மைசூரு கூட்டுப் பாலியல் வன்கொடுமை: கொடூரச் சம்பவமும் விசாரணை நிலையும் - ஒரு பார்வை

கர்நாடக மாநிலம் மைசூரில் உள்ள சாமுண்டி மலைப்பகுதியில், கடந்த 24-ம் தேதி கல்லூரி மாணவி ஒருவர் கூட்டுப் பாலியல் வன்கொடுமைக்கு ஆளானார். உயிருக்கு ஆபத்தான நிலையில் மருத்துவமனையில் அனுமதிக்கப்பட்டு, தீவிர சிகிச்சைக்குப் பிறகு தற்போது அபாய கட்டத்தைத் தாண்டியதாகக் கூறப்படுகிறது. இந்த வழக்கில் தொடர்புடைய தமிழகத்தைச் சேர்ந்த ஐந்து நபர்களைக் கர்நாடக காவல்துறையினர் கைது செய்துள்ளனர்.பாலியல் வன்கொடுமை வெளிமாநிலத்தைச் சேர்ந்த 23 வயதான மாணவி ஒருவர் மைசூரில் உள்ள ஒரு கல்லூரியில் எம்.பி.ஏ படித்து வருகிறார். கடந்த 24-ம் தேதியன்று அந்த மாணவி, தனது நண்பரோடு மைசூரில் உள்ள சாமுண்டி மலைக்கு தங்களின் இருசக்கர வாகனத்தில் சென்றுள்ளார். அங்குள்ள லலிதா திரிபுரா என்ற மலைப் பகுதிக்கு அவர்கள் சென்றுள்ளனர். அப்போது அங்கு வந்த அடையாளம் தெரியாத சிலர் அவர்களிடம் பணம் கேட்டு மிரட்டியுள்ளனர். அவர்களை மிரட்டிய அந்த நபர்கள் குடிபோதையிலிருந்துள்ளனர். அந்தப் பெண்ணின் ஆண் நண்பரை அடித்துப் போட்டுவிட்டு, அந்தப் பெண்ணை கூட்டுப்பாலியல் வன்கொடுமை செய்துள்ளனர். பாதிக்கப்பட்ட பெண்ணை மீட்ட அந்த ஆண் நண்பர், அந்தப் பெண்ணை அருகிலிருந்த தனியார் மருத்துவமனையில் சிகிச்சைக்கு அனுமதித்துள்ளார். மிகவும் ஆபத்தான நிலையிலிருந்த அந்த பெண் தற்போது அபாய கட்டத்தைத் தாண்டிவிட்டார் என்று காவல்துறை தரப்பில் கூறப்பட்டுள்ளது.சிறுமிக்குப் பாலியல் தொல்லை மாணவி ஒருவர் கூட்டுப் பாலியல் வன்கொடுமை செய்யப்பட்ட விவகாரம் கர்நாடகாவில் பரபரப்பை ஏற்படுத்தியிருக்கிறது. மைசூரு காவல்துறையினர் தனிப்படைகளை அமைத்து விசாரணையை மேற்கொண்டனர். சம்பவ இடத்தில் கிடைத்த பேருந்துப் பயணச்சீட்டு, காலி மதுபாட்டில்கள் கைப்பற்றப்பட்டன. குற்றம் நடைபெற்ற இடத்தில் அலைபேசி டவர் மூலம் மேற்கொள்ளப்பட்ட விசாரணையில் சில விவரங்கள் காவல்துறையினருக்குக் கிடைத்தன. இந்தக் குற்றச் செயலில் ஈடுபட்டவர்கள் தமிழகத்தைச் சேர்ந்தவர்கள் என்பதை காவல்துறையினர் உறுதிசெய்தனர். விசாரணையை விரிவுபடுத்தியதில், ஈரோடு மாவட்டம் தாளவாடி மலைப்பகுதி அருகே உள்ள சூசைபுரம் கிராமத்தைச் சேர்ந்த பூபதி (28) என்ற நபர் கர்நாடக தனிப்படை காவல்துறையினரால் கைதுசெய்யப்பட்டார். பூபதியிடம் நடத்திய விசாரணையில் மொத்தம் ஏழு பேர் இந்த