2022 ஆறு மாநில தேர்தல்: வட இந்தியாவில் சத்தமின்றி வளர்ந்து வருகிறாரா அரவிந்த் கெஜ்ரிவால்?!

பத்தாண்டுகாலம் தொடர்ந்து ஆட்சியில் இருந்த காங்கிரஸை, அதிகாரத்திலிருந்து அப்புறப்படுத்தியது `மோடியின் குஜராத் மாடல்!' தற்போது அதேபாணியில் காங்கிரஸ், பாஜக உள்ளிட்ட பிரதான தேசியக்கட்சிகளுக்கே டஃப் கொடுக்கிறது `கெஜ்ரிவாலின் டெல்லி மாடல்.' காங்கிரஸின் இடத்தை நிரந்தரமாகக் கைப்பற்றி, தேசிய அளவிலான அதன் எதிர்க்கட்சி அந்தஸ்தை தனதாக்கும் நோக்கில் வட இந்தியாவின் ஒவ்வொரு மாநிலங்களிலும் வலுவாக காலூன்றி வருகிறது ஆம் ஆத்மி கட்சி என்கின்றனர் தேசிய அரசியலை உற்றுநோக்குபவர்கள். ராகுல்-காங்கிரசுக்கு மாற்றாக, மோடி-பாஜகவுக்கு நேரடி போட்டியாளராக வளர்ந்துவரும் கெஜ்ரிவால்-ஆம் ஆத்மியின் `சீக்ரெட் அரசியல் மூவ்' பற்றி அலசுகிறது இந்த கட்டுரை. Also Read: மோடி அரசுக்கு எதிராக ராகுல் சுழற்றும் சர்க்காஸ்டிக் சாட்டைகள் எடுபடுகின்றனவா? - ஓர் அலசல்அரவிந்த் கெஜ்ரிவால் கெஜ்ரிவாலின் வேகத்திற்கு என்ன காரணம்? மாநிலக்கட்சியாக இருக்கும் ஆம் ஆத்மியை, வலுவான தேசியக்கட்சியாக மாற்றிவிட வேண்டும், டெல்லியைத் தாண்டி மற்ற மாநில அரசியலிலும் தடம்பதித்து, ஆட்சியமைக்க செல்லவேண்டும் என்பது கெஜ்ரிவாலின் லட்சியத்திட்டமாக இருக்கிறது. காங்கிரஸின் பலவீனமும், பாஜக எதிர்ப்பு மனநிலையும் தனது கட்சிக்கு சாதகமாக அமையும் என்ற கருத்தில் உறுதியாக இருக்கிறார். தேர்தல்! அடுத்த ஆண்டு 2022 பிப்ரவரியில் பஞ்சாப், உத்தரப்பிரதேசம், உத்தரகாண்ட், கோவா, மணிப்பூர் மாநிலங்களுக்கும், அக்டோபர், டிசம்பரில் இமாச்சலப்பிரதேசம், குஜராத் உள்ளிட்ட மொத்தம் 7 மாநிலங்களுக்கும் சட்டமன்றத் தேர்தல் நடைபெறவிருக்கிறது. டெல்லியில் மட்டுமே ஆட்சியமைத்துவரும் கெஜ்ரிவால், இம்முறை எப்படியேனும் எதிர்க்கட்சியாக இருக்கும் பஞ்சாப்பில் ஆட்சியமைத்தே தீரவேண்டும் என்கிற முனைப்பில் தீவிரமாக செயல்பட்டுவருகிறார். உத்தரகாண்ட் மாநிலத்தில் எதிர்க்கட்சி நிலைக்கும், குஜராத், இமாச்சல் போன்ற இதர மாநிலங்களில் கணிசமான இடங்களைக் கைப்பற்றி, குறிப்பிடத்தக்க வாக்குவங்கியை நிலைநிறுத்தவேண்டும் எனவும் திட்டமிட்டு செயல்பட்டுவருகிறார். ஆம் ஆத்மி தொண்டர்கள் மேலும், பஞ்சாப், உத்தரகாண்ட், குஜராத் உள்ளிட்ட மாநிலங்களில் ஆம் ஆத்மி தனித்துப் போட்டியிடும் என அதிரடியாக அறிவித்திருக்கிறார் அரவிந்த் கெஜ்ரிவால். பஞ்சாப்பில் ஆம் ஆத்மி: டெல்லிக்கு அடுத்து பஞ்சாப் மாநிலம் ஆம் ஆத்மியின் கோட்டையாக விளங்குகிறது. 2014 நாடாளுமன்றத் தேர்தலில் 4 இடங்களை பஞ்சாபில் கைப்பற்றியது. 2017-ம் ஆண்டு நடந்த பஞ்சாப் சட்டமன்றத்தேர்தலில் போட்டியிட்ட முதல் தேர்தலிலேயே எதிர்க்கட்சி அந்தஸ்தைப் பிடித்தது. தற்போது பஞ்சாப்பை ஆளும் காங்கிரஸ் கட்சியில் கடுமையான கோஷ்டி பூசல் நிலவுகிறது, மூன்று வேளாண் சட்டங்களால் பாஜக மீது கடுமையான எதிர்ப்பலை வீசுகிறது, மேலும் தொடர்ச்சியான மின்வெட்டு போன்ற சூழ்நிலைகளால் பஞ்சாப் மக்கள் காங்கிரஸ், பாஜக ஆகிய இரண்டு கட்சிகளின் மீதும் அதிருப்தியில் உள்ளனர்.