`வீட்டிலிருந்தே அமேஸானில் வேலை!’ - மோசடிக் கும்பலிடம் ரூ.2.33 லட்சம் பணத்தை இழந்த பெண்

கொரோனா பொதுமுடக்கத்தால் வீட்டிலிருந்து வேலை செய்வது அதிகரித்திருக்கிறது. வேலையை இழந்த லட்சக்கணக்கானோர் வீட்டிலிருந்து செய்யக்கூடிய வேலை எதாவது கிடைக்குமா என்று தேடிக்கொண்டிருக்கின்றனர். அப்படிப்பட்டவர்களை ஆன்லைன் மோசடிக் கும்பல் குறிவைத்து, அவர்களிடம் தங்களது கைவரிசையைக் காட்டிவருகிறது. அந்தவகையில் மும்பை போரிவலி பகுதியைச் சேர்ந்த 37 வயது குடும்பப் பெண் சகுந்தலாவின் மொபைல்போனுக்கு ஒரு எஸ்.எம்.எஸ் வந்தது. அதில் வீட்டிலிருந்தே அமேஸானில் வேலை செய்யலாம் என்று குறிப்பிடப்பட்டிருந்தது. ஆன்லைன் மோசடி உடனே அதில் குறிப்பிட்டிருந்த போன் நம்பருக்கு போன் செய்து, தான் அமேஸானில் வேலை செய்ய விரும்புவதாக சகுந்தலா தெரிவித்தார். போனில் பேசிய நபர் அமேஸானில் அதிக பொருள்கள் வாங்க எங்களுக்கு உதவி செய்தால் அதற்கு கமிஷன் கிடைக்கும் என்று தெரிவித்தார். இதற்காக ஒரு குறிப்பிட்ட மொபைல் இ-வேலட்டுக்குப் பணம் அனுப்பிவைக்க வேண்டும் என்று அந்த நபர் தெரிவித்தார். உடனே அந்தப் பெண் அந்த நபர் தெரிவித்த இ-வேலட்டுக்கு முதல் கட்டமாக ரூ.5,000 அனுப்பிவைத்தார். உடனே அந்த பணத்துக்கு ரூ.200 கமிஷனையும், அவர் அனுப்பிய ரூ.5,000-யும் அந்தப் பெண்ணின் வங்கிக் கணக்குக்கு போனில் பேசிய நபர் அனுப்பிவைத்தார். அதன் பிறகு தனது சீனியர் மேற்கொண்டு டெலகிராம் மூலம் தொடர்புகொள்வார் என்று தெரிவித்தார். அவர் சொன்னபடி வேறு ஒரு நபர் டெலிகிராம் மூலம் அந்தப் பெண்ணைத் தொடர்புகொண்டு பேசினார். பல்வேறு புதிய இ-வேலட்களில் பணத்தை முதலீடு செய்யும்படி கேட்டுக்கொண்டார். Also Read: ₹720 கோடி பண மோசடி; கார்வி நிறுவனத்தின் சேர்மன் பார்த்தசாரதி கைது; என்ன நடந்தது? ரூ.4.04 லட்சம் கிடைக்கும் என்ற ஆசையில் 2.33 லட்சத்தை அவர்கள் சொன்ன இ-வேலட் மூலம் அந்தப் பெண் அனுப்பிவைத்தார். ஆனால் சொன்னபடி ரூ.4.04 லட்சம் பணம் கிடைக்கவில்லை. இதனால் அந்தப் பெண், மோசடி நபரைத் தொடர்புகொண்டு பேசினார். அப்போது வருமான வரியாக ரூ.80,700 செலுத்தும்படி அந்த நபர் தெரிவித்திருக்கிறார். அதனால் அந்தப் பெண் தனது பணத்தை திருப்பிக் கொடுக்கும்படி கேட்டுக்கொண்டார். ஆனால் பணத்தைத் திருப்பிக் கொடுக்க மறுத்த அந்த நபர் வருமான வரியைச் செலுத்தும்படி கேட்டுக்கொண்டார். இதனால் தான் ஏமாற்றப்படுகிறோம் என்பதை உணர்ந்த அந்தப் பெண் இது குறித்து போலீஸில் புகார்செய்திருக்கிறார். போலீஸார் வழக்கு பதிவு செய்து இது தொடர்பாக தீவிர விசாரணை மேற்கொண்டுவருகிறார்கள்.
http://dlvr.it/S6HggM

