“கொரோனா 3வது அலையின் ஆரம்ப கட்டத்தில் உலகம் உள்ளது” - எச்சரிக்கும் WHO

உலகம் கொரோனா மூன்றாவது அலையின் ஆரம்ப கட்டத்தில் இருப்பதாக உலக சுகாதார நிறுவனத்தின் முதன்மை இயக்குநர் டெட்ராஸ் அதேநாம் தெரிவித்துள்ளார்.  இதுகுறித்து செய்தியாளர்களை சந்தித்த அவர்,“ அதிகப்படியான தளர்வுகளால் பெரும்பாலான மக்கள் கொரோனா தடுப்பு வழிமுறைகளை பின்பற்றாமல் இருக்கின்றனர். இக்காரணங்களால் கொரோனா உறுதி செய்யப்படுவோர் எண்ணிக்கையும், கொரோனாவால் இறப்பவர்கள் எண்ணிக்கையும் உலகளவில் மீண்டுமொரு முறை அதிகரிக்கிறது.  கொரோனா திரிபை பொறுத்தவரை, இன்னும் பல கொரோனா திரிபுகள் இனிவரும் நாட்களில் உருவாகலாம். தற்போது 111 நாடுகளில் பரவியிருக்கும் டெல்டா வகை கொரோனா திரிபு இன்னும் வேகமாக உலகம் முழுவதும் விரைவில் பரவி மிகப்பெரிய தாக்கத்தை ஏற்படுத்தக்கூடும்" என்றார். மேலும் பேசியபோது, “கடந்த சில வாரங்களாக தடுப்பூசி விநியோகம் அதிகரிக்கப்பட்டதால் தென் அமெரிக்கா மற்றும் ஐரோப்பிய பகுதிகளில் கொரோனா புதிய தொற்றாளர்கள் எண்ணிக்கையும் இறப்பும் குறைந்து காணப்படுகிறது. இருப்பினும் உலக அளவில் அவை தற்போது ஏற்றமடைவதை தரவுகளின் வழியாக தெரிந்துக்கொள்ள முடிகிறது. கடந்த 10 வாரங்களாக குறைந்துவந்த உலகளாவிய கொரோனா இறப்பு எண்ணிக்கையும் தற்போது அதிகரித்துள்ளது. கொரோனாவின் தாக்கத்தை கட்டுப்படுத்த தடுப்பூசி விநியோகத்தை அதிகப்படுத்துவது அவசியம். ஆனால் தடுப்பூசி  மட்டுமே கொரோனாவை தடுக்காது. உடன், கூட்டம் கூடுதலை தவிர்ப்பது - சரியாக வழிமுறைகளை கையாள்வது போன்றவை மிக மிக அவசியம். தடுப்பூசி விநியோகத்தை பொறுத்தவரை உலகம் முழுவதும் ஏற்றத்தாழ்வுகள் மிக அதிகமாக இருக்கிறது. இந்த ஏற்றத்தாழ்வு காரணமாக, பணக்கார நாடுகள் யாவும், தடுப்பூசி விநியோகத்தை அதிகரித்து பாதுகாப்புடன் தளர்வுகளை அதிகப்படுத்தி வருகிறது. இதுவே ஏழை நாடுகளை பார்த்தால் தடுப்பூசி கிடைக்காததால் கொரோனாவே அவர்களின்மீது கருணை காட்டினால் மட்டுமே தப்பிக்க இயலும் என்ற நிலையில் உள்ளனர். இந்த இருவழி கையாளுதலை சரிசெய்ய, கொரோனா தடுப்பூசி விநியோகத்தை உலகளாவிய அளவில் உடனடியாக அதிகப்படுத்த வேண்டும். அனைத்து நாடுகளும் செப்டம்பர் இறுதிக்குள் தங்கள் மக்கள்தொகையில் குறைந்தபட்சம் 10% பேருக்காவது செப்டம்பர் இறுதிக்குள் முழுமையாக தடுப்பூசி செலுத்தியிருக்க வேண்டும். 2021 முடிவதற்குள் குறைந்தபட்சம் 40% பேருக்கும், 2022 ம் ஆண்டு பாதிக்குள் 70% பேருக்கும் தடுப்பூசி செலுத்தியிருக்க வேண்டும். அப்படி செய்தால் மட்டுமே கொரோனாவின் தாக்கத்தை ஓரளவாவது சமாளிக்க இயலும்” என்றார்.
http://dlvr.it/S3qFNK

Read More

``கேரளாவின் லாக்டௌன் அறிவியல்பூர்வமானதாக இல்லை!' - பினராயி விஜயனுக்கு கடிதம் எழுதிய IMA