ஆம் ஆத்மி இந்நிலையில், கடந்த ஜூன் மாதம் பஞ்சாப் சென்ற அரவிந்த் கெஜ்ரிவால் ``பஞ்சாப் மாற்றத்தை விரும்புகிறது. அம்மக்களிடம் மீதி இருக்கும் ஒரே நம்பிக்கை ஆம் ஆத்மி கட்சிதான் " என்றுகூறி பிரச்சாரம் மேற்கொண்டார். மேலும் மின்வெட்டு குறித்து பேசியவர், ``பஞ்சாப்பில் நாங்கள் ஆட்சியமைத்தால், டெல்லியைப்போல ஒவ்வொரு வீட்டுக்கும் 300 யூனிட் வரை இலவச மின்சாரம் வழங்குவோம்" என வாக்குறுதி அளித்து மக்கள் மனதில் வெளிச்சமூட்டியிருக்கிறார். சென்ற தேர்தலில் முதல்வர் வேட்பாளரை அறிவிக்காமல் போட்டியிட்டது ஆம் ஆத்மிக்கு பெரிய பின்னடைவாக அமைந்தது. இம்முறை சுதாரித்துக்கொண்ட கெஜ்ரிவால், ``ஆம் ஆத்மியின் பஞ்சாப் முதல்வர் வேட்பாளர் செல்வாக்குமிக்க ஒரு சீக்கியராகத்தான் இருக்கவேண்டும்" என கண்டிஷனாக கூறியிருக்கிறார். பஞ்சாப் மண்ணின் மகனும், கொரோனா கால மக்கள்சேவைகளால் பஞ்சாபின் அடையாளம் எனவும் தேர்தல் ஆணையத்தால் அறிவிக்கப்பட்டவருமான நடிகர் சோனு சூட் ஆம் ஆத்மியின் முதல்வர் வேட்பாளராக அறிவிக்கப்படலாம் என்றும் சொல்லப்படுகிறது.சோனு சூட் ஏற்கனவே, அரவிந்த் கெஜ்ரிவால் அரசால் டெல்லி அரசுப் பள்ளி மாணவர்களுக்கான வழிகாட்டும் திட்டத்தின் தூதுவராக சோனு சூட் அறிவிக்கப்பட்டிருந்தார். அதனைத்தொடர்ந்து மத்திய அரசால் வருமான வரிச்சோதனைக்கும் சோனு சூட் ஆளாக்கப்பட்டார் என்பதும் குறிப்பிடத்தக்கது. எதுவாக இருப்பினும், ``பஞ்சாப்பில் ஆம் ஆத்மி ஆட்சி" என்பதில் உறுதியாக இருக்கிறார் கெஜ்ரிவால். மேலும், சமீபத்தில் வெளியான ஏபிபி கருத்துக்கணிப்பு பஞ்சாப்பில் ஆம் ஆத்மி கட்சியே அடுத்து ஆட்சியமைக்கும் என திட்டவட்டமாகத் தெரிவிக்கிறது.அரவிந்த் கெஜ்ரிவால் உத்தரகாண்ட்டில் ஆம் ஆத்மி: உத்தரகாண்ட் மாநிலத்திலும் குறிப்பிடத்தக்க கட்சிக் கட்டமைப்பை ஏற்படுத்தியிருக்கிறார் அரவிந்த் கெஜ்ரிவால். அந்த மாநில அரசியலில் காங்கிரஸை தாண்டி பாஜகவுக்கு அதிகம் சவால் கொடுக்கும் கட்சியாக ஆம் ஆத்மி உருமாறியிருப்பதாகத் தகவல்கள் வெளிவருகின்றன. கடந்த ஆகஸ்ட் மாதம் டேராடூன் சென்ற அரவிந்த் கெஜ்ரிவால், உத்தரகாண்ட் மாநில ஆம் ஆத்மி முதல்வர் வேட்பாளர் ஓய்வு பெற்ற ராணுவ அதிகாரி அஜய் கொத்ரியால் என முன்கூட்டியே அறிவித்து அதிரடி காட்டினார். மேலும், ``பாஜக கடந்த 5 ஆண்டுகளில் உத்தரகாண்ட் மாநிலத்தை நாசமாக்கிவிட்டது. அரசியல்வாதிகள் அரசாங்க சொத்தை சூறையாடுகின்றனர். மக்களுக்கும் இத்தகைய அரசியல்வாதிகளுக்கும் இடையேயான தொடர்பு துண்டிக்கப்பட்டுள்ளது. ராணுவ அதிகாரியை முதல்வராக்க ஆம் ஆத்மி முன்வந்துள்ளது." எனப் பேசினார்.ஆம் ஆத்மி! இதுமட்டுமல்லாமல், ``ஆம் ஆத்மி கட்சி உத்தராகண்ட் தேர்தலில் வெற்றி பெற்றால், மாநில மக்களுக்கு மாதந்தோறும் 300 யூனிட் இலவச மின்சாரம் வழங்கப்படும். நிலுவையில் உள்ள அனைத்து மின்சாரக் கட்டணங்கள் தள்ளுபடி செய்யப்படும். விவசாயிகளுக்கு இலவச மின்சாரம் வழங்கப்படும். நிச்சயமாக நாங்கள் இதை செய்வோம்" எனவும் உறுதியளித்திருக்கிறார்.குஜராத் குஜராத்தில் ஆம் ஆத்மி: கடந்த பிப்ரவரி மாதம் நடைபெற்ற குஜராத் உள்ளாட்சித் தேர்தலில், முதன்முறையாக ஆம் ஆத்மி கட்சி போட்டியிட்டபோதே, குஜராத்தில் தனது இருப்பை பதிவுசெய்துவிட்டது. குறிப்பாக 120 இடங்களைக் கொண்ட சூரத்தில் 27 இடங்களை கைப்பற்றி பாஜகவுக்கு அடுத்த இடத்தைப் பிடித்தது. காங்கிரஸ் கட்சியால் ஒரு இடத்தைக்கூட சூரத் தொகுதியில் பெறவில்லை. ஏனைய இடங்களில் தோல்வியுற்றாலும் ஆம் ஆத்மி கணிசமான வாக்குவங்கியைப் பெற்று வலுவான அடித்தளத்தை ஏற்படுத்திக்கொண்டது. பாஜகவின் அசைக்கமுடியாத கோட்டையில் ஆம் ஆத்மி நுழைந்துவிட்டதாகத் தொண்டர்கள் உற்சாகமடைய, அரவிந்த் கெஜ்ரிவால், "புதிய அரசியலை அறிமுகப்படுத்திய குஜராத் மக்களுக்கு மனமார்ந்த வாழ்த்துக்கள்" என்றுகூறி பெருமிதம் அடைந்தார்.