட்டிகளில் விளையாடி 24 சதம் விளாசியிருக்கிறார். ஆனால் கோலியை விட ஆவரேஜ் 53.6 என முன்னிலையில் இருக்கிறார். இப்போது உலக டெஸ்ட் சாம்பியன்ஷிப் போட்டி இங்கிலாந்தில் நடைபெறுவதால் கோலியின் கையே ஓங்கியிருக்கிறது. 2014 இங்கிலாந்து தொடரில் சொதப்பிய கோலி 2018-இல் நடைபெற்ற தொடரில் விஸ்வரூபம் எடுத்தார். அந்தத் தொடரில் மட்டும் கோலி 563 ரன்கள் எடுத்தார். ஆனால் இங்கிலாந்து ஆடுகளங்களில் வில்லியம்சன் ரெக்கார்ட் படுமோசமாக இருக்கிறது. இதுவரை 5 டெஸ்ட் போட்டிகளில் 261 ரன்களையே சேர்த்துள்ளார் அவர். அண்மையில் நடைபெற்ற டெஸ்ட்டில் கூட வில்லியம்சன் பெரிதாக ரன்களை சேர்க்கவில்லை. பொதுவாக இந்திய கிரிக்கெட் அணி ஆஸ்திரேலியா, பாகிஸ்தான் ஆகிய நாடுகளுடன் வார்த்தை மோதல்கள், சீண்டல்கள் என இருக்கும். ஆனால் நியூசிலாந்துடன் பொதுவாக அதுபோன்ற நிகழ்வகள் இருக்காது. அண்மைக்a காலமாக இரு அணிகள் பெற்ற வெற்றிகள் சம பலம் கொண்டவையாக இருக்கிறது. உலக டெஸ்ட் சாம்பியன்ஷிப் இறுதிப் போட்டியில் கோலி - வில்லியம்சன் உணர்வுகளால் பேசிக்கொள்வார்களா? இறுதியில் யார் வெற்றிப் பெறுவார்கள் என்பதை பொறுத்திருந்தான் பார்க்க வேண்டும்.
http://dlvr.it/S1yQBm

Read More

`உண்மையான போராளி அவர்!' - ஐ.ஏ.எஸ் கனவுக்காக ஆக்ஸிஜன் உதவியுடன் போராடிய லத்தீஷா மரணம்

