மும்பை: வங்கியில் கொல்லப்பட்ட பெண் மேலாளர்! - சிக்கிய முன்னாள் மேலாளர்

வங்கிகளில் பொதுவாக பணி நேரம் முடிந்த பிறகு வங்கி மேலாளர் உட்பட சில அதிகாரிகள் வங்கிக்குள் இருந்து மீதி வேலையை முடிப்பது வழக்கம். அதுபோன்ற நேரத்தில் வங்கியின் கதவு பாதி அடைக்கப்பட்டு இருக்கும். அப்படி பாதி அடைக்கப்பட்ட வங்கிக்குள் புகுந்து மும்பையில் கொள்ளையடிக்க முயற்சி நடந்துள்ளது. மும்பை அருகில் உள்ள விராரில் ஐ.சி.ஐ.சி.ஐ. வங்கி கிளை இருக்கிறது. இந்த கிளையில் பணி முடிந்த பிறகும் மேலாளர் யோகிதா வர்தக் மற்றும் கேஸியர் ஸ்வேதா ஆகியோர் வங்கியின் கதவை பாதி மூடிவிட்டு உள்ளே இருந்து வேலை செய்து கொண்டிருந்தனர். இரவு 7.30 மணிக்கு இரண்டு கொள்ளையர்கள் வங்கிக்குள் நுழைந்தனர். கைது செய்யப்பட்ட அனில் Also Read: பாகிஸ்தானிலிருந்து கடத்தி வரப்பட்ட 530 கிலோ போதைப் பொருள்; பிடிப்பட்ட தலைமறைவு குற்றவாளி! அவர்களுக்கு ஏற்கனவே வங்கியில் பணியாற்றுபவர்கள் குறித்து தெரிந்திருந்தது. நேராக இருவரும் லாக்கர் இருக்கும் அறைக்குச் சென்று அங்கிருந்த மேலாளர் யோகிதா மற்றும் கேஸியர் ஆகியோரைக் கத்தியைக் காட்டி மிரட்டி லாக்கரில் இருந்த பணம் மற்றும் தங்க நகைகளை ஒரு சாக்கில் போட்டு கட்டினர். அவர்கள் இருவரும் பண மூட்டையுடன் தப்பிச்செல்ல முயன்றபோது யோகிதா சத்தம் போட்டு கத்தப்பார்த்தார். உடனே கொள்ளையர்களில் ஒருவன் தன்னிடம் இருந்த ரேஷர் பிளேடை எடுத்து யோகிதாவின் கழுத்தை அறுத்துவிட்டான். இதில் யோகிதா ரத்த வெள்ளத்தில் சரிந்தார். அவருடன் இருந்த கேஸியர் ஸ்வேதா வங்கியில் இருந்த எச்சரிக்கை அலாரத்தின் மூலம் எச்சரிக்கை செய்த போது அவரையும் கொள்ளையர்கள் ரேஷர் பிளேடால் வெட்டினர். இதில் ஸ்வேதா உதவி கேட்டு கத்தினார். வங்கி கீழ் தளத்தில் இருந்ததாலும், லேசாக திறந்திருந்ததாலும் ரோட்டில் செல்பவர்கள் ஓடி வந்து ஒரு கொள்ளையனைப் பிடித்தனர். மற்றொருவன் தப்பி ஓடிவிட்டான். தப்பி ஓடியவன் கொள்ளையடித்த பொருட்களை அப்படியே போட்டுவிட்டுத் தப்பி சென்றுவிட்டான். arrest பிடிபட்டவன் பெயர் அனில் துபே என்று தெரிய வந்தது. போலீஸார் உடனே விரைந்து வந்து இரண்டு பேரையும் மருத்துவமனையில் சேர்த்தனர். இதில் யோகிதா ஏற்கனவே இறந்துவிட்டதாக டாக்டர்கள் தெரிவித்தனர். ஸ்வேதா மிகவும் ஆபத்தான நிலையில் சிகிச்சை பெற்று வருகிறார். அனில் துபே இதற்கு முன்பு இதே வங்கியில் மேலாளராக பணியாற்றி இருந்தான். தற்போது அருகில் உள்ள நைகாவில் இருக்கும் வேறு ஒரு தனியார் வங்கியில் மேலாளராக பணியாற்றி வந்தது விசாரணையில் தெரிய வந்தது. வங்கியின் மாத இறுதி நாட்களில் மேலாளர் மற்றும் கேஸியர் இரவு வரை இருந்து வங்கி கணக்குகளை பார்ப்பது வழக்கம் என்று அனில் துபே அறிந்திருந்தார். அதோடு அந்த நேரத்தில் பெரிய அளவில் பாதுகாப்பு இருக்காது என்பதாலும், மேலாளர் பெண் என்பதாலும் இரண்டு கொள்ளையர்களும் துணிந்து இக்காரியத்தில் ஈடுபட்டுள்ளனர் என்று போலீஸார் தெரிவித்தனர். கொள்ளையர்கள் வங்கிக்குள் நுழைந்தபோது செக்யூரிட்டி கேட்டில் பணியில் இருந்தாரா என்பது குறித்தும் விசாரிக்கப்பட்டு வருகிறது. செக்யூரிட்டிக்கு இதில் தொடர்பு இருக்குமா என்ற கோணத்திலும் விசாரிக்கப்பட்டு வருவதாக போலீஸார் தெரிவித்தனர். அதோடு வங்கியில் பொருத்தப்பட்டு இருக்கும் கண்காணிப்பு பதிவுகளை ஆய்வு செய்து அதில் பதிவாகி இருக்கும் மற்றொரு கொள்ளையனை கைது செய்ய தீவிர நடவடிக்கை எடுத்து வருகின்றனர். இதற்காக தனிப்படைகள் அமைக்கப்பட்டுள்ளது. இக்கொள்ளையில் வேறு ஊழியர்கள் யாருக்காவது தொடர்பு இருக்கிறதா என்றும் போலீஸார் விசாரித்து வருகின்றனர். இரவில் வங்கிக்குள் புகுந்து வங்கி மேலாளரை கொலை செய்துவிட்டு கொள்ளையடிக்க நடந்த முயற்சி அனைவருக்கும் அதிர்ச்சியை ஏற்படுத்தி இருக்கிறது.
http://dlvr.it/S4jB7f

