``லவ் ஜிகாத், நார்கோட்டிக் ஜிகாத் கேரளத்தில் இல்லை" விளக்கம் கொடுத்த பினராயி விஜயன்!

கேரள மாநிலம் கோட்டயம் பாலா மறைமாவட்ட கத்தோலிக்க பிஷப் லவ் ஜிகாத் மற்றும் நார்கோட்டிக் ஜிகாத் பற்றி பேசி பரபரப்பைக் கிளப்பினார். இது அரசியல் விவாதமான நிலையில் லவ் ஜிகாத், நார்கோட்டிக் ஜிகாத் கேரளத்தில் இல்லை என கேரள முதல்வர் பினராயி விஜயன் செய்தியாளர்கள் சந்திப்பில் தெரிவித்தார். செய்தியாளர்களிடம் பேசிய பினராயி விஜயன், ``பாலா பிஷப்பின் பிரசங்கம் அனாவசியமானது. காதலையும், போதை மருந்தையும் ஒரு மதத்திற்கானது எனக் கூறுவது சரியல்ல. இதன் பெயரில் விவாதத்தை ஏற்படுத்தி பிரச்னை உருவாக்கலாம் என நினைத்தால் அது நடக்காது. கிறிஸ்தவ மதத்தில் இருந்து இஸ்லாம் மதத்துக்கு மக்கள் மாற்றப்படுவதாக கூறுவது அடிப்படை ஆதாரமற்றது. மதமாற்றம் செய்து ஐ.எஸ் உள்ளிட்ட அமைப்புகளில் சேர்ப்பதாக நடக்கும் பிரசாரங்களின் யதார்த்தம் குறித்து ஆராய்ந்தோம். இளைஞர்களிடையே தீவிரவாத எண்ணம் ஏற்படாமல் இருக்க அரசு கடும் நடவடிக்கை எடுத்துவருகிறது. நார்கோட்டிக் ஜிகாத் குறித்து அடிப்படை ஆதாரமில்லை. பாலா பிஷப்பின் கருத்து துரதிஷ்டமானது. சிலர் அதை விவாதமாக்க முயற்சித்தனர். அவர்களது பிரசாரத்தில் உண்மைத் தன்மை இல்லை. Also Read: `லவ் ஜிகாத் மட்டுமல்ல; போதை ஜிகாத்தும் உண்டு!’ - கேரள அரசியலில் விவாதத்தைக் கிளப்பிய பிஷப் கருத்துபிஷப் மார் ஜோசப் கல்லறங்காட் கேரளத்தில் மதமாற்றம், போதை மருந்து கடத்தல் குறித்து ஆராய்ந்தபோது அதில் சிறுபான்மை மதங்களுக்கு பிரத்யேக பங்கு இல்லை என்பதை அறியமுடியும். கிறிஸ்தவ மதத்தில் இருந்து இஸ்லாம் மதத்திற்கு மதம் மாற்றப்படுவதாக கூறுவது அடிப்படை ஆதாரம் அற்றது. கட்டாய மதம்மாற்றம் குறித்து புகார்களோ, தெளிவான விபரங்களோ கிடைக்கப்பெறவில்லை. சில ஆண்டுகளுக்கு முன்பு கோட்டயத்தைச் சேர்ந்த அகிலா ஹாதியா என்ற பெயரில் இஸ்லாம் மதத்திற்கு மாறியது நிர்பந்தத்தின் பேரில் எனக் குற்றச்சாட்டு எழுந்தது. ஆனால் ஐ-கோர்ட்டும், சுப்ரீம் கோர்ட்டும் அது தவறானது எனத் தெளிவுபடுத்தியது. கிறிஸ்தவ மதத்தில் இருந்து இஸ்லாம் மதத்துக்கு மாற்றி அவர்களை ஐ.எஸ் உள்ளிட்டவைகளில் இணைப்பதாக எழுந்த குற்றச்சாட்டை விசரித்த போது மற்றொரு விஷயம் வெளியே வந்தது. 2019 வரை ஐ.எஸ்-ல் சேர்ந்த நூறு பேரில் 72 பேர் கேரளத்தில் இருந்து வேலை, தொழில் சம்பந்தமாக வெளிநாடுகளுக்குச் சென்று அங்கிருந்து ஐ.எஸ் சித்தாந்தத்தை ஏற்று அதில் இணைந்திருக்கிறார்கள். அதில் கோழிக்கோடு துருத்தியாடைச் சேர்ந்த தாமோதரனின் மகன் பிரஜூ தவிர மற்ற அனைவரும் பிறப்பாலே இஸ்லாமியர்கள். மற்ற 28 பேரும் ஐ.எஸ்.ஐ.எஸ் சித்தாந்தத்தால் ஈர்க்கப்பட்டு கேரளத்தில் இருந்து சென்றவர்கள் என்பது கண்டறியப்பட்டுள்ளது. அந்த 28 பேரில் ஐந்துபேர் மட்டுமே மற்ற மதத்தில் இருந்து இஸ்லாமிற்கு மாற்றப்பட்ட பிறகு ஐ.எஸ் அமைப்பிற்கு சென்றுள்ளனர்.கேரள முதல்வர் பினராயி விஜயன் அதில் திருவனந்தபுரத்தைச் சேர்ந்த நிமிஷா என்ற இந்து மததைச் சேர்ந்த இளம்பெண் பாலக்காட்டைச் சேர்ந்த பெக்ஸன் என்ற கிறிஸ்தவ இளைஞரையும், எர்ணாகுளத்தைச் சேர்ந்த மெரின் ஜேக்கப் என்ற கிறிஸ்தவ இளம் பெண் பெஸ்டின் என்ற கிறிஸ்தவ இளைஞரையும் திருமணம் செய்தபிறகுதான் இவர்கள் இஸ்லாம் மதத்திற்கு மாறியதும், ஐ.எஸ் அமைப்பில் சேர்ந்ததும் நடைபெற்றது. அதுபோல நார்கோட்டிக் ஜிகாத் என்பதும் அடிப்படை ஆதாரம் இல்லாதது. 2020-ல் பதிவு செய்யப்பட்ட நார்க்கோட்டிக் வழக்குகளில் 49.8 சதவிகிதம் குற்றவாளிகள் இந்து மதத்தைச் சேர்ந்தவர்கள். 34.47 சதவிகிதம் இஸ்லாமி மதத்தையும், 15.77 சதவிகிதம் கிறிஸ்தவ மதத்தையும் சேர்ந்த குற்றவாளிகள் ஆவார்கள். எனவே கலங்கிய குட்டையில் மீன்பிடிக்க முயல்பவர்கள் தனிமைப்படுத்தப்படுவார்கள்" என்றார்.
http://dlvr.it/S86YFg