Read More

கட்சிப் பொறுப்பை ராஜினாமா செய்கிறேன் - கே.டி.ராகவன் அறிவிப்பு

தமிழக பாஜகவின் மாநில பொதுச்செயலாளர்களில் ஒருவரான கே.டி.ராகவன், தனது கட்சிப் பொறுப்பை ராஜினாமா செய்வதாக அறிவித்துள்ளார்.   தமிழக பாஜகவின் மாநில பொதுச்செயலாளரும், வழக்கறிஞருமான கே.டி.ராகவன் தொடர்பான வீடியோ ஒன்று சமூக வலைத்தளங்களில் பரவி வருகிறது. இந்த நிலையில் தனது கட்சிப் பொறுப்பை ராஜினாமா செய்வதாக கே.டி.ராகவன் அறிவித்திருப்பது பரபரப்பை ஏற்படுத்தியுள்ளது.   இதுதொடர்பாக கே.டி.ராகவன் தனது சமூக வலைத்தளப் பக்கங்களில் வெளியிட்ட பதிவில், ''தமிழக மக்களுக்கும் கட்சியினருக்கும் நான் யாரென்று தெரியும். என்னை சார்ந்தவர்களுக்கும் நான் யார் என்று தெரியும். நான் 30 வருடமாக எந்த ஒரு பிரதிபலனும் இன்றி பணியாற்றி வருகிறேன். இன்று காலை சமூக வலைத்தளங்களில் என்னை பற்றி ஒரு வீடியோ வெளிவந்ததை அறிந்தேன். என்னையும் என் கட்சியையும் களங்கபடுத்த இந்த வீடியோ வெளியிடப்பட்டுள்ளது.   இன்று மரியாதைக்குரிய மாநிலத் தலைவர் திரு.அண்ணாமலை அவர்களை சந்தித்து ஆலோசனை செய்தேன். நான் என்னுடைய கட்சிப் பொறுப்பை ராஜினாமா செய்கிறேன். குற்றச்சாட்டுகளை மறுக்கிறேன். சட்டப்படி சந்திப்பேன். தர்மம் வெல்லும்'' என அவர் பதிவிட்டுள்ளார்.
http://dlvr.it/S6Ggy9

