மூணாறு: திமிங்கலத்தின் உமிழ்நீரான ’அம்பர்கிரிஸ்’; ரூ.5 கோடிக்கு விற்க முயன்ற கும்பல்; பின்னணி என்ன?

தமிழகம் மற்றும் கேரள மாநிலத்தின் எல்லைப்பகுதியில் உள்ளது மூணாறு. இது, கேரள மாநிலத்தின் எல்லைகுட்பட்ட பகுதியில் உள்ளது. இங்கு, திமிங்கலத்தின் வாயிலிருந்து வெளியாகும் உமிழ்நீரான ‘அம்பர்கிரிஸ்’ஐ ரூ.5 கோடிக்கு விற்பனை செய்யப்பட உள்ளதாக கேளர வனத்துறை மற்றும் லஞ்ச ஒழிப்புத்துறையினருக்கு ரகசிய தகவல் கிடைத்துள்ளது. இதையடுத்து, மூணாறு பகுதி வனச்சரகர் ஹரீந்திர குமார், லஞ்ச ஒழிப்பு துனைச் சரகர் ஜெய்சன் ஜோசப் ஆகியோர் தலைமையிலான குழுவினர் மூணாறில் உள்ள ஒரு லாட்ஜில் சோதனை நடத்தினர். பறிமுதல் செய்யப்பட்ட ஐந்தரை கிலோ எடை கொண்ட அம்பர்கிரிஸ் அப்போது அங்கிருந்த அறை ஒன்றில் நடத்திய சோதனையில் ஒரு சாக்குப்பையில் ஐந்தரை கிலோ எடை கொண்ட ‘அம்பர்கிரிஸ்’ இருந்தது கண்டுபிடிக்கப்பட்டது. அந்த அறையில் தங்கியிருந்தவர்களிடம் அவர்கள் நடத்திய விசாரணையில், ‘ஐந்தரை கிலோ அம்பர்கிரிஸை 5 கோடி ரூபாய்க்கு விற்பனை செய்ய திட்டமிட்டிருந்ததும், விற்பனை செய்துவிட்டு பணத்தைப் பங்கு போடுவதற்காக லாட்ஜில் அறை எடுத்து தங்கியதும் தெரியவந்தது. இதையடுத்து, அறையில் தங்கியிருந்த மூணாறைச் சேர்ந்த முனுசாமி, அவரது தம்பியான திண்டுக்கல் மாவட்டம் வத்தலகுண்டுவைச் சேர்ந்த முருகன், ரவிக்குமார், தேனி மாவட்டம் பெரியகுளத்தைச் சேர்ந்த வேல்முருகன், சேது ஆகிய 5 பேரைக் கைது செய்தனர். அவர்களிடம், திமிலங்கத்தின் எச்சம் எங்கிருந்து கிடைத்தது? யாருக்கு விற்பனை செய்வதற்காகத் திட்டமிட்டிருந்தனர்? அவர்களின் கடத்தல் பின்னணி குறித்து வனத்துறையினர் தீவிர விசாரணை நடத்தி வருகின்றனர். ’அம்பர்கிரிஸ்’ குறித்து மீன்வள ஆராய்ச்சியாளர்கள் சிலரிடம் பேசினோம், “ ‘ஸ்பெர்ம்’ என்ற எண்ணெய்த் திமிங்கலத்தின் ‘உமிழ்நீர்’ அல்லது ‘வாந்தி’ எனப்படும் ஒருவிதக் கழிவுப்பொருள்தான் ’அம்பர்கிரிஸ்’. கறுப்பு நிற அம்பர்கிரிஸ் இந்த ஸ்பெர்ம் திமிங்கலத்தின் செரிமான உறுப்பில் இருந்தது உருவாகுவதாகச் சொல்லப்படுகிறது. திமிங்கலம் தன் இரையை வேட்டையாடும்போது இந்த வகையான மெழுகு போன்ற திரவத்தைப் பயன்படுத்துகிறது. கணவாய், ஆக்டோபஸ் போன்ற மீன்களை இரையாக விழுங்கும்போது அவற்றின் கூர்மையான உறுப்புகள், முட்கள் போன்றவை திமிங்கலத்தின் செரிமான உறுப்புகளில் காயத்தை ஏற்படுத்தும். அதைத்தடுப்பதற்காக, திமிங்கலம் ’அம்பர்கிரிஸ்’-ஐத் தற்காப்பு கவசமாகப் பயன்படுத்துகிறது. தேவையற்ற கழிவுகளை வாந்தி எடுப்பதன் மூலம் வெளியேற்றுகின்றன. அந்தக் கழிவுகள், அம்பர்கிரிஸ்ஸாக கடலில் மிதக்கின்றன. இவை, சூரியஒளி பட்டு கட்டியாகவும், கடல் நீரால் கறுப்பு, வெள்ளை, சாம்பல் நிறங்களுக்கு மாறுகின்றன. கடல் அலைகளால் அடித்து வரப்பாட்டு கடற்கரை ஓரத்திலும், சில நேரங்களில் மீனவர்களின் மீன்பிடி வலைகளிலும் சிக்குகின்றன” என்றனர். அம்பர்கிரிஸுக்கு ஏன் இந்த மதிப்பு என வனத்துறை அதிகாரிகள் சிலரிடம் பேசினோம், “இந்தியாவின் வனவிலங்குப் பாதுகாப்புச் சட்டம் மற்றும் விதிகளின்கீழ் எண்ணெய் திமிங்கலங்கள், பாதுகாக்கபட்ட விலங்குகளின் தகுதியைப் பெற்றுள்ளன. வெள்ளைநிற அம்பர்கிரிஸ் கைது செய்யப்பட்ட கும்பலிடம் பறிமுதல் செய்யப்பட்ட ஐந்தரை கிலோ அம்பர்கிரிஸின் சர்வதேச மதிப்பு ரூ.8 கோடி மதிப்புடையதாகும். இந்த ’அம்பர்கிரிஸ்’-ஐ உயர்ரக வாசனை திரவியங்கள் தயாரிப்பதற்காகவும், விலை உயர்ந்த மதுபானங்களின் வாசனைக்காகவும் பயன்படுத்தப்படுவதாகச் சொல்லப்படுகிறது. சில மருந்துகள் தயாரிப்பில்கூட பயன்படுத்தப்படுகிறதாம். வாசனை திரவியங்களை அதிகம் பயன்படுத்தும் அரபு நாடுகளில் அம்பர்கிரிஸுக்கு தனி வரவேற்பும் உள்ளதாம். ஒரு கிலோ எடையுள்ள அம்பர்கிரிஸின் சர்வதேச மதிப்பு ரூ.1 முதல் ஒன்றரை கோடி வரை விற்பனை செய்யப்படுகிறது. தங்கத்தைவிட இதன் மதிப்பு பல மடங்காகப் பார்க்கப்படுகிறது. அதனால்தான் இதை ’கடல் தங்கம்’, ‘மிதக்கும் தங்கம்’ என்கிறார்கள். தமிழகம் மட்டுமில்லாமல் ஆந்திரா, கேரளா, குஜராத், கர்நாடகா போன்ற மாநிலங்களில் இவை சட்டவிரோதமாகக் கடத்தப்படுகின்றன. கறுப்பு நிற அம்பர்கிரிஸ் இருப்பினும், இந்தக் கடத்தலை முடிந்தவரை தடுத்துக்கொண்டுதான் இருக்கிறோம்” என்றனர். கடந்த ஜூன் மாதம் 21-ம் தேதி, தூத்துக்குடி மாவட்டம் திருச்செந்தூரில் 2 கிலோ எடையுடைய ’அம்பர்கிரிஸ்’ஐ ரூ.2 கோடிக்கு விற்பனை செய்ய முயன்ற 6 பேர் கைது செய்யப்பட்டனர். தமிழகத்தின் கடலோர மாவட்டங்களில்தான், வனத்துறையினர் மற்றும் போலீஸரால் இவை அதிகமாக பறிமுதல் செய்யப்படுகின்றன.
http://dlvr.it/S4Nv2D