Read More

3 நாள் பயணமாக அமெரிக்கா சென்றடைந்தார் பிரதமர் மோடி

பிரதமர் நரேந்திர மோடி 3 நாள் அரசு முறை சுற்றுப்பயணமாக அமெரிக்கா சென்றடைந்தார். வாஷிங்டனில் உள்ள ஆண்ட்ரூஸ் விமானப்படைத்தளத்தில் பிரதமர் மோடியை அமெரிக்க அரசு உயரதிகாரிகளும் இந்திய தூதர் தரண்ஜித் சிங் சாந்துவும் வரவேற்றனர். அமெரிக்க வாழ் இந்தியர்கள் பலரும் விமான நிலையத்தில் பிரதமரை வரவேற்றனர். இப்பயணத்தின் முதல் அலுவலாக துணை அதிபர் கமலா ஹாரிசை பிரதமர் சந்தித்து பேச உள்ளார். இதன் பின்னர் அமெரிக்க அதிபர் ஜோ பைடனை பிரதமர் மோடி சந்திக்க உள்ளார். இதன் தொடர்ச்சியாக இந்தியா, அமெரிக்கா, ஆஸ்திரேலியா, ஜப்பான் ஆகிய 4 நாடுகளின் கூட்டமைப்பான குவாட் கூட்டத்தில் பிரதமர் கலந்து கொள்கிறார். இதில் பிரதமர் மோடி, அமெரிக்க அதிபர், ஆஸ்திரேலியா மற்றும் ஜப்பான் பிரதமர்கள் சந்தித்து பேச உள்ளனர். சுற்றுப்பயணத்தின் இறுதிக்கட்டமாக ஐநா பொதுச்சபை கூட்டத்தில் பிரதமர் உரையாற்ற உள்ளார். முன்னதாக டெல்லியில் புறப்படும் போது தனது பயணத்தின் நோக்கங்கள் குறித்து பிரதமர் மோடி பதிவிட்டிருந்தார். அதிபர் பைடனுடன் பிராந்திய மற்றும் ஆப்கானிஸ்தான் உள்ளிட்ட சர்வதேச பிரச்னைகள் குறித்து பேச உள்ளதாக மோடி அதில் தெரிவித்திருந்தார். இந்தோ பசிபிக் கடல் பகுதியில் மேற்கொள்ள வேண்டிய செயல்பாடுகள் குறித்து குவாட் அமைப்பின் தலைவர்களுடன் பேச உள்ளதாகவும் பிரதமர் குறிப்பிட்டார். பயங்கரவாதம், கொரோனா, பருவநிலை மாற்றம் உள்ளிட்ட சர்வதேச பிரச்னைகள் குறித்து ஐநா பொதுச்சபை கூட்டத்தில் பேச உள்ளதாகவும் பிரதமர் குறிப்பிட்டுள்ளார். விமானப்பயணத்தின்போது அலுவல் சார்ந்த கோப்புகளையும் பார்வையிட்டு ஒப்புதல் அளித்ததாக ட்விட்டரில் பிரதமர் பதிவிட்டுள்ளார். இதனைப்படிக்க...உ.பி.யில் பரபரப்பை ஏற்படுத்திய சாமியார் நரேந்திர கிரி மரணம்.. சூடு பிடிக்கும் விசாரணை 
http://dlvr.it/S865Z7

Read More

`நான்தான் கடவுள் கிருஷ்ணர்' கோர்ட்டில் நீதிபதி மீது புல்லாங்குழலை வீசிய நபர்; நடந்தது என்ன?