குற்றத்தில் ஈடுபட்டது தெரியவந்துள்ளது. அவர் அளித்த தகவலின் அடிப்படையில் கடந்த 28-ம் தேதி திருப்பூர் மாவட்டத்தில் தலைமறைவாக இருந்த சூசையபுரத்தைச் சேர்ந்த ஜோசப்(28), லூர்துபுரம் கருவலங்காடு பகுதியைச் சேர்ந்த முருகேசன்(22), தண்ணீர்ப்பந்தல் செல்வ புரத்தைச் சேர்ந்த அரவிந்த்(21), சேவூர் வடுகபாளையம் பகுதியைச் சேர்ந்த 17 வயது சிறுவன் உட்பட நான்கு பேரை காவல்துறையினர் கைது செய்து கர்நாடக அழைத்துச் சென்றனர். Also Read: ஐந்து சிறுமிகளுக்கு பாலியல் தொல்லை, வீடியோக்கள்! -குட்கா ரெய்டுக்குச் சென்றபோது சிக்கிய கடைக்காரர்கைது செய்யப்பட்ட நபர்கள் கைது செய்தவர்களிடம் நடத்திய விசாரணையில், இவர்கள் அனைவரும் கர்நாடக மாநிலத்தில் வேலை செய்யும் கூலித் தொழிலாளர்கள். வார இறுதி நாட்களில் மட்டும் சொந்த ஊருக்கு வருவார்கள். சம்பவம் நடைபெற்ற தினம், இவர்கள் அனைவரும் அந்தப் பகுதியில் மது அருந்தச் சென்றனர். அப்போது அங்கு வந்த அந்த மாணவி மற்றும் அவரின் நண்பரிடம் வழிமறித்து பணம் கேட்டுள்ளார்கள். அப்போது அந்த ஆண் நண்பரைத் தாக்கிவிட்டு அந்த பெண்ணை தூக்கிச் சென்று பாலியல் பலாத்காரம் செய்துள்ளார்கள்" என்று காவல்துறை தரப்பில் கூறப்பட்டுள்ளது. கைது செய்யப்பட்ட ஐந்து நபர்களும் மைசூரு மூன்றாவது முதன்மை குற்றவியல் நீதிபதியின் முன்பாக ஆஜர்படுத்தப்பட்டனர். காவல்துறை தரப்பில் விசாரணை செய்ய அனுமதி கேட்கப்பட்டதை அடுத்து நீதிபதி அவர்களை 10 நாள்கள் போலீஸ் காவலில் எடுத்து விசாரிக்க உத்தரவிட்டுள்ளார். இதனை அடுத்து அந்த ஐவரையும் ரகசியமான இடத்தில் வைத்து காவல்துறையினர் விசாரணையை மேற்கொண்டு வருகிறார்கள். கைது செய்யப்பட்ட ஐந்து பேரில் ஒருவர் ஏற்கெனவே கொலை வழக்கில் கைதாகி வெளியே வந்திருக்கிறார். மீதமுள்ளவர்களும் சந்தனமர கடத்தலில் கைதாகி வெளியே வந்தவர்கள் என்பதும். இவர்கள் அடிக்கடி குற்றச்செயல்களில் ஈடுபடுபவர்கள் என்பதும் தெரியவந்துள்ளது.கைது குற்றத்தில் ஈடுபட ஏழு நபர்களில், ஏற்கனவே இருவர் கைது செய்யப்பட்ட நிலையில் மீதமுள்ள இருவரைக் கைது செய்ய காவல்துறை விசாரணையைத் தீவிரப்படுத்தியுள்ளது. சமீபத்தில் அந்த இருவரில் ஒருவர் அந்த மாணவியின் வீட்டுக்கு போன் செய்து நான்கு லட்சம் ரூபாய் பணம் கேட்டு மிரட்டியுள்ளார். விரைவில் இந்த இருவரும் கைது செய்யப்படுவார்கள் என்று கர்நாடக டி.ஜி.பி பிரவீன் சூட் நம்பிக்கை தெரிவித்துள்ளார்.
http://dlvr.it/S6bLCF

