பிரியங்கா டு சந்திரசேகர் ஆசாத் - உ.பி தேர்தல் களத்தில் உதயமாகும் புதிய அரசியல் சக்திகள் யார் யார்?

உத்தரப்பிரதேசத்தில் அடுத்த ஆண்டு சட்டமன்றத் தேர்தல் நடைபெறவிருக்கிறது. அங்கிருக்கும் கட்சிகள் அனைத்தும் எதிர்வரும் தேர்தலைச் சந்திப்பதற்கான வேலைகளில் தீவிரமாக ஈடுபட்டுவருகின்றன. `உத்தரப்பிரதேசத்தில் ஆட்சியைப் பிடிக்கும் கட்சிதான், நாடாளுமன்றத் தேர்தலில் ஆதிக்கம் செலுத்தும்' என்பது தேசியக் கட்சிகளின் அசைக்க முடியாத நம்பிக்கை. இந்தியாவிலேயே அதிக சட்டமன்றத் தொகுதிகளைக் கொண்டிருப்பதால், எப்போதுமே உ.பி தேர்தல் முக்கியத்துவம் வாய்ந்ததாகப் பார்க்கப்படும். அதிலும் இந்தமுறை உ.பி தேர்தலில் புதிய முகங்கள் பலரும் களம் காணவிருக்கிறார்கள். அவர்களைப் பற்றி அலசுவதுதான் இந்தக் கட்டுரை! பிரியங்கா காந்தி இந்திய அரசியலுக்கு இவர் புதிய முகம் இல்லையென்றாலும், உ.பி அரசியல் களத்துக்கு இவர் புதிய முகம்தான். 2024 நாடாளுமன்றத் தேர்தலை மனதில் வைத்து, உ.பி தேர்தலுக்காகத் தீவிரமாக வேலை செய்து கொண்டிருக்கிறார்கள் காங்கிரஸ் கட்சியினர். ஒருகாலத்தில் காங்கிரஸின் கோட்டையாக இருந்த உத்தரப்பிரதேசத்தில், தற்போது அந்தக் கட்சிக்கு வெறும் ஐந்து எம்.எல்.ஏ-க்கள் மட்டுமே இருக்கின்றனர். உ.பி-யில் கட்சியைப் பலப்படுத்துவதற்காக, இரண்டு ஆண்டுகளுக்கு முன்பாகவே பிரியங்கா காந்தியை உ.பி மாநில பொறுப்பாளராக நியமித்தது கட்சி மேலிடம். கடந்த சில மாதங்களாக உ.பி மாநில காங்கிரஸ் நிர்வாகிகளிடையே நல்லுறவை வலுப்படுத்தும் வேலைகளைப் பிரியங்கா செய்துவருவதாகச் சொல்லப்படுகிறது. பிரியங்கா காந்தி Also Read: உ.பி:7 முனைப் போட்டி... சூடுபிடிக்கும் தேர்தல் களம்! - யோகிக்கு டஃப் கொடுக்கும் தலைவர்கள் யார் யார்? முதற்கட்ட தேர்தல் பணியாக, உ.பியிலுள்ள முக்கியத் தொகுதிகளுக்குக் காங்கிரஸ் தலைவர்கள் நேரில் சென்று, மக்களிடம் குறைகளைக் கேட்டறிய வேண்டுமென உத்தரவிட்டிருக்கிறார் பிரியங்கா. காங்கிரஸ் தலைவர்கள் பலரும் மக்களை நேரில் சந்திக்கத் தொடங்கியிருக்கின்றனர். அடுத்ததாக உ.பி முழுவதும் 12,000 கி.மீ யாத்திரை செல்வதற்குத் திட்டமிட்டிருக்கிறார் பிரியங்கா. சந்திரசேகர் ஆசாத் தலித் மக்களின் உரிமைகளுக்காக மேற்கு உத்தரப்பிரதேசத்தில் இயங்கிவரும் அமைப்பு `பீம் ஆர்மி'. இந்த அமைப்பைத் தோற்றுவித்தவர்தான் சந்திரசேகர் ஆசாத். 2015-ம் ஆண்டில் இந்த அமைப்பைத் தொடங்கிய அவர், 2020-ம் ஆண்டில் ஆசாத் சமாஜ் என்கிற அரசியல் கட்சியையும் தொடங்கினார். தலித் மக்களுக்கு நடக்கும் அநீதிகளுக்கு எதிராகத் தொடர்ச்சியாகக் குரல் கொடுத்து வந்ததன் காரணமாக, உ.பி அரசியலில் தவிர்க்க முடியாத தலைவராக மாறியிருக்கிறார் சந்திரசேகர் ஆசாத். இது, ஏற்கெனவே உ.பி-யில் தலித் மக்களுக்கான அரசியல் கட்சியாகச் செயல்பட்டுவரும் பகுஜன் சமாஜ் கட்சிக்கு பெரும் தலைவலியாக அமைந்திருக்கிறது. 2021 பிப்ரவரியில் வெளியான `டைம்' இதழின், `வருங்காலத்துக்கான வளர்ந்து வரும் 100 தலைவர்கள்' பட்டியலில் ஆசாத்தின் பெயரும் இடம்பெற்றிருந்தது.சந்திரசேகர் ஆசாத் 2020 பீகார் தேர்தலில் இரண்டு தொகுதிகளில் போட்டியிட்ட ஆசாத் சமாஜ் கட்சி, அதே ஆண்டில் உ.பி இடைத்தேர்தலில் புலந்த்ஷஹர் (Bulandshahr) தொகுதியிலும் போட்டியிட்டது. பீகார் தேர்தலில் மிகப் பெரிய தாக்கத்தை ஏற்படுத்தவில்லை என்றாலும், உ.பி இடைத்தேர்தலில் சுமார் 13,000 வாக்குகளைப் பெற்று காங்கிரஸைப் பின்னுக்குத் தள்ளி மூன்றாம் இடம் பிடித்தது ஆசாத் சமாஜ் கட்சி.சந்திரசேகர் ஆசாத்தலித் மக்கள் இனி தங்களது உரிமைகளைக் கேட்கமாட்டார்கள். அவர்களே அவற்றை எடுத்துக் கொள்வார்கள்! ``நாங்கள் பா.ஜ.க-வை எதிர்த்து இந்தத் தேர்தலில் போட்டியிடவிருக்கிறோம். வேலை, படிப்பு, சம உரிமை உள்ளிட்டவற்றை எதிர்பார்க்கும் இளைஞர்கள் அனைவரும் எங்கள் பக்கம் நிற்கிறார்கள்'' என்கிறார் ஆசாத். கடந்த இரு தினங்களுக்கு முன்னர் ஏ.ஐ.எம்.ஐ.எம் கட்சித் தலைவர் அசாசுதீன் ஒவைசியைச் சந்தித்திருக்கிறார் சந்திரசேகர் ஆசாத். எனவே, இவர்கள் இருவரும் ஒன்றிணைந்துகூட உ.பி தேர்தலைச் சந்திக்கலாம் என எதிர்பார்க்கப்படுகிறது. ஆகாஷ் ஆனந்த் பகுஜன் சமாஜ் கட்சித் தலைவர் மாயாவதியின் மருமகன்தான் ஆகாஷ் ஆனந்த். உ.பி-யில் சிறு சிறு தொழில்களைச் செய்துவரும் இவரை, கட்சியின் துணைத் தலைவராக அறிவித்தார் மாயாவதி. இதையடுத்து கட்சிக்குள்ளேயே வாரிசு அரசியலுக்கு எதிர்ப்பு கிளம்ப, அந்தப் பதவியிலிருந்து ஆகாஷை நீக்கினார் மாயாவதி. அதன் பிறகு கட்சியின் தேசிய ஒருங்கிணைப்பாளராக மட்டும் செயல்பட்டுவந்தார் அவர். சமீப காலமாக உ.பி தேர்தல் களத்தில் ஆகாஷ் ஆனந்தையே பகுஜன் சமாஜ் முன்னிறுத்தி வருகிறது. கட்சி விழாக்கள், பொது நிகழ்ச்சிகள் என எல்லாவற்றிலும் ஆகாஷ் தென்படுகிறார். தங்களுக்குப் போட்டியாக வந்திருக்கும் சந்திரசேகர் ஆசாத்தைச் சமாளிக்க, இளம் தலைவரான ஆகாஷ் ஆனந்தை பகுஜன் சமாஜ் முன்னிறுத்துவதாகச் சொல்கிறார்கள் அரசியல் நோக்கர்கள். உ.பி தேர்தலுக்கான பொறுப்புகள் பலவற்றையும் ஆகாஷ் ஆனந்த்திடம் மாயாவதி ஒப்படைத்திருப்பதாகவும் கூறப்படுகிறது.ஆகாஷ் ஆனந்த் பகுஜன் சமாஜ் கட்சியின் பொதுச் செயலாளர் சதீஷ் மிஷ்ராவின் மகன் கபில் மிஷ்ராவும், மருமகன் பரேஷ் மிஷ்ராவும் சமீபத்திய கட்சி நிகழ்வுகளில் முன்னிறுத்தப்பட்டுவருகின்றனர். எனவே, இளைஞர்களை முன்னிறுத்தி எதிர்வரும் தேர்தலைச் சந்திக்க மாயாவதி திட்டமிட்டிருப்பதாகத் தெரிகிறது. ஜெயந்த் செளத்ரி ராஷ்டிரிய லோக் தளம் கட்சியின் தலைவர் அஜித் சிங் கொரோனா பாதிப்பால் கடந்த மே 6-ம் தேதியன்று உயிரிழந்தார். இவர், மன்மோகன் சிங், வாஜ்பாய், நரசிம்ம ராவ், வி.பி.சிங் எனப் பல பிரதமர்களின் அமைச்சரவையில் அமைச்சராக இருந்தவர். எப்போதும் விவசாயிகளின் பக்கம் நிற்கும் இவர், பா.ஜ.க அரசு கொண்டுவந்த புதிய வேளாண் சட்டங்களைக் கடுமையாக எதிர்த்தவர். இவரது மகன்தான் ஜெயந்த் சிங் செளத்ரி. 2009 நாடாளுமன்றத் தேர்தலில் உ.பி-யின் மதுரா தொகுதியில் போட்டியிட்டு வெற்றிபெற்றிருக்கிறார் ஜெயந்த். தந்தையின் மறைவுக்குப் பின்னர், ராஷ்டிரிய லோக் தளம் கட்சியின் தலைவராகப் பொறுப்பேற்றுக் கொண்டு, உ.பி தேர்தல் களத்தைச் சந்திக்கவிருக்கிறார். மேற்கு உத்தரப்பிரதேசத்தில் அஜித் சிங்குக்கு இருக்கும் செல்வாக்கு வேறெந்த அரசியல் தலைவருக்கும் இல்லை. அந்தச் செல்வாக்கைச் சாதகமாக்கி வரவிருக்கும் சட்டமன்றத் தேர்தலுக்குத் தயாராகிக் கொண்டிருக்கிறது ராஷ்டிரிய லோக் தளம்.ஜெயந்த் செளத்ரி Also Read: புதிரான புதின்; `தில்' வெற்றியா, `தில்லு முல்லு' வெற்றியா? - ரஷ்ய நாடாளுமன்றத் தேர்தல் சம்பவங்கள்! கூட்டணி குறித்த பேச்சுவார்த்தைகளில் ஈடுபட்டுவரும் ஜெயந்த், ``இந்தத் தேர்தலில் பசு வதை, லவ் ஜிகாத் உள்ளிட்ட பிரச்னைகளை வைத்து அரசியல் செய்வது எடுபடாது; மாறாகக் கல்வி, சுகாதாரம், வேளாண் சட்டங்களை எதிர்த்து நிற்கும் விவசாயிகளின் பிரச்னைகள் ஆகியவைதான் முக்கியத்துவம் பெறும்'' என்றிருக்கிறார்.நாளுக்கு நாள் புதிய அரசியல் முகங்கள் உதயமாகிக் கொண்டிருப்பதால், உ.பி தேர்தல் களம் சூடுபிடித்திருக்கிறது!
http://dlvr.it/S8LtKC