கேரளாவில் அமல்படுத்தப்பட்டிருக்கும் பொதுமுடக்கம் பலனற்றதாகவும், அறிவியல்பூர்வமற்றதாக இருப்பதாகவும் இந்திய மருத்துவ சம்மேளனம் (IMA - Indian Medical Association) கேரள முதல்வருக்கு எழுதிய கடிதத்தில் குறிப்பிட்டிருக்கிறது. கொரோனா பரவலைக் கட்டுப்படுத்த வேண்டுமானால் தற்போது அமலில் இருக்கும் பொதுமுடக்கத்தில் மாற்றங்களைச் செய்யவேண்டும் என்றும் இந்திய மருத்துவ சம்மேளனம் கேரள அரசை அறிவுறுத்தியுள்ளது. இந்தியாவில் உள்ள பெரும்பாலான மாநிலங்களில் கொரோனா இரண்டாவது அலை ஓரளவுக்குக் கட்டுக்குள் வந்திருக்கும் நிலையில் கேரளாவில் மட்டும் கொரோனாவின் தாக்கம் நாளுக்கு நாள் அதிகரித்துக்கொண்டே இருக்கிறது.COVID-19 Also Read: கேரளா: கொரோனாவைத் தொடர்ந்து மிரட்டும் ஜிகா வைரஸ்! - தமிழக எல்லையில் கர்ப்பிணி உட்பட 14 பேர் பாதிப்பு கொரோனா பரவல் தொடர்ந்து அதிகரித்து வரும் வேளையில், வாரத்தின் குறிப்பிட்ட சில நாள்களில் மட்டும் கடைகள் மற்றும் அங்காடிகளைத் திறப்பதற்கு கேரளாவில் அனுமதி வழங்கப்பட்டுள்ளது. இப்படி கடைகளைத் திறந்துவைத்தால் பொதுமக்கள் அதிக அளவில் கூடுவார்கள். அதுமட்டுமல்லாமல் கடைகள் திறக்கப்படும் நாள்களில் குறிப்பிட்ட நேரத்துக்கு மட்டுமே கடைகளைத் திறந்துவைக்கவேண்டும் என்கிற உத்தரவு அமலில் இருப்பதால், ஒரே நேரத்தில் அதிக அளவிலான மக்கள் கடைகளில் கூடுகிறார்கள். இது பெருந்தொற்று பரவுவதற்கு அதிக வாய்ப்புக்களை ஏற்படுத்திக் கொடுத்துவிடுகிறது என்கிறது இந்திய மருத்துவ சம்மேளனம். மேலும், கேரள அரசு தற்போது பின்பற்றிவரும் கொரோனா பரிசோதனைக்கான வழிகாட்டு நெறிமுறைகளையும் மாற்றிக்கொள்ள வேண்டும் என்றும் மருத்துவ சம்மேளனம் குறிப்பிட்டிருக்கிறது. ``கொரோனாவால் பாதிக்கப்பட்ட நபரை வீட்டிலேயே தனிமைப்படுத்துதல் என்பது நோயப்பரவலைத் தடுப்பதற்கு ஆரம்பகால தொற்றாக இருக்கும்பட்சத்தில்,அது கைகொடுத்திருக்கலாம். ஆனால் இப்போதோ பாதிக்கப்பட்ட நபரை தனிமைப்படுத்துதல் மட்டும் சரியான அணுகுமுறை அல்ல. பாதிக்கப்பட்ட அந்த நபருக்கு யாரிடமிருந்து நோய்த்தொற்று வந்தது என்பதையும், பாதிக்கப்பட்ட நபருடன் தொடர்பில் இருந்தவர்களையும் கண்டறிந்து தனிமைப்படுத்த வேண்டியது அவசியம். உதாரணத்திற்கு ஒரு வீட்டில் ஒருவருக்கு நோய்த்தொற்று உறுதியானால் அவரை மட்டும் தனிமைப்படுத்திவிட்டு மற்ற உறுப்பினர்களை விட்டுவிடக்கூடாது. கேரளாவில் குடும்பம் குடும்பமாக மக்கள் நோய்த்தொற்றால் பாதிக்கப்படுவதற்கு இதுவும் ஒரு முக்கியமான காரணம்" என்று கூறும் மருத்துவ சம்மேளனம், கேரள அரசு இதைக் கட்டுப்படுத்துவதற்கு சரியான நடவடிக்கைகளை எடுக்கவில்லை என்றும் சுட்டிக்காட்டியிருக்கிறது. குறிப்பாக கொரோனா பாதித்த நபர்கள் தங்களைத் தனிமைப்படுத்திக்கொள்ள சமூகக் கூடங்கள் (Community living centres) மற்றும் முதல்நிலை சிகிச்சை மையங்களை (First-line treatment centres) அமைக்கவேண்டும் என்றும் மருத்துவ சம்மேளனம் அரசுக்கு ஆலோசனை வழங்கியுள்ளது.Corona outbreak Also Read: பினராயி விஜயனுக்கு குட்டு! - பரபரக்கும் கேரளாவின் புது அமைச்சரவை இவை எல்லாவற்றுக்கும் மேலாக கேரள அரசு தடுப்பூசி திட்டத்தை திறம்படச் செயல்படுத்தவில்லை என்றும் இந்திர மருத்துவ சம்மேளனம் கூறுகிறது. ``கேரள அரசு தடுப்பூசி திட்டத்தில் தனியார் அமைப்புகளை இணைத்துக்கொள்ள மறுக்கிறது. இதன் காரணமாக தடுப்பூசி அனைத்து மக்களுக்கும் சென்று சேர்வதில் தாமதம் ஏற்பட்டிருக்கிறது" என்று தனது கவலையை வெளிப்படுத்தியிருக்கும் இந்திய மருத்துவ சம்மேளனம், இந்தப் பெருந்தொற்று இன்னும் சில வருடங்களுக்கு நம்மைச் சுற்றியே இருக்கும் என்பதால் அதற்கேற்ற நீண்டகாலத் தடுப்பு நடவடிக்கைகளை எடுக்கவேண்டியது அவசியம் என்றும் கேரள அரசுக்குக் கடிதம் எழுதியுள்ளது.
http://dlvr.it/S3mxP5

Read More

இந்துப் பெண் மத மறுப்பு திருமணம் செய்வதைத் தடுக்க முயற்சி; எச்சரித்த மும்பை போலீஸ்!

