மத்திய அமைச்சரவை மெகா விரிவாக்கம்: யாருக்கு என்ன துறை? - முழு விவரம்

பிரதமர் மோடியின் விரிவுபடுத்தப்பட்ட மத்திய அமைச்சரவையில் பலருக்கும் புதிய துறைகள் ஒதுக்கப்பட்டுள்ளன. பழைய அமைச்சர்களில் மூத்த அமைச்சர்கள் சிலர் தவிர்த்து, பிறரின் துறைகள் மாற்றப்பட்டுள்ளன. மெகா விரிவாக்கத்தின் மூலம் மத்திய அமைச்சரவையின் பலம் 53 என்ற எண்ணிக்கையில் இருந்து 77 ஆக அதிகரித்து உள்ளது. அவர்களுக்கு ஒதுக்கப்பட்டுள்ள துறைகளின் விவரம்:   பிரதமர் நரேந்திர மோடி: பணியாளர், குறைதீர், ஓய்வூதியம்; அணுசக்தி, விண்வெளி, முக்கிய கொள்கை விவகாரங்கள், பிற அமைச்சர்களுக்கு ஒதுக்கப்படாத துறைகள்   கேபினட் அமைச்சர்கள்   1. ராஜ்நாத் சிங் - பாதுகாப்புத் துறை 2. அமித் ஷா - உள்துறை, கூட்டுறவுத் துறை 3. நிதின் ஜெய்ராம் கட்கரி - சாலை போக்குவரத்து, நெடுஞ்சாலைத்துறை 4. நிர்மலா சீதாராமன் - நிதி, கார்பரேட் விவகாரங்கள் 5. நரேந்திர சிங் தோமர் - வேளாண் மற்றும் விவசாயிகள் நலன் 6. டாக்டர். சுப்ரமணியம் ஜெய்சங்கர் - வெளியுறவு விவகாரங்கள் 7. அர்ஜுன் முண்டா - பழங்குடியின விவகாரங்கள் 8. ஸ்மிரிதி இரானி - பெண்கள், குழந்தைகள் நலத்துறை 9. பியூஷ் கோயல் - வர்த்தகம், தொழிற்துறை; நுகர்வோர் விவகாரங்கள், உணவு, பொது விநியோகத்துறை; ஜவுளித்துறை 10. தர்மேந்திர பிரதான் - கல்வி, திறன் மேம்பாடு மற்றும் தொழில்முனைவோர் துறை 11. பிரஹ்லாத் ஜோஷி - நாடாளுமன்ற விவகாரங்கள்; நிலக்கரி, கனிம வளம் 12. நாராயண் தாட்டு ராணே - குறு, சிறு மற்றும் நடுத்தர நிறுவனங்கள் துறை 13. சர்பானந்த சோனோவால் - துறைமுகங்கள், கப்பல், நீர்வழித்துறை, ஆயுஷ் 14. முக்தார் அப்பாஸ் நக்வி - சிறுபான்மையினர் விவகாரங்கள் 15. விரேந்திர குமார் - சமூக நீதி மற்றும் அதிகாரமளித்தல் துறை 16. கிரிராஜ் சிங் - கிராமப்புற வளர்ச்சி மற்றும் பஞ்சாயத்து ராஜ் 17. ஜோதிராதித்ய சிந்தியா - சிவில் விமான போக்குவரத்து 18. ராம்சந்திர பிரசாத் சிங் - எஃகு 19. அஷ்வினி வைஷ்ணவ் - ரயில்வே; தொலைத்தொடர்பு, மின்னணு மற்றும் தகவல் தொழில்நுட்பத்துறை 20. பஷுபதி குமார் பராஸ் - உணவு பதப்படுத்துதல் தொழிற்சாலைகள் 21. கஜேந்திர சிங் ஷெகாவத் - ஜல சக்தி 22. கிரெண் ரிஜிஜு - சட்டம் மற்றும் நீதி 23. ராஜ் குமார் சிங் - மின்சாரம் மற்றும் புதிய மற்றும் புதுப்பிக்கவல்ல எரிசக்தித்துறை 24. ஹர்தீப் சிங் பூரி - பெட்ரோலியம், இயற்கை எரிவாயு மற்றும் வீட்டுவசதி, நகர்ப்புற விவகாரங்கள் 25. மன்சூக் மாண்டவியா - சுகாதாரம் மற்றும் குடும்ப நலம் மற்றும் ரசாயனம், உரத்துறை 26. பூபேந்தர் யாதவ் - சுற்றுச்சூழல், வனம், பருவநிலை மாற்றம் மற்றும் தொழிலாளர் நலத்துறை 27. மகேந்திர நாத் பாண்டே - கனரக தொழிற்சாலைகள் துறை 28. பர்ஷோத்தம் ரூபாலா - மீன் வளம், கால்நடை பராமரிப்பு, பால் பண்ணை 29. கிஷ்ண் ரெட்டி - கலாசாரம், சுற்றுலா மற்றும் வடகிழக்கு பிராந்திய மேம்பாடு 30. அனுராக் சிங் தாக்குர் - தகவல் ஒலிபரப்புத்துறை; இளைஞர் விவகாரங்கள் மற்றும் விளையாட்டுத்துறை   மத்திய இணை அமைச்சர்கள் (தனிப்பொறுப்பு)   31. ராவ் இந்தர்ஜித் சிங் - புள்ளியல் மற்றும் திட்ட அமலாக்கம் (தனிப்பொறுப்பு); திட்டத்துறை (தனிப்பொறுப்பு); கார்பரேட் விவகாரங்கள் 32. ஜிதேந்திர சிங் - அறிவியல் தொழில்நுட்பம் (தனிப்பொறுப்பு); புவி அறிவியல் (தனிப்பொறுப்பு); பிரதமர் அலுவலகம்; பணியாளர், மக்கள் குறை தீர், ஓய்வூதியம்; அணுசக்தி, விண்வெளி   மத்திய இணை அமைச்சர்கள்   33. ஸ்ரீபாத் யெஸ்ஸோ நாயக் - துறைமுகங்கள், கப்பல், நீர்வழி; சுற்றுலா 34. ஃபகன்சிங் குலஸ்தே - எஃகு; கிராமப்புற வளர்ச்சி 35. பிரஹ்லாத் சிங் படேல் - ஜல சக்தி; உணவு பதப்படுத்துதல் தொழிற்சாலைகள் 36. அஷ்வினி குமார் செளபே - நுகர்வோர் விவகாரங்கள், உணவு மற்றும் பொது விநியோகம்; சுற்றுச்சூழல், வனம், பருவநிலை மாற்றம் 37. அர்ஜுன் ராம் மேக்வால் - நாடாளுமன்ற விவகாரங்கள்; கலாசாரத்துறை 38. ஜெனரல் (ஓய்வு) வி.கே. சிங் - சாலை போக்குவரத்து, நெடுஞ்சாலை மற்றும் சிவில் விமான போக்குவரத்து 39. கிரிஷண் பால் - மின்சாரம் மற்றும் கனரக தொழிற்சாலைகள் 40. தன்வே ராவ்சாஹேப் தாதாராவ் - ரயில்வே; நிலக்கரி, கனிம வளங்கள் துறை 41. ராம்தாஸ் அத்வாலே - சமூக நீதி மற்றும் அதிகாரமளித்தல் துறை 41. சாத்வி நிரஞ்சன் ஜோதி - நுகர்வோர் விவகாரங்கள், உணவு மற்றும் பொது விநியோகம்; கிராமப்புற வளர்ச்சித்துறை 43. சஞ்சீவ் குமார் பல்யான் - மீன் வளம், கால்நடை பராமரிப்புத்துறை 44. நித்யானந்த் ராய் - உள்துறை விவகாரங்கள் 45. பங்கஜ் செளத்ரி - நிதித்துறை 46. அனுப்ரியா சிங் படேல் - வர்த்தகம் மற்றும் தொழிற்சாலைகள் துறை 47. பேராசிரியர் எஸ்.பி. சிங் பாகேல் - சட்டம் மற்றும் நீதித்துறை 48. ராஜீவ் சந்திரசேகர் - திறன் மேம்பாடு மற்றும் தொழில்முனைவோர்; மின்னணு மற்றும் தகவல் தொழில்நுட்பத்துறை 49. ஷோபா கரண்ட்லஜே - வேளாண் மற்றும் விவசாயிகள் நலன் 50. பானு பிரதாப் சிங் வெர்மா - குறு, சிறு, நடுத்தர நிறுவனங்கள் துறை 51. தர்ஷணா விக்ரம் ஜார்தோஷ் - ஜவுளித்துறை, ரயில்வே துறை 52. வி. முரளிதரன் - வெளியுறவு விவகாரங்கள்: நாடாளுமன்ற விவகாரங்கள் 53. மீனாக்ஷி லேகி - வெளியுறவு விவகாரங்கள், கலாசாரத்துறை 54. சோம் பர்காஷ் - வர்த்தகம் மற்றும் தொழிற்துறை 55. ரேணுகா சிங் சாருதா - பழங்குடியின விவகாரங்கள் 56. ராமேர்வர் டேலி - பெட்ரோலியம், இயற்கை எரிவாயு; தொழிலாளர் மற்றும் வேலைவாய்ப்புத்துறை 57. கைலாஷ் செளத்ரி - வேளாண் மற்றும் விவசாயிகள் நலன் 58. அன்னபூர்ண தேவி - கல்வித்துறை 59. ஏ. நாராயணசுவாமி - சமூக நீதி மற்றும் அதிகாரமளித்தல் துறை 60. கெளஷல் கிஷோர் - வீட்டுவசதி மற்றும் நகர்ப்புற விவகாரங்கள் 61. அஜய் பட் - பாதுகாப்பு; சுற்றுலா துறை 62. பி.எல். வெர்மா - வடகிழக்கு பிராந்திய மேம்பாடு; கூட்டுறவுத்துறை 63. அஜய் குமார் - உள்துறை விவகாரங்கள் 64. தேவ்சின்ஹ் செளஹான் - தொலைத்தொடர்புத்துறை 65. பக்வந்த் குபா - புதிய மற்றும் புதிப்பிக்கவல்ல எரிசக்தி; ரசாயனம் மற்றும் உரத்துறை 66. கபில் மோரேஸ்வர் பாட்டீல் - பஞ்சாயத்து ராஜ் 67. பிரதிமா பூமிக் - சமூக நீதி மற்றும் அதிகாரமளித்தல் துறை 68. சுபாஸ் சர்கார் - கல்வித்துறை 69. பக்வத் கிஷண் ராவ் கரத் - நிதித்துறை 70. ராஜ்குமார் ரஞ்சன் சிங் - வெளியுறவு விவகாரங்கள்; கல்வித்துறை 71. பாரதி பிரவீண் பவார் - சுகாதாரம் மற்றும் குடும்ப நலன் 72. பிஷேஸ்வர் துடு - பழங்குடியின விவகாரங்கள்; ஜல சக்தி 73. ஷாந்தனு தாக்குர் - துறைமுகங்கள், கப்பல் போக்குவரத்து, நீர்வழித்துறை 74. முஞ்சபாரா மஹேந்திரபாய் - பெண்கள் மற்றும் குழந்தைகள் நலத்துறை; ஆயுஷ் 75. ஜான் பார்லா - சிறுபான்மையினர் விவகாரங்கள் 76. எல். முருகன் - மீன் வளம், கால்நடை பராமரிப்பு,பால் பண்ணை; தகவல் ஒலிபரப்புத்துறை 77. நிஷிஷ் ப்ராமனிக் - உள்துறை விவகாரங்கள்; இளைஞர் விவகாரங்கள் மற்றும் விளையாட்டுத்துறை
http://dlvr.it/S3J84W

