இறப்பிலும் இணைபிரியாத வயது முதிர்ந்த தம்பதியை ஒரே இடத்தில் நல்லடக்கம் செய்த உறவினர்கள்

கன்னியாகுமரி மாவட்டம் தக்கலையில் ஓய்வு பெற்ற மாவட்ட வேலைவாய்ப்பு அலுவலக அதிகாரியொருவர் வயது மூப்பால் நேற்று இறந்திருக்கிறார். கணவர் இறந்த அதிர்ச்சியில், அவரின் மனைவியும் நேற்றைய தினமே இறந்திருக்கிறார். இறப்பிலும் இணைபிரியாத இந்த தம்பதியரை ஒன்றாக பள்ளிவாசலில் நல்லடக்கம் செய்துள்ளனர் உறவினர்கள். கன்னியாகுமரி மாவட்டம் தக்கலை மேட்டுக்கடை பகுதியை சேர்ந்தவர்கள் நைனா முகம்மது. 84-வயதான இவருக்கும் சுபைதா பீபி (வயது 70) என்பவருக்கும் கடந்த 1965-ல் திருமணம் நடைபெற்றுள்ளது. இவர்களுக்கு இரண்டு மகன் மற்றும் இரண்டு மகள்கள் உள்ளனர். நைனா முகம்மது, குமரி மாவட்ட வேலை வாய்ப்பு அலுவலகத்தில் அதிகாரியாக பணிசெய்து வந்தவர். கடந்த 1997-ம் ஆண்டு இவர் ஓய்வு பெற்றுள்ளார். பின் தக்கலை மேட்டுக்கடை பகுதியிலுள்ள தனது மூத்த மகன் தௌபிக் அகமது வீட்டில் நைனா முகம்மது மற்றும் அவரது மனைவி சுபைதா பீபியும் வாழ்ந்து வந்துள்ளனர். நைனா முகம்மது கடந்த ஆறு மாதமாக முதுமை காரணமாக நோய்வாய்பட்டு சிகிச்சை மேற்கொண்டு வந்துள்ளார். இந்நிலையில் நேற்று வீட்டில் இருந்த அவருக்கு திடீர் மூச்சுத் திணறல் ஏற்பட்டது. அதைத்தொடர்ந்து அவர் வீட்டிலேயே உயிரிழந்தார். நேற்று மாலை அவர் உயிரிழந்த நிலையில், அவரின் இறுதி சடங்கு ஏற்பாடுகளை உறவினர்கள் செய்து வந்துள்ளனர். அதைத்தொடர்ந்து அவரது உடலை எடுத்து செல்லும் முன் அவரது முகத்தை காண மனைவி சுபைதா பீபியை உறவினர்கள் அழைத்துள்ளனர். கணவரின் உடலை பார்த்தவுடன் கதறி அழுதுள்ளார் மனைவி. அழுகையை தொடர்ந்து சுபைதா பீபி அந்த இடத்திலேயே பேச்சு மூச்சின்றி சுருண்டு மயங்கி விழுந்தும் இருக்கிறார். தொடர்புடைய செய்தி: கடைசி நிமிடம் வரை இணைபிரியா தம்பதி - மனைவி இறந்ததும் கணவன் உயிர் பிரிந்த சோகம் உடனடியாக உறவினர்கள் அவரை அருகில் உள்ள தனியார் மருத்துவமனைக்கு அழைத்து  சென்றுள்ளனர். அங்கு அவரை பரிசோதித்தபோது, மருத்துவர்கள் அவர் ஏற்கெனவே இறந்து விட்டதாக கூறியுள்ளனர். இதைத்தொடர்ந்து, கணவன் - மனைவி இருவரையும் தக்கலை பள்ளிவாசல் மயானத்தில் நல்லடக்கம் செய்துள்ளனர். கணவர் நைனாவின் உடலை நேற்றும், மனைவி சுபைதா பீபி உடலை இன்றும் உறவினர்கள் ஒரே  பள்ளிவாசல் மயானத்தில் நல்லடக்கம் செய்தனர்.
http://dlvr.it/S6tJ78

