மார்க்கண்டேய நதி அணை விவகாரம்: `மத்திய அரசுதான் காரணம்!’ - மோதிக்கொள்ளும் பா.ம.க, பா.ஜ.க!

தமிழ்நாட்டின் ஆறு மாவட்டங்களுக்கு பாசன ஆதாரமாக விளங்கும் மார்க்கண்டேய நதியின் குறுக்கே கர்நாடக அரசு புதிய அணையைக் கட்டியிருப்பது தமிழக விவசாயிகள் மத்தியில் அதிர்ச்சியை உண்டாக்கியுள்ளது. 1892-ம் ஆண்டு போடப்பட்ட சென்னை - மைசூர் மாகாண ஒப்பந்தத்தை கர்நாடக அரசு மீறியுள்ளதாகவும் சமூக ஆர்வலர்கள் குற்றம் சாட்டுகின்றனர். கர்நாடக மாநிலம், சிக்பளாபூர் மாவட்டத்தில் உள்ள, நந்திமலையில் உற்பத்தியாகிறது, பெண்ணையாறு. இது தமிழகத்தில் பாயும்போது, தென்பெண்ணையாறு என்று அழைக்கப்படுகிறது. இதன் துணை நதியான மார்க்கண்டேய நதி, தமிழகத்தின் கிருஷ்ணகிரி, தர்மபுரி, திருவண்ணாமலை, வேலூர், விழுப்புரம், கடலூர் ஆகிய ஆறு மாவட்டங்களில் பாய்ந்தோடி வங்கக் கடலில் கலக்கிறது. இந்தநிலையில், தற்போது கட்டப்பட்டுள்ள புதிய அணையின் மூலம், இந்த ஆறு மாவட்டங்களின் விவசாயம் பாதிக்கப்படுவதோடு மட்டுமல்லாமல், குடிநீர் தட்டுப்பாடும் ஏற்படும் அபாயம் உள்ளதாக எச்சரிக்கின்றனர் சமூக ஆர்வலர்கள். மதிமுக பொதுச்செயலாளர் வைகோ, பாமக இளைஞரணித் தலைவர் அன்புமணி இராமதாஸ் ஆகியோர் கர்நாடக அரசின் இந்தச் செயலுக்குத் தங்களின் கண்டனங்களைத் தெரிவித்துள்ளனர். தென்பெண்ணை ஆறு இந்தநிலையில் கர்நாடக அரசின் புதிய அணை குறித்து, பா.ம.க இளைஞரணிச் செயலாளர் அன்புமணி இராமதாஸ் வெளியிட்டுள்ள அறிக்கையில், '' காவிரி ஆற்று நீர் பிரச்சினையில் கர்நாடக அரசு எவ்வாறு அனைத்து விதிகளையும், ஒப்பந்தங்களையும், அறத்தையும் காலில் போட்டு மிதித்து விட்டு சுயநலத்துடன் நடந்து கொண்டதோ, அதே போல் தான் தென்பெண்ணையாற்றின் துணை நதியான மார்க்கண்டேய நதியின் குறுக்கே புதிய அணை கட்டுவதிலும் நடந்து கொண்டது. மார்க்கண்டேய நதியில் அணை கட்ட தடைவிதிக்க வேண்டும்; பெண்ணையாற்றின் குறுக்கே தமிழக அரசின் ஒப்புதல் இல்லாமல் எந்த பாசனத் திட்டங்களையும் செயல்படுத்தக் கூடாது என்று கர்நாடக அரசுக்கு ஆணையிட வேண்டும் என்று கோரி தமிழக அரசு உச்ச நீதிமன்றத்தில் வழக்கு தொடர்ந்தது. அந்த வழக்கை 2019-ம் ஆண்டு நவம்பர் 14-ம் தேதி தள்ளுபடி செய்த உச்ச நீதிமன்றம், தென்பெண்ணையாற்று சிக்கலைத் தீர்க்க தீர்ப்பாயம் அமைக்குமாறு மத்திய அரசை அணுகும்படி அறிவுறுத்தியது. அதன்படி தமிழக அரசும் மத்திய அரசிடம் விண்ணப்பித்தது. அதையேற்று தீர்ப்பாயத்தை மத்திய அரசு அமைத்திருந்தால், மார்க்கண்டேய ஆற்றில் அணை கட்டப்படுவதை தடுத்திருக்கலாம். ஆனால், தீர்ப்பாயத்தை அமைப்பதற்கு பதிலாக பேச்சுவார்த்தை நடத்தக் குழு அமைத்தது.