``ஒரு விஷயத்தைதான் மீண்டும் மீண்டும் சொல்லி வருகிறேன். நெருக்கடி சூழ்நிலைகளை தகர்த்து வெளியில் வருவதற்கு நாம் தயாராக வேண்டும். எதற்காகவும் பின்வாங்காமல், எப்போதும் பாசிட்டிவ்வாக சிந்திக்க வேண்டும். ஒரு விஷயத்தை செய்ய வேண்டும் என முடிவெடுத்த பிறகு, எத்தனை தடைகள் வந்தாலும் தொடர்ந்து முயன்றுகொண்டே இருக்க வேண்டும். மனச்சோர்வுகளுக்கு அடிமையாகிவிடக்கூடாது”. கடந்த ஆகஸ்ட் மாதம் அவள் விகடன் இதழுக்கு அளித்த பேட்டியில் லத்தீஷா உதிர்த்த வார்த்தைகள் இவை. அவர் இதைச் சொல்லி ஓராண்டு கூட ஆகவில்லை. அதற்குள் லத்தீஷாவின் மரணச் செய்தி வந்துள்ளது.லத்தீஷா Also Read: ஐ.ஏ.எஸ் கனவு... ஆக்ஸிஜன் சிலிண்டருடன் நடமாடும் லத்தீஷா கேரள, கோட்டயம் மாவட்டம் எருமேலி பகுதியைச் சேர்ந்தவர் லத்தீஷா(27 வயது). பிறக்கும்போதே ஆஸ்டியோஜெனெஸிஸ் இம்பெர்பெக்டா (Osteogenesis Imperfecta) எனும் அரிய வகையிலான நோயினால் பாதிக்கப்பட்டார். சராசரி அசைவுகள் கூட, அவரது எலும்புகளை முறித்துவிடும். மற்றவர்களின் உதவி இல்லாமல், லத்தீஷாவால் எந்த வேலையும் செய்ய முடியாது. 2 அடி உயரம், 14 கிலோ எடை, 26 ஆண்டுகளில் 400-க்கும் மேற்பட்ட எலும்பு முறிவுகள், சுவாசப் பிரச்னை (ஆக்ஸிஜன் சிலிண்டர் உதவியுடன் சுவாசிப்பார்), வீல்சேர் வாழ்க்கை என்று லத்தீஷாவின் இயக்கத்தை முடக்க அடுத்தடுத்து பிரச்னைகள் வரிசைகட்டின. ஆனால் லத்தீஷா முடங்கவில்லை. எம்.காம் பட்டதாரியான லத்தீஷாவுக்கு ஐ.ஏ.எஸ் ஆக வேண்டும் என்று ஆசை. 2019-ம் ஆண்டு ஆக்ஸிஜன் உதவியுடன் அவர், திருவனந்தபுரத்தில் சிவில் சர்வீஸ் தேர்வு எழுதிய போதுதான் லத்தீஷா வெளி உலகுக்கு அறிமுகமானார். உடல்நலக்குறைபாடு என்பது வாழ்க்கையின் ஒரு பகுதிதான் என்று கூறிய லத்தீஷா, அந்தக் கொடிய நோய்களின் தாக்கத்தை கடந்து, தனது லட்சியத்தை நோக்கி எதிர்நீச்சல் போட்டுக் கொண்டிருந்தார். ஆஸ்டியோஜெனெஸிஸ் இம்பெர்பெக்டா நோய்க்கு எந்த மருத்துவமும் இல்லை. இதனால், சில ஆண்டுகளாக சுவாசப் பிரச்னைக்குத்தான் லத்தீஷா சிகிச்சை பெற்று வந்தார்.லத்தீஷா 24 மணிநேரமும் ஆக்ஸிஜன் சப்போர்ட் வேண்டும், இல்லையென்றால் இதயத்துக்குப் பிரச்னையாகிவிடும் என்ற சூழ்நிலையில்தான் வாழ்ந்து வந்தார். லத்தீஷாவுக்கு இசை மற்றும் ஓவியம் மீதும் அதிக ஆர்வம். இதற்காக கடந்தாண்டு யூடியூப் சேனல் தொடங்கியிருந்தார். ``ஐ.ஏ.எஸ் ஆன பிறகு சமூகத்துக்கு நல்லது செய்ய வேண்டும். முக்கியமாக, குறைபாடுள்ள குழந்தைகளுக்குக் கற்கும் வசதிகளைச் செய்துத்தரவேண்டும்” என்பதை வாழ்நாள் லட்சியமாக வைத்திருந்தார். பல பள்ளி, கல்லூரிகளில் சென்று உரையாடியதால், பல மாணவர்களுக்கு லத்தீஷா முன் மாதிரியாகவும் இருந்தார். சிவில் சர்வீஸ் தேர்வில் வெற்றி பெற முடியாவிடினும், தொடர்ந்து அதற்கு முயன்று வந்தார் லத்தீஷா. சில மாதங்களுக்கு முன்பு அவருக்கு கூட்டுறவு வங்கியில் வேலை கிடைத்துள்ளது. ஆனால், உடல்நலக்குறைபாடு காரணமாக அந்தப் பணியில் தொடர முடியவில்லை.அம்மாவுடன் லத்தீஷா கடந்த சில மாதங்களாகவே உடல்நலம் பாதிக்கப்பட்டதால், லத்தீஷா மருத்துவமனையில் அனுமதிக்கப்பட்டு தீவிர சிகிச்சை பெற்று வந்தார். இந்நிலையில், சிகிச்சை பலனின்றி அவர் நேற்று உயிரிழந்தார். `லத்தீஷா உண்மையான போராளி' என்று சொல்லிப் பலரும் அவரது மறைவுக்கு இரங்கல் தெரிவித்து வருகின்றனர். ``எந்தப் பிரச்னையாக இருந்தாலும் நாம் அதை எதிர்கொண்டுதான் ஆக வேண்டும். என்னால் முன்னேறிச் செல்ல முடியும் என்ற உந்துதல் தான் நம்மை வெற்றியை நோக்கி நகர்த்திச் செல்லும்” - இதுவும் லத்தீஷா உதிர்த்த வார்த்தைகள் தாம். நீங்கள் கொடுத்த தன்னம்பிக்கை வார்த்தைகளுடன் இந்த உலகம் எப்போதும் உங்களை நினைவுகொள்ளும். ஓய்வெடுங்கள் லத்தீஷா!
http://dlvr.it/S1w5W0

Read More

முகேஷ் அம்பானி இல்ல பாதுகாப்புக் குளறுபடி: மும்பை என்கவுன்ட்டர் ஸ்பெஷலிஸ்ட் பிரதீப் சர்மா கைது!

