மகாராஷ்டிரா: `நேரம் வந்தால் சேனா பவனை இடிப்போம்’ -பாஜக உறுப்பினர் கருத்துக்கு உத்தவ் தாக்கரே பதிலடி

மகாராஷ்டிராவில் பாஜக - சிவசேனா இடையே பனிப்போர் நடந்து கொண்டிருக்கிறது. சிவசேனா கூட்டணி அரசை எப்படியாவது கலைத்துவிடவேண்டும் என்பதில் பாஜக தீவிரமாக செயல்பட்டு வருவதாக கூறப்படுகிறது. இதற்காக பாஜக பல வழிகளில் முயற்சி மேற்கொண்டது, ஆனாலும் பாஜகவின் முயற்சி கைகூடவில்லை என்கிறார்கள் அரசியல் விமர்சகர்கள். எனவே சிவசேனா கூட்டணியில் இடம் பெற்றுள்ள அமைச்சர்களுக்கு பாஜக அமலாக்கப்பிரிவு மற்றும் சிபிஐ மூலம் குடைச்சல் கொடுத்துக்கொண்டிருக்கிறது. இந்நிலையில் பாஜக சட்டமேலவை உறுப்பினர் பிரசாத் லாட் மும்பை மாகிமில் நடந்த பாஜக உறுப்பினர்கள் கூட்டத்தில் கலந்து கொண்டு பேசுகையில், ``நாங்கள் எப்போது எங்கு வந்தாலும் அதிகப்படியான போலீஸாரை அனுப்புகின்றனர். உத்தவ்தாக்கரே எங்களைக்கண்டு பயப்படுகின்றனர். நாங்கள் மாகிமிற்கு வரும்போது சிவசேனா பவனை இடித்துவிடுவோம் என்று அவர்கள் நினைக்கின்றனர். பயப்படவேண்டாம். நேரம் வந்தால் அதையும் செய்வோம்” என்று தெரிவித்தார். சிவசேனா பவனை இடிப்போம் என்று பாஜக சட்டமேலவை உறுப்பினர் பேசியது சிவசேனாவினர் மத்தியில் கொந்தளிப்பை ஏற்படுத்தியது. இது குறித்து கருத்து தெரிவித்துள்ள சிவசேனா தலைவரும், முதல்வருமான உத்தவ் தாக்கரே, ``சிலர் எங்களை அடிக்க நினைக்கின்றனர். ஆனால் நாங்கள் திரும்ப அடிக்கின்ற அடி அவர்கள் மீண்டும் எழுந்து நிற்க முடியாத படி இருக்கும்” என்று தெரிவித்தார். உத்தவ் தாக்கரே நிகழ்ச்சி ஒன்றில் கலந்து கொண்ட போது இதனை தெரிவித்தார். இந்த கூட்டத்தில் தேசியவாத காங்கிரஸ் தலைவர் சரத்பவார் மற்றும் அமைச்சர்கள் கலந்து கொண்டிருந்தனர். உத்தவ் தாக்கரே சிவசேனா பவனை இடிப்பதாக பேசியது குறித்து பிரசாத் லாடிடம் கேட்டதற்கு, ``எனது கருத்தை மீடியா தவறாக திரித்து தெரிவித்துவிட்டன. பாலாசாஹேப் தாக்கரே மீது மிகுந்த மரியாதை வைத்திருக்கிறோம். சேனா பவன் பாலாசாஹேப்புடன் தொடர்புடைய இடம். இந்த இடத்திற்கு அவமரியாதை செய்ய மாட்டோம். மீடியாவில் வெளியான தகவல் கடந்த மாதம் சேனா பவனுக்கு வெளியில் பாஜகவினர் மீது சிவசேனாவினர் தாக்கிய போது சிவசேனாவினர் எங்களை தாக்கினால் நாங்களும் திரும்ப தாக்குவோம் என்று தெரிவித்திருந்தேன். அதனைத்தான் இப்போது வெளியிட்டுள்ளனர்” என்று தெரிவித்துள்ளார். Also Read: `சிவசேனா, தேசியவாத காங்கிரஸுக்கு பா.ஜ.க நன்றி சொல்ல வேண்டும்!’ - மத்திய அமைச்சரவை குறித்து சிவசேனா உத்தவ் தாக்கரேயின் கருத்து குறித்து எதிர்க்கட்சி தலைவரான தேவேந்திர பட்நவிஸ் கூறுகையில், ``நாங்கள மோசமான வார்த்தையை பயன்படுத்துவதில்லை. அது பாஜகவினரின் கலாசாரம் இல்லை. அதேசமயம் எங்களை யாராவது தாக்கினால் நாங்கள் அவர்களை விடமாட்டோம்” என்று தெரிவித்தார்.
http://dlvr.it/S4sJv6

Read More

கொரோனா அலர்ட்: `தமிழக - கேரள எல்லையில் தீவிர கண்காணிப்பு!'

