This website has been Hacked

This website has been Hacked
http://dlvr.it/S3TnxN

Read More

மும்பை: பரிசுப் பணம் தர மறுத்த பெற்றோர்! -3 மாத குழந்தையை உயிருடன் புதைத்த வழக்கில் திருநங்கை கைது

மும்பையில் குறிப்பிட்ட பகுதிகளில் புதிதாக குழந்தை பிறந்திருப்பது குறித்து திருநங்கைகளுக்கு தெரிய வந்தால், அந்த வீட்டிற்கு வந்து குழந்தையை ஆசிர்வாதம் செய்துவிட்டு பரிசுப் பணம், சேலை வாங்கி செல்வது வழக்கம். அது போன்று தென்மும்பை கஃப்பரேடு பகுதியில் உள்ள அம்பேத்கர் நகரில் வசிக்கும் சச்சின் என்பவருக்கு கடந்த 3 மாதங்களுக்கு முன்பு பெண் குழந்தை பிறந்திருந்தது. அக்குழந்தைக்கு ஆர்யா என்று பெயரிட்டு அழைத்து வந்தனர். சித்தரிப்பு படம் இது குறித்து கேள்விப்பட்ட கன்னு சவுலே(28) என்ற திருநங்கை குழந்தை பிறந்த வீட்டிற்கு வந்தார். அவர் குழந்தையை ஆசிர்வாதம் செய்துவிட்டு பரிசுப்பணம் ரூ.1100, சேலை மற்றும் தேங்காய் கேட்டார். ஆனால் வீட்டில் இருந்தவர்கள் கொடுக்க மறுத்தனர். அதோடு கொரோனாவால் தங்கள் இருவருக்கும் வேலை பறிபோய்விட்டதாகவும், கொடுக்க பணம் இல்லை என்றும் தெரிவித்தனர். இதனால் அவர்களுக்குள் வாக்குவாதம் ஏற்பட்டது. இதனால் திருநங்கை கோபத்தில் அங்கிருந்து சென்றுவிட்டார். கன்னு சோகமாக இருப்பது குறித்து அவரது தோழி விசாரித்த போது பரிசு பணம் கொடுக்க மறுத்தது குறித்து தெரிவித்துள்ளார். இதனால் அதிகாலை 2 மணிக்கு அதே பகுதிக்கு இருவரும் வந்தனர். சம்பந்தப்பட்ட குழந்தை இருக்கும் வீட்டின் கதவு திறந்திருந்தது. உடனே உள்ளே சென்று குழந்தையை அவர்கள் கடத்தி சென்றுவிட்டனர். அவர்கள் குழந்தையை அருகில் உள்ள கடற்கரை கழிமுகப்பகுதியில் உயிருடன் புதைத்துவிட்டனர். காலையில் எழுந்த பெற்றோருக்கு குழந்தையை காணாது அதிர்ச்சியடைந்தனர். அவர்கள் அருகில் உள்ள வீடுகளில் விசாரித்தனர். ஆனால் எந்த வித தகவலும் கிடைக்கவில்லை. இதனால் குழந்தையை காணவில்லை என்று போலீஸில் புகார் செய்தனர். போலீஸார் வழக்குப் பதிவு செய்து விசாரித்து வந்தனர். ஆனால் எங்கும் கிடைக்கவில்லை. வெள்ளிக்கிழமை அமாவாசை என்பதால் நரபலி கொடுக்க யாராவது கடத்தினார்களா என்ற கோணத்திலும் விசாரித்தனர். அதன் முந்தைய நாள் என்ன நடந்தது என்பது குறித்து குழந்தையின் பெற்றோரிடம் விசாரித்தனர். இதில் திருநங்கை வந்து பணம் கேட்டது குறித்தும் வாக்குவாதத்தில் ஈடுபட்டதும் குறித்தும் போலீஸாரிடம் தெரிவித்தனர். இதனை தொடர்ந்து கண்காணிப்பு கேமரா உதவியுடன் திருநங்ககையை பிடித்து விசாரித்த போது அவர் உண்மையை ஒப்புக்கொண்டார். அவர்கள் அளித்த தகவல்களின் அடிப்படையில் குழந்தையின் உடல் மீட்கப்பட்டது. இதையடுத்து குற்றவாளிகள் இரண்டு பேரையும் போலீஸார் கைது செய்தனர். கைதான திருநங்கை அவர்கள் குழந்தையை கழுத்தை நெரித்து கொலை செய்ததனரா என்பது குறித்து பிரேத பரிசோதனை அறிக்கையில் தெரிய வரும் என்று மும்பை போலீஸ் செய்தித்தொடர்பாளர் சைத்தன்யா தெரிவித்தார். குழந்தையின் பாட்டி இந்துபாய் இது குறித்து கூறுகையில், ``அவருக்கு ரூ.200 தருவதாக தெரிவித்தோம். ஆனால் 1100 ரூபாய் கேட்டார். அதனால் எங்களால் கொடுக்க முடியவில்லை. எங்களது ஒரே பேத்திக்கு முறைப்படி பெயர் கூட வைக்காமல் வெறுமனே ஆர்யா என்று மட்டும் அழைத்து வந்தோம்” என்று கண்ணீர் மல்க தெரிவித்தார். ஆசிர்வாதம் செய்ததற்கு பணம் கொடுக்காததற்கு குழந்தையையே கடத்தி கொலை செய்த சம்பவம் மிகவும் அதிர்ச்சியை ஏற்படுத்தி இருக்கிறது. Also Read: ஒரு கொலை... இரண்டு தற்கொலை... விபரீதமாகிப்போன ஃபேஸ்புக் காதல் விளையாட்டு!
http://dlvr.it/S3SQ57

