கொரோனா பரவல் சூழலில் தமிழக அரசின் கூடுதல் தளர்வுகள் அறிவியல் ரீதியாக சரியானதா?! -அலசும் மருத்துவர்

``தமிழகத்தின் கொரோனா நிலவரத்தைக் காண, 17.07.2021 தேதியோடு 18.07.2021-ம் தேதியை ஒப்பிடுகையில் ஒன்பது மாவட்டங்களில் கொரோனா பாதிப்பு அதிகரித்துள்ளது. மேலும் இரண்டு மாவட்டங்களில் (தர்மபுரி,புதுக்கோட்டை) ஒப்பிடுகையில் ஒருவர் மட்டுமே பாதிப்பு எண்ணிக்கையில் குறைந்துள்ளது என்பது மிகவும் முக்கியம். ஆக,11 மாவட்டங்களில் கொரோனா பாதிப்பு எச்சரிக்கை தரும் நிலையில் உள்ளது எனக் கொள்ளலாம். (குறிப்பாக, 17.07.2021 தேதியோடு ஒப்பிடுகையில் ஏறக்குறைய 2,300 பேருக்குப் பரிசோதனைகள் குறைவாகச் செய்யப்பட்டுள்ளது.)மருத்துவர் புகழேந்தி பல நாட்களுக்குப் பிறகு தலைநகர் சென்னையில் குணமடைந்து செல்பவர்களின் எண்ணிக்கை, தொற்று ஏற்படுபவர்கள் எண்ணிக்கையை விடக் குறைவாகப் பதிவாகியுள்ளது. இந்த போக்கும் நல்ல செய்தியல்ல. அதன் காரணமாக, சிகிச்சையில் இருப்பவர்களின் (Active cases) எண்ணிக்கை அதிகரித்து வருவது (1632-ல் இருந்து 1663-ஆக) கவலைக்குரியது. சென்னையை ஒட்டியுள்ள காஞ்சிபுரத்தில் பாதிப்பு எண்ணிக்கை அதிகரித்தும் (10 பேர்), செங்கல்பட்டில் ஆறு பேர் குறைந்தும், திருவள்ளூரில் நான்கு பேர் மட்டும் குறைவாகப் பாதிக்கப்பட்டிருப்பதும், நோய்ப் பாதிப்பு சரிவரக் குறையவில்லை என்பதையும், கூடுவதற்கான வாய்ப்பு நிறைய உள்ளதையும் சுட்டிக்காட்டுவதாக உள்ளது. வடக்கிலிருந்து தெற்காகச் சென்னை(13), மதுரை(2), திருநெல்வேலி(6) அதிகரித்து வரும் போக்கு நல்ல விசயமல்ல. திருச்சியிலும் மூன்று பேர் மட்டுமே குறைவாகப் பாதிக்கப்பட்டிருப்பது பரிசோதனை எண்ணிக்கை குறைவாக இருப்பது காரணமாக இருக்கலாம். ஆக வடக்கிலிருந்து தெற்கு வரை பாதிப்பு அதிகமாக வாய்ப்பு நிறைய உள்ளது.கொரோனா பாதிப்பு அமெரிக்க நோய்த்தடுப்பு நிபுணர் கிறிஸ்டோபர் முர்ரே சொல்வது போல் தடுப்பூசி அதிகம் போடப்பட்டு வரும் சூழலில், நோய் பரவலை அது அதிகம் தடுக்காது என்பது மட்டுமன்றி, தடுப்பூசி போடப்பட்டதால் தளர்வுகளை அதிகரிக்கும் வேளையில் அது டெல்டா வகை வைரஸ் பரவ காரணமாக இருந்து விடும் அறிவியல் உண்மையை நாம் மறக்கலாமா? இந்தியாவிலும்(86%), தமிழகத்திலும் தடுப்பூசி போட்டும் ஏற்படும் கொரோனா பாதிப்பிற்கு (Breakthrough infection) டெல்டா வகை வைரஸ் முக்கிய காரணமாக இருப்பதை நாம் மறக்கக்கூடாது. மூன்றாம் அலையைத் தடுக்க அரசு என்ன முன்னெச்சரிக்கை நடவடிக்கை எடுக்க வேண்டும்? 1. எங்குப் பாதிப்பு அதிகரிக்கிறதோ அல்லது குறையாமல் தேக்க நிலையில் உள்ளதோ, அங்குப் பரிசோதனைகளை உரிய மக்களிடத்து அதிகரித்து நோயை ஆரம்பத்தில் கண்டறிந்து தனிமைப்படுத்தி உரியச் சிகிச்சை அளிக்க வேண்டும். 2. மூலக்கூறு ஆய்வுகளை அதிகப்படுத்தி உருமாற்றம் அடைந்த கொரோனாவை ஆரம்பத்தில் கண்டறிந்து கட்டுப்பாட்டுப் பகுதிகளை உருவாக்க வேண்டும்.(Micro containment zone) 3. எங்கு பாதிப்பு அதிகமாகிறதோ அங்குத் தளர்வுகளை அறிவிக்காமல், நோய் பரவலுக்கு எவை முக்கியமாகத் துணைபோகின்றன என்பதைக் கண்டறிந்து அதைத் தடுக்க உடனடி நடவடிக்கை எடுக்க வேண்டும்.