பப்ஜி கேம்; வங்கிக்கணக்கில் இருந்து ரூ.10 லட்சம் மாயம்! - பெற்றோரை அதிர வைத்த சிறுவன்

பப்ஜி ஆன்லைன் கேம் தடை செய்யப்பட்டு இருந்தாலும் அதனை சட்டவிரோதமாக ஏராளமானோர் விளையாடிக்கொண்டுதான் இருக்கின்றனர். இந்த விளையாட்டு இளைய சமுதாயத்தின் தூக்கத்தையே கெடுத்துக்கொண்டிருக்கிறது. மும்பையை சேர்ந்த 16 வயது சிறுவன் தனது வீட்டுக்குத் தெரியாமல் பப்ஜி கேம் விளையாடி இருக்கிறான். இந்த கேம் விளையாட தேவையான ஐடி மற்றும் கரன்சி வாங்க தனது தாயாரின் வங்கிக்கணக்கில் உள்ள பணத்தை பயன்படுத்தி இருக்கிறான். மும்பை அந்தேரி பகுதியை சேர்ந்த அந்த சிறுவன் இப்போது பள்ளிகள் அடைக்கப்பட்டு இருப்பதால் பெரும்பாலும் மொபைல் போனிலேயே மூழ்கிக்கிடந்தான். பெற்றோரும் அவனை சரியாக கவனிக்கவில்லை. சிறுவன் எப்போதும் பப்ஜி விளையாடிக்கொண்டிருக்கிறான். பப்ஜி விளையாட்டு ஒரு கட்டத்தில் அவனது தாயார் தனது வங்கிக்கணக்கை பார்த்தபோது 10 லட்சம் ரூபாய் மாயமாகி இருந்தது. உடனே என்னவென்று விசாரித்த போதுதான் அவர்களின் மகன் வீட்டிற்கு தெரியாமலேயே பப்ஜி விளையாட்டில் ரூ.10 லட்சத்தை இழந்திருப்பது தெரிய வந்தது. உடனே சிறுவனை அவனது தந்தை கண்டித்தார். இதனால் கோபமடைந்த அச்சிறுவன் 'இனி வீட்டுக்கு வரமாட்டேன் குட்பை' என்று கடிதம் மட்டும் எழுதி வைத்துவிட்டு வீட்டை விட்டு ஓடிவிட்டான். கடிதத்தை பார்த்த அவனது பெற்றோர் இது குறித்து உடனே போலீஸில் புகார் செய்தனர். Also Read: நாமக்கல்: பப்ஜி கேம் விளையாடிய மாணவர்! - பெற்றோர் கண்டித்ததால் விபரீத முடிவெடுத்த பரிதாபம் 16 வயது சிறுவன் என்பதால் போலீஸார் கடத்தல் வழக்கு பதிவு செய்து விசாரணையை தீவிரப்படுத்தினர். குற்றப்பிரிவு இன்ஸ்பெக்டர் மகேஷ்குமார் தலைமையிலான குழு சிறுவனை தேடும் பணியில் ஈடுபடுத்தப்பட்டது. சிறுவனிடம் மொபைல் போன் இருந்ததால் அவன் எங்கு இருக்கிறான் என்பதை போலீஸார் கண்டுபிடித்து 24 மணி நேரத்தில் மீட்டனர். அந்தேரி மகாகாளி கேவ்ஸ் பகுதியில் இருந்து மீட்கப்பட்ட சிறுவனுக்கு போலீஸார் கவுன்சிலிங் கொடுத்து பெற்றோருடன் அனுப்பி வைத்தனர். இது குறித்து துணை கமிஷனர் தத்தா நலவாடே கூறுகையில், ``அதிகப்படியான கேள்விகள் கேட்டு சிறுவனை மன அழுத்தத்திற்கு ஆளாக்க வேண்டாம் என்று பெற்றோரிடம் கேட்டுக்கொண்டுள்ளேன்” என்றார். மற்றொரு போலீஸ் அதிகாரி இது குறித்து கூறுகையில், ``அதிக அளவில் ஆன்லைன் மோசடிகள் நடப்பதால் குழந்தைகளின் நடவடிக்கையில் பெற்றோர்கள் கவனமாக இருக்கவேண்டும்” என்றார்.
http://dlvr.it/S6Tl6B