மும்பையின் மேற்குப் புறநகர்ப் பகுதியிலுள்ள தீன்தோஷி நீதிமன்றத்துக்குள் கடந்த ஆண்டு, ஜனவரி மாதம் 2-ம் தேதி ஓம்பிரகாஷ் பாண்டே என்பவர் வழக்கறிஞர்களுக்கான கோட் அணிந்து, வழக்கு விசாரணை நடந்துகொண்டிருக்கும் நீதிமன்றத்துக்குள் நுழைந்தார். ``நான் கடவுள் கிருஷ்ணர் எனக்கு அநீதி இழைக்கப்பட்டுள்ளது" என்று சத்தம் போட்டுக் கத்தியிருக்கிறார். ``எனக்கு அநீதி இழைத்தவர்கள் கோர்ட்டில் இருக்கின்றனர். வழக்கறிஞர்கள் வழக்கில் வாதாட அதிகப்படியான பணம் வசூலிக்கின்றனர். ஆவணங்களைக் கொடுக்க கோர்ட் கிளார்க்கூட பணம் கேட்கிறார்" என்று சத்தம் போட்டுக் கத்தியிருக்கிறார். இதனால் கோர்ட்டில் சிறிது நேரம் பரபரப்பு ஏற்பட்டது. பாண்டே பேசிக்கொண்டிருக்கும்போதே திடீரென தன்னிடமிருந்த புல்லாங்குழலை எடுத்து நீதிபதியை நோக்கி வீசினார். வழக்கறிரின் கோட்டுடன் பாண்டே Also Read: நீலகிரி: தீர்ப்பு நேரத்தில் மாயமான குற்றம்சாட்டப்பட்டவர்! - தீர்ப்பை ஒத்திவைத்த நீதிபதி அந்தப் புல்லாங்குழல் நீதிபதிமீது படாமல் அவர் அருகில் அமர்ந்திருந்த ஸ்டெனோகிராபர் மீது பட்டது. இதில் ஸ்டெனோகிராபர் லேசான காயம் அடைந்தார். இதையடுத்து பாண்டே கைதுசெய்யப்பட்டு சிறையில் அடைக்கப்பட்டார். கைதுசெய்யப்பட்டதிலிருந்து சிறையில் அடைக்கப்பட்டிருந்த பாண்டேயை கடந்த வாரம் சிறையில் இருந்தபடியே நீதிபதியுடன் வீடியோ கான்ஃபரன்ஸ் மூலம் ஆஜர்படுத்தப்பட்டார். அப்போது, ``எனது சகோதரன் கொலை செய்யப்பட்டதால் மிகவும் மன அழுத்தத்துடன் இருந்தேன். எனது தவற்றை உணர்ந்துவிட்டேன். எனக்குத் திருந்த வாய்ப்பு கொடுக்க வேண்டும்" என்று கேட்டுக்கொண்டார். பாண்டே சார்பாக ஆஜரான வழக்கறிஞரும், தனது மனுதாரருக்குக் குறைந்தபட்ச தண்டனை வழங்க வேண்டும் என்று கேட்டுக்கொண்டார். ஆனால் அரசுத் தரப்பில் ஆஜரான வழக்கறிஞர் குற்றவாளிக்கு அதிகபட்ச தண்டனை வழங்க வேண்டும் என்றும் இதை மற்றவர்கள் பாடமாக எடுத்துக்கொள்ள வேண்டும் என்றும் வாதிட்டார். இதையடுத்து தீர்ப்பு வழங்கிய நீதிபதி, ``குற்றவாளி குற்றத்தில் ஈடுபட ஏற்கெனவே திட்டமிட்டு கோர்ட்டுக்குள் வந்திருக்கிறார். எனவே குற்றவாளிக்கு ஐந்து ஆண்டு சிறைத் தண்டனையும், 8,000 ரூபாய் அபராதமும் விதிக்கப்படுவதாகத் தெரிவித்தார். அதோடு குற்றவாளி பயன்படுத்திய புல்லாங்குழல் மற்றும் வழக்கறிஞர் கோட் போன்றவற்றை மேல் முறையீடு முடிந்த பிறகு அழித்துவிட வேண்டும்" என்றும் நீதிபதி உத்தரவிட்டார். அபராதத் தொகையில் 5,000 ரூபாயை பாதிக்கப்பட்ட ஸ்டெனோகிராபருக்கு வழங்கவும் உத்தரவிட்டார்.
http://dlvr.it/S8417Q

Read More

குஜராத்: 21 ஆயிரம் கோடி மதிப்பிலான ஹெராயின் போதைப்பொருள் பறிமுதல் - சென்னை தம்பதி கைது

குஜராத் மாநிலம் முந்த்ரா துறைமுகத்திற்கு சுமார் 21 ஆயிரம் கோடி ரூபாய் மதிப்பிலான ஹெராயின் போதைப் பொருளை கடத்தி வந்த சென்னையைச் சேர்ந்த தம்பதி கைது செய்யப்பட்டனர். ஆந்திராவில் உள்ள நிறுவனம் ஒன்றிற்கு ஆஃப்கானிஸ்தானில் இருந்து அனுப்பி வைக்கப்பட்ட கண்டெய்னர்களில் வருவாய் உளவுப் பிரிவினர் திடீர் சோதனை மேற்கொண்டனர். அப்போது அந்த கண்டெய்னரில் சுமார் 3 ஆயிரம் கிலோ ஹெராயின் போதைப் பொருள் இருந்தது கண்டறியப்பட்டது. இது தொடர்பாக சென்னையைச் சேர்ந்த தம்பதியைக் கைது செய்த அதிகாரிகள், அவர்களுக்கு தலிபான்களுடன் தொடர்புள்ளதா என விசாரித்து வருகின்றனர். இதனைப்படிக்க...சேலம்: மசாஜ் சென்டர் பெயரில் பாலியல் தொழில்: இரண்டு தொழில் அதிபர்கள் கைது 
http://dlvr.it/S82rJx

