ஒலிம்பிக் : இந்திய மல்யுத்த வீரர் பஜ்ரங் புனியா அரையிறுதியில் தோல்வி

டோக்கியோ ஒலிம்பிக்கில் இந்திய மல்யுத்த வீரர் பஜ்ரங் புனியா அரையிறுதியில் தோல்வி அடைந்துள்ளார். 65 கிலோ எடைப்பிரிவில் நடைபெற்ற பீரிஸ்டைல் பிரிவில் அவர் அஜர்பைஜான் நாட்டு வீரர் Haji Aliyev-விடம் 12-5 என்ற கணக்கில் தோல்வியை தழுவியுள்ளார்.  இந்த தோல்வியின் மூலம் அவர் இறுதிப்போட்டியில் பங்கேற்கும் வாய்ப்பை இழந்திருந்தாலும் வெண்கலப் பதக்கத்திற்கான போட்டியில் விளையாட உள்ளார் பஜ்ரங் புனியா. இந்த போட்டி நாளை நடைபெற உள்ளது. செனகல் அல்லது கஜகஸ்தான் நாட்டு வீரர்களை அவர் இந்த போட்டியில் எதிர்கொள்ள உள்ளார். 
http://dlvr.it/S58jjg

Read More

ரூ.600 கோடி நிதி மோசடி புகார்: ஹெலிகாப்டர் சகோதரர்கள் கைது - 19ஆம் தேதி வரை நீதிமன்ற காவல்

கும்பகோணத்தில் நிதி நிறுவனம் நடத்தி 600 கோடி ரூபாய்க்கு மேல் மோசடி செய்த புகாரில் ஹெலிகாப்டர் சகோதரர்களை தனிப்படை காவலர்கள் கைது செய்தனர். கும்பகோணம் ஸ்ரீநகர் காலனியைச் சேர்ந்தவர்கள் சகோதரர்களான எம்.ஆர்.சாமிநாதன், எம்.ஆர். கணேஷ். இவர்களுக்குச் சொந்தமாக பால்பண்ணை, நகைக்கடை, அடகுக்கடை, நிதி நிறுவனம் போன்றவை கும்பகோணம் மட்டுமன்றி தமிழகத்தின் பல்வேறு பகுதிகளில் உள்ளன. சொந்தமாக ஹெலிகாப்டர் ஒன்றும் வைத்திருப்பதால், இவர்கள் ஹெலிகாப்டர் சகோதரர்கள் என அழைக்கப்படுகின்றனர். வெளிநாடுகளிலும் தங்களுக்குச் சொந்தமாக நகைக்கடைகள், தங்கச் சுரங்கம் ஆகியவை இருப்பதாக இந்தச் சகோதரர்கள் கூறியதை நம்பி, கும்பகோணம் பகுதியைச் சேர்ந்த பலர் அவர்களது நிதி நிறுவனத்தில் முதலீடு செய்துள்ளனர். ஒரு லட்சம் கட்டினால், இரட்டிப்பாக இரண்டு லட்சமாக திருப்பி தரப்படும் என்ற ஆசைவார்த்தைகளை நம்பி, சமானியர்கள் முதல் செல்வந்தர்கள் வரை முதலீடு செய்த நிலையில், உறுதி அளித்தபடி பணம் கொடுக்காமல் மோசடி செய்ததாக ஹெலிகாப்டர் சகோதரர்கள் மீது புகார் அளிக்கப்பட்டது. இதனையடுத்து தஞ்சை மாவட்ட காவல் கண்காணிப்பாளர் 2 தனிப்படைகள் அமைத்து விசாரணையை தொடங்கினர். முதற்கட்டமாக கும்பகோணத்தில் இந்த சகோதரர்களின் பண்ணை வீட்டிலிருந்து 13 சொகுசு கார்கள் பறிமுதல் செய்யப்பட்டன. நிதி நிறுவன ஊழியர்கள் 5 பேரை கைது செய்த காவல் துறையினர், கணேசனின் மனைவியையும் நீதிமன்றத்தில் ஆஜர்படுத்ததினர். இந்த நிலையில் தலைமறைவாக இருந்த சாமிநாதன், கணேசன் ஆகிய இருவரையும் புதுக்கோட்டையில் உள்ள அவர்களது வழக்கறிஞரின் பண்ணைவீட்டில் வைத்து கைது செய்தனர். அவர்களிடம் இருந்து இருசக்கர வாகனம் மற்றும் 18 சூட்கேஸ்கள் பறிமுதல் செய்யப்பட்டன. இரண்டு சகோதரர்களும் பாரதிய ஜனதா கட்சியில் உறுப்பினர்களாகவும் தஞ்சை வடக்கு வர்த்தகப் பிரிவு செயலாளராகவும் இருந்தனர். இவர்கள் மீது புகார் எழுந்ததை அடுத்து வர்த்தகப் பிரிவில் இருந்து நீக்கப்பட்டுள்ளனர். இதனிடையே, கும்பகோணம் நீதித்துறை நடுவர் நீதிபதி வீட்டில் சகோதர்களான சாமிநாதன், கணேஷ் ஆகிய இருவரும் ஆஜர்படுத்தப்பட்டனர். அவர்களை வரும் 19ஆம் தேதி வரை நீதிமன்ற காவலில் வைக்கும்படி நீதிபதி உத்தரவிட்டார். அதனைதொடர்ந்து, இருவரும் கும்பகோணம் கிளைச் சிறைக்கு அழைத்துச் செல்லப்பட்டனர்.
http://dlvr.it/S57hsF

