பிளஸ் 2 மதிப்பெண் கணக்கிடுவது எப்படி? - தமிழ்நாடு அரசு விளக்கம்

கொரோனா பரவல் காரணமாக தமிழகத்தில் பிளஸ் 2 தேர்வுகள் ரத்து செய்யப்பட்ட நிலையில், மாணவர்களின் மதிப்பெண்களை கணக்கிடுவது எப்படி என அரசு அறிவித்துள்ளது. அதன் விவரம்: பிளஸ் 2 மாணவர் ஒருவர் 10-ஆம் வகுப்பில் உயர் மதிப்பெண் பெற்ற 3 பாடங்களின் சராசரி மதிப்பெண்ணில் 50% கணக்கில் எடுத்துக்கொள்ளப்படும். அம்மாணவர் 11ஆம் வகுப்பில் எழுத்து முறை தேர்வில் பெற்ற மதிப்பெண்களில் 20% கணக்கில் எடுத்துக்கொள்ளப்படும். மேலும் 12ஆம் வகுப்பு செய்முறைத் தேர்வு மற்றும் அக மதிப்பீடு மதிப்பெண்களில் 30% கணக்கில் எடுத்துக்கொள்ளப்படும். 12-ஆம் வகுப்பில் ஒவ்வொரு பாடத்திலும் செய்முறைத் தேர்வுக்கு 20, அக மதிப்பீடுக்கு 10 என மொத்தம் 30க்கு பெற்ற மதிப்பெண் முழுவதும் கணக்கில் கொள்ளப்படும். செய்முறைத் தேர்வு இல்லாத பாடங்களில் 10 அக மதிப்பீடு மதிப்பெண்கள் 30க்கு மாற்றப்பட்டு கணக்கில் கொள்ளப்படும். கொரோனாவால் 12ஆம் வகுப்பு செய்முறைத் தேர்வில் மாணவர்கள் பங்கேற்றிராத பட்சத்தில் அவர்களின் 11ஆம் வகுப்பு செய்முறைத் தேர்வு மதிப்பெண்கள் கணக்கில் கொள்ளப்படும். 11 மற்றும் 12ஆம் வகுப்பு செய்முறைத் தேர்வில் மாணவர் பங்கேற்றிராத பட்சத்தில் 10 மற்றும் 11ஆம் வகுப்பு எழுத்துத் தேர்வு அடிப்படையில் 12ஆம் வகுப்பு செய்முறைத் தேர்வு மதிப்பெண் கணக்கிடப்படும். 11,12-ஆம் வகுப்பு தேர்வுகள் எதிலும் பங்கேற்றிராத மாணவர்கள் தனித்தேர்வர்களாக மீண்டும் தேர்வெழுத வாய்ப்புத் தரப்படும். மேற்கண்ட வழிமுறைப்படி மதிப்பெண்கள் கணக்கிடப்பட்டு ஜூலை 31ஆம் தேதிக்குள் அரசு தேர்வுத் துறை இணையதளத்தில் வெளியிடப்படும். இம்முறையில் மதிப்பெண்கள் குறைவாக வந்துள்ளது என கருதும் மாணவர்களுக்கு அவர்கள் விரும்பினால் எழுத்து தேர்வு நடத்தப்பட்டு அதில் பெறும் மதிப்பெண்ணே இறுதியானதாக அறிவிக்கப்படும். தனித் தேர்வு நடைபெறும் தேதி பின்னர் அறிவிக்கப்படும் என்றும் அரசு தெரிவித்துள்ளது.
http://dlvr.it/S2W6DL

Read More

சென்னை எஸ்பிஐ ஏடிஎம் கொள்ளை - சூடு பிடிக்கும் விசாரணை; டெல்லியில் மேலும் ஒருவர் கைது

