போலி இன்ஸ்டா அக்கவுன்ட்; முன்னாள் காதலியின் அத்தைக்கு போன்! - `டார்ச்சர்’ இளைஞரைத் தேடும் போலீஸ்

மும்பை புறநகர்ப் பகுதியில் வசிக்கும் 29 வயது பெண்ணை திலிப் ஜெயின் (45) என்பவர் காதலித்துவந்தார். கடந்த சில மாதங்களுக்கு முன்பு அவர்களது காதலில் விரிசல் ஏற்பட்டு, இருவரும் பிரிந்தனர். இதனால் திலிப் ஜெயின் தனது காதலியைப் பழிவாங்கும் நடவடிக்கையில் ஈடுபட்டார். ஃபேஸ்புக், இன்டாகிராம் போன்றவற்றில் அந்தப் பெண்ணின் பெயரில் போலிக் கணக்கு திறந்து, அதில் அந்தப் பெண்ணை `கால் கேர்ள்’ எனக் குறிப்பிட்டதோடு அவரது மொபைல் நம்பரையும் திலிப் பதிவிட்டார். மேலும் இருவரும் காதலித்தபோது எடுத்துக்கொண்ட வீடியோக்களையும் புகைப்படங்களையும் அதில் பதிவிட்டுவருகிறார். இதனால் அந்தப் பெண்ணுக்குத் தொடர்ச்சியாக போன் கால்கள் வந்துள்ளன. Also Read: திருமணத்துக்கு மறுத்த காதலிக்கு தீவைப்பு; காதலனைக் கட்டிப்பிடித்த காதலி!- மும்பை இளைஞர் பலிகைது இது குறித்து பாதிக்கப்பட்ட பெண் கூறுகையில், ``ஃபேஸ்புக், இன்ஸ்டாகிராம் போன்ற சமூக வலைதளங்களில் எனது பெயரில் போலிக் கணக்கைத் திறந்து என் போன் நம்பரைப் பதிவிட்டு, அதில் நான் `கால் கேர்ள்’ என்று குறிப்பிட்டிருக்கிறார். இது குறித்து போலீஸில் புகார் செய்து அந்தக் கணக்கை முடக்கினேன். ஆனால் மீண்டும் புதிய கணக்கைத் தொடங்கி திலிப் என்னை சித்ரவதை செய்துவருகிறார். சமூக வலைதளத்தில் சில நிமிடங்களில் கணக்கைத் திறந்துவிடுகின்றனர். ஆனால் அதை முடக்க எனது ஒட்டுமொத்த நேரத்தையும் செலவழித்துக்கொண்டிருக்கிறேன். இதற்கு என்னதான் தீர்வு என்று எனக்குத் தெரியவில்லை. திலிப் எனது பெயரிலான போலி சமூக வலைதளக் கணக்கைப் பயன்படுத்தி எனது போன் நம்பருடன் சேர்த்து ஏராளமானோருக்கு மெசேஜ் அனுப்புகிறார். அதில் நான் `கால் கேர்ள்’ என்றும், விருப்பமுள்ளவர்கள் வாட்ஸ்அப்பில் தொடர்புகொள்ளவும் என்றும் செய்தி அனுப்புகிறார். இதனால் வாட்ஸ்அப்பில் தினமும் ஏராளமான மெசேஜ்கள், போன் அழைப்புகள் வந்துகொண்டிருக்கின்றன. இந்தப் பிரச்னையிலிருந்து எப்படி வெளியில் வருவது என்று தெரியாமல் இருக்கிறேன் என்று கண்ணீர்மல்கத் தெரிவித்தார். திலிப் இளம்பெண்ணின் 55 வயது அத்தையையும் போனில் அழைத்து தொந்தரவு செய்துவருவதாக இளம்பெண்ணின் தந்தை குறிப்பிட்டிருக்கிறார். இது குறித்து அந்தப் பெண்ணின் தந்தை கூறுகையில், ``தினமும் திலிப் எனக்குக் குறைந்தது 25 முறை போன் செய்து சித்ரவதை செய்கிறார். இரவு 2 மணிக்குக்கூட போன் செய்கிறார். இதனால் எனது குடும்பத்தின் பெயருக்குக் களங்கம் ஏற்பட்டுள்ளது" என்று தெரிவித்தார். இளம்பெண் கொடுத்த புகாரின் பேரில் போலீஸார் ஏழு வழக்குகள் பதிவு செய்துள்ளனர். திலிப்பை ஒரு முறை கைதுசெய்து மூன்று நாள்கள் மட்டும் சிறையில் அடைத்தனர். ஆனால் ஜாமீனில் வந்த பிறகு மீண்டும் அதே வேலையைச் செய்துகொண்டிருக்கிறார். இப்போது திலிப் தலைமறைவாக இருக்கிறார். அவர் மும்பைக்குள் நுழைய போலீஸார் தடை விதிக்க நடவடிக்கை எடுத்துள்ளனர். இது குறித்து இன்ஸ்பெக்டர் சுரேஷ் கூறுகையில், ``திலிப் தலைமறைவாக இருக்கிறார். அவர் மும்பை, நவிமும்பை, தானே, பால்கரில் நுழையத் தடை விதிக்கப்படும். இதற்காக அவருக்கு நோட்டீஸ் அனுப்பப்பட்டுள்ளது. திலிப் அடிக்கடி சிம்கார்டை மாற்றிக்கொண்டே இருப்பதால் அவர் இருக்கும் இடத்தைக் கண்டுபிடிப்பது சிரமமாக இருக்கிறது’’ என்றார்.
http://dlvr.it/S7SZZD