கேரள மாநிலத்தில் கொரோனா பாதிப்பு அதிகரித்து வருகிறது. தினமும் புதிய பாதிப்புக்களின் எண்ணிக்கை இருபதாயிரத்தை கடந்து ரிப்போர்ட் ஆகிறது. கடந்த 28-ம் தேதி 22,056 பேருக்கு புதிதாக கொரோனா பாதிப்பு ஏற்பட்டது. 29-ம் தேதி 22,064 பேருக்கும், 30-ம் தேதி 20,772 பேருக்கும் புதிதாக கொரோனா பாதிப்பு பதிவு ஆனது. கேரளத்தில் நேற்று மட்டும் 20,624 பேருக்கு புதிதாக கொரோனா பாதிப்பு ஏற்பட்டுள்ளது. அதில் 112 பேர் மாநிலத்தின் வெளியில் இருந்து வந்தவர்கள். 19,487 பேருக்கு தொடர்பு மூலம் கொரோனா தொற்று ஏற்பட்டுள்ளது. சுகாதாரப்பணியாளர்கள் 98 பேருக்கு கொரோனா பாதித்துள்ளது.களியக்காவிளையில் கொரோனா பரிசோதனை கேரளத்தில் அதிகரிக்கும் கொரோனா பரவல் காரணமாக தமிழக எல்லையோர மாவட்டங்கள் உஷார் நிலையில் உள்ளன. இந்த நிலையில் ஆகஸ்ட் 5-ம் தேதி முதல் கேரளாவிலிருந்து தமிழ்நாட்டுக்கு வரும் அனைத்து நபர்களுக்கும் ஆர்.டி.பி.சி.ஆர் பரிசோதனை கட்டாயமாக நடத்தப்படும் என சுகாதாரத்துறை அமைச்சர் மா.சுப்பிரமணியன் உத்தரவிட்டுள்ளார். மேலும் கேரளாவில் இருந்து வருபவர்கள் இரண்டு தவணை தடுப்பூசி எடுத்துக்கொண்டதற்கான சான்று காட்டினால் தமிழகத்திற்கு வரலாம் எனவும் தெரிவித்திருக்கிறார். ரயிலில் வரும் பயணிகளுக்கும் இந்த நடைமுறை செயல்படுத்தப்படும் எனவும் சுகாதாரத்துறை அமைச்சர் மா.சுப்பிரமணியன் தெரிவித்துள்ளார். மேலும் கேரளத்தில் இருந்து தமிழகத்துக்கு வருவதற்கு கன்னியாகுமரி, தென்காசி, தேனி என 13 வழிகள் உள்ளதாகவும். அவை ஆகஸ்ட் 5-ம் தேதி முதல் போலீஸ் கட்டுப்பாட்டுக்கு வந்துவிடும் எனவும் அமைச்சர் மா.சுப்பிரமணியன் தெரிவித்திருக்கிறார். Also Read: கொரோனா தளர்வுகள் : `கோவை மாவட்டத்துக்கு அறிவிக்கப்பட்டுள்ள கூடுதல் கட்டுப்பாடுகள் என்னென்ன?'குமரி எல்லையில் சோதனை கன்னியாகுமரி மாவட்டத்தில் உள்ள களியக்காவிளை சோதனை சாவடியில் ஏற்கனவே அமைக்கப்பட்ட சுகாதாரத்துறையின் கொரோனா சோதனை மையம் இப்போதும் இயங்கி வருகிறது. கேரளாவில் இருந்து வரும் கேரள பதிவு எண் கொண்ட கார்கள் இ-பாஸ் இருந்தால்தான் அனுமதிக்கப்படுகின்றன. இ பாஸ் இல்லாமல் வரும் வாகனங்களில் உள்ளவர்களிடம் இ பாஸ் போடும்படி அறிவுறுத்தி, அவர்கள் இ பாஸ் போட்ட பிறகுதான் அனுமதிக்கிறார்கள். கேரள பயணிகள் அனைவரின் சளி மாதிரிகள் சேகரிக்கப்பட்ட பிறகே தமிழகத்துக்குள் அனுமதிக்கப்படுகிறார்கள்.
http://dlvr.it/S4qlGk

Read More

`தற்கொலை செய்யப்போவதாக டிவிட்டர் பதிவு' - இளைஞரை மும்பை போலீஸார் காப்பாற்றியது எப்படி?

