டெக்சாஸ் கருக்கலைப்பு சட்டத்தால் வலுக்கும் சர்ச்சை... யாருக்கு அதிக பாதிப்பு?

அமெரிக்காவின் டெக்சாஸ் கருக்கலைப்புச் சட்டத்துக்கு எதிராக அந்த மாகாணத்தில் போராட்டங்கள் தீவிரமடைந்துள்ளன. பெண்களை வீதிக்கு வரவழைத்துள்ள இந்தச் சட்டம் குறித்த பின்னணியை சற்றே விரிவாகப் பார்ப்போம். டெக்சாஸ் கருக்கலைப்பு சட்டம் இந்த மாதம் 9-ம் தேதி முதல் அமலுக்கு வந்தது. இந்தப் புதிய சட்டத்தின் முக்கிய அம்சம், ஒரு தாய் கர்ப்பக் காலத்தின் ஆறு வாரங்களுக்குப் பிறகு, வயிற்றில் வளரும் கருவுக்கு இதயத் துடிப்பு உண்டாகியிருந்தால் அக்கருவைக் கலைக்க தடை விதிக்கிறது. மேலும், பாலியல் வன்கொடுமை போன்ற சட்டத்தால் ஏற்றுக்கொள்ளப்படாத வகையில் கரு உண்டாகி ஆறு வாரங்கள் ஆகினாலும், அதனைக் கலைக்க முடியாது என்கிறது இந்தச் சட்டம். இது டெக்சாஸ் பெண்கள் மத்தியில் எதிர்ப்பை ஏற்படுத்தியிருக்கிறது. இந்தச் சட்டத்துக்கு அமல்படுத்துவதற்கு முன்பு, அங்கு 20 வாரங்கள் வரையிலான கருவைக் கலைக்க முடியும். ஆனால், தற்போது ஆறு வார கருவை கலைக்கக்கூடாது என தடை விதிக்கப்பட்டுள்ளது. பொதுவாக, ஆறு வாரங்கள் என்பது கர்ப்பக் காலத்தின் ஆரம்ப கட்டமாகும். பல பெண்களுக்கு அந்த நேரத்தில் கர்ப்பமாக இருப்பது சில சமயங்களில் தெரியாது. ஏனென்றால் 45 நாட்களுக்குப் பிறகே கர்ப்பம் குறித்து பெண்களால் தீர்மானமான முடிவுக்கு வரமுடியும். மருத்துவ வரையறையின்படி ஒரு கர்ப்பிணிப் பெண் தனது மாதவிடாயை இழக்கும் நேரத்தில், நான்கு வார கர்ப்பிணியாக இருக்கிறார் என்கிறது. ஆனால், பல பெண்களுக்கு பல்வேறு உடல்நல காரணங்களால் ஒழுங்கற்ற மாதவிடாய் உண்டாகும் நிலை இருப்பதால், இப்படிப்பட்ட பெண்கள் கருவுறும்போது அதனை மிக தாமதாகவே அறிந்துகொள்ளமுடியும். இதனால், இந்தச் சட்டம் முரண்பாடு மிகுந்தது என்கிறார்கள் போராட்டத்தில் ஈடுபட்டுள்ளவர்கள். இதனிடையே, கருவுற்றிக்கும் தாயின் உடல்நலக் காரணங்களுக்காக கருக்கலைப்புகளை மேற்கொள்ளலாம் என இந்தச் சட்டம் அனுமதிக்கிறது. ஆனால், இதிலும் சில விதிவிலக்குகள் உள்ளன. கர்ப்பம் தாயின் உயிருக்கு ஆபத்தை விளைவிக்கும் வகையில் இருந்தால் மட்டுமே கருக்கலைப்புகளை மேற்கொள்ள முடியும். இதற்காக, செய்யப்படும் சோதனைகளை அரசு தீவிரமாக கண்காணிக்கும் என்று சொல்லப்பட்டுள்ளது. மேலும், மைனர் பெண்கள் கருக்கலைப்பு பராமரிப்பைப் பெற, தங்களின் பெற்றோரின் அனுமதி பெற வேண்டும். இதுவும் பெண்கள் மத்தியில் எதிர்ப்பை ஏற்படுத்தியுள்ளது. இந்தச் சட்டத்தால் அதிகம் பாதிக்கப்படுவது யார்? டெக்சாஸில் 70 லட்சம் பெண்கள், குழந்தை பிறக்கும் வயது கொண்டவர்கள். இதில் பலர் கறுப்பின பெண்கள் மட்டுமல்ல, பலர் சட்டத்துக்கு புறம்பாக குடியேறியவர்களும் இருக்கிறார்கள். இவர்கள் குறைந்த வருமானம் கொண்டவர்கள். கருக்கலைப்பு நடைமுறைக்கு செலவாகும் 550 டாலரை விட குறைவான வருமானம் கொண்ட மக்கள் இவர்கள். 2019-ஆம் ஆண்டில் டெக்சாஸில் நடந்த 70 சதவீத கருக்கலைப்புகள் கறுப்பின பெண்களுக்கே நிகழ்ந்துள்ளன. இதனால். இந்தப் புதிய சட்டம் கறுப்பினப் பெண்கள் மீது அதிக தாக்கத்தை ஏற்படுத்தும். டெக்சாஸ் மாகாணம், கருக்கலைப்பின்போது, பிரசவங்கள்போது ஏற்படும் தாய்வழி இறப்பு விகிதங்களில் முன்னிலை வகிக்கிறது. இப்படிப்பட்ட நிலையில் மாகாண அரசு கொண்டுவந்துள்ள சட்டம் விமர்சனங்களையும் பெண்கள் மத்தியில் போராட்டங்களையும் எதிர்கொண்டுள்ளது. அமெரிக்க அதிபர் ஜோ பைடன், ``பெண்களின் ஆரோக்கியத்தோடு, உயிரோடு இச்சட்டம் விளையாடுகிறது" என்று கூறி கடும் கண்டனங்களைப் பதிவு செய்துள்ளார். ஆனால், இந்த எதிர்ப்புக்கு மத்தியில் சட்டம் அமலுக்கு வந்துள்ளது. சட்டம் தொடர்பாக வழக்கு தொடர்ந்தும் பலனில்லை. நீதிமன்றங்கள் மனுவை தள்ளுபடி செய்துள்ளன. - மலையரசு
http://dlvr.it/S8FDvH