Read More

குறையாத கொரோனா பாதிப்பு: கேரள நிலவரமும் காரணங்களும்

கொரோனா முதல் அலையின்போது தொற்றுப் பரவலைக் கட்டுப்படுத்துவதில் சிறப்பாகக் கையாண்டு, கட்டுக்குள் கொண்டு வந்ததற்காக உலக சுகாதார அமைப்பின் பாராட்டுதலைப் பெற்ற கேரளா, 2-வது அலையை முடிவுக்கு கொண்டுவர போராடி வருகிறது. எனினும், நிலைமை கட்டுக்குள் இருப்பதாக அம்மாநில அரசு தெரிவித்துள்ளது.   இந்தியாவில் மிக மோசமான பாதிப்புகளை ஏற்படுத்தியிருந்த கொரோனா இரண்டாம் அலையின் தீவிரம் சற்று தணிந்து வருகிறது. அதன்படி, நாட்டில் கடந்த சில வாரங்களாகவே தினசரி கொரோனா பாதிப்பு 50,000-க்கு கீழாகவே பதிவாகி வருகிறது. பல்வேறு மாநிலங்களிலும் கொரோனா பாதிப்பு தொடர்ந்து குறைந்து வரும் நிலையிலும்கூட, கேரளாவில் மட்டும் தினசரி பாதிப்பு தினமும் 15,000-ஐ கடந்தே பதிவாகி வருவது, கவலையளிக்கும் விதமாக இருக்கிறது.   குறிப்பாக, கேரள மாநில சுகாதாரத்துறை நேற்று வெளியிட்ட அறிக்கையில், மாநிலத்தில் புதிதாக 22,056 பேருக்கு தொற்று இருப்பது உறுதி செய்யப்பட்டுள்ளதாக தெரிவித்திருப்பது பெரும் அதிர்ச்சியை ஏற்படுத்தியிருக்கிறது. ஏனெனில் இந்த எண்ணிக்கை, நாட்டின் மொத்த பாதிப்பு எண்ணிக்கையில், கிட்டத்தட்ட பாதி அளவு பாதிப்பாகும். இதனைத்தொடர்ந்து, அம்மாநிலத்தில் கொரோனாவை கட்டுப்படுத்த எடுக்கப்பட்டு வரும் நடவடிக்கைகள் குறித்து ஆய்வு செய்ய 6 பேர் கொண்ட குழுவை மத்திய அரசு அனுப்பி வைத்துள்ளது.   இந்தியாவில் 22 மாவட்டங்களில் கொரோனா பரவல் குறையவில்லை என்றும், அதில் 7 மாவட்டங்கள் கேரள மாநிலத்தைச் சேர்ந்தவை என்றும் மத்திய சுகாதாரத்துறை இணைச் செயலர் கூறியுள்ளார். அந்த 7 மாவட்டங்கள் ஆலப்புழா, கோட்டயம், மலப்புரம், திருச்சூர், வயநாடு, எர்ணாகுளம், பத்தனம்திட்டா ஆகியவை ஆகும். குறிப்பாக கோட்டயம், எர்ணாகுளம், திரிச்சூர் மற்றும் மலப்புரம் ஆகிய 4 மாவட்டங்களில் கொரோனாவால் பாதிக்கப்படுபவர்களின் எண்ணிக்கை 45 சதவீதம் அதிகரித்துள்ளதாக புள்ளி விவரங்கள் கூறுகின்றன.   நாட்டில் கொரோனா இரண்டாம் அலையின் வேகம் குறைந்து வரும் சூழலில், கேரளாவில் மட்டும் பாதிப்பு குறையாததற்கு என்ன காரணம்?   இந்திய மருத்துவ ஆராய்ச்சி கவுன்சில் சார்பில், 11 மாநிலங்களில் கொரோனா எதிர்ப்பு சக்தியை கணக்கிடும் ‘செரோ சர்வே’ சமீபத்தில் நடத்தப்பட்டது. இந்த ஆய்வில் கேரளாவில் 42.7% பேருக்கு மட்டுமே கொரோனா நோய் எதிர்ப்பு சக்தி கிடைத்துள்ளது என்பது தெரியவந்தது. அதாவது, கேரளாவில் இன்னும் 48% பேர் கொரோனாவால் பாதிக்கப்பட அதிகமான வாய்ப்புள்ளதாக இந்த ஆய்வு முடிவுகள் தெரிவித்தன.   மேலும், கேரளாவில் கொரோனா பாஸிடிவ் ரேட் தொடர்ந்து 13 சதவீதத்துக்கு மேல் இருப்பதால் கேரளாவில் தொற்றை கட்டுப்படுத்த முடியாத நிலை நீடிக்கிறது என்கின்றனர் மருத்துவ நிபுணர்கள். கொரோனாவை கட்டுப்படுத்துவதில் அதிகமான மக்கள் நெருக்கம், முதியோர், நீரிழிவு நோயாளிகள் அதிகமாக இருப்பது போன்றவை அரசின் முன் இருக்கும் சவாலாக குறிப்பிடுகின்றனர் கேரள சுகாதாரத்துறையினர்.   அதேவேளையில், கேரளாவில் கொரோனாவால் பாதிக்கப்படுவோர் எண்ணிக்கை அதிகரித்து வந்தாலும், மருத்துவமனைகளில் தங்கி சிகிச்சை பெறுவோர் எண்ணிக்கை 50 சதவீதமாகக் குறைந்துவிட்டது என்றும், தீவிர சிகிச்சைப் பிரிவு, வென்டிலேட்டர் அனுமதியும் 50 சதவீதமாக குறைந்துள்ளது என்றும் அம்மாநிலத்தைச் சேர்ந்த மருத்துவர்கள் தெரிவிக்கின்றனர். இதற்கு முக்கியக் காரணம், கொரோனா தடுப்பூசியை மக்கள் அதிகமாக செலுத்திக்கொண்ட விளைவுதான் என்கின்றனர் மருத்துவர்கள்.   மற்ற மாநிலங்களைவிட கொரோனா தடுப்பூசி செலுத்தும் வேகத்திலும், தடுப்பூசியை வீணாக்காமல் பயன்படுத்துவதிலும் கேரளா முதலிடத்தில் இருக்கிறது. கேரளாவில் உள்ள 18 வயதுக்கு மேற்பட்ட மக்களில் 21 சதவீதம் பேர் 2 டோஸ் தடுப்பூசிகளை செலுத்திக் கொண்டுள்ளனர். இது தேசிய சராசரியில் 9.9. சதவீதமாகும், வயநாடு மற்றும் காசர்கோடு மாவட்டங்களில் 45 வயதுக்கு மேல் உள்ள அனைவருக்கும் தடுப்பூசி போடப்பட்டுள்ளது.   கேரளாவில் அதிகரிக்கும் கொரோனா பாதிப்பை கட்டுப்படுத்த மாநில அரசு பல்வேறு நடவடிக்கைகளை மேற்கொண்டு வருகிறது. அதன்படி, ஏற்கனவே அறிவிக்கப்பட்ட ஊரடங்கு தளர்வில் பல்வேறு கட்டுப்பாடுகளை மீண்டும் அறிவித்துள்ளது. மேலும் கேரளாவில் சனி மற்றும் ஞாயிற்றுக் கிழமைகளில் தளர்வுகளற்ற முழு ஊரடங்கு ஏற்கெனவே அமலில் இருக்கிறது. இந்த நிலையில் கொரோனா அதிகரித்து வருவதால் வருகிற வாரமும் சனி மற்றும் ஞாயிற்றுக் கிழமைகளில் முழு ஊரடங்கு நீடிக்கும் என்று கேரள அரசு அறிவித்துள்ளது.   ''கேரளாவில் நிலைமை இப்போது முழுமையாகக் கட்டுக்குள் தான் இருக்கிறது. முதல் அலையைப் போலவே இரண்டாவது அலையிலிருந்தும் கேரளா விரைவில் மீளும்'' என நம்பிக்கை தெரிவித்துள்ளார் கேரள சுகாதாரத்துறை அமைச்சர் வீணா ஜார்ஜ்.
http://dlvr.it/S4gg1T