Read More

புதிய பாதை காணுமா கூகுளின் பிக்சல் ஃபோன்? - முதற்கட்ட பார்வை

ஆண்ட்ராய்டு போன்களில் கூகுள் தனி ராஜ்ஜியம் நடத்திக்கொண்டிருந்தாலும், அதன் சொந்த ஃபோனுக்கு பெரிய அளவில் செல்வாக்கு இல்லை. இந்த நிலையை மாற்றும் உத்தேசத்தோடு, கூகுள் தனது பிக்சல் (PIXEL) ஃபோன் வரிசையில் அடுத்த அறிமுகம் தொடர்பான தகவல்களை வெளியிட்டுள்ளது. 'பிக்சல் 6' மற்றும் 'பிக்சல் 6 ப்ரோ' ஆகிய இந்த இரண்டு புதிய ஃபோன்களும், சந்தையில் அறிமுகமாக இன்னும் சில மாதங்கள் ஆகலாம் என்றாலும், இவற்றின் முதல் கட்ட அறிமுகங்கள் நிகழும் நாடுகளின் பட்டியலில் இந்தியா இல்லை என்றாலும், 'பிக்சல் 6' போன்கள் தொடர்பாக இதுவரை வெளியாகியுள்ள தகவல்கள் ஈர்ப்புடையதாகவே இருக்கின்றன. முதல் விஷயம், வடிவமைப்பிலும் தோற்றத்திலும் புதிய பிக்சல் ஃபோன் அசத்தலாக இருப்பதாக 'தி வெர்ஜ்' இணையதளம் தனது பிரத்யேக செய்தியில் தெரிவித்துள்ளது. மேலும், வழக்கமான கேமரா அமைப்புக்கு மாறாக, நீளப் பட்டையில் இதன் மூன்று கேமராக்கள் அமைந்திருப்பதும் விஷேசமாக சொல்லப்படுகிறது. பக்கவாட்டில் லேசாக வளைந்த திரை, கைரேகை சென்சார், டைட்டன் பாதுகாப்பு சிப் உள்ளிட்ட அம்சங்கள் கொண்டிருந்தாலும், பிற நிறுவன சிப் இல்லாமல் சொந்த 'சிப்'புடன் இந்த ஃபோன் உருவாகி இருப்பதே முக்கிய அம்சமாக சொல்லப்படுகிறது. கூகுள் சொந்த சிப் உருவாக்கத்தில் ஈடுபட்டிருப்பது பற்றி செய்திகள் கசிந்து கொண்டிருந்தாலும், பிக்சல் ஃபோனில் இந்த முறை டென்சர் எஸ்.ஒ.சி (Tensor SoC) எனும் புதிய சிப் பயன்படுத்தப்பட்டுள்ளது. ஆக, முன்னணி சிப் தயாரிப்பு நிறுவனமான குவால்காமின் ஸ்னேப்டிராகன் சிப்பை கூகுள் பயன்படுத்தவில்லை. மாறாக, சொந்த சிப்புடன் களமிறங்குகிறது. ஸ்மார்ட்போன் உலகில் இது முக்கிய நகர்வு என்கின்றனர். இதனால் குவால்காமுக்கு பெரிய இழப்பு உண்டாகும் என்று சொல்ல முடியாவிட்டாலும், கூகுளுக்கு இது மிகப்பெரிய கணக்குகளை உள்ளடக்கிய விஷயமாகவே இருக்கிறது. ஏனெனில், ஸ்மார்ட்போனில் ஆப்பிளை எட்டிப்பிடிக்கும் கூகுள் முயற்சியின் ஓர் அங்கமாக இது அமைகிறது. ஸ்மார்ட்ஃபோன் சந்தையில் ஏகப்பட்ட பிராண்டுகள் இருந்தாலும், உயர் ரக ஃபோன் பிரிவில் ஆப்பிளின் ஐஃபோன் தான் கொடிகட்டிப் பறக்கிறது. சாம்சங் போன்ற நிறுவனங்களும் உயர் ரக ஃபோனோடு ஆப்பிளுடன் மல்லுக்கட்டினாலும், ஐஃபோன் அந்தஸ்திலும் சரி, செயல்திறனிலும் சரி பல படிகள் மேல்தான் இருக்கிறது. அதுமட்டும் அல்லாமல், பாதுகாப்பு அம்சத்திலும், பிரைவசி விஷயத்திலும் ஆப்பிள் ஒரு படி மேலே இருக்கிறது. புதிய அம்சங்களை அறிமுகம் செய்வதிலும் அசத்தி விடுகிறது. இதனிடையே ஐஃபோன் 13-ல் ஆப்பிள் என்ன எல்லாம் கொண்டு வருமோ எனும் எதிர்பார்ப்பும் இருக்கிறது. இந்தப் பின்னணில், ஸ்மார்ட்ஃபோன் வன்பொருள் என்று வரும்போது கூகுளின் பிக்சல் ஃபோன்கள் இடைப்பட்ட ரகமாகவே பார்க்கப்படுகிறது. அசத்தலான கேமரா தரம், ஏ.