மும்பை: 10-வது மாடியில் நடந்த கொள்ளை; பின்புறமாக ஏறிச் சென்ற `ஸ்பைடர்மேன்' திருடன்!

மும்பை கிராண்ட் ரோடு பகுதியில் வசிக்கும் பீகாரைச் சேர்ந்த தொழிலதிபர் கும்பர்வாடா என்பவர், கடந்த சில நாள்களுக்கு முன்பு தனது சொந்த ஊருக்குச் சென்றுவிட்டு திரும்பி வந்தபோது வீட்டின் பீரோவிலிருந்த ரூ.12 லட்சம் திருடப்பட்டிருந்தது. இது குறித்து தொழிலதிபர், போலீஸில் புகார் செய்தார். போலீஸார் வழக்கு பதிவு செய்து விசாரணை நடத்திவந்தனர். திருட்டு நடந்த வீடு கட்டடத்தின் 10-வது மாடியில் இருக்கிறது. அதோடு அந்தக் கட்டடத்தில் பராமரிப்புப் பணிகள் நடந்துவந்தன. இதற்காக 6-வது மாடி வரை கட்டடம் முழுவதும் கம்புகள் கட்டப்பட்டு இருந்ததை போலீஸார் கவனித்தனர். Follow @ Google News: கூகுள் செய்திகள் பக்கத்தில் விகடன் இணையதளத்தை இங்கே கிளிக் செய்து ஃபாலோ செய்யுங்கள்... செய்திகளை உடனுக்குடன் பெறுங்கள்.Robbery மேலும் கண்காணிப்பு கேமரா பதிவுகளை ஆய்வு செய்தபோது ஒரு வாரப் பதிவுகள் மட்டுமே அதில் இருந்தது தெரியவந்தது. இதனால் விசாரணையை வேறு வழிகளில் மாற்றினர். தொழிலதிபரின் உறவினர்களிடமும் விசாரணை மேற்கொள்ளப்பட்டது. கட்டடத்தில் பராமரிப்புப் பணிகள் தொடங்கப்படுவதற்கு முன்பு தொழிலதிபர் தன்னுடைய வீட்டில் சில பராமரிப்புப் பணிகளை மேற்கொண்டிருந்தார். அந்தப் பணிகளை முக்தார் அலி என்பவர் செய்திருக்கிறார். முக்தார் அலிக்குப் பணம் கொடுக்க தொழிலதிபர் தனது பீரோவைத் திறந்து, அதிலிருந்து பணக்கட்டுக்களை வெளியில் எடுத்து எண்ணிக் கொடுத்தார். அதை முக்தார் அலி நேரில் பார்த்திருந்தார். இது குறித்து தொழிலதிபர் போலீஸாரிடம் தெரிவித்தார். Also Read: திருவாரூர்: துப்பாக்கி முனையில் நடந்த வங்கிக் கொள்ளை! - கொள்ளையர்களுக்கு 10 ஆண்டுகள் சிறை உடனே முக்தர் அலி எங்கு இருக்கிறார் என்பதைக் கண்டுபிடித்து விசாரித்தபோது திருட்டில் ஈடுபட்டதை அவர் ஒப்புக்கொண்டார். அவர் கட்டடத்தின் பின்புறம் வழியாக 10-வது மாடிக்கு ஏறிச் சென்று, பாத்ரூம் ஜன்னல் வழியாக உள்ளே சென்று, வீட்டுக்குள் இறங்கி பீரோவிலிருந்த நகை, பணம் என 12 லட்சம் மதிப்பிலான பொருள்களை எடுத்துக்கொண்டு வீட்டின் கதவைத் திறந்து தப்பி சென்றது விசாரணையில் தெரியவந்தது. ரூ.7 லட்சம் மதிப்பிலான பொருள்கள் மட்டும் முக்தரிடமிருந்து பறிமுதல் செய்யப்பட்டிருப்பதாக போலீஸார் தெரிவித்தனர்.
http://dlvr.it/S5sjjg

