"அடுத்த ஒலிம்பிக்கில் இந்திய தேசியக் கொடி நடுவில் பறக்க வேண்டும்" - மண்ப்ரீத் சிங்

பாரிஸ் ஒலிம்பிக் போட்டியில் இந்திய தேசியக் கொடி தங்கம் வென்று பதக்க மேடையின் நடுவில் ஏற்றப்பட வேண்டும் என்று இந்திய ஆடவர் ஹாக்கி அணியின் கேப்டன் மண்ப்ரீத் சிங் தெரிவித்துள்ளார். ஜப்பான் தலைநகர் டோக்கியோவில் நடைபெற்ற ஒலிம்பிக் போட்டியில் இந்திய ஆடவர் ஹாக்கி அணி 41 ஆண்டுகளுக்கு பின்பு வெண்கலப் பதக்கம் வென்றது. ஒலிம்பிக்கில் இத்தனை ஆண்டுகாலத்திற்கு பிறகு இந்திய ஆடவர் ஹாக்கி அணி பதக்கம் வென்றதை தேசமே கொண்டாடியது. இந்திய ஹாக்கி அணி பத்தக்கம் வென்றது அந்த விளையாட்டுக்கு புத்துயிரை அளித்திருப்பதாக பலரும் தெரிவித்திருந்தனர். இது குறித்து பேசியுள்ள இந்திய ஆடவர் ஹாக்கி அணியின் கேப்டன் மண்ப்ரீத் சிங் "2024 பாரிஸ் ஒலிம்பிக்கில் இந்திய ஹாக்கி அணி தங்கம் வெல்ல வேண்டும். அப்போதுதான் பதக்க மேடையின் நடுவே நம்முடைய தேசியக் கொடி ஏற்றப்படும். அதுதான் நம்முடைய எதிர்கால இலக்காக இருக்க வேண்டும் என்று சக வீரர் ஹரித் சிங்கிடம் கூறினேன்" என்றார் அவர்.
http://dlvr.it/S614sf

Read More

ஓணம் புத்தாடையுடன் ரூ.10,000 கொடுத்த நகராட்சி தலைவி; திருப்பிக்கொடுத்த கவுன்சிலர்கள்? -நடந்தது என்ன?