ஐ அம்சங்கள் என பிக்சல் போனில் கூகுள் என்ன எல்லாம் செய்து பார்த்தாலும், ஐஃபோன் கோட்டையை அதனால் அசைக்க முடியவில்லை. ஐஃபோனுடனான இடைவெளியை இயன்ற அளவு குறைக்கும் வகையில், அடுத்த பிக்சல் ஃபோனை கூகுள் தயார் செய்துள்ளதாக கொள்ளலாம். இந்த நோக்கில்தான் கூகுள் பிற நிறுவன சிப்பை நாடாமல் சொந்த சிப்பை பயன்படுத்தியுள்ளது. நவீன ஃபோன்கள் என்று வரும் போது, அவற்றின் சிப் தான் முக்கிய அம்சங்களில் ஒன்றாக அமைகிறது. ஃபோனின் வேகம், செயல்திறன், பேட்டரி ஆயுள் உள்ளிட்ட அம்சங்களை சிப்பே தீர்மானிக்கிறது. ஸ்மார்ட்போனின் மூளை என்று வர்ணிக்கப்படும் சிப் விஷயத்தில் ஆப்பிள் பிற நிறுவனங்களை சார்ந்திராமல், தானே சொந்த சிப்பை உருவாக்கியிருக்கிறது. வன்பொருள், மென்பொருள், சிப் என எல்லாமே சொந்த தயாரிப்பாக இருப்பது ஆப்பிள் ஐபோனை முழுமையான போனாக அளிப்பதில் முக்கிய அம்சமாக கருதப்படுகிறது. இந்த காரணங்களினால்தான் கூகுளும் சொந்த சிப்புடன் பிக்சல் போனை களமிறக்குகிறது. டென்சர் எஸ்.ஒ.எஸ் எனப்படும் இந்த சிப் வழக்கமான ஒற்றை சிப்பாக அமையாமல், சிப் மேல் கொண்ட அமைப்பாக இருப்பதாக சொல்லப்படுகிறது. இதன் தொழில்நுட்ப அம்சங்கள் தொடர்பான தகவல்களை கூகுள் ரகசியமாக வைத்திருப்பதால் ஃபோன் அறிமுகம் ஆகும் போதுதான், இதன் உண்மையான ஆற்றல் தெரிய வரும் என்கின்றனர். ஆனால், இப்போதைக்கு டென்சர் சிப் அசத்தலாக இருப்பதாக கருதப்படுகிறது. டைடன் எம்2 பாதுகாப்பு சிப்பும் இணைந்திருப்பதால் இந்த ஃபோன் கூடுதலான பாதுகாப்பு அம்சங்களை கொண்டிருப்பதாக சொல்லப்படுகிறது. அதைவிட முக்கியமாக ஏ.ஐ எனும் செயற்கை நுண்ணறிவு ஆற்றலுடன் இந்த ஃபோன் புகைப்படங்களை கையாளுதல் போன்றவற்றில் கூடுதல் சிறப்பம்சங்களை கொண்டிருக்கும் என எதிர்பார்க்கப்படுகிறது. சிப்களின் ஆற்றலை தீர்மானிக்கும் மூர் விதியின் தாக்கம், அதற்கான வரம்பை தொட்டிருப்பதாக கருதப்படும் நிலையில், ஃபோன்களும், கம்ப்யூட்டர்களும் வேறு விதமாக உருவாக்கப்பட வேண்டியிருக்கும் என்கிறது. அந்த நம்பிக்கையில்தான் அது சொந்த சிப்பை உருவாக்கியிருக்கிறது. இதன்மூலம் பிக்சல் ஃபோனில் புதிய பாதை காணலாம் என்றும் கூகுள் எதிர்பார்க்கிறது. பொறுத்திருந்து பார்க்கலாம். - சைபர்சிம்மன்
http://dlvr.it/S57Jhd