Read More

'நாங்க வேற மாதிரி' - இங்கிலாந்தின் 'ஸ்லெட்ஜிங்'கும் இந்தியாவின் பதிலடியும்

இங்கிலாந்துக்கு எதிராக லார்ட்ஸ் மைதானத்தில் நடைபெற்ற 2-ஆவது டெஸ்ட் போட்டியில் இந்தியா அபாரமாக வெற்றிப் பெற்றது. 5-ஆம் நாள் ஆட்டம் தொடங்குவதற்கு முன்பாக சாதாரண கிரிக்கெட் ரசிகர்கள் முதல், விமர்சகர்கள் வரை அனைவரும் முன்வைத்த விஷயம் இந்தியா 20 ஓவருக்குள் ஆல் அவுட் ஆகிவிடும். 200 ரன்கள் முன்னிலைப் பெறும், அதனை இங்கிலாந்து வீரர்கள் எளிதாக சேஸ் செய்து வெற்றிப்பெற்றுவிடுவார்கள் என்பதுதான் அது. முன்னாள் இந்திய வீரர் ஆகாஷ் சோப்ரா ஒரு கட்டத்துக்கு மேலே சென்று "என்னை கொன்றாலும் பரவாயில்லை, நிச்சயம் இங்கிலாந்துதான் வெற்றிப் பெறும்" எனக் கூறினார். இப்போது என்ன செய்வார் என தெரியவில்லை. சின்னதா ஒரு "மேட்ச் ரீவைண்ட்" இந்தியா - இங்கிலாந்து அணிகள் இடையிலான 2-வது டெஸ்ட் கிரிக்கெட் போட்டி கடந்த 12-ஆம் தேதி லண்டன் லார்ட்சில் தொடங்கியது. இதில் முதல் இன்னிங்சில் முறையே இந்தியா 364 ரன்களும், இங்கிலாந்து 391 ரன்களும் குவித்தன. 27 ரன்கள் பின்தங்கிய நிலையில் 2-வது இன்னிங்சை தொடங்கிய இந்தியா 4-வது நாள் முடிவில் 6 விக்கெட்டுக்கு 181 ரன்கள் எடுத்திருந்தது. விக்கெட் கீப்பர் ரிஷப் பண்ட் 14 ரன்களுடனும், இஷாந்த் ஷர்மா 4 ரன்னுடனும் களத்தில் இருந்தனர். இந்த நிலையில் பரபரப்பான 5-வது மற்றும் கடைசி நாள் ஆட்டம் நேற்று அரங்கேறியது. தொடர்ந்து பேட்டிங் செய்த ரிஷப் பண்ட் 22 ரன்னில் வேகப்பந்து வீச்சாளர் ராபின்சனின் பந்து வீச்சில் விக்கெட் கீப்பர் பட்லரிடம் கேட்ச் ஆனார். இஷாந்த் ஷர்மாவும் 16 ரன்களில் அவரது பந்து வீச்சுக்கே வீழ்ந்தார். அப்போது இந்தியா 8 விக்கெட்டுக்கு 209 ரன்களுடன் சிக்கலில் தவித்தது. இங்கிலாந்தின் கை சற்று ஓங்கியதுபோல் தெரிந்தது. அப்போதுதான் களத்துக்கு பும்ராவும், ஷமியும் வந்தனர். திருப்புமுனை தந்த "ஸ்லெட்ஜிங்" ஆண்டர்சனுக்கும் இந்திய பேட்ஸ்மேன்களுக்கும் ஏழாம் பொருத்தமாகவே போட்டி முழுவதும் இருந்து வந்தது. இரண்டாவது இன்னிங்ஸில் 17-ஆவது ஓவரின்போது, ஆண்டர்சன் வீசிய பந்தில் புஜாரா ரன் எடுக்க ஓடினார். அப்போது பிட்சின் குறுக்கே ஆண்டர்சன் நடந்து சென்றதால் கடுமையான கோபம் அடைந்த மறுமுனை பேட்ஸ்மேன் கோலி, ‘இது போட்டியின் பிட்ச், உங்கள் வீட்டு தோட்டம் கிடையாது' எனத் தெரிவித்து சில கெட்ட வார்த்தைகளையும் பேசினார். இவையெல்லாம் ஸ்டம்ப் மைக்கில் பதிவாகியிருந்தது. இதனையடுத்து இங்கிலாந்து பேட் செய்யும்போது ஆண்டர்சன் வந்ததும் பும்ரா பவுலிங் போட்டார். அந்த ஓவரில் அசுரத்தனமாக பந்துவீசிய பும்ரா ஆண்டர்சனின் ஹெல்மெட்டை பதம்பார்த்தார். அனைத்து பந்துகளையும் உடம்பிலேயே வாங்கிக் கொண்டு இருந்தார் ஆண்டர்சன். பின்பு ஷமி பந்துவீச்சில் ஆட்டமிழந்து பெவிலியனுக்கு திரும்பும்போது பும்ராவை கடுமையாக சாடினார். ஆனால் பும்ராவோ சிரித்துக்கொண்டே சட்டை செய்யாமல் சென்றுவிட்டார். இங்கிலாந்து கிரிக்கெட் அணியின் லெஜண்ட் ஆண்டர்சனுக்கு இந்த நிலைமையா என ஒட்டுமொத்த இங்கிலாந்து வீர்ரகளும் பும்ராவை பழிவாங்க துடித்தனர். அதற்கான சமயம் நேற்று அமைந்தது. பும்ராவுக்கு, தொடக்கத்தில் அடுக்கடுக்கான பவுன்சர் பந்துகளை  இங்கிலாந்த பவுலர் மார்க் வுட் வீசினார். பல்வேறு குடைச்சல்களும் கொடுத்தனர். இதில் மார்க் வுட் வீசிய ஒரு பந்து அவரது ஹெல்மெட்டை பயங்கரமாக தாக்கியது. உடனடியாக அணியின் பிசியோதெரபிஸ்ட் வந்து அவரை சோதித்து பார்த்தார். காயம் எதுவும் இல்லை என்று கூறியதையடுத்து தொடர்ந்து பேட்டிங் செய்தார். அடுத்த பந்தை பவுண்டரியாக்கினார் பும்ரா. பின்பு மார்க் வுட் ஏதோ சொல்ல பும்ராவும் பதில் பேசினார். இந்த விஷயத்தில் சம்பந்தமே இல்லாமல் ஆஜரான ஜோஸ் பட்லருக்கும், பும்ராவுக்கும் வாக்குவாதம் ஏற்பட்டது. உடனடியாக நடுவர் தலையிட்டு சமாதானப்படுத்தினார். எப்போதும் அமைதியாக இருக்கும் பும்ராவையும், ஷமியையும் ஆக்ரோஷமாக்கியது இங்கிலாந்து வீரர்களின் வார்த்தை போர்தான். இதன் பின்பு மறுமுனையில் முகமது ஷமி, சிரமமின்றி இங்கிலாந்தின் பந்து வீச்சை வறுத்தெடுத்தார். மொயின் அலியின் பந்தை சிக்ஸருக்கு விரட்டி அரைசதமடித்து கலக்கினார். பழி வாங்கியே தீர வேண்டும் என ஆண்டர்சனிடம் பந்து கொடுக்கப்பட்டது. ஆனால் அவராலும் பும்ரா - ஷமியை வீழ்த்த முடியவில்லை. ஆண்டர்சனுக்காக வரிந்துக்கட்டிக்கொண்டு பழதீர்க்க நினைத்து இங்கிலாந்து வீரர்கள் மேற்கொண்ட வார்த்தை சீண்டல்கள் அவர்களுக்கு எதிராக திரும்பியதுதான் சோகம். இங்கிலாந்து வீரர்களால் தூண்டப்பட்ட ஆக்ரோஷம் இந்தியாவுக்கு போட்டி முடியும் வரை இருந்தது. இங்கிலாந்து விக்கெட்டுகளை, ஆக்ரோஷத்துடன் பந்துவீசியதால்தான் இந்திய பவுலர்களால் எடுக்க முடிந்தது. ஒரு காலத்தில் இந்தியாவிடம் வார்த்தை சீண்டலில் ஈடுபட்டால் பெரிதாக எந்த ரியாக்சனும் இருக்காது. ஆனால் இப்போதுள்ள இந்திய அணி கோலி தலைமையில் உருமாறியிருக்கிறது என்பதை கண்கூடாக பார்க்க முடிந்தது.
http://dlvr.it/S5rnnQ