Read More

தமிழ்நாட்டில் ஒரே நாளில் 28 இலட்சம் பேருக்கு மேல் தடுப்பூசி: முதல்வர் ஸ்டாலின் பெருமிதம்

தமிழ்நாட்டில் மெகா தடுப்பூசி முகாம்களில் ஒரே நாளில் 28.36  இலட்சம் பேருக்கு தடுப்பூசி செலுத்தப்பட்டுள்ளது, இதற்கு தமிழக முதல்வர் பெருமிதம் தெரிவித்திருக்கிறார். இன்றைய மெகா தடுப்பூசி முகாமில் 18-44 வயதுக்குட்பட்ட நபர்களுக்கு 16,00,195 தடுப்பூசிகளும், 45 – 60 வயதுக்குட்பட்டோருக்கு 8,69,741 தடுப்பூசிகளும், 60 வயதுக்கு மேற்பட்டோருக்கு 3,47,164 தடுப்பூசிகளும் செலுத்தப்பட்டுள்ளதாக சுகாதாரத்துறை தகவல்கள் தெரிவித்துள்ளது. இது தொடர்பாக தமிழ்நாடு முதல்வர் மு.க.ஸ்டாலின் வெளியிட்டுள்ள ட்வீட்டில், “ கோவிட் 19- யை தடுத்து வெல்லும் ஆயுதமாம் தடுப்பூசி போடுவதை மாபெரும் பேரியக்கமாக நடத்தி வருகிறது தமிழ்நாடு அரசு. தமிழ்நாட்டில் இன்று 25 இலட்சத்துக்கும் அதிகமாக தடுப்பூசி செலுத்தப்பட்டுள்ளது இந்திய சாதனை, இதுவரை 4 கோடிக்கும் அதிகமாக தடுப்பூசி செலுத்தப்பட்டுள்ளது இமாலய சாதனை.   #COVID19-ஐ தடுத்து வெல்லும் ஆயுதமாம் தடுப்பூசி போடுவதை மாபெரும் பேரியக்கமாக நடத்தி வருகிறது தமிழ்நாடு அரசு.இன்று 25 இலட்சம் தடுப்பூசி செலுத்தப்பட்டு இருப்பது இந்தியச் சாதனை! இதுவரை 4 கோடி தடுப்பூசி செலுத்தப்பட்டு இருப்பது இமாலய சாதனை! — M.K.Stalin (@mkstalin) September 12, 2021 மாரத்தான் வேகத்தில் செயல்படும் அமைச்சர் மா.சுப்ரமணியன் அவர்களுக்கும் மக்கள் நல்வாழ்வுத்துறைக்கும் மருத்துவர்கள் செவிலியர்க்கும் எனது நன்றி! தடுப்பூசி செலுத்திக் கொள்ளாதவர்கள் செலுத்திக் கொள்ளுங்கள்! நம்மையும் காப்போம்; நாட்டையும் காப்போம்!” என தெரிவித்திருக்கிறார் இதனைப்படிக்க: “மன அழுத்தம் போக்கும் மாமருந்து” – ‘புன்னகை புயல்’ வடிவேலு பிறந்தநாள் இன்று..! 
http://dlvr.it/S7S7MH

