பல் துலக்க எலி மருந்தைப் பயன்படுத்திய இளம்பெண்ணுக்கு நேர்ந்த சோகம்!

மும்பை தாராவி பகுதியில் வசிப்பவர் அப்சனா கான் (18). இவர் அதிகாலையில் எழுந்ததும் உறக்கம் முழுமையாகத் தெளியாத நிலையில் பல் தேய்க்கத் தொடங்கினார். ஆனால் பல் தேய்க்க ஆரம்பித்த சில நொடிகளில் பற்பசை வித்தியாசமாக இருப்பதை உணர்ந்த கான், உடனே துப்பிவிட்டார். பார்த்தபோது அது எலி மருந்து பேஸ்ட் என்று தெரியவந்தது. இதனால் அதிர்ச்சியடைந்த கான், நன்றாக வாயைக் கொப்பளித்தார். அந்த நேரத்தில் எந்தப் பிரச்னையும் ஏற்படவில்லை என்பதால் வழக்கமான வேலைகளை கவனிக்க ஆரம்பித்துவிட்டார். ஆனால் சிறிது நேரத்தில் லேசான தலைசுற்றல் ஏற்பட்டது. அதோடு வயிற்றுவலியும் சேர்ந்துகொண்டது. தனது தாயாரிடம் வயிறு வலிப்பதாக மட்டும் தெரிவித்தார். ஆனால் எலி மருந்தைக் கொண்டு பல் தேய்த்ததைச் சொல்லவில்லை. சொன்னால், திட்டுவார்கள் என்று பயந்துகொண்டு சொல்லவில்லை. கானை அவரது தாயார் மருத்துவமனைக்கு அழைத்துச் சென்றார். Also Read: புதுக்கோட்டையில் அதிகரித்த `எலி மருந்து’ மரணங்கள்! -காவல்துறைக்கு அதிர்ச்சி கொடுத்த மளிகைக் கடைகள்சித்திரிப்பு படம் ஆனால் டாக்டர் கொடுத்த மருந்து வயிற்றுவலியைக் குறைக்கவில்லை. அதன் பிறகே எலி மருந்தால் பல் தேய்த்த விவரத்தைத் தன் தாயாரிடம் கான் தெரிவித்தார். உடனே அவரை சயானிலுள்ள மாநகராட்சி மருத்துவமனைக்கு அழைத்துச் சென்றார். அங்கு சோனோகிராபி உட்பட அனைத்துச் சோதனைகளும் செய்து பார்த்தபோது எந்தப் பிரச்னையும் இல்லை என்று வந்தது. ஆனாலும் வலி குறையவில்லை. இதையடுத்து தனியார் மருத்துவமனைக்குக் கொண்டுசெல்லப்பட்டார். பின்னர் அதிக செலவாகும் என்று கருதி மீண்டும் அரசு மருத்துவமனைக்குக் கொண்டு செல்லப்பட்டார். இரண்டு நாள் சிகிச்சைக்குப் பிறகு கான் உயிரிழந்துவிட்டார். இது குறித்து அந்தப் பெண்ணுக்கு சிகிச்சையளித்த டாக்டர், `எலி மருந்தைக் கொண்டு பல் தேய்த்ததால் விஷம் உடல் முழுவதுமாக வேகமாகப் பரவிவிட்டது' என்றார். இது குறித்து துணை கமிஷனர் பிரனயா அசோக் , "தற்கொலை மரணம் என்று வழக்கு பதிவு செய்து விசாரித்து வருகிறோம். விசாரணையில் ஏதாவது சந்தேகம் ஏற்பட்டால் அது குறித்து விசாரிக்கப்படும்" என்றார்.
http://dlvr.it/S7cyp3

Read More

ரயிலில் அனுப்பப்பட்ட பெண் உடல் மாயம்; 200 கிலோமீட்டர் தூரத்தில் மீட்பு!