Read More

10 மாவட்டங்களில் கனமழைக்கு வாய்ப்பு - வானிலை ஆய்வு மையம்

வளிமண்டல மேலடுக்கு சுழற்சி காரணமாக, தமிழ்நாட்டில் பத்து மாவட்டங்களில் கனமழை பெய்யக்கூடும் என்று சென்னை வானிலை ஆய்வு மையம் தெரிவித்துள்ளது. தமிழ்நாடு மற்றும் புதுச்சேரி - காரைக்கால் பகுதிகளில் ஒரு சில இடங்களில் இடி மின்னலுடன் கூடிய மிதமான மழை பெய்ய வாய்ப்புள்ளதாக ஆய்வு மையம் தெரிவித்துள்ளது. நீலகிரி, கோவை, திருப்பூர், திண்டுக்கல், தேனி, சேலம், நாமக்கல், திருவண்ணாமலை, திருப்பத்தூர், திருச்சி ஆகிய மாவட்டங்களில் இடி மின்னலுடன் கூடிய கனமழை பெய்யக் கூடும் என்று தெரிவித்துள்ளது. நாளை முதல் 3 நாள்களுக்கு தமிழ்நாடு மற்றும் புதுச்சேரி காரைக்காலில் ஓரிரு இடங்களில் கனமழைக்கு வாய்ப்பிருப்பதாகவும் ஆய்வு மையம் கூறியுள்ளது. சென்னையைப் பொருத்தவரை, வானம் மேகமூட்டத்துடன் காணப்படும் என்றும், நகரின் ஒரு சில இடங்களில் இடி மின்னலுடன் கூடிய மிதமான மழை பெய்யக்கூடும் என்றும் தெரிவித்துள்ளது. வடகிழக்கு மற்றும் அதையொட்டிய மத்திய கிழக்கு வங்கக்கடல் பகுதிகளில் இன்று மாலை குறைந்த காற்றழுத்தத் தாழ்வுப்பகுதி உருவாக வாய்ப்பிருப்பதால், மீனவர்கள் அப்பகுதிகளுக்குச் செல்ல வேண்டாம் என்று அறிவுறுத்தியுள்ளது.
http://dlvr.it/S8CWSs