Read More

கூடுதல் கட்டணத்தை எஸ்.சி, எஸ்.டி. மாணவர்களிடம் வழங்கிவிட்டோம்: குரு நானக் கல்லூரி விளக்கம்

தமிழ்நாடு அரசின் அறிவுறுத்தல்படி பழங்குடியின, பட்டியலின மாணவர்களிடம் வசூலித்த விண்ணப்பக் கட்டணத்தை திருப்பி செலுத்திவிட்டதாக சென்னை குரு நானக் கல்லூரி விளக்கமளித்துள்ளது. இந்த விளக்கத்தை ஏற்ற சென்னை உயர் நீதிமன்றம், அதுதொடர்பான வழக்கை முடித்துவைத்துள்ளது. தமிழ்நாடு அரசின் உத்தரவுகளுக்கு முரணாக சென்னை வேளச்சேரி குரு நானக் கல்லூரியில் மாணவர் சேர்க்கைக்காக விண்ணப்பங்கள் வழங்கும்போது, பட்டியலின பழங்குடியின மாணவர்களிடமும் இளநிலை படிப்புகளுக்கு 300 ரூபாயும், முதுநிலை படிப்புகளுக்கு 500 ரூபாயும் விண்ணப்பக் கட்டணம் வசூலிக்கப்படுவதாக தமிழ்நாடு பல்கலைக்கழகங்கள் மற்றும் கல்லூரிகள் எஸ்சி எஸ்டி ஆசிரியர்கள் சங்கத்தின் சார்பில் அதன் செயலாளர் கே. கண்ணையன் வழக்கு தொடர்ந்திருந்தார். இந்த வழக்கு தலைமை நீதிபதி சஞ்ஜிப் பானர்ஜி, நீதிபதி ஆதிகேசவலு அமர்வில் விசாரணைக்கு வந்தபோது, மனுதாரர் தரப்பில் வழக்கறிஞர் டி.காஞ்சனா, அரசு தரப்பில் அரசு பிளீடர் பி.முத்துக்குமார், குரு நானக் கல்லூரி தரப்பில் வழக்கறிஞர் கார்த்திக் சேஷாத்திரி ஆகியோர் ஆஜரானார்கள். தொடர்புடைய செய்தி: மாணவர்கள் போராட்டம் எதிரொலி: ராஜா முத்தையா மருத்துவக் கல்லூரிக்கு அரசு கட்டணம் நிர்ணயம் அப்போது குரு நானக் கல்லூரி தரப்பில் எஸ்.சி., எஸ்.டி. மாணவர்களிடம் வசூலித்த கட்டணம் திருப்பி கொடுக்கப்பட்டுவிட்டதாக தெரிவிக்கப்பட்டது. அரசு தரப்பில், ‘விண்ணப்பக் கட்டணம் எவ்வாறு வசூலிப்பது, கூடுதலாக வசூலித்த தொகையை திருப்பி செலுத்துவது ஆகியவை குறித்து கல்லூரி கல்வி இயக்குனர் மூலம் அனைத்து மண்டல இணை இயக்குனர்களுக்கும் சுற்றறிக்கை அனுப்பபட்டு, அனைத்து மண்டலங்களிலும் ஆய்வு மேற்கொள்ளப்பட்டது’ என தெரிவிக்கப்பட்டது. மேலும் எஸ்.சி., எஸ்.டி. மாணவர்களிடம் வசூலித்த கட்டணத்தையும், பிற மாணவர்களிடம் கூடுதலாக வசூலித்த கட்டணத்தையும் கல்லூரிகள் திருப்பி செலுத்தி வருவதாக தெரிவிக்கப்பட்டது. இவ்விளக்கங்களை ஏற்றுக்கொண்டு, குரு நானக் கல்லூரிக்கு எதிரான வழக்கை நீதிபதிகள் முடித்துவைத்து உத்தரவிட்டனர்.
http://dlvr.it/S8KBjf