Read More

"ஹீரோவானதை முதலில் யாரிடமும் சொல்லவில்லை" - நடிகர் சூரி ஓபன் டாக்

தமிழ் திரையுலகில் நகைச்சுவை கதாப்பாத்திரம் மட்டுமல்லாமல் குணச்சித்திர கதாப்பாத்திரத்துக்கும் பெயர் பெற்றவர் 'பரோட்டா' சூரி. இப்போது வெற்றிமாறன் இயக்கத்தில் உருவாகி வரும் "விடுதலை" திரைப்படத்தில் கதையின் நாயகனாக நடித்து வருகிறார். திரைத்துறையில் கடுமையான போராட்டங்களுக்கு பிறகு தனக்கென்று ஓர் இடத்தை பிடித்திருக்கும் சூரி இன்று தன்னுடைய பிறந்தநாளை கொண்டாடி வருகிறார். இந்நிலையில் சூரி பிட்டாக இருக்கும் லேட்டஸ்ட் புகைப்படங்களும் இன்று வைரலாகி வருகிறது. "டைம்ஸ் ஆஃப் இந்தியாவுக்கு" அளித்துள்ள பேட்டியில் பல்வேறு சுவாரஸ்யமான தகவல்களை அவர் பகிர்ந்துள்ளார். கேள்வி: விடுதலை திரைப்படத்தில் வாய்ப்பு எப்படி கிடைத்தது ? பதில்: "சரியாக இரண்டரை ஆண்டுகளுக்கு முன்பாக வெற்றிமாறனிடம் இருந்து எனக்கு அழைப்பு வந்தது. அப்போது அவர் என்னுடைய அடுத்தப் படத்தில் உன்னை கதாநாயகனாக ஆக்க இருக்கிறேன் என்றார். என்னை கதாநாயகனாக நடிக்க வைக்க பல்வேறு முயற்சிகள் கடந்த 5 ஆண்டுகளாகவே நடந்து வந்தது. பலரும் என்னை அணுகினார்கள். ஆனால் நான் அவற்றையெல்லாம் தேர்ந்தெடுக்கவில்லை. ஹீரோவாக நடிப்பது பெரிதல்ல. ஆனால் சரியான கதையாக இருக்க வேண்டும் என விரும்பினேன். வெற்றிமாறனிடமிருந்து அழைப்பு வந்த பின்பு எனக்கு வேறு யோசனையே இல்லை. உடனடியாக சம்மதித்துவிட்டேன். கேள்வி: வெற்றிமாறன் நீங்கள் தான் ஹீரோ என சொன்னதும் எப்படி உணர்ந்தீர்கள்? பதில்: வெற்றிமாறனை நேரில் சந்திக்கும் முன்பு அவர் படத்தில் பெரிய கதாப்பாத்திரம் இருக்கும் என நினைத்தேன். ஆனால் நீங்கள்தான் ஹீரோ என சொன்னதும், உடனடியாக சம்மதித்துவிட்டு, இதற்காக நான் என்ன செய்ய வேண்டும் என வெற்றிமாறனிடம் கேட்டேன். இந்தச் சந்திப்பு நிகழ்ந்த 2 ஆண்டுகள் இது குறித்து நான் யாரிடமும் வாய் திறக்கவில்லை. ஆனால் அசுரன் திரைப்பட வெற்றிக்கு பின்பு அடுத்தடுத்து எல்லாம் நல்லவையாக நடந்தது. நீங்கள்தான் ஹீரோ என்ற பின்பு அட்வான்ஸ் வழங்கப்பட்டது. திக்குமுக்காடிப் போனேன். முதலில் இந்த விஷயத்தை என் மனைவியிடமும், பின்பு என் தம்பி சிவகார்த்திகேயனிடமும் கூறினேன். இந்த வாய்ப்பை நழுவவிடாதீர்கள் எனக் கூறினார் அவர். கேள்வி: இந்த திரைப்படத்துக்காக எப்படி தயாரானீர்கள்? பதில்: இத்திரைப்படத்துக்கான கதையை எனக்காகவே உருவாக்கியிருப்பதாக வெற்றிமாறன் கூறினார். கொரோனா பெருந்தொற்று காலத்தில் மேலும் 2 கதைகளையும் தயார் செய்தார். என்னை பிட்டாக இருக்கும்படி வெற்றிமாறன் அறிவுறுத்தினார். அதன்பின்புதான் நான் சிக்ஸ்பேக் போன்றவற்றை வைத்தேன். என்னை நான் பிட்டாக இருக்க தயார்படுத்திக்கொண்டேன். இந்தத் திரைப்படத்துக்கு என்னைப் போன்ற எளிமையான தோற்றம், அப்பாவியான முகம் தேவைப்பட்டதால்தான் வெற்றிமாறன் என்னை தேர்வு செய்திருப்பார் என நினைக்கிறேன். படப்பிடிப்பின்போது "சூரி எதையும் எக்ஸ்ட்ராவாக நடித்துவிட வேண்டாம், நான் சொல்வதை மட்டும் செய்யுங்கள்" என்பார் வெற்றிமாறன். கேள்வி: அண்ணாத்தே திரைப்படத்தில் ரஜினியுடன் நடிப்பது பற்றி? பதில்: நான் வெறித்தனமான தலைவர் ரசிகன். அவர் ரொம்பவும் எளிமையானவர். காமெடி காட்சிகளில் நடிக்கும்போது தலைவரின் எனர்ஜியே வேறு. ஒரு ஷெட்யூலை முடித்துக் கொண்டு ஹைதராபாத்தில் இருந்து சென்னைக்கு திரும்பினோம். அப்பொழுது விமானத்தில் ரஜினி சாருக்கு பக்கத்து இருக்கையை எனக்கு புக் செய்திருப்பதாக அவரின் உதவியாளர் கூறினார். தலைவருக்கு பர்சனல் ஸ்பேஸ் தேவைப்படும், ஏன் இப்படி செய்தீர்கள் என்று கேட்டேன். அதற்கு அவரோ, ரஜினி சார் தான் அப்படி புக் செய்யுமாறு கூறினார் என்றார். விமானத்தில் பயணம் செய்தபோது, என்னுடன் சேர்ந்து நடிப்பதில் உங்களுக்கு சவுகரியமாக இருக்கிறதா என்று என்னிடம் சார் கேட்டார். அது தான் சூப்பர் ஸ்டார். ஒரு பெரிய சூப்பர் ஸ்டாராக இருந்தாலும் தன்னுடன் சேர்ந்து நடிப்பது சவுகரியமாக இருக்கிறதா என்று கேட்பதற்கெல்லாம் பெரிய மனசு வேண்டும். அந்த மனசு தான் சார் கடவுள். 
http://dlvr.it/S6RYwG