Read More

பாராலிம்பிக்: 50 மீட்டர் துப்பாக்கி சுடுதலில் வெண்கலம் வென்றார் அவனி

டோக்கியோவில் நடைபெற்று வரும் பாராலிம்பிக்கில் மகளிருக்கான 50 மீட்டர் ரைபிள் பிரிவின் துப்பாக்கி சுடுதலில் அவனி லெகாரா வெண்கலம் வென்றார். ஜப்பான் தலைநகர் டோக்கியோவில் நடைபெற்று வரும் பாராலிம்பிக் போட்டியில் 50 மீட்டர் ரைபிள் பிரிவில் இந்தியாவின் அவனி லெகாரா வெண்கலம் வென்றார். இவர் ஏற்கெனவே 10 மீட்டர் ஏர் ரைபிள் பிரிவில் தங்கம் வென்றுள்ளார். ஒரே பாராலிம்பிக்கில் இப்போது 2 பதக்கங்களை வென்று அசத்தியுள்ளார் அவனி. இதன் மூலம் பாராலிம்பிக்கில் இந்தியாவின் மொத்த பதக்க எண்ணிக்கை 12 ஆக உயர்ந்துள்ளது.
http://dlvr.it/S6skXG

Read More

மும்பை: நட்சத்திர ஹோட்டலில் 8 மாத ஆடம்பர வாழ்க்கை; ரூ.25 லட்சம் பாக்கி! - ஜன்னல் வழியே தப்பிய நபர்

மும்பையிலுள்ள நட்சத்திர ஹோட்டல் ஒன்றில் எட்டு மாதங்கள் வாடகை எதுவும் கொடுக்காமல் ராஜ வாழ்க்கை வாழ்ந்துவிட்டு ஒருவர் தப்பிச் சென்றிருக்கிறார். மும்பை அந்தேரி பகுதியைச் சேர்ந்த முரளி காமத் என்பவர், தன் மகனுடன் நவிமும்பை கார்கர் பகுதியில் உள்ள `ஹோட்டல் த்ரீ ஸ்டார்’ என்ற ஹோட்டலுக்கு கடந்த நவம்பர் மாதம் வந்தார். தான் சினிமாதுறையைச் சேர்ந்தவர் என்றும், தனக்கு இரண்டு ஆடம்பர அறைகள் தேவை என்றும் தெரிவித்தார். ஹோட்டல் - மோட்டல் ஹோட்டலில் அறை பதிவு செய்யும்போது முன்பணம் கொடுக்காமல் தனது பாஸ்போர்ட்டை கொடுத்துவிட்டு, ஒரு மாதத்தில் அட்வான்ஸ் பணம் கொடுப்பதாகத் தெரிவித்தார். ஹோட்டல் ஊழியர்கள் அவரின் பேச்சை நம்பி ஹோட்டலில் தங்க அனுமதித்தனர். ஓர் அறையை அலுவலகமாகவும், மற்றோர் அறையித் தங்கவும் பயன்படுத்தினார். சொன்னபடி அவர் ஒரு மாதத்தில் அட்வான்ஸ் பணம் கொடுக்கவில்லை. ஒவ்வொரு முறையும் ஏதாவது ஒரு காரணத்தைச் சொல்லி வாடகையோ, அட்வான்ஸ் பணமோ கொடுக்காமல் இழுத்தடித்துவந்தார். Also Read: ஷில்பா ஷெட்டி, ராஜ் குந்த்ரா மீது ரூ.41 லட்சம் மோசடி புகார் - டெல்லி தொழிலதிபர் கோர்ட்டில் முறையீடு! கடந்த ஏப்ரல், மே மாதங்களில் பணத்தைக் கொடுக்கும்படி ஹோட்டல் நிர்வாகம் நெருக்கடி கொடுத்தது. இந்தநிலையில் கடந்த மாதம் திடீரென ஹோட்டல் அறையை காலி செய்துவிட்டு தனது 12 வயது மகனை அழைத்துக்கொண்டு தப்பி ஓடிவிட்டார். அறை தொடர்ந்து அடைக்கப்பட்டிருந்ததால், ஊழியர்கள் திறந்து பார்த்தபோதுதான் அவர்கள் இரண்டு பேரும் பாத்ரூம் ஜன்னல் வழியாகத் தப்பி சென்றிருப்பது தெரியவந்தது. அறையில் லேப்டாப், மொபைல்போன் ஆகியவற்றை மட்டும் விட்டுச் சென்றிருந்தனர். ஹோட்டல் ஊழியர்களும் தங்களுக்குத் தெரிந்த இடத்தில் தேடினர். மோசடி முரளி ஹோட்டல் வாடகையாக ரூ.25 லட்சம் கொடுக்க வேண்டியிருந்தது. இதனால் அவர் ஹோட்டலைவிட்டு வெளியில் சென்றாலே ஊழியர்கள் தீவிரமாகக் கண்காணிக்க ஆரம்பித்தனர். எனவேதான் பாத்ரூம் ஜன்னல் வழியாக தப்பிச்சென்றிருப்பது தெரியவந்தது. பல இடங்களில் தேடியும் கிடைக்காததால் ஹோட்டல் நிர்வாகம் மும்பை போலீஸில் புகார் செய்துள்ளது. போலீஸார் முரளி கொடுத்த பாஸ்போர்ட் முகவரியின் அடிப்படையில் தேடிவருகின்றனர்.
http://dlvr.it/S6sCPq