Read More

மும்பை: பூஜையின்போது ஆடையில் தீப்பிடித்தது! - மாநகராட்சி முன்னாள் கமிஷனர் உடல் கருகி பலி

மும்பையில் 1999-01ம் ஆண்டு வரை மாநகராட்சி கமிஷனராக இருந்தவர் நளினக்‌ஷன்(79). இவர் தனது பதவியில் இருந்து ஓய்வு பெற்ற பிறகு சொந்த ஊரான கேரளாவிற்கு செல்லாமல் தொடர்ந்து மும்பை சர்ச்கேட் பகுதியில் வசித்து வந்தார். பணியில் இருந்து ஓய்வு பெற்ற பிறகு ஆன்மிகத்தில் அதிக ஈடுபாடு கொண்டிருந்த நளினக்‌ஷன், தினமும் காலையில் எழுந்தவுடன் குளித்துவிட்டு சாமிக்கு பூஜை செய்வதை வழக்கமாக கொண்டிருந்தார். நளினக்‌ஷன் புதன் கிழமை காலையிலும் அதே போன்று குளித்துவிட்டு பூஜையில் ஈடுபட்டிருந்தார். அப்போது எதிர்பாராத விதமாக பூஜை அறையில் இருந்த விளக்கில் இருந்த தீ, நளினக்‌ஷன் லுங்கியில் பற்றிக்கொண்டது. அவர் அவசரத்தில் தீயை அணைக்க முயன்ற போது எதிர்பாராத விதமாக பூஜை அறை கதவு உள்பக்கமாக பூட்டிக்கொண்டது. சம்பவம் நடந்த போது அனைவரும் வீட்டில் இருந்த போதும் அவர்களால் உடனே அவரை காப்பாற்ற முடியவில்லை. மாற்றுச்சாவி மூலம் கதவை திறந்த போது அவரது லுங்கி தீப்பற்றி எரிந்திருந்தது. லுங்கியை அவர் பெல்ட்டால் இருக்க கட்டி இருந்ததால் அதனை உடனே அவிழ்க்க முடியவில்லை. அவரை குடும்பத்தினர் அருகில் உள்ள பைகுலா மசினா மருத்துவமனையில் சேர்த்தனர். அவர் 90 சதவீதம் அளவுக்கு தீக்காயம் அடைந்திருந்தார். அவருக்கு டாக்டர்கள் தீவிர சிகிச்சையளித்தனர். ஆனால் துரதிஷ்டவசமாக சிகிச்சை பலனலிக்காமல் வெள்ளிக்கிழமை மாலையில் உயிரிழந்துவிட்டார். அவருக்கு மனைவி மற்றும் மூன்று மகன்கள் இருக்கின்றனர். ஒரு மகன் ஹாங்காங்கில் இருக்கிறார். இது குறித்து அவரது மகன் ஸ்ரீஜித் கூறுகையில், ``எனது தந்தை எப்போதும் பூஜையை மறந்ததில்லை. அவர் பூஜையில் இருந்த போது லுங்கியில் தீப்பிடித்துக்கொண்டது” என்று தெரிவித்தார். Also Read: "தேவ பிரசன்னம் முடிந்த பின் விசாரணை அறிக்கை..."- மண்டைக்காடு தீ விபத்து குறித்து அமைச்சர் சேகர்பாபு!
http://dlvr.it/S3Rfbc