Read More

”’நீட்’ தேர்வுக்காக தற்கொலை செய்வது பெற்றோருக்கு கொடுக்கும் தண்டனை” - சீனு ராமசாமி பேட்டி

நீட் தேர்வு பயத்தால் மீண்டும் மீண்டும் மாணவர்கள் தற்கொலை செய்துகொள்வது தமிழகத்தை மீளாத்துயரத்தில் ஆழ்த்தியிருக்கிறது. கடந்த 5 ஆண்டுகளில் மட்டும் தமிழகத்தில் 16 மாணவர்கள் தற்கொலை செய்துகொண்டுள்ளனர். இந்தியா முழுக்கவே ஆண்டுதோறும் நீட் தேர்வால் உயிரை மாய்த்துக்கொள்ளும் மாணவர்களின் எண்ணிக்கை இதயத்தில் எரிகுண்டுகளாய் வீழ்ந்துகொண்டிருப்பது தொடர்கிறது. இந்த நிலையில், இயக்குநர் சீனு ராமசாமியிடம் மாணவர்கள் தொடர் தற்கொலை குறித்து கேட்டோம். படத்தில் காட்சிகளாக மட்டுமல்லாமல் நிஜத்திலும் சாட்சியாக பேசினார்… “தன் பெற்றோர்களுக்கு எஞ்சியிருக்கும் வாழ்நாள் முழுக்க மன நிம்மதி இல்லாமல் நினைத்து நினைத்து.. உருகி உருகி.. ஒரு நடைபிணமாக வாழ்வதற்கான நிலைமையை பரிசாகத் தரணும்னு யாராவது நினைத்தால் அவர்கள்தான் தற்கொலை பண்ணனும். தன்னை பெற்றவர்களுக்கு தண்டனை தரவேண்டும் என்று எந்த ஒரு மகனாவது.. மகளாவது நினைப்பார்களா? தற்கொலை செய்து எவ்வளவு பெரிய கொடிய தண்டனையைத் தருகிறார்கள். குழந்தையைப் பெற்று தூக்கி ஆளாக்கி ஏதோ ஒரு அரசாங்கத்தால் கொண்டுவரப்பட்ட தேர்வுக்கு பலிகொடுக்கவா பெற்றோர்கள் வளர்க்கிறார்கள்? நீட் தேர்வை எதிர்கொள்ளும் மாணவர்கள் அதற்கு எதிராக குரல் கொடுப்பது அல்லது தேர்வை அரசு திரும்பப் பெறும்வரை மற்ற மாணவர்களுக்காக போராடுவது, அப்படியும் இல்லையென்றால் நீட் தேர்வை எப்படியாவது படித்து வெல்வது என இந்த மூன்று நிலைப்பாட்டில் ஒன்றைத்தான் எடுக்கவேண்டும். அதைவிடுத்து, உயிரை மாய்த்துக்கொள்வது என்பது நியாமல்ல. ஒரு வளரிளம் பருவத்தில் இருக்கும் பிள்ளையை தொலைத்துவிட்டால், அதே வயதில் எந்தப் பிள்ளையை பார்த்தலும் தன் பிள்ளைதானே பெற்றோரின் ஞாபகத்திற்கு வரும். அண்ணனுக்கு தங்கை, தம்பிக்கு அண்ணன், பெற்றோருக்கு பிள்ளை என இழந்துவிட்டு வாழ்நாள் முழுக்க ஒவ்வொரு நாளும் வேதனையில் வெடிப்பார்கள். தங்கள் வாழ்வின் சுக, துக்கங்களில் ’அய்யோ இந்த நேரத்துல என் மகன் இல்லையே? என் தம்பி இல்லையே? என் தங்கை இல்லையே?’ என்று துக்கத்தில் துடிப்பார்கள். இந்தவொரு நிலைமையை தனது குடும்பத்திற்கு கொடுக்கவேண்டுமா? என்பதை மாணவர்கள் சிந்திக்கவேண்டும். நானெல்லாம் தேர்வில் பலமுறை தோற்கடிக்கப்பட்டிருக்கிறேன். பத்தாவது படிக்கும்போது நான் பாஸ் பண்ணதே எனக்கு தெரியாது. அம்மாதான் ஒரு சாக்லேட் பாக்ஸை வாங்கிக்கொடுத்து ”டேய் இதை எடுத்துட்டுப்போய் எல்லோருக்கும் கொடு. நீ பாஸ் ஆகிட்டன்னு பக்கத்து வீட்டு வாத்தியார் சொன்னார்டா”ன்னு சொல்லி ரொம்ப சந்தோஷப்பட்டாங்க. அப்போ, என் மார்க் என்னன்னுக்கூடத் தெரியாது. சாக்லேட் பாக்ஸை எடுத்துக்கிட்டுப்போய் எல்லா வீட்டுக்கும் கொடுத்தேன். அந்த நேரம் பார்த்து, எங்க பக்கத்து வீட்டுப் பையனை, அவங்க அப்பா போட்டு அடிச்சிக்கிட்டிருந்தாரு. என்னன்னு விசாரிச்சா அவன் கணக்குல 96 மார்க்தான் எடுத்திருக்கானாம். 100 மார்க் வாங்கலைன்னு அடிச்சிக்கிட்டிருந்தாங்க. அப்போதான், என் மார்க்கைப் போய் செக் பண்ணேன். ஜஸ்ட் பாஸ். அதையும் நான் கொண்டாடத்தான் செய்தேன். கொண்டாட்டம் என்பது நாம் எடுத்துக்கொள்வதில் இருக்கிறது. ஒரு மருத்துவராக வேண்டும் என்று கனவுவுடன் இருக்கும் மாணவர்கள்தான், விரக்தியில் தற்கொலை முடிவை எடுக்கிறார்கள். அதுவே, மருத்துவத்தை தொழில் முறையாக பார்ப்பவர்கள் இந்த மாதிரி முடிவு எடுக்க மாட்டார்கள். மருத்துவம் கிடைக்கவில்லை என்றால் வேறு படிப்புக்குச் சென்று விடுவார்கள். ஆனால், இதனையே கனவாக நினைப்பவர்கள் லட்சியம் நிறைவேறாதபோது தற்கொலை செய்துகொள்கிறார்கள்” என்பவரிடம் “பெற்றோர்கள் கொடுக்கும் அழுத்தமும் ஒரு காரணம் என்று எடுத்துக்கொள்ளாலாமா?” என்றோம், ”இயல்பாக பெற்றோர்கள் குழந்தைகளுக்கு படிக்கசொல்லி அழுத்தம் கொடுப்பது இயற்கையானதுதான். இந்த அழுத்தம் ப்ளஸ் டூவில் மட்டும் நடக்கவில்லை. எல்.