ஸ்டாலினை சந்திக்கும் கேரள உயர்மட்டக்குழு! - நல்ல தீர்வு ஏற்படும் என அமைச்சர் நம்பிக்கை

கேரள தொல்லியல்துறை மற்றும் துறைமுகத்துறை அமைச்சர் அகமது தேவர் கோவில், குமரி மாவட்டம் பத்மநாபபுரம் அரண்மனைக்கு வந்திருந்தார். கேரள அரசின் கட்டுப்பாட்டில் உள்ள பத்மநாபபுரம் அரண்மனையை சுற்றிப்பார்த்த அவர், சுமார் ஒரு மணி நேரத்திற்கும் மேல் அங்கு ஆய்வு மேற்கொண்டார். மேலும் தொல்லியல்துறை இயக்குநர் தினேஷ் மற்றும் அரண்மனை கண்காணிப்பாளர் அஜித்குமார் உள்ளிட்ட அதிகாரிகளிடம் அமைச்சர் ஆலோசனை நடத்தினார். பின்னர் கேரள அமைச்சர் அகமது தேவர் கோவில் செய்தியாளர்களிடம் கூறுகையில், "கொரோனா பரவல் காரணமாக மூடிக்கிடக்கும் பத்மநாபபுரம் அரண்மனையை கொரோனா கட்டுப்பாடுகளுடன் திறக்க நடவடிக்கை எடுக்கப்படும். அடுத்த வாரம் முதல்வர் ஸ்டாலினை சந்தித்து பேச கேரள அரசின் உயர்மட்டக்குழு சென்னை செல்கிறது. அந்த சந்திப்பின்போது பத்மநாபபுரம் அரண்மனையை திறப்பது குறித்தும் தமிழக முதல்வரிடம் எடுத்துக்கூறப்படும்.பத்மநாபபுரம் அரண்மனையில் கேரள அமைச்சர் ஆய்வு மேலும் தமிழக - கேரள மாநிலங்களுக்கு இடையே உள்ள பிரச்னைகள் குறித்து அதில் பேச உள்ளோம். கேரளத்தில் நடக்கும் விழிஞ்ஞம் துறைமுகப் பணிகள் உள்ளிட்ட தேவைகளுக்கு 75,000 மெட்ரிக் டன் பாறை கற்கள் தேவைப்படுகின்றன. மற்ற மாவட்டங்களில் இருந்து பாறைக் கல் வந்துகொண்டிருக்கின்றன. கன்னியாகுமரி மாவட்டத்தில் இருந்து பாறை கல் வருவதில் பிரச்னை இருக்கிறது. அதுபற்றியும் முதல்வரிடம் பேசுவோம். தமிழக முதல்வருடனான சந்திப்பின்போது பல்வேறு பிரச்னைகளுக்கு தீர்வு காணப்படும் என நம்புகிறேன். Also Read: தரையில் அமரவைக்கப்பட்ட தமிழக மாணவர்கள்! சர்ச்சையில் பத்மநாபபுரம் அரண்மனை விழா! தொலை நோக்கு பார்வையுள்ள அரசாக தமிழகத்தில் ஸ்டாலின் தலைமையிலான அரசு உள்ளது. தமிழக அரசுக்கும் கேரள அரசுக்குமான உறவு பாலமாக பத்மநாபபுரம் அரண்மனை உள்ளது. இங்கு நடக்கும் விழாக்கள் இரு மாநில உறவுகளையும் வலுப்படுத்தும் விதமாக உள்ளன. உலகத்தரத்தில் தொழில்நுட்ப ரீதியாக பத்மநாபபுரம் அரண்மனையை மேம்படுத்த நடவடிக்கை எடுக்கப்படும். அதற்காக வேலூர் வி.ஐ.டி பல்கலைகழகம் இதுகுறித்த ஆய்வறிக்கையை வழங்கியுள்ளது. அதுபற்றியும் பரிசீலிப்போம்.பத்மநாபபுரம் அரண்மனை ஊழியர்களுடன் அமைச்சர் அகமது தேவர் கோவில் திருவனந்தபுரத்தில் நடக்கும் நவராத்திரி விழாவுக்காக பத்மநாபபுரம் அரண்மனையில் இருந்து அக்டோபர் 3-ம் தேதி சாமி ஊர்வலம் புறப்படுகிறது. கடந்த ஆண்டு போன்று இந்த ஆண்டும் கொரோனா விதிமுறைகளை கடைபிடித்து நவராத்திரி சாமி ஊர்வலம் நடைபெறும்" என்றார்.
http://dlvr.it/S7M26g

