ஆப்கனின் மஜர்-இ-ஷரிப் நகரிலிருந்து இந்தியர்களை பத்திரமாக வெளியேற்ற மத்திய அரசு தீவிரம்

தாலிபான் தாக்குதலால் கடுமையாக பாதிக்கப்பட்டுள்ள ஆப்கானிஸ்தான் நாட்டில் உள்ள மஜர்-இ-ஷரிப் நகரத்திலிருந்து இந்தியர்கள் வெளியேற மத்திய அரசு அழைப்பு விடுத்துள்ளது. தொடர்ந்து பல இடங்களில் தாக்குதல் நடத்திவரும் தாலிபான்களிடம் சிக்காமல், அந்தப் பகுதியிலிருந்து இந்தியர்கள் பாதுகாப்பாக வெளியேற மத்திய அரசு சிறப்பு விமானம் ஏற்பாடு செய்துள்ளது. (1/2) A special flight is leaving from Mazar-e-Sharif to New Delhi. Any Indian nationals in and around Mazar-e-Sharif are requested to leave for India in the special flight scheduled to depart late today evening. — India in Mazar (@IndianConsMazar) August 10, 2021 ஆப்கனில் பதற்றமான பகுதிகளிலில் உள்ள இந்தியர்களை மீட்டு, பத்திரமாக தாயகத்துக்கு கொண்டுவர வேண்டும் என மத்திய அரசு முடிவு செய்துள்ளது. ஏற்கெனவே ஆப்கானிஸ்தான் தலைநகரான காபூலில் உள்ள இந்திய தூதரகம் காலி செய்யப்பட்டுள்ளது. தூதரக அதிகாரிகள் மற்றும் அவர்களது குடும்பத்தினர் சிறப்பு விமானம் மூலம் நாடு திரும்பியுள்ளனர். அங்கே பணியில் ஈடுபட்டிருத்த பாதுகாப்பு படையினரும் வெளியேறியதை தொடர்ந்து, தற்போது ஆப்கான் நாட்டைச் சேர்ந்தவர்கள் மட்டுமே தூதரகத்தில் பணிகளை கவனித்து வருகின்றனர். அமெரிக்க படைகள் மற்றும் நட்பு நாடுகளின் படைகள் வெளியேறிதைத் தொடர்ந்து, தாலிபான்கள் மீண்டும் ஆப்கன் அரசுக்கு எதிராக வன்முறையை வலுவாக கட்டவிழ்த்துவிட்டுள்ளனர். நாட்டின் பல பகுதிகள் தலிபான்கள் பிடியில் சிக்கியிருப்பதாகவும், அங்கெல்லாம் படுகொலைகள் நடந்து வருவதாகவும் அங்கிருந்து வரும் தகவல்கள் தெரிவிக்கின்றன. தாலிபான்களின் தாக்குதலை சமாளிக்க ஆப்கன் படைகள் திணறும் நிலையில், இந்தியர்கள் அனைவரும் பத்திரமாக நாடு திரும்ப வேண்டும் என மத்திய அரசு அறிவுரை அளித்துள்ளது. தாலிபான் தாக்குதலை இன்னும் எத்தனை நாட்கள் ஆப்கன் படைகள் சமாளிக்கும் என இந்தியா உன்னிப்பாக கவனித்து வருகிறது. ஆப்கானிஸ்தான் நாட்டில் பல்வேறு பகுதிகளில் உள்ள ஊரக பகுதிகள் மற்றும் நகரங்கள் தாலிபான் தாக்குதலால் கடுமையாக பாதிக்கப்பட்டுள்ளன. பாகிஸ்தான் மறைமுகமாகவும், சில சமயங்களில் நேரடியாகவோ, தாலிபான்களுக்கு உதவி வருவதாக தகவல்கள் வந்துள்ளன. இந்நிலையில், இந்திய குடிமக்களுக்கு ஆப்கானிஸ்தான் நாட்டில் பாதுகாப்பு இல்லை என கருதப்படுகிறது. கிட்டத்தட்ட மூன்று பில்லியன் டாலர் செலவில், இந்திய முதலீட்டில் அங்கே நடைபெறும் பல வளர்ச்சி திட்டங்களும் தீவிரவாத அச்சுறுத்தலை சந்தித்து வருகின்றன. ஆகவேதான் இந்தியர்கள் பத்திரமாக ஆப்கானிஸ்தான் நாட்டிலிருந்து வெளியேற வேண்டும் என இந்திய அரசு அறிவுரை அளித்து, மஜர்-இ-ஷரிப் பகுதியில் உள்ள இந்தியர்கள் வெளியேற சிறப்பு விமானம் ஏற்பாடு செய்துள்ளது. - கணபதி சுப்ரமணியம்
http://dlvr.it/S5QVMM