Read More

வங்கக்கடலில் உருவாகிறது 'குலாப்' புயல் : ஒடிசா - ஆந்திரா இடையே கரையை கடக்கும் என கணிப்பு

வங்கக்கடலில் நிலைகொண்டுள்ள ஆழ்ந்த காற்றழுத்த தாழ்வு மண்டலம், அடுத்த 12 மணிநேரத்தில் புயலாக வலுப்பெறும் என வானிலை ஆய்வு மையம் தெரிவித்திருக்கிறது. காற்றழுத்த தாழ்வுப்பகுதி தற்போது ஆழ்ந்த காற்றழுத்த தாழ்வு மண்டலமாக வங்கக்கடலில் நிலைகொண்டுள்ளது. ஆழ்ந்த காற்றழுத்த தாழ்வு மண்டலம் 12 மணிநேரத்தில் புயலாக வலுப்பெறும் என இந்திய வானிலை மையம் கணித்திருக்கிறது. புதிதாக உருவாகும் புயலுக்கு பாகிஸ்தானால் பரிந்துரைக்கப்பட்ட குலாப் பெயர் வைக்கப்படுகிறது. வடமேற்கு திசையை நோக்கி நகரும் ’குலாப்’ புயல் ஒடிசா - வடக்கு ஆந்திரா இடையே 26ஆம் தேதி மாலை கரையை கடக்கும் என கணிக்கப்பட்டுள்ளது. 
http://dlvr.it/S8JJBW

Read More

பெங்களூர் அணியை வீழ்த்தி புள்ளிப்பட்டியலில் முதலிடத்திற்கு முந்தியது சென்னை சூப்பர் கிங்ஸ்