Read More

பாதிரியார் ஜார்ஜ் பொன்னையாவுக்கு 15 நாள் நீதிமன்றக் காவல்

மதரீதியான சர்ச்சை பேச்சு விவகாரத்தில் கைதுசெய்யப்பட்ட பாதிரியார் ஜார்ஜ் பொன்னையாவுக்கு 15 நாட்கள் நீதிமன்றக் காவல் விதிக்கப்பட்டுள்ளது. குமரி அருகே அருமனையில் 18-ஆம் தேதி நடந்த கிறிஸ்தவ அமைப்புகள் ஆர்ப்பாட்டத்தில், பாரத மாதா மற்றும் இந்துமத கடவுள்களை விமர்சித்த குற்றச்சாட்டில் தேடப்பட்டுவந்த பாதிரியார் ஜார்ஜ் பொன்னையா கைது செய்யப்பட்டார். பிரதமர், அமித் ஷா உள்ளிட்ட தலைவர்களையும் விமர்சித்த வீடியோ வைரலான நிலையில் 5 தனிப்படைகள் அமைக்கப்பட்டு தேடப்பட்டு வந்தார். இந்நிலையில் மதுரை அருகே கள்ளிக்குடியில் காவல்துறை அவரை கைதுசெய்தது. அவரை அருமனையில் உள்ள குழித்துறை குற்றவியல் நீதிமன்றத்தில் ஆஜர்படுத்தினர். இந்துமத நம்பிக்கைகளை இழிவாக பேசியதாக உள்ளிட்ட 7 பிரிவுகளில் தொடரப்பட்டிருந்த வழக்குகளை விசாரித்த நீதிமன்றம், அவரை 15 நாட்கள் நீதிமன்ற காவலில் சிறையில் அடைக்க உத்தரவிட்டிருக்கிறது.
http://dlvr.it/S4NDbp

Read More

"சாமானியரை இழிவுபடுத்தாதீர்!"- அன்று மஹூவா, இன்று மனோஜ் ஜா... அதிரவைத்த நாடாளுமன்ற பேச்சு