அன்புமணி இரு மாநிலங்களுக்கு இடையே பிப்ரவரி 24, ஜூலை 7-ம் தேதி ஆகிய இரண்டு இரு முறை பேச்சு நடத்திய மத்திய அரசு குழு, அந்தப் பேச்சுகளில் உடன்பாடு எட்டப்படாததால், இந்த பிரச்னைக்கு தீர்வு காண நடுவர் மன்றத்தை அமைக்கும்படி கடந்த ஆண்டு ஜூலை 31-ம் தேதி மத்திய அரசுக்கு அறிக்கை அளித்தது. அப்போதே நடுவர் மன்றம் அமைத்திருந்தால் கூட அணையை தடுத்திருக்க முடியும். ஆனால், கடந்த ஆண்டு இறுதி வரை நடுவர் மன்றம் அமைக்கப்படாத நிலையில், அதையும், கொரோனா சூழலையும் பயன்படுத்திக் கொண்டு கர்நாடகம் அணை கட்டி முடித்துவிட்டது. இந்த விவகாரத்தை தமிழக அரசு உடனடியாக மத்திய அரசின் கவனத்துக்குக் கொண்டு சென்று கர்நாடக அரசு மீது நடவடிக்கை எடுக்க வலியுறுத்த வேண்டும். நடுவர் மன்றத்திலும் இந்த சிக்கலை எழுப்பி சட்டவிரோதமாக, அனுமதியின்றி கட்டப்பட்ட அணையை அகற்ற ஆணையிடும்படி வலியுறுத்த வேண்டும்'' என்று அறிக்கை வெளியிட்டுள்ளார். Also Read: ``உச்சநீதிமன்ற உத்தரவுக்கு முற்றிலும் விரோதமானது” -மேகதாது அணை விவகாரத்தில் ஸ்டாலின் கண்டனம் இந்தநிலையில் இந்த விவகாரம் குறித்து, பாலாற்றுப் பாதுகாப்புக் கூட்டியக்கத்தின் ஒருங்கிணைப்பாளர் காஞ்சி அமுதன் பேசும்போது, '' 1897-ம் ஆண்டு போடப்பட்ட ஒப்பந்தத்தை கர்நாடக அரசு மீறியிருக்கிறது. இந்தியாவில் சட்டத்தின் ஆட்சி நடக்கவில்லை என்பதையே இது காட்டுகிறது. இந்தியப் பிரதமர் மோடி ஒரே நாடு என்றெல்லாம் பேசுகிறார். ஆனால், பா.ஜ.க ஆட்சி செய்யும் மாநிலத்திலேயே அதற்கு எதிரான நடவடிக்கைகள் மேற்கொள்ளப்படுகிறது. அதை மத்திய பா.ஜ.க அரசும் கண்டுகொள்ளாமல் இருக்கிறது. மதகு, ஷட்டர் போன்ற எந்த வசதிகளும் இந்த அணையில் இல்லை. இது அராஜகத்தின் உச்சம். கர்நாடகத்தை ஆளுகின்ற பா.ஜ.க அரசு அரசியல் அமைப்புச் சட்டத்தை மீறியிருக்கிறது. தேசிய ஒருமைப்பாட்டுக்கு எதிராகச் செயல்பட்டிருக்கிறது. கர்நாடக அரசின் மீது மத்திய அரசு உரிய நடவடிக்கை எடுக்கவேண்டும். கர்நாடக நீர்ப்பாசனைத்துறை அமைச்சரைக் கைது செய்து சிறையில் அடைக்கவேண்டும். தமிழ்நாட்டின் அனைத்துக் கட்சிகளும் ஒற்றுமையாக இருந்து கர்நாடக அரசின் இந்தச் சட்டவிரோத செயல்பாட்டை தடுத்து நிறுத்த வேண்டும்'' என்கிறார் கோபமாக.காஞ்சி அமுதன் தி.மு.க செய்தித்தொடர்பு இணைச் செயலாளர், ராஜீவ்காந்தி பேசும்போது, '' ஒன்றிய அரசிடமோ, தமிழகத்திடமோ எந்தவித செய்தியையும் தெரிவிக்காமல் ஒரே இரவில் ஒரு அணையைத் திறந்திருக்கிறது கர்நாடகா அரசு. இது நீதிமன்ற விதிகளுக்கு, கீழ்மடை உரிமைக்கு எதிரானது. அணைக் கட்டுமானத்தின்போது ஒன்றிய அரசோ, கடந்த அதிமுக தலைமையிலான தமிழக அரசோ கவனிக்காமல் விட்டது அதிர்ச்சியாக இருக்கிறது. தமிழக அரசு சட்டரீதியான நடவடிக்கைகளை மேற்கொள்ளும். '' என்கிறார் அவர். துரைமுருகன், நீர்வளத்துறை அமைச்சர்''2017-இல் மத்திய நீர்வள குழுமத்தின் பொறியாளர்கள் ஆய்வு செய்தபோது கர்நாடக அரசு அப்பகுதியில் குடிநீர் தேவைக்காகவும் நிலநீரை செரிவூட்டுவதற்காகவும் சுமார் 0.5 டி.எம்.