மத்திய அரசை சாடும் அரவிந்த் கெஜ்ரிவால் இந்நிலையில், கடந்த ஜூன் மாதம் குஜராத் சென்ற கெஜ்ரிவால், நவ்ராங்ப்பூரில் ஆம் ஆத்மி கட்சியின் மாநில தலைமை அலுவலகத்தைத் திறந்துவைத்தார். அப்போது பேசியவர், ``பாஜக, காங்கிரஸ் ஆகிய இரு கட்சிகளும் ஒரே மாதிரிதான். கடந்த 70 ஆண்டுகளாக குஜராத் மருத்துவமனைகளின் நிலை முன்னேறவில்லை. குஜராத்தில் உள்ள மக்கள், டெல்லியில் மின்சாரம் இலவசமாக இருக்கும்போது, ஏன் இங்கேயும் இலவசமாக இருக்கக்கூடாது என நினைக்கிறார்கள். குஜராத் மக்கள் மாற்றத்தை விரும்புகிறார்கள். இனி அனைத்து விஷயங்களும் மாறும். குஜராத் சட்டமன்றத் தேர்தலில் 182 தொகுதிகளிலும் ஆம் ஆத்மி கட்சி தனித்துப்போட்டியிடும்" என அறிவித்தார்.மோடி - கெஜ்ரிவால் - சோனியா காந்தி சமீபத்தில் உத்ரகாண்ட், குஜராத் மாநிலங்களின் முதல்வர்களை பாஜக மாற்றியது. இதற்கு காரணம், இந்த இரண்டு மாநிலங்களிலும் பாஜகவுக்கு ஆம் ஆத்மி பெரும் சவாலாக அமைந்தது தான் என ஆம் ஆத்மியின் செய்தித்தொடர்பாளர் ராகவ் சதா கருத்து தெரிவித்திருந்ததும் குறிப்பிடத்தக்கது. கோவாவில் ஆம் ஆத்மி: மிகச்சிறிய மாநிலமான கோவாவில் கடந்த ஆண்டு இறுதியில் உள்ளாட்சித் தேர்தல் நடைபெற்றது. அந்த தேர்தலில், ஒரு இடத்தில் வென்று ஆம் ஆத்மி கட்சி தனது முதல் வெற்றியைப் பதிவு செய்தது. அப்போது அரவிந்த் கெஜ்ரிவால், `` ஒரு இடத்தில் வெற்றி பெற்றிருந்தாலும் இது வெறும் ஆரம்பம்தான். கோவா மக்களின் நம்பிக்கை மற்றும் எதிர்பார்ப்புகளுக்கு ஏற்ப ஆம் ஆத்மி கட்சி வளரும் என்று நான் நம்புகிறேன்" என்று தெரிவித்திருந்தார். Also Read: முதல்வர் மம்தா போட்டியிடும் பவானிப்பூர் இடைத்தேர்தல் களம் எப்படி இருக்கிறது?டெல்லியில் மீண்டும் ஆட்சியை பிடித்தது ஆம் ஆத்மி: முதல்வராகிறார் கெஜ்ரிவால்! கடந்த ஜூலை மாதம் பனாஜி சென்ற அரவிந்த் கெஜ்ரிவால், ``காங்கிரஸ் கட்சியும் பாஜகவும் மக்களை ஏமாற்றிவிட்டன. கோவா கடந்த சில ஆண்டுகளாக அழுக்கான அரசியலைச் சந்தித்து வருகிறது. கோவா மக்கள் தூய அரசியலை எதிர்நோக்கிக் காத்திருக்கிறார்கள். அதனால் எங்களுக்கு ஆதரவளிக்கின்றார்கள். இந்தமுறை கோவா மக்கள் மாற்றத்தை உருவாக்க விரும்பகிறார்கள்." என்று பேசினார். மேலும், ``ஆம் ஆத்மியை கோவா மக்கள் வெற்றிபெறச்செய்தால், மின்வெட்டே இல்லாத மாநிலமாக கோவாவை மாற்றுவோம். ஒவ்வொரு வீட்டுக்கும் 300 யூனிட் மின்சாரத்தை மாதந்தோறும் இலவசமாக வழங்குவோம். விவசாயத்திற்கும் இலவச மின்சாரத்தைக் கொடுப்போம்" என அறிவித்தார். (கெஜ்ரிவால், பொதுவாக அனைத்து மாநிலங்களிலும் ஒரே மாடலை அதாவது தனது டெல்லி மாடலை அடியொற்றியே வாக்குறுதி அளித்துவருகிறார் என்பதும் குறிப்பிடத்தக்கது)டெல்லி முதல்வர் அரவிந்த் கெஜ்ரிவால் (Arvind Kejriwal) இதேபோல, இதர மாநிலங்களான உத்தரப்பிரதேசம், இமாச்சலப்பிரதேசம் போன்ற மாநிலங்களிலும் ஆட்சியை பிடிப்பதற்கான வேலைகளில் இறங்கி, சத்தமில்லாமல் காய் நகர்த்தி வருகிறார் அரவிந்த் கெஜ்ரிவால். அதே சமயம் கொரோனா இரண்டாம் அலையின்போது டெல்லியில் கெஜரிவாலின் 'டெல்லி மாடல்' சமாளிக்க முடியாம் தினறியது என தேசிய ஊடகங்கள் கருத்து தெரிவித்தன. தற்காலிக இடுகாடுகளை ஏற்படுத்தும் அளவுக்கு நிலைமை மோசமாக அரவிந்த் கெஜ்ரிவால் கடும் விமர்சனத்துக்கு ஆளானார். கொரோனாவால் ஏற்பட்ட தொழில் முடக்கம், வருவாய் இழப்பு, புதிய வேளாண் திட்டங்களுக்கெதிரான விவசாயிகளின் போராட்டம் என பல முக்கிய சிக்கல்களுக்கு இடையே நடக்கும் இந்த ஆறு மாநில தேர்தலும் முக்கியத்துவம் வாய்ந்த ஒன்றாகிறது. ஒவ்வொரு கட்சியும் கடுமையாக தேர்தல் பணிகளைத் திட்டமிட்டுக் கொண்டிருக்கின்றன. இதில் ஆம் ஆத்மி மக்களின் நம்பிக்கைக்குரிய கட்சியாக மாறி அங்கீகாரம் பெறுமா என்பதை தேர்தலுக்குப் பிறகான முடிவுகளே தெரியப்படுத்தும்.
http://dlvr.it/S7tmCL