Read More

`காவிரி அரசியல்' - பிரிட்டிஷ் ஆட்சி முதல் எம்.ஜி.ஆர் ஆட்சிவரை நடந்தது என்ன? - பாகம் 01

காவிரி நதி கர்நாடகா மாநிலம் தலைக் காவிரியில் உருவாகி, தமிழகத்தின் நாகப்பட்டினத்தில் உள்ள கடலில் கலக்கிறது. கர்நாடகாவில் திறக்கப்படும் காவிரி நீர் ஒகேனக்கல் வழியாக மேட்டூர் அணைக்கு வந்து சேருகிறது. தமிழகத்தில் டெல்டா விவசாயிகளின் முக்கிய வாழ்வாதாரமாகக் காவிரி நீர் அமைத்துள்ளது. 800 கிலோ மீட்டர் நீளம் கொண்ட இந்த ஆறு, 320 கிலோ மீட்டர் கர்நாடகத்திலும், 416 கிலோ மீட்டர் தமிழகத்திற்குள்ளும் ஓடுகிறது. 64 கிலோ மீட்டர் மாநிலங்களுக்கு பொதுவான எல்லைக்குட்பட்ட பகுதியில் ஓடுகிறது. தமிழகம், கர்நாடக, கேரளா ஆகிய மூன்று மாநிலங்களும் புதுச்சேரி யூனியன் பிரதேசமும் காவிரி நதி நீரை நம்பியுள்ளது. காவிரி நதியின் மொத்த ஆற்று நீர் பிடிப்பு பகுதியாக 81,155 சதுர கிலோமீட்டர் கணக்கிடப்பட்டுள்ளது. இதில் தமிழகத்தில் 44,016 சதுர கிலோமீட்டரும், கர்நாடகத்தில் 34,273 சதுர கிலோமீட்டரும், கேரளாவில் 2,866 சதுர கிலோமீட்டரும் இடம் பெறுகிறது. தமிழகத்தில் சேலம் முதல் நாகை வரை உள்ள பத்து மாவட்டங்கள் காவிரி நீரைச் சார்ந்துள்ளது.காவிரி காவிரி நதி நீர் பிரச்னை தண்ணீர் பிரச்னை என்பதைத் தாண்டி அதில் நீண்ட கால அரசியலும் அடங்கியுள்ளது. இந்த பிரச்னை பற்றி தெரிந்துகொள்ளச் சற்று பின்னோக்கி செல்லவேண்டும். காவிரி பிரச்னை இன்று நேற்று இல்லை நூறு ஆண்டுகளுக்கு முன்னர் தொடங்கியது. 1870-ம் ஆண்டுகளின் முற்பகுதியில் மைசூர் சமஸ்தானம் காவிரி நதியில் சில நீர் மேலாண்மை திட்டங்களைக் கொண்டுவர முடிவெடுத்தது. இந்த திட்டங்களின் மூலம், மெட்ராஸ் ராஜதானி அரசுக்கு வரவேண்டிய தண்ணீர் வராமல் போகுமோ என்று மைசூர் சமஸ்தானத்திற்குக் கடிதம் எழுதுகிறது. 1890-ம் ஆண்டு மெட்ராஸ் மற்றும் மைசூருக்குமிடையே முதற்கட்ட பேச்சுவார்த்தை நடைபெறுகிறது. அதைத் தொடர்ந்து இரண்டு அரசுகளுக்கும் பலகட்ட பேச்சுவார்த்தை தொடர்ந்து நடந்துவந்தது. கடைசியாக 1892-ம் ஆண்டு ஊட்டியில் நடைபெற்ற பேச்சுவார்த்தையில் ஒரு ஒப்பந்தம் கையெழுத்தானது. இந்த ஒப்பந்தத்தின் படி, மைசூர் மாகாணத்தில் உள்ள காவிரி, பாலாறு, சித்திராவதி, கபினி, துங்கா உள்ளிட்ட 15 முதன்மையான ஆறுகளில் மைசூர் அரசு மெட்ராஸ் மாகாணத்தின் ஒப்புதல் இல்லாது அணை கட்டக்கூடாது. இதில் இருவருக்கும் பிரச்னை தீர்க்கப்படவில்லை என்றால் இரண்டு அரசால் நியமிக்கப்படும் குழுவின் முடிவுக்கு விட்டுவிடவேண்டும் என்பது தான். எல்லாம் சரியாகவே சென்று கொண்டிருந்தது. 