Read More

நிபா வைரஸ்: `காய்ச்சல் அறிகுறி தென்பட்டால், திருப்பி அனுப்பப்படுவார்கள்!’ - நீலகிரி ஆட்சியர்

கேரள மாநிலம் கோழிக்கோட்டைச் சேர்ந்த 12 வயது சிறுவன் நிபா வைரஸ் பாதிப்பால் கடந்த வாரம் உயிரிழந்த நிலையில், சிறுவனிடம் தொடர்பில் இருந்த அனைவரையும் தனிமைப்படுத்தி கண்காணித்து வருகின்றனர். முன்னெச்சரிக்கை நடவடிக்கையாக எல்லையோர மாவட்டத்தில் கண்காணிப்பு பணிகள் தீவிரப்படுத்தப்பட்டுள்ளது.வௌவால் நிபா மற்றும் கொரோனா முன்னெச்சரிக்கை நடவடிக்கைகள் குறித்து நீலகிரி மாவட்ட ஆட்சியர் இன்னசென்ட் திவ்யா, "நிபா வைரஸ் தொடர்பாக தமிழக முதல்வரின் அறிவுறுத்தலின்படி நீலகிரி மாவட்டத்தில் முழுவீச்சில் தடுப்புப் பணிகள் மேற்கொள்ளப்பட்டு வருகிறது. அண்டை மாநிலமான கேரளாவில் நிபா வைரஸ் தொற்று தாக்கம் உள்ளதால், அருகிலுள்ள மாவட்டமான நமது மாவட்டத்திலுள்ள அனைத்து சோதனைச் சாவடிகளிலும் முழுவீச்சில் கண்காணிப்பு பணிகள் மேற்கொள்ளப்பட்டு வருகிறது. Also Read: நிபா வைரஸ் முன்னெச்சரிக்கை நடவடிக்கை: தமிழக - கேரள சாலைகளில் 24 மணிநேர மருத்துவக் கண்காணிப்புக் குழு மேலும் நிமோனியா போன்ற காய்ச்சல் அறிகுறிகள் ஏற்பட்டு வருபவர்கள் சோதனைச் சாவடிகளில் பரிசோதிக்கப்பட்டு அறிகுறிகள் தென்படும் பட்சத்தில் உடனடியாக அவர்கள் திருப்பி அனுப்பப்பட்டு வருகிறார்கள். கேரளா மாநிலத்திலிருந்து நீலகிரி மாவட்டத்திற்கு வருகை தருபவர்கள் கட்டாயம் கொரோனா இல்லை என ஆர்.டி.பி.சி.ஆர் பரிசோதனை சான்றிதழ் வைத்திருக்க வேண்டும்.nilgiris collector innocent divya நீலகிரி மாவட்டத்தில் 98 சதவீதம் கொரோனா தடுப்பூசி செலுத்தப்பட்டுள்ளது. இன்னும் 2, 3 நாட்களில் மீதமுள்ள பொதுமக்களும் தடுப்பூசி செலுத்த நடவடிக்கைகள் எடுக்கப்பட்டு உள்ளது. இதன் மூலம் முதல் தவணை தடுப்பூசி 100 சதவீதம் செலுத்தப்பட்ட மாவட்டமாக மாறும். இரண்டாவது தவணை கொரோனா தடுப்பூசியும் பொதுமக்களுக்கு செலுத்தப்பட்டு வருகிறது" என்றார்.
http://dlvr.it/S7K4N4

Read More

விநாயகர் சதுர்த்தி விழா ஆரம்பம்: மும்பையில் ஊர்வலம், நேரடி தரிசனத்தை தடுக்க 144 தடை உத்தரவு அமல்

