மகாராஷ்டிரா தலைமைச் செயலகம்: தொழிலதிபர் தற்கொலை முயற்சியால் பரபரப்பு!

மும்பையின் கடற்கரை பகுதியில் மாநில தலைமைச் செயலகம் இருக்கிறது. இத்தலைமை ச்செயலகத்திற்கு வெளிப்பகுதிக்கு வந்த ஒருவர் தன்னிடம் இருந்த மண்ணெணய்யை எடுத்து உடல் முழுவதும் ஊற்றிக்கொண்டு தற்கொலை செய்து கொள்ள முயன்றார். உடனே அங்கு பாதுகாப்பு பணியில் ஈடுபட்டிருந்த போலீஸார் அவரை மீட்டு காவல் நிலையத்துக்கு அழைத்து சென்றனர். காவல் நிலையத்தில் அவரிடம் விசாரித்த போது அவரது பெயர் சுனில் தாமு என்றும், ஜல்காவ் பகுதியை சேர்ந்த தொழிலதிபர் என்றும் தெரிய வந்தது. ஜல்காவ் பகுதியை சேர்ந்த அவர் ஒரு தொழிலதிபர் ஆவார். ஜல்காவ் பகுதியை சேர்ந்த மற்றொரு தொழிலதிபர் மீது சுனில் போலீஸில் புகார் செய்துள்ளார். சித்தரிப்பு படம் ஆனால் போலீஸார் நடவடிக்கை எடுக்கவில்லை. எனவேதான் தான் மன அழுத்தம் காரணமாக தலைமைச் செயலகம் எதிரில் தற்கொலை செய்துகொள்ளலாம் என்று வந்ததாக தெரிவித்தார். இதையடுத்து அவருக்கு போலீஸார் கவுன்சிலிங் கொடுத்து அனுப்பி வைத்தனர். இதற்கு முன்பு மாநில தலைமைச் செயலகத்தில் மாடியில் இருந்து குதித்து சிலர் தற்கொலை செய்துள்ளனர். எனவே தலைமைச் செயலகத்திற்குள் மாடியில் இருந்து கீழே யாரும் குதித்தாலும் அவர்கள் இறந்துவிடாமல் இருக்க வலை அமைக்கபட்டுள்ளது. அந்த வலையிலும் ஒருவர் விழுந்து தற்கொலைக்கு முயன்றார். இதற்கு முன்பு தற்கொலை முயற்சியில் ஈடுபட்டவர்கள் அனைவரும் விவசாயிகள் ஆவர். ஆனால் இப்போது தொழிலதிபர் இம்முயற்சியில் ஈடுபட்டுள்ளார். இச்சம்பவத்தால் தலைமைச் செயலகத்தில் போலீஸ் பாதுகாப்பு மேலும் அதிகரிக்கப்பட்டுள்ளதாக போலீஸார் தெரிவித்தனர். Also Read: மும்பை: விஜய் மல்லையாவின் `கிங் ஃபிஷர் ஹவுஸ்’... ரூ.52 கோடிக்கு விற்பனை!
http://dlvr.it/S5jnBq

Read More

கேரளாவில் சுதந்திர தினம்: தலைகீழாக தேசியக்கொடி ஏற்றிய பாஜக தலைவர்; தேசியக் கொடியை அவமதித்த சிபிஎம்?