Read More

11 ஆம் ஆண்டில் புதிய தலைமுறை: தலைவர்கள் வாழ்த்து

உண்மை உடனுக்குடன் என்ற தாரக மந்திரத்துடன் நடுநிலை பிறழாது செய்திகளை வழங்கி வரும் புதிய தலைமுறை தொலைக்காட்சி மக்கள் சேவையில் இன்று 11ஆம் ஆண்டில் அடியெடுத்து வைத்துள்ளது. பிறந்த நாள் காணும் புதிய தலைமுறைக்கு தமிழக ஆளுநர் பன்வாரிலால் புரோஹித், முதலமைச்சர் மு.க. ஸ்டாலின், பல மாநில முதலமைச்சர்கள், அரசியல் கட்சித் தலைவர்கள், திரையுலகினர், விளையாட்டுத்துறையினர் என பல்வேறு தரப்பினரும் வாழ்த்து கூறியுள்ளனர்.   புதிய தலைமுறை 11ஆம் ஆண்டில் அடியெடுத்து வைப்பதையொட்டி வாழ்த்து தெரிவித்துள்ள தமிழக ஆளுநர் பன்வாரிலால் புரோஹித், உண்மையை எந்த அச்சமும் சார்பும் இன்றி சொல்லும் புதிய தலைமுறை மக்களின் இதயங்களில் சிறப்பான இடத்தை பிடித்துள்ளதாக பாராட்டி உள்ளார்.   வரவேற்பை பெற்றுள்ள புதிய தலைமுறை மக்களின் குரலாக என்றும் ஒலித்திட வாழ்த்துவதாக முதலமைச்சர் மு.க. ஸ்டாலின் தெரிவித்துள்ளார். மக்களுக்கான சேவை வழங்குவதில் 11ஆம் ஆண்டில் அடியெடுத்து வைத்துள்ள புதிய தலைமுறை தொலைக்காட்சிக்கு மகிழ்ச்சியும் பாராட்டும் தெரிவிப்பதாக எதிர்க்கட்சித் தலைவர் எடப்பாடி பழனிசாமி கூறியுள்ளார்.   அரசியல், சமூக சூழலை எடுத்து கூறுவதில் புதிய தலைமுறை மிகமுக்கிய பங்கு பெற்றுள்ளதாக தெலங்கனா ஆளுநர் தமிழிசை சவுந்தரராஜனும், தமிழ்-க்கு முக்கியத்துவம் அளிக்கக்கூடிய தொலைக்காட்சியாக புதிய தலைமுறை விளங்குகிறது என மணிப்பூர் ஆளுநராக நியமிக்கப்பட்டுள்ள இல.கணேசனும் வாழ்த்து கூறியுள்ளனர். மக்களுக்கு பயனுள்ள செய்திகள், நிகழ்ச்சிகளை வழங்கிவரும் புதிய தலைமுறை சேவை தொடர வாழ்த்துவதாக புதுச்சேரி முதலமைச்சர் ரெங்கசாமியும், ஊடக அறம் தவறாமல் நிகழ்வுகளை பொறுப்புடன் அளித்துவரும் புதிய தலைமுறை தொடர்ந்து வெற்றிப்பாதையில் பயணிக்க வாழ்த்துவதாக ஒடிசா மாநில முதலமைச்சர் நவீன் பட்நாயக்கும் வாழ்த்து தெரிவித்துள்ளனர்.   மத்திய இணை அமைச்சர் எல்.முருகன் வாழ்த்து செய்தியில், செய்திகளை மக்களிடம் கொண்டு சேர்ப்பதில் தலைசிறந்த செய்தி நிறுவனமாக புதிய தலைமுறை விளங்குவதாக குறிப்பிட்டுள்ளார். ஒரு சார்பு இல்லாமல் நடுநிலையோடு அனைத்து தரப்பு செய்திகளையும் மக்களுக்கு புதிய தலைமுறை அளித்து வருவதாக முன்னாள் மத்திய நிதியமைச்சர் ப.சிதம்பரம் வாழ்த்து கூறியுள்ளார்.   எல்லோருக்கும் சமவாய்ப்பு என்கிற அரசமைப்பு சட்டத்தின் முக்கிய குறிக்கோள்களை நிலை நிறுத்துவதற்கு ஊடகத்துறையின் பங்களிப்பு இன்றியமையாதது என்ற பொறுப்புணர்வோடு புதிய தலைமுறை பயணிக்க விழைகிறேன் என சென்னை உயர்நீதிமன்ற நீதிபதி சுரேஷ்குமார் வாழ்த்து செய்தி அளித்துள்ளார்.   திரைத்துறை, விளையாட்டுத்துறை என பல்துறையை சேர்ந்தவர்களும் புதிய தலைமுறைக்கு தங்கள் வாழ்த்துக்களை தெரிவித்துள்ளனர்.
http://dlvr.it/S6Dczp

Read More

`நடிகர் சோனு சூட் - ஐ மும்பை மேயர் பதவிக்கு நிறுத்தவேண்டும்' -மும்பை காங்கிரஸுக்கு கோரிக்கை!