Read More

13 மாதங்களில் 3 முறை கொரோனா; தடுப்பூசிக்குப் பிறகும் தொற்றுக்கு உள்ளான மருத்துவர்; என்ன நடந்தது?

மும்பையைச் சேர்ந்த 26 வயதான இளம் மருத்துவர் 13 மாதங்களில் மூன்று முறை கொரோனா வைரஸால் பாதிக்கப்பட்டுள்ளார். கொரோனா தடுப்பூசியின் இரண்டு டோஸ்களையும் பெற்ற பின் இரண்டு முறை தொற்று ஏற்பட்டுள்ளது குறிப்பிடத்தக்கது. 2019-ம் ஆண்டு இறுதியில் தொடங்கிய கொரோனா வைரஸ் பாதிப்பு தற்போது வரை உலகை அச்சுறுத்தி வருகிறது. பல நாடுகள் கொரோனா வைரஸுக்கு எதிரான தடுப்புமருந்துகளைக் கண்டுபிடித்து அவற்றை மக்களுக்கு செலுத்தி வருகின்றன. அந்த வகையில் தடுப்பூசிகளின் செயல்பாடுகள் குறித்தும், புதிது புதிதாக உருமாறும் கொரோனா வைரஸ் வேரியன்ட்கள் குறித்தும் உலக அளவில் ஆராய்ச்சிகள் மேற்கொள்ளப்பட்டு வருகின்றன. COVID-19 patient/ Representation Image Also Read: Covid Questions: 2 தவணை தடுப்பூசி போட்டுக் கொண்டவர்கள் அடுத்து பூஸ்டர் டோஸ் போட்டுக்கொள்ள வேண்டுமா? இந்நிலையில் மும்பையைச் சேர்ந்த 26 வயதான இளம் பெண் மருத்துவர் ஒருவருக்கு 13 மாதங்களில் மூன்று முறை கொரோனா பாதிப்பு ஏற்பட்டுள்ள சம்பவம் அதிர்ச்சியை ஏற்படுத்தியுள்ளது. மருத்துவர் ஸ்ருஷ்டி ஹலாரி, மும்பையின் முலுன்ட் பகுதியில் உள்ள வீர் சாவர்க்கர் என்ற மருத்துவமனையில் கொரோனா நோயாளிகளுக்கான பிரிவில் பணியில் இருந்துள்ளார். கடந்த ஆண்டு ஜூன் 17-ம் தேதியன்று முதன்முதலில் இவருக்கு கொரோனா வைரஸ் பாதிப்பு ஏற்பட்டுள்ளது. அந்த நேரத்தில் பெரிய அறிகுறிகள் எதுவும் இல்லாமல் இருந்தது. அதன்பின் கொரோனா தடுப்பூசி கோவிஷீல்டின் முதல் டோஸை இந்த ஆண்டு மார்ச் 8 -ம் தேதியும், இரண்டாவது டோஸை ஏப்ரல் 29-ம் தேதியும் போட்டுக்கொண்டார். அவரின் குடும்பத்தினர் அனைவருக்கும் தடுப்பூசி செலுத்தப்பட்டது. இருப்பினும், தடுப்பூசி செலுத்தப்பட்ட ஒரு மாதம் கழித்து மே 29-ம் தேதி மருத்துவர் ஹலாரி இரண்டாவது முறையாக கொரோனா வைரஸால் பாதிக்கப்பட்டார். இந்த முறை லேசான அறிகுறிகளுடன் வீட்டில் தனிமைப்படுத்திக் கொண்டார். அதன் பின் மீண்டும் ஜூலை 11-ம் தேதி இவருக்கு கொரோனா வைரஸால் பாதிக்கப்பட்டார். இந்த முறை அவரின் குடும்பத்தில் உள்ள நான்கு பேரும் பாதிக்கப்பட்டனர். இது குறித்து மருத்துவர் ஹலாரி கூறுகையில், ``மூன்றாவது முறையாக கொரோனா பாதிப்பு ஏற்பட்டதும் நான் அதிகம் கஷ்டப்பட்டேன். நானும் என் குடும்பமும் மருத்துவமனையில் அனுமதிக்கப்பட்டோம். ரெம்டெசிவிர் மருந்து தேவைப்பட்டது. ஸ்ருஷ்டி ஹலாரி மேலும் என் சகோதரருக்கும் தாய்க்கும் நீரிழிவு நோய் உள்ளது. என் தந்தைக்கு உயர் ரத்த அழுத்தம் மற்றும் கொழுப்பு