நாட்டின் 75-வது சுதந்திர தின விழா இன்று நாடு முழுவதும் விமரிசையாக கொண்டாடப்பட்டு வருகிறது. நாட்டின் பிரதமர் முதல் சாமானிய மனிதர்கள் வரை அனைத்து தரப்பினரும் இன்று தேசியக் கொடி ஏற்றி மரியாதை செலுத்தினர். இந்த நிலையில் கேரள மாநில பா.ஜ.க அலுவலகத்தில் அக்கட்சியின் மாநில தலைவர் கே.சுரேந்திரன் தேசிய கொடியை ஏற்றினார். இதில் முன்னாள் எம்.எல்.ஏ ஓ.ராஜகோபால், கட்சி நிர்வாகிகள் கலந்துகொண்டனர். தேசிய கொடியின் பச்சை நிறம் மேல்பகுதியில் வரும்படியும், காவி நிறம் கீழ் பகுதியில் இருக்கும்படியும் தவறாக தேசிய கொடியை ஏற்றினார் கே.சுரேந்திரன். கொடி சிறிது தூரம் சென்ற சமயத்தில் அங்கிருந்த நிர்வாகிகள் இதை கவனித்துவிட்டனர். பின்னர் உடனடியாக கொடி கீழே இறக்கப்பட்டு சரியாக தேசியக் கொடி ஏற்றப்பட்டது. கயிற்றை மாற்றி இழுத்ததால் இந்த தவறு நிகழ்ந்ததாக கூறப்படுகிறது. இதனால் சிறிது நேரம் பரபரப்பு ஏற்பட்டது.சி.பி.எம் மாநில அலுவலகமான ஏ.கே.ஜி செண்டரில் தேசியக்கொடிக்கு அருகே சி பி.எம் கொடி இது ஒருபுறம் இருக்க திருவனந்தபுரத்தில் உள்ள சி.பி.எம் மாநில அலுவலகத்தில் நடந்த சுதந்திர தின விழாவில் தேசியக்கொடி அவமதிக்கப்பட்டதாக குற்றச்சாட்டு எழுந்துள்ளது. நம் நாடு சுதந்திரம் பெற்ற பிறகு கேரள மாநில சி.பி.எம் அலுவலகத்தில் முதன் முறையாக இந்த ஆண்டுதான் தேசியக்கொடி ஏற்றப்பட்டு சுதந்திரதினவிழா கொண்டாட்டப்பட்டுள்ளது. அதில் சி.பி.எம் மாநில செயலாளர் ஏ.விஜயராகவன் தேசியக்கொடி ஏற்றினார். தேசியக்கொடி ஏற்றிய கம்பத்திற்கு அருகில், அதைவிட உயரமாக சி.பி.எம் கட்சிக்கொடி இருந்ததாக கூறப்படுகிறது. நம் தேசியக்கொடி பறக்கும்போது அருகில் அதைவிட உயரமாக வேறு எந்த கொடியும் இருக்கக்கூடாது என்ற விதி இருப்பதாகவும், ஆனால் சி.பி.எம் மாநில அலுவலகத்தில் ஏற்றப்பட்ட தேசியக்கொடியை விட உயரமாக அதன் அருகே சி.பி.எம் கட்சிக்கொடி பறந்துள்ளது என்ற குற்றச்சாட்டு எழுந்துள்ளது. இது தேசிய கொடியை அவமதிக்கும் செயல் என காங்கிரஸ் முன்னாள் எம்.எல்.ஏ சபரிநாதன் குற்றம்சாட்டியுள்ளார்.தேசிய கொடி ஏற்றும் கே.சுரேந்திரன் இதுகுறித்து காங்கிரஸ் முன்னாள் எம்.எல்.ஏ சபரிநாதன்,"தேசியக் கொடி ஏற்றும்போது அருகில் தேசியக்கொடியை விட உயரத்தில் மற்ற எந்த பதாகையோ, கொடியோ இருக்கக்கூடாது என்ற விதி உள்ளது. ஆனால் சி.பி.எம் மாநில அலுவலகமான ஏ.கே.ஜி சென்டரில் உள்ள கட்சி கொடிமரத்தின் அருகே மற்றொரு கொடிக்கம்பம் நிறுவப்பட்டு தேசியக்கொடி ஏற்றப்பட்டது. அதில் கட்சிக்கொடியை விட தேசியகொடியின் உயரம் குறைவாக உள்ளது. எனவே, விதிமுறையை மீறிய சி.பி.எம் கட்சிக்கு எதிராக வழக்குப்பதிவு செய்ய வேண்டும்" என கூறியுள்ளார். அதே சமயம் கட்சி கொடியை விட உயரத்தில் தேசிய கொடி பறக்கவிடப்பட்டுள்ளதாகவும், இதில் எந்த விதிமுறை மீறலும் இல்லை என சி.பி.எம் தரப்பில் தெரிவிக்கப்பட்டுள்ளது. Also Read: சுதந்திர தினம்: `சர்ஜிக்கல் ஸ்டிரைக் முதல் விரைவில் மிகப்பெரிய திட்டம் வரை..!’ பிரதமர் மோடி உரையின் ஹைலைட்ஸ்
http://dlvr.it/S5hF5V

Read More

மும்பை:தேர்வு முடிவுகளை வெளியிடாவிட்டால் பல்கலைக்கழகத்தை வெடிவைத்துத் தகர்ப்போம்;இ-மெயிலில் மிரட்டல்