Read More

'யாரோ பின்தொடர்கிறார்கள்' - பயத்தில் தன் கழுத்தை தானே அறுத்துக்கொண்ட ஆட்டோ டிரைவர்

மும்பையில் ஆட்டோ டிரைவராக இருப்பவர் லால்ஜி பால். இவர் இரண்டு நாட்களுக்கு முன்பு கழுத்து அறுபட்ட நிலையில் ரத்த வெள்ளத்தில் தெருவில் கிடந்தார். பொதுமக்கள் இதுகுறித்து போலீஸாருக்குத் தகவல் கொடுத்தனர். அவரை மீட்டு போலீஸார் சயான் மாநகராட்சி மருத்துவமனைக்கு சிகிச்சைக்கு அனுப்பி வைத்தனர். கழுத்து அறுபட்டிருந்ததால் அவரால் சரியாகப் பேச முடியவில்லை. இதையடுத்து போலீஸார் கொலை முயற்சி வழக்கு பதிவு செய்து சம்பவம் நடந்த இடத்தில் இருந்த கண்காணிப்பு கேமரா பதிவுகளை ஆய்வு செய்தனர். சித்தரிப்பு படம் Also Read: கழுத்தை இறுக்கிய நைலான் கயிறு; காயத்தோடு தவித்த காட்டுமாடு; மீட்டு உதவிய வனத்துறை! ஆனால் எந்தவித துப்பும் துலங்கவில்லை. மயக்க நிலையில் இருந்த லால்ஜி மயக்கம் தெளிந்து போலீஸாருக்கு எழுத்து மூலம் பதிலளித்தார். அதில் லால்ஜி தன்னைத் தானே கழுத்தை அறுத்துக்கொண்டது தெரியவந்தது. லால்ஜிக்கு மும்பையில் சில சொத்துக்களும், ரொக்கப் பணமும் இருக்கிறது. ஆனால் அவர் குடும்பத்தோடு வசிக்கவில்லை. இதனால் யாராவது தனது சொத்துக்காக தன்னைக் கொலை செய்துவிட்டு தனது சொத்துக்களை அபகரித்துக் கொள்ளக்கூடும் என்ற அச்சத்தில் வாழ்ந்துவந்தார். இதற்காக எப்போதும் ஆட்டோவில் கத்தி வைத்திருப்பாராம். அதோடு ஆட்டோவின் இறுக்கையில் தனது வாரிசு யார் என்பதையும் எழுதி வைத்திருக்கிறார். எப்போதும் இரவு நேரத்தில் பயத்தில் தனது ஆட்டோவில்தான் உறங்கி எழுந்துள்ளார். இது போன்று சம்பவத்தன்றும் லால்ஜி ஆட்டோ ஓட்டிக்கொண்டிருக்கும் போது யாரோ தன்னை பின் தொடர்வதாக நினைத்தார். எனவே யாராவது தன்னை கொலை செய்துவிடக்கூடும் என்ற அச்சத்தில் தன்னிடமிருந்த கத்தியை எடுத்து தனக்கு தானே கழுத்தில் அறுத்துக்கொண்டுள்ளார். அவர் முழுமையாக குணமடைந்த பிறகு இது குறித்து மேற்கொண்டு விசாரணை நடத்த போலீஸார் திட்டமிட்டுள்ளனர்.
http://dlvr.it/S5pk3b