(உதாரணம்: தமிழகத்தில் நோய் பரவலுக்கு 4 முக்கிய காரணங்கள் கண்டறியப்பட்டன. 1.சந்தைகளில் கூட்டம், 2.பொது போக்குவரத்தில் நெரிசல், 3.பெரும் தொழிற்சாலைகள், நிறுவனங்களில் சமூக இடைவெளி கடைப்பிடிக்கப்படாமல் மக்கள் விதிகளைப் பின்பற்றாமல் இருப்பது, 4.அரசியல், மத, கலாச்சார விழாக்களில் கூட்ட நெரிசல்) மேற்கூறப்பட்ட விசயங்களைத் தவிர்க்க நிச்சயம் நடவடிக்கை எடுக்க வேண்டும்.டி.நகர் மக்கள் கூட்டம் 4. விதிகளை அறிவிப்பதோடு நின்றுவிடாமல், மக்கள் அதை கடைப்பிடிப்பதை அரசு உறுதி செய்ய வேண்டும்.(உதாரணம்: பேருந்துகளில் 50% பயணிப்பது) 5. அரசு உத்தரவு போடுவதை நிறுத்தி மக்களிடம் நோய்த்தடுப்பு குறித்த விழிப்புணர்வை ஏற்படுத்தி அவர்களையும் பணியில் ஈடுபடுத்த வேண்டும். 6. அனைத்து புள்ளிவிவரங்களையும் வெளிப்படைத் தன்மையுடன் கையாள வேண்டும்.(உதாரணம்: பாதிப்பு இருக்குமிடத்தில் அனைவருக்கும் புள்ளிவிவரங்கள் போய்ச் சேர வேண்டும்.) மக்கள் செய்ய வேண்டியது: 1. கூட்டம் கூடுவதைத் தவிர்த்து சமூக இடைவெளி முகவுறை முறையாக அணிதல் போன்றவற்றை கடைப்பிடிக்க வேண்டும். தனக்கு வரும் பாதிப்பால் தனது குடும்பத்தினர், பிறருக்கு நோய்ப் பாதிப்பு ஏற்பட்டு குடும்பத்திற்கும், நாட்டிற்கும் சுமையாக மாறுவது மட்டுமல்லாமல், உயிரிழப்புகளுக்கும் காரணமாக அமைந்து விடலாம் என்பதை உணர்ந்து செயல்பட வேண்டும். 2. அறிகுறிகள் தென்படும்போது ஆரம்ப நிலையில் அரசுக்கு/மருத்துவர்களுக்குத் தெரியப்படுத்தி உரிய/தேவையான சிகிச்சையை மேற்கொள்ள வேண்டும். 3. அரசின் தடுப்பு திட்டங்களை அறிந்து கொண்டு ஒத்துழைப்பு நல்கிட வேண்டும். நல்லதொரு குடும்பம் பல்கலைக் கழகம் என்பதை உணர்ந்து மற்றவர்களுக்கு முன்னுதாரணமாகத் திகழ வேண்டும்.சமூக இடைவெளி கொரோனா போன்ற அறிவியல் பிரச்னைகளுக்கு, மருத்துவர்கள் தான் அறிவியல்ரீதியான தீர்வுகளைக் கொடுக்க வேண்டும். அரசு அதைச் செய்யத் தவறும் பட்சத்தில் அதை அரசுக்கு மக்கள் நலன் கருதி அரசுக்கு உணர்த்த முன்வர வேண்டும். கேரளாவில் Sero positivity 11% என உள்ளபோது, பெரும்பாலான மக்கள் வைரஸின் தொடர்பில் இல்லாததால் மேற்கொண்டு வைரஸ் பரவ அது ஏதுவாக அமைந்து விடும் என்ற உண்மையை உணர்ந்து கேரள இந்திய மருத்துவ கழகம் (IMA) செயல்படுவது பிற மாநிலங்களுக்கும் ஒரு முன் உதாரணம். கேரள அரசு பக்ரீத் பண்டிகையை ஒட்டி தளர்வுகளை அறிவித்ததற்கு அம்மாநில இந்திய மருத்துவ கழகம் கண்டனம் தெரிவித்ததோடு, தேவைப்பட்டால் உச்ச நீதிமன்றம் வரை சென்று தடை ஆணை வாங்குவோம் எனக் கூறியிருப்பது வரவேற்கத்தக்கது.ஊரடங்கு தளர்வு இத்தகைய இக்கட்டான சூழலில் தமிழக அரசு கூடுதல் தளர்வுகளை 19.7.21. அன்று முதல் அமல்படுத்துவது எப்படி அறிவியல்ரீதியாக சரியாக இருக்கும். தளர்வுகள் சரியாகக் கண்காணிக்கப்படாத இச்சுழலில் நோய்த்தொற்றை அது அதிகப்படுத்தாமல் பார்த்துக் கொள்வது அரசின் கடமையல்லவா? அரசு /மக்கள் விழித்துக் கொண்டு முன்னெச்சரிக்கையுடன் 3-ம் அலையைத் தடுக்க வேண்டாமா? தளர்வுகளை அதிகப்படுத்துவதை மறுபரிசீலனை செய்யுமா தமிழக அரசு!? -கல்பாக்கம் மருத்துவர்.வீ.புகழேந்தி
http://dlvr.it/S45K6x