Read More

ஆட்சியில் இருக்கும் போது ஒரு பேச்சு..இல்லாத போது ஒரு பேச்சு: திமுக மீது ஓபிஎஸ் விமர்சனம்

ஆட்சியில் இருக்கும் போது ஒரு பேச்சு.ஆட்சியில் இல்லாதபோது ஒரு பேச்சு என்பது திமுகவுக்கு கைவந்த கலையாக இருப்பதாக அதிமுக ஒருங்கிணைப்பாளர் ஓ பன்னீர்செல்வம் விமர்சித்துள்ளார். இது குறித்து அறிக்கை ஒன்றை ஓபிஎஸ் வெளியிட்டுள்ளார். திமுக எதிர்க்கட்சியாக இருந்த போது பெட்ரோல், டீசலை ஜிஎஸ்டிக்குள் கொண்டு வர வேண்டும் என்பது அதன் நிலைப்பாடாக இருந்ததாக ஓபிஎஸ் தெரிவித்துள்ளார். ஆனால் திமுக ஆட்சிக்கு வந்த பிறகு பெட்ரோல், டீசலை ஜிஎஸ்டிக்குள் கொண்டு வர அக்கட்சி எதிர்ப்பு தெரிவிப்பதாகவும் ஓபிஎஸ் தெரிவித்துள்ளார். தேர்தலில் வெற்றிபெறுவதற்காகவே பெட்ரோலை ஜிஎஸ்டிக்குள் கொண்டு வருவோம் என திமுக வாக்குறுதி அளித்ததோ என சந்தேகம் எழுவதாகவும் ஓ.பன்னீர்செல்வம் தெரிவித்துள்ளார். பெட்ரோல், டீசலை ஜிஎஸ்டிக்குள் கொண்டு வர வேண்டும் என்ற முந்தைய நிலைப்பாட்டை நிலைநாட்டி அவற்றின் விலை குறைய மு.க.ஸ்டாலின் வழிவகுக்க வேண்டும் என அதிமுக ஒருங்கிணைப்பாளர் ஓ.பன்னீர்செல்வம் தெரிவித்துள்ளார்
http://dlvr.it/S7sVsl

Read More

பஞ்சாப்: புதிய முதல்வரை தேர்ந்தெடுக்கும் அதிகாரத்தை சோனியா காந்திக்கு வழங்கி தீர்மானம்