வாழ்க்கையில் தோல்வி ஏற்பட்டால் உடனே தற்கொலை செய்து கொள்வது ஒன்றுதான் என்று தீர்வு என்று சிலர் நினைக்கின்றனர். சிலர் இதனை சமூக வலைத்தளங்களில் தெரிவித்துவிட்டு தற்கொலை செய்து கொள்கின்றனர். அப்படி ட்விட்டரில் தகவல் தெரிவித்துவிட்டு தற்கொலை செய்ய முயன்ற கேரள இளைஞர் ஒருவர் மும்பையில் மீட்கப்பட்டுள்ளார். ட்விட்டரில் ஒருவர் தனது காதலி தன்னை திருமணம் செய்து கொள்ள மறுத்துவிட்டதால் தற்கொலை செய்து கொள்ளப்போவதாகப் பதிவிட்டார். இதனை கவனித்த பெண் பத்திரிகையாளர் ஒருவர் உடனே இது குறித்து மும்பை சைபர் பிரிவு போலீஸாருக்கு வாட்ஸ் ஆப் மூலம் தகவல் கொடுத்தார். இதையடுத்து விரைந்து செயல்பட்ட போலீஸார் அந்த வாலிபர் மும்பையில் எங்கு இருக்கிறார் என்பதைத் தேடிக் கண்டுபிடிக்கும் பணியில் தீவிரமாக இறங்கினர். Also Read: புதுக்கோட்டை: 400 ரூபாயைத் திருப்பிக்கேட்ட இளைஞர் கொலை; தம்பதிக்கு ஆயுள் தண்டனை!சித்தரிப்பு படம் அவரது மொபைல் மூலம் அவர் எங்கு இருக்கிறார் என்பதை போலீஸார் கண்டு பிடிக்கும் முயற்சியில் ஈடுபட்டனர். இடைப்பட்ட நேரத்தில் அவர் விபரீத முடிவு எடுத்துவிடக்கூடாது என்பதற்காக அவருடன் தொடர்பில் இருந்த அரசியல் கட்சி பெண் பிரமுகர் ஒருவர் மூலம் இன்ஸ்டாகிராம் மற்றும் டிவிட்டரில் அவருடன் சாட்டிங் செய்து கொண்டிருக்கும்படி கேட்டுக்கொண்டனர். அப்பெண்ணும் அந்த இளைருடன் தொடர்ந்து சாட்டிங் செய்து கொண்டிருந்தார். இந்த நேரத்தில் அவர் தாதரில் உள்ள ஒரு ஹோட்டலில் இருப்பது தங்கி இருப்பதை போலீஸார் கண்டுபிடித்தனர். அவர் முந்தைய நாள் இரவுதான் ஹோட்டலில் அறை எடுத்திருந்தார். உடனே ஹோட்டல் மேலாளர் உதவியுடன் அவர் தங்கியிருந்த ஹோட்டல் அறை கதவை திறந்து பார்த்த போது தற்கொலை செய்துகொள்ள அருகில் கத்தியை வைத்துக்கொண்டு அந்த இளைஞர் மொபைல் போனில் சாட்டிங்கில் ஈடுபட்டிருந்தார். தற்கொலை செய்யவிருந்த இளைஞரை மீட்டு விசாரித்தபோது காதலி திருமணம் செய்துகொள்ள மறுத்ததால் ஏற்பட்ட மன அழுத்தம் காரணமாக இந்த விபரீத முடிவுக்கு வந்திருப்பது தெரிய வந்தது. இதையடுத்து அவரை போலீஸார் மருத்துவமனைக்கு அனுப்பி கவுன்சிலிங் கொடுத்தனர்.
http://dlvr.it/S4q54w

Read More

50% பேருக்கு மேல் இருந்தால் உரிமம் ரத்து - உணவகங்களுக்கு சென்னை மாநகராட்சி எச்சரிக்கை