மும்பையில் ஒவ்வொரு ஆண்டும் கோலாகலமாக கொண்டாடப்படும் விநாயகர் சதுர்த்தி விழா கொரோனா தொற்று காரணமாக இரண்டு ஆண்டுகளாக களையிழந்து காணப்படுகிறது. நடப்பு ஆண்டில் விநாயகர் சதுர்த்தி விழாவை கட்டுப்பாடுகளுடன் கொண்டாட மாநில அரசு அனுமதித்துள்ளது. ஆரம்பத்தில் விநாயகர் ஊர்வலத்திற்கு மும்பை மாநகராட்சி நிர்வாகம் தடை விதித்தது. அதோடு கணபதி மண்டல்களில் சென்று பக்தர்கள் தரிசனம் செய்யவும் தடை விதிக்கப்பட்டது. தற்போது புதிதாக மும்பை போலீஸார் மும்பை முழுக்க 144 தடை உத்தரவு பிறப்பித்துள்ளனர். கணபதி சிலை இதன்படி மும்பையில் வரும் 19-ம் தேதி வரை 5 பேருக்கு மேல் ஒரு இடத்தில் கூட தடை விதிக்கப்பட்டுள்ளது. விநாயகர் ஊர்வலத்திற்கும், கணபதி மண்டல்களில் சென்று பக்தர்கள் சாமி தரிசனம் செய்யவும் தடை விதிக்கப்பட்டுள்ளதாக போலீஸார் வெளியிட்டுள்ள அறிக்கையில் குறிப்பிடப்பட்டுள்ளது. மும்பை போலீஸ் செய்தி தொடர்பாளர் சைதன்யா வெளியிட்டுள்ள அந்த அறிக்கையில், மாநில உள்துறை அமைச்சகம், மாநகராட்சி நிர்வாகம் பிறப்பித்துள்ள உத்தரவை சுட்டிக்காட்டி மேற்கண்ட உத்தரவு பிறப்பிக்கப்பட்டுள்ளதாக தெரிவித்துள்ளார். மக்கள் விநாயகரை ஆன்லைன் மூலமாகவோ அல்லது சமூக வலைத்தளம் மூலமாகவோ தரிசனம் செய்யலாம் என்றும், உத்தரவை மீறி 5 பேருக்கு மேல் கூடினால் 188வது சட்டப்பிரிவின் கீழ் நடவடிக்கை எடுக்கப்படும் என்றும் அவர் தனது அறிக்கையில் குறிப்பிட்டுள்ளார். Also Read: விநாயகர் சதுர்த்தி பூஜை | எளிமையாகச் செய்வது எப்படி? | How to Worship on Vinayagar Chathurthi மாநில உள்துறை அமைச்சகமும் இது தொடர்பாக வெளியிட்டுள்ள அறிக்கையில், பக்தர்கள் கணபதி மண்டல்களுக்கு சென்று தரிசனம் செய்ய தடை விதிக்கப்படுவதாக குறிப்பிடப்பட்டுள்ளது. மாநகராட்சி, மும்பை போலீஸார், மாநில அரசுகளின் உத்தரவால் இந்த ஆண்டும் மக்கள் வழக்கமான உற்சாகத்துடன் விநாயகர் சதுர்த்தியை கொண்டாட முடியாத நிலைக்கு தள்ளப்பட்டுள்ளனர். பக்தர்கள் வியாழக்கிழமை மாலையில் இருந்தே விநாயகர் சிலைகளை தங்களது மண்டல்கள் மற்றும் வீடுகளுக்கு எடுத்து செல்ல ஆரம்பித்தனர். விநாயகர் சதுர்த்தி பக்தர்கள் சிலைகளை கரைக்கவும் பல்வேறு கட்டுப்பாடுகள் விதிக்கப்பட்டுள்ளது. வழக்கமாக வரலாற்று நிகழ்வுகளை மையமாக வைத்து விநாயகர் மண்டல்கள் அமைக்கப்படுவது வழக்கம். ஆனால் அரசின் கட்டுப்பாடு காரணமாக பெரும்பாலான கணபதி மண்டல்கள் சிறிய அளவில் விழாவை கொண்டாட முடிவு செய்துள்ளனர். சுதந்திர போராட்டத்தின் போது மக்களை ஒன்று சேர்க்க லோக்மான்ய திலகர் கணபதி விழாவை அனைவரும் ஒன்று சேர்ந்து கொண்டாடும் முறையை 1800களின் இறுதியில் அறிமுகம் செய்தார். அந்த பண்டிகை நாளடைவில் பிரபலமடைந்து ஒவ்வொரு ஆண்டும் உற்சாகமாக கொண்டாடப்படுகிறது. Also Read: விநாயகர் சதுர்த்தி: எகிப்து, காபூல், சீனா - உமை மைந்தனை உலகெங்கும் எப்படியெல்லாம் கொண்டாடுகிறார்கள்?
http://dlvr.it/S7HyZH