சி கொள்ளலவுள்ள ஒரு அணையை கட்டியிருப்பதாகவும் தெரிவித்துள்ளது. கர்நாடகாவின் இச்செயலை தமிழ்நாடு அரசு தொடர்ந்து எதிர்த்து வந்துள்ளது. உச்சநீதிமன்றத்தில் 18.5.2018-இல் ஒரு அசல் வழக்கும் ஒரு இடைக்கால மனுவும் தாக்கல் செய்ததன் பேரில் உச்சநீதிமன்றம் 14.11.2019 அன்று அளித்த தீர்ப்பில் இப்பிரச்சனைக்கு தீர்வு காண ஒரு நடுவர் மன்றம் அமைக்க வேண்டும் என்று ஆணையிட்டது. இந்த நடுவர் மன்றத்தை அமைக்க தமிழ்நாடு அரசு தொடர்ந்து ஒன்றிய அரசை வலியுறுத்தி வந்துள்ளது. '' அ.தி.மு.க அரசின் மீதான குற்றச்சாட்டுகள் குறித்து, அதிமுகவின் செய்தித் தொடர்பாளர், சிவசங்கரியிடம் பேசினோம், '' கடந்த அதிமுக அரசு தொடர்ந்து சரியான நடவடிக்கைகளைத்தான் எடுத்து வந்தது. 2018-ல் தமிழக அரசின் சார்பாக வழக்குத் தொடர்ந்தோம். தொடர்ந்து உச்ச நீதிமன்றத்தின் வழிகாட்டுதல்படி, மத்திய அரசின் ஜல்சக்தித் துறையின் மூலம் பேச்சுவார்த்தை நடத்தி வந்தோம். கொரோனா பாதிப்புகள் ஏற்படவே, பேச்சுவார்த்தை தொடர்ந்து நடைபெறவில்லை. இந்த நேரத்தில் கர்நாடக அரசாங்கத்தினர், அவசர அவசரமாக அணையைக் கட்டி முடித்துள்ளனர். அண்டை மாநிலங்களின் அனுமதி இல்லாமல், ஒரு மாநிலம் புதிதாக அணை கட்டக்கூடாது என உச்சநீதிமன்றம் அறிவுறுத்தியிருக்கிறது. ஆனால், கர்நாடக அரசு தொடர்ந்து சட்டத்தை மீறி வருகிறது. உச்சநீதிமன்றத்தின் தீர்ப்பையும் மதிப்பதில்லை. பக்கத்து மாநில மக்களின் உணர்வுகளையும் மதிப்பதில்லை. இந்தியாவில் ஒரு மாநிலம் என்பதை மறந்து தனிநாடு போல் கர்நாடகா செயல்படுகிறது'' என்கிறார் அவர்.நாராயணன் திருப்பதி பா.ஜ.க செய்தித் தொடர்பாளர் நாராயணன் திருப்பதியிடம் பேசினோம், '' 2008-ம் ஆண்டு இந்த அணைக்கான அரசாணை கர்நாடக அரசால் பிறப்பிக்கப்பட்டுள்ளது. இந்த அணைக் கட்டுமானத்துக்காக திட்ட மதிப்பீடு 240 கோடி. அப்போதைய காங்கிரஸ் தலைமையிலான மத்திய அரசாங்கம் 80 கோடி ரூபாய் நிதி உதவி செய்துள்ளது. அதுமட்டுமல்ல, இந்த அணைக் கட்டுமானத்தை எதிர்த்து தமிழக அரசு, 2018-ல் தான் வழக்கு தொடர்ந்தது. இந்த விவகாரம் தொடர்பாக, தீர்ப்பாயம் அமைக்க தமிழக அரசோ, கர்நாடக அரசோ கோரவில்லை என உச்சநீதிமன்றம் அந்த வழக்கை 2020-ம் ஆண்டு தள்ளுபடி செய்துவிட்டது. இந்த விஷயத்தில் யார் மீது தவறிருக்கிறது என மக்கள் புரிந்துகொள்வார்கள். இந்த அணையைக் கட்ட ஆரம்பித்த காலத்தில், தமிழ்நாட்டில் திமுகவும் மத்தியில் திமுக அங்கம் வகித்த காங்கிரஸும்தான் ஆட்சியில் இருந்தது. அதேபோல, தற்போது மத்திய அரசைக் குற்றம் சுமத்தும், அன்புமணி இராமதாஸ் மத்திய அமைச்சராக இருந்தபோதுதான், அப்போதைய இந்திய அரசு, அணை கட்ட 80 கோடி நிதி ஒதுக்கியது. அதுமட்டுமல்ல, தமிழகத்திலும் அவர்கள் அங்கம் வகித்த தி.மு.கவின் ஆட்சிதான் இருந்தது. அப்போது ஏன் அமைதியாக இருந்தார்கள் என்பதற்கான பதிலைச் சொல்லிவிட்டு அன்புமணி இராமதாஸ் பா.ஜ.கவை எதிர்த்துக் கேள்வி கேட்கட்டும்'' என்கிறார் அவர். இந்த அணை விவகாரம் தொடர்பாக, அறிக்கை வெளியிட்டுள்ள, தமிழக நீர்வளத்துறை அமைச்சர், துரைமுருகன், ''நடுவர் மன்றத்தின் மூலம் இப்பிரச்சனைக்கு தீர்வு காணப்படும்'' என நம்பிக்கை தெரிவித்துள்ளார்.
http://dlvr.it/S38FgS