Read More

'இனியாவது நீட் பற்றி உண்மையை சொல்லுங்கள்' - உயிரிழந்த மாணவன் உடலுக்கு ஈபிஎஸ் நேரில் அஞ்சலி

சேலம் மாவட்டம் மேட்டூரை அடுத்த கூளையூரில் நீட் தேர்வு அச்சம் காரணமாக உயிரிழந்த மாணவன் தனுஷின் உடல், பிரேத பரிசோதனைக்கு பிறகு பொதுமக்கள் மற்றும் அரசியல் கட்சியினரின் அஞ்சலிக்காக அவரது இல்லத்தில் வைக்கப்பட்டுள்ளது. இந்நிலையில் இறந்த மாணவனின் உடலுக்கு முன்னாள் முதல்வரும் தமிழக சட்டமன்ற எதிர்க்கட்சித் தலைவருமான எடப்பாடி பழனிச்சாமி மலர்மாலை அணிவித்து அஞ்சலி செலுத்தியுள்ளார். தொடர்ந்து மகனை இழந்த துக்கத்திலிருந்த மாணவனின் பெற்றோருக்கு அவர் ஆறுதல் கூறினார். இதையடுத்து பேசிய அவர், ''இனியாவது மாணவச் செல்வங்களுக்கு நீட் தேர்வு பற்றிய உண்மை நிலையை உணர்த்துங்கள். தேர்தல் பரப்புரையின்போது நீட் தேர்வை ரத்து செய்வோம் என திமுக கூறியது'' என்று தெரிவித்துள்ளார். இதனிடையே தற்கொலை செய்துகொண்ட மாணவர் தனுஷின் உடலுக்கு உதயநிதி ஸ்டாலின் அஞ்சலி செலுத்தினார். தொடர்ந்து மாணவர் தனுஷின் பெற்றோருக்கு உதயநிதி ஆறுதல் கூறினார்.
http://dlvr.it/S7QYTV

Read More

அமெரிக்க ஓபன் டென்னிஸ் பட்டம் வென்றார் இளம் வீராங்கனை எம்மா ராடுகானு

அமெரிக்க ஓபன் டென்னிஸில் பெண்களுக்கான பட்டத்தை பிரிட்டனைச் சேர்ந்த 18 வயது நிரம்பிய எம்மா ராடுகானு வென்றுள்ளார். ஆர்தர் ஆஷ் மைதானத்தில் நடைபெற்ற இறுதிப் போட்டியில் கனடாவைச் சேர்ந்த லேலா ஃபெர்ணாண்டஸை 6-4, 6-3 என்ற நேர் செட்களில் அவர் வென்றார். இதன் மூலம் 1977 ஆம் ஆண்டுக்குப் பின்னர் க்ராண்ட் ஸ்லாம் போட்டி ஒன்றில் பட்டத்தை வெல்லும் பிரிட்டனைச் சேர்ந்தவர் என்ற பெருமையையும் எம்மா ராடுகானு பெற்றார். 2004 ஆம் ஆண்டுக்குப் பின்னர் பெண்கள் டென்னிஸில் முக்கியப் போட்டி ஒன்றில் சாம்பியன் பட்டம் பெற்ற இளம் வயதுடைய பெண் என்ற சாதனையும் எம்மாவின் வசமாகியது. சில மாதங்களுக்கு முன் தரவரிசையில் 150ஆவது இடத்தில் இருந்த எம்மா ராடுகானு, 2014ஆம் ஆண்டிற்குப் பின்னர் போட்டியில் ஒரு செட்டைக் கூட இழக்காமல் பட்டம் வென்றவர் என்ற சாதனையையும் எம்மா படைத்துள்ளார். அமெரிக்க ஓபன் பட்டத்தை வென்றுள்ள எம்மாவிற்கு பிரிட்டன் இளவரசர் சார்லஸ், பிரிட்டன் பிரதமர் போரிஸ் ஜான்சன் உள்ளிட்டோர் வாழ்த்து தெரிவித்துள்ளனர்.
http://dlvr.it/S7PsxK