சென்னையில் ஓட்டல்கள், உணவகங்களில் 50% பேருக்குமேல் இருந்தால் அபராதத்துடன் உரிமம் ரத்து செய்யப்படும் என மாநகராட்சி எச்சரிக்கை விடுத்துள்ளது. சென்னையில் கொரோனா தொற்று அதிகரித்து வரும் நிலையில் தொற்றை கட்டுப்படுத்தும் வகையில் சென்னை மாநகராட்சி இந்த நடவடிக்கையை மேற்கொண்டுள்ளது. அரசின் வழிகாட்டு நெறிமுறைகளை ஓட்டல்கள் மற்றும் உணவங்கள் தவறாமல் கடைபிடிக்க அறிவுறுத்தப்பட்டுள்ளது. மேலும் ஓட்டல்கள், திருமண மண்டபங்களில் பதிவு செய்யப்படும் திருமண நிகழ்ச்சிகளை மாநகராட்சிக்கு தெரியப்படுத்தவும் ஏற்கெனவே அறிவுறுத்தப்பட்டுள்ளது. சென்னையில் 57 இடங்களில் 2,608 திருமண மண்டபங்கள், ஓட்டல்களில் ஆய்வு மேற்கொண்டு விதிமீறல் கண்டறியப்பட்டதில் இதுவரை ரூ.2,21,600 அபராதமாக வசூலிக்கப்பட்டுள்ளதாகவும் தெரிவித்துள்ளது.
http://dlvr.it/S4ppJz

Read More

மேக்கேதாட்டு விவகாரம் : கர்நாடக பாஜக அரசின் மீதான அண்ணாமலையின் கோபம் அரசியலா, அக்கறையா?