Read More

சென்னை: மது போதையில் இயக்கப்பட்ட சொகுசு காரால் விபத்து - 3 பேர் காயம்

சென்னையில் மது போதையில் இருந்த நபர் ஓட்டி வந்த சொகுசு கார், தறிகெட்டு ஓடி சாலையில் சென்று கொண்டிருந்த வாகனங்கள் மீது மோதியதில் 3 பேர் காயமடைந்தனர்.   எழும்பூரைச் சேர்ந்த வில்சன் என்பவர் தனது 2 மகள்கள் உள்ளிட்ட மூவருடன் காரில் காசா மேஜர் சாலையில் சென்றுள்ளார். அப்போது கட்டுப்பாட்டை இழந்து அதிவேகமாக சீறிய சொகுசு கார், தாறுமாறாக சாலையில் ஓடி வில்சன் என்பவரது கார், ஆட்டோ மற்றும் இரு சக்கர வாகனத்தின் மீது மோதியது. இதில் காரில் இருந்த வில்சன், அவரது 2 மகள்கள், ஆட்டோ ஓட்டுநர், இருசக்கர வாகனத்தை ஓட்டி வந்தவர்கள் காயமடைந்தனர். சிகிச்சைக்காக அவர்கள் கீழ்ப்பாக்கம் அரசு மருத்துவமனையில் அனுமதிக்கப்பட்டனர். வில்சன் காலில் முறிவு ஏற்பட்டு தீவிர சிகிச்சை பிரிவில் சேர்க்கப்பட்டுள்ளார்.   விபத்து பற்றி வழக்குப்பதிவு செய்த சிந்தாதிரிப்பேட்டை போக்குவரத்து புலனாய்வு காவல்துறையினர், சொகுசு காரை ஓட்டி வந்த அண்ணா நகரைச் சேர்ந்த 56 வயதான ராதாகிருஷ்ணன் என்பவரை கைது செய்தனர். அவர் மது போதையில் காரை இயக்கியது விசாரணையில் தெரிய வந்துள்ளது.   இதையும் படிக்க: தற்காப்புக்காக தந்தையை கொலை செய்த மகள்.. வழக்கிலிருந்து விடுவித்த எஸ்.பி
http://dlvr.it/S8BnpH

Read More

கூட்டுறவு வங்கியில் போலி நகைகள் மூலம் கடன் பெற்று மோசடி - 10 பேர் மீது வழக்குப்பதிவு