மும்பை பல்கலைக்கழகம் மாணவர்களுக்கான தேர்வு முடிவுகளை வெளியிடுவதில் எப்போதும் தாமதம் செய்வது வழக்கம். இதனால் மாணவர்கள் சில நேரங்களில் மேற்படிப்புக்கு செல்வதில்கூட சிக்கல் ஏற்படுகிறது. நடப்பு ஆண்டிலும் மாணவர்களுக்கு குறிப்பாக இளங்கலை மாணவர்களுக்கு இன்னும் முடிவுகள் வெளியிடப்படவில்லை. இதனால் கடந்த மாதத்தில் மாணவர்கள் பல்கலைக்கழகத்திற்கு தொடர்ச்சியாக இ-மெயில் அனுப்பிக்கொண்டிருந்தனர். அதில் அறிவியல், கலை இளங்கலைத் தேர்வு முடிவுகளை உடனே வெளியிடவில்லையெனில் மும்பை கலீனாவில் உள்ள பல்கலைக்கழக கட்டிடத்தை வெடிகுண்டு வைத்து தகர்ப்போம் என்று அதில் மிரட்டல் விடுத்துள்ளனர். மாணவர்களின் இந்த மிரட்டல் குறித்து பல்கலைக்கழக பாதுகாப்புத்துறை அதிகாரிகள் மும்பை பாந்த்ரா-குர்லா காம்ப்ளக்சில் உள்ள சைபர் பிரிவு போலீஸில் புகார் செய்துள்ளனர். Also Read: மும்பை விமான நிலையத்துக்குள் எறியப்பட்ட பெட்ரோல் நிரப்பிய பாட்டில்; தீவிரவாதிகள் சதியா என விசாரணை!மும்பை பல்கலைக்கழகம் யார் இந்த இ-மெயில்களை அனுப்பியது என்பது குறித்து போலீஸார் விசாரித்து வருகின்றனர். இமெயிலுக்கு போதிய அளவு பல்கலைக்கழகம் பதிலளிக்காத காரணத்தால் மாணவர்கள் தற்போது தொடர்ச்சியாக பல்கலைக்கழகத்திற்கு போன் மூலம் மிரட்டி வருகின்றனர். சிலர் பல்கலைக்கழகத்தில் வெடிகுண்டு இருப்பதாக புரளியைக் கிளப்புகின்றனர். கடந்த 4-ம் தேதி முதல் வெடிகுண்டு புரளி வந்தது. மாணவர்கள் தொடர்ச்சியாக வெடிகுண்டு மிரட்டல் மற்றும் இ-மெயில் மூலம் மிரட்டி வருவதால் பல்கலைக்கழகம் என்ன செய்வது என்று தெரியாமல் திணறி வருகிறது. விரைவில் தேர்வு முடிவுகளை வெளியிடவும் பல்கலைக்கழகம் நடவடிக்கை எடுத்துள்ளது. பொதுமுடக்க காலத்தில் ஆசிரியர்கள் பல்கலைக்கழகத்திற்கு வருவதில் சிக்கல் இருந்து வந்தது. இதே போன்று மஹாராஷ்டிரா முதல்வர் உத்தவ்தாக்கரேயின் செயலாளருக்கு மொபைல் போனில் மிரட்டல் வந்துள்ளது. முதல்வரின் செயலாளர் மிலிந்த் நர்வேகரின் வாட்ஸ் ஆப்பிற்கு வந்துள்ள அந்த மிரட்டல் செய்தியில், 'சில குறிப்பிட்ட கோரிக்கைகளை நிறைவேற்றவில்லையெனில் சி.பி.ஐ., அமலாக்கத்துறை, என்ஐஏ மூலம் விசாரணை நடத்துவோம்' என்று அதில் குறிப்பிடப்பட்டுள்ளது. இது குறித்து மிலிந்த் நர்வேகர் மும்பை போலீஸ் கமிஷனரிடம் நேரில் சென்று எழுத்து மூலம் புகார் செய்துள்ளார். போலீஸார் யார் மிரட்டல் செய்தி அனுப்பியது என்பது குறித்து விசாரித்து வருகின்றனர். இரண்டு நாட்களுக்கு முன்புதான் தேசியவாத காங்கிரஸ் தலைவர் சரத்பவார் போன்று மர்ம நபர் மாநில தலைமை செயலகத்திற்கு போன் செய்தார் என்பது குறிப்பிடத்தக்கது.
http://dlvr.it/S5gc39

Read More

'இதுதான் சமூக நீதி' - அனைத்து சாதியினரும் அர்ச்சகராகும் திட்டத்துக்கு குவியும் வரவேற்பு