Read More

மும்பை: இறந்த தந்தையின் உடலை 4 நாள்களாக வீட்டில் வைத்திருந்த சகோதரிகள்; தற்கொலை முயற்சியால் பரபரப்பு

கொரோனாவால் ஆயிரக்கணக்கானோர் மும்பையில் வேலை வாய்ப்புக்களை இழந்து தவிக்கின்றனர். மும்பையில் புறநகர் ரயில் இருந்தால் மட்டுமே வேலைக்குச் செல்ல முடியும். ஆனால் இப்போது புறநகர் ரயிலில் பொதுமக்கள் பயணம் செய்ய தடைவிதிக்கப்பட்டிருப்பதால் மக்கள் மும்பைக்குள் சென்று வேலை செய்ய முடியாமல் இருக்கின்றனர். மும்பை அருகிலுள்ள விராரில் புரூக்ளின் பார்க் என்ற அபார்ட்மென்ட்டில் வசித்தவர் ஹரிதாஸ் சஹர்கர் (70). இவருக்கு இரண்டு மகள்கள் உள்ளனர்.ஹரிதாஸ் Also Read: `தற்கொலை செய்யப்போவதாக ட்விட்டர் பதிவு' - இளைஞரை மும்பை போலீஸார் காப்பாற்றியது எப்படி? ஒரு வாரத்துக்கு முன்புதான் அவர்கள் இந்த வீட்டுக்குக் குடிவந்தனர். இந்தநிலையில், உடல்நலம் பாதிக்கப்பட்டு ஹரிதாஸ் இறந்துவிட்டார். அவர் இறந்ததை வெளியில் சொன்னால் கொரோனா சோதனை செய்து நம்மைத் தனிமைப்படுத்திவிடுவார்கள் என்று பயந்த சகோதரிகள் வெளியில் யாரிடமும் சொல்லவில்லை. நான்கு நாள்கள் வீட்டிலேயே உடலை வைத்திருந்தனர். உடல், படுக்கை அறையில் இருக்கும். சகோதரிகள் இரண்டு பேரும், அவர்களின் வயதான தாயாரும் முன் அறையில் சமையல் செய்து சாப்பிட்டுக்கொண்டிருந்தனர். உடல் அழுக ஆரம்பித்ததால் நாப்தலின் போன்ற பொருள்களைவைத்து துர்நாற்றம் வெளியில் வருவதைக் கட்டுப்படுத்தினர். மேற்கொண்டு வருமானம் இல்லாமல் வாழ முடியாது என்று கருதி சகோதரிகள் இரண்டு பேரும் தற்கொலை செய்துகொள்ள முடிவு செய்தனர். அவர்கள் இரண்டு பேருக்கும் வேலை இல்லை. வருமானத்துக்கும் வழியில்லை. பல இடங்களில் வேலை தேடிப்பார்த்தும் கிடைக்கவில்லை. தந்தை இறந்துவிட்ட நிலையில் இனி எப்படி உயிர்வாழ்வது என்று தெரியாமல் அவர்கள் தற்கொலை செய்துகொள்ளத் திட்டமிட்டனர். சகோதரிகள் இரண்டு பேரும் அளவுக்கு அதிகமாக தூக்க மாத்திரைகளையும் நாப்தலின்களையும் சாப்பிட்டனர். ஆனால் அதில் இரண்டு பேரும் சாகவில்லை. இதனால் கையிலும் உடலின் பல பகுதிகளிலும் கத்தியால் வெட்டிக்கொண்டனர். பின்னர் இருவரும் கடலில் குதித்து தற்கொலை செய்துகொள்ள முடிவு செய்தனர். ஆனால் அளவுக்கு அதிகமான தூக்க மாத்திரையால் இருவரும் தூங்கிவிட்டனர். சிறிது நேரம் கழித்து வித்யா என்ற ஒரு சகோதரி எழுந்தார். அவர் தனது மற்றொரு சகோதரியான ஸ்வப்னிலை எழுப்ப முயன்றார். ஆனால் முடியவில்லை. இதனால் தான் மட்டும் ஆட்டோவில் ஏறிச்சென்று அங்குள்ள கடலில் குதித்து தற்கொலை செய்துகொண்டார். இந்தநிலையில் அங்குள்ள அர்னாலா கடற்கரையில் தற்கொலை செய்துகொள்ளும் நோக்கத்தில் ஒரு பெண் கடலைச் நோக்கி சென்றார். அங்கு இருந்தவர்கள் அந்தப் பெண்ணை மீட்டபோது அவர் ஸ்வப்னில் என்று தெரியவந்தது. உடனே போலீஸாருக்கு தகவல் கொடுக்கப்பட்டு வரவழைக்கப்பட்டனர். போலீஸார் அந்தப் பெண்ணிடம் விசாரித்தபோது, `எனக்கு வேலை எதுவும் கிடைக்கவில்லை என்றும், பல இடங்களில் தேடியும் கிடைக்காததால் நானும் எனது சகோதரியும் தற்கொலை செய்துகொள்ள முடிவு செய்தோம். என் சகோதரி ஏற்கெனவே தற்கொலை செய்துகொண்டார். எனது தந்தையும் நான்கு நாள்களுக்கு முன்பு இறந்துவிட்டார். வீட்டில் அவர் உடல் இருக்கிறது என்று தெரிவித்தார். உடனே கடற்கரையில் கண்டுபிடிக்கப்பட்ட ஒரு பெண்ணின் உடலை ஸ்வப்னிலிடம் காட்டியபோது அது தனது சகோதரிதான் என்று தெரிவித்தார். உடனே போலீஸார் விரைந்து சென்று வீட்டில் இருந்த ஹரிதாஸ் உடலை மீட்டு பிரேத பரிசோதனைக்கு அனுப்பிவைத்தனர். ஸ்வப்னில், அவரி தாயார் இருவரும் பெண்கள் முகாமுக்கு அனுப்பிவைக்கப்பட்டுள்ளனர்.
http://dlvr.it/S55CPG