Read More

கொரோனா பேரிடரும் மத்திய அரசும்: சுகாதாரத் துறை அமைச்சர் ஹர்ஷ்வர்தன் ராஜினாமா பின்னணி

மத்திய அமைச்சரவை விரிவாக்கத்தின்படி, புதிதாக பதவியேற்கவுள்ள 43 மத்திய அமைச்சர்களின் பட்டியல் வெளியிடப்பட்டுள்ள நிலையில், அதற்கு முன்பாக மத்திய சுகாதாரத் துறை அமைச்சர் ஹர்ஷ்வர்தன் தனது பதவியை ராஜினாமா செய்தார். இதற்கான பின்னணி இப்போது பேசுபொருளாகியுள்ளது. கடந்த 2019-ஆம் ஆண்டு நரேந்திர மோடி, 2-வது முறையாக பிரதமராகப் பதவியேற்றப் பிறகு, மத்திய அமைச்சரவை விரிவாக்கம் குறித்து பலமுறை பேசப்பட்டது. ஆனால், மாற்றியமைக்கப்படவில்லை. மத்திய அமைச்சர்களாக 81 வரை இருக்கலாம் என்ற நிலையில், தற்போது பிரதமர் நரேந்திர மோடியுடன் சேர்த்து 53 பேர் மட்டுமே உள்ளனர். இந்த நிலையில் உத்தரப் பிரதேசம், உத்தராகண்ட், கோவா, மணிப்பூர், பஞ்சாப் மாநிலங்களில் அடுத்த ஆண்டு தேர்தல் நடைபெறவிருக்கிறது. இந்த மாநில மக்களை கவர வேண்டிய கட்டாயத்தில், பாஜக ஆளும் மாநிலங்களில் நிலவும் உட்கட்சி (தலைமை) பிரச்னையை சரிசெய்யும் வகையிலும், அதேபோல் கூட்டணி கட்சிகளுக்கு பிரதிநிதித்துவம் கொடுக்கும் நிலையில் மத்திய பாஜக உள்ளது. வேளாண் சட்டங்கள் விவகாரத்தில் மத்திய அமைச்சரவையில் இடம்பெற்றிருந்த சிரோன்மணி அகாலி தளம் விலகியது. அதேபோல சிவசேனாவும் கூட்டணியிலிருந்து வெளியேறியது. தற்போதைய நிலையில், ராம்தாஸ் அத்வாலே மட்டுமே, பாஜக அல்லாத அமைச்சராக உள்ளார். என்றாலும், தமிழகத்தில் அதிமுக, பீகாரில் நிதிஷ் குமாரின் கட்சி போன்றவை கடந்த சில ஆண்டுகளாகவே பாஜகவுடன் நெருக்கமாக பயணித்து வருகின்றன. என்றாலும் இதுபோன்ற கட்சிகளுக்கு மத்திய அரசில் எந்த பங்கும் இல்லை. இப்படியான நிலையில்தான் மத்திய அமைச்சரவை விரிவாக்கம் செய்யப்பட்டுள்ளது. புதிதாக பதவியேற்கவுள்ள 43 மத்திய அமைச்சர்களின் பட்டியல் வெளியிடப்பட்டுள்ளது. தமிழகத்தைச் சேர்ந்த எல்.முருகன் உள்ளிட்ட 43 பேர் புதிய அமைச்சர்களாக பதவியேற்க உள்ளனர் இந்த அமைச்சரவை விரிவாக்கத்தின் எதிரொலியாக, மத்திய அமைச்சர்கள் பலரும் தங்கள் பதவியை ராஜினாமா செய்துள்ளனர். மத்திய கல்வி அமைச்சர் ரமேஷ் போக்ரியால் நிஷாங்க், தொழிலாளர் அமைச்சர் சந்தோஷ் கங்வார், சதானந்த கவுடா, தேபஸ்ரீ சவுத்ரி, சஞ்சய் தோத்ரே மற்றும் ரத்தன் லால் கட்டாரியா ஆகியோர் வரிசையில் மத்திய சுகாதாரத் துறை அமைச்சர் ஹர்ஷ்வர்தனும் தனது பதவியை ராஜினாமா செய்துள்ளார். ஹர்ஷ்வர்தனின் ராஜினாமா பேசுபொருளாகியுள்ளது. ஏனென்றால், இந்தியாவின் கொரோனா தொற்றுநோய்க்கு எதிரான பேரிடர் போராட்டத்தை கடந்த 18 மாதங்களுக்கும் மேலாக தலைமை தாங்கி நடத்தி வந்தவர் அமைச்சர் ஹர்ஷ்வர்தன். என்றாலும் கொரோனா முதல் அலையின்போது இவரின் தலைமையில் சிறப்பாக செயல்பட்ட சுகாதாரத்துறை, ஏப்ரல் - மே மாதங்களில் நிகழ்ந்த கொரோனா இரண்டாவது அலையில் பெரிதும் தடுமாறிப் போனது. சரியான முன்னெச்சரிக்கை நடவடிக்கை எடுக்கவில்லை என்பதில் இருந்து இந்தியாவின் சுகாதார உள்கட்டமைப்பில் மிகப் பெரிய தோல்வி ஏற்பட்டது என்பது வரை பல்வேறு விமர்சனங்கள் மத்திய அரசை நோக்கி பாய்ந்தன. இதன் காரணமாக கடந்த இரண்டு மாதங்களில் மக்கள் கொத்துக்கொத்தாக கொரோனா தொற்றால் மிக மோசமாக பாதிக்கப்பட்டனர். அவர்களின் சிகிச்சைக்கு தேவையான ஆக்ஸிஜன், மருத்துவமனை படுக்கைகள் மற்றும் தடுப்பூசி பற்றாக்குறைகள் பெரும் சர்ச்சையாக வெடித்தது. இதையடுத்து அரசு செய்ததை விட தனியார் அமைப்புகள், தனியார் நிறுவனங்கள், பெரு நிறுவனங்கள், தனி நபர்கள் ஆற்றிய உதவியால் இந்தியா இந்தப் பற்றாக்குறையில் இருந்து மீண்டு வந்தது. இதேபோல் தடுப்பூசி திட்டங்களும் எதிர்பார்த்ததுபோல் வேகமாக இல்லை. மாநில அரசுகள் இலவச தடுப்பூசி கோரி போர்க்கொடி தூக்கிய சம்பவங்களும் நடைபெற்றன. சுகாதாரத்துறை அமைச்சர் என்கிற ரீதியில் இந்தச் சம்பவங்களுக்கு பொறுப்பாக கருதப்படும் ஹர்ஷ்வர்தனின் செயல்பாடற்ற தன்மை குறித்து பாஜக தலைமை அதிருப்தி தெரிவித்ததன் காரணமாக இப்போது ராஜினாமா செய்துள்ளார். இவர் மட்டுமல்ல, இவருக்கு துணையாக சுகாதாரத் துறை இணை அமைச்சராக இருந்து அஷ்வின் குமார் சவுத்ரியும் தனது பதவியை ராஜினாமா செய்துள்ளார். இவர்களுக்குப் பதில் அடுத்த மத்திய சுகாதாரத் துறை அமைச்சராக யார் பதவியேற்பார் என்ற எதிர்பார்ப்பு எழுந்துள்ளது. அடுத்தடுத்த மாதங்களில் கொரோனா 3-ம் அலை ஏற்படும் என மருத்துவ நிபுணர்கள் கூறிவரும் நிலையில், இந்தியாவை அதிலிருந்து காக்க, குறைந்துள்ள தடுப்பூசி செலுத்தும் பணிகள் உள்ளிட்ட பிரச்னைகளை சுமூகமாக கையாளக் கூடிய நபராக யார் அந்தப் பதவிக்கு தேர்வு செய்யப்படுவார் என்ற எதிர்பார்ப்பு இப்போதே எழுந்துள்ளது.
http://dlvr.it/S3HKGP

Read More

வீட்டை விட்டு ஓடிவந்து, ஹேர்கட் செய்து, பையனைப் போல வாழ்ந்த சிறுமி; மீட்ட மும்பை போலீஸ்!

மும்பை அருகில் உள்ள பீவாண்டி என்ற இடத்தில் சாலையோரம் இரவு நேரங்களில் சிறுவன் ஒருவன் படுத்து உறங்குவதை போலீஸார் கவனித்தனர். பீட் மார்ஷல் போலீஸார் ஒரு முறை அச்சிறுவனை எழுப்பி விசாரித்த போது சரியாக பதில் சொல்லவில்லை. இதையடுத்து அவர்கள் உள்ளூர் போலீஸில் அவனை ஒப்படைத்தனர். அவனிடம் போலீஸார் விசாரித்த போது, தனது ஊர் நாக்பூர் என்று தெரிவித்தார். அதோடு, இந்தியிலும் பேசியிருக்கிறான். ஆனாலும் அவர் பெற்றோர் குறித்த விபரங்களைத் தெரிவிக்க மறுத்துள்ளான். பின் போலீஸார் அவனிடம் நடத்திய தொடர் விசாரணையில்தான், அவர் உண்மையில் பையனே இல்லை என்றும், 16 வயதுச் சிறுமி என்றும் தெரிய வந்தது. புனே ஹடப்சர் பகுதியைச் சேர்ந்த அச்சிறுமி தன் அம்மாவுடன் கோபித்துக்கொண்டு மும்பைக்கு வந்துள்ளார்.Mumbai (Representational Image) கடந்த ஆறு மாதத்திற்கு முன்பு மும்பைக்கு ரயிலில் வந்த அச்சிறுமி தாதர் ரயில் நிலையத்தில் வந்து இறங்கி இருக்கிறார். பெண்ணாக இருந்தால் பாதுகாப்பு இருக்காது என்று கருதி, தனது முடியை பையன் போல வெட்டிக்கொண்டார். பின்னர் அங்கிருந்து அருகில் உள்ள பீவாண்டிக்குச் சென்றார். அங்கு ஆண்கள் அணியும் ஆடைகளை இரவல் வாங்கி அணிந்து கொண்டு பையனாகவே வாழ ஆரம்பித்தார். தோற்றத்துக்காக, தன்னை பையன் போல முழுமையாக மாற்றிக்கொண்டார். உடல் மொழியிலும் ஆண் போலவே தன்னை வெளிப்படுத்தினார். தன் பெயரையும் சமீர் ஷேக் என்று கூறிக்கொண்டார். சிறு சிறு வேலைகளை செய்ததோடு யாசித்தும் வாழ்ந்து வந்தார் அச்சிறுமி. அங்குள்ள கடைக்காரர்கள் அச்சிறுமிக்கு சாப்பாடு கொடுத்துள்ளனர். அங்குள்ள சாலையோரங்களில் இரவு நேரத்தில் படுத்து உறங்குவதை வாடிக்கையாகக் கொண்டுள்ளார்.பெற்றோருடன் சேர்க்கப்பட்ட சிறுமி Also Read: `கொரோனா தடுப்பூசிக்குப் பின் எனக்கு பார்வை திரும்பிவிட்டது!' - வியப்பூட்டும் மகாராஷ்டிர பெண் போலீஸார் இந்த விவரங்களை அறிந்தவுடன் புனே போலீஸாரைத் தொடர்பு கொண்டு பேசினர். ஏற்கெனவே அச்சிறுமியைக் காணவில்லை என்று அவர் அம்மா புகார் கொடுத்திருந்தார். இதனால் புனே போலீஸார் அவர் அம்மாவை வரவழைத்து விசாரித்தனர். ஆரம்பத்தில் அச்சிறுமி தன் அம்மாவுடன் போனில் பேச மறுத்தார். போலீஸார், வாட்ஸ்அப் மூலம் வீடியோ கால் செய்து அச்சிறுமியை பேசச் செய்தனர். அவரை அவரின் அம்மா அடையாளம் கண்டுகொண்டார். இதையடுத்து அவர் அம்மா உடனே மும்பை வந்து தன் மகளை அழைத்துச் சென்றார். இனிமேல் இது போல நடந்து கொள்ளக்கூடாது என்று போலீஸார் அறிவுரை வழங்கி இருவரையும் அனுப்பி வைத்தனர். சிறுமியின் அப்பா இறந்துவிட்ட நிலையில், அவரின் அம்மா அரவணைப்பில்தான் முன்பு சிறுமி வாழ்ந்து வந்திருக்கிறார்.
http://dlvr.it/S3Dlx0