'அனைத்து சாதியைச் சேர்ந்தவர்களும் அர்ச்சகராகலாம்' திட்டத்தில் பயிற்சி பெற்றவர்களில் 24 பேருக்கு முதலமைச்சர் மு.க.ஸ்டாலின் இன்று பணிநியமன ஆணைகளை வழங்கினார். இந்த திட்டத்திற்கு பல்வேறு தரப்பினரும் வரவேற்பு தெரிவித்துள்ளனர். சென்னை மயிலாப்பூர் பசுமைவழிச் சாலை, அருள்மிகு கபாலீஸ்வரர் கற்பகாம்பாள் திருமண மண்டபத்தில், இந்து சமய அறநிலைத்துறை திருக்கோயில் புதிய பணியாளர்களுக்கு பணி நியமன ஆணையை இன்று, தமிழ்நாடு முதலமைச்சர் மு.க.ஸ்டாலின் வழங்கினார். மிக நீண்டகாலமாக பல தடைகளை சந்தித்துவந்த அனைத்துசாதி அர்ச்சகர்கள் பணிநியமன ஆணை பெற்றிருப்பது முக்கியத்துவம் வாய்ந்ததாக பார்க்கப்படுகிறது. அனைத்து சாதியினரும் அர்ச்சகராகும், திட்டத்தில் பணிநியமன ஆணை பெற்ற 24 பேரில் 5 பேர் பட்டியலினத்தைச் சேர்ந்தவர்கள், 6 பேர் மிகவும் பிற்படுத்தப்பட்ட வகுப்பினர், 12 பேர் பிற்படுத்தப்பட்ட வகுப்பினர், ஒருவர் இதர வகுப்பினராவர். இவர்கள் சென்னை மயிலாப்பூர், கபாலீஸ்வரர் கோயில், திருச்சி சமயபுரம் மாரியம்மன் உள்ளிட்ட 58 கோயில்களில் பணியார்களாக நியமனம் செய்யப்பட்டுள்ளனர். முதலமைச்சரிடம் பணி ஆணை பெற்றவர்களில் பெண் ஓதுவார் ஒருவரும் இடம்பெற்றுள்ளார். 2007 ஆம் ஆண்டு அங்கயற்கண்ணி என்பவருக்கு அப்போதைய முதல்வர் மு.கருணாநிதி ஓதுவாராக பணி நியமன ஆணை வழங்கினார். தற்போது, சுகாஞ்சனா என்பவரை செங்கல்பட்டு மாவட்டம் மாடம்பாக்கம் தேனுபுரீஸ்வரர் கோயில் ஓதுவார் ஆக நியமித்து பணி ஆணையை அளித்துள்ளார் முதல்வர் மு.க.ஸ்டாலின். கடந்த 1970ம் ஆண்டு முதலமைச்சர் கருணாநிதி பெரியாரின் நீண்ட நாள் கோரிக்கையான, 'அனைத்து சாதியினரும் அர்ச்சகர் ஆகலாம்' சட்டத்தை சட்டப்பேரவையில் நிறைவேற்றினார். இதனை எதிர்த்து நீதிமன்றத்தில் வழக்குகள் தொடுக்கப்பட்டதால், இந்த சட்டத்தை அப்போது திமுகவால் நிறைவேற்ற முடியவில்லை. 'பெரியாரின் நெஞ்சில் தைத்த முள்' என்றும் இதனை கருணாநிதி எப்போதும் குறிப்பிடுவார். பெரியார் ஆசைப்பட்டதை கருணாநிதி நிறைவேற்ற முயற்சித்து, தற்போது மு.க.ஸ்டாலின் அதை சாத்தியமாக்கியிருக்கிறார். இந்நிலையில் அனைத்துசாதியினரும் அர்ச்சகர் திட்டத்தில் 24 பேருக்கு பணி ஆணை வழங்கப்பட்டிருப்பது பல்வேறு தரப்பிலும் வரவேற்பை பெற்றுள்ளது. சீமான் வரவேற்பு : ''பன்னெடுங்காலமாகக் கோரிக்கை முழக்கமாக இருந்த, அனைத்து சாதியினரும் அர்ச்சகராகும் திட்டத்தைச் செயல்படுத்தி, தமிழ் ஓதுவார்களுக்கும், அர்ச்சகர்களுக்கும் முதல்வர் மு.க.