Read More

`2 மணிநேரப் பயணம் இனி 10 நிமிடங்கள்தான்' - கோவை டு திருச்சூர் சுரங்கப்பாதை - உண்மை என்ன?!

``கோயம்புத்தூர் டு திருச்சூர் (கேரளா) இடையேயான சுரங்கப்பாதை திறக்கப்பட்டுவிட்டது. 2 மணிநேரப் பயணம் இனி 10 நிமிடங்கள்தான். இந்த உள்கட்டமைப்பு மேம்பாட்டுக்காக இந்திய அரசுக்கு நன்றி. எந்தவொரு ஊடகமும் இதுபோன்ற நல்ல செய்திகள் பற்றிப் பேசுவதாகத் தெரியவில்லை'' - குஜராத் பா.ஜ.க-வின் மாநிலப் பொதுச் செயலாளரின் ட்விட்டர் பதிவு இது! Coimbatore to Trichur Tunnel Opened. 2hours Journey is now 10Minutes. Thanks to the Govt of india Infrastructure development. May be no Media house will talk about such Good News. pic.twitter.com/mTZy9H1Umo— Ratnakar (@ratnakar273) August 9, 2021 இந்தப் பதிவின் கீழ் அந்தச் சுரங்கப்பாதையின் வீடியோ ஒன்றும் இணைக்கப்பட்டிருந்தது. இந்தப் பதிவின் கீழுள்ள கமென்ட் பகுதியில் மோடி அரசுக்கு எக்கச்சக்க பாராட்டுகள் குவிந்திருந்தன. ``மோடி போல ஒரு தலைவர் இந்தியாவுக்குக் கிடைப்பது அரிது. இந்தச் சுரங்கப்பாதை மக்களின் நேரத்தையும், உயிரையும் சேமித்துக் கொடுத்திருக்கிறது. இதுபோன்ற மேம்பாட்டுத் திட்டங்கள் மூலம் நாடு வளர்ச்சிப் பாதையில் செல்கிறது. இந்தச் செய்திகளையெல்லாம் மீடியா கவர் செய்யாது. அதைப்பற்றி மோடி ஜி-யும் கவலைப்படமாட்டார். மோடி ஜி வாழ்க!'' என்று மோடி அரசை பா.ஜ.க-வினர் சிலர் கமென்ட் பகுதியில் புகழ்ந்து தள்ளியிருந்தனர். ஆனால், நெட்டிசன்கள் பலரும் இந்தப் பதிவின் கீழ் கலாய் கமென்ட்டுகளை பதிவிட்டு வருகின்றனர். ``கோவையிலிருந்து திருச்சூர் 114 கி.மீ. ஒருவர் 114 கி.மீ தூரத்தை 10 நிமிடங்களில் கடக்க வேண்டுமென்றால், மணிக்கு 684 கி.மீ வேகத்தில் செல்ல வேண்டும். அந்த வேகத்தில் சாலையில் செல்லும் வண்டிகளையும் பா.ஜ.க-வினரே அறிமுகப்படுத்தட்டும்'' என்று ஒருவர் பதிவிட்டிருந்தார். மற்றொருவர் கப்பல் ஒன்று நீர் பாலத்தில் செல்வதுபோல படம் ஒன்றைப் பதிவிட்டு, ``ஜெர்மனியிலிருந்து கோவைக்கு 10 நிமிடத்தில் வந்துவிட்டோம். மோடி அரசுக்குக் கோடான கோடி நன்றி!'' என்று கலாய்த்திருந்தார்.