"சாமானியரை இழிவுபடுத்தாதீர்!" என்று அரசுகளையும் அமைப்புகளையும் கடுமையாக சாடி, ஒரு சாதாரண குடிமகனின் கேள்வியாக உணர்ச்சி பொங்க, நடப்பு நாடாளுமன்ற கூட்டத் தொடரில் ராஷ்ட்ரீய ஜனதா தள மாநிலங்களவை எம்.பி மனோஜ் ஜா பேசியது இப்போது இணையத்தில் தீயாகப் பரவி வருகிறது. கடந்த பிப்ரவரி மாதம் நடந்த நாடாளுமன்றக் கூட்டத் தொடரில், தனது வழக்கமான அதிரவைக்கும் பேச்சால் கவனம் ஈர்த்தவர் திரிணாமூல் காங்கிரஸ் எம்.பி மஹூவா மொய்த்ரா. அப்போது பேசிய அவர், “இந்தக் குடியரசு கோழைகளால் உருவாக்கப்பட்டதல்ல. கோழைகள் இதை பாதுகாக்க முடியாது" என்றார் எல்மா டேவிஸ். ஆம், இன்று நான் கோழைத்தனம், வீரம் இரண்டிற்கும் உள்ள வேறுபாடுகள் குறித்து இங்கே பேச இருக்கிறேன். அதிகார மமதை, வெறுப்பு, மதவெறி, பொய் ஆகியவற்றால் மறைந்திருக்கும் கோழைகள், இந்த விஷயங்களை வீரம் என்று கருதுகிறார்கள். இந்த அரசும், தனது பிரசாரத்தில் பொய்களை பரப்புவதன் மூலம் கோழைத்தனத்தை வீரம் என்று காட்டுவதை தங்களது மிகப்பெரிய வெற்றியாக கருதி வருகிறது. அப்படி பல்வேறு தருணங்களில் பல்வேறு விவகாரங்களில் இந்த அரசு வெளிப்படுத்திய வீரத்தை இங்கே சுட்டிக்காட்ட நான் விழைகிறேன். யார் இந்தியன், யார் இந்தியன் இல்லை என்ற கேள்வியை உள்ளடக்கிய அம்சங்களை கொண்ட குடியுரிமை திருத்தச் சட்டத்தை கொண்டுவந்ததில் இந்த அரசு தனது வீரத்தை காட்டியுள்ளது. இப்படி விவசாயிகள், மாணவர்கள், ஷாஹீன் பாக் போராட்டத்தில் கலந்துகொண்ட வயதான பெண்கள் உட்பட ஒவ்வொருவரும் கோழைகள் அல்லது தீவிரவாதிகள் என்று அடையாளப்படுத்துகிறார்கள். இதுதான் இந்த அரசின் வீரமா? இன்று இந்தியாவின் சோகம் என்னவென்றால், அரசாங்கத்தின் பிற ஜனநாயக தூண்களான, ஊடகங்கள் மற்றும் நீதித்துறை ஆகியவை தோல்வியுற்றன” என மத்திய அரசின் அணுகுமுறையை கடுமையாக விமர்சித்து பேசினார். இவரின் பேச்சு அப்போது அனைவரையும் திரும்பி பார்க்க வைத்தது. அதேபோல், தற்போது ஒரு சாதாரண குடிமகனின் கேள்வியாக உணர்ச்சி பொங்க, நடப்பு நாடாளுமன்ற கூட்டத் தொடரில் பேசியிருக்கிறார் ராஷ்ட்ரீய ஜனதா தள மாநிலங்களவை எம்.பி மனோஜ் ஜா. அவர் அவையில் பேசும்போது, “எந்த அரசியல் கட்சியின் உறுப்பினராகவும் நான் இங்கு பேசவில்லை. துயரமடைந்த குடியரசின் சாதாரண குடிமகனாக அல்லது பொது பிரதிநிதியாக என்னை கருதுங்கள். இங்கு பேச விரும்பும் லட்சக்கணக்கான மக்கள் சார்பாக நான் இங்கு பேசுகிறேன். இது ஒரு பேச்சு அல்ல... கொரோனாவால் மக்கள் இறந்ததை ஏற்றுக் கொள்ளாத அனைத்து குடிமக்களிடமும் மன்னிப்பு கோருகிறேன். இது ஒரு தனிப்பட்ட வலி. நான் எந்த புள்ளிவிவரங்களையும் மேற்கோள் காட்டவில்லை. உங்கள் தனிப்பட்ட வலியில் (இறப்பு) புள்ளிவிவரங்களைத் தேடுங்கள். இந்த நாட்டில், இந்த மாளிகையில், இந்த மாளிகைக்கு வெளியில், மற்ற சபையிலும், ஒருவர் தங்களுக்குத் தெரிந்த ஒருவரை கொரோனாவுக்கு இழக்கவில்லை என்று சொல்ல முடியாது. எனக்கு எந்தப் புள்ளிவிவரங்களும் தேவையில்லை. இறந்தவர்கள் எங்கள் தோல்வியின் ஒரு வாழ்க்கை ஆவணத்தை விட்டுச் சென்றுள்ளனர். நான் அதிகாரத்தில் இருப்பவர்களைப் பற்றி பேசவில்லை. 