இறந்தவர்களின் உடல்களை ரயில்களில் சொந்த ஊருக்கு எடுத்துச்செல்வது வழக்கம். அது போன்று மும்பையில் இருந்து ரயிலில் எடுத்துச்செல்லப்பட்ட ஒரு பெண்ணின் உடல் காணாமல் போய்விட்டது. மும்பையில் வசிக்கும் குல்பாம் ஷேக் என்பவர் உத்தரப்பிரதேசத்தில் இருந்து தனது தாயாரை மும்பைக்கு அழைத்து வந்து தன்னுடன் வைத்திருந்தார். அவரது தாயார் சர்வாரி ஷேக்கிற்கு புற்று நோய் இருந்தது. இதற்காக டாடா மருத்துவமனையில் சிகிச்சை பெற்று வந்தார். சமீபத்தில் சிகிச்சை பலனலிக்காமல் இறந்து போனார். இதனால் குல்பாம் ஷேக் தனது தாயாரை சொந்த ஊருக்கு கொண்டு செல்ல முடிவு செய்தார். தாயாரின் உடலை வாரனாசி செல்லும் ரயிலில் அனுப்பிவைத்தார். ரயிலில் ஏற்றப்பட்ட சவப்பெட்டி Also Read: தலைமைக்காவலர் ரயில் முன் பாய்ந்து தற்கொலை! காவலர்கள் அதிர்ச்சி! ரயில் வாரனாசி சென்றவுடன் குல்பாம் ஷேக் தனது உறவினர்களுடன் சென்று தனது தாயாரின் உடலை எடுக்கச் சென்றபோது அவருக்கு அதிர்ச்சி காத்திருந்தது. ரயிலில் அனுப்பப்பட்ட உடல் காணாமல் போய் இருந்தது. இது குறித்து ரயில்வே போலிஸாருக்கு தகவல் கொடுக்கப்பட்டது. ரயில்வே பாதுகாப்பு படையினர் உஷார் படுத்தப்பட்டனர். மும்பையிலிருந்து வாரனாசி வரும் ரயில் தடம் முழுக்க ரயில்வே பாதுகாப்பு படையினர் தேடும் பணியில் ஈடுபடுத்தப்பட்டனர். 12 மணி நேர தேடுதலுக்குப் பிறகு மத்திய பிரதேசத்தில் உள்ள மைஹர் என்ற ரயில் நிலையத்திற்கு அருகில் ரயில் தண்டவாளத்தில் உடல் கண்டுபிடிக்கப்பட்டது. அதாவது வாரனாசியில் இருந்து 200 கிலோ மீட்டர் தூரத்தில் உடல் கிடப்பது கண்டுபிடிக்கப்பட்டு மீட்கப்பட்டு உறவினர்களிடம் ஒப்படைக்கப்பட்டது. நடந்த சம்பவத்திற்கு இறந்த பெண்ணின் உறவினர்கள்தான் காரணம் என்று ரயில்வே அதிகாரிகள் தெரிவித்தனர். உடல் ஏற்றப்படும் பெட்டியில் உறவினர் ஒருவர் இருக்கவேண்டும் என்பது விதியாகும். ஆனால் இதில் உறவினர் யாரும் உடல் இருந்த பெட்டியில் இல்லை. எனவே ரயில் வேகமாக சென்றபோது சவப்பெட்டி நகர்ந்து நகர்ந்து கீழே விழுந்துவிட்டது என்று தெரிவித்தனர். ஆனால் ரயில்வேயின் கவனக்குறைவு காரணமாகவே இந்த சம்பவம் நடந்து இருப்பதாக குல்பாம் ஷேக் தெரிவித்தார். நடந்த சம்பவம் குறித்து ரயில்வே போலீஸார் விசாரித்து வருகின்றனர்.
http://dlvr.it/S7brqc

Read More

கங்கனா ரணாவத்: `அடுத்தமுறை ஆஜராகாவிடில் கைது வாரண்ட்!’ - மும்பை நீதிமன்றம் எச்சரிக்கை

பாலிவுட் நடிகை கங்கனா ரணாவத் டிவி நேர்காணலின் போது பாடலாசிரியர் ஜாவேத் அக்தர் குறித்து தெரிவித்த கருத்துக்கள் ஜாவேத் அக்தரின் பெயருக்கு களங்கம் ஏற்படுத்துவதாக இருக்கிறது என்று கூறி கடந்த நவம்பர் மாதம் மும்பை அந்தேரி நீதிமன்றத்தில் அவதூறு வழக்கு தொடரப்பட்டது. ஜாவேத் அக்தர் இம்மனுவை தாக்கல் செய்தார். `கங்கனாவின் நேர்காணல் தனது பெயருக்கு களங்கத்தை ஏற்படுத்தும் விதமாக இருக்கிறது’ என்று மனுவில் குறிப்பிட்டு இருந்தார். அதன் அடிப்படையில் கங்கனா மீது நடவடிக்கை எடுக்கும்படி போலீஸாருக்கு கோர்ட் உத்தரவிட்டது. பிப்ரவரி மாதத்தில் இருந்து கங்கனா கோர்ட்டில் ஆஜராக உத்தரவிட்டு பல முறை சம்மன் அனுப்பப்பட்டது. ஆனால் கங்கனா கோர்ட்டில் ஆஜராகவில்லை. அந்தேரி மெட்ரோபாலிடன் கோர்ட்டில் நடைபெற்ற அவதூறு வழக்கை ரத்து செய்ய கோரி கங்கனா மும்பை உயர் நீதிமன்றத்தில் மனுத்தாக்கல் செய்தார். கங்கனா ரணாவத் இம்மனுவை விசாரித்த உயர் நீதிமன்றம் கடந்த 9ம் தேதி கங்கனாவின் மனுவை தள்ளுபடி செய்தது. உயர் நீதிமன்றத்தின் உத்தரவை தொடர்ந்து கங்கனா விசாரணை நீதிமன்றத்தில் ஆஜராக கோரி மீண்டும் சம்மன் அனுப்பப்பட்டது. வழக்கு செவ்வாய் கிழமை விசாரணைக்கு வந்த போதும் கங்கனா கோர்ட்டில் ஆஜராகவில்லை. கங்கனா சார்பில் ஆஜரான வழக்கறிஞர், கங்கனாவிற்கு உடல்நிலை சரியில்லை என்று கூறி மருத்துவ சான்றிதழை தாக்கல் செய்தார். படத்தின் விளம்பர நிகழ்ச்சியில் கலந்து கொண்டதால் கொரோனா அறிகுறிகள் தென்படுவதாக வழக்கறிஞர் குறிப்பிட்டார். உடனே அக்தர் சார்பில் ஆஜரான வழக்கறிஞர், `பிப்ரவரி மாதத்தில் இருந்து கங்கனா எதாவது ஒரு காரணத்தை கூறி கோர்ட்டில் ஆஜராக மறுத்து வருவதாக’ தெரிவித்தார். Also Read: "மக்கள் விரும்பினால் எதிர்காலத்தில் அரசியலுக்கு வருவேன்!"- `தலைவி' கங்கனா ரணாவத் கங்கனாவின் மருத்துவ சான்றிதழை ஏற்றுக்கொண்ட நீதிபதி ஆர்.ஆர்.கான் இம்முறை கோர்ட்டில் ஆஜராக விலக்கு அளிப்பதாகவும், அடுத்த முறை ஆஜராகவில்லையெனில் கைது வாரண்ட் பிறப்பிக்கப்படும் என்று எச்சரித்த நீதிபதி அடுத்த கட்ட விசாரணையை வரும் 20ம் தேதிக்கு தள்ளி வைத்தார்.
http://dlvr.it/S7bMvd