நடப்பு ஐபிஎல் சீசனின் 35-வது லீக் ஆட்டத்தில் சென்னை சூப்பர் கிங்ஸ் மற்றும் ராயல் சேலஞ்சர்ஸ் பெங்களூர் அணிகள் விளையாடின. ஷார்ஜா கிரிக்கெட் மைதானத்தில் நடந்த இந்த ஆட்டத்தில் டாஸ் வென்ற சென்னை சூப்பர் கிங்ஸ் அணியின் கேப்டன் தோனி, பந்து வீச்சை தேர்வு செய்தார். கோலி - படிக்கல் தொடக்கம்!  பெங்களூர் அணிக்காக அந்த அணியின் கேப்டன் விராட் கோலி மற்றும் தேவ்தத் படிக்கல் தொடக்க ஆட்டக்காரர்களாக களம் இறங்கினர். இருவரும் பெங்களூர் அணி ரன் குவிப்பதற்கான அஸ்திவாரத்தை பலமாக அமைத்துக் கொடுப்பதில் வல்லவர்கள். இந்த சீசனில் கோலி - படிக்கல் இணையர் ராஜஸ்தான் அணிக்கு எதிரான ஆட்டத்தில் 178 ரன்களுக்கு பார்ட்னர்ஷிப் அமைத்திருந்தனர் என்பதும் குறிப்பிடத்தக்கது. அதே போல இந்த ஆட்டத்திலும் முதல் விக்கெட்டிற்கு 111 ரன்களுக்கு பார்ட்னர்ஷிப் அமைத்து அசத்தினர்.  கோலி அரைசதம்! விராட் கோலி 41 பந்துகளில் 53 ரன்களை எடுத்து அவுட்டானார். அவரது இன்னிங்ஸில் ஆறு பவுண்டரிகள் மற்றும் ஒரு சிக்ஸர் அடங்கும். கோலியின் விக்கெட்டை 14-வது ஓவரில் பிராவோ கைப்பற்றினார். இந்த ஆட்டதின் மூலம் கோலி ராஜஸ்தான் ராயல்ஸ் அணிக்கு எதிராக கடந்த ஏப்ரலில் நடைபெற்ற ஆட்டத்திற்கு பிறகு ஐபிஎல் அரங்கில் அரைசதம் பதிவு செய்திருந்தார்.  படிக்கல் அசத்தல்! மற்றொரு தொடக்க ஆட்டக்காரரான தேவ்தத் படிக்கல் 50 பந்துகளில் 70 ரன்களை சேர்த்து அசத்தினார். ஐந்து பவுண்டரி மற்றும் மூன்று சிக்ஸர்களை விரட்டியிருந்தார் படிக்கல். அவர் களத்தில் இருந்த வரை ரன் குவிப்பதில் பிஸியாக இருந்தார்.  ஏமாற்றிய பின்வரிசை பேட்ஸ்மேன்கள்! வெற்றிகரமான தொடக்கம் கிடைத்தும் பெங்களூர் அணி அதை கேரி செய்ய தவறிவிட்டது. டிவில்லியர்ஸ், டிம் டேவிட், மேக்ஸ்வெல், ஹர்ஷல் பட்டேல் என நான்கு விக்கெட்டுகளை சொற்ப ரன்களில் அவுட்டாகி வெளியேறினர். அது பெங்களூர் அணிக்கு பின்னடைவை கொடுத்தது.  டெத் ஓவர்களில் அசத்திய சென்னை பவுலர்கள்! 200 ரன்களுக்கு மேல் பெங்களூர் அணி எடுக்கும் என்ற போக்கில் தான் ஆட்டம் நகர்ந்து கொண்டிருந்தது. ஆனால் 17, 19, 20 என மூன்று ஓவர்களில் ஆட்டத்தையே மாற்றிவிட்டனர் சென்னை பவுலர்கள்.  17-வது ஓவரில் தாக்கூர், டிவில்லியர்ஸ் மற்றும் படிக்கல் என இருவரையும் வெளியேற்றினார். அது ஆட்டத்தில் திருப்புமுனையை ஏற்படுத்தியது. டிம் டேவிட் விக்கெட்டை 19-வது ஓவரில் கைப்பற்றினார் தீபக் சஹார். கடைசி ஓவரை வீசிய பிராவோ, மேக்ஸ்வெல் மற்றும் ஹர்ஷல் பட்டேல் விக்கெட்டுகளை கைப்பற்றி அசத்தினார்.  கோலி அவுட்டான பிறகு மொத்தம் 45 ரன்களை தான் பெங்களூர் அணி எடுத்திருந்தது. 20 ஓவர்கள் முடிவில் 6 விக்கெட் இழப்பிற்கு 156 ரன்களை எடுத்தது பெங்களூர்.  சென்னை சேஸிங்… 157 ரன்கள் எடுத்தால் வெற்றி என்ற இலக்கை விரட்டியது சென்னை அணி. ருதுராஜ் கெய்க்வாட் மற்றும் டூப்ளசிஸ் இன்னிங்ஸை தொடங்கினர். ருதுராஜ் செம பார்மில் இருந்தார் என்பதை கடந்த போட்டியிலேயே வெளிப்படுத்தி இருந்தார். அதே போலவே இந்த இன்னிங்ஸையும் அணுகினார். அவருக்கு டூப்ளசிஸ் நல்ல கம்பெனி கொடுத்தார். அதன் பலனாக பவர் பிளே ஓவர் முடிவில் விக்கே இழப்பின்றி 59 ரன்களை எடுத்திருந்தது சென்னை அணி.  இருவரும் 71 ரன்களுக்கு பார்ட்னர்ஷிப் அமைத்திருந்தனர். ருதுராஜ் 38 ரன்களிலும், டூப்ளசிஸ் 31 ரன்களிலும் அடுத்தடுத்த ஓவர்களில் அவுட்டாகி இருந்தனர்.  மொயின் அலி - ராயுடு! சென்னை 71 ரன்கள் எடுத்த நிலையில் அணியின் தொடக்க வீரர்கள் இருவரும் அவுட்டானதால் மொயின் அலி, ராயுடு என இருவரும் களத்திற்கு வந்திருந்தனர். மீண்டும் இன்னிங்ஸை முதலில் இருந்து அவர்கள் தொடங்க வேண்டி இருந்தது.  இருவரும் சிறப்பாக ஆட்டத்தின் சூழலை புரிந்து கொண்டு விளையாடினர். மிடில் ஓவர்களில் சிறப்பாக விளையாடி 47 ரன்களுக்கு பார்ட்னர்ஷிப் அமைத்திருந்தனர். மொயின் அலி 23 ரன்களிலும், ராயுடு 32 ரன்களிலும் வெளியேறினர்.  பின்னர் வந்த ரெய்னாவும், தோனியும் சென்னைக்கு தேவைப்பட்ட வெற்றிக்கான ரன்களை அடித்தனர். 11 பந்துகள் எஞ்சியிருக்க சென்னை 4 விக்கெட்டுகளை இழந்து 157 ரன்களை எடுத்து வெற்றி பெற்றது.  பெங்களூர் அணியின் தோல்விக்கு காரணம் என்ன? பெங்களூர் அணி பேட் செய்த போது 10 ஓவர்கள் முடிவில் 90 ரன்களை எடுத்திருந்தது. ஆனால் அதற்கு பிறகான 10 ஓவர்களில் வெறும் 66 ரன்களை மட்டுமே எடுத்து ஆறு விக்கெட்டுகளை இழந்தது. இது தோல்விக்கு மிக முக்கிய காரணமாக அமைந்தது.  “நாங்கள் பேட் செய்த போது 15 - 20 ரன்களை கூடுதலாக எடுத்திருக்க வேண்டும். அதை மிஸ் செய்ததாக கருதுகிறேன். 175 ரன்கள் எடுத்திருந்தால் ஆட்டத்தின் முடிவு மாறியிருக்கலாம். எங்களது பந்து வீச்சும் சிறப்பானதாக இன்று அமையவில்லை. சென்னை அணியின் பவுலர்கள் இரண்டாவது பாதி இன்னிங்ஸில் சிறப்பாக பந்து வீசி இருந்தனர்” என கோலி ஆட்டத்திற்கு பிறகு தெரிவித்திருந்தார்.  சென்னை அணியின் வெற்றிக்கு காரணம் என்ன? “வீரர்கள் அனைவரும் அவரவர் ரோல்களை உணர்ந்து விளையாடியதன் பலன் இது. அதற்காக கடுமையாக உழைத்துள்ளார்கள் எங்கள் அணி வீரர்கள். இங்குள்ள மூன்று மைதானங்களும் முற்றிலும் மாறுபட்டதாக உள்ளது. அதிலும் ஷார்ஜா மைதானம் மிகவும் ஸ்லோவான ஆடுகளமாக உள்ளது. பிராவோ சிறப்பாக பந்து வீசி இருந்தார்” என தோனி வெற்றிக்கு பிறகு தெரிவித்திருந்தார். இந்த வெற்றியின் மூலம் புள்ளிப்பட்டியலில் முதலிடத்திற்கு முந்தியுள்ளது சென்னை.  சென்னை அணி அமீரகத்தில் தொடர்ச்சியாக விளையாடிய ஐந்து போட்டிகளில் வெற்றியை பதிவு செய்துள்ளது. பெங்களூர் அணி அமீரகத்தில் தொடர்ச்சியாக ஏழு போட்டிகளில் தோல்வியை தழுவியுள்ளது. அடுத்த சுற்றுக்கு முன்னேற சென்னை அணிக்கு ஒரே ஒரு வெற்றி மட்டுமே தேவைப்படுவதாக எதிர்பார்க்கப்படுகிறது. இதையும் படிக்கலாம் : ஐபிஎல் கிரிக்கெட்டில் மாஸ் காட்டும் ரஜினி ரசிகர் : மும்பையை மிரட்டிய வெங்கடேஷ் ஐயரின் கதை! 
http://dlvr.it/S8Hv1p

Read More

`எந்தக் கடவுள் இந்த சாமியாரின் காணிக்கையை ஏற்றுக்கொள்வார்?' - சிறார் வதை வழக்கில் கேரள நீதிமன்றம்