சமீபத்தில் மகாராஷ்டிரா மாநிலம் நாசிக்கில், முஸ்லிம் ஆண் - இந்துப் பெண் இருவருக்கும் பெற்றோர்கள் சம்மதத்துடன் திருமணம் நடக்கவிருந்தது. ஆனால், அதற்குப் பெண்ணின் வீட்டாருக்கு பல்வேறு தரப்பில் இருந்தும் மிரட்டல்கள் வந்தன. இதனால் அத்திருமணத்தையே பெண் வீட்டார் நிறுத்திவிட்டனர். தற்போது அது போன்ற மற்றொரு சம்பவம், மும்பையிலும் நடந்துள்ளது. மும்பை கார் ரோடு பகுதியைச் சேர்ந்த ஒரு பெண்ணுக்கும், வேறு ஒரு மதத்தைச் சேர்ந்த ஆணுக்கும் பெற்றோர் சம்மதத்துடன் திருமணம் முடிவாகி இருந்தது. திருமணம் Also Read: சமூக வலைதள நெருக்கடி; முஸ்லிம் வாலிபருடன் நடக்கவிருந்த மகளின் திருமணத்தை நிறுத்திய மும்பை பெற்றோர்! அவர்களது திருமணத்துக்கு பெண் வீட்டில் அனைவரும் ஒப்புதல் கொடுத்துவிட்டனர். ஆனால், இது குறித்து தெரிந்துகொண்ட இரண்டு பேர், அப்பெண்ணின் வீட்டுக்குச் சென்று, வேறு மதத்தைச் சேர்ந்தவருடன் திருமணம் செய்ய வேண்டாம் என்று கூறி, சம்பந்தப்பட்ட பெண்ணை மூளைச்சலவை செய்ய ஆரம்பித்தனர். ஆனால், அப்பெண் தனது முடிவில் உறுதியாக இருந்தார். இதனால் இரண்டு பேரும் அப்பெண்ணின் பெற்றோரிடம் இது குறித்துப் பேசினர். பெண்ணின் தந்தையிடம் பேசி அவரை திருமணத்துக்கு எதிராக திசை திருப்பினர். அவர்களுடன் ஒரு பெண்ணும் வந்ததாகத் தெரிகிறது. இது குறித்து சம்பந்தப்பட்ட மணப்பெண் போலீஸில் புகார் செய்தார். போலீஸார் அப்பெண்ணின் வீட்டுக்குச் சென்று, இரண்டு பேரையும் போலீஸ் நிலையத்துக்கு அழைத்து விசாரித்தனர். இருவரும், தாங்கள் எந்த வித நிர்ப்பந்தமும் செய்யவில்லை என்றும், சம்பந்தப்பட்ட பெண்ணின் தந்தை உடல் நலம் குறித்து விசாரிக்கவே சென்றதாகவும் தெரிவித்தனர்.Marriage - Representational Image Also Read: நிச்சயிக்கப்பட்ட திருமணத்தை காதல் திருமணம் வெல்லுமிடம் இதுதான்! #AllAboutLove - 22 தேவையில்லாமல் அப்பெண்ணின் திருமணத்தில் தலையிட்டால் கடும் நடவடிக்கை எடுக்கப்படும் என்று இருவரையும் எச்சரித்து அனுப்பி வைத்த போலீஸார், அப்பெண்ணிடமும் வாக்குமூலம் வாங்கினர். தான் மேஜர் என்பதால் தனது தனிப்பட்ட விருப்பத்தில் யாரும் தலையிட முடியாது என்று அப்பெண் தெரிவித்துள்ளார். ``அப்பெண்ணின் தந்தை, மன அழுத்தத்தில் இருக்கிறார். சம்பந்தப்பட்ட பெண்ணுக்கு தேவைப்பட்டால் சட்ட ஆலோசனை வழங்கப்படும்'' என்று சமூக ஆர்வலர் தீஷ்தா தெரிவித்துள்ளார்.
http://dlvr.it/S3mLdX

Read More

மேக்கேதாட்டூ: `ஒன்றிணைவோம் வா எனச் சொன்ன முதல்வர், எங்களை ஒதுக்கியது ஏன்?' - விவசாயிகள் ஆதங்கம்