Read More

விகடன் செய்தி : மேக்கேதாட்டூ விவகாரம்; உச்சநீதிமன்றத்தில் வழக்கு தொடர்ந்த தமிழக அரசு!

நேற்று (26.8.21) விகடன் இணையதளத்தில் `மேக்கேதாட்டூ அணை: காய் நகர்த்தும் கர்நாடகா; குறட்டை விட்டுக்கொண்டிருக்கிறதா தமிழக அரசு?’ என்ற தலைப்பில் செய்தி ஒன்றை வெளியிட்டிருந்தநிலையில் இன்று உச்ச நீதிமன்றத்தில் மேக்கேதாட்டூ அணை விவகாரம் தொடர்பாக தமிழக அரசு வழக்கு தொடுத்திருக்கிறது. மேக்கேதாட்டூ அணை விவகாரம் குறித்து கர்நாடகத்தின் புதிய முதல்வராகப் பதவியேற்றுள்ள பசவராஜ் பொம்மை, நேற்று முன்தினம் டெல்லியில் மத்திய நீர்வளத்துறை அமைச்சர் கஜேந்திர சிங் ஷெகாவத்தை சந்தித்துப் பேசியுள்ளார். இதுகுறித்துப் பேசிய அவர், ``காவிரி மேலாண்மை ஆணையத்தின் அடுத்த கூட்டத்தில், மேக்கேதாட்டூ அணைக்கான விரிவான திட்ட அறிக்கையை விவாதிப்பதாக மத்திய நீர்வளத்துறை அமைச்சர் ஷெகாவத் என்னிடம் உறுதியளித்தார்'’ என்று தெரிவித்திருந்தார்.கர்நாடக முதல்வர் பசவராஜ் பொம்மை நீர்வளத்துறை அமைச்சரை சந்தித்தபோது Also Read: மேக்கேதாட்டூ அணை: காய் நகர்த்தும் கர்நாடகா; குறட்டை விட்டுக்கொண்டிருக்கிறதா தமிழக அரசு? இதுசம்பந்தமாக மூத்த பொறியாளர் முனைவர் வீரப்பன், பாட்டாளி மக்கள் கட்சித் தலைவர் மருத்துவர் ராமதாஸ் வெளியிட்ட அறிக்கை ஆகியவற்றை அடிப்படையாகக் கொண்டு நேற்று விகடனில் செய்தி வெளியிடப்பட்டது. அதில், ``உச்ச நீதிமன்றம், காவிரி மேலாண்மை ஆணையம், மத்திய அரசு, அண்டை மாநிலங்கள் என்று பல அமைப்புகளைத் தாண்டி மேக்கேதாட்டூ அணையைக் கட்டியே தீருவேன் என்று கங்கணம் கட்டிக்கொண்டு இருக்கிறது கர்நாடகம். கர்நாடக அரசு தெரிந்தோ தெரியாமலோ ஓர் அரசியல் அழுத்தத்தை மத்திய அரசுக்குத் தொடர்ந்து கொடுத்துக்கொண்டிருக்கிறது. ஆனால், இதைத் தமிழக அரசு புரிந்துகொண்ட மாதிரி தெரியவில்லை. நீர்வளத்துறை அமைச்சர் துரைமுருகன், மத்தியில் உள்ள நீர்வளத்துறை அமைச்சரை சந்தித்து வந்ததோடு சரி. அதன் பிறகு, மேக்கேதாட்டூ அணை விவகாரம் தொடர்பாக எந்த நடவடிக்கையும் எடுக்கவில்லை. நீர்வளத்துறை அமைச்சர் துரைமுருகன் மேக்கேதாட்டூ விவகாரத்தை சீரியஸாக எடுத்துக்கொண்டது மாதிரி தெரியவில்லை. எனவே, தமிழக அரசு மேக்கேதாட்டூ விஷயத்தில் குறட்டை விட்டுக்கொண்டிருக்காமல், கர்நாடக அரசின் ஒவ்வொரு நடவடிக்கையையும் கண்காணித்து அதற்கேற்ப அரசியல், சட்ட நடவடிக்கைகளை எடுக்க வேண்டும்" என்று குறிப்பிட்டிருந்தோம்.உச்சநீதிமன்றம் இந்த செய்தி வெளியான பிறகு இன்று உச்ச நீதிமன்றத்தில் தமிழக அரசு வழக்கு தொடுத்திருக்கிறது. அதில், மேக்கேதாட்டூ அணையைக் கட்ட, மத்திய நீர்வள ஆணையத்திடம் கர்நாடக அரசு வழங்கிய விரிவான திட்ட அறிக்கையை ரத்து செய்ய உத்தரவிடக்கோரி தாக்கல் செய்துள்ளது.இந்த வழக்கில் நல்ல உத்தரவை உச்ச நீதிமன்றம் பிறப்பிக்கும் என்று எதிர்பார்க்கப்படுகிறது. இந்நிலையில் சட்டமன்றத்தில் இன்று மேக்கேதாட்டூ விவகாரம் குறித்து சட்டமன்ற உறுப்பினர்கள் செல்வபெருந்தகை, ஜி.கே.மணி, சிந்தனைச் செல்வன், ஜவாருஹில்லா, எம்.ஆர்.காந்தி, ஓ.பன்னீர்செல்வம் ஆகியோர் குரல் எழுப்பினர். நீர்வளத்துறை அமைச்சர் துரைமுருகன் Also Read: மேக்கேதாட்டூ அணை: `மத்திய அரசை நம்பி மட்டும் தமிழகம் இருந்துவிடக்கூடாது!' - எச்சரிக்கும் விவசாயிகள் இதற்கு பதிலளித்துப் பேசிய நீர்வளத்துறை அமைச்சர் துரைமுருகன், ``மேக்கேதாட்டூவில் அணை கட்டுவதை தடுத்து நிறுத்த முதல்வர் ஸ்டாலின் பிரதமரைச் சந்தித்து பேசியுள்ளார். கடிதமும் எழுதியுள்ளார். மேலும், அனைத்து கட்சிப் பிரதிநிதிகளும் நீர் வளத்துறை அமைச்சரை சந்தித்து வலியுறுத்தினோம். ஆனால், டெல்லியில் காவிரி மேலாண்மை ஆணையத்தில் மேகதாட்டூ விவகாரம் விவாதிக்கப்படும் என்று நீர்வளத்துறை சொன்னதாக வெளிவந்த தகவல் அதிர்ச்சி அளிக்ககூடியதாக உள்ளது. காவிரி மேலாண்மை ஆணையத்தில் இதை பற்றி பேச முகாந்திரம் கிடையாது. இந்த விவகாரம் தொடர்பாக உச்ச நீதிமன்றத்தில் வழக்கு நிலுவையில் இருக்கும்போது, காவிரி மேலாண்மை ஆணையத்தில் மேக்கேதாட்டூ விவகாரம் குறித்து பேச கூடாது என்ற முடிவில் உறுதியாகவுள்ளோம். கர்நாடக முதலமைச்சர் நீதி தவறமாட்டார் என்று நம்புகிறேன்” என்று பேசியுள்ளார்.
http://dlvr.it/S6QzzG