1906-ம் ஆண்டு மைசூர் அரசு கண்ணாம்பாடி என்ற இடத்தில் அணைகட்ட முடிவெடுத்தது. அதே நேரத்தில் மெட்ராஸ் மாகாணத்திலும் மேட்டூரில் ஒரு அணை கட்ட முடிவு செய்யப்பட்டது. இரண்டு அரசுகளுக்கு எத்தனையோ சுற்றுப் பேச்சு வார்த்தைகள் நடைபெற்றாலும் எந்த முடிவும் எட்டப்படவில்லை. கடைசியாக இரண்டு அரசுக்கும் தீர்ப்பாளராக நீதிபதி கிரிஃபின் நியமிக்கப்பட்டார்.காவிரி நதியைப் பொறுத்தவரை மழை பெய்தால் மட்டுமே தண்ணீர் எந்த சிக்கலும் இல்லாது திறந்து விட முடியும். மழை அளவு குறைந்தால், தண்ணீர் திறந்து விடுவதில் சிக்கல் ஏற்படும் நிலை தான் இருந்து வந்தது. விசாரணைகளுக்குப் பிறகு நீதிபதி கிரிஃபின், இரண்டு அரசுகளும் அணைகளைக் கட்டிக்கொள்ளலாம். அதோடு, மைசூர் அரசு மெட்ராஸுக்கு நொடிக்கு 22,750 கன அடி தண்ணீரை ஓடும்படி திறந்துவிடவேண்டும் என்று கூறினார். இதை ஏற்க மறுத்த மெட்ராஸ் மாகாணம் இந்திய அரசிடம் மேல் முறையீடு செய்தது. இந்த விவகாரங்களுக்கான பிரிட்டிஷ் அமைச்சகம் நேரடியாகத் தலையிட்டது. பின்னர் 1924-ம் ஆண்டு அணைக்கட்டுவது தொடர்பாக ஒப்பந்தம் கையெழுத்தானது. அதோடு, இரண்டு அரசுகளும் தங்களின் பாசனப் பகுதிகளை விரிவாக்கம் செய்துகொள்ளவும் ஒப்புதல் வழங்கப்பட்டது. இந்த ஒப்பந்தம் அடுத்த ஐம்பது ஆண்டுகளுக்கு உயிர்ப்புடன் இருக்கும் என்று தெரிவிக்கப்பட்டது. இந்த ஒப்புதலுக்குப் பின்னர் சின்ன சின்ன சிக்கல்கள் வந்து சென்றாலும், பெரிய அளவில் எந்த பிரச்னை இல்லாது தான் சென்று கொண்டிருந்தது. இந்தியா சுதந்திரம் அடைந்த பின்னர் 1956-ம் ஆண்டு மொழிவாரி மாநிலங்கள் பிரிக்கப்பட்டது. இதில், தலைக்காவிரி கர்நாடகத்தின் பகுதியானது. கேரளா மற்றும் புதுச்சேரியும் ஒரு பகுதி காவிரியில் பயனடைந்து வந்தது. இந்த மாநிலங்களும் நதிநீரில் பங்கு கேட்க தொடங்கியது. இந்நிலையில், 1960-ம் ஆண்டு கர்நாடக அரசு இரண்டு புதிய அணைகளைக் கட்டும் பணியைத் தொடங்கியது. தமிழகம் அரசு இந்த செயலுக்கு கடும் எதிர்ப்பு தெரிவித்தது. புதிய அணை கட்ட தமிழகத்திடம் ஒப்புதல் பெறவேண்டும் என்று கூறியது. 1968-ம் ஆண்டு தமிழகத்தில் அன்றைய முதல்வரை இருந்த அண்ணா கடும் எதிர்ப்பை தெரிவித்ததுடன், மத்திய அரசு இந்த விவகாரத்தில் தலையிடவேண்டும் என்று கோரிக்கையையும் வைத்தார். அந்த ஆண்டு, டெல்லியில் மாநில அரசுப் பிரதிநிதிகளின் கூட்டம் நடைபெற்றது. 1924-ம் ஆண்டு போடப்பட்ட ஒப்பந்தம் மீறப்படுகிறது என்று தமிழகம் சார்பில் கூறப்பட்டது. இந்த பேச்சுவார்த்தையில் எந்த உடன்படும் ஏற்படவில்லை.அண்ணா- கருணாநிதி 1969-ம் ஆண்டு அண்ணா மறைவுக்குப் பின்னர் கருணாநிதி முதலமைச்சர் பொறுப்பில் அமர்ந்தார். 