சென்னையில் எஸ்பிஐ ஏடிஎம்களில் நடைபெற்ற நூதன கொள்ளை தொடர்பாக டெல்லியில் மேலும் ஒருவர் கைது செய்யப்பட்டுள்ளார். சென்னையில் எஸ்பிஐ ஏடிஎம்களில் நடைபெற்ற நூதன கொள்ளை தொடர்பாக கைது செய்யப்பட்ட ஹரியானா மாநிலத்தை சேர்ந்த அமீரிடம் காவல்துறையினர் இரண்டாவது நாளாக விசாரணை நடத்தி வருகின்றனர். 6 இடங்களில் நண்பர் வீரேந்தருடன் சேர்ந்து வங்கி கொள்ளையில் ஈடுபட்டதாக அமீர் வாக்குமூலம் அளித்ததாக காவல்துறை தகவல் வெளியாகியுள்ளது. ராமாபுரம், சின்மயா நகர், பாண்டிபஜார், வடபழனி, வேளச்சேரி, தரமணி கிளைகளில் மட்டும் கொள்ளையில் ஈடுபட்டதாகவும், கொள்ளையடித்த பணத்தை ஒரு குறிப்பிட்ட வங்கி கணக்கில் செலுத்தியதாகவும் அமீர் வாக்குமூலம் அளித்திருப்பதாக காவல்துறை தகவல் தெரிவித்துள்ளது. கொள்ளையடிக்கப்பட்ட பணம் செலுத்தப்பட்ட வங்கி கணக்கு யாருடையது என்பது குறித்து தொடர்ந்து காவல்துறையினர் விசாரணை மேற்கொண்டு வருகின்றனர். மற்றப் பகுதிகளில் கொள்ளையடித்தவர்கள் யார், அவர்களை பின்னால் இருந்து இயக்குவது யார் என்பது குறித்தும் விசாரணை நடைபெற்று வருகிறது. இந்நிலையில், சென்னை எஸ்பிஐ ஏடிஎம் கொள்ளை சம்பவம் தொடர்பாக ஹரியானாவின் மேவாட் பகுதியைச் சேர்ந்த வீரேந்தர் என்பவர் டெல்லியில் தனிப்படை போலீசாரால் கைது செய்யப்பட்டார். ஏற்கனவே கைதான அமீர் அளித்த வாக்குமூலத்தின் அடிப்படையில் அவரது நண்பரான வீரேந்தர் சிக்கியுள்ளார். சென்னையில் இருவரும் அறை எடுத்து தங்கி ஏடிஎம் கொள்ளையை அரங்கேற்றியதாக அமீர் தனது வாக்குமூலத்தில் தெரிவித்து இருந்தார்.
http://dlvr.it/S2VkFt

Read More

உ.பி : `வங்கிக்கு மாஸ்க் அணியாமல் வந்த நபர்; துப்பாக்கியால் சுட்ட காவலாளி' - அதிர்ச்சி சம்பவம்!