Read More

கொரோனா: `கேரள மக்களை பினராயி அரசு கொலை செய்கிறது!' - கொதித்த பாஜக தலைவர் சுரேந்திரன்

கேரள மாநிலத்தில் கொரோனா இரண்டாவது அலை தொடர்ந்து நீடித்து வருகிறது. கடந்த சில வாரங்களாக தினசரி இருபதாயிரம் புதிய கொரோனா பாதிப்புகள் ரிப்போர்ட் ஆகிவந்தது. இந்த நிலையில் நேற்று முன் தினம் 31,445 பேருக்கு புதிதாக கொரோனா தொற்று கண்டறியப்பட்டது. நேற்றைய நிலவரப்படி 30,007 பேருக்கு புதிதாக கொரோனா தொற்று பாதிப்பு ஏற்பட்டது. கேரளத்தில் மொத்தம் 1,81,209 பேர் கொரோனா பாதித்து சிகிச்சையில் உள்ளனர். புதிய கொரோனா பாதிப்பு இருபது ஆயிரம் என்ற நிலையில் இருந்து சராசரியாக முப்பதாயிரம் என்ற நிலையை அடைந்திருப்பது அதிர்ச்சியை ஏற்படுத்தியுள்ளது. அதுமட்டுமல்லாது முதல் அலையை விட இரண்டாவது அலையில் மரண எண்ணிக்கையும் அதிகரித்துள்ளது. நேற்றைய கணக்குப்படி இரண்டாம் அலையில் மரண எண்ணிக்கை 20,134 ஆகியுள்ளது.கொரோனா பரிசோதனை 2020 மார்ச் 28-ம் தேதி கேரளத்தில் முதல் கொரோனா மரணம் ஏற்பட்டது. முதல் அலையில் 2021 மார்ச் மாதம் இடையில் 4406 மரணம் ஏற்பட்டது. இரண்டாம் அலையில் கடந்த ஜூன் மாதம் மரண எண்ணிக்கை பத்தாயிரம் கடந்தது. இப்போது கொரோனா மரணம் இருபதாயிரத்தை கடந்துள்ளது. கேரளத்தில் இரண்டாம் அலை தொடர்ந்து நீடிப்பதும், பாதிப்பு மற்றும் மரண எண்ணிக்கை அதிகரித்து வருவதும் கவலையை ஏற்படுத்தி உள்ளது. இந்த நிலையில் முதல்வர் பினராயி விஜயன் கொரோனாவில் கேரளத்தில் நம்பர் ஒன் ஆக்கியுள்ளதாக அம்மாநில பா.ஜ.க தலைவர் கே.சுரேந்திரன் விமர்ச்சித்துள்ளார். இதுகுறித்து கே.சுரேந்திரன் கூறுகையில், "தேசம் போராடி கொரோனாவை தோல்வியடையச் செய்யும் நிலையில், கேரள மக்களை பினராயி அரசு கொலை செய்கிறது. கடந்த 25-ம் தேதி இந்தியாவில் ரிப்போர்ட் ஆன கொரோனா பாதிப்புகளில் 68 சதவீதம் கேரளத்தில் பதிவாகியுள்ளது. தேசிய விதிமுறைகளை கடைபிடிக்காததால் கேரளம் பேரழிவுக்கு தள்ளப்பட்டுள்ளது.கேரள பா.ஜ.க தலைவர் கே.