மும்பை மாநகராட்சிக்கு அடுத்த ஆண்டு தொடக்கத்தில் தேர்தல் நடக்க இருக்கிறது. இத்தேர்தலில் தனித்துப் போட்டியிடுவோம் என மகாராஷ்டிர மாநில காங்கிரஸ் தலைவர் நானா பட்டோலே தெரிவித்தார். இது தொடர்பாக சிவசேனாவுக்கும், நானா பட்டோலேயிக்கும் இடையே கருமையான வார்த்தைப் போர் ஏற்பட்டது. தற்போது அடுத்த கட்டமாக காங்கிரஸ் தலைவர்கள் மாநகராட்சி தேர்தலைச் சந்திக்க இப்போதே தயாராகிவிட்டனர். இத்தேர்தலுக்காக கட்சி தலைமை உயர்மட்டக் கமிட்டி ஒன்றை அமைத்திருக்கிறது. இக்கமிட்டி தேர்தலை எவ்வாறு எதிர்கொள்ளலாம் என்பது குறித்து ஒவ்வொருவரிடமும் கருத்து கேட்டிருந்தது. Also Read: மகாராஷ்டிரா: வெள்ளத்தால் பாதித்த மக்கள்; ஒரு லட்சம் லிட்டர் பால் பாக்கெட் அனுப்பும் சோனு சூட்!கணேஷ் குமார் இதில் ஒவ்வொருவரும் ஒவ்வொரு கருத்தை அனுப்பியிருந்தனர். மும்பை காங்கிரஸ் செயலாளராக இருக்கும் கணேஷ் குமார் யாதவ் கட்சியின் தேர்தல் கமிட்டிக்கு அனுப்பி இருக்கும் பரிந்துரை சற்று வினோதமாக இருக்கிறது. அந்த அறிக்கை எப்டியோ வெளியில் கசிந்துவிட்டது. அதில் மும்பை மாநகராட்சி தேர்தலை எதிர்கொள்ள மேயர் பதவிக்கு நடிகர் சோனுசூட், ரிதேஷ் தேஷ்முக் அல்லது மிலிந்த் சோமனை நிறுத்தலாம் என்று தெரிவித்துள்ளார். இளைஞர்களைக் கவரவேண்டுமானால் இவர்களை மேயர் பதவிக்கு முன்னிறுத்தவேண்டும் என்று தெரிவித்துள்ளார். அவர் கட்சியின் தேர்தல் கமிட்டிக்கு அனுப்பிய அறிக்கை எப்படி வெளியானது என்று தெரியவில்லை என கட்சி நிர்வாகிகள் தெரிவித்தனர். இதுகுறித்து தமிழரான கணேஷ் குமாரிடம் கேட்டதற்கு கருத்து தெரிவிக்க மறுத்துவிட்டார். தேர்தல் கமிட்டியில் மாநில தலைவர் நானா பட்டோலே, முன்னாள் முதல்வர் அசோக் சவான், பிருத்வி ராஜ்சவான், பாய் ஜக்தாப் போன்றோரும் உறுப்பினர்களாக இருக்கின்றனர். இதற்கு முன்பு நடிகை ஊர்மிளாவை காங்கிரஸ் கட்சி மக்களவை தேர்தலில் களம் இறக்கியது. ஆனால் அதில் ஊர்மிளா தோல்வியைத் தழுவினார். இப்போது அவர் சிவசேனாவிற்கு சென்றுவிட்டார்.
http://dlvr.it/S6D3qz

Read More

ஆளில்லா சாலையில் நடந்துச் சென்ற புலிகள் - ஆனந்த் மஹிந்திரா பகிர்ந்த வீடியோ

இரவில் 2 புலிகள் நெடுஞ்சாலையில் நடந்து செல்லும் வீடியோ ஒன்றை வெளியிட்டுள்ளார் தொழிலதிபர் ஆனந்த் மஹிந்திரா.   ட்விட்டரில் எப்போதும் ஆக்டிவாக இருக்கும் தொழிலதிபர் ஆனந்த் மஹிந்திரா, அவ்வப்போது வைரலான வீடியோவை பதிவிடுவதை வழக்கமாக வைத்திருப்பவர். சமீபத்தில் அவர் பகிர்ந்த வீடியோ ஒன்று வெகுவாக பகிரப்பட்டு வருகிறது.   அந்த வீடியோவில் இரவு நேரத்தில் 2 புலிகள் நெடுஞ்சாலையில் நடந்து செல்கின்றன. இக்காட்சி மகாராஷ்டிராவில் உள்ள மகாபலேஷ்வர் சாலையில் கடந்த 19-ம் தேதி அன்று எடுக்கப்பட்டதாக வீடியோவில் குறிப்பிடப்பட்டுள்ளது. "எங்கள் XUV கார்கள் மட்டும் நெடுஞ்சாலையில் பெரும் பூனை அல்ல. அற்புதம்” என ஆனந்த் மஹிந்திரா அந்த விடியோ பதிவில் குறிப்பிட்டுள்ளார். So our XUV isn’t the only big cat on the highway… Magnificent. pic.twitter.com/9A2ayRPXjL — anand mahindra (@anandmahindra) August 22, 2021
http://dlvr.it/S6C7C3

Read More

மஞ்சள் காமாலையால் அவதியுற்ற தம்பி; தங்கள் கல்லீரலை தானமளித்து காப்பாற்றிய சகோதரிகள்!