மேக்கேதாட்டூ அணை விவகாரம் தொடர்பாக, கடந்த ஜூலை 12-ம் தேதி சென்னையில் தமிழக முதல்வர் மு.க.ஸ்டாலின் தலைமையில் அனைத்துக் கட்சி கூட்டம் நடைபெற்றது. அக்கூட்டத்தில், உச்ச நீதிமன்ற தீர்ப்பை மீறி அணை கட்டும் கர்நாடக அரசின் முயற்சிக்கு கண்டனம் தெரிவிப்பது என்றும், தமிழகத்தில் உள்ள அனைத்துக் கட்சி தலைவர்களும் டில்லி சென்று மத்திய அரசிடம் நேரில் வலியுறுத்துவது எனவும் தீர்மானங்கள் நிறைவேற்றப்பட்டன. இது தொடர்பாக டெல்டா விவசாயிகள் மத்தியில் விமர்சனங்கள் எழுந்துள்ளன. இந்தப் பிரச்னையில் தமிழக அரசு, விவசாயிகளை தொடர்ந்து புறக்கணிப்பதாகவும், மத்திய அரசை நேரில் சந்தித்து வலியுறுத்த விவசாயிகளை அழைக்காதது பெரும் பின்னடைவை ஏற்படுத்தும் எனவும் ஆதங்கப்படுகிறார்கள்.மேக்கேதாட்டூ Also Read: `விவசாயிகள் இல்லாமல் மேக்கேதாட்டூ ஆலோசனை கூட்டமா?' - வலுக்கும் ஆதங்க குரல்கள்! கர்நாடக அரசு, காவிரியின் குறுக்கே, மேக்கேதாட்டூ அணை கட்டுவதை தடுக்க, தமிழக முதலமைச்சர் மு.க.ஸ்டாலின், விவசாயிகள் சங்கப் பிரதிநிதிகள் மற்றும் அனைத்துக்கட்சித் தலைவர்களை அழைத்து ஆலோசனை நடத்த வேண்டும் என காவிரி டெல்டா மாவட்டங்களைச் சேர்ந்த விவசாயிகள் சங்கத் தலைவர்கள் தொடர்ச்சியாக வலியுறுத்தி வந்தார்கள். ஆனால், தமிழக அரசோ, தமிழ்நாடு சட்டப் பேரவையில் இடம் பெற்றுள்ள கட்சிகளின் தலைவர்களை மட்டுமே அழைத்து ஆலோசனை கூட்டம் நடத்தியது. இக்கூட்டத்தில் பேசிய தமிழக முதலமைச்சர் ஸ்டாலின், ``மேக்கேதாட்டூ அணையை எந்தச் சூழலிலும் அனுமதிக்க மாட்டோம்; இதில் தமிழக அரசு உறுதியாக உள்ளது. காவிரி விவகாரத்தில் தமிழகமும், தமிழகத்தில் உள்ள அனைத்துக் கட்சிகளும் ஒன்றுபட்ட ஒரே சிந்தனையுடன் இருக்கின்றன என்பதை கர்நாடகாவுக்கு மட்டுமல்ல, மத்திய அரசுக்கும் உணர்த்தியாக வேண்டும். காவிரி உரிமைக்காக நாம் பல ஆண்டுகளாக போராடி வருகிறோம். வழக்கமான காலத்திலேயே நமக்குத் தரவேண்டிய நீரை கர்நாடகம் வழங்குவதில்லை. காவிரி என்பது கர்நாடகத்துக்கு மட்டுமல்ல, தமிழகத்துக்கும் முழு உரிமை உள்ளது. காவிரி இறுதித் தீர்ப்பின் மூலம் 3 வகைகளில் தமிழகத்துக்கு தண்ணீர் கிடைக்கிறது. அதில் இரண்டு பகுதிகள் ஏற்கெனவே கர்நாடக அரசின் கட்டுப்பாட்டில் உள்ளன. மூன்றாவதாக தமிழகத்துக்கு நேரடியாக தண்ணீர் வரும் வகையில் எந்த கட்டுப்பாடும் இல்லாத நிலை உள்ளது. தற்போது அந்த நீரையும் தடுக்கும் சதிதான் மேகேதாட்டு அணை திட்டமாகும்.மேக்கேதாட்டூ அணை அமையவிருக்கும் இடம் Also Read: மேக்கேதாட்டூ விவகாரம்: தொடங்கும் போராட்டங்கள்; ஆயத்தமாகும் டெல்டா விவசாயிகள்! மேக்கேதாட்டூவில் அணை கட்டுவதை கைவிடுமாறு கர்நாடக அரசுக்கு அறிவுறுத்தும்படி பிரதமரிடம் நான் நேரிலும் மத்திய ஜல்சக்தித் துறை அமைச்சரை நீர்வளத்துறை அமைச்சர் துரைமுருகனும் சந்தித்து வலியுறுத்தினோம். காவிரி பிரச்சினை என்பது அரசியல் பிரச்னை அல்ல. தமிழக மக்களின் வாழ்வுரிமை பிரச்னை. இதில் தமிழகம் ஒரே சிந்தனையில் நிற்கிறது என்பதை நாம் காட்டியாக வேண்டும். மேக்கேதாட்டூ அணையை எந்தச் சூழலிலும் அனுமதிக்க மாட்டோம். அதில் தமிழக அரசு உறுதியுடன் இருக்கிறது" எனப் பேசினார். இக்கூட்டத்தில் திமுக, அதிமுக, காங்கிரஸ், பாஜக, மதிமுக, வீடுதலைச் சிறுத்தைகள், மார்க்சிஸ்ட் கம்யூனிஸ்ட், இந்திய கம்யூனிஸ்ட் உள்ளிட்ட கட்சிகளின் தலைவர்கள் பங்கேற்றார்கள். இக்கூட்டத்தில், மேக்கேதாட்டூ அணை கட்ட கர்நாடக அரசு மேற்கொள்ளும் முயற்சிகளை தடுக்க தமிழக அரசு எடுக்கும் நடவடிக்கைகளுக்கு அனைத்து கட்சித் தலைவர்களும் முழு ஒத்துழைப்பு அளிப்பதாக தெரிவித்தனர். இக்கூட்டத்தில் கர்நாடக அரசின் முயற்சிக்கு கண்டனம் தெரிவிப்பது என்றும், தமிழகத்தில் உள்ள அனைத்துக் கட்சி தலைவர்களும் டெல்லி சென்று மத்திய அரசிடம் நேரில் வலியுறுத்துவது எனவும் தீர்மானங்கள் நிறைவேற்றப்பட்டன. இது தொடர்பாக நம்மிடம் பேசிய தஞ்சை மாவட்ட காவிரி விவசாயிகள் பாதுகாப்பு சங்கத்தின் செயலாளர் சுவாமிமலை சுந்தர விமல்நாதன், ``மேக்கேதாட்டூ விவகாரம் என்பது விவசாயிகளின் ஜீவாதாரப் பிரச்னை. இது தொடர்பாக தமிழகத்தில் உள்ள, குறிப்பாக டெல்டா விவசாயிகளை தமிழக முதலமைச்சர் நேரில் அழைத்து கலந்தாலோசிப்பது, அவரது தார்மீக கடமையாகும். தமிழக விவசாயிகளை டெல்லி அழைத்துச் சென்று, பிரதமரிடம் நேரில் வலியுறுத்த வைப்பதும் தமிழக முதலமைச்சரின் தார்மீக பொறுப்பாகும். ஆனால் இதை அவர் செய்ய மறுப்பது திகைப்பாக உள்ளது. ஒன்றிணைவோம் வா, ஒருங்கிணைந்து செயல்படுவோம், உரிமைக்கு குரல் கொடுப்போம் என்றெல்லாம் மேடைகளில் முழங்கி வருகிறார். ஆனால் மேக்கேதாட்டூ பிரச்னையில் விவசாயிகளை ஒருங்கிணைக்காமல், ஒதுக்கி வைக்கிறார். இது வருத்தத்திற்குரிய செயலாகும். விமல்நாதன் கர்நாடகாவில் எந்தக் கட்சி ஆட்சியில் இருந்தாலும், காவிரிப் பிரச்னை தொடர்பாக, பிரதமரைச் சந்திக்கும் போதெல்லாம், அங்குள்ள விவசாயிகளை அழைத்துச் சென்று வலியுறுத்துகிறார்கள். 2004-ம் ஆண்டு அப்போதைய முதலமைச்சர் ஜெயலலிதா, காவிரிப் பிரச்னை தொடர்பாக, தமிழக விவசாயிகள் பிரதமரைச் சந்திக்க ஏற்பாடு செய்தார். மேக்கேதாட்டூ பிரச்னையில் தமிழக முதல்வர், இங்குள்ள உழவர்களைத் தவிர்த்து செயல்பட்டால், அது ஆக்கப்பூர்வமாக இருக்காது. எனவே பிரதமரைச் சந்திக்க, விவசாயிகளையும் அழைத்து செல்லச் வேண்டும்’’ என வலியுறுத்தினார்.
http://dlvr.it/S3lWvf