கேரள மாநிலத்தின் பாரம்பர்ய விழாவான ஓணப்பண்டிகை வரும் சனிக்கிழமை கொண்டாடப்படுகிறது. ஓணப்பண்டிகையின் போது இரண்டு மாஸ்க் அணிந்து, சமூக இடைவெளி விட்டு, கைகளை கழுவி பாதுகாப்பாக கொண்டாட வேண்டும் என மாநிக அரசு அறிவுறுத்தியுள்ளது. கேரள முதல்வர் பினராயி விஜயன் ஆன்லைன் மூலம் ஓணப்பண்டிகை கொண்டாட்டத்தில் கலந்துகொண்டார். தமிழ்நாட்டின் பொங்கல் பண்டிகை போன்று கேரள மாநிலத்தில் ஓணப் பண்டிகைக்கு புத்தாடைகள் அணிந்து ஓண சத்யை எனப்படும் பலவகை கூட்டு, பொரியலுடன் மதிய உணவு உண்பதும், ஓண ஊஞ்சல் ஆடுவதும், மலர்களால் வீட்டு முற்றத்தில் அத்தப்பூ கோலம் போடுவதும் சிறப்பான நிகழ்வாகும். பாரம்பர்ய விழாவான ஓணப்பண்டிகையின் போதுதான் கேரளத்தில் அரசு ஊழியர்களுக்கு போனஸ் வழங்கப்படுகிறது. மிக விமரிசையாக கொண்டாடும் ஒணப்பண்டிகையின்போது கவுன்சிலர்களுக்கு பணம் கொடுத்ததாக புகாரில் சிக்கியுள்ளார் எர்ணாகுளம் மாவட்டத்தைச் சேர்ந்த நகராட்சி தலைவி ஒருவர்.ஓணம் பண்டிகைக்கு கவுன்சிலர்களுக்கு பணம் கொடுத்ததாக கூறப்படும் திருக்காகர நகராட்சி தலைவி அஜிதா தங்கப்பன் எர்ணாகுளம் மாவட்டம் திருக்காக்கர நகராட்சி கவுன்சிலர்களுக்கு ஓணக்கோடி (புத்தாடை) உடன் பத்தாயிரம் ரூபாய் வழங்கியதாக சர்ச்சையில் சிக்கியுள்ளார் நகராட்சி தலைவர் அஜிதா தங்கப்பன். காங்கிரஸ் கட்சியைச் சேர்ந்த அஜிதா தங்கப்பன் தனது நகராட்சியில் உள்ள கவுன்சிலர்கள் 43 பேருக்கு ஓணக்கோடி கொடுத்ததுடன் அவர்களை தனது அறைக்கு அழைத்து தலா பத்தாயிரம் ரூபாய் பணம் அடங்கிய கவரை கொடுத்திருக்கிறார். எதிர்கட்சியைச் சேர்ந்த 18 கவுன்சிலர்கள் தங்களுக்கு வழங்கப்பட்ட பத்தாயிரம் ரூபாய் பணத்தை திருப்பி கொடுத்ததுடன் அதுகுறித்து விஜிலென்ஸ் விசாரணை வேண்டும் என கோரிக்கை விடுத்துள்ளனர். நகரசபையில் நடக்கும் முறைகேடுகள் மூலம் வந்த பணத்தை கவுன்சிலர்களுக்கு கொடுத்ததாக எதிர்கட்சி கவுன்சிலர்கள் புகார் கூறியுள்ளனர். அதுமட்டுமல்லாது நகராட்சி தலைவர் உள்ளிட்ட சிலர் தலா 25 லட்சம் ரூபாய் வரை ஓணப்பண்டிகைக்காக பெற்றிருக்கலாம் என்ற புகாரையும் எதிர்கட்சியினர் முன்வைத்துள்ளனர். அதுமட்டுமல்லாது சுகாதார பணியாளர்களுக்கு வழங்கிய புத்தாடை தரமற்றது எனக்கூறி பணியாளர்கள் போர்க்கொடி உயர்த்தியுள்ளனர்.கேரள மாநிலத்தின் திருக்காகர நகராட்சி அலுவலகம் இதுகுறித்து கருத்து தெரிவித்த நகராட்சி தலைவி அஜிதா தங்கப்பன், "இந்த குற்றச்சாட்டு அடிப்படை ஆதாரம் அற்றது. புதிய ஆட்சிமன்றத்தை கலைக்க எதிர்கட்சியினர் திட்டம் தீட்டுகின்றனர். அவ்வளவு பணம் கொடுக்கும் அளவுக்கு என்னிடம் தகுதி இல்லை. அவர்கள் இதுகுறித்து புகார் அளிக்கட்டும். உண்மை என்னவென்று விளக்க நான் தயார்" என்றார். ஓணப் பண்டிகைக்காக கவுன்சிலர்களுகு புத்தாடையுடன் தலா பத்தாயிரம் ரூபாய் வழங்கியதாக எழுந்துள்ள சர்ச்சை கேரளத்தில் பரபரப்பை கிளப்பியுள்ளது. Also Read: ஓணம் பண்டிகை - ஆகஸ்ட் 21
http://dlvr.it/S60YnD

Read More

`சிவசேனா செய்த பாவத்துக்கு, வெற்றி பெற்று முற்றுப்புள்ளி வைப்போம்!' - மத்திய அமைச்சர் காட்டம்