கே.ஜியில் இருந்தே தொடர்கிறது. லட்ச ரூபாய் கட்டிவிட்டு பிள்ளைகள் ’டேடி’ என்று அழைக்காமல் போனால் கோவப்படுகிறார்களே? நம் மெக்காலே கல்வித்திட்டமே அழுத்தம் நிறைந்ததுதான். 365 நாள் படித்துவிட்டு அதனை 1 மணி நேரத்தில் தேர்வாக எழுதச்சொன்னால் எப்படி எழுதுவார்கள்? இங்கு தொழில்முறை சார்ந்த கல்விமுறை இல்லை. இது கல்வித்துறைக்குள் இருக்கும் பிரச்சனை. அதனால், கிராமப்புற ஏழை மாணவர்கள் எதைப் பற்றியும் யோசிக்காமல் இதுபோன்ற முடிவு எடுப்பது ரொம்ப வேதனையாகவும் வருத்தமாகவும் இருக்கிறது. நீட் தேர்வை எதிர்கொள்ளும் தம்பி, தங்கைகளுக்கு நான் ஒன்றே ஒன்று சொல்லிக் கொள்வது என்னவென்றால், ’நான்லாம் தேர்வால் விரட்டப்பட்டவன் அல்ல.. பள்ளியாலேயே விரட்டப்பட்டவன். அதுமட்டுமல்ல வாழ்க்கையில் பல இடங்களில் தோற்றவன். என் முதல் படமே தோல்விதான். உதவி இயக்குநராக 10 வருடம் இருந்தேன். சென்னைக்கு யாருமே எதுவுமே தெரியாமல்தான் வந்தேன். உதவி இயக்குநர் ஆவதற்கே இரண்டரை வருடங்கள் ஆனது. அதனால், தோல்வி என்பது ஒரு வகையான அனுபவம். அந்த அனுபவத்தை மகிழ்ச்சியாக ஏற்றுக்கொண்டாலே, அதிலிருந்து வெல்வதற்கான வழி கிடைத்துவிடும். பதட்டப்படாமல் ஆழ்ந்து யோசிக்கத்தோன்றும். கட்டாயம் சரி செய்வதற்கான எதோ ஒன்று தென்படும். மனிதனுக்கு வெற்றி என்பது 10 வயதிலோ... 15 வயதிலோ... 25 வயதில் வரலாம்... ஏன் நாளைக்கே கூட வரலாம். அடுத்தக்கணம் என்பது மிக முக்கியமானது. அந்தக் கணத்தில் எது வேண்டுமென்றாலும் நடக்கலாம். அந்த ஆச்சர்யங்கள் இருப்பதால்தான் இந்த உலகம் இயங்கிக்கொண்டிருக்கிறது. என் வாழ்க்கையின் மூலம் நான் தெரிந்துகொண்ட உண்மை இது. இந்தப் பந்தில் விக்கெட் விழும் என்று நினைத்தால் கிரிக்கெட்டே கிடையாது. இந்தப் பாலில் கோல் விழும் என்று தெரிந்தால் ஃபுட்பாலே கிடையாது. வாழ்க்கையும் அதுதான். என் இளமைக் காலத்தில் மகாராஜா மாதிரி இருந்தவர்கள் இப்போது சிரமப்படுவதையும் இளமைப் பருவத்தில் மிகவும் வறுமை நிலையில் இருந்தவர்கள் நல்லா இருப்பதையும் பார்க்கிறேன். எனது ’நீர்ப்பறவை’ படத்தில் ஊரால் புறக்கணிக்கப்பட்டு குடிநோயாளியாகி பின்பு திருந்தி ஒரு புதிய மனிதனாய் வரும் நாயகனைப் பார்த்து, அவனது தாய் “கீழ சுத்துற சக்கரம் மேலயும் வரும். கப்பல்ல இருந்து வந்து இறங்குன ராஜா மாதிரியே இருக்கியேடா. என் கண்ணே பட்டுடும்டா” என்றுக்கூறி சந்தோஷப்படும்படி வசனம் எழுதினேன். அப்படித்தான், இன்னைக்கு கீழ சுத்துற சக்கரம் நாளைக்கு மேல வந்துதான் தீரும் என்பதை மாணவ சமூகத்திற்குச் சொல்லிக்கொள்கிறேன். மனதை விட்டுடாம நாளை வரப்போற நிலாவுக்காகவும், நாளை வரப்போற சூரியனுக்காகவும் பொறுமையாய் காத்திருங்கள். எல்லாமே நன்மையாய் முடியும்” என்று அக்கறையுடன் தனது அனுபத்தையும் ஒப்பிட்டு பேசியவரிடம் நீட் தேர்வு குறித்து கேட்டபோது, ”நீட் தேர்வு பயத்தால் எண்ணற்ற மாணவர்கள் தற்கொலை செய்துகொண்டார்கள். பெற்றோர்கள் தங்கள் பிள்ளைகளை இழந்து கதறிக்கொண்டிருக்கிறார்கள். படிக்க முடியாமல் பிள்ளைகள் திணறுகிறார்கள். இதனை எல்லோரும் பார்த்துக்கொண்டுதான் இருக்கிறார்கள். அதனால், ”மத்திய அரசு நீட் தேர்வை திரும்பப் பெறவேண்டும்” என்று ஒரு கலைஞனாக, ஒரு படைப்பாளியாக, இரண்டு பெண் குழந்தைகளுக்குத் தகப்பனாக மத்திய அரசிடம் கேட்டுக்கொள்கிறேன்” என்கிறார், அழுத்தமான குரலில்.
http://dlvr.it/S823vn