Read More

திருப்பூர்: இருச்சக்கர வாகனத்தில் தாயுடன் சென்ற 4 வயது குழந்தைக்கு நேர்ந்த சோகம்

திருப்பூரில் ஆட்சியர் அலுவலகம் அருகே நடந்த சாலை விபத்தில், திருப்பூரை சேர்ந்த தக்‌ஷனா என்ற 4 வயது குழந்தை உயிரிழந்தது. குழந்தையின் தாய் பலத்த காயத்துடன் திருப்பூர் அரசு தலைமை மருத்துவமனையில் அனுமதிக்கப்பட்டுள்ளார். திருப்பூர் மாவட்டம் பலவஞ்சிபாளையம் பகுதியைச் சேர்ந்தவர் சுரேஷ். பனியன் நிறுவனம் ஒன்றில் தொழிலாளியாக இருக்கிறார். இவருடைய மனைவி தீபா. இந்த தம்பதிக்கு 4 வயதில் தக்‌ஷனா என்ற பெண் குழந்தை இருந்தது. தீபாவின் தாய்வீடு பூம்புகார் நகரில் உள்ளது. இந்நிலையில், இன்று தீபா தனது குழந்தை  தக்‌ஷனாவுடன் தனது தாய்வீட்டிற்கு இருசக்கர வாகனத்தில் சென்றுள்ளார். ஆட்சியர் அலுவலகம் அருகே அவர்கள் வந்தபோது, இருசக்கர வாகனத்தின் பின்னால் மினி பேருந்து ஒன்று அதிவேகமாக வந்ததாக தெரிகிறது. அதே இடத்தில் சாலையின் பக்கவாட்டில் கார் நிறுத்தப்பட்டிருந்த காரணத்தால் இரு சக்கர வாகனம் காரின் மீது உரசி நிலை தடுமாறி தீபாவும் தக்‌ஷனாவும் சாலையில் விழுந்துள்ளனர். இதில் மினி பேருந்தின் பின் சக்கரம் குழந்தை மற்றும் தாயின் மீது ஏறி சில அடி தூரம் இழுத்து வந்துள்ளது. இந்த விபத்தில் 4 வயது குழந்தை தக்‌ஷனா சம்பவ இடத்திலேயே உடல் நசுங்கி பரிதாபமாக உயிரிழந்தார். தாய் தீபா பலத்த காயத்துடன் திருப்பூர் அரசு தலைமை மருத்துவமனையில் அனுமதிக்கப்பட்டுள்ளார், விபத்து தொடர்பாக திருப்பூர் தெற்கு காவல்துறையினர் வழக்கு பதிவு செய்து விசாரனை மேற்கொண்டு வருகின்றனர். இதனைப்படிக்க: திருவாரூர்: குப்பைக் கிடங்காக மாறிப்போன மனுநீதி சோழன் மணிமண்டபம் 
http://dlvr.it/S7PZVq

Read More

மும்பை: டெம்போவில் பாலியல் வன்கொடுமை; சித்ரவதை! - நள்ளிரவில் தெருவில் தூக்கி வீசப்பட்ட பெண்