Read More

மும்பை: பழங்குடியினர் நல ஆர்வலர் பாதிரியார் ஸ்டேன் சுவாமி மரணம்!

2017ம் ஆண்டு டிசம்பர் 31ம் தேதி புனேயில் நடந்த எல்கர் பரிஷத் கூட்டத்தில் வன்முறையை தூண்டும் விதத்தில் பேசியதாகக் குற்றச்சாட்டு எழுந்தது. இதையடுத்து அடுத்த நாள் புனே பீமா-கோரேகாவில் பெரிய அளவில் வன்முறை நடந்தது. ஒவ்வொரு ஆண்டும் பீமா-கோரேகாவில் நிறுவப்பட்டுள்ள நினைவுச்சின்னத்தில் ஆயிரக்கணக்கானோர் கூடி மரியாதை செலுத்துவது வழக்கம். 200 ஆண்டுகளுக்கு முன்பு ஆங்கிலேயர்களுடன் சேர்ந்து தலித் ராணுவ வீரர்கள் போராடி பெஷாவா படைகளை தோற்கடித்ததன் நினைவாக இந்த நினைவுச்சின்னம் நிறுவப்பட்டுள்ளது. இங்கு 2018ம் ஆண்டு ஜனவரி ஒன்றாம் தேதி நடந்த கலவரம், அதற்கு முந்தைய நாளில் நடந்த எல்கர் பரிஷத் கூட்டத்தில் வன்முறையை தூண்டும் விதத்தில் பேசியது பற்றி மாநில போலீஸார் விசாரித்து வந்தனர். பின்னர் இவ்வழக்கை 2018ம் ஆண்டு தேசிய புலனாய்வு ஏஜென்சி தன் வசம் எடுத்துக்கொண்டது. இதில் எல்கர் பரிஷத்திற்கு உதவி செய்ததாகக் கூறி பல சமூக ஆர்வலர்களைக் கைது செய்தனர். பீமா கோரேகாவ் நினைவுசின்னம் அதில் ஜார்க்கண்ட் மாநிலத்தில் பழங்குடியின மக்களின் நலனுக்காக பாடுபட்டு வந்த பாதிரியார் ஸ்டேன் சுவாமியும் ஒருவராவார். அவரை தேசிய புலனாய்வு ஏஜென்சி கடந்த ஆண்டு அக்டோபர் 7-ம் தேதி ராஞ்சியில் கைது செய்து மும்பை அழைத்து வந்தது. அவரிடம் எந்த வித விசாரணையும் நடத்தாமல் நேரடியாக நீதிமன்ற காவலில் அடைத்தனர். அதிலிருந்து சுவாமியிடம் கடந்த இரண்டு மாதத்தில் பல விசாரணை அமைப்புகள் விசாரணை நடத்தியதோடு அவரது வீட்டில் சோதனை நடத்தி முக்கிய ஆவணங்களை பறிமுதல் செய்ததாகத் தெரிவித்தது. மும்பை அருகில் உள்ள தலோஜா சிறையில் சுவாமியும், அவருடன் கைது செய்யப்பட்ட மற்றவர்களும் அடைக்கப்பட்டு இருந்தனர். அடிக்கடி ஸ்டேன் சுவாமி தனக்கு உடல் நலக்கோளாறு ஏற்படுவதாகவும், ஆனால் அதனை சிறை நிர்வாகம் கண்டுகொள்ளவில்லை என்றும் தெரிவித்தார். ஸ்டேன் சுவாமிக்கு நக்சலைட்களுடன் தொடர்பு இருப்பதாகவும், அவர் ஒரு நக்சலைட் என்றும் தேசிய புலனாய்வு ஏஜென்சி தெரிவித்துள்ளது. கடந்த மே மாதம் சிறையில் இருந்து வீடியோ கான்பெரன்ஸ் மூலம் நீதிபதியிடம் ஸ்டேன் சுவாமி பேசினார். அப்போது எனக்கு அடிக்கடி உடல் நலம் பாதிக்கப்படுவதால் உடனே என்னை ஜாமீனில் விடுதலை செய்யவேண்டும் என்றும் அப்படி விடுதலை செய்யவில்லையெனில் சிறையிலேயே விரைவில் இறந்துவிடுவேன் என்று தெரிவித்தார். இதையடுத்து கோர்ட் உத்தரவின் அடிப்படையில் தனியார் மருத்துவனையில் ஸ்டேன் சுவாமி சிகிச்சை பெற்று வந்தார். அவருக்கு கடந்த சில நாட்களாக உடல் நலம் மிகவும் பாதிக்கப்பட்டது. எனவே அவர் தொடர்ந்து தனியார் மருத்துவமனையில் சிகிச்சை பெற கோர்ட் அனுமதித்தது. கடந்த இரண்டு நாட்களாக அவருக்கு செயற்கை சுவாசம் கொடுக்கப்பட்டு வந்தது. திங்கள் கிழமை சிகிச்சை பலனலிக்காமல் ஸ்டேன் சுவாமி காலமானார். இத்தகவல் மும்பை உயர்நீதிமன்றத்தில் அவர் சிகிச்சை பெற்று வந்த மருத்துவமனை தரப்பில் தெரிவிக்கப்பட்டது. அவருக்கு வயது 84. வரும் 6ம் தேதி ஸ்டேன்சுவாமியின் ஜாமீன் மனு விசாரணைக்கு வர இருந்த நிலையில் அவர் மரணமடைந்துள்ளார். 30 ஆண்டுகளுக்கும் மேலாக ஆதிவாசி மக்களுக்காக பாடுபட்ட ஸ்டேன் சுவாமியை நக்சலைட் என்று கூறி சிறையில் அடைத்தனர் என மக்கள் சமூக வலைத்தளத்தில் கருத்து தெரிவித்தனர். அவர் ஜாமீனில் வெளி வரமுடியாத படி தடுப்பு சட்டத்தின் கீழ் கைது செய்யப்பட்டுன் இருந்தார். அவரது மறைவுக்கு பல்வேறு சமூக அமைப்புகளும் இரங்கல் தெரிவித்துள்ளன. சிறையில் ஸ்டேன் சுவாமியின் உடல் நலம் பாதிக்கப்பட்டது குறித்து மனித உரிமை கமிஷன் மாநில அரசுக்கு விளக்கம் கேட்டு கடிதம் எழுதியிருக்கிறது. பீமா-கோரேகாவ் கலவரம் தொடர்பாக 16 பேர் கைது செய்யப்பட்டனர். அவர்களில் ஆந்திர எழுத்தாளர் வரவரராவ் என்பவரும் அடங்கும்.
http://dlvr.it/S37S7H

Read More

கத்திரிகோல் வழங்க தாமதமானதால்டென்ஷன்; ரிப்பனை கிழித்தெறிந்த தெலங்கானா முதல்வர்

அரசு திட்டங்களை தொடங்கி வைக்கும்போது கத்திரிகோலால் ரிப்பன் வெட்டி வைக்கும் மரபு கடைப்பிடிக்கப்பட்டு வரும் சூழலில், கத்திரிகோல் கொண்டு வர தாமதமானதால், வெறும் கைகளாலேயே தெலங்கானா முதல்வர் ரிப்பனை கிழித்தது பேசுபொருளாகி உள்ளது.   தெலங்கானா அரசின் பிரதான திட்டங்களில் ஒன்றாக இரட்டை படுக்கையறை கொண்ட வீடு வழங்கும் திட்டம் அறிவிக்கப்பட்டது. இதற்கான கட்டுமானப் பணிகள் நிறைவுப் பெற்று சிர்சிலாவில் வீடுகளை பயனாளர்களுக்கு ஒப்படைக்கும் நிகழ்ச்சி நடைபெற்றது. இதில் பங்கேற்க தெலங்கானா முதல்வர் சந்திரசேகர ராவ் வந்த நிலையில், ரிப்பனை வெட்டுவதற்கான கத்திரிகோல் வழங்குவதற்கு அதிகாரிகள் மறந்து விட்டனர்.   அதை எடுத்து வருவதற்கும் தாமதமானதால், பொறுமை இழந்த முதல்வர் சந்திரசேகர ராவ், ரிப்பனை வெறும் கைகளால் கிழித்து விட்டு புதிதாக கட்டப்பட்ட வீட்டிற்குள் சென்றார். இது தொடர்பான காணொலி தற்போது அதிகம் பகிரப்படுகிறது. @TelanganaCMO pulls up ribbon at #2BHK flats inauguration ceremony after officials failed to keep scissors ready for the occassion pic.twitter.com/NQqouTZgc9 — S.M. Bilal (@Bilaljourno) July 4, 2021
http://dlvr.it/S35BZF

Read More

கேரள அரசின் சில்வர் லைனிங் ரயில்வே திட்டம்; சுற்றுச்சூழல் பேரழிவுக்கு வித்திடப்போகிறதா?