மும்பையில், கடந்த பிப்ரவரி 25-ம் தேதி தொழிலதிபர் முகேஷ் அம்பானி வீட்டுக்கு அருகில் வெடிகுண்டுகள் நிரப்பப்பட்ட கார் ஒன்று கண்டுபிடிக்கப்பட்டது. இந்தப் பிரச்னையைச் சரியாகக் கையாளாததால், மும்பை போலீஸ் கமிஷனர் பிரதீப் சர்மா இடமாற்றம் செய்யப்பட்டார். இதற்கிடையே வெடிகுண்டுகள் இருந்த காரின் உரிமையாளர் மன்சுக் கிரண் கொலைசெய்யப்பட்டு கடலில் வீசப்பட்டார். இந்த வெடிகுண்டுச் சம்பவம் மற்றும் கிரண் கொலை தொடர்பாக என்கவுன்ட்டர் ஸ்பெஷலிஸ்ட்டும், குற்றப்பிரிவு போலீஸ் அதிகாரியுமான சச்சின் வாஸ் கைதுசெய்யப்பட்டுள்ளார். இந்த வழக்கை தேசியப் புலனாய்வு ஏஜென்சி விசாரித்துவருகிறது.அம்பானி வீட்டின் நுழைவு வாயில் இது தவிர இந்த வழக்கில் மேலும் மூன்று போலீஸ் அதிகாரிகள் உட்பட ஐந்து பேர் கைதுசெய்யப்பட்டுள்ளனர். இந்தநிலையில், தற்போது என்கவுன்ட்டர் ஸ்பெஷலிஸ்ட் பிரதீப் சர்மாவை தேசியப் புலனாய்வு ஏஜென்சி அதிகாரிகள் கைதுசெய்துள்ளனர். இன்று காலையில் தேசியப் புலனாய்வு ஏஜென்சி அதிகாரிகள், உள்ளூர் போலீஸாரின் துணையோடு அந்தேரியிலுள்ள பிரதீப் சர்மா வீட்டில் ரெய்டு நடத்தி, முக்கிய ஆவணங்களைப் பறிமுதல் செய்தனர். அதைத் தொடர்ந்து அவர் கைதுசெய்யப்பட்டார். ஏற்கெனவே பிரதீப் சர்மா கடந்த ஏப்ரல் மாதம் தேசியப் புலனாய்வு ஏஜென்சி முன்பு ஆஜராகி இந்த வழக்கு தொடர்பாக வாக்குமூலம் கொடுத்திருந்தார். இரண்டு நாள்களுக்கு முன்பு இந்த வழக்கில் இரண்டு பேர் கைதுசெய்யப்பட்டனர். அவர்களிடம் நடத்தப்பட்ட விசாரணையின் அடிப்படையில், இப்போது பிரதீப் சர்மா கைதுசெய்யப்பட்டுள்ளார். ஏற்கெனவே கைதுசெய்யப்பட்டுள்ள சச்சின் வாசும், பிரதீப் சர்மாவும் மிகவும் நெருக்கமானவர்கள். தேசியப் புலனாய்வு ஏஜென்சிக்குக் கிடைத்துள்ள சில ஆதாரங்களை உறுதி செய்துகொள்ள பிரதீப் சர்மாவைக் கைதுசெய்துள்ளனர். அதோடு அம்பானி வீட்டுக்கு அருகில் வெடிகுண்டுடன் நிறுத்தப்பட்ட கார் உரிமையாளரைக் கொலை செய்வது தொடர்பாக சச்சின் வாஸ் பிரதீப் சர்மாவைச் சந்தித்துப் பேசியிருக்கிறார். சச்சின் வாஸ் கிரண் கொலை செய்யப்படுவதற்கு முன்பு தனது போன் வாட்ஸ்அப்பிலிருந்து கால் செய்துள்ளார். அதன் சிக்னல் அந்தேரியில் காட்டுகிறது. அந்தேரியில்தான் பிரதீப் சர்மா இருந்திருக்கிறார். இது குறித்துத் தெளிவுபடுத்திக்கொள்ளவும் தேசியப் புலனாய்வு ஏஜென்சி முடிவு செய்துள்ளது. கடந்த 2019-ம் ஆண்டு நடந்த சட்டமன்றத் தேர்தலில் பிரதீப் சர்மா நாலாசோபாரா தொகுதியில் போட்டியிட்டுத் தோல்வி அடைந்தார். அதற்கு முன்பு அதாவது, பணியிலிருந்து முன்கூட்டியே ஓய்வுபெறும் முன்பாக தானேயில் மிரட்டிப் பணம் பறித்தல் தடுப்புப் பிரிவு போலீஸ் தலைவராகப் பணியாற்றிவந்தார். அவர் பணியில் இருந்தபோது, தாவூத் இப்ராகிமின் சகோதரர் இக்பால் கேஷ்கர் என்பவரைக் கைதுசெய்து பரபரப்பை ஏற்படுத்தினார். Also Read: அம்பானி வீட்டின் அருகே வெடிகுண்டு நிரம்பிய கார் - ஸ்டார் ஹோட்டலில் தங்கி, திட்டம் தீட்டிய அதிகாரி பணியில் இருந்தபோது பிரதீப் சர்மா மும்பையில் ஆதிக்கம் செலுத்திவந்த பல கிரிமினல்களை என்கவுன்ட்டர் மூலம் சுட்டுக்கொலை செய்து `என்கவுன்ட்டர் ஸ்பெஷலிஸ்ட்’ என்று பெயர் எடுத்தார். ஆனால், கிரிமினல்களுடன் தொடர்புவைத்திருந்ததாகக் கூறி, மாநில அரசு பிரதீப் சர்மாவை 2008-ம் ஆண்டு, ஆகஸ்ட் மாதம் பணியிலிருந்து டிஸ்மிஸ் செய்தது. ஆனால் 2009-ம் ஆண்டு தீர்ப்பாயம் கொடுத்த தீர்ப்பின் அடிப்படையில் மீண்டும் பணியில் சேர்த்துக்கொள்ளப்பட்டார். பிரதீப் சர்மாவின் வாழ்க்கையை மையமாகவைத்து மராத்தியில் படமும் எடுக்கப்பட்டிருப்பது குறிப்பிடத்தக்கது.
http://dlvr.it/S1v38b

Read More