Read More

கோபா அமெரிக்கா: பரபரப்பான அரையிறுதியில் 'பெனால்டி ஷூட் அவுட்'டில் அர்ஜென்டினா வெற்றி

கோபா அமெரிக்கா கால்பந்தாட்டப் போட்டியில் இன்று நடைபெற்ற அரையிறுதி ஆட்டத்தில், பெனால்டி ஷூட் அவுட் முறையில்  3-2 என்ற கோல் கணக்கில் கொலம்பியாவை வீழ்த்தி இறுதி ஆட்டத்துக்கு தகுதிப் பெற்றது அர்ஜென்டினா. கோபா அமெரிக்கா கால்பந்தாட்ட இறுதிப் போட்டிக்கு ஏற்கெனவே பிரேசில் தகுதிப்பெற்றுவிட்ட நிலையில் இன்று அர்ஜென்டினா - கொலம்பியா அணிகள் இடையிலான இரண்டாவது அரையிறுதிப் போட்டி நடைபெற்றது. இந்தப் போட்டியின் முதல் பாதியின் 7 ஆவது நிமிடத்திலேயே அர்ஜென்டினாவின் மார்டினஸ் முதல் கோலை பதிவு செய்தார். இதனையடுத்து சுதாரித்துக்கொண்ட கொலம்பிய வீரர்கள் தாங்களும் கோல் போடும் முயற்சியில் ஈடுபட்டனர். ஆனால் முதல் பாதி முழுவதிலும் கொலம்பியாவால் கோல் கணக்கை தொடங்க முடியவில்லை. இதனையடுத்து இரண்டாம் பாதியின் 61-ஆவது நிமிடத்தில் கொலம்பியாவின் டியாஸ் முதல் கோலை பதிவு செய்தார். இதனால் ஆட்டத்தில் விறுவிறுப்பு பற்றிக்கொண்டது. இதனையடுத்து அர்ஜென்டினா 2-ஆவது கோலை பதிவு செய்ய கடினமாக முயற்சி செய்தது. நட்சத்திர வீரரான மெஸ்ஸி தனக்கு கிடைத்த வாய்ப்பை கோலாக மாற்ற முடியாமல் பந்தை போஸ்ட்டில் அடித்தார். இதனையடுத்து 1-1 என்ற கணக்கில் இரு அணிகளும் இருந்தபோது ஆட்ட நேரம் முடிவுக்கு வந்தது. இதனையடுத்து வெற்றியாளரை தீர்மானிக்கும் பெனால்ட்டி ஷூட் அவுட் முறை கொண்டு வரப்பட்டது. இதில் அர்ஜென்டினா 3 கோல்களும் கொலம்பியா 2 கோல்களும் பதிவு செய்தது. இதனையடுத்து அர்ஜென்டினா வெற்றிப்பெற்று இறுதி ஆட்டத்துக்கு தகுதிப் பெற்றது.
http://dlvr.it/S3D8N1

Read More

ஒருபக்கம் மேக்கேதாட்டூ... மறுபக்கம் தென்பெண்ணை! - அடங்காத கர்நாடகா; தடுக்குமா தமிழக அரசு?