கேரளாவின் வடக்கு மற்றும் தெற்குக் கடலோர மாவட்டங்களை இணைக்கும், அதிவேக ரயில் பாதை அமைப்பதற்கான சில்வர் லைன் திட்டம், எளிதில் பாதிக்கக்கூடிய சூழலியல் முக்கியத்துவம் வாய்ந்த பகுதிகளில் பேரழிவை உண்டாக்கும் என்று கேரள சூழலியல் ஆர்வலர்கள் அஞ்சுகின்றனர். உதாரணத்துக்கு, வடக்கு கேரளாவின் கண்ணூர் மாவட்டத்தில் குப்பம், ராமாபுரம் மற்றும் பெருவம்பா நதிகள் சூழ்ந்திருக்கும் மடயிப்பாரா பல்லுயிர்ச்சூழல் காப்பிடம். இந்தப் பகுதியில் 657 வகையான தாவரங்கள், 142 வகையான வண்ணத்துப்பூச்சிகள், 186 பறவை இனங்கள், 60 வகையான தட்டான்களைப் போன்ற பறக்கும் பூச்சி இனங்கள் வாழ்கின்றன. மேலும், 24 வகையான அரிய ஊர்வனங்கள், 19 வகையான அரிய நீர்நில வாழ்விகள் அங்கு காணப்படுகின்றன. கண்ணூர் மாவட்டத்தின் 58.75 சதவிகித தாவரங்கள் மடயிப்பாரா மலைகளில் காணப்படுகின்றன.Madayipara மடயிப்பாராவுக்கு தெற்கே 132 கிலோமீட்டர் தொலைவில், அமைந்துள்ளது, கழிமுக சூழலியல் அமைப்பைக்கொண்ட கடலுண்டி பறவைகள் காப்பிடம். அதற்கு அருகில் 13,632 ஹெக்டேர் பரப்பளவு கொண்ட சூழலியல் முக்கியத்துவம் வாய்ந்த பொண்ணனி-திரிச்சூர் கோல் சதுப்புநிலம் அமைந்துள்ளது. இந்தியாவிலேயே, பறவைகளின் வரத்து அதிகமாக இருக்கும் மூன்றாவது பெரிய நிலப்பகுதியாக இது அறியப்படுகிறது. இங்கு 241 வகையான பறவைகள் வாழ்வதாகப் பறவை ஆய்வாளர்கள் பதிவு செய்துள்ளனர். அதில் 30 சதவிகித பறவைகள் வெளிநாடுகளிலிருந்து இங்கு வலசை வருபவை. மடயிப்பாரா, கடலுண்டி, பொண்ணனி ஆகிய பகுதிகளின் சூழலியல் வளத்தோடு சேர்த்து சில்வர் லைன் ரயில்வே திட்டத்தின் மூலம், அப்பகுதிகளின் சமூக மற்றும் பொருளாதாரச் சமநிலையே சீர்குலையும் என்று வல்லுநர்கள் எச்சரிக்கின்றனர். மேலும், வடக்கே காசர்கோட்டிலிருந்து தென்கோடியில் அமைந்துள்ள திருவனந்தபுரம் வரையிலுமே இத்தகைய இழப்புகளைச் சந்திக்க நேரிடும் என்றும் கூறுகின்றனர். இந்தத் திட்டத்தின் கீழ் அமைக்கப்படும் ரயில்பாதை, திருவனந்தபுரத்தில் தொடங்கி, கேரளாவின் முக்கிய நகரங்களான கொல்லம், செங்கன்னூர், கோட்டயம், எர்ணாகுளம், கொச்சின், திரிச்சூர், திரூர், கோழிக்கோடு, கண்ணூர் ஆகியவற்றை ஊடுருவி காசர்கோடு வரை சென்றடைகிறது. இந்தத் திட்டத்துக்கான முன்மொழிதலின்படி, திருவனந்தபுரம், எர்ணாகுளம் மற்றும் திரிச்சூரில் மேம்பால ரயில் பாதையாகவும் கோழிக்கோட்டில் நிலத்தடி ரயில் பாதையாகவும் அமைக்கப்படும். இதற்கென ரயில் நிலையம் அமைப்பதற்காக கொச்சின் சர்வதேச விமான நிலையம் ஏற்கெனவே ஒரு ஏக்கர் நிலத்தை வழங்கியுள்ளது.Wetland சமீபத்திய சட்டமன்றத் தேர்தலில் வெற்றி பெற்று ஆட்சிக்கு வந்ததும் இந்தத் திட்டத்துக்கு முதன்மைத்துவம் வழங்கப்படும் என்று கேரள முதலமைச்சர் பினராயி விஜயன் தலைமையிலான அரசு கூறியுள்ளது. இந்தத் திட்டத்துக்கு ஏற்கெனவே, நிதி ஆயோக் மற்றும் ஒன்றிய அரசின் ஒப்புதல் கிடைத்துவிட்டது. இதன்மூலம், கேரள தலைநகரான திருவனந்தபுரத்திலிருந்து காசர்கோட்டுக்கு, இப்போதுள்ள ரயில்வே அமைப்பின் மூலம் ஆகும் 12 மணி நேரப் பயணம், 4 மணிநேரத்தில் பயணமாகக் குறையும் என்றும் சொல்லப்படுகிறது. இந்த ரயில் பாதைக் கட்டமைப்பு முடிவடைந்துவிட்டால், அதில் ஒருமணிநேரத்துக்கு சுமார் 200 கிலோமீட்டர் வேகத்தில் பயணிக்க முடியும். இருப்பினும், இந்தத் திட்டம் கொண்டு வரக்கூடிய சுற்றுச்சூழல், சமூக மற்றும் பொருளாதார பின்விளைவுகள் குறித்துப் பலரும் சந்தேகம் தெரிவிக்கின்றனர். இந்தத் திட்டத்துக்கு 1,383 ஹெக்டேர் நிலப்பகுதி வேண்டும். அதற்காக, பெரியளவிலான சதுப்புநிலம், காட்டு நிலம், உவர்நீர் பகுதி, மக்கள் குடியிருப்புகள், விவசாய நிலம் ஆகியவை கையகப்படுத்தப்படும். நிதி ஆயோக் அறிக்கையின்படி, இந்தத் திட்டத்துக்காகக் கையகப்படுத்தும் நிலங்களுக்குச் செய்துகொடுக்க வேண்டிய மாற்று ஏற்பாடுகளுக்கு மட்டுமே சுமார் 28,157 கோடி ரூபாய் செலவாகும். கேரளாவைச் சேர்ந்த பிரபல சுற்றுச்சூழல் ஆர்வலர் ஆர்.