Read More

15 ஆண்டு முயற்சிக்கு பலனாக 8.22 கேரட் வைரம்; மகிழ்ச்சியில் மத்திய பிரதேச தொழிலாளர்கள்!

மத்திய பிரதேசம் மாநிலம் பன்னா மாவட்டத்தை சேர்ந்த 4 தொழிலாளர்கள் கடந்த 15 ஆண்டுகளாக விலை உயர்ந்த வைரத்தை வேட்டையாடும் நோக்கில் பல்வேறு சுரங்கங்களை குத்தகைக்கு எடுத்துத் தோண்டி வருகின்றனர். நீண்ட நாள்கள் கடின உழைப்புக்குப் பலனாக 8.22 கேரட் வைரத்தை செப்டம்பர் மாதம் 13-ம் தேதி கண்டடைந்தனர். ரத்தன்லால் பிரஜாபதி அவரது மூன்று கூட்டாளிகள் ஹிராபூர் தபரியான் என்னும் பகுதியில் கண்டெடுத்த இந்த வைரத்தின் மதிப்பு ரூபாய் 40லட்சம் ஆகும். இதனை மாவட்ட நிர்வாகத்திடம் வழங்கியுள்ளனர். வருகின்ற 21-ம் தேதி நடைபெரும் ஏலத்தில் மற்ற வைரங்களுடன் சேர்த்து ஏலம் விடப்படும் எனவும் கூறுகின்றனர்.மாதிரி படம் Also Read: `3 தலைமுறையாகத் தேடினோம்!' - வைரம் கிடைத்த சந்தோஷத்தில் கூலித் தொழிலாளி! ஏலத்தின் மூலம் வரும் வருமானத்தில் அரசு ராய்ல்டி மற்றும் வரிகள் போக மீதி பணம் தொழிலாளர்களுக்கு வழங்கப்படும் என மாவட்ட ஆட்சி தலைவர் சஞ்சய் குமார் மிஸ்ரா தெரிவித்தார். சுரங்கத் தொழிலில் ஈடுபட்ட தொழிலாளிகளில் ஒருவரான ரகுவீர் பிரஜாபதி, "நாங்கள் கடந்த 15 ஆண்டுகளாக பல சிறிய சுரங்கங்களைக் குத்தகைக்கு எடுத்து பணியாற்றி வந்தோம் ஆனால் இங்குதான் எங்களுக்கு வைரம் கிடைத்துள்ளது. கடந்த ஆறு மாதமாக ஹிராபூர் தபரியானில் பணியாற்றி வரும் எங்களுக்குச் சிறந்த விருந்தாக இது அமைந்துள்ளது". சுரங்கதொழிலாளர்கள் அவர்களுக்கு கிடைக்கும் பணத்தை கொண்டு அவர்களின் குழந்தைகளுக்கு நல்ல கல்வியையும் சிறந்த வாழ்வையும் கொடுக்க முடியும் என கூறியுள்ளனர். மாநில தலைநகர் போபாலில் இருந்து 380 கி.மீ தூரத்தில் உள்ள பன்னாவில் 12 லட்சம் கேரட் வைரங்கள் உள்ளதாக அதிகாரிகள் தெரிவிக்கின்றனர்.
http://dlvr.it/S7YGjF