Read More

இருசக்கர வாகனத்தில் சென்றவர் மீது மோதிய மயில்! -கேரளாவில் புதுமண தம்பதிக்கு நேர்ந்த சோகம்

கேரள மாநிலம் திருச்சூர் புன்னயூர்குளம், பீடிகப்பறம்பை சேர்ந்த மோகன் என்பவரது மகன் பிரமோஸ்(34). திருச்சூர் மாரார் ரோட்டில் ஒரு தனியார் வங்கியில் ஊழியராக பணிபுரிந்து வந்தார். இவருக்கும் வீணா(26) என்ற பெண்ணுக்கும் நான்கு மாதங்களுக்கு முன்பு திருமணம் நடந்தது. வீணாவும் தனியார் வங்கியில் ஊழியராக பணிபுரிந்து வருகிறார். இந்த நிலையில் பிரமோஸ் தனது மனைவி வீணாவுடன் பைக்கில் பயணம் செய்திருக்கிறார். அய்யந்தோள் - புழய்க்கல் ரோட்டில் பைக்கில் சென்றுகொண்டிருந்தனர் தம்பதியினர். அப்போது எதிர்பாராத விதமாக ரோட்டின் குறுக்கே ஒரு மயில் பறந்து சென்றுள்ளது. அந்த மயில் திடீரென பைக்கில் சென்ற பிரமேசின் நெஞ்சில் மோதியது. பைக்கின் வேகமும் சேர்ந்துகொள்ள பிரமேஷ் நிலைதடுமாறினார். இதனால் பைக்கை சரியாக ஓட்டமுடியாமல் திணறினார். கட்டுப்பாட்டை இழந்த பைக் சாலையில், மற்றொரு பைக்கில் சென்றுகொண்டிருந்த தனேஷ்(37) என்பவர் மீது மோதியதுடன், அருகில் உள்ள காம்பவுண்ட் சுவரில் வேகமாக மோதி விபத்துக்குள்ளானது.விபத்துக்குள்ளான பைக் பைக்கில் இருந்த பிரமோஸும், வீணாவும் தூக்கிவீசப்பட்டனர். இதில் பிரமோஸ் படுகாயம் அடைந்ததில் அந்த இடத்திலேயே மரணம் அடைந்தார். பிரமோஸின் மனைவி வீணா படுகாயம் அடைந்தார். மேலும் பிரமோஸின் பைக் நிலைதடுமாறி மோதியதால் மற்றொரு பைக்கில் சென்ற தனேசும் படுகாயம் அடைந்தனர். அதுமட்டுமல்லாது பிரமோஸின் மார்பில் மோதிய மயிலும் சம்பவ இடத்திலேயே விழுந்து இறந்தது. விபத்து ஏற்பட்ட சத்தம்கேட்டு அக்கம்பக்கத்தினர் அங்கு கூடினர். Also Read: ஆரணி: கட்டுப்பாட்டை இழந்த கார்; லாரி மோதி விபத்து; கைக்குழந்தை உட்பட 6 பேர் பலியான பரிதாபம்! படுகாயம் அடைந்த வீணா மற்றும் தனேஷ் ஆகியோரை மீட்டு மருத்துவமனைக்கு அனுப்பி வைத்தனர். மரணம் அடைந்த பிரமோஸின் உடல் பிரேத பரிசோதனைக்காக அனுப்பிவைக்கப்பட்டது. வண்ணம் பூசும் தொழிலாளியான தனேஷ் வேலைக்காக பைக்கில் செல்லும் சமயத்தில் இந்த விபத்து நிகழ்ந்ததாக கூறப்படுகிறது. இந்த விபத்து குறித்து திருச்சூர் வெஸ்ட் காவல்நிலைய போலீஸார் விசாரணை நடத்தி வருகின்றனர்.விபத்தை ஏற்படுத்தியபின் மரணம் அடைந்த மயிலை வனத்துறை அதிகாரி மீட்டுச்செல்கிறார் மரணம் அடைந்த மயிலின் உடலை வனத்துறை அதிகாரிகள் மீட்டுச் சென்றனர். மயில் மோதியதில் ஏற்பட்ட விபத்து காரணமாக புதுமாப்பிள்ளை மரணம் அடைந்த சம்பவம் திருச்சூரில் சோகத்தை ஏற்படுத்தியது.
http://dlvr.it/S5nhMj