சிவசேனாவில் இருந்து விலகி காங்கிரஸ் கட்சிக்கு சென்ற மகாராஷ்டிரா முன்னாள் முதல்வர் நாராயண் ராணே, காங்கிரஸ் கட்சியில் இருந்து விலகி பாஜகவில் சேர்ந்துள்ளார். அவர் மகாராஷ்டிராவின் கொங்கன் பகுதியில் செல்வாக்கு மிக்கவர் என்பதால் அவரை பயன்படுத்திக்கொள்ள பாஜக திட்டமிட்டு அவருக்கு ராஜ்ய சபை உறுப்பினர் பதவி வழங்கியது. சமீபத்தில் மத்திய அமைச்சரவை விரிவுபடுத்தப்பட்ட போது நாராயண் ராணேவுக்கும் அமைச்சர் பதவி வழங்கப்பட்டது. காங்கிரஸ் கட்சியில் இருந்த போது போட்டியிட்ட அனைத்து தேர்தல்களிலும் தோல்வியை தழுவிய ராணே, அடுத்த ஆண்டு நடக்க இருக்கும் மாநகராட்சி தேர்தலை கருத்தில் கொண்டு `ஜன் ஆஷிர்வாத் யாத்திரையை’ மும்பையில் இருந்து தொடங்க இருக்கிறார். வியாழக்கிழமை தொடங்கும் இந்த யாத்திரை சனிக்கிழமை வரை மும்பை மெட்ரோபாலிடன் பகுதியில் நடைபெறுகிறது. அதனை தொடர்ந்து கொங்கன் பகுதியில் யாத்திரை நடத்துகிறார். அந்தேரியில் ராணே தனது யாத்திரையை தொடங்கினார். இதில் தேவேந்திர பட்நவிஸ் உட்பட பலரும் கலந்து கொண்டனர்.மும்பை மாநகராட்சி கட்டடம் யாத்திரையை தொடங்கிய பிறகு தாதரில் உள்ள மறைந்த சிவசேனா தலைவர் பால்தாக்கரே நினைவுச் சின்னத்துக்கும் செல்ல ராணே திட்டமிட்டு இருந்தார். சிவசேனாவுக்கு துரோகம் செய்துவிட்டு சென்றவர், பால்தாக்கரே நினைவு சின்னத்திற்கு வர அனுமதிக்க மாட்டோம் என்று அக்கட்சி தெரிவித்துள்ளது. இது தொடர்பாக சிவசேனா மக்களவை உறுப்பினர் விநாயக் ராவுத் அளித்த பேட்டியில், ``சிவசேனாவை பிரித்துக்கொண்டு சென்ற நாராயண் ராணேயால் பால்தாக்கரே மிகவும் மன வேதனை அடைந்தார். ராணேயை போன்ற ஒரு துரோகியை மகாராஷ்டிரா இது வரை பார்த்திருக்காது. அப்படிப்பட்டவரை நாங்கள் பால்தாக்கரே நினைவுச்சின்னத்திற்கு வர அனுமதிக்கமாட்டோம். பால்தாக்கரே நினைவுச்சின்னத்திற்கு வர ராணேயிக்கு எந்த வித தார்மீக உரிமையும் கிடையாது|” என்றும் அவர் தெரிவித்தார். இதற்கிடையே பலத்த எதிர்ப்பையும் மீறி ராணே பால்தாக்கரே நினைவிடத்திற்கு சென்று மரியாதை செலுத்தினார். பின்னர் அவர் அளித்த பேட்டியில், ``வரும் மும்பை மாநகராட்சி தேர்தலில் பாஜக வெற்றி பெறும். இதன் மூலம் சிவசேனா 32 ஆண்டுகளாக செய்துள்ள பாவங்களுக்கு முற்றுப்புள்ளி வைக்கப்படும். பால்தாக்கரே உயிருடன் இல்லாமல் இருக்கலாம். ஆனால் அவர் எனது பணிகளுக்கு ஆசிர்வாதம் செய்வார்” என்றார்.உத்தவ் தாக்கரே நினைவிடத்திற்கு வர எதிர்ப்பு கிளம்பியது குறித்து கேட்டதற்கு, ``சொல்வதாக இருந்தால் நேரடியாக சொல்லவேண்டும்” என்று உத்தவ் தாக்கரேயை மறைமுகமாக சாடினார். மும்பையில் கொங்கன் பகுதி மக்கள் அதிகமாக இருப்பதால் மும்பையில் ராணே தனது செல்வாக்கை நிரூபிக்க திட்டமிட்டுள்ளார். ராணே தாதர் வரும் வழியில் அவரை வரவேற்று அதிகப்படியான பேனர்கள் வைக்கப்பட்டு இருந்தது. அவற்றை அகற்ற மாநகராட்சி நிர்வாகம் உத்தரவிட்டது. Also Read: `மத்திய அரசு ஜனநாயகத்தின் நான்கு தூண்களை பலவீனப்படுத்துகிறது!’ - கொதிக்கும் சிவசேனா இது குறித்து கருத்து தெரிவித்த மாநில பாஜக மூத்த தலைவர் சுதிர் முங்கந்திவார், ``நினைவுச்சின்னங்களை பார்க்க அனுமதிக்க மாட்டோம் என்ற சிவசேனாவின் நிலைப்பாடு அக்கட்சியின் குறுகிய மனப்பான்மையை காட்டுகிறது. நினைவுச்சின்னம் ஒன்றும் தனியார் கம்பெனி கிடையாது. அதனை யார் வேண்டுமானாலும் சென்று பார்த்து மரியாதை செலுத்தலாம்” என்று தெரிவித்தார். அமைச்சராக பதவியேற்று ஒரு மாததிற்கும் மேலாக டெல்லியில் இருந்த ராணே வியாழக்கிழமை காலையில் தான் யாத்திரைக்காக மும்பை வந்தார். விமான நிலையத்தில் எதிர்க்கட்சி தலைவர் தேவேந்திர பட்நவிஸ் உட்பட ஏராளமானோர் சென்று வரவேற்றனர். இதில் பேசிய ராணே, ``மகாராஷ்டிராவுக்கு உத்தவ் தாக்கரே தலைமை ஏற்று இருப்பது மகாராஷ்டிராவை அழிவை நோக்கி கொண்டு செல்வதாக அமைந்துள்ளது. இதற்கு மக்கள் தக்க பாடம் புகட்டுவார்கள்” என்று தெரிவித்தார்.விகடன் தயாரிப்பில் வெளிவர இருக்கும் ஆதலினால் காதல் செய்வீர் தொடரின் Promo
http://dlvr.it/S5yCN2