Read More

சிறை சென்ற நேரத்தில் மனைவிக்கு வேறு ஒருவருடன் திருமணம்! - மாமியாரை கொடூரமாக கொன்ற நபர்

மும்பை விலேபார்லே பகுதியில் வசிப்பவர் இப்ராகிம் ஷேக். ஷேக்கிற்கு திருமணமான நிலையில், கடந்த 3 ஆண்டுகளுக்கு முன்பு திருட்டு வழக்கு ஒன்றில் கைது செய்யப்பட்டு சிறையில் அடைக்கப்பட்டார். 3 ஆண்டுகள் சிறையில் இருந்துவிட்டு கடந்த ஒன்றாம் தேதிதான் சிறையில் இருந்து வெளியில் வந்தார். அவர் சிறையில் இருந்து வந்தவுடன் நேராக தனது மனைவியை காணும் ஆவலில் மாமியார் வீட்டிற்கு சென்றார். அங்கு சென்றவருக்கு பலத்த அதிர்ச்சி காத்திருந்தது. அவரது மனைவி வேறு ஒருவருக்கு திருமணம் செய்து வைக்கப்பட்டு இருந்தார். அதோடு அவர் புதிய திருமணத்தின் மூலம் கர்ப்பமாக இருந்தார். இதனை கண்டு அதிர்ச்சியடைந்த ஷேக், புதிய கணவனை விட்டுவிட்டு தன்னுடன் வரும் கூறி மிரட்டிவிட்டு சென்றார்.சித்தரிப்பு படம் மறுநாள், ஷேக் தனது மனைவியை அழைத்து செல்ல வந்தபோது மனைவி அங்கு இல்லை. அவர் அங்கிருந்து தனது இரண்டாவது கணவன் வீட்டிற்கு சென்று இருந்தார். வீட்டில் இருந்த தனது மாமியாரிடம் தனது மனைவி எங்கே என்று கேட்டு தகராறு செய்தார் ஷேக். ஆனால் அவரது மனைவி எங்கு இருக்கிறார் என்பதை தெரிவிக்க அவர் மறுத்துவிட்டார். இதனால் ஆத்திரத்தில் ஷேக் தனது அத்தையை வீட்டில் கிடந்த டைல்ஸ் கல்லை எடுத்து தலையில் அடித்தார். அதோடு விடாமல் தன்னிடம் இருந்த கத்தியால் தனது அத்தையை சரமாறியாக குத்தியதோடு, அங்கு கிடந்த கம்பை எடுத்து கொடூரமாக சித்ரவதை செய்துவிட்டு, அங்கிருந்து தப்பி சென்றுவிட்டார். இது குறித்து போலீஸார் வழக்கு பதிவு செய்து ஷேக்கை தேடி வந்தனர். ஷேக் புனேயில் பதுங்கி இருப்பது அவரின் மொபைல் போன் மூலம் கண்டுபிடிக்கப்பட்டது. அதன் அடிப்படையில் புனேயில் ஷேக் கைது செய்யப்பட்டு மும்பைக்கு அழைத்து வரப்பட்டு கோர்ட்டில் ஆஜர்படுத்தப்பட்டார். அவரை போலீஸ் காவலில் வைத்து விசாரிக்க கோர்ட் உத்தரவிட்டுள்ளது.
http://dlvr.it/S7X8vH

Read More

உத்தரப்பிரதேசம் முதல் குஜராத் வரை... சட்டமன்றத் தேர்தல்களுக்கான பாஜக-வின் அதிரடி நகர்வுகளின் பின்னணி