Read More

அளித்த உறுதியிலிருந்து பின்வாங்கும் தலிபான்கள்... ஆப்கன் பெண்களின் நிலை இனி?!

ஆப்கானிஸ்தானில் ஆட்சியை கைப்பற்றியுள்ள தலிபான்கள் அரங்கேறியுள்ள அடுத்தடுத்த சம்பவங்களால் அந்நாட்டு பெண்களின் நிலை கேள்விக்குறியாக்கியுள்ளன. "முழு நகரமும் கிட்டத்தட்ட ஒரே இரவில் பெண்களுக்கு எதிராக மாறிவிட்டது போல் தோன்றுகிறது. தெருவில் நடப்பது கூட வித்தியாசமாக உணர வைக்கிறது. வாழ்க்கை இத்தோடு நின்றுவிட்டது போல் நினைக்கிறேன்" - இந்த வார்த்தைகள் 20 ஆண்டுகளுக்கு பின் ஆப்கன் ஆட்சி அரியணையை கைப்பற்றி இருக்கும் தலிபான்கள் குறித்து காபூலைச் சேர்ந்த பெண் பத்திரிகையாளர் ஒருவர் உதிர்த்தவை. ஜூலை ஆரம்பத்தில் தொடங்கிய தலிபான்கள் போர் நேற்று காபூலை கைப்பற்றிய பின் முடிவுக்கு வந்தது. தலிபான்களின் இந்த வெற்றி மற்றவர்களை விட குறிப்பாக பெண்களுக்கு அச்ச உணர்வை ஏற்படுத்தியுள்ளன. இந்த அச்ச உணர்வுக்கு பின்னணியில் பல வலிகள் இருக்கின்றன. அமெரிக்க படைகளால் தலிபான்கள் வீழ்த்தப்பட்ட இந்த 20 ஆண்டுகளில் ஆப்கானிஸ்தான் பெண்கள் பல உரிமைகளை போராடி வென்றுள்ளனர். வேலைக்குச் செல்வது, கல்வி பயில்வது, பொதுவெளியில் தனியாக செல்வது போன்ற பல்வேறு உரிமைகள் இதில் முக்கியமானவை. ஏனென்றால் 1996 முதல் 2001 வரை ஆப்கானிஸ்தானில் நடந்த தலிபான்கள் ஆட்சியின்போது, பெண்கள் வெளியே வேலைக்கு செல்லவோ அல்லது பள்ளியில் படிக்கவோ தடை விதிக்கப்பட்டிருந்தது. பெண்கள் பர்தா அணிவது கட்டாயமாக்கப்பட்டிருந்தது. மேலும், பெண்கள் வெளியே செல்லும் வேண்டும் என்றால், அவர் தனது ஓர் ஆண் உறவினர் உடன் மட்டுமே வர வேண்டும். இந்த விதிகளை மீறிய பெண்களை இஸ்லாமிய சட்டத்தின் மிகக் கடுமையான விதிகளின் கீழ் தலிபான்கள் தண்டித்தனர். பொதுவெளியில் அந்தப் பெண்களை அவமானப்படுத்தினர். மேலும், பாலியல் தொழில் செய்ததாக குற்றம்சாட்டப்பட்ட பெண்களை கல்லால் அடித்து கொடுமைப்படுத்தினார்கள் தலிபான்கள். இந்த செயல்கள் காரணமாக மீண்டும் தலிபான்கள் கோலோச்ச தொடங்கியுள்ளது, தங்களுக்கு எதிராக அமையும் என்று அஞ்சுகிறார்கள் அந்நாட்டு பெண்கள். இதற்கேற்ப கடந்த சில நாட்களாக சில சம்பவங்கள் தொடர்ச்சியாக நடந்துள்ளன. கந்தஹாரை கைப்பற்ற தொடங்கியபோது, நகரில் உள்ள அஸிஸி வங்கியின் அலுவலகங்களுக்குள் நுழைந்த தலிபான் வீரர்கள், அங்கு பணிபுரிந்த ஒன்பது பெண்களை வெளியேற்றி, துப்பாக்கி ஏந்திய பாதுகாப்பில் பெண்களை தங்களின் வீடுகளுக்கே அழைத்துச் சென்று விட்டுவிட்டு, இனி பணிக்கு வர வேண்டாம் என எச்சரித்து வந்துள்ளனர். இதற்கடுத்த இரண்டு நாட்களுக்கு பிறகு ஹெராட்டில் உள்ள ஒரு வங்கியில் நுழைந்த துப்பாக்கி ஏந்திய மூன்று தலிபான்கள், பெண் ஊழியர்களை தங்கள் முகங்களை மறைக்க சொன்னதுடன் அவர்களை பணிக்கு வர வேண்டாம் என அச்சுறுத்தி இருக்கின்றனர். இந்த இரண்டு சம்பவங்களை குறித்தும் கேட்டதற்கு தலிபான் செய்தித் தொடர்பாளர் ஜபிஹுல்லா முஜாஹித் பதிலளிக்க மறுத்ததுடன் "பெண்களை இனி வேலை செய்ய அனுமதிக்கப்படுவதில் இன்னும் எந்த முடிவும் எடுக்கப்படவில்லை. இஸ்லாமிய அரசு நிறுவப்பட்ட பிறகு, இது சட்டத்தின்படி முடிவு செய்யப்படும். மேலும் கடவுள் விரும்பினால், எந்த பிரச்னையும் இருக்காது" என்று மட்டும் தெரிவித்தார். அவர் மழுப்பலாக பேசினாலும் சமீபத்திய சம்பவங்கள் அனைத்தும் ஆப்கானிஸ்தானில் பெண்களுக்கு இதுவரை கிடைத்து வந்த உரிமைகள் தலைகீழாக மாறும் என்பதற்கான ஆரம்பகட்ட அறிகுறியாகவே பார்க்கப்படுகிறது. பழைய விதிகள் மீண்டும் கொண்டுவரப்படும் என பயப்பட தொடங்கியிருக்கும் ஓர் ஆப்கன் பெண், "பெண்களாகிய எங்களுக்குள் சில நாட்களாக எழுந்துள்ள பேச்சு இதுதான். 