பிரச்னைகள் உள்ளன. என் சகோதரருக்கு சுவாசிப்பதில் சிரமம் இருந்தது, எனவே அவருக்கு இரண்டு நாள்கள் செயற்கை சுவாசம் கொடுக்கப்பட்டது'' என்றார். இது குறித்து நிபுணர்கள் கூறுகையில், ``கொரோனா தடுப்பூசி செலுத்திக் கொண்ட பின்னர் நோய்த்தாக்கம் ஏற்படாது என்பதில்லை. இரண்டு டோஸ் எடுத்துக்கொண்ட பிறகும் கொரோனா தொற்று ஏற்படலாம். ஆனால், தடுப்பூசி செலுத்திக்கொண்டால் நோயின் தாக்கம் குறைவாகவோ, மருத்துவமனையில் அனுமதிக்கவேண்டிய அவசியம் இல்லாத வகையிலோ இருக்கும். தடுப்பூசி செலுத்திக்கொண்ட பின்னர் கொரோனா பாதிப்பு ஏற்படும்போது, அது மோசமான பாதிப்புகளை ஏற்படுத்த வாய்ப்பு இருக்காது. இரண்டு டோஸ்கள் செலுத்திக் கொண்ட பின்னும் கொரோனா பாசிட்டிவ் ஆனவர்கள் இருக்கிறார்கள். எல்லா வயதினருக்கும், இணை நோயாளிகளுக்கும் நோய்த்தொற்று ஏற்படக்கூடும். ஆனால் தடுப்பூசி அதன் விளைவைக் குறைத்து நோயாளி விரைவாக குணமடைய உதவுகிறது'' என்று தெரிவித்துள்ளனர். Covid-19 Vaccine Also Read: Covid Questions: தடுப்பூசி போட்டுக்கொண்ட பிறகும் கொரோனா தொற்று ஏற்படுவது ஏன்? மேலும் இந்த மாதத் தொடக்கத்தில் ஐ.சி.எம்.ஆர் வெளியிட்ட ஆய்வில், இந்தியா முழுவதிலும் கோவிஷீல்டு அல்லது கோவாக்சின் தடுப்பூசிகளில் குறைந்தபட்சம் ஒரு டோஸ் போடப்பட்டவர்களின் 677 கொரோனா பாசிட்டிவ் மாதிரிகளில், 67 பேர் மட்டுமே மருத்துவமனையில் அனுமதிக்கப்பட்டனர் என்றும், மூன்று பேர் மட்டுமே இறந்துள்ளனர் என்றும் குறிப்பிட்டுள்ளது.
http://dlvr.it/S4fc1t

Read More

ஒலிம்பிக் வில்வித்தை: இந்தியாவின் அதானு தாஸ் காலிறுதிக்கு முந்தைய சுற்றுக்கு தகுதி

டோக்கியோ ஒலிம்பிக்கின் வில்வித்தை பிரிவில் இந்தியாவின் அதானு தாஸ் காலிறுதிக்கு முந்தைய சுற்றுக்கு தகுதிப்பெற்றார். முன்னதாக ஒலிம்பிக்கில் ஆடவர் ஒற்றையர் வில்வித்தை முதல் சுற்றுப் போட்டி இன்று நடைபெற்றது. இதில் இந்தியாவின் அதானு தாஸ் சீன தைபே வீரரான ஒய் சி டெங்கை எதிர்கொண்டார். இதில் அபாரபான திறமையை வெளிப்படுத்திய அதானுதாஸ் 6-4 என்ற கணக்கில் டெங்கை வீழ்த்தி அடுத்த சுற்றுக்கு முன்னேறினார். இதனையடுத்து அடுத்த சுற்று ஆட்டத்தில் அதானுதாஸ், தென் கொரிய வீரரான ஓ ஜின் ஹெய்க்கை எதிர்கொண்டார். மிகவும் பரபரப்பாக நடைபெற்ற இந்தப் போட்டியில் அதானு தாஸ்க்கு கடுமையான போட்டியாக விளங்கினார் ஜின் ஹெய்க். இதில் 6-5 என்ற புள்ளி கணக்கில் அதானு தாஸ் சிறப்பான வெற்றிப்பெற்று காலிறுதிக்கு முந்தைய சுற்றுக்கு தகுதிப் பெற்றார்.
http://dlvr.it/S4dZ2p

Read More

கர்நாடகா: புதிய முதல்வர் பசவராஜ் பொம்மையின் தந்தை எஸ்.ஆர் பொம்மையும்; ஆட்சிக் கலைப்பு வழக்கும்!