குஜராத்தில் 25 ஆண்டுகளாக ஆட்சியதிகாரத்தைத் தக்கவைத்துக்கொண்டிருக்கும் பாஜக., அடுத்த ஆண்டு அங்கு நடைபெறவிருக்கும் தேர்தலிலும் வெற்றியைப் பெறுவதற்கு காய்களை நகர்த்திவருகிறது. அதேபோல, தனது செல்வாக்குமிக்க மாநிலங்களில் ஒன்றான உத்தரப் பிரதேசத்திலும் அடுத்த ஆண்டு நடைபெறவிருக்கும் சட்டமன்றத் தேர்தலில் வெற்றிபெற்று மீண்டும் ஆட்சியைத் தக்கவைப்பதற்கான வேலைகளில் தீவிரமாக இறங்கியிருக்கிறார்கள், பாஜக தலைவர்கள்.விஜய் ரூபானி யோகி ஆதித்யநாத் தலைமையில் உத்தரப் பிரதேசத்தில் நடைபெற்றுவரும் பாஜக ஆட்சி, வரும் மார்ச் மாதத்துடன் 5 ஆண்டு காலத்தை நிறைவு செய்கிறது. அதனால், இன்னும் சில மாதங்களில் அங்கு சட்டமன்றத் தேர்தல் நடைபெறவிருக்கிறது. 2017-ம் ஆண்டு சட்டமன்றத் தேர்தலில் பா.ஜ.க வெற்றிபெற்றவுடன், யாரும் எதிர்பார்த்திராத வகையில் யோகி ஆதித்யநாத்தை முதல்வர் நாற்காலியில் பாஜக அமர்த்தியது. ஐந்தாண்டு கால ஆட்சியைப் பூர்த்திசெய்யும் பாஜக., வரக்கூடிய சட்டமன்றத் தேர்தலை யோகி ஆதித்யநாத் தலைமையில் சந்திக்கவிருக்கிறது. கொரோனா பெருந்தொற்று பரவலின்போது யோகி அரசின் நிர்வாகம் சரியாக செயல்படவில்லை என்று எதிர்க் கட்சிகள் குற்றம்சாட்டிவருகின்றன. அதுபோல, யோகி ஆட்சியின் மீது பல்வேறு விமர்சனங்களும் எதிர்க் கட்சிகளால் முன்வைக்கப்படுகின்றன. இந்த நிலையில், அயோத்தியை மையமாக வைத்து தேர்தலை சந்திப்பதற்கு பாஜக அரசு திட்டமிட்டுள்ளது. கடந்த சுமார் 30 ஆண்டுகளாக, அயோத்தியில் ராமர் கோவில் கட்டுவோம் என்பது பாஜக-வின் முக்கிய முழக்கமாகவும் தேர்தல் வாக்குறுதியாகவும் இருந்துவருகிறது. இந்த நிலையில், அயோத்தியில் ராமர் கோவில் கட்டலாம் என்று 2019-ம் ஆண்டு நவம்பர் 6-ம் தேதி உச்ச நீதிமன்றம் அனுமதி அளித்தது. அதைத் தொடர்ந்து, கடந்த ஆண்டு ஆகஸ்ட் 5-ம் தேதி, அயோத்தியில் ராமர் கோவில் கட்டுமானத்துக்கான பூமி பூஜையை பிரதமர் மோடி நடத்திவைத்தார். அங்கு ராமர் கோவில் கட்டுமானப் பணிகள் மும்முரமாக நடைபெற்றுவருகின்றன. முதல்வர் யோகி ஆதித்யநாத் அடிக்கடி அயோத்திக்கு சென்றுவருகிறார்.மாயாவதி தற்போது, உ.பி அரசியல் வட்டாரத்தில் சட்டமன்றத் தேர்தல் பரபரப்பு தொடங்கிவிட்ட சூழலில், அயோத்தி முக்கிய இடத்தைப் பிடித்திருக்கிறது. பாஜக மட்டுமல்லாமல், பெரும்பாலான முக்கியக் கட்சிகள் அயோத்தியை தேர்தலில் பிரதானப்படுத்துவதற்கு முயற்சி செய்கின்றன. கடந்த 5-ம் தேதி ‘சிந்தனைவாதிகள் சந்திப்பு’ என்ற பெயரில் பாஜக தனது பிரசாரத்தை அயோத்தியில் தொடங்கியது. அதில் பேசிய பாஜக தலைவர்கள், 1966-ம் ஆண்டு நாடாளுமன்றத்தை சாதுக்கள் முற்றுகையிட்டபோது, அவர்கள் மீது அன்றைய பிரதமர் இந்திரா காந்தி துப்பாகிச்சூடு நடத்த உத்தரவிட்டார் என்றனர். மேலும், உ.பி முதல்வராக முலாயம் சிங் இருந்தபோது, 1990-ம் ஆண்டு ராம பக்தர்கள் மீது துப்பாக்கிச்சூடு நடத்த உத்தரவிடப்பட்டார் என்றும் பாஜக-வினர் பேசினர். மாயாவதி தலைமையிலான பகுஜன் சமாஜ் கட்சியும் அயோத்திக்கு முக்கியத்துவம் கொடுக்கிறது. அயோத்தியில் கடந்த ஜூலை 23-ம் தேதியன்று அயோத்தியில் பிராமணர்கள் மாநாட்டை அந்தக் கட்சி நடத்தியது. 2007-ம் ஆண்டு நடைபெற்ற சட்டமன்றத் தேர்தலில் முற்பட்ட சாதியினரின் ஆதரவுடன் வெற்றிபெற்ற ஆட்சியைப் பிடித்த மாயாவதி, வரப்போகிற தேர்தலிலும் அதே உத்தியைக் கையாள்வதற்கு முயற்சி செய்கிறார் என்பது இதன் மூலம் தெரியவருகிறது.அகிலேஷ் யாதவ் மாயாவதிக்கு மிகவும் நெருக்கமானவரும், பகுஜன் சமாஜ் கட்சியின் எம்.