சுரேந்திரன் கேரளத்தில் 31,445 கொரோனா பாஸிட்டிவ் ரிப்போர்ட் ஆன அன்று, கொரோனா பாதிப்பில் நாட்டில் இரண்டாம் இடத்தில் உள்ள மகாராஷ்டிராவில் வெறும் 5,031 பாஸிட்டிவ் கேஸ்கள் மட்டுமே ரிப்போர்ட் ஆனது. கேரளாவை விட எட்டு மடங்கு பெரிய மாநிலமான உத்தரபிரதேசத்தில் 19 பாஸிட்டிவ் கேஸ்கள் மட்டுமே ரிப்போர்ட் ஆகியுள்ளது. கொரோனாவுக்கு எதிரான போராட்டத்தில் கேரளம் நம்பர் ஒன் என கோடிகளை செலவுசெய்து விளம்பரம் செய்கிறது கேரள அரசு. ஆனால், பினராயி விஜயன் கொரோனாவில் கேரளத்தை நம்பர் ஒன் ஆக்கிவிட்டார்" என்றார். Also Read: Tamil News Today: `இந்தியாவில் ஒரே நாளில் 46,164 பேருக்கு பாதிப்பு; கேரளாவில் மட்டும் 31,455!’ - கொரோனா நிலவரம்
http://dlvr.it/S6Q2kr

Read More

மீரா மிதுன் மீண்டும் கைது - காவலில் எடுத்து விசாரிக்க போலீஸ் முயற்சி

மற்றொரு வழக்கில் மீரா மிதுன் மீண்டும் கைது செய்யப்பட்டுள்ள நிலையில், எழும்பூர் நீதிமன்றத்தில் ஆஜர்படுத்தப்பட்ட அவரை 2 நாள் காவலில் வைத்து விசாரிக்க போலீசார் அனுமதி கேட்டுள்ளனர். பட்டியலினத்தவர்கள் குறித்து தவறாக பேசியதாக துணை நடிகை மீராமிதுன் மீது வன்கொடுமை தடுப்புச்சட்டம் உட்பட 7 பிரிவுகளில் போலீசார் வழக்குப்பதிவு செய்தனர். ''தன்னை யாரும் கைது செய்ய முடியாது'' என அவர் பேசி போலீசாருக்கு தொடர்ந்து சவால் விடுத்து வந்தவரை, கேரளாவில் வைத்து போலீசார் கைது செய்தனர். அவரது நண்பர் சாம் அபிஷேக்கையும் போலீசார் கைது செய்தனர். இதனை தொடர்ந்து இருவரும் புழல் சிறையில் அடைக்கப்பட்டனர். இதையடுத்து, ''சினிமாவில் நடிக்க நிறைய கால் ஷீட் கொடுத்துள்ளேன். அதனால் எனக்கு ஜாமீன் வழங்க வேண்டும்" என்று மீரா மிதுன் கேட்டிருந்தார். ஆனால் நீதிமன்ற ஜாமீன் கொடுக்க மறுத்து விட்டது. இந்நிலையில் மீண்டும் மற்றொரு வழக்கில் அவர் கைது செய்யப்பட்டுள்ளார். மீரா மிதுன் தன்னைப் பற்றி சமூக வலைதளங்களில் அவதூறு கருத்துகள் கூறி வருவதாக ஜோ மைக்கல் பிரவீன் என்பவர் கொடுத்த புகாரின் பேரில் போலீசார் இந்த நடவடிக்கையை எடுத்துள்ளனர். அதன்படி, எழும்பூர் நீதிமன்றத்தில் மீரா மிதுன் ஆஜர்படுத்தப்பட்டார். ஜோ மைக்கல் பிரவீன் என்பவர் கொடுத்த புகாரின் பேரில் மீரா மிதுனிடம் 2 நாள் காவலில் வைத்து விசாரிக்க அனுமதி வழங்க வேண்டும் என்று நீதிமன்றத்தில் போலீசார் மனு அளித்தனர். இந்த மனு விரைவில் விசாரணைக்கு வரும் என்று கூறப்படுகிறது.
http://dlvr.it/S6MxtJ