கர்நாடகாவின் புதிய முதல்வராக, கடந்த அமைச்சரவையில் உள்துறை அமைச்சராகப் பொறுப்பு வகித்த பசவராஜ் பொம்மை இன்று காலை பதவியேற்றார். பா.ஜ.க மூத்த தலைவர் எடியூரப்பா, கடந்த 26-ம் தேதி தனது முதல்வர் பதவியை ராஜினாமா செய்ய, அடுத்த முதல்வர் யார் என்கிற பரபரப்பு தொற்றிக்கொண்டது. புதிய முதல்வருக்கான ரேஸில் தேசிய பொதுச்செயலாளர்கள் பி.எல்.சந்தோஷ், சி.டி.ரவி, பார்லிமென்ட் விவகாரத்துறை அமைச்சர் பிரஹலாத் ஜோஷி, கர்நாடக அமைச்சர் முருகேஷ் நிரானி, பசவராஜ் பொம்மை ஆகிய பெயர்கள் அடிபட்டன.பசவராஜ் பொம்மை இந்தநிலையில், புதிய முதல்வரைத் தேர்வு செய்வதற்கான பா.ஜ.க எம்.எல்.ஏக்கள் கூட்டம், நேற்று மாலை பெங்களூருவில் நடைபெற்றது. இதில் பா.ஜ.க மேலிடப் பார்வையாளர்களாக மத்திய அமைச்சர்கள் தர்மேந்திர பிரதான், கிஷண் ரெட்டி உள்ளிட்டோர் கலந்து கொண்டனர். இறுதியாக, பசவராஜ் பொம்மை முதல்வராகத் தேர்வு செய்யப்பட்டார். இன்று காலை, அவர் முதல்வராகவும் பதவியேற்றுக்கொண்டார். லிங்காயத் சமூகத்தைச் சேர்ந்த பசவராஜ் பொம்மை, எடியூரப்பாவின் ஆதரவாளராக அறியப்படுகிறார். இவரின் தந்தை எஸ்.ஆர் (சோமப்பா ராயப்பா) பொம்மை கர்நாடகாவின் முன்னாள் முதல்வர் மட்டுமல்ல, முக்கியமான வரலாற்றுக்கும் சொந்தக்காரர். அது என்ன வரலாறு என்பதை விரிவாகப் பார்ப்போம். ஆர்டிக்கிள் 356...ஆட்சிக் கலைப்பு! ஒரு மாநில ஆட்சியானது அரசியல் அமைப்புச் சட்டத்தின் அம்சங்களின் அடிப்படையில் செயல்படாத அல்லது செயல்பட இயலாத நிலையில் உள்ளதாக ஆளுநர் அறிக்கை அளித்தாலோ அல்லது வேறு வகையில் தெரிய வந்தாலோ 356-வது சட்டப்பிரிவின் கீழ் குடியரசுத் தலைவர் ஆட்சியை அந்த மாநிலத்தில் பிரகடனம் செய்யலாம். அப்படி இந்தியாவில் பல மாநிலங்களில் ஆட்சிகள் கலைக்கப்பட்டிருக்கின்றன. தமிழகத்தில்கூட, கருணாநிதியின் ஆட்சி இரண்டு முறையும் எம்.ஜி.ஆரின் ஆட்சி ஒருமுறையும் ஜானகியின் ஆட்சி ஒருமுறையும் என நான்குமுறை ஆட்சிக் கலைப்பு நிகழ்ந்திருக்கிறது. நியாயமான காரணங்கள் இல்லாத நிலையிலும்கூட அரசியல் காரணங்களுக்காக, பழிவாங்கும் விதமாக எதிர்க் கட்சிகளின் ஆட்சிகள் கலைக்கப்பட்டிருக்கின்றன. இந்தநிலையில், எஸ்.ஆர் பொம்மை உச்சநீதிமன்றத்தில் தொடுத்த ஒரு வழக்கில் கிடைத்த தீர்ப்புதான், மத்தியில் ஆள்பவர்கள் தங்களின் விருப்பங்களுக்கேற்ப மாநிலங்களின் ஆட்சியைக் கலைப்பதில் இருந்து விடுதலை பெற்றுத் தந்தது.கருணாநிதி - எம்.ஜி.ஆர் அது என்ன வழக்கு? கர்நாடகாவில் 1985-ம் ஆண்டு நடந்த சட்டமன்றத் தேர்தலில் ஜனதா கட்சி வெற்றி பெற்று ராமகிருஷ்ண ஹெக்டே முதல்வரானார். மூன்றாண்டுகளில் அவர் அந்தப் பதவியில் இருந்து விலக, எஸ்.ஆர் பொம்மை முதல்வரானார். இந்தநிலையில், 1988 செப்டம்பர் மாதம், ஜனதா கட்சியுடன், லோக் தளம் என்ற கட்சியும் இணைந்து ஜனதா தளம் என்கிற புதிய கட்சி உருவானது. அதனால், ஏற்கெனவே சட்டமன்றத்தில் பெரும்பான்மை பெற்றிருந்த பொம்மைக்கு மேலும் 13 உறுப்பினர்களின் ஆதரவும் கிடைத்தது. இந்தநிலையில், ஜனதா தளத்தைச் சேர்ந்த சட்டமன்ற உறுப்பினர் கே.ஆர்.