Read More

``எனக்குத் திருமணம் நடக்காததால் கத்தியில் குத்தினேன்!" - திருமணமான காதலியைக் கொலை செய்த இளைஞர்!

கேரள மாநிலம் திருவனந்தபுரம் மாவட்டம் நெடுமங்காடு பகுதியை சேர்ந்தவர் ரேவதி (20) (பெயர் மாற்றப்பட்டுள்ளது). இவர் மாற்றுத்திறனாளிகளான தனது பெற்றோருடன் வாடகை வீட்டில் வசித்து வந்தார். நேற்று முன் தினம் ரேவதியின் வீட்டு சமையல் அறையில் ஆரியநாடு பகுதியை சேர்ந்த அருண்(28) என்ற இளைஞர் அத்துமீறி நுழைந்துள்ளார். அங்கிருந்த ரேவதியின் தாயின் வாயைப் பொத்தி கீழே தள்ளியுள்ளார். சத்தம்கேட்டு அங்கு வந்துள்ளார் ரேவதி. அருண் ரேவதியை அடித்து கத்தியால் குத்தியிருக்கிறார். மயங்கி தரையில் சாய்ந்தார் தேரவதி. அவரைக் காப்பாற்ற முயன்ற அவருடைய தாயின் கையிலும் கத்துக்குத்து விழுந்தது. அருண் அங்கிருந்து தப்பிச் செல்ல முயன்ற சமயத்தில் ரேவதியின் தந்தையையும் தாக்கியிருக்கிறார். Also Read: மன்னார்குடி: நண்பர்களால் கொலை செய்யப்பட்ட மாணவர்; விபரீதத்துக்கு மொபைல் கேம் காரணமா?கைது செய்யப்பட்ட அருண் அலறல் சத்தம் கேட்டு அப்பகுதியினர் அங்கு கூடினர். ரத்த வெள்ளத்தில் துடித்துக்கொண்டிருந்த ரேவதி மற்றும் அவரது பெற்றோரை திருவனந்தபுரம் அரசு மருத்துவக் கல்லூரி மருத்துவமனையில் சேர்த்தனர். மேலும் வீட்டில் இருந்து தப்பியோட முயன்ற அருணை விரட்டியுள்ளனர். அருகில் உள்ள வீட்டு மாடியில் ஏறி தப்பி ஓட முயன்ற அருணை அப்பகுதி மக்கள் பிடித்து போலிஸாரிடம் ஒப்படைத்தனர். மருத்துவமனையில் சிகிச்சை பலனின்றி ரேவதி இன்று காலை உயிரிழந்தார். அருண் மீது கொலை வழக்கு பதிவு செய்து அவரை போலீஸார் கைது செய்தனர். இதுகுறித்து அப்பகுதி மக்கள் கூறுகையில், "ரேவதியும், அருணும் ஏற்கனவே காதலித்துள்ளனர். ஆனால் ரேவதி வேறு ஒருவரை திருமணம் செய்துள்ளார். இதனால் நேரில் பார்க்கும்போது ரேவதியிடம் அருண் தகராறு செய்வது வழக்கம். ஒருமுறை ரேவதி மற்றும் அவரது தாயிடமிருந்து மொபைல் போனைப் பறித்துள்ளார் அருண். இதுகுறித்து அவர்கள் கொடுத்த புகாரின்பேரில் ஆரியநாடு போலீஸார் வழக்குப்பதிவு செய்து அருணை எச்சரித்து அனுப்பினர். இதற்கிடையில் அருண் இவ்வாறு நடந்துகொண்டான்" என்றனர்.கொலை செய்யப்பட்ட ரேவதி அருண் தனது வாக்குமூலத்தில், "என்னை போலீஸார் எச்சரித்து அனுப்பியபிறகு ரேவதி என் ஊருக்கு வந்து என்னைப்பற்றி தவறாக ஊர் மக்களிடம் கூறினார். ரேவதியை நான் காதலித்தது அனைவருக்கும் தெரியும் என்பதால் எனக்கு திருமணத்துக்கு பெண் கிடைக்காமல் தள்ளிப்போனது. அந்த ஆத்திரத்தில் இவ்வாறு செய்தேன்" எனத் தெரிவித்துள்ளார். அருண் மீது ஏற்கெனவேவ பல காவல் நிலையங்களில் வழக்குகள் இருப்பதாகவும் போலீஸார் தெரிவித்தனர்.
http://dlvr.it/S6pllx