Read More

மேக்கேதாட்டூ அணை: காய் நகர்த்தும் கர்நாடகா; குறட்டை விட்டுக் கொண்டிருக்கிறதா தமிழக அரசு?

காவிரியாற்றின் குறுக்கே மேக்கேதாட்டூ அணையை எப்படியாவது கட்டியே தீர வேண்டும் என்பதில் பிடிவாதம் காட்டி வருகிறது கர்நாடக அரசு. கர்நாடகத்தின் புதிய முதல்வராகப் பதவியேற்றுள்ள பசவராஜ் பொம்மை, 25.8.21 (நேற்று) டெல்லியில் மத்திய நீர்வளத்துறை அமைச்சர் கஜேந்திர சிங் ஷெகாவத்தை சந்தித்துப் பேசியுள்ளார். சந்தித்த பிறகு செய்தியாளர்களிடம் பேசிய கர்நாடக முதல்வர் பொம்மை, ``காவிரி மேலாண்மை ஆணையத்தின் அடுத்த கூட்டத்தில் விவாதத்திற்கான விஷயங்களில் மேக்கேதாட்டூ அணைக்கான விரிவான திட்ட அறிக்கையையும் சேர்ப்பதாக மத்திய நீர்வளத்துறை அமைச்சர் ஷெகாவத் என்னிடம் உறுதியளித்தார்" என்று தெரிவித்திருக்கிறார்.கர்நாடக முதல்வர் பசவராஜ் பொம்மை நீர்வளத்துறை அமைச்சரை சந்தித்தபோது இதுகுறித்து அறிக்கை வெளியிட்டிருக்கும் பாட்டாளி மக்கள் கட்சித் தலைவர் ராமதாஸ், ``தமிழ்நாட்டின் ஒப்புதல் இல்லாமல் மேக்கேதாட்டூ அணைக்கான விரிவான திட்ட அறிக்கையை காவிரி நீர் மேலாண்மை ஆணையத்தில் விவாதிப்பது சாத்தியமே இல்லை. தமிழகம் எதிர்த்துக் கொண்டிருக்கும் இந்தச் சூழலில், இத்தகைய வாக்குறுதியை மத்திய நீர்வளத்துறை அமைச்சர் அளித்திருப்பது தவறு; அதைத் தமிழகம் ஏற்றுக் கொள்ளாது. மேலாண்மை ஆணையத்தின் அடுத்த கூட்டத்திற்கான விவாதப் பொருளில் மேக்கேதாட்டூ அணைக்கான விரிவான திட்ட அறிக்கையை சேர்ப்பது நிச்சயமாக கர்நாடகத்துக்கு ஆதரவான செயலாகும். இத்தகைய ஒரு சார்பு நடவடிக்கைகளில் மத்திய அரசோ, மத்திய அமைச்சரோ ஒருபோதும் ஈடுபடக்கூடாது” என்று தெரிவித்துள்ளார். இதுசம்பந்தமாக மூத்த பொறியாளர் முனைவர் வீரப்பனிடம் பேசியபோது, ``உச்ச நீதிமன்றம், காவிரி மேலாண்மை ஆணையம், மத்திய அரசு, அண்டை மாநிலங்கள் என்று பல அமைப்புகளைத் தாண்டி மேக்கேதாட்டூ அணையைக் கட்டியே தீருவேன் என்று கங்கணம் கட்டிக் கொண்டு அலைகிறார் கர்நாடக முதல்வர். ஏற்கெனவே காவிரி மேலாண்மை ஆணைய கூட்டத்தில் மேக்கேதாட்டூ அணையை குறித்து விவாதிக்க மறுத்து வந்திருக்கிறது தமிழகம். இனியும் விவாதிக்காது என்றே எதிர்பார்க்கிறோம். கர்நாடக அரசு தெரிந்தோ தெரியாமலோ ஓர் அரசியல் அழுத்தத்தை மத்திய அரசுக்குத் தொடர்ந்து கொடுத்துக் கொண்டிருக்கிறது. ஆனால், இதை தமிழக அரசு புரிந்துகொண்டது மாதிரி தெரியவில்லை. நீர்வளத்துறை அமைச்சர் துரைமுருகன், மத்தியில் உள்ள நீர்வளத்துறை அமைச்சரை சந்தித்து வந்ததோடு சரி. அதன்பிறகு மேக்கேதாட்டூ அணை விவகாரம் தொடர்பாக எந்த நடவடிக்கையும் எடுக்கவில்லை.