சுரங்கப்பாதை Also Read: `2021-ல் தேர்ச்சி பெற்றவர்கள் வேலைக்குத் தகுதியில்லை' HDFC வங்கியின் சர்ச்சை விளம்பரம் - உண்மை என்ன?இன்னொரு பதிவில், ``12 மணிக்குக் கோவை காந்திபுரத்திலிருந்து புறப்பட்டேன். சுரங்கப்பாதை வழியாக 12.10 மணிக்கு திருச்சூர் சென்றேன். அங்கே பழம் பொறி, குழா புட்டு சாப்பிட்டுவிட்டு 12.45 மணிக்குள் கோவைக்கு வந்துவிட்டேன். 60 ஆண்டுகளாக இந்தியாவை ஆட்சி செய்த காங்கிரஸ் இதுபோல ஏதாவது ஒரு திட்டத்தையாவது அமல்படுத்தியிருக்கிறதா?'' என்று கேலியாகப் பதிவிடப்பட்டிருந்தது. உண்மை என்ன? இந்தச் சுரங்கப்பாதை குறித்துத் தேடுகையில் இந்திய நெடுஞ்சாலைத்துறை அமைச்சர் நிதின் கட்கரியின் பதிவு ஒன்று நமக்குக் கிடைத்தது. அந்தப் பதிவில், ``கேரளாவிலுள்ள குதிரன் சுரங்கப்பாதையின் ஒரு பக்கத்தை இன்று திறந்து வைத்திருக்கிறோம். இது கேரளத்தின் முதல் சுரங்கப்பாதை சாலை. இந்தப் பாதை தமிழ்நாடு, கர்நாடகாவுக்கான இணைப்பை மேம்படுத்தும். 1.6 கி.மீ நீளமுள்ள இந்தச் சுரங்கப்பாதை பீச்சி-வாசஹானி (Peechi- Vazahani) வனவிலங்கு சரணாலயம் வழியாக அமைக்கப்பட்டிருக்கிறது'' என்று ஜூலை 31 தேதியன்று தனது ட்விட்டர் பக்கத்தில் பதிவிட்டிருக்கிறார் நிதின் கட்கரி.நிதின் கட்கரி இதுகுறித்து பல்வேறு செய்தித் தளங்களிலும் செய்திகள் வெளியாகியிருக்கின்றன. அந்தச் செய்திகளை வைத்துப் பார்க்கையில், குதிரன் சுரங்கப்பாதையின் ஒரு பகுதி மட்டுமே திறக்கப்பட்டிருக்கிறது என்பது நமக்குத் தெரியவந்தது. அதுமட்டுமல்லாமல் இது திருச்சூர் - பாலக்காடு ஆகிய பகுதிகளை இணைக்கிறது என்பதும் தெரியவந்தது. மேலும், இந்தச் சுரங்கப்பாதை அமைக்கப்படுவதற்கு முன்பாக, சாலையின் இடையே குறுக்கிடும் மலையைக் கடக்க 3 கி.மீ தூரம் சுற்றி வரவேண்டிய நிலை இருந்ததாகவும், அந்தப் பாதை மோசமானதாக இருந்ததாகவும் மலையாள ஊடகங்களில் செய்திகள் வெளியாகி இருக்கின்றன. இந்தச் சுரங்கப்பாதையால் தற்போது சில நிமிடங்களில் அந்தப் பகுதியைக் கடக்க முடிகிறது என்பதும் செய்திகளில் சொல்லப்பட்டிருக்கின்றன!
http://dlvr.it/S5NR2d

Read More

மும்பை: மகளின் கராத்தே பெல்ட்; நீட்தேர்வுக்கு படிக்கச் சொன்ன தாய்க்கு நேர்ந்த கொடூரம்!