உத்தரப்பிரதேச மாநிலம், பரோலி மாவட்டத்தில் பாங்க் ஆஃப் பரோடா வங்கிக் கிளை இயங்கி வருகிறது. பரோலி ஜங்க்சனில் அமைந்துள்ள இந்த வங்கிக்கு நேற்றைய தினம் அதே பகுதியைச் சேர்ந்த ரயில்வே ஊழியரான ராஜேஷ் குமார் என்பவர் பணப் பரிவர்த்தனைக்காக வந்திருக்கிறார். அப்போது, ராஜேஷ் குமார் முகக்கவசம் அணியாமல் வந்ததாகக் கூறப்படுகிறது. முகக்கவசம் அணியாமல் வங்கிக்குள் நுழைய முயன்ற ராஜேஷை வங்கி காவலாளி கேசவ் பிரசாத் மிஷ்ரா தடுத்து நிறுத்தி, முகக்கவசம் அணியாமல் யாரையும் உள்ளே அனுமதிக்க முடியாது என்று கூறியிருக்கிறார். இதனால், ரயில்வே ஊழியர் ராஜேஷுக்கும் வங்கி காவலாளிக்கும் இடையே கடும் வாக்குவாதம் ஏற்பட்டுள்ளது. அதனையடுத்து, ராஜேஷ் குமாரின் மனைவி அவரை சமாதானப்படுத்தி அருகிலிருந்த கடைக்குச் சென்று முகக்கவசம் வாங்கிக் கொடுத்துள்ளனர். ராஜேஷும் முகக்கவசத்தை அணிந்துகொண்டு மீண்டும் வங்கிக்குச் சென்றிருக்கிறார். சம்பவம் நடந்த வங்கி ஆனால், வங்கி காவலாளி கேசவ் பிரசாத் மிஸ்ரா முகக்கவசம் அணிந்து வந்த போதும் உள்ளே அனுமதிக்க முடியாது என்று கூறி ராஜேஷ் குமாரை அவமதித்ததாகக் கூறப்படுகிறது. அதன் காரணமாக, இருவருக்கும் இடையே வார்த்தை மோதல் வெடித்துள்ளது. வங்கி வாயிலில் ஒருவரை ஒருவர் அவதூறான வார்த்தைகளால் திட்டிக் கொண்டிருந்துள்ளனர். அதை அங்கிருந்த ஒருவர் தனது செல்போனில் படம் பிடித்துக் கொண்டிருந்துள்ளார். இருவருக்கும் இடையே வாக்கு வாதம் முற்றிய நிலையில், வங்கி காவலாளி கேசவ் பிரசாத் மிஸ்ரா திடீரென ராஜேஷ் குமாரை கீழே தள்ளிவிட்டு தனது துப்பாக்கியால் அவரின் காலில் சுட்டார். பலத்த சத்தத்துடன் ராஜேஷ் குமாரின் காலை துளைத்த குண்டுகள் வங்கியில் குழுமியிருந்தோரைக் கண நேரத்தில் அதிர்ச்சிக்குள்ளாக்கியது. காலில் குண்டு பாய்ந்து ரத்த வெள்ளத்தில் சரிந்த ராஜேஷ் குமாருக்கு அவரது மனைவி கதறி அழுதபடி முதலுதவிகள் செய்து கொண்டே 'என் கணவரை அநியாயமாகச் சுட்டுக் கொன்று விட்டீர்களே..!' என்று கத்தி கூச்சலிட்டுள்ளார். அதனையடுத்து, துப்பாக்கிச் சூடு குறித்து போலீஸாருக்கு தகவல் தெரிவிக்கப்படுகிறது. மறுபுறம், பரோடா