வி.ஜி.மேனன், ``இந்தத் திட்டத்தில், நிறைய பாலங்கள் அமைக்க வேண்டியிருப்பதால், அதற்கு அதிகளவிலான மண் மற்றும் கிரானைட் தேவைப்படுவது, மேற்குத்தொடர்ச்சி மலையில் மிகப்பெரிய தாக்கத்தை உண்டாக்கும். கேரளாவில் அனைத்து கிரானைட் அகழ்விடங்களும் மேற்கு மலைத்தொடரில்தான் அமைந்துள்ளன. மேலும், சதுப்புநிலம், நதிகள், விவசாய நிலம், ஏரிகள் என்று பல்வேறு வகையான சூழலியல் அமைப்புகளைக் கடந்து இது அமைவதால், சூழலியல் சீர்கேடுகளும் கணக்கின்றி ஏற்படும். இந்தத் திட்டத்தின் செலவைப் பொறுத்துப் பார்க்கையில், இதனால் ஏற்படப்போகும் சமூக, சுற்றுச்சூழல், பொருளாதார விளைவுகள் ஒரு வெள்ளை யானையைப்போல் உள்ளது" என்று குறிப்பிட்டுள்ளார்.Kole Wetlands Also Read: ``காடுகளை பழங்குடிகளிடம் கொடுங்கள்; பல்லுயிரியம் பாதுகாக்கப்படும்!"- ஆய்வறிக்கை சொல்லும் உண்மை அதேநேரம், பலரும் இந்தத் திட்டம் சாலை நெருக்கடி, விபத்துகள், மரணங்கள், பசுமை இல்ல வாயு வெளியீடு ஆகியவற்றைக் குறைப்பதில் பங்கு வகிக்கலாம் என்றும் ஒரு சாரார் கருதுகின்றனர். அதோடு, புதிய வேலை வாய்ப்புகளை உருவாக்குவதிலும் நகரங்களின் வளர்ச்சியை வேகப்படுத்துவதிலும் இந்தத் திட்டம் பங்கு வகிக்கும் என்று ஒரு தரப்பினர் கருதுகின்றனர். கேரளா பரிஸ்திதி ஐக்கிய வேதி போன்ற சுற்றுச்சூழல் கூட்டமைப்புகள், இதைவிட நிலைத்தன்மை வாய்ந்த சூழலியல் ரீதியாகக் கேடு விளைவிக்காத வகையில் இந்தத் திட்டத்தை முன்னெடுக்க வேண்டுமென்று கோருகின்றனர். மேலும், 63,941 கோடி ரூபாய் செலவில் இந்தத் திட்டத்தை மேற்கொள்ள வேண்டுமா என்ற கேள்வியையும் பலர் முன்வைக்கின்றனர். ஒவ்வோர் ஆண்டும் கடுமையான வெள்ளம், நிலச்சரிவு, கடலோர அரிப்பு ஆகியவற்றைச் சந்திக்கும் மாநிலத்தில் இவ்வளவு பெரிய பொருள்செலவில் ஒரு திட்டம் அவசியமா என்ற கேள்வியும் முன்வைக்கப்படுகிறது. அதற்குப் பதிலாக, குறைந்த செலவில் இதற்கான மாற்றுத் திட்டத்தைச் சிந்திப்பது பொருளாதார ரீதியாகவும் சரி சூழலியல் ரீதியாகவும் சரி நன்மை பயக்கும் என்று கேரளா பரிஸ்திதி ஐக்கிய வேதி போன்ற சுற்றுச்சூழல் கூட்டமைப்புகள் வாதிடுகின்றன. இந்தத் திட்டம் ஒரு நீரியல் பேரழிவை உண்டாக்கலாம். மேற்குத்தொடர்ச்சி மலையின் நீரியல் சுழற்சியைச் சிதைக்கலாம். அதன்விளைவாக, ஒவ்வோர் ஆண்டும் பருவகாலத்தின்போது ஏற்படும் வெள்ளப்பெருக்குகள் அதிகச் சேதங்களை உண்டாக்கலாம் என்று இந்த அமைப்பு எச்சரிக்கிறது.பொண்ணனி-திரிச்சூர் கோல் சதுப்புநிலம் / கேரளா Also Read: `இந்தியாவின் 43 நகரங்கள் ஆபத்தில் உள்ளன!' - சூழலியல் பேரிடரைச் சுட்டிக்காட்டும் புதிய ஆய்வறிக்கை அவர்களைப் பொறுத்தவரை, கேரளாவின் இப்போதைய தேவை, சுற்றுச்சூழலுக்கு இசைவான, அதேநேரம் குறைந்த பொருள்செலவில் அதிக மக்களுக்குப் பயனளிக்கக்கூடிய ஒரு நீடித்த நிலைத்தன்மை வாய்ந்த திட்டம்தான். ஆனால், சில்வர் லைன் திட்டம் கேரள மக்களின் பணம் மற்றும் வளங்களை அழிப்பதைத் தவிர வேறு எதையும் செய்யப் போவதில்லை என்று அஞ்சுகின்றனர். கடந்த ஐந்து ஆண்டுகளாகத் தொடர்ந்து தவறாமல், வெள்ளம் மற்றும் நிலச்சரிவு பேரிடர்களால் அதிகச் சேதங்களை எதிர்கொள்ளும் கேரள மாநிலம், அத்தகைய பேரிடர்களை அதிகரிக்கும் வகையிலான திட்டங்களைக் கொண்டுவரக் கூடாது என்று அம்மாநில சூழலியல் ஆர்வலர்கள் அனைவரும் வலியுறுத்துகின்றனர்.
http://dlvr.it/S34ffs