No subheading
http://dlvr.it/S6973s

Read More

`முதலிரவு அறையில் மணப்பெண் வைத்த ரகசிய கேமரா’ -வீடியோ எடுத்து தொழிலதிபரை மிரள வைத்த மோசடி தம்பதி

கேரள மாநிலம் கொச்சி கடவந்தறா பகுதியைச் சேர்ந்தவர் அப்துல் ஸத்தார். பிசினஸ் செய்து வருகிறார். இவர் திருமணத்துக்காக பெண் தேடிக்கொண்டிருந்தார். இவருக்கு திருமண தரகர் மூலம் காசர்கோடு நாயன்மார்மூலை பகுதியைச் சேர்ந்த ஸாஜிதா(30) என்ற பெண் குறித்த தகவல் தெரியவந்துள்ளது. ஸாஜிதாவின் பெற்றோர் எனக் கூறிக்கொண்டு என்.ஏ.உம்மர்(41) அவரின் மனைவி பாத்திமா(35) ஆகியோர் அப்துல் ஸத்தரிடம் திருமணம் குறித்து பேசினர். தொடர்ந்து அவர்களுக்கு திருமணம் நடத்தி வைத்த நிச்சயிக்கப்பட்டது. கடந்த ஆகஸ்ட் மாதம் 2-ம் தேதி அப்துல் ஸத்தாருக்கும் ஸாஜிதாவுக்கும் திருமணம் நடந்தது. திருமணத்துக்கு பின்னர் இருவரையும் தங்க வைப்பதற்காக கொவ்வல்பள்ளியில் வாடகைக்கு அப்பார்ட்மென்ட் எடுத்தனர். அங்கு வைத்து அப்துல் ஸத்தாருக்கும் ஸாஜிதாவுக்கும் முதலிரவு நடந்துள்ளது.கைது செய்யப்பட்டவர்கள் அவர்களது முதலிரவு நடப்பதற்கு முன்பே அப்பார்ட்மென்டில் ரகசிய கேமரா பொருத்தியுள்ளனர். முதலிரவு நடந்தபின்னர் ரகசிய கேமராவில் இருந்து வீடியோவை காப்பி செய்துள்ளனர். அந்த வீடியோவை இக்பால் என்பவர் அப்துல் ஸத்தரிடம் காட்டி இதை நாங்கள் சமூக வலைத்தளங்களில் பரப்பிவிடுவோம் என மிரட்டி பணம் மற்றும் நகை ஆகியவற்றை கேட்டுள்ளனர். அவரும் முதலில் 3.75 லட்சம் ரூபாய், ஏழரை பவுன் தங்க நகை ஆகியவற்றை கொடுத்திருக்கிறார். அவர்கள் பணம் மற்றும் நகை வேண்டும் என தொடர்ச்சியாக மிரட்டியதால் இதுகுறித்து அப்துல் ஸத்தார் காஞ்ஞங்காடு காவல் நிலையத்தில் புகார் அளித்துள்ளார். போலீஸார் விசாரணை நடத்தியதில் இந்த திருமணமே போலி திருமணம் என தெரியவந்தது. இதையடுத்து அப்துல் ஸத்தாரை திருமணம் செய்த ஸாஜிதா, அவரது பெற்றோர் எனக்கூறிய என்.ஏ.உம்மர், பாத்திமா, வீடியோவை காட்டி மிரட்டிய இக்பால் ஆகியோரை போலீஸார் கைது செய்தனர்.ஸாஜிதா இதுகுறித்து போலீஸார் கூறுகையில், "என்.ஏ.உம்மர் பாத்திமா ஆகியோர் கணவன் மனைவிதான். ஆனால் அவர்கள் ஸாஜிதாவின் பெற்றோர் அல்ல. என்.ஏ.உம்மர் உள்ளிட்டோர் ஸாஜிதாவை போலியாக திருமணம் செய்து வைத்து அவர்களின் முதலிரவு நடக்கும் அறையிலும் ரகசிய கேமரா பொருத்தியுள்ளனர். பின்னர் அந்த வீடியோவைக் காட்டி அப்துல் ஸத்தாரை மிரட்டியுள்ளனர். ஸாஜிதா இதுபோன்று ஏற்கனவே கண்ணூர், காசர்கோடு மாவட்டங்களில் திருமண மோசடியில் ஈடுபட்டுள்ளதாக வழக்கு உள்ளது" என்றனர். Also Read: `10 பெண்களுடன் திருமணம்; ரூ.40 லட்சம் சீட்டிங்!'- போலி போலீஸ் எஸ்.ஐ சிக்கிய பின்னணி
http://dlvr.it/S68Zxg

Read More