வங்கியில் நடந்தவை எல்லாம் வீடியோவாக சமூக வலைத்தளங்களில் பகிரப்படுகிறது. தகவலறிந்து சம்பவ இடத்துக்கு விரைந்த போலீஸார் ரத்த வெள்ளத்தில் மயங்கிக் கிடந்த ரயில்வே ஊழியர் ராஜேஷ் குமாரை மீட்டு மருத்துவமனைக்கு அனுப்பி வைத்துவிட்டு, வங்கி காவலாளி கேசவ் பிரசாத் மிஸ்ராவை கைது செய்து காவல் நிலையம் அழைத்துச் சென்றனர். சம்பவம் குறித்து ராஜேஷ் குமார் உடன் வந்திருந்த அவரது உறவினர் ஒருவர் கூறுகையில், "முதலில் ராஜேஷ் வங்கிக்குள் நுழையும் போது அவர் மாஸ்க் அணியவில்லை. அதனால், காவலாளி மாஸ்க் அணிந்திருந்தால் மட்டுமே அனுமதிப்பேன் என்று கூறி திருப்பி அனுப்பி விட்டார். இதனால், இருவருக்கும் இடையே வாக்குவாதம் ஏற்பட்டது. அதனையடுத்து ராஜேஷ் குமார் மீண்டும் மாஸ்க் அணிந்து கொண்டு வங்கிக்கு வந்தார். ஆனால், காவலாளி அப்போதும் அனுமதிக்கவில்லை. வேண்டும் என்றே மதிய உணவு இடைவேளை அதனால் பிறகு வாருங்கள் என்று கூறி திருப்பி அனுப்பினார். அப்போது தான் இருவருக்கும் இடையே வாக்குவாதம் முற்றியது. பேசிக்கொண்டிருக்கும் போதே காவலாளி ராஜேஷை கீழே தள்ளி துப்பாக்கியால் காலில் சுட்டு விட்டார். வங்கி வாடிக்கையாளரைக் காவலாளி துப்பாக்கியால் சுடும் வரையிலும் வங்கி ஊழியர்கள் யாரும் வந்து என்னவென்று கூட கேட்கவில்லை" என்றார். #NewsAlert | #UttarPradesh: Bank guard shoots a customer on his leg for reportedly not wearing a mask in #Bareilly. Amir Haque with details. pic.twitter.com/0XHJkUMqzx— TIMES NOW (@TimesNow) June 25, 2021 வாடிக்கையாளரை வங்கி காவலாளி துப்பாக்கியால் சுட்ட வீடியோ இணையத்தில் வைரலாகியதை அடுத்து, பரோலி மாவட்ட காவல்துறையினர் வாக்குவாதத்தால் ஆத்திரத்தில் நடந்த துப்பாக்கிச் சூடா? அல்லது முன் விரோதத்தின் காரணமாக நடந்த தாக்குதலா என்பது குறித்து தீவிர விசாரணை மேற்கொண்டு வருகின்றனர். இந்தச் சம்பவம் அப்பகுதியில் பெரும் பரபரப்பை ஏற்படுத்தியிருக்கிறது.
http://dlvr.it/S2V2Lr

Read More

மும்பை: போலி கொரோனா தடுப்பூசி முகாம்; தடுப்பூசி மருந்தில் தண்ணீர் கலந்த டாக்டர் தம்பதி கைது!