70 ஆண்டுகளில் எதுவும் நடக்கவில்லை என்று நீங்கள் கூறுவீர்கள். நான் அதற்குள் செல்ல விரும்பவில்லை. இது 1947 முதல் அனைத்து அரசாங்கங்களின் கூட்டு தோல்வி. நான் இந்த அவையிலிருந்து வெளியேறும்போது, ‘இலவச தடுப்பூசிகள், இலவச ரேஷன்கள், இலவச சிகிச்சை’ என்று பெரிய விளம்பரங்களைக் காண்கிறேன். இது ஒரு வளர்ந்த மாநிலம். அப்படியா? ஒரு சாதாரண மனிதன் சோப்பு வாங்கினால் கூட அதானி, அம்பானி போல பெரிய வரியை செலுத்துகின்றனர். ஆனால் அவர்களிடம் ‘இலவச தடுப்பூசிகள், இலவச ரேஷன்கள், இலவச சிகிச்சை’ என்று சொல்கிறீர்கள். இல்லை. இது இலவசம் இல்லை. இதில் அவர்களின் பங்கு உள்ளது. சாமானியர்களை இழிவுபடுத்தாதீர்கள். அரசுக்கு என்று பொறுப்பு உள்ளது. புதிய சட்டத்தைப் பற்றி நிறைய பெரிய பேச்சு நடக்கிறது. அரசாங்கம் ஏன் சுகாதார உரிமை பற்றி பேசவில்லை? நல்ல சுகாதாரம் பெறுவதற்கான உரிமை என்பது அரசியல் சட்டத்தில் இடம்பெற்றுள்ள வாழ்வதற்கான உரிமை என்பதோடு தொடர்பில் இருக்கிறது. அதுவும் இந்த நேரத்தில் நல்ல சுகாதார உரிமை என்பது தேவையாக இருக்கிறது. இதை கடைபிடித்தால் எந்த மருத்துவமனையும் மனித உரிமையோடு விளையாட முடியாது. வேலை செய்யும் உரிமை பற்றி பேசுங்கள். மக்கள் தொகை பற்றி நிறைய கூறப்படுகிறது. மக்கள்தொகையை புள்ளிவிவரங்களுக்கு விட்டு விடுங்கள். வாழ்க்கை உரிமை மற்றும் வேலை செய்யும் உரிமை குறித்த சட்டத்தை கொண்டு வாருங்கள். கடந்த ஒன்றரை மாதங்களில் என்ன நடந்தது என்பது கனவுபோல் இருக்கிறது. மருத்துவமனைகள், ஐ.சி.யூ படுக்கைகள், மருந்துகள் ஆகியவற்றிற்காக மக்கள் கடும் வேதனையை சந்தித்தனர். லட்சக்கணக்கான இந்திய மக்கள் கொரோனா இரண்டாம் அலையில் சிக்கி உயிரிழந்தனர். இந்த சோகத்தில் தனிப்பட்ட வலியைப் பாருங்கள். அப்போதுதான் நீங்கள் ஒரு தீர்வைக் கண்டுபிடிக்க முடியும். ஒருவருக்கொருவர் குற்றம் சாட்டுவது எதையும் சாதிக்காது. இது நீண்ட காலமாக நடந்து வருகிறது. அரசாங்கங்கள் தோல்வியடையவில்லை, அமைப்பு தோல்வியடைந்தது என்று கூறப்படுகிறது. அந்த அமைப்பு என்ன? குழந்தை பருவத்திலிருந்தே, இந்த அமைப்பின் பின்னால் மக்கள் இருக்கிறார்கள் என்று எனக்குத் தெரிவிக்கப்பட்டுள்ளது. இந்த அமைப்பு தோல்வியுற்றால், டெல்லியில் இருந்தாலும் சரி, கிராம சந்துகளில் இருந்தாலும் சரி, அங்குள்ள அரசாங்கங்கள் தோல்வியடைந்துள்ளன. மக்கள் கணினியை உருவாக்குவதால் அதை கணினியில் குறை என்று கூற வேண்டாம். எனக்கு வலிக்கிறது. நான் உங்களையும் எழுப்ப விரும்புகிறேன். கங்கையில் உடல்கள் மிதக்கின்றன. இழிவான மரணங்களை நாம் கண்டிருக்கிறோம். இதை சரிசெய்ய முடியாவிட்டால், வரவிருக்கும் நூற்றாண்டுகள் நமக்கு மன்னிப்பு வழங்காது. நன்றி தெரிவித்து நீங்கள் விளம்பரங்கள் செய்யத் தேவையில்லை. நல்லதை செய்தால் வரலாறு உங்கள் நன்றி செலுத்தும்” என்றார்.
http://dlvr.it/S4LnK1