Read More

கேரளாவில் எகிறும் பாதிப்புகள்; தமிழகத்தில் கொரோனா இப்போது, இனி ?

இந்தியாவில் கொரோனா இரண்டாம் அலையில் பாதிப்பு யாரும் எதிர்பார்க்காத வகையில் மிக அதிகமாகக் காணப்பட்டது. பெரும் பாதிப்புக்கு டெல்டா வகை கொரோனா வைரஸ் பரவல்தான் கரணம் என்று கூறப்பட்டது. இந்தியாவில் பரவிய இவ்வகை வைரஸ் இன்று உலகின் 100-க்கும் அதிகமான நாடுகளில் பரவி பெரும் பாதிப்பை ஏற்படுத்திக் கொண்டிருக்கிறது. இந்தியாவைப் பொறுத்தவரை டெல்லி, மகாராஷ்டிரா, கேரளா, கர்நாடகா, தமிழகம் போன்ற மாநிலங்கள் பெரும் பாதிப்பைச் சந்தித்து. கொரோனா பரிசோதனை இந்தியாவில் முதல் கொரோனா தொற்று கண்டறியப்பட்டது கேரளா மாநிலத்தில்தான். கேரளாதான் கொரோனாவை மிகச் சிறப்பாகக் கையாண்டது என்றும் பெரிதும் பாராட்டப்பட்டது. கடந்த மாதம் பக்ரீத் பண்டிகைக்காகக் கேரளா முழுவதும் பல்வேறு தளர்வுகளை அம்மாநில அரசு அறிவித்திருந்தது. சமீபத்தில் ஓணம் பண்டிகை நடந்து முடிந்த சுழலில், தற்போது தொற்றின் எண்ணிக்கை உச்சத்தை அடைந்துள்ளது. கேரளாவில் கடந்த 22-ம் தேதி 10,402-ஆக இருந்த தொற்றின் எண்ணிக்கை 25-ம் தேதி 31,445-ஆக அதிகரித்துள்ளது. கடந்த 24 மணி நேரத்தில் இந்தியா முழுவதும் கொரோனா தொற்றுக்கு ஆளானவர்களின் எண்ணிக்கை 42,909. இதில் கேரளாவில் மட்டும் தொற்றால் பாதிக்கப்பட்டவர்களின் எண்ணிக்கை 29,836. இந்தியாவின் மொத்த கொரோனா பாதிப்பில் பெரும் பகுதி கேரளாவில் பாதித்தவர்களாக உள்ளனர். கேரளாவை அடுத்து மகாராஷ்டிராவில் (4,666) அடுத்ததாகத் தமிழகத்திலும் (1,538) தான் பாதிப்புகள் அதிகரித்துக் காணப்படுகிறது. தலைநகர் டெல்லியில் கொரோனா ஏற்படுத்திய கோரத்தாண்டவத்தை நாம் யாரும் மறந்திருக்க மாட்டோம். தற்போது டெல்லியில் தினசரி பாதிப்பு வெறும் 31 ஆக உள்ளது குறிப்பிடத்தக்கது.கொரோனா பரிசோதனை தற்போது கேரளாவில் கொரோனா பாசிட்டிவ் விகிதம் 18 சதவிகிதத்திற்கு அதிகமாக உள்ளது என்று கூறப்பட்டுள்ளது. கேரளாவில் தொற்று அதிகரிப்பது தொடர்பாக சுகாதாரத்துறை அமைச்சர் வீணா ஜார்ஜ், `` மருத்துவ நிபுணர்கள் 3-ம் அலை ஏற்பட வாய்ப்பு உள்ளதாக எச்சரித்துள்ளார்கள். மாநிலம் முழுவதும் ஞாயிற்றுக் கிழமை முழு ஊரடங்கு கடைப்பிடிக்கப்பட்டு வருகிறது. பொதுமக்கள் அனைவரும் தாமாகப் பரிசோதனைக்கு முன்வரவேண்டும். அடுத்த 10 நாட்களில் இந்த தொற்று எண்ணிக்கை மேலும் அதிகரிக்கும். கொரோனா பாதிப்பை முன்கூட்டியே கண்டறிந்தால் மட்டுமே சுலபமாகப் பாதுகாக்க முடியும்" என்று கூறியுள்ளார். தமிழகத்தைப் பொறுத்தவரை தற்போது நாளொன்றுக்குக் கிட்டத்தட்ட 1,500 பேர் தொற்றால் பாதிப்புக்கு உள்ளாகும் நிலைமை நீடிக்கிறது. பல்வேறு மாவட்டங்களில் தொற்றின் எண்ணிக்கை அதிகரித்துக் குறையும் நிலை தொடர்ந்து வருகிறது. தற்போது தமிழகத்தில் 17,322 நபர்கள் கொரோனா தொற்றால் பாதிக்கப்பட்டு சிகிச்சை பெற்றுவருகிறார்கள். நாளொன்றுக்கு 1.6 லட்சத்திற்கும் அதிகமான கொரோனா பரிசோதனைகள் மேற்கொள்ளப்பட்டு வருகிறது. கொரோனா சிகிச்சைக்காகத் தமிழகம் முழுவதும் ஒரு லட்சத்திற்கும் அதிகமான படுக்கைகள் தயார் நிலையில் இருப்பதாக சுகாதாரத்துறை தரப்பில் கூறப்பட்டுள்ளது.கொரோனா ``கேரளாவில் தொற்று எண்ணிக்கை அதிகரித்திருப்பதால் கேரளாவிலிருந்து தமிழகம் வருபவர்கள் தமிழக-கேரள எல்லைப் பகுதிகளில் தொடர்ந்து கண்காணிக்கப்படு வருகிறார்கள். தமிழகம் வருபவர்கள் இரண்டு தவணை தடுப்பூசி போட்டிருப்பது மற்றும் கொரோனா பரிசோதனை செய்து கொரோனா இல்லை என்ற சான்றிதழ்களைக் கட்டிய பின்னரே தமிழகத்திற்குள் வர அனுமதி வழங்கப்பட்டுள்ளது" என்று மருத்துவத்துறை அமைச்சர் மா.சுப்பிரமணியன் தெரிவித்துள்ளார். Also Read: ``உடல்களை நதிகளில் வீசி எறியவில்லை" கொரோனா விமர்சனங்களுக்குக் காட்டமாக பதிலளித்த பினராயி விஜயன்!ராதாகிருஷ்ணன் கேரளாவில் தொற்று எண்ணிக்கை அதிகரிப்பது தொடர்பாகவும், தமிழகத்தில் மேற்கொள்ளப்பட்டு வரும் முன்னெச்சரிக்கை நடவடிக்கை குறித்தும் மருத்துவத்துறை செயலாளர் ராதாகிருஷ்ணனிடம் பேசினோம். ``கேரளா, ஆந்திரா போன்ற தமிழகத்தில் அண்டை மாநிலங்களில் கொரோனா தொற்றின் எண்ணிக்கை அதிகரிப்பதினால் எல்லைப் பகுதிகளில் கண்காணிப்பை அதிகரித்துள்ளோம். நமது மாநிலங்களில் பண்டிகை நாட்களிலும் கண்காணிப்பைத் தீவிரப்படுத்த உத்தரவிட்டுள்ளோம். தமிழகத்தில் தொற்று அதிகரிக்காது இருக்கத் தடுப்பு நடவடிக்கைகளை மேற்கொள்ள மாவட்ட ஆட்சியர்களுக்கு உத்தரவு பிறப்பிக்கப்பட்டுள்ளது. அடுத்த பத்து நாள்கள் தமிழகம் மிகுந்த கண்காணிப்போடு செயல்படவேண்டும். தளர்வுகள் இருப்பதால் பொதுமக்கள் அஜாக்கிரதையாக இருக்கக்கூடாது. மக்கள் அதிகம் கூடும் இடங்களில் கண்காணிப்புகள் அதிகப்படுத்தப்பட்டுள்ளது" என்றார்.
http://dlvr.it/S6ZrL0