கேரளாவில், சிறுமி ஒருவர் சாமியாரால் சிறார் வதை செய்யப்பட்ட வழக்கின் மீது நடத்திய விசாரணையின் போது நீதிபதி, `எந்தக் கடவுள் இதுபோன்ற ஒரு சாமியாரின் காணிக்கையை ஏற்றுக்கொள்வார்?' என்று கேள்வி எழுப்பியுள்ளார். மனநலம் பாதிக்கப்பட்ட பெண் ஒருவர் தன் மூன்று குழந்தைகளுடன் சாலையில் சுற்றித் திரிந்துள்ளார். இதனை கண்டவர்கள், பெண்களுக்கான ஹெல்ப்லைன் நம்பரான வனிதா செல்லிற்கு தகவல் அனுப்பியுள்ளனர். வனிதா செல்லைச் சேர்ந்தவர்கள் தாயையும் பிள்ளைகளையும் மீட்டு மனநல காப்பகத்துக்கு அனுப்பி வைத்துள்ளனர். அப்போது, அந்தப் பெண்ணின் முதல் குழந்தைதான் ஒரு சாமியாரால் சிறார் வதைக்கு உள்ளாக்கப்பட்ட அவலத்தைத் தெரிவித்தது. Sexual Harassment (Representational Image) Also Read: மும்பையில் 15 வயது சிறுமியை மிரட்டி 29 பேர் கூட்டு சிறார் வதை; 26 பேர் கைது! முன்னதாக, கணவரால் கைவிடப்பட்ட அந்தப் பெண் தன் மூன்று குழந்தைகளுடன் ஆதரவற்ற நிலையில் இருந்துள்ளார். இந்நிலையில் சாமியார் ஒருவர் அவர்களை கவனித்துக் கொள்வதாகக் கூறி அழைத்துச் சென்றுள்ளார். ஆனால், அப்பெண்ணின் முதல் குழந்தையான சிறுமியை, குழந்தையின் அம்மா, தம்பி, தங்கையின் முன்னிலையிலேயே ஒரு வருடமாகச் சிறார் வதைக்கு உள்ளாக்கியிருக்கிறார். பள்ளிக்குச் சென்று வந்து கொண்டிருந்த சிறுமியை, நடப்பதை வெளியில் சொன்னால் கொலை செய்வதாக மிரட்டியும் உள்ளார். சாமியாரின் மீது காவல் நிலையத்தில் வழக்குத் தொடுக்கப்பட்டிருந்தது. தொடர்ந்து விசாரணை நடைபெற்று வந்த நிலையில் அவருக்கு ஆயுள் தண்டனை கொடுக்கப்பட்டது. இந்நிலையில் வியாழக்கிழமை நடந்த வழக்கு விசாரணையில் கருத்துக் கூறிய நீதிபதி, ``ஒரு ஆண் தன் மனைவி மற்றும் குழந்தைகளைக் கைவிடும்போது, அந்தப் பெண்ணை மட்டுமல்ல, ஆதரவற்றுப் போகும் அந்தக் குழந்தைகளையும் இரையாக மாற்ற இந்தச் சமூகத்தில் கழுகுகள் காத்திருக்கின்றன.Sexual Harassment (representational image) Also Read: ஆவி விரட்டுவதாகக் கூறி சிறுமியை சிறார் வதை செய்த சாமியார்; துணை போன அம்மா கைது! இந்த வழக்கில், ஒரு சிறுமி, தன் ஆதரவற்ற, மனநலம் பாதிக்கப்பட்ட தாய், மற்றும் தன் தம்பி, தங்கைகளின் முன்னிலையில் ஒரு சாமியாரால் சிறார் வதைக்கு உள்ளாக்கப்பட்டிருக்கிறார். அத்தகைய சாமியாரின் வணக்கத்தையும், காணிக்கையையும் எந்தக் கடவுள் ஏற்றுக்கொள்வார்? அவரை எப்படி கடவுளின் ஊடகமாக மாற்றுவார்?'' என்று கேள்வியெழுப்பியுள்ளார். தொடர்ந்து, பாதிக்கப்பட்ட சிறுமியின் வயது நிரூபிக்கப்படாததால், சிறார் வதை செய்த சாமியாரின் மீது போக்ஸோ மற்றும் இந்திய தண்டனைச் சட்டம் 376(2) பிரிவுகளின் கீழ் வழக்குத் தொடர முடியவில்லை. ஆனால் இந்திய தண்டனைச் சட்டம் 376(1) கீழ் வழக்குத் தொடரப்பட்டு, சாமியாருக்கு அதிகபட்ச தண்டனையாக ஆயுள் தண்டனை அளித்துத் தீர்ப்பளித்துள்ளது நீதிமன்றம்.
http://dlvr.it/S8Hv11

Read More

`அண்ணன் - தங்கை - விஜயாம்மா’ ஒய்.எஸ்.ஆர் குடும்பத்தில் என்ன நடக்கிறது?! -அரசியல் சண்டையா, நாடகமா?