பி-யுமான சதீஷ் சந்திர மிஸ்ரா, ராமர் பிறந்த இடத்தில் தரிசனம் செய்துவிட்டு பிரசாரத்தைத் தொடங்கியிருக்கிறார். சமாஜ்வாதி கட்சியும் தேர்தல் பிரசாரத்தை கடந்த 3-ம் தேதி அயோத்தியில் தொடங்கியது. தனது தந்தை முலாயம் சிங் யாதவ், சிறு வயதிலிருந்தே அனுமான் பக்தர் என்று கூறிய அகிலேஷ் யாதவ், ராமர் கோவில் தரிசனத்துக்குத் திறக்கப்பட்டால் குடும்பத்துடன் செல்வேன் என்று பேசியிருக்கிறார். அசாதுதுன் ஓவைசி தலைமையிலான அகில இந்திய மஜ்லீஸ் கட்சி உ.பி சட்டமன்றத் தேர்தலில் போட்டியிடவிருக்கிறது. அவர் தனது பிரசாரத்தை, அயோத்தியில் புதிய மசூதி கட்டுவதற்காக நிலம் ஒதுக்கப்பட்ட பகுதியிலிருந்து தொடங்கியிருக்கிறார். வேறு சில சிறிய கட்சிகளும் அயோத்தியிலிருந்து பிரசாரம் தொடங்கியுள்ளன. காங்கிரஸ் கட்சி மட்டும் அயோத்திக்கு முக்கியத்துவம் அளிக்கவில்லை.பிரியங்கா காந்தி அனைத்துக் கட்சிகளும் அயோத்தி மூலமாக தேர்தலில் ஆதாயம் அடையலாம் என்று நினைத்தாலும், ராமர் கோவில் கட்டுவதன் மூலமாக அதிகமான வாக்குகளை அருவடை செய்யப்போவது என்னவோ பாஜக-தான் என்கிறார்கள். எனவேதான், அயோத்திக்கு அடிக்கடி விசிட் அடிக்கிறார் முதல்வர் யோகி ஆதித்யநாத். Also Read: `கார் உற்பத்தியை நிறுத்தும் ஃபோர்டு’ - தமிழகத்தில் 4,000 பேர் வேலையிழக்கும் துயரம்! குஜராத்தில் கடந்த சுமார் 25 ஆண்டுகளாக பா.ஜ.க ஆட்சி புரிந்து வருகிறது. அங்கு சுமார் 15 ஆண்டுகள் முதல்வராக அதிகாரம் செலுத்திய நரேந்திர மோடி, 2014-ல் நாடாளுமன்றத் தேர்தலில் வெற்றிபெற்று பிரதமர் ஆகிவிட்டார். ஆனாலும், இன்றைக்கும் குஜராத் மாநிலத்தில் அதிக செல்வாக்கு பெற்ற தலைவராக மோடி இருந்துவருகிறார். அங்கு செல்வாக்குமிக்க பாஜக தலைவர்கள் என்று யாரும் இல்லை. மோடிக்குப் பிறகு குஜராத்தில் ஆனந்தி பென் படேல் அங்கு முதல்வர் நாற்காலியில் அமரவைக்கப்பட்டார். அவரது ஆட்சி மீது பல விமர்சனங்கள் தீவிரமடைந்த சூழலில், விஜய் ரூபானி முதல்வராக ஆக்கப்பட்டார். இவர், மத்திய உள்துறை அமைச்சர் அமித் ஷாவுக்கு மிகவும் நெருக்கமானவர். கொரோனா பிரச்னையை சரியாகக் கையாளவில்லை என்ற விமர்சனங்கள் விஜய் ரூபானி அரசுக்கு எதிராக எழுந்தன. அதன் பின்னணியில், தற்போது முதல்வர் மாற்றம் நடைபெற்றுள்ளது.பூபேந்திர படேல் குஜராத் மாநிலத்துக்கும் அடுத்த ஆண்டு சட்டமன்றத் தேர்தல் நடைபெறவிருக்கும் சூழலில், பூபேந்திர படேல் முதல்வர் நாற்காலியில் அமரவைக்கப்பட்டுள்ளார். குஜராத்தில் செல்வாக்கு மிகுந்த படேல் சமூகத்தைச் சேர்ந்தவரான இவர், பிரதமர் மோடியின் விருப்பத்தில் இவர் முதல்வர் ஆக்கப்பட்டிருப்பதாக செய்திகள் வெளியாகியுள்ளன. குஜராத் மாநிலத்தில் காங்கிரஸ் கட்சிக்கு பெரிய அளவுக்கு செல்வாக்கு இல்லாத சூழலில், முக்கிய எதிர்க் கட்சிகளில் ஒன்றாக ஆம் ஆத்மி கட்சி அங்கு வளர்ந்துவருகிறது. கடந்த 20 ஆண்டுகளில் சில தருணங்களில் மோடி - அமித் ஷாவுக்கு எதிரான நிலைப்பாட்டை படேல் சமூகத்தினர் எடுத்துள்ளனர். இந்த முறை, குஜராத்தில் பெரும்பான்மை சமூகமாக இருக்கக்கூடிய படேல் சமூகத்தினரின் ஆதரவைப் பெற்றுவிட வேண்டும் என்ற கணக்குடன், தேர்தலுக்கு ஓராண்டுக்கு முன்பாக பூபேந்திர படேல் முதல்வர் ஆக்கப்பட்டிருக்கிறார். உ.பி மற்றும் குஜராத்தில் பா.ஜ.க-வுக்கான தேர்தல் உத்திகளை வகுப்பதிலும் முக்கிய முடிவுகளை எடுப்பதிலும் பிரதமர் மோடியும் உள்துறை அமைச்சர் அமித் ஷாவும் முக்கியப் பங்கு வகிக்கிறார்கள். சட்டமன்றத் தேர்தல்களில் இவர்கள் வகுக்கும் உத்திகள் என்ன மாதிரியான முடிவுகளைக் கொடுக்கிறது என்பதைப் பொறுத்து, 2024-ல் வரப்போகும் நாடாளுமன்றத் தேர்தலின் தாக்கம் இருக்கும்.
http://dlvr.it/S7Wht4