Read More

'தடுப்பூசி செலுத்துவதில் கர்ப்பிணிகளுக்கு முன்னுரிமை' - மா.சுப்பிரமணியன்

தடுப்பூசி செலுத்துவதில் கர்ப்பிணிகளுக்கு முன்னுரிமை வழங்கப்படும் என மருத்துவத்துறை அமைச்சர் மா.சுப்பிரமணியன் தெரிவித்துள்ளார். சென்னை சைதாப்பேட்டையில் உள்ள தனியார் கல்லூரியில் பத்திரிகையாளர்களுக்கு கொரோனா கால நிவாரணப் பொருட்களை வழங்கும் நிகழ்ச்சியில் அமைச்சர் மா.சுப்பிரமணியன் கலந்து கொண்டார். அப்போது செய்தியாளர்களுக்கு பேட்டியளித்த அவர், தடுப்பூசி செலுத்திக்கொள்ள முன்வரும் கர்ப்பிணிகளுக்கு முகாம்களில் முன்னுரிமை வழங்கி, அவர்களுக்கு தடுப்பூசி செலுத்தப்படும் என கூறினார். தமிழகத்திற்கு கூடுதலாக தடுப்பூசி வழங்குமாறு ஒன்றிய அரசிடம் கேட்டிருப்பதாகவும், விரைவில் தடுப்பூசிகள் வந்து சேரும் என எதிர்பார்ப்பதாகவும் அவர் தெரிவித்தார். ஒன்றிய அரசு என்ற வார்த்தை குறித்து அதிமுக ஒருங்கிணைப்பாளர் ஓ.பன்னீர்செல்வம் வெளியிட்ட அறிக்கைக்கு பதில் அளித்த அமைச்சர் மா.சுப்பிரமணியன், ஒன்றியத்திற்கு மிகச்சிறப்பான விளக்கத்தை புதுச்சேரி ஆளுநர் தமிழிசை சவுந்தரராஜன் வழங்கியிருப்பதாக தெரிவித்தார்.
http://dlvr.it/S33v47

Read More

உ.பி: உள்ளாட்சித் தேர்தல்; சமாஜ்வாதி கோட்டையைத் தகர்த்த பா.ஜ.க; அகிலேஷ் யாதவின் அடுத்த மூவ் என்ன ?!