பெண்களுக்கு எதிரான குற்றங்கள் இன்னும் குறைந்தபாடில்லை. மும்பையில் பெண் ஒருவர் மிகவும் கொடூரமான முறையில் வன்கொடுமை செய்யப்பட்டு தூக்கி வீசப்பட்டிருக்கிறார். மும்பை சாக்கி நாக்கா பகுதியில், சாலையோரம் ரத்தக்கறையுடன் பெண் ஒருவர் கிடப்பதாக போலீஸ் கட்டுப்பாட்டு அறைக்குத் தகவல் கிடைத்தது. உடனே போலீஸார் சம்பவ இடத்துக்கு விரைந்து வந்து சாலையோரம் மயக்கநிலையில் கிடந்த பெண்ணை மீட்டு மருத்துவமனைக்கு அனுப்பிவைத்தனர். தொடர்ந்து நடைபெற்ற விசாரணையில், அந்தப் பெண்ணை அருகில் நின்ற டெம்போவில்வைத்து பாலியல் வன்கொடுமை செய்திருப்பது தெரியவந்தது. அங்கு நின்ற டெம்போவை சோதனை செய்து பார்த்தபோது உள்ளே ரத்தக்கறையும் இருந்தது. பாலியல் வன்கொடுமை பாதிக்கப்பட்ட பெண் ராஜாவாடி மருத்துவமனையில் சேர்க்கப்பட்டார். அங்கு அவரை டாக்டர்கள் சோதித்தபோது அவர் வன்கொடுமை செய்யப்பட்டு, கொடுமைப்படுத்தப்பட்டது தெரியவந்தது. அவரின் பிறப்புறுப்பில் கொடூரமான முறையில் சித்ரவதை செய்யப்பட்டிருந்தது. அதன் அடிப்படையில் போலீஸார் வன்கொடுமை வழக்கு பதிவு செய்து விசாரித்துவந்தனர். சம்பவ இடத்தில் பொருத்தப்பட்டிருந்த கண்காணிப்பு கேமரா காட்சிகளை ஆய்வு செய்து இந்தக் காரியத்தில் ஈடுபட்ட மோகன் சௌகான் (45) என்பவரைக் கைதுசெய்து விசாரித்துவருகின்றனர். இதற்கிடையே மும்பை மருத்துவமனையில் சிகிச்சை பெற்றுவந்த, பாதிக்கப்பட்ட அந்த 30 வயது பெண் தற்போது சிகிச்சை பலனின்றி இறந்துபோனார். Also Read: பாலியல் வன்கொடுமை செய்யப்பட்ட வேலூர் சிறுமி! - போக்சோவில் கைதான இளைஞருக்கு ஆயுள் தண்டனை இது குறித்து துணை கமிஷனர் மகேஷ்வர் ரெட்டி கூறுகையில், ``அதிகாலை 3 மணிக்கு சாக்கிநாக்கா சாலையோரம் பெண் ஒருவர் மயங்கியநிலையில் கிடப்பதாகத் தகவல் கிடைத்தது. உடனே சம்பவ இடத்துக்குச் சென்று அந்தப் பெண்ணை மீட்டு மருத்துவமனையில் சேர்த்தோம். கண்காணிப்பு கேமரா பதிவுகளை ஆய்வு செய்து மோகன் என்பவரைக் கைதுசெய்திருக்கிறோம். அந்தப் பெண் மயக்கநிலையில் இருந்தார். தற்போது அவர் மயக்கம் தெளியாமலேயே இறந்துவிட்டார்” என்று தெரிவித்தார். பாதிக்கப்பட்ட பெண், தன்னை வன்கொடுமை செய்த நபருடன் டெம்போவுக்குள் கடுமையாகப் போராடியிருக்கிறார். இந்தப் போராட்டத்தின்போது, அந்தப் பெண்ணை டெம்போவிலிருந்து கீழே தள்ளியிருப்பது தெரியவந்திருக்கிறது. டெல்லி நிர்பயா சம்பவத்தை நினைவுபடுத்தும் இந்தச் சம்பவம் மும்பை மக்களை அதிர்ச்சிக்குள்ளாக்கியிருக்கிறது. பாலியல் வன்கொடுமை இந்தச் சம்பவத்தில் தொடர்புடைய குற்றவாளி மீதான வழக்கு விசாரணை விரைவு நீதிமன்றத்தில் நடத்தப்படும் என்று மகாராஷ்டிரா சிறுபான்மை நலத்துறை அமைச்சர் நவாப் மாலிக் தெரிவித்தார். இந்த வழக்கில் நிர்ணயிக்கப்பட்ட காலத்துக்குள் குற்றப்பத்திரிகை தாக்கல் செய்யப்பட்டு குற்றவாளிக்கு விரைவில் தண்டனை பெற்றுக்கொடுக்கப்படும் என்றும் அமைச்சர் தெரிவித்தார்.
http://dlvr.it/S7N640