ஸ்டாலின் அவர்கள் பணிநியமன ஆணை வழங்கியிருக்கும் செய்தியறிந்து பெரிதும் மகிழ்ந்தேன். அனைத்து சாதியினரும் அர்ச்சகராகும் திட்டத்தினை இன்னும் விரிவாக்கம் செய்து, செயலாக்கம் செய்ய வேண்டுமெனும் விருப்பத்தை முன்வைத்து, இத்தகைய சீர்மிகு நடவடிக்கையை முன்னெடுத்த தமிழக அரசுக்கு பாராட்டுகளையும், நன்றியையும் தெரிவிக்கிறேன். இதேபோல, ஆதித்தமிழ்க்குடிகளுக்கு வெள்ளையர்களது ஆட்சிக்காலத்தில் வழங்கப்பட்ட ஏறத்தாழ 12 இலட்சம் ஏக்கருக்கும் மேலான பஞ்சமி நிலங்களை ஆக்கிரமிப்பிலிருந்து மீட்டெடுத்து அவர்களுக்கே வழங்க வழிவகைகளை செய்ய முன்வர வேண்டுமென கோருகிறேன்'' என நாம் தமிழர் கட்சி தலைமை ஒருங்கிணைப்பாளர் சீமான் தெரிவித்துள்ளார். திருமுருகன் காந்தி : ''அனைத்து சாதியினரும் அர்ச்சகராக முதல்வரால் நியமனம் பெற்றது வரலாற்று சிறப்புமிக்கது, வரவேற்பிற்குரியது. தடைகடந்து நடைமுறைப்படுத்திய முதல்வர் மு.க.ஸ்டாலின் அவர்களுக்கும், தமிழக அரசுக்கும், இந்த உரிமைபோராட்டத்தில் தொடர்ந்து பங்காற்றிய திராவிடஇயக்க-பெரியாரிய தோழர்களுக்கும், அம்பேத்கரிய-முற்போக்கு அறிஞர்களுக்கு-செயல்பாட்டாளர்களுக்கும் மகிழ்வுடன் வாழ்த்துகளை தெரிவிக்கிறோம்'' என மே17 இயக்க ஒருங்கிணைப்பாளர் திருமுருகன் காந்தி தெரிவித்துள்ளார். குன்றக்குடி அடிகளார் : “கடவுளும் ஏற்றுக்கொள்ளும் வகையில், கலைஞரைப் போல் செயல்படுகிறார் முதலமைச்சர் ஸ்டாலின். அனைத்து சாதியினரும் அர்ச்சகர் ஆக வேண்டுமென்பது அப்பர் பெருமான் & ராமானுஜரின் எண்ணம்” என குன்றக்குடி அடிகளார் வரவேற்பு தெரிவித்துள்ளார். மார்க்சிஸ்ட் கம்யூனிஸ்ட் கட்சி : ''தமிழகத்தில் அனைத்துச் சாதியினரும் அர்ச்சகர் ஆக முடியும் என்பதற்கு வழிவகுக்கும் முறையில் அர்ச்சகர் பயிற்சி முடித்த பட்டியல் பிரிவு 5 பேர், மிகவும் பிற்படுத்தப்பட்டோர் 6 பேர், பிற்படுத்தப்பட்டோர் 12 பேர், பொதுப் பிரிவைச் சேர்ந்தவர் ஒருவர், பெண் ஓதுவார் ஒருவர் என 58 பேருக்கு பணி நியமன ஆணைகளை முதலமச்சர் மு.க.ஸ்டாலின் வழங்கியிருப்பதை மார்க்சிஸ்ட் கம்யூனிஸ்ட் கட்சியின் மாநிலச் செயற்குழு பாராட்டி வரவேற்கிறது'' என மார்க்சிஸ்ட் கம்யூனிஸ்ட் கட்சியின் மாநில செயலாளர் கே.பாலகிருஷ்ணன் தெரிவித்துள்ளார். திருமாவளவன் : ''அனைத்துச் சாதியினரும் அர்ச்சகர். ஆயிரங்காலத்துக் கனவு நனவாகியது. இது வேலை வாய்ப்புக்கானது அல்லது கடவுளுக்குத் தொண்டு செய்வது என்பதைவிட, மனிதரில் உயர்வு- தாழ்வு எனும் கற்பிதத்தின் மீது - சனாதனக் கருத்தியல் மேலாதிக்கத்தின் மீது நிகழ்த்தப்பட்டுள்ள அறவழி தாக்குதல். இதுவே_சமூகநீதி'' என்று விடுதலை சிறுத்தைகள் கட்சி தலைவர் டாக்டர் திருமாவளவன் தெரிவித்துள்ளார்.
http://dlvr.it/S5gJh9