Read More

செய்யாத குற்றத்துக்காக 604 நாள்கள் சவுதியில் சிறை... பேஸ்புக் போலிக் கணக்கால் நிகழ்ந்த துயரம்!

செய்யாத ஒரு குற்றத்துக்காக 604 நாள்கள் சிறையில் இருந்துவிட்டு தற்போது வீடு திரும்பியிருக்கிறார் கர்நாடகாவைச் சேர்ந்த ஹரிஷ் பங்கீரா (Harish Bangera). சவதி அரேபியாவின் தம்மாம் நகரில் ஏசி டெக்னிஷியனாக வேலை பார்த்து வந்த ஹரிஷ் பங்கீராவை 2019, டிசம்பர் 22-ஆம் தேதி சவுதி காவல்துறை கைது செய்திருக்கிறது. சவுதி இளவரசர் முகமது பின் சல்மானைப் பற்றி அவதூறான கருத்துக்களை பேஸ்புக்கில் பதிவிட்டார் எனக்கூறி அவரைக் கைது செய்திருக்கிறார்கள். இதனை அறிந்த அவரது மனைவி சுமனா கர்நாடகாவின் உடுப்பி காவல் நிலையத்தில் அவதூறான கருத்துக்களைப் பகிர்ந்த பேஸ்புக் கணக்கு தன் கணவருடையது இல்லை எனக்கூறி புகார் அளித்துள்ளார். சவுதியில் ஹரிஷ் கைது செய்யப்படுவதற்கு மூன்று நாள்கள் முன்பாக, இந்தியாவில் அந்த நேரத்தில் பரபரப்பாகப் பேசப்பட்ட குடியுரிமைத் திருத்தச் சட்டம் மற்றும் என்.ஆர்.சி.க்கு ஆதரவான சில கருத்துக்களை தன்னுடைய பேஸ்புக் கணக்கில் பகிர்ந்திருக்கிறார். ஆனால், அதன் பின்னர் அது தவறு எனக் கருதி, தான் மன்னிப்பு கேட்கும் காணொலி ஒன்றையும் பதிவிட்டுவிட்டு தனது பேஸ்புக் கணக்கை டீஆக்டிவேட் செய்திருக்கிறார்.அப்துல் சகோதரர்கள் ஆனால், இவரது பெயரை வைத்தே இன்னொரு பேஸ்புக் கணக்கு தொடங்கப்பட்டு, அதில்தான் சவுதி இளவரசர் தொடர்பான அவதூறான கருத்துகள் பகிரப்பட்டிருக்கின்றன. அதனைக் காரணமாக வைத்து சவுதி காவல்துறையும் அவரை கைது செய்திருக்கிறது. ஹரிஷின் பேஸ்புக் கணக்கைப் போன்றே இன்னொரு கணக்கை யார் தொடங்கினார்கள் எனக் கர்நாடக காவல்துறை விசாரித்து வந்திருக்கிறது. கடந்த வருடம் அக்டோபர் மாதம் தக்ஷின கன்னடா மாவட்டத்தின் மூதபித்ரி (Moodabidri) நகரில் அப்துல் ஹூயெஸ் மற்றும் அப்துல் தூயெஸ் என்ற இரண்டு சகோதரர்களைக் காவல் துறையினர் கைது செய்திருக்கின்றனர். Also Read: தாலிபன்களின் கதை - 4 | தாலிபன்களின் ஆட்சி ஏன் கொடூரத்தின் உச்சமாக இருந்தது?! ஹரிஷ் தனது பேஸ்புக் கணக்கை மூடிய அன்றே, ஹரிஷின் பெயரில் வேறொரு கணக்கை இவர்கள் தொடங்கி சவுதி இளவரசர் தொடர்பான அவதூறுப் பதிவுகளைப் பகிர்ந்திருக்கிறார்கள். குடியுரிமைத் திருத்தச் சட்டம் மற்றும் என்.ஆர்.சி-க்கு ஆதரவாக ஹரிஷ் பேஸ்புக்கில் பகிர்ந்த கருத்துகளைக் கண்டு கோபமுற்றே இது போன்ற செயலில் ஈடுபட்டோம் எனவும் அவர்கள் தெரிவித்திருக்கிறார்கள். அவர்கள் மீது உடனடியாக வழக்குப் பதிவு செய்து அதனை மொழிமாற்றமும் செய்து, அதன் நகலைச் சவுதி அதிகாரிகளுடன் பகிர்ந்திருக்கிறது கர்நாடக காவல்துறை. அதனைத் தொடர்ந்த கடந்த செவ்வாய்க்கிழமை ஹரிஷை விடுதலை செய்திருக்கிறது சவுதி காவல்துறை.குடும்பத்தினருடன் ஹரிஷ் பங்கீரா இந்நிலையில், நேற்று பெங்களூரூ விமான நிலையம் வந்தடைந்தார் ஹரிஷ் பங்கீரா. செய்யாத குற்றத்துக்காக 604 நாள்கள் சிறையில் இருந்துவிட்டு இந்தியா திரும்பியிருக்கிறார் ஹரிஷ். இவரின் பேஸ்புக் கணக்கைப் போலவே ஒன்றை கணக்கை உருவாக்கிய அப்துல் சகோதரர்கள் மீது நீதிமன்றத்தில் வழக்கு நடைபெற்று வருகிறது.
http://dlvr.it/S5xfTJ