Read More

மும்பை : `சாக்கடையை சரியாகத் தூர்வாருங்கள்; கொட்டும் மழையில் 70 வயது முதியவர் போராட்டம்!'

மும்பையில் சனிக்கிழமையில் இருந்து விடாது கனமழை பெய்த மழை இன்றுதான் சற்று ஓய்ந்துள்ளது. இம்மழையால் மக்களின் இயல்பு வாழ்க்கை பெரிதும் பாதிக்கப்பட்டது. குடியிருப்பு பகுதிக்குள் மழை நீர் புகுந்து மக்கள் மிகவும் சிரமத்திற்கு ஆளானார்கள். இந்த மழையின்போது இரண்டு இடங்களில் நிலச்சரிவு ஏற்பட்டு 33 பேர் உயிரிழந்துள்ளனர். மும்பை சாலையில் வெள்ளப்பெருக்கு மேலும் தானே பார்சி மலைப்பகுதியில் நிலச்சரிவு ஏற்பட்டு ஒரே குடும்பத்தைச் சேர்ந்த 5 பேர் இடிபாடுகளில் சிக்கி உயிரிழந்தனர். மேலும் 3 பேரை உள்ளூர் மக்கள் உயிரோடு மீட்டனர். தீயணைப்புத் துறையினர் போராடி இடிபாடுகளில் சிக்கி இறந்தவர்கள் உடலை மீட்டனர். அதோடு மீராரோட்டில் 9 வயது சிறுவன் திறந்த சாக்கடையில் விழுந்தான். அவன் உடல் இன்னும் மீட்கப்படவில்லை. இது தவிர தானே மற்றும் பால்கரில் 3 பேர் மழை நீரில் விழுந்து உயிரிழந்துள்ளனர். இதனால் மும்பை மழைக்கு உயிரிழந்தவர்களின் எண்ணிக்கை 42 ஆக அதிகரித்தது. நவிமும்பை பேலாப்பூரில் கார் ஒன்று மழை வெள்ளத்தில் சிக்கிக்கொண்டது. காரில் 3 பேர் இருந்தனர். அந்த காரை மழை நீர் அருகில் உள்ள ஏரிக்கு அருகில் இழுத்துச்சென்றது. மீட்புக்குழுவினர் அவர்களை பத்திரமாக மீட்டனர். வசாய் ரோட்டில் 70 வயது முதியவர் மழை வெள்ளத்தில் நடு ரோட்டில் அமர்ந்து 4 மணி நேரம் போராடினார். ஒவ்வொரு ஆண்டும் மழை காலத்தில் தனது வீட்டிற்குள் மழை நீர் புகுந்து விடுவதாகவும், மாநகராட்சி அதிகாரிகள் சாக்கடையை சரியாக தூர்வாருவது கிடையாது என்றும் கூறி அசோக் என்பவர் மழை நீரில் நடுரோட்டில் அமர்ந்து போராட்டம் செய்தார். இது குறித்து அசோக் கூறுகையில், " 2017-ம் ஆண்டில் இருந்து மழை நீர் எனது வீட்டிற்குள் வந்து கொண்டிருக்கிறது.நடுரோட்டில் அசோக் 2017-ம் ஆண்டில் வீட்டிற்குள் மழை நீர் புகுந்ததால் எனக்கு 1.50 லட்சம் செலவானது. மழை நீர் வடிய நான்கு நாள்கள் பிடித்தது" என்றார். அவரது மகள் கோமல் இது குறித்து கூறுகையில், "மழை காலத்தில் வீட்டிற்குள் தண்ணீர் வந்துவிடுவதால் எங்களால் வாழவே முடியவில்லை. சாக்கடை நடுவே மின் கம்பம் ஒன்று இருக்கிறது. இதனால் மழை நீர் சரியாக செல்ல முடியவில்லை என்று தெரிவித்தார். அசோக் இப்போது 40க்கும் மேற்பட்ட பவர் பிளாக் கற்களை வாங்கி வந்து வீட்டில் அடுக்கி வைத்து அதன் மீது குளிர்சாதனப்பெட்டி, படுக்கை போன்ற முக்கிய பொருட்களை வைத்திருக்கிறார். 4 மணி நேரம் போராடியும் மாநகராட்சி அதிகாரிகள் யாரும் வந்து என்னவென்று கேட்கவில்லை என்கிறார். இதற்கிடையே மும்பையில் மழை காலத்தில் ஏற்பட்ட வெள்ளப்பெருக்குக்கு ஆளும் சிவசேனா நிர்வாகமே காரணம் என்று காங்கிரஸ் கட்சி குற்றம் சாட்டியிருக்கிறது. இது தொடர்பாக மும்பை காங்கிரஸ் தலைவர் பாய் ஜக்தாப் அளித்த பேட்டியில், "ஒவ்வொரு ஆண்டும் மழை நீர் விரைவாக வெளியேற சிறப்பான ஏற்பாடுகள் செய்யப்படும் என்று மாநகராட்சி கூறுகிறது. ஆனால் அதனை நிறைவேற்ற தவறி விடுகிறது. சாக்கடைகளை தூர் வார பல நூறு கோடி ரூபாய் செலவிடப்படுகிறது. ஆனால் 25 சதவீத பணிகள் கூட முடியவில்லை. பணிகள் முடியவில்லையெனில் பணம் எங்கு போனது. நிச்சயம் மாநகராட்சியின் அனைத்து மட்டத்திலும் ஊழல் நடந்திருக்கவேண்டும்" என்று தெரிவித்துள்ளார். ஏற்கனவே சிவசேனாவிற்கும் காங்கிரஸ் கட்சிக்கும் பனிப்போர் நடந்துகொண்டிருக்கிறது. இப்போது சிவசேனா ஆட்சி செய்யும் மும்பை மாநகராட்சி மீது காங்கிரஸ் கட்சி ஊழல் புகார் தெரிவித்திருப்பது இரு கட்சிகளிடையேயான உறவில் மேலும் விரிசலை ஏற்படுத்தி இருக்கிறது.
http://dlvr.it/S44CKy