Read More

ஒலிம்பிக் பளுதூக்குதலில் சாதனை வெற்றி.. குவியும் வாழ்த்துகள் - யார் இந்த மீராபாய் சானு?

டோக்கியோ ஒலிம்பிக் போட்டியில் 49 கிலோ எடைப்பிரிவில் வெள்ளிபதக்கம் வென்ற மீராபாய்க்கு பிரதமர் மோடி, தமிழ்நாடு முதல்வர் ஸ்டாலின் ஆகியோர் வாழ்த்துகள் தெரிவித்துள்ளனர்.  இரும்பு பெண்மணி இரோம் ஷர்மிளாவின் சொந்த மாநிலமான மணிப்பூர் மாநிலத்தின் இம்பால் நகரிலிருந்து அறுபது கிலோ மீட்டர் தொலைவில் அமைந்துள்ள நோங்பாக் காக்சிங் தான் (Nongpok Kakching) மீராபாய் சானு பிறந்து, வளர்ந்த கிராமம். நிரந்தர வேலை இல்லாமல் கிடைக்கின்ற வேலையை செய்து வந்துள்ளனர் அவரது பெற்றோர். அதே கிராமத்தில் இயங்கி வந்த பள்ளியில் ஆரம்ப கல்வியை படித்துள்ளார் சானு. ஒன்பது வயதான மீராபாய் நான்காம் வகுப்பு படித்து கொண்டிருந்தபோது விடுமுறை நாளில் டிவியில் ஸ்போர்ட்ஸ் சேனலை பார்த்து கொண்டிருந்தார். அதில் குஞ்சரணி தேவி பளு தூக்குதலில் 2004 ஒலிம்பிக்கில் அசத்திக் கொண்டிருந்தார். அதை பார்த்து தான் அவருக்கு பளு தூக்குதலில் ஆர்வம் வந்தது என மீராபாய் சானுவின் தாயார் தெரிவிக்கிறார். மேலும், அந்த போட்டி முடிந்தவுடன் இந்தியாவிற்கு தான் பளு தூக்குதலில் பதக்கம் வென்று தருவேன் என்ற ஆர்வத்தோடு வீட்டு வாசலில் கிடந்த நீளமான மூங்கில் கோளை தலைக்கு மேல் தூக்கி விளையாடியதகவும் கூறுகிறார். தன் கிராமத்தில் செயல்பட்டு வந்த இளைஞர் மன்றத்திற்கு சென்று உடற் பயிற்சியில் ஈடுபட்டுள்ளார் மீராபாய். கூடுதல் பயிற்சிக்காக தங்கள் கிராமத்திற்கு பக்கத்தில் இருந்த பளு தூக்கும் பயிற்சி மையத்திற்கு சைக்கிளில் பயணம் செய்து பளு தூக்கும் பயிற்சியில் ஈடுபட்டுள்ளார் மீராபாய். விளையாட்டில் ஈடுபடும் வீரர்கள் தங்கள் ஸ்டாமினாவை அதிகரிக்க பழம், பால், சத்து மாவு முதலியவற்றை எடுத்துக் கொள்வார்கள். ஆனால் வறுமையால் மீராபாய் பால் கூட வாங்கி பருக முடியாத சூழல். ஆனால் பயிற்சியாளரிடம் அதை கூட மறைத்துள்ளார் அவர். வட்டம், மாவட்டம், மாநிலம் மற்றும் தேசிய அளவிலான போட்டிகளில் தனது முத்திரையை பதித்தார். 2013ல் ஜுனியர் பிரிவில் நாட்டின் சிறந்த வெயிட் லிப்டர் என்ற பட்டத்தை வென்றார் மீராபாய். பட்டியாலாவில் உள்ள தேசிய விளையாட்டு கழகத்தில் தங்கி பயிற்சி பெரும் வாய்ப்பை பெற்றார் மீராபாய். அதற்கு அவரது பெற்றோர் நோ சொல்ல '2016 ஒலிம்பிக்கில் இந்தியா சார்பில் நான் பங்கு பெறுவேன். அந்த வாய்ப்பை இழந்தால் வீட்டுக்கே திரும்பி விடுகிறேன்' என சபதம் போட்டுவிட்டு மூட்டை முடிச்சுகளோடு வீட்டை விட்டு கிளம்பியுள்ளார். அங்கு தன்னுடைய குஞ்சரணி தேவிதான் அவருக்கு பயிற்சியாளர். அதன் மூலம் தேசிய போட்டிகளில் அசத்தி 2014 ல் நடந்த காமன் வெல்த் போட்டிகளில் பங்குபெற வாய்ப்பு பெற்றார். அதில் இரண்டாம் இடம் பிடித்து வெள்ளி வென்றிருந்தார் மீராபாய். அந்த வெற்றியின் மூலமாக 2016இல் நடைபெற்ற ரியோ ஒலிம்பிக்கில் பங்கேற்கும் வாய்ப்பையும் பெற்றார். ஆனால் அதில் 48 கிலோ எடைப்பிரிவில் ஆறாது இடம் பிடித்தார். அமெரிக்காவில் நடந்த 2017 உலக பளுதூக்குதல் சாம்பியன்ஷிப் போட்டியில் 48 கிலோ எடைப்பிரிவில் 194 கிலோவை அசால்டாக தூக்கி நிறுத்தி தங்கத்தை வென்றார் மீராபாய். டோக்கியோவில் நடைபெற உள்ள ஒலிம்பிக் போட்டியில் தங்கப் பதக்கம் வெல்வது எனது அடுத்த இலக்கு எனக் கூறிய மீராபாய்க்கு வெள்ளிப்பதக்கம் கிடைத்துள்ளது. 2020இல் நடைபெற்ற ஆசிய சாம்பியன்ஷிப்பில் 49 கிலோ எடைப் பிரிவில் வெண்கலம் வென்றார் என்பது குறிப்பிடத்தக்கது. இதனிடையே மீராபாய்க்கு பிரதமர் மோடி, தமிழ்நாடு முதல்வர் ஸ்டாலின் ஆகியோர் வாழ்த்துகள் தெரிவித்துள்ளனர். பிரதமர் மோடி தனது ட்விட்டர் பக்கத்தில், “மீராபாயால் இந்தியா பெருமை அடைகிறது. பளுதூக்குதலில் வெள்ளிப்பதக்கம் வென்றிருக்கும் அவருக்கு வாழ்த்துகள். அவரது வெற்றி ஒவ்வொரு இந்தியரையும் ஊக்குவிக்கிறது” எனத் தெரிவித்துள்ளார்.  இதேபோல், தமிழ்நாடு முதலமைச்சர் மு.க.ஸ்டாலின் தனது ட்விட்டர் பக்கத்தில், “ஒலிம்பிக்கின் முதல் நாளிலேயே இந்தியாவுக்கு ஒரு பிரகாசமான ஆரம்பம். எனது மனமார்ந்த வாழ்த்துகள் மீராபாய் சானு. தனது சிறந்த திறமையால் இந்தியாவுக்கு பளுதூக்குதலில் முதல் ஒலிம்பிக் சில்வர் பதக்கத்தை வென்றவர்” என குறிப்பிட்டார்.
http://dlvr.it/S4LMxN

Read More

மேக்கேதாட்டூ விவகாரம்: ``தமிழக அரசு கேரளாவின் ஆதரவையும் கோர வேண்டும்!" - பி.ஆர்.பாண்டியன்