Read More

BRICS: வளர்ந்துவரும் நாடுகளுக்கு மத்தியில் ஆதிக்கமிக்கவர்களாக இருக்கிறோம் - பிரதமர் மோடி

BRICS (பிரேசில் - ரஷ்யா - இந்தியா - சீனா - தென் ஆப்பிரிக்கா) அமைப்பின் அதிபர்கள் கூட்டம் இன்று காணொளி வாயிலாக நடத்தப்பட்டது. இதில் குறிப்பாக ஆப்கானிஸ்தானில் தலிபான்கள் ஆட்சிப்பொறுப்பு ஏற்றது குறித்தும், இதனால் உள்நாடு மற்றும் வெளிநாடுகள் எவ்வாறு பாதிக்கப்படலாம் என்பது குறித்தும் கலந்துரையாடினர். இந்தக் கூட்டத்தில் ரஷ்ய அதிபர் விளாமிடிர் புடின், சீன அதிபர் ஜி ஜின்பிங், தென் ஆப்பிரிக்க அதிபர் சிரில் ராமபோசா மற்றும் பிரேசில் அதிபர் ஜெயிர் போல்சோனரோ ஆகியோரும் கலந்துகொண்டனர். இந்த காணொளி கூட்டத்தில் பிரதமர் மோடி தனது கருத்துகளையும் பாராட்டுகளையும் தெரிவித்தார். அப்போது பேசிய அவர், ‘’ஐந்து நாடுகளின் அமைப்பான BRICS, பயங்கரவாத எதிர்ப்பு நடவடிக்கை திட்டத்தை ஏற்றுக்கொண்டுள்ளது. அடுத்த பதினைந்து வருடங்களில் இந்த அமைப்பை மேலும் ஆக்கப்பூர்வமானதாக மாற்றவேண்டும். மேலும் கடந்த ஒன்றரை தசாப்தத்தில் BRICS நிறைய சாதனைகளை படைத்திருக்கிறது. இன்று நாம் உலகின் வளர்ந்துவரும் பொருளாதார நாடுகளுக்கு மத்தியில் ஆதிக்கமிக்கவர்களாக இருக்கிறோம். மேலும் வளர்ந்துவரும் நாடுகளுக்கு முன்னுரிமை அளிப்பதில் கவனம் செலுத்துவதற்கும் இந்த தளம் பயனுள்ளதாக இருக்கிறது’’ என்றார். இதில் பேசிய ரஷ்ய அதிபர் புடின், ஆப்கானிஸ்தான் விவகாரம் குறித்து பேசினார். ஆப்கான் அண்டை நாடுகளை அச்சுறுத்துவதாக உருவாகிவிடக்கூடாது என்றார். அது போதைப்பொருள் கடத்தல் மற்றும் பயங்கரவாதத்தின் அடித்தளமாக இருப்பதாகவும் தெரிவித்தார். மேலும் ஆப்கானிஸ்தான் மக்கள் பல தசாப்தங்களாக தங்கள் உரிமைக்காக போராடிவருவதால் தங்கள் நாடு எப்படியிருக்கவேண்டும் என வரையறுக்க அவர்கள் தகுதியானவர்கள் என்றும் தெரிவித்தார். மேலும், தலிபான்கள் ஆட்சிப்பொறுப்பேற்ற ஒருமாதத்திலேயே கடுமையான படைவீரர்களை அமர்த்தியுள்ளனர். மேலும் ஆப்கானிஸ்தானிலிருந்து அமெரிக்காப்படைகள் வெளியேறியது உள்நாட்டு மற்றும் உலக நாடுகளின் பாதுகாப்பை எந்த அளவிற்கு பாதிக்கும் என்பது இன்னும் தெளிவாகத் தெரியவில்லை என்றும் தெரிவித்தார். "உயர்கல்வியில் சிறந்த இளைஞர்களை உருவாக்குவது வளர்ச்சிக்கு உதவும்" - வெங்கய்யா நாயுடு 
http://dlvr.it/S7HW1R