Read More

நீட் தேர்வு: முதல்வரிடம் இன்று அறிக்கை சமர்ப்பிக்கிறது ஏ.கே.ராஜன் குழு

நீட் தேர்வின் தாக்கம் குறித்து ஆய்வு செய்த நீதியரசர் ஏ.கே.ராஜன் குழு, முதலமைச்சர் மு.க.ஸ்டாலினிடம் இன்று அறிக்கை அளிக்கிறது. தமிழ்நாட்டில் நீட் தேர்வு ஏழை மற்றும் கிராமப்புற மாணவர்களுக்கு பாதிப்பை ஏற்படுத்துகிறதா? என்பது தொடர்பாக ஆராய்ந்து அறிக்கை அளிக்க ஓய்வுபெற்ற நீதியரசர் ஏ.கே.ராஜன் தலைமையில் மாநில அரசு குழு ஒன்றை அமைத்தது. நீட் தேர்வு பாதிப்பை ஏற்படுத்துகிறது என்றால், மாற்று வழி குறித்தும், இதை அமல்படுத்துவதற்கான சட்ட நடவடிக்கைகள் குறித்தும் ஒரு மாதத்தில் அறிக்கை அளிக்க வேண்டும் என கடந்த மாதம் 10-ஆம் வெளியிடப்பட்ட அரசாணையில் குறிப்பிடப்பட்டிருந்தது. ஏ.கே.ராஜன் குழு, நீட் தேர்வின் பாதிப்புகள் குறித்து பொதுமக்களிடம் நேரடியாகவும், ஆன்லைன் மூலமாகவும் கருத்துகளை பெற்றது. பல்வேறு தரப்பினரிடம் இருந்து கிடைத்த கருத்துகள் மற்றும் தரவுகளின் அடிப்படையில் ஆய்வு செய்யப்பட்டு, அறிக்கையை இறுதி செய்யும் பணிகள் நடைபெற்று வந்தன. இந்த நிலையில் ஆய்வுப் பணிகள் முடிந்துவிட்டதாகவும், நீட் தேர்வால் மாணவர்களுக்கு பாதிப்பு ஏற்பட்டது உண்மைதான் என்றும் நீதியரசர் ஏ.கே.ராஜன் கூறியுள்ளார். ஆய்வு அறிக்கை முதலமைச்சர் மு.க.ஸ்டாலினிடம் இன்று சமர்ப்பிக்கப்படும் என்றும் அவர் தெரிவித்தார்.
http://dlvr.it/S3jBNW

Read More

`மும்பை பார்ட்டிகளில் 'போதை கேக்' சப்ளை'- மனோதத்துவ டாக்டர் கைது!