மொலகேரி ''பொம்மை அரசின் மீது நம்பிக்கை இல்லை, அதனால் அரசுக்கு அளித்து வந்த ஆதரவைத் திரும்பப் பெறுகிறோம்'' என ஆளுநரைச் சந்தித்து மனு ஒன்றை அளித்தார். அந்த மனுவில் 19 சட்டமன்ற உறுப்பினர்களின் கையெழுத்தும் இருந்தது. அதனை ஏற்ற ஆளுநர், பொம்மை சட்டசபையில் பெரும்பான்மையை இழந்து விட்டதால், அவரது ஆட்சியைக் கலைத்து விடலாம் என்று குடியரசுத் தலைவருக்குப் பரிந்துரைத்தார். ஆனால், கே.ஆர். மொலகேரி குறிப்பிட்ட உறுப்பினர்கள், தாங்கள் கட்சி மாறவில்லை என மறுத்தனர். இதனையடுத்து, எஸ்.ஆர். பொம்மை சட்டமன்றத்தில் தனது பெரும்பான்மையை நிரூபிக்க வாய்ப்பு கேட்டார். ஆனால், அதனை கணக்கில் கொள்ளாமல், 1989 ஏப்ரலில், குடியரசுத் தலைவர் வெங்கட்ராமன், பொம்மையின் அரசைக் கலைத்தார். கர்நாடகத்தில் குடியரசுத் தலைவர் ஆட்சி அமல்படுத்தப்பட்டது. குடியரசுத்தலைவர் உத்தரவை எதிர்த்து பொம்மை தொடர்ந்த வழக்கு கர்நாடக உயர் நீதிமன்றத்தால் தள்ளுபடி செய்யப்பட, அவர் உச்ச நீதிமன்றத்தில் மேல் முறையீடு செய்தார். இதேபோல், நாகலாந்து(1988), மேகாலயா(1991) மாநில அரசுகளும் பல்வேறு காரணங்களுக்காக கலைக்கப்பட்டன. 1991-ல் பாபர் மசூதி இடிக்கப்பட்ட சம்பவத்துக்குப் பின் நிகழ்ந்த கலவரங்களுக்குக் காரணமான இந்துத்துவ அமைப்புகளைத் தடை செய்யாததைக் காரணம் காட்டி மத்தியப் பிரதேசம், ராஜஸ்தான், ஹிமாச்சலப் பிரதேச பா.ஜ.க அரசுகளும் கலைக்கப்பட்டன. பாபர் மசூதி இடிப்பு வரலாற்றுச் சிறப்புமிக்க தீர்ப்பு! எஸ்.ஆர் பொம்மையின் வழக்கோடு, மேற்கண்ட ஆட்சி கலைக்கப்பட்ட மாநிலங்களின் சார்பில் தொடுக்கப்பட்ட வழக்குகளும் ஒன்றாக விசாரணைக்கு எடுத்துக்கொள்ளப்பட்டன. 1994-ம் வருடம் உச்ச நீதிமன்றத்தில் விசாரணைக்கு வந்த இந்த வழக்கை நீதிபதி குல்தீப் சிங் தலைமையில் ஒன்பது நீதிபதிகள் கொண்ட அரசியலமைப்பு பெஞ்ச் விசாரித்தது. அந்த விசாரணையின் முடிவில், 'பொம்மையின் அரசைக் கலைத்தது செல்லாது' என்று தீர்ப்பளிக்கப்பட்டது. அந்தத் தீர்ப்பில் பின்வரும் முக்கிய சட்ட விளக்கங்கள் இடம் பெற்றிருந்தன. *அரசியல் சட்டப் பிரிவு 356-ன் கீழ் குடியரசுத் தலைவருக்கு வழங்கப்பட்டிருக்கும் அதிகாரமானது நிபந்தனைகளுக்கும் மேற்பார்வைக்கும் உட்பட்டது. * மத்திய அமைச்சரவையானது, மாநில அரசைக் கலைக்க குடியரசுத் தலைவருக்கு செய்யும் பரிந்துரைகள் நீதிமன்ற மேற்பார்வையின் கீழ் வராவிட்டலும் அப்பரிந்துரையானது எதன் அடிப்படையில் வழங்கப்பட்டது என்பதை ஆராயும் அதிகாரம் நீதிமன்றங்களுக்கு உண்டு. * அரசியலமைப்புச் சட்டத்தை தவறாகப் பயன்படுத்தி ஆட்சி கலைக்கப்பட்டுள்ளது என்று கருதப்பட்டால், கலைக்கப்பட்ட அரசை மீண்டும் பதவியில் அமர்த்தும் உரிமை நீதிமன்றத்திற்கு உண்டு. * இந்தியாவின் மதச்சார்பின்மைக்கு ஊறு விளைவிக்கும் வகையில் செயல்படும் மாநில அரசுகளைக் கலைக்கும் உரிமை மத்திய அரசுக்கு எப்போதும் உண்டு.எடியூரப்பாவுடன் பசவராஜ் பொம்மை இந்தத் தீர்ப்பு வெளியான பிறகு சீட்டுக்கட்டைக் கலைப்பதுபோல மாநில அரசுகளின் ஆட்சியைக் கலைப்பது வெகுவாகக் குறைந்துவிட்டது. எமெர்ஜென்சி என்றவுடன் எப்படி ஜெயபிரகாஷ் நாராயணன் பெயர் நினைவுக்கு வருகிறதோ, அப்படி ஆட்சிக் கலைப்பு குறித்த விவாதங்கள் எழும்போதெல்லாம் எஸ்.ஆர்.பொம்மையின் பெயரும் நினைவு கூறப்படுகிறது.
http://dlvr.it/S4c3H5