Read More

‘இலங்கை தமிழர் நலனில் பாஜக’ - மத்திய அரசின் செயல்பாடுகளை பட்டியலிடும் அண்ணாமலை

“தமிழகத்திற்கு குடிபெயர்ந்த இலங்கைத் தமிழர்களின் நலனை பாதுகாக்க, தமிழக முதல்வர் வெளியிட்ட அறிவிப்புகள் வரவேற்கத்தக்கது” என கூறியிருக்கும் பாஜக மாநில தலைவர் அண்ணாமலை, ‘இலங்கை தமிழர் நலனில் பாஜக’ என்ற தலைப்பில் அறிக்கையொன்றை வெளியிட்டுள்ளார். அந்த அறிக்கையில் அவர் கூறியிருக்கும் பிற தகவல்கள்: “யாழ்ப்பாணத்திற்கு வருகை தந்த முதல் இந்திய பிரதமர் மோடிதான். பிரதமர் இலங்கைக்கு சென்றபோது, மலையகத் தமிழர்கள் அதிகம் வசிக்கும் பகுதியில் ரூ.150 கோடி செலவில் கட்டப்பட்ட மருத்துவமனையை திறந்துவைத்தார். இந்தியாவின் உதவியுடன் இலங்கையின் வடகிழக்கு பகுதிக்கு குடிபெயர்ந்த தமிழர்களுக்காக 50,000 வீடுகள் கட்டப்பட்டுள்ளன. மலையகத் தமிழர்களுக்காக 4,000 வீடுகள் கட்டப்பட்டுள்ளன. ஆம்புலன்ஸ் சேவைகளுக்கு இலங்கை தமிழர்களுக்கு இந்தியா உதவியது. ரூ.147.81 கோடி நிதி உதவியுடன், ஆரம்பத்தில் 297 ஆம்புலண்ஸ் வாங்கப்பட்டது மற்றும் உள்ளூர் மக்களுக்கு ஆம்புலன்ஸ் டிரைவர்கள் மற்றும் முதலுதவி நிபுணர்களாக பயிற்சி அளிக்கப்பட்டது. இந்த திட்டம் இலங்கை மக்களிடம் நல்ல வரவேற்பை பெற்றுள்ளதால், நாடு முழுவதும் இலவச ஆம்புலன்ஸ் சேவையை விரிவுபடுத்த இலங்கைக்கு 109 கோடி இந்திய அரசு கூடுதலாக வழங்கியது. இதன்மூலம் யாழ்ப்பாணம், கிளிநொச்சி, மன்னார், வவுனியா, முல்லைத்தீவு மாவட்டங்களுக்கு இலவச ஆம்புலன்ஸ் வழங்கப்பட்டது குறிப்பிடத்தக்கது. சென்னை யாழ்ப்பாணம் இடையே விமான போக்குவரத்து நிறுவப்பட்டுள்ளது. இதையும் படிங்க... “விரைவில் விளக்கம் அளிக்கிறேன்” - புதிய ஆடியோ வெளியாகி சர்ச்சை குறித்து அண்ணாமலை பதில் யாழ்ப்பாணத்தில் இந்தியாவில் கட்டப்பட்ட கலாசார மையம் விரைவில் திறக்கப்பட உள்ளது. இலங்கை தமிழர்களின் உரிமைகள் பிரச்சனையில் மத்திய அரசு இலங்கை அரசுடன் தொடர்ந்து தொடர்பில் உள்ளது. மீனவர்கள் பிரச்னையை தீர்க்க, இரு நாடுகள் சார்பில் 2 + 2 கூட்டு பணிக்குழு உருவாக்கப்பட்டுள்ளது. இலங்கை தமிழர்கள் சமத்துவத்துடனும் கௌரவத்துடனும் வாழ்வதற்கு மத்திய அரசு முன்னுரிமை அளித்துள்ளது. இலங்கை தமிழர்கள் சம உரிமை மற்றும் கண்ணியத்துடன் வாழ்வதை இந்திய அரசு தொடர்ந்து உறுதி செய்து வருகிறது. இலங்கை கடற்படையால் சிறைபிடிக்கப்பட்ட மீனவர்கள் மற்றும் படகுகளை விடுவிக்க இந்திய அரசு இலங்கை அரசுடன் தொடர்ந்து தொடர்பிலிருந்து பேச்சுவார்த்தை உள்ளது. தங்கச்சிமடத்தை சேர்ந்த மீனவர்களுக்கு இலங்கை நீதிமன்றம் விதித்த மரண தண்டனையை பிரதமர் தலையிட்டு விடுவிக்க கோரியதன் அடிப்படையில், அவர்கள் ஐவரும் உடனடியாக வீடு திரும்பினர். கடந்த பிப்ரவரியில் 9 மீனவர்களும், மார்ச்சில் 40 மீனவர்களும் விடுவிக்கப்பட்டனர். கூட்டு பணிக்குழுவின் முயற்சியால், இலங்கை கடற்படையின் துப்பாக்கிச்சூடு வெகுவாக குறைந்துள்ளது. இலங்கை தமிழர் நலனில் பாரதிய ஜனதா கட்சி ..- மாநில தலைவர் திரு.@annamalai_k அவர்கள்@blsanthosh @JPNadda @CTRavi_BJP @ReddySudhakar21 pic.twitter.com/1yEFSqvFVu — BJP Tamilnadu (@BJP4TamilNadu) August 29, 2021 கடந்த பிப்ரவரியில், இலங்கையில் சிறுபான்மையினராக இருக்கும் தமிழர்களுக்கு உள் அதிகாரப் பகிர்வு குறித்த இலங்கை அரசியலமைப்பின் 13 வது பிரிவை திருத்துமாறு இலங்கை அரசுக்கு தனிப்பட்ட முறையில் வலியுறுத்தப்பட்டது” என்று கூறியுள்ளார்.
http://dlvr.it/S6XvYL

Read More

``உடல்களை நதிகளில் வீசி எறியவில்லை" கொரோனா விமர்சனங்களுக்குக் காட்டமாக பதிலளித்த பினராயி விஜயன்!