நாமக்கல் மாவட்டம் மல்லசமுத்திரம் கூட்டுறவு வங்கியில் போலி நகைகளை அடகு வைத்து கடன்பெற்ற மோசடி தொடர்பாக, 10 பேர் மீது வழக்குப்பதிவு செய்யப்பட்டுள்ளது. திருச்செங்கோடு அருகே மல்லசமுத்திரம் தொடக்க வேளாண்மை கூட்டுறவு கடன் சங்கத்தில் கடந்த 18 ஆம் தேதி நடத்தப்பட்ட ஆய்வில், போலி நகைகள் அடகு வைத்து பணம் பெறப்பட்டிருப்பது கண்டுபிடிக்கப்பட்டது. இந்த விவகாரத்தில் வங்கியின் எழுத்தர்கள் சரோமணி, சுந்தர்ராஜ், சிவலிங்கம் ஆகியோர் பணியிடை நீக்கம் செய்யப்பட்டனர். வங்கியின் தலைவர் சுந்தரராஜன், தனது பதவியை ராஜினாமா செய்தார். வங்கி இயக்குநர்களின் ஒருவரான கிருஷ்ணசாமி என்பவர், 14 வங்கி கணக்குகளில் போலி நகைகளை அடகு வைத்து 11 லட்சம் ரூபாய்க்கும் மேல் கடன்பெற்று மோசடி செய்திருப்பது அம்பலமானது. திருச்செங்கோடு சரக கூட்டுறவு வங்கிகளின் துணைப் பதிவாளர் வெங்கடேசன் அளித்த புகாரின்பேரில், கிருஷ்ணசாமி, சரோமணி, சிவலிங்கம், சுந்தர்ராஜ் மற்றும் கூட்டுறவு வங்கியின் உறுப்பினர்கள் 6 பேர் என 10 பேர் மீது வழக்குப்பதிவு செய்யப்பட்டுள்ளது. நிபந்தனை ஜாமீன்: சிறையில் இருந்து வெளியே வந்த நடிகை மீரா மிதுன்  இதனிடையே, வங்கி இயக்குநர் கிருஷ்ணசாமி, அடகு வைக்க கொண்டுவந்த நகைகள் தங்கம்தான் என்றும், அதன் பின்னர் யாரேனும் மாற்றியிருக்கக் கூடும் என்று நகை மதிப்பீட்டாளர் அங்கமுத்து கூறியுள்ளார். தற்போது மோசடி வெளியாகியுள்ள நிலையில், போலி நகைகளை மீட்க தன்னிடம் 5 லட்சம் கொடுக்குமாறு மிரட்டி இதுவரை 3 லட்சத்து 40 ஆயிரம் ரூபாய் பணத்தை பறித்துள்ளதாக அங்கமுத்து குற்றம்சாட்டியுள்ளார்.
http://dlvr.it/S8Bnp0

Read More

வடகிழக்கு பருவமழை - முதலமைச்சர் இன்று ஆலோசனை

வடகிழக்கு பருவமழை முன்னெச்சரிக்கை நடவடிக்கைகள் தொடர்பாக முதலமைச்சர் மு.க.ஸ்டாலின் இன்று ஆலோசனை நடத்துகிறார். தமிழகம் முழுவதும் வடகிழக்கு பருவமழை அடுத்த மாதம் இறுதி அல்லது நவம்பர் மாத ஆரம்பத்தில் தொடங்கும் என எதிர்பார்க்கப்படுகிறது. முன்னெச்சரிக்கை நடவடிக்கையாக ஏரிகள், நீர் நிலைகள், நீர்வழித்தடங்கள் தூர்வாரப்படுகின்றன. சென்னை மாநகராட்சிக்கு உட்பட்ட பகுதிகளிலும் மழைநீர் வடிகால்களை சீரமைக்கும் பணி நடைபெற்று வருகிறது. இந்த நிலையில் பருவமழை முன்னெச்சரிக்கை நடவடிக்கைகள் தொடர்பாக முதலமைச்சர் மு.க. ஸ்டாலின் முக்கிய ஆலோசனை நடத்துகிறார். தலைமைச் செயலகத்தில் நடைபெறும் இக்கூட்டத்தில் மூத்த அமைச்சர்கள், தலைமைச் செயலாளர் மற்றும் உயரதிகாரிகள் பங்கேற்கின்றனர். அமெரிக்கா: இந்திய வம்சாவளியினரை சந்தித்துப் பேசிய பிரதமர் நரேந்திர மோடி  பருவமழை முன்னேற்பாடு தொடர்பாக இதுவரை மேற்கொள்ளப்பட்டுள்ள நடவடிக்கைகள் குறித்து முதலமைச்சர் கேட்டறிவார் எனத் தெரிகிறது. மழையால் மக்கள் பாதிக்கப்படாத வகையில் பணிகளை துரிதப்படுத்த அவர் அறிவுரை வழங்குவார் என்றும் எதிர்பார்க்கப்படுகிறது.
http://dlvr.it/S8Bnmr

Read More

̀ஆடையைக் குறைத்தால் ஆளுமை என்றால் ராக்கி சாவந்த் கூட ஆளுமைதான்!' - உ.பி சபாநாயகரின் சர்ச்சை பேச்சு