Read More

`5 குழந்தைகள் பெற்றால் குடும்ப நலத்திட்ட உதவிகள்!' - கேரள கத்தோலிக்க சபையின் சர்ச்சை அறிவிப்பு

கேரள மாநிலம் சீரோ மலபார் சபையின் பாலா(Pala) மறைமாவட்டம் சார்பில் 2021-ம் ஆண்டு குடும்ப வருடமாக கடைப்பிடிக்கப்படுகிறது. இதுகுறித்த ஆலோசனைக் கூட்டம் ஆன்லைன் மூலம் நேற்று நடந்தது. அந்த கூட்டத்துக்குப் பிறகு பாலா மறைமாவட்ட பிஷப் ஜோசப் கல்லறங்காட் ஒரு சுற்றறிக்கையை வெளியிட்டார். அதில், ``2000-ம் ஆண்டுக்குப் பிறகு திருமணம் ஆன பாலா மறைமாவட்ட உறுப்பினராக உள்ள தம்பதிகளுக்கு ஐந்து குழந்தைகளோ அதற்கு மேலோ இருந்தால் அவர்களுக்கு மாதம்தோறும் 1,500 ரூபாய் உதவித்தொகை வழங்கப்படும். இந்த உதவித்தொகை வரும் ஆகஸ்ட் மாதம் முதல் வழங்கப்படும். நான்கு குழந்தைகளுக்கு மேல் உள்ள தம்பதிகளில் ஒருவருக்கு கல்வித் தகுதியின் அடிப்படையில் மறை மாவட்ட மருத்துவமனையில் வேலை வழங்கப்படும். பாலா மறைமாவட்ட ஆயர் ஜோசப் கல்லறங்காட் ஒரு குடும்பத்தில் நான்காவது மற்றும் அதற்கு மேல் பிறக்கும் குழந்தைகளுக்கு பாலாவில் உள்ள செயின்ட் ஜோசப் இன்ஜினீயரிங் ஆர்ட் டெக்னாலஜி கல்லூரியில் படிக்க ஸ்காலர்ஷிப் வழங்கப்படும். ஃபுட் டெக்னாலஜி கல்லூரியிலும் டியூஷன் ஃபீஸ் இலவசம். ஒரு குடும்பத்தில் பிறக்கும் நான்காவது குழந்தைக்கும் அதற்குப் பிறகு பிறக்கும் குழந்தைகளுக்கும் பிரசவம் சம்பந்தப்பட்ட அனைத்து உதவிகளும் பாலாவில் உள்ள மார் ஸ்லீவா மெடி சிட்டியில் இலவசமாக வழங்கப்படும். Also Read: பாரதமாதா குறித்து சர்ச்சைப் பேச்சு; 7 பிரிவுகளில் வழக்கு! - பாதிரியார் ஜார்ஜ் பொன்னையா கைது மூன்று குழந்தைகளுக்கு மேல் உள்ள குடும்பத்தில் நான்காவது குழந்தைக்கு பாலாவில் உள்ள மறைமாவட்ட மருத்துவமனையில் இலவச நர்சிங் படிப்பு வழங்கப்படும். 2000 முதல் 2021-ம் ஆண்டு வரை பிறந்த நான்காவது மற்றும் அதற்கு அடுத்து பிறந்தவர்களுக்கு மறைமாவட்ட கல்வி நிறுவனங்களில் பணியில் சேர சிறப்பு சலுகை அளிக்கப்படும்" என அந்த அறிவிப்பில் கூறப்பட்டுள்ளது. இந்த அறிவிப்பு பெரும் பரபரப்பையும் விவாதத்தையும் ஏற்படுத்தியுள்ளது. நெருக்கடியான இந்தக் காலகட்டத்தில் குடும்பங்களின் கவலைகளைப் போக்கும் விதமாக இந்த அறிவிப்பு வெளியிடப்பட்டுள்ளதாகப் பாலா மறைமாவட்ட அலுவலகம் அறிவித்துள்ளது. மேலும் 2021-ம் ஆண்டை `குடும்ப ஆண்டு' என அறிவித்துள்ள போப்பின் தீர்மானப்படி இந்த அறிவிப்பு வெளியிடப்பட்டுள்ளதாகக் கூறப்படுகிறது. இதற்கு கிறிஸ்துவ மத விசுவாசிகள் மத்தியிலே எதிர்ப்பு கிளம்பியுள்ளது. ``பெண்களைக் குழந்தைபெறும் இயந்திரமாகக் கருதுவது தவறான கண்ணோட்டம். இதை சபை உறுப்பினர்கள் நிராகரிப்பார்கள்'' எனக் கத்தோலிக்க சீர்திருத்த அமைப்பைச் சேர்ந்த ஜார்ஜ் ஜோசப் தெரிவித்துள்ளார்.சீரோ மலபார் சபை Also Read: பாதிரியார் ஜார்ஜ் பொன்னையா விவகாரம்: அரசும் கட்சிகளும் அணுகியது எப்படி? ஓர் அலசல் ரிப்போர்ட்! மேலும் கேரளத்தில் முஸ்லிம்களைவிட கிறிஸ்துவர்களின் எண்ணிக்கையை அதிகரிக்கும் திட்டம் இது என விமர்சனங்களும் எழுந்துள்ளன. அதே சமயம் இதற்கு ஆதரவாகவும் சில கிறிஸ்துவ தலைவர்கள் கருத்து தெரிவித்துள்ளனர். இதுகுறித்து கருத்து தெரிவித்த பாலா மறைமாவட்ட பிஷப் ஜோசப் கல்லறங்காட், ``கிறிஸ்துவ தத்துவங்களுக்கு உட்பட்டுதான் இந்தத் தீர்மானங்கள் எடுக்கப்பட்டுள்ளன. கிறிஸ்துவ தத்துவத்தின் அடிப்படையில் இந்தக் காரியங்கள் கூறப்பட்டுள்ளன. இது நூறு சதவிகிதம் நான் எடுத்த தீர்மானமாகும். இது எனது முடிவு, இதிலிருந்து அணுவளவும் நான் பின்வாங்கப்போவதில்லை" எனக் கூறியுள்ளார்.
http://dlvr.it/S4ZyWs