கேரள மாநிலத்தில் கொரோனா இரண்டாவது அலை தொடர்ந்து நீடித்து வருகிறது. அதுவும் கடந்த சில நாட்களாக புதிய பாதிப்பு எண்ணிக்கை முப்பதாயிரத்தை கடந்துள்ளது. இந்த நிலையில் கொரோனா குறித்து கருத்து தெரிவித்த கேரள பா.ஜ.க தலைவர் சுரேந்திரன் கேரள அரசு மக்களைக் கொலை செய்வதாகக் கடுமையாக சாடியிருந்தார். மேலும், "கேரளத்தில் 31,445 கொரோனா தொற்று பதிவான அன்று, நாட்டில் இரண்டாம் இடத்தில் உள்ள மகாராஷ்டிராவில் வெறும் 5,031 தொற்று எண்ணிக்கை மட்டுமே பதிவாகியுள்ளது. கேரளாவைவிட எட்டு மடங்கு பெரிய மாநிலமான உத்தரபிரதேசத்தில் 19 தொற்றுகள் மட்டுமே பதிவாகியுள்ளது. கொரோனாவுக்கு எதிரான போராட்டத்தில் கேரளம் நம்பர் ஒன் என கோடிகளை செலவுசெய்து விளம்பரம் செய்கிறது கேரள அரசு. ஆனால், பினராயி விஜயன் கொரோனாவில் கேரளத்தை நம்பர் ஒன் ஆக்கிவிட்டார்" என சுரேந்திரன் கூறியிருந்தார்.கேரள பா.ஜ.க தலைவர் கே.சுரேந்திரன் சில நாட்கள் இடைவெளிக்குப் பிறகு கேரள முதல்வர் பினராயி விஜயன் நேற்று மாலை செய்தியாளர்களைச் சந்தித்தார். கே.சுரேந்திரனின் குற்றச்சாட்டுக்கு பினராயி விஜயன் பதிலடி கொடுத்தார். கேரள முதல்வர் பினராயி விஜயன் பேசுகையில், "நாட்டில் கொரோனா இரண்டாம் அலை உச்சத்தில் இருந்த சமயத்தில் கேரளத்தில் மரணத்தை குறைக்க முடிந்தது. ஆக்ஸிஜன் இல்லாமல், சிகிச்சைக்கான வசதிகள் இல்லாமல் மக்கள் நோயாளிகளுடன் தெருக்களில் அலையும் நிலை கேரளத்தில் ஒருவருக்கு கூட ஏற்படவில்லை. உறவினர்களின் உடல்களை தகனம் செய்ய சுடுகாடுகளில் நீண்ட வரிசையில் நிற்கும் காட்சிகள் நம் மாநிலத்தில் காணும் நிலை ஏற்படவில்லை. வேறு வழியில்லாமல் கொரோனாவில் இறந்தவர்களின் உடல்களை நதிகளில் வீசி எறியவில்லை. Also Read: மக்கள் தொகையில் சரி பாதி பேருக்கு கொரோனா முதல் தவணை தடுப்பூசி; அசத்தும் கேரளா!கொரோனா விமர்சனங்களுக்கு பதிலளித்த பினராயி விஜயன் எவ்வளவு தவறான பிரசாரங்கள் மேற்கொள்ளப்பட்டாலும் இந்த உண்மைகள் மக்கள் முன்னால் உள்ளன. இது மக்கள் உணர்ந்த அனுபவமாகும். மக்களின் ஒருங்கிணைந்த போராட்டம் இது. அந்த வித்தியாசத்தை உலகம் கண்டு அறிந்திருந்தது" என்றார். பா.ஜ.க ஆளும் மாநிலங்களில் கொரோனா இரண்டாம் அலையின்போது நதிகளில் உடல்கள் மிதந்து வந்த சம்பவங்கள், ஆக்ஸிஜன் தட்டுப்பாடு விவகாரம் மற்றும் சில மாநிலங்களில் கொரோனாவில் இறந்தவர்கள் உடல்களைத் தகனம் செய்ய நீண்ட வரிசையில் நின்றிருந்த விஷயங்களைச் சுட்டிக்காட்டி பினராயி விஜயன் சூடாக பதிலளித்திருப்பது கேரள அரசியலில் தகிப்பை ஏற்படுத்தியுள்ளது.
http://dlvr.it/S6XYPG

Read More

போதைப்பொருள் வைத்திருந்த பாலிவுட் நடிகர்; ரெய்டுக்குப்பின் கைது!