1970-ம் ஆண்டு காவிரி நதி நீர் பங்கீடு தொடர்பாக முதலமைச்சர்கள் இடையே பேச்சு வார்த்தை நடைபெற்றது. இருந்த போதிலும், எந்த முடிவும் எட்டப்படவில்லை. 1971-ம் ஆண்டு காவிரி நடுவர் மன்றம் அமைக்க வேண்டுமென்று தமிழகச் சட்டமன்றத்தில் தீர்மானத்தை நிறைவேற்றப்பட்டது. இது தொடர்பாக உச்ச நீதிமன்றத்தில் தமிழக அரசு வழக்கு தொடரவும் செய்திருந்தது. அதே நேரத்தில் அணைக்கட்டும் வேலைகளை நிறுத்த தஞ்சை விவசாயிகள் சார்பில் முரசொலி மாறனும் ஒரு வழக்கைத் தொடர்ந்திருந்தார். 1972-ம் ஆண்டு அன்று பிரதமராக இருந்த இந்திரா காந்தி தமிழகம் வருகை புரிந்திருந்தார். அப்போது அவர் தமிழக அரசிடம் இந்த பிரச்னையை பேச்சுவார்த்தை மூலம் தீர்வு காணலாம் என்றும் வழக்கைத் திரும்பப் பெறவும் கூறியிருந்தார். இந்திரா காந்தி கூறியதை அடுத்து, தமிழக அரசு அனைத்து கட்சி கூட்டத்தைக் கூட்டி கலந்தாலோசனை செய்து தற்காலிகமா வழக்கும் திரும்பப் பெறப்பட்டது. அடுத்த மூன்று ஆண்டுகள் பல கட்ட பேச்சு வார்த்தை தொடர்ந்து நடைபெற்று வந்தது. எந்த பேச்சுவார்த்தையும் பலனளிக்காததால் 1975-ம் ஆண்டு நடுவர் மன்றம் அமைக்கக்கோரி மத்திய அரசுக்குக் கடிதம் எழுதப்பட்டது. 1976-ம் ஆண்டு எமர்ஜென்சியின் போது தமிழகத்தில் தி.மு.க ஆட்சி கலைக்கப்பட்டு குடியரசுத் தலைவர் ஆட்சி அமலுக்கு வந்தது. அந்த காலகட்டத்தில் மீண்டும் மத்திய அரசு ஒரு வரைவு ஒப்பந்தத்தைத் தயார் செய்தது. 1977-ம் ஆண்டு எம்.ஜி.ஆர் தலைமையிலான அரசு ஆட்சி வந்த போது மத்திய அரசின் ஒப்பந்தத்தை ஏற்கவில்லை.இந்திரா காந்தி, கருணாநிதி 1983-ம் ஆண்டு தமிழ்நாடு காவிரி நீர்ப் பாசன விளைபொருட்கள் விவசாயிகள் நல உரிமைப் பாதுகாப்புச் சங்கத்தினர் நடுவர் மன்றம் அமைக்கக் கோரி உச்ச நீதிமன்றத்தில் ஒரு வழக்கு தொடர்ந்தனர். 1986-ம் ஆண்டு தமிழக அரசு அந்த வழக்கில் தன்னை இணைத்துக்கொண்டது. இந்த வழக்கு விசாரணையில் மீண்டும் ஒருமுறை பேச்சுவார்த்தை நடத்த உச்சநீதிமன்றம் உத்தரவிட்டது. அந்த பேச்சுவார்த்தையும் எந்த பலனையும் அளிக்கவில்லை. இதையடுத்து 1988-ம் ஆண்டு நடுவர் மன்றம் அமைக்க மத்திய அரசுக்கு உத்தரவிடக்கோரி உச்ச நீதிமன்றத்தில் முறையிடப்பட்டது. இதற்கு இடையில் தமிழகத்தில் தண்ணீர் பிரச்னை ஏற்படும் போதெல்லாம் கர்நாடகத்திடம் பேச்சுவார்த்தை நடத்தி தண்ணீர் பெறும் செயல் நடைபெற்றுக்கொண்டு இருந்தது. தொடரும்… Also Read: காவிரி நீர் : கடைமடைப் பகுதியான பூம்புகாரை வந்தடைந்தது; மலர் தூவி வழிபட்டு வரவேற்ற மக்கள்!
http://dlvr.it/S3R16k