Read More

``10 ஆண்டுகள் தனியறையில் வசித்ததைவிட இப்போது கஷ்டமாக உள்ளது!'' - திருமணம் செய்த கேரள தம்பதி வருத்தம்

கேரள மாநிலம் பாலக்காடு மாவட்டம் அயிலூர் பகுதியைச் சேர்ந்தவர் ரஹ்மான் (34). எலெக்ட்ரீஷியனான இவர் தனது வீட்டுக்கு அருகில் வசித்து வந்த ஸஜிதாவைக் காதலித்து வந்தார். இரண்டு ஆண்டுகளாக ரஹ்மானும் ஸஜிதாவும் காதலித்து வந்ததை யாரும் அறியவில்லை. இந்த நிலையில் 2010-ம் ஆண்டு பிப்ரவரி மாதம் 2-ம் தேதி ஸஜிதா திடீரென மாயமானார். இதையடுத்து ஸஜிதாவைக் காணவில்லை என அவரின் தந்தை நென்மாற காவல் நிலையத்தில் புகார் அளித்தார். போலீஸார் விசாரணை நடத்தியதில், ஸஜிதா குறித்த எந்த தகவலும் கிடைக்கவில்லை. காவல் நிலையத்தில் அந்த வழக்கு நிலுவையில் இருந்துவந்தது. இதற்கிடையில் கடந்த மார்ச் மாதம் 3-ம் தேதி ரஹ்மான் திடீரென மாயமானார். அவரைக் காணவில்லை என அவரது வீட்டினரால் நென்மாற காவல் நிலையத்தில் புகார் அளிக்கப்பட்டது. இந்த இரண்டு வழக்குகளும் நென்மாற காவல் நிலையத்தில் நிலுவையில் இருந்து வந்தன.பதிவு திருமணத்தின்போது ரஹ்மான் -ஸஜிதா Also Read: 10 ஆண்டுகள் வீட்டில் தன் அறையில் காதல் மனைவியை ஒளித்து வைத்த ரியல் `கில்லி' ரஹ்மான்! இந்த நிலையில் கடந்த ஜூன் மாதம் ரஹ்மானின் அண்ணன் பஷீர், நென்மாற பகுதியில் லாரி ஓட்டிக்கொண்டு சென்றபோது ரஹ்மான் பைக்கில் சென்றதைக் கண்டார். ரஹ்மானை பிடித்து விசாரித்தபோது, அவர் தனக்குத் திருமணம் ஆகிவிட்டது என்றும், தற்போது வாடகை வீட்டில் வசித்து வருவதாகவும் கூறியிருக்கிறார். இதையடுத்து ரஹ்மான் வசித்த வாடகை வீட்டுக்குச் சென்று பார்த்திருக்கிறார் பஷீர். அங்கு, 10 ஆண்டுகளுக்கு முன்பு காணாமல்போன ஸஜிதா இருந்திருக்கிறார். ஸஜிதாவை பார்த்து அதிர்ச்சி அடைந்திருக்கிறார் பஷீர். பத்து ஆண்டுகளுக்கு முன் காணாமல் போனவர் இங்கு எப்படி என பஷீர் கேட்டிருக்கிறார். அப்போதுதான், தாங்கள் காதலித்த விஷயத்தையும், பத்து ஆண்டுகளுக்கு முன் திடீரென வீட்டை விட்டு வெளியே வந்துவிட்ட ஸஜிதாவை தங்களது பழைய ஓட்டு வீட்டில், தனி அறையில்தான் தங்க வைத்திருந்ததையும் ரஹ்மான் கூறினார். தன் வீட்டில், அட்டாச்டு பாத்ரூம் கூட இல்லாத ஓர் அறையில் பத்து ஆண்டுகள் யாருக்கும் தெரியாமல் காதலி ஸஜிதாவை ரஹ்மான் மறைத்து தங்க வைத்த விஷயம் அப்போதுதான் வெளியே தெரிந்தது. அது அந்த சமயத்தில் பரபரப்பு செய்தியானது.