கர்நாடக மாநிலம் கனகபுறா மாவட்டத்தில் உள்ள மேக்கேதாட்டூ பகுதியில் புதிதாக அணை கட்ட கர்நாடக அரசு முயற்சிகளை மேற்கொண்டு வருகிறது. கர்நாடக அரசின் அணைக் கட்டும் முயற்சிக்குத் தமிழக அரசு எதிர்ப்பு தெரிவிக்கக்கூடாது என கர்நாடக முதல்வர் எடியூரப்பா தமிழ்நாடு முதல்வர் மு.க.ஸ்டாலினுக்குக் கடிதம் எழுதியிருந்தார். இதற்கு “மேக்கேதாட்டூ அணை தமிழ்நாடு விவசாயிகளைக் கண்டிப்பாகப் பாதிக்கும். பெங்களூருவின் சிறிதளவு குடிநீர்த் தேவைக்காக, தமிழ்நாடு விவசாயிகளின் வாழ்க்கையை அழிப்பது நியாயம் இல்லை. மேக்கேதாட்டூ அணை கட்டக்கூடாது'' எனப் பதிலளித்திருந்தார் முதல்வர் மு.க.ஸ்டாலின். தமிழ்நாடு எதிர்க்கட்சித் தலைவர் எடப்பாடி பழனிசாமி, துணை எதிர்க்கட்சித் தலைவர் ஓ.பன்னீர்செல்வம், பா.ம.க. நிறுவனர் ராமதாஸ் ஆகியோர் கர்நாடகாவுக்கு எதிராக அறிக்கை வெளியிட்டுள்ளனர். அதேபோல கர்நாடக அரசியல் தலைவர்களும் கட்சி பேதங்களை மறந்து ஓரணியில் திரளத் தொடங்கியுள்ளனர்.ஸ்டாலின் - எடியூரப்பா மேலும், கிருஷ்ணகிரி, தருமபுரி, திருவண்ணாமலை, வேலூர், விழுப்புரம், கடலூர் ஆகிய ஆறு மாவட்டங்களுக்குப் பாசன ஆதாரமாக விளங்கும் மார்க்கண்டேய நதியின் குறுக்கே கர்நாடக அரசு புதிய அணையைக் கட்டியிருப்பதும் தமிழக விவசாயிகள் மத்தியில் அதிர்ச்சியை உண்டாக்கியுள்ளது. ஒருபக்கம் மேக்கேதாட்டூ, மறுபக்கம் தென்பெண்ணை என தமிழகத்தின் அனைத்து நீர் ஆதாரத்தையும் தடுக்கும் நடவடிக்கையைக் கர்நாடக அரசு எடுத்து வருகிறது. இதற்கு எதிராகத் தமிழக அரசு எடுக்கவுள்ள, எடுக்க வேண்டிய நடவடிக்கை என்ன? Also Read: மார்க்கண்டேய நதி அணை விவகாரம்: `மத்திய அரசுதான் காரணம்!’ - மோதிக்கொள்ளும் பா.ம.க., பா.ஜ.க! கர்நாடகா உடனான நதி நீர்ப்பங்கீட்டுப் பிரச்னையில் தமிழக அரசின் நடவடிக்கை எப்படி இருக்க வேண்டும் எனத் தமிழக பா.ஜ.க பொருளாளர் எஸ்.ஆர்.சேகரிடம் கேட்டோம் “உரிமையாக, சட்டத்தின் அடிப்படையில் தமிழ்நாடு மக்களுக்குக் கிடைக்க வேண்டியது எதுவாக இருந்தாலும் அது கிடைத்தே ஆக வேண்டும். அதற்கு எப்போதும் தமிழக பா.ஜ.க உறுதுணையாக இருக்கும். உயர்நீதிமன்ற தலைமை நீதிபதி தமிழ்மணி மேக்கேதாட்டூ தண்ணீரைத் தமிழ்நாடு கோருவதற்கு எந்த சட்ட உரிமையும் இல்லை எனக் கூறியிருக்கிறார். வேறு மாநிலத்துடன் மோதுவது, பிற மாநில பா.ஜ.க-வினர் சொல்லும் கருத்துக்கு இங்கிருக்கும் பா.ஜ.க பொறுப்பேற்க வேண்டும் என்றெல்லாம் பேசுவது பிரச்னையின் தீவிரத்தைத் திசை திருப்பும் முயற்சி. நமக்குத் தண்ணீர் வேண்டும். அது கிடைக்கவில்லை என்றால் நிச்சயம் போராட வேண்டும். உரிமை கோர வேண்டும். கர்நாடகவுடான நீர்ப் பங்கீடு அணையில் நமக்கேயானது என்று இருக்குமேயானால் அதைக் கேட்டுப் பெற்றே ஆக வேண்டும். அப்படிக் கேட்டுப் பெறுவதற்கு வாய்ப்பு இருக்கிறதா என்பதைக் கண்டறிய ஆய்வுக் குழுவை அமைக்க வேண்டும். இவற்றையெல்லாம் விட்டுவிட்டு மேலோட்டமாக இதைப் பற்றிப் பேசுவது முழுக்க முழுக்க அரசியலாக மட்டுமே இருக்கும். இப்படியெல்லாம் சொல்வதைக் கேட்காமல் கர்நாடகாவிலிருந்து தமிழகத்திற்குக் கிடைப்பதை பா.ஜ.க தடுக்கிறது. தமிழ் விரோதி பா.ஜ.க என்றெல்லாம் அரசியல் செய்தால் அதற்கு நாங்கள் ஆட்கள் இல்லை. மேக்கேதாட்டூவில் நமக்கு எந்த அளவிற்கு நீர்ப்பகிர்மானம் இருக்கிறது என்பதை இதுவரை தி.மு.க., அ.தி.மு.க ஆகிய இரண்டு அரசுகளும் உறுதி செய்யத் தவறிவிட்டனஎஸ்.ஆர்.சேகர் நீட் தேர்வு தடை, பெட்ரோல் டீசல் மானியம், சிலிண்டர் மானியம் எனத் தேர்தல் அறிக்கையில் நிறைய வாக்குறுதிகளைக் கொடுத்துவிட்டார்கள். ஆனால், அவை எதையும் இவர்களால் தற்போது நிறைவேற்ற முடியவில்லை. தங்களது தோல்வியை ஒப்புக்கொள்ள முடியாமல் அதை திசை திருப்பி மக்களைக் குழப்பத்திலேயே வைத்திருக்க வேண்டும் என்று நினைத்தவர்களுக்கு மேக்கேதாட்டூ, தென்பெண்ணை அணைப் பிரச்னை உதவிசெய்து கொண்டிருக்கிறது. திடீரென மேக்கேதாட்டூ பிரச்னையைப் பேசுகிறது. தி.மு.க பேசுகிறது என்பதற்காகவே இந்தப் பிரச்னையை சந்தேகத்துக்கு உள்ளாக்க வேண்டியிருக்கிறது. ஏனென்றால் இவர்கள் தி.மு.