Read More

மும்பை: `ரூ.100 கோடி லஞ்ச வழக்கு; போலி விசாரணை அறிக்கை!’ -சிபிஐ அதிகாரி, வழக்கறிஞர் கைதால் பரபரப்பு

மகாராஷ்டிரா முன்னாள் உள்துறை அமைச்சர் அனில் தேஷ்முக் பதவியில் இருந்த போது மும்பையில் உள்ள பீர் பார்கள், ஹோட்டல்களில் ஒவ்வொரு மாதமும் ரூ.100 கோடி மாமூல் வாங்கிக்கொடுக்கும்படி போலீஸ் அதிகாரிகளிடம் கேட்டுக்கொண்டதாக குற்றச்சாட்டு எழுந்தது. இது தொடர்பான குற்றச்சாட்டை மும்பை முன்னாள் போலீஸ் கமிஷனர் பரம்பீர் சிங் தெரிவித்திருந்தார், அதன் அடிப்படையில் மும்பை உயர் நீதிமன்றம் சிபிஐ விசாரணைக்கு உத்தரவிட்டுள்ளது. அனில் தேஷ்முக் அமலாக்கப்பிரிவும் அனில் தேஷ்முக் மீது பணமோசடி தொடர்பாக விசாரித்து வருகிறது. இது தொடர்பாக விசாரிக்க 4 முறை அமலாக்கப்பிரிவு அனில் தேஷ்முக்கிற்கு சம்மன் அனுப்பியது. ஆனால் அவர் ஆஜராகவில்லை, இருந்தும் அவரை கைது செய்ய அமலாக்கப்பிரிவு எந்த வித முயற்சியும் எடுக்கவில்லை என்ற குற்றச்சாட்டும் எழுந்திருக்கிறது. இவ்வழக்கில் புதிய திருப்பமாக சிபிஐ-யின் ஆரம்ப கட்ட விசாரணையில் அனில் தேஷ்முக்குக்கு எதிரான குற்றசாட்டில் உண்மை இல்லை என்பது போன்ற அறிக்கை சமூக வலைத்தளத்தில் வெளியானது. இதனால் அதிர்ச்சியடைந்த சிபிஐ அதிகாரிகள் இது எப்படி வெளியானது என்பது குறித்து தீவிர விசாரணை நடத்தினர். சிபிஐ கீழ் மட்ட அதிகாரி ஒருவருக்கு லஞ்சம் கொடுத்து இது போன்ற ஆரம்ப கட்ட விசாரணை அறிக்கையை தயாரித்து வெளியிட்டது தெரிய வந்துள்ளது. Also Read: 'மகாராஷ்டிரா: 100 கோடி மாமூல் விவகாரம்! - மாஜி அமைச்சர் அனில் தேஷ்முக் மீது அமலாக்கத்துறை வழக்கு' இதில் அனில் தேஷ்முக் வழக்கறிஞருக்கும், மருமகன் கவுரவ் ஆகியோருக்கும் தொடர்பு இருப்பது தெரிய வந்தது. உடனே புதன்கிழமை இரவு இரண்டு பேரையும் சிபிஐ அதிகாரிகள் அழைத்து சென்று இது குறித்து தீவிர விசாரணை நடத்தினர். இந்த விசாரணைக்கு பிறகு அனில்தேஷ்முக் வழக்கறிஞரை கைது செய்தனர். ஆனால் அனில் தேஷ்முக் மருமகனை விடுவித்தனர். கவுரவுக்கு இதில் எந்த வித நேரடித்தொடர்பும் இல்லை என்று கூறி அவரை போகச்சொன்னதாக சிபிஐ அதிகாரிகள் தெரிவித்தனர். அனில் தேஷ்முக் விசாரணையில் அனில் தேஷ்முக் வழக்கறிஞர் ஆனந்த், சிபிஐ அதிகாரி அபிஷேக் திவாரி என்பவரிடம் லஞ்சம் கொடுத்து போலியான விசாரணை அறிக்கையை தயார் செய்ய வைத்துள்ளது தெரியவந்தது. இது தொடர்பாக அபிஷேக் திவாரியும் கைது செய்யப்பட்டுள்ளார். முன்னதாக கவுரவும் அவரது மனைவியும் வீட்டை விட்டு வெளியில் வந்த போது 10 பேர் கொண்ட கும்பல் வந்து சட்டவிரோதமாக கவுரவை அழைத்து சென்றதாக தேசியவாத காங்கிரஸ் செய்தித்தொடர்பாளர் நவாப்மாலிக் குற்றம்சாட்டினார். எந்த வித விதிகளும் பின்பற்றப்படாமல் அழைத்து செல்லப்பட்டுள்ளார். நாட்டில் சட்டங்கள் அமலில் இருக்கிறதா என்றும் கேள்வி எழுப்பினார். காங்கிரஸ் கட்சியும் சிபிஐயின் செயலுக்கு கண்டனம் தெரிவித்துள்ளது.
http://dlvr.it/S6p88S