Read More

`தமிழகத்தில் விநாயகர் சதுர்த்தி அரசியல் ஆக்கப்பட்டுவிட்டது; கேரளாவில் அப்படியில்லை!’ -சிவசேனா தலைவர்

தமிழ்நாட்டில் கொரோனா தடுப்பு நடவடிக்கை காரணமாக விநாயகர் சதுர்த்தி விழாவின் போது வீடுகளில் விநாயகர் சிலை வைத்து வழிபடலாம் என்றும் பொது இடங்களில் விநாயகர் சிலைகளை வைத்து வழிபட அனுமதி இல்லை எனவும் தமிழக அரசு கூறியுள்ளது. மேலும் பூஜைக்கு வைத்துள்ள விநாயகர் சிலைகளுடன் ஊர்வலமாக செல்லக்கூடாது என்றும், தனிநபராகச் சென்று விநாயகர் சிலைகளை நீர்நிலைகளில் கரைக்கலாம் எனவும் தமிழக அரசு அறிவித்துள்ளது. கொரோனா பரவலை தடுக்கவே இந்த நடவடிக்கை எடுத்திருப்பதாக தமிழக அரசு கூறியுள்ளது. இது திமுக அரசின் இந்து விரோத செயல் என பாஜக கொந்தளித்துள்ளது. சில இடங்களில் விநாயாகர் சிலைகளை பொது இடங்களில் வைத்ததால் போலீஸார் நடவடிக்கை எடுக்கும் நிலையும் ஏற்பட்டுள்ளது. அதே சமயம் அண்டை மாநிலமான கேரளத்தில் கொரோனா பரவல் தமிழகத்தை விட பன்மடங்கு அதிக அளவில் உள்ளது. தமிழ்நாட்டில் தினசரி சுமார் 1,600 பேருக்கு கொரோனா தொற்று கண்டறியும் நிலையில், கேரளத்தில் 25,000 முதல் 30,000 வரை தினசரி கொரோனா பாதிப்பு ரிப்போர்ட் ஆகிறது. ஆனாலும் கேரளத்தில் பொது இடங்களில் விநாயகர் சிலை வைத்து வழிபட கேரள அரசு அனுமதி அளித்துள்ளது. நேற்று திருவனந்தபுரம் கிழக்கே கோட்டையில் 200 பேருக்கு மேல் கூடி சாலை ஓரத்தில் விநாயகர் சிலை பிரதிஷ்டை செய்தனர்.சிவசேனா கேரள மாநில தலைவர் புவன சந்திரன் தமிழ்நாட்டில் இந்து முன்னணி, சிவசேனா, பாஜக உள்ளிட்ட அரசியல் கட்சிகள் சார்பில் விநாயகர் சதுர்த்தி விழா கொண்டாடப்படுகிறது. ஆனால் கேரளத்தில் கட்சி சார்பு இல்லாமல் அனைவரும் சேர்ந்தே விநாயகர் சதுர்த்தி விழாவை கொண்டாடுகின்றனர். அரசியல் கலப்பில்லாமல் விழா கொண்டாடினால் தடை போன்ற பிரச்னைகள் வராது என்கிறார் கேரள மாநில சிவசேனா தலைவர் புவனேந்திரன். இதுகுறித்து கேரள மாநில சிவசேனா தலைவர் புவனேந்திரன் கூறுகையில், "நம் மனதில் உள்ள ஆசை, கோபம், பொறாமை உள்ளிட்ட தீய எண்ணங்களை விநாயகரிடம் சமர்ப்பித்து பூஜை செய்து, பின்பு விநாயகர் சிலையை நீர் நிலைகளில் கரைத்துவிட வேண்டும். நம் பாவங்களையும், சாபங்களையும் கரைக்கும் விதமாக விநாயகர் சிலையை பூஜை செய்து நீர்நிலைகளில் கரைக்கும் விழா பண்டைய காலம்தொட்டே இருக்கிறது. சத்திரபதி