Read More

45 நிமிடம் சந்திப்பு: ஆளுநரை சந்தித்தது ஏன்? - எடப்பாடி பழனிசாமி விளக்கம்

தேர்தல் அறிக்கைக்கும் கோடநாடு வழக்குக்கும் எந்த சம்பந்தமும் இல்லை எனக் கூறியுள்ளார் எடப்பாடி பழனிசாமி.   சென்னை கிண்டியில் உள்ள ராஜ்பவனில் ஆளுநர் பன்வாரிலால் புரோகித்தை சந்தித்த எதிர்க்கட்சி தலைவர் எடப்பாடி பழனிசாமி, எதிர்க்கட்சி துணைத் தலைவர் ஓ.பன்னீர்செல்வம் மற்றும் முன்னாள் அமைச்சர்கள், திமுகவின் அரசியல் பழிவாங்கும் நடவடிக்கையை தடுக்க வேண்டும் என்று கோரிக்கையை வலியுறுத்தி மனு அளித்தனர்.   ஆளுநரை சந்தித்தப் பின் செய்தியாளர்களிடம் பேசிய எதிர்க்கட்சித் தலைவர் எடப்பாடி பழனிசாமி, ''ஊழல், வசூல் செய்தல், பழிவாங்குதல் என்ற அடிப்படையில் திமுக அரசு நடந்து கொள்கிறது. திமுக அரசு அனைத்துத் துறைகளிலும் தோல்வியடைந்து விட்டது. ஊரக வேலை உறுதித் திட்டத்தை அரசு முடக்கி வைத்துள்ளது. அதிமுகவினரை பழிவாங்கும் நோக்கில் திமுக அரசு வழக்குகளை தொடுக்கிறது. அதிமுக நிர்வாகிகள், முன்னாள் அமைச்சர்கள் எம்.ஆர்.விஜயபாஸ்கர், எஸ்.பி.வேலுமணி ஆகியோர் மீது திமுக பொய் வழக்கு போடுகிறது. கடந்தகால ஆட்சியில் கொண்டுவந்த திட்டங்களை கிடப்பில் போட்டு முடக்கி வைத்துள்ளனர். தமிழகம் முழுவதும் அரசு அதிகாரிகளை பணியிட மாற்றம் செய்ததுதான் திமுகவின் நூறு நாள் சாதனை.   தேர்தல் அறிக்கைக்கும் கோடநாடு வழக்குக்கும் எந்த சம்பந்தமும் இல்லை. கோடநாடு வழக்கு என்பது நீதிமன்றத்தில் உள்ளது. அதை எப்படி தேர்தல் வாக்குறுதியாக திமுக அளிக்க முடியும். கோடநாடு வழக்கு நீதிமன்றத்தில் முடியும் தருவாயில் இருக்கும் நிலையில் பொய் குற்றச்சாட்டு கூறுகிறார்கள். கோடநாடு வழக்கில் குற்றவாளிகளை பாதுகாக்கும் வகையில் திமுக அரசு நடந்து கொள்கிறது. கோடநாடு வழக்கில் சயானுக்கு ஆதரவாக திமுக வழக்கறிஞர்கள் வாதாடி வருகின்றனர்'' என்று கூறினார்.
http://dlvr.it/S5x6pk

Read More

குடும்ப வன்முறையால் பாதிக்கப்பட்ட பெண்; கர்ப்பத்தை கலைக்க அனுமதியளித்த மும்பை உயர்நீதிமன்றம்!