Read More

நெல்லையில் ரூ.15 கோடியில் பொருநை அருங்காட்சியகம் - முதல்வர் மு.க.ஸ்டாலின் அறிவிப்பு

நெல்லை நகரில் ரூ.15 கோடியில் நவீன வசதிகளுடன் பொருநை அருங்காட்சியகம் அமைக்கப்படும் என சட்டப்பேரவையில் முதலைமைச்சர் மு.க.ஸ்டாலின் அறிவித்துள்ளார்.   தமிழக சட்டப்பேரவையில் விதி எண் 110ன் கீழ் அறிவிப்பு வெளியிட்டு பேசிய முதலமைச்சர் மு.க.ஸ்டாலின், ''அகழாய்வு நடைபெறும் ஆதிச்சநல்லூரில் முதுமக்கள் தாழி கண்டுபிடிக்கப்பட்டுள்ளது. கீழடி அகழாய்வுகளில் நான்காம் நூற்றாண்டைச் சேர்ந்த வெள்ளிக்காசு கண்டறியப்பட்டுள்ளது. கீழடி நாகரிகம் கி.மு. ஆறாம் நூற்றாண்டு நாகரிகம் என தெரியவந்துள்ளது. கொற்கை துறைமுகம் கி.மு. ஆறாம் நூற்றாண்டுக்கு முந்தையது என ஆய்வாளர்கள் கூறுகின்றனர்.   கேரளாவின் பட்டணம், ஆந்திராவின் வேங்கி, கர்நாடகாவின் தலைக்காடு, ஒடிசா உள்ளிட்ட இடங்களில் ஆய்வு மேற்கொள்ளப்படும். கீழடி அகழாய்வு உலக அளவில் கவனம் பெற்றுள்ளது. தமிழர் பண்பாட்டு அடையாளங்களைத் தேடி இனி உலகெங்கும் பயணம் செல்வோம். பொருநை ஆற்றங்கரை நாகரிகம் 3200 ஆண்டுகள் பழமையானது என அமெரிக்க ஆய்வு நிறுவனத்தின் முடிவுகள் தெரிவிக்கின்றன. நெல்லை நகரில் ரூ.15 கோடியில் நவீன வசதிகளுடன் பொருநை அருங்காட்சியகம் அமைக்கப்படும். அகழாய்வு பணிகளுக்கு ஏற்கனவே ரூ.5 கோடி ஒதுக்கீடு செய்யப்பட்டுள்ளது'' என அவர் கூறினார்.
http://dlvr.it/S7FNwr

Read More

உத்தரப் பிரதேசம்: ஆட்சியைத் தக்கவைக்க `பாஜக - யோகி'யின் திட்டங்கள் என்னென்ன?