கர்நாடக அரசு, காவிரியின் குறுக்கே மேக்கேதாட்டூ வனப்பகுதியில் அணை கட்டும் முயற்சியில் இறங்கியுள்ளது. இதற்கான ஆரம்பக்கட்ட பணிகள் தீவிரமாக நடைபெற்று வருவதாக, தகவல் பரவியதால், இதற்கு தமிழக விவசாயிகள் மற்றும் அரசியல் இயக்கங்களிடம் இருந்து கடுமையான எதிர்ப்புகள் கிளம்பியுள்ளது. இதற்கு எதிர்ப்பு தெரிவித்து, தமிழ்நாட்டில் உள்ள பல்வேறு விவசாய சங்கங்கள், தொடர்ச்சியாக பல போராட்டங்களில் ஈடுபட்டு வருகின்றன. இந்நிலையில் மேக்கேதாட்டூவில் அணை கட்டுவதைத் தடுத்து நிறுத்த கேரள அரசின் ஆதரவை, தமிழக முதலமைச்சர் ஸ்டாலின் கோர வேண்டும் என தமிழக காவிரி விவசாயிகள் சங்க பொதுச் செயலாளர் பி.ஆர்.பாண்டியன் வலியுறுத்தியுள்ளார்.மேக்கேதாட்டூ மேக்கேதாட்டூவில் அணை கட்டியே தீருவோம்... இது கர்நாடகவின் மிக முக்கியமான திட்டம். இதனை கைவிடும் பேச்சுக்கே இடமில்லையென என சூளுரைக்கும் கர்நாடக முதல்வர் எடியூரப்பா, வெறும் பேச்சோடு நின்றுவிடாமல், 9,000 கோடி ரூபாய் திட்டமதிப்பீட்டில் இதற்கன கட்டுமானப் பணியை தொடங்கிவிட்டதாக, தகவல்கள் வெளி வந்து கொண்டிருக்கின்றன. மேக்கேதாட்டூ அணை கட்டப்பட்டால் தமிழ்நாட்டிற்கு ஒரு சொட்டு காவிரி தண்ணீர் கூட வராது. கர்நாடகாவில் வெள்ளமே வந்தாலும் கூட, உபரிநீர், தமிழ்நாட்டிற்கு வர வாய்ப்பில்லை. தமிழகத்தில் 24 மாவட்டங்களில் 5 கோடி மக்களின் குடிநீர் ஆதாரம் முற்றிலும் பறிபோகும். 25 லட்சம் ஏக்கர் விளைநிலங்கள் பாலைவனமாக மாறி, உணவு உற்பத்தி அடியோடு அழிந்து போகும் என தமிழக விவசாயிகள் அவலக்குரல் எழுப்புகிறார்கள். இத்திட்டம் தொடர்பாக தமிழக முதல்வர் ஸ்டாலினுக்கும் கர்நாடக முதல்வர் எடியூரப்பாவுக்கு இடையே கடித யுத்தமும் நடைபெற்றது.பி.ஆர்.பாண்டியன் தமிழக சட்டமன்றக் கட்சிகளின் கூட்டத்தைக் கூட்டி, இத்திட்டத்திற்கு எதிராக தீர்மானமும் நிறைவேற்றப்பட்டது. மேலும் தமிழக அரசியல் கட்சிகளின் தலைவர்கள் டெல்லி சென்று, மத்திய நீர்வளத்துறை அமைச்சரை நேரில் சந்தித்து, இத்திட்டத்திற்கு தமிழக அரசு அனுமதி அளிக்கக்கூடாது எனவும் வலியுறுத்தினார்கள். இதுதொடர்பாக, தொடர்பாக தமிழக அரசுக்கு கோரிக்கை விடுத்துள்ள பி.ஆர்.பாண்டியன், ``காவிரியின் குறுக்கே மேக்கேதாட்டூவில் அணை கட்டுவதற்காக ரூ.9,000 கோடி மதிப்பீட்டில் தயாரிக்கப்பட்ட திட்ட அறிக்கையை ஒப்புதல் கேட்டு, மத்திய அரசின் ஜல்சக்தி துறைக்கு கர்நாடகா அரசு அனுப்பி உள்ளது. அந்த அறிக்கையை ஜல்சக்தி துறை அமைச்சகம், காவிரி மேலாண்மை ஆணையத்துக்கு அனுப்பி வைத்துள்ளது. இந்த திட்ட அறிக்கையை சட்டவிரோதம் என அறிவித்து நிராகரிக்க வேண்டும் என தமிழக அமைச்சரவையில் தீர்மானம் நிறைவேற்றி, காவிரி மேலாண்மை ஆணையத்துக்கு அனுப்பிவைக்க வேண்டும். ஆணையக் கூட்டத்தில் விவாதிப்பதற்கு முன்பாக, மேக்கேதாட்டூவில் அணை கட்டப்படுவதால் தமிழகத்துக்கு ஏற்பட இருக்கும் பேராபத்தை கேரள அரசிடம் எடுத்துக் கூறி, ஆணையம் மூலம் திட்ட அறிக்கையை நிராகரிக்க தமிழகத்துக்கு ஆதரவளிக்க வேண்டும் என கேரள முதல்வரிடம், தமிழக முதல்வர் வலியுறுத்த வேண்டும்" எனத் தெரிவித்துள்ளார். Also Read: மேக்கேதாட்டூ அணை: `மத்திய அரசை நம்பி மட்டும் தமிழகம் இருந்துவிடக்கூடாது!' - எச்சரிக்கும் விவசாயிகள் கேரளாவில் ஆட்சி செய்யும் மார்க்சிஸ்ட் கம்யூனிஸ்ட் கட்சி, தமிழ்நாட்டில் திமுக-வுடன் கூட்டணியில் உள்ளது. மேலும் கர்நாடகாவில் ஆட்சி செய்யும் பாரதிய ஜனதா கட்சியும், மார்க்சிஸ்ட் கம்யூனிஸ்ட் கட்சியும் எப்போதும் எதிரெதிர் திசையில் பயணிக்கக்கூடியவை. எனவே மேக்கேதாட்டூ பிரச்னையில் கேரள அரசின் ஆதரவை தமிழக அரசு கோருவது, நிச்சயம் பயன் அளிக்கும் என விவசாயிகள் கருதுகிறார்கள்.
http://dlvr.it/S4Kg0v

Read More

பாக்ஸிங் பயிற்சி முதல் முகமது அலி ரெஃபரென்ஸ் வரை: 'சார்பட்டா'வின் 10 பின்புலக் குறிப்புகள்