நவிமும்பை ஐரோலியில் வசிப்பவர் ரச்சனா தேஷ்முக்(48). இவருக்கு 15 வயதில் ஒரு மகள் இருக்கிறார். ரச்சனா தனது மகள் படித்து டாக்டராக வேண்டும் என்று விரும்பினார். இதற்காக 15 வயது மகள் வீட்டில் இருந்து நீட் நுழைவு தேர்வுக்கு படித்துக்கொண்டிருந்தார். அடிக்கடி நீட் தேர்வுக்கு படிப்பது தொடர்பாக தாய் மகள் இடையே கருத்து வேறுபாடு ஏற்படுவதுண்டு. சித்தரிப்பு படம் Also Read: நள்ளிரவு நேரம்... ரத்த வெள்ளத்தில் அம்மா, அப்பா... கதறிய சிறுவன்!- டெல்லியைப் பதறவைத்த கொலை இந்நிலையில் கடந்த சில நாட்களுக்கு முன்பு ரச்சனா படுக்கை அறையில் இறந்து கிடந்தார். அவரது உடலை மீட்டு போலீஸார் விசாரணை நடத்தி வந்தனர். பிரேத பரிசோதனையில் ரச்சனா கழுத்தை நெரித்துக் கொலை செய்யப்பட்டு இருந்தது தெரிய வந்தது. இதனால் யார் கொலை செய்தது என்பது குறித்து போலீஸார் தீவிர விசாரணை நடத்தினர். கொலை நடந்த மூன்று நாட்களுக்கு முன்புதான் ரச்சனாவிற்கு எதிராக அவரது மகள் போலீஸ் நிலையத்தில் சென்று புகார் செய்துள்ளார். போலீஸார் மாணவியின் பெற்றோரை அழைத்து கவுன்சிலிங் கொடுத்து மாணவியை பெற்றோருடன் அனுப்பி வைத்தது விசாரணையில் தெரிய வந்தது. இதையடுத்து இக்கொலையில் ரச்சனாவின் மகளுக்கு தொடர்பு இருக்குமா என்ற கோணத்தில் விசாரணை நடந்தது. மைனர் பெண்ணை பெண் கான்ஸ்டபிள் ஒருவர் தனது கட்டுப்பாட்டில் எடுத்து நயமாக பேசி விசாரித்தார். ஆரம்பத்தில் எதையும் தெரிவிக்க மறுத்த மைனர் பெண் பின்னர் குற்றத்தை ஒப்புக்கொண்டார். இது குறித்து மைனர் பெண் நடந்த சம்பவம் குறித்து பரபரப்பு வாக்குமூலம் கொடுத்துள்ளார். கொலை நடந்த அன்று தாய் மற்றும் மகள் இடையே தகராறு ஏற்பட்டுள்ளது. "ஏன் மொபைலை பார்த்துக்கொண்டிருக்கிறாய், நீட் தேர்வுக்கு படி" என்று ரச்சனா தனது மகளிடம் தெரிவித்துள்ளார். இதில் இருவருக்கும் இடையே தகராறு ஏற்பட்டதில் மைனர் பெண் தனது தாயாரைப் பிடித்து கீழே தள்ளிவிட்டுள்ளார். இதில் ரச்சனாவிற்கு தலையில் காயம் ஏற்பட்டுள்ளது. உடனே மைனர் பெண் வீட்டில் கிடந்த கராத்தே பெல்ட்டை எடுத்து வந்து தனது தாயாரை கழுத்தை நெரித்துக் கொலை செய்துள்ளார். பின்னர் உடலை எடுத்து படுக்கை அறையில் போட்டுவிட்டு ரச்சனாவின் மொபைலில் இருந்து ரச்சனாவின் சகோதரருக்கு மெசேஜ் ஒன்றை அனுப்பினார். அதில் தற்கொலை செய்துகொள்வதாகத் தெரிவித்துள்ளார். மெசேஜ் அனுப்பிய பிறகு படுக்கை அறை கதவைப் பூட்டிவிட்டு மைனர் பெண் தனது மாமாவிற்கு போன் செய்து அம்மா படுக்கை அறைக்குள் சென்று கதவை பூட்டிக்கொண்டதாகத் தெரிவித்தார். அதனை தொடர்ந்தே மைனர் பெண்ணின் மாமா விரைந்து வந்து இது குறித்து போலீஸாருக்கு தெரிவித்தார். போலீஸார் ஒரு வார தீவிர விசாரணைக்குப் பிறகு இக்கொலையில் துப்பு துலக்கியுள்ளனர். மைனர் பெண்ணை கைது செய்து சிறுவர் சீர்திருத்த சிறைக்கு அனுப்பி வைத்தனர். சொந்த மகளே தனது தாயாரை கராத்தே பெல்ட்டால் கழுத்தை நெரித்துக் கொலை செய்த சம்பவம் பெற்றோர் மத்தியில் மிகவும் அதிர்ச்சியை ஏற்படுத்தி இருக்கிறது.
http://dlvr.it/S5MP3g