இந்தியாவின் அதிக மக்கள்தொகை கொண்ட மாநிலம் உத்தரப் பிரதேசம். இங்கு தற்போது யோகி ஆதிதயநாத் தலைமையிலான பாஜக அரசு ஆட்சி செய்துவருகிறது. இவர்களின் ஆட்சிக்காலம் வரும் 2022-ம் மார்ச் மாதத்துடன் முடிவடைகிறது. இதனால், அந்த மாநிலத்தில் இன்னும் சில மாதங்களில் சட்டமன்றத் தேர்தல் நடைபெற உள்ளது. இந்தத் தேர்தலில் மீண்டும் பாஜக வெற்றிபெற வாய்ப்புள்ளதா? உத்தரப் பிரதேசத்தில் தேர்தல் களநிலவரம் என்ன என்பதைப் பார்ப்போம்.யோகி ஆதித்யநாத் உத்தரப் பிரதேசத்தில் மொத்தம் 403 சட்டமன்றத் தொகுதிகள். 15 ஆண்டுகளுக்குப் பிறகு 2017-ம் ஆண்டு தேர்தலில் பாஜக பெரும்பான்மையான இடங்களைக் கைப்பற்றி ஆட்சியமைத்தது. முன்பு ஆட்சியிலிருந்த அகிலேஷ் யாதவ் தலைமையிலான சமாஜ்வாதி கட்சியும், அதற்கு முன்பு ஆட்சியிலிருந்த மாயாவதி தலைமையிலான பகுஜன் சமாஜ் கட்சியும் மிகக் குறைந்த எண்ணிக்கையிலான இடங்களைக் கைப்பற்றியிருந்தது. காங்கிரஸைப் பொறுத்தவரை உத்தரப் பிரதேசத்தில் 1985-ம் ஆண்டு தேர்தலுக்குப் பிறகு பெரிய வெற்றி வாய்ப்புகள் எதுவும் கிடைக்கவில்லை. உத்தரப் பிரதேசத்தின் பெரிய காட்சிகளாகக் கருதப்பட்ட சமாஜ்வாதி கட்சி, பகுஜன் சமாஜ் கட்சி ஆகிய இரண்டு கட்சிகளும் 2017-ம் ஆண்டு பொதுத் தேர்தலில் பெரும் தோல்வியைச் சந்தித்தது. தற்போதைய பாதுகாப்புத் துறை அமைச்சர் ராஜ்நாத்சிங் தலைமையிலான பாஜக அரசு கடந்த 2002-ம் ஆண்டு வரை உத்தரப் பிரதேசத்தில் ஆட்சி நடத்தியது. அதன்பின் 15 ஆண்டுகள் பாஜகவால் ஆட்சி அமைக்க முடியவில்லை. மீண்டும் 2017-ம் ஆண்டு தேர்தலில்தான் பாஜக பெருவாரியான இடங்களைக் கைப்பற்றி ஆட்சி அமைத்தது.ராஜ்நாத்சிங் அகிலேஷ் யாதவுக்கும் அவரது தந்தை முலாயம் சிங் யாதவுக்கும் ஏற்பட்ட பிரச்னை காரணமக அந்த அரசின் மீது மக்களுக்கு ஏற்பட்ட அதிருப்தி மனநிலையையும், மாயாவதி மீதான ஊழல் குற்றச்சாட்டுகளையும் தேர்தல் பிரச்சாரத்தில் பிரமாஸ்திரமாக பயன்படுத்தியது பாஜக. ராகுல் காந்தி, அகிலேஷ் யாதவ் என்று இரண்டு தலைவர்கள் களத்திலிருந்த நிலையிலும், உத்தரப் பிரதேசத்தில் ஏற்பட்ட மோடி அலைதான் 2017-ம் ஆண்டு தேர்தலில் பாஜகவின் வெற்றிக்கு முக்கியக் காரணமாக அமைந்தது. உத்தரப் பிரதேசத்தைப் பொறுத்தவரை 403 சட்டமன்ற இடங்கள் மட்டுமில்லாது, 80 நாடாளுமன்ற இடங்களும் உள்ளன. உத்தரப் பிரதேசத்தில் பெரும்பான்மையைப் பெற்றால்தான் நாடாளுமன்றத் தேர்தலிலும் எளிதாக வெற்றிபெற முடியும். இந்த முறை வெற்றியடையவேண்டும் என்று பாஜக, சமாஜ்வாதி கட்சி, பகுஜன் சமாஜ் கட்சிகள் தேர்தல் வேலைகளில் தற்போதே தீவிரமாக இறங்கிவிட்டது. அனைத்துக் கட்சிகளும் தங்களுக்கான வியூகங்களை வகுத்து வருகிறார்கள். கடந்த மே மாதத்தில் நடைபெற்ற ஊரக உள்ளாட்சித் தேர்தலில் மொத்தமுள்ள 3,050 இடங்களில், பாஜக 790 இடங்களையும், சமாஜ்வாதி 719 இடங்களையும், பகுஜன் சமாஜ் 381 இடங்களையும், காங்கிரஸ் 76 இடங்களிலும், சிறிய மற்றும் சுயேட்சை வேட்பாளர்கள் உட்பட 1,114 இடங்களில் மற்றவர்களும் வெற்றிபெற்றனர்.