Read More

வெற்றி... வெற்றி... ஒலிம்பிக் ஆடவர் ஹாக்கியில் வெண்கலம் வென்றது இந்தியா

டோக்கியோவில் நடைபெற்ற இந்தியா - ஜெர்மனி அணிகள் இடையிலான வெண்கலப் பதக்கத்துக்கான ஆடவர் ஹாக்கி போட்டியில் இந்திய அணி 5 - 4 என்ற கோல் கணக்கில் வெற்றிப்பெற்று வெண்கலப் பதக்கம் வென்றது. ஜப்பான் தலைநகர் டோக்கியோவில் வெண்கலப் பதக்கத்துக்கான ஆடவர் ஹாக்கி போட்டி இன்று நடைபெற்றது. இதில் இந்தியா - ஜெர்மனி அணிகள் மோதின. மிகவும் பரபரப்பாக தொடங்கிய இந்தப் போட்டியில் முதல் 2-ஆவது நிமிடத்திலேயே ஜெர்மனி அணி கோல் அடித்து முன்னணி வகித்தது. முதல் கால் ஆட்டத்தில் இந்தியாவுக்கு ஒரு பெனால்டி கார்னர் வாய்ப்பு கிடைத்து. ஆனால் இந்தியாவால் முதல் கோலை பதிவு செய்ய முடியவில்லை. இரண்டாம் கால் ஆட்டத்தில் தனி ஒருவனாக பந்தை விரட்டிச் சென்ற இந்தியாவின் சிம்ரன்ஜீத் கவுர் இந்தியாவுக்கான முதல் கோலை பதிவு செய்தார். ஆனால் அதன் பின்பு ஜெர்மனி 2 கோல்களை அடுத்தடுத்து விளாசி அதிர்ச்சி கொடுத்தது. ஆனால் மனம் தளராத இந்திய வீரர்கள் அடுத்து கிடைத்த பெனால்ட்டி வாய்ப்பை கோலாக்கினார். பின்பு இந்தியாவின் ஹர்மன்ப்ரீத் இந்தியாவுக்கான 3-ஆவது கோலை பதிவு செய்தார். இதனையடுத்து முதல் பாதி ஆட்டத்தில் இந்தியா 3, ஜெர்மனி 3 கோல்கள் என சமநிலையில் இருந்தன. முதல் பாதி முடிவடைந்ததும் இந்திய வீரர்கள் ஆக்ரோஷமாக விளையாடினர். இதில் ருபிந்தர் சிங் பால் அற்புதமான கோலை பதிவு செய்தார். இதனையடுத்து ஜெர்மனி வீரர் செய்த தவறால் இந்தியாவுக்கு பெனால்ட்டி ஸ்டோக் வாய்ப்பு கிடைத்து. இதனை சிம்ரன்ஜீத் கவுர் எதிர்கொண்டு 5-ஆவது கோல் அடித்தார். ஆனாலும் மனம் தளராத ஜெர்மனி அணியினர் இரண்டாவது பாதியில் மற்றொரு 4 ஆவது கோலை பதிவு செய்தனர். இதனால் ஆட்டம் பரபரப்பு அடைந்தது. ஆனால் இந்தியா தொடர்ந்து ஆக்ரோஷமாக விளையாடி ஆட்ட நேர முடிவு வரை ஜெர்மனியின் கோல் போடும் முயற்சியை தடுத்தனர். ஆட்டம் முடிய வெறும் 6 விநாடிகள் இருந்த நிலையில் ஜெர்மனிக்கு ஒரு பெனால்ட்டி வாய்ப்பு கிடைத்தது. ஆனால் இந்திய அணி வீரர்கள் அந்த வாய்ப்பை கச்சிதமாக முறியடித்தனர். இறுதி நேர முடிவில்  5-4 என்ற கணக்கில் இந்தியா வெற்றிப்பெற்று. ஒலிம்பிக்கில் 41 ஆண்டுகளுக்கு பின்பு இந்தியா பதக்கத்தை வசப்படுத்தியுள்ளது.
http://dlvr.it/S54Bpn

Read More

ரூ.2,000 கோடி போதைப்பொருள் வழக்கு: நடிகையின் வங்கிக் கணக்கு முடக்கத்தை நீக்க மறுத்த நீதிமன்றம்!