Read More

“பெண்களை இழிவாக பேசும் ஐ.லியோனி தமிழ்நாடு பாடநூல் கழகத்தின் தலைவரா?” : ஓபிஎஸ் கண்டனம்

திண்டுக்கல் ஐ.லியோனியை மாற்றிவிட்டு பெண்களை மதிக்கின்ற ஒருவரை தமிழ்நாடு பாடநூல் மற்றும் கல்வியியல் பணிகள் கழகத்தின் தலைவராக நியமிக்க வேண்டும் என அதிமுக ஒருங்கிணைப்பாளர் பன்னீர்செல்வம் தெரிவித்துள்ளார். இதுகுறித்து அவர் வெளியிட்டுள்ள அறிக்கையில், “இந்த செயலை இந்த கருவியால் இவன் முடிக்க வல்லவன் என்பதை தெரிந்துகொண்டு அவனிடம் அந்த வேலையை ஒப்படைக்க வேண்டும் என்ற திருவள்ளுவரின் வாக்கிற்கு முற்றிலும் முரணான வகையில் தமிழ்நாடு பாடநூல் மற்றும் கல்வியியல் பணிகள் கழகத்தின் தலைவர் நியமிக்கப்பட்டு இருப்பது வேதனை அளிக்கிறது. பள்ளி மாணவ, மாணவியருக்கு தரமான புத்தகங்கள் கிடைப்பதையும் தரத்தை தொடர்ந்து மேம்படுத்துவதும் தான் தமிழ்நாடு பாடநூல் மற்றும் கல்வியியல் பணிகள் கழகத்தின் முக்கிய நோக்கமாகும். இந்த கழகத்தின் தலைவராக திண்டுக்கல் ஐ.லியோனியை நியமித்து இருப்பது இந்த கழகத்தின் நோக்கத்தையே சிதைப்பதாக அமைந்துள்ளது. கழக ஒருங்கிணைப்பாளர் திரு. ஓ. பன்னீர்செல்வம் அவர்களின் அறிக்கை. pic.twitter.com/bbqEQwMl94 — AIADMK (@AIADMKOfficial) July 9, 2021 பட்டிமன்ற பெயரில் பெண்களை இழிவாக பேசுவதையும் அரசியல் கட்சி தலைவர்களை நாகூசும் வகையில் வசைபாடுவதையும், நாகரீகமற்ற கருத்துக்களை, தவறான கருத்துக்களை ஒழுக்கமற்ற கருத்துக்களை மக்கள் மனங்களில் விதைக்க தொடர்ந்து முயற்சி செய்வதையும் வாடிக்கையாக கொண்டவர் ஐ.லியோனி. நகைச்சுவை என்றப்பெயரில் அரசியல் கட்சி தலைவர்களை அருவறுப்பாக விமர்சிக்கக்கூடியவர் லியோனி. இவரை இந்த பதவியில் நியமிப்பதன்மூலம் தவறான கருத்துக்கள் மாணவ மாணவியரிடம் எடுத்து செல்லப்படுவதோடு அவர்களின் எதிர்காலம் வெகுவாக பாதிக்கப்படும். எனவே இந்த நியமனத்தை மறுபரிசீலனை செய்து பெண்களை மதிக்கின்ற ஒருவரை தமிழ்நாடு பாடநூல் மற்றும் கல்வியியல் பணிகள் கழகத்தின் தலைவராக நியமிக்க வேண்டும்” எனத் தெரிவித்துள்ளார்.
http://dlvr.it/S3PG6j

Read More

`சிவசேனா,தேசியவாத காங்கிரஸுக்கு பா.ஜ.க நன்றி சொல்லவேண்டும்!’ - மத்திய அமைச்சரவை குறித்து சிவசேனா