1996-ல் தலிபான்கள் ஆட்சி காலத்தில் ஒரு பெண்ணாக எவ்வளவு கஷ்டத்தை தாங்கிக்கொண்டு வாழ்ந்தோம் என்று தினமும் பேசிக்கொண்டிருக்கிறோம். 1996 காலகட்டத்தில் காபூலில் வாழ்ந்தேன். அப்போது தலிபான்கள் புர்கா இல்லாமல் வீட்டை விட்டு வெளியேறிய பெண்கள் மற்றும் சிறுமிகளை எப்படி அடித்தார்கள் என்பது இப்போது வரை எனக்கு நினைவிருக்கிறது" என்று பழைய சம்பவங்களை நினைவுகூர்ந்துள்ளார். பெண் பத்திரிகையாளர்களின் நிலை: தலிபான்கள் குறித்து பெண் பத்திரிகையாளர்கள் மத்தியில் எழுந்துள்ள கவலைகள் இங்கே குறிப்பிட்டே ஆக வேண்டும். நேற்று காபூலை தலிபான்கள் கைப்பற்றிய பிறகு பெண் பத்திரிகையாளர் ஒருவர் நாட்டை விட்டு தப்பி ஓட முயன்றுள்ளார். விமான நிலையத்திற்கு செல்லும் வழியில் துப்பாக்கி முனையில் அவரின் பாஸ்போர்ட் உள்ளிட்ட ஆவணங்களை தலிபான்கள் எடுத்துச் சென்றுள்ளனர். இந்த சம்பவத்தை நினைவுகூரும் அந்த பெண் பத்திரிகையாளர், "நான் விமான நிலையத்திற்கு டாக்ஸியில் சென்றபோது, தெருவில் குழுவாக நின்றுகொண்டிருந்த சில ஆண்கள், தாலிபான்களுக்காக கைதட்டிக் கொண்டிருந்தார்கள். `மாஷாஅல்லா', `கோ அமெரிக்கா' உள்ளிட்ட கோஷங்களை அவர்கள் எழுப்பிய கொண்டிருந்தனர். என் வாழ்க்கையில் இதுபோன்ற சம்பவங்களை பார்க்க வேண்டும் என்று இதுவரை நினைத்ததில்லை" என்று ட்வீட் செய்துள்ளார். மற்றொரு பத்திரிகையாளர், "தலிபான்களின் வருகை குறித்த அச்சம் காரணமாக ஏற்கெனவே பொது இடங்களில் பெண்களுக்கு அனுமதி மறுக்கப்பட்டுள்ளது. இந்த நேரத்தில் எனக்கு தெரிந்தவர்கள் சிலர் எங்கள் வீட்டுக்கே வந்து, `தலிபான்கள் உங்களால்தான் வருகிறார்கள். தாலிபான்கள் உங்களை ஒழுங்குபடுத்துவதற்காக மீண்டும் வந்துள்ளார்கள்' என்று கூறி அச்சமூட்டுகின்றனர்" என்று கூறியிருக்கிறார். நாட்டை விட்டு வெளியேற முடியாத மற்றொரு பெண் பத்திரிகையாளர், "நாங்கள் எங்கள் வாழ்நாள் முழுவதும் கஷ்டப்பட்டோம். இனி இன்னும் கஷ்டப்பட போகிறோம்" என்று தலிபான்கள் வருகை குறித்து கவலை தெரிவித்துள்ளார். உறுதியில் இருந்து பின்வாங்கும் தலிபான்கள்? - முன்னதாக, ஆட்சி பொறுப்பை கைப்பற்ற முயன்றபோது தலிபான் தலைவர்கள், "வேலை, கல்வி உள்ளிட்ட விஷயங்களில் "இஸ்லாமிய முறைப்படி" பெண்கள் சம உரிமை பெறுவார்கள்" என்று உறுதி அளித்திருந்தனர். ஆனால், இப்போது நடக்கும் சம்பவங்கள் அனைத்தும் அவர்கள் அளித்து வாக்குறுதிகளுக்கு மாறாக நடந்து வருகின்றன. தலிபான்கள் தாங்கள் கொடுத்த வாக்குறுதியில் இருந்து பின்வாங்குகிறதா என்று அச்சம் தெரிவித்துள்ள அமெரிக்கா மற்றும் பிற மேற்கத்திய நாடுகளின் தலைவர்கள், மீண்டும் ஆட்சிக்கு வந்துள்ள தலிபான்கள் காரணமாக ஆப்கானிஸ்தானில் வாழும் பெண்களின் வாழ்வு நிலை 100 ஆண்டுகள் பின்னோக்கி செல்வதற்கான சூழல் ஏற்படும் என்றும், பெண்களின் கல்வி, பொருளாதாரம் மேம்பட்டு வந்துகொண்டிருந்த சூழலில் மீண்டும் அவை பின்னோக்கி செல்லும் அபாயம் ஏற்பட்டுள்ளதாக அச்சம் தெரிவித்துள்ளது கவனிக்கப்படக் கூடிய விஷயமாக இருக்கிறது.
http://dlvr.it/S5nG9h