சட்டப்பேரவையில் துரைமுருகன் Also Read: மேக்கேதாட்டூ அணை: மத்திய அரசுக்கு அழுத்தம் கொடுக்கும் கர்நாடகம்... தடுத்து நிறுத்துமா தமிழகம்? காவிரித்தொழில்நுட்பக் குழு ஒன்று இருக்கிறது. இதன் கீழ் ஒரு குழுவை ஏற்படுத்தி, கர்நாடகம் மேக்கேதாட்டூவில் என்ன செய்து கொண்டிருக்கிறது, அணையைக் கட்டுவதற்கு எந்தவிதமான முயற்சிகளைக் கையாண்டு வருகிறது என்பதைக் கண்காணிக்க ஒரு குழுவை அமைக்க வேண்டாமா? பட்ஜெட்டில் மேக்கேதாட்டூ சம்பந்தமாக அறிவிப்பு வெளியாகும் என்று எதிர்பார்த்தோம். ஆனால், எந்த அறிவிப்பும் பட்ஜெட்டில் அறிவிக்கப்படவில்லை என்பது ஏமாற்றமளிக்கிறது. ஏற்கெனவே தமிழ்நாடு பன்மாநில நதிநீர் பங்கீட்டில் தமிழகத்தின் பங்கு முறையாக வந்து கொண்டிருக்கிறதா என்பதைக் கண்காணிக்க குழு ஒன்றை உருவாக்க வேண்டும் என்று பொதுப்பணித்துறையைக் கேட்டிருந்தோம். இதுசம்பந்தமாக ஒரு கடிதத்தையும் பொதுப்பணித்துறை செயலாளருக்கு அனுப்பியிருந்தோம். அது கண்டுகொள்ளப்பட்டதாகத் தெரியவில்லை.முனைவர் வீரப்பன் சில மாதங்களுக்கு முன்பு விவசாய சங்கத் தலைவர் பி.ஆர்.பாண்டியன் கர்நாடகத்தில் உள்ள மேக்கேதாட்டூக்கு சென்று அங்கு திட்டப் பணிகளுக்கான சாலைகள் போடப்படுகின்றன என்ற விவரத்தினைத் தெரிவித்தார். அதன்பிறகே கர்நாடகம் விரிவான திட்ட அறிக்கை தயார் செய்வதற்கான பணிகளில் ஈடுபட்டு வருகிறது என்பதை அறிய முடிந்தது. நீர்வளத்துறை அமைச்சர் துரைமுருகன் மேக்கேதாட்டூ விவகாரத்தை சீரியஸாக எடுத்துக் கொண்டது மாதிரி தெரியவில்லை. எனவே தமிழக அரசு மேக்கேதாட்டூ விஷயத்தில் குறட்டை விட்டுக் கொண்டிருக்காமல், கர்நாடக அரசின் ஒவ்வொரு நடவடிக்கையையும் கண்காணித்து அதற்கேற்ப அரசியல், சட்ட நடவடிக்கைகளை எடுக்க வேண்டும். கர்நாடகம் அணையைக் கட்டுவதற்கு எந்தவிதமான குறுக்கு வழியையும் கையாளும் என்பதை பழைய வரலாற்றிலிருந்து அறிகிறோம். எனவே தமிழக அரசு ஒரு குழு ஒன்றை உருவாக்கி மேக்கேதாட்டூ அணை விவகாரத்தைத் தொடர்ந்து கண்காணிப்பது அவசியம்” என்றார். அன்பான வாசகரே, விகடன் குறித்து உங்களுக்கு எந்தளவுக்குத் தெரியும்னு தெரிஞ்சுக்க சின்னதா ஒரு கேம் விளையாடலாமா? இந்த Quiz-ஐ attend பண்ணுங்க! https://www.vikatan.com/foundersday-web#
http://dlvr.it/S6MMFg

Read More

கேரளத்தில் தொடர்ந்து உயரும் கொரோனா பாதிப்பு! - வேண்டுகோள் விடுத்த சுகாதாரத்துறை அமைச்சர்