மும்பையில் போதைப்பொருள்களின் புழக்கம் அதிக அளவில் இருக்கிறது. மும்பையில் சப்ளை செய்வதற்காகவே சர்வதேச நாடுகளில் இருந்து போதைப்பொருள்கள் கடத்தி வரப்படுகிறது. போதைப்பொருள்களைப் பல்வேறு விதமாகக் கலந்து பொதுமக்களுக்கு சப்ளை செய்கின்றனர். தென்னாப்பிரிக்க நாடுகளைச் சேர்ந்த வாலிபர்கள் அந்த வகையில் அதிக அளவில் போதைப்பொருட்களை கடத்திவரும் வேலையில் ஈடுபட்டுள்ளனர். தென்மும்பையைச் சேர்ந்த மனோதத்துவ டாக்டர் ஒருவர் கஞ்சா, அபின் கலந்து கேக் தயாரித்து விற்பனை செய்வதாகப் போலீஸருக்கு ரகசிய தகவல் கிடைத்தது. பறிமுதல் செய்யப்பட்ட கேக் உடனே போலீஸார் தென் மும்பையில் வசிக்கும் டாக்டர் ரஹ்மீன் சரண்யா என்பவர் வீட்டில் அதிரடி சோதனை நடத்தினர். இந்த சோதனையில் கஞ்சா கலந்து தயாரிக்கப்பட்ட 10 கிலோ கேக் பறிமுதல் செய்யப்பட்டது. 'ஹஸ் புரொவ்னி' என்ற பெயரில் இது போன்ற போதைப்பொருள்கள் கலந்த கேக்களை ஆடம்பர பார்ட்டிகளுக்கு சப்ளை செய்துள்ளனர். மனோதத்துவ டாக்டரின் வீட்டில் சோதனை நடத்தியதில் 320 கிராம் அபின் மற்றும் 1.72 லட்சம் ரொக்க பணமும் பறிமுதல் செய்யப்பட்டது. இச்சம்பவத்தையடுத்து ரஹ்மீன் கைது செய்யப்பட்டார். அவரிடம் விசாரணை நடத்தி கிராப்போர்டு மார்க்கெட்டை சேர்ந்த ரம்ஜான் ஷேக் என்பவரைக் கைது செய்தனர். அவரிடமும் விசாரணை நடத்தியதில் ஷேக்தான் டாக்டருக்கு தேவையான போதைப்பொருட்களை சப்ளை செய்தது தெரிய வந்தது. கடந்த மாதம் 12-ம் தேதியும் இதே போன்று போதைப்பொருள் கலந்த கேக்களை தயாரித்துவிற்பனை செய்தது கண்டுபிடிக்கப்பட்டது.
http://dlvr.it/S3hc9h