Read More

காதலனுடன் செல்ல எதிர்ப்பு; சகோதரியின் வன்கொடுமை புகார்! -2 ஆண்டுகளுக்கு பின் விடுவிக்கப்பட்ட சகோதரர்

மும்பை புறநகர் பகுதியில் வசிக்கும் இளம்பெண் ஒருவர் கடந்த 2018-ம் ஆண்டு தனது சகோதரன், வீட்டில் பெற்றோர் இல்லாத நேரத்தில் தன்னை வன்கொடுமை செய்துவிட்டதாக புகார் செய்தார். புகார் செய்த போது அப்பெண் மைனராக இருந்தார். இதனால் அப்பெண்ணின் அண்ணன் மீது குழந்தைகள் பாலியல் தடுப்பு சட்டத்தின் கீழ் வழக்கு பதிவு செய்யப்பட்டு, கைது செய்யப்பட்டு சிறையில் அடைக்கப்பட்டார். கடந்த இரண்டு ஆண்டுகளாக அப்பெண்ணின் சகோதரருக்கு நீதிமன்றம் ஜாமீன் வழங்கவில்லை. சிறார் வதை அதேசமயம் இது தொடர்பான வழக்கு மும்பையில் உள்ள தீன்தோஷி கோர்ட்டில் விசாரிக்கப்பட்டு வந்தது. விசாரணையின் போது புகார் அளித்தவரும், விசாரணை அதிகாரியும் நேரில் ஆஜராகி வாக்குமூலம் கொடுத்தனர். இதில் வன்கொடுமை செய்யப்பட்டதாக கூறப்படும் பெண், அப்படியே தனது வாக்குமூலத்தை மாற்றிக்கூறினார். `தனது காதலனுடன் வெளியில் செல்வதை தனது சகோதரன் எதிர்த்து தன்னுடன் சண்டையிட்டதோடு தன்னை அடித்ததால் அது போன்ற ஒரு போலியான வன்கொடுமை புகாரை தெரிவித்ததாக’ நீதிமன்றத்தில் தெரிவித்தார். தன்னை தனது சகோதரன் வன்கொடுமை செய்யவில்லை என்றும் குறிப்பிட்டார். Also Read: மைசூரு கூட்டுப் பாலியல் வன்கொடுமை: கொடூரச் சம்பவமும் விசாரணை நிலையும் - ஒரு பார்வை இவ்வழக்கில் கருத்து தெரிவித்த நீதிமன்றம், `புகார் செய்த பிறகு சம்பந்தப்பட்ட பெண்ணுக்கு மருத்துவ பரிசோதனை எதுவும் நடத்தப்படவில்லை. சம்பவம் நடந்ததாக கூறப்படும் போது பாதிக்கப்பட்டதாக கூறப்படும் பெண் மைனர் என்பதை நிரூபிக்கவில்லை. எனவே குழந்தைகள் பாலியல் தடுப்பு சட்டத்தின் கீழ் கைது செய்யப்பட்டதை ரத்து செய்வதாக தெரிவித்தது. தீர்ப்பு மேலும் பெண்ணின் வாக்குமூலம் முன்னுக்குப் பின் முரணாக இருப்பதை சுட்டிக்காட்டிய நீதிமன்றம், சொந்த வாக்குமூலத்தை மனுதாரர் மாற்றிக்கூறுகிறார். அவரது வாக்குமூலம் நம்பும் படியாக இல்லை. அதோடு குற்றச்சாட்டை நிரூபிக்க போதிய ஆதாரமும் இல்லை. எனவே இவ்வழக்கில் இருந்து குற்றம் சாட்டப்பட்ட நபர் விடுவிக்கப்படுவதாக நீதிமன்றம் தெரிவித்தது. இதையடுத்து இரண்டு ஆண்டுகளாக எந்த தவறும் செய்யாமல் சிறையில் இருந்த சகோதரர் விடுதலை செய்யப்பட்டுள்ளார். Also Read: பாலிடிக்ஸ்! பாலியல் பாதுகாப்பு? தொடரும் அவலம்
http://dlvr.it/S6ncCv