மும்பையில் ஏராளமான இடங்களில் போலி கொரோனா தடுப்பூசி முகாம் நடத்தி கோடிக்கணக்கில் மோசடி செய்யப்பட்டுள்ளது. இதில் 2 ஆயிரத்திற்கும் அதிகமானோர் பாதிக்கப்பட்டுள்ளனர். இந்த மோசடி தொடர்பாக ஏற்கனவே நான்கு பேர் கைது செய்யப்பட்டுள்ளனர். அவர்களிடம் நடத்திய விசாரணையில், பல திடுக்கிடும் தகவல்கள் வெளி வந்துள்ளது. மருத்துவமனைகளில் தடுப்பூசி செலுத்தியது போக எஞ்சியிருக்கும் தடுப்பூசி மருந்துகள் மற்றும் காலாவதியான மருந்துகளை எடுத்துவந்து அதில் சிறிது தண்ணீரைக் கலந்து பொது மக்களுக்கு தடுப்பூசியாக செலுத்தி ஏமாற்றியுள்ளனர். File photo இந்த வீணாகும் தடுப்பூசிக் கழிவுகளைக் கொடுத்து உதவியது சார்க்கோப்பில் இருக்கும் சிவம் மருத்துவமனை உரிமையாளர் டாக்டர் சிவ்ராஜ் என்று தெரிய வந்துள்ளது. இதையடுத்து சிவ்ராஜ் மற்றும் அவரது மனைவி டாக்டர் நீதா ஆகியோர் அதிரடியாக கைது செய்யப்பட்டனர். இந்த டாக்டர் தம்பதி கொடுத்த வீணான மற்றும் காலாவதியான மருந்துகள் மூலமே காந்திவலி ஹவுசிங் சொசைட்டியில் 390 பேருக்கு தடுப்பூசி செலுத்தப்பட்டுள்ளது. டாக்டர் சிவ்ராஜ் மார்ச் 14ம் தேதி முதல் ஏப்ரல் 30ம் தேதிவரை தனது மருத்துவமனையில் கொரோனா தடுப்பூசி முகாம் நடத்தியிருக்கிறார். இந்த முகாமில் பயன்படுத்தப்பட்ட பிறகு தூக்கி எறியப்படும் மற்றும் பயன்படுத்தப்படாத தடுப்பூசிகளை டாக்டர் சிவ்ராஜ், மகேந்திரா என்பவரிடம் கொடுத்துள்ளார். மகேந்திராவும், டாக்டர் மணீஷ் என்பவரும் சேர்ந்துதான் மும்பை முழுவதும் போலி தடுப்பூசி முகாம்களை நடத்தி மோசடி செய்துள்ளனர். மும்பை முழுக்க இவர்கள் நடத்திய போலி தடுப்பூசி முகாமில் 1.50 லட்சம் பேர் பயனடைந்துள்ளதாக போலீஸார் தெரிவித்துள்ளனர். வழக்கமாக முகாம்களில் பயன்படுத்திய பிறகு எஞ்சிய தடுப்பூசியை மாநகராட்சி நிர்வாகத்திடம் கொடுக்க வேண்டும். ஆனால் டாக்டர் சிவ்ராஜ் மாநகராட்சியிடம் கொடுக்காமல் அதனை மகேந்திரா மற்றும் டாக்டர் மணிஷ் ஆகியோரிடம் கொடுத்துள்ளது விசாரணையில் தெரிய வந்துள்ளது. அதோடு டாக்டர் சிவ்ராஜ் தனது மருந்துவமனையில் நடந்த தடுப்பூசி முகாம்களில் தடுப்பூசி எடுத்துக்கொண்டவர்களுக்கு முழு அளவு மருந்தையும் செலுத்தாமல் குறிப்பிட்ட அளவு மருந்தை சேமித்துள்ளனர். அந்த மருந்தைதான் டாக்டர் சிவ்ராஜ் மோசடி பேர்வழிகளுக்கு கொடுத்து உதவியுள்ளார். இதுவரை போலி தடுப்பூசி முகாம் தொடர்பாக 7 வழக்குகள் பதிவு செய்யப்பட்டுள்ளது. பொய்வாடா, பாங்குர் நகர் மற்றும் போரிவலி போலீஸார் இவ்வழக்குகளை பதிவு செய்துள்ளனர். பொய்வாடாவில் போலி தடுப்பூசி முகாம் நடத்தியதாக 6 பேர் மீது வழக்கு பதிவு செய்துள்ளனர். இந்த போலி தடுப்பூசி முகாம்களால் மக்கள் தங்களது குடியிருப்புக்களில் தடுப்பூசிமுகாம் நடத்த அச்சம் அடைந்துள்ளனர். 7 வழக்குகள் தொடர்பாக 10 பேர் கைது செய்யப்பட்டுள்ளனர். மேலும் இரண்டு பேரை தேடி வருகின்றனர்.
http://dlvr.it/S2Ry2C

Read More

விரைவுச் செய்திகள்: சென்னையில் புறநகர் ரயில்சேவை | டெல்டா + | காஷ்மீரில் தேர்தல்?