'' மேக்கேதாட்டுவில் ஒரு செங்கல் கட்டுவதற்குக்கூட தமிழ்நாடு பாஜக அனுமதிக்காது'' என தமிழ்நாடு பா.ஜ.க தலைவர் அண்ணாமலை பேசியிருப்பது, தமிழக அரசியல் வட்டாரத்தில் பல விவாதங்களைக் கிளப்பியிருக்கிறது. கர்நாடக முதல் அமைச்சராக இருந்த எடியூரப்பா, தனது பதவியை ராஜினாமா செய்ததையடுத்து, புதிய முதல்வராக, அம்மாநில உள்துறை அமைச்சராகப் பொறுப்புவகித்த பசவராஜ் பொம்மை பதவியேற்றார். பின் செய்தியாளர்களைச் சந்தித்த அவர், ''காவிரியின் குறுக்கே மேக்கேதாட்டு அணையைக் கட்டியே தீருவோம்'' என உறுதியாகத் தெரிவித்தார். கர்நாடக முதல்வரின் இந்தப் பேச்சுக்கு, தமிழக பா.ஜ.க தலைவர் அண்ணாமலை கடுமையான கண்டனத்தைத் தெரிவித்துள்ளார்,. மேலும், தமிழக பா.ஜ.க சார்பில், ஆகஸ்ட் ஐந்தாம் தேதி தஞ்சாவூரில் ஒருநாள் அடையாள உண்ணாவிரதப் போராட்டம் நடத்தப்படும் என்றும் அறிவித்துள்ளார். பசவராஜ் பொம்மை இது தொடர்பாக அவர் வெளியிட்டுள்ள அறிக்கையில், ''கர்நாடக அரசு மேக்கேதாட்டுவுக்குக் குறுக்கே அணை கட்டியே தீருவோம் என்று தொடர்ந்து குரல் கொடுத்து வருகிறது. முன்னாள் முதல்-மந்திரி எடியூரப்பா கூறிய கருத்தையே புதிதாக பொறுப்பேற்றிருக்கும் இன்றைய முதல்-மந்திரியும் வலியுறுத்தி இருக்கிறார். இரு மாநிலங்களுக்கும் இடையே உள்ள ஒப்பந்தங்களின் அடிப்படையில் அணை கட்டுவதற்கு வாய்ப்பே இல்லை என்பது உறுதி. மேலும் நமது பிரதமரோ, நீர்வளத்துறை மந்திரியோ, கர்நாடகா அணை கட்டிக்கொள்ள எந்தவொரு அனுமதியும் வழங்கவில்லை. தொடர்ந்து தமிழக உரிமைக்கு எதிராக அணை கட்டுவதற்கான முயற்சிகளை மேற்கொள்ளும் கர்நாடக அரசு, அதனைக் கைவிட வேண்டும் என்று வலியுறுத்தி தஞ்சையில் ஆகஸ்ட் 5-ம் தேதி காலை 9 மணி முதல் மாலை 5 மணி வரை உண்ணாவிரத அறப்போராட்டம் நடைபெற இருக்கிறது. அதற்கு நான் தலைமை தாங்குகிறேன். தஞ்சை மற்றும் காவிரி டெல்டா பகுதி விவசாயப் பெருமக்களும், விவசாய சங்கத்தலைவர்களும், பாரதிய ஜனதா கட்சியின் மூத்த தலைவர்களும் கலந்து கொள்ள இருக்கிறார்கள்'' என்று குறிப்பிடப்பட்டுள்ளது. இந்தநிலையில், ''அண்ணாமலையின் இந்த போராட்ட அறிவிப்பு வெறும் கண்துடைப்புதான். மத்திய அரசு அணை கட்டுவதற்கான அனுமதிகளை ஒருபுறம் கொடுத்து வருகிறது. இங்கே தமிழக பா.ஜ.கவினர் நம்மைத் திசைதிருப்ப போராட்டத்தை அறிவித்திருக்கிறார்கள்'' எனக் கடுமையாகச் சாடுகிறார், காவிரி உரிமை மீட்புக் குழுவின் ஒருங்கிணைப்பாளரான பெ.மணியரசன். அவர் பேசும்போது, ''அண்ணாமலை மிகச்சிறந்த நாடக நடிகர். டெல்லியில் எழுதப்பட்ட ஸ்கிரிப்ட்டுக்கு அழகாக நடித்துக் கொண்டிருக்கிறார். காவிரி விவகாரத்தில், கர்நாடக அரசை நீங்கள் எதிர்ப்பதுபோல் நடந்துகொண்டால்தான் தமிழ்நாட்டில் கட்சியை நடத்த முடியும் என அவருக்கு ஆலோசனை வழங்கியிருக்கிறார்கள். அதேவேளை, அணை கட்ட அனுமதி கொடுப்பதற்கான வேலைகளையும் மத்திய பா.ஜ.க அரசு செய்து வருகிறது. நாங்கள் இந்தக்குற்றச்சாட்டை போகிற போக்கில் முன்வைக்கவில்லை. பா.ம.க.வின் இளைஞரணித் தலைவர் மருத்துவர் அன்புமணி இராமதாஸ் மேக்கேதாட்டு அணை குறித்து மாநிலங்களவையில் எழுப்பிய கேள்விக்கு, ஒன்றிய அரசின் நீராற்றல் துறை அமைச்சர் கஜேந்திர சிங் ஷெகாவாத் அளித்த பதிலில் இருந்துதான் தெரிந்துகொண்டோம். பெ.