க உண்மையைச் சொன்னதே கிடையாது” என முதலில் நமக்கு மேக்கேதாட்டூவில் இருக்கும் உரிமை குறித்துத் தெளிவடைந்த பின்னர்தான் போராட்டங்கள், வழக்குகள் என அடுத்தகட்ட நடவடிக்கைகளை மேற்கொள்ள வேண்டும் எனக் கூறினார். Also Read: தென்பெண்ணை ஆற்றில் 162 அடி உயர அணை, அத்துமீறிய கர்நாடகா; அதிர்ச்சியில் தமிழகம்! தமிழ்நாடு அரசின் முயற்சிகளுக்குக் காங்கிரஸின் ஒத்துழைப்பு எந்தளவு இருக்கும் என அக்கட்சியின் மூத்த தலைவர் கோபண்ணாவிடம் பேசினோம் “கிருஷ்ணராச சாகர், கபினி அவற்றிற்கு அடுத்து 'பிலிகுண்டுலு' என்ற இடம்தான் தமிழ்நாட்டுக்குக் கர்நாடகா அளிக்கும் நீரின் அளவை அளவிடும் இடம். இவற்றிற்கு இடைப்பட்ட பகுதியில் 9 ஆயிரம் கோடி ரூபாய் செலவில் 70 டி.எம்.சி தண்ணீரைத் தேக்கக் கூடிய அளவில் மேகதாது அணை கட்டப்படுமானால் தமிழ்நாட்டிற்கு வரும் நீரின் அளவு குறைவதோடு, வளர்ச்சியும் வெகுவாகப் பாதிக்கப்படும். காவிரிப் படுகை விவசாயிகள் பாதிக்கப்படுவார்கள். இதனால்தான் அதைத் தமிழ்நாடு கடுமையாக எதிர்க்கிறது. பேச்சுவார்த்தையின் மூலம் எந்தப் பயனும் ஏற்படவில்லை என்பதால்தான் தொடர்ந்து உச்சநீதிமன்றத்தில் வழக்குகளைத் தொடர்ந்து போராடி வருகிறோம். வழக்கைத் தீவிரமாக நடத்துவதில் தமிழ்நாடு அரசு தீவிரமாக இருக்கிறது. வழக்கு நிலுவையில் இருக்கும்போது மத்திய சுற்றுச்சூழல் அமைச்சகம் அணை கட்டுவதற்கு நிச்சயமாக அனுமதி அளிக்கக்கூடாது. உச்சநீதிமன்ற தீர்ப்பின்படி நமக்குத் தர வேண்டிய நீரைத் தந்துதான் ஆக வேண்டும். அதற்கு எதிராக எந்த நடவடிக்கையை எடுத்தாலும் அது உச்சநீதிமன்றத் தீர்ப்புக்கு எதிரானது. மேக்கேதாட்டூ அணை கட்டுவதைத் தமிழக அரசு நிச்சயம் தடுத்து நிறுத்தும் என்ற நம்பிக்கை இருக்கிறது.கோபண்ணா கர்நாடக காங்கிரஸ் தலைவர் ஜி.கே.சிவக்குமாரின் கருத்துக்குத் தமிழக காங்கிரஸ் கமிட்டி தலைவர் கடுமையான எதிர்ப்புகளைத் தெரிவித்துவிட்டார். ஆனால், தமிழக பா.ஜ.க தலைவர் எல்.முருகன் பிரதமரைச் சந்தித்துவிட்டு காவிரி நீர்ப்பிரச்னையில் தமிழக அரசுதான் தவறு இழைத்துள்ளது என்பதுபோலப் பேசியிருக்கிறார். தமிழக பா.ஜ.க தலைவர் கர்நாடகாவுக்கு ஆதரவாகவும் தமிழ்நாட்டின் நலனுக்கு எதிராகவும் பேசுவது கடுமையாகக் கண்டிக்கத்தக்கது” எனப் பிற மாநிலத்தைச் சேர்ந்த தன் கட்சியின் தலைவர் பேச்சுக்குக் கண்டனம் தெரிவித்ததோடு தமிழ்நாடு அரசின் முயற்சிக்குக் காங்கிரஸ் கட்சி உறுதுணையாக இருக்கும் எனவும் உத்தரவாதம் அளித்தார். தமிழ்நாடு அரசு என்ன செய்யப் போகிறது என தி.மு.க நாடாளுமன்ற உறுப்பினர் கலாநிதி வீராசாமி “மேக்கேதாட்டூ பிரச்னையை முதலில் எழுப்பியது கர்நாடகம்தான். எனவே, நாங்கள் பிரச்னையை திசைதிருப்ப தற்போது மேக்கேதாட்டூ அணை விவகாரத்தைக் கையில் எடுத்துள்ளோம் என்று சொல்வது அர்த்தமற்ற வாதம். ஒரு நதியில் அணை கட்ட வேண்டும் என்றால் அந்த நதியினால் பலனடையும் அனைத்து மாநிலங்களும் கலந்து ஆலோசித்தபின்தான் அதற்குரிய நடவடிக்கையை எடுக்க வேண்டும் என்று உச்சநீதிமன்றம் தீர்ப்பு வழங்கியுள்ளது. கர்நாடக அரசு அணை கட்ட போகிறோம் என்று சொன்னதுமே தமிழ்நாடு அரசு அதற்கு எதிர்ப்பு தெரிவித்துள்ளது. பிரதமரச் சந்தித்தபோது தமிழ்நாடு முதல்வர் மு.க.ஸ்டாலின் அவர்கள் இந்த விவகாரம் தொடர்பாகக் கவனத்துக்குக் கொண்டு சென்றிருக்கிறார். இவற்றையும் மீறி கர்நாடக மாநில முதல்வர் அணை கட்டுவது தொடர்பாகக் கடிதம் எழுதியபோது ‘இது இரு மாநில உறவைப் பாதிக்கும் முடிவு’ என முதல்வர் மு.க.ஸ்டாலின் பதிலளித்திருக்கிறார். Also Read: விழுப்புரம் தென்பெண்ணை ஆற்றில் 4 ஆண்டுகளுக்கு பிறகு கரைபுரண்டோடும் வெள்ளம்... படங்கள் - டி.சிலம்பரசன்கலாநிதி வீராசாமி தி.மு.க எம்பி காவிரி நதி நீர் மேலாண்மையை ஜல் ஜீவன் சக்தி என்ற அமைச்சகத்தில் இணைத்தற்கும் நாங்கள் எதிர்ப்பு தெரிவித்திருக்கிறோம். அது மாநில அரசின் கட்டுப்பாட்டில் நிர்வாகத்தின் கீழ்தான் இருக்க வேண்டும். ஒன்றிய அரசின் கீழ் சென்றால் அது சுதந்திரமாகச் செயல்பட முடியாது என்பதையும் தெளிவுபடுத்தியிருக்கிறோம். எல்லா வழிகளிலும் கர்நாடக அரசின் செயலுக்கு தி.மு.க எதிர்ப்பு தெரிவித்துத்தான் வருகிறது. உச்சநீதிமன்றத்தின் மூலம்தான் உறுதியான, வலுவான முடிவு எட்டப்படும் என்பதால் தொடர்ந்து அங்கே முறையிடுகிறோம். முடிவு எட்டும்வரை தொடர்ந்து சட்ட ரீதியிலான போராட்டத்தை முன்னெடுப்போம்” எனத் தமிழ்நாடு அரசு செய்ய உள்ளதைத் தீர்க்கமாக விளக்கிக் கூறினார்.
http://dlvr.it/S3CKh4