எம்.எல்.ஏ தலைமையில் திருமணம் இந்த நிலையில் ரஹ்மானும், ஸஜிதாவும் முறைப்படி பதிவு திருமணம் செய்துள்ளார்கள். சிறப்புத் திருமணச் சட்டம் மூலம் இவர்களது திருமணம் நென்மாற சப் ரெஜிஸ்டர் அலுவலகத்தில் நடந்தது. திருமணத்தில் எம்.எல்.ஏ பாபு கலந்துகொண்டு மணமக்களை வாழ்த்தினார். இதுகுறித்து ரஹ்மான் கூறுகையில், ``ஸஜிதாவை முறைப்படி திருமணம் செய்தது மகிழ்ச்சியாக உள்ளது. சட்டப்படி திருமணம் நடக்கவில்லை என்ற குறை இருந்தது. அது இப்போது நிறைவேறிவிட்டது. இப்போது எங்கள் திருமணபந்தம் பாதுகாப்பாக உள்ளது என்ற எண்ணம் வந்திருக்கிறது. பத்து ஆண்டுகள் தனி அறையில் ஸஜிதாவுடன் வாழ்ந்த போது அவ்வளவு கஷ்டம் தெரியவில்லை. இப்போது கஷ்டமாகத் தெரிகிறது. முன்னதாக ஸஜிதா, மற்றும் நான் காணாமல் போனபோது அது தொடர்பாக காவல் நிலையத்தில் கொடுக்கப்பட்டுள்ள புகார்கள், அந்த வழக்குகள் எங்களுக்கு இடையூறாக உள்ளன. குற்றப்பிரிவுத் துறை அடிக்கடி விசாரணை நடத்துகிறது. நான் வீட்டில் இல்லாத சமயத்தில் போலீஸ் விசாரணைக்கு வரும்போது என் மனைவிக்கு வருத்தம் ஏற்படுகிறது'' என்றார்.பத்து ஆண்டுகள் தனி அறையில் ரகசியமாக வசித்த ஸஜிதா மேலும் திருமணம் குறித்து பேசிய ஸஜிதா கூறுகையில், ``மிகவும் மகிழ்ச்சியாக உள்ளது. எங்களுக்கு வசிக்க வீடு இல்லை. அடுத்தது சொந்த வீட்டுக்கான முயற்சி செய்துவருகிறோம்'' என்றார். திருமணத்தை தலைமை ஏற்று நடத்திய நென்மாற எம்.எல்.ஏ பாபு கூறுகையில், ``அவர்களுக்கு வாழ்வதற்கென ஒரு வீடு இல்லை என்ற குறை உள்ளது. அதற்கான ஏற்பாடுகளைச் செய்யும் முயற்சியில் ஈடுபட்டுள்ளோம்'' என்றார்.
http://dlvr.it/S80J24

Read More

ரூ.12 கோடி ஓணம் பம்பர் லாட்டரி: ஏமாற்றப்பட்ட துபாய் ஹோட்டல் ஊழியர்; ஆட்டோ ஓட்டுநருக்கு கிடைத்தது!