இந்தியாவில் பல்வேறு மாநிலங்களில் கொரோனா தொற்று பாதிப்பு கட்டுக்குள் இருந்தாலும், கேரளாவில் மட்டும் தொடர்ந்து அதிர்ச்சி அளிக்கும் வகையில் பாதிப்புகள் இருக்கிறது. கேரள மாநிலத்தில் கடந்த 20-ம் தேதி வரை தினசரி கொரோனா பாதிப்பு எண்ணிக்கை சராசரியாக இருபதாயிரம் என்ற அளவில் பதிவாகி ஆகிவந்தது. கடந்த 21-ம் தேதிக்கு பிறகு கொரோனா பாதிப்பு சற்று குறைந்தது. 21-ம் தேதி 17,106 பேருக்கும், 22-ம் தேதி 10,402 பேருக்கும், 23-ம் தேதி 13,383 பேருக்கும் புதிதாக கொரோனா பாதிப்பு கண்டறியப்பட்டதாக தெரிவிக்கப்பட்டது. எனவே கொரோனா பாதிப்பு குறைந்து வருவதாக கேரள மக்கள் சற்று ஆறுதல் அடைந்தனர். இந்த நிலையில் நேற்று முன் தினம், அதாவது 24.08.2021 அன்று, திடீரென கொரோனா பாதிப்பு எண்ணிக்கை மீண்டும் பழையபடி அதிகரித்தது. 24-ம் தேதி நிலவரப்படி 24,296 பேருக்கு புதிதாக கொரோனா பாதிப்பு ஏற்பட்டது. இதனால் கேரள மக்கள் அதிர்ச்சியடைந்தனர். இந்த நிலையில் மேலும் அதிர்ச்சி அளிக்கும் விதமாக நேற்றைய (25.08.2021) கொரோனா பாதிப்பு எண்ணிக்கை கடந்த சில மாதங்களை காட்டிலும் உச்சத்தை அடைந்துள்ளது. நேற்றைய நிலவரப்படி 31,445 பேருக்கு புதிதாக கொரோனா பாதிப்பு ஏற்பட்டுள்ளது. அதில் 123 பேர் சுகாதாரப் பணியாளர்கள். மொத்தம் 1,70,292 பேர் இப்போது கொரோனா பாதித்து சிகிச்சையில் உள்ளனர். நேற்று 20,271 பேர் கொரோனா பாதிப்பில் இருந்து குணமடைந்துள்ளனர்.கொரோனா டெஸ்ட் இதுவரை 36,92,628 பேர் கொரோனா பாதிப்பு ஏற்பட்டு பின்னர் குணமடைந்துள்ளனர். நேற்று ஒரே நாளில் 215 பேர் மரணமடைந்துள்ளனர். எனவே, கொரோனாவால் இறந்தவர்கள் எண்ணிக்கை 19,972 ஆக உயர்ந்துள்ளது. ஏற்கனவே கொரோனா டெஸ்ட் பாஸிட்டிவ் சதவீதம் 15.63 என்ற அளவில் இருந்த நிலையில், இப்போது டெஸ்ட் பாஸிட்டிவ் சதவீதம் 19.03 ஆக உயர்ந்துள்ளது. கேரள மாநிலம் முழுவதும் 4,70,860 பேர் தனிமைப்படுத்தப்பட்டுள்ளனர். கொரோனா புதிய பாதிப்புக்களின் எண்ணிக்கை கடுமையாக உயரும் நிலையில் பரிசோதனையை அதிகரிக்க கேரள சுகாதாரத்துறை அமைச்சர் வீணா ஜார்ஜ் உத்தரவிட்டுள்ளார். இதுகுறித்து சுகாதாரத்துறை அமைச்சர் வீணா ஜார்ஜ் கூறுகையில், "கொரோனா பாதிப்பு அதிகரித்து வருவதால் கூடுதல் நபர்களை பரிசோதிக்க உத்தரவிடப்பட்டுள்ளது. கொரோனா பாதித்தவர்களை விரைவில் கண்டுபிடித்து பரவலை குறைக்க தீவிர நடவடிக்கை எடுக்கப்பட்டு வருகிறது.கேரள சுகாதாரத்துறை அமைச்சர் வீணா ஜார்ஜ் தடுப்பூசி குறைவாக செலுத்தப்பட்டுள்ள மாவட்டங்களில் பரிசோதனை அதிகரிக்கப்படும். பரவல் அதிகமாக உள்ள இடங்களிலும் பதிசோதனை துரிதபடுத்தப்படும். அனைவரும் தாமாக பரிசோதனைக்கு முன்வரவேண்டும். பாதிப்பு ஆரம்பத்திலே கண்டறியப்பட்டால் உங்களையும், உங்கள் குடும்பத்தினரையும் பாதுகாக்க முடியும்" என்றார். கேரளாவில் ஓணம் பண்டிகைக்குப் பின்னர் கொரோனா பாதிப்பு எண்ணிக்கை உயர்ந்து வருவதாக அதிகாரிகள் கவலை தெரிவித்துள்ளனர். மக்கள் பண்டிகை, திருவிழா, வீட்டு விசேஷங்களில் கூடுதல் கவனத்துடன் இருக்க வேண்டும் எனவும் கேட்டுக்கொள்ளப்பட்டுள்ளது. Also Read: இரண்டாவது தவணையில் கொரோனா தடுப்பூசியை மாற்றிச் செலுத்தலாமா, பாதிப்பு ஏற்படுமா? | Doubt of Common Man
http://dlvr.it/S6LML6

Read More