Read More

"நீர்நிலை ஆக்கிரமிப்பு குறித்து நீதிமன்றம் கண்களை மூடிக்கொண்டு இருக்காது" : நீதிபதிகள்

நீர்நிலை ஆக்கிரமிப்பில் நீதிமன்றம் கண்களை மூடிக்கொண்டு இருக்காது. நீர்நிலைகளையும், இயற்கையும் பாதுகாக்கும் காவலர்களாக மாநிலங்கள் இருக்க வேண்டும் மதுரை உயர்நீதிமன்ற கிளையின் நீதிபதிகள் தெரிவித்தனர். சிவகாசியை சேர்ந்த ஆனந்த் என்பவர் உயர்நீதிமன்ற மதுரைக்கிளையில் பொதுநல மனு தாக்கல் செய்துள்ளார். அதில், " சிவகாசி பகுதியில் வேலாயுதம் ஊரணி அமைந்துள்ளது. இந்த ஊரணியில் நுண்ணிய உர மையம் (micro compost centre) அமைப்பதற்காக சிவகாசி நகராட்சி சார்பாக ஏற்பாடு செய்யப்பட்டு வருகிறது. இதனால் வேலாயுதம் ஊரணி முற்றிலுமாக அழியக் கூடிய சூழ்நிலை ஏற்பட்டுள்ளது. நீர்நிலைகளில் எந்த ஒரு கட்டிடங்கள் கட்ட கூடாது என சட்டம் உள்ளது. 2019 ஆண்டு வேலாயுதம் ஊரணியில் நுண்ணிய உர மையம் அமைக்க கூடாது என விரிவான மனு தயார் செய்து சமர்ப்பித்து உள்ளேன். மேலும் இதுகுறித்து உயர்நீதிமன்ற மதுரைக்கிளையில் வழக்கு தொடரப்பட்டு 8 வாரங்களுக்குள் சிவகாசி நகராட்சி ஆணையர் எனது மனுவை பரிசீலிக்க உத்தரவிட்டது. ஆனால் எனது மனு மீது உரிய முறையில் விசாரணை நடத்தாமல் மீண்டும் வேலாயுத உளரணியில் நுண்ணிய உர மையம் அமைக்கப்பட்டுள்ளது எனவே வேலாயுதம் ஊரணியில் நுண்ணிய உர மையம் செயல்பட தடை விதிக்க வேண்டும்" என மனுவில் கூறியிருந்தார். இந்த மனு நீதிபதிகள் சிவஞானம், ஆனந்தி அமர்வு முன்பு விசாரணைக்கு வந்தது. அப்போது நீதிபதிகள், நீர்நிலை ஆக்கிரமிப்பு குறித்து நீதிமன்றம் கண்களை மூடிக்கொண்டு இருக்காது, பழங்கால நீர்நிலைகளை பாதுகாப்பது மாநிலத்தின் கடமை, நீர் நிலைகளுக்கும், இயற்கைக்கும் அறங்காவலராக மாநிலங்கள் இருக்க வேண்டும் என கருத்துக் கூறி சம்பந்தப்பட்ட இடத்தினை புறம்போக்கு இடமாக மாற்றப்பட்டு அங்கு நுண்ணிய உர மையம் அமைக்கப்பட்டு செயல்பாட்டிற்கு வந்துவிட்டது, எனவே, மழைக்காலங்களில் நுண்ணிய உரம் மையத்தினால் நீர்நிலைக ஒக்கு எந்த ஒரு பாதிப்பும் ஏற்படக்கூடாது என்பதை சிவகாசி நகராட்சி உறுதி செய்ய வேண்டும் மேலும் மாசு கட்டுப்பாட்டு வாரியம் குறிப்பிட்ட கால இடைவெளியில் சம்பந்தப்பட்ட இடத்தினை ஆய்வு செய்ய வேண்டும் எனக் கூறி வழக்கை முடித்து வைத்தனர்.
http://dlvr.it/S43RlT