அமித் ஷா- யோகி - மோடி இந்தத் தேர்தலில் பிரதமர் மோடியின் வாரணாசி தொகுதியிலும், அயோத்தியிலும் பாஜக பின்னடைவைச் சந்தித்திருந்தது குறிப்பிடத்தக்கது. அங்கு ஜூன் மாதத்தில் மாவட்ட சேர்மன் தேர்வுக்கான உள்ளாட்சித் தேர்தல் நடைபெற்றது. மொத்தமுள்ள 75 இடங்களில் பாஜக 67 இடங்களிலும், சமாஜ்வாதி கட்சி வெறும் 5 இடங்களில் மட்டுமே வெற்றிபெற்றது. காங்கிரஸ் கட்சி ஒரு இடங்களில்கூட வெற்றிபெறவில்லை. பகுஜன் சமாஜ் கட்சி இந்தத் தேர்தலைப் புறக்கணித்துவிட்டது. இந்த வெற்றியினால் வரும் பொதுத் தேர்தலிலும் பாஜக வெற்றிபெறும் என்று அந்தக் கட்சி உறுப்பினர்கள் கூறிவருகிறார்கள். கொரோனா பேரிடரின் இரண்டாம் அலையில், இந்தியாவில் அதிக மக்கள்தொகை கொண்ட மாநிலமான உத்தரப் பிரதேசம் அதிகமாகப் பாதிக்கப்பட்டுள்ளது. மருத்துவமனையில் இடம் கிடைக்காது மக்கள் அல்லாடினார்கள். கொரோனா கட்டுக்குள் இருக்கிறது என்று அரசு கூறினாலும், அங்கு நிலைமை தலைகீழாகவே இருந்தது. கொரோனாவால் ஒட்டுமொத்த உத்தரப் பிரதேசமும் பெரும் பாதிப்பைச் சந்தித்தது. இதற்கு அங்குள்ள யோகி அரசின் நிர்வாகக் குறைபாடுதான் காரணம் என்று கூறப்பட்டது. கொரோனா, விவசாயிகள் பிரச்னை, ஹத்ராஸ் சம்பவம் போன்ற பல்வேறு பிரச்னைகளினால் நடந்துவரும் பாஜக அரசின் மீது மக்கள் அதிருப்தியில இருக்கிறார்கள். இதனை தங்களுக்குச் சாதகமாகப் பயன்படுத்திக்கொள்ள நினைக்கிறார்கள் எதிர்க்கட்சியினர்.பிரியங்கா காந்தி - யோகி ஆதித்யநாத் அதே வேளையில், முதல்வர் யோகி ஆதித்யநாத் மீது பாஜக மேலிடமே அதிருப்தியில் உள்ளதாகச் சொல்லப்படுகிறது. அந்த சூழலைச் சரிசெய்யும் வேலையில் யோகி தீவிரமாக ஈடுபட்டு வருகிறார். பாஜகவைப் பொறுத்தவரை அடுத்த நாடாளுமன்றத் தேர்தலில் வெற்றியடைய உத்தரப் பிரதேச பொதுத்தேர்தல் வெற்றி மிக அவசியமானது. யோகி வெற்றியடைவதை விட உத்தரப் பிரதேசத்தில் பாஜக வெற்றியடையவேண்டும் என்பது பாஜகவின் நிலைப்பாடாக உள்ளது. இதனால், பாஜக மேலிடம் தற்போதே தேர்தல் வியூகங்களை வகுக்க ஆரம்பித்துவிட்டது. அயோத்தியில் ராமர் கோவில் கட்டிவருவது தேர்தலில் அவர்களுக்குச் சாதகமாக அமையும் என்கிறார்கள். அதேநேரத்தில், பரப்புரை கூட்டங்களுக்கு நேரடியாகப் பிரதமர் மோடியும், உள்துறை அமைச்சர் அமித்ஷாவும் பங்கேற்கவும் திட்டமிடப்பட்டுள்ளது. உத்தரப் பிரதேசத்தைத் தங்களின் கையிலிருந்து நழுவவிட பாஜக தயாராக இல்லை. Also Read: இழந்த செல்வாக்கை மீட்கும் யுக்தி: உ.பி முதல்வர் வேட்பாளர் பிரியங்கா காந்தி? திமுக அதிமுக போன்று இரு துருவங்களாக இருந்த சமாஜ்வாதி, பகுஜன் சமாஜ் இரண்டு பிரதான கட்சிகள் கடந்த நாடாளுமன்றத் தேர்தலில் ஒன்று சேர்ந்து போட்டியிட்டது. இருந்தபோதிலும், பாஜக 64 இடங்களிலும், பகுஜன் சமாஜ் 10 இடங்களிலும், சமாஜ்வாதி 5 இடங்களில் மட்டுமே வெற்றி பெற்றது. காங்கிரஸைப் பொறுத்தவரை, சோனியா காந்தி ரேபரேலி தொகுதியில் வெற்றிபெற்றிருந்தார். அதே நேரத்தில் ராகுல் காந்தி அமேதி தொகுதியில் தோல்வியைச் சந்தித்திருந்தார். உத்தரப் பிரதேசத்தில் இழந்த செல்வாக்கை மீட்டெடுக்கக் காங்கிரஸ் சார்பில் தற்போது பிரியங்கா காந்தி களமிறக்கப்பட்டுள்ளார்.அகிலேஷ் - மாயாவதி இந்நத் தேர்தலில் சமாஜ்வாதி மற்றும் காங்கிரஸ் கூட்டணி சேர வாய்ப்புகள் உள்ளதென்றும் கூறப்படுகிறது. இந்த முறை வெற்றிபெற பாஜக எந்த அளவுக்குத் தீவிரம் காட்டுகிறதோ, அதைவிட அதிகமாக மற்ற கட்சிகளும் தீவிரம் காட்டிவருகிறது. தேர்தல் நெருங்க நெருங்க உத்தரப் பிரதேச அரசியல் களம் சூடுபிடித்துள்ளது. தேர்தலில் கூட்டணிகளை வைத்துத்தான் வெற்றி சூழல் தீர்மானிக்கப்படும். ஆனால், இன்னும் எந்த அதிகாரப்பூர்வ கூட்டணியும் உறுதியாகவில்லை. தேர்தலுக்கு இன்னும் சில மாதங்கள்தான் உள்ளது. என்ன நடக்கும் என்பதைப் பொறுத்திருந்து பார்க்கலாம்.
http://dlvr.it/S7DG0J