மும்பையில் போதைப்பொருள் பயன்பாடு நாளுக்கு நாள் அதிகரித்து வருகிறது. வெளிநாடுகளில் இருந்து போதைப்பொருள் கடத்தி வரப்படும் சம்பவங்களும் அதிகரித்துக்கொண்டே இருக்கிறது. இதையடுத்து போதைப்பொருள் தடுப்புப் பிரிவு அதிகாரிகள் போதைப்பொருள் வியாபாபாரிகள் மற்றும் சப்ளையர்களுக்கு எதிராக 'ஆபரேசன் ரோலிங் தண்டர்' என்ற பெயரில் நகர் முழுவதும் அதிரடி சோதனை நடத்தி வருகின்றனர். இந்த சோதனையில் பாலிவுட் பிரபலங்கள் சிக்கி வருகின்றனர். அர்மான் கோலி Also Read: இன்ஜினீயரிங் கல்லூரி... ஐடி கம்பெனி... கஞ்சா நெட்வொர்க்... பாதை மாற்றிய போதைப் பயணம்! நடிகர் அர்மான் கோலி வீட்டில் போதைப்பொருள் இருப்பதாக போதைப்பொருள் தடுப்புப் பிரிவு அதிகாரிகளுக்கு ரகசிய தகவல் கிடைத்தது. உடனே சனிக்கிழமை அதிகாரிகள் அர்மான் கோலி வீட்டில் ரெய்டு நடத்தினர். இரவு 8 மணி வரை நடந்த இந்தச் சோதனையில் போதைப்பொருள் சிக்கியது. இதையடுத்து அவை எப்படி கிடைத்தது என்பது குறித்து விசாரிப்பதற்காக அர்மான் கோலியை போதைப்பொருள் தடுப்புப் பிரிவு அதிகாரிகள் அழைத்துச் சென்றனர். நள்ளிரவு வரை அவரிடம் விசாரணை நடத்திய அதிகாரிகள் இன்று அதிகாலை அர்மான் கோலியைக் கைது செய்தனர். போதைப்பொருள் தடுப்புப் பிரிவு மண்டல இயக்குனர் சமீர் வாங்கடே தலைமையிலான அதிகாரிகள் இந்தச் சோதனையை நடத்தி கோலியைக் கைது செய்துள்ளனர். கோலிமீது போதைப்பொருள் தடுப்புப் பிரிவின் கீழ் வழக்கு பதிவு செய்துள்ள அதிகாரிகள் கோலியை கோர்ட்டில் ஆஜர்படுத்தி தங்களது காவலில் எடுத்து விசாரிக்க முடிவு செய்துள்ளனர். அர்மான் கோலிக்கு போதைப்பொருள் சப்ளை செய்த ஒருவனை சமீபத்தில் அதிகாரிகள் கைது செய்தனர். அவரிடம் நடத்திய விசாரணையின் அடிப்படையில்தான் கோலி வீட்டில் ரெய்டு நடப்பட்டு அவர் கைது செய்யப்பட்டதாக இந்த ரெய்டில் பங்கேற்ற ஒரு அதிகாரி தெரிவித்தார். கடந்த ஆண்டு பாலிவுட் நடிகர் சுஷாந்த் சிங் தற்கொலையை தொடர்ந்து போதைப்பொருள் சப்ளையர்களுக்கு எதிராக போதைப்பொருள் தடுப்புப் பிரிவு அதிகாரிகள் தீவிர நடவடிக்கை எடுத்தனர்.
http://dlvr.it/S6XCxK

Read More

'இந்தியாவின் வாரன் பபெட்' - ஷேர் மார்க்கெட் 'கில்லி' ராகேஷ் ஜுன்ஜுன்வாலாவின் பின்புலம்!