பஞ்சாபின் புதிய முதலமைச்சரை தேர்ந்தெடுக்கும் அதிகாரத்தை காங்கிரஸ் தலைவர் சோனியா காந்திக்கு அக்கட்சியின் எம்.எல்.ஏக்கள் வழங்கி உள்ளனர்.   பஞ்சாபில் சட்டப்பேரவைத் தேர்தலுக்கு இன்னும் சுமார் ஐந்து மாதங்களே உள்ள நிலையில், அம்மாநில காங்கிரஸ் தலைவராக நியமிக்கப்பட்ட நவ்ஜோத் சிங்குடன் ஏற்பட்ட மோதல்களால் முதலமைச்சர் பதவியிலிருந்து அமரிந்தர் சிங் நேற்று விலகினார். அதன் பின்னர் காங்கிரஸ் சட்டப்பேரவை உறுப்பினர்களின் கூட்டம் சண்டிகரில் நடைபெற்றது. 80 எம்.எல்.ஏ.க்கள் வரை பங்கேற்ற அந்தக் கூட்டத்தில் இரண்டு தீர்மானங்கள் ஒரு மனதாக நிறைவேற்றப்பட்டன.   அதில் ஒன்றில், சட்டப்பேரவை காங்கிரஸ் குழு தலைவரைத் தேர்வு செய்யும் அதிகாரத்தை கட்சியின் இடைக்காலத் தலைவர் சோனியா காந்திக்கு வழங்குவது என முடிவு செய்யப்பட்டது. மற்றொரு தீர்மானத்தில், பஞ்சாப் மற்றும் காங்கிரஸின் வளர்ச்சிக்கு சிறப்பான பங்களிப்பை செலுத்திய அமரிந்தர் சிங்கிற்கு பாராட்டு் மற்றும் நன்றி தெரிவிக்கப்பட்டதாக காங்கிரஸ் மூத்த தலைவர் அஜய் மக்கேன் தெரிவித்தார்.   இதனிடையே, முதலமைச்சர் பதவிக்கான போட்டியில் நவ்ஜோத் சிங் சித்து, முன்னாள் மாநிலத் தலைவர் சுனில் ஜாக்கர், அமைச்சர் சுக்ஜிந்தர் சிங் ரந்தவா ஆகியோரின் பெயர்கள் அடிபடுகின்றன. பஞ்சாபில் தேர்தல் நெருங்கிவரும் சூழலில், முதலமைச்சர் பதவியிலிருந்து அமரிந்தர் சிங் விலகியிருப்பது காங்கிரஸ் கட்சிக்கு பின்னடைவாகக் கருதப்படுகிறது. மாநிலத்தில் காங்கிரசுக்கு ஏற்பட்ட நெருக்கடியை தலைமை கையாண்ட விதத்தில் தான் அவமதிக்கப்பட்டதாக அவர் தெரிவித்துள்ளார்.   நவ்ஜோத் சிங் சித்துவை கடுமையாக விமர்சித்த அமரிந்தர் சிங், அவர் ஒரு முழு பேரழிவு என சாடினார். தேர்தலில் காங்கிரஸின் முகமாக சித்து அறிவிக்கப்பட்டால் அவரை கடுமையாக எதிர்ப்பேன் என்றும் அமரிந்தர் சிங் தெரிவித்துள்ளார். மாநிலத்தை ஆளும் எந்தத் தகுதியும் சித்துவிற்கு இல்லை என்று பதவி விலகிய அமரிந்தர் சிங் கடுமையாக விமர்சித்தார். தான் காங்கிரஸ் கட்சியிலேயே நீடிப்பதாகவும் அடுத்தக்கட்ட அரசியல் நடவடிக்கை குறித்து தனது ஆதரவாளர்களுடன் பேசி முடிவெடு்க்கப் போவதாக அமரிந்தர் சிங் தெரிவித்துள்ளார்.   இதையும் படியுங்கள்: "3-வது முறையாக அவமானப்படுத்தப்பட்டுள்ளேன்" - பதவியை துறந்த பஞ்சாப் முதல்வர் அமரிந்தர்!
http://dlvr.it/S7rXBy

Read More

15 வயது சிறுமி கர்ப்பம்; குற்றவாளிக்கு ஜாமின் அளித்து சர்ச்சை கருத்து தெரிவித்த நீதிமன்றம்!