மணியரசன் அதாவது, 2018-ல் மேக்கேதாட்டுவில் அணை கட்ட அனுமதி கோரி ஒன்றிய நீராற்றல் துறை அமைச்சகத்துக்கு, கர்நாடக அரசு ஒரு கடிதம் எழுதுகிறது. அப்போது, சாத்தியக்கூறு அறிக்கைகளை அனுப்புமாறு நீராற்றல் துறை, கர்நாடக அரசுக்கு உத்தரவிட, அதையும் கர்நாடக அரசு அனுப்புகிறது. அதனை ஏற்றுக்கொண்ட நீராற்றல் துறை அமைச்சகம், அணைக்கான விரிவான திட்ட அறிக்கை (DPR) தயாரித்து அனுப்புமாறு கேட்கிறது. அதனையும் கர்நாடக அரசு தயாரித்து அனுப்ப, அதனை காவிரி மேலாண்மை வாரியத்துக்கு அனுப்பி, தொடர்புடைய மாநிலங்களின் ஒப்புதலைப் பெறுமாறு கோரியிருக்கிறது. மேக்கேதாட்டுவில் அணை கட்டுவதற்கு எதிராக, தமிழ்நாடு சட்டசபையின் தீர்மானம் இருக்கும்போது, அணை கட்டுவதற்கான விரிவான திட்ட அறிக்கையைத் தயார் செய்யச் சொன்னது எந்தவகையில் நியாயம். அடுத்தக்கட்டமாக அதனை காவிரி மேலேண்மை வாரியத்துக்கும் அனுப்பியது அணை கட்ட மத்திய அரசு சம்மதித்ததாகத்தானே அர்த்தம். இது, தமிழ்நாட்டுக்குச் செய்த மிகப்பெரிய துரோகம். இரண்டு மாநிலங்களுக்கும் பொதுவாக நடந்துகொள்ள வேண்டிய மத்திய பா.ஜ.க அரசு, பாரபட்சமாக நடந்துகொண்டதற்கு இதுவே சான்று. Also Read: மேக்கேதாட்டு அணை... அநியாயம் செய்யும் கர்நாடகம் அமைதி காக்கும் தமிழகம்! அதுமட்டுமல்ல, அணைகட்ட கர்நாடக அரசு தேர்வு செய்திருப்பது வனத்துறைக்குச் சொந்தமான இடம். இந்திய அரசின் சுற்றுச்சூழல் மற்றும் வனத்துறை அமைச்சகம் இன்னும் அணைகட்ட ஒப்புதல் வழங்கவில்லை. அதற்குள்ளாக, நீராற்றல் துறை கர்நாடக அரசின் அடுத்தடுத்த நடவடிக்கைகளுக்கு வழிகாட்டிக் கொண்டிப்பதில் இருந்து எந்த சட்ட விதிமுறைகளையும் இந்திய அரசு கடைபிடிக்கவில்லை என்று தெரிகிறது. உண்மை நிலை இப்படியிருக்க, தமிழக பா.ஜ.கவின் போராட்ட அறிவிப்பு வேடிக்கையாக இருக்கிறது. தமிழர்களின் கவனத்தைத் திசைதிருப்புவதற்கான நாடகமாகத்தான் இந்தப் போராட்டத்தை நான் பார்க்கிறேன். உண்மையாகவே அவர்கள் எதிர்ப்பதாக இருந்தால், கர்நாடக அரசு அனுப்பிய விரிவான திட்ட அறிக்கையை மத்திய அரசு திருப்பி அனுப்பவேண்டும் எனப் போராடவேண்டும்'' என்கிறார் அவர். மேக்கேதாட்டு மேற்கண்ட குற்றச்சாட்டுகள் குறித்து, தமிழக பா.ஜ.கவின் செய்தித் தொடர்பாளர், நாராயணன் திருப்பதியிடம் பேசினோம், '' தமிழகம் ஏற்றுக்கொண்டால் தவிர அணை கட்டுவதற்கு அனுமதி அளிக்க முடியாது என மத்திய அமைச்சர் ஷெகாவத், நாடாளுமன்றத்தில், பழைய ஒப்பந்தங்களைச் சுட்டிக்காட்டி மிகத் தெளிவாகச் சொல்லிவிட்டார். விரிவான திட்ட அறிக்கைக்குப் பிறகு, தமிழகம், கேரளா, பாண்டிச்சேரி ஆகிய மாநிலங்களின் ஒப்புதல் கடிதங்களைப் பெற மத்திய அரசு கேட்டுக் கொண்டதாகவும் குறிப்பிட்டிருக்கிறார். கடந்த 20-ம் தேதியன்று , கர்நாடக முதல்வர் எழுதிய கடிதத்தில், தமிழக அரசு அணைகட்ட ஒப்புதல் கொடுக்கவில்லை என்று குறிப்பிட்டிருப்பதாகவும் அதே பதிலில், கூறியுள்ளார். இதன்மூலம் தமிழக அரசின் ஒப்புதல் இல்லையென்றால், அணைகட்ட அனுமதி அளிக்க முடியாது என்பதை மத்திய அரசுதெளிவுபடுத்தியிருக்கிறது. ஆனால், கர்நாடக அரசியல்வாதிகள் (பா.ஜ.க உள்பட) தொடர்ந்து இந்த விவகாரத்தை எழுப்பி ஒரு பதற்றத்தை உருவாக்குகிறார்கள். அதனை முறியடிக்கும் விதமாகத்தான் தமிழக பா.ஜ.க போராட்டம் நடத்துகிறது'' என்றார் அவர். இதனிடையே, `மேக்கேதாட்டுவில் அணையக் கட்டியே தீருவோம். அண்ணாமலை கூறுவது பற்றி கவலையில்லை. அதற்கு நான் பதிலளிக்க வேண்டிய அவசியமும் இல்லை’ என கர்நாடக முதல்வர் பசவராஜ் பொம்மை தெரிவித்திருக்கிறார்.
http://dlvr.it/S4nFbR