அடுத்த ஆண்டு உத்தரப் பிரதேசத்தில் தேர்தல் நடைபெறுவதைக் குறிவைத்து பாஜக சார்பில் `பிரபுத்த ஜன்' என்ற கூட்டத்தொடர் நடைபெறுகிறது. இந்நிலையில், உன்னாவ் தொகுதியில் நடந்த கூட்டத்தில் பேசிய மாநில சட்டசபை சபாநாயகரான ஹிருதாய் நாராயண் தீக்‌ஷித், ``காந்தி மிகக் குறைவான ஆடை அணிந்திருந்தார். ஒரு வேட்டி மட்டுமே உடுத்தி வாழ்ந்தார். மக்கள் அவரை `பாபு' என்று அழைத்தனர். ஒருவர் தன் உடைகளைக் குறைப்பதன் மூலம் பெரிய மனிதராகிவிட முடியும் என்றால் நாட்டில் ராக்கி சாவந்த்தான் மிகப்பெரிய ஆளுமையாகக் கருதப்படுவார்" என்று கூறினார். தீட்ஷித் பேசும் இந்தக் காணொளி சமூக வலைதளங்களில் வைரலானது. எதிர்கட்சிகளான சமாஜ்வாடி கட்சி மற்றும் காங்கிரஸால் அது தீவிரமாக விமர்சிக்கப்பட்டு வருகிறது.ராக்கி சாவந்த் Also Read: `வரதட்சணை பெறமாட்டோம்' உறுதிமொழி; மீறினால் பட்டதாரி சான்றிதழ் ரத்து! - கேரள பல்கலைக்கழகங்கள் அதிரடி ராக்கி சாவந்த் ஹிந்தி, கன்னடம், தெலுங்கு மற்றும் ஒடியா உள்ளிட்ட மொழிகளில் நடிகையாகவும், தொகுப்பாளினியாகவும், நடனக் கலைஞராகவும் இருந்து வருகிறார். காந்தி மற்றும் ராக்கி சாவந்தை ஒப்பிட்டு தான் பேசியதற்கு விளக்கம் அளித்த தீட்ஷித், ``எவரும் கட்டுரைகள், புத்தகங்கள் எழுதுவதனால் அறிவு ஜீவியாக மாறிவிட முடியது. அதே போல எவரும் காந்தி ஆகிவிட முடியாது என்றுதான் குறிப்பிட்டேன். இதனைச் சரியாக புரிந்து கொள்வீர்கள் என்று நம்புகிறேன்" என் ட்வீட் செய்தார். உன்னாவ் நிகழ்ச்சியில் இவர் பேசியதற்குக் கண்டனம் தெரிவித்த முன்னாள் உத்தரப் பிரதேச முதல்வரும், சமாஜ்வாடி கட்சியின் தலைவருமான அகிலேஷ் யாதவ், ``இந்தக் கருத்தின் மூலம், காந்தியை அவமதித்தது மட்டும் இல்லாமல் பெண்களையும் தீட்ஷித் அவமதித்துள்ளார். அவர்களுக்கு காந்தியைப் பிடிக்காது என்று தெரியும். அவர் தன் கருத்துக்கு மன்னிப்புக் கேட்டாக வேண்டும்" என்று கூறி `பொய்களின் மலர்' (jhooth_ka_phool) என்ற ஹேஷ்டேக்குடன் ட்வீட் செய்தார். உத்தரப் பிரதேச காங்கிரஸ் செய்தித் தொடர்பாளர் அன்ஷு அவஸ்தி வெளியிட்ட அறிக்கையில், ``பாஜக மற்றும் ஆர்.எஸ்.எஸ் தலைவர்களுக்கு காந்தியை அவமதிக்கும் பழக்கும் இருக்கிறது. அவர்கள் சாவர்க்கரை நேசிக்கிறார்கள், காந்தியை வெறுக்கிறார்கள். சபாநாயகர் அவரது பேச்சுக்கு மன்னிப்புக் கேட்டாக வேண்டும்'' எனக் குறிப்பிடப்பட்டிருந்தது.Hriday Narayan Dixit Also Read: ``பிடிச்சவங்க கன்னத்தைக் கடிக்குறது என் வழக்கம்; அது தப்பா?!" - டிவி சர்ச்சை குறித்து நடிகை பூர்ணா இதற்கிடையில், தன்னைப் பற்றிய அடுத்தடுத்த சர்ச்சைப் பேச்சுகளால் மன வருத்தத்திற்கு உள்ளாகியிருக்கிறார் நடிகை ராக்கி சாவந்த். முன்னதாக, பஞ்சாப் காங்கிரஸ் தலைவர் நவ்ஜோத் சிங் சித்துவை, `பஞ்சாப் அரசியலின் ராக்கி சாவந்த்’ என்றார் ஆம் ஆத்மி எம்.எல்.ஏ ராகவ் சதாவு. இந்தப் பேச்சுகளால் கோபமுற்ற ராக்கி சாவந்த், ``உங்கள் அரசியல் சண்டைகளில் என் பெயரை எதற்காக இழுக்கிறீர்கள்?" என்று தன் சமூக வலைதளத்தில் பதிவிட்டார். ராக்கி சாவந்தின் கணவர் வெளியிட்ட வீடியோவில், ``என் மனைவியின் பெயரைப் பயன்படுத்தினால், சட்ட ரீதியான நடவடிக்கையை எதிர்கொள்வீர்கள்" எனக் கண்டனம் தெரிவித்திருக்கிறார்.
http://dlvr.it/S87hW4