குடும்ப வன்முறை காரணமாக பெண்கள் அதிக அளவில் பாதிக்கப்படுகின்றனர். கணவனை விட்டுப் பிரியும் மனைவி, குழந்தைகளை வளர்க்க மிகவும் சிரமப்படுகிறார். இந்நிலையில் மும்பையில் விவாகரத்தை எதிர்நோக்கி இருக்கும் பெண் ஒருவருக்கு கர்ப்பத்தை கலைக்க மும்பை உயர்நீதிமன்றம் அனுமதி கொடுத்துள்ளது. சம்பந்தப்பட்ட அப்பெண்ணை, கர்ப்பமானதில் இருந்தே அவரின் கணவர் அடித்து கொடுமைப்படுத்தி வந்துள்ளார். இதனால் கணவன், மனைவி இடையே கருத்து வேறுபாடு ஏற்பட்டு போலீஸில் அப்பெண் புகார் செய்தார்.Court -Representational Image Also Read: `வன்புணர்வு நடந்தது 11 நிமிடங்களே; எனவே தண்டனையைக் குறைக்கிறேன்!' - நீதிபதியின் அதிர்ச்சி தீர்ப்பு கருவளர்ச்சி 17 வாரமாக இருந்த போதே கருவை கலைக்க அப்பெண் திட்டமிட்டார். ஆனால் போலீஸ் நிலையம், கோர்ட் என்று அலைந்து கொண்டிருந்ததில் நாள்கள் கடந்துவிட்டன. கருவை கலைக்க சட்டத்தால் அனுமதிக்கப்பட்ட 20 வாரத்தை அவர் கடந்துவிட்டார். இதனால் தற்போது தனது வயிற்றில் உள்ள 23 வாரக் கருவைக் கலைக்க அனுமதிக்கவேண்டும் என்று கோரி அப்பெண் மும்பை உயர்நீதிமன்றத்தில் மனுத்தாக்கல் செய்தார். மனுவில் சம்பந்தப்பட்ட பெண், ``என் கணவர் நான் கர்ப்பமான நாளில் இருந்து என்னை அடித்து சித்ரவதை செய்து வந்ததார். தற்போது அவரிடமிருந்து விவாகரத்துக் கேட்டு கோர்ட்டில் விண்ணப்பித்து இருக்கிறேன். இந்தச் சூழ்நிலையில் நான் தொடர்ந்து கருவைச் சுமந்து கொண்டிருப்பது எனது மனநிலையை கடுமையாக பாதிக்கும். எனவே கருவைக் கலைக்க அனுமதிக்கவேண்டும்" என்று கேட்டுக்கொண்டிருந்தார். இம்மனு நீதிபதி உஜ்ஜால் புவன் மற்றும் மாதவ் ஆகியோர் அடங்கிய டிவிஷன் பெஞ்ச் முன்பு விசாரணைக்கு வந்தது. அப்பெண்ணை சோதித்து அறிக்கை தாக்கல் செய்ய நீதிபதிகள் டாக்டர்களுக்கு உத்தரவிட்டு இருந்தனர். அக்குழு அப்பெண்ணை சோதித்துவிட்டு தாக்கல் செய்திருந்த அறிக்கையில், வயிற்றில் உள்ள கரு ஆரோக்கியமாக இருப்பதாகவும், குடும்ப வன்முறை காரணமாக சம்பந்தப்பட்ட பெண் மனரீதியாக பாதிக்கப்பட்டுள்ளார் என்றும், மனநிலை