கடந்த 2014-ம் ஆண்டு ஆந்திரா மாநிலம் தெலங்கானா, ஆந்திரா என்று இரண்டு மாநிலங்களாகப் பிரிக்கப்பட்டது. இந்த மாநிலங்கள் இரண்டாகப் பிரிவதற்கு முன்பு இருந்த ஒருங்கிணைந்த ஆந்திராவை ஒன்றிணைத்து வைத்திருக்கும் சக்தி படைத்த கடைசி மனிதராக அறியப்பட்டவர் ராஜசேகர ரெட்டி. காங்கிரஸ் கட்சியின் மாநில தலைவராகவும், ஆந்திராவின் முதல்வராக இருந்த ராஜசேகர ரெட்டி கடந்த 2009-ம் ஆண்டு ஹெலிகாப்டர் விபத்தில் உயிரிழந்தார். அப்போது காங்கிரஸ் கட்சியின் கடப்பா தொகுதியின் நாடாளுமன்ற உறுப்பினர் இருந்த ஜெகன், ஆந்திரா முழுவதும் 3,500 கிலோமீட்டருக்கும் அதிகமான தூரம் நடைப்பயணம் மேற்கொண்டு ஆந்திரா மக்களைச் சந்தித்து வந்தார்.Y. S. Rajasekhara Reddy காங்கிரஸ் கட்சியில் ஏற்பட்ட மனக்கசப்பு காரணமாகக் காங்கிரஸிலிருந்து விலகி 2012-ம் ஆண்டில் ஒய்.எஸ்.ஆர்.காங்கிரஸ் என்று தனது தந்தையின் பெயரில் கட்சியினைத் தொடங்கினர். அவரின் தாயார் விஜயலட்சுமி, விஜயாம்மா என்று எல்லோராலும் அறியப்பட்டவர். இந்த கட்சியின் கௌரவத் தலைவராக நியமிக்கப்பட்டார். 2012-ம் ஆண்டு சொத்துக்குவிப்பு வழக்கில் கைதான ஜெகன் ஒரு வருடத்திற்கும் மேல் சிறையில் இருந்தார். இந்த காலகட்டத்தில், ஜெகனின் தாயாரும், தங்கை ஷர்மிளாவும் மாநிலம் முழுவதும் நடைப்பயணம் மேற்கொண்டு கட்சியை உயிர்ப்புடன் வைத்திருந்தனர். தெலங்கானா என்ற புதிய மாநிலம் பிரிவதை எதிர்த்து சிறையில் ஜெகனும், வெளியில் விஜயம்மாவும் உண்ணாவிரதம் மேற்கொண்டனர். Also Read: தெலங்கானாவில் ஜெகன் தங்கை ஷர்மிளாவின் புதிய கட்சி... ஸ்கெட்ச் கே.சி.ஆருக்கா பா.ஜ.க-வுக்கா? கடந்த 2014-ம் ஆண்டு ஒய்.எஸ்.ஆர்.காங்கிரஸ் கட்சி தனது முதல் பொதுத் தேர்தலைச் சந்தித்தது. இந்த தேர்தலில் 67 இடங்களில் வெற்றி பெற்றது. ஆந்திராவில் சந்திரபாபு தலைமையிலான அரசு அமைந்தது. ஜெகன் எதிர்க்கட்சி தலைவரானார். 2019-ம் ஆண்டு சட்டமன்ற தேர்தலுக்குக் கடுமையாக உழைத்த ஜெகன் மாநிலம் முழுவதும் 3,000 கிலோமீட்டருக்கும் அதிகமாக நடைப்பயணம் மேற்கொண்டார். செல்லும் இடமெல்லாம், ``ஜெகன் வரவேண்டும். எங்களுக்கு ஜெகன் வேண்டும்" என்ற முழக்கங்கள் மேலோங்கியது. தேர்தல் முடிவில் மொத்தமுள்ள 175 இடங்களில் 151 இடங்களைக் கைப்பற்றி பெரும்பான்மையோடு ஆட்சி அமைத்து ஜெகன் முதல்வரானார்.ஜெகன்மோகன் ரெட்டி ஆந்திராவின் முதல்வராக ஜெகன் எடுத்துவரும் நடவடிக்கைகளுக்கு பல்வேறு தரப்பினரும் பாராட்டு தெரிவித்து வருகிறார்கள். இது ஒருபுறமிருக்க இன்னொரு பக்கம் அவர்களின் குடும்பத்திற்குள் புகைந்துகொண்டிருந்த அரசியல் சண்டை இப்போது பற்றி எரிவதாகக் கூறப்படுகிறது. ஜெகன் முதல்வரானதும், அவரின் குடும்ப உறுப்பினர்கள் அரசியலில் தலையிடுவதை விரும்பவில்லை. விஜயாம்மா கௌரவத் தலைவராக இருந்த போதிலும் பெரும்பாலும் எந்த அரசியல் செயல்பாடுகளிலும் ஈடுபடுவதில்லை. இதற்கும் ஜெகனின் உத்தரவு தான் காரணம் என்கிறார்கள். ஷர்மிளா மாநிலங்களவை உறுப்பினர் பதவி கேட்டபோதும் அது மறுக்கப்பட்டதாம். ஜெகன் இல்லாத நேரத்தில் கட்சியை உயிர்ப்புடன் வைத்திருக்கப் பாடுபட்ட இருவருமே கட்சியில் ஓரம்கட்டப்பட்டனர். Also Read: `ஒய்.எஸ்.ஆர் தெலங்கானா' - புதுக் கட்சி தொடங்கினார் ஜெகன்மோகன் தங்கை ஷர்மிளா! இதனால், அதிருப்திக்கு இருந்த ஷர்மிளா தெலங்கானாவில் புதிய கட்சி தொடங்கப் போவதாக அறிவித்தார். சொன்னபடி தனது தந்தையில் பெயரிலேயே ஒய்.எஸ்.ஆர். தெலங்கானா கட்சி என்ற புதிய கட்சியையும் தொடங்கினார். கட்சி ஆரம்ப விழாவில் விஜயாம்மாவும் பங்கேற்றார். தங்கையின் இந்த செயல்பாடு ஜெகனுக்கு கடும் அதிருப்தியை ஏற்படுத்தியுள்ளது. ஒவ்வொரு வருடமும் ரக்ஷா பந்தன் பண்டிகையின் போது ஷர்மிளா ஜெகனை நேரில் சந்தித்து ராக்கி கட்டுவது வழக்கும். இந்த ஆண்டு ட்விட்டரில் மட்டுமே வாழ்த்து தெரிவித்திருந்தார்.ஜெகன்மோகன் ரெட்டி, ஷர்மிளா அதுமட்டுமில்லாது, கடந்த செப்டம்பர் 02-ம் தேதி ஒய்.எஸ்.ராஜசேகர ரெட்டியின் நினைவு தினம் அனுசரிக்கப்பட்டது. தெலங்கானா தலைநகர் ஐதராபாத்தில் ஒய்.எஸ்.ஆர்-ருக்கு நினைவஞ்சலி கூட்டம் ஒன்றினை விஜயாம்மா ஏற்பாடு செய்திருந்தார். இந்த விழாவுக்கு முக்கிய பிரமுகர்கள் பலரும் அழைக்கப்பட்டிருந்த நிலையில், தந்தையின் நினைவிடத்தில் ஜெகன்மோகன் ரெட்டி ஆந்திரா முதல்வரும் தனது மகனுமான ஜெகன் இந்த கூட்டத்தில் பங்கேற்கவில்லை. மாறாக, கடப்பா மாவட்டம் புலிவெந்துலா-வில் உள்ள ஒய்.எஸ்.ஆர்-ரின் நினைவிடத்திற்குச் சென்று மரியாதை செலுத்தினர். இதனால் அவர்களுக்குள் இருக்கும் விரிசல் வெளிச்சமானது. இதுகுறித்து ஒய். எஸ்.ஆர் காங்கிரஸ் கட்சியின் தேசிய செய்தித்தொடர்பாளர் ரவிச்சந்திர ரெட்டியிடம் பேசினோம். ``ஒவ்வொரு குடும்பத்திலும் ஒவ்வொருவருக்குத் தனிப்பட்ட கருத்துக்கள் இருக்கும். ஒரே போன்ற கருத்துக்கள் இருக்கவேண்டும் என்பது இல்லையே. ஷர்மிளா தெலங்கானாவில் கட்சி ஆரம்பிப்பது குறித்து ஜெகன்மோகன் ரெட்டியிடம் பேசும்போது `நான் ஆந்திராவிலேயே இருக்க விரும்புகிறேன். ஆந்திராவின் முன்னேற்றத்தில் கவனம் செலுத்தவேண்டும். இங்குள்ள சவால்களை எல்லாம் கடந்து ஆந்திராவின் மக்களுக்கு பல்வேறு நன்மைகள் செய்யவேண்டும் என்பதில் உறுதியாக உள்ளேன்' என்று கூறிவிட்டார். ஜெகன்மோகன் தெலங்கானாவில் ஒரு புதிய கட்சியைத் தொடங்குவதை விரும்பவில்லை. குடும்பமாக அவர்களுக்குள் எந்த பிரச்னையும் இல்லை. குடும்பம் வேறு கட்சி வேறு" என்றார்.