15 வயது சிறுமியை 22 வயது இளைஞர் ஒருவர் சிறார் வதை செய்ததாகத் தொடுக்கப்பட்ட போக்ஸோ வழக்கில் கைது செய்யப்பட்ட அந்த இளைஞருக்கு மத்தியப் பிரதேச உயர் நீதிமன்றத்தின் இந்தோர் அமர்வு ஜாமீன் வழங்கியுள்ளது. மத்தியப் பிரதேசத்தைச் சேர்ந்த 15 வயது சிறுமி ஒருவர் 2018-ம் ஆண்டு நவம்பர் மாதம் 22-ம் தேதி காணாமல் போயுள்ளார். இந்நிலையில், தன் மகளை யாரோ கடத்திவிட்டதாகக் கூறி உஜ்ஜெய்ன் மாவட்டத்தில் உள்ள மகித்பூர் காவல் நிலையத்தில் காணாமல்போன சிறுமியின் தந்தை புகார் கொடுத்தார். இந்தப் புகாரை ஏற்றுக்கொண்ட காவல்துறையினரும் இதனைக் கடத்தல் வழக்காகப் பதிவு செய்தனர்.Girl - Representational Image Also Read: போக்சோ வழக்கு: விடுவிக்கப்பட்ட குற்றவாளி; 7 ஆண்டுக்குப் பின் தண்டனை அளித்து உயர் நீதிமன்றம் தீர்ப்பு இந்நிலையில் காணாமல் போன அந்தச் சிறுமி கடந்த ஜூலை மாதம் சூரத் நகரில் கண்டறியப்பட்டார். சிறுமியிடம் நடத்திய விசாரணையில் அவர் 22 வயது இளைஞர் ஒருவருடன் மத்தியப் பிரதேச மாநிலத்தின் மன்டாசூர் மாவட்டத்தில் வாழ்ந்து வருவதும், சிறுமிக்கும் அந்த இளைஞருக்கும் இடையில் ஏற்பட்ட உறவின் மூலம் அச்சிறுமிக்கு ஒன்றரை வயதில் குழந்தை இருப்பதும் தெரிய வந்திருக்கிறது. தனக்குப் பொய்யான வாக்குறுதிகளை அளித்து சூரத் வரை அந்த இளைஞர் தன்னை அழைத்துச் சென்றதாகவும், தன்னிடம் அவர் உடல்ரீதியிலான தொடர்பை ஏற்படுத்தியதாகவும், இதன் காரணமாகத்தான் ஒரு குழந்தையைப் பெற்றெடுத்ததாகவும் காவல்துறையிடம் அச்சிறுமி கூறியிருக்கிறார். இதனையடுத்து கடத்தல், பாலியல் வன்புணர்வு மற்றும் தொடர்ச்சியான பாலியல் வன்புணர்வு ஆகிய குற்றங்களுக்காக அந்த 22 வயது இளைஞர் மீது போக்ஸோ வழக்குப் பதிவு செய்யப்பட்டு அவர் சிறையில் அடைக்கப்பட்டார். இவ்வழக்கில் தனக்கு ஜாமின் வழங்குமாறு குற்றஞ்சாட்டப்பட்ட இளைஞர் மத்தியப் பிரதேச உயர் நீதிமன்றத்தை அணுக, நீதிமன்றமும் போக்ஸோ வழக்கில் கைதுசெய்யப்பட்ட இந்த இளைஞருக்கு ஜாமின் வழங்கியுள்ளது.Court (Representational Image) Also Read: 16 ஆண்டுகளாக பாலியல் தொல்லை; புகார் அளித்த 23 மாணவிகள்; கும்பகோணம் பள்ளி ஆசிரியர் கைது! `குற்றஞ்சாட்டப்பட்ட இளைஞருடன் அச்சிறுமி வீட்டை விட்டு வெளியேறியபோது அச்சிறுமிக்கு 15 வயதுதான் ஆகியிருந்தது என்றாலும், தனது சொந்த விருப்பத்தின் பேரில்தான் அவர் அந்த இளைஞருடன் சென்றிருக்கிறார் என்பது தெரிகிறது. அதுமட்டுமல்லாமல் அந்த இளைஞருடன் அவர் தொடர்ந்து வாழ்ந்து ஒரு குழந்தையையும் பெற்றிருக்கிறார். பாதிக்கப்பட்ட சிறுமியின் அப்போதைய வயது 15 தான் என்றாலும் தவறான தொடர்பில் இணையும்போது அதன் விளைவுகள் எவ்விதம் அமையும் என்பது 15 வயது சிறுமிக்குத் தெரியாது என்று சொல்லிவிடமுடியாது . அதேபோல தான் என்ன செய்கிறோம் என்பதை நன்கு அறிந்தே தனது பெற்றோருக்குத் தெரியாமல் அச்சிறுமி அந்த இளைஞருடன் வெளியேறியிருக்கிறார். எனவே குற்றஞ்சாட்டப்பட்ட நபர் அச்சிறுமியை அவரது பெற்றோருக்குத் தெரியாமல் கடத்திவிட்டதாகச் சொல்ல முடியாது’ என்று கூறிய மத்தியப் பிரதேச உயர்நீதிமன்றம் போக்ஸோ சட்டத்தின்கீழ் கைது செய்யப்பட்ட அந்த இளைஞருக்கு ஜாமின் வழங்கியுள்ளது. 18 வயதுக்குக் கீழுள்ள சிறுவர், சிறுமிகளை சிறார் வதை செய்வது, பாலியல் செயல்களில் ஈடுபடுவது போக்ஸோ சட்டப்படி குற்றம். இன்னொரு பக்கம், பதின் பருவத்துக் காதல்களில், சம்பந்தப்பட்ட ஆண்கள் போக்ஸோ சட்டத்தால் தண்டிக்கப்படுவது பற்றிய குரல்கள் எழுந்துவருகின்றன. இந்நிலையில்தான், இப்படி ஒரு தீர்ப்பை வழங்கியிருக்கிறது மத்தியப் பிரதேச உயர் நீதிமன்றம்.
http://dlvr.it/S7q4nr

Read More

நடிகர் சோனு சூட் ரூ.20 கோடி வரி ஏய்ப்பு! - 6 நகரங்களில் நடந்த சோதனை குறித்து வருமான வரித்துறை