Read More

மும்பை: விஜய் மல்லையாவின் `கிங் ஃபிஷர் ஹவுஸ்’... ரூ.52 கோடிக்கு விற்பனை!

தொழிலதிபர் விஜய் மல்லையா கடன் தொல்லையால் நாட்டைவிட்டுச் சென்று இங்கிலாந்தில் தஞ்சம் புகுந்திருக்கிறார். அவரை இந்தியாவுக்கு நாடு கடத்திக் கொண்டுவர மத்திய அரசு முயன்றுகொண்டிருக்கிறது. இந்தியாவில் சிறை சரியில்லை, கழிவறை சரியில்லை என்று ஏதேதோ காரணங்களைக் கூறி இந்தியா வருவதை மல்லையா தவிர்த்துவருகிறார். இது தொடர்பான வழக்கு இங்கிலாந்து நீதிமன்றத்தில் விசாரணையில் உள்ளது. மும்பையில் கிங் ஃபிஷர் ஏர்லைன்ஸ் நிறுவனத்துக்காக கிங் ஃபிஷர் ஹவுஸ் செயல்பட்டுவந்தது. மும்பை விமான நிலையத்துக்கு அருகிலிருக்கும் அந்தக் கட்டடத்தை கடன் கொடுத்த வங்கிகள் கையகப்படுத்தி, அதை 2016-ம் ஆண்டிலிருந்து விற்பனை செய்ய முயன்றன.விஜய் மல்லையா ஆரம்பத்தில் இதை 150 கோடி ரூபாய்க்கு விற்பனை செய்ய திட்டமிட்டனர். இதற்காக நடந்த ஏலத்தில் சொத்து விற்பனையாகவில்லை. அதன் பிறகு பல முறை இந்தச் சொத்தின் மதிப்பைக் குறைத்துக் காட்டி விற்பனை செய்ய முயன்றனர். ஆனாலும் முடியவில்லை. தற்போது நீண்ட இழுபறிக்குப் பிறகு, ஐந்து ஆண்டுகள் கழித்து வெறும் 52 கோடி ரூபாய்க்கு கிங் ஃபிஷர் ஹவுஸ் விற்பனையாகியிருக்கிறது. இந்தக் கட்டடம் மும்பை விலே பார்லே விமான நிலையம் அருகில் இருப்பதால் அதை மேற்கொண்டு இடித்துவிட்டு அதிக உயரத்தில் கட்ட முடியாது. அதற்கு விமானப் போக்குவரத்து ஆணையம் அனுமதி கொடுக்காது. எனவேதான் பெரும்பாலான நிறுவனங்கள் இதை வாங்க தயக்கம் காட்டிவந்தன. தற்போது ஐதராபாத்தைச் சேர்ந்த நிறுவனம் வாங்கியிருக்கிறது. விஜய் மல்லையாவின் கிங் ஃபிஷர் ஏர்லைன்ஸ் நிறுவனம் 2012-ம் ஆண்டு நிதி நெருக்கடியால் செயல்பட முடியாமல் போனது. இதனால் கிங் ஃபிஷர் நிறுவனத்துக்குச் சொந்தமான சொத்துகள் பறிமுதல் செய்யப்பட்டன. சமீபத்தில்கூட விஜய் மல்லையாவின் மதுபான நிறுவனத்தில் விஜய் மல்லையாவுக்கு இருந்த குறிப்பிட்ட ஷேர்களை விற்பனை செய்து கணிசமான அளவு நிதியை கடன் கொடுத்த வங்கிகள் தங்கள் வசப்படுத்தின. Also Read: விஜய் மல்லையா, நிரவ் மோடி விவகாரம்: வங்கிகளிடம் வந்துசேர்ந்த ₹9,371 கோடி; மீதியும் கிடைக்குமா? கடந்த ஜூலை 26-ம் தேதி இங்கிலாந்து நீதிமன்றம் விஜய் மல்லையாவுக்குச் சொந்தமான சொத்துகளை அவர் வாங்கிய கடனுக்காக உலகம் முழுவதும் முடக்கலாம் என்று இந்திய வங்கிகளுக்கு அனுமதி கொடுத்திருக்கிறது. இதனால் மல்லையா உலகம் முழுவதும் வாங்கிப் போட்டிருக்கும் சொத்துகளை ஸ்டேட் பேங்க் ஆஃப் இந்தியா தலைமையிலான கடன் கொடுத்த வங்கிகள் முடக்கும் நடவடிக்கையில் இறங்கியிருக்கின்றன என்பது குறிப்பிடத்தக்கது.
http://dlvr.it/S5dn6L