Read More

கொரோனா: `நாட்டில் 22 மாவட்டங்கள்; அதில் கேரளத்தில் மட்டும் 7’ - அதிகரிக்கும் பரவலால் அதிர்ச்சி

உலகை அச்சுறுத்திக்கொண்டிருக்கும் கொரோனா கொடுந்தொற்று, இந்தியாவில் இரண்டாம் அலையில் பெரும் சேதாரத்தை ஏற்படுத்தியது. பல மாநிலங்களில் கொரோனா குறைந்துவரும் நிலையில், சில மாநிலங்களில் கொரோனா பரவல் கவலை அளிக்கும்விதமாக உள்ளது. தமிழ்நாட்டின் அண்டை மாநிலமான கேரளத்தில் கொரோனாத் தொற்று ஏற்ற இறக்கத்துடன் காணப்படுகிறது. கடந்த 25-ம் தேதி கேரளத்தில் 17,466 பேருக்கு கொரோனா தொற்று ஏற்பட்டது. நேற்று முன் தினம் 11,586 பேருக்கு கொரோனா தொற்று ஏற்பட்டது. இந்த நிலையில் நேற்று இந்த எண்ணிக்கை எதிர்பாராதவிதமாக உயர்ந்துள்ளது. நேற்று மட்டும் 22,129 பேருக்கு கொரோனா தொற்று ஏற்பட்டுள்ளது. இதையடுத்து கேரளத்தில் கொரோனா பாதித்து சிகிச்சையில் இருப்பவர்கள் எண்ணிக்கை 1,45,371 ஆக உயர்ந்துள்ளது. ஒரே நாளில் 156 பேர் மரணம் அடைந்துள்ளனர். மொத்த மரண எண்ணிக்கை 16,326 ஆக உயர்ந்துள்ளது. மாநிலம் முழுவதும் 4,36,387 பேர் தனிமைப்படுத்தப்பட்டுள்ளனர்.கேரளா மாவட்ட வாரியாக கணக்கிடும்போது மலப்புறம் மாவட்டத்தில் 4,037 பேருக்கு நேற்று கொரோனா பாதிப்பு ஏற்பட்டுள்ளது. திருச்சூர் மாவட்டத்தில் 2,623, கோழிக்கோடு 2,397, எர்ணாகுளம் 2,352, பாலக்காடு 2,115, கொல்லம் 1,914, கோட்டயம் 1,136, திருவனந்தபுரம் 1,100, கண்னுர் 1,072, ஆலப்புழா 1,064, காஸ்ர்கோடு 813, வயநாடு 583, பத்தனம்திட்டா 523, இடுக்கி மாவட்டத்தில் 400 பேருக்கும் புதிதாக கொரோனா தொற்று ஏற்பட்டுள்ளது. இந்த நிலையில் இந்தியாவில் 22 மாவட்டங்களில் கொரோனா பரவல் அதிர்ச்சி அளிக்கும் வகையில் அதிகரித்து வருவதாக மத்திய சுகாதாரத்துறை இணைச் செயலர் லவ் அகர்வால் செய்தியாளர்கள் சந்திப்பில் கூறியுள்ளார். அதில் ஏழு மாவட்டங்கள் கேரளமாநிலத்தைச் சேர்ந்தவை. கேரளத்தின் ஆலப்புழா, கோட்டயம், மலப்புறம், திருச்சூர், வயநாடு, எர்ணாகுளம், பத்தனம்திட்டா ஆகிய ஏழு மாவட்டங்களில் கொரோனா பாதிப்புகள் அதிகரிப்பதாக அவர் தெரிவித்துள்ளார்.கொரோனா பாதிப்பு கொரோனா அதிகரித்துவருவதால் மாநில அரசுடன் இதுகுறித்து விவாதித்துள்ளதாகவும், கொரோனா அதிகரித்துவரும் மாவட்டங்களில் எந்த காரணத்கைக் கொண்டும் தளர்வுகள் ஏற்படுத்தக்கூடாது என அறிவுறுத்தியுள்ளதாக அவர் தெரிவித்தார். கேரளத்தில் பத்து மாவட்டங்களில் கொரோனா பாசிட்டிவ் விகிதம் 10 சதவீதமாக உள்ளதாக லவ் அகர்வால் தெரிவித்திருக்கிறார். கேரள மாநிலத்தில் ஓணம் பண்டிகை அடுத்த மாதம் கொண்டாடப்பட உள்ளது. இந்த நிலையில் கொரோனா அதிகரித்து வருவதால் ஓணப்பண்டிகை கடந்த ஆண்டைப்போல கடும் கட்டுப்பாட்டுடன் கொண்டாடும் நிலை ஏற்படும் என கூறப்படுகிறது.
http://dlvr.it/S4Yw3d

Read More