Read More

உத்தரப்பிரதேசம்: சர்ச்சையைக் கிளப்பிய அரசு விளம்பரம்! - விளாசித் தள்ளிய திரிணாமுல் காங்கிரஸ்

உத்தரப்பிரதேசத்தில் அடுத்தாண்டு சட்டமன்றத் தேர்தல் நடைபெறவிருக்கிறது. ஆளும் பாஜக ஆட்சியைத் தக்க வைத்துக்கொள்ள முனைப்புக் காட்டி வருகிறது. மாநிலத்தில் முதல்வர் யோகி ஆதித்யநாத் தலைமையிலான 4 ஆண்டுக்கால சாதனைகளை பொது வெளியில் பறைசாற்றும் விதத்தில் அரசு சார்பில் மாநிலத்தின் வளர்ச்சி குறித்து நாளிதழ்கள் மற்றும் தொலைக்காட்சிகளில் விளம்பரங்கள் வெளியிடப்பட்டு வருகின்றன. அந்த வகையில், நேற்றைய தினம் உ.பி அரசின் சார்பில் ஆங்கில நாளிதழ் ஒன்றில் வெளியான விளம்பரம் அரசியல் அரங்கில் சர்ச்சையைக் கிளப்பியிருக்கிறது. நேற்றைய தினம் மாநிலத்தின் வளர்ச்சி குறித்து வெளியாகி இருந்த அந்த முழு பக்க விளம்பரத்தில், யோகி அரசின் நிர்வாகத் திறனால் உத்தரப்பிரதேசம் பல்வேறு துறைகளில் மேம்பட்டுள்ளதாகச் சுட்டிக்காட்டப்பட்டு வானுயர்ந்த கட்டடங்கள், தொழிற்சாலைகள் மற்றும் மேம்பாலத்தின் புகைப்படங்கள் 'யோகி ஆதித்யநாத் தலைமையில் மாறும் உத்தரப்பிரதேசம்' என்ற வாசகத்துடன் இடம்பெற்றிருந்தது. சர்ச்சை விளம்பரம் பிரபல ஆங்கில நாளிதழ் ஒன்றில் வெளியாகி இருந்த அந்த விளம்பரத்தில், உத்தரப்பிரதேசம் என்று குறிப்பிடப்பட்டுப் பயன்படுத்தப்பட்டிருந்த மேம்பாலத்தின் புகைப்படம் உண்மையில் உத்தரப்பிரதேச மாநிலத்தின் மேம்பாலம் இல்லையென்றும், மேற்கு வங்க மாநிலம் கொல்கத்தாவில் மம்தாவால் கட்டப்பட்ட 'மா' மேம்பாலத்தின் புகைப்படங்களைத் தான் யோகி அரசு தங்களின் சுய விளம்பரத்துக்காகத் தவறாகப் பயன்படுத்தி இருப்பதாகவும் திரிணாமுல் காங்கிரஸ் உள்ளிட்ட எதிர்க்கட்சியினர் கடுமையான விமர்சனங்களை முன்வைத்தனர். Also Read: உத்தரப்பிரதேசம்: நெருங்கும் சட்டமன்றத் தேர்தல்; யோகி அரசுக்கு எதிராகத் திரும்பிய விவசாயிகள்?! அந்த விளம்பரம் சர்ச்சையானதைத் தொடர்ந்து, நடத்தப்பட்ட புகைப்பட புலனாய்வில் உ.பி அரசின் விளம்பரத்தில் இடம்பெற்றிருந்த அந்த புகைப்படம் கொல்கத்தாவின் மா மேம்பாலத்தின் புகைப்படம் தான் என்பது உறுதியானது. மேற்கு வங்க மாநிலம், கொல்கத்தாவின் மத்திய பகுதியையும், சால்ட் லேக் மற்றும் ராஜர்ஹாட் பகுதிகளை இணைக்கும் வகையில் 2015-ல் மம்தா பானர்ஜி தலைமையிலான திரிணாமுல் காங்கிரஸ் ஆட்சியில் சுமார் ரூ. 460 கோடியில் மா மேம்பாலம் கட்டப்பட்டது. கொல்கத்தாவின் மிகப்பெரிய மேம்பாலமாகக் கருதப்படும் இந்த மேம்பாலம் அந்நகரத்தின் அடையாளமாகத் திகழ்கிறது. ஆனால், கொல்கத்தாவில் மம்தா கட்டிய மேம்பாலத்தின் புகைப்படத்தை யோகி தலைமையிலான உ.