Read More

"எத்தனை ஆண்டுகள் விசாரணையின்றி விசாரணை கைதிகள் சிறையில் இருக்கமுடியும்"- மும்பை ஐகோர்ட் கேள்வி!

மகாராஷ்டிரா மாநிலம் புனேயில் உள்ள பீமா-கோரேகாவில் 2018-ம் ஆண்டு ஜனவரி 1-ஆம் தேதி நடந்த கலவரம் மற்றும் அதற்கு முதல் நாள் அங்கு நடந்த பொதுக்கூட்டத்தில் வன்முறையைத் தூண்டும் விதத்தில் பேசியது தொடர்பான வழக்கைத் தேசிய புலனாய்வு ஏஜென்சியான என்.ஐ.ஏ விசாரித்து வருகிறது. இவ்வழக்கில் கைது செய்யப்பட்ட அனைவரும் எந்தவித விசாரணையும் இன்றி சிறையில் அடைக்கப்பட்டுள்ளனர். கைது செய்யப்பட்டவர்களிடம் என்.ஐ.ஏ.விசாரணைகூட நடத்தாமல் வெறுமனே சிறையில் அடைத்துள்ளது. அவ்வாறு அடைக்கப்பட்டிருந்த பாதிரியார் ஸ்டேன் சாமி சமீபத்தில் மும்பை சிறைக்காவலில் மருத்துவ சிகிச்சை எடுத்துக்கொண்டபோது உயிரிழந்தார். சிறையில் சரியான முறையில் சிகிச்சை கொடுக்காமல் இருந்ததால், அவரது உடல் நிலை மிகவும் மோசமான நிலையில் தனியார் மருத்துவமனையில் சேர்க்கப்பட்டு, சிகிச்சை பலனலிக்காமல் உயிரிழந்தார் என சர்வதேச அளவில் விமர்சனம் எழுந்தது.மும்பை ஐகோர்ட் பாதிரியார் ஸ்டேன் சாமி மருத்துவ காரணங்களுக்காக இடைக்கால ஜாமீன் கேட்டு மும்பை உயர்நீதிமன்றத்தில் மனுத்தாக்கல் செய்திருந்தார். இம்மனு மீது தீர்ப்பு கொடுக்கும் முன்பாகவே ஸ்டேன் சாமி இறந்துவிட்டார். அம்மனு இன்று (திங்கள் கிழமை) நீதிபதி சாம்பாஜி ஷிண்டே, நிஜாமூதீன் ஆகியோர் அடங்கிய அமர்வு முன்பு விசாரணைக்கு வந்தது. இம்மனு மீதான விசாரணையின்போது கருத்து தெரிவித்த நீதிபதிகள்," பீமா-கோரேகாவ் வன்முறை வழக்கில் சமூக ஆர்வலர்கள், முதியோர்கள் என பலர் கைது செய்யப்பட்டு எந்தவித விசாரணையும் இன்றி, குற்றச்சாட்டுக்களையும் பதிவு செய்யாமல் எத்தனை ஆண்டுகளுக்கு சிறையில் வைத்திருக்க முடியும் " என்று தேசிய புலனாய்வு விசாரணை ஏஜென்சியிடம் கேள்வி எழுப்பினர். பாதிரியார் ஸ்டேன் சாமி மீதும், அவரது சேவைகள் மீதும் இந்த கோர்ட் மிகுந்த மரியாதை வைத்துள்ளது. ஸ்டேன் சாமிக்கு மருத்துவ சிகிச்சை கொடுக்க வேண்டும் என்பதை நாங்கள் ஏற்றுக்கொண்டிருந்தோம். எங்களால் கோர்ட்டிற்கு வெளியில் எதையும் பேச முடியாது. உங்களது கோரிக்கையை நாங்கள் ஏற்றுக்கொண்டோம் என்பதை நீங்கள்( சாமி வழக்கறிஞர்) வெளியில் விளக்கமளிக்கலாம். எழுத்தாளர் வரவரராவிற்கு இவ்வழக்கில் மருத்துவ ஜாமீன் கொடுக்கப்பட்டுள்ளது. இவ்வழக்கில் தொடர்புடைய அனைவரது மனுக்களையும் மனிதாபிமானத்துடன்தான் பரிசீலித்தோம். வரவரராவிற்கு ஜாமீன் கொடுக்கும் போதுகூட கடுமையான எதிர்ப்பையும் மீறி தான் ஜாமீன் கொடுத்தோம். அதோடு அவரது குடும்ப உறுப்பினர்கள் மருத்துவமனையில் சந்தித்து பேச அனுமதித்தோம். சாமி மிகவும் அற்புதமான மனிதர். இந்த சமுதாயத்திற்கு அளப்பறிய சேவையை வழங்கியுள்ளார். அவரது சேவைமீது நாங்கள் மிகவும் மரியாதை வைத்திருக்கிறோம் என்று நீதிபதி ஷிண்டே தெரிவித்தார். Also Read: மும்பை: விடாது கொட்டித்தீர்க்கும் பருவமழை; மக்கள் வீட்டைவிட்டு வெளியில் வரவேண்டாம் என எச்சரிக்கை!ஸ்டேன் லூர்து சாமி சாமி இறந்தது குறித்து நடத்தப்படும் நீதிமன்ற விசாரணையில் பாதிரியார் மாஸ்கர்ன்ஹாஸ் பங்கேற்கவும் நீதிமன்றம் அனுமதி கொடுத்தது. என்.ஐ.ஏ.சார்பாக ஆஜரான வழக்கறிஞர் சந்தேஷ் பாட்டீல்," மக்கள் நீதித்துறையுடன், சிறை மற்றும் விசாரணை ஏஜென்சியை குறை கூறுகின்றனர்" என்று தெரிவித்தார். உடனே கருத்து தெரிவித்த நீதிபதி ஷிண்டே, "வெளியில் பேசுபவர்களைக் கட்டுப்படுத்த முடியாது. இப்போது எந்த விசாரணையும் இன்றி விசாரணை கைதிகளை எத்தனை ஆண்டுகள் சிறையில் இருக்க முடியும் என்பதை என்.ஐ.ஏ.தெளிவுபடுத்த வேண்டும். பீமா-கோரேகாவ் வழக்கு மட்டுமல்லாது அனைத்து வழக்குகளுக்கும் சேர்த்துத்தான் கேட்கிறோம். பீமா-கோரேகாவ் வழக்கில் குற்றச்சாட்டுக்கள் கூட பதிவு செய்யப்படவில்லை. விரைவான விசாரணை என்பது அடிப்படை உரிமையாகும். நாங்கள் இந்த உண்மையையும் கவனிக்கவேண்டியிருக்கிறது. நான் பொதுவாக டிவி பார்ப்பது, பேப்பர் படிப்பது போன்ற வேலைகளில் ஈடுபடுவது கிடையாது. ஆனால் ஸ்டேன் சாமியின் இறுதிச்சடங்கை பார்த்தனே் " என நீதிபதி ஷிண்டே தெரிவித்தார்.
http://dlvr.it/S41t68