Read More

எலெக்ட்ரிக் வாகன சந்தையில் தடம் பதிப்பது எப்போது? - ராயல் என்ஃபீல்டு விளக்கம்

இரு சக்கர மற்றும் நான்கு சக்கர வாகனங்களில் எலெக்ட்ரிக் வாகனங்கள் வரத் தொடங்கி இருக்கின்றன. ஒவ்வொரு நிறுவனமும் அதற்கான திட்டமிடல்களில் இறங்கியுள்ளன. ஆனால், உடனடியாக எலெக்ட்ரிக் வாகனங்களை கொண்டுவரும் திட்டமிட்டமில்லை ராயல் என்ஃபீல்டு நிறுவனம் தெரிவித்திருக்கிறது. ராயல் என்ஃபீல்டு நிறுவனத்தின் தாய் நிறுவனமான ஐஷர் மோட்டார்ஸ் நிறுவனத்தின் சித்தார்த்தா லால் இதனை தெரிவித்திருக்கிறார். "எலெக்ட்ரிக் வாகனங்களுக்கு நீண்ட கால திட்டம் வைத்திருக்கிறோம். இதற்கென பிரத்யேக அதிகாரிகளின் தலைமையில் குழு அமைக்கப்பட்டிருக்கிறது. ஆனால், குறுகிய காலத்தில் சந்தைக்கு இந்த வாகனங்கள் வராது. அது பொருளாதார ரீதியிலும் சாத்தியமில்லாத விலையிலே இருக்கும். இந்தியா மற்றும் இங்கிலாந்தில் இதற்கான ஆராய்ச்சி பணிகள் நடந்து வருகின்றன. அடுத்து நான்கு முதல் ஐந்து ஆண்டுகளில்தான் ராயல் என்ஃபீல்டின் எலெக்ட்ரிக் வாகனம் சந்தைக்கு வரும்" என சித்தார்த்தா லால் தெரிவித்தார். ராயல் என்ஃபீல்டு நிறுவனம் 250 சிசி முதல் 750 சிசி வரையிலான வாகனங்களை தயாரிக்கிறது. இந்தியா மட்டுமல்லாலம் 60-க்கும் மேற்பட்ட வெளிநாடுகளுக்கு ஏற்றுமதி செய்கிறது. ராயல் என்ஃபீல்டு இன்னும் சில ஆண்டுகள் ஆகும் என தெரிவித்திருந்தாலும், இதனுடைய போட்டி நிறுவனங்களான பிஎஸ்ஏ, ஹார்லி டேவிட்சன் உள்ளிட்ட வாகனங்கள் எலெக்ட்ரிக் வாகன தயாரிப்பில் கவனம் செலுத்த தொடங்கியுள்ளன.
http://dlvr.it/S5lD3J