Read More

``லவ் ஜிகாத், நார்கோட்டிக் ஜிகாத் கேரளத்தில் இல்லை" விளக்கம் கொடுத்த பினராயி விஜயன்!

கேரள மாநிலம் கோட்டயம் பாலா மறைமாவட்ட கத்தோலிக்க பிஷப் லவ் ஜிகாத் மற்றும் நார்கோட்டிக் ஜிகாத் பற்றி பேசி பரபரப்பைக் கிளப்பினார். இது அரசியல் விவாதமான நிலையில் லவ் ஜிகாத், நார்கோட்டிக் ஜிகாத் கேரளத்தில் இல்லை என கேரள முதல்வர் பினராயி விஜயன் செய்தியாளர்கள் சந்திப்பில் தெரிவித்தார். செய்தியாளர்களிடம் பேசிய பினராயி விஜயன், ``பாலா பிஷப்பின் பிரசங்கம் அனாவசியமானது. காதலையும், போதை மருந்தையும் ஒரு மதத்திற்கானது எனக் கூறுவது சரியல்ல. இதன் பெயரில் விவாதத்தை ஏற்படுத்தி பிரச்னை உருவாக்கலாம் என நினைத்தால் அது நடக்காது. கிறிஸ்தவ மதத்தில் இருந்து இஸ்லாம் மதத்துக்கு மக்கள் மாற்றப்படுவதாக கூறுவது அடிப்படை ஆதாரமற்றது. மதமாற்றம் செய்து ஐ.எஸ் உள்ளிட்ட அமைப்புகளில் சேர்ப்பதாக நடக்கும் பிரசாரங்களின் யதார்த்தம் குறித்து ஆராய்ந்தோம். இளைஞர்களிடையே தீவிரவாத எண்ணம் ஏற்படாமல் இருக்க அரசு கடும் நடவடிக்கை எடுத்துவருகிறது. நார்கோட்டிக் ஜிகாத் குறித்து அடிப்படை ஆதாரமில்லை. பாலா பிஷப்பின் கருத்து துரதிஷ்டமானது. சிலர் அதை விவாதமாக்க முயற்சித்தனர். அவர்களது பிரசாரத்தில் உண்மைத் தன்மை இல்லை. Also Read: `லவ் ஜிகாத் மட்டுமல்ல; போதை ஜிகாத்தும் உண்டு!’ - கேரள அரசியலில் விவாதத்தைக் கிளப்பிய பிஷப் கருத்துபிஷப் மார் ஜோசப் கல்லறங்காட் கேரளத்தில் மதமாற்றம், போதை மருந்து கடத்தல் குறித்து ஆராய்ந்தபோது அதில் சிறுபான்மை மதங்களுக்கு பிரத்யேக பங்கு இல்லை என்பதை அறியமுடியும். கிறிஸ்தவ மதத்தில் இருந்து இஸ்லாம் மதத்திற்கு மதம் மாற்றப்படுவதாக கூறுவது அடிப்படை ஆதாரம் அற்றது. கட்டாய மதம்மாற்றம் குறித்து புகார்களோ, தெளிவான விபரங்களோ கிடைக்கப்பெறவில்லை. சில ஆண்டுகளுக்கு முன்பு கோட்டயத்தைச் சேர்ந்த அகிலா ஹாதியா என்ற பெயரில் இஸ்லாம் மதத்திற்கு மாறியது நிர்பந்தத்தின் பேரில் எனக் குற்றச்சாட்டு எழுந்தது. ஆனால் ஐ-கோர்ட்டும், சுப்ரீம் கோர்ட்டும் அது தவறானது எனத் தெளிவுபடுத்தியது. கிறிஸ்தவ மதத்தில் இருந்து இஸ்லாம் மதத்துக்கு மாற்றி அவர்களை ஐ.