Read More

மும்பை: தண்டவாளத்தை கடக்க முயன்ற முதியவர்; திடீரென புறப்பட்ட ரயில்! -மீட்ட ரயில்வே ஊழியர்கள்

மும்பை அருகில் உள்ள கல்யாண் ரயில் நிலையத்தில் ஹரிபிரசாத் என்ற 70 வயது முதியவர் ரயில் தண்டவாளத்தை கடக்க முயன்றார். அவர் ரயிலை கடக்க முயன்ற நேரம் மும்பை-வாரணாசி ரயில் பிளாட்பாரத்தில் இருந்து புறப்பட்டு இருந்தது. இதனை ஹரி பிரசாத் கவனிக்கவில்லை. ஆனால் இதனை கவனித்த ரயில்வே பராமரிப்பு ஊழியர்கள் ரயில்வே மோட்டார்மேனை நோக்கி சத்தம் போட்டு கத்தினர். இதனை கவனித்த மோட்டார்மேன் பிரதான், முதியவர் ஒருவர் ரயில் முன்பு வந்ததை கவனித்து உடனே திடீரென பிரேக் போட்டார். ரயில்வே ஊழியர்கள் முதியவரிடம் கீழே படுக்கும்படி கத்தினர். ரயிலுக்கு அடியில் இருந்து முதியவர் மீட்பு முதியவரும் அதிர்ச்சியில் என்ன செய்வது என்று தெரியாமல் தண்டவாளத்தில் அப்படியே படுத்துவிட்டார். ரயில் இன்ஜின் முதியவர் படுத்திருந்த பகுதியை கடந்தே நின்றது. எனினும் அதிர்ஷ்டவசமாக அவருக்கு லேசான காயமே ஏற்பட்டது. ரயில்வே ஊழியர்கள் ரயில் தண்டவாளத்தில் இருந்து முதியவரை பத்திரமாக மீட்டனர். நூலிழையில் முதியவர் உயிர் பிழைத்தார். சில நொடிகள் மோட்டார்மென் தாமதித்து இருந்தாலும் முதியவரை உயிரோடு பார்த்திருக்க முடியாது. ரயில்வே ஊழியர்கள் முதியவரிடம் ரயில் தண்டவாளத்தை கடக்கக்கூடாது என்று கவுன்சிலிங் கொடுத்து அனுப்பி வைத்தனர். துரிதமாக செயல்பட்டு பிரேக் பிடித்து முதியவரை காப்பாற்றிய மோட்டார்மேன் பிரதான், ரவி ஆகியோருக்கு மத்திய ரயில்வே சன்மானம் அறிவித்துள்ளது. பயணிகள் ரயில் தண்டவாளத்தை கடப்பதை தவிர்க்கவேண்டும் என்று மத்திய ரயில்வே கேட்டுக்கொண்டுள்ளது. மும்பையில் கடந்த சில நாட்களாக கனமழை பெய்து வருகிறது. இம்மழையால் நகரில் புறநகர் ரயில் போக்குவரத்து பாதிக்கப்பட்டுள்ளது. இதனால் மக்கள் ரயில் நிலையங்கள் மற்றும் ரயில்களில் பல மணி நேரம் காத்திருக்கவேண்டிய சூழ்நிலை ஏற்பட்டது. ரயில் போக்குவரத்து நிறுத்தம் எனவே அதிகமானோர் ரயிலில் இருந்து இறங்கி நடந்து தண்டவாளத்தில் நடந்து சென்றனர். மும்பையில் ஒவ்வொரு ஆண்டும் 3 ஆயிரத்திற்கும் அதிகமானோர் மும்பை புறநகர் ரயில்களில் அடிபட்டு உயிரிழந்து வருகின்றனர். அதில் அதிகமானோர் ரயில் தண்டவாளத்தை கடப்பது மற்றும் ரயிலில் இருந்து தவறி விழுவது போன்றவற்றால் உயிரிழந்து வருகின்றனர். அப்படி உயிரிழப்பவர்களில் பாதிப்பேர் அடையாளம் காணப்படாமலேயே ரயில்வே போலீஸாரால் தகனம் செய்யப்படுகின்றனர்.
http://dlvr.it/S40lNQ