Read More

`கேரள அரசின் நிவாரணம் போதுமானதாக இல்லை!’ - கொரோனா விவகாரத்தில் அரசை விமர்சித்த கே.கே.சைலஜா

கேரள மாநிலத்தில் கடந்த 2016-2021 சி.பி.எம் ஆட்சியில் சுகாதாரத்துறை அமைச்சராக இருந்தவர் கே.கே.சைலஜா. மழை வெள்ள பிரளயம், நிபா வைரஸ், கொரோனா வைரஸ் ஆகியவற்றுக்கு எதிராக சிறப்பாக செயல்பட்டதாக புகழப்பட்டவர் கே.கே.சைலஜா. 2021-ல் சி.பி.எம் மீண்டும் ஆட்சி அமைத்த சமயத்தில் கே.கே.சைலஜா மீண்டும் சுகாதாரத்துறை அமைச்சர் ஆவார் என எதிர்பார்க்கப்பட்டது. ஆனால், முதல்வர் பினராயி விஜயன் தவிர பழைய அமைச்சர்களுக்கு யாருக்கும் மீண்டும் வாய்ப்பு இல்லை என்று அறிவிக்கப்பட்டது. மேலும், இந்தமுறை புதியவர்களுக்கு அமைச்சர் வாய்ப்பு வழங்கப்பட்டது. இதுபற்றி அப்போது கருத்து தெரிவித்த கே.கே.சைலஜா, ``கட்சி கடந்தமுறை அமைச்சராக பணி செய்ய வாய்ப்பு வழங்கியது. இந்த முறை எம்.எல்.ஏ-வாக பணிசெய்யும்படி கூறியுள்ளது, அவ்வளவுதான். இப்போது அமைச்சர்களாக நியமிக்கப்பட்டவர்கள் தகுதிவாய்ந்தவர்கள்தான்” என கூறியிருந்தார். இந்த நிலையில் கடந்த சில நாட்களாக கேரள சட்டசபை கூட்டம் நடைபெற்று வருகிறது. சட்டசபையில் கே.கே.சைலஜா எம்.எல்.ஏ-வுக்கு பேச வாய்ப்பு வழங்கப்பட்டது. அப்போது அவர் கொரோனா நிவாரண பணியில் பின்னடைவு ஏற்பட்டுள்ளதாக அரசை விமர்சித்து பேசியது பரபரப்பை கிளப்பியுள்ளது. கேரள சட்டசபையில் பேசும் கே.கே.சைலஜா எம்.எல்.ஏ சட்டசபையில் பேசிய கே.கே.சைலஜா, ``கொரோனாவால் மிகவும் மோசமான பிரச்னைகளை மக்கள் அனுபவித்து வருகிறார்கள். ஆயிரம் ரூபாய் இப்போது வழங்கப்பட்டுள்ளது. அதுகொண்டு அவர்களின் வாழ்க்கையை நடத்த முடியாது. இனியும் அவர்களுக்கு உதவ வேண்டும். கேரள அரசு பல பேக்கேஜ்களை அறிவித்துள்ளது. அதே சமயம், இது மிகவும் முக்கியத்துவம் அளிக்க வேண்டிய பிரச்னை ஆகும். சிறு, குறு மற்றும் பாரம்பர்ய தொழில்கள் மிகவும் பாதித்துள்ளன. வங்கி கடனை செலுத்த முடியாமலும், குழந்தைகளின் கல்வி கட்டணத்தை கட்ட முடியாமலும் இன்னும் பிற செலவுகளை சமாளிக்க முடியாமலும் உள்ளனர். இதையெல்லாம் அரசு கவனத்தில் எடுக்க வேண்டும். சிலருக்கு ஆயிரம் ரூபாய் வழங்கப்பட்டுள்ளது. அதைக்கொண்டு அவர்களின் செலவை சமாளிக்க முடிவதில்லை. எனவே சிறு, குறு மற்றும் பாரம்பர்ய தொழில் செய்பவர்களுக்கு கடன் வழங்க வேண்டும். தொழிலாளர்களுக்கு வேண்டிய உதவிகளை செய்ய வேண்டும்.கேரள சட்டசபை கூட்டம் ஓணப்பண்டிகை சமயத்தில் கிடைக்க வேண்டிய வருவாய் இவர்களுக்கு கிடைக்கவில்லை. எனவே அரசு இந்த தொழிலாளர்களுக்காக சிறப்பு பேக்கேஜ் உருவாக்க வேண்டும்" என பேசினார். இதற்கு பதிலளித்து பேசிய தொழில்துறை அமைச்சர் பி.ராஜிவ், `கே.கே.சைலஜா கூறிய விஷயங்கள் பரிசீலிக்கப்படும்’ எனக்கூறினார். கடந்த சில நாட்களாக எதிர்கட்சிகள் கூறிவந்த கருத்தை ஆளும் சி.பி.எம் எம்.எல்.ஏ-வும் முன்னாள் அமைச்சருமான கே.கே.சைலஜா பேசியிருப்பது விவாதபொருளாக மாறியுள்ளது. Also Read: கேரளா: சைலஜா டீச்சருக்கு பதிலாக சுகாதாரத்துறை அமைச்சராக மீண்டும் ஒரு பெண்? யார் இந்த வீணா ஜார்ஜ்?
http://dlvr.it/S4mYHC