Read More

தலிபான்கள் ஆக்கிரமிப்பு: நாட்டை விட்டு வெளியேறினார் ஆப்கன் அதிபர் அஷ்ரப் கனி

ஆப்கானிஸ்தான் அதிபர் அஷ்ரப் கனி நாட்டைவிட்டு வெளியேறிவிட்ட நிலையில், தலைநகர் காபூலில் உள்ள அதிபர் மாளிகை தலிபான்கள் வசம் ஒப்படைக்கப்பட்டுள்ளது. ஆப்கனில் அடுத்தடுத்து நிகழ்ந்துவரும் அதிர்ச்சி சம்பவங்கள் தொடர்பாக ஐக்கிய நாடுகள் சபையின் பாதுகாப்பு கவுன்சில் இன்று அவசரமாக கூடி விவாதிக்கிறது. ஆப்கானிஸ்தானிலிருந்து அமெரிக்க படைகள் வெளியேறி வரும் நிலையில் அந்நாடு மீண்டும் தலிபான்கள் வசம் சென்றுள்ளது. முக்கிய நகரங்களை ஒன்றன்பின் ஒன்றாக கைப்பற்றிய தலிபான்கள் இறுதியாக தலைநகர் காபூலையும் தங்கள் கட்டுப்பாட்டுக்குள் கொண்டு வந்தனர். தலிபான்களின் கை ஓங்கியதை அடுத்து அதிகாரத்தை அவர்களுக்கே விட்டுத்தர அதிபர் அஷ்ரப் கனி ஒத்துக்கொண்டார். இதன் தொடர்ச்சியாக அவர் ஆப்கானிஸ்தானை விட்டே வெளியேறிவிட்டார். இதனையடுத்து காபூலில் உள்ள அதிபர் மாளிகை தலிபான்களிடம் ஒப்படைக்கப்பட்டுவிட்டது. இதுதொடர்பான காட்சிகளை அல் ஜசீரா தொலைக்காட்சி ஒளிபரப்பியது. 20 ஆண்டு்களுக்கு முன்னர் தாங்கள் காபூலை விட்டு வெளியேறியதைப்போல் அல்லாமல் தற்போது வித்தியாசமான நகரமாக இருப்பதாக தலிபான் படையினர் கூறியதை மேற்கோள் காட்டி அல் ஜசீரா செய்தி வெளியிட்டுள்ளது. பழமைவாத தலிபான்கள் வசம் அதிகாரம் வந்துவிட்டதால், ஆப்கானிஸ்தான் மக்களில் பலர் அச்சமடைந்து உடைமைகளுடன் பாகிஸ்தானில் தஞ்சம் புக முற்பட்டுள்ளனர். இதற்காக பாகிஸ்தானை ஓட்டிய ஆப்கானிஸ்தான் எல்லையில் ஏராளமானோர் காத்துள்ளதாக கூறப்படுகிறது. இதற்கிடையே ஆப்கானிஸ்தானில் உள்ள அமெரிக்க படைகளை பாதுகாப்பாக மீட்க அதிபர் பைடன் ஆயிரம் வீரர்களை அங்கு அனுப்பியுள்ளார். காபூலில் உள்ள அமெரிக்க தூதரகத்திற்கு சில ஹெலிகாப்டர்கள் வந்த நிலையில் அதில் ஏறி அதிகாரிகள் அனைவரும் வெளியேறிவிட்டனர். அங்கிருந்த அமெரிக்க கொடியும் அகற்றப்பட்டுவிட்டது. மேலும் வெளியே செல்லும் முன் முக்கிய ஆவணங்கள் பலவற்றை அமெரிக்க அதிகாரிகள் எரித்ததாகவும் தகவல்கள் வெளியாகியுள்ளன. இதனிடையே, ஆப்கன் விவகாரம் தொடர்பாக விவாதிக்க ஐநா பாதுகாப்பு கவுன்சில் இன்று அவசரமாக கூடுகிறது. ஆகஸ்ட் மாதம் முழுமைக்கும் ஐநா பாதுகாப்பு கவுன்சிலை தலைமை தாங்கி நடத்திவரும் இந்தியாவின் தலைமையில் கூட்டம் நடைபெறவுள்ளது. நார்வே மற்றும் எஸ்டோனியா ஆகிய இரு நாடுகளின் வேண்டுகோளுக்கிணங்க அழைப்பு விடுக்கப்பட்டுள்ள இந்தக்கூட்டத்தில் ஆப்கானிஸ்தானில் நிகழ்ந்துவரும் மாற்றங்கள் குறித்து ஐநா பொதுச்செயலாளர் ஆண்டனியோ குட்டாரஸ், உறுப்பு நாடுகளுக்கு சுருக்கமாக விளக்குகிறார்.
http://dlvr.it/S5kBnx

Read More