Read More

மும்பை: 2-வது நாளாக கொட்டித் தீர்த்த கனமழை; நிலச்சரிவு! - 32 ஆக அதிகரித்த பலி எண்ணிக்கை

மும்பையில் சனிக்கிழமை இரவு தொடங்கிய மழை சில மணி நேரத்தில் எப்போதும் இல்லாத அளவுக்கு கொட்டித்தீர்த்தது. வெறும் 3 மணி நேரத்தில் 250 மிமீ அளவுக்கு மழை பெய்தது. இது ஞயிற்றுக்கிழமை காலை 7 மணிக்கு 305 மிமீ என்ற அளவுக்கு அதிகரித்தது. இம்மழையால் இரவில் செம்பூர் மற்றும் விக்ரோலியில் நிலச்சரிவு ஏற்பட்டு உயிரிழந்தவர்களின் எண்ணிக்கை 32 ஆக அதிகரித்துள்ளது. செம்பூரில் நிலச்சரிவு ஏற்பட்ட பகுதியில் தேசிய பேரிடர் மேலாண்மை படையினர் மீட்பு பணியில் ஈடுபட்டு மேலும் சில உடல்களை மீட்டனர். இதனால் செம்பூரில் மட்டும் இறந்தவர்களின் எண்ணிக்கை 21 ஆக அதிகரித்தது. இதே போன்று விக்ரோலியில் நிலச்சரிவு ஏற்பட்டு இறந்தவர்களின் எண்ணிக்கை 10 ஆக அதிகரித்தது. சாலையில் வெள்ளப்பெருக்கு பாண்டூப் பகுதியில் சுவர் இடிந்து 16 வயது சிறுவன் பரிதாபமாக உயிரிழந்தான். மாநில அமைச்சர் ஆதித்ய தாக்கரே நிலச்சரிவு ஏற்பட்ட பகுதிகளை நேரில் பார்வையிட்டு பாதிக்கப்பட்ட மக்களை சந்தித்து ஆறுதல் கூறினார். முதல்வர் உத்தவ் தாக்கரே உயர் அதிகாரிகளுடன் மழை சேதம் குறித்து முக்கிய ஆலோசனை நடத்தினார். இடிபாடுகளில் சிக்கி உயிரிழந்தவர்கள் குடும்பத்திற்கு தலா ரூ.5 லட்சம் வழங்கப்படும் என்று பின்னர் அறிவிக்கப்பட்டது. மழையால் உயிரிழந்தவர்களுக்கு ஜனாதிபதி ராம்நாத் கோவிந்த் இரங்கல் தெரிவித்துள்ளார். மேலும் தாழ்வான பகுதியில் வசிக்கும் மக்கள் அனைவரும் பாதுகாப்பான இடத்திற்கு மாற்றப்பட்டனர். மழை காரணமாக 6 பேர் காயம் அடைந்து மருத்துவமனையில் சேர்க்கப்பட்டனர். பல இடங்களில் மின் கசிவு ஏற்பட்டது. கிங்சர்க்கிள் காந்தி மார்க்கெட் பகுதி முற்றிலும் தண்ணீரால் சூழ்ந்தது. மழை காரணமாக மும்பையில் புறநகர் ரயில் சேவை முடங்கியது. விமான போக்குவரத்தும் காலை 5.30 மணி வரை நிறுத்தப்பட்டு சில விமானங்கள் வேறு இடங்களுக்கு திருப்பி விடப்பட்டது. காந்திவலி உட்பட சில இடங்களில் மழை நீர் வீடுகளுக்குள் புகுந்தது. மாநகராட்சி ஊழியர்கள் மழை நீர் தேங்கும் பகுதியில் நிறுத்தப்பட்டு மோட்டார் மூலம் தண்ணீரை பம்ப் செய்து வெளியேர்ரும் பணிகளில் ஈடுபட்டு வருகின்றனர். ஞயிற்றுக்கிழமை மாலையிலும் தொடர்ந்து கனமழை பெய்தது. மும்பையில் வானிலை ஆய்வு மையம் ஆரஞ்ச் எச்சரிக்கை விடுத்திருந்தது. இதனால் அடுத்த