Read More

உலக கடித தினம் இன்று : அரசியல் முதல் இலக்கிய உலகம் வரை.. கனலை மூட்டிய கடிதங்கள்!

அன்புள்ள அப்பாவுக்கு, அம்மாவுக்கு, மதிப்பிற்குரிய ஆசிரியருக்கு என்பது மாதிரியான முன்னொட்டுடன் கடிதங்கள் எழுதப்பட்டு வருகின்றன. மக்கள் தொடர்பியலூக்கான சேவையில் முன்னோடி இந்த கடிதங்கள்.  இன்று உலக கடித தினம். கையால் எழுதும் முறையை பாராட்டும் விதமாக இந்த நாள் கொண்டாடப்பட்டு வருகிறது.  மனித வாழ்க்கையின் நவரச உணர்வுகளையும் தன்னகத்தே தாங்கி செல்லும் இந்தக் கடுதாசிகள் குறித்து பார்ப்போம்.  ஆதி காலங்களில் மன்னர்களின் எண்ண ஓட்டங்களை இந்த கடிதங்களின் வாயிலாக ஒரு இடத்திலிருந்து மற்றொரு இடத்திற்கு புறாக்கள் கடத்தி சென்றதையும் நாம் கேள்விப்பட்டதுண்டு. தொடர்ந்து அப்படியே தபால் துறை மூலம் கடிதங்கள் கொண்டு சேர்க்கப்பட்டன. இன்றைய டிஜிட்டல் உலகிலும் EMail வடிவில் தொடர்ந்து வெற்றி நடை போட்டு வருகின்றன. கடிதத்தின் வரலாறு! கடிதத்தின் தொடக்கப் புள்ளியாக பண்டைய இந்தியா திகழ்ந்துள்ளதாக சில தகவல்கள் சொல்லப்படுகின்றன. அப்படியே கிரேக்கம், ரோமாபுரி என படிப்படியாக பல்வேறு நாடுகளில் இந்த வழக்கம் தொடர்ந்து உலக முழுவதும் பரவலாகி உள்ளது அதன் பயன்பாடு.  தனிப்பட்ட மக்களின் உணர்வுகளை வெளிப்படுத்தும் கருவியான கடிதங்கள் வணிகம், விடுதலை, அரசியல், மொழி வளர்ச்சி என பல்வேறு விதமான பயன்பாட்டுக்கு உதவி உள்ளது.  பிரபலங்களும் கடிதங்களும்! மகாத்மா காந்தி, நேரு, நேதாஜி, பகத்சிங், மகாகவி பாரதியார், வ.உ. சிதம்பரனார் என பலரும் கடிதங்கள் மூலமாக மக்களிடம் தங்களது எண்ண ஓட்டங்களை வெளிப்படுத்தியுள்ளனர். பெரும்பாலும் அவை அனைத்தும் விடுதலை மற்றும் தேச நலன் சார்ந்தே இருந்துள்ளன. காந்தியின் கடிதங்கள் ‘Famous Letters of Mahatma Gandhi’ என புத்தகமாக வெளியிடப்பட்டுள்ளது. இந்தியாவின் விடுதலை வேட்கைக்கு வித்திட்டதும் காந்தியடிகளின் கடிதங்கள் தான். மக்களிடையே புரட்சியை ஏற்படுத்தின அவை.  