பா.ரஞ்சித் இயக்கத்தில் ஆர்யா நடிப்பில் வெளியாகி இருக்கும் 'சார்பட்டா பரம்பரை' பலதரப்பட்டவர்களின் பாராட்டுகளைப் பெற்று வருகிறது. இந்தப் படத்தில் நடித்த ஒவ்வொரு கேரக்டரும் கவனம் ஈர்த்துள்ளது. 'காலா' படத்தை அடுத்து ஏறக்குறைய 3 வருடங்களுக்குப் பின் இயக்குநர் பா.ரஞ்சித் இயக்கம் என்பதால் ரசிகர்களிடையே மிகவும் எதிர்பார்ப்புக்குள்ளான 'சார்பட்டா பரம்பரை' திரைப்படம் அமேசான் பிரைமில் வெளியாகி நல்ல வரவேற்பை பெற்று வருகிறது. குறிப்பாக படத்தில் 'டான்சிங் ரோஸ்' என்ற கதாபாத்திரம் நெட்டிசன்களால் பாராட்டபபட்டு வருகிறது. 1) இந்தப் படத்துக்காக பா.ரஞ்சித் செலுத்திய உழைப்பு வியப்புக்குரியது. 'சார்பட்டா'வின் கதையை 10 வருடத்ததுக்கு முன்பே எழுதிவிட்டார் பா.ரஞ்சித். அதுமட்டுமல்லாமல் படத்தை மெருகேற்ற பல்வேறு ஆய்வுகளையும் மேற்கொண்டிருக்கிறார். 2) மேம்போக்காக படம் இருந்துவிடக்கூடாது என்பதில் உறுதியாக இருந்தவர், இதற்காக தனியே 6 மாதங்களாக குத்துச்சண்டையைக் கற்றுக்கொண்டாராம். அதிலுள்ள நுணுக்கங்களை கறறுத் தேர்ந்த பின்னரே 'சார்பட்டா'வை உருவாக்கியிருக்கிறார். பா.ரஞ்சித் இயக்குநர் என்பதை தாண்டி நல்ல ஓவியரும் கூட. அதனால்தான் அவர் கதையை எழுதும்போதே சம்பந்தப்பட்ட கதாபாத்திரத்தை தன்னுடைய ஸ்கிரிப்டில் வரைந்து வைத்திருந்தாராம். 3) "படத்துக்காக மீனவர்கள் குடியிருப்பில் தங்கியிருந்து பயிற்சி பெற்றோம். கடுமையான உடற்பயிற்சியுடன் உணவுப் பழக்க வழங்கங்களையும் பின்பற்றினோம். படம் முழுவதும் யதார்ததமாக இருககவேண்டும் என்பதால் சின்னச் சினன விஷயங்களில் கூட கூடுதல் கவனம் செலுத்தினோம். இதற்காக நான் ஆறு மாதங்கள் குத்துச்சண்டை பயிற்சியைப் பெற்றேன்' என்று பேட்டி ஒன்றில் கூறியிருந்தார் பா.ரஞ்சித். 4) படத்தில் எந்தவித குறையும் இருந்துவிடக்கூடாது என்பதில் தெளிவாக இருந்துள்ள பா.ரஞ்சித், படக்குழுவினரையும் கடுமையாக பயிற்சிக்கு உட்படுத்தியிருக்கிறார். 'சார்பட்டா' நாயகன் ஆர்யா பல நாட்களாக இரவு, பகலாக ஜிம்மிலேயே தவம் கிடந்துள்ளார். மேலும் 4 மாதங்கள் பயிற்சிக்கு சென்று குத்துச்சண்டையை முறையாக கற்றுக்கொண்ட பின்னரே படத்தில் நடிததுள்ளார். கார்டியோ (உடல் எடை குறைப்பு முறை) மூலம் கடுமையான உணவுப் பழக்கங்களை பின்பற்றி உடல் எடையைக் குறைத்த அவர், நாள் ஒன்றுக்கு 6 முதல் 7 மணி நேரம் வரை கடுமையான பயிற்சியை மேற்கொள்வாராம். 5) கொரோனா பேரிடரால் படப்பிடிப்பு தற்காலிகமாக நின்றபோதும் தனனுடைய உடல் எடை கூடாமல் இருக்க அதே உணவுப் பழக்கத்தை தொடர்ந்து பின்பற்றி வந்திருக்கிறார் ஆர்யா. படத்துக்காக அவர் செலுத்திய உழைப்பு வீண்போகவில்லை என்பது படம் பார்த்தாலே தெரியும். 'சார்பட்டா பரம்பரை' படம் ஆர்யாவின் 30-வது படம் என்பது குறிப்பிடத்தக்கது. இந்தப் படத்தில் ஆர்யாவுக்கு முன்னதாக நடிகர் கார்த்தி நடிக்கவிருந்தார். 'மெட்ராஸ்' பட ஆடியோ வெளியீட்டின்போதே மேடையில் அதனை சொல்லியிருப்பார் கார்த்தி. 6) இந்தப் படத்தில் நாயகனுக்கு இணையான புகழைப்பெற்றுள்ள 'டான்சிங் ரோஸ்' ஷபீர் தன்னுடைய உடல்வாகை செதுக்க 4 மாதங்களை எடுத்துக்கொண்டாராம். ஷபீருக்கு இது 3-வது படம் ஆகும். முனனதாக ரஜினியின் `பேட்ட' படத்திலும், ஜெயம் ரவியின் `அடங்க மறு' படத்திலும் நடித்திருந்தார். ஆனால், அதில் பெரிதும் கண்டுக்கொள்ளப்படாத அவர், தன்னுடைய 3வது படத்தின் மூலம் மிகப்பெரிய புகழைப் அடைந்துள்ளார். 7) 'ஏய் வேம்புலி... யூ ஆர் நாட் புலிமேன்...'' உள்ளிட்ட வசனங்கள் மூலம் படம் முழுக்க ஜாலியாக வலம்வரும் கெவின் கதாபாத்திரத்தில் நடித்த ஜான் விஜய் `ஓரம்போ' படத்துக்குப் பிறகு கிட்டத்தட்ட 15 வருடங்கள் கழித்து ஆர்யாவுடன் கைகோத்திருக்கிறார். தொடக்கத்தில் `மஞ்சா கண்ணன்' கேரக்டரில் நடிக்கவே ஜான் விஜய்யை அழைத்திருக்கிறார் இயக்குநர் பா.ரஞ்சித். ஆனால், சிறிது நாட்கள் கழித்து தனது எண்ணத்தை மாற்றியிருக்கிறார். அபபடி உருவானதுதான் கெவின் கதாபாத்திரம். அவருடைய அந்தத் தேர்வு கச்சிதமாக பொருந்தியிருப்பதை பார்கக முடிகிறது. 8) கெவின் கதாபாத்திரத்தை பொறுத்தவரை, அது ஓர் ஆங்கிலோ இந்தியன் கதாபாத்திரம். தனது கதாபாத்திரததின் நேர்த்திக்காக, வண்ணாரப்பேட்டையில் தங்கியிருந்து, அங்கிருக்கும் ஆங்கிலோ இந்தியன் மக்களின் மேனரிசம், ஸ்லாங், இங்கிலீஷ் எல்லாவற்றையும் உள்வாங்கியிருக்கிறார். அப்படியான அர்ப்பணிப்புதான் திரையில் பார்க்கும்போது, உண்மையிலேயே இவர் ஆங்கிலோ இந்தியனா என தோன்றும் அளவுக்கு கொண்டுவந்திருக்கிறது. முன்னதாக ஜான் விஜய்க்கு ஒதுக்கப்பட்ட மஞ்சா கண்ணன் கேரக்டரில் நடித்தவர் மாறன். ஆனால், கொரோனா அவரை உள்வாங்கி கொண்டதுதான் சோகம். 9) படத்தில் ஹீரோயின் கேரக்டரில் நடித்த துஷாரா விஜயன், திண்டுக்கல்லை பூர்விகமாக கொண்டவர். இவர் வடசென்னை மொழி சரளமாக பேச கஷ்டப்பட்டிருக்கிறார். பின்னர் அவருக்கு ஈசியாக பேச கற்றுக்கொடுத்தவர் இந்தப் படத்தின் எழுத்தாளர் தமிழ்ப் பிரபா. 10) படத்தில் பிரபல குத்துச்சண்டை வீரர் முகமது அலியை பிரதிபலிக்கும் வகையில் மேனரிஸத்தை ஆர்யாவை செய்ய வைத்திருக்கிறார் பா.ரஞ்சித். இந்தக் காட்சி போஸ்டர்களாகவும் வெளிவந்துள்ளது. - மலையரசு தொடர்புடைய இணைப்பு: பா.ரஞ்சித்தின் அடுத்த லெவல் பாய்ச்சல்: சார்பட்டா பரம்பரை - ஒரு விரைவுப் பார்வை
http://dlvr.it/S4HtZZ