Read More

”இலங்கை அகதிகள் சட்டவிரோதமாக குடியேறியவர்கள்; குடியுரிமை வழங்கமுடியாது” -மத்திய அரசு வாதம்

திருச்சி கொட்டப்பட்டு இலங்கை அகதிகள் முகாமில் உள்ளவர்களுக்கு இந்திய குடியுரிமை வழங்குவது குறித்து முடிவெடுக்குமாறு தனி நீதிபதி பிறப்பித்த உத்தரவை எதிர்த்து மத்திய அரசுத்தரப்பில் மேல்முறையீட்டு வழக்கு தொடரப்பட்டுள்ளது. அதில், இலங்கை அகதிகள் சட்டவிரோதமாக குடியேறியவர்கள் என்றும், ஆகையால் அவர்களுக்கு குடியுரிமை வழங்க இயலாது என்றும் மத்திய அரசு வாதம் செய்துள்ளது. இந்த வழக்கின் பின்னணி பற்றிய விவரத்தை இங்கே தெரிந்துக்கொள்வோம். திருச்சி கொட்டப்பட்டு இலங்கை அகதிகள் முகாமை சேர்ந்த பலர், தங்களுக்கு இந்திய குடியுரிமை வழங்க உத்தரவிட வேண்டும் என கடந்த 2009-ம் ஆண்டு உயர்நீதிமன்ற மதுரைக்கிளையில் வழக்கு தொடர்ந்தனர். இந்த வழக்கை விசாரித்த தனி நீதிபதி, கடந்த 2019-ம் ஆண்டு மனுதாரர்கள் அனைவரும் குடியுரிமை கோரி திருச்சி மாவட்ட ஆட்சியரிடம் புதிதாக விண்ணப்பிக்கவும், அந்த விண்ணப்பங்களை திருச்சி மாவட்ட ஆட்சியர் மத்திய அரசுக்கு தாமதம் இன்றி அனுப்பி உரிய நடவடிக்கை எடுக்கவும் உத்தரவிட்டார்.  உத்தரவை முறையாக நிறைவேற்றாத அதிகாரிகள் மீது நீதிமன்ற அவமதிப்பு நடவடிக்கை கோரி நீதிமன்ற அவமதிப்பு வழக்கு தாக்கல் செய்யப்பட்டு நிலுவையில் உள்ளது. இந்நிலையில்தான், இந்த உத்தரவை எதிர்த்து மத்திய அரசுத்தரப்பில் மேல்முறையீட்டு மனு தாக்கல் செய்யப்பட்டது. இந்த மனுதாக்கல் மீதான விசாரணை தலைமை நீதிபதி மற்றும் நீதிபதி சிவஞானம் அமர்வில் இன்று விசாரணைக்கு வந்தது. அப்போது, இலங்கை அகதிகள் சட்டவிரோதமாக குடியேறியவர்கள் என்றும், ஆகையால் அவர்களுக்கு குடியுரிமை வழங்க இயலாது என்றும் மத்திய அரசு வாதம் செய்துள்ளது. அதற்கு தலைமை நீதிபதி அமர்வு சார்பில் “தனி நீதிபதி தனது அந்த உத்தரவில் மனுவை பரிசீலிக்குமாறே உத்தரவிட்டுள்ளார். மனுவை பரிசீலித்து, குடியுரிமை வழங்குங்கள். இல்லையெனில் நிராகரியுங்கள். அதற்கு ஏன் மேல்முறையீட்டு மனுவை தாக்கல் செய்துள்ளீர்கள்?” என்று மத்திய அரசுக்கு கேள்வி எழுப்பியுள்ளார். மத்திய அரசின் வாதத்தை தொடர்ந்து, திருச்சி கொட்டப்பட்டு முகாம் அகதிகள் சார்பாக ஆஜரான வழக்கறிஞர், “இந்த விவகாரத்தை பொறுத்தவரை தமிழக அரசின் நிலைப்பாடு மாறியுள்ளது. ஆகவே தமிழக அரசிற்கு இது குறித்து முடிவெடுக்குமாறு உத்தரவிடலாம்" என தெரிவித்தார். அதற்கு நீதிபதிகள், "தமிழக அரசின் முடிவாயினும் அது சட்டங்களுக்கு உட்பட்டே முடிவெடுக்கப்பட வேண்டும்" என தெரிவித்து, இது குறித்து தமிழக அரசு பதிலளிக்க உத்தரவிட்டு வழக்கை ஆகஸ்ட் 23ஆம் தேதிக்கு ஒத்திவைத்தனர். - இ.சகாய பிரதீபா
http://dlvr.it/S4lCym

Read More