வீர சிவாஜிக்கு அவரது குரு சமர்த்த ராமதாசர் விநாயகர் சிலையை வழிபட்டு பின்பு நீர்நிலைகளில் கரைக்கும் வழிமுறையை உபதேசித்தார். சுதந்திர போராட்டத்தில் மக்களை ஒன்று சேர்க்க லோகமான்ய திலகர் விநாயகர் சதுர்த்தி விழாவை மீண்டும் பரவலாக்கினார். விநாயகர் சதுர்த்தி பக்திப்பூர்வமான விழா. ஆனால், தமிழ்நாட்டில் அந்த விழா அரசியல் ஆக்கப்பட்டுவிட்டது. பாஜக உள்ளிட்ட கட்சி சார்பில் விநாயகர் சிலைகள் பிரதிஷ்டை செய்யப்பட்டு நீர்நிலைகளில் கரைக்கப்படுகின்றன. தமிழக அரசும் அதை அரசியல் விழாவாக பார்ப்பதால் பிரச்னை ஆகிவிடுகிறது.விநாயகர் சதுர்த்தி ஆனால் கேரளத்தில் அரசியலுக்கு அப்பாற்பட்டு, அனைவரும் இணைந்து விநாயகர் சதுர்த்தி விழாவை பக்திபூர்வமாக கொண்டாடுகின்றனர். 'கணேச உத்ஸவ்' என்ற பெயரில் விநாயகர் சதுத்தி விழா கொண்டாடப்படுகிறது. அதற்காக ஐ.எஸ்.ஆர்.ஓ முன்னாள் சேர்மன் மாதவன் நாயர் தலைமையில் அனைத்து அமைப்புகளையும் உள்ளடக்கிய விநாயகர் சதுர்த்தி விழா குழு அமைக்கப்பட்டுள்ளது. அந்த குழுவில் நானும் இருக்கிறேன். விநாயகர் சதுர்த்தியான நேற்று திருவனந்தபுரம் கிழக்கே கோட்டையில் பொது இடத்தில் விநாயகர் சிலை பிரதிஷ்டை செய்யும் விழாவில் காங்கிரஸ் கட்சியைச் சேர்ந்த முன்னாள் முதல்வர் உம்மன் சாண்டி, சி.பி.எம் கட்சி எம்.எல்.ஏ-வும் நடிகருமான முகேஷ், ஐ.எஸ்.ஆர்.ஓ முன்னாள் சேர்மன் நம்பி நாராயணன் உள்பட பலர் கலந்துகொண்டனர். வருடம்தோறும் விநாயகர் சதுர்த்தி விழாவில் உம்மன் சாண்டி கலந்துகொள்வது வழக்கம். Also Read: மணியடித்து வலம்வந்த மசினி, மண்டியிட்டு வணங்கிய கிருஷ்ணா... இது யானைகள் கொண்டாடிய விநாயகர் சதுர்த்தி! வரும் புதன்கிழமை விநாயகர் விஜர்சன விழா நடைபெற உள்ளது. வழக்கமாக ஐம்பதாயிரம் பேர் ஒன்றாக சேர்ந்து செல்லும் ஊர்வலம் நடைபெறும். கொரோனா காலம் என்பதால் சுமார் 200 பேர் சேர்ந்து விநாயகர் சிலையை வாகனங்களில் அனுப்பிவைப்பார்கள். சங்குமுகம் கடலில் விநாயகர் சிலைகள் விஜர்சனம் செய்யப்படும். இதில் எந்த இடத்திலும் சிவசேனா பெயரோ, மற்ற கட்சி, அமைப்புகளின் பெயரோ எங்கும் பயன்படுத்துவது இல்லை. பக்திப்பூர்வமான விழாவாக, அனைத்து தரப்பினரையும் இணைத்து தமிழ்நாட்டிலும் விநாயகர் சதுர்த்தி விழா கொண்டாடினால், எவரும் தடை செய்ய முன்வரமாட்டார்கள்" என்றார்.
http://dlvr.it/S7MN7q

Read More