Read More

தலிபான்கள் அரசுக்கு அங்கீகாரம் - சீனா அறிவிப்பு

ஆப்கானிஸ்தானில் தலிபான்கள் அமைத்துள்ள அரசை சீனா அங்கீகரித்துள்ளது. இது தவிர ஆப்கானிஸ்தானுக்கு உணவுப் பொருட்கள், தடுப்பூசிகள் என 31 மில்லியன் டாலர் மதிப்புக்கு உதவிகள் வழங்கப்படும் எனவும் சீனா தெரிவித்துள்ளது.   ஆப்கானிஸ்தானின் அண்டை நாடுகளின் வெளியுறவுத்துறை அமைச்சர்கள் கூட்டத்திற்கு பாகிஸ்தான் அழைப்பு விடுத்திருந்த நிலையில் அக்கூட்டத்தில் சீனாவின் கருத்து வெளியாகியுள்ளது. இக்கூட்டத்தில் சீனா,பாகிஸ்தான், ஈரான், தஜிகிஸ்தான், துருக்மேனிஸ்தான், உஸ்பெகிஸ்தான் நாட்டு அமைச்சர்கள் பங்கேற்றனர். இதன் பின் பேசிய பாகிஸ்தான் வெளியுறவு அமைச்சர் குரேஷி, ஆப்கானிஸ்தானிற்கு தேவையான உதவிகளை தங்கள் நாடு வழங்கும் என தெரிவித்தார். ஆப்கானிஸ்தானில் அமைதி நிலவ தலிபான்கள் நடவடிக்கை எடுப்பார்கள் என நம்புவதாகவும் அவர் தெரிவித்தார்.   இக்கூட்டத்திற்கு ரஷ்யாவிற்கு அழைப்பு விடுக்கப்பட்டிருந்த நிலையில் அந்நாட்டு அமைச்சர் பங்கேற்கவில்லை. இதற்கிடையே தலிபான்களுக்கு எதிராகவும் அவர்களுக்கு ஆதரவு தரும் பாகிஸ்தானுக்கு எதிராகவும் ஆப்கானிஸ்தானில் தொடர்ந்து போராட்டங்கள் நடந்து வருகின்றன.   இதையும் படியுங்கள்: ஐ.நா 'பிளாக் லிஸ்ட்'டில் இருந்த ஆப்கன் இடைக்கால பிரதமர்: யார் இந்த முல்லா ஹசன் அகுந்த்?
http://dlvr.it/S7CnLs

Read More