கேரள அரசு சார்பில் லாட்டரி சீட்டு விற்பனை நடைபெற்று வருகிறது. கடந்த ஓணம் பண்டிகையை முன்னிட்டு ஓணம் பம்பர் லாட்டரி சீட்டு 300 ரூபாய்க்கு விற்பனை செய்யப்பட்டது. கடந்த ஆண்டு 44 லட்சம் லாட்டரிகள் விற்பனை ஆன நிலையில் இந்த ஆண்டு 54 லட்சம் லாட்டரிகள் விற்பனை ஆனது. முதல் பரிசு 12 கோடி ரூபாய், இரண்டாம் பரிசாக ஆறு பேருக்கு தலா ஒரு கோடி ரூபாய் என பல்வேறு பரிசுகள் அறிவிக்கப்பட்டிருந்தன. ஓணப்பண்டிகை முடிந்த நிலையில் கடந்த 19-ம் தேதி லாட்டரி குலுக்கல் நடைபெற்றது. கேரள நிதி அமைச்சர் பாலகோபாலன் முன்னிலையில் இந்த குலுக்கல் நடைபெற்றது. அதில் முதல் பரிசு பெற்ற நம்பர் லாட்டரி வாங்கியது யார் என கண்டறிய முடியாத நிலை ஏற்பட்டது.துபாய் ஓட்டல் ஊழியர் செய்யது அலி இந்த நிலையில் வயநாடு பனமரம் பகுதியைச் சேர்ந்த செய்யது அலி என்பவர் முதல் பரிசுபெற்ற லாட்டரி சீட்டு தனக்காக தனது நண்பர் அகமது எடுத்து வைத்திருப்பதாக கூறி வாட்ஸ் அப்பில் டிக்கெட்டின் புகைப்படத்தை வெளியிட்டார். செய்யதுஅலி துபாயில் ஓட்டலில் பணி செய்துவருவதாகவும் தெரிவித்திருந்தார். மேலும் ஓட்டல் ஊழியர் கோடீஸ்வரர் ஆனதாக அங்குள்ள அவரது நண்பர்கள் கொண்டாடி தீர்த்தனர். ஆனால் செய்யது அலிக்கு தமாசுக்காக வாட்ஸ் அப்பில் வந்த லாட்டரி டிக்கெட் போட்டோவை அனுப்பி விட்டதாகவும், அவருக்காக லாட்டரி எடுக்கவில்லை என்றும் அவரின் நண்பர் அகமது தெரிவித்தார். இதனால் முதல் பரிசுபெற்றவர் யார் என்பதை கண்டறிய தாமதமானது. இதையடுத்து எர்ணாகுளம் மாவட்டம் மரட் பகுதியைச் சேர்ந்த ஆட்டோ டிரைவர் ஜெயபாலன்(56) என்பவருக்கு ஓணம் பம்பர் பரிசு விழுந்திருப்பது உறுதி செய்யப்பட்டுள்ளது. இதுபற்றி ஜெயபாலன் கூறுகையில், "லாட்டரி சீட்டு வாங்கும் பழக்கம் எனக்கு உண்டு. எனது லாட்டரிக்கு முதல் பரிசு விழுந்திருப்பதை டி.வி செய்தி மூலம் அறிந்துகொண்டேன். அதுபற்றி குடும்பத்தில் சிலரிடம் மட்டும் தகவல் தெரிவித்தேன். அந்த சமயத்தில் சமூக வலைத்தளங்களில் மற்றொருவருக்கு லாட்டரி சீட்டில் பரிசு கிடைத்திருப்பதாக தகவல் வந்ததால் இதுபற்றி வெளியில் சொல்லாமல் இருந்தேன்.ரூ.12 கோடி லாட்டரி பரிசுபெற்ற ஜெயபாலன் பின்னர் திங்கள்கிழமை செய்தித்தாள் பார்த்து எனது லாட்டரி எண்ணை உறுதி செய்துகொண்டேன். அதன் பின் மரட் கனரா வங்கியில் டிக்கெட்டை கொடுத்தேன். வங்கி நடவடிக்கைகள் முடிய 20-ம் தேதி மாலை ஆனது. அதன்பின்னர் உறவினர்களுக்கு தகவல் தெரிவித்தேன். வீடு வைக்கவும், ஆட்டோ வாங்கவும் சில லட்சம் ரூபாய் வங்கியில் கடனாக வாங்கியுள்ளேன். அந்த கடனை திருப்பி செலுத்த வேண்டும். எனக்கு ஒரு மகள், ஒரு மகன் ஆகியோர் உள்ளனர். அவர்களுக்கு வீடு வைத்து கொடுக்க வேண்டும். இந்த பணத்தை நல்ல முறையில் பயன்படுத்துவேன். நான் கடவுள் நம்பிக்கை உடையவன். எனக்கு உதவி செய்ய யாரும் முன்வராத நேரத்த்தில் கடவுள் உதவி செய்திருக்கிறார்" என்றார். Also Read: ``லாட்டரி விற்பனையைத் தடை செய்க!"; திடீர் தர்ணாவில் திமுக பிரமுகர்; புதுக்கோட்டையில் பரபரப்பு! ஜெயபாலனின் மனைவி மணி சோட்டாணிக்கரையில் ஒரு ஹோமியி மெடிக்கல் காலேஜில் ஊழியராக பணிபுரிந்து வருகிறார். 94 வயது ஆன தாய் லட்சுமியையும் கவனித்து வருகிறார் ஜெயபாலன். 12 கோடி ரூபாயில் பத்து சதவீதம் லாட்டரி விற்பனை செய்த ஏஜென்சிக்கு வழங்கப்படும். வரிகள் உள்ளிட்டவை கழித்து 7.39 கோடி ரூபாய் லாட்டரி சீட்டு எடுத்த ஜெயபாலனுக்கு வழங்கப்படும்.குடும்பத்தினருடன் ஜெயபாலன் உண்மையான அதிஷ்டசாலியை கண்டுபிடித்த நிலையில் செய்யதுஅலி தனது நண்பர்களுக்கு எதிராக கடும் விமர்சனத்தை முன்வைத்துள்ளார். "சிலர் சேர்ந்து என்னை ஏமாற்றிவிட்டனர். லாட்டரி டிக்கெட் எடுக்க அகமதுவுக்கு பணம் அனுப்பிய ஆதாரம் என்னிடம் இருக்கிறது. கடந்த 12-ம் தேதி டிக்கெட் எடுத்தார். முதலில் லாட்டரி டிக்கெட்டை எனக்கு வாட்ஸ் அப்பில் அனுப்பியிருந்தார். அது டெலிட் ஆகிவிட்டது" என்றார். மேலும் தனது உறவினர்கள் மூலம் தன்னை ஏமாற்றிய நண்பர்கள் மீது சட்ட நடவடிக்கை எடுக்கவும் தயாராகி வருகிறாராம் செய்யதுஅலி.
http://dlvr.it/S7z7MN

Read More