Read More

கேரளா: காட்டுயானை மிதித்ததில் உயிரிழந்த தேனி பெண்! - அச்சத்தில் தோட்டத் தொழிலாளர்கள்

தேனி மாவட்டம் பொடிமெட்டு பகுதியையைச் சேர்ந்தவர் சிரஞ்சீவி. இவரது மனைவி விமலா. இவர்களுக்கு இளங்கோவன், கோபி ஆகிய இரண்டு மகன்கள் உள்ளனர். கேரளா மாநிலம் இடுக்கி மாவட்டம் பூப்பாறை அருகேயுள்ள கோரம்பாறையில் இவர்களுக்குச் சொந்தமாக 5 ஏக்கர் ஏலக்காய் தோட்டம் உள்ளது. கடந்த 40 ஆண்டுகளாக ஏலத் தோட்டத்தில் குடும்பத்துடன் தங்கி ஏலக்காய் விவசாயம் செய்து வருகிறார்கள். இந்த நிலையில், வழக்கம்போல விமலா, ஏலத்தோட்டத்தில் களையெடுப்பு பணியைச் செய்து கொண்டிருந்தார். விமலாவைத் தாக்கிய யானைக்கூட்டம் அப்போது, அத்தோட்டத்தின் வழியே, காட்டு யானைக் கூட்டம் கடந்து சென்று கொண்டிருந்தது. யானைகளைப் பார்த்த விமலா, அங்கிருந்து ஓட்டம் பிடித்துள்ளார். பதட்டத்தில் ஓடிய விமலா கால் இடறிக் கீழே விழுந்துள்ளார். அதில், ஒற்றை யானை ஒன்று, துதிக்கையால் விமலாவைத் தூக்கி வீசியது. பின்னர் காலால் மிதித்ததாகவும் சொல்லப்படுகிறது. விமலாவின் அலறல் சத்தம் கேட்டு அப்பகுதியினர் வந்து பார்த்தபோது, படுகாயங்களுடன் விமலா உயிருக்குப் போராடிக் கொண்டிருந்தார். Also Read: நீலகிரி: வழிபாட்டுக்குச் சென்ற முதியவருக்கு நேர்ந்த பயங்கரம்! யானை தாக்கி உயிரிழந்த சோகம்! உடனே, அவரை மீட்டு ஆம்புலன்ஸில் அடிமாலி அரசு மருத்துவமனைக்கு கொண்டு சென்றுள்ளனர். ஆனால், மருத்துவமனைக்கு செல்லும் வழியிலேயே விமலா பரிதாபமாக உயிரிழந்துவிட்டார். தொடர்ச்சியாக பூப்பாறை சுற்றியுள்ள பகுதிகளில் இந்த யானை கூட்டத்தின் நடமாட்டத்தால் பல உயிர்கள் பலியாகி உள்ளது. இதேபோல, தேனி மாவட்டத்தில் மேகமலை, மணலாறு, வெண்ணியாறு, போன்ற 20-க்கும் மேற்பட்ட மலை கிராமங்களில் தேயிலை தோட்டங்கள், காபி தோட்டங்கள், ஏலத்தோட்டங்கள் உள்ளது. அங்கும் காட்டு யானைகள் கூட்டம் கூட்டமாக வந்து செல்கின்றன. உயிரிழந்த நிலையில் விமலா இவை, பெரும்பாலும் தோட்டத் தொழிலாளர்களை தொந்தரவு செய்வதில்லை என்றாலும், கேரளாவில் ஏலத்தோட்டத்தில் வேலை பார்த்துக் கொண்டிருந்த பெண்ணை காட்டு யானை தாக்கிய சம்பவம், தேனி மாவட்ட மலைக்கிராம தோட்டத் தொழிலாளர்கள் மத்தியிலும் அச்சத்தை ஏற்படுத்தியுள்ளது. இதனால், இந்த விவகாரத்தில் வனத்துறையினர் நடவடிக்கை எடுக்க வேண்டும் எனவும் அவர்கள் கோரிக்கை விடுத்துள்ளனர்.
http://dlvr.it/S4HHMS

Read More