நடிகை மம்தா குல்கர்னி 1995-ம் ஆண்டில் இருந்து 2000-ம் ஆண்டு வரை பாலிவுட்டில் மிகவும் உச்சத்தில் இருந்தார். ஆனால் அவருக்கு மாபியா கும்பலுடன் தொடர்பு இருப்பதாக வந்த தகவலை தொடர்ந்து 2000-ம் ஆண்டு திடீரென காணாமல் போய்விட்டார். அதன் பிறகு அவர் எங்கு சென்றார் என்று தெரியவில்லை. ஆனால் போதைப்பொருள் கடத்தல் மன்னன் விக்கி கோஸ்வாமி என்பவரை காதலித்து வந்தார் என்று கூறப்பட்டது.மம்தா குல்கர்னி இதனிடையே விக்கி கோஸ்வாமி துபாயில் போதைப்பொருள் கடத்தல் தொடர்பாக கைது செய்யப்பட்டு, 15 ஆண்டுகள் சிறை தண்டனை விதிக்கப்பட்டது. அவரை காப்பாற்ற குல்கர்னி துபாய் சென்று தங்கினார். அதோடு சிறையிலேயே விக்கி கோஸ்வாமியை மம்தா குல்கர்னி திருமணம் செய்து கொண்டதாக செய்திகள் வெளியானது. மகாராஷ்டிராவை சேர்ந்த மம்தா குல்கர்னி மும்பையிலும் போதைப்பொருள் வியாபாரத்தில் ஈடுபட்டுள்ளார். கடந்த 2016-ம் ஆண்டு ஏப்ரல் மாதம் மும்பை அருகில் உள்ள தானே, சோலாப்பூர், அகமதாபாத் போன்ற இடங்களில் 20 டன்னுக்கும் அதிகமான போதைப்பொருள் பறிமுதல் செய்யப்பட்டது. சோலாப்பூரில் மருந்து கம்பெனி என்ற பெயரில் போதைப்பொருள் தயாரிக்கும் கம்பெனி செயல்பட்டு வந்ததையும் போலீஸார் கண்டுபிடித்தனர். போலீஸாரின் தீவிர விசாரணையில் மம்தா குல்கர்னி, அவரின் கணவர் விக்கி கோஸ்வாமி மற்றும் கென்ய கும்பலுக்கு இதில் தொடர்பு இருப்பது தெரிய வந்தது. இதையடுத்து இருவர் மீதும் போதைப்பொருள் தடுப்பு பிரிவு போலீஸார் வழக்குப் பதிவு செய்தனர். மும்பையில் உள்ள மம்தா குல்கர்னியின் இரண்டு வீடுகள், 6 வங்கி கணக்குகள், 3 வைப்பு தொகைகளை போலீஸார் முடக்கினர். மம்தா குல்கர்னி விசாரணைக்கு ஆஜராக சம்மன் அனுப்பப்பட்டது. ஆனால் அவர் ஆஜராகவில்லை. போதை பொருள் இந்நிலையில் தனது வங்கி கணக்கு முடக்கத்தை