நடிகர் சோனு சூட் வீடு, அலுவலகம், அவr தொடர்புடைய ரியல் எஸ்டேட் நிறுவனம் போன்றவற்றில் வருமான வரித்துறை மூன்று நாட்களாக தொடர்ச்சியாக சோதனை நடத்தி வந்தது. மும்பை, லக்னோவில் நடத்தப்பட்ட இச்சோதனை விபரம் குறித்து பல்வேறு சர்ச்சைகள் எழுந்தது. முன்னதாக சோனு சூட் டெல்லி முதல்வரைச் சந்திக்க, டெல்லி விளம்பர தூதராக அறிவிக்கப்பட்டார். எனவேதான் மத்திய அரசாங்கத்தால் இந்த சோதனை நடத்தப்படுவதாக குற்றச்சாட்டு எழுந்தது. சோனு சூட் இந்த விமர்சனங்களுக்கு முற்றுப்புள்ளி வைக்கும் விதமாக வருமான வரித்துறை, சோதனை நடத்தப்பட்ட விபரம் குறித்து அறிக்கை வெளியிட்டுள்ளனர். அதில் நடிகர் சோனு சூட், அவருடன் சேர்ந்தவர்களும் சேர்ந்து ரூ.20 கோடி அளவுக்கு வருமான வரி ஏய்ப்பு செய்துள்ளனர். கணக்கில் வராத பணத்தை போலி நிறுவனங்கள் மூலம் லக்னோவில் உள்ள நிறுவனங்களுக்கு கடனாக கொடுத்துள்ளார். அதோடு தனது தொண்டு நிறுவனத்திற்கு வெளிநாட்டில் இருந்து நன்கொடை பெற்றதிலும் விதிகளை மீறியுள்ளதாக வருமான வரித்துறை தெரிவித்துள்ளது. சோனு சூட் அலுவலகம் அவர் தொடர்புடைய நிறுவனங்களில் நடத்தப்பட்ட சோதனையில் வரி ஏய்ப்பு செய்ததற்கான ஆதாரங்கள் சிக்கி இருக்கிறது. சோனு சூட் தன்னிடம் உள்ள கணக்கில் வராத பணத்தை பல போலி நிறுவனங்கள் மூலம் உத்தரவாதமற்ற கடன்களாக கொடுத்து இருப்பது தெரிய வந்துள்ளது. மொத்தம் 20 முறை இது போன்ற பரிவர்த்தனைகள் நடந்திருப்பது கண்டுபிடிக்கப்பட்டுள்ளது. போலி நிறுவனத்திடம் ரொக்க பணத்தை கொடுத்துவிட்டு, அந்த நிறுவனத்திடமிருந்து கடன் வாங்குவது போல் காசோலை பெற்றுள்ளார். அவ்வாறு பெறப்படும் நிதியை கொண்டு முதலீடு செய்தல், சொத்துக்கள் வாங்குவது போன்ற காரியங்களில் ஈடுபட்டுள்ளார். இதுவரை 20 கோடிக்கும் அதிமாக வரி ஏய்ப்பு செய்யப்பட்டுள்ளது கண்டுபிடிக்கப்பட்டுள்ளது. சோனு சூட் கொரோனா காலத்தில் உருவாக்கப்பட்ட தொண்டு நிறுவனத்திற்கு நடப்பு ஆண்டில் ஏப்ரல் முதல் இதுவரை 18.94 கோடி நன்கொடை வசூலித்துள்ளனர். ஆனால் இதில் 1.9 கோடி மட்டுமே செலவிட்டுள்ளனர். எஞ்சிய நிதி செலவிடப்படாமல் வங்கிக்கனக்கில் இருக்கிறது. வெளிநாடுகளில் இருந்து விதிகளை மீறி ரூ.2.1 கோடி நன்கொடை வசூலித்துள்ளார். லக்னோவை சேர்ந்த நிறுவனம் ஒன்றுடன் சோனு சூட் பங்குதாரராக சேர்ந்துள்ளார். அந்த நிறுவனத்தில் சோனுசூட் கணிசமான நிதியை முதலீடு செய்துள்ளார். அந்த நிறுவனத்திலும் ஒப்பந்ததாரர்களுக்கு பணம் கொடுத்ததாக போலி பில் தயாரித்து மோசடி செய்யப்பட்டுள்ளது. Also Read: கெஜ்ரிவாலுடன் சந்திப்பு... பஞ்சாப் தேர்தல்! - பாஜக-வால் குறிவைக்கப்படுகிறாரா நடிகர் சோனு சூட்?! ரூ.65 கோடி அளவுக்கு இது போன்று போலி பில் தயாரித்துள்ளனர். லக்னோ நிறுவனம் ஜெய்ப்பூர் நிறுவனம் ஒன்றுடன் ரூ.175 கோடி அளவுக்கு பரிவர்த்தனை செய்துள்ளது. சோதனையின் போது ரூ.1.8 கோடி ரொக்க பணம் பறிமுதல் செய்யப்பட்டுள்ளது. 11 லாக்கர்களை திறக்க தடை விதிக்கப்பட்டுள்ளது. மும்பை, லக்னோ, கான்பூர், ஜெய்ப்பூர், டெல்லி, குர்காவ் போன்ற நகரங்களில் 28 இடங்களில் சோதனை நடத்தப்பட்டுள்ளதாக வருமான வரித்துறையினர் தெரிவித்துள்ளனர்.
http://dlvr.it/S7phx7

Read More

"ஆப்கன் சூழல் அண்டை நாடுகளை பாதிக்கும்" - பிரதமர் மோடி பேச்சு

ஆப்கனில் ஏற்பட்டுள்ள மாற்றங்கள் இந்தியா உள்ளிட்ட அண்டை நாடுகளில் பிரதிபலிக்க வாய்ப்புள்ளதாக பிரதமர் நரேந்திர மோடி தெரிவித்துள்ளார். ஷாங்காய் ஒத்துழைப்பு அமைப்பின் கூட்டம் தஜிகிஸ்தானில் நடைபெற்று வரும் நிலையில்,காணொலி வாயிலாக பிரதமர் நரேந்திர மோடி உரையாற்றினார். அப்போது பேசிய அவர், ''அடிப்படைவாத கொள்கைகளை உலகம் முழுவதும் ஊக்கப்படுத்த ஆப்கனின் சூழல் வழிவகுக்கும் அபாயம் உள்ளது. ஆப்கனில் நீடித்தால் பயங்கரவாதிகளை ஊக்குவிப்பதாக அது அமைந்து விடும். ஆப்கனில் ஏற்பட்டுள்ள மாற்றங்கள் இந்தியா உள்ளிட்ட அண்டை நாடுகளில் பிரதிபலிக்க வாய்ப்புள்ளது'' என்று தெரிவித்தார். ஷாங்காய் ஒத்துழைப்பு அமைப்பின் கூட்டத்தில் வெளியுறவுத் துறை அமைச்சர் ஜெய்சங்கர் நேரில் பங்கேற்றுள்ளார். எஸ்.சி.ஓ.வில் சீனா, ரஷ்யா, கிர்கிஸ்தான், தஜிகிஸ்தான், உஸ்பெகிஸ்தான், இந்தியா, பாகிஸ்தான், ஈரான் நாடுகள் உள்ளன.
http://dlvr.it/S7p2H1