Read More

`காவிரி அரசியல்'- இறுதித் தீர்ப்புக்குப் பின் இப்போது வரை நடந்தது என்ன? பாகம்-3

கடந்த 2010-ம் ஆண்டு கர்நாடக மாநிலம் யார்கோல் கிராமத்தில் மார்க்கண்டேய நதியின் குறுக்கே அணை கட்டமுடிவு செய்தது. இந்த அணைக்கு மத்திய அரசு ஒப்புதல் வழங்கியிருந்தது. கர்நாடக அரசும் 87 கோடி ரூபாய் செலவில் அணை கட்டும் பணியைத் தொடங்கியது. இதனை எதிர்த்து 2013-ம் ஆண்டு தமிழக அரசு சார்பில் உச்ச நீதிமன்றத்தில் மனுத் தாக்கல் செய்யப்பட்டது. மார்க்கண்டேய நதியானது தென்பெண்ணை ஆற்றின் முக்கியமான துணை நதியாகும். தென்பெண்ணை ஆற்று நீரின் மூலம் ஐந்து மாவட்டங்களின் குடிநீர்த் தேவை பூர்த்தி செய்யப்படுகிறது. அதுமட்டுமில்லாது 10 லட்சம் ஏக்கர் பாசனமும் நடைபெறுகிறது. புதிய அணை கட்டுவதால் தமிழகம் பாதிக்கப்படும் அபாயம் உள்ளது என்று வாதித்தபோதிலும் இந்த வாதத்தை நீதிமன்றம் ஏற்கவில்லை. 2019-ம் ஆண்டு அணையைக் கட்டத் தடை இல்லை என்று தமிழகத்தின் மனுவைத் தள்ளுபடி செய்தது உச்ச நீதிமன்றம். இதனையடுத்து 40 மீட்டர் உயரத்திலும், 414 மீட்டர் நீளத்திலும் புதிய அணையைக் கட்டிமுடித்துள்ளது கர்நாடக அரசு. இதனால், தமிழகத்தில் ஐந்து மாவட்ட விவசாயிகள் பாதிக்கப்பட வாய்ப்புகள் அதிகம்.மார்க்கண்டேய நதி அணை கடந்த 2018-ம் ஆண்டு காவிரி ஆற்றின் குறுக்கே மேக்கேதாட்டுவில் அணை கட்ட கர்நாடக அரசுக்கு மத்திய அரசு அனுமதி வழங்கியிருந்தது. இதுதொடர்பாக தமிழக சட்டப்பேரவையில் சிறப்புக் கூட்டம் நடைபெற்றது. இந்தக் கூட்டத்தில், உச்சநீதிமன்றத் தீர்ப்பில் உள்ளதுபோல கீழ்ப்படுகை மாநிலங்களின் முன் அனுமதி பெறாமல் கர்நாடக அரசு எந்த ஒரு திட்டத்தையும் செயல்படுத்தக் கூடாது என்பதை மீறியுள்ளது. கர்நாடக அரசு அணையைக் கட்ட ஆரம்பப் பணிகளைத் தொடங்கவுள்ளதற்கும் புதிய அணையைக் கட்டவும், விரிவான திட்ட அறிக்கைத் தயார் செய்யவும் 22.11.2018 அன்று மத்திய நீர்வளக் குழுமம் அனுமதி வழங்கியதற்கு கடும் கண்டனத்தையும் எதிர்ப்பையும் தெரிவிப்பதாகத் தீர்மானம் நிறைவேற்றப்பட்டது. இந்நிலையில், விரைவில் காவிரி ஆற்றின் குறுக்கே மேக்கேதாட்டுவில் புதிய அணை கட்டப்படும் என்று கர்நாடகா முதல்வர் எடியூரப்பா அறிக்கை வெளியிட்டிருந்தார். இது தொடர்பாகச் சமீபத்தில் தமிழக முதல்வர் ஸ்டாலினுக்கும் அவர் ஒரு கடிதம் எழுதியிருந்தார். இதில், `மேக்கேதாட்டுவில் புதிய அணை கட்டுவது தமிழகத்தை எந்த விதத்திலும் பாதிக்காது. பொதுமக்களின் நலனைக் கருத்தில் கொண்டு இந்த திட்டத்திற்குத் தமிழகம் எதிர்ப்பு தெரிவிக்காது என்று நம்புகிறேன்'. மேலும், இது தொடர்பாக ஆலோசனை செய்யத் தமிழக முதல்வருக்கு அழைப்பும் விடுத்திருந்தார். இதற்குப் பதிலளிக்கும் வகையில் தமிழக முதல்வர், `லட்சக்கணக்கான தமிழக விவசாயிகள் காவிரி நீரையே நம்பியுள்ளனர். அவர்களுக்குப் பாதிப்பு ஏற்படுத்தும் மேக்கேதாட்டு அணை திட்டத்தைக் கர்நாடகா அரசு கைவிட வேண்டும்' என்று கர்நாடக முதல்வருக்குக் கடிதம் எழுதியிருந்தார்.ஸ்டாலின் - மோடி "விவசாயிகளின் நலன்களைப் பாதுகாத்திடும் வகையில் கர்நாடக அரசு மேக்கேதாட்டுவிலோ அல்லது வேறு எங்கு அணை கட்ட எந்த முயற்சி எடுத்தாலும் அதைத் தமிழக அரசு கடுமையாக எதிர்க்கும். அதோடு, அதைத் தடுத்து நிறுத்த சட்ட விதிமுறைகளுக்கு உட்பட்டு அனைத்து நடவடிக்கைகளையும் மேற்கொள்ளும்" என்று தமிழக நீர்வளத்துறை அமைச்சர் அமைச்சர் துரைமுருகன் கூறியுள்ளார். ஏற்கனவே கர்நாடக அரசு மேக்கேதாட்டுவில் புதிய அணை கட்டுவதற்கு மத்திய அரசின் ஒப்புதலை வாங்கியுள்ளது. இருந்தபோதிலும், அணை கட்டுவது தொடர்பாக உச்சநீதிமன்றத்தில் வழக்கு நிலுவையில் உள்ளது குறிப்பிடத்தக்கது. இது தொடர்பாகத் தமிழக நீர்வளத்துறை அமைச்சர் துரைமுருகன் மத்திய நீர்வளத் துறை அமைச்சர் ஷெகாவத்தை டெல்லியில் சந்ததி பேசினார். இந்த சந்திப்பின் முடிவில், கர்நாடக புதிய அணை கட்டுவதற்கு மத்திய அரசு அனுமதி வழங்காது என்று மத்திய அமைச்சர் உறுதியளித்திருப்பதாக