ரவிச்சந்திர ரெட்டி மேலும், ``தெலங்கானாவில் ஒய்.எஸ்.ஆர் மிகவும் பிரபலமானவர். அங்குள்ள மக்கள் மிகவும் கஷ்டப்படுகிறார்கள் என்று ஷர்மிளா எண்ணுகிறார். அங்குள்ள மக்களுக்கு நன்மைகள் செய்யவேண்டும் என்று நினைக்கிறார். ஷர்மிளாவும் தனது தந்தையைப் பின்பற்றி தெலங்கானாவில் புதிய கட்சி தொடங்கியுள்ளார். இந்தியாவில் விருப்பப்படும் யார் வேண்டும் என்றாலும் கட்சி தொடங்கலாம். அது அவர்களின் சொந்த விருப்பம். ஒரே குடும்பத்தைச் சேர்ந்தவர்கள் இரண்டு கட்சியில் இருப்பது புதிதொன்றும் இல்லையே. அம்மா என்றைக்குமே அம்மா தான். அந்த கட்சியில் அவருக்கு எந்த பொறுப்பும் இதுவரை கிடையாது. விஜயாம்மா ஒய். எஸ்.ஆர் காங்கிரஸில் பதவி வகிக்கின்றார். அம்மா என்ற முறையில் அந்த கட்சி தொடக்கவிழாவில் அவர் பங்கேற்றுள்ளார். அதைத் தவிர வேறொன்றும் இல்லை" என்று கூறினார். Also Read: ஒய்.எஸ்.ராஜசேகர ரெட்டி... ஒரு ரூபாய் மருத்துவர் டு ஆந்திராவின் ராஜாவானது வரை! பிறந்த தினப் பகிர்வு ஆந்திராவில் நிலவும் அரசியல் சூழல் குறித்து ஆந்திராவில் உள்ள அரசியல் விமர்சகர் ரவியிடம் பேசினோம். ``ஜெகன்மோகன் குடும்பத்தில் பெரிய பிரச்னைகள் எதுவும் இல்லை. அதே சமயத்தில் ஒய். எஸ்.ஆர் காங்கிரஸ் கட்சியினை தெலங்கானாவில் விரிவாக்கம் செய்யவும் அவருக்கு விருப்பம் இல்லை. ஜெகன் தெலங்கானாவில் வரவிருக்கும் சட்டமன்ற தேர்தலை ஷர்மிளாவை வைத்து ஒரு முன்னோட்டம் பார்க்கிறார் என்று தான் தோன்றுகிறது. தெலங்கானாவில் நடைபெறும் சூழலைத் தொடர்ந்து கவனித்து வருகிறார். தெலங்கானாவில் சந்திரசேகர் ராவ்வின் தலைமையிலான தெலங்கானா இராட்டிர சமிதி கட்சியின் ஆட்சி நடைபெற்று வருகிறது. இங்கு 2023-ம் ஆண்டு சட்டமன்ற தேர்தல் நடைபெற உள்ளது. தெலங்கானாவில் சந்திரசேகர் ராவ்வின் அரசின் மீது சிறிய அதிருப்தி நிலவுகிறது. பல்வேறு கட்சிகளும் இந்த சந்தர்ப்பத்தைப் பயன்படுத்திக்கொள்ள நினைக்கிறார்கள்" என்றார்.அரசியல் விமர்சகர் ரவி மேலும், ``ஒய். எஸ்.ஆர்-க்கு தெலங்கானா மக்களிடம் நல்ல செல்வாக்கு உள்ளது. இம்முறை தெலங்கானாவில் பா.ஜ.க-வுக்கு பெருமளவு வாய்ப்பு கிடையாது. இங்குக் காங்கிரஸ் கட்சிக்கு நல்ல எண்ணிக்கையிலான வாக்கு வாங்கி உள்ளது. இம்முறை ஷர்மிளா தேர்தலைச் சந்தித்தால், காங்கிரஸ் ஓட்டு ஷர்மிளா பக்கம் சாய வாய்ப்புகள் அதிகம். இங்குள்ள கிறிஸ்தவர்கள், பழங்குடியினர் ஒட்டு ஷர்மிளாவுக்கு கிடைக்க வாய்ப்புள்ளது. ஒவைசி-யும் குறிப்பிட்ட வாக்கு சதவிகிதத்தைக் கொண்டுள்ளார். அவர்களின் செயல்பாடுகளும் கவனிக்கத்தக்கது. ஷர்மிளா, விஜயாம்மா இருவருமே ஏற்கனவே செல்வாக்கு பெற்றவர்கள் தான். இவர்களோடு பவன் கல்யாண், சிரஞ்சீவி போன்ற யாரேனும் இணைந்தால் வரும் தேர்தலில் அவர்களுக்கு வெற்றிவாய்ப்பு மிக அதிகம்" என்றார். பல்வேறு போராட்டங்களுக்குப் பின்னர் ஆந்திர அரசியலில் தனக்கென்று ஒரு தனி இடத்தை பிடித்துள்ளார் ஜெகன். இந்நிலையில் தெலங்கானாவில் தன்னுடைய கட்சியை விரிவாக்கம் செய்வதில் ஜெகனுக்கு உடன்பாடு கிடையாது. அதே நேரத்தில், சமீப காலமாக தொடர்ச்சியாகத் தெலங்கானாவில் உள்ள ரெட்டி சமூகத்தினர் பாஜகவில் சேர்ந்து வருகிறார்கள். நாளுக்கு நாள் காங்கிரஸ் கட்சியும் பலவீனமாகி வருகிறது. தெலங்கானாவில் பெரும்பான்மையைப் பெற பாஜக பல்வேறு முயற்சிகளை தொடர்ச்சியாக செய்து வருகிறது. அதன் ஒரு பகுதியாகவே தமிழக பாஜக தலைவர் தெலங்கானா ஆளுநராக நியமிக்கப்பட்ட விஷயமும் பேசப்பட்டது. ஷர்மிளா, விஜயாம்மா தெலங்கானா பாஜகவின் கைகளில் சென்றுவிடுவதை விரும்பாத ஜெகன் தன் தங்கையைக் களமிறக்கி உள்ளார். ஷர்மிளா தெலங்கானாவில் புதிய கட்சி தொடங்கியதற்குப் பின்னால் ஜெகனுக்கு மிக முக்கிய பங்கு இருக்கும் என்றே ஆந்திரா, தெலங்கானா அரசியலை நன்கு கவனித்துவரும் தமிழக அரசியல் விமர்சகர்கள் கூறுகிறார்கள். ஷர்மிளா பாஜகவில் பி-டீம்மாக தான் தெலுங்கானாவில் கட்சி ஆரம்பித்துள்ளார் என்று கூறப்பட்ட நிலையில், வேறு எந்த கட்சிக்காகவும் நான் வரவில்லை. மேலும் இந்த கட்சி வேறு எந்த கட்சியின் கீழும் ஒன்று சேராது என்று அழுத்தமாகக் கூறி அதற்கெல்லாம் முற்றுப்புள்ளி வைத்துள்ளார் ஷர்மிளா.கைது செய்யப்பட்ட ஷர்மிளா ஷர்மிளா இது அனைத்தும் நாடகமா என்ற சர்ச்சைகள் ஒருபுறமிருக்க, ஷர்மிளா தெலங்கானாவில் தீவிர அரசியலில் ஈடுபட்டுவருதோடு அங்கு நடக்கும் பிரச்சனைகளுக்கு எதிராக அடிக்கடி போராட்டம் நடத்தி வருகிறார். சமீபத்தில் தெலங்கானா மாநிலம் ஐதராபாத்தில் பாலியல் வன்கொடுமை செய்யப்பட்டுக் கொல்லப்பட்ட ஆறு வயது சிறுமிக்கு நீதிகேட்டு சிங்கரேணி காலனி பகுதியில் காலவரையற்ற போராட்டத்தில் ஈடுபட்டார். காவல்துறையினர் போராட்டத்தைக் கைவிடக் கோரிய நிலையிலும் போராட்டம் தொடரப்பட்டதினால், காவல்துறையினர் ஷர்மிளாவைக் கைது செய்தனர். கடந்த செப்டம்பர் 21-ம் தேதி நடைபெற்ற கண்டன போராட்டத்திலும் கைது செய்யப்பட்டார். நாளுக்கு நாள் தெலங்கானாவில் ஷர்மிளாவின் அரசியல் இமேஜ் அதிகரித்துக்கொண்டே செல்கிறது என்கிறார்கள் அரசியல் விமர்சகர்கள்.
http://dlvr.it/S8Hv0q