சில நாட்களுக்கு மழை நீடிக்கும் என்றும் அறிவிக்கப்பட்டுள்ளது. Also Read: பூமிக்கு அடியில் கான்கிரீட் குளங்கள்... மழை வெள்ளத்தில் இருந்து விடுபடுமா மும்பை? பாண்டூப் குடிநீர் சுத்திகரிப்பு மையத்தில் வெள்ளப்பெருக்கு ஏற்பட்டது. மோட்டார் அறைக்குள் தண்ணீர் புகுந்தது. இதனால் மும்பையில் குடிநீர் விநியோகம் பாதிக்கப்பட்டுள்ளது. மாநகராட்சி ஊழியர்கள் போர்க்கால அடிப்படையில் செயல்பட்டு மோட்டாரை சரி செய்யும் பணில் ஈடுபட்டுள்ளனர். மக்கள் தண்ணீரை கொதிக்க வைத்து குடிக்கும் படி மாநகராட்சி நிர்வாகம் கேட்டுக்கொண்டுள்ளது. ரயில் போக்குவரத்து நிறுத்தம் கன மழையால் மும்பைக்கு குடிநீர் வழங்கும் விகார் ஏரி நிரம்பியது. தற்போது பெய்துள்ள மழை 2005-ம் ஆண்டு ஜூலை 26-ம் தேதி மும்பையை புரட்டிப்போட்ட மழையை நினைவு படுத்துவதாக இருந்தது என்று பல்வேறு தரப்பினரும் கருத்து தெரிவித்துள்ளனர். வழக்கமாக ஜூலை மாதம் மும்பையில் எப்போதும் அதிக அளவில் மழை பெய்வது வழக்கம். பருவ மழை காலத்தில் குறைந்தபட்சம் இரண்டு முறையாவது மும்பை மக்களின் வாழ்க்கை பாதிக்கும் அளவுக்கு கன மழை பெய்வதுண்டு.
http://dlvr.it/S3zzFB

Read More

விவசாயிகளுக்கு உதவும் செல்போன் செயலி: அசத்தும் பொறியியல் பட்டதாரி மாணவர்

வீட்டிலிருந்தபடியே வயலில் உள்ள மின்மோட்டாரை இயக்கும்விதமாக செல்போன் செயலியை உருவாக்கி, தஞ்சை மாவட்டம் விவசாயிகளுக்கு பொறியியல் பட்டதாரி ஒருவர் வழங்கி வருகிறார். ஒரத்தநாடு கீழையூர் விவசாய குடும்பத்தில் பிறந்த பொறியியல் பட்டதாரி அரவிந்த். சிறுவயது முதலே விவசாயத்தில் ஆர்வமுடையவர். சுற்றுவட்டார பகுதிகளில் உள்ள விவசாயிகள் பெரும்பாலும் நிலத்தடி நீரை நம்பியே நெல் விவசாயம் செய்து வருகின்றனர். இந்நிலையில் மின்சாரம் எப்போது வரும் எப்போது தடைபெறும் என தெரியாத நிலையில், வயலிலேயே நீண்ட நேரம் காத்திருந்து மோட்டாரை இயக்குவதும், நிறுத்துவதுமாக சிரமப்பட்டு வந்தனர். இதைப்பார்த்த அரவிந்த் அதற்கு தீர்வுகாண நினைத்தார். அதன் விளைவாக செல்போன் மூலம் மின் மோட்டாரை இயக்குவதற்கும், இருமுனை மின்சாரம் மும்முனை மின்சாரம் தண்ணீர் தேவை உள்ளிட்ட அனைத்தையும் கண்டறியும் வகையில் ஒரு செயலியை உருவாக்கி ஒரத்தநாடு மற்றும் அதன் சுற்றுவட்டார பகுதிகளுக்கு வழங்கி வருகிறார். இதனால் விவசாயிகள் அவருக்கு நன்றி தெரிவித்து வருகின்றனர். 
http://dlvr.it/S3ymff

Read More