Read More

யானைகளைத் தாக்கும் ஹெர்ப்ஸ் வைரஸ்; 2 யானைகள் பலி; 2 யானைகள் தீவிர சிகிச்சையில்; என்ன நடக்கிறது?

கேரளா திருவனந்தபுரம் அருகே கோட்டூர் காப்புக்காடு பகுதியில் யானைகள் வளர்ப்பு முகாம் உள்ளது. இதை கேரளா வனத்துறை பராமரித்து வருகிறது. அங்கு ஏராளமான யானைகள் பராமரிக்கப்பட்டு வருகின்றன. கடந்த வாரம் அந்த முகாமில் இருந்த ஒன்றரை வயதே ஆன ஶ்ரீ குட்டி என்கிற பெண் யானை உயிரிழந்தது. ஹெர்ப்ஸ் என்ற வைரஸ் தாக்கி ஶ்ரீ குட்டி உயிரிழந்தது.கேரளா யானைகள் முகாம் Also Read: ̀ராஜ தந்திரங்கள் அனைத்தும் வீணாகிவிட்டதே!' - வனத்துறையை பின்வாங்க வைத்த `பாகுபலி' யானை இதையடுத்து, வனத்துறை மருத்துவக்குழு மற்ற யானைகளுக்கும் சோதனை செய்தனர். அதில் அர்ஜூன் என்றழைக்கப்படும் ஆறு வயது ஆண் யானைக்கும் ஹெர்ப்ஸ் தொற்று உறுதியானது. அர்ஜூனுக்கு சிகிச்சை அளிக்கப்பட்டு வந்தது. இந்நிலையில் சிகிச்சைப் பலனின்றி அர்ஜூன் யானையும் உயிரிழந்துவிட்டது. கண்ணன் மற்றும் அமினா என்றழைக்கப்படும் இரண்டு குட்டி யானைகளும் ஹெர்ப்ஸ் வைரஸ் பாதிக்கப்பட்டு மோசமான நிலையில் சிகிச்சை பெற்று வருகின்றன.குட்டி யானை உயிரிழப்பு இது கேரளாவில் பேரதிர்ச்சியையும், பெரும் சோகத்தையும் ஏற்படுத்தியுள்ளது. ஶ்ரீ குட்டி தனது சுட்டித்தனத்தால் சுற்றுலாப் பயணிகளைக் கவரும். இரண்டு யானைகள் உயிரிழப்பு குறித்து வனத்துறையினர் தீவிர விசாரணை நடத்தி வருகின்றனர். சிறப்பு மருத்துவக்குழு அமைத்து, வைரஸ் பாதித்த யானைகளிடமிருந்து மற்ற யானைகளுக்கு வைரஸ் பரவாமல் இருப்பதற்கான முன்னெச்சரிக்கை நடவடிக்கைகள் எடுக்கப்பட்டு வருகின்றன. யானைகளை மட்டுமே குறிவைத்து தாக்கும் இந்த வைரஸ் குறித்து மருத்துவக்குழுவினர் ஆய்வு நடத்தி வருகின்றனர்.கடந்த ஆண்டு பிறந்தநாள் கொண்டாடிய ஶ்ரீ குட்டி வைரஸ் பரவலால் கோட்டூர் முகாமில் உள்ள யானைகளை முதுமலை அல்லது வேறு பகுதிகளுக்கு மாற்றி பாதுகாக்க வேண்டும் என்று வனவிலங்கு ஆர்வலர்கள் கோரிக்கை வைத்து வருகின்றனர்.
http://dlvr.it/S38qKp

Read More

மார்க்கண்டேய நதி அணை விவகாரம்: `மத்திய அரசுதான் காரணம்!’ - மோதிக்கொள்ளும் பா.ம.க, பா.ஜ.க!