Read More

டெக்சாஸ் கருக்கலைப்பு சட்டத்தால் வலுக்கும் சர்ச்சை... யாருக்கு அதிக பாதிப்பு?

அமெரிக்காவின் டெக்சாஸ் கருக்கலைப்புச் சட்டத்துக்கு எதிராக அந்த மாகாணத்தில் போராட்டங்கள் தீவிரமடைந்துள்ளன. பெண்களை வீதிக்கு வரவழைத்துள்ள இந்தச் சட்டம் குறித்த பின்னணியை சற்றே விரிவாகப் பார்ப்போம். டெக்சாஸ் கருக்கலைப்பு சட்டம் இந்த மாதம் 9-ம் தேதி முதல் அமலுக்கு வந்தது. இந்தப் புதிய சட்டத்தின் முக்கிய அம்சம், ஒரு தாய் கர்ப்பக் காலத்தின் ஆறு வாரங்களுக்குப் பிறகு, வயிற்றில் வளரும் கருவுக்கு இதயத் துடிப்பு உண்டாகியிருந்தால் அக்கருவைக் கலைக்க தடை விதிக்கிறது. மேலும், பாலியல் வன்கொடுமை போன்ற சட்டத்தால் ஏற்றுக்கொள்ளப்படாத வகையில் கரு உண்டாகி ஆறு வாரங்கள் ஆகினாலும், அதனைக் கலைக்க முடியாது என்கிறது இந்தச் சட்டம். இது டெக்சாஸ் பெண்கள் மத்தியில் எதிர்ப்பை ஏற்படுத்தியிருக்கிறது. இந்தச் சட்டத்துக்கு அமல்படுத்துவதற்கு முன்பு, அங்கு 20 வாரங்கள் வரையிலான கருவைக் கலைக்க முடியும். ஆனால், தற்போது ஆறு வார கருவை கலைக்கக்கூடாது என தடை விதிக்கப்பட்டுள்ளது. பொதுவாக, ஆறு வாரங்கள் என்பது கர்ப்பக் காலத்தின் ஆரம்ப கட்டமாகும். பல பெண்களுக்கு அந்த நேரத்தில் கர்ப்பமாக இருப்பது சில சமயங்களில் தெரியாது. ஏனென்றால் 45 நாட்களுக்குப் பிறகே கர்ப்பம் குறித்து பெண்களால் தீர்மானமான முடிவுக்கு வரமுடியும். மருத்துவ வரையறையின்படி ஒரு கர்ப்பிணிப் பெண் தனது மாதவிடாயை இழக்கும் நேரத்தில், நான்கு வார கர்ப்பிணியாக இருக்கிறார் என்கிறது. ஆனால், பல பெண்களுக்கு பல்வேறு உடல்நல காரணங்களால் ஒழுங்கற்ற மாதவிடாய் உண்டாகும் நிலை இருப்பதால், இப்படிப்பட்ட பெண்கள் கருவுறும்போது அதனை மிக தாமதாகவே அறிந்துகொள்ளமுடியும். இதனால், இந்தச் சட்டம் முரண்பாடு மிகுந்தது என்கிறார்கள் போராட்டத்தில் ஈடுபட்டுள்ளவர்கள். இதனிடையே, கருவுற்றிக்கும் தாயின் உடல்நலக் காரணங்களுக்காக கருக்கலைப்புகளை மேற்கொள்ளலாம் என இந்தச் சட்டம் அனுமதிக்கிறது. ஆனால், இதிலும் சில விதிவிலக்குகள் உள்ளன. கர்ப்பம் தாயின் உயிருக்கு ஆபத்தை விளைவிக்கும் வகையில் இருந்தால் மட்டுமே கருக்கலைப்புகளை மேற்கொள்ள முடியும். இதற்காக, செய்யப்படும் சோதனைகளை அரசு தீவிரமாக கண்காணிக்கும் என்று சொல்லப்பட்டுள்ளது. மேலும், மைனர் பெண்கள் கருக்கலைப்பு பராமரிப்பைப் பெற, தங்களின் பெற்றோரின் அனுமதி பெற வேண்டும். இதுவும் பெண்கள் மத்தியில் எதிர்ப்பை ஏற்படுத்தியுள்ளது. இந்தச் சட்டத்தால் அதிகம் பாதிக்கப்படுவது யார்? டெக்சாஸில் 70 லட்சம் பெண்கள், குழந்தை பிறக்கும் வயது கொண்டவர்கள். இதில் பலர் கறுப்பின பெண்கள் மட்டுமல்ல, பலர் சட்டத்துக்கு புறம்பாக குடியேறியவர்களும் இருக்கிறார்கள். இவர்கள் குறைந்த வருமானம் கொண்டவர்கள். கருக்கலைப்பு நடைமுறைக்கு செலவாகும் 550 டாலரை விட குறைவான வருமானம் கொண்ட மக்கள் இவர்கள். 2019-ஆம் ஆண்டில் டெக்சாஸில் நடந்த 70 சதவீத கருக்கலைப்புகள் கறுப்பின பெண்களுக்கே நிகழ்ந்துள்ளன. இதனால். இந்தப் புதிய சட்டம் கறுப்பினப் பெண்கள் மீது அதிக தாக்கத்தை ஏற்படுத்தும். டெக்சாஸ் மாகாணம், கருக்கலைப்பின்போது, பிரசவங்கள்போது ஏற்படும் தாய்வழி இறப்பு விகிதங்களில் முன்னிலை வகிக்கிறது. இப்படிப்பட்ட நிலையில் மாகாண அரசு கொண்டுவந்துள்ள சட்டம் விமர்சனங்களையும் பெண்கள் மத்தியில் போராட்டங்களையும் எதிர்கொண்டுள்ளது. அமெரிக்க அதிபர் ஜோ பைடன், ``பெண்களின் ஆரோக்கியத்தோடு, உயிரோடு இச்சட்டம் விளையாடுகிறது" என்று கூறி கடும் கண்டனங்களைப் பதிவு செய்துள்ளார். ஆனால், இந்த எதிர்ப்புக்கு மத்தியில் சட்டம் அமலுக்கு வந்துள்ளது. சட்டம் தொடர்பாக வழக்கு தொடர்ந்தும் பலனில்லை. நீதிமன்றங்கள் மனுவை தள்ளுபடி செய்துள்ளன. - மலையரசு
http://dlvr.it/S8FDvH

Read More