எஸ் உள்ளிட்டவைகளில் இணைப்பதாக எழுந்த குற்றச்சாட்டை விசரித்த போது மற்றொரு விஷயம் வெளியே வந்தது. 2019 வரை ஐ.எஸ்-ல் சேர்ந்த நூறு பேரில் 72 பேர் கேரளத்தில் இருந்து வேலை, தொழில் சம்பந்தமாக வெளிநாடுகளுக்குச் சென்று அங்கிருந்து ஐ.எஸ் சித்தாந்தத்தை ஏற்று அதில் இணைந்திருக்கிறார்கள். அதில் கோழிக்கோடு துருத்தியாடைச் சேர்ந்த தாமோதரனின் மகன் பிரஜூ தவிர மற்ற அனைவரும் பிறப்பாலே இஸ்லாமியர்கள். மற்ற 28 பேரும் ஐ.எஸ்.ஐ.எஸ் சித்தாந்தத்தால் ஈர்க்கப்பட்டு கேரளத்தில் இருந்து சென்றவர்கள் என்பது கண்டறியப்பட்டுள்ளது. அந்த 28 பேரில் ஐந்துபேர் மட்டுமே மற்ற மதத்தில் இருந்து இஸ்லாமிற்கு மாற்றப்பட்ட பிறகு ஐ.எஸ் அமைப்பிற்கு சென்றுள்ளனர்.கேரள முதல்வர் பினராயி விஜயன் அதில் திருவனந்தபுரத்தைச் சேர்ந்த நிமிஷா என்ற இந்து மததைச் சேர்ந்த இளம்பெண் பாலக்காட்டைச் சேர்ந்த பெக்ஸன் என்ற கிறிஸ்தவ இளைஞரையும், எர்ணாகுளத்தைச் சேர்ந்த மெரின் ஜேக்கப் என்ற கிறிஸ்தவ இளம் பெண் பெஸ்டின் என்ற கிறிஸ்தவ இளைஞரையும் திருமணம் செய்தபிறகுதான் இவர்கள் இஸ்லாம் மதத்திற்கு மாறியதும், ஐ.எஸ் அமைப்பில் சேர்ந்ததும் நடைபெற்றது. அதுபோல நார்கோட்டிக் ஜிகாத் என்பதும் அடிப்படை ஆதாரம் இல்லாதது. 2020-ல் பதிவு செய்யப்பட்ட நார்க்கோட்டிக் வழக்குகளில் 49.8 சதவிகிதம் குற்றவாளிகள் இந்து மதத்தைச் சேர்ந்தவர்கள். 34.47 சதவிகிதம் இஸ்லாமி மதத்தையும், 15.77 சதவிகிதம் கிறிஸ்தவ மதத்தையும் சேர்ந்த குற்றவாளிகள் ஆவார்கள். எனவே கலங்கிய குட்டையில் மீன்பிடிக்க முயல்பவர்கள் தனிமைப்படுத்தப்படுவார்கள்" என்றார்.
http://dlvr.it/S86YFg

Read More