உத்தரப் பிரதேச மாநிலத்தில் நடந்து முடிந்துள்ள உள்ளாட்சித் தலைவருக்கான தேர்தலில் பா.ஜ.க. அதிகப்படியான இடங்களில் வென்று அகிலேஷ் யாதவின் சமாஜ்வாதி கட்சியைப் பின்னுக்குத் தள்ளியுள்ளது. இந்த வெற்றியால் உ.பி. பா.ஜ.க-வினர் கொண்டாட்ட மழையில் திளைத்துள்ளனர். இந்த அமோக வெற்றியைப் பாராட்டி பிரதமர் மோடி ட்விட்டரில் வாழ்த்து தெரிவித்துள்ளார். ஹர்தாஸ் சம்பவம், கொரோனா விவகாரத்தில் அலட்சியப்போக்கு என சமீப காலமாகவே உ.பி-யை ஆளும் பா.ஜ.க அரசு மீதான வெறுப்பு மனநிலை மக்கள் மத்தியில் அதிகரித்திருந்தாலும் கடந்த தேர்தலைப் போலவே இந்த தேர்தலிலும் ஆட்சி அதிகாரத்தைக் கைப்பற்றுவதற்கு திட்டமிட்டு செயல்பட்டு வருகிறது பா.ஜ.க. தலைமை. இந்நிலையில், உத்தரப் பிரதேச மாநிலத்தில் நடந்து முடிந்துள்ள ஜில்லா பஞ்சாயத்து தலைவருக்கான தேர்தலில் மொத்தமுள்ள 75 இடங்களில் பா.ஜ.க 67 இடங்களைக் கைப்பற்றியுள்ளது, அகிலேஷ் யாதவின் சமாஜ்வாதி கட்சி 5 இடங்களில் மட்டுமே வென்றுள்ளது. இவைபோக ராஷ்ட்ரிய லோக் தளமும், ஜனநாயக தளமும், சுயேட்சை வேட்பாளர் ஒருவரும் தலா ஒரு இடத்தில் வெற்றி பெற்றுள்ளனர். காங்கிரஸ் ஒரு இடத்தில்கூட வெற்றி பெறவில்லை. சட்டமன்றத் தேர்தல் நெருங்கி வருவதால் மாயாவதியின் பகுஜன் சமாஜ் கட்சி இதில் போட்டியிடவில்லை. மோடி முன்னதாக கடந்த 2016ம் ஆண்டு நடைபெற்ற உள்ளாட்சித் தலைவருக்கான தேர்தலில் சமாஜ்வாதி 60 இடங்களைக் கைப்பற்றிய நிலையில் தற்போது படுதோல்வி அடைந்துள்ளது பேசுபொருளாகியுள்ளது. சமாஜ்வாதியின் 30 ஆண்டுகால கோட்டையாக இருந்துவந்த மெயின்பூரி ஜில்லா இத்தேர்தலில் பா.ஜ.க. வசம் சென்றது. அதேபோல், காங்கிரஸ் அதிகாரத்தில் இருந்துவந்த முக்கியமான சில இடங்களும் பறிபோனது. உ.பி-யின் காங்கிரஸ் பொறுப்பாளாராக இருந்து வரும் ப்ரியங்கா காந்திக்கு இது பெரும் பின்னடைவாகப் பார்க்கப்படுகிறது. இந்நிலையில், "தேர்தலில் முறைகேடுகள் செய்துதான் பா.ஜ.க வெற்றியை தன் வசப்படுத்தியுள்ளது" என சமாஜ்வாதி கட்சியினர் குற்றம்சாட்டி வருகின்றனர். தேர்தல் நடைபெறுவதற்கு முன்பாகவே இத்தேர்தலில் சமாஜ்வாதி பெரும் பின்னடைவை சந்திக்கும் என்று மாயாவதி கருத்து தெரிவித்திருந்தார் என்பது குறிப்பிடத்தக்கது. இதனால் வரும் சட்டமன்றத் தேர்தலிலும் பா.ஜ.க தான் மீண்டும் வெற்றிபெறும் என்று எழுந்து வரும் கருத்துக்களுக்கு, ‘உள்ளாட்சித் தேர்தலின் தோல்வி சட்டமன்றத் தேர்தலின் வெற்றியை நிர்ணயிக்காது’ என்று முற்றுப்புள்ளி வைத்துள்ளனர் சமாஜ்வாதி மற்றும் காங்கிரஸ் தரப்பினர்.அகிலேஷ் யாதவ் இதைத்தொடர்ந்து, அகிலேஷ் யாதவும், உ.பி. ஆம் ஆத்மி கட்சியின் பொறுப்பாளருமான சஞ்சய் சிங் எம்.பி. ஆகிய இருவரும் சந்தித்துப் பேசியுள்ளனர். இந்த சந்திப்பானது வரப்போகும் சட்டமன்ற தேர்தலில் கூட்டணி அமைப்பது குறித்த ஆலோசனையாக இருக்கலாம் என்று எதிர்பார்க்கப்படுகிறது. அவ்வாறு கூட்டணி அமைந்தால் சமாஜ்வாதி கட்சி ஆம் ஆத்மியுடன் கூட்டணி வைப்பது இதுவே முதல்முறையாகும்.
http://dlvr.it/S326hz

Read More

சர்வதேச மகளிர் கிரிக்கெட்டில் அதிக ரன்களை குவித்த மிதாலி ராஜ்

இந்திய மகளிர் கிரிக்கெட் அணியின் கேப்டன் மிதாலி ராஜ் அனைத்து வகையிலான சர்வதேசப் போட்டிகளில் அதிக ரன்களை எடுத்த வீராங்கனை என்ற சாதனையை படைத்துள்ளார். இங்கிலாந்துக்கு எதிரான 3வது ஒரு நாள் போட்டி வொர்செஸ்டரில் நேற்று நடந்தது. இதில் ராஜ் 10 ஆயிரத்து 273 ரன்களை கடந்து உள்ளார். இங்கிலாந்து முன்னாள் வீராங்கனையான சார்லோட் எட்வார்ட்சின் சாதனையை ராஜ் முறியடித்து இப்போது சர்வதேச அளவில் முதலிடம் பிடித்துள்ளார். மிதாலி ராஜ், மகளிர் ஒரு நாள் போட்டியில் அதிக ரன்களை கடந்து சாதனை படைத்த பெருமையை கொண்டுள்ளார். கடந்த மார்ச்சில் அவர் 7 ஆயிரம் ரன்களை நிறைவு செய்துள்ளார். கடந்த மார்ச்சில் இந்தியாவில் சுற்றுப்பயணம் மேற்கொண்ட தென்ஆப்பிரிக்க மகளிர் கிரிக்கெட் அணிக்கு எதிரான ஆட்டத்தில், இந்திய அணியின் கேப்டனான மிதாலிராஜ் சர்வதேச போட்டிகளில் 10 ஆயிரம் ரன்களை கடந்த வீராங்கனை என்ற சாதனையை படைத்தார். கிரிக்கெட்டின் அனைத்து நிலைகளிலான போட்டிகளில் 10 ஆயிரம் ரன்களை கடந்த முதல் இந்திய வீராங்கனை என்ற பெருமையையும் அவர் பெற்றுள்ளார். மிதாலி ராஜ் பிறந்தது ராஜஸ்தான் மாநிலம் ஜோத்பூரில். வளர்ந்து, குடியேறியது ஐதராபாத்தில். ஆனால் அவரது தாய்மொழி தமிழ் என்பது குறிப்பிடத்தக்க விஷயம். அவரது பெற்றோர் பெயர் துரைராஜ் - லீலா. இந்திய மகளிர் அணியில் மிதாலி ராஜின்வருகைக்கு பின்புதான் புதிய வேகம் பெற்றது என கூறலாம். ஏறக்குறைய கடந்த 18 ஆண்டுகளாக விளையாடி வரும் மிதாலி ராஜ் இந்திய மகளிர் அணியின் பல முக்கிய வெற்றிகளுக்குக் காரணமாக இருந்திருக்கிறார்.
http://dlvr.it/S31mxY

Read More