Read More

தமிழ்நாட்டில் மேலும் 1929 பேருக்கு கொரோனா தொற்று உறுதி

கடந்த 24 மணி நேரத்தில் தமிழ்நாட்டில் சுமார் 1929 பேருக்கு கொரோனா நோய் தொற்று பாதிப்பு இருப்பது பரிசோதனை மூலம் தெரியவந்துள்ளது. மேலும் 23 பேர் சிகிச்சை பலன் அளிக்காமல் உயிரிழந்துள்ளனர் என தமிழ்நாடு மக்கள் நல்வாழ்வு துறை தெரிவித்துள்ளது.  நோய் தொற்று பாதிப்பிலிருந்து 1886 பேர் குணமடைந்துள்ளனர். தற்போது 20427 பேர் தொற்று பாதிப்புடன் சிகிச்சை பெற்று வருகின்றனர்.  சென்னையில் 182 பேருக்கு கொரோனா தொற்று உறுதியாகி உள்ளது. கோவையில் 235 பேருக்கும், ஈரோட்டில் 178 பேருக்கும் தொற்று உறுதியாகி உள்ளது. 
http://dlvr.it/S5LzyC

Read More

உத்தரப்பிரதேசம்: நடிகை ஷில்பா ஷெட்டி, அவரின் தாயார் மீது மோசடி வழக்கு! - மும்பையில் லக்னோ போலீஸ்

பாலிவுட் நடிகை ஷில்பா ஷெட்டிக்கு போதாத காலம் என்றுதான் சொல்லவேண்டும். அவரது கணவர் ராஜ் குந்த்ரா ஆபாச வீடியோ எடுத்து பதிவேற்றிய விவகாரத்தில் கைது செய்யப்பட்டு சிறையில் அடைக்கப்பட்டுள்ளார். ராஜ் குந்த்ராவின் ஜாமீன் மனுவும் தள்ளுபடி செய்யப்பட்டுள்ளது. இந்நிலையில் புதிதாக ஷில்பா ஷெட்டிக்கும் ஒரு சிக்கல் வந்துள்ளது. ஷில்பா ஷெட்டி மீதும் அவரது தாயார் சுனந்தா மீதும் லக்னோவில் மோசடி வழக்குப் பதிவு செய்யப்பட்டுள்ளது. லக்னோவில் இது தொடர்பாக இரண்டு வழக்குகள் பதிவு செய்யப்பட்டுள்ளது. ஷில்பா ஷெட்டி ஒரு காலத்தில் `லோசிஸ் வெல்னஸ் சென்டர்’ (Iosis Wellness Centre) என்ற பெயரில் நாடு முழுவதும் பிட்னஸ் சென்டர்களை திறந்தார். இதற்காக ஒவ்வொரு பகுதியிலும் இந்த சென்டர்களை திறக்க பலரிடம் கோடிக்கணக்கில் ஷில்பா ஷெட்டி பணம் வாங்கியதாக சொல்லப்படுகிறது. தாயாருடன் ஷில்பாஷெட்டி அதன் பிறகு அந்த தொழில் காணாமல் போய்விட்டது. லக்னோவை சேர்ந்த ஜோத்ஜனா சவுகான், ரோஹித் வீர் சிங் ஆகியோர் நடிகை ஷில்பா ஷெட்டியிடம், பிட்னஸ் சென்டர் கிளைகளை தொடங்க கோடிக்கணக்கில் பணம் கொடுத்ததாகவும், ஆனால் கிளைகள் தொடங்கப்படவே இல்லை, அதோடு ஷில்பாஷெட்டி பணத்தையும் திரும்ப கொடுக்கவில்லை எனக் கூறப்படுகிறது. இதையடுத்து இருவரும் போலீஸில் புகார் செய்துள்ளனர். போலீஸார் வழக்கு பதிவு செய்து ஷில்பா ஷெட்டிக்கும் அவரது தாயார் சுனந்தாவுக்கும் நோட்டீஸ் அனுப்பி இருக்கின்றனர். ஷில்பா ஷெட்டி ஆரம்பித்த கம்பெனியில் ஷில்பா தலைவராகவும், அவரது தாயார் இயக்குநராகவும் இருந்தனர். எனவேதான் இரண்டு பேருக்கும் சம்மன் அனுப்பப்பட்டுள்ளது. Also Read: "அவை ஆபாச வீடியோக்கள் அல்ல!"- கணவர் ராஜ் குந்த்ராவுக்கு ஆதரவாக ஷில்பா ஷெட்டி வாக்குமூலம்! இது தொடர்பாக லக்னோ கிழக்கு பகுதி டிஜிபி சஞ்சீவ் அளித்த பேட்டியில், ``நடிகை ஷில்பா, அவரின் தாயாரிடம் விசாரணை நடத்த விசாரணை அதிகாரி மும்பை செல்ல இருக்கிறார். இவ்வழக்கு அனைத்து கோணத்திலும் விசாரிக்கப்படும். முக்கிய பிரமுகர் இவ்வழக்கில் தொடர்பு கொண்டு இருப்பதால் விசாரணை உன்னிப்பாக கவனிக்கப்படுகிறது” என்று தெரிவித்தார்.
http://dlvr.it/S5Jyk0