பாதிக்கப்பட்டவராக இல்லை என்றும், கவுன்சலிங் கொடுத்து சரி செய்ய முடியும் என்றும் தெரிவித்திருந்தனர். அரசு வழக்கறிஞர், அப்பெண்ணின் கருவைக் கலைக்க எதிர்ப்புத் தெரிவித்திருந்தார். இதையடுத்து நீதிபதிகள், ``மருத்துவக் கருக்கலைப்புச் சட்டம், கருவால் கர்ப்பிணியின் உயிருக்கு ஆபத்தை ஏற்படுத்தும் அச்சுறுத்தல் இருந்தாலோ, உடல் ரீதியாக அல்லது மன ரீதியாக கடுமையான காயத்தை ஏற்படுத்துவதாக இருந்தாலோ அக்கருவைக் கலைக்க அனுமதிக்கிறது. மனுதாரரான கர்ப்பிணியின் முன் இருக்கும் முக்கியப் பிரச்னை, எதிர்கால பொருளாதார நிலை மற்றும் சமூக பிரச்னைகள். அவற்றை கவனத்தில் கொள்ள வேண்டியிருக்கிறது. கருக்கலைப்பு Also Read: `ஆண் குழந்தைதான் வேண்டும்’ ; 8 முறை கட்டாயக் கருக்கலைப்பு!-கணவன்மீது ஓய்வுபெற்ற நீதிபதி மகள் புகார் மருத்துவக் கருக்கலைப்புச் சட்டம், மன அழுத்தம் தொடர்பாக தெளிவான விளக்கம் கொடுக்கவில்லை. இம்மனுவை தாக்கல் செய்துள்ள பெண் இக்குழந்தை பிறப்பதால் தனக்கு எந்த வித பொருளாதார உதவியும் கிடைக்காது என்றும், தனது கணவர் மூலம் உணர்வுபூர்வமான ஆதரவு கிடைக்காது என்றும் தெரிவித்துள்ளார். அப்படிப்பட்ட சூழ்நிலையில் இவை இரண்டும் கிடைக்காமல் குழந்தையை வளர்த்து ஆளாக்குவது தன்னால் முடியாது என்றும், தனக்கு எந்த விதமான வருமானமும் இல்லை என்றும் தெரிவித்துள்ளார். இப்படிப்பட்ட சூழ்நிலையில் கருவை கலைக்க அனுமதிக்கவில்லையெனில் அப்பெண் நீங்காத சுமைக்கு ஆளாவதுடன் கடுமையாக மனரீதியாகவும் பாதிக்கப்படுவார்'' என்று தெரிவித்த நீதிபதிகள் அப்பெண்ணின் கருவைக் கலைக்க அனுமதி வழங்கினர். குடும்ப வன்முறையால் பாதிக்கப்படும் பெண்கள் கருவைக் கலைக்க அனுமதிக்கலாம் என்று கோர்ட் தெரிவித்துள்ள இந்தத் தீர்ப்பு மிகவும் முக்கியத்துவம் வாய்ந்ததாகக் கருதப்படுகிறது. விகடன் தயாரிப்பில் வெளிவர இருக்கும் ஆதலினால் காதல் செய்வீர் தொடரின் Promo
http://dlvr.it/S5tGQc

Read More

மும்பை: 10-வது மாடியில் நடந்த கொள்ளை; பின்புறமாக ஏறிச் சென்ற `ஸ்பைடர்மேன்' திருடன்!