தமிழ்நாட்டின் ஆறு மாவட்டங்களுக்கு பாசன ஆதாரமாக விளங்கும் மார்க்கண்டேய நதியின் குறுக்கே கர்நாடக அரசு புதிய அணையைக் கட்டியிருப்பது தமிழக விவசாயிகள் மத்தியில் அதிர்ச்சியை உண்டாக்கியுள்ளது. 1892-ம் ஆண்டு போடப்பட்ட சென்னை - மைசூர் மாகாண ஒப்பந்தத்தை கர்நாடக அரசு மீறியுள்ளதாகவும் சமூக ஆர்வலர்கள் குற்றம் சாட்டுகின்றனர். கர்நாடக மாநிலம், சிக்பளாபூர் மாவட்டத்தில் உள்ள, நந்திமலையில் உற்பத்தியாகிறது, பெண்ணையாறு. இது தமிழகத்தில் பாயும்போது, தென்பெண்ணையாறு என்று அழைக்கப்படுகிறது. இதன் துணை நதியான மார்க்கண்டேய நதி, தமிழகத்தின் கிருஷ்ணகிரி, தர்மபுரி, திருவண்ணாமலை, வேலூர், விழுப்புரம், கடலூர் ஆகிய ஆறு மாவட்டங்களில் பாய்ந்தோடி வங்கக் கடலில் கலக்கிறது. இந்தநிலையில், தற்போது கட்டப்பட்டுள்ள புதிய அணையின் மூலம், இந்த ஆறு மாவட்டங்களின் விவசாயம் பாதிக்கப்படுவதோடு மட்டுமல்லாமல், குடிநீர் தட்டுப்பாடும் ஏற்படும் அபாயம் உள்ளதாக எச்சரிக்கின்றனர் சமூக ஆர்வலர்கள். மதிமுக பொதுச்செயலாளர் வைகோ, பாமக இளைஞரணித் தலைவர் அன்புமணி இராமதாஸ் ஆகியோர் கர்நாடக அரசின் இந்தச் செயலுக்குத் தங்களின் கண்டனங்களைத் தெரிவித்துள்ளனர். தென்பெண்ணை ஆறு இந்தநிலையில் கர்நாடக அரசின் புதிய அணை குறித்து, பா.ம.க இளைஞரணிச் செயலாளர் அன்புமணி இராமதாஸ் வெளியிட்டுள்ள அறிக்கையில், '' காவிரி ஆற்று நீர் பிரச்சினையில் கர்நாடக அரசு எவ்வாறு அனைத்து விதிகளையும், ஒப்பந்தங்களையும், அறத்தையும் காலில் போட்டு மிதித்து விட்டு சுயநலத்துடன் நடந்து கொண்டதோ, அதே போல் தான் தென்பெண்ணையாற்றின் துணை நதியான மார்க்கண்டேய நதியின் குறுக்கே புதிய அணை கட்டுவதிலும் நடந்து கொண்டது. மார்க்கண்டேய நதியில் அணை கட்ட தடைவிதிக்க வேண்டும்; பெண்ணையாற்றின் குறுக்கே தமிழக அரசின் ஒப்புதல் இல்லாமல் எந்த பாசனத் திட்டங்களையும் செயல்படுத்தக் கூடாது என்று கர்நாடக அரசுக்கு ஆணையிட வேண்டும் என்று கோரி தமிழக அரசு உச்ச நீதிமன்றத்தில் வழக்கு தொடர்ந்தது. அந்த வழக்கை 2019-ம் ஆண்டு நவம்பர் 14-ம் தேதி தள்ளுபடி செய்த உச்ச நீதிமன்றம், தென்பெண்ணையாற்று சிக்கலைத் தீர்க்க தீர்ப்பாயம் அமைக்குமாறு மத்திய அரசை அணுகும்படி அறிவுறுத்தியது. அதன்படி தமிழக அரசும் மத்திய அரசிடம் விண்ணப்பித்தது. அதையேற்று தீர்ப்பாயத்தை மத்திய அரசு அமைத்திருந்தால், மார்க்கண்டேய ஆற்றில் அணை கட்டப்படுவதை தடுத்திருக்கலாம். ஆனால், தீர்ப்பாயத்தை அமைப்பதற்கு பதிலாக பேச்சுவார்த்தை நடத்தக் குழு அமைத்தது.அன்புமணி இரு மாநிலங்களுக்கு இடையே பிப்ரவரி 24, ஜூலை 7-ம் தேதி ஆகிய இரண்டு இரு முறை பேச்சு நடத்திய மத்திய அரசு குழு, அந்தப் பேச்சுகளில் உடன்பாடு எட்டப்படாததால், இந்த பிரச்னைக்கு தீர்வு காண நடுவர் மன்றத்தை அமைக்கும்படி கடந்த ஆண்டு ஜூலை 31-ம் தேதி மத்திய அரசுக்கு அறிக்கை அளித்தது. அப்போதே நடுவர் மன்றம் அமைத்திருந்தால் கூட அணையை தடுத்திருக்க முடியும். ஆனால், கடந்த ஆண்டு இறுதி வரை நடுவர் மன்றம் அமைக்கப்படாத நிலையில், அதையும், கொரோனா சூழலையும் பயன்படுத்திக் கொண்டு கர்நாடகம் அணை கட்டி முடித்துவிட்டது. இந்த விவகாரத்தை தமிழக அரசு உடனடியாக மத்திய அரசின் கவனத்துக்குக் கொண்டு சென்று கர்நாடக அரசு மீது நடவடிக்கை எடுக்க வலியுறுத்த வேண்டும். நடுவர் மன்றத்திலும் இந்த சிக்கலை எழுப்பி சட்டவிரோதமாக, அனுமதியின்றி கட்டப்பட்ட அணையை அகற்ற ஆணையிடும்படி வலியுறுத்த வேண்டும்'' என்று அறிக்கை வெளியிட்டுள்ளார். Also Read: ``உச்சநீதிமன்ற உத்தரவுக்கு முற்றிலும் விரோதமானது” -மேகதாது அணை விவகாரத்தில் ஸ்டாலின் கண்டனம் இந்தநிலையில் இந்த விவகாரம் குறித்து, பாலாற்றுப் பாதுகாப்புக் கூட்டியக்கத்தின் ஒருங்கிணைப்பாளர் காஞ்சி அமுதன் பேசும்போது, '' 1897-ம் ஆண்டு போடப்பட்ட ஒப்பந்தத்தை கர்நாடக அரசு மீறியிருக்கிறது. இந்தியாவில் சட்டத்தின் ஆட்சி நடக்கவில்லை என்பதையே இது காட்டுகிறது. இந்தியப் பிரதமர் மோடி ஒரே நாடு என்றெல்லாம் பேசுகிறார். ஆனால், பா.ஜ.க ஆட்சி செய்யும் மாநிலத்திலேயே அதற்கு எதிரான நடவடிக்கைகள் மேற்கொள்ளப்படுகிறது. அதை மத்திய பா.ஜ.க அரசும் கண்டுகொள்ளாமல் இருக்கிறது. மதகு, ஷட்டர் போன்ற எந்த வசதிகளும் இந்த அணையில் இல்லை. இது அராஜகத்தின் உச்சம். கர்நாடகத்தை ஆளுகின்ற பா.ஜ.