Read More

சவரனுக்கு ரூ.480 குறைந்தது ஆபரணத் தங்கம்: நகை வாங்குவோர் மகிழ்ச்சி

இன்று ஆபரணத் தங்கத்தின் விலை சவரனுக்கு ரூ.480 குறைந்துள்ளது.   இன்றைய நிலவரப்படி சென்னையில் ஆபரணத் தங்கத்தின் விலை கிராமுக்கு ரூ.60 குறைந்து 4,380 ரூபாய்க்கு விற்பனையாகிறது. அதன்படி, சவரனுக்கு ரூ.480 குறைந்து ரூ.35,040க்கு விற்பனையாகிறது. தொடர்ச்சியாக 4 நாட்களில் மட்டும் தங்கம் விலை சவரனுக்கு 1,208க்கு குறைந்துள்ளது நகை வாங்குவோருக்கு மகிழ்ச்சியை ஏற்படுத்தியுள்ளது.   மேலும், வெள்ளி விலை கிராமுக்கு ஒரு ரூபாய் குறைந்து ஒரு கிராம் வெள்ளி ரூ.69க்கும் ஒரு கிலோ வெள்ளி ரூ.69,000க்கும் விற்பனையாகிறது.
http://dlvr.it/S5Hxvb

Read More

தமிழகத்தில் ஒரேநாளில் 1,956 பேருக்கு கொரோனா பாதிப்பு

தமிழகத்தில் ஒரேநாளில் 1,956 பேருக்கு கொரோனா பாதிப்பு உறுதி செய்யப்பட்டுள்ளது. சென்னையில் ஏற்கெனவே 194 பேருக்கு தொற்று உறுதி செய்யப்பட்ட நிலையில், இன்று தொற்று எண்ணிக்கை குறைந்துள்ளது. சென்னையில் ஒரேநாளில் 187 பேருக்கு கொரோனா பாதிப்பு உறுதிசெய்யப்பட்டுள்ளது என அமைச்சர் மா.சுப்பிரமணியன் தெரிவித்தார். மேலும், கொரோனா இன்னும் ஒழியவில்லை எனவும் தனிமனித இடைவெளி கேள்விக்குறியாகி உள்ளது எனவும் அமைச்சர் தெரிவித்தார்.
http://dlvr.it/S5HZdl

Read More