இதில் காந்தி, நேதாஜி, அம்பேத்கர் மற்றும் பாரதியார் மாதிரியான பிரபலங்கள் தங்கள் குடும்பம் மற்றும் மனைவிகளை கடிதங்கள் மூலமாக தொடர்பு கொண்ட நிகழ்வுகளும் நடந்துள்ளன. நேரு சிறையில் இருக்கும் போது தன்னுடைய மகளான இந்திரா காந்திக்கு எழுதிய கடிதங்கள் மிகவும் முக்கியத்துவம் வாய்ந்தவை என்று இன்றளவும் கருதப்படுகிறது. தந்தை மகளுக்கு எழுதிய கடிதங்கள் என்ற தலைப்பில் இயற்கை வரலாறு மற்றும் உலக நாகரிகங்களின் தோற்றம் பற்றிய விவரங்களை விளக்கி எழுதிய 30 கடிதங்களை நேரு எழுதியிருந்தார். அவை தொகுக்கப்பட்டு புத்தகமாக உள்ளது. பொதுவுடைமை கருத்தியல் கோட்பாட்டை உருவாக்கிய முன்னவர்களான கார்ல் மார்க்ஸ் - பிரடெரிக் எங்கெல்ஸ் இருவரும் கடிதப் போக்குவரத்து வழியேதான் பல்வேறு தத்துவார்த்த கருத்துக்களை பரிமாறிக் கொண்டனர். அவை புத்தகங்களாக தொகுக்கப்பட்டு இன்றளவும் வாசிக்கப்பட்டு வருகிறது. கார்ல்ஸ் மார்க்ஸ் - ஜென்னி மார்க்ஸ் (மனைவி) இடையேயான கடிதங்களும் மிகவும் பிரபலமானவை. கறுப்பின மக்களின் மீதான நிறவெறிக்கும் இனவாதத்திற்கும் எதிராகப் போராடி, கைது செய்யப்பட்டு, 27 வருட சிறைவாசம் அனுபவித்த நெல்சன் மண்டேலா, தான் கைது செய்யப்பட்ட நாளிலிருந்து அவரது மனைவி மற்றும் ஐந்து குழந்தைகளுக்கு, சிறை அதிகாரிகள், அரசாங்க அமைச்சர்களுக்கு, இறந்த சுதந்திர போராளிகளின் குடும்பங்களுக்கு இரங்கல் எனப் பல கடிதங்களை எழுதினார். சிறையில் இருந்தபடியே அந்த கடிதங்கள் மூலம் புரட்சி வேட்கையை குறையாமல் பார்த்துக்கொண்டார். இந்திய விடுதலைப் போராட்டம் என்றாலே நம்முடைய நினைவுக்கு முதலில் வரும் இளைஞர் பகத்சிங் தான். சிறைக்குள்ளிருந்தும், சிறைக்கு வெளியில் இருந்தும் பகத்சிங் எழுதிய கடிதங்கள் பல. சிறையில் இருக்கும் போது பஞ்சாப் ஆளுநருக்கு எழுதிய கடிதம் ஒன்றில், “இந்திய விடுதலைப் போராட்டம் இந்திய மக்களுக்கும் இங்கிலாந்திற்கும் இடையிலான போர். நாங்கள் போர்க்கைதிகள். எங்களுக்கு மரண தண்டனை கொடுக்கப்பட்ட காரணமும் நாங்கள் அரசுக்கு எதிராக போர் தொடுத்ததாகத் தான் கூறுகிறது. எங்களை போர்க்கைதிகளுக்கு தண்டனை கொடுப்பது போல துப்பாக்கியால் சுட்டுக் கொல்லுங்கள்” என்று பகத்சிங் எழுதியிருந்தார். இந்தக் கடிதம் மிகவும் புரட்சி கனலை மூட்டியது. தமிழகத்தில் திராவிட அரசியலுக்கு வித்திட்ட முக்கியமான தலைவர்களில் ஒருவர் அறிஞர் அண்ணா. தம்பிகளுக்கு கடிதம் என அவர் எழுதிய கடிதங்கள் தற்போது தொகுப்புகளாக உள்ளன. தன்னுடைய அரசியல் கருத்துக்களை தொண்டர்களிடம் எடுத்துக் கொண்டு போக கடிதங்களை பயன்படுத்தினர். தமிழ் இலக்கியம் மற்றும் அரசியலில் முக்கிய இடம் பிடித்துள்ளன கடிதங்கள்! டி.