க அரசு அரசியல் அமைப்புச் சட்டத்தை மீறியிருக்கிறது. தேசிய ஒருமைப்பாட்டுக்கு எதிராகச் செயல்பட்டிருக்கிறது. கர்நாடக அரசின் மீது மத்திய அரசு உரிய நடவடிக்கை எடுக்கவேண்டும். கர்நாடக நீர்ப்பாசனைத்துறை அமைச்சரைக் கைது செய்து சிறையில் அடைக்கவேண்டும். தமிழ்நாட்டின் அனைத்துக் கட்சிகளும் ஒற்றுமையாக இருந்து கர்நாடக அரசின் இந்தச் சட்டவிரோத செயல்பாட்டை தடுத்து நிறுத்த வேண்டும்'' என்கிறார் கோபமாக.காஞ்சி அமுதன் தி.மு.க செய்தித்தொடர்பு இணைச் செயலாளர், ராஜீவ்காந்தி பேசும்போது, '' ஒன்றிய அரசிடமோ, தமிழகத்திடமோ எந்தவித செய்தியையும் தெரிவிக்காமல் ஒரே இரவில் ஒரு அணையைத் திறந்திருக்கிறது கர்நாடகா அரசு. இது நீதிமன்ற விதிகளுக்கு, கீழ்மடை உரிமைக்கு எதிரானது. அணைக் கட்டுமானத்தின்போது ஒன்றிய அரசோ, கடந்த அதிமுக தலைமையிலான தமிழக அரசோ கவனிக்காமல் விட்டது அதிர்ச்சியாக இருக்கிறது. தமிழக அரசு சட்டரீதியான நடவடிக்கைகளை மேற்கொள்ளும். '' என்கிறார் அவர். துரைமுருகன், நீர்வளத்துறை அமைச்சர்''2017-இல் மத்திய நீர்வள குழுமத்தின் பொறியாளர்கள் ஆய்வு செய்தபோது கர்நாடக அரசு அப்பகுதியில் குடிநீர் தேவைக்காகவும் நிலநீரை செரிவூட்டுவதற்காகவும் சுமார் 0.5 டி.எம்.சி கொள்ளலவுள்ள ஒரு அணையை கட்டியிருப்பதாகவும் தெரிவித்துள்ளது. கர்நாடகாவின் இச்செயலை தமிழ்நாடு அரசு தொடர்ந்து எதிர்த்து வந்துள்ளது. உச்சநீதிமன்றத்தில் 18.5.2018-இல் ஒரு அசல் வழக்கும் ஒரு இடைக்கால மனுவும் தாக்கல் செய்ததன் பேரில் உச்சநீதிமன்றம் 14.11.2019 அன்று அளித்த தீர்ப்பில் இப்பிரச்சனைக்கு தீர்வு காண ஒரு நடுவர் மன்றம் அமைக்க வேண்டும் என்று ஆணையிட்டது. இந்த நடுவர் மன்றத்தை அமைக்க தமிழ்நாடு அரசு தொடர்ந்து ஒன்றிய அரசை வலியுறுத்தி வந்துள்ளது. '' அ.தி.மு.க அரசின் மீதான குற்றச்சாட்டுகள் குறித்து, அதிமுகவின் செய்தித் தொடர்பாளர், சிவசங்கரியிடம் பேசினோம், '' கடந்த அதிமுக அரசு தொடர்ந்து சரியான நடவடிக்கைகளைத்தான் எடுத்து வந்தது. 2018-ல் தமிழக அரசின் சார்பாக வழக்குத் தொடர்ந்தோம். தொடர்ந்து உச்ச நீதிமன்றத்தின் வழிகாட்டுதல்படி, மத்திய அரசின் ஜல்சக்தித் துறையின் மூலம் பேச்சுவார்த்தை நடத்தி வந்தோம். கொரோனா பாதிப்புகள் ஏற்படவே, பேச்சுவார்த்தை தொடர்ந்து நடைபெறவில்லை. இந்த நேரத்தில் கர்நாடக அரசாங்கத்தினர், அவசர அவசரமாக அணையைக் கட்டி முடித்துள்ளனர். அண்டை மாநிலங்களின் அனுமதி இல்லாமல், ஒரு மாநிலம் புதிதாக அணை கட்டக்கூடாது என உச்சநீதிமன்றம் அறிவுறுத்தியிருக்கிறது. ஆனால், கர்நாடக அரசு தொடர்ந்து சட்டத்தை மீறி வருகிறது. உச்சநீதிமன்றத்தின் தீர்ப்பையும் மதிப்பதில்லை. பக்கத்து மாநில மக்களின் உணர்வுகளையும் மதிப்பதில்லை. இந்தியாவில் ஒரு மாநிலம் என்பதை மறந்து தனிநாடு போல் கர்நாடகா செயல்படுகிறது'' என்கிறார் அவர்.நாராயணன் திருப்பதி பா.ஜ.க செய்தித் தொடர்பாளர் நாராயணன் திருப்பதியிடம் பேசினோம், '' 2008-ம் ஆண்டு இந்த அணைக்கான அரசாணை கர்நாடக அரசால் பிறப்பிக்கப்பட்டுள்ளது. இந்த அணைக் கட்டுமானத்துக்காக திட்ட மதிப்பீடு 240 கோடி. அப்போதைய காங்கிரஸ் தலைமையிலான மத்திய அரசாங்கம் 80 கோடி ரூபாய் நிதி உதவி செய்துள்ளது. அதுமட்டுமல்ல, இந்த அணைக் கட்டுமானத்தை எதிர்த்து தமிழக அரசு, 2018-ல் தான் வழக்கு தொடர்ந்தது. இந்த விவகாரம் தொடர்பாக, தீர்ப்பாயம் அமைக்க தமிழக அரசோ, கர்நாடக அரசோ கோரவில்லை என உச்சநீதிமன்றம் அந்த வழக்கை 2020-ம் ஆண்டு தள்ளுபடி செய்துவிட்டது. இந்த விஷயத்தில் யார் மீது தவறிருக்கிறது என மக்கள் புரிந்துகொள்வார்கள். இந்த அணையைக் கட்ட ஆரம்பித்த காலத்தில், தமிழ்நாட்டில் திமுகவும் மத்தியில் திமுக அங்கம் வகித்த காங்கிரஸும்தான் ஆட்சியில் இருந்தது. அதேபோல, தற்போது மத்திய அரசைக் குற்றம் சுமத்தும், அன்புமணி இராமதாஸ் மத்திய அமைச்சராக இருந்தபோதுதான், அப்போதைய இந்திய அரசு, அணை கட்ட 80 கோடி நிதி ஒதுக்கியது. அதுமட்டுமல்ல, தமிழகத்திலும் அவர்கள் அங்கம் வகித்த தி.மு.கவின் ஆட்சிதான் இருந்தது. அப்போது ஏன் அமைதியாக இருந்தார்கள் என்பதற்கான பதிலைச் சொல்லிவிட்டு அன்புமணி இராமதாஸ் பா.ஜ.கவை எதிர்த்துக் கேள்வி கேட்கட்டும்'' என்கிறார் அவர். இந்த அணை விவகாரம் தொடர்பாக, அறிக்கை வெளியிட்டுள்ள, தமிழக நீர்வளத்துறை அமைச்சர், துரைமுருகன், ''நடுவர் மன்றத்தின் மூலம் இப்பிரச்சனைக்கு தீர்வு காணப்படும்'' என நம்பிக்கை தெரிவித்துள்ளார்.
http://dlvr.it/S38FgS

Read More