Read More

"மதுரை ஆதீனத்திற்கு சொந்தமான இடத்திலேயே உடல் நல்லடக்கம்"- திருவாவடுதுறை ஆதீனம் பேட்டி

மதுரை ஆதீனம் அருணகிரிநாதரின் மறைவையடுத்து, பத்து நாட்களுக்குப் பிறகு 293-வது பீடாதிபதிக்கு முடி சூட்டப்படும் என பிற ஆதீன மடாதிபதிகள் கூறியுள்ளனர். மதுரை ஆதீனத்தின் 292-வது குருமகா சச்சிதானந்தமாக இருந்து வந்த 77 வயதான அருணகிரிநாதர், நேற்று இரவு காலமானார். உடல்நலக்குறைவு காரணமாக மதுரை அப்போலோ மருத்துவமனையில் கடந்த திங்கள்கிழமை முதல் சிகிச்சைபெற்று வந்த மதுரை ஆதீனத்தின் 292-வது பீடாதிபதியான ஸ்ரீலஸ்ரீ அருணகிரிநாத ஞானசம்பந்த தேசிக பரமாச்சார்ய சுவாமிகள் சிகிச்சை பலனின்றி நேற்றிரவு காலமானார். இதனையடுத்து அவரது உடல் ஆம்புலன்ஸ் மூலமாக நள்ளிரவில் மதுரை மீனாட்சியம்மன் கோயில் அருகே அமைந்துள்ள மதுரை ஆதீன மடத்திற்கு கொண்டுவரப்பட்டது. ஆதீனத்தின் உடலுக்கு கோவை காமாட்சிபுர ஆதீனம் மற்றும் திருவாவடுதுறை ஆதீனம், இளைய மதுரை ஆதீனம் ஆகியோர் அஞ்சலி செலுத்தினா் இதனையடுத்து அவரது மடத்தின் உட்புறத்தில் உடலானது சித்ராசனத்தில் அமர்ந்த நிலையில் பொதுமக்களின் அஞ்சலிக்காக வைக்கப்பட்டுள்ளது. இதற்காக ஏராளமான போலீசார் பாதுகாப்பு பணியில் ஈடுபடுத்தப்பட்டுள்ளனர். இன்று மதியம் ஆதீனத்தின் உடல் நான்கு மாசி வீதிகளிலும் ஊர்வலமாக எடுத்துசெல்லப்பட்டு முனிச்சாலை பகுதியில் உள்ள மதுரை ஆதீனத்திற்கு சொந்தமான இடத்தில் அடக்கம் செய்யப்படவுள்ளது. தமிழ்நாட்டில் உள்ள தொன்மையான சைவ மடங்களில் மதுரை ஆதீனமும் ஒன்று. அதன் ஆதீனம் மறைந்ததையடுத்து, அவரின் உடலுக்கு பிற ஆதீன மடாதிபதிகள் மற்றும் பல்வேறு தரப்பினர் நேரில் வந்து அஞ்சலி செலுத்தினர். மதுரை ஆதீனத்தின் உடலுக்கு அஞ்சலி செலுத்த நேரில் வந்திருந்த திருவாவடுதுறை ஆதீனம் பேசுகையில், "மதுரை மாநகரில் முனிச்சாலை அருகே மதுரை ஆதீனத்திற்கு சொந்தமான இடத்தில் மதியம் மூன்று மணிக்கு உடல் நல்லடக்கம் செய்யப்படவுள்ளது. பத்து நாட்களுக்குப் பிறகுதான் 293-வது பீடாதிபதியாக ஸ்ரீலஸ்ரீ ஹரிஹர ஸ்ரீ ஞானசம்பந்த தேசிய பரமாச்சாரிய சுவாமிகளுக்கு முடி சூட்டப்படும்" என்றார். இதனைத்தொடர்ந்து செய்தியாளர்களிடம் பேசிய கோவை காமாட்சிபுர ஆதீனம், "தமிழகம் முழுவதும் உள்ள ஆதீனங்கள் அனைவரும் இன்று அவருக்கு அஞ்சலி செலுத்த உள்ளார்கள். பத்து நாட்கள் தொடர்ந்து மதுரை ஆதீனத்தின் சமாதிக்கு அபிஷேகம் செய்யப்படும், அதற்குப் பிறகு புதிய ஆதீனத்திற்கு பட்டம் சூட்டப்படும்" என்றார். பின் செய்தியாளர்கள் நித்யானந்தா குறித்த கேள்விகளை கேட்க வேண்டாம் என இரு ஆதீனங்களும் கேட்டுக்கொண்டனர்.
http://dlvr.it/S5d4DP

Read More

டாலர் கடத்த உதவினாரா பினராயி விஜயன்?! - ஸ்வப்னா சுரேஷ் வாக்குமூலத்தால் சர்ச்சை!