ஊரடங்கு தளர்வுகள் குறித்து மருத்துவக் குழுவுடன் முதலமைச்சர் மு.க.ஸ்டாலின் இன்று ஆலோசனை நடத்துகிறார். கோவை உள்ளிட்ட 11 மாவட்டங்களில் கூடுதல் தளர்வுகள் அறிவிக்கப்பட வாய்ப்புள்ளதாக தெரிகிறது. இன்று கூடுகிறது காவிரி மேலாண்மை ஆணையம்: காணொலி வாயிலாக காவிரி நதிநீர் மேலாண்மை ஆணையம் இன்று கூடுகிறது. தமிழகத்திற்கான நீர் திறப்பு, மேகதாது அணை விவகாரம் குறித்து ஆலோசிக்கப்படும் என எதிர்பார்க்கப்படுகிறது. புறநகர் ரயிலில் ஆண்களுக்கு கட்டுப்பாடு: சென்னையில் புறநகர் மின்சார ரயில் சேவை மீண்டும் தொடங்கப்பட்டது. ஆண் பயணிகள் குறிப்பிட்ட நேரத்தில் மட்டுமே பயணிக்க கட்டுப்பாடு விதிக்கப்பட்டுள்ளது. பெண்கள், குழந்தைகள் எப்போதும் பயணிக்கலாம் என அறிவிக்கப்பட்டுள்ளது. ரூ.100-ஐ கடந்த பெட்ரோல் விலை: கள்ளக்குறிச்சி, நீலகிரி, திருப்பத்தூர் உள்ளிட்ட மேலும் 11 மாவட்டங்களில் பெட்ரோல் விலை நூறு ரூபாயை கடந்தது. தொடர் உயர்வால் வாகன ஓட்டிகள் அதிர்ச்சியில் உள்ளனர். ஆளுநர் உரை வெறும் ட்ரெய்லர் தான்: ஆளுநர் உரை வெறும் முன்னோட்டம் தான், முழுப்படம் பட்ஜெட்தான் என பேரவையில் முதலமைச்சர் மு.க.ஸ்டாலின் கூறியுள்ளார். வேலைவாய்ப்பை பெருக்க பின்தங்கிய மாவட்டங்களில் தொழிற்சாலைகள் அமைக்கப்படும் என்றும் உறுதியளித்துள்ளார். மின்பகிர்மான கழகத்திற்கு ரூ.424 கோடி இழப்பு: ஒரு யூனிட் மின்சாரத்தை 12 ரூபாய் அளவுக்கு வாங்கியதால் தமிழ்நாடு மின்பகிர்மான கழகத்திற்கு 424 கோடி ரூபாய் இழப்பு ஏற்பட்டுள்ளதாக சட்டப்பேரவையில் தாக்கல் செய்யப்பட்ட தலைமை கணக்கு தணிக்கை அறிக்கையில் தெரிவிக்கப்பட்டுள்ளது. +2 மதிப்பெண் - தலைமை ஆசிரியர்களுக்கு உத்தரவு: +2 மாணவர்கள் 10ஆம் வகுப்பில் எடுத்த மதிப்பெண்களை 30ஆம் தேதிக்குள் இணையதளத்தில் பதிவேற்ற வேண்டும் என அனைத்து மேல்நிலைப்பள்ளி தலைமை ஆசிரியர்களுக்கு தேர்வுத்துறை இயக்குநர் உத்தரவிட்டுள்ளார். ரூ.2,000 - இன்றைக்குள் வழங்க உத்தரவு: ரேஷன் கடைகளில் கொரோனா இரண்டாம் தவணை உதவித் தொகை விநியோகத்தை இன்றைக்குள் வழங்கி முடிக்க தமிழக அரசு உத்தரவிட்டுள்ளது. டெல்டா + குறித்து மக்கள் அச்சப்படத் தேவையில்லை: டெல்டா ப்ளஸ் வைரசுக்கு மத்தியப் பிரதேசத்தில் முதல் உயிரிழப்பு ஏற்பட்டுள்ளது. புதிய தொற்றை கண்டு மக்கள் அச்சம் கொள்ள தேவையில்லை என மருத்துவத்துறை அமைச்சர் மா.சுப்ரமணியன் பேட்டியளித்துள்ளார். உள்ளாட்சித் தேர்தல் - திமுக ஆலோசனை: சென்னையில் இன்று திமுக மாவட்டச் செயலாளர்கள் கூட்டம் நடைபெறுகிறது. அதில் உள்ளாட்சித் தேர்தல் தொடர்பாக முக்கிய ஆலோசனை நடைபெறவுள்ளது. காஷ்மீரில் தேர்தல் நடத்தப்பட வேண்டும் - பிரதமர்: ஜம்மு காஷ்மீர் வளர்ச்சிக்கு விரைவில் தேர்தல் நடத்தப்பட வேண்டும் என அனைத்துக் கட்சி தலைவர்களுடனான ஆலோசனை கூட்டத்தில் பிரதமர் மோடி வலியுறுத்தி இருக்கிறார். சீட்டுக் கட்டுப் போல சரிந்த கட்டடம்: அமெரிக்காவில் சீட்டுக் கட்டுப் போல 12 மாடி கட்டடம் சரிந்து விழுந்தது. இடிபாடுகளில் சிக்கியவர்களில் 12 வயது சிறுவன் உள்பட 35 பேர் மீட்கப்பட்டனர். கோபா அமெரிக்கா - காலிறுதியில் உருகுவே: கோபா அமெரிக்கா கால்பந்து தொடரில் காலிறுதியை உருகுவே உறுதி செய்தது. மூன்றாவது லீக் போட்டியில் பொலிவியா அணியை 2 - 0 என்ற கோல் கணக்கில் வீழ்த்தியது.
http://dlvr.it/S2QsL1