நீக்கவேண்டும் என்று கோரி மும்பையில் உள்ள சிறப்பு நீதிமன்றத்தில் மம்தா குல்கர்னி மனுத்தாக்கல் செய்தார். இம்மனு விசாரணைக்கு வந்த போது மம்தா குல்கர்னி சார்பில் ஆஜரான வழக்கறிஞர், ``வங்கிக்கணக்கு முடக்கப்பட்டு இருப்பதால் மருத்துவ செலவைக்கூட சமாளிக்க முடியவில்லை. வீட்டுக்கு வைக்கப்பட்ட சீல் அகற்றவேண்டும். அங்கு தனது சகோதரியை தங்க வைக்கவேண்டும்’ என்று தெரிவித்தார். அரசுத்தரப்பில் ஆஜரான வழக்கறிஞர், `இவ்வழக்கில் தொடர்புடைய மம்தா குல்கர்னி குற்றத்தில் முக்கிய பங்கு வகித்துள்ளார். தொடர்ந்து தலைமறைவாக இருக்கிறார். கென்யாவில் இருக்கும் அவரை இந்தியாவுக்கு கொண்டு வர மேற்கொள்ளப்பட்ட அனைத்து முயற்சிகளும் பலனலிக்கவில்லை. அவருக்கு விசாரணைக்கு ஆஜராக பல முறை நோட்டீஸ் அனுப்பப்பட்டது. ஆனால் விசாரணைக்கு ஆஜராகவில்லை. எனவேதான் வங்கிகணக்கு முடக்கப்பட்டது. அதோடு வீட்டுக்கும் சீல் வைக்கப்பட்டது. தற்போது வங்கிக்கணக்கு முடக்கத்தை நீக்கினால் குற்றவாளி வரவே மாட்டார்” என்று வாதிட்டார். Also Read: மும்பை: காவல் நிலையத்தில் பழைய வாகனங்களின் பாகங்கள் திருட்டு; ரூ.26 லட்சத்துக்கு விற்ற பெண் காவலர்! இரு தரப்பு வாதங்களையும் கேட்ட நீதிபதி ராஜேஷ் குப்தா, குற்றம் சாட்டப்பட்ட நபர் விசாரணை அதிகாரிகளிடமோ அல்லது கோர்ட்டிலோ ஆஜராகவில்லை. எனவே வங்கிக்கணக்கின் முடக்கத்தை நீக்கவோ அல்லது வீட்டு சீல் அகற்றவோ வாய்ப்பு இல்லை என்று கூறி மனுவை தள்ளுபடி செய்துவிட்டார். 2017-ம் ஆண்டு மார்ச் 28-ம் தேதி நீதிமன்றம் மம்தா குல்கர்னி, கோஸ்வாமிக்கு எதிராக கைது வாரண்ட் பிறப்பித்தது. அதோடு தேடப்படும் குற்றவாளிகளாகவும் அறிவிக்கப்பட்டனர். அமெரிக்காவிலும் கோஸ்வாமியின் பெயர் போதைப்பொருள் கடத்தல் வழக்கில் இருக்கிறது என்பது குறிப்பிடதக்கது.
http://dlvr.it/S53p2m