பி அரசு தங்கள் மாநிலத்தின் வளர்ச்சி திட்டங்களில் ஒன்று என்று நாளிதழில் சித்தரித்து விளம்பரம் வெளியிட்டிருப்பது சர்ச்சையை ஏற்படுத்தியிருக்கிறது. அதே போல், அந்த விளம்பரத்தில் பயன்படுத்தப்பட்டிருந்த பிரமாண்ட கட்டடங்களும் நட்சத்திர ஓட்டல் ஒன்றிற்குச் சொந்தமானது என்றும் கூறப்படுகிறது. உ.பி-யின் வளர்ச்சி திட்டங்கள் என்று கூறி விட்டு, மேற்கு வங்க மேம்பாலத்தின் புகைப்படத்தையும், தனியார் ஓட்டலுக்குச் சொந்தமான கட்டடத்தின் புகைப்படத்தையும் அரசு விளம்பரத்தில் வெளியிட்டுப் பொய் பெருமை தேடிக் கொள்ள யோகி ஆதித்யநாத் முயற்சிப்பதாக சமூக வலைத்தளங்களில் பல்வேறு தரப்பினரும் விமர்சித்து வருகின்றனர். உ.பி அரசின் இந்த விளம்பரம் குறித்து கருத்து தெரிவித்துள்ள மேற்கு வங்க நகரமேம்பாட்டு வளர்ச்சித்துறை அமைச்சர் பிர்ஹத் ஹக்கிம், "மேற்கு வங்க முதல்வர் மம்தா பானர்ஜியின் ஆட்சியில் கட்டப்பட்ட மா மேம்பாலம் கொல்கத்தா நகரத்தின் அடையாளமாக விளங்குகிறது. இந்த பிரமாண்ட மேம்பாலத்தின் புகைப்படங்களை உத்தரப்பிரதேச அரசு தங்கள் மேம்பாலம் போல நாளிதழ் விளம்பரங்களில் பயன்படுத்தி இருக்கிறது. முன்னதாக மம்தா தலைமையிலான திரிணாமுல் அரசின் மீது மாநில மக்களிடம் தவறான எண்ணத்தை ஏற்படுத்த உ.பி-யில் சட்டம் ஒழுங்கு தோல்வி அடைந்த புகைப்படங்களை பாஜக எங்களுக்கு எதிராகத் தவறாகப் பயன்படுத்தியது. இப்போது நாங்கள் கட்டிய மேம்பாலத்தை தங்கள் அரசு கட்டியதாகக் கூறி உ.பி அரசு பொய் விளம்பரம் செய்திருக்கிறது" என்று யோகி அரசைச் சாடினார். மா மேம்பாலம் - கொல்கத்தா அதே போல் விளம்பரம் குறித்து கருத்து தெரிவித்த திரிணாமுல் காங்கிரஸ் எம்.பி அபிஷேக் பானர்ஜி, "மம்தா தலைமையிலான அரசின் கொல்கத்தா நகர வளர்ச்சி திட்டங்களின் புகைப்படங்களைத் திருடி அதை தாங்கள் செய்ததாகச் சித்தரித்து விளம்பரம் செய்து கொள்வதைத் தான் உ.பி அரசு மாற்றம் என்று சொல்லிக் கொள்கிறது" என்று விமர்சித்தார். இந்நிலையில் உ.பி அரசின் விளம்பரத்தை வெளியிட்டிருந்த அந்த பிரபல ஆங்கில நாளிதழ், தவறான புகைப்படத்தை விளம்பரத்தில் பதிவிட்டதற்காக வருத்தம் தெரிவித்து அந்த விளம்பரத்தை தங்கள் டிஜிட்டல் பதிப்புகளில் முழுமையாக நீக்கி நடவடிக்கை மேற்கொண்டிருக்கிறது. விளம்பர விவகாரம் பூதாகரமாக வெடித்துள்ள போதிலும், உ.பி அரசின் தரப்பிலிருந்து இதுவரையிலும் விளக்கம் அளிக்கப்படாமல் இருப்பது அரசின் அலட்சியப் போக்கை வெளிக்காட்டுவதாக பல்வேறு தரப்பினரும் யோகி அரசைக் குற்றம் சாட்டி வருகின்றனர்
http://dlvr.it/S7Tg6M

Read More