மத்திய அமைச்சரவை விரிவாக்கத்தில் மகாராஷ்டிராவை சேர்ந்த நான்கு பேருக்கு வாய்ப்பளிக்கப்பட்டுள்ளது. அவர்களில் நாராயண் ரானே உட்பட 3 பேர் வேறு கட்சியில் இருந்து பாஜகவுக்கு வந்தவர்கள் ஆவர். இதனை குறிப்பிட்டு பாஜகவை சிவசேனா கிண்டல் செய்துள்ளது. இது தொடர்பாக அக்கட்சியின் செய்தி தொடர்பாளர் சஞ்சய் ராவத், ``மத்திய அமைச்சரவையில் புதிதாக சேர்க்கப்பட்டுள்ள கபில் பாட்டீல், பாரதி பவார் ஆகியோர் இதற்கு முன்பு தேசியவாத காங்கிரஸ் கட்சியில் இருந்தவர்கள். நாராயண் ரானே சிவசேனா மற்றும் காங்கிரஸ் கட்சிகளில் இருந்தவர். எனவே மத்திய அமைச்சரவைக்கு மனித வளத்தை கொடுத்த சிவசேனா மற்றும் தேசியவாத காங்கிரஸ் கட்சிக்கு பாஜக நன்றி சொல்லவேண்டும். பிரதமர் நரேந்திரமோடி அவர்களுக்கு முக்கியமான இலாகாக்களை கொடுக்கும் முன்பாக எச்சரிக்கையுடன் இருக்கவேண்டும். நாராயண் ரானேயின் அந்தஸ்துக்கு அவருக்கு ஒதுக்கப்பட்ட துறை சிறியதாகும். sanjay raut ரானே இதற்கு முன்பு முதல்வராக இருந்திருக்கிறார். அதோடு முக்கிய இலாகாக்களையும் வகித்திருக்கிறார். கொரோனாவால் பாதிக்கப்பட்டுள்ள சிறுகுறு தொழில்களை மீட்டெடுத்து, வேலை வாய்ப்புக்களை உருவாக்குவது ரானேயிக்கு மிகவும் சவாலான காரியமாக இருக்கலாம்” என்றார். சிவசேனாவை எதிர்கொள்ளவே நாராயன் ரானேவுக்கு அமைச்சர் பதவி கொடுக்கப்பட்டுள்ளதா என்று கேட்டதற்கு, ``அப்படி செய்திருந்தால் அமைச்சரவையையும், அரசியல்சாசனத்தையும் அவமதித்ததாகும். அமைச்சர்களை மக்கள் பணியாற்ற நியமிக்கிறீர்களா அல்லது எதிர்கட்சிகளை குறிவைத்து நியமிக்கிறீர்களா” என்று கேள்வி எழுப்பிய சஞ்சய் ராவத், ``நான்கு முக்கியமான துறைகள் கிடைத்திருக்கிறது. இதன் மூலம் மக்களுக்கு சேவை செய்ய நல்ல சந்தர்ப்பம் கிடைத்திருக்கிறது” என்று தெரிவித்தார். அதேசமயம் பிரகாஷ் ஜவடேகரை மத்திய அமைச்சரவையில் இருந்து நீக்கியதை சஞ்சய் ராவத் விமர்சித்தார். மகாராஷ்டிராவின் கொங்கன் பகுதியில் சிவசேனா அதிக செல்வாக்குடன் இருக்கிறது. கொங்கன் பகுதியை சேர்ந்த நாராயண் ரானேவுக்கு அமைச்சர் பதவி கொடுத்து கொங்கன் பகுதியில் பாஜகவின் செல்வாக்கை அதிகரிக்க அக்கட்சி திட்டமிட்டுள்ளது. நாராயண் ரானே காங்கிரஸ் கட்சியில் இருந்த போது பல முறை சட்டமன்ற தேர்தலில் போட்டியிட்டு தோல்வியையே சந்தித்தார் என்பது குறிப்பிடத்தக்கது. Also Read: மத்திய அமைச்சரவை: தந்தை கவனித்த துறைக்கு மகன்; `புதிய துறைக்கு' அமித் ஷா! - யாருக்கு என்ன இலாகா?
http://dlvr.it/S3N3kW

Read More

கேரளா: 6 வயது சிறுமி கொலை; 3 ஆண்டுகளாக சிறார் வதை கொடூரம்! - டி.ஒய்.எஃப்.ஐ நிர்வாகி கைது