Read More

மும்பை: `காட்டிக்கொடுத்த ரத்தக்கறை!’ - பிறந்த தன் குழந்தையை 7-வது மாடியிலிருந்து வீசிய சிறுமி!

மும்பை அருகிலுள்ள விரார் என்ற இடத்திலுள்ள துலிப் ஹவுஸிங் சொசைட்டி என்ற கட்டடத்தில் ஜன்னல் வழியாகப் புதிதாகப் பிறந்த ஒரு குழந்தை கீழே வீசப்பட்டுக் கிடந்தது. இது குறித்து அந்தக் கட்டடத்தில் வசிப்பவர்கள் போலீஸாருக்குத் தகவல் கொடுத்தனர். போலீஸார் அந்தக் குழந்தையை உடனே மருத்துவமனைக்கு அனுப்பிவைத்தனர்.குழந்தை கிடந்த இடம் Also Read: புதுக்கோட்டை: 10-ம் வகுப்பு மாணவி கர்ப்பம்; சிறுமிக்கு பாலியல் தொல்லை - தொடரும் குற்றச் செயல்கள் குழந்தையைப் பரிசோதித்த டாக்டர்கள் குழந்தை ஏற்கெனவே இறந்துவிட்டதாகத் தெரிவித்தனர். குழந்தையை யார் கொண்டு வந்து போட்டது என்பது குறித்து போலீஸார் தீவிர விசாரணை நடத்தினர். அங்கிருந்த கண்காணிப்பு கேமரா முழுவதையும் ஆய்வு செய்தனர். வெளியிலிருந்து யாரும் உள்ளே வந்து குழந்தையை வீசவில்லை என்று தெரியவந்தது. இதையடுத்து அந்தக் கட்டடத்தில் வசிக்கும் ஒருவர்தான் இந்தக் காரியத்தை செய்திருக்க வேண்டும் என்று போலீஸார் கருதினர். உடனே அந்தக் கட்டடத்திலுள்ள அனைத்து வீடுகளைம் சோதனை செய்தனர். இதில் இரண்டாவது மாடியிலிருக்கும் ஒரு வீட்டு ஜன்னல் கிரில்லில் ரத்தக்கறை படிந்திருந்தது. உடனே அந்த வீட்டைச் சோதனை செய்தபோது உள்ளே சில இடங்களில் ரத்தக்கறை இருந்தது. இதையடுத்து இந்த வீட்டில்தான் குழந்தை பிறந்திருக்க வேண்டும் என்பதை உறுதி செய்த போலீஸார் அந்த வீட்டிலிருக்கும் 16 வயது மைனர் பெண்ணை அழைத்துச் சென்று விசாரித்தபோது அவர்தான் வீட்டின் கழிவறை ஜன்னல் வழியாக குழந்தையை வெளியில் வீசியிருப்பது தெரியவந்தது. அந்தப் பெண் தனது கர்ப்பத்தை மிகவும் லூஸான ஆடைகளை அணிந்து பெற்றோரிடமிருந்து மறைத்துவந்திருக்கிறார். அவரது கர்ப்பத்துக்குக் காரணமான 25 வயது வாலிபரும் போலீஸ் நிலையத்துக்கு வரவழைக்கப்பட்டு விசாரிக்கப்பட்டார். அந்தப் பெண்ணை பெண்கள் முகாமுக்கு அனுப்பிவைத்த போலீஸார் அவர்மீது வழக்கு பதிவு செய்ய நடவடிக்கை எடுத்துள்ளனர்.
http://dlvr.it/S51h1Q

Read More