Read More

டிஎன்பிஎஸ்சி-க்கு விண்ணப்பிக்க ஆதார் கட்டாயமா? - உயர்நீதிமன்ற மதுரைக்கிளை கேள்வி

டிஎன்பிஎஸ்சி தேர்வுக்கு விண்ணப்பிக்க ஆதார் எண் கட்டாயம் என்ற அறிவிப்பிற்கு இடைக்கால தடை கோரிய வழக்கில், துறை அதிகாரிகளிடம் உரிய விளக்கம் பெற்று தெரிவிக்க அரசு வழக்கறிஞருக்கு உயர்நீதிமன்ற மதுரைக்கிளை உத்தரவு பிறப்பித்துள்ளது.  மதுரையை சேர்ந்த ஜானகி, உயர்நீதிமன்ற மதுரைக்கிளையில் பொதுநல மனுவினைத் தாக்கல் செய்திருந்தார். அதில், "தமிழ்நாடு அரசு பணியாளர் தேர்வாணையம் சார்பில் அரசு குற்றவியல் வழக்கறிஞர் பணியிடத்திற்கான அறிவிப்பாணை ஆகஸ்ட் 25ல் வெளியிடப்பட்டது. தற்பொழுது டிஎன்பிஎஸ்சி தேர்வுக்கு ஆன்லைன் மூலம் ஒரு முறை பதிவு செய்து கொண்டவர்கள் வழங்கப்பட்ட அடையள எண்ணை கொண்டு அனைத்து தேர்வுகளுக்கும் விண்ணப்பிக்கலாம். ஆனால், தற்போது அரசு குற்றவியல் வழக்கறிஞர் நியமன தேர்வுக்கு டிஎன்பிஎஸ்சி இணையதளத்தில் விண்ணப்பிக்க சென்றபொழுது, விண்ணப்பதாரரின் ஆதார் எண் கேட்கப்படுகிறது. விண்ணப்பதாரரின் ஆதார் எண் கொடுக்காவிட்டால் TNPSC தேர்வுக்கு விண்ணப்பிக்க இயலாத நிலை உள்ளது. உச்சநீதிமன்ற உத்தரவின்படி போட்டித் தேர்வுகளுக்கு விண்ணப்பிக்க, தேர்வு எழுத ஆதார் எண் கட்டாயமில்லை என தெளிவாக தீர்ப்பு வழங்கியுள்ளது. இதையும் படிங்க... டிஎன்பிஎஸ்சி தேர்வில் தமிழ்வழி மாணவர்களுக்கு 20% ஒதுக்கீடு: ஆளுநர் ஒப்புதல் இந்த நிலையில் டிஎன்பிஎஸ்சி தேர்வுக்கு விண்ணப்பிக்கவே ஆதார் எண்ணை கட்டாயமாக்கியுள்ளது. ஆதார் எண்ணை பதிவு செய்த நிலையில், 28 நாட்களுக்கு மேலாகியும், இதுவரை ஆதார் எண் பதிவாகவில்லை. இதனால் தகுதியிருந்தும் தேர்வு எழுத விருப்பம் இருந்தும், ஆதார் எண் பதிவு செய்யாதவர்கள், போட்டி தேர்வு எழுத இயலாத நிலை உள்ளது. எனவே போட்டித் தேர்வுகளுக்கு ஆதார் அட்டை கட்டாயமில்லை என உச்சநீதிமன்றம் பிறப்பித்த உத்தரவின் அடிப்படையில், போட்டித் தேர்வர்கள் நலன் கருதி டிஎன்பிஎஸ்சி தேர்வுக்கு விண்ணப்பிக்க ஆதார் எண் கட்டாயம் என்ற அறிவிப்பிற்கு இடைக்கால தடை விதிக்க வேண்டும்" என கோரிக்கை விடுத்திருந்தார். இந்த வழக்கு நீதிபதிகள் துரைசுவாமி, முரளிசங்கர் அமர்வு முன்பு இன்று விசாரனைக்கு வந்தது. அப்போது மனுதாரர் தரப்பில், “டிஎன்பிஎஸ்சி ஒரு முறை பதிவில் ஆதார் எண் பதிவு செய்து 10 நாட்களுக்கு மேல் ஆகியும் தற்போது வரை பதிவேற்றம் செய்யப்படாமல் உள்ளது. ஒரு வாரத்தில் அரசு குற்றவியல் வழக்கறிஞர் நியமன தேர்வுக்கு கடைசி தேதி முடிவடையவுள்ளது” என தெரிவிக்கப்பட்டது. மேலும் “உச்சநீதிமன்ற உத்தரவின்படி போட்டித் தேர்வுகளுக்கு விண்ணப்பிக்க, தேர்வு எழுத ஆதார் எண் கட்டாயமில்லை என தெளிவாக தீர்ப்பு வழங்கியுள்ளது” என தெரிவிக்கப்பட்டது. இதனையடுத்து நீதிபதிகள் வழக்கு குறித்து டிஎன்பிஎஸ்சி உரிய விளக்கம் பெற்று தெரிவிக்க உத்தரவிட்டு வழக்கு விசாரணையை செப்டம்பர் 23ஆம் தேதிக்கு ஒத்திவைத்தனர்.
http://dlvr.it/S7m92Z

Read More