கேரள மாநிலம் இடுக்கி மாவட்டம் வண்டிப்பெரியாரில் சுரக்குளம் எஸ்டேட் அமைந்துள்ளது. இந்த பகுதியில் தமிழ்நாட்டை பூர்வீகமாகக்கொண்ட கூலித் தொழிலாளர்கள் அதிக அளவில் வசித்து வருகின்றனர். சுரக்குளம் எஸ்டேட்டில் உள்ள ஒரு வீட்டிற்குள் கடந்த 30-ம் தேதி ஆறு வயது சிறுமி கயிற்றில் தொங்கிய நிலையில் இறந்துகிடந்தார். அவரது பெற்றோர் காலையில் வேலைக்குச் சென்றுவிட்டு மாலையில்தான் வீடு திரும்புவார்கள். அந்த சிறுமியின் சகோதரன் முடிவெட்டச் சென்றிருந்த சமயத்தில் இந்த சம்பவம் நடந்திருக்கிறது. எனவே சிறுமி விளையாடும்போது, அறையில் தொங்கிக்கொண்டிருந்த கயிற்றில் கழுத்து சிக்கி இறந்திருக்கலாம் எனப் பெற்றோர் கருதினர். ஆனால், அவரது உடலை பிரேத பரிசோதனை செய்த கோட்டயம் மருத்துவக்கல்லூரி மருத்துவர்கள் சிறுமி பலமுறை சிறார் வதை செய்யப்பட்டிருப்பதாக பகீர் தகவலைத் தெரிவித்தனர்.கைது செய்யப்பட்ட டி.ஒய்.எஃப்.ஐ நிர்வாகி அர்ஜுன் இதையடுத்து விசாரணை நடத்திய போலீஸார் அந்த சிறுமியின் வீட்டை ஒட்டி வசித்துவந்த அர்ஜுன்(22) என்பவர் சிறுமியை சிறார் வதை செய்ததாக கண்டுபிடித்தனர். இதையடுத்து கடந்த 4- ஆம் தேதி அர்ஜுன் கைது செய்யப்பட்டார். சி.பி.எம் கட்சியின் இளைஞர் அமைப்பான டி.ஒய்.எஃப்.ஐ-யின் ஏரியா தலைவராக உள்ளார் அர்ஜுன். அந்த சிறுமியை மூன்று வயது முதலே பலமுறை சிறார் வதை செய்திருப்பதாக போலீஸ் விசாரணையில் அர்ஜுன் தெரிவித்திருக்கிறார். கடந்த மாதம் 30-ம் தேதி வீட்டில் யாரும் இல்லாத சமயத்தில் உள்ளே புகுந்த அர்ஜுன் சிறுமியை சிறார் வதை செய்திருக்கிறார். அதில் சிறுமி மயங்கியிருக்கிறார். அவள் இறந்துவிட்டாள் எனக்கருதிய அர்ஜுன் அந்த அறையில் தொங்கிக்கொண்டிருந்த கயிற்றில் சிறுமியை தொங்கவிட்டிருக்கிறார். அதன் பிறகு அங்கிருந்து வெளியேறிவிட்டார். பின்னர் சிறுமியின் சகோதரன் வீட்டில் சென்று பார்த்து சத்தம்போட்டிருக்கிறான். அதன்பின்னர் அப்பகுதியினர் சிறுமியை மீட்டு மருத்துவமனைக்கு கொண்டுசென்றனர். அங்கு, சிறுமி ஏற்கனவே இறந்துவிட்டதாக மருத்துவர்கள் தெரிவித்துள்ளனர்.போலீஸ் பிடியில் அர்ஜுன் மேலும் சிறார் வதை செய்யப்பட்டு சிறுமி கொலை செய்யப்பட்டது தெரியவந்தது. போலீஸார் அந்த பகுதியைச் சேர்ந்தவர்களிடம் விசாரணை நடத்தினர். அர்ஜுனிடம் விசாரணை நடத்தியபோது முன்னுக்குப் பின் முரணாக பதில்கூறி சிக்கிக்கொண்டார். டி.ஒய்.எஃப்.ஐ நிர்வாகி என்பதால் ஆளும் கட்சி மென்மையான விசாரணை நடத்துவதாக எதிர்கட்சியான காங்கிரஸ் குற்றம்சாட்டியுள்ளது. வண்டிப்பெரியாரில் ஆறுவயது சிறுமி மூன்று ஆண்டுகளாக சிறார் வதை செய்யப்பட்டு இறுதியில் கொலைச் செய்யப்பட்ட சம்பவம் அதிர்ச்சியை ஏற்படுத்தியுள்ளது.
http://dlvr.it/S3MFmy

Read More