Read More

ஆந்திரா: `எச்சரித்த நீதிமன்றம்; முடிவை மாற்றிய மாநில அரசு!’ - 10,12-ம் வகுப்பு தேர்வுகள் ரத்து

இந்தியாவில் கொரோனா நோய்த்தொற்றின் காரணமாகப் பள்ளிகள் மற்றும் கல்லூரிகள் அனைத்தும் மூடப்பட்டு, மாணவர்களுக்கு ஆன்லைன் மூலமாகப் பாடங்கள் நடத்தப்பட்டு வருகிறது. ஆரம்பத்தில், தனியார்ப் பள்ளிகள் மற்றும் கல்லூரிகள் மட்டுமே ஆன்லைன் வழியாகப் பாடங்கள் நடத்தி வந்த நிலையில், தற்போது அரசுப் பள்ளிகள் மற்றும் கல்லூரிகளிலும் ஆன்லைன் வழியாகப் பாடங்கள் கற்பிக்கப்பட்டு வருகிறது. கொரோனா இரண்டாம் அலையானது இந்தியாவில் தீவிரமடைந்ததால், மாணவர்களின் நலனைக் கருத்தில் கொண்டு தமிழகம் உள்ளிட்ட 21 மாநிலங்களில் 12-ம் வகுப்பிற்கான பொதுத்தேர்வுகள் ரத்து செய்யப்பட்டுள்ளது. அதே போல், 6 மாநிலங்களில் பொதுத்தேர்வுகள் நடத்தி முடிக்கப்பட்டுள்ளது. அந்த வகையில், கொரோனா பாதிப்பு மிகுதியாக உள்ள ஆந்திராவில் மாணவர்களுக்கு பொதுத்தேர்வுகளை நடத்துவதில் அம்மாநில ஆரம்பம் முதலே முனைப்புக் காட்டி வந்தது. இம்மாதம் (ஜூன்) இறுதிக்குள் 10 மற்றும் 12-ம் வகுப்பு மாணவர்களுக்குத் தேர்வுகளை நடத்தி முடிக்க மாநில பள்ளிக்கல்வித்துறை திட்டமிட்டிருந்தது. அதன் படி, பொதுத்தேர்வுக்கான அறிவிப்பும் வெளியிடப்பட்டிருந்தது. அனால், கொரோனா பரவல் காரணமாக தேர்வுகளை நடத்துவதில் கால தாமதம் ஏற்பட்டது. இந்நிலையில், மாநில அரசு மாணவர்களின் பாதுகாப்பைக் கருத்தில் கொள்ளாமல் தேர்வு நடத்த முயற்சிப்பதாக கூறி தேர்வை ரத்து செய்ய வேண்டும் என்று உச்ச நீதிமன்றத்தில் ஏராளமான பொதுநல வழக்குகள் தொடரப்பட்டது. தேர்வை ரத்து செய்யக்கோரித் தாக்கல் செய்யப்பட்ட மனுக்கள் நேற்று உச்ச நீதிமன்ற நீதிபதிகள் ஏ.எம்.கன்வில்கர் மற்றும் தினேஷ் மகேஸ்வரி ஆகியோரின் அமர்வுக்கு முன்பு விசாரணைக்கு வந்தது. வழக்கை விசாரித்த நீதிபதிகள், "சி.பி.எஸ்.இ, ஐ.சி.எஸ்.சி வாரியங்கள் இரண்டு வார இடைவெளியில் மதிப்பெண் கணக்கீட்டு முறையைச் சமர்ப்பித்துள்ளது போன்று, பிற மாநிலக் கல்வி வாரியங்களும் மதிப்பீட்டு முறையை விரைவில் இறுதி செய்யவேண்டும். இன்றைய தேதியிலிருந்து 10 நாள்களுக்குள் உச்ச நீதிமன்றத்திடம் அறிக்கையைச் சமர்ப்பிக்க வேண்டும். அதேபோல அக மதிப்பீட்டு முறையை இறுதி செய்து, அடுத்த மாதம் 31-ம் தேதிக்குள் 12-ம் வகுப்புத் தேர்வு முடிவுகளை அறிவிக்க வேண்டும். பிற மாநிலங்கள்12-ம் வகுப்பு பொதுத்தேர்வினை ரத்து செய்துள்ள நிலையில், ஆந்திர அரசு மட்டும் தேர்வை நடத்தியே ஆக வேண்டும் என்று தன் நிலைப்பாட்டில் இருப்பது ஏன்? கொரோனா பெருந்தொற்று சூழல் அனைத்தும் முறையாக ஆய்வு செய்யப்பட்டதா என்பது குறித்த அறிக்கையை ஆந்திர அரசு கூடிய விரைவில் தாக்கல் செய்ய வேண்டும். தேர்வை நடத்தி அதனால் ஒரு மரணம் ஏற்பட்டால் கூட அதற்கு இழப்பீடாக ரூ.1 கோடி வழங்க உத்தரவிடுவோம்'' என்று உச்சநீதிமன்ற நீதிபதிகள் ஆந்திர அரசை எச்சரித்தனர். 10, 12-ம் வகுப்பு பொதுத்தேர்வு விவகாரத்தில் தனது நிலைப்பாட்டில் உறுதியாக இருந்து வந்த ஆந்திர அரசு நீதிபதிகளின் எச்சரிக்கையை தொடர்ந்து அவசர ஆலோசனை நடத்தி 10, 12-ம் வகுப்புத் தேர்வுகளை ரத்து செய்வதாக நேற்றைய தினம் அறிவிப்பு வெளியிட்டுள்ளது. தேர்வு ரத்து செய்யப்பட்டது தொடர்பாக ஆந்திர பள்ளிக்கல்வித்துறை அமைச்சர் ஏ.சுரேஷ் கூறுகையில், "உச்ச நீதிமன்றம் அறிவுறுத்தி உள்ளதைப் போல் ஜூலை 31-ம் தேதிக்குள் தேர்வுகளை நடத்தி முடிவுகளையும் அறிவிக்க முடியாது. அதனால், ஆந்திராவில் 10, 12-ம் வகுப்பு பொதுத்தேர்வுகள் ரத்து செய்யப்படுகிறது" என்றார். தேர்வுகள் ரத்து செய்யப்பட்டுள்ள நிலையில், மாணவர்களுக்கு மதிப்பெண் வழங்குவது தொடர்பாகக் கூடிய விரைவில் அறிவிப்பு வெளியாகும் என்று எதிர்பார்க்கப் படுகிறது.
http://dlvr.it/S2QPl6

Read More

மும்பை: ஹவுசிங் சொசைட்டியில் போலி கொரோனா தடுப்பூசி முகாம்; போலீஸ் வழக்கு பதிவு!