ராகேஷ் ஜுன்ஜுன்வாலா... இவரது பெயரை சொல்வதை விட 'இந்தியாவின் வாரன் பபெட்' என்று சொன்னால் அனைவருக்கும் எளிதாக புரியும். தரமான நிறுவனங்களாகப் பார்த்து நீண்ட கால அடிப்படையில் முதலீடு செய்வார். 'போர்ப்ஸ்' தகவல்படி, இவரின் சொத்து மதிப்பு 460 கோடி டாலர்கள். ஜூன் மாத நிலவரப்படி இவரது போர்ட்போலியோவில் 38 பங்குகள் உள்ளன. இதுமட்டுமல்லாமல் பங்குச்சந்தையில் பட்டியலிடப்படாத நிறுவனங்களிலும் முதலீடு செய்திருக்கிறார். சிஏ முடித்தவர்: மும்பையில் உள்ள கல்லூரியில் பட்டப்படிப்பு முடித்தவுடன் சி.ஏ படித்தார். இவரது அப்பா வருமான வரித்துறை அதிகாரி. அப்பாவும் அவரது நண்பர்களும் பங்குச்சந்தை குறித்து தொடர்ந்து உரையாடவே, பங்குச்சந்தை குறித்த ஆர்வம் பிறக்கிறது. 1960-ம் ஆண்டு பிறந்தவர், 1985-ம் ஆண்டு பங்குச்சந்தையில் முதலீடு செய்யத் தொடங்குகிறார். ரூ.5000-ல் முதலீட்டை தொடங்கினார். ஆரம்பத்தில் டாடா டீ பங்கில் முதலீடு செய்கிறார். மூன்று மாதத்தில் இந்தப் பங்கு சுமார் 3 மடங்காக உயர்கிறது. இதனைத் தொடர்ந்து பல பங்குகளில் முதலீடு செய்கிறார். அடுத்த மூன்று ஆண்டுகளில் சுமார் 20 லட்ச ரூபாய் வரை லாபம் சம்பாதித்திருக்கிறார். இந்த லாபத்தில் பெரும் பகுதி 'சேச கோவா' பங்கு மூலமாகவே கிடைத்தது. இதனைத் தொடர்ந்து பல பங்குகளில் பெரும் தொகையை முதலீடு செய்யத் தொடங்கினார் ராகேஷ். அரவிந்தோ பார்மா, பிராஜ் இண்டஸ்ட்ரீஸ், டைட்டன் கிரிசல் உள்ளிட்ட பங்குகளில் பெரும் தொகையை முதலீடு செய்தார். இவரது மனைவி ரேகா ஜுன்ஜுன்வாலா. இவரது பெயர் மற்றும் மனைவி பெயரையும் சேர்த்து 'ரேர்' (RaRe) எண்டர்பிரைசஸ் என்னும் நிறுவனம் தொடங்கி, இந்த நிறுவனம் மூலமும் நிறுவனங்களில் முதலீடு செய்தார். நாளடைவில் ராகேஷ் முதலீடு செய்தால் முதலீட்டாளர்கள் அவரைப் பின்தொடர்ந்து முதலீடு செய்வதும் நடந்தது. மார்ச் மாதத்தில் நஸாரியா டெக்னாலஜீஸ் என்னும் பங்கின் ஐபிஓ வெளியானது. இந்த நிறுவனத்தில் 2018-ம் ஆண்டு முதலீடு செய்து 10 சதவீத பங்குகளை வைத்திருந்தார் ராகேஷ். மூன்றே ஆண்டுகளில் கிட்டத்தட்ட மூன்று மடங்கு லாபம் சம்பாதித்தார் ராகேஷ். கடந்த ஏப்ரல் முதல் ஜூன் காலாண்டில் செயில், இந்தியாபுல்ஸ் ஹவுசிங் பைனான்ஸ் மற்றும் கனரா வங்கியில் கணிசமான தொகையை முதலீடு செய்தார். இதுவும் பேசுபொருளாக மாறியது. சமூகப் பங்களிப்பு: தன்னுடைய சொத்தில் - ஆண்டு வருமானத்தில் 25 சதவீதம் சமூகத்துக்காக ஒதுக்கி இருக்கிறார் ராகேஷ். இந்தத் தொகையை இந்தியாவில் சமூக மேம்பாட்டுக்கு செலவு செய்ய இருப்பதாகவும் தெரிவித்திருக்கிறார். "கடவுளிடம் எனக்கு அதிகம் பணம் வேண்டும் என்று கேட்பதை விட, அதிக பணத்தை மற்றவர்களுக்கு கொடுப்பதற்கான அதிகாரம் வேண்டும் என்று கேட்பேன்" என ராகேஷ் தெரிவித்திருக்கிறார். | வாசிக்க > அன்று முதலீடு ரூ.2 லட்சம், இன்று மதிப்பு ரூ.7600 கோடி - 'தைரோகேர்' வேலுமணி ஜெயித்த கதை | மும்பையில் உள்ள கண் மருத்துவமனைக்கு 75 லட்சம் டாலர், அசோகா பல்கலைக்கழகத்துக்கு 1.7 கோடி டாலர் என பல திட்டங்களுக்கு ஒதுக்கியிருக்கிறார். "என்னுடைய ஆயுள் காலத்தில் 75 கோடி டாலர் அளவுக்காவது சமூக மேம்பாடுக்கு செலவு செய்ய வேண்டும்" என விருப்பம் தெரிவித்திருக்கிறார். ஆகாசா: ராகேஷ் ஜுன்ஜுன்வாலாவை ஒரு முதலீட்டாளராக மட்டுமே பார்க்க முடியாது. ஆப்டெக் மற்றும் ஹங்கமா உள்ளிட்ட நிறுவனங்களில் இயக்குநர் குழுத் தலைவராக இருக்கிறார். இதுதவிர பல நிறுவனங்களில் இயக்குநர் குழுவில் இருக்கிறார். தற்போது ஆகாசா என்னும் விமான நிறுவனத்தில் பெரும்பான்மையான முதலீட்டாளராக இருக்கிறார். இந்த நிறுவனத்தில் 40 சதவீத பங்கு ராகேஷ் வசம் உள்ளது. மிகவும் குறைந்த விலை விமான நிறுவனமாக இது இருக்கும். அடுத்த ஆண்டு ஏப்ரல் மாதம் இந்த நிறுவனம் செயல்படத் தொடங்கும் என எதிர்பார்க்கப்படுகிறது. விமானப் போக்குவரத்து துறையில் உள்ள பல முக்கிய நிர்வாகிகள் இதில் இணைய இருக்கிறார்கள். ஜெட் ஏர்வேஸ் நிறுவனத்தின் முன்னாள் தலைமைச் செயல் அதிகாரி வினய் தூபே இந்த நிறுவனத்தின் நிறுவனர் மற்றும் தலைமைச் செயல் அதிகாரியாக இருக்கிறார். இது தவிர விமானப் போக்குவரத்து துறையின் பல முக்கிய அதிகாரிகள் இணைய இருக்கிறார்கள். இதுவரை விமானப் போக்குவரத்து துறை என்பது சவால் நிறைந்த துறையாகவே இருக்கிறது. எந்த நிறுவனமும் நீடித்த வெற்றியை பெற்றதில்லை. இங்கு வெற்றி அடைந்ந்த நிறுவனங்களை விட தோல்வியடைந்த நிறுவனங்களின் பட்டியல் மிக அதிகம். ஜுன்ஜுன்வாலாவின் மிடாஸ் டச் விமானப் போக்குவரத்து துறையில் என்னவாகும் என்பதே சந்தையின் எதிர்பார்ப்பாக இருக்கிறது. - வாசு கார்த்தி
http://dlvr.it/S6VTqr

Read More

மைசூரு மாணவி கூட்டு பாலியல் வன்கொடுமை வழக்கில் திருப்பம்.. தமிழகத்தில் 5 பேரை கைது செய்த தனிப்படை!