அவர் கூறியிருந்தார். முதலமைச்சர் ஸ்டாலின் பிரதமர் மோடியை நேரில் சந்தித்தபோதும் மேக்கேதாட்டு அணை விவகாரம் தொடர்பாகப் பேசியதாகக் கூறியிருந்தார். இந்நிலையில் தமிழக முதல்வர் சமீபத்தில் மேக்கேதாட்டு விவகாரம் பற்றி ஆலோசனை மேற்கொள்ளச் சட்டப்பேரவையில் இடம்பெற்றுள்ள அனைத்து காட்சிகள் கூட்டத்தைக் கூட்டினார். இந்த ஆலோசனைக் கூட்டத்தில் திமுக, அதிமுக, காங்கிரஸ், பாஜக உள்ளிட்ட 13 கட்சிகளைச் சேர்ந்த பிரதிநிதிகள் கலந்துகொண்டனர். இந்த கூட்டத்தில் கலந்தாலோசனை செய்தபிறகு, "மேக்கேதாட்டுவில் அணையைக் கட்ட கர்நாடக அரசு முனைப்புடன் செயல்பட்டுவருவது கண்டனத்துக்குரியது, உச்சநீதிமன்றத்தின் தீர்ப்புக்கு எதிரான இத்தகைய முயற்சி அரசியலமைப்பு சட்ட மாட்சிமைக்கு விடப்படும் சவாலாக இருந்துவருகிறது. மேக்கேதாட்டுவில் கர்நாடகா அணை கட்டும் திட்டத்திற்கு மத்திய அரசு அனுமதி வழங்கக்கூடாது. மேக்கேதாட்டு விவகாரத்தில் தமிழக அரசு மேற்கொள்ளும் அனைத்து நடவடிக்கைகளுக்கும் அனைத்து கட்சிகளும் முழு ஆதரவு வழங்குவதாகத் தெரிவித்திருந்தது. இந்தக் கூட்டத்தில் எடுக்கப்பட்ட தீர்மானங்களை அனைத்து கட்சிகளுக்கும் மத்திய அரசிடம் நேரில் மனுவாக வழங்க முடிவு செய்துள்ளது. போன்ற மூன்று முக்கியமான தீர்மானங்கள் ஒருமனதாக நிறைவேற்றப்பட்டன.அனைத்துக் கட்சிகள் கூட்டம் ஆங்கிலேயர் ஆட்சிக்காலம் தொடங்கி நூறு ஆண்டுகளைத் தாண்டியும் இந்த காவிரி நதிநீர் பிரச்னை இன்றளவும் சற்றும் ஓய்ந்த பாடில்லை. இது வெறும் நீர் பிரச்னை மட்டுமே கிடையாது. இதில் பெரும் அரசியல் அடங்கியுள்ளது என்பதுதான் உண்மை. மத்தியில் ஆளும் பாஜக அரசும் சரி முன்னாள் காங்கிரஸ் அரசும் சரி இதையேதான் செய்தது. தமிழகத்தில் இந்த இரண்டு கட்சிகளாலும் ஆட்சி அமைக்க முடியாது என்ற போதிலும், கர்நாடகாவில் இந்த இரண்டு கட்சியினாலும் ஆட்சி அமைக்குமளவு செல்வாக்கு கொண்டவை. அதே சமயத்தில் இரண்டு கட்சிகளுக்கும் தமிழகத்திலும் ஓரளவுக்கு வாக்கு வாங்கியும் அவசியம். தமிழகத்திற்கு ஒரு முடிவு கூறினால், கர்நாடகாவில் அவர்களின் வாக்கு வங்கிக்குப் பாதிப்பு ஏற்படும். `காவிரி அரசியல்'-1991-ல் கர்நாடகாவில் வெடித்த கலவரம் முதல் இறுதித் தீர்ப்பு வரை நடந்தது என்ன? பாகம்2 Also Read: `காவிரி அரசியல்' - பிரிட்டிஷ் ஆட்சி முதல் எம்.ஜி.ஆர் ஆட்சிவரை நடந்தது என்ன? - பாகம் 01 Also Read: `காவிரி அரசியல்'-1991-ல் கர்நாடகாவில் வெடித்த கலவரம் முதல் இறுதித் தீர்ப்பு வரை நடந்தது என்ன? பாகம்2 கர்நாடகாவிற்குச் சாதகமா ஏதாவது முடிவு வந்தால் தமிழகத்தில் உள்ள வாக்கு வங்கியில் பாதிப்பு ஏற்படும் என்று சரியான தீர்ப்பைக் கூற யாரும் முன்வருவது இல்லை. உதாரணமாகத் தமிழக காங்கிரஸ், பா.ஜ.க. மேக்கேதாட்டுவில் அணையைக் கட்ட எதிர்ப்பு தெரிவிக்கும். கர்நாடக பா.ஜ.க., காங்கிரஸ் கட்சிகள் அணையைக் கட்ட ஆதரவு தெரிவிக்கும். அதைவிட முக்கியமாக, இந்த பிரச்னைக்குத் தீர்வு காணப்பட்டால் பல கட்சியால் அரசியல் செய்ய முடியாது. அணையைக் கட்டுவோம் என்று ஒரு தரப்பு கூறும், கட்ட விடமாட்டோம் என்று இன்னொரு தரப்பு கூறும். இப்படியே சொல்லிச் சொல்லி மக்களிடம் வாக்குகளை வாங்கவேண்டும். இது இன்று நேற்று இல்லை காலம் காலமாகப் பல ஆண்டுகளாக நடக்கும் தொடர்கதையாக உள்ளது.காவிரி நீர் எத்தனை ஆண்டுக்கால போராட்டம்? நைல் நதி நீர், டனூப் நதி நீர் பங்கீடு விவகாரத்தில் ஒரு நாடும் அதன் அண்டை நாடுகள் பேசி ஒரு சுமுகமான முடிவை எளிதில் எட்டிவிட முடிகிறது. ஆனால், ஒரே நாட்டில் உள்ள நான்கு மாநிலம் பேசி ஒரு முடிவுக்கு வர இத்தனை ஆண்டுக்காலமா? இத்தனை போராட்டமா? இத்தனை உயிரிழப்புகளா? இந்த காவேரி அரசியலில் சிக்கித் தவிப்பது விவசாயிகள் என்பதே உண்மை. இதனைக் கால போராட்டத்திற்கு என்றோ ஒரு முடிவு ஏற்பட்டிருக்க வேண்டும். இன்னும் இந்த பிரச்னை நீண்ட நெடும் தொடராகச் செல்லுமா? அல்லது ஒரு முடிவுக்குப் பிறக்குமா என்பது நம்மை ஆள்பவர்களுக்கு மட்டுமே தெரிந்த விஷயம்…
http://dlvr.it/S3gnxf

Read More