மும்பையில் போலி கொரோனா தடுப்பூசி பிரச்னை பெரும் புயலைக் கிளப்பியிருக்கிறது. மக்கள் குடியிருப்பு வளாகம், கம்பெனிகளில் தனியார் மருத்துவமனைகளின் உதவியோடு கொரோனா தடுப்பூசி முகாம்கள் அமைத்து தடுப்பூசி போட்டுக்கொள்கின்றனர். இந்த முகாம்களை நடத்த அரசு எந்த விதிகளையும் வகுக்காத காரணத்தால் அதனைப் பயன்படுத்தி மோசடி கும்பல் கோடிக்கணக்கில் மோசடி செய்துள்ளது. மேற்கு மும்பையில் உள்ள பிரபலமான ஹவுசிங் சொசைட்டியில் நடத்தப்பட்ட போலி தடுப்பூசி முகாமில் 390 பேர் ஊசி செலுத்திக்கொண்டனர். ஒவ்வொருவரும் தலா ஆயிரம் ரூபாயிக்கும் அதிகமாக கொடுத்து இந்த ஊசியை எடுத்துக்கொண்டனர். ஆனால், தடுப்பூசி எடுத்துக்கொண்டதற்கான சான்றிதழ் கிடைக்க தாமதம் ஏற்பட்டதோடு கிடைத்த சான்றிதழில் தடுப்பூசி முகாம் நடத்தியதாகக் கூறப்படும் மருத்துவமனையின் பெயர் இடம் பெறாமல் வேறு மருத்துவமனையின் பெயர் இடம் பெற்றது. இது குறித்து போலீஸில் புகார் செய்யப்பட்டது.சித்தரிப்பு படம் போலீஸார் விசாரணை நடத்தி இம்மோசடியில் தொடர்புடைய 4 பேரை கைது செய்துள்ளனர். அவர்களுக்கு எப்படி தடுப்பூசி கிடைத்தது என்பது குறித்தும், உண்மையில் அவர்கள் செலுத்தியது தடுப்பூசியா அல்லது வேறு ஏதாவது திரவத்தை செலுத்தினார்களா என்பது குறித்து மும்பை மாநகராட்சியும், போலீஸாரும் விசாரித்து வருகின்றனர். இது தொடர்பாக மும்பை உயர்நீதிமன்றத்தில் வழக்கு தொடரப்பட்டது. இவ்வழக்கு விசாரணைக்கு வந்தபோது மாநில அரசு தரப்பில் அறிக்கை தாக்கல் செய்யப்பட்டது. அதில் மும்பை முழுக்க 9 இடங்களில் போலி தடுப்பூசி முகாம்கள் நடத்தப்பட்டு இருப்பதாகவும், இது தொடர்பாக போலீஸார் 4 வழக்குகளை பதிவுசெய்து விசாரித்து வருவதாகவும் அதில் குறிப்பிடப்பட்டுள்ளது. இந்த தடுப்பூசி முகாம்களில் 2 ஆயிரம் பேர் தடுப்பூசி எடுத்துக்கொண்டுள்ளனர். இது வரை 400 பேரிடம் வாக்குமூலம் பெறப்பட்டுள்ளது. " காந்திவலி ஹவுசிங் சொசைட்டியில் தடுப்பூசி முகாம் நடத்தியது தொடர்பாக டாக்டர் ஒருவரை தேடி வருகிறோம். சில குற்றவாளிகளின் அடையாளம் காணப்பட்டுள்ளது. அடையாளம் காணப்படாத குற்றவாளிகள் மீது வழக்கு பதிவு செய்யப்பட்டு விசாரிக்கப்பட்டு வருகிறது" என்று அதில் குறிப்பிடப்பட்டு இருந்தது. இது குறித்து கருத்து தெரிவித்த நீதிபதிகள் திபன்கர் தத்தா மற்றும் குல்கர்னி ஆகியோர், "போலி தடுப்பூசி போட்டுக்கொண்டவர்களுக்கு எதாவது பக்க விளைவு ஏற்பட்டுள்ளதா என்பதை மாநகராட்சி நிர்வாகம் கண்டறியவேண்டும். குற்றவாளிகள் எதைத் தடுப்பூசியாக செலுத்தினர் என்று தெரியவில்லை. அதனால் என்ன ஆனது என்றும் தெரியவில்லை என்று நீதிபதிகள் கவலை தெரிவித்தனர். தடுப்பூசி முகாம்கள் நடத்துவதற்கு இதுவரை வழிமுறைகள் வகுக்கப்படாது குறித்து கவலை தெரிவித்த நீதிபதிகள் இது தொடர்பாக இதற்கு முந்தைய விசாரணையின் போதே மாநில அரசுக்கு உத்தரவிட்டு இருந்தோம். ஆனால் அந்த உத்தரவு இன்னும் அமல்படுத்தப்படவில்லை. மாநில அரசு தனியார் தடுப்பூசி முகாம் நடத்துவதற்கான வழிமுறைகளை வகுக்கவேண்டும். அரசு இனியும் தாமதம் செய்யக்கூடாது என்று தெரிவித்த நீதிபதிகள் இதுகுறித்து அறிக்கை தாக்கல் செய்யும்படி கூறி விசாரணையை வரும் 29-ம் தேதிக்கு தள்ளி வைத்தனர். மகாராஷ்டிராவில் மும்பையில் மட்டுமே இந்த மோசடி நடந்துள்ளது. இதில் 2 கோடி ரூபாய் அளவுக்கு மோசடி செய்யப்பட்டுள்ளது.
http://dlvr.it/S2N9Sg

Read More