கர்நாடக மாநிலம், மைசூரு சாமுண்டி மலை அடிவாரத்தில் உள்ள லலிதாபுரா பகுதியில், ஆகஸ்ட் 24-ம் தேதி ஆண் நண்பருடன் எம்.பி.ஏ மாணவி ஒருவர் பேசிக் கொண்டு இருந்துள்ளார். அப்போது அங்கு வந்த மர்ம நபர்கள் சிலர், ஆண் நண்பரை கடுமையாகத் தாக்கி சுயநினைவை இழக்கச் செய்துவிட்டு, மாணவியை காட்டுப் பகுதிக்குள் தூக்கிச் சென்று கூட்டு பாலியல் வன்கொடுமை செய்துள்ளனர். இந்த விவகாரம் கர்நாடகா மட்டுமல்லாது, நாடு முழுவதும் பெரும் பரபரப்பை ஏற்படுத்தியது. இந்த சம்பவம் தொடர்பாக வழக்குப்பதிவு செய்த ஆலனஹள்ளி போலீஸார், குற்றவாளிகளைப் பிடிக்க தனிப்படை அமைத்து விசாரணையில் இறங்கினர். சம்பவம் நடந்த நேரத்தில் அந்தப் பகுதியிலிருந்த செல்ஃபோன் டவர்களில் பதிவான செல்ஃபோன் நம்பர்களை வைத்தும், கிடைத்த தகவல்களின் அடிப்படையிலும் போலீஸார் தீவிர விசாரணையில் இறங்கினர். முதற்கட்டமாக கல்லூரியில் உடன்படிக்கும் மாணவர்கள் யாரேனும் இந்த விவகாரத்தில் ஈடுபட்டிருக்கலாம் என மைசூரு போலீஸார் சந்தேகித்து வந்த நிலையில், இந்த வழக்கில் திடீர் திருப்பமாக திருப்பூர் மாவட்டம் சேவூர் காவல் நிலையத்திற்கு உட்பட்ட பகுதியில் 4 பேரும், ஈரோடு மாவட்டம் தாளவாடியில் ஒருவர் என மொத்தம் 5 பேர் கைது செய்யப்பட்டுள்ளனர். Also Read: சென்னை: வீடியோ; மது; கூட்டு பாலியல் வன்கொடுமை! - ஒன்றரை ஆண்டுகளாக சிறுமிக்கு நேர்ந்த கொடூரம் குற்றவாளிகள் 5 பேரும் திருப்பூரில் தங்கியிருந்து கூலி வேலை பார்த்து வந்ததும், சம்பவ தினத்தன்று சம்பவம் நடந்த இடத்திற்கு அருகே கட்டட வேலைக்காகச் சென்று வந்ததும் தெரியவந்திருக்கிறது. வேலையை முடித்துவிட்டு குடிபோதையில் இருந்தவர்கள் கண்ணில் எம்.பி.ஏ மாணவியும், அவருடைய ஆண் நண்பரும் பட்டுள்ளனர். இருவரையும் மிரட்டி பணம் பறிக்கத்தான் முதலில் குற்றவாளிகள் நினைத்து தாக்குதலை ஆரம்பித்துள்ளனர். இதில் எதிர்பாராத விதமாக அந்த ஆண் நண்பர் மயக்கமடைய, குற்றவாளிகளில் ஒருவன் தான் முதலில் பாலியல் வன்கொடுமைக்கான யோசனையைச் சொல்லியிருப்பதாக கூறப்படுகிறது. அதன்பின்னரே அந்தக் கும்பல் எம்.பி.ஏ மாணவியை கூட்டு பாலியல் வன்கொடுமை செய்தி்ருக்கிறது. இந்த குற்றச்செயலில் ஈடுபட்டவர்களில் ஒருவர் 17 வயதான சிறுவன் என போலீஸ் தரப்பில் தெரிவிக்கப்பட்டுள்ளது. அவர் இன்னும் கைது செய்யப்படவில்லை. இந்த விவகாரம் குறித்து விஷயமறிந்த போலீஸாரிடம் பேசினோம். "சம்பந்தப்பட்ட குற்றவாளிகள் தமிழகத்திலிருந்து கர்நாடகத்திற்கு கட்டட வேலை போன்ற கூலி வேலைகளுக்குச் சென்று வந்துள்ளனர். சம்பவ தினத்தன்று குடிபோதையில் இருந்தவர்கள் அந்த மாணவியை பாலியல் வன்கொடுமை செய்ததோடு, அவருடைய ஆண் நண்பரையும் கடுமையாக தாக்கியுள்ளனர். சம்பவத்திற்குப் பிறகு குற்றவாளிகள் சத்தியமங்கலம் வனப்பகுதி வழியாக ஈரோடு மாவட்டத்தில் நுழைந்து திருப்பூரில் வந்து தங்கியுள்ளனர். குற்றவாளிகளில் ஒருவர் 17 வயதான சிறுவர். அவர் இன்னும் கைது செய்யப்படவில்லை. பாலியல் தொல்லை இன்னும் இந்த விவகாரத்தில் வேறு யார் யாருக்கெல்லாம் தொடர்பு இருக்கிறது என்பது குறித்து கைதானவர்களிடம் விசாரணை நடைபெற்று வருகிறது. தற்போது அந்த ஆண் நண்பர் மைசூருவில் உள்ள தனியார் மருத்துவமனையில் சிகிச்சை பெற்று வருகிறார். பாலியல் வன்கொடுமைக்கு ஆளான எம்.பி.ஏ மாணவி இன்னும் இந்த அதிர்ச்சியில் இருந்து மீளவில்லை. விரைவில் மீதமுள்ள குற்றவாளிகளும் பிடிபட்டு விடுவார்கள்" என்றனர். இதனிடையே இந்த வழக்கு வெற்றிகரமாக முடிந்துவிட்டதாக அம்மாநில உள்துறை மந்திரி அரகா ஞானேந்திரா இன்று தெரிவித்தார்.
http://dlvr.it/S6V6Wd

Read More