மும்பை கிராண்ட் ரோடு பகுதியில் வசிக்கும் பீகாரைச் சேர்ந்த தொழிலதிபர் கும்பர்வாடா என்பவர், கடந்த சில நாள்களுக்கு முன்பு தனது சொந்த ஊருக்குச் சென்றுவிட்டு திரும்பி வந்தபோது வீட்டின் பீரோவிலிருந்த ரூ.12 லட்சம் திருடப்பட்டிருந்தது. இது குறித்து தொழிலதிபர், போலீஸில் புகார் செய்தார். போலீஸார் வழக்கு பதிவு செய்து விசாரணை நடத்திவந்தனர். திருட்டு நடந்த வீடு கட்டடத்தின் 10-வது மாடியில் இருக்கிறது. அதோடு அந்தக் கட்டடத்தில் பராமரிப்புப் பணிகள் நடந்துவந்தன. இதற்காக 6-வது மாடி வரை கட்டடம் முழுவதும் கம்புகள் கட்டப்பட்டு இருந்ததை போலீஸார் கவனித்தனர். Follow @ Google News: கூகுள் செய்திகள் பக்கத்தில் விகடன் இணையதளத்தை இங்கே கிளிக் செய்து ஃபாலோ செய்யுங்கள்... செய்திகளை உடனுக்குடன் பெறுங்கள்.Robbery மேலும் கண்காணிப்பு கேமரா பதிவுகளை ஆய்வு செய்தபோது ஒரு வாரப் பதிவுகள் மட்டுமே அதில் இருந்தது தெரியவந்தது. இதனால் விசாரணையை வேறு வழிகளில் மாற்றினர். தொழிலதிபரின் உறவினர்களிடமும் விசாரணை மேற்கொள்ளப்பட்டது. கட்டடத்தில் பராமரிப்புப் பணிகள் தொடங்கப்படுவதற்கு முன்பு தொழிலதிபர் தன்னுடைய வீட்டில் சில பராமரிப்புப் பணிகளை மேற்கொண்டிருந்தார். அந்தப் பணிகளை முக்தார் அலி என்பவர் செய்திருக்கிறார். முக்தார் அலிக்குப் பணம் கொடுக்க தொழிலதிபர் தனது பீரோவைத் திறந்து, அதிலிருந்து பணக்கட்டுக்களை வெளியில் எடுத்து எண்ணிக் கொடுத்தார். அதை முக்தார் அலி நேரில் பார்த்திருந்தார். இது குறித்து தொழிலதிபர் போலீஸாரிடம் தெரிவித்தார். Also Read: திருவாரூர்: துப்பாக்கி முனையில் நடந்த வங்கிக் கொள்ளை! - கொள்ளையர்களுக்கு 10 ஆண்டுகள் சிறை உடனே முக்தர் அலி எங்கு இருக்கிறார் என்பதைக் கண்டுபிடித்து விசாரித்தபோது திருட்டில் ஈடுபட்டதை அவர் ஒப்புக்கொண்டார். அவர் கட்டடத்தின் பின்புறம் வழியாக 10-வது மாடிக்கு ஏறிச் சென்று, பாத்ரூம் ஜன்னல் வழியாக உள்ளே சென்று, வீட்டுக்குள் இறங்கி பீரோவிலிருந்த நகை, பணம் என 12 லட்சம் மதிப்பிலான பொருள்களை எடுத்துக்கொண்டு வீட்டின் கதவைத் திறந்து தப்பி சென்றது விசாரணையில் தெரியவந்தது. ரூ.7 லட்சம் மதிப்பிலான பொருள்கள் மட்டும் முக்தரிடமிருந்து பறிமுதல் செய்யப்பட்டிருப்பதாக போலீஸார் தெரிவித்தனர்.
http://dlvr.it/S5sjjg

Read More