கே. சிதம்பரநாதன் எழுதிய கடிதங்கள், கி.ராஜநாராயணனுக்கு சக எழுத்தாளர்கள் எழுதிய கடிதங்கள் புத்தகங்களாக தொகுக்கப்பட்டுள்ளன. முன்னாள் முதல்வர்கள் அண்ணா மற்றும் கருணாநிதியும் கடிதங்கள் மூலமாக மக்களை தொடர்பு கொண்டனர்.  தமிழ் நவீன இலக்கிய உலகில் பிதாமகனாக திகழ்ந்தவர் புதுமைப்பித்தன். புதுமைப் பித்தன் தனது மனைவி கமலாவிற்கு தன் கைப்பட எழுதிய 88 கடிதங்கள் தொகுப்பாக வெளியாகி இருக்கிறது. புதுமைப்பித்தனின் எழுத்துக்கள் மூலம் எப்படி அவரது இலக்கிய சிந்தனைகளை நாம் தெரிந்து கொள்ள முடியுமோ, அந்த அளவில் மனைவி கமலாவுக்கு எழுதிய கடிதங்கள் மூலம் அவர் எப்படி தான் விரும்பிய இலக்கியங்களுக்கு நேர்மையாகவும் உண்மையாகவும் இருந்தார் என்பதை புரிந்து கொள்ளலாம். தற்போதும் பல்வேறு அரசியல் கட்சிகளை சேர்ந்த தலைவர்கள் கடிதம் எழுதும் வழக்கத்தை தவறாமல் கடைபிடித்து வருகின்றனர். தமிழ்நாடு முதல்வராக பொறுப்பேற்றுக் கொண்டதும் முதல்வர் மு.க.ஸ்டாலின் தன் கட்சியினருக்கு கடிதம் எழுதி இருந்தது குறிப்பிடத்தக்கது.  டிஜிட்டல் யுகத்திலும் தொடரும் பயன்பாடு! இன்றைய டிஜிட்டல் உலகில் மின்னஞ்சல் மூலமாக கடிதம் எழுதும் வழக்கம் தொடர்ந்து வருகிறது. பெரும்பாலும் இப்போது எழுதப்படும் கடிதங்கள் அலுவல் பணி சார்ந்து இருக்கின்றன. வலைத்தளங்கள் கூட நியூஸ் லெட்டர் மூலமாக பயனர்களை கவர்வதற்கான பணிகளை செய்கின்றன.  இருந்தாலும் ‘நலம் நலமறிய ஆவல்’, ‘நான் இங்கு சுகம்! நீ அங்கு சுகமா?’, ‘யாவரும் நலம்’ மாதிரியான உணர்ச்சி வெளிப்பாடுகள் எல்லாம் எமோஜிக்கள் வழியே கடத்தப்படுகின்றன.  முகம் கூட பார்க்காமல் கடிதம் மூலம் வளர்ந்த ஆத்மார்த்தமான காதல் எல்லாம் இப்போது டிஜிட்டல் சாதனங்கள் வழியே கடக்கப்பட்டு வருகிறது.  இதையும் படிக்காலமே : "தடயங்கள் அழிப்பு" - ஜாலியன் வாலாபாக் நினைவிடம் புனரமைப்புக்கு எதிர்ப்பும் பின்னணியும்
http://dlvr.it/S6l3pL

Read More