கேரள மாநில தலைநகரான திருவனந்தபுரத்தில் உள்ள யு.ஏ.இ தூதரக பார்சல் வழியாக விமானத்தில் தங்கம் கடத்திய வழக்கு கடந்த ஆண்டு பெரும் பரபரப்பை ஏற்படுத்தியிருந்தது. ஐக்கிய அரபு நாடுகளில் இருந்து திருவனந்தபுரத்தில் உள்ள யு.ஏ.இ தூதரகத்துக்கு செல்லும் பார்சல்களை விமான நிலையத்தில் சோதனை செய்வது இல்லை. இதை பயன்படுத்தி திருவனந்தபுரம் யு.ஏ.இ தூதரகத்தின் முன்னாள் ஊழியர்களான ஸரித் மற்றும் ஸ்வப்னா சுரேஷ் ஆகியோர் பலமுறை தங்கம் கடத்தியதாக கூறப்படுகிறது. கடந்த ஆண்டு ஜூலை மாதம் உணவுப்பொருட்கள் என்ற பெயரில் யு.ஏ.இ தூதரகத்துக்கு பார்சலில் சுமார் 15 கோடி ரூபாய் மதிப்புள்ள 30 கிலோ தங்கம் கண்டுபிடிக்கப்பட்டது பெரும் பரபரப்பை கிளப்பியது. அந்த பார்சலை பெற்றுக்கொள்ள யு.ஏ.இ தூதரக கடிதத்துடன் விமான நிலையத்துக்குச் சென்ற யு.ஏ.இ தூதரக முன்னாள் ஊழியர் ஸரித் குமார் கைது செய்யப்பட்டார். மேலும் முக்கிய குற்றவாளியான ஸ்வப்னா சுரேஷ் உள்ளிட்ட பலர் கைது செய்யப்பட்டு சிறையில் அடைக்கப்பட்டுள்ளனர். ஸ்வப்னா சுரேஷ் ஸரித் குமார் , ஸ்வப்னாவிடம் அமலாக்கத்துறை, சுங்கத்துறை உள்ளிட்ட பல மத்திய அரசு ஏஜென்சிகள் விசாரணை நடத்தி வருகின்றன. இந்த நிலையில் 2017-ல் முதல்வர் பினராயி விஜயன் வளைகுடா நாடுகளுக்கு பயணம் செய்தபோது டாலர் கடத்தப்பட்டதாக சுங்கத்துறை விசாரணையில் தெரியவந்துள்ளதாக தகவல் வெளியாகியுள்ளது. Also Read: தங்கம் கடத்தல் வழக்கு: 98 நாள்கள் சிறை... 3 வழக்கிலும் ஜாமீன்! புத்தகத்துடன் வெளியேறிய சிவசங்கரன்! தூதரக அதிகாரியை தவிர்த்து வேறு யாராவது கடத்துவதில் ஈடுபட்டார்களா என சுங்கத்துறை அதிகாரிகள் ஸ்வப்னாவிடம் கேட்டதற்கு முன்னாள் சபாநாயகர் ஸ்ரீராமகிருஷ்ணனும், முதலமைச்சர் பினராயி விஜயனும் டாலர் கடத்தலுக்கு உடந்தையாக இருந்ததாக அவர் கூறியதாக தகவல் வெளியாகியுள்ளது.ஸ்வப்னா வழக்கு முதல்வர் பினராயி விஜயன் பெயரை பயன்படுத்தி ஒரு பாக்கெட் கைமாறியதாகவும், அந்த பாக்கெட்டில் டாலர் இருந்ததாகவும் ஸ்வப்னா தனது வாக்குமூலத்தில் தெரிவித்துள்ளாராம். ஆனால் ஸ்வப்னா, ஸரித் ஆகியோர் வாக்குமூலத்தில் உள்ள தகவல்களை உறுதிப்படுத்த இயலவில்லை என கூறப்படுகிறது. அதனால்தான் இதுகுறித்து முதல்வரிடம் விசாரணை நடத்தவில்லை என கூறப்படுகிறது. Also Read: `பினராயி விஜயனுக்கு எதிராகச் சாட்சி சொல்ல நிர்பந்திக்